NATHAN SEASON-2 (Episode-16) WHERE IS SHE? by:Aaron Malsawmdawngzuala

Hnuchhuina lampang chi ho
Aaron Dustin
Posts: 214
Joined: March 14th, 2018, 10:15 am

NATHAN SEASON-2 (Episode-16) WHERE IS SHE? by:Aaron Malsawmdawngzuala

Unread post by Aaron Dustin » April 20th, 2020, 12:39 am

NATHAN SEASON-2 (Episode-16)

WHERE IS SHE?

Written by : Aaron Malsawmdawngzuala

Ngaihthatlohna nei tih hriat tak mai hian nula pakhat, kum 25-30 vel niawm tak, pian nalh zeih zawih leh chhelo zet mai hi Station chhungah chuan a lo lut a. A hmel en reng reng pawh chuan han in LOCK DOWN pui pawh a iai awm hran lo khawp mai, constable te hnathawh tur ka lo hrilh lai tak a ni a. Ka lam pan chuan a lo kal hnai a, "Ka pu, DCP Nathan Malsawmkima ka hmu duh a ni." a rawn ti ringawt a. Keichuan, "Engatan nge i hmuh duh a?" tiin ka lo zawt a. Chunu chuan, "Mibo case a nia.." a ti leh ringawt a. Ka han en vang vang a, a mitah chuan hlauhthawnna namenlo chu a awm a ni tih ka hmu thei a, "Nula, tunge i hming?" ka han ti a, a hming hriat kha ka duh ve hrim hrim, lerh vang pawh nilovin. Chu nula chuan, "Lalnunpuii ka nia, Manuni." tiin min chhang a, keichuan, "Lo thu phawt la, kan buai deuh a, DCP Nathana pawh a buai deuh a, kan rei lovang." ka ti a, Manuni pawh chu a thu ve mai bawk a, mahse a chetzia atang chuan a hmanhmawh tawh hle a ni tih chu a hriat khawp mai. DGP in files thenkhat lo la tura min hrilh chu DGP chu ka va pe a, chumi hnuah Nathana office ah chuan ka va lut ta a. Nathana chuan, "Zanin chu kan awl dawn bawk a, khawnge kan len ang?" a lo ti a, len cheh lutuk mai. A bula va kal hnaih pah chuan, "Kan awl dawn lo a ang khawp mai, saw nula pakhat a lo kal a, mibo case a ni awm mange." ka ti a. Nathana chuan phawk hru hian minlo melh a, "Mibo a? Peihawm loh thin ve...Amandai te kutah lo dah leh mai teh, anni pawh an awl tho." a lo ti hmuk a. Keichuan, "Ka peih bik hleinem, nangma chan a ni dawn a nih hmel. Saw...DCP Nathana ka hmu duh a ti deuh kher lehnghal." tih pah chuan ka han nuihsawh vel a. Nathana chuan, "Tunge a hming?" tiin min zawt a, keichuan, "Manuni a intia, Lalnunpuii...lo chhuak la lo en ve teh, a chhelo reuh rap." ka han ti hram a. Eiloh hmel zet hian min melh a, "Val senior lerh-a ni tawh la a tha ang, ninawm thin veee.." tih nuah nuah pah chuan a tho chhuak a. Manuni lam chu kan va pan a, Manuni chuan NAthana a hmuh veleh chuan a thutna hmun atang chuan lo tho chhuak vatin min rawn pan phei a, "Ka pu, i puihna ka mamawh a ni." a rawn ti nghal chiam chiam mai a. Nathana chuan zaidam tak hian, "Hawh teh, thu phawt teh thiannu." tiin thuna tur chu a kawhhmuh a, tichuan an thudun a, kei erawh security guard ang maiin ASP nihna hial lo chelh pha ve tawh hi ka han ding bik leh t(r)ut a nih kha.

"Manuni maw i hming?"

"Aw ka pu, Lalnunpuii."

"Anih chu...engthil nge ni a?"

"Ihh..ka pu, ka thiannu ania, thla 1 chuang ka be thei tawh lo a. An ina ka kal lahin a pasalin a zin bo a, a hna avangin..tih ringawtin minlo chhang a. A tir chuan ngaihthat lohna pawh ka nei lemlo, mahse whatsapp leh phone call pawh engmah a chhang thei silova, ka hlauthawng a ni."

"I thiannu chu tunge a hming?"

"Estheri a nia, naktuk hi a birthday a ni lehnghal a. Kum 30 a tlinna tur chiah a ni a, kumdangah pawh a birthday hma ni hian a lawmna tur vel kan buaipui dun ziah thin a. A birthday pawh kumtin a lawm ziah a, mahse hei a reh hmak sia."

"A pasal chuan a zin bo thu a hrilh che a, a zinbo chu a nimai ang chu...a pasal chu i ringhlel em ni?"

"Ringhlel pawh a nilo, mahse khawiah pawh kal dawn se...ka bestfriend a ni a, engkim kan inhrilh thin a. Hetia a reh hmak hi chu a mak ka ti em ani, thil inthup dang a awm a ni."

"Anih chu...nihleh a pasal nen chuan han inhmuh thiamlohna an neih awm te i hria em? Tunhnaiah te?"

"Chu erawh engmah ka hre hauh lo, mahse kan inhmuh hnuhnun ber kha chuan a ngui deuh chuan ka hria...a chhan ka zawh lahin ka chau a ti ringawt a."

"Estheri chuan enghna nge a thawh thin?"

"Zirtirtu hna a thawk a, High School zirtirtu ani."

"Enge a hmingpum?"

"Esther Lallawmzuali."

"Awle Manun, FIR ziak la, a pasal te inah chuan kan va kal anga, nang erawh inah haw la, chanchin kanlo hrilh leh ang che."

Manuni chu a haw ta a, Nathana nen chuan a office ah kan inzui lut a. Nathana chuan, "Ho thin mange...kan awl ve dawn chauh amaw tih pawh hian, DCP Nathana...ti deuh kher zel hlawm mai." a ti nuah nuah a. Nuih vur vur chung chuan, "Ka tel ve lo ania aw....Tluangtei alo zin a, min tel ve reng reng suh ang che. Kan inhmu khat bawk sia, ka len chak tawh zia hi...min tel ve dawnlo tiraw Sir Hmelthate?" tiin ka han tlawn vel a, Nathana chuan min rawn en hu a, "Tluangtei alo haw maw?" a ti hu mai a. Keichuan, "Aw...lo zin e." tiin ka lo chhang a. Nathana chu a nui deuh sang a, "Eheu, anih chuan a fair dawnlo khawp mai. Min puih ngei chu a ngai dawn anih hi.." a ti a. Ka hlauh ang ngei ngeiin, ka peihlo asin le. Lungawilo tak hian, "Ninawm e, nangte chu zantin i nupui vainu bulah i mu ziah a, keite chu alo zin te anih loh chuan kan inhmu ngai miahlo ania. Min hrethiam teh..Sir, Amandai saw a awl em saw, mipa thawhpui ai chuan hmeichhe thawhpui te chu a nuam daih zawk ang chu." ka ti a. Nathana chuan, "Senior te thusawi pawh zah lo, eng ang Police nge ni ngai?" a han ti deuh kher a, ala nui miahlo zui. Han th(r)uai deuh nawk hi chu ka chak thin alawm he DCP hi chu, "Sir, Amandai hi maw..tunlai chu a che tha thei khawp mai, a fing bawka, han thawhpui chhinla i hre mai ang." ka han ti kual leh vel a. Nathana chuan, "Aaa...sawi buai lo mai teh, Amandai chu hnadang ka pe dawn. Min puih angai chu chu animai, min hnial leh chuan he case hi i kutah ka dah anga, nangmah chauhvin i chhui mai tur ania." a la ti zui, ka va han ngei tak. Ka hreh em em vang pawh a nilo, Tluangtei a lo zin lai tak a ni bawk sia, ka ngai tawh ropui mai sia. A bulah pawh tunlai chu kan awl bawk a, zantin ka len ziah tur thu te pawh ka lo sawi lawk vek tawh asin mawle. He DCP chimawm zet hi chu Lockdown mai ka duh thin a ni, amah pawhin a chhuichhuak leh thei awm tho sia, ka va han ngei tak. Ka hnial peih tawh ngang lo, constable ang maiin zui leh duam duam phawt mai teh ang. FIR chu kan bawhzui ta a, Estheri te inah chuan kan kal a, a pasal pawh chu kan va kawm ta a. Inchhung kan luh chuan Estheri pasal chu a ngaihna a hriatloh hmel hle mai, Police form nena min han hmu chu a hlauh hmel lek lek zawk, "Enge ni ta?" a ti a, Nathana chuan, "Estheri pasal i ni em?" a ti a. Estheri pasal chuan, "Tu Estheri?" a ti leh deuh kher a. Nathana chuan, "Esther Lallawmzuali pasal i ni tiraw?" tiin a zawt leh a. Chupa chuan, "Aw ni e, enge in duh a?" a ti a. Nathana chuan, "Kan be lawk duh che a." a ti a, chupa chuan polite tak hian, "Awle, lo lut ula, lo thu phawt teh u." a ti a, tichuan kan lut ta a. Kan thut fel hnu chuan Nathana chuan, "Ka pu, tunge i hming?" a ti a, chupa chuan, "Mafaka ka nia..Lalfakawma ka ni e." a ti a. Nathana chuan, "I nupui hi khawnge a awm?" a ti leh a, Mafaka chuan, "Ih..a zin bova, enge ni ta?" a ti a. Nathana chuan, "I nupui chu i call lawk thei angem?" a ti a, Mafaka chuan a hreh hmel hle mai, "Ka pu, thil awmzia te min hrilh ve phawt ula." a ti a. Nathana chuan, "I nupui awmna kan hre duh ani." a ti a. Mafaka chuan, "Anu te khuaah a zin a, enge thil awmzia? Ka va hrethiam love ka pu?" a ti nuah nuah a. Nathana chuan, "Englo ania, i nupui hi a awmna kan hre duh a ni. Biak kan duh a, a awmna chin kan hre duh a ni." a ti a. Mafaka chuan, "A nu te khuaah a zin a, ka zin dawn atia abak engmah min hrilh lo." a ti a. Nathana chuan, "Anih leh in inbe ngai em?" a ti leh a, Mafaka chuan, "Aih be ngailo, a nute bulah a awm mek ni turah ka ngai a, ka ngaihtuah hran lemlo." a ti a. Nathana chuan, "Thla engzat nge a cham tawh?" tiin a zawt leh a, Mafaka chuan, "Thla 1 vel chu a ni ve tawh, ka nupui chungah chuan thil thalo a thleng em ni?" a ti a. Nathana chuan, "A thleng nge thleng lo tih chu keini pawh ina kan thil hriat duh ber a ni...Mafak, i nupui chu han call teh." a ti a. Mafaka chuan a phone aphawrh a, a call ta a. Mahse a tlang thei lo, number chu NOT EXIST a inti tlat mai a, ka ngaih a tha zan lo hlemai.

Nathana chuan, "I nupui number i call takzet amaw?" a ti a, Mafaka chuan, "Ka nupui number te chu ka hre ve alawm." a lo ti deuh hmuk a. Nathana chuan, "Khatia min chhan ve khanglang chu le.." tih paha a ben pawp ka rin tehreng nen, engtin mah a ti miahlo nia mawle. Zaidam tak hian, "I nupui a bo thu hi vawiinah report kan dawng a, FIR pawh thehluh ani." a ti a, Mafaka chu a meng phawk hru mai. Thinrim hmel tak hian, "Enga? A bo a? Tunge FIR chu thehlut a?" a ti vin khur khur mai a. Nathana chuan, "Chutiang a pawimawh hrih lo, i nupui Estheri hi tunah hian a awmna chin hriat a nilo tiin report kan dawng a ni." a ti a. Mafaka chuan, "Tunge a bo ti reng reng a? A bo lo, ka sawi tawh ang khan a nu te khua ah a zin a, chuzawng chu a ni. Kan inbe ngailova, kan in text ngai hek lo." a ti a. Nathana chuan, "I va ngaihsak awmlo ve...i nupui a nilawm ni?" tiin a zawt a. Mafaka chuan, "Ka nupui nen hian kan inhau a, chuvang zawk chu a ni. Ka titau a, min rawn call hma chu ka call awm biklo emai ka ti a, tichuan a reh ta hmak a, biak pawh ka tum ngai lo hrim hrim. A thinrim a reh hunah a lo haw ve leh mai ka ringa, ngaihthatlohna tur engmah a awmlo ka pu.” a ti a. Nathana chuan, “Anu te chu khawi khua nge?” a ti a, Mafaka chuan, “Serchhip khua an nia, ka pu engmah ngaihthat lohna tur a awmlo. Ka nupui hi chu thinrim hma ve tak mai a ni a, a rilru hi a te ve angreng a, ala naupang ve bawk nen. Chuvang chuan thil hoteah pawh rei tak tak a thinrim thin a, alo haw veleh mai ang.” a ti zuah zuah a. Nathana chuan, “I nupui hi kum 30 a ni ve dawn tawh a, naupangchhia chu a ni hauh lo. Chubakah naktuk hi a birthday a ni bawk a, mahse a ni erawh khawnge a awm hriat a ni silo. Nang lah hetah ngaihtha zetin ilo awm a, enge awmzia?” a’n ti mai chuh Mafaka chuan mak tih hmel tak hian Nathana chu a en hau mai a, “Engtin nge ka nupui chungchang chu i hriat theih a?” a ti a. Nathana chuan, “Ka hria a nimai, Mafak, khawnge i nupui?” a ti a, Nathana chu a nelawmloh tan ta khawp mai. Mahse Mafaka chuan a ngai tho chuan min chhang leh a, “A nute khuaah ka tih chu...kan inhau a, a titau a, tichuan a thuamhnaw a pack mawlh mawlh a, a chhuak ta daih a ni. Keilah ka lo thinchhe ve bawk nen, ka dang duh ta biklo a nih kha.” a ti a. Nathana chuan, “Anih leh enge in inhauh chhan?” a ti a, Mafaka chuan, “Naute kan nei thei lo a, vawitam tak kan tum thin a, mahse kan nei thei tlat lo. Kum 2 dawn lai chu kan lo innei ve tawh a, mahse naute hmel hmuh tur a awm thei chuang bawk silo chu a thin a chhe tan em em a. Tichuan kan inhau ta ziah a, a zin hma zan khan ka lo tawngna deuh a, chhuak turin ka ti a, a chhuak ta ani.” a ti a. Nathana chuan, “Thla khat zet a rawn be miah lo che a, a nu te tal pawh i call ngailo em ni? I nu leh pate tal pawn an rawn ngaihsak eihlo tihna em ni?” tiin a zawt leh a. Mafaka chuan, “Ka pu, ka nu leh pate chuan engmah an hrelo, min ngaihsak vak lemlo bawk. Kan inneih hnu khan kan in-dang nghal a, tichuan fa neilovin ti hian kan awm ta reng a ni.” a ti leh a. Nathana chuan, “Anih chuan Estheri nu phone number minlo pe rawh.” a ti a, phur tehchiam lo chuan Mafaka chuan number chu min pe a, tichuan Nathana chuan, “Kan kal phawt ange.” a ti leh ta daih mai, kan zawt tan dawn chauh amaw tih laiin. Tichuan kan chhuak ta a, motora kan tlan lai chuan, “Sir, Estheri nu te chu Mafaka hriat lai ngei khan han biak tur che alawm. Engkim achiang mai dawn lawm, tinge kan chhuah leh daih si a.” ka ti a. Nathana chuan, “Thil kan tih nghal buan buan chuan buaina a awm palh ang, chubakah Mafaka khan dawt pawh a sawilo thei ve tho. Kan rinhlelh nghal bur chuan lo nilo palh se, a chi dawn loh emai, Bawihpui.” a’n ti leh deuh kher a, a ngeiawm thei ania. Kan inkawtah min drop a, “Rinawm, zanin chu Tluangtei rim chu lo ngaihtuah lo phawt la, kan inkawtah ka lo nghak ang che aw, dar 7 ah aw?” a ti a, phurlo tak chuan, “Awle Sir.” ka ti a.

Zan a lo thleng a, Tluangtei bulah chuan ka len hmanloh thu leh hna kan neih thu chu ka hrilh a, a ni chuan zaidam tak hian, “A pawi hleinem...” a ti chuai raih mai, min fan leh ta vawng vawng mai. Mahse a aw(voice) phawi atang kha chuan a lungawi vaklo tih chu ka hre thei, amaherawh chu a pasal hual hi Police ka ni miau si a, a buaithlak a nih hi.Pasal hual ka han ti ve ngawt nangin kan inhual chuang lova, mahse a nu leh pate pawhin min iai lem lova, kan lo inchhung lehzel bawk nen, a pasal hual turah chuan ka han indah ve ngawt a nih hi. Nathana te inlam pan chuan ka inkhalh phei ta nghal a, Nathana te in ka thlen chuan an inkawtah minlo nghak der tawh. Nathana chuan, “Ilo thleng tawh maw? Dar 7 ka ti mawlh mawlh a, tinge i rawn tlai hram a?” rum fe-a min melh pah chuan a ti a. Ka sana ka en a, dar 7 leh minute 2 a ni, ka chal ka dawm tawp. Nin hmel zel chuan ka han melh rum a, “Minute 2 chauh in ka tlai a, inhauhna tur a awmlo, i over.” ka ti deuh hmuk a. Nathana chuan, “Minute 2 pawh hi hun hlu tak a ni, min chhnag zuah zuah suh.” a la ti zui, hepa han sual zia hi chu. Lungawilo tih hriat tak hian, “Khawnge kan kal dawn?” ka ti hmuk a, Nathana chuan, “Tluangtei i ngai tawh awm si a, kan va leng dawn mi? Zanin te chu awl ve hrih ila, a ho lutuk. Hnuchhuitu tur kan nia, kan thu thu...chubakah Tluangtei pawh ka hmu ve chak tawh alawm.” a han ti mai chuh...hepa han fel leh si zia hi. Ka lawm lutuk chuan, “Senior zahawmtak DCP Nathan, ka bike hi i khalh duh em?” ka han ti velah, min eiloh hmel kher mai. Nathana chuan, “Um, i bike hian kan kal dawnnia. Lungngai suh, a chhungte an mut hunah chance ka pe keuh ang che u, mahse inlo in daisulep vel ange.” tih pah chuan a nui huah huah a. A chimawm thin mange, “Nangni vai nupa mai mai angin kan hui ve lo...” ka ti ve deuh kher a, a nuih a za tawlh tawlh. Tluangtei hi kan inah a awm thin ka tih tawh kha, mahse kan vengah tho, kan chhungte, ka pa nau, ka pa Biaka te inah a awm ve thung tawh a ni. Achhan pawh kan inngaizawng tih an hre tawh sia, kan ina a awm reng chuan Nathana sawi ang deuh khan ka chhungte mut hunah kan lo in crange palh ang tih a sawi theih hauh siloh, mihring ve tho ka nia, min dem su. Nathana nen chuan Tluangtei te inlam chu kan pan ta a, ka hmulo rei tawh bawk nen, ka hlim lutuk chu ka faifuk phei rat rat mai. Kan thleng ta, kawngka a lo hawng. Ka va han ngei tak, ka lo nui ve hman seih tawh a, Nathana zawk a kuah ta daih mai, “U Nathan, ka ngai lutuk che.” tih pah chuan a la zuang tawr tawr zui mawle. Nathana lah chuan Tluangtei kuah let pah chuan, “Keipawn ka ngai tawh che, i van hmeltha sawt ve.” tih pah chuan min rawn melh a, a mitko a san zeuh zeuh a, vuakthluk mai ka duh he nau hi. Tluangtei chuan, “U Rin, ilo leng dawnlo emaw ka tia.” a ti a, keichuan, “Nia...mahse hei, i u Nathana hian a phal leh si a nih hi.” ka ti a, Nathana a kuah hmasa kha ka thik tlat. Tluangtei chuan, “Lo thu ru, ka insu mek a, ka va zo law law ange.” a ti a, a kal ta a. Pa Biaka chuan, “Rinawm, ilo va leng phei khat ve...tunlai in buai deuh animaw?” a ti a, ka chhan hma hma chuan Nathana chuan, “Buai vak lo, a thatchhe ve hrim hrim a. Ti daih ila Pa Biak, tinge Tluangtei kha in lo insuk tir vel a? Hna thawh a phal vak lo asin Rinawma hian...inti awmanglo e.” a han ti nghal zuah zuah a, ka va han ngei tak.

Ka pa Biaka te nen chuan kan han inkawm a, kan nui dar dar a. Tluangtei pawh chu lo let leh in ka bulah chuan a thu a, kan titi a, kan hlim tlang hle mai. Ka pa Biaka te an mu ta a, Nathana erawh a nghal tan dawn chauh. Nathana chuan, “Tluangte, Rinawma hian ka bulah Tluangtei hnute ka khawih tawh a tia, tak tak ami?” a han ti mai anih kha, ka sa pup theiin ka hria. Tluangtei lah chuan rum mangkheng hian min melh a, “I ti mi?” a ti vin hlur mai. Thin phu dup dup chung chuan, “A..ahh..a awih awm loh emai...Zawng Nathan.” te ka va ti ta vel phung a nih chu. Ka zak bawk si thinrim bawk si kha, ka te chem chemin ka hria. NAthana lah chuan a duh tawk mai lo, “Taka Tluangte, kan department ami Inspector Amandai saw i hria em?” a ti a, engtak sawi leh dawn chu nimaw? Tluangtei chuan, “Aw....chhelo zet saw maw? Hre lutuk e..” a ti a. Nathana chuan, “Rinawma nena in ingaihzawn hma khan, Rinawma nen hian boruak an nei ve hman zuai a ni awm e.” ala ti zui, Nathan Malsawmkim...iva han hnawk ta ve awww. Rum zet hian ka melh a, “Hey, dawt sawi reng suh.” ka ti vin hlur a, Tluangtei lah chuan min sik pilh hrup tawh, “I van lo lerh ve.” a ti a, min melhdan chu a nelawm loh kher mai. Nathana chuan nui miahlo hian, “SI Liantea’n a tia lawm, USA-a ka zin lai khan, an sawi sup sup alawm.” ala ti ta deuh deuh a. Tluangtei chuan, “U Nathan, tak tak ami?” a ti hu mai a, Tluangtei lah hian a awih zel mai bawk si. NAthana hian ala duhtawk lo cheu, “Chuan maw Tluangte, Raymond-a bialnu Jeneti pawh kha ava text thin.” a ti leh hram...ka ngawi ta tawp, ka nui lo nasa. Tluangtei chuan min melh rum tawh hle mai, “U Rin, i lerh khawp mai aw..” a ti nuah nuah a. Nathana a insum zo tawh lo, a nui ta vak vak mai a, va chhuih zawt ania ka chak ni. Tluangtei bulah chuan fiamthu vek anih thu a hrilh leh a, Tluangtei lah chuan a awih leh ang lawi bawk si. Kei aiin Nathana hi a ring zawk amaw tih mai tur a ni, huiham....hnuchhui te kha lo ti zawk ila, ka lenpui hi ka inchhir rum rum zawk. Dar 9:30 a ri a, Nathana chu a thaw hak a, muangchanga thawh pah hian, “Kuhva lei a hun e, dawr hla ber ka va pan nghe nghe teh ang.” a han ti kual vela, “I inla zei, i zei chuanglo.” tia vin hrep ka chak ngei mai. A kal tur chiah chu Tlaungtei chuan, “Dawr inhawng a awm tawh lovang, lo thu rawh, la inkawm ang u.” alo la ti zui. Huiham, Tluangtei mimawl, th(r)amawli, zeilo lutuk, kawlo lutuk. Mahse Nathana a fing hlauh kan ti dawn nge, min khawngnaih vang zawk, min nuih tet tet pah hian, "Pawnah meizial ka va zu lawk teh ang, lo inkawm ru...Sanvi ka'n call ve lawk ange." a ti a. A chhuah pah chuan keilah chuan, "Nia, i nupui vai chhia kha va be rawh." ka ti ve deuh kher a, Tluangtei lah chuan, "I sual kher kher thei lutuk." tiin minlo la khap zui. Tichuan Tlaungtei nen chuan chance kan nei ta a, hmangaih biahthu di te chu kan infah tawn mawlh mawlh a, a bak chu sawilo teh ang. Inla zei fahran hian ka han kuai dak a, ka kiss tur chiah chu ka message tone a lo ri thut a, ka phu nasa lutuk chu kan ha a intauh ta chawrh mai. Tluangtei chuan a hmui hup pahin, "Ana lo." ahan ti ringawt a, message chu ka han en a, Nathana message alo ni. "Taxi ka hmu hlauh a, ka haw mai aw. I kiss dawn em? Ngam dawn em? Ngam lovang..." a rawn ti duah leh nghal, ka reply lo chiang teh asin.

Tluangtei chuan kawngka bul thleng min thlah a, kan inkiss tho tih kha chu chiangsa ania, ka sawi lang peih vel lo. Tichuan ka haw a, Nathan Malsawmkima haw em em leh ngei em em chung chuan ka muhil ve ta hram a. Atukah chuan Nathana nen chuan Estheri thiannu, FIR ziaktu ber leh complain thehlut tu ber Manuni te inah chuan kan va kal ta a. Manuni chuan polite takin minlo welcome a, hmeichhe fel tak a ni. Thingpui in pah chuan kan titi ta a, Nathana chuan, "Manun, nimin khan Estheri pasal chu kan va hmu a, mahse Estheri awmna chu a hriatloh thu hlir a sawi a, chuan a nute khuaah a zin a ti tlat bawk a. Anu number chu min pe a, ka phone a, a tlang thei bawk silova." a ti a. Manuni chuan, "Ka hrethiam biklo, Estheri ka hmuh hnuhnun ber kha chu thla khat lai a liam tawh a, thlakhat chhung tehmeuh min rawn be miahlo hi chu amak a ni. Chubakah maw ka pu, kan thian dangte pawhin tuman Estheri chu an be theilo, amak ka ti ngawih ngawih. Kan thianho hian Estheri chu biak pawh kan tum char char a, kan thei silova, a pasal Mafaka lahin kan zawh apiangin a zin bo thu hlirin min chhang bawk sia, awmzia kan hre tawh biklo. Kei phei chu a bestfriend ka nia, ka bestfriend a ni bawk a, ka mangang fal bik pawh a ni maithei, nimin khan ka rawn pan tawp mai che u a ni." a ti a, a thusawi lai hmel ka en char char a, dawt a sawi ka ringlo. Nathana chuan, "Estheri mizia hi Mafaka sawidan kha chuan mi rilru te leh tihtauh hrat, ho te te a thinrim thin mi a ni a ti a, a dik em?" tiin a zawt a. Manuni chuan, "Ateuhlo mai, ka thiannu a nih avanga tan ka ni miahlo, Estheri tluka zaidam leh dawhthei hi mizo hmeichhia ah hian an vang khawp ang. A fel em em a, a taima a, a zaidam bawk a, rilru zautak a ni." a ti ta daih mai a, Mafaka sawi nen chuan a in ang talo hle mai. Nathana chuan, "Umm, anih chuan Mafaka pawh chu biak leh angai dawn anih chu. Nihleh an nupa hian an inhau ngai em? I hriat pui em?" a ti a, Manuni chuan, "Hriatpui lemlo nangin nupa inngeih tak chu an ni lutuk lo chuan ka hria. A pasal chungchang hi a sawi ngailo a, mahse a huat thu emaw, a ngei thu emaw a sawi ngai ka hre chuanglo. Sawi tawh ang khan mifel tak a ni a, ka hrechiang a. Zin bo dawn tase chu min hrilh em em ang, kei min hrilh lo pawh nise, kan thiante dang a hrilh em em ang. Tumah min hrilh si lova, chumai bakah a biak theih siloh, call lahin a tlang thei silo, amak ka ti takzet a ni." a ti a. Nathana chuan, "Estheri thawhna school ah min hruai thei angem?" a ti a, Manuni chuan, "Thei tehreng e...mahse kan pathum hian emni kan kal dawn?" a ti hu mai a, Nathana chuan, "Aw...uniform kan hak chuanlo hi...zak duh suh." tiin a nui vur vur a. Manuni hian midang mit hmuh ah kan miman amaw an ti ang tih a hlau ni ngei tur ani, cute lutuk mai, chhelo si, mahse Tluangtei a hmeltha zawk. School chu kan thleng ta a, an school principal chu a office ah kan va hmu ta a. Principal chuan, "Enge in duh le? Inva zahawm ve..." a lo ti vei luam a. Nathana chuan a wallet a phawrh a, police batch hmuh pah chuan, "Deputy Commissioner of Police, Nathan Malsawmkima ka ni a, in staff te zinga mi Esther Lallawmzuali chungchang ah thil hriat duh kan nei a, kan lo kal a ni. Hei hi Assistant Superintendent of Police, Lalrinawma a ni a, chuan hei hi Estheri thiannu Manuni a nih hi." a ti a.

Principal chuan, "Anih chu mawle, kei hi hemi school Principal Jerry Lalhmingliana ka nia, enge in hriat duh chu min han zawt ula." a ti a. Nathana chuan, "Ka pu, Estheri hi engtik atang khan nge a rawn thawh?" tiin a zawt a. Jerry-a chuan, "A rei veleh tawh, kum 2 lai chu ani ve tawh..mahse thla 1 liamta atang khan a rawn kal ta miah lova, a hnuah a ban tawh thu a pasal in a rawn sawisak ta a nih kha." a ti ta mai a, kan beng a verh zar mai. Nathana nen chuan kan in en a, Manuni pawh chuan mak a tih hmel hle mai. Nathana chuan, "A pasal chuan a ban thu a rawn sawi amaw?" a ti a. Jerry-a chuan, "Aw sawi e, chuan khawdangah an zin dawn thu te, hnathar a hmuh thute a rawn sawi a." a ti a, a mak tulh tulh mai. Nathana chuan, "A nih leh ka pu, Estheri chu biak pawh in tum thin em?" tiin a zawt a, Jerry-a chuan, "Aw...chhan awmlo khan a reh ta hmak mai sia, awmzia kan hrelo lutuk a. Chuan thlakhat aliam a, a pasal chu lo kalin tihian banna pawh a rawn thehluh sak a, a hming sign sa vekin paper pawh alo keng a, Estheri chu a damloh thu a sawi nghe nghe bawk." a ti a. Nathana chuan, "A lawmawm e ka pu, kan kal ange.:" a ti a, School chu kan chhuahsan a, mak kan ti tlang bawk aniang, kan ngawi thap mai a. Chutih lai tak chuan Nathana phone a rawn ri a, a phone a en a, a meng phawk hru mai. A chhan mai loh avang chuan, "Tinge...tunge ni a?" ka ti a, Nathana chuan Manuni nen kan lam hawi chuan a phone chu min rawn en tir a, Estheri nu number a lo ni reng mai. Nathana chuan phone chu a pick up a, loud speaker ah a dah a. Phone atang chuan nu pakhat chuan, "Hello." a rawn ti a, Manuni chuan zawi te hian, "Estheri nu aw ngei a ni." a ti sap a. Nathana chuan, "Hello." a han ti let ve a, Estheri nu chuan, "Aw..hello, i miss call ka hmu a, ka phone a thi char char a, current kan nei mumal silo nen, tunah ka on ve thei chiah a ni." a rawn ti deuh luam mai a. Nathana chuan, "Anih chu, ka pi..Estheri nu i ni em aw?" a han ti a, Estheri nu chuan, "Aw ni e, enge ni ta?" a ti a. Nathana chuan, "Estheri kan lo be thei angem?" a ti a. Mahse kan rinloh dan daihin Estheri nu chuan min chhang ta daih mai. "An pa bulah Aizawlah a awm, apasal nen an indang tawh a...enge i duh a?" a rawn ti ta mai a, kan in en hru hlawm mai a. Nathana chuan, "Ka pi, alo zin niin kan hre si a." a ti a, Estheri nu chuan, "Ngawi teh, alo zinlo hrim hrim. Hei, thla 1 vel lai mai chu min rawn be miah tawhlo lehnghal a, thil thalo te a thleng em ni? Tunge i nih reng reng a?" a rawn ti a. Nathana chuan, "A thianpa ka nia, a zin amaw ka tia, ka hresual a nih dawn chu. Anih leh aw, ka pi.." tiin phone chu a dah daih mai a. Nathana chuan Manuni bulah chuan, "Mafaka hian dawt a sawi tihna ania, Estheri hi a awmna a hre ngei ang." a ti a. Manuni chuan, "Ka pu, Mafaka hi ka ringhlel ta ber mai." a ti a. Tichuan Mafaka te in lam pan chuan kan in khalh phei ta nghal a, kan tlan pah chuan Manuni chuan, "Ka pu, Mafaka hian a that te hi a ni mai lo maw?" a ti a, Nathana chuan, "Kan zawng chhuak em ema ang, lo lungngai suh. Chuan maw Manun, fa an nei theihloh thu kha Mafaka hian a sawi a, tak tak a ni em?" a ti a. Manuni chuan, "Aw ni e, hei hi chu Estheri pawhin ka bulah a sawi thin alawm." a ti a. NAthana chuan, "Mafaka sawi dan chuan fa an neih theihloh avang hian an inhau fova, Estheri zawk hi a thinrim phah reng thin niin a sawi a." a ti a.

Manuni chuan, "Ka va awih chiah love, Estheri hi chuan fa an neih theihloh avang hian a rilru a hah thu leh fa a awh ve thin thu hi chu a sawi ve zeuh zeuh a, mahse Mafaka zawh hi a thinrim ziah thu a sawi thin a ni. Mahse a huat thu emaw, a ngei thu a sawi ngailo. Mafaka zawk hi a khawngaih thu te leh a thinrimna pawh a hriatthiam thu te min hrilh thin. Chuan Mafaka hian nupa nun pawh hman pui a peih tawh ngailoh thin thu te thlengin min hrilh thin a, sawi tak ang khan thian tha tak kan ni a, engkim kan inhrilh thin." a ti a. Nathana chuan, "Anih tak chu...Mafaka sawi nen chuan a in letling thawk zel mai, amak kawp mai." a ti nuah nuah a. Mafaka te in chu kan thleng a, Nathana chuan, "Manun, nangchu ilo va haw mai dawn em ni? Kut inthlak te a ngaih palh tak khan, i hlauthawng palh ang." a ti a, Manuni pawh chu thuawih tak chuan taxi a phar a, han hnial nasa viau mahse Nathana chuan fare chu a tumsak a, tichuan a haw ta a. Kawngka chu kan kik a, Mafaka chuan a lo hawng a, kan lut ta a. Nathana chuan, "Mafak, engkim kan hre tawh. Khawnge Estheri a awm? Khawnge a awm?" a ti nghal bawrh bawrh a. Mafaka chuan lungawi lozet hian, "Ka sawi tawh kha, a nu te khuaah ka tih kha." a lo ti vin hlur a. Nathana chuan a kawr awmah a tham a, vin zet hian, "Anih leh a nu khan tinge an bulah a awmloh thu min rawn hrilh si? Tinge a school thawhna principal khan banna lehkha rawn thehluh saktu chu nangmah anih thu a sawi? MAwhhh?" a ti ta phiar phiar mai a. Mafaka chuan a hlauh hmel kher mai, "I sawi engmah awmzia ka hrelo...kan nupa buaina a ni a, eng thil pawi mah a thlenglo ka pu." a la ti hram a. Nathana chuan a thlah a, "Mafak, kut kan inthlak a ngai palh ange aw...engkim kan hre tawh, sawi mai rawh. Anih loh chuan kut inthlak a ngai mai ang, ka dim dawn miah lo che ania." a ti a. Mafaka chuan, "Engmah ka hrelo." ala ti talh mai si, ava buaithlak em. Nathana chuan, "Estheri nuin minlo phone a, i bula a awm thu a sawi a, tichuan school principal pawhin banna i thehluh sak thu te, hna thar a hmuh thute i sawi a ti si a, dawt i sawi ani. Sawi rawh.." a ti leh a, mahse a ngawi reng. Nathana a insum zo lo leh ta, a pistol a phawrh a, "Sawi rawh.." a ti vin tuar a, Mafaka chu silai chuan a tin ta. Mafaka chu a hlau deuh tan, "Ka pu...ka hrelo. A zin tur thu chu a sawi ngei a, a chhuak tau tak tak bawk a, mahse khawnge a awm ka hrelo. A nu te khua ah a kal tur thu a sawi a, abak engmah ka hrelo." a ti hluam hluam a. Nathana chuan, "Dawt..dawt bawk." tih pah chuan a hnek thal ta tawp mai a. Mafaka chuan a na a ti ngang a nia, a tap pur mai a. Nathana chuan hnek tumin a tin leh a, Mafaka chuan, "Ka pu....ka thiamloh a nilo, ani khan min tih tir ani." a ti ta a, a tawp atawp ah chuan. Nathana chuan, "Tumaw? Tuin maw tih tir che?" a ti a. Mafaka chuan, "Kan Manager khan min tih tir a ni, tihluihna hmangin." a ti ta a. Nathana chuan, "Tunge chu chu?" a ti leh a, Mafaka chuan, "Ka hnathawhna-a kan manager hian ka nupui hi a it tlat a, tichuan a mutpui duh thu a sawi a, ka thinrim em em a, han atang chuan ka ban phah ta hial a ni. Mahse sum kan harsa bawk si a, ka nupui hlawh ringawt chu a tlem bawk si a, ka nupui hian ka ban nachhan min zawh lahin dawt ka sawi phah reng bawk si." a ti a, a tap tuau mai a.

Nathana chuan, "Sawi zel rawh.." a lo ti a. Mafaka chuan sawi chhunzawm zelin, "Tichuan tlai khat chu kan manager chuan an ina lo kal turin min ti a, a inchhir zia te, a dikloh zia te leh ngaihdam min dil a duh thute min hrilh ta a. Tichuan ka kal a, zu min inpui te te a, tichuan ngaihdam min dil a, hna thawhzawm leh turin min sawm bawk a. Keipawh chuan ngaihdam mai atha in ka hria a, chubakah sum lamah kan harsa ve si a, eng em a ti tawh lovang chu tiin ka pawm ve ta a. Ka duh ai chuan zu chu ka in hnem ta deuh a, Manager chuan 'lo awm lawk rawh aw.' tih pah chuan room atang chuan min chhuahsan ta a. Reilo te ah pawnfen chhingtak nen hian kan manager nupui chu a lo lut a, min be vel siam siam a. Min biak pah chuan min chul heuh heuh reng a, tichuan min thlem zui ta a. A tir chuan ka indang nasa, mahse ka rui ve tawh bawk nen, a hmeichhia zawkin min zut reng mai si a, ka insum thei ta biklo. An nupa khum ngeiah chuan kan chesual ta a, kan chesual lai zawng zawng te chu camera in kan manager chuan a lo la vek a. A awmzia chu room chhungah khan camera a lo vuah reng chu niin, tichuan chu video chu vau nan min hmang tan ta ani. Ka nupui hi a mutpui duh a, a mutpui theihna turin engemaw tal ti tur chuan min vau ta reng maia. A duh ka tih hlawhtlinsak loh chuan ka nupui bulah kan sex video chu hmuh tir a tum thu a sawi reng bawk a, a nupui chu keimah zawkin ka pawngsual emaw, ka thlem lui anga lan tir a tum a ni. Tin, ka nupui nen an mudun thei anih chuan pawisa tam tak in pek a tum thu leh promotion pawh min pek a tum thu a sawi a ni. Tichuan zan khat chu Estheri juice in turah chuan mutduhna damdawi ka pawlh ta a, tichuan a mutthilh veleh chuan Manager chu lo lutin ka nupui chu a rawn pu nawlh a, an in lamah a haw pui ta daih a ni. Min peklet leh mai ka ring a, mahse ala kawl char char a, mahse a pawisa min pek zozai te chuan ka mit an ti del a, ka nupui pawh ka ngaihsak tawh lo, sum vangin ka mit a del a, a duh chen chen ka kawl tir a, a thi nge a dam pawh ka hre lo. Nula mutpui tur te hi a rawn tir leh tawp zel a, a chang phei chuan a nupui pawh alo kal thin. Tichuan ka nun a nawm em avang chuan Estheri pawh chu thi mahse pawi ka ti tawhlo, engkim ka neih tawh vang a ni." a ti a, a tap hawm hawm a. Nathana chuan, "In manager te awmna address min hrilh rawh." a ti a, tichuan a hrilh ta a. Mafaka hi bank employee niin an bank manager hming hi Stephena a ni. Tichuan Mafaka chuan Stephena te address chu min hrilh a, Nathana chuan MAfaka chu motorah a hnuk lut a, Bank lam pan chuan kan kal ta a. Bank kan thleng tep tihah chuan NAthana chuan, "Rinawm, SI Liantea call la, bank ah lo va awm lawk rawh se, Manager chu kan man dawn tih pawh hrilh lawk rawh."a ti a, tichuan Liantea chu ka phone a. Bank chu kan thleng a, Liantea pawh chuan Manager chu pawnah a lo be mek a, Nathana chuan Manager chu a va tham nghal a, tichuan motorah hnuk lutin chak takin Station lam kan panpui ta nghal a. NAthana chuan Manager chu cell chhungah chuan a theh lut a, a hnek nghal thuai thuai mai a. Manager lah chuan, "Enge ka tihsual?" a ti vak vak a. SI Liantea a lo lut a, "Sir, an in address kan hre tawh e," a rawn ti a. Nathana chuan, "Amandai leh constable hmeichhia 4 nen a nupui hur zet kha va man bawk rawh u." a ti a.

Manager chuan, "Enga? Engvangin maw?" alo ti vak vak a. Nathana chuan Manager chu a rek a, "Khawnge Estheri?" a ti a, Manager chu a meng phawk chiang kher mai. Nathana chuan vin zet hian, "Khawnge Estheri?" a ti leh a, Manager chuan, "Tunge chu chu?" a la ti zui. Nathana chuan, "Rinawm, Mafaka kha lo hruai teh." a ti a, Mafaka chu kava hruai a. Nathana hian Mafaka hi bank atanga a hruaichhuah khan SI Liantea car ah zawk a luhpui a, MAfaka erawh ka bulah a awm char char thung. SI Liantea erawh constable pakhat scooty in an rawn in phur phei a ni, in lo hriatthiamloh palh takin ka lo tarlang zuai ani e. Manager Stephena'n Mafaka a hmu chiah chu a thinrim hmel hle mai, Mafaka lah chuan tap tuau chung chuan, "KA tihpalh Sir." ala tizui. Nathana chuan, "Khawnge a awm? SAwi rawh?" a ti leh a, Manager chu a ngawi reng a, chuveleh Nathana pistol chu chuh thutin MAnager chuan Mafaka chu a kap ta mai a, a chaldarah tak a kap a, a thi chiang kher mai. Stephana chuan min rawn kap veleh a, mahse min kap fulo hlauh, constable banah a kap a. Nathana chuan silai chu a chhuhsak vat a, cell bangah chuan a lu chu a tauh tir pawp mai a, nikhawhrelovin a awm nghal a. Mafaka ruang chu kan en thap a, Nathana chuan, "Hrep tak chuan.." a ti vak a. Mahse kan DGP a fel hlauh a, engkim a hrethiam a, mahse kan buaina ber zawk chu KHAWIAH NGE ESTHERI CHU A AWM tih a la ni tlat. Mahse darkar 1 vel hnuah Inspector Amandai a lo thleng a, Manager nupui a lo hruai lut a, "Sir, Estheri chu kan hmu e. Mahse nikhawhrelovin a awm a, Hospitalah dah mek a ni. Manuni ka call a, a awmpui mek e." a rawn ti a, Amandai nge nge, a va han ropui tak em, ka tluklo takzet. MAnager nupui chuan engkim a puang ta a, an nupa chuan an lo hurherh khawp mai, sex-a tuihal diktak an ni. An nupa chauh nilovin mi hrang hrang mutpui an chak thin thu te, an piansual dunna ber a nih thute a sawi a, an hausakna hmang chuan mi hran hran an lo thlem thlu tawh bawk. Mi tamtak an lo vau tawh bawk a ni awm a, Manager Stephana nupui hian Mafaka hi a lo beisei char char thin bawk a ni awm e, tin vanduai thlak takin Manager hian vawi tam tak Estheri hi a mutpui thin a, amah chauh nilovin a nupui pawh hian LESBIAN SEX a hman luih pui fo a ni. Manager te nupa chuan Estheri hi an inhnuai room ah an lo thukru thin a, hrehawm tinreng tuar tirin an duh duh hunah sex an hmanpui mai thin a ni. An nupa hur herh em avang chuan an damchhungin jail bang a zut alo ngai ta a, mahse vanduaithlak takin Mafaka erawh a nunna kan chhan thei ta lo a ni. NAthana nen chuan damdawiin ah chuan Estheri chu kan han kan ve a, Estheri chuan lawmthu minlo hrilh mawlh mawlh a, a hmeltha phian lehnghal. A pasal thihthu kan hrilh chuan a lungngai viau dawn maw kan ti a, mahse a hmelah lawmna hlir a khat zawk. Tihian min chhang a, "A thih theih nan zantin ka tawngtai thin alawm, kha manager bula min hralh zan atang khan a thih hi ka duh em em a, a thi hi ka tawngtai chhanna a ni." tiin. DGP chuan engkim a buaipui fel leh ta vek mai, kan DGP han hmelthat suk suk zia hi chu. Zanin chu Nathana tellovin Tluangtei ka rim dawn a, ka sawi peih tawh lo, a bak chu in ngaihdan khan lo phuah kual vel ve mai tawh teh u...ka kal ania.

THE END



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)