NATHAN SEASON-2 (Episode-4) U-TURN (By:Aaron Malsawmdawngzuala)

[Aaron Dustin]

NATHAN SEASON-2 (Episode-4)

U-TURN

Written by : Aaron Malsawmdawngzuala

(Tuntum chu episode dang anglo takin thlahrang han tel tir ve chhin teh ang aw, enge in ngaihdan te pawh ka hre chak hrim hrim. Hemi episode ah pawh hian Rinawma sawi angin ziaklo leh phawt ila, hemi episode bika a changtunu ber Rempuii sawi angin ziak zawk ila, a ngaihnawm tho angem tih chu in ngaihdan ni rawh se. Tin, he episode pawh hi avai hi chuan keima ngaihtuahna leh keimah chauha ka phuah anilo a, film ka en thenkhat ami tlema zawng ka copy leh zeuh zeuh a, minlo hrethiam leh mai aniang chu. Season 2 ah hi chuan tihdan han thlak deuh ka duh a, athenah hi chuan tlema naupang tana chhiar himlo deuh pawh a awm maithei a, a thenah erawh hlimawm lampang a awm leh anga, athenah erawh hlauhawm lampang a awm anga, thlahrang pawh a tel zeuh zeuh maithei a ni.)

Ka hming chu Lalrempuii a ni a, ka tet te atanga Reporter nih tum em em hi ka ni a. Ka pa hi ka pian hma in a thi tawh a, ka nu nen kan khawsa mek a ni. Kum 25 lai ka lo ni ve tawh a, ka nu hian pasal neih tir hi min tum em em bawk a, kei lah hian ka la duh silo. RTO Times of Mizoram (fiction) company pakhatah intern ka ti mek a, chuta ka training na hmunah chuan ngaihzawng pawh ka chhar ve a, ahming chu Richard-a a ni a, a nghetin a thawk tawh bik a, mahse kei ai chuan ala upa lutuk biklo. Richard-a hi crime reporter a ni a, engkimah ka hnathawh naah te pawh min pui nasa hle thin. Kan pute laka hmingthat chu kan inchuh tlang a ni ber mai, theihtawp kan chhuah hlawm a, keipawh a ngheta min lak ve theihna turin theihtawp ka chhuah ve thin. Thla 5 vel liam ta khan hmun pakhat, one way road tura kawng an siam mek, kawng lai taka one way chauh a kal theihna tura kawng lai taka lung an dah phei teuh na hmunah chuan accident avangin Pi Zualtei leh a fanu kum 5 mi Angeli te chu an boral hlauh mai a, achhan chu kha lung an dah tlar kha mi thenkhatin traffic a jam laiin, hmanhmawh avangin an lirthei lengtawk tur velin an dah sawn thin a, an dah fel leh siloh avangin accident chu a thleng ta niin mipui te chuan an ngai a ni. Ngaihdan ka nei ta a, chulai hmun zir chiang tur leh ka intern tih mek na ah hian promotion ka hmuh theih phah takin tiin chulai hmunah chuan engthil chiah nge thleng tih hriat tumin research ka bei ta a. Pi Zualtei te nufa kha an accident hun lai kha zanreh lai tak anih avangin an accident lai tak kha tunman an hmu lo a, mahse a chhan ber ni a an ngaih chu kha kawng lai taka lung an rem tlar an dahsawn vang leh, an dahsawn hnua an remthat leh thinloh avanga accident thleng ta mai angah ngaih a ni. He lai hmun hi a veng hming tak chu tarlang lo ila, a hming lem atan SBI Bank opposite flyover ti mai ila a tha awm e. He flyover ah hian mi tam tak pawh accident thlen hnu thleng pawhin U turn siam chawpin lung chu an la sawn a, traffic jam nasa lutuk pumpelh nan lung chu an la dahsawn fo mai a, chuvang chuan chung U turn insiam chawp thinte chu tute nge an nih tih leh, an mahni hriat chiana, interview neih pui ka duh ta a. Hriat theih dan tur tam tak ka ngaihtuah hrep hnu chuan tihdan ka hre ta a, min pui thei tu tur ka hmu ta. He flyover bula kawng sirah hian kutdawh tawngtheilo pakhat hi a riak thin a, chu kutdawh chu a puihna ka dil ta ringawt mai a ni.

Chu kutdawh tawngtheilo bulah chuan helai fly over-a mahni a U-turn insiam chawp apiang te chu an motor number te lo chhinchhiah zel turin ka hrilh a, note book leh pen ka pe a, chutah chuan an motor number te chu lo ziak thla thin turin ka hrilh ta a. Hun engemaw chen chu kutdawh pa chuan U-turn insiam chawp te apiang motor number chu min lo chhinchhiah sak thin a, nitin cheng 100 zel ka hlawh tir thin bawk a ni. Mi engemaw zat number chu ka chhinchhiah tawh a, a hnuhnung ber number chu MZ01 E, 1450 a ni. Chu number chu ka chhuichiang a, Richard-a puihna hmangin a hming leh a address ka hre thei ta a, a hming chu Lalremsiama a ni a, Kulikawn-a cheng a ni. Hun ka neihloh thin em avang leh ka buai thin em avang in midang motor number te leh an address te pawh chu ka hre kim vek thei lo a, interview pawh tumah ka la neihpui hman lo, mahse ka hriat ang ang te chu ka note book ah ka chhinchhiah vek a ni. A hmasa ber atan tiin Lalremsiama chu interview neihpui hmasak ber ka tum ta a. An ina kal tumin Kulikawn lam chu ka pan ta a, hemi ni hi ka day-off ni a ni. An in ni-a ka hriat chu ka thleng a, mahse alo inkalh tlat mai. Darkar khat zet ka nghah hnu chuan tumah an lo kal si lo a, tichuan ka haw ta ringawt a. Chumi zan chuan ka bialpa leh ka senior, ka thawhpui Richard-a nen chuan Vanapa Hall ah movie kan en a, kan hlim dun hle. Kan en zawh hnu chuan a bike-in min thlah haw a, tichuan kan in bul thleng chu min thlah a. Kan inthlah liam hnua kan in ka lut tur chiah chu police motor hi an in zawnah a rawn ding a, a chhung atang chuan pa pakhat, hmelchhe lemlo, ft 5 leh inches 9 vela sang, ngo lutuk lo, mahse fresh hmel zet hi police uniform ha in a rawn chhuk a, ahnungah constable hmeichhe pahnih an rawn chhuk tel ve bawk. Chupa chu alo kal hnai a, “Ka pi, Lalrempuii i ni em?” a ti a, keichuan, “Aw ni e, ka pu.” ka lo ti a. Chupa chuan, “ASP Lalrinawma ka ni a, khawngaihin Station lamah min lo zui turin ka duh che a ni.” a ti ta mai a. Ka hrethiamlo kher mai, “Enga? Enge ka tihsual a, Engvangin nge Police Station ah chuan ka rawn kal ang?” tiin ka zawt a. ASP chuan, “Tunge rawn thlah tu che kha?” tiin min zawt a, keichuan, “Ka thianpa a nih kha, ka thawhpui.” tiin ka chhang a. ASP chuan, “Thianpa nge bialpa?” a ti leh deuh kher a. KA ngaihdan a ni vak lo, “Ka hrilh kher lo ang che, thil awmzia hi engmah ka hrelo. In hresual aniang, min hai aniang.” ka ti a, ASP chuan a phone a rawn phawrh a, number pakhat hi min hmuh a, “Kan hresual lo che, hei hi i number a ni lawm ni?” a ti a, number chu ka en a, ka number ngei a ni. ASP chuan, “Ka pi khawngaihin min lo zui mai rawh..” a ti a, hmeichhe constable te chuan min rawn vuan a, motorah min luhtir a, Station lam chu kan pan ta a.

Station kan thleng chu an DIG chuan hmeichhe pakhat lo thutpuiin thu alo zawt fiah mek a, chu hmeichhia chu a tap zawih zawih lehnghal. Chu hmeichhia chuan, “Tlaiah khan alo haw a, a mood a fuhloh hmel em em a, ka biak pawhin a rul tawk te hian min chhang a, ka thusawi chu a ngaipawimawh miahlo a ni.” alo ti a. DIG chuan, “In inhau tihna em ni?” a lo ti a. Chunu chuan, “Inhau em em pawh a nilo, inah hian ka awm tawp a, hna tawh ka nei velo a, amah hian min chawm tawp a ni. Chua maw ka pu, hna neih ve ka dil a, dilna ka thehlut ve mai dawn amawni tiin titi pui ka tum a, mahse tullo a ti tlat bawk sia.” a ti a. DIG chuan, “Eng hna nge dil i tum?” a lo ti leh a. Chunu chuan, “Hna pawh chu enge ka la ngaihtuah lo, hna dil ve hrim hrim ka duh a, engpawh ni se, in lama awm awl reng ka ning ve a, mahse a thinrim em em ringawt a.” a ti a. Chutih lai chuan constable leh ASP Rinawma te chuan min va hruai phei a, ASP chuan, “Sir, hei hi Rempuii chu a nia.” a ti a. DIG chuan chunu bulah chuan, “Henu hi i hria em?” tiin min kawk a. Chunu chuan min en a, “Tunge i nih?” a ti a. Ka hrethiamlo takzet, “Ka pu, tunge henu hi, chuan tah hian engvangin nge ka awm?” tiin ka zawt a, DIG chuan chunu chu en in, “Ka pi, i pasal hian ngaihzawng a neih awm ang i hria em?” tiin a zawt a. Chunu chuan, “Enge awmzia? Ngaihzawng a? A neih ka hrelo.” a ti a. DIG chuan, “VAwiin khan i pasal thih lai hun vel khan henu hi in inah a rawn kal a ni.” a ti ta mai a. Chunu chu chhuak em em hian a tap ta hawm hawm a, "A awmzia chu ka pasal chu henu nen hian an inngaizawng amaw?" a ti a, a tap vak vak a. KA thin a rim lutuk chu ka ngawi reng, tunge a nih ka hre ngai silo. DIG chuan, "Awle, tap suh ka pi, i haw thei tawh e." a ti a, an hruai chhuak a. Kei erawh room pakhatah min hruai a, a chhungah chuan police officer pakhat, ngo lam, hmeltha tak leh ft 6 vela sang, mit meng pawl ra mai hi alo awm a. Chu police chuan ASP bulah chuan, "Rinawm, henu hi tunge?" a ti a. Rinawma chuan, "Lalremsiama thih hun lai vela an ina va kal nu kha ania, DIG nen thu kan zawt fiah dawn a nih hi." tiin a lo chhang a. Chupa chuan, "A nih chu." tiin file pakhat a la a, chhuah a tum chiah chu DIG alo lut a. DIG chuan chupa bulah chuan, "Nathan, khawnge i kal dawn?" a ti a, chu police hming chu an sawi fo thin Nathan-a ngei kha a ni tih ka hre ta. Nathana chuan, "Sir, hei file kan buaipui ho kha lo pek che ka tum a." a ti a. DIG chuan, "Nakinah a nimai, lo thu ve phawt teh." a ti a. An hma zawnah chuan min thut tir a, DIG leh ASP leh Nathana te chu ka hma takah chuan an thu a.

DIG chuan, "Lalremsiama kha engvanga that nge i nih?" a ti ringawt a. Keichuan, "Enga? Ka that lo, tunge Lalremsiama chu?" ka ti hu mai a. DIG chuan, "That silo engvangin nge vawiin khan an inah i va kal a? Lalremsiama hi nichina nu pakhat kan lo biak mek kha, khami pasal kha a ni. Vawiin chawhnu khan an inchung atangin a ta hlum a, kha tih hunlai khan nang hi an inah i kal tih kan hria." a ti a, ka mangang hle mai. DIG bulah chuan, "Ka that lo, a thi tih pawh ka hrelo. An inah chuan ka kal ngei a, mahse an in alo inkalh daih a, abakengmah ak hrelo." a ti a. DIG chuan vin zet hian, "Anih leh tunge tualthattu chu?" a ti a, keichuan tap tuau chung chuan, "Ka hrelo ka pu..." ka ti a. DIG chuan, "Anih chuan tunge hria ang? DAwt sawi suh, kan hrechhuak tho tho ang che." a ti a. Keichuan, "Ka hrelo tak tak, amah hi ahmain ka la hmu ngailo." ka ti a. DIG chuan, "Anih leh an inah khan engvangin nge i kal?" a ti leh a. Keichuan, "Sir, ka article ziah mek chungchang ah interview neih pui ka duh a, chuvang chuan ania ka va kal." ka ti a. DIG chuan, "Eng article nge? He thihna nen hian enge inzawmna a neih?" a ti a. KEichuan, "Sir, RTO Times of Mizoram company ah intern ka ti mek a, chumi ka article ziah ah chuan SBI Opposite flyover-a mitam takin one way a tlan theih tura construction an neih mekna kawng lai taka lung an dah tlar thin saw la sawn in U-Turn an insiam chawp thin a, an kual ta mai thin a, lung an dah sawn te chu an dah tha leh ngai silo a, lehlam a tlan te tan a hlauhawm thei em em a, chuvang chuan chutia U-Turn lo siam thin te chu an number ka chhinchhiah zel a, chumi te zingah chuan Lalremsiama hi a tel ve a, chuzawng chu a ni ka hriat." ka ti a. DIG chuan, "Chutiang thil awihawm loh lutuk kan ngaithla peihlo...thudik sawi rawh." a la ti ta deuh deuh a. Keichuan, "Ka ti tak tak alawm ka pu...chubakah midang ngaituah miahlo leh, thil dik anilo tih hre reng chunga U-Turn mahni a, traffic police te hmuh loh laia lo insiam chawp te chu thil dik a ni dawn em ni?" ka ti a. DIG chuan, "Chutia U-Turn an lo insiam chawp thin avang chuan i that ta mai tihna mi?" a ti leh a. Keichuan mangang zet hian, "Ka that lo, an ina ka kal khan in alo inkalh ka tih chu." tiin ka chhang leh a. DIG chuan, "Nihleh U-turn siam thin te chu an motor number te engtin nge ilo chhinchhiah thlap thlap theih?" a ti leh a. Keichuan, "A bulah khan kutdawh pakhat a awm a, chupa hnenah chuan min hriulh thin turin ka ti a, nitin cheng 100 ka pe ziah bawk." ka ti a. Tichuan an vai chuan an tho a, min chhuahsan ta vek a.
..........
NAthana leh DIG thar, DGP Pu Sangliana boral hnu thla 3 vela Nathana te department-a rawn thawk thar leh ASP Rinawma te chu office atang chuan an chhuak a. DIG chuan, "Rinawm, Lalremsiama te in bula pheikhawk dawr ah khan, pawn kawngka bulah khan CCTV an dah a, Lalremsiama te in pawh a cover thei a, chumi footage chu lo va check chiang ang che." a ti a, Nathana lam a hawi leh a, "Nathan, nang erawh lo buaipui chhunzawm la, ka chhung ten min rawn call sek tawh si a, ka va haw a nge." a ti a, Nathana chuan, "Va haw rawh, ka lo buaipui ang. E chuan, REmpuii saw, thildang kan hriat belh hma chu Remand Home ah lo awmtir ang che u." a ti a. Nathana chuan, "Tinge Remand Home ah kher? Haw tir mai ila..." alo ti a. DIG chuan, "He case hi case liantham tak a ni a, chuvang chuan rinhlelh ber chu Rempuii hi a ni. Ka thusawi ang chuan ti mai rawh.." a ti a. NAthana chuan, "Awle Sir." a ti a. Pawnah an chhuak a, DIG chuan, "Nathan, Rempuii thilsawi kha enge i ngaihdan?" a ti leh a, Nathana chuan, "Ka hrelo, ka ngaihdan chuan thudik a sawi a nih ka ring. Achhan chu Lalremsiama thih hun awm ang kan chhut kha dar 1 vel a ni a, chumi hnu daih ah khan REmpuii kha a kal ve chauh kha a nia, mahse ka hrelo le." a ti a. DIG chuan, "Kan inhmu leh dawnnia, ka kal ange." tiin a hawsan ta a.
.............

Minute 10 hnu vel ah chuan Nathana chu a rawn lut leh a, constable hmeichhe bulah chuan, "Enteh, Remand Home lam lova phone la, hmeichhe pakhat kan rawn dah belh dawn tiin va hrilh ang che." a ti a. Kei chuan hlauthawng tak hian, "Nilo Sir, engvangin nge Remand Home ah chuan min dah in tum a? Min haw tir rawh u, engmah hriat ka neilo." tiin tap chungin ka ngen a, Nathana chu ka bulah a rawn thu a, "Enteh Rempui, he case hi kan chinfel phawt angai a ni. Nangmah hi rinhlelh ber i ni bawk si a, chuvang chuan kan kaltir mai theilo che ani." a ti a. Keichuan, "Sir, Lalremsiama kher nilo pawh hi midang pawh an address ka nei teuh alawm, ka kutdawh khan nitin block lo dahsawn apiang kha chu an number min lo ziah thlak sak zel a, hei, mi 10 lai number chu ka ziak thla alawm." tih pahin ka chhinchhiahna notebook chu ka pe a. Nathana chuan a en vang vang a, "Lalremsiama hma hian midang i interview pui tawh em?" a ti a. Keichuan, "Aih SIr, Lalremsiama kha ahmasa ber atan interview pui ka tum a ni." ka ti a. Nathana chuan, "Lalremsiama hming i ziah hma hian midang an awm nual bawk a, tinge Lalremsiama kher, ahmaa i ziah hi Lalhmingmawia tih a ni a, tinge hepa hi i interview pui hmasak loh?" ti a min zawh chuan keichuan, "Ka tum renga, mahse khami ni khan ka nu ka in entir pui a, ka hmanlo ani." ka ti a, dawt ka sawi bawk hek lo. Nathana chuan, "Anih leh chu kutdawh pa bulah chuan min hruai thei angem?" tiin min zawt leh a, keichuan, "Aw..thei lutuk e," ka ti a. Nathana chu a chhuak a, hming ka ziah na note book chu ala bawk a. Tichuan min rawn ko chhuak a, "Rempui, ASP Rinawma nen hian chu kutdawh pa awmna ah chuan va kal ula, hetah inlo hruai ang." a ti a, tichuan constable dang te bulah chuan Nathana bawk chuan, "Enteh u, he note book a motor number ho hi a mal tete in an address lo chhui chhuak vek bawk ang che u." a ti bawk a, ASP Rinawma nen chuan kan chhuak a, ruah a sur buan buan a, a thim em em bawk a. Kutdawh pa chu kan va hmu a, Station lamah kan hruai phei ve ta a. Nathana chuan kutdawh pa chu a en vung vung a, "Rinawm, investigation room ah va hruai rawh u." a ti a, kei erawh Nathana Office ah ka awm thung. Constable pakhat alo lut a, Nathana bulah chuan, "Sir, an address te chu kan zawng chhuak vek tawh e." a rawn ti a, min chhuahsan ta a. Minute 20 dawn lai mai ka thut hnu chuan chu kutdawh pa, minpuitu pa ngei mai chu na tuar a, a au vak vak ri ka hre ta a. Nathana chu thinrim hmel tak hian a lo lut a, ka lo ding a, "Sir, tinge kutdawh pa kha in vua em ni?" ka lo ti a. Nathana chuan vin zet hian, "Thu rawh." a ti a, ka hlau kher mai. Rum tak hian min melh a, "Engtin nge motor number atang ringawt khan address i neih theih?" a ti a, keichuan hlau tak chung chuan, "Ihh...ka thianpa RTO-a thawk ve in min pui thin a, chuzawng chu a nimai ka hriat chu." ka ti a. Nathana chuan thinrim tak hian, "HEng hi note book-a number i ziah ho hi, heng motor nei tute zawng zawng hi an thi vek tawh, i hria em?" a ti ta mai a, ka phu chiang kher mai. Hlauhna hlirin ka khat a, engmah thil awmzia ka hre tawh biklo. Hlauthawng tak hian, "Engmah ka hre biklo, eng mah ka ti lo." tiin ka tap zawih zawih a. Nathana chuan, "Anih leh an hming zawn zela date i dah hi enge awmzia?" a ti leh a. Kei chuan tap chungin, "Khami ni kha chu khang lirthei neitute khan khami lung an dahsawn a, U-turn an in siam chawp thinna ni zel kha a ni e." ka ti leh a. Nathana chu a ngawi vang vang a, chutih lai chuan ASP Rinawma a lo lut a, "Sir, a tawngtheilo saw kutdawhpa saw. Mahse a ipte ka check a, hemi paper hi ka hmu a ni." a ti a. Nathana chuan paper chu a en a, 'MZ 01 D 1867' tih hi alo inziak a. Nathana chuan paper chu dawhkanah a dah a, ka note book chu a en leh a, a thinrim hmel kher mai. Chutah min rawn en leh a, vin zet hian," Heng hming i ziah ho te hi, an mahni hming zawna date i ziah ni ah chiah chiah hian a mal tete in an thi zel asin, chupawh mahni a intihlum vek an ni lehnghal." a ti leh ta mai a. Nathana chuan paper chu min hmuh pahin, "He kutdawh thil ziah hi enge awmzia?" a ti a. Keichuan tap chungin, "Sir, mi tu in emaw fly over ah chuan block a lo dahsawn leh anga, chumi number chu alo ziak thla leh a ni ngei ang." ka ti a. Nathana chuan, "Anih leh hetah hian date aziak lo a, engtik huna a ziah nge ni ang he paper a mi hi?" tiin min zawt leh a, kechuan tap chungin, "Vawiin.." tih ringawtin ka chhang a. Nathana chu hmanhmawh takin a chhuak a, a vei vut vut a. Constable ho te leh a junior dang te chu tih tur a hrilh chiam chiam hlawm a, chutah alo lut leh a, "Minlo zui rawh." a ti a, constable pakhat nen motor ah chuan kan inzui lut ta hlawm a.

Building lian tak mai hi kan thleng a, motor chu a tiding a. Kan chhuak a, constable bulah chuan, "Floor number engzah nge ni khah?" a ti a. Constable chuan, "3rd floor." a ti a. 3rd floor ah chuan kan han chho a, kawngka lo awm hmasa ber chu Nathana chuan a kik a. Putar pakhat hian alo hawng a, "Enge in duh?" alo ti a. Nathana chuan, "Pu Chhuanga te in a ni em? Vanlalchhuanga?" tiin a zawt a. Chu putar chuan, "Ni e, apa ka ni a.." a tih lai chuan hnunglam atang chuan Pu Chhuanga chuan, "Tute nge a, ka pa?" a rawn ti a. Chhuanga chu alo kal phei a, "Naute a mu theilo, tute nge tun ang hunah, a va hun lo ve...mut tui lai lai a, enge in duh?" a rawn ti nghal khur khur a. Nathana chuan, "Pu Vanlalchhuanga i ni em?" a ti a. Chhuanga chuan, "Aw ni e, enge in duh a? Min man dawn em ni? Enge ka tihsual?" a ti nghal bawrh bawrh a, zu rim a nam em em lehnghal a. Nathana chuan, "MZ01D 1867 hi i motor number a ni em?" tiin a zawt leh a, Chhuanga chuan, "Ni e, ka bike number ngei ani...enge in duh? Min man in tum em ni? Arrest warrent in nei em ni?" a ti leh nghal pawng pawng a. Nathana chuan Chhuanga chu a nam sawn lawp a, inchhungah chuan a lut a. Chhuanga chuan, "Enge i luh ngawt a? Hey..lo let vat teh, ka phalna i la em ni?" a ti vin khur khur a, Nathana chu minute 1 vel a vei kual a, alo chhuak leh a. Chhuanga chu a en a, min kawh pahin, "Henu hi i hre ngai em?" a ti a, Chhuanga chuan minlo en a, "Hre ngailo,,,tunge a? A hmeltha phian lehnghal.." ala tizui. Nathana chuan min rawn en leh a, "Rempui, hepa hi i hre ngai em?" a ti leh a, keichuan, "Hre ngailo." tih ringawtin ka chhang a. Nathana chuan Chhuanga ulah chuan, "Naktuk zing dar 9 rik hmain Police Station ah lo kal ang che." a ti a, kan kalsan ta a. Chhuanga chuan, "Awle, ka lo kal khawp ang, lawyer ka nih hi aw, min man na chhan tur pawh a awm lo, police te hi ka hlau lo." a ti pung pung a, mahse Nathana chuan a ngaithla lo hrim hrim. Constable bulah chuan, "Hetah hian naktuk zing thleng duty ang che." tiin kan kalsan a. Motor ah kan lut a, Nathana phone a rawn ri a, minute 2 vel an inbiak hnu chuan a dah a, muang chang chuan kan kal ta a. Nathana chuan, "Lalremsiama thih dan kha ka ngaihtuah a, mahni inthat a ang em em a. Chuan i note book ami te thih dan kha mahni intihlum vek an ni bawk a. Tin, note book-a date i ziah ni, kawng block-na an laksawn ni ah chiah chiah khan an thi vek bawk a, mak tak a ni. Engti kawng zawng emaw tak chuan heng mitthi te hian inzawmna an nei vek tihna a ni. Lalremsiama kha U-turn a akual ni chiah khan a thi a, chutiang bawkin vawiin khan he lawyer Chhuanga hian U-Turn a insiam vhawp ve leh bawk a, a mah pawh hi a ngaihtuah awm khawp mai. Rempui, thil hriatchhuah loh i nei a nilo maw? Han ngaihtuah chiang leh la, thil dang hriat chhuah belh han tum teh, min puih theih nan.." a ti a, mahse keichuan, "Sir, ka hriat zawng zawng chu ka hrilh vek tawh che, abak chu engmah ka.." ka tih lai tak chuan, kan chuanna motor hma takah chuan Chhuana chu rawn tla ri dup mai a, motor darthlalang ah chuan thisen a per chuai bawk a. Kan phu dun chiang kher mai, Motor chu Nathana chuan a ti ding a. Ka hlau lutuk chu ka thidang tep hial a, Nathana chuan, "Motor chhungah khan lo awm ang che." a ti a, achhuak a. Chhuanga chu a va en chiang a, a mit ala meng kuau zui. Tichuan police dangte a phone a, ruang chu post mortem turin an phurliam ta a ni. Chumi zan chuan zankhua in Police Custody ah chuan ka awm a, ka muhil eihlo hrim hrim.

..............

Nathana chu a tuk zingah chuan DIG chuan a room ah a ko lut a, DIG chuan, "Enge awmzia? Engthil nge thleng ta hi?" a ti a. Nathana chuan, "Englo ania SIr, he case hi ka rinphak bakin a mak a ni. Sir, Chhuanga thihna leh Lalremsiama thihna hian inzawmna an nei a ni." a ti a. DIG chuan, "Engmaw? Enge awmzia." a ti a, Nathana chuan Rempuii note book pek pah chuan, "En rawh tah khan...Note book-a hming awm zawng zawng kha Rempuii'n nizana a sawi, fly over-a U-turn insiam chawp vek te kha an ni a, kan police record-a a lan dan chuan khang mi te zawng zawng a, an hming zawn theuh a date a ziah ni angah chiah khan a mal te te in an thi a ni." ati a. DIG chuan en mang hlei lo chuan Nathana chu a pe let a, "Enge tih i tum?" a ti a. Nathana chuan, "Sir, he case hi ka chhui zui zel duh ani, min phalsak rawh." a ti a. DIG chuan, "A theih loh, he case hi close vat zawk rawh. Minister in vawi tam min rawn phone a, min hau hnem tawh lutuk." a tih lai chuan constable pakhat alo lut a, post mortem report a rawn dah a. Post mortem report chu DIG chuan Nathana pek pahin, "Kha en ta che, post mortem report ah pawh mahni intihlum tiin a inziah kha, he case hi close vat ang che." a ti a. Nathana chuan, "Mahse Sir, he case ah hian thu inthup a awm alawm, ka ti tak tak, ka chhui chhuak em em ang." a ti a. Mahse DIG chuan, "A theihloh ka tih chu, minlo zui teh." a ti a, a tho a, Nathana nen chuan an inzui chhuak a, interrogation room, Rempuii awm mekna room ah chuan an inzui phei ta a.

............

Zing alo ni a, dar 8 leh achanve vel a ni. Ka awmna interrogation room ah chuan Nathana leh DIG te an lo lut a, ka hmaah chuan an rawn thu a. DIG chuan, "He case hi close a ni tawh a, thiamloh engmah i nei lo, mahni a intihlum ngei a ni e. Chuan thil pakhat, vawikhat mah U-turn siama mahni a lo kual an awm anih pawhin an number lo la thla tawh suh ang che, hei i buai phah hrep chu ania. Tunah chuan inah i haw thei tawh ang, Nathan..va thlah rawh aw." a ti a. Nathana nen chuan motor ah kan inzui lut a, kan tlan ta a. Ahma zan atanga ka la mut miahloh avang chuan ka mut a chhuak em em a, kan tlan lai chuan kalo muhil hman a. Ka harh leh chuan kan in kanlo thleng der tawh mai a, Nathana chuan, "Kan thleng ta e, haw tawh rawh. In enkawl tha la, fimkhur rawh aw." a ti a, tichuan min kalsan ta a. Kan inchhung ka lut chu bang ka ngheng a, ka phone ka en a, Richard-a chuan vawi 50 vel minlo call a, message 100 chuang minlo thawn teuh bawk hi alo ni a. Ka rilru na lutuk leh ka thil tawn zawng zawng te ka ngaihtuah a, ka tap hawm hawm a, a hrehawm em a ni. Ka inbual fai a, peihlo leh phurlo tak chuan ka insiam a, office lam pan chuan ka inkhalh phei ta a. Richard-a'n min hmuh veleh chuan, "Tinge nizan ka call i lak loh a? Enge awmzia? I tha em?" tiin min lo zawt nghal chiam chiam mai a. Keichuan, "Engmah nilove, ka chau deuh alawm le." ka ti a. Richard-a chuan, "Coffee kan indun lawk dawn em ni?" a ti a, mahse Richard-a ka hmuh chuan ka tah a chhuak tlat zel mai si a, "Editor nen meeting ka nei dawn a, ka kal phawt ange." tiin chhuanlam siamin ka kalsan ta a. Tlai lampang alo ni a, ka haw pah chuan pawisa deposit ka duh avang chuan fly over bula SBI Bank ah chuan ka va kal a. Ka zo fel pawn ka chhuak chiah chu Richard-a chuan min rawn call a, "Hello, Rempui, tinge vawiin khan ka hlatah i awm char char a?" arawn ti a. Keichuan, "Aaa..englo, ka chau em a, ka mood a fuhlo a." ka ti bah nuai mai a. Richard-a chuan, "Thil tihsual ka nei em ni? Tinge min biak that duh miahloh a?" atih lai mawlh mawlh lai chuan, "Richard, nakinah ka lo call mai ang che, ka buai." ka ti a, phone chu ka dah ta a. Phone ka dahna chhan ber zawk chu ka thil hmuh mek chuan min tih hlauhthawn em vang a ni. Ka hma zawna fly-over ah chuan, ka hlauh ang ngei ngei in tlangval pahnih hian lung chu an lo dahsawn mek a, ka va pan a. Chung tlangval te bulah chuan, "Thiante u, hetah hian U-turn a kual phal a ni hleinem, khawngaih takin pangngai takin turning point ah zawk va kual rawh u." ka va ti ve thuai mai a. Pakhat zawk chuan, "Engvang chuan maw? Traffic police i ni em ni?" a ti a. Keichuan vin tak hian, "Traffic Police ka ni ka ti kherlo, he laiah hian U-Turn a inkual a nih chuan in chungah thil thalo a thleng ang." ka ti tawp mai a, sawidan vak ka thiam biklo a ni. An pahnih chuan min en a, min nuih vak vak mai a, Pakhat zawk chuan, "Awle, kan en ang chu, kan han kual phawt ange aw, i thulo ve eeeemai." minla ti zui. Ka hlauthawng em em a, "Thiante u, khawngaih takin ti suh u." ka ti leh a, pakhat zawk chuan, "Anih leh ka kual lo anga, kawng pangngai atang hian kan tlan anga, minlo zui vela." a ti vel a, tichuan an kual lui ta a. Tihngaihna dang a awm tawh silo, ka phone ka phawrh a, an motor number chu thla ka laksak ta tawp ringawt a. Anni lah chuan, "Kan motor number thla i la vel amaw? Khaa khaa, la rawh, faceebook ah te post la, min rawn tag ve nghe nghe la a tha ang." an la ti ham ham a, an tlan ta a. Rang takin keipawh chu ka scooty lam chu ka pan a, Nathana te Station lam chu ka pan ve ta tawp mai a ni.
............

Nathana chu a office ah chuan a vei kual char char a, a inngaihtuah nasat hmel em em a. Constable alo lut a, "Sir, hei ASP Rinmawia'n lo pe rawh a ti a." tih pahin file chu a pe a, constable chu a chhuak leh nghal a. Nathana chuan documents vel chu a en lai chuan mi pakhat hi alo lut a, "Sir, Doctor Joshua ka nia, Lalremsiama ruang leh Lawyer Vanlalchhuanga ruang post mortem tu kha ka ni a, thil sawipui duh che ka nei a ni." a rawn ti a, Nathana chuan, "Lo thu rawh." a ti a. Doctor chu a thu a, Nathana bulah chuan, "Sir, post mortem result ah kha chuan mahni inthat a inti a, a dik ngei bawk. Mahse mak deuh mai chu maw..Lalremsanga hrawk ah khan ser a awm a, chumi ser chu 'U' shape a ni. Chuan Lawyer Chhuanga ruangah pawh khan chutiang chiah chuan a hrawkah tho ser a awm ve a, 'U' shape tho a ni." tih pahin thalak pahnih a pe a. Nathana chuan thlalak chu a en vang vang a, "A mak hle mai." a ti ringawt a, Doctor chuan, "Ka kal ange." a ti a, a kalsan ta a. Nathana chu a chhuak a, DIG chuan, "Nathan, eng file nge i ken kha?" a ti a. Nathana chuan, "Sir, lawyer thihna chungchang vel.." a sawi zawh hma chuan, "Nathan, close vek rawh ka tih ka. He case hi a tawp tawh, Minister bulah pawh ka sawi vek tawh, a tawk." a ti a. Nathana chuan, "Mahse Sir, lawyer thih dan leh Lalremsiama thih dan kha a mak em em a, inzawmna engemaw tak chu a awm alawm." a ti a. DIG chuan, "Lawyer nupui pawh thu kan zawt fiah tawh a, apasal khan ba angah em em a, loan a puk bawk a, a rul thei siloa, chuvang chuan a beidawng lutuk chu a intihlum ta a ni tiin a sawi a, engmah sawibelh tur a awm lo." a ti a. Nathana chuan, "Sir, khalai flyover a U-turn a kual te zawng zawng kha an thi zel a ni, engemaw inthup chu a awm a ni." a ti a. DIG chuan, "Nathan, engmah a awmlo. U-turn a kual te kha thi pawh nise, an chhungten engmah an rawn report lo, ka thu hi zawm mai rawh. Pending case tamtak a awm a, chungte chu buaipui zawk rawh." a ti a. Nathana chuan, "Yes Sir." tiin kalsawn a tum lai tak chuan DIG bawk chuan, "E taka, Nathan..Rempuii number kha i nei em?" a ti a. Nathana chuan, "Aw...i be duh em ni?" a ti a, DIG chuan, "Duhlo e, delete ang che, chuan engkim theihnghilh vek rawh." a ti a, Nathana pawh chu ngawi reng chuan a kal ve mai bawk a.

Chutih lai tak chuan Rempuii chu alo lut thut a, Nathana chu a va pan a, "Sir, kha fly over ah khan mi pahnih chu U-Turn in an kual lui leh tawh ania." a rawn ti lut chiam chiam mai a. DIG chuan, "Rempui, lo thu phawt teh." DIG bawk chuan, "Enge ni leh ta, Rempui?" a ti a. Rempuii chuan, "Sir, nichin deuh lawk khan U-Turn insiam chawpin tlangval pahnih te chu an kual lui leh a, an thi ve ngei ang, khawngaihin chhan rawh u." a ti a. DIG chuan vin zet hian, "Kan thil tih tur min hrilh kan ngai lo, he case hi a tawp tawh." a ti ta mai a. Rempuii chuan, "Mahse Sir, an thi ngei dawn asin." a ti a. DIG chuan, "CID i ni em ni? Commissioner i ni em? Police i ni em? He thil hi ilo ngaihtuah ve chiam angai lo, police ten a tawk tawh kan tih chuan a tawk a ni mai." a ti ta hrep mai a. Rilru na tak chuan Rempuii chu a chhuak a, DIG chuan Nathana bulah chuan, "Nathan, i thiannu saw va hrilhfiah rawh." a ti a. Nathana chuan Rempuii chu a va umzui a, "Rempui, lo ding teh. I him zawk nan inrawlh tawh suh kan ti mai ania, kan venhim duh vang che alawm." a ti a. Rempuii chuan, "Min venhim in duh maw? Nangpawn i hriat vek kha, Sir tinge nangpawh hian min rin miah loh a? Tinge kei chauh min venhim in tum? Kha tlangval pahnih te pawh kha an thi ve ngei dawn tih te chu i hre ve tho awm si a." a ti a. Nathana chuan, "Rempui, ka senior te thu ka zawm angai a ni, min hrethiam rawh." a ti a. Rempuii chuan, "I senior thu chu zawm mawlh rawh, engmah tilo mah la, kei erawh ka awm mai mai hauh lovang." a ti a. Kal a tum chu Nathana chuan REmpuii banah chuana va vuan a, "Tlai dar 5 ah lo kal leh ang che, DIG haw hunah.." a ti a, tichuan Rempuii chu a haw ta a. Tlai dar 5 alo ni a, Rempuii pawh chu alo thleng a, DIG pawh a haw tawha. Nathana leh Rinawma chu Rempuii hruai chuan U-turn a kual te tlangval pahnih chu an motor number Rempuii'n thla alo lak sak hmang chuan zawng turin an chhuak hlawm ta a. Reilo te hnuah chuan an hmu a, vanneihthlak takin Nathana te tana man a awlsam lehzual nan zu anlo rui em em a, Nathana te chuan drink & drive case in an man ta a. Station an thlen meuh chuan zan dar 7 a ri tawh a, chung mi pahnih te chu inhnuai a dark cell chhungah an khung a, an hming chu Mawia leh Sanga te an ni. Sanga zawk chu a rui em em a, chhuat laiah chuan a mu reng a, tichuan Nathana te chuan an kalsan ta a. Inchung lam control room ah an chho a, Mawia leh Sanga te awmna dark cell ah chuan CCTV an vuah a, Nathana ten control room atang chuan screen lian takah an lo en ve reng bawk a. Pawnah Rempuii leh Nathana te chu thingpui in pahin anlo titi dun malh malh a, chutih lai chuan dar 11 leh achanve a ni. Constable pakhat chu hman hmawh tak hian a rawn tlan chhuak a, "Sir, thil mak deuh mai a thleng a nia." a rawn ti a, Nathana leh Rempuii pawh chu an tlan lut ve nghal a. CCTV chu kan han en a, nichin zawka chatthla Sanga zawk chu a ding a, che miah lo hian bang lam a melh reng a, Mawia erawh tui takin a mu thung a. Nathana leh Rinawma leh Rempuii leh constable pahnih te chuan mit khap miah lo hian an en reng a. Chutah Sanga chu Mawia lam a pan a, Mawia chu a rek ta vak mai a, MAwia chuan a tlawh thal tawp a, tichuan an insual ta buan buan mai a. Nathana chuan, "Constable, rang takin chhuk ula, zu hawng vat teh u, an inkhawih na palh ange." a ti a, tichuan an chhuk ta a. Sanga chuan Mawia chu reh pahin, aw rapthlak zet hian, "Engvangin nge kha kawng lai ah khan in kual luih a??" a ti a, Mawia chuan, "Sanga i mawl ami? Min thlah vat teh." a ti a, mahse Sanga chuan a thlah duh lo. Mawia chuan Sanga chu a hnek a, bangah chua a lu te ava tauh tir a, a pet vak vak a, mahse Sanga erawh chu na ti awm ang pawhin alang lo, rum tak hian Mawia chu melh reng a. Nathana chu constable hote chuan an rawn phone a, "Sir, dark room luhna tur kawngkhar ber hi kan hawng thei lo." a rawn ti a, Nathana chuan, "Rina, Rempuii hi lo awmpui teh aw, ka zu chhuk ange." a ti a, mahse Rinawma chuan, "Angailo Sir, ka zu chhuk zawk ang." a ti a, a chhuk ve ta a.
Nathana chuan dark room luhna kawngkhar pui chu a tlawh vak vak a, a tawpah chuan a tlawh chhe thei ta hram a. Cell chhungah chuan Mawia leh SAnga te chu anlo la insual char char a, Nathana chuan, "Chahbi kha khawnge, tala hi hawng vat ta che u." a ti vin hlur tawh mai. Chahbi chuan tala chu hawn an tum a, an hawng thei reng reng lo mai a, an rak chel chul hlawm mai a. Chutih laiin current a la rawn thim zui, kawl phe zawk zawk tih loh chu eng dang a awmlo. Police te chuan torch light an on a, mahse a eng nep em em a. Tala chu an hawng thei silo, Sanga lah chuan Mawia chu a hnek siah siah mai a, a hnek hlum thei takngial dawn. Hawn tuma an buai mek lai chuan Sanga chu a tho thut a, CCTV hma zawnah chuan a va ding a. Control room-a awm mek Rempuii chuan chu tia CCTV atanga SAnga'n a rawn melh kur mai chu ahlau ngei mai. Nathana chuan Rempuii chu aphone a, "Rempui, enge thleng? I tha em?" a ti a. Rempuii chuan, "Sir, min melh reng ania, min en reng mai." a lo ti ve bawk a. SAnga chuan, "Ka that vek dawn che u...in vaiin." a ti ta mai a, Rempuii chu a hlau kher mai. Nathana chuan, "I tha em?" a ti chul mai a, Rempuii chuan, "Sir, thah ah min vau ania, min en char char bawk." a lo ti ve bawk a. Mawia chu thi hnuang hian a rawn bakvak phei a, "Ka pu, min chhan ru..khawngaih takin.." tiin a rawn tap tuau mai a, Nathana te chuan an lo pawt a, mahse Sanga chu lo pheiin thim zingah chuan Mawia chu a hnuk phei ta daih mai a, boruak chu a reh ta thup mai. Chuveleh tala chu a ri rek a, an han en chuan a lo in hawng reng mai a. Rang takin an lut a, torch light chuan an en kual a, tichuan Mawia ruang chu an en vuh a, an phu chiang hlawm kher mai. Tichuan kil khat atang chuan, "Min pui ru, min pui hram ru." ti ri hi an hre leh a, Sanga alo ni a. A lo thu sawp nuai mai a, bang alo ngheng bawk a, hlau hmel tak hian a lo tap zawih zawih a. Nathana chu ava kal hnai a, constable pakhat chuan, "Sir, va kal hnai suh, a hlauhawm ania." alo ti khur dur dur a. Nathana chu Sanga hmaah chuan ava kun hnai a, Sanga chuan tap chungin, "Sir, min pui rawh." a ti a. Nathana chuan, "Lungngai suh, engtin mah i awm lo ang." a ti a, Rinawma chuan, "Sir, fimkhur rawh." a tih lai tak chuan Sanga chuan Nathana chu a bawhtlu thut a, a pistol laksakin Nathana chu a tin a, "Ka that vek dawn, tumah ka zuah lo ang." a ti a, silai chu a hmuam a, amah leh amah a inkap hlum ta der mai. Atuk zingah chuan CCTV footage-ah zan hmasa lama thilthleng te chu DIG chuan a en a. Nathana bulah va kalin, "Enge awmzia? Min hrilhfiah teh.." a ti a. Nathana chuan, "Sir, heng mi pahnih te hi drunk and drive case in kan man a. A chhan chu U-turn ah an kual lui leh a ni. SBI Opposite flyover ah khan an kual a, ahma a lawyer leh Lalremsiama thih ang bawk khan..." a tih lai chuan DIG chuan, "DCP Nathan, khathil kha sawi tawh suh, case kha close a ni tawh ka ti a ni lawmni?" a ti a. Nathana chuan, "Sir, he case ah hian engemaw thil mak tak chu a awm a ni, an mahni control tu hi a awm a lawm." a ti a. DIG chuan, "A tawk tawh, he case hi a tawp tawh. Nizanah pawh ka phalna la lovin dark cell ah heng mi pahnih te hi ilo dah a, an insual a, mahse engmah in ti lo. Tichuan pakhat zawkin a thianpa a that a, in awm lai rengin, chutah i mit hmuh ah ngei pakhat zawk silaiin a inkap hlum leh a. Ahma pawn i hma ah ngei, i awm lai rengin lawyer a thi bawk a. Minister te bulah enge ka sawi tak ang? Min hre thiam teh, interrogation a zawh hma chu Station ah hian lo kal tawh hrih suh ang che. Kar hnih chhung suspend i ni." a ti ta mai a.

.................

Ka rilru a nuam thei thlawt lo, ka mitthla ah Sanga'n Mawia a sawisa lai te, ahnua SAnga a inkahhlum lai te leh SAnga'n chiang taka min en lai te chu ka mit ngei khan ka hmu si a, a hrehawm ngei mai. Zing dar 9 velah chuan office ka thleng a, Richard-a room ah ka lut tlang a. Richard-a chu alo ding a, "Ehe Rempui, tinge i hmel chu, i tap elaw?" alo ti a, ka insum zo ta lo. Richarda chu ka kuah a, ka tap hawm hawm mai a. Richard-a chuan office roof top ah min chhoh pui a, coffee kan indun a. Richard-a chuan, "Enge awmzia? Rilru hahna i nei em ni?" a ti a. Keichuan, "Nei love, ka nu a zin sia, keimah chiahin inah ka awm a, ka lung aleng ema. Chubakah kan hna hi a hahthlak sia, ka chau em ani." ka ti ringawt a. Richard-a chuan, "Ka lakah hian zep i nei ami? Mi in an zuiru che em ni? Nge ni a vautu i nei zawk?" a ti leh a keichuan, "Chutiang engmah a awm lo, ka chauh deuh a, chuzawng chu nimai." ka ti a. Richard-a chuan paper rawn phawrh pahin, "Kha le, tap tawh suh aw." a ti a, keichuan paper chu lak pahin, "Enge ni a?" ka lo ti hu a. Richard-a chuan, "I hre tawh nange? SBI Opposite flyover-a accident thleng ta kha, khami article ziah kha i duh a nilawmni? Hei a report kimchang leh information zawng zawng ka zawnkhawm sak che a nih hi. Ka senior in min rawn phone a, ka kal phawt ange, ilo chhuk mai dawnnia i hman hunah." a ti a, min chhuksan ta a. Ka va lawm tak em, ka thil duh ber chu ka hmu ta, paper chu ka en kual a, tichuan inhnuai lamah ka chhuk ve ta a. Vanneih thlak takin report ah chuan Pi Zualtei, flyover-a accident a boral ta te address alo inziak hlauh mai a, apasal hming pawh alo in ziak a, Zothanpuia a ni. Tichuan hmanhmawh takin ka Manager bulah ka nuamsam lo tiin haw hma ka dil a, alo phal hlauh mai a. Pu Zothanpuia te in lam chu ka pan nghal a. Kawngka ka kik a, mipa khat hian alo hawng a. Keichuan, "Pu Zothanpuia i ni em?" ka ti a, chupa chuan, "Aw ni e" a ti a. Keichuan, "Reporter ka ni a, RTO Times of Mizoram ah ka thawk mek a, article ka ziak mek a, thla 5 vel liam ta a SBI opposite flyover-a accident thleng ta kha, achungchang ka ziak dawn a." ka ti a. Pu Zothana chuan, "Lo lut rawh." a ti a. Tichuan thingpui te kan induh a, Pu Zothana chuan, "Zualtei hi ka nupui ani a, kum 6 liamta khan kan innei a. Chhungkaw hlim tak kan ni a, kan fanu pawh hi kum 5 chauh a ni. Khami zan ka haw lam khan ka nupui leh ka fanu te kha Scooty-ah inphurin an haw a, tichuan in lampang ka pan laiin SBI Opposite flyover ah khan ka nupui lo let reng chu ka hmu a, abulah scooty alo awm bawk. Ka fanu erawh a bul footpath bula kawngthar an siam lai mek ah chuan alo tla hi alo ni a, a thi tih pawh a chiang hle. Ka mangang em em a, ambulance ka phone a, rei fe hnuah anlo thleng a, mahse damdawiin an panpui laiin a thi ve ta a ni. Police te chuan tlanchak vang tiin case an ti tawp a, mahse ka nupui hi a tlan chak ngailo a, a ngam bawk hek lo." a ti a, a tap zawi zawih a. Tichuan rei vaklo ka titi pui leh hnuah chuan ka chhuahsan a, NAthana ka phone a, inhmu turin ka sawm ta a.

Nathana chu alo thleng vat a, keichuan, "Suspend i ni tih kalo hria a, keimah vang ani si a, a pawi ka ti takzet." tiin thupha ka chawi a. Nathana chuan, "A pawilo, keite chu suspend hi ka ni deuh reng mai a, mahse investigation chu anla chhunzawm tho." a ti a. KEichuan, "Kha flyover kha, a documents leh report kimchangin ka nei tawh ania." ka han ti a. Nathana cjhuan, "Flyover bawk maw ilo la buaipui a?" a ti a. Keichuan, "Sir, thla 5 liam ta khan saw flyover ah sawn Pi Zualtei leh afanu kum 5 mi Angeli te chu scooty in an accident a, an boral ve ve a ni. Vawiin khan Pi Zualtei pasal Pu Zothana te inah kava kal a, a nupui chanchin te minlo hrilh a." ka han ti a. Nathana chuan, "Duhtawk rawh, engmah awmzia a awm chuanglo. Flyover a U-Turn siam chawp tute thihdan pawh kha thil thleng palh mai a ni." a ti a. KEichuan lungawilo tak hian, "Mahse Sir, nangmah pawn an thihna hian inzawmna a nei i ti si a?" ka han ti a. Nathana chuan, "Thil thleng palh mai a ni." tiin min chhang a. Keichuan, "Nihleh nizana thilthleng te kha enge awmzia?" tiin ka zawt leh a, Nathana chuan, "Drugs an tih vang zawk anih kha, abak a awmlo. Enteh Rempui, he case ah hian inrawlh ve tawh suh. I ngaihven viau a, mahse hetia nangmah a i chhui zel chuan atawpah police ten an ringhlel che anga, tualthattu ah an puh daih thei che a nia." a ti a. Keichuan thinrim takin, "Min pui dawnlo anih chuan, keimahin ka chhui mai ang." tiin lung nilo tak chuan ka chhuahsan a. Ka haw lam chu ka rilru a insual nuai nuai ani ber mai, thinrimna in ka khat a. Flyover lam chu ka va pan a, engtak nge thleng thin tih hriat ka chak ta tlat mai a. Ka thinrim laklawh bawk si nen chuan, eng teh hrep nge thleng ni tih hriat tumin kawng an blockna lung chu ka la sawn ve ta a, tichuan keimah ngei chuan U-Turn chu in siamchawpin, lung pawh dah tha lehlo chuan ka kual ve ta ngat a. Ka han tlan leh tur chu ka scooty chu a nung thei ta reng reng lo mai a, ka chhuk a, ka kick vak vak hnu chuan a rawn nung ve leh mai bawk a. Scooty ah chuan ka chuang leh a, ka hnungah chuan mi an rawn chuang ve niawm tak hian Scooty chu a hniam suih mai a. Engah vak ngailo chuan ka haw ta a, in ka thleng a, ka inbual a, tichuan chaw te ka ei a, dar 9 vel a rik chuan ka mu ta a. Ka mutthilh hma chuan Richard-a chuan min rawn text a, "I LOVE U." tih hi arawn thawn a, nui ver ver chung chuan ka muhil ta a. Ka muhil lai chu ka harh thut mai a, ka room chhungah ka lo awm reng reng lo. Khalai hmun, kha flyover bul ngeiah khan ka khum nen kalo awm anih chu. Ka tho a, ka mumang nise ka ti ngei mai, ka insik vak vak a, a tak ngei a ni si. Ka hma zawn chu ka pan phei zel a, ka ke bulah chuan balloon hi a rawn lir phei a. BAlloon chu ka chhar a, ka haw chhuak leh chiah chu mipa hlir 10 rual vel hian min lo din hual ta mai a. Chung mite chuan hnuailam an melh vek a, an kun vek bawk. An hmel te chu a dang vek a, chungmite zingah chuan Lalremsiama, Lawyer Chhuanga, Sanga leh Mawia te pawh ka hmu tel a. Ka hlau lutuk chu ka au vak vak a, tichuan ka tlanchhia a. Thui ve ka tlanchhiat hnu chuan ka hnunglam ka hawi leh chu anlo bo vek tawh a, tichuan Scooty pakhat hi arawn tlan a, an lo hnai zel a, Pi Zualtei leh afanu Angeli te ngei kha anlo ni. Ka zawn an rawn thleng a, min pel chiah chu U-turn ka insiamchawp na lai, ka lung dah hnawk ngei mai chu an su a, an thal ta tawp mai a. Angeli chu foothpath bul kawng hnuai lamah a invawrh thla daih a, Pi Zualtei erawh Scooty bulah a let reng thung. Ka va pan hnai a, Pi Zualtei chu ka va kuai her a, a lo thi hnuang mai a. Ka sawi vak vak a, "Ka pi, harh teh.." tiin ka be mawlh mawlh a, chuveleh a rawn meng thut a, min rawn rek ta mai a, "Ka that dawn che u." tiin min vin vak vak a.

Ka mumang atang chuan thu chhuak zawk khawp hian ka harh chiang ngei mai, ka thawh hlawp hlawp mai a. Inhnuai lampang atang chuan thawm ri ka hria a, hreh tak chung si chuan ka chhukthla a. Ka enkual vel hnu pawh chuan engmah ka hmuh siloh avang chuan let leh ka tum chiah chu Pi Zualtei leh afanu lo inbe mawlh mawlh lai chu kava hmu thut mai a, a thim angreng viau nangin chiang takin ka hmu a ni. Pi Zualtei chuan afanu chu alo pawm a, a fanu Angeli chuan, "Anu khawnge ka balloon kha?" a ti a, Pi Zualtei chuan, "Inchung lamah khian a awm ang, han zawng rawh." a ti a, Angeli chu ka room lamah a han tlan chho a. Ka thlan fimin min bual huh vek a, ka hlau em em bawk. Pi Zualtei chuan rum tak hian min rawn melh a, dawhkana chem te chu a la a, min rawn pan phei ta mai a. Tlanchhiat ka tum a, mahse ka theilo, ka taksa chu thunun tu an awm a ni. Pi Zualtei chuan min en a, "Nangmah hi animaw...ka fanu nena min that tu chu?" a ti khur khur a, keichuan tap chungin, "Nilo, engmah ka hrelo." ka ti ringawt a. Pi Zualtei chuan, "Khami zan khan flyover ah khan ka fanu nen kan inphur haw a, kual phalloh na ah khan an lungrem dahsawnin i kual lui anih kha. Kha lung kha su in kan accident a, khavang khan kan thi asin." a ti leh a, ka hlau lutuk chu ka khur char char a. A mitah pawh en ngamlo chuan maimitchhing chungin, "Ka hrelo ka pi, kei kha chuan vawiin chauh khan lung kha ka dah sawn a ni. Ka kual ve nachhan pawh engthil tak nge thleng thin tih ka hriat duh vang chauh ani...min chhuah rawh." tiin ka ngen lawm lawm a. Pi Zualtei chuan, "Midang U-Turn ho pawh khan tiang vek khan min chhang, mahse tumah kha ka zuah lo, ka that vek tho, tunah pawh ka that dawn che." a ti khur khur a, chemte chu min vawn tir a, chutah ka kut chu keima tih nih miahlo hian a rawn kang vak a, chemte chuan ka kut lehlam chu ka tin a, ka banrek chu ka zai ta mai a, a na kher mai. Tap chungin, "Ka hrelo, ka tih anilo, ka nilo tak tak, min kaltir rawh.." tiin ka ngen lawm lawm a. Thisen a chhuak hnem tawh si, keimah leh keimah ka inthat mai dawn tih hriat avang chuan, "Ka pi, in nufa a thattu che u hi ka zawng hmu ngei ang." ka ti a. Chemte chu ka thlauh ta nghe nghe a, Pi Zualtei chuan, "Awle, ka ring phawt ang che, naktuk tlaiah min thahttu hi min hrilhlo a nih ngat chuan nangpawh hi ka that ang che." a ti khur khur a, tichuan an bo daih a, kei erawh chhuatah chuan ka tlu tawp a, engmah ka hre leh tawh lo.

A tuk zing ka harh leh chu chhuatah chuan kalo la mu reng a, ka kut chu ka en a, a lo thi phung mai a, chhuatah chuan chemte chu ala awm bawk. Ka phone ka phawrh a, Richard-a ka phone a, mahse meeting naah a awm mek thu a sawi a, a dah hmak mai a. Nathana ka phone ta tawp a, kan ina lo kal vat turin ka ngen a, tichuan reilote ah alo thleng a. Ka thil tawn dan te chu ka hrilh vek a, tichuan an in lamah min hruai haw ta a. Nathana chuan eitur eng eng emaw min siam sak a, "Rempui, i tha leh mai ang, tikhan tui deuhin ei rawh aw." a ti a. Keichuan, "Sir, min ring tiraw? Ka ban kha keima zai a nilo, ka taksa kha a thunun a ni." ka ti a. Nathana chuan, "Chutiang thlarau tihvel engmah a awm lo ang, i tho a mai mai anih chu, tikhan lo ei la, ka va insiam lawk ange." a ti a, tichuan a room ah min luhsan ta a. Thil ka ei lai chuan Nathana te in chu ka en kual a, banga thlalak inbel ah chuan Lalremsiama, Vanlalchhuanga, Sanga leh Mawia te thlalak chu ka hmu a. Ka en mek lai chuan Nathana chu a rawn let leh a, keichuan, "Sir, case ka ti tawp tawh i ti si a, tinge hengmite thlalak hi ila kawl si a?" tiin ka zawt a. Nathana chuan, "Ni e, a rukin kala chhui reng alawm, i him nan leh ilo inrawlh ve hi ka duhloh avangin ka hrilh lo mai mai che alawm." a ti a. Keichuan, "Sir, enge hriatbelh i neih?" tiin ka zawt a. Nathana chuan, "An taksa ah hian ser a awm a, chu chu 'U' shape vek a ni. Lalremsiama, Vanlalchhuanga, Mawia leh Sanga te pawh, an vai khan an hrawkah 'U' shape hi a awm vek a ni. Nangmah bik ah, i password emaw, i emawi emaw, engemaw berah he 'U' shape hi tun hnai maiah hmuh i nei em, engthilah pawh?" tiin min zawt a, keichuan, "Neilo Sir." ka ti a, Nathana chuan, "Engtin nge kan tih tak ang?" a ti nuah nuah a. Keichuan, "Sir, he case ah hian ka tel ve a, vawiin hian Pi Zualtei te nufa accident ni a block lo phelhtu kha ka hriatchhuah ngei angai a ni. Abul velah CCTV te a awm ve tho a, engtin emaw en theih dan a awm angem?" ka han ti a. Nathana chu a ngawi vang vang a, "Um...kal ang." a ti a, ka zui chhuak nghal a. Traffic Control room ah kan kal a, Nathana chu salute anlo pe sap sap hlawm a. Nathana chuan duty pakhat bulah chuan, "RTO flyover CCTV footage in nei ang tiraw?" a ti a. Chupa chuan, "Nei e..engtik ni ami nge in duh?" a han ti a. Nathana chuan, "March ni 9...accident a thleng a, kan enfiah duh ani." a ti a. Chupa chuan, "Khami accident kha maw, accident na lai tak cover tu CCTV kha a chhiat lai alo ni a, engmah a awm lo." a ti a. Keichuan, "Kha flyover ah khan kawng danna lung an rem kha tu emawniin accident thlen ni khan a dah sawn a, chu chu kan hre duih a ni." ka lo ti vat a. Chupa chuan, "Ka pi, flyover pumpui chu a lang theilo, accident awmna zawn a CCTV lah a chhe bawk si a. Kan nei chhun chu accident thlenna hmun hmalam hret CCTV ani a, chuzawng chu a ni mai." a ti a. Nathana chuan, "CCTV in a cover theih chin chu a footage inla nei ang tiraw?" a ti a, chupa chuan, "Aw nei e, ka pu." a ti a. Nathana chuan, "One way pahnih te hi alaia lung inrem chin chiah hian vei lam leh dinglam hi a hran ve ve in han dah teh." a ti a, chupa chuan March ni 9 a CCTV footage chu Nathana sawi ang chuan split screen in a tilang a. Nathana chuan, "Helai flyover ah hian kawng blockna lung dahsawn tu chu lehlam screen ah hian a rawn lang leh hma bik dawn ani. Achhan chu turining point hi a la hla ve em em a, chuvang chuan lehlam screen a oneway dang zawka lo tlan hi lehlam screen ah reilo te hnuah amah chiah a rawn lang leh chuan U-turn a siam tihna a ni." a ti a, tichuan CCTV footage chu kan en ta a. Minute 10 vel kan en hnu chuan Nathana chuan, "Lawk...rewind teh." a ti a, Nathana chuan, "Helmet sen khum hi, minute 1 pawh tlinglo ah a rawn let lehnghal, lehlam screen ah hian a rawn lang leh rang lutuk." a ti a, kan han en chiang a, duty pa chuan, "Sir, number plate a nei miahlo, a number a awmlo." a ti a. Nathana chuan, "A bike hnunglam ah khian a nei alawm, lo en chiang rawh." a ti a, NAthana bawk chuan min en a, "Pawnah lo va awm rawh, ka lo kal ve nghal animai." a ti a, ka chhuak ta a. Nathana ka nghah lai chuan ka phone a rawn ri a, Richard-a message alo ni a. Ahma zan ang bawkin Richard-a chuan, "I LOVE U" tih bawk hi alo thawn a, nuih suk pah chuan phone chu ka dah let leh a. Mahse rang takin thil ka hriatchhuah thut avang chuan phone chu ka en leh a, I LOVE U tih a, U tih laitakah hian Richard-a hian YOU hmang lovin U tih ringawt a hmang tih ka hmu ta a. Ahma khan Nathana khan U tih shape hi i hmu ngai em tun hnaiah ti a min zawh kha ka hre chhuak a, Richard-a message a U ngei chu ka en leh a, ka hlauthawng kher mai. Nathana alo chhuak a, paper a rawn keng a, "Hei hi lung rem lo dahsawn tu bike number chu a ni e, a phone number nen." a ti a, paper chu ka laksak a, hmanhmawh takin ka haw ta a.

Flyover ah chuan ka va kal leh a, balloon ka leh a, balloon ah chuan marker in motor number leh a address te, a phone number te leh a hming Lalnunpuia tih chu ka ziak thla a, tichuan flyover kawng lai taka lung inrem an chuan baloon chu ka dah a, ka hawsan ta a. Inah chuan ka haw a, ka thaw huai mai hian ka hria. Mahse Pi Zualtei te accident ni a lung lo dahsawn tu chu Pi Zualtei thlarau chuan a that ngei dawn si a, ka khawngaih lawk hle mai. Phone ka phawrh a, zanina thi mai tur Lalnunpui chu ka call chhin a,mahse minlo chhanglet tu aw chuan min va ti phu chiang kher em. "Hello Lalnunpuia a ni em?" ka han tih chuan phone ami chuan, "Aih anau ka nia, Richard Zohmingliana ka ni." a ti ta mai a. Lehlam ami chu tudang mah nilovin, ka bialpa Richard-a ngei ani. Hlauthawng tak hian, "Hei hi i u number maw?" ka ti a, Richard-a chuan, "Aw...a phone a chhia a, asim card ka hman sak a nih hi. Nimin khan in thar a luah a, tunah chuan ala lo haw lo a. A inah ka awm mek, enge ni a?" a ti a, tichuan thil engkim a chiang ta. Richard-a hian helmet sen a nei a, tichuan a jacket pawh jacket sen a ni. Chutiang chiah chuan CCTV footage ami, lung dahsawn tu ni-a kan hriat pawh khan kawr sen a ha a, a helmet pawh asen a ni. A bike kha Gixer pawl a ni bawk a, Richard-a hian a u bike a kawl mek thu hmanni ah min hrilh bawk. A pawi lutuk, ava pawi tak em, ka tap zawih zawih a, "Richard, nangmah i ni, nangmah tih vek maw lo ni a?" ka ti a, ka tap zawih zawih a. Richarda chuan, "Enge awmzia? Eng chu maw?" a rawn ti a. Keichuan, "Richard, kha mite nufa kha i thah a ni, an accident na turin flover ah khan an block-na lung kha i dahsawn a, i rem tha leh silo a, chuvang chuan an thih phah ta a nih hi." ka ti a. Richarda chuan, "Tute maw? Enteh Rempui, engmah ka hrethiam lo. Eng lung mah ka khawisawn lo. Kha flyover ah khan chuan ka in panna kawng anih avangin ka haw thin ngei alawm, mahse U-Turn siamin ka kual ve ngai lo." a rawn ti a. Keichuan, "Mahse CCTV camera ah khan kan hmu che si alawm." ka ti a. Richarda chuan, "Khami ni khan ka u bike kha khalh a har em em a, khami kawnga ka tlan lai khan ka hmelhriat mechanic ka hmu hlauh mai a, kawnglehlam zawkah alo tlan mek ani. Bike chu kan inkhalh thleng a, tichuan ka u bike chu siam turin a khalh phei a, keiin a bike zawk chu ka khalh a, kan bike hi a in ang ve ve a, kan helmet kan inthleng a, tichuan kawr sen ve tho aha alawm khapa khan.." a ti ta mai a. Enge ka tih tak? Address leh number zawng zawng te kha Pi Zualtei thlarau chu ka pe tawh si, ava manganthlak tak em. Richarda bulah chuan, "Tunah khawnge i awm?" ka ti a, Richard-a chuan, "Ka u inluah ah, hei kala awm." a ti a, "Khawilai nge?" ka ti vat a, Richard-a chuan, "Ramhlun South ah, hmanni a ka hruaina che kha. Lawk aw, door bell ari a, ka va hawng lawk ange." a ti a, keichuan hlauthawng takin, "Nilo, kawngka kha hawng suh." ka ti vak vak a, mahse a tawp ta daih a. Phone ka dah a, hmanhmawh takin ka chhuak nghal a.
..............

Nathana chuan CCTV footage chu a en vang vang a, thil hriatchhuah nei niawm tak hian ading hluai a. Duty pa bulah chuan, "Lawk, dinglam oneway ami leh veilam oneway ami hi, bike number hi ka zoom chiang a, a in ang miah lo. Bike a in ang a, an thawhnaw leh helmet pawh a in ang vek a, mahse bike number hi a in ang lo. A awmzia chu Rempuii address ka pek kha a diklo tihna animaw...avan pawi tak." a ti a. Pawnah a chhuak a, Rempuii a phone nghal a. Nathana chuan, "Rempui, ka address pek che kha a diklo." a ti a, Rempuii chuan, "Ka hria alawm Sir, address min pek kha chu ka thianpa a ni." a ti a. Nathana chuan, "Tunah khawnge i awm?" a ti a. Rempuii chuan, "Taxi ah ka chuang mek, ka thianpa te in lam ka pan mek, location ka on anga minlo zui mai rawh." a ti a, phone chu a dah a. Nathana chuan Pi Zualtei pasal Pu Zothana te inlam apan a, Pu ZOthana chu a hruaichhuak a, Pu ZOthana chuan motora Nathana nen an chuan lai chuan, "Ka pu, enge awmzia, khawnge min hruai dawn?" a ti a. Nathana chuan, "Ka pu, i nupui te kha an accident nachhan chu tu emawni in divider block a lo dahsawn a, lung chu a dah tha leh silo a, i nupui leh i fanu inphur te chuan an su a, an accident ta mai niin ka hria a." a ti a, Pu ZOthana chuan mak tih hmel tak hian Nathana chu a en tlawk tlawk ringawt a. Reilo teah Nathana te chu an thleng a, an thlen rual deuh chiah chuan Rempuii pawh alo thleng ve a. Richard-a te in lam chu an pan a, building lian tak a ni a, chhawng 6 vel niin chhawng 5 naah Richard-a u te in chu a awm a ni. An thleng chho a, kawngka chu an kik vak vak a, mahse tuman an chhang lo. NAthana chuan kawngka chu a tlawh chhe vek a, tichuan inchhung an han lut chuan chu inchung fan-ah chuan Richard-a chu a lo inkhai zuar mai a, a lo tal vak vak a. Rang takin Nathana chuan ava pawm bet a, Pu Zothana chuan thutthleng a la a, Nathana chu a lawn a, "Rempui, chemte minlo pe vat teh." a ti a, Rempuii chuan chemte chu a zawng a, choka ami chu lain Nathana chu a pe a, NAthana chuan a zai chat ta a, Richard-a chu a him ta hram a ni. Rempuii chu a hawi kual a, "Sir, hetah hian a awm." a ti a, Nathana chuan, "Rempui, chutiang lo sawi suh, Richard-a hi kan hruai chhuah vata ngai." a ti a, pawnah chuan an chhuak a. Pu Zothana a chhuak ve dawn chiah chu hnunglam atang chuan afanu Angeli aw ngei mai chuan, "Apa..khawnge i kal dawn?" a rawn ti ta mai a. A hawi let a, a fanu Angeli chuan a lo nuih ver ver a, Pu Zothana chuan va pan hnaiin a va kuah a, tap chungin, "Angel, bawihi...khawnge i awm daih a?" a ti a, a fawp a. Angeli chuan, "Khawiah mah ka kallo, ka zawng reng char char thin che a." alo ti a. Pu ZOthana chuan, ""Bawihte, khawnge i nu?" tiin a zawt ve leh a, a bulah chuan Pi Zualtei thlarau chu alo ding reng a. Pu ZOthana chuan, "Duhtak, i tha maw? Ilo let leh animaw, duhtak?" a ti a, hlau deuh chung chuan anupui chu a pan hnai a. Pi Zualtei chuan, "Enge hetah hian i tih a? Engvangin nge khapa kha in rawn chhan a? Ka fanu nen min that asin, engvangin nge i rawn chhan?" a ti a. Pu Zothana chu a kun a, a tap zawih zawih a, "Khami ni khan maw duhtak, accident in tawh ni khan...ruah a sur nasa em em a, ka rawn haw tur kha ka fanu Angeli hian min rawn phone a, a birthday a ni si a, thilpek min dil avang chuan dawra kal tur chuan let leh angai si a. Chutih hun lai chuan traffic jam ah kah flyover bulah ngei khan ka tang a ni. Ruah asur nasa si a, ka hmanhmawh tawh si chuan lungrem chu la sawnin U-turn ka in siamchawp ta ringawt mai ani. Ka thiltih avang khan in accident dawn tih ka hre lawk biklo ani, min ngaidam rawh Duhtak." tiin a tap hawm hawm mai a.

Chutih lai chuan pawn lamah chuan Rempuii leh Nathana te chuan Richarda chu tihharh anlo la tum mek a, Nathana phone a rawn ri a, Traffic Control room duty a lo ni a, "Sir, kan hmuchhuak tawh e, divider block lo la sawn tu number leh a address pawh kan hre tawh a, a thlalak nen kalo thawn ang che." a ti a. Nathana chuan message chu a en a, thlalak ami chu tudang nilovin Pi Zualtei pasal Pu Zothana ngei a lo ni. Nathana chuan, "Rempui, block la sawn tu kha Pu Zothana hi alawm, ka chho leh vat a ngai, inchungah khan ala awm." tih pah chuan a chho daih a. Chutih lai chuan Pi Zualtei chuan apasal chu rum tak hian a en a, "Nang mah vang maw? Nangmah vang hian ka fanu, ka engkim, ka khawvel chu a thi asin. A thlarau hian a thi tihpawh a inhrethiam lo anih hi. Engvangin nge i tih?" a ti a. Tap pur chung chuan Pu Zothana chuan, "Ka tihpalh." a ti a, Pi Zualtei thlarau chu a au vak a, Pu Zothana chu a leng lawp mai a, bangah a intauh chawrh a. Angeli chu alo tap a, "Anu, apa kha tikhan ti suh." a lo ti a. Pu ZOthana chu inchhirna in akhat a,amah vanga a nupui leh fanu te an thi ta mai chu a in haw takzet a ni. Pi Zualtei'n a fanu Angeli alo thlem lai chuan Pu Zothana chuan tukverh lam a pan a, NAthana pawh a lo thleng chiah a, mahse a zuangthla hman. Lei a thlen dawn tepah chuan muang chang hian a thlawk delh delh a, leiah chuan a bawk thlawp a, a thilo, na engmah a tuar lo. Nathana chu a rang arangin a rawn chhuk nghal a, Rempuii leh Richarda nen chuan an pathumin Pu ZOthana chu an en reng a. Pu ZOthana chuan a ban a vei vak vak a, ahma zawn chu en in, "Nilo, min kalsan suh, Zualte, Zualte lo kir rawh u." a ti a. Pi Zualtei leh Angeli te thlarau chu muangchang hian an awn lang a, Nathana te chuan mak ti tak hian anlo thlir reng a, Pi Zualtei leh ANgeli chu an kalsawn a, Angeli chuan, "Anu, apa kha alo kal ve dawnlo em ni?" tiin a zawt a, Pi Zualtei chuan, "Ipa hian hna angah lutuk a, nakinah alo kal ve mai ang."a ti a, an nufa chu zawimuang chuan an ral ta riai riai a. Nathana, Rempuii, Richarda leh Pu Zothana te chuan ngawi rengin an en tlawk tlawk ringawt mai ani.

(A tawp ta)