NATHAN SEASON-3 (Episode-10) SCRATCH MARK (Pt-1) by:Aaron Malsawmdawngzuala

Hnuchhuina lampang chi ho
Aaron Dustin
Posts: 214
Joined: March 14th, 2018, 10:15 am

NATHAN SEASON-3 (Episode-10) SCRATCH MARK (Pt-1) by:Aaron Malsawmdawngzuala

Unread post by Aaron Dustin » June 14th, 2020, 10:46 pm

NATHAN SEASON-3

(Episode-10)

SCRATCH MARK (Part-1)

Written by : Aaron Malsawmdawngzuala

**********

(Tun tum chu loh theihlohna avangin Rinawma a lang ve leh dawn ta lo tlat mai a, in mi hriatthiamna ka ngen hmasa a ni e.)

ASP Rinawma pawh a han accident khurh pek alawm mawle, damdawiinah a awm rih a, Nathana pawh amaha a chet leh a ngai dawn ta. A ban ruh a lo ti tliak ve a ni awm a, damdawiin lamah an admit a, ngaihtuah awm a ni hran lemlo e. Nathana erawh a chawlhhman a zo tawh bawk a, amah puitu turin Sangtea, ahma a anlo thawhpui thin, Station danga insawn ta, Inpsector 3 star, Nathana pawhina a kawm ngeih em em mai chu a lo let leh ta a ni. Sangtea hi inhre lo maithei a, Season hmasa lamah leh episode hmasa lamah pawh a lang lemlo a, mahse Nathana te nen hian an lo thawk ho hrep tawh a ni. Sangtea hi a hmingpum chu Lalrinsanga a ni a, nupui anei tawh a, fa pawh pahnih a nei tawh. A fate hi mipa leh hmelchhia an ni a, kum 6 mi leh kum 8 mi te an ni. Mifel tak leh kawmnuam tak a nih rualin mi thinchhe tak a ni thung a, a nupui nen hian hmanni lawk khan an inthen a, chupawh Sangtea thinchhiat em vang a ni..kut alo thlak thin a ni awm e.

Ramhnuaia luikawr lian ve tak pakhatah mihring kut ringawt chu chhar a ni a, a taksa dang zawng erawh hmuh a ni lo. DGP Pu Zonunsanga chuan Nathana leh Sangtea te kutah a dah nghal a, Sangtea pawh a phur khawp mai. Nathana hian hetih lai hian Police exam mek ho te zinga mi, a rinkai ber leh a thiam thei ber, a fing ber tura a ngaih Harry-a chu he an hnuchhui mek ah hian ama experience atan tiin a hruai ve a, Harry-a tan pawh inzirna tha tak a ni ngei ang. Ruang awmna chu an thleng a, ramhnuai pilril tak leh mawng tak a ni a, hlat pawh a hla hle mai. Doctor leh Forensic lamte pawh an lo awm nual tawh a, constable tlem azawng pawh an lo thleng nual tawh hlawm a. Sangtea chuan chu mitthi kutbung chu a han envel a, Harry-a tihthaih nan hrim hrim tiin Sangtea chuan, "Harry, catch.." tih pah chuan ava vawr phei a, Harry-a chuan ngaihtuah mang hleilo chuan a lo dawng chat a, a t(r)e ring teh asin.

Nathana chuan, "Khawimaw ka lo en ve teh ang." tih pah chuan chu kutbung chu a la a, "Sangte, kan clue neihchhun a nih hi, uan nan hmang tawh reng reng suh." tih pah chuan Sangtea chu a hau nghal a. Nathana chuan chu kutbung chu a han en vang vang a, a kuttin chu a ther fur hlawm mai a. Nathana chuan doctor Samuela bulah chuan, "Doctor, a kuttin hi enge awmzia, a tawih tawh vang a ni thei ange,, nge rannungin an seh zawk?" tiin a han zawt a. Doctor Samuela chuan, "Nilove Sir, ka rindan chuan tualthattu nen hian an inbei fe anga, tualthattu banah hian na takin a ham a ni ngei ang." a ti a. Nathana chuan chu kutbung chu a han thlek leh vak a, "A kuttin hi nail polish hnawih a ang hle mai, nge ni ka hmusual zawk?" a han ti leh a. Doctor chuan, "Hmeichhe kut a nih a arinawm, chuan i ring dik e, nail polish a ni." a lo ti a. Nathana chuan, "Umm...hmeichhe naupang tak a la ni ngei ang, akut en hi chuan.." a ti nuah nuah a.

Chu luikawr chu abal em em a, thing tang tam tak a awm nuai a, bawlhhlawh a lang nuai nuai bawk a, a rimchhe hle bawk. Constable hote chuan lui a bawlhhlawh te chu an hai a, evidence hmuh tumin an bei nasa kher mai. Harry-a pawhin hreh chung chung chuan a han hai ve a, Sangtea lah chuan a lo faim chhen lehnghal a. Nathana erawh hmundangah a kalkual daih thung. Ruang reng reng hmuh tur a awm lo a, a thuk deuh lai an han dap ngial pawhin an hmu chuang lo. Nathana chuan Sangtea chu a rawn phone a, "Hello Sangte, helamah hian mihring kehniak ka hmu e, midang kha lo hrilh rawh." a ti a. Sangtea chuan a hrilh ta hlawm a, forensic department lam chu an va phei nghal a, midang erawhin ruang chu an la zawng thung a. Chutia an zawn lai chuan Harry-a chu a rawn au vak mai a, an va hawiphei chuan sazu lian deuh a hmu lek hi a lo ni a.

Sangtea chu a nui suk a, "Iva han palo tak, engtin nge Police Officer i nih theih ang, sazu mai mai pawh i hlau ania." tiin a lo fiam nghal a. Midang ho pawh chu an nui dar dar a, Harry-a pawh a zak kher mai. Ruang chu an hmuh tak ngang siloh avang chuan an haw ta a, motor ah chuan Nathana, Sangtea leh Harry-a te chu an chuang hova. An tlan pah chuan Nathana chuan, "E taka, zanin kha ACP Pu Lalrindika retirement celebration a nih kha aw...Harry, nangpawh lo kal ang che.." a ti a. Harry-a chuan, "Nia, ka lo tum ange." a ti ve mai a. Sangtea chuan, "Sir, Rinawma hi alo kal ve thei angem? A dam tawh viau ang chu..a ban an cher khawng anga, abak harsatna a awm hleinem..a tello chuan boruak a hit thei tak tak lo." a lo ti a. Nathana chuan, "Doctor ten la chhuah an phallo a, in enkawl tha hle hle zawk rawh se." tiin a lo chhang a. Sangtea chuan, "Zanin chu restaurant ah chawl ho ang u, ka lo tum vek ange. Kan Staion bulah khan chawl ila, zu in pawh an phal kha.." a han ti vel a. Nathana chuan, "I tum dawn phawt te chuan kan eiho anga animai lawm...Harry, zu i in ngai em?" a ti a. Harry-a chuan inthlahrun hmel tak hian, "Ihh...in ve zeuh zeuh." alo ti a. Nathana chuan, "Anih chuan zanin chu no ka dawm ho dawnnia, Pu Rindika thlahna ah pawh kan tlang nghal dawnnia." a ti a.

**********

Restaurant chu an thleng a, eitur vel an order lai chuan Harry-a chu bathroom atang chuan a rawn chhuak a. A kut a hnim vut vut a, "VAwiin kan thil khawih mai mai chuh...vawi 5 vel ka sil tawh, a reh thei chuanglo reng reng." a rawn ti phei nuah nuah a. Nathana chuan, "A ho emai khatiang, ngaiah i nei mai ang. Nang ang rual kan nih lai chuan ek paihna ah te ruang an chhar a, kan boss ten min hai tir thin mawle." a han ti vel a. Sangtea lah chuan, "Kutbung mai mai pawh i hlau ania, chumai ala nilo, sazu mai mai pawh i hlau ania. Sir Nathana bulah hi chuan dawihzep a thianglo a ni tawp mai, rorum taka awm reng tur." a lo ti ve bawk a.

Chaw an eikham hnu chuan Pu Rindika thlahna hun chu an hmang ta a, Nathana te pathum pawh chu an va tel ve ta a. An tit melh melh hlawm lai chuan Harry-a chuan phone a hmang a, a dah chiah chu Sangtea chuan ava pan nghal a. Harry-a chu a nuih suk a, "I bialnu nimaw?" ava ti nghal a. Harry-a chuan mak tih hmel zet hian, "Sir, engtin nge i hriat a?" a lo ti hu a. Sangtea chuan, "I biak paha i awmdan atang khan ka hre vek alawm...ka tawnhnu vek alawm." a ti a, Harry-a pawh a lai lehpek hle mai. Sangtea chu dawhkan chungah chuan a ding a, a han zai vel a. Police dangte pawh chuan kutbengin, athen dawhkan anlo beng bawk a. Tichuan hlim takin an zai a, Pu Rindika thlahna hun chu nuam takin hmeichhe police te nen, zai leh lam hmangin an hmang zo thei ta hram a ni.

An haw darh ta a, Sangtea pawh a rui kher mai. Sangtea hi a ruih tawh hi chuan a che thing ve thei khawp a, ahnuah a inchhir ziah thin reng a ni. Sangtea nupui hi Zualtei a ni a, pianthiam tak leh hmelchhe lemlo tak a ni. Millenium Centre-a thawmhnaw dawr pakhatah a thawk ve a, a dawr neitu, an manager lah hian Zualtei chu a ngaizawng em em bawk. Sangtea pawh chu a rui kher mai, a haw tur chuan annu Zualtei a hmu chak tlat pek a. Millenium Centre lam pan chuan a kal ta a, Zualtei te dawr lam chu a pan chho nghal a. Dawr bula bang phenah chuan Zualtei chu a en reng a, Zualtei pawh a lo buai khawp mai. Chutia a enreng lai chuan Zualtei manager chu alo kal a, Zualtei bulah chuan ava ding vel a. An titi dun a, manager chuan a biangah te a piai vel a.

Ralkhat atanga lo en reng tu Sangtea chu a thinrim kher mai, rum tak chuan manager chu a enreng a. A rui tawh bawk si nen, a thikna chuan a insum tir thei ta lo. Manager chu garage ah a lo chang ta a, ban hun awm ang velah chuan manager chu a rawn chhuk ta ngei a. Sangtea chuan a lo tiding a, "Hey nangkha...tunge ka nih i hria em?" a han ti nghal khur khur a. Manager chuan, "Tunge i nih a?" a lo ti a. Sangtea chuan a police batch chu hmuh pahin, "Inspector Lalrinsanga ka nih hi." a han ti vel a. Manager chuan, "Chuan? Enge ni vak? Tihsual ka nei em ni?" a lo ti leh a. Sangtea chu a insum zo hman lo, manager chu a rek thut a, a motor hmaah chuan a lu a tauh tir ta siah siah mai a. MAnager lu chu a thi zawih zawih a, Sangtea lah chuan duhtawk mai lo chuan a chhuih zui siah siah a, "Ka nupui kha lo hnaih tawh reng reng suh, i hria em?" tiin a au vak vak a, minute 6 vel dawnlai a sawisak hnuah chuan a hawsan ta a.

*********

Atuk zing alo ni a, Nathana pawh Station ah a lo awm leh der tawh. Sangtea chu a rawn lut a, "Good Morning Sir, ka lu ava na em em ve.." a rawn ti lut nghal nuah nuah a. Nathana chuan, "In chintawk ila hre chuanglo animaw? Keichu nizan khan chaw eihmaa no 2 ka in bak kha ka in leh tawh lo hrim hrim." tiin a lo nuih a. Constable pakhat alo kal a, "Sir Sangte, i nupui alo kal." a rawn ti a. Sangtea chuan, "Garage ah lo awm rawh se, ka lo kal ang." a ti a. Nathana chuan, "Enge a, Sangte? In inhau leh tawh em ni?" a lo ti a. Sangtea chuan, "Engmah a nilo ang, ka lo let leh vat ang." tih pah chuan Garage lam chu a pan nghal a. A zu thleng chuah chu Zualtei chuan a lo nam sawk a, "I zak nange? Eng ang mihring nge maw i nih le?" alo ti hrep a. Sangtea chuan, "Enge awmzia?" a lo ti hu a. Zualtei chuan thinrimtak hian, "Kan manager kut ilo thlak a, i police badge te ilo hmuh vel a. I zak nange...ka hna ka chan phah thei asin. Nangmah vang hian ka zah zia hi i hria em?" tiin a vin vak vak a. Sangtea chuan a aia vin hian, "Ka hnek ang, ka duh leh ka sawisa ang. A duh te chuan min report se a nimai lawm." a lo ti let a. Zualtei chuan, "Police i ni a, a report ngam hleinem che..engvanga lo sawisa nge i nih a?" a ti a. Sangtea chuan, "Kha in manager khan maw...a mutpui chak vang mai mai che a chhawr che a nih kha...a duhsak vang che a nilo. Ka venghim zawk che a nih kha, lawm hle rawh." a ti hrep mai a. Zualtei chu za lo tak chuan a nui hak a, "Min venghim amaw? Zahna hlir min thlen zawk a nih hi...duhleh kan manager chuan minlo beisei ang hmiang, minlo ngaizawng ang hmiang, kan inthen tawh a, zawnglai ka nih hi...nangkha ka enge i nih ve zawk a?" a ti ta mai a. Sangtea thinrim lutuk chuan, "ZAwngi, ilo va tenawm ve a. Hei hi hre rawh, ka fate saw i rawn hmu leh tawh ngailo ang." a ti hrep a. Zualtei chuan, "I thulo emai, court ah ka kal khawp ang." a ti leh a. Sangtea chuan, "Court tih vel mai mai, kal mai teh."a lo ti vin tuar a. Zualtei chuan tap chungin, "Mipa pawh inilo." a ti a, a kalsan ta a.

Sangtea pawh rilru nuamlo zet chuan Station lamah chuan a let leh a, NAthana chuan, "Tinge Sangte? Enge awmzia?" tiin alo zawt a. Sangtea chuan, "Eng nilove, Sir..aho lutuk." a ti ringawt a. Nathana phone a lo ri a, Doctor Samuela a lo ni a. Nathana chuan phone chu a han la a, "Hello, Doctor, enge chanchin?" a ti a. Doctor Samuela chuan, "Sir, kut neitu hi kan hre thei tawh ang. Finger prints ka siam thei hram e, ka rawn thawn nghal ang." a ti a. Nathana chuan, "Ava lawmawm dawn ve, kan lawm e." a lo ti a. Finger prints chu a lo thleng a, fingerprint chu expert te nen chuan an chhui ta nghal a. Darkar 2 hnuah chuan an hmu ta a, Lalparmawii tih a ni. Pari address ni an hriat ah chuan Nathana, Sangtea leh Harry-a te chu an va kal ta a. Kawngka chu an han kik karh karh a, tlangval kum 20-25 vel mi hian kawngka chu a lo hawng a. Nathana chuan, "Police kan ni a, engemaw zawh duh che kan nei a ni." a ti a. Chupa chuan, "Lo lut rawh u." a ti a. Nathana te chu an lut ta a, inchhung chu a hnawk ngei mai. Nathana chuan, "Tunge i hming?" ati a. Chupa chuan, "Famkima." a lo ti a. Nathana chuan, "Henu hi i hria em?" tih pah chuan Pari thlalak chu a hmuh a. Famkima chuan, "Aw hira e..." a lo ti a.

Nathana chuan, "Engtin nge in inhriat?" tiin a zawt a, Famkima chuan, "Thingpui dawr ka siam ve a, tah chuan a thawk thin a." a ti a. NAthana chuan, "Anih leh tunah khawnge Pari chu a awm?" a ti a. Famkima chuan, "A bialpa nen khan an innei ta aniang, ka hre lo." a ti a. Nathana leh Sangtea chu mak tih hmel deuh chuan an in en a, Sangtea chuan, "A bialpa a?" a ti hu mai a. Famkima chuan, "Aw ni e, a bialpa Ruatkima, sual zet kha." a la ti zui. Nathana chuan, "Engtia sualin maw?" alo ti ve leh a. Famkima chuan, "Drug addict ania, police te pawhin an man zing tawh. Lock-up ah pawh a tang fo a, mahse a sim theilo a ni." a ti a. Nathana chuan, "Chupa chu Pari nen chuan an inngaizawng tih engtin nge i hriat?" a ti leh a. Famkima chuan, "Alo kal fo alawm, Pari hi kan inah te hian a rawn riak thin a. A nu leh paten an hawtchhuak a, chuvang chuan ka address pawh a lo hmang a ni ngei ang. A bialpa hian a rawn hnuk chhuak leh lawp lawp thin a, ka inah a riahloh leh Ruatkima te inah a riak a. A bialpa hian a sawisa nasa thei lutuk, ka bulah pawh a sawi thin." a ti a.

Nathana chuan, "Engtin vel nge a sawisak thin?" a ti a. Famkima chuan, "Amak lutuk, tikhawp khan Ruatkima khan Pari kha a sawisa nasa kha ania, mahse Pari khan a then thei chuanglo reng reng. Pari bag ah te hian a drugs ruihtur te chu adah thin a, thuhruk nan a hmang a nih chu. Vawikhat chu Pari bag ami chu Police ten an man a, Ruatkima ta a nih thu a sawi a, Ruatkima chu lock up ah a tan phah a. A rawn chhuah leh hnu khan Pari chu a sawisa leh hrep a, a hnuteah sikret lingin a deh sak bawk." a ti a. Nathana chuan, "Famkim, Pari hi a bo a, kan zawng mek a. Anihna takah chuan a thi niin kan hria a, mahse kan la chiang ngamlo a ni. Ruatkima address chu min hrilh thei angem?" a ti a. Famkima chuan, "Aw thei e, an inah chuan inva kal hunah a lo inkalh anih chuan TK farm ah party naah a awm ang." tiin paper ah chuan Ruatkima address chu a ziak thla a. Nathana chuan, "Kan lawm e, khawngaihin i kawrban kha hlim chho la, i ban kan lo en lawk." a ti a. Famkima chuan thuawih takin a kawrban chu a hlim chho a, mahse scratch mark engmah hmuhtur a lo awmlo a. Nathana chuan, "Kan lawm e, kan kal ange." a ti a, an kal ta a.

************

Zan alo ni a, Nathana te chu Ruatkima te inah chuan an va kal a, shoot-out a thlen palh takin tiin Harry-a erawh motor chhungah an awm tir thung. Kawngkhar chu a lo inkalh a, motor ah chuan let leh in TK farm lam chu an pan leh ta a. TK farm chu reilote ah an thleng thuai a, party-na chhungah chuan an va lut ve ta a, Harry-a erawh motor chhungah an awm tir leh thung. DJ bulah chuan Nathana chuan, "Thianpa, Ruatkima alo kal em aw? I hre mial em? Ruatkima chu hetah pawh zantin alo kal ziah.." a ti a. DJ chuan, "E..Lalruata maw...saw ta saw, bro.." tiin Ruatkima awmna lam chu a va kawk a. Ruatkima chu arawn hawi a, Nathana leh Sangtea a hmuh veleh chuan a jumper lukhum chu a khum a, pawnlam a pan ta daih mai. Nathana leh Sangtea chuan anva umzui a, Ruatkima chuan a motor lam a pan a.

Chak takin a tlan a, Nathana te pawh motorah lutin an um ve ta nghal a. Kawngkawi ah chuan Ruatkima chu a kawi ta daih mai a, Sangtea pawh kawi a tum ve chiah chu an hma takah chuan motor a rawn ding ta hlauh mai. Sangtea chu chhukin driver chu ava hau hrep a, phun nuah nuah chung chuan a rawn let leh ta a. Nathana chuan, "Apawilo, a motor number ka chhinchhiah hman vek tho..a tlanchhe rei chuanglo ang." a ti a.

Chutia an zawn mek lai chuan mi inkawta car lo awm chu Nathana chuan a en vauh vauh a, "Sangte, ding lawk teh." a ti a. A aia chiang zawk chuan ahan en leh a, "Aw...saw ngei saw a ni e, Ruatkima car kha.." a ti a. Sangtea chuan, "Ehe..va kal nghal ang." a ti nghal chung chung a. Nathana chuan, "Nilove, hmanhmawh suh. Harry, i seat hnungah khan bullet-proof vest ka dah a, rawn la teh." ati a. Bullet proof vest chu a rawn la a, Nathana chuan, "Hei hi kan ha vek anga, Harry-a hi motor bulah lo awm se. Pistol pakhat hi lo pai ve la, a keah kah tur aw..a rawn tlanchhiat chuan ilo kap ang. Pistol a lo kawl ve maithei a, kan fimkhur angai." a ti a. Nathana leh Sangtea te chu anva kal a, car bula garage chhunga phun sap sap ri chu a hria a. An va en chuan mi 10 vel lai anlo ni a, pistol an pai fur lehnghal. Nathana chuan, "Back-up koh mai atha ang, tiang chuan a chi dawnloh tlat." ati a.

Sangtea lah alo inla pa fal, "Sir, hun a awmlo ang, 10 lek annih saw...shoot-out te chu ka hneh emai." alo ti vel zuah zuah a.Nathana chuan, "A tullo, Harry-a kan hruai bawk si." a ti a. A phone a phawrh a, location te a sawi a, back-up chu a ko ta nghal a. Sangtea lah alo phur tawh lutuk, "Sir, an tlanbo hman ang, saw drugs an inpek lai sawn a rem.." tih pah chuan ava tlan thut a, "Freeze, Police..che tawh su.." ava ti vak a. Nathana chua, "Mawllian leh.." tih pah chuan ava umzui a. Chung misual ho lah chu an lo freeze lo nasa mai, an pistol chu an phawrh a, Sangtea chu an rawn kap ta mai a. Nathana chuan Sangtea chu motor phenah chuan a pawt phei hman hlauh a, an kap fu teuh kher mai. Nathana chuan thinrim tak hian, "Mawla, i thil tih hi i hria em?" tiin a hau nghal vak vak a.

Chung misual ho chuan an rawn kap vak vak a, motor dang phenah chuan an biru ve nghal hlawm bawk a. Ruatkima chuan, "Tute nge innih a?" a ti vak a. Biru reng chung chuan Nathana chuan, "Ruatkima kha kan duh, kut kan thlak dawnlo a, thah pawh kan tum heklo. Ruatkima kha min rawn pe ula, kan kalbo nghal ang." a ti a. Mahse chumi te chuan an tumlo nasa mai a, tichuan an inkap leh ta bur bur mai. Nathana leh Sangtea chuan an keah te chuan an kap thlu nual hman a, Ruatkima leh mipakhat erawh an tlan chhe hman. Ruatkima rawn tlanchhuak chu Harry-a chuan lo dangin, "Ding rawh." tiin pistol chuan a tin a.

Ruatkima pawh chu a ding a, mahse hnunglam atang chuan pakhat zawk chu lo kalin Harry-a chu a rawn kap a, a kap fulo hlauh. Harry-a chu ava hawilet a, chupa bawk chuan alo kap leh a, Harry-a chu a thal tawp mai. Chupa chuan Harry-a tlu lai chu kah leh a tum a, mahse a silaimu a lo zo tawh a. A hnunglam atang chuan Sangtea chuan a rawn kap a, chupa chu a tlu a, a thi der mai. Ruatkima pawh a tlanchhe ngam tawh lo, banpharin a ding reng a. Harry-a chu chhuatah chuan a la mu reng a, Sangtea chu va pheiin "Tho rawh le." a ti a. Harry-a chuan, "Min..min kap fuh." tiin a khur dar dar a. Sangtea chuan, "I bullet-proof vest ah a nih kha a kah che, tho rawh." a ti a. Harry-a chu a indap a, "Ahh...ka thi miahlo." a ti hu mai a, Ruatkima chu an man ta.

**********

DGP leh DIG te chuan Nathana chu an hau a, "Drug addict pakhat in that a, back-up in call tho si a. Back-up an rawn thleng a, engmah tihtur an nei leh silo. License tellovin in thahpa khan silai alo kawl ru a, midang pawh hliam an tuar vek a, self-defence angin kan kalpui a, police in nih vang nen...chuvang mai mai chuan ani tualthattu innih loh. DCP Nathan, hetiang thil hi a thlen ka ring ngailo asin, i lakah ka lawmlo khawp mai." tiin DGP chuan a hau a. DIG chuan, "Mitthi chhungte pawhin FIR an thehlut lova, an thiamloh angah an ngai a. Thiam chu an chang theilo reng bawk a, mahse tual in that ani." a lo ti ve bawk a. Inthiamlo takin Nathana chuan, "Sorry Sir, a thleng leh tawh ngai lovang. Ka thiamlo ani e, resign mai pawh ka huam e, ka zak takzet." tiin hnuailam a melh tlawk tlawk a. DGP chuan, "Heibak hi chu a thleng tawh tur a nilo." a ti a, a office lamah chuan kalin Sangtea chu a ko lut nghal bawk a.

Sangtea chuan, "Sir, min ngaidam rawh..ka tihpalh a ni." a ti a. Nathana chuan rumzet hian Sangtea chu a melh a, "Sangte, ka thian i ni a, kan inngamin kan innel hle tih pawh ka hria. Mahse i senior ka ni a, ka ni reng bawk ang. KA retire hunah emaw, Station danga ka kal hlauh a nih chuan engpawh ti rawh, mahse ka awm chhung chuan ka thu i zawm tur a ni." tih pah chuan a chhuahsan leh ta nghal a, Sangtea chuan a zui chhuak ve nghal bawk a.

Interrogation room ah chuan Ruatkima chu Nathana leh Sangtea te chuan an kawm mek a, Nathana chuan, "Ruatkim, henu hi i hria em?" tiin Pari thlalak chu ahmuh a. Ruatkima chuan, "Hria e..Pari a nih kha." a lo ti a. Nathana chuan, "Engtia inhria nge innih?" a ti leh a. Ruatkima chuan, "Kan inngaizawng thin." a lo ti leh a. Sangtea chuan, "Anih leh tunah khawnge a awm?" a ti a. Ruatkima chuan, "Aww..an inah a awm ang chu..." ati leh mai a. Sangtea chuan, "Zep kual duh suh...i tih a ni tiraw?" ati vin vak a. Ruatkima chuan, "Engchu maw? PAri chungah chuan thilthleng a awm em ni?" a lo ti hu mai a. Sangtea chuan, "Hrelo der suh...inpuang mai rawh." a ti leh a.

Ruatkima chuan, "Engmah ka hrelo...a thi em ni?" a ti a. Nathana chuan, "Pari hi kut i thlak thin a, drugs te pawh i tih luih tir thin. A hmangaih em avang che in a kalsan theilo che a, mahse nang chuan i hmang tangkai thin ani lawmni? A bag ah te pawh i drugs te chu i thukru thin a..a dik em?" a ti a. Ruatkima chuan, "Tunge ti a? A awihawmloh emai. Ni e, misual ka ni, ka pawm vek. Drugs ka ti thin a, dealer pawh ka ni. Vawitam lock-up ah ka riak tawh a, insual ka hrat bawk a. Mahse Pari chu kut ka thlak ngailo, ka ngaizawng a, ka duat lutuk. Ka hmangaih lemlo a, ngaihzawng satliah ah ka ngai. A nu leh pate pawhin min duhlo a, Pari pawh an hauh phah fo. Mahse Pari hian hrugs chu a ti ngailo, a duhlo hrim hrim a, ka tilui ngailo bawk." a ti a. Nathana chuan, "Anih leh Pari te in awmna chu i hria em?" a ti a. Ruatkima chuan, "Hria e, ka hrilh thei nghal che u." a ti a.

Zing dar 10 vel a ri a, Harry-a chu alo la mu thlur thlur mai a. A phone a rawn ri a, NAthana a lo ni a. Peihlo tak chuan a pick-up a, "Hello Sir, enge ni ta?" ati a. Nathana chuan, "Tho la, insiam vat rawh. Stationah lo kal nghal la, darkar chanve hun i nei." a rawn ti a. Harry-a chuan, "Sir, in mu ve ngailo em ni?" a han ti ringawt a. Nathana chuan, "Aww..kan mu ve ngailo, lo kal vat rawh." a ti leh a. Harry-a pawh chu a tho tual tual a, peihlo tak chuan a insiam a, Station lam chu a pan ve leh ta a. Harry-a hi a bialnu hian a hmangaih em em a, a hming chu Fiona-i a ni. Fiona-i pa hian Harry-a hi hmuh ve a duh thin a, chaw eiah pawh a sawm fo a. Harry-a erawh Nathana thlan ber a ni si a, hnuchhuina ah a kal ve zel angai si. Fiona-i pa nen pawh anla inhmu hleithei lo a, chawi eia a sawmna pawh a cancel reng mai a ni.

(TO BE CONTINUE)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)