NATHAN SEASON-3 (Epsidoe-21) MISSION TAMIL NADU (Part-2) by:Aaron Malsawmdawngzuala

Hnuchhuina lampang chi ho
Aaron Dustin
Posts: 121
Joined: March 14th, 2018, 10:15 am

NATHAN SEASON-3 (Epsidoe-21) MISSION TAMIL NADU (Part-2) by:Aaron Malsawmdawngzuala

Unread post by Aaron Dustin » July 8th, 2020, 10:18 pm

NATHAN SEASON-3

(Episode - 21)

MISSION TAMIL NADU

(He joins the Tamil Nadu Police Department Once Again)

(Part-2)

Written by : Aaron Malsawmdawngzuala

************

Duty chu an tan ta hlawm a, officer-te chuan hna thawk tan nghalin nileng mai chuan investigation an nei a. Zan a lo ni a, Nathana bulah chuan a mal te te in report an pe liam liam hlawm a. Officer pakhat chu lo kalin Nathana bulah chuan, "Khawpui chhung pawh a alert tawh khawp mai, mahse tualthattu awm ang chu hmuh ala ni lo. Chuvang chuan kan side lam pawhin hmasawna emaw, improvement engmah kan nei biklo." a lo ti a. Nathana chuan, "Nilove, tualthattu hi ala che chhuak lo a, chu chu keimahni tan improvement tha lutuk a ni zawk. Lungngai suh u, hetiang case ah hi chuan kawng chu a ping a nih pawhin, kawngdang a awm zel tho thin alawm." a ti a. Chutih lai chuan pakhat a lo kal leh a, "Sir, batch code min pek te kha kan chhui chiang a, Mumbai atanga lo thleng a ni e. Damdawi hi Chadargat medical shop ami zawk a ni bawk, Malakpet nilovin." a ti ta mai a.

Atuk zingah chuan Nathana chu Chadargat lam pan chuan a kal ta nghal a, medical shop ah chuan a lut nghal a. Batch code chu dawr nghaktu bulah chuan a entir a, "Ka pu, he code number hmang hian tu bulah nge damdawi i hralh min hrilh thei em? Kan case chhui lai mek tan a pawimawh em a, DCP Nathan ka ni e." a ti a. Dawr nghaktu chuan a han en a, "He damdawi hi kan dawr atang ngei a hralchhuah chu ania, mahse customer tamtak kan nei a, hemi damdawi pawh hi an lo lei fo hlawm a. Athen te phei chu home delivery te pawh kan tihsak a, tu ber nge ka va hre mai love." a ti a. Nathana chuan, "I dawra a bik taka damdawi rawn lei ngun bikte ho hi an address te i chhinchhiah em? Kum 40-45 inkar vel mi ania.." atih lai chuan a bula thingpui rawn petu naupang pakhat chuan, "Sam sei, khabe hmul nei ngah deuh kha aniang.." a rawn ti ta mai a. Nathana chuan naupang bulah chuan, "A address i hria em?" a ti a. Naupang chuan, "Hria e, road no 14 ah a awm." a lo ti a.

Zan a lo thleng leh ta a, Nathana leh officer pakhat chu tualthattu Sniper an zawn mek chenna hmun ah chuan ava kal a, mahse vanduai thlak takin sniper chu a lo chhuak hman chiah chiah a. Nathana chuan kawngka chu a chhuih hawng thuai a, mahse tumah an lo awm lo. Inchhung vel chu a han dap a, syringe a lo tam em em ringawt mai a. Nathana chuan dawhkana chanchinbu tamtak te chu a han enkual leh a, chanchinbu pakhatah chuan MINISTER PUNNYAKOTTI DELHI AH A ZIN DAWN tih a lo inziak kuau mai. NAthana chuan ama hriat tham lek hian, "Delhi lam pan chuan a kal ve ngei ang." a ti nuah nuah a, a chhuak ta nghal a.

***********

Rang mangkhengin Nathana chu airport lam pan chuan a kal ta nghal a, Minister Punnyakoti chu phone a tum reng bawk a. MAhse a la thei silo, a mangang kher mai. Airport chu a thleng a, a chhungah chuan a lut nghal a. Security-te leh police duty-te chuan NAthana rawn lut tawp chu lo dan an tum a, "Ding rawh..tunge i nih a?" tiin an lo au vak vak a. Nathana chuan a badge phawrhin, "Police ka ni e, Minister Punnyakotti nunna hi a derthawng ania, kan chhan angai a ni." a ti a. Polcie dangte pawh chuan Nathana chu an zui nghal a, Minister chu an zawng ta a. Minister erawh a private jet awmna lam panin bus ah chuan alo chuang der tawh mai. Private bus a ni a, amah chauh a chuang a. Bus a kal chiah chu bus tlar hnung atang chuan tualthattu sniper kha alo lang thut mai a, Minister chu ava pan nghal a. Ministeri'n a hmuh chuan aphu zuk a, "Tunge i nih a?" a ti nghal a. Tualthattu chuan Minister chu a rek nghal a, an inchei ta chiam mai.

Thlawhna tum hmunah chuan Nathana chu a va phei a, Minister phurtu bus tlan mek chu ava hmu a. Theihtawpa chakin ava um a, mahse a umpha lo kher mai. Tualthattu chuan Minister chu a rek vak vak a, atawpah chuan a rekhlum ta. Tualthattu chu bus atang chuan a zuang chhuak nghal daih mai a, Minister chuanna bus driver lah chu a hlauthawng lutuk chuan a balance a hlauh a, a kawi ta vak vak mai. Thlawhna lo thlawk chhuak mek lam pan chuan a tlan thut a, thlawhna thlawk chhuak chiah chu bus chuan ava su hman hram a, thlawhna ke chuan a tai ta nge nge a, bus chu a puak ta dur mai. Nathana chu a va tlan phei a, mahse minister erawh ruang tih tur pawh nei manglovin a taksa chu a lo bung rum mai a, a kang sawr vek bawk.

Airport pawn lam pana tualthattu lo tlan chhe dawr dawr lai chu Nathana chuan ava hmu a, a um nghal a. An in um zel a, an tlan thui tawlh tawlh a. An tlanchak dun bawk a, an inman har kher mai. A tawpah chuan NAthana chuan hifhway kawngchung lamah chuan a um chho a, a man ta nge nge a. Chhuatah chuan a bawhbet a, hnek tuma a kut a pharchhuak chiah chu a tawp chiang ngei mai. Chu an misual um mek chu a rinloh lutuk mai hi a lo ni a, Ex-Police Inspector, Pratap Rudra a lo ni reng mai. Pradap Rudra hi Nathana hian a ngaisang thin em em a, Hyderabad-a naupangte a nih lai atang tawh khan Nathana idol leh a hero a ni thin. Pratap-a vanga Police nih chak em em kha a ni reng bawk a, amaherawh chu Police a nih tir lam kha chuan corrupt police a ni kan tih tawh kha. Nathana chuan mak a ti lutuk chu a hnungtawlh dawr a, Pratapa lah chuan hrethiamlo tak chuan a lo en reng ringawt a.

***********

Atuk zingah chuan Pratap-a chu court ah kalpui a ni ta a, a insawifiah nasa ngei mai. Witness box-a ding chung chuan Nathana chu a kawk a, "Sawpa saw mimawl a nih saw, min um chiam a, min man bawk a. Pratap Rudra ka nih hi, Police Inspector hlui ka nih hi. Guntur leh Vizag ah hian kum thum kum 3 ve ve service ka nei thin a, Tirupathi ah kum 4, Cudappah-ah kum 5. CM leh PM hnen atangin award ka dawng tawh bawk. Kum 15 chhung Police ka tan lai khan hmingchhiatna pakhat mah ka nei ngailo, saw DCP sawn min man ve ringawt a.." a tih lai chuan Lawyer chu lo kalin, "Anih chuan engatinge.." a sawi zo hman lo. Pratap-a chuan ring zet hian, "Engvangin nge ka hna atanga ka ban...tih min zawh i tum tiraw? Ni e, ka thu a bang ka ni. Zalen taka misual leng velte hi nitin ka hmu a, hei hian min ti lungngai thin a ni. Nitin mai hian tualthahna, pawngsual, in rawk leh case dang dang ka buaipui angai thin a. Ka ning tawh a ni, ka kham takzet. Ka ngainat thin em em Police hna kha ka bansan a tul ta a, nuam tihna reng ka nei tawh lo. Police Officer te, pawisawilo pawh dim miah lova man a, kut anthlak hian ka thin a rim thin a ni." a ti a.

Lawyer chuan, "Chuti a nih chuan tinge.." a tih lai chuan Pratap-a bawk chuan, "Engvangin nge khalai hmunah khan ka lo awm si?...chu chu em ni min zawh i tum? Chu chu keipawhin ka hre duh asin, tualthahna thlen lai khan khatah khan ka awmlo hrim hrim. Passenger list ah khan ka hming a awm em? Nge ni a flight ticket kha ka ipte atangin police ten an hmu zawk? Airport ah khan mipui tam tak an awm a, mi pakhat talin tualthattu angin min hmu em? Tu emawni in tu emawni a that a, enge thleng ang? Pakhatna ah chuan mi zawng zawng an interrogate anga, a pahnihna ah chuan finger prints expert te an ko ang. A pathumna ah chuan tualthahna thlenna hmun an chinchhiah anga, a palina ah chuan uisathiam an hruai bawk ang. Your Honour, temple-a kal tum ka ni a, heita min man avang hian tualthattu ka ni tihna a nilo." a ti khur khur mai a. Lawyer dang lo thu ve ho chu a han kawk kual a, "Nangni lawyer te hi helaia witness box ah hian ding ve zawk ta ula, polive ten thu zawtfiah ve ta che u sela, eng angin nge in ngaih ang?" a ti vak vak a.

Jugde chuan thu tawp a siam a, "He case ah hian Former Inspector Pratap Rudra chu tualthattu a puh ni mahse, ani ngei e tih finfiahna a awm lo a. Tualthahna thlenna hmuna a lo awm ve avang ringawt khan tualthattu a ni e tih kan sawi thei lo, chuvang chuan custody-a hruaiin awmzia a neilo. Misual a nilova, chuvang chuan court in a bail chhuak e." a ti ta mai a, Nathana chu a thinrim kher mai. Pratap-a erawh chuan judge bulah chuan, "Nilove Sir, bail ka ngai lo. Investigation chu ka paltlang ngei angai anga, Police Station ah kalin ka signature ka pek angai bawk anga, ka chhuah dawnin permission ka dil zel angai bawk anga. Ka peihlo, bail ka duhlo. Kum 15 chhunga ka experience te khan rah tha tak a chhuah a, mahse minute 15 chhung lekin a tham ral mai ang maw? A teuh lo, min remand rawh u, min tan tir rawh u. Police te pawh hi an hnathawh lai chhunzawm tir ula, tualthattu diktak in man hunah min chhuahtir chauh dawnnia. In hmulo a nih leh jail pawh ka tang mai ang, a pawi ka tilo." ati ta sak sak mai. A vawihnihna atan judge chuan thutawp a siam leh ta a, "Pratap Rudra berin bail a duh silova, court chuan ni 14 chhung lock up ah tang se, interrogation neih pui nghal turin thu a chhuah e." a ti a, court chu an bang ta a.

*************

Zan a lo ni a, Pratapa awmna cell ah chuan Nathana chu ava kal a. Pratapa chuan a lo hnungchhawn a, "Lo leng rawh, DCP Nathan." a lo ti vel a. Nathana chuan ngawi rengin a en reng a, Pratap-a bawk chuan, "Khawpuiah hian Police Station tam tak a awm a, Police tam tak an awm bawk. Mahse tuman min man theilo, mei alh ang maia hlauhawm ka ni a, tuman min chhuichhuak ngailo bawk." a ti a. Nathana chuan, "Ka hria alawm, dan leh Pathian chauhvin mihring chu a hrem thei...chu chu nangma sawi thin ngei a ni. Ka theihnghilh ngai miahlo che asin, ka role model i ni thin." a ti a. Pratap-a chu a rawn hawi a, "Police chu ilo ni ta a.." ati a, a nui ta vak vak mai. Chutah rum zet hian Nathana chu a melh a, "Police chu ilo ni t aa...enge hlawkna i neih? Engmah..engmah hlawkna a awmlo. Dan leh Pathian tihvel...thil hlui lutuk a nih kha, awmzia a awmlo. Ngaithla rawh, i dik e...tualthattu chu ka ni e. Minister pahnihte kha, keima thah an ni e." a ti ta mai a.

Nathana chuan mak a ti ngei mai, Pratap-a bawk chuan, "Enge in tih theih vak chuang a? MAwhh...nang leh i dept te sawn enge in tih theih vak bik a? Mak i ti em ni? Keichu ka hlim asin." tiin a nui leh vak vak mai a. Nathana chuan vin zet hian, "Ngawi hmak rawh." a ti tuar a. Pratap-a lah chuan hmuhsit hmel tak hian a lo nuih a, Nathana chuan, "Engvang nge? Mawhh? KA ngaisang thin che asin...Police ka nih chhan pawh nangmah vang a ni. Mahse tunah chuan enge i tih tak hi...Minister-te i that a, ila hlim zawk zui amaw?" a ti vak vak a. A aia ring chuan Pratap-a chuan, "Eng minister maw? Ka service chhung zawng khan misual tam tak ka lo buaipui tawh a, rukru mifel ang taka awmte, tualthattu pawisawilo ang taka awmte, engatan mah ka tilo. Minister Chandramati kha...nawhchi zuar ni char char zawk se, minister ni ve khanglang lo se chu ka that bik lovang. Mahse Minister a rawn ni a, ram hruaitu atan a tlak dawn em ni? Kha nu kha a hming chu Manju-i a ni a, kum 1990 khan a thiante hmeichhia hlir 40 vel nen KS Run (brothel) ah an thawk thin a, mahse hun alo kal zel a, Minister Chandramati a ni daih. Temple ah te kalin kan temple te chu a ti thianghlim e kan ti a, kan va tawngtai vel a, zahthlak lutuk. Vawi engzat fakau nge court ah ka kalpui tawh i hria em?" a ti ta siah siah mai.

Nathana chuan chhan ngaihna reng a hrelo, Pratap-a chuan sawi chhunzawm zelin, "Kha misual Kadappa pawh kha, zu zuar thin a ni a, rukru a ni bawk asin. Mahse hun a lo kal zel a, Education Minister a ni daih. Education chu zu hmangin a lei tihna ani a, kan fate chu a ni kaihhruaina hnuaiah khan kan dah ngam dawn em ni? Tichuan maw DCP, Minister Punnyakotti pawh kha keima thah a ni e, heng dan (law) te hian misual an hremdan kawng hi an ti diklo a ni. Ka hriatchian em em misual takte hian kan ram hi kaihrua ta se ka lungawi i ring em ni? Ka Police thisen lum tak hi a so buan buan ve thin asin, tuna ka thil tih pawh hi service tho a ni. Encounter..encounter for politicians, no commision or no enquiry..death penalty straight away.." a ti vak vak mai a.

Nathana chuan rum zet hian Pratap-a chu a en a, "I tualthahte chu i sawi mawi vel amaw? Misual i man theih loh avangin police hna chu i bansan a, i tlachhia a ni. Khatia tawng zuah zuah te kha zak rawh, thiamthu sawi thei i ni lo. Police chaklo tak i ni, police nep tak i ni." a ti ve ta sak sak mai a. Pratap-a chu a nui vur vur a, "Police nep tak maw ka nih a, ni e a dik alawm. Ka chhungte rawng taka min thahsaktute chungah danin hremna an phutawk a pek ngei ka lo ring ve a, ni e..police chaklo tak leh nep tak chu ka lo ni e. Ka nupui leh fate a nung chunga ka mithmuh lai ngeia min halsaktute kha, danin a hrem ka lo ring ve a. Mahse ka lo ring sual a ni e, police chaklo tak ka lo nih hi." a ti a.

Chuveleh Nathan chu ava pan hnai a, a kutzungchal chuan a kawk a, "Police te chu an lo nep a ni mahna, mahse he ka chhungrila thinrimna hi chu a nep velo ania. Ka sawi satliah mai lo ania, rolrelna diklo vanga ka chhungril na lutuk hian min sawichhuah tir a ni. DCP, i hrethiamlo em ni? I hrethiamlo a ni chuan va man la, jail ah khung han tum teh. Complain i dawn ho chauhte hi em ni chhui i tum a? Police zawng zawng, nangmah tiamin, kha Minister tenawm tak takte kha zah takin salute te in pe vel anilawm ni? Home Minister Kondal Rao kha, misual a ni tih i hria em? A lakah action i la ngam angem? A kid pahnih, Acharya leh Dilli te puihna hmangin he khawpui hi kum 10 chhung lai mai a lo enkawl ve tawh a. alakh chuan action i la ngam angem? LAw and Justice i sawi ve thinte khan awmzia a neilo, keiman ka ti ang. Lo ngai reng rawh, Home Minister Kondal Rao leh a kidte pahnih nen sawn ka that ang, ka bomb darh vek ang." a ti khur khur a.

Nathana chuan, "Engzat fakau nge thah ila tum a? Misualte chu an awm zel dawn tho." a ti a. Pratap-a chuan, "Ni e, awm zel rawh se. Eng anga tam pawh nise, ka that zel ang." a ti a. Nathana chuan thinrim zet hian, "Mi zawng zawng hi nangmah ang chu nise he khawpui hi thlanmual a ni ringawt ang." a ti hrep a. Pratapa chuan ngaihsam zet hian, "Ni se, enge pawi. Tha anga lan tum, mi diklo tamtak an awm ai chuan thlanmual chu ni zawk rawh se." a lo ti leh a. Nathan chu a thinrim tawh kher mai, "Dan hian a hrem ngei ang che." a ti a. Pratap-a chuan, "Dan lo sawi ziah suh...i ngam anih chuan va man ta che." a ti a. Nathana chuan, "Ka man ang, ka man khawp ang." a ti a. Pratap-a chu a nui a, "A tha e, kum 6 emaw, thla 6 lek pawh nilo...ni 14 chhung lek pawh helai hmuna i rawn kung thei anih chuan i thusawite kha a dik angah ka ngai ang." a ti a.

Nathana chuan vin zet hian, "Ka man ang, ka hmuhtir khawp ang che." a ti vak vak a. Pratap-a chuan, "Khai a...i man hlawl lo ange." a lo ti let hrep a. Nathana chuan chiang tak hian Pratap-a mitah chuan a en a, "Ka man ang." a ti leh a. Pratap-a chuan zam hauh lo hian a lo melh let a, "I theilo." a ti ringawt a. Nathana chuan, "Ka thei, ka man ngei bawk ang." a ti a, a kalsan ta a.

**********

A tuk zingah chuan Nathana chuan Officer huaisen zual 4 te chu a ko khawm a, "Ngaithla rawh u, Pratap-a background ka en a, a thisual tih zawng zawngte ka collect a, FIR ka file a ni. Keimah anga tumruh leh huaisen vek in ni a, chuvang chuan ka ko bik che u a ni. Tuna kan beih tur ber chu Home Minister a ni, Kondal Rao." a ti a. Officer te chu an meng phawk hru hlawm mai a, Nathana chuan, "Mak inti ani tiraw? In hlau viau em ni? Kondal Rao-a political power hian thil a tihtheih bik em emna chhan chu mi pahnih in an pui tin a ni. Pakhat chu Dilli-a a ni a, pakhat leh chu Acharya a ni. Tunah chuan Dilli-a kan man phawt ang, adawtah Acharya." a ti a.

Nathana chuan an man hmasak tur zawk Dilli-a chu tunge a nih tih a han sawifiah leh phawt a, "Dilli-a hian vawikhat chu police inspector pakhat, ama laka enquiry ti tur chu a lo that a. Tichuan ahnuah a him nan tiin hlauhthawn vangin midang dangte pawh chu a that a, mahse tunah chuan mipuite tih hlauh nan tual a that thin tawh zawk a ni. Home Minister Kotal Rao nena an inkawm hnu hian a thu a zawm ta a, that tura Ministeri'n a tih hote chauh a that tawh ta thin a ni. Home Minister Kotal Rao kan va hmuh theih nan chuan protocol leh formalities te hi kan zawm that viau angai ang, mahse Dilli-a hi chuan a duh duh hunah a hmuin a be thei thung. Dilli-a hi drug dealing velah a inhnamhnawih ve niin information a awm nual bawk a, mi hlauhawm tak a ni." a ti a.

Nathana chuan sawi zawm zelin, "A dawt leh chu Acharya hi a ni...Dilli-a hi Minister Kotal Rao-a kut veilam ni ta se, a dinglam chu Acharya hi a ni ang. Home Minister ai awihtu hi a ni ringawt...he khawpuia night club te, pub te leh gambling te hi leh thildang tam takte hi Acharya ta deuh vek a ni a, VIP-te chaklohna a hria a, a chakna atan a hmang thung thin. Multinational company tam takte-a Minister in investment a neihte hi Archarya kutah a awm bawk...thiante u, i che chhuak ang u hmiang." ati a, an che chhuak ta hlawm a.

*************

Chumi zan chuan Dilli-a mi leh saten drugs an lo inpe chhawng lai chu officer thenkhatte chuan an hmu a, Officer pakhat chuan Nathana ava call nghal a. Nathana chuan, "Hello, chanchintharte a awm em?" a ti a. Officer chuan, "Sir, kan rin ang ngeiin drugs chu an inpe chhawng a, mahse Dilli-a a awm ve lo." a ti a. Nathana chuan, "A that chu." a ti a. Officer chuan, "Kan kap thei reng ania." a ti a. Mahse Nathana chuan, "Nilove, zui ru zel zawk rawh u." a ti a. A hnu feah chuan an rawn call leh a, "Sir, Dilli chu kan hmu e." Officer pakhat chuan a rawn ti a. Nathana chuan, "Lo enthla reng rawh u, chanchin min lo hrilh zel dawnnia." a ti a. Minute 10 hnu velah chuan an rawn call leh a, Officer chuan, "Sir, an kaldarh hlawm a, Dilli-a pawh a motor silver rawng ngei mai khan a tlanchhuak chiah e." a ti a. Nathana chuan, "Khawilam nge a kal?" a ti a. Officer chuan, "Road no 10 ah." a lo ti a. Nathana chuan, "Lo zui zel rawh u, Road no 10 lamah kan awm a, ka lo nghak ange." a ti a. Chutih lai chuan Nathana chuan Dilli-a kidte motor lo tlan chu a hmu ta thut mai a, a zui nghal a. Officer chuan a rawn phone leh a, "Sir, Dilli-a hian akalna kawng a thlak daih ania." a rawn ti a. Nathana chuan, "Rinhlelh pakhat ka zui mek a, lo enthla zel ru." a ti a, phone chu a dah ta a. Nathana um mekte chuan hmun fianrial tak pakhat hi an va thleng a, kudam a lo awm a. Kudam ah chuan an lut a, Nathana chuan a zui ve nghal a. A enthla a, misualte chuan box an lo rem teuh mai a, box chu a han enchiang a, mak tak maiin Ice-cream box a lo ni daih mai.

A tukah chuan Nathana chuan ice-cream zuar ho chu a zawngkual ta nghal a, pakhat a hmu fuh t ahlauh mai. School naupang ho chuan an lo inchuh nak nak hlawm a. Nathana chuan naupang pakhat a ko a, "Mama, Ice-cream saw pakhat min va lei ve teh, kha pawisa.." tiin pawisa chu a pe a. Naupang chuan ava lei a, Nathana chu a rawn pe a. Nathana chuan ice-cream chu a han fawp vang vang a, a kha ta fuk mai a, a chhak leh nghal vat a. A phone a phawrh a, a thianpa doctor chu phone in, "Inhmu ang, thil pawimah tak sawi angai." a ti a.Doctor nen chuan an inhmu a, engkim chu a hrilh ta a. Nathana chuan, "Doctor, ice-cream eitu naupangte kha school khata lut vek an nih hmel a. An school pumpuite thisen lak nise, check vek ka duh a ni." a ti a. Amaherawh chu nu leh paten hrelo se, a rukin kan ti tur a ni." a ti a. Thisen an check zawh vek hnu chuan Doctor chuan file a rawn keng phei a, "An blood samples ah hian cocaine hmuh a ni a, percentage level pawh a sang khawp mai." a ti ta mai a. Nathana chuan, "Helai hnaia school zawng zawng kan check vek angai ang, ka team-te ka'n hrilh hlawm ange." a ti a.

********

(TO BE CONTINUE)



Link:
BBcode:
HTML:
Hide post links
Show post links


ADVERTISEMENT (A hnuai a milem hi a nia hmeh zeuh tur chu)
Post Reply
  • Similar Topics
    Replies
    Views
    Last post

Who is online

Users browsing this forum: No registered users and 3 guests