NATHAN SEASON-2 (Episode-22) POLICE VS CBI : MUMBAI CBI RAIDS MIZORAM (Part-3) by:Aaron Malsawmdawngzuala

[Aaron Dustin]

NATHAN SEASON-2 (Episode-22)

POLICE VS CBI : MUMBAI CBI RAIDS MIZORAM (Part-3)

LAST EPISODE OF SEASON-2

(Based on a true incident of the 1987 Opera House heist in Mumbai)

Written by : Aaron Malsawmdawngzuala

(Nathan Season-2 chu kan lo zo leh ta, lo chhiar thin tute in zavai chungah thinlung leh tihtak zetin lawmthu ka hrilh a che u. Zep lo chuan keipawh in ka hre reng a, Season-1 ka tluk tawh lo a, hemi Season hi chu hnuchhuina vel pawh a ho angreng inti viau maithei. Mahse chutiang chung pawha minlo chhiarsak a, lo la hlut em em tute in awm a, ka lawm takzet a ni. Tin, Season-3 hi han tichhuah tawh loh ka tum a, Nathana story hrim hrim hi tihtawp mai ka han tum viau naa Nathana fans tamtak ten private meuhvin ti tawp lo hram tur leh chhunzawm zel tura min ngen nasat em avangin chhunzawm leh zel pawh ka tum a, nangni pawhin minlo support reng ula a lawmawm khawp ang. Nathan Season-3 kan nghah chhungin Inspector Amanda Lalrempuii Stand-Alone Story lo ziah ka tum anga, engtin nge amah chauh a hnu a chhui ve dan te, eng ang chiaha fing nge a nih ve tih te leh amah hian eng chanchin nge a neih ve tihte kan chhiar leh turah ngai phawt ila, Nathan Series Spin-off a nih angin, Nathana leh Rinawma te pawh an rawn tel ve zeuh turah ngai ang aw.)

Chanchin bu ah chuan CBI Officer lak a nih tur thu chu Surya te chuan an chhuah ta a, hemi chhuah tu ber zawk erawh an mahni puitu, tunge a nih tih kan hriatloh ngei kha a ni. Mahse Surya te fin ve na em em chu, he an thuchhuah hi Mizoram chanchinbu ah nilovin, Mumbai chanchinbu ah zawk an chhuah ta daih mai. Achhan pawh Mizoramah an mahni an awm a, anmahni chhuitu te hian Mizoram chanchinbu ah an chhuah anih chuan an manchhuak palh ang tihte pawh an hlau ve a ni mahna. Mumbai khawpuia nula leh tlangval hna neilo, lehkha thiam si, awm awl tak tak te chuan chu hna dilna chu an lo hmu ta hlawm a, dil ve ngei tum chuan Mizoram lam an pan ta sup sup mai. Hetih lai hian chu advertisement chhuah mek te pawh chu Nathana te, Kumara te, Amandai te leh Uttam-a te chuan an ngaihsak hman lo kher mai, an la buai em avang chuan hriat pawh an hre lo a ni. Mumbai Daily Newspaper-a CBI hna dilna an chhuah atanga ni thu ni ah interview chu tan a ni dawn a, an neihna hmun tur hi Hotel Regency, Zarkawt a ni.Interviewer tur te chu Surya leh Meena-i te an ni a, hming lo ziak thla zel tu tur te chu Senthil-a leh Muthu-a te an ni a, interview neih laia interviewer te lo pui tu tur chu Suresh-a a ni bawk. Mumbai thalai ho chuan Mizoram an lo thleng ta hlawm a, lehkhathiam vek an ni hranlo, a then chu degree nei ve satliah mai mai te an ni hlawm. Interview neih ni a lo thleng ta a, mumbai thalai ho te pawh Hotel Rengency lam an pan ta sup sup mai. Buai mangkhenga Mizoram Police te leh Mumbai CBI ten Surya te thian ho an lo zawn mek lai chuan Surya te lah Hotel ah thlamuang takin Mumbai thalai an bum ho te chu interview an lo pe vel mai mai chu ania, engatinge maw Nathana pawh chu a va fing lo ta ve awww? Interview chu an nei tan ta, athen chu mifing tak tak te an ni a, athen te erawh fin var lem lo tak tak te an ni bawk. Hrelo ve fe fe lah an han tam khawp a, Surya chuan, "CBI lampum enge?" tia a han zawh te chuan athen chuan diktakin, "Central Bereau of Inestigation." ti a an chhan laiin thenkhat erawh chuan, "Central Bank of India." te anlo tia, athen lahin, "Commander of Bangladesh in India." te an lo ti thul. Intereview nei zingah hian hna hmu thei thlawt lo, lehkha thiam em em si, fing var lutuk lemlo leh tawngthei zet Kamal Chhetri-a chu a awm ve a. A hun alo thlen chuan Surya chuan, "Tunge i hming le?" a han ti a. Kamala chuan, "Kamal Chhetri ka ni a, CBI hi ka nih tum ber a ni a, ka qualify ngei ang tih pawh ka ring. Ka tawnhnem ve thei em em a, chuvang chuan hna pawh ka hmu theilo a ni ber e...hehe." a han ti nghal zuah zuah a. Surya chuan, "Anih leh CBI full form enge?" tiin a han zawt leh a. Kamala chuan, "Central Bereau of Investigation a ni e...chuan CBI hi kum 1947 khan Special Police Establishment tih chu siam a ni a, mahse 1963 khan a hming thlakin Central Bereau of Investigation tiin a hming an thlak a ni. Ka ti dik em Sir, ka thiam ve tho tiraw?" a han ti nghal leh zuah zuah a. Surya chuan, "Anih leh tikhawpa thiam inti te chu tinge hna i hmuh theih loh a?" a ti a. Kamala chuan, "Englo ania Sir, ka tawnghnem thei lutuk a, min reject zel a ni. Zawhna an zawh apiang hian chhanna hi pathum zel ka nei a, zawhna pakhat min zawhin chhanna chi dang dang vawi thum zelin ka chhang thin. In duh chuan nangni pawn zawhna pakhat min zawt ula, chhanna pathum ka pe ang che u." a han ti leh nghal zawt zawt a. Surya chuan nuih suk pah chuan, "Nih leh tunge i pa hming?" ahan ti daih mai a, a ngawi chiang teh asin. A lu thak lo pui chu a hiat nuah nuah a, "Sir, ka tling leh dawn talo a nih hi...mahse chance dang min pe leh rawh." a ti a. Surya chuan, "Engvangin maw?" a ti a. Kamala chuan, "Sir, politician eiru te hi electiona an chak loh hian mipui te hnenah bawk let leh in kum 5 a liam hnuah, inthlan a awm leh dawn laiin vote leitur an zawng leh thin a. Chance dang tam tak an nei leh thin a, anni corrupt politician mai mai te pawhin chance dang tam tak an neih chuan kei hian engvangin nge chance dang ka neih theihloh bik ang?" a ti a. Surya chuan Kamala chu a han en vang vang a, "I kal thei e." a ti a, Kamala chu a chhuak ta a.

Interview chu an nei zo ta a, mi 200 chuang an interview a, mahse mi 30 chauh an thlang chhuak a, chuta an thlanchhuah zingah pawh chuan Kamal Chhetri pawh chu a tel ve hlauh mai. Surya chuan a tling ve lo hote bulah chuan, "Candidate mi 30 kan thlang chhuak a, nangni erawh i vanduai ta ani. Beidawng mai lo ula, in hun ala thleng ve em em ang, in kal thei e." a ti a, an kal ta a. Mi 30 an thlan tlin te chu an ding tlar thap mai a, an hma takah chuan Surya, Meena-i leh Suresh-a te chu an ding a. Surya chuan, "Awle thiante u, naktuk ah he hotel ah tho hian in lo kal leh anga, zing dar 9 ah, tumah tlai loh tur. Tin, hmuihmul leh khabe hmul nei te khan meh vek tur, chuan a tlai apiang chu kan chhawk hmawk hmawk ang." a ti a, tichuan an chhuak darh ta hlawm a. Chumi zan chuan Surya te chuan chung an mithlan candidate 30 te ID tur leh an batch tur te chu a lem bawk an siam sak leh ta a, anmahni pui ru tu kan tih kha, kha mihring bawk khan a pui leh a ni. Atuk zing dar 9 ah chuan Hotelah bawk chuan candidate 30 te chu anlo kal leh ta a, Surya chu an hmaah tak chuan a ding leh a, a bulah chuan Meena-i leh Suresh-a te pawh anlo awm ve bawk. Surya chuan, "Awle thiante u, Welcome back. Vawiina heta kan inhmuh khawm hian chhan tha tak a nei a, eiru te leh mi diklo te tichhe tura pungkhawm kan ni." a ti a. A kal kual a, hmeichhe pakhat bulah chuan, "Tunge i nih?" a ti a. Chunu chuan, "Vandhana-i ka ni e." a lo ti a, Surya chu a kal kual leh a, mipa pakhat bulah chuan, "Nang tunge i nih?" a ti leh a, chupa chuan, "Gautam-a ka ni e." alo ti leh a. Surya chuan a lu a thing a, "A dilo, khatiang khan min chhang tur a nilo." tih pah chuan Kamal Chhetri-a bulah chuan ava kal leh a, "Nang tunge i nih?" tiin a han zawt veleh a. Kamala chuan, "CBI Officer ka ni." a lo ti lauh mai a, Surya chuan a lu a bu nghauh nghauh a, "Umm..CBI..CBI." a ti nuah nuah a. Candidate te chu a en kual a, "Ngaithla rawh u, kan pian tirh atangin hming kan nei vek a, tumah hming neilo kan awm lo. Mahse mi tu emaw, hnawthawh nei, mahse kan hmelhriat siloh an thih chuan chumi khami chu a thi kan ti ngailo. Teacher pakhat a thi, Politician pakhat a thi, Postman pakhat a thi emaw Officer pakhat a thi tiin kan sawi thin. Hna nei velo te chu an thih in kan hre chang ngailo, hnathawh nei te an thih chuan an hnathawh te hmangin tute nge an ni tih kan sawi thei chauh thin. Chutiang chiah chuan keini hi kanlo boral hlauh a nih pawhin kan hming nilovin, kan nihna hmangin miin min hre ve tur a ni. Kan hnathawh te hmangin kan nihna an hre tur a ni, kan identity chu kan hna hi a ni tih hriat tur. Min han hrilh te u...tute nge in nih?" a han ti vak a. Candidate te chuan, "CBI Officers." tiin an lo chhang a. Surya chuan phur takin, "Ka hre theilo, tute nge in nih?" a han ti leh vak a. Candidate te chuan a aia ring hian, "CBI Officers." tiin an lo chhang rual thup thup a. Surya chuan, "A tha e...mahse hei hi chu temporary chauh ala ni a, naktuk hian raid kan nei anga, chu chu in tan practical test a ni ang. Chu raid chu kan hlawhtling a nih chuan, kan chhunzawm leh ang. Mahse, kan thawk ho reng theilo maithei a, team hrang hranga thendarh pawh in ngai maithei a ni. Keini CBI te hi eirukna tenawm tak te, politics game tenawm tak te hi ngawi renga tuar a enliam mai mai tur kan ni velo. Officer kan ni a, he India ram Sawrkar hi kan kutah a awm a ni. Kum 5 dana politician inthlak reng ang kan ni lo a, chungte mai mai chuan min tibuai ve tur a nilo. Keini Officer te ang hi chu kum 50 chuang office ah hian thawk ila, bereaucrats te leh government employees te thleng pawhin, rinawm taka kan thawk zel anih chuan he ram ah hian buaina a awm lovang." a ti a. Surya chu arawn pen chhuak a, tlar hmaa hmeichhe panga te chu a va en a, "Nangni hmeichhe panga te hi hmeichhe 100 chuang ang tlukin in chet angai ang, in huam em?" a han ti a. Chung hmeichhe panga te chuan, "Yes Sir." anlo ti rual thap a.
'
Meena-i leh Suresh-a te chuan envelope tam tak hi an rawn chawi chhuak a, Surya chuan Meena-i bulah chuan, "Officer Jhansi, semkual rawh le." a ti a, a sem kual ta a. Surya chuan, "Kha kha advance salary a ni a, in hlawh hmasa ber a ni phawt ang. Surya chuan envelope pakhat chu a la a, Kamala bulah chuan pek pahin, "Hei hi i hlawh a ni e, hna chu i hmu ta e. Kamal, nang ni ang hi chuan second chance nilovin, first chance zawk i phu a ni." a ti a, Kamala pawh chu lawm avangin a mittui alo luang chhuak hial a. An sem zawh hnu chuan Surya chuan, "Nangni hi CBI Officer te in ni a, Officer tha ber ber te in ni tur a ni. Hei hi ka chah duh che u, hre reng ang che u. In hnaah hian rinawm tak leh falfai taka hna in thawk anih chuantumah in hlau tur a nilova, hlauh in nei hek lovang." a tih lai chuan Meena-i insum zo lo chu a lo khuh kharh kharh a, a nui chhuak teuh kher mai. Surya chuan rum tak hian a va melh a, a tihngaihna hrelo chuan, "Naktuk dar 11 ah Madan Jhansi hian briefing a neih pui ang che u, chuan hei hi kan operation hmasa ber a ni ang. Mahse...hei hi secret operation a ni a, he room ah bak hian kan thusawi zawng zawng te kha hmundangah a chhuak tur a nilo. In hria maw?" a han ti leh vak a, candidate ho chuan ring tak hian, "Yes Sir." anlo tirual thup thup a. Surya chuan ring zet hian, "DISPERSE." a han ti vak a, an kal chhuak ta hlawm a. An chhuak chiah chu Suresh-a leh Meena-i te chuan ka hau hian Surya chu an en hu mai a, Surya chuan, "Enge? Tinge kha tia min en a?" a lo ti hu mai a. Meena-i chuan mak tih hmel zet hian, "I thusawi te kha khawi movie atanga i hriat nge? I thusawi te khan min ti hrilhhai lutuk a, CBI Officer tak tak amaw ka inti hman hial alawm." a ti nuah nuah a. Surya chuan, "Kan ni lawm, CBI Officer tak tak ang chu kan ni mai alawm...a nilawmni Suresh?" a han ti ve leh a, Suresh-a pawh chuan, "Nia...nia, CBI tak tak ka ni e." a ti nuah nuah bawk a, an chhuak ta a. Mahse thil pawi tak a thleng leh ta, vai ho mawl lutuk vang bawk a ni. Surya te khan khang an mahni puitu tura an thlan candidate te khan midang bula an sawi chhuah an hlau a, achhan pawh Police te leh CBI te tangrualin anmahni anzawng mek a ni si a. Chiang takin Surya khan sawi chhuak lo tur leh zep tlat turin a chah mawlh mawlh hlawm kha ani a, mahse mimawl tak pakhat thil zep theilo, lehkha thiam fu si an lo thlang tel ve hlauh mai hi alo ni a. Chu chu Mumbai slum area a mi, Nikhil-a a ni. Nikhil-a chuan hna thar a neih thu chu a pa a zu hrilh hram a, apa lah a lawm lutuk chuan intithei tak hian an thenawm te a hrilh kual leh bawk a. Chumai ala duh tawk lo, Nikhila hi kum 2 vel liam ta khan CBI Officer ni turin interview alo nei ve tawh a, mahse an retheih em avang leh a qualify tawk lova a hriat avang hian interviewer pakhatin alo hnawl tawh a. Chu interviewer lah chu tudang nilovin, Tamil Nadu-a special officer, tuna Mizorama awm mek, Nathana te puitu Officer Sathya Kumar ngei mai kha a ni. Nikhil-a pa chuan intithei tak hian Kumara chu a call a, "Hello, CBI Officer chapo zet Sathya Kumar a ni em?" ava ti vel ham ham a. Kumara chuan hrethiamlo tak in, "Tunge i nih a?" a lo ti a. Nikhil-a pa chuan, "Kum hnih liam ta khan hmusit takin ka fapa chu ilo hnawl tawh a, mahse tunah chuan en teh, CBI Officer a ni ve tawh dawn asin." a rawn ti ta mai a. Kumara chuan a hrethiamlo hle mai, "Enga? Khawiah maw? Tunge i nih a? Enge i sawi awmzia?" a tu hu mai a. Nikhil-a pa lah chuan, "I hre ve nange? Ka han hrilh law law teh ang che, ka fapa hi Nikhil Reddy a ni a, kum 2 kal ta khan hmusit takin ilo tawngkhum a, ilo hnawl a ni. Mahse nichin mai khan Mizoram ah interview neiin ka fapa hi CBI Officer Uttam Raj ten anlo thlang tling a, hre tak rawh...a man hmasak ber tur chu nang hi i ni ang." ala ti ta deuh deuh a, ava han atthlak tak em. RAng lutuk in Kumara chuan phone a dah a, Nathana te Police Station lam pan chuan a inkhalh phei nghal a.

A tlan pah chuan Kumara chuan Uttam-a a phone a, "Hello, Officer Uttam...Police Station ah lo kal vat rawh, thil pawimawh lutuk kan hria a nia." a ti a, Uttam-a pawh chu Station lam pan chuan a inkhalh phei ve ta nghal a. Uttam-a leh Kumara te chuan Station chu an thleng thuan a, Nathana leh Amandai te pawh an lo awm a. Kumara chuan, "DCP, Inpector...news tha lutuk mai ka nei ania." a rawn ti lut nghal a. Nathana chuan, "Enge ni, Sir?" alo ti vat a. Kumara chuan, "Mahse chumi hma in, Mumbai Daily Newspaper..tun kara chhuak zawng zawng ka hmu duh ani." a ti a. Tichuan contorl roomah lut vatin Mumbai Daily Newspaper chu internet hmang chuan an han en kual a, karkhat vel chanchinbu, pasaril vel lai chu an print a. Kumara chuan advertise ment lam chu a keu kual a, a mal te te chuan a en zel a. Minute 5 vel lai a en kual hnuah chuan chanchinbu pakhat chu Nathana te lam hawi chuan a lek kang a, "Enteh u...nithum kalta khan he Mumbai chanchinbu ah hian CBI Officer lak anih tur thu an sawi a, nimin kha interview neih ni a ni lehnghal a, vawiin hi briefing an neih ni tur an ti bawk." a ti a. Uttam chuan, "Mumbai CBI chu keini hi kan ni a, mahse engmah ka hre ve silo a, a awmzia chu khamite thil tih a ni ngei ang." a lo ti a. Nathana chuan, "Sir, engtin nge i hriat a?" a lo ti a. Kumara chuan, "Ka hre ve tawp...DCP Nathan, an neihna hmun kha Hotel Regency a in ti a, a awmna i hria em?" a ti a. Nathana chuan, "Hria e....Sir, tunah pawh anla awm ngei ang. Kan kal vat anih chuan kan man hman ngei ang, chuan an vaiin an awm ka ring bawk a, an vaia manna chance rem lutuk a ni." a lo ti a. Amandai chu lo inrawlh ve in, "Mahse Sir, engtin nge kan zawn hmuh ang, hotel ah chuan mi tam tak an thleng anga, an hming tumah kan hre siloa." alo ti a. Nathana chuan, "Interview nei tura dilna thehlut te chu an register ah a awm vek ang chu." a lo ti a. Uttam-a chuan, "Mahse,Hotel ah chuan an awm kher dawn mi? Interview neih nan ringawt an lo hmang te pawh a ni thei a." a lo ti v ebawk a. Kumara chuan, "An awm ang, achhan chu kha Hotel bak kha awmna tur an neilo, Aizawl vengchhung-a inluah theihna kan dang vek a, South India mi reng reng Aizawlah in an luah dawn chuan Police ten en faih phawt anih tur thu te pawh kan hrilh lawk a, awmna tur dang annei lo. Black Money an rukchhuah te hmang khan hotel ah hian nuam an chen mek ani, tunah i va kal nghal ang u." a ti a, police force te nen an kal ta nghal a. Hotel Regency-ah hian Meena-i te, Suresh-a te, Muthu-a te leh Senthil-a te chu an awm ngei a, mahse mak tak maiin an boss ber Surya erawh hotel dangah a thleng daih thung. Tin, Surya te hian a tuk chiah ah hian khan CBI Officer candidate an lak, mi 30 te nen khan Joseph Khrishna, Kristian inti ve ngei, a eirukna hmanga Mizorama dawr lian tak rawn siam chu raid an tum a, a dawr hming pawh sawi tak ang khan JOSEPH JEWELLERY STORE a ni. Nathana te leh Kumara te chuan Hotel chu an va thleng a, hetih lai hian khua a thim tawh hial a ni. Front Office ah chuan Kumara te leh Nathana te chu anva kal a, Nathana chuan, "Ka pi, Police kan ni a, thil zawh duh che kan nei a ni." a va ti a. Front Office duty chuan, "Enge ni ta?" a lo ti a. Nathana chuan, "Vawiinah in hall hmang an awm em? Interview neih nan?" a ti leh a. Chunu chuan, "Nimin zawk khan interview chu neih a ni a, vawiinah chuan briefing neih nan an hmang leh a." a ti a. Nathana chuan, "Anih leh interviewer te chu hemi hotel ah hian anlo thleng em?" a han ti leh a. Chunu chuan, "Aw..thleng e, tunah pawh anla awm." a ti ta mai a. Mizo tawng thiam ve lo nanana chuan., "Enge a sawi?" tiin Uttam-a leh Kumara te chu an lo rak ve chhen a. Nathana chuan, "Sir, hetah hian anla awm e." a lo ti a. Chu veleh Kumara chuan, "An room number zawt nghal rawh." a lo ti vat a. Nathana chuan, "Ka pi, an room number ka hre duh ani." a ti a. Chunu chuan, "Room number 201 ah an awm a, SUIT ROOM a ni a, naktukah an check out tur thu an sawi bawk." a ti a.

Room number 201 ah chuan an han chho ta a, kawngka chu an han kik dat dat a. Meena-i chuan tute nge an nih hre lo chuan ngaihtha tak chuan alo hawn ve mai a. Mahse kawngkhar bula Nathana te leh Kumara te a hmuh chuan a phu chiang kher mai, Kumara chuan Meena-i chu a nam phei sawk a. Thutthlengah chuan an thut tir a, Kumara chuan, "Khawnge midang? Khawnge in boss ber kha a awm?" a ti a. Meena-i chuan hlau tak chuan," Ka...ka hrelo." a lo ti a. Officer Uttam-a chuan, "Khawnge keimah anga lo insawi pa kha....khawnge a awm?" a lo ti khur khur a. Nathana chuan inthlahrung tak hian, "Sir, hmeichhia a ni si a, Inspector Amandai hi zawh tir hram ula, rem in ti chuan." a lo ti a. Uttam-a chuan vin zet hian, "Mawllian, lo inrawlh ve suh,nangmah vang vek a ni tih hi hre rawh." a lo ti hrep mai a. Kumara chuan, "Lo inhnial reng suh u..." tih pah chuan Meena-i chu a en leh a, "Tunge i hming?" a ti a. Meena-i chuan, "Meena-i ka nia, ka pu." a ti a. Kumara chu a nui suk a, "Anih chuan tinge Jhansi Rani ka ni e..tiin mi bulah CBI Officer anga i insawi vel a?" a ti leh a. Meena-i hlau lutuk chuan khur zawih zawihin, "Ihhh....Meena-i tih chu a Officer hming lo lutuk a, chuvang chuan kan boss khan hming lem min pe a, Jhansi Rani tih hming min phuah sak a ni." a ti tham tiak a. Kumara chuan, "In boss ber kha tunge a hming?" a han ti a, Meena-i chuan, "Surya Sivakumar." tiin alo chhang a. Constable pahnih te chuan mindang pathum, Muthu-a, Senthil-a leh Suresh-a te chu room chhungah chuan an rawn hruai lut a, "Sir, heng mite hi a thawhpui dang te an ni." an rawn ti a. Kumara chuan Senthil-a te, Muthu-a te leh Suresh-a te chu a hnek thal tawp tawp hlawm a. Meena-i hlau lutuk chu a lo au tuar tuar a. Kumara chuan, "Meena, khawnge Surya a awm?" a ti a. Senthil-a chuan, "Hrilh reng reng suh Meena, engmah hrilh suh." a lo ti a. Kumara chuan a pistol a phawrh a, Senthil-a chu a tin a, "Meena, min hrilh loh chuan an pathum hian ka kap hlum ang." a ti khur khur a. Meena-i chu a ngawi reng a, a hlauh em avang chuan a khur zawih zawih a. Suresh-a chuan, "Meena, keini chu thi mah ila a pawilo, mahse Surya khan a thil tih tur kha a hlen ngei a ngai a ni. Kan ram tana nunna chan huama he hna hi thawk kan ni a, kan ram tan chuan kan thi mai ang." a lo ti vak vak bawk a. Kumara chu a nui huah huah a, a pistol chu pai that pah chuan, "A tha e, min hrilh suh....duhthlan tur dang ka nei tawh lo. I date pahnih kha an awmna ka hria a, anni chu ka zuk man zawk mai ange." a ti chiah chu tap chung chuan Meena-i chuan Kumara kea vawn pah chuan, "Min khawngaih hram rawh ka pu...ka fate kha chu khawih suh. Surya chu Hotel Floria zawkah a awm, heta tang hian ahla lo." a ti a, a tap zawih zawih a. Nathana chuan, "Hotel Floria awmna chu ka hria, kan zu kal dawn em ni, Sir?" alo ti vat a. Kumara chuan, "Nilove...chumi hma chuan thil pakhat hriat ka la duh a ni." a ti a. Meena-i chu a kai tho a, "Meena, interview inneih naah chuan thlanchhuah te in nei ngei anga tiraw? Enge tih in tum reng reng a?" a han ti a. Meena-i chuan, "Mi 30 kan thlang chhuak a, naktuk zing dar 11 ah hian JOSEPH JEWELLERY STORE chu raid kan tum a ni. Heng candidate 30 te hi min pui turin kan ti a, kan thlangchhuak ta a ni." a ti a. Kumara chuan, "Ka thusawi anga i awm a nih chuan kan chhuah zalen ang che, mahse i zawmlo a, min bum i tum a nih chuan in vai hian kan man che u anga, i fate pahnih pawh khan Remand Home ah kan dah ang." a ti khur khur a. Meena-i chuan, "Khawngaihin ka fate chu zuah hram rawh...i sawi ang apiang kan ti ang." a ti a. Kumara chuan, "Ngaithla rawh, naktuk ah chuan JOSEPH JEWELLERY STORE chu in va raid ang, in va raid lai takin kan rawn man dawn che u a ni. Kan zui ru char char dawn che u a, phakar i chhuah a nih vaih chuan, Surya i hrilh anih vaih chuan i fate chuan an tuar anga, nangpawh man i ni ang." a ti a. Meena-i chuan, "Awle, i thu ang chuan ka awm ang." a ti a, tichuan Kumara te chuan an chhuahsan ta a.

Pawnah chuan Uttam-a chuan Kumara bulah chuan, "Sir, a tih chi dawn em ni? Va raid ta se, man hman leh silo ila, rangkachak tamtak te leh tlereuh tam tak te chu dawr neitu Joseph Krishna chuan a chan vek dawn tihna ani a, chubakah Meena-i kha i ring em ni? Surya hrilh ta se, Surya chuan ruahmanna felfai tak a nei leh anga, min bum kual leh mai mai ange.." alo ti nuah nuah a. Kumara chuan, "Lungngai suh, nichina ka thilsawi te kha chu theihnghilh rawh. An raid laiin kan man dawnlo, dar 11 ah an raid dawn a, keini erawhin dar 9 velah kan lo thlen khalh thung ang. Dawr nghak tute leh staff te zawng zawng bulah raid a nih tur thu kan hrilh lawk anga, tichuan an tlereuh te chu duplicate in kan thlak tir vek anga, an tlereuh tak tak te erawh DCP Nathana hian Station lamah alo va phur phei zawk ang." a ti a. Uttam-a chuan, "Ngaihdan tha tak a ni." a lo ti a. Amandai chuan, "Sir, enge ka lo tih ve dawn?" a ti a, Kumara chuan, "Amanda, nang chu i rawn tel ve tawh lovang, a hmawr kan bawk dawn tawh a, nangchu hahchawl tawh rawh." a ti a. Tichuan an haw darh ta a, Amandai pawh chumi case atang chuan a chawl ta a. Atuk zing dar 9 ah chuan NAthana te leh Kumara te chu JOSEPH JEWELLERY STORE ah chuan an va kal ta a, Uttam-a chuan, "Nathan, han sawi teh le.." a ti a. Nathana chuan, "Ngaithla rawh u, fake CBI ten Mizoram an raid chungchang kha in hre vek anga, kha fake CBI te kha in dawrah hian an lo kal dawn a ni. An rawn raid dawn che u a, chuvang chuan in tlereuh zawrh zawng zawng te hi la chhuak ula, duplicate in thlak vek rawh u. In tlereuh tak tak te erawh Police Station ah kanlo dahtha anga, a kim thlapin chung CBI Officer lemchang te chu kan man hunah kan pelet leh ang che u." a ti a. Nathana sawi ang chuan tlereuh original te chu an khungkhawm a, duplicate chuan an thlak ta vek mai a. Chung tlereuh tak tak zawk te chu Police jeep ah an khung khawm a, Uttam-a chuan Nathana bulah chuan, "DCP, tun tum chu tisual tawh suh ang che." a ti a, Nathana chuan, "Awle Sir, ka tisual tawh lovang." a ti a, tichuan Nathana chuan chung tlereuh te chu Station lam a panpui ta a. Surya te pawh raid nei tur chuan candidate mi 30 te nen chuan an lo insiam mek a, mahse Meena-i, Suresh-a, Muthu-a leh Senthil-a te rawh an phur lo hle. Surya bulah chuan thudik an sawi ngam der lo mai a, Surya lah chu a phur em em thung si. Surya chuan candidate 30 te chu bus a hire ah chuan a chuankhawm tir a, Kamal Chhetri-a bulah chuan, "Kamal, leader i ni dawn a, in team te hi enkawl tha ang che." a ti a. Kamala intithei leh lawm lutuk chua, "Ka lawm e Sir, engmah pek let theih che chu ka neilo nang a, Mumbai a kan let leh hunah chaw eiah ka sawm ang che." a ti nghal zung zung a. Surya chuan, "Bus hian in lo kal anga, keini erawh car in kanlo kal thung ang." a ti a. Surya kal tur chiah chu Kamal chuan, "Leh lawk aw Sir, i hairstyle chu a nalh hle mai, eng gel nge i hman a?" a han ti zuah zuah a, Surya chu a thaw hawk a, "Kamal..nanghi.." a sawi zawh hma chuan Kamala bawk chuan, "Ka tawng hnem mah mah tiraw....a nih aw Sir." a lo ti leh zuah zuah a, Surya chuan a kalsan ta a. Bus chu a kal liam ta a, tichuan Surya te pawh chuan car chuan an zui ve ta a. Jewellery dawr kawtah chuan Police force te chu an duty a, civil dress an ha a, hmun hrang hrang ah an awm khawm a, tute mah chuan police an ni tih an hrelo. Dar 10:30 ari tawh a, candidate te chuanna bus pawh chu dawr kawtah chuan a ding vang tawh a. Surya thupek nghakin bus chhungah chuan an chuang thap mai a, Kamala lah inla thu zet hian ro a rel zuah zuah lehnghal. Surya te pawh chu an thleng tep tih ah chuan motor chu a ti ding a, Meena-i chuan, "Tinge Surya, ngati nge kan din a?" a lo ti hu mai a. Surya chuan, "Phone call hman lawk ka duh dawn a, mahse ka phone tur pa hi ala hman chiahlo aniang, nghak lawk ang u." a ti a. Kamala chu bus atang chuan a chhuk a, "Rei ve mawle, kan boss pawh chu, ka raid chak tawh asin." a ti nuah nuah a.

Dawr bula duty mek, Officer Uttam chuan bus bula Kamala lo zi mar vel chu a hmu a, "Hey nangkha, hetah hian lo kal teh." a ti a, Kamala chu a va kal ta a. Uttam chuan Kamala chu a rinhlelh vanga ko pawh a nilo, meizial zuk a tum, lighter a nei silo, lighter dil tura ko mai chauh a ni. Kamala chuan, "Enge ni ta...min mamawh em ni?" a ti ham ham a. Uttam-a chuan, "Mamawhlo che ila ka ko dawn che em ni?" a lo ti let khur khur a. Kamala chu a insum zo leh talo, "Officer ka nih hi aw, khatin min chhang reng reng suh." a ti ta pang pang mai a. Uttam-a beng a verh zawk mai, "Enga? Eng Officer nge i nih a?" a ti a. Kamala chuan intithei tak hian, "CBI Officer ni mai tur ka nih hi, interview naah ka tling a, tunah hian team captain ka ni." a ti zuah zuah a. Uttam-a chu a meng phawk hraw mai a, "CBI a?" a ti hu mai a. Kamala lah chuan, "Niang chu..chuan maw, kei chauh hi ka nilo, saw bus ah sawn mi 29 dang CBI Officer hlir an awm bawk." ala ti ta deuh deuh a. Uttam chu a nui suk a, "Umm....ani maw? Anih leh khawilai hmun nge han raid in tum deuh a?" a han ti a. Kamala chu a phur tawlh tawlh mai, "I dinna bul chiaha dawr khi en teh, khi khi kan raid dawn. MAhse sawichhuak reng reng suh aw, secret operation a ni a, i sawi chhuah vaih chuan ka man ang che." ala ti zui. Uttam-a chuan Kamala chu a rek thut a, dawr chhungah chuan a hruai lut ta a. Kamala chuan, "Min thlah teh...CBI Officer ka nih hi.." a la ti hram a. Uttam chuan dawr chhungah chuan Kamala chu a theh tlu thuai a. Hnek a tum chiah chu a phone a rawn ri a, phone ami chuan, "Hey Officer Uttam, khapa kha chhuah rawh."a rawn ti a. Uttam chuan vin zet hian, "Tunge i nih a?" a ti khur khur a. Phone ami chuan, "Min hre tawh nange...Mi chak te chuan mi chak lote chu an thuhnuaiah an dah thin, mahse Pathian chuan mi chak te chu a thuhnuaiah a dah ve thung...tikhan min hre tawh em?" a rawn ti a. Uttam chuan, "Enga? Hey, tu phiangsen nge i nih?" a ti vak vak a. Phone ami chu a rawn nui ta huah huah mai a, "Pu Uttam, Surya ka ni e, i mi zawn ngei mai, Surya Sivakumar...Karthi Sivakumar fapa ngei kha ka ni." a rawn ti ta mai a, phone ami chu tudang nilovin, Surya ngei kha a lo ni. Uttam chuan thinrim tak hian, "Nangmah hi maw lo ni a, clerk fapa mai mai lehnghal, nang hi maw kan mi zawn chu lo ni a?" a ti khur khur mai a. Surya chuan, "Ni ang chu mawle, chuan maw....kan raid-na hmun tur kha min lo thlen khalh vel a, tlereuh zawng zawng te kha duplicate in ilo thlak tir vela maw? MAwl lutuk, raid te chu kan nei daih tawh alawm...tikhan kha eiruk hmanga dawr sak khan duplicate hlir lo zuar tawh mai rawh se." tih pah chuan phone chu a dah ta daih mai a. Uttam-a thinrim lutuk chuan dawhan a chum bur bur a, duty ho anlo lut a. Uttam-a chuan, "Zawngsena chu....alo raid daih tawh alawm." a ti vak vak a. Kamala lah chuan a aia ring hian, "Anih chuan tinge hetah minute 20 dawn kanlo nghah ve char char si?" a lo ti vek vak vak a. Uttam-a chuan, "Anih chuan...an raid tawh si chuan, tlereuh tak tak zawk te kha....a awmzia chu...DCP Nathana....DCP Nathana khan min bum tihna a ni maw?" tiin a au ta vak vak mai a. A phone a phawrh a, Nathana chu a call nghal a. NAthana chuan phone chu lo la vatin, "Hello, enge ni ta, Sir?" a lo ti a. Uttam-a chuan thinrim tak chuan, "MAwllian, nang hi.." a tih lai chuan NAthana chuan, "Enga? MAwllian mi la ti ngam amaw? Mawlliana chu kei nilovin nang zawk kha i ni, i nu leh pa te khan Mawlliana nu leh pa an ni a, i nupui kha Mawlliana nupui a ni. I pi leh pu te kha Mawlliana pi leh pute an ni a, tichuan Mumbai CBI corrupt ho zawng zawng te kha MAwlliana hnuaia thawk te an ni." a rawn ti ta siah siah mai a. Uttam-a thinrim lutuk chuan, "Hey DCP, engthil nge i tih hi i hria em?" a ti vak a, Nathana chuan, "Hira e, thildik tak ka ti a ni. Chuan tlereuh te pawh hei ka la kawl tha e...kha eiruk hmanga sak dawrah khan a let leh tawh lovang, Sawrkar hnena pek a ni anga, a neitu Joseph Khrishna pawh kha man a ni anga, jail bang a zut bawk ang." a ti a.

Uttam-a chuan, "Zawnga, i chak lovang....ilo pui vel amaw?" a rawn ti leh khur khur a. NAthana chuan, "Pui e, thildik an ti a ni. Mumbai atanga lo kal an ni a, kan hnampui an nilo, hnamdang an ni. Mahse kan rama hnamdang ho rawn in luling vak vak te, a ram neitu mizo mipui te nekchep a, eirukna hmanga rawn hausa thur thur te hi Surya te thian ho hian an rawn hrem a, an neih zanwg zawng te an laksak a, ka puilo theilo a ni. Eng angin nge minlo ngaih a? DCP Nathan Malsawmkima ka nih hi....ka mawl loh zia chu tikhan i hre tawh em? Chandra Shekhara te in kan raid zawh khan fake CBI an ni tih kan hria a, mahse kei hian khami zan lala khan anmahni te kha ka zawngchhuak nghal asin. Nangni CBI te zawk khan i zawng hmu hleithei lo ania, keichuan ka zawng hmu nghal a, mahse thudik engkim min hrilh a, tichuan arukin ka pui ta char char a ni. Khang an fake ID te, fake documents, fake Visa te leh fake CBI batch te kha keima siamsak vek a nih kha. Chuan ka hrilh nawn leh ang che, kei hi CBI Officer eiru te ang ka ni velo, Deputy Commissioner of Police, Nathan Malsawmkima ka nih hi..D-C-P." tih pah chuan phone chu a dah ta hmak a. Uttam-a chuan rang takin Sathya Kumar chu a phone vat a, "Hello Sir, DCP NAthana khan min bum ani, tlereuh kha akawl vek si a, engtin nge kan tih dawn?" a ti chel chul mai a. Kumara chuan, "Ka ringhlel reng a ni, lungngai suh....tlereuh te kha ama kuta kan hlan avang khan ka ring chiah loa, a hnungah ka naute ka zui ruk tir alawm." a ti a. Chutih lai chuan hmun fianrial tak pakhatah hian Surya te thianho chuan Nathana chu an lo nghak a, Police jeep-a Nathana lo tlan lai an hmuh chuan hlim takin Nathana chu an lo vai lauh lauh a. Mahse Nathana motor hnugah truck lian tak chuan Nathana motor chu a su ta pawp mai a, kawngsirah chuan a letling zawngin Nathana motor chu a let vung mai a. Hmanhmawh takin Surya te chu an va kal a, truck atang chuan CBI Officer te chu an rawn chhuk a, Surya chuan, "Meena, DCP Nathana hi lo buaipui ula, sawng ho saw ka lo buaipui ang." a ti a. Surya chuan chung officer te chu a han hnek thal tawp tawp hlawm a, chutia an insual lai chuan motor atang chuan Meena-i te chuan Nathana chu lakchhuah an lo tum ve mek bawk a. NAthana ke chu a tang tlat mai a, a thi zur zur lehnghal. Nathana chuan, "Tlereuh hi la chhuak phawt teh u, vatin." a ti a, tlereuh te chu an la chhuak ta phawt a. Surya chuan chung officer te chu a thal fai ta vek mai a, NAthana te bulah chuan ava kal a. Surya chuan thinrim tak hian, "In van mawl tak...DCP zawk hi chhanchhuak ta che u, tinge tlereuh hlir kha inlo buaipui a? tiin a va vin hrep hlawm a. Chuveleh officer te zinga pakhat chu a lo tho chhuak a, Truck ah chuan a lawn a, NAthana te lam pan chuan chak takin a rawn tlan ta mai a. Surya chuan, "Meena, motor ah sawn kal ula, helai hmun hi chhuahsan vat rawh u." a ti a. Meena-i chuan, "Mahse, nang engtin nge i awm anga?" a ti a. Surya chuan, "Kal vat rawh u...DCP Nathana nen hian kan lo zui vat ang che u." a ti a. Tichuan Meena-i te chu an kal ta a, Nathana pawh a ke tang chu an la chhuak hman hram a. Truck chuan motor chu a rawn su pawp mai a, mahse Surya leh Nathana te erawh an him hman hlauh thung. Tichuan Surya leh Nathana chu an chhaka bawllhlawh paina kham awih lutuk loah chuan an zuangthla ta ringawt mai a. Tichuan kawng zawl tak alo awm a, a tlan phei a, Nathana pawh chuana ke chu na a ti ngang mai, a tlan tha hlei thei tlat lo. Chuveleh an hma takah chuan motor a rawn ding a, a chhung atang chuan Kumara a rawn chhuak a. Silai kengin Surya chu a rawn tin nghal a, NAthana chuan Surya chu a man thut a, "Sir, hei ka man ta e. MAhse ka ke ah hliam ka tuar a, ka man thei hram a ni." a ti a. Kumara chuan, "I lemchan kha duhtawk rawh DCP, engkim ka hre vek tawh." ati a, chutih rual chuan Uttam-a pawh a rawn thleng ve ta nghal a. Tichuan an bul vel ah chuan Police Force tam tak rawn kalin Nathana leh Surya te chu an hual thup a, silai in an tin thup bawk a.

Surya chuan, "Hetiang hi maw ni dawn a? Thil dik kan ti a, eiru te leh mi diklo te kan hrem a, mahse nunna em pawh kan la hleinem. Police te, thudik tantu tur zawka ngaih, thil dik ngaisang tute zawka ngaihin ti hian min thah in tum amaw?" a ti a. Uttam-a chuan Kumara bulah chuan, "Sir, kap rawh...kap ta che." a ti vak vak a. Mahse Kumara chuan, "Ka kap thei ngawt hleinem...tualthat kan ni dawn asin." a lo ti a. Uttam-a chuan, "Ka kah ang pawhin sawi mai rawh." a ti khur khur a. Chuveleh Nathana chuan, "Thianpa, i silai kha i load tha maw? Kah lo inring reng rawh aw?" tiin a han au lauh lauh a. Kumara chuan, "Hey, tunge i biak kha? Sniper an awm em ni? Sawi rawh..anih loh chua ka kap ang che." a ti khur khur a. Nathana chu a nui suk a, "Tumah ka au hleinem." a ti a, Surya lah chuan, "Naute u, kap turin inring ru le..." alo ti ve leh zeuh bawk a, Kumara chu a hawi kual nasa ngei mai. Uttam-a chuan, "Min tihthaih kual vel mai mai a nih hi, Sir. Kap vat rawh, mawh ka phur vek ang. Police Force ten an hual thup a, engmah an ti theilo." a lo ti ve chhen bawk a. Kumara chuan a kap mai silo, Uttam-a chuan kumara silai laksak pah chuan NAthana chu a tin a, kah a tum chiah chu silai a puak dur a, Uttam-a pistol ken lai chu a per nawlh a. Uttama kut chu a thi ta zawih zawih mai a, Surya chuan, "Engatinge a? I kutah an kap elaw? Tikhan ka tihthaih mai mai che nge...thudik ka sawi zawk?" tih pah chuan a nuihsawh a. Kumara chuan vin zet hian police force te chu a melh kual a, "Tu berin nge hmet puak, tunge silai kha kap a?" a ti khur khur a. Plice Force te lah chuan, "It's not me, Sir." an lo ti niah niah hlawm a. Uttam-a bawk chuan silai chu chhar lehin Nathana te chu a tin leh a, mahse a ngai ang bawkin a silai ken per nawlh khawp chuan a kutah tu emawni chuan a rawn kah sak leh a. Na a tik lutuk chu a thingthi hnawk a, "Hrep taka.." a ti nuah nuah a. Chuveleh Kumara chuan silai chu a chhar a, Uttam-a chal darah tak chuan akap ta siah mai a, Uttam-a chu a thi chiang kher mai. Silai chuan Nathana te chu a tin a, "Min han kap ve vaih teh u...an pahnih hian ka that ang. Chuan nangpawh...tupawh chu lo ni la, i thi ang, police force ten kan hual thup che." a ti pang pang a. Nathana chu a nui ta vak vak a, "Huiham Officer Kumar, Uttama kap tu kha maw...heng police force te tho hi an ni. I va han mawl ve a, Mumbai Police an nihloh hi, Mizoram police an nih hi. Ka mite, ka hnuaia thawk te an nih hi....eng sniper mah an awmlo." a ti a, Surya nen chuan an nui dun huah huah mai a. Kumara tihngaihna hre lo chuan, "Enge in duh?" a ti vin tuar a. Nathana chuan, "Surya te thian ho hi kal tir rawh, thil dik an ti a, kan ram tana ti an ni." a ti a. Kumara chu a ngawi vung vung a, "Nilove, kan thi vek ang." tih pah chuan silai chu a lek kang a, Surya chu a tin a, a kap tur chiah chu silai a puak leh ta dur mai, Officer Kumara chu a thal tawp mai a. Silai lo chhuahna lam anva en a, ASP Rinawma alo ni. Nathana chuan Rinawma a hmu chiah chu, "Ehe....thiana, enge i rawn tih a?" a ti hu mai a. Rinawma chuan, "Enge i rawn tih tia inzawhna hun pawh a ni em ni? Thah a tum che a, ka rawn chhan che a nih hi." a ti a, ala mengrum em em zui. Rinawma bulah chuan vaipa pakhat hi alo awm ve a, chu vaipa chu police a ni. Nathana chuan, "Rinawm, enge awmzia?" a ti a. Rinawma chuan, he vaipa hian a hrilh ang che." a ti a. Chu vaipa chuan, "Ka pu, ACP Prakash ka ni a, nikum khan ka fapa chu he mihring, Kumara vang hian a thi a ni. Ka fapa khan drug a ti thin a, an man a, CBI te hnenah hlan a ni a. Dark room ah ka fapa chu an hruai a, Kumara bulah ngaidam turin ka ngen a. Mahse Kumara chuan ka fapa chu thatin, a thattu ah min puh a. Media te hmaah mahni fapa pawh that hrehlo, mi dik leh rinawm tiin min chhuah vel a, ka rilru a na em em a, tichuan he news hi ka lo hria a." a tih lai chuan Rinawma chuan, "Mizo tawng ngeiin ka lo sawi tawh ange..Sir, nimin khan ka lo haw a, AMandai'n vawiin khan engkim min hrilh a, tichuan hepa nen hian kan inhmu leh a, tichuan a bak chu ka thlauk finna hmangin ka rawn zawng chhuak ta che a nih hi." a han ti vel ham ham a.

Nathana chuan, "Aww...a ni maw? Nang nge nge i ropui thin teh e." a ti a. Surya chuan, "Sir, engtin nge hemi te ruang hi?" a tih lai chuan ACP Prakash chuan, "Ka kutah dah rawh u...ka buaipui vek ang." a lo ti a. Nathana chuan, "ACP Prakash...fake CBI te kha tute nge an ni ti tase?" a ti a. ACP Prakash chuan, "Sir, hemi te pahnih tho hi an ni a, lem an chang kual mai mai zawk tiin thu ka lo chhuah ang." ati a, tichuan Nathana te chuan chulai hmun chu an chhuahsan ta a. CBI candidate ho te chu Nathana chuan a ko khawm a, "CBI tak tak kan nilova, lemchang mai chauh kan ni. Mahse Surya hian kan ram tan tiin a bum ta mai che u a, khawngaihin ngaihloh lamah lo ngailo hram ang che u. Beidawng lo ula, CBI tak tak in la ni thei ania, tunah chuan Mumbai lamah haw tawh ula, tun t(r)um chu tuman engmah sawi tawh loh tur aw.." a ti a, candidate ho te chu Nathana leh Surya chuan ngaihdam dil nan pawisa an pe ta vek bawk a. Surya te thianho pawh chu Mumbai lamah an haw leh ta a, an black money ruk te pawh kha Nathana te nen khan an insem kual ta vel mai mai ta in ka hria, Rinawma hian a sawi duh tawh lova. Rinawma chuan Nathana bulah chuan, "Sir, tun tum chu ka tello bawkin hna ilo thawk leh tawh a, ka lungngaeilo khawp mai." a han ti a. Nathana chuan, "Awww....achangtupa ber alawm ka nih." tih pah chuan a nuih var var a. Nathana leh Rinawma te pawh chu in lam panin an haw ta a, hemite pahnih hi chu an inkalsan theilo a ni ber e. Thla khat a liam a, Nathana te chuan fa an nei ve ta, mahse mak deuh mai chu maw...phir an nei ta tlat mai a nih chu. Phir mipa ve ve an ni a, an hmel a in ang em em lehnghal. A nu leh pate an chhun em em bawk a, an duhawmin an hmeltha dun kher mai. An hming erawh ka hre lo, engtin nge an phuah tak kha awww....nangmah nin lo phuah zawk mai teh u. Nathana story lo chhiar tute, inza vaiin mangtha vek ule, Season tharah kan inhmu leh vek dawnnia.

END OF SEASON-2

[Dj hlimpuia]

Detective story hi ka chhiar chhuak vek ngaihnawm ka ti vek, tawp mai lovin zantin kan duh. Hahahah story dang hi chu ve zeuh2 ani, detective hi ka hmaih ngailo