ISRAEL MOSSAD SPY CHHAWR MAN A NI

Hnuchhuina lampang chi ho
HLalthazuala
Posts: 142
Joined: March 19th, 2018, 6:51 pm

ISRAEL MOSSAD SPY CHHAWR MAN A NI

Unread post by HLalthazuala » May 19th, 2018, 9:37 pm

ISRAEL MOSSAD SPY CHHAWR MAN A NI
********************************************
SOURCE : ALLENBY SELA ZOZION
***********************************



Vanduaithlâk takin Lebanon khuaa Mossad spy chawrlaite chu Khizbullah Hel ho ten an man chhuak leh ta tlat mai!! Heng Mossad spy chhawr lai pathum an man zinga pakhat phei chu Eli Cohen II an ti hial a, a ṭhente chuan Lebanon Eli Cohen te an ti bawk.
Lebanon khuaa Motor ṭha chi zuartu lian ber pakhat, Motor workshop pawh chang tlung tak nei, Petrol pump pawh nitin darkar 24 hawng khawpa dawrtu ngah Bargwan Fakia chu karthum zet a chanchin hriat lova a bo pil ta vang vang hnuah, a nupui fanau, ṭhenawm khawvengte leh a hnuaia inhlawhfa ho leh a mah dawrtute an mangang ṭanta tihah, Khizbullah ho chuan Mossad spy chhawrlai an man thu an puang ve ta chiah mai a!! mite thin a ṭhawng hle mai!!
Margwan Fakia hi Khizbullah hoten ram pâwn aṭanga motor zawrh tur la lut tu leh zuar nghal tu zinga an Agent lian ber atana an hman a ni a, tichuan, ram pâwn aṭanga a motor lakluh thar, a ṭha chi zinga mite chu Khizbullah ho chuan man tlâwmte in an lo leisak ta ṭhin a ni. Tin, chu mai ni lovin, Bargwati Fakia motor siamna workshop hi Khizbullah ho chuan an motor siam tirna hmun berah an hmang a, anin man tlâwm takin, ṭha tak siin a lo siam ṭhat sak ṭhin a, tin, a châng phei chuan, anmahni dawrna a zâra lo hausa chho zel a nih thu hrilhin petrol te pawh a thlawnin a thun tir zauh zauh ṭhin bawk a, Khizbullah ho tân chuan "Sekibuhchhuak" a ni ngawt hial awm e.
Margwati Fakia hi Khizbullah ho ten Israel an huatzia tlângau a mipui tam tak ten kawng an zawhnaah pawh a langsar ber berah tel ve in, Israel huatna thu chiang tak leh ring taka aupui lawng lawng ṭhin tu a ni a, hei vang hian Khizbullah ho chuan an uipa anga enin, an aihnah phahpui anga enin, rinhlelhna reng an nei lo va, an ngaina a, an zah a, an dawr mawlh mawlh mai a ni ber.

Kum 2006 a Israel in Khizbullah ho a nuai laite pawh khan Bargwati Fakia chuan Khizbullah ho hnenah a thlawnin Petrol a thun tir chur chur mai a, " Israel ho in hnehna tur a nih dâwn phawt chuan ka engmah ka ui lo," tiin Khizbullah hotute a hnenah a in phal zia thu sawiin a titi pui ṭhin a ni.
Bargwati Fakia hi kum 30 bawr vel a nih laiin, kum 1990 bawr vel aṭang khân Israel Mossad chuan an spy atân an lo chhawr ṭan tawh a, thil hlu leh pawimawh a rawlhruk apiangin lawmman a lungawina tâwk an pe zel ṭhin.
Tichuan, amahin sumdawnna lam beih a lo châk ve bawk nen, Israel hnen aṭanga sum engemaw zât a lo dawn ṭhin a khawl khâwm aṭangin sum dâwnna lam a lo buaipui ṭan ta a, he a sumdâwn ṭanna tur atan pawh hian Israel sum chu tam tak advanced in a la awm e, tichuan, ram pâwn aṭanga motor, Foreign Car la lut tu leh zuartu a lo ni chho ta a, midangte aia a hralh tlâwm phal avangin Khizbullah ho chuan an dawr nghal var mai a, a dawr hmelhriattirtu leh, Khizbullah ho hnena a Car lei sak ti a thlem tu, an hmuia chithlum tah sak tu zawng an awm ngei ang.
Tichuan, Margwati Fakia chuan a sumdâwnna chu a lo ti lian chho thei ta zel a, motor hralh mai duh tâwk lovin, motor workshop a din ta nghal bawk a. Hei hi a ṭhatna em em chu, a motor thar leituten sawiselna leh sawisel lai deuh an neih pawhin, midang pan ngai lovin amah an rawn pan theih phah a, tin, amah dawrtute chu a duhsak ṭhin avangin, an motor siam ṭhat ngai emaw reng rengin hmun dang pan lovin Bargwati Fakia workshop hi an pan mai ṭhin a, heng zinga Khizbullah memberte phei chu a man awm mang lo te in a lo siam ṭhat sak bakah Petrol te pawh tanky full in a lo present ṭhin a, hei vang hian, Bargwati Fakia leh Khizbullah ho chu an in hnimhnai em em ṭhin a ni.
Amaherawh chu, zan khat chu, zan laiah, Bargwati Fakia In kawngka chu mi tu tih hriat lohten an kik dawt dawt mai a, zan laia chutianga inkaihthawh chu hrethiam duh lovin kawngka kiktute chu a hawn duh lova, mahse, a rawn kiktute chuan by-force in kawngka chu rawn hawngin Bargwati Fakia muhil der chu a hmui leh mit tuamin hmanhmawh takin hlate khuaah an kalbopui ta daih mai a.

Engvangnge ni ang? Miin an report tihna em ni ang? Engtiangin nge Israel tân a spy theih? Zawhna chhan tur a tam ta hle mai. An man chhuah dan leh Israel ram tâna a spy dan chu hetiang hi a ni. Bargwati Fakia motor thar Khizbullah hote lei reng rengah chuan, hralh chhuah a nih hma, a leitute hnena hlan a nih hmain, an ṭawng zawng zawng, an thu sawi zawng zawng record thei tu khâwl te tak te, ṭha zet mai chi chu dah zel a ni a, Khizbullah ho hian an titi na ber leh, thu pawimawh an sawina ber chu an motor chhung hi a nih tlat avangin hei hi Israel tân chuan a pawimawh tawpkhâwk reng a ni. Tichuan, Motor thar chu Khizbullah ho chuan an hmang ta ngei a, a hnua motor siam tha tur te, a ṭha lo lai siamṭha turte a motor workshop a an rawn kal pui apiang chuan chu Record na khâwlte chu thlâk a ni ṭhin ta a, hetia Khizbullah ho titi leh thusawi zawng zawng hi Israel chuan thumal khat pawh hlah lovin an lo hriat theih phah ta ṭhin a ni.
Tichuan, Israel ram tâna a ṭangkai em avangin leh, chu Record khâwl chuan tuma rinhlelh a hlawh loh avangin, Israel chuan a aia khâwl changkang a hman tir leh ta a, chu chu Satellite hmanga an ṭawng hriattheihna leh, an awmna te, an thiltih laite hmuh theih vek na tur khâwl a ni a, hei hi Khizbulla hote motor lei tharah leh, a workshop a motor an rawn siam tirah te reng reng chuan Bargwati Fakia chuan a lo dah leh ta hmiah hmiah mai a, Israel chuan, mahni In lum aṭangin Satellite leh Computer hmangin, Black coffee in pahin an lo thlir ta veng veng mai ṭhin a, Israel ram tâna thil ṭha lo tihtum tu leh, a hnarkaitu deuhte chu an tân dahṭhat a lo remchang ta zel a, an lo dahṭha fo ta ṭhin reng a ni.
Amaherawhchu vânneihna hian tawp chinte pawh a nei ve ṭhin a, ṭumkhat chu, Khizbullah officer motor pakhat chu, siam ṭhat ngaite siamṭha tura Bargwati Fakai workshop a thlen hnu a, Mechanic ten an ṭhiah darh a, a ṭha lo lai awm an zawnna lamah Mechanic pakhat chuan motor part zinga tel ve lo thil a hmu ta tlat mai a!! Khizbullah motor driver chu enge a nih zâwt turin a ko va, a en tir bawk a, mahse a nin a lo hriat bik si loh avangin, rinhleh loh theih a ni ta lo va, a driver pain a pu, Khizbullah officer chu enge a nih a zâwt a, mahse ani chuan a lo hre si lo. Thil pawimawh tak ni a a lan si avangin Khizbullah hruaitute chuan en turin Workshop lam chu an pan ta a, an han en vang vangin, spy ho hman chi khâwl niin an hria a, tichuan, engmah pawh sawi lovin, Mechanic leh Driver pawh engmah sawi lo tura hrilhin Khizbullah hotute chu an hmunpui lamah an kir leh ta a.

Thil rinhlelhawm a nih avangin ṭhenkhatin enge a ni tih hriattuma an beih laiin ṭhenkhat Khizbullah hotute motor chu an lo check ta nghal bawk a, an rinhlelh ang ngeiin a hotu chinte motorah reng reng chuan chu thil danglam tak mai chu an hmuh belh ta zel mai a, tichuan, a rukin an chhui nghal ta char char a. Mut mu pawh an tuah thei ta lo. An Engineer te leh an scientist ten an han endik meuh chuan, ṭhenkhat aw record na ṭha ber ber chi te, ṭhenkhat Sattelite nena in thlunzawm, an che vel leh an ṭawng zawng zawngte chiang taka man theih tu a nih an hre ta nghal a!!.
Tichuan, Khizbullah hotu rualte chuan tu tih nge ni ang ti a bengsika an thiamna zawng zawng sawm khâwma an ngaihtuah tlan hnu a, rinhlelh tur dang zawng zawng zinga an rinhleh ber chu motor zuar tu, motor workshop pawh nei nghal leh Petrol pump pawh nei bawk Bargwati Fakia chu a ni lo thei ta lo va, tichuan, zanlaiah an va ṭhawng ta a, an va ru chhuak ta a, hmun biruah hruaiin dimdawina leh khawngaihna tel map lovin an lo dawp ta pawp pawp mai a ni.
A tirah chuan Bargwati Fakia chu a pha viau va, insawi fel theih a in beisei a ni. A chhan chu Khizbullah hruaitu lawk te chu a ṭhian ṭhate anga a lo en ti ila, anmahni, a hausakna zâr zo, amah ṭhianṭha bera anga entute an ni a, chuvangin, insawi fel a, phat mar theih inbeiseiin Israel ram tâna a spy loh zia thuin a ṭang ve ṭang ṭang a, mahse, hmelma ram tâna enthlatu chu dim taka dâwp chi a ni si lo va, an dâwp dan an ti na tulh tulh a, loh theih lovin a lo in puang fai ta leng mai!!
A thil tihte Israel ram tana a ṭangkai em avang leh, a chetdan a changkan em avangin mi tam tak chuan 'Lebanon Eli Cohen' te an ti a, ṭhenkhat chuan 'Eli Cohen pahnihna' te an ti bawk. "Tun aṭanga rei lo teah he pa hi khaihlum a ni ang," tiin Khizbullah hruaitute chuan thu an chhuah ta uaih uaih mai a ni.
Tin, he Lebanon Eli Cohen mai bâkah hian Lebanon mi vek, Mossad hoten thla latu atana an hman chu man chhuah a ni nghal bawk a. He pa hi mak danglam ve tak a ni a, Lebanon chhim lama khawpui pakhat sikul ṭha leh changkang zet maia an Principal a ni nghe nghe a, mahse chuti chung chuan, Lebanon ram chhunga Palestinian fikfiak awmkhawmte leh Khizbullah ho te chettlatna laivel zawng zawng thla laa Israel Mossad spy te rawlhruk char char tu a ni tlat bawk.
Kum 1983 aṭang khân he pa hian thlalak pawimawh tak tak Israel Mossad spy hnenah hian an lo rawlhruk tawh hial a. Hetianga an sikul Principal ber, hmelmate lama ṭanga thuruk lo hrilhru tih an hriat hian School a thawhpuite leh, a ṭhenawm khawvengte a barakhaih em em a, chu mi piah lamah chuan a nupui fanaute pawh a barakhaih hle awm e. A chhan pakhat chu Syria ramri lamah Nupui dang a ruka a lo neih vang a ni bawk.
Lebanon School Principal Jarrah chu sikul ban veleh mahni In lum pawh luahlum ṭha ṭhum hman lovin a leng khawthang ṭhin a, chu mai ni lovin, kartawp lamah phei chuan ni hnih/ni thumte a zin bo ṭhin bawk a, hetia a zin bo hian Syria ram va tlawhin Syria ram ri a a nupui ava awmpui ṭhin bakah Syria sipai chet dan vel va thlirin an thla a lo la char char ta ṭhin a ni. Tin, a ṭul dan ang angin Belgium ah te, Italy ah te a zin chhuak ṭhin a, Kum 2006 a Israel in Lebanona Khizbullah hote a beih khan an spy chhawr lai Jarrah hnenah hian a chenna In a tawm im tlat turin an hrilh a, a chhan chu a chenna In chu khawih loh an tiam a ni.
Syria kal tlanga Iran ramin Khizbullah ralthuam an pek, motor lian tak taka an phurh luh laite chu Jarrah hian chiang em emin an thla a lo la hmiah hmiah mai a, tin, Syria sipaiten Israel beih an tum thawm avanga Syria sipai training laite pawh zep theih miah loh turin an thla a lo la char char bawk a, heng hi Israel Mossad spy te chuan chawpleh chilhin an lo dawng nghal ta zung zung ṭhin a ni.

Hetianga Israel Mossad spy te tana ṭhahnem ngai taka hna a thawh avang leh, a hnathawhah Mossad spy ho an lungawi em avangin hlawh pawh an pe ṭha hle a, tin, midang pakhat an duh belh thu an hrilh chuan Jarrah chuan a chhungkhat hnai, Yosud chu a thlem a, tichuan, anin a tih theih loh chin leh a tih vek sen loh chin a lo ti ve ta bawk a, Israel Mossad spy hnen aṭanga sum tam tak an dawn avang hian an chhungkhaw khawsak pawh a changkang chak hle a, Jarrah phei chuan Building Concrete chhawngthum lai sain, compound zau nuam tâwk a siam nghe nghe a, ramdanga a chhungte ṭanpuina zâra a neih anga a sawi avangin tumahin an ringhlel lo va, a lo hausak zel avangin an zah a, an ngaisang ta hial zâwk a.
Mahse, Arpuia lungchhia, sanghara lunglawm ti angin, an vanneihnain a tlin reng thei ta lo va, Khizbullah hoten an lo man chhuak leh ta a!! An nghawnga hrui thlun tur nge, an chala suan mu verh luh tur nge, hrehawm taka na tuartir zeta dah ṭhat tur nge tih an rel mek a ni.
Hetianga Israel Mossad spy te chhawr lai mi 3 zet an man chhuah avang hian Khizbullah hote chu an in hrosa dum dum reng a, chutih lai vek chuan, Israel Mossad spy te chhawr lai an manchhuah avanga fing tâwk an in tih thu an aupui dum dum reng bawk. A pawi ṭhin ngei mai!! Mahse midang chhawr leh mai ang……..

***************ADS CLICK ******************



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)