NATHAN Season 2 (Episode-1) UNLEASH THE BEAST Part-1 by Aaron Malsawmdawngzuala

[Aaron Dustin]

NATHAN" SEASON-2 Episode-1
(UNLEASH THE BEAST Pt-1)

Kum thar a nih angin DCP Nathan Malsawmkima tan pawh hna thar neih hun ani a, hna thar han tih ah post thar a hmu a, a duty mekna station atangin khawdang Police Station ah a tul avanga transfer a ni. Khual khua te a ni bawk a, Nathana pawh mi awmthei ve tak ni mahse loh theihloh na avangin in luah a ngai tlat mai. Chhungkaw pakhat, fel em em leh zau tak mai, mi pangngai chhungkua ve tak te inhnuai chu luahin a in neitu te pawhin Nathana chu anlo lawm thiam em em a. Nathan Malsawmkima hi la hrelo in awm takin Deputy Commissioner of Police a ni a, nupui neiin a nupui chu a rai mek a ni. A nupui hi mizo a nilo a, Vizag (Vishakapatnam) nula hmeltha leh piannalh em em, vun ngo tak leh mitmeng pawl ra mai, a awmbawr leh mawng te pawh a tawk chiaha lian, Tamil film actress hlui Sanvi Aggarwal a ni. Nathana inluahna neitu te hi chhungkaw member 5 an ni a, Chhungkaw pa ber leh nu ber te chu an la dam a, mahse an tar tawh hle. Fapa pahnih an nei a, chung an fapa te pahnih chuan nupui nei veve in fa hmeichhia pakhat ve ve an nei bawk. Nathana hian a inluahna neitute hi a nelin an bula awm nuam a ti em em a, a in neitu Pi Mawitei leh Pu Rama te pawhin an fapa ang maiin an en a, achang phei chuan chaw eiah te sawmin riak tur hial te pawn an ngen thin a ni. Chutia Police Officer huaisen tak mai, an inhnuaia cheng, an mahni venghim tu tur an nei chu Pu Rama te chhungkua pawh chu an thla amuang sawt ngei ang. Zankhat chu Nathana chu a senior SSP (Senior Superintendent of Police or Additional DCP or DCP Selection Grade - Nathana chung chiah tihna a ni a, Nathana hi Junior DCP a ni a, ala kaisang ve lo.) chuan dar 10 vel ah chuan rawn phone in drinking and driving duty turin a rawn ko a, rang taka insiamin a chhuak ve ta nghal a. Reiloteah a va thleng a, an han duty a, a then zurui chunga khalh te, khalh chak lutuk te leh bengchheng deuh te chu an lo man a, pawisa te an chawi tir a, Nathana chuan rilru a pe lemlo hle tih a phone a khawih reng avang chuan a hriat theih a. Dar 11 vel a ri dawn hnai tih ah chuan Scorpio dum chu chak em em hian a rawn tlan a, Nathana chuan, "Hey..lo ding teh lo ding teh." tiin a lo phar a, mahse chu motor chu rawn tlan tlang luiin Nathana chu a su teuh hle mai a. Police dangte an lo tlan a, "Sir, i tha em?" an rawn ti sap sap a. Nathana chuan rum taka chu motor tlan tlang chu en zui vawng vawng vawng pah chuan, "Hmela chuh." a ti ringawt a. Chuveleh chu motor chu in turn phallohna, one way kawng nisi chu a rawn in turn pawp a, Nathana te lam pan chuan a rawn tlan leh a. Nathana chuan lo chhuah a tum tawh lo, kawng lehlama tlan pheiin chu motor lo tlan mek hma zawnah chuan ava ding chat a. Motor pawh chu a ding a, chuveleh SSP chu lo kalin, "Nathan, Nathan, tlan tlang tir rawh. Minister fapa a nih saw...i hrethiamlo a ni." a ti a, Nathana chuan rum deuh chuan motor chu a en reng a.


Motor atang chuan tleirawl kum 20 vel awrh chauh, hmel fai vang mai leh chapo hmel em em mai chu rui tih hriat tak hian a rawn chhuak a, "Hey, engvanga min ti ding ngam nge i nih a?" a rawn ti pang pang a. Nathana chuan, "Dan i bawhchhia, turning point nilo ah engvanga in turn lui nge i nih?" a ti a. SSP chuan Nathana chu pawt pheiin, "Nathan, a tawk...i hre thiamlo a ni." a ti a, constable ho chuan Nathana chu an motor bulah an pawt phei thei hram a. Chu tleirawl lah chu a pawr em em a, "Enga? Ka pa hi tunge a nih i hria em? Khatia min tih ve khanglang..lo kal teh." a ti vei pang pang a. SSP chuan chu tleirawl bulah chuan, "Sir, mi thar ania, alo hrelo che a ni. Kan tihpalh, Sir..khawngaihin kal tawh rawh." a ti a. Chupa chuan, "Ngaihdam min dil lo anih chuan a pawi viau ang, kha mihring kha.." tih pahin motorah a lut a, chak tak chuan a tlan leh ta a. SSP chu Nathana bulah chuan va kalin, "Nathan, i hrethiamlo ani...kan khua ah hi chuan Minister te hian thil an ti theiin an thuhnaiah hlir kan awm a. An fate lah hi Pathian ang maiin khawngaihna kan dil zawk thin asin. Tihtheih kan nei lo, hei hi kan nun chu a ni. I awm rei anga i hrethiam telh telh mai ang. Kha naupang kha chu ka hrechiang a, zu heh tak a ni a, naktuk zing dar 8 rik hmain message-i'n ngaihdam va dil la, tuna a awmdan kha engmah a hre leh tawh lo ang. Tichuan engkim a fel vek a ni mai, lungngai lo la, apa bulah pawh a sawi lo ang. Haw tawh rawh, hei...a tlai tawh a, i duhtawk tawh ang u." a ti a. Nathana pawh chuan inthiamloh hmel tak hian, "Awle Sir, kalo hre dawn nia." a ti a. Mahse Nathana chu a inthiamlo tak tak lo, kha minister fapa tleirawl kha zirtirna pek hlak chu ala duh fan a. A number chu SSP chuan a pe a, tichuan an haw darh ta a. Nathana erawh chu ala haw velo, a bike chuan chu Scorpio dum nalh tak, Minister fapa khalh ngei mai chu a zawng kual leh ta a. A tawpah chuan in lian ve tak kawta Scorpio dum lo ding chu a hmu a, a en chiang a, Minister fapa ta ngei kha a ni. In chhungah chuan music a ri dup dup a, an party ani ngei ang. Nathana chuan a nghak deuh vang vang a, chutah Minister fapa ngei chu a rawn chhuak ta. Nathana chuan a Scorpio hnungah chuan a lo chang a, motor lam ruih hmel taka a lo kal phei chu Nathana chuan lo melh ran in a rawmawl a phawrh a, a hmai a tuam a, a jacket a phelh a, chu tleirawl chapo tak chu a phutawk hremna pek hlak a tum ani. Minister fapa chu rawn hnai zelin a motor awmna chu a rawn thleng ta a, chahbi a phawrh chiah chu Nathana chuan hnunglam atangin aman bet thut a. A motor darthlalang chu a hnek kek vek a, chutah chuan a lu a rawlh a, a ke chawikangin a kawng achin chunglam zawng chu motor tukverh ah chuan a thunlut a, a tang ta.


Nathana chuan a kawnghren a phelh a, chupa mawngah chuan a vaw ta vak vak mai a. Chu Minister fapa na ti lutuk chuan, "Duhtawk teh, Zawnga, min khawih ngam alaw? Ka pa hi tunge a nih i hria em?" a'n ti leh chu Nathana thinrim a ti zual kher mai. Nathana chuan a bula pipe bung chu la in, "Chuan enge? I pa chu enge a nih vak a, ipa pawh chu lo kal se, tiang tho hian ka sawisa ang...ve khanglang che chuan." tih pah chuan pipe bung chuan a mawngah a hlap leh ta nek nek mai a. A au ring bawk aniang, inchhunga awm thenkhat te chu an lo tlan chhuak a, an thianpa a kawng achin motor chhunga awm, motor tukverha lo tang chu an hmu a, an va pan nghal a, mahse Nathana erawh hmuh tur a awm tawh lo. Chutia a thianten an buaipui lai chu kil khat atang chuan Nathana chuan a bike-a chuan pah chuan nui vur vur in alo en a, a jacket a ha tha leh te te a, tichuan a haw san ta a. Atuk ah chuan zing chaw a eikham chu SSP chuan a rawn phone a, "Nathan, thil pawimawh deuh sawipui tur che ka nei a, i in luahna bul lawkah khan ka awm a, lo chhuak teh." a ti a, ava chhuak a. SSP chuan, "Nathan, nizanah Minister fapa kha, nizana i intihbuai pui pa kha, tu emawni in alo sawisa a ni awm a. Nangmah hi an ringhlel ber che a, fimkhur turin ka rawn hrilh che a ni." a ti a. Nathana chuan mak tih hmel deuh hian, "Ehe...tuin nge lo sawisa ang le? A va pawi ve aw...E taka, hei dar 8 a pel tawh a, ngaihdam chu ka va dil tawh dawn mi?" a ti vel a. SSP chuan nuih suk pah hian, "Aaakhaihh....angai lo ang, engmah a hre leh tawh lo ang." a ti a. Chumi ni chuan pangngai takin Nathana chu nilengin a duty a, eng buaina mah an tawk lemlo. Zan alo thlen chuan ruang hmuh a ni ta tlat mai le, ruang an chharna hmunah chuan Nathana leh SSP leh DIG leh constable thenkhat te chu an va kal a. Chulai hmun chu college building bul lawk a ni. SSP chuan chowkidar bulah chuan, "Enge awmzia?" a ti a. Chowkidar chuan, "Ka pu, ka hmuh chuan ti hian alo let der tawh a, building chung atanga zuangthla a nih ka ring. Ka va kal hnai a, a lo thi tawh a, ka rawn phone ta che u a ni." a ti a, SSP chuan, "Umm...mahni intihlum a ang khawp mai..Nathan, building chung te khi han check ta che." a ti a, Nathana chu a han kal ta nghal a. Nathana chu a chhawng chung berah a han kal a, hnuhma vel engemaw chu a hmu nual a. A lan dan chuan chhuata vaivut te chu a darh nuai a, Nathana rindan chuan chu nu chu intihhlum duh vanga zuang thla nilovin, tih luihna avanga namthlak a nih a ring ber a, achhan pawh mihring ke hniak a hmu zeuh zeuh a, chu bakah kut thla leh mihring tal vak vak na niawm tak tak te chu vaivut ah chuan a hmuh vang a ni.


Nathana chu chhukin SSP bulah chuan a va kal a, a tawng hma hma chuan SP chuan, "Hei Nathan, a phone hi chhar a ni a, mahse pattern a dah a." a ti a. Nathana chuan phone chu a en vang vang a, a zangthal zawngin a keng a, motor light zawnah chuan dah in a mit siai meuhin hnai takah a en a. NAthana chuan, "Sir, ka rindan chuan a reflection atang hi chuan alphabet 'Z' a hmang a ni maithei." a ti a. Pattern chu 'Z' shape in an thai kawi a, mahse a lo diklo. A let zawngin 'Z' shape bawk chuan an thai leh a, a dik ta hlauh mai. SSP chuan, "Han check teh, amah hriat dan te hi a awm ang, thlalak vel te." a ti a. Nathana chuan phone chu a khawih a khawih a, "Sir, hemi khuaa mi chu a ni, location atang hi chuan." a ti a. Chutia kan titi lai chuan DIG chu alo kal a, Nathana chuan salute alo pe a. Chu DIG nelawmloh zet chuan tum hmuk hian, "Enge chanchin?" a rawn ti a. SSP chuan, "Sir, kan khua ami a ni a, he building hi a college luhna ani awm e." a lo ti a. DIG chuan, "Umm...anih chu, case hi close ula, suicide angin kal tir ang che u." a ti a, a kal ta daih mai a. Nathana chuan a hre thiamlo hle mai, SSP bulah chuan, "Sir, mahni intihlum a nilo ang, ka chiang a ni Sir.." a ti a, mahse SSP chuan zawi sap hian, "Nathan, obey the orders." tiin a kalsan ta a. Nathana leh constable pakhat chuan mitthi chhungte chu an zawng chhuak a, a thih thu an hrilh laia mitthi nu leh pate, an rilru na lutuk leh tap nasa lutuk chuan Nathana chu a ti hrilhhai in, a awm a nuamlo hle mai a. A tuk zingah chuan Nathana chu Station lam pan chuan zing dar 8 velah chuan a chhuak a, Station ava thlen chuan college naupang tam tak hi Station bulah chuan an lo thukhawm a. Inchhung a luh chuan SSP bulah chuan, "Good morning Sir..Sir, tinge heng zirlai ho hi hetah an awm a?" tiin a zawt a. SSP chuan, "Nizana boral ta Mahriati zirlai puite an ni a, suicide case-a kan kalpui hi an lungawilo a, thah anih an rin avangin case hi chhui tha leh turin min ngen a ni." a lo ti a. NAthana chuan, "Sir, an rindan hi keipawn ka rindan a ni, mahni intihlum a nih ka ringlo.." a sawi lai tak chuan DIG alo lut a, vin zet hian Nathana chu melh pahin, "Heng thil thleng hi enge awmzia, zirlai tlemte pawh in hnawt kiang theilo amaw?" a rawn ti a. Nathana chuan, "Sir, lo hnawhkiang tawp hi kan thei biklo alawm, an zirlai pui thih chungchangah ngenna an rawn siam miau sia.." a ti a. DIG chuan a aia vin hian, "Kan Police Station ah hna kan thawh lai tibuaiin media te nen an rawn kal anih hi...case tihtawp hnu pawh an ni vang mai mai hian re-open leh a ngai ta nih hi." tih pah chuan a chhuak a, SSP leh Nathana chuan an zui chhuak a.


Zirlaite hmaah chuan DIG chu a ding a, "Mahriati thihdan hi mahni intihlum nge thah a nih tih hi chiang takin lang lo mahse, postmortem result atang chuan intihlum a ang zawk mah a, chuvanga suicide case-a kal pui kan ni." a ti a, zirlai thenkhat te chuan, "Nilo, kan hrechianga, mahni intihhlum duh tur khawpa rilru hahna a neih kan hrelo.." tiin an lo hnial nasa mai a. DIG chuan, "Awle, he case hi kan chhui tha anga, a chhui tu tur hi Junior DCP Nathan Malsawmkima a ni ang. Thuchiang zawk kan hriat hunah kan hrlh leh ang che u, kal tawh ru." a ti a, an kal ta a. DIG chuan file chu Nathana pek pahin, "He case hi i kutah ka hlan e." a ti a, Nathana chu a lawm hle mai. Case chhui chu Nathana chuan a tan ta, Mahriati hmelthriat te, a thian te leh a nu leh pate chu thu a han zawt fiah hlawm a, mahse a hnuchhui mekna puitu tur khawp thu chiang engmah a hmu chuang lo. Mahriati thihna hmun college building chu a en kual leh a, building hnunglam te leh a bul bawlhhlawh paihna thleng chuan a en kual a. Evidence tha tawk tak hmu lemlo mahse marijuana zukna bung tamtak erawh a chhar thung. Mahriati phone ah lah chuan engmah evidence a awm chuang bawk silo, call list te, whatsapp message te leh apps dang te pawh chu engkim a in clear vek bawk si. Phone chu kengin phone hack thiam a hriat pakhat bulah a kalpui a, chupa chuan, "Sir, ni 1 chiah hun min pe la, a call list hi delete chawp a ni a, mahse a call list number ho hi ka la hre thei mai lova, ka hriat theih pawn call list hmasa ho 4 chiah ka hre thei ang." a ti a, Nathana chuan a kalsan ta a. SSP bulah chuan weed zukna bung tamtak a hmuh thute chu hrilhin a thu hriat ang ang te chu a thlen a, SSP lah chuan, "Nathan, heng hian enge awmzia a neih anga? Weed te chu college zirlai tam tak pawn anlo zu ve ang chu.." a ti a. Mahse Nathana chuan, "Sir, Mahriati thiante, a zirlai puite, a nu leh pate ngei pawhin mahni a intihlum duh chi a nih loh mai bakah hmeichhe dawihzep ve tak a ni an ti a, chuti chunga postmortem result a, enga mah hma a suicide an ti ringawt hi chu, diklo a awm alawm." a ti a. SSP chuan, "Amak e aw Nathan, doctor te pawhin an sawi a, hetia lo buai vak hi awmzia a awm lo, kan senior te thu kan zawm angai miau si alawm." a ti a, lungawilo tak chuan Nathana chu a office lamah a phei a. Zan dar 7 vel a ni a, Nathana office chhungah chuan DIG chu lo kalin, "Kan DGP alo thleng a nia, rawn hmelhriat ve la a tha ang." a ti a, Nathana pawh chu a chhuak a. DGP chu alo thleng a, pa lian tak, ft 6'2 vela sang, hmuihmul dum fiah tak hi a nei a, a sual hmel em em lehnghal.


DIG chuan, "Sir, hei hi Nathana a nih hi, hmanni lawka lo join thar kha a nia." a ti a. NAthana chuan DGP chu salute lo pek pahin, "GGood Evening Sir, NAthan Malsawmkima Deputy Commissioner of Police, Crime Branch.." a sawi zawh hma chuan, "Awle..ka hria e." a ti a, a office ah a luh san ta daih a, Nathana chu a hrilhhai hle a. DIG chuan, "NAthan, Mahriati thihna chungchang kha enge chanchin ni zel?" a ti a. Nathana chuan, "Investigation neih mek a ni Sir." a ti a. DIG chuan, "Files ho te kha rawn la la, ka office ah lo lut teh." a ti a. NAthana chuan file chu la in DIG office ah chuan ava lut a. DIG chuan file lo lak pah chuan, "He case hi team dang hnenah ka pe dawn a, nangchuan hna dang i khawih tawh ang. CBI officer pakhat tu emawni in a vau thin a, an inah i duty a ngai." a ti ta mai a. Nathana chuan mak ti tak chung chuan, "Mahse Sir, ka chhuichhuak tep tawh asin..khanwgaihin..." a tih lai chuan DIG chuan, "Ka sawi ang chuan ti mai rawh." a ti a. NAthana chu lungawiloh hmel zet hian a ding reng a, DIG chuan a mitah tak en pah in, "Tinge ila din reng a? Ka sawi kha i hre nange?" a ti a. NAthana chuan, "Sir, khawngaihin CBI officer chu midnag ven tir zawk mai la, he case hi kalpui zel ka duh a ni." a ti a. DIG chuan vin zet hian, "Nathan, mi thar i ni a, chubakah helaia kan rules and regulation hi ila hre ve lo ani maithei e. IPS zahawm tak ni turin i bei tang tang a ni mahna, mahse i tih tur chu i senior te thuzawm a ni. DCP hi rank sang viau angah i ngai a ni maithei, mahse DIG ka ni, nang aia sang ka ni, DIG mai nilovin DGP i nih hunah ka tih tur chu min hrilh dawnnia. Chhuak tawh rawh.." a ti a, NAthana chu thinrim tak chungin a chhuak ta a. Atuk ah chuan Nathana chu phurlo takin CBI officer te inlam pan chuan constable pakhat nen chuan an kal a. Constable leh Officer te titi lai chuan NAthana phone chu a rawn ri a, phone hacker kha alo ni. Nathana chuan, "Hello, enge chanchin?" a ti a. Hacker pa chuan, "Sir, Mahriati kha a thih hma darkar 3 vel khan mi 4 in an call a, an number ka lo thawn nghal ang che." a ti a. Phone chu a dah a, reiloteah message alo thleng a, number 4 zinga mi pakhat chu a call a. Phone atang chuan aw thum tak hian, "Hello?" a rawn ti a. Nathana chuan, "DCP Nathana ka ni a, tunge ka biak aw?" a ti a. Phone ami chuan, "Jerry-a ka nia, enge ni ta?" a rawn ti a. Nathana chuan, "Ka pu, Mahriati, hmanni lawka *** college building atanga zuangthla a thi ta chungchang kha ania." a tih lai chuan phone ami chuan, "Ka farm house ah lo kal rawh, location chu ka hrilh zel ang che." a ti a, phone a dah ta hmak a.


Rang takin CBI Officer venhim lam pawh ngaihtuah lo chuan bike ah a zuang lawn nghal a, a tlan ta daih a. Jerry-a chuan Nathana chu an awmna kalkawng a hrilh zel a, reilote hnuah chuan farm house chu ava thleng ta a. Gate bulah chuan security guard palian tak pahnih hi anlo ding a, pakhat chuan, "Tunge i nih?" a lo ti a, Nathanan a chhan hma chuan farm house chhunga car sen nalh tak atang chuan aw thum deuh hian, "Lo kal tlang tir ru.." a rawn ti a. Nathana chu a va kal a, motor tuverh chu Jerry-a chuan lo hawngin ganza rim a rawn nam chhuak chum chum a, motor chhung chu meikhu hlirin a khat bawk a. Jerry-a chuan, "Enge i duh?" a lo ti a, Nathana chuan, "Deputy Commisioner of Police Nathan Malsawmkima ka ni e." a ti a. Motor atang chuan Jerry-a chu chhuk in motor seat hnung atang chuan mi 3 dang hi an rawn chhuk a, an ruih hmel hlawm em em lehnghal a. An zinga pakhat Siamtea chuan, "DCP Sir, enge i duh a, ka'n ring chhin ange...pawisa a ni em?" a i vel a, midang chu an lo nui a, Nathana erawh a nuih a za lo hle. An zinga pakhat leh Kima chuan, "Enteh thianpa, mi tlangpui chuan chhungkaw hlim tak, pawisa tam ve tawk tak, nupui/pasal hmeltha tak neih a, chhugkaw hlim tak din hi an chak ber a, an duhthusam ber a ni. Mahse chung duhthusam zawng zawng aia tha leh tam chu kan nei a ni." alo ti ve bawk a. Jerry-a chuan, "Nang ang police ho hi chu thianah kan siam nual tawh alawm, kan lifestyle hi a nuam asin, he video hian a ti chiang ber ang." tih pahin a phone a phawrh a, video pakhat a hmet chhuak a, Nathana chu a en tir a. Nathana chuan video chu a en a, video ah chuan Mahriati, hman zan lawka thi a an chhar ngei mai kha chung mi pali tena an duhtawka a taksa an suasam lai te, an pawngsual lai te leh kut an thlak lai te chu alo lang a. Nathana chu thinrimna hlirin a khat ta, an zinga pa te ber Mike-a chuan, "Kan thu te awihin tha tak kha chuan han awm hle hle se chu a nunna khan a tuar bik lo ang mawle.." a lo ti bawk a. Kima chuan, "Le...han sawi teh le Pu DCP..pawisa engzat nge i duh?" a ti a. Nathana chuan tawngkamin a chhang lo, a kuttumin a chhang ta zawk a. Kima chu ha hmai bal thawt khawp chuan Nathana chuan a hnek hawi ta siah mai a, a thal nghal der. Jerry-a chuan thinrim zet hian, "Zawnga, tunge i tihbuai hi i hria em? Ka pa hi tunge a nih i hria em?" a ti vei pang pang a. Nathana chuan, "Nang ni mi hausa leh tlangval awm tha duhlo ho hi in a vek a nih hi, tupawh mai hian in pa te pawh hi in hre lo chu a nia. 'Ka pa hi tunge a nih i hria em? Tu fapa nge ka nih i hria em?' tiin min zawt reng hlawm mai. Nangni pa te daih daih engtin nge ka hriat bik ang? FIR thehlut ula tichuan in pate chu ka zawn sak ang che u..anih loh chuan ngawirengin Station ah lo kal rawh u." a ti a. Jerry-a chuan, "Zawnga leh.." tih paha hnek a tum chu awlsam te hian Nathana chuan a kut a lo man sak a, chil per chhawk khawp in a chal ah tak a hnek a, a thal ve nghal der. Midang pahnih te chuan rawn bei ve in Nathana chuan awlsam te hian a lo thal ve ve bawk a, security guard te pahnih pawh rawn tlan pheiin NAthana chu an rawn bitum ve nghal a. Mahse he an beih hi Nathana..hmana Nathana tho kha ala ni tlat. Chu palian pahnih te pawh chu Nathana chuan tho leh tur awm tawhlo khawpin alo sawisa a, tichuan Mahriati thattu te pali chu Station lamah a phur phei ta a.


Stationah chuan Nathana chuan chung mi pali te chu a hnuk lut a, cell ah chuan khungin chahbi chuan a kalhhnan ta a. Kima chuan, "Hey...Hmela, kan chhuah hnu chu i chaklo khawp ang." a rawn ti a. NAthana chuan, "Engmaw? In rawn chhuak ang maw. IPC Section 376 leh 302 hmangin kum 20 chhung in tang dawn, non-bailable..in hria maw?" a ti a. Jerry-a chuan hmuhsit hmel taka nuih pah chuan, "Kum 20 a? Haha...minute 20 chhung lek pawh min khung thei ange maw chu....ilo thlir ang hmiang." a ti a. Chutih lai chuan DGP, SSP leh DIG te an rawn thleng a. DIG chuan Nathana chu rawn panin thinrim hmel tak hian, "MAwla, engvangin nge hemi te hi i man ve ngawt a?" a ti a, NAthana chuan, "Sir, hemi te hi Mahriati thattu te kha an nia.." a ti dek dek chu DIG chuan, "Kha case kha i kutah a awm tawhlo ka ti a ni lawm ni?" a ti vin tuar a. DGP alo lut a, DIG bulah chuan, "DIG, he Station incharge hi nang nge NAthana zawk hi?" a rawn ti a. DIG chuan, "Sir, ka tihpalh a ni." a ti a. DGP chuan, "Nathan, engvangin nge heng mi te hi i man a?" tiin a zawt a. Nathana chuan, "Sir, heng mi 4 te hi Mahriati thattu te kha an ni, video pawh ka nei." tih pahin Jerry-a phone chu a phawrh a, mahse password alo awm a. Nathana chuan, "Sir, password an dah a nih hi..." a tih lai chuan cell chhung atang chuan Jerry-a chuan, "Passcode chu 4344 aw bro.." a rawn ti a, NAthana chuan passcode chu chhu lutin video en tir a tum chu eng video mah alo awm tawh lo, auto delete-i'n anlo dah chu niin, Nathana chu a mangang hle mai. DGP chuan Nathana beng bulah chuan, "Mawla, tualthattu te hian evidence an kawl reng duh i ring a mi?" a ti a. Chuveleh patling pali hi an lo lut a, an hmel en reng reng pawn pa hausa tak anni tih hi a hriat em em a, coat suit an ha vek a. An zinga pakhat chuan, "DGP, enge awmzia? Ka fapa hi engvanga man nge i nih? Collector ka ni tih i hria em? Home Minister ka phone dawn em ni? Nge CM zawk?" a rawn ti vak vak a, a thinrim hmel em em a. DGP chuan inthlahrung tak chuan, "Sir, kan tihpalh ani, thil hriatsual palh a ni e." a ti a, Collector chuan, "Chhuah nghal ang che u, pawnah kan lo nghak ang." a ti a, chung patling 4 te chu an chhuak a. DGP chuan NAthana bulah chuan, "Chhuah rawh." a ti a, NAthana chuan, "Mahse Sir, tualthattu te an nih hi, ka mit ngeiin ka hmu alawm." a ti a. DGP chuan, "Khawnge evidence?" a ti a, Nathana chuan, "Sir, ka chhuichhuak em em ang." a ti a. DGP chuan, "Khawnge evidence ka tia lawm?" a ti leha, Nathana chuan a chhang thei ta bik lo, a ding ngawi reng a. DGP bawk chuan, "Chhuah rawh...its an order DCP Nathan, chhuah rawh..tunah." a ti a, hreh tak chung chuan cell kawngka chu ava hawng ta a. DGP chuan a oofice lam pan pahin DIG beng bulah chuan, "Suspend ang che.." a ti a, a kalsan ta a.

DIG chuan Nathana bulah chuan, "Suspend i ni, thu neihna nei phei ila chu ka ban hial ang che." a ti a, a kalsan ta a. Jerry-a te thian ho chu intithei takin an rawn chhuak a, Kima chuan NAthana dara ben thak thak pah chuan, "A nih leh aw bro.." a ti a. Siamtea lo kal leh Nathana chu hmuhsit hmel deuha melh pah chuan, "Minute 20 chhung kan ti tak nanga, minute 10 vel chiah a nih hi mawle, ilo ropui hle mai." a ti a, a nuihsawh a. Mike-a lo kal leh in, "I lo huaisen viau amaw tia, i lo va nep leh si ve, ZAwnga." a ti a, a tawp berah Jerry-a alo kal a, "I kutin min khawih a, jail ah min khung i tum bawk a, ve khanglang che chuan...hei hi hre rawh, ka tiam ache, i dam chhungin i nun pum hi hrehawm takin i hmang tawh ang." tih pah chuan an chhuahsan ta vek a, Nathana chu zak takin, thinrim em em chung si chuan a ding char char ringawt a. Nathana chu lungawilo tak chuan a haw a, a in aluh dawn chuan a in luahna nei tu Pu Rama te inchhung atanga meikhu nasa tak lo chhuak chu a hmu a, a ngaihthalo chu inchhung ava lut chiah chu a phu chiang kher mai. Pu Rama, Pi Mawii, an fapa te pahnih leh an nupui te ve ve chu chhuatah chuan anlo let phung mai a. Nathana chu a hrilhhai in a ngaihna a hrelo hle. Pi Mawii lo let reng chu a va pan hnai a, "Ka Nu Mawi..enge thil awmzia?" tiin a be mawlh mawlh a, mahse Pi Mawii chuan a chhang lo. An vai mai chuan an thi vek tawh tih chu hai rual anilo, Nathana chu a mangang hle a, a au vak vak a, a meng phi ruai a, rilru mumal pawh a pu thei tawh lo. Chutia Nathana buai taka a awm lai chuan Pi Mawii te in sir atanga naupang pakhat lo kal phei chu ahmu a, chu naupang chu Pi Mawii fapa Tlanmawia fanu, Mary a ni. Nathana bulah chuan lo kal hnaiin, "Apa Nathan.." tiin tap chungin a rawn phei a. Nathana chuan alo kuah nghal a, mahse a rilru a la harhfim theilo, Nathana pawh chu a thil tawn chuan a barakhaih em avang chuan nikhaw hrelovin a let der mai a. Nathana chu a harh leh chuan Damdawi In ah alo awm a, a nupui Sanvi chuan duat takin alo biangah a lo chul hliau hliau a. Nathana chuan Sanvi chu kuah pahin, "Duhtak, ka hmu che chu ka va lawm em...engtik khan nge ilo kal a? Engtia rei nge damdawiinah hian ka awm tawh?" tiin a zawt a. Sanvi chuan, "Nizan khan chanchin ka hriat veleh Rinawma'n min rawn thlah a, mahse case buaipui mek aneih avangin a haw lehnghal a.." alo ti a. Nathana chu a ziaawm deuh nu chuan a inluanna lamah Sanvi chuan a haw pui ta a. Sanvi bulah chuan a thil tawn leh Mahriati thih dan te chu engkim a hrilh ta vek a.


Chumi ni chuan Sanvi leh Nathana chuan chanchin thar a an DGP i'n media hmaa Nathana in luahna neitute thih dan chungchang vel 'live'-a a sawi lai chu TV ah an en dun a. DGP chuan camera hmaah chuan, "Kan department rawn join thar DCP Nathan Malsawmkima hi vanduai thlak tak maiin a in luahna nei tu Pi MAwii te chhungkua chuan an thihsan hlauh mai a, mahse he thihna hi tu thiamloh mah nilvin gas leak vanga thi an ni. An gas chu leakin a puak ta a, an chhungkaw zinga naupang kum 8 mi Mary chu vanneihthlak takin a dam chhuak a ni." tia a sawi lai chu an en reng a. Nathana chuan Mary bulah chuan thil awmzia a zawt fiah a, kum 8 mi lek mary chuan an chhungkuaa hlim taka an awm laiin palian pui pui 10 rual vel lo lut in, a pi leh pu te leh a nu leh pate leh a cousin, amah ang rual lek Josephine-i te chu an vaia an vuak thluk hnua an inchhung an hal thu te chu Nathana chu a hrilh ta vek a, Nathana leh Sanvi chuan mittui nen lungchhe tak leh thinrim tak chung si chuan anlo ngaithla a. Chumi ni chuan DGP chuan Nathana chu rawn phone in an ina kal turin a rawn hrilh a, Nathana pawh chu ava kal ta a. DGP chuan Nathana chu a car ah chuang turin a ti a, a tlan puita a. An tlan lai chuan Nathana chuan, “Sir, ka in luahna neitu te kha news-a i sawi ang khan gas puak palh vanga thi anni lo, thah an ni. Chuan a thattu te pawh chiang takin ka hria a ni..” a ti a. DGP chuan, “A nih tak chu, mahse khawnge evidence?” a ti a. Nathana chuan, “Sir, ka prove thei ang, min puih phawt chuan.” a ti a, DGP chuan, “Evidence awmlo chuan engtin mah hma kan la theilo, theihnghilh vek rawh. Mi hausa an ni a, an thiltih ah inrawlh reng reng suh. I la dam hi lawm hle zawk rawh, I inrawlh ve zel a nih chuan khami te ang khan i thi ve anga, chanchinbu ah i lang ve anga, news ah te pawh I lang ve anga, chu chu i duhloh chuan nuam takin tikhan i nun kha hmang hle hle rawh.” a ti a, Nathana chu a thinrim kher mai. In lian leh mawi tak bulah chuan DGP chuan car chu a ti ding a, car chhung atang chuan an chhuak a. In kawtah chuan Jerry-a, Kima, Mike-a leh Siamtea te leh an pate theuh chu anlo awm a. DGP chuan, “In tha maw kha…Collector zahawm tak tak te u.” tih pah chuan a nui huah huah a. Jerry-a chuan DGP hnunga Nathana lo kal ve chu hmu in a zu in lai bur chu chhuatah a vaw keh a, Nathana chu va pan hnaiin va vih a tum ta mai a. DGP chuan, “Khaih khaih…Jerry, tunah nilove, insum rawh…inchhungah va lut rawh u.” a ti a. Nathana chuan rum zet hian alo melh a, Jerry-a chuan, “Ka la hnek khawp ang che.” tih pahin a thiante nen chuan inchhung lamah an lut ta a. DGP chuan Nathana bulah chuan, “I thiltih pawi zia chu I hre tawh em? Tiang zel hi a ni tawh ang…tikhan lo ding ang che.” a ti a, collector te nen chuan an titi a, zu an in ho a, an sirah chuan ngawi rengin Nathana chu a ding reng a. DGP chuan Nathana chu ava melh a, “Taka Nathan, ngaihdamna lehkha felfai takin ziak la, rawn theh lut la, I duh chuan vawiin atangin ilo join nghal thei ang.” a ti a. Nathana chu kalsawn a tum chu Jerry-a pa Pu Muana chuan, “Lo ding teh Nathan..” a ti a, a va pan hnai a. Pu Muana chuan, “Ngaithla rawh, kha naupang kha a nunna ka zuah bik nachhan chu maw i damchhungin kha naupang i hmuh apiang khan i thil tih pawizia i hrechhuak anga, inchhir reng reng in hun i hmang kumkhua tawh ang, kalbo rawh.” a ti a, a nam vak a, Nathana chu thinrim teuh chung chuan a haw ta a. Tlai dar 4 vel a ni a, Nathana chu Station lamah Pi Mawii tunu Mary hruaiin a va kal a, SSP chuan alo hmu a, “Letter chu ilo keng maw? DGP pawhin a office ah a nghak che ania, minlo zui rawh.” a ti a, Nathana chuan Mary bulah chuan, “Bawihte tah hian lo thu la, lo kalsan miah suh aw, ka lo let leh vat ang.” a ti a. DGP room ah chuan Nathana leh SSP chu an inzui lut ta a.

DGP hmaah chuan Nathana chu a ding a, asir ah SSP pawh a ding ve bawk a. DGP chuan, “Nathan, he station-a i tih tur pawimawh ber chu i senior te thuzawm a ni. Ka thu kha tha te te in zawm la chuan hetiang thil hi i tawng lo mai tur ania, i hmelma te hi mi namai lo tak an ni, chuvang chuan an laka thinrim ve ngam tur i nilo, a thleng tur chu i hriat tawh kha..” a tih lai chuan Nathana chuan, “Ka hmelma te chu tute pawh nise ka hmelma an nih tawh chuan min hlau tur a ni tawp mai a ni.” a ti a, DGP chuan thinrim takin, “Engtinmaw min chhan a?” a ti vin khur khur a. Nathana chuan hlauh loh hmel takin, “I beng a ngawng a mi Pu DGP? Ka sawi zawh chiah kha, ka hmelma chu tu pawh nise, nang pawh ni mah la, min hlau tur a ni. Min hlau lo anih pawhin min hlau turin ka siam mai ang..” tih pah chuan a lehkha ken lai chu DGP dawhkan hmaah chuan a thehthla a. DGP chuan lehkha chu a chhiar a, chuveleh vin zet hian, “Enge awmzia? Thupha chawina lehkha rawn keng rawh ka ti mawlh mawlh a, engvangin nge banna lehkha zawk i rawn ken a? I a ta ami?” a ti vak vak a. NAthana chuan, “Aih...ahma khan ka a em em a, mahse tunah chuan ka fing ta a nih hi. In thu zawmin in tih apiang ka ti zel a, tunah chuan keima duhdan takin ka che ve tawh ang.” a ti a. DGP chuan SSP bulah chuan, “Enge awmzia SSP, i junior hian min va zah lo ve?” a ti a. SSP chuan, “Nathan, enge maw i tih le? Min ngaithla teh...” a tih lai chuan a kut zung chala kawk meuh hian vin takin, “Hey, i thu sawi apiang zawm turin police ka ni tawh lo, public ka nih hi, chuan nangni ho hi public servant in nih hi.” a ti ta riap riap mai a. DGP chu dingchhuak in, “Nathan MAlsawmkim, i zak em?” a ti a. Nathana chuan ring tak leh thinrim hmel tak hian, “Hey, thu rawh...mipui te chhiahhlawh police mai mai i nih kha...ngawi reng khan thu rawh.” tiin rum taka melh chung chuan a ankhum ta vak vak mai a. DGP pawh chu muang changin a thu a, NAthana bawk chuan, “Police Station hi hmun thianghlim angin ka lo ngai thin a, mahse he station ve hi chu ramhuai awmkhawmna zawk a nih hi. Tunah chuan Police ka ni tawh lo a, uniform ka hak angai tawh lo bawk. Mahse police ni lo mah ila, police thiamna leh finna zawng zawng ka la nei dawn tho, DCP ni tawh dawnlo mah ila DGP meuh ai pawn ka thu tawh zawk ang. Ka duh duh ka ti anga, tuman min dang thei tawh lovang. Tichuan kha mi 4 te kha an thi vek ang, an thi ngei tur a ni. An phutawk an hmu ngei ang, mahse lungngai suh, keiman ka that dawn lo, an mahni pa te theuhin an kut ngeiin an that dawn ani.” a ti ta mai a. DGP chuan hriatthiamloh hmel tak hian Nathana chu a en hu mai a, NAthana chuan, “I hrethiam lo animaw? Example ka’n pe ang che, tun atanga second 5 vel hnuah kha collector, Siamtea in ti amawni, khami pa kha alo lut anga, a fapa awmna a rawn zawt ang che.” a ti a, chuveleh Collector pa chu alo lut a, Siamtea pa a lo ni tak tak bawk a. Nathana chuan, “Good luck.” tih pahin a chhuahsan a. Collector chuan, “Enge awmzia DGP? Khawnge ka fapa a awm? Tu emawin video min rawn thawn a, ka fapa hliam nasa tak tuara car chhunga a mu lai video a ni a? Ka hlauthawng ania...khawnge a awm?” a rawn ti chiam chiam mai a. DGP chuan video chu a en a, “Ehe...hei chu kan Station bul ava ang ve?” a ti a, a ngawi vang vang a, hlauhthawn hmel tak hian, “Hrep tak chuan, DCP Nathan!!!” tih leh tlanchhuah a rual nghal a. SSP leh collector chuan a hnungah an zui a. Station kawta Siamtea car chu an hmu a, collector pa chuan va pan hnaiin, “Ka fapa ka fapa..” a va ti vak vak a. Car kawngkhar chu hawn tumin a bei chiam a, mahse a hawng theilo, chhunglam atangin a inkalh a ni. Kawngka hawnna chu collector pa chuan a pawt vak vak a, engemawni hi a t(r)ek zuai a, car chhung chu a alh ta pup mai a. Collector hlauthawng lutuk chuan, “Nilo....ka fapa hi chhan ru.” a ti vak vak a. Chuveleh car chu rawn in hawngin Siamtea chu taksa alh hluah hluah chung chuan a rawn tlu chhuak a, collector chuan fire extinguihsher chu va la in afapa alh hluah hluah chu va thelh a tum a. Fire extinguisher-a a kap chiah chu meialh tho hi a rawn inphuh chhuak a, Siamtea chuan tuar lovin a taksa kang nasa lutuk chu a thihpui ta a. An buai luih luih lai chuan DGP chu a hawi kual a, kawngpui atanga NAthana leh MAry bike-a inphur chunga an lam rawn en reng chu ava hmu a, Mary chuan DGP chu a bye-bye lauh lauh a, Nathana chu a nui suk a, a tlan liam ta a.


DGP chuan arang arangin police force kovin Nathana inluahna a Nathana va zawng tur chuan a ti a, mahse Nathana emaw, Sanvi emaw Mary pawh tumah hmuh tur an awmlo. Police force ho chu lo let leh in an captain chuan DGP bulah chuan, “Sir, a tlanbo hman a ni. Chumai nilovin engkim kha a plan lawk vek a ni, a hun leh a darzat te pawh a plan vel vek a ni. A adhaar card, credit card, election card leh ID card thleng pawhin chhuih theih lohvin a tichhe vek a ni.” a ti a. Atukah chuan Siamtea vui naah chuan DGP chu ava kal a, Siamtea pa chuan, “DGP, Officer pakhatin ka fapa a that a, tichung chuan thlamuang takin ilo la awm a nimaw. Man ula, jail ah khung ula, vaw hlum rawh u..” tiin a lo ang nghal vak vak a. Jerry-a pa chuan, “DGP, ngatinge inla man loh a?” ati a. DGP chuan, “A awmna kan la hrelo a ni, chubakah he mihring hi mi namai lo tak a ni. Mahriati thihna avanga thinrim kha chu a ni tawh lo, a inluahna nei tute kan thah sak avanga thinrim a ni ber tawh zawkin ka hria. A chetdan kha professional tak a ni, Siamtea kha nasa taka sawisa in a car chhungah khan a dah a, chupawh Station bul lawkah, tuman a che vel kha an hmu chuanglo. Tin car chhungah ethyl gas a phuh lut a, tukverh a kharphui vek a, Siamtea kha nikhaw hrelovin a siam bawk. Car hawnna kha tu emawni in a pawh veleh a current t(r)ek thei turin a siam bawk a. Siamtea a kan hluah hluah khan tu emaw chuan fire extinguisher a hmang dawn tih pawh a hrelawk a, chuvang chuan a chhungah khan ethyl gas a thun khat vek bawk a, mahse engtik laiin nge a chet kan hre silo. Kan fimkhur angai a, kan ngainep tur a nilo.” a ti a. Mike-a pa chu lo tawngchhuak ve in, “Mi rilru tam tak kan lo tina tawh thin a, kan that a, an pawisa kan laksak a, kan vau a, kan tichhia a, mahse sumdawnna vang veka ti kan ni. Mahse he mihring pa hi tu nge maw a nih a, hetia phuba lak duhna thinlung nei ngam ve nge maw a nih le? Chupawh kan lakah lehnghal?” a lo ti ve bawk a. Mike-a chuan, “Ka chhuah hauh lovang mawle..” a lo ti ve pung pung a, DGP chuan, “Nilove, keipawhin ka lo ringsual a ni, mi mai mai a nilo. Chubakah Nathana khan aman nilovin, an pa te theuh in an that ang tiin min hrilh a.” a ti a, Jerry-a chuan thinrim hmel tak hian, “Enge awmzia? Ka pa hian min that ang maw? Nge kan biru dawn tihna a mi? Tunah Nathana chuan min zawng mek a ni a, ani mi pakhat chauhvina min thah a tum avanga hlauva kan lo bihruk nachhan tur ka hre lo. Security tam tak kan neioh bakah police te pawh kan thuhnuaiah an awm a, enge atangkaina ni ang?” alo ti khur khur a. DGP chuan, “Biru rawh u ka tilo, mahse fimkhur ang che u, DCP Nathan-a hi a hnathawh thenkhat te pawh ka lo hre ve nual tawh a, ngaihnep chi anilo, detective tam tak te ai pawh hian a thluak hi a tha zawk a ni. Ka kalsan phawt ang che u, lo fimkhur ang che u.” tiin a kalsan ta a.


Nathana, Sanvi leh Mary te chu in lian tak pakhatah kalin in bulah chuan pathau lampang, hmuihmul buk chhur mai hian a lo hmuak a, chupa chu Nathana thianpa, cyber crime expert a ni. Nathana te chu inchhung lamah a luhpui a, chu cyber crime expert hming chu Tetea a ni. Tetea chuan Nathana te chu a nupui te nen in hmelhriat tirin an room tur te a kawhhmuh a, Sanvi chuan Mary chu a paw muhil a, room lamah a luhpui ta a. Nathana leh Tetea chu room pakhat ah lutin Nathana hmanrua tur pistol te, laptop te leh phone thar leh sim thar te chu an buaipui a. Tetea chuan, “Thianpa, pakhat chu i that ta phawt a, hetia awm zel ami i tum a? I chhungte ang chiah in Pi Mawii te chu ilo en pawh a ni mahna, mahse tual thah hi a tha kher lo asin. Mary saw en la, naupang mai ala nih saw, amah avang tal pawh sawn duhtawk mai rawh.” a ti a. Nathana chuan, “Mary tan zawk alawm he thil hi ka tih, a hnel ka hmuh sawn a unaunu Josephine-i ka mitthla ah alo lang a. Ngaihtuah teh, khang misual te khan misual 10 rual vel tirin an inah ngei an va thah tir a, Mary chu chung misual te chuan a nu leh pate leh a pi leh pu te khawngaihna tel miahlova an sawisak lai an en luih tir a. Josephine-i, kum 6 mi lek dim miahlo a an vaw siah siah tur te kha ngaihtuah rawh. Khang misual 4 te zinga mi 3 chu anla dam a, damin ka chhuah dawn lo. Mary hian chhungte a nei tawh lo, ka fanu a ni tawh ang. Min pui dawn nge dawn lo?” a ti a, Tetea chuan, “Lungngai suh thianpa, ka pui em em ang che.” a ti a.

Chumi zan chuan Nathana chuan Mary chu bulah mut tirin duat takin a sam a chul sak a, mahse pawn verandah a Sanvi vei vei a hmuh chuan ava pan hnai a. Sanvi chu a hnunglam atanga va kuah in, “Duhtak, enge i ngaihtuah a?” a ti a. Sanvi chu lo hawi letin Nathana mit taka en pah chuan, “Duhtak, he khawvela mi zawng zawng te hian harsatna leh rilru natna kan nei vek a, lungngaihna tawng lo bik kan awm lo. Hetia i che hi thil dik ani em tih hi in zawt rawh, tual i that mek asin.” a ti a. Nathana chuan, “Ka thiltih hi a diklo i tihna ami?” a ti a. Sanvi chuan, “A dik leh dikloh chu thuhran nise, hetiang hian i la che ngailo. Phuba chu ila fo tawh a, mahse a mal te te a i mihring pui i that hi chu misual rapthlak tak mah nise an mahni ang tho a tualthattu i ni dawn asin.” a ti a. Nathana chu a ngawi vang vang a, thawk ala te te a, Sanvin mit taka en pah chuan, “Khang mi tenawm te khan ka hmaichhanah hian engmah ka tih theih loh tur thu leh an tan chuan ui pawh ka tlukloh thu min hrilh a, Pi Mawii te an thah nachhan pawh keimah vang a nih thu leh Mary nunna an zuah nachhan pawh hi damchhunga ka inchhir an duh vang a ni. Mahriati an pawngsual lai kha video in an la a, zam miahlovin min entir zui lehnghal bawk a, mihring pawh anni lo,ramhuai an nih saw. Mahriati chunga thleng ang kha i chungah pawh a thleng thei asin, Mary chungah pawh a thleng thei asin, tu chungah pawh a thleng thei. Heng misual te hi nung dama an awm reng chuan naupang tam tak hi Mahriati tawn ang tawng turin an lo thanglian mek tihna a dawn a, chu chu i duh em ni? Zalenna tih thu hi kan hre fo a, nitin kan hre hial ang. Mahse he zalenna hi hmeichhia te tan hian a awm velo a ni, zanah mahnia chhuah an ngamloh phah a, an ralti em em a, chuvang chuan khang mi tenawm te kha ka chhuah dawn lo. Min hrilh teh..engtin nge ka awm ang? Ka duhtawk ang maw? Min hrilh rawh..” tiin Sanvi chu a en a, Sanvi chuan Nathana hmuiah chuan a fawp vawng vawng a, fiah tak leh felfai tak hian, “THAT RAWH NATHAN...THAT VEK RAWH.” a ti a, Nathana chu a nui suk a, “TEHRENG MAI.” a ti a.

To be continue.....