NATHAN SEASON-3 (Episode-16) IS THAT SLENDER-MAN (Part-3) by:Aaron Malsawmdawngzuala

Hnuchhuina lampang chi ho
Aaron Dustin
Posts: 214
Joined: March 14th, 2018, 10:15 am

NATHAN SEASON-3 (Episode-16) IS THAT SLENDER-MAN (Part-3) by:Aaron Malsawmdawngzuala

Unread post by Aaron Dustin » July 2nd, 2020, 12:52 pm

"Khawnge a awm? Mawhh?" tiin Nathana chu a au vak vak mai a, kha Slenderman kha kan en reng lai khan thingkung phenah a bo leh daih mai a, thawm pawh a reh leh hmak. Ka khawhmuh chu a faihlo ang tual tual lehnghal a, ka awmdan chu hrehawm tak a ni. Chutiang bawkin Nathana chuan, "Rinawm, engtin emaw i awm ve em?" a ti deuh chhen a, mahse ka chhang peih biklo, ka thaw te a hah dawn hial in ka hria.

Ka awmdan chu mumang ang ruai hi animai, ka sawi thiamlo. Kil tin atang chuan thawm a rawn chhuak nimai hian ka hria a, tawng ri nuai nuai leh nui thawm te a ni a, achang changin Nathana aw ka hre zeuh zeuh chauh a ni. KA luak te chu a chhuak bur mai a, namen lovin ka thil hmuh te chu a vir ta muai muai mai. KA thingthi hnawk a, ka bula awm reng NAthana pawh khawnge a awm a, ka bulah a awm nge awmlo tih pawh ka hre tawh lo.

Fiahlo ruai chuan ka hma zawnah chuan chu Slenderman niawm tak chu a lo kal hnai zel tih chu ka hria, ka pistol pawh ka thlauh tawh aniang, engmah ka hum tawh lo hrim hrim. Chutih lai chuan tu emawni hian ka kut a rawn vuan thut a, min hnuk sawn dawrh mai. Khawiah emawni hian min zuanthlakpui ta in ka hria, ka lu a ri dup a, ka beng a khawk chum chum a, abak engmah ka hre tawh lo.

*************

Ka harhchhuah leh chuan in pakhatah ka lo awm a, ka mutna bulah chuan ka nu leh Amandai te an lo awm a. Doctor Ricky-a chu a lo kal a, "Ehe Officer, kha ilo harh tawh maw?" a rawn ti a. Ka hrethiamlo kher mai, ka lu chu la na tak a ni. Doctor bulah chuan, "Enge awmzia? Khawnge Sir Nathana?" tiin ka zawt nghal a.

Ricky-a chuan, "Ani chu a harh tawh e, engkim a tha vek e. Room lehlamah sawn a awm a, a chhungten an awmpui mek." a ti a. KA awmna room chu ka han enkual a, "Khawnge ka awmna hi?" ka ti leh hu mai a. Ricky-a chuan, "Kan in tho kha a nih hi..hei hi ka room ania." a ti a. Amandai chuan, "Sir, bawlhhlawh paihna kham mawngah Sir Nathana nen inlo awm dun a. Pa pakhat thingphur haw lamin a hmu che u a, Police hnenah a rawn report alawm." a ti a, ka bo tulh tulh mai. Doctor Ricky-a bulah chuan, "Doctor, enge thil awmzia hi ni a?" tiin ka zawt a.

Doctor chuan, "Eng buaina nge in tawh ka hrelo, mahse Inspector Amandai sawi ang khan pa pakhat thingphur hawlamin a hmu che u a, tichuan chanchin ka lo hre ve a, damdawiina kal lovin ka inah zawk hian hruai turin ka ti hlawm a, hei tunah chuan engmah ngaihthatlohna tur a awm tawh lo." a ti a.

Nathana chu a lo lut a, a rawn bai lut auh auh mai a. Phawk hru hian min rawn en a, "Rinawm, i tha maw?" a rawn ti lut a. A hnungah chuan Sanvi leh Pi Duhzuali, Nathana nu te chuan an rawn zui nghal bawk a.

Nathana nu chuan,, "Bawiha, indim rawh.." a lo ti mawlh mawlh bawk a. Doctor chuan, "Officer Nathan, tinge i rawn thawh a, hahchawlh ila ngai ania.." a lo ti ve bawk a. Nathana chuan a lu a thing a, "Nilo, kha ramhuai kha ka thah hma chu ka hahchawl thei lovang." a ti a. Mak an tih hmel hlawm kher mai, mahse ka dem love, an hmu ve miau lova, an awih ka ring lo. Keipawh chu ka thu chhuak a, awii..ka kawng nat zia chu. Nathana chu ka va en a, "Sir, engtin chiah nge kan awm a?" ka han ti leh a. Nathana chuan, "Rinawm, i hmu ve tiraw?" a ti ringawt a. Keipawh chuan, "Aw hmu e, ka hmu chiang lutuk." tiin ka lo chhang a. Amandai chuan, "Enge in sawi a? Engmaw in hmuh?" a lo ti a. Sanvi pawh chuan, "Nathan, ramhuai te i tia mi? Eng ramhuai nge i sawi a?" a lo ti ve bawk a.

Nathana chuan, "Ka..ka hrelo, mihring..ramhuai anga inchei aniang.." a ti bah nuai mai a. Nathana nu chuan min rawn en a, "Rinawm, enge in thil sawi chu?" a rawn ti ve bawk a. Keipawh chuan sawidan ka thiam lo, "Ihh..sang deuh mai, overcoat a ha a, cher deuh mai, hmai a neilo.." ka han ti tawp a.

Amandai chuan, "Sir, Slenderman i tihna a ni em?" a rawn ti phawk hru mai a, ka lu ka lo nu nghat a, "Aw.." ka ti ringawt a. Nathana chuan, "Aih anilo...ramhuai a nilo, Slenderman pawh a nilo.." a ti a. Amandai chuan mak a ti tawlh tawlh mai, "Sir, enge awmzia? A awm tak tak tihna em ni? In hmu em ni?" a ti vak vak a. Nathana chuan, "A insiam danglam aniang..mahse a ang em em bawk si." a ti bul bul a.

Keipawh chuan, "Nia..A sang em em lehnghal." tih ringawt chuan ka lo chhang ve bawk a. Ka nu pawh chuan, "Tunge chu chu...misual em ni?" a lo ti ve hu bawk a. Nathana chuan, "Nilo..ihh..Rinawm, kan kal angai." a ti tawp a. Keipawh chuan ka tho chhuak a, mahse Ricky-a chuan, "La che chhuak suh u...la indim viau rawh u." a lo ti ve chhen bawk a.

Nathana chuan, "Min hrethiam rawh doctor, kan kal angai." a ti a, ka tho ve ta nghal a. Mahse pawn kan chhuak chu zan a lo ni der tawh mai, nikhawhrelo khan kan lo awmrei hle mai. Midang te pawh chuan min rawn umzui a, Nathana nu te, ka nu te leh Amandai te chuan kallo tur leh hahchawl rih turin min lo hrilh sek hlawm bawk a. Nathana pawh chuan, "Ni e, naktukah khua var se, chutah chuan kan sawiho zawk dawnnia, i haw darh teh ang u." a ti a, kan haw ta a.

**********

Zanah pawh chuan ka nu chuan min zawt nasa hle mai a, "Enge in hmuh a?" tiin min tibuai chhen a, mahse engvak mah ka hrilh tha duh lo. Amak ka ti a, Slenderman ngei a ni si. Phuahchawp lutuk, kei ngei pawhina ka lo hriatchian, a film te pawh ka lo en hial tawh kha a ni a, mahse ka mit ngei hian ka hmu si. Nge ni a, ramhuai a ni anga, min dawi a zawk? Slenderman angin kan hmu mai mai em ni tihte thleng chuan ka ngaihtuah nasa em em a.

Mak ka tih em em bawk chu khatia ramhnuaia hmeichhe pakhat kan zui luh chiah atanga kan awmdan diklo lutuk leh kawng kan bo nghal ringawt kha a ni, chumai bakah thingkung te kha a sang em em a, kan awmna lai kha a awn ruai ruai bawk a, kan rui em em lehnghal. Ka ngaihtuah chian poh leh ka bo tulh tulh mai, ka menrei phah hle bawk. A tukah chuan Stationah chuan ka va kal ta a, Nathana pawh a lo thleng leh daih tawh a. A ke chu tlem chuan a la bai deuh auh auh a, "Sir, i la damchianglo anih kha, chawl hrih mai rawh." ka lo ti a.

Nathana chuan, "Nang tal chuan min hrilh lo teh..chawl hman ka nilo. Rinawm, nangpawhin i hmu ve a, kan thil tawn kha enge awmzia? Mibo case kan la chhui mek a, naupang kum 9 mi Valtea thusawi kan nuihzat em em lah kha a takah kan tawng ve bawk si...enge awmzia, Rinawm?" tiin min vin lek lek a. Keichuan, "Ka hre biklo, Sir. Dawi atin kan awm aniang, kha Slenderman khan min dawi aniang." ka han ti tawp a. Nathana chuan, "Ani theilo, Slenderman a ni theilo.." a ti a. Lo hnial vatin, "Nangpawn i hmu a, i sawi sawi a...kan hmu ve ve, kan awmdun bawk. Chuvang chuan a awm tak tak a nimai, dawi atin kan awm." ka ti ve deuh ngat a. Nathana chu a thu hnawk a, a lu a dawm vang vang a. Muangchang chuan a lo hawi chhuak a, "Va kal leh ang." a ti ta mai a.

"Sir, kan buai leh ange? Chubakah Durtlang North ah case kan nei mek bawk a, buaina dang a thleng mai mai ang." ka lo ti a. Nathana chuan, "Nilove, ka hriatchian angai. Engemaw tak chu a awm ani...ka hrechhuak ngei tur a ni." a ti a. Keichuan, "Anihleh Sir,nimin khan tunge min rawn pawt sawn dawrhtu kha?" tiin ka zawt a. Nathana chuan, "Keimah anih kha...keipawh a lu chu a hai lutuk..mahse nangmah lam pana arawn kal kha ka hmu a, thei leh theilovin ka rawn pawt vak che a nih kha." a ti a. Keichuan, "Mahse hmun zawl vek ani sia, tinge khamah kan lum daih a?" tiin ka zawt leh a. Nathana chuan, "Chutiang tiang ka hre tawh biklo, kham kha alo awm thut a ni ber." a ti a.

Chutih lai chuan Amandai a lo lut a, "Sir, khawngaih takin min hrilh teh u. Slenderman chu a awm tak tak em ni?" a rawn ti a. Nathana chuan, "Ka hre lo, Slenderman anga inchei ani ngei ang." a ti a. Keilah chuan, "A tak tak aniang, a sang lutuk. Ft 15 vel aniang, a cher em em bawk." ka lo ti a. Nathana chuan, "Amanda, Dutlang North naupang bo te case kha SI Liantea'n lo buaipui se, kan pathumin kan kal leh ang. Slenderman awmna lai ah khan...kan hmuhna lai ah khan." a ti a. Amandai chuan, "Ni e, thil awmzia ka hre ve chak a ni." a ti a, ka va phur teh chiamlo em.

Naupang bote case kha chu Liantea chuan a buaipui chhunzawm a, kei leh Nathana leh Amandai te chu Pi Ruatsangi te kawmthlang huan ah chuan kan kal leh ta a. Nathana chuan, "In pistol phawrh vek ru..sawlai lawk saw hmeichhia kan hmuhna kha ani tawh ania." a ti a. AMandai chuan hriatthiamloh hmel tak hian, "Hmeichhia a? Slenderman chu hmeichhia maw?" a lo ti hu mai a. Nathana chuan, "Nilove, saw lai deuhah sawn hmeichhia kan hmu phawt a, a hnuah chu nu chuan min hui zel a, ramhnuai lamah min luhpui ta a ni." a ti a. Hmeichhia kan hmuhna lai chu kan thleng ta a, tumah kan hmu lem tawh chuang lova.

Kan lut thla zel a, kan kawng bo tanna lai pawh ka hre leh tawh lo. KAn kal hla zel a, mahse nimina kan awmna awm ang kha kan hmu ta hauh lo mai, hnunglam kan hawi lah chuan kan haw kawng tur chu chiang takin alang ruah mai bawk si. Niminah erawh kha chuan a ni hauh lo, thui pawh kan zui lo, kawng kan bo daih kha a ni si a. Lu hai muai muai leh awm nuamlo teh pawh engmah a awm tawh lo, engkim a pangngai vek mai bawk si. Nathana chuan, "Amak hle mai, Ehe...sawlai saw.." tih pah chuan kan sir deuh lampanga kham niawm tak chu a kawk a.

Kan va kal hnai a, bawlhhlawh paihna kham a lo ni a, a sang angreng viau nangin a awih lemlo a, bawllhlawh a tam em avangin kan insawhna vak lo a ni ngei ang. Nathana chuan, "Kan tlakna kham chu a ni ngei ang." a ti a. Amandai chuan, "Ni e, Sir. Hemi kham mawngah khuan a lawm pa pakhat thingphur haw in a hmuh che u." a lo ti a. Nathana chuan, "Chupa chu a address ila hria em?" a ti a. Amandai chuan, "Hria e, nimin tlaiah pawh an inah thu kan va zawtfiah alawm." a ti a. Nathana chuan, "Ka va hmu teh ang, Amanda...kan pahnihin va kal duh ila, Rinawm..nang erawh Liantea lo pui ang che." a ti a, kan let leh ta a.

***********

Liantea nen chuan kan han buaipui leh a, ka lu ka sawhna a la nat em avang chuan ka awm a nuamlo kher mai, ka sil em em bawk. Nachhawkna ka pai hlauh a, chu chuan min ti ziaawm hret mai chauh a ni. Liantea pawh chuan ka awmdan chu a hrethiam deuh ni ngei tur a ni, "Sir, nimin lam in accident-na avang khan ila chauh deuh a nih kha. Lo va haw la, keimahin ka ti thei alawm." a ti a, a fel thin ania. Mahse ka tlawm la ve deuh a, "Nilove, ka tha alawm." tiin kan thawkdun zel tho a. Tlai alo nih chuan Station lamah Liantea nen chuan kan let leh ta a, thuthar engmah a awm chuanglo. Nathana te pahnih lah an reh hmak mai si, ka phone lahin an chhang thei silo. Khua a thim meuh chuan keipawh ka haw a, ka inbual a. Chaw te ka ei a, ka chauh em avang chuan ka mu zal a. Dar 8 pelh hretah chuan call ka dawng ta hlauh mai, Nathana ngei alo ni.

Rang tak chuan ka pick up a, "Sir, enge chanchin?" ka va ti nghal a. Nathana chuan, "Rinawm insiam rawh, Pi Ruatsangi te inah lo kal ang che." a ti ringawt a. Keichuan, "Enge awmzia? Enge kan tih dawn?" ka ti hu mai a. Nathana chuan, "Amandai nen keini pawh kan lo haw mek, a hmawr kan bawk dawn e." a rawn ti ta nghal mai a. Kan tan dawn chauh amaw tia, a hmawr kan bawk leh ta der dawn tihna chu ania. "Sir, enge a chhan tal min hrilh ve la." ka ti hram a.

Nathana chuan, "A buaithlak, a hmunah i hre vek mai ang, i revolver kha rawn pai bawk ang che." a la ti zui. Tawng leh ka tum chu a dah daih mai a, min hrilh ve mai mai thin tur hi ania. Rang tak chuan keipawh chu ka insiam vat a, ka pistol ah te chuan a mu ka han thun a, tichuan Pi Ruatsangi te ina kal tur chuan ka bike chuan Durtlang lam ka pan chho ta a.

Ka han thlen meuh chuan Nathana te pawh pawnah an lo awm a, min hmuh veleh chuan, "Lut ang le." a ti a, kan inzui lut ta a. Inchhungah chuan Doctor Ricky-a te nupa te, Pi Ruatsangi te nupa te leh Pu Sawma te nupa te, Pu Engmawia te nupa leh an fapa Valtea te an lo awm thap hlawm mai a. Police 10 vel an awm bawk a, kan reh thiap ta mai. Nathana chu a rawn tawng chhuak ta a, "AWle, ka kohkhawm vek nachhan che u chu....zanin hian thudik ka puang dawn ani." a ti a, kan inmelh hrak hrak hlawm mai a. Nathana chuan, "Pi Ruatsangi fanu Mazuali atangin bul atan a, tichuan a kidnap a, Mazuali chu a chin hriat a ni tawh lo. Pu Engmawia fapa Valtea chu a target leh ta a, mahse a damchhuak hlauh mai. Tichuan nimin piah deuh lawk khan Durtlang North-a Pu Sawma fanu te pahnih Sentei leh Mami te chu a ru bo leh bawk a ni. Valtea sawidan chuan amah rukbo tumtu kha mihring pangngai nilovin, ramhuai a ti a. A tawpah chuan chu kidnapper chu tudang nilovin, sap thalhrang phuahchawp Slenderman a ni a ti tlat mai. Keini pawhin kan awihlo a, nuih a za lek lek zawk. Mahse chu Slenderman chu kei leh ka Assistant Rinawma hian kan hmu ve ta tlat mai a, chu chu nimin lawk khan a ni." a ti a.

Valtea chu a va en a, "Valte hetah lo kal teh." a ti a. Valtea chu ava kal a, Valtea chu a kai a, "Valtea hian nimin khan a thuruk lo zep thin chu engkim min hrilh vek a ni." a ti ta mai a, kan hawi hru hlawm mai. Nathana bawk chuan, "Valtea khan amah rubotu kha tunge a ni tih chu a hrelova, mahse chu amah rubotu rawn tirtu erawh a hria a ni. A awmzia chu Valtea kha Pi Ruatsangi te huanah khan ama duhthu-a kal anilo, kal luih tirtu an awm a ni. Chu mihring chuan a vau thin a, a sawichhuah chuan Slenderman-a'n a chhungte zawng zawng pawh a that vek dawn tiin a vau thin a ni." a ti leh a, ka manlo tulh tulh.

Nathana chuan Valtea chu a han en a, "Valte, alo awm ve anih pawhin amah chu en kher lo la. Kan zingah hian chu mihring chu a awm ve a ni tiraw...vau thintu che kha?" a ti a. Valtea chuan hnuailam a en reng a, "Aw awm ve." a ti ta mai a. Kan in enkual leh hrek hrek ta hlawm mai, tu tak chu nimaw. Ka pistol pawh phawrh inringin ka awm reng tawh a, boruak a sang tha khawp mai. NAthana chu a rawn hawi chhuak leh a, amal te te chuan a enkual hlawm a. A tawpah chuan Doctor Ricky-a bulah chuan ava ding chat a, "Doctor, thingpui tui tak a ni. Khatiang thingpui fe kha ka duh ve ania, khawia mi nge?" a va ti ringawt a. Doctor Ricky-a chuan, "Eng thingpui fe maw?" a lo ti hu mai. Nathana chu a nui sak a, "Khami thingpui fe kha mawle, Slenderman hmuh theihna thingpui fe kha." a ti leh a.

Ricky-a chuan, "Enga? Enge i sawi awmzia chu?" a ti vak a. Nathana chuan, "Ngawi hmak rawh...nang hian naupangte chu i hrai rui a, tichuan Slenderman an hmu angin an ingai a, mahse an thil hmuh chu nangmah tho i ni. Slenderman angin i inchei a, mahse a pian ang erawh i nei velo. Naupangte in turah damdawi i pawlh ru thin a, tichuan an rui ta thin a ni. Chung naupangte pawh chu i that a, tichuan in thlanglamah sawn i phum thin a ni." a ti ta siah siah mai a. Ricky-a chuan hlauhthawn hmel tak hian, "Eng...enge maw i sawi le? Awihawm loh lutuk." a ti vak vak a.

Valtea pa, Pu Engmawia chu a rawn tawngchhuak ve a, "Doctor, nang hi naupang rubo thintu chu i ni, ka fapa hian nimin khan engkim a sawi vek tawh. Ka fapa hi i lo kawn nel vel a, tichuan thil te i leisak a. Mahse rukbo a, thah ve te ilo tum a.Vanneihthlak takin a rawn damchhuak hlauh a, engkim kan hre ta a nih hi." a lo ti ve bawk a. Amandai chu a rawn pen chhuak a, "Nimin khan Sir Nathana leh Sir Rinawma te hi i hrai rui ve a, thah ve i tum a ni. Mahse anni pawh an tlanchhuak thei hlauh a, khamah an lum thla a. A lo hmutu pa pakhat thinphur kha vawiinah kan va pan leh a, khapa khan Slenderman thuamhnaw nena inlam i pan lai a hmu tih min hrilh a ni. Alo hrethiamlo a, sawi nachang alo hrelo zawk a. Engmah sawi theih i neilo, Doctor Ricky." a ti a.

Nathana chuan, "E taka, chuan...hmeichhe naupang ang deuh...ramhnuaia min hruailuttu pawh kha ka ringthiam nghal mai. I nupui hi a ni tiraw? Bazarah ka kal dawn e tiin bag a ak chhuak a, mahse a bag ah khan engemaw a awm chiang a ni. Bazar tura chhuak ni si kha bag puar pupin a chhuak a. A thil ah pawh ka hria, kawrfual var leh a make-up turte a ni. Ka ring dik em?" a ti leh a. Chuveleh Ricky-a nupui Wendy chuan Amandai chu a nam thut a, a pistol a laksak a. Pi Ruatsangi chu ava rek a, a luah chuan a tin ta ran mai a.

Mittui tla teuh chung leh vin tak si hian, "Min kal tir rawh u...anih loh chuan ka that ang." a ti ta vak vak mai a. Ricky-a pawh chuan, "Engemaw i tih le, Duhtak. Silai kha paih rawh..i mawl em ni?" a lo ti ve bawk a. Wendy chuan Ricky-a chu a en a, "Nilove Duhtak, kum 10 chuang i bei a, i thei ngei a ni tihpawh i hmuchhuak chauh a. Heti mai chuan a tawp tur a nilo, ka phallo." a ti hluam hluam a.

NAthana chuan, "Wendy, Pi Ruatsangi kha chhuah rawh...in tlanchhuak thei dawn chuanglo. Damchhung jail tan i duhloh chuan thlah vat rawh." a ti a. Pi Ruatsangi chu a rawn nam thut a, silai chuan min tin kual leh a. Ricky-a chu ava en a, "Ka tihpalh duhtak...ka pui thei tawh dawnlo che. Ka vengim zolo che a ni, Duhtak...mangtha aw.." tih pah chuan silai chu a ka ah chuan a chuktuah a, banga thisen per chhawk khawp chuan amah leh amah chu a inkap a, a thi chiang ngei mai. Ricky-a chuan tap chungin, "Nilo..nilo duhtak.." tiin Wendy ruang chu a kuah a, a tap zawih zawih mai. Mittui tla phungin Pi Ruatsangi chuan a va pan hnai a, "Doctor, ana a ni tiraw. Kan hmangaih ber te an thih hi chuan ana a ni tiraw...keipawh i tawrhnat ang chiah hian tunah hian ka tuarna ve a sin. Ka fanu chu i lo kidnap a, ilo that a. A ruang takngial pawh min hnutchhiah duh ve silo, tikhan i hrethiam tawh em?" ava ti a. Pu SAwma pawh chu lo kal pheiin, "Nang hi maw ka fate lo kidnap-tu chu? Khawnge i dah...khawnge i dah sawi vat rawh!" tiin a vin hrep mai a.

Ricky-a chu a rawn hawi chhuak a, mittui luang zawih zawih hian, "An thi tawh...an thi tawh." a ti ringawt a. Pu Sawma chu a meng phawk nasa ngei mai, Ricky-a chu a tham tho lawp a, a hnek ta siah siah mai. Police dang te chuan anlo dang vat a, Pu Sawma chu pawnah an chhuahpui ta a. Nathana chuan Ricky-a bulah chuan, "Nimina in ina thingpui kan rawn in khan, kan titi lai khan in bathroom ka hmang a. In bathroom bul tualzawk zimte kha..khatah khan tho(fly) an tam em em a, ka va chhuak a. A rimchhe em em bawk, mitthi thang uih rim ang chiah a ni. Mahse ngaihthatlohna em em ka nei lova, engmah ka sawi ta lo a ni. Mahse tunah chuan engkim ka hre tawh a, khalaiah khan i mi thah naupangte ruang chu i phum thin a ni tiraw? Ricky, engkim min han hrilh teh le." a ti a.

Ricky-a chuan a hmuia thisen chu a han tuai fai a, a inhnit faih faih a. A rawn hawichhuak a, mittui tla phung chung chuan, "Ni e, ka thah an ni. Slenderman pawh keimah ka ni a, engkim kha ka tih vek a ni. A chhan chu a tha ber nih ka duh vang a ni a, experiment atan ka duh vang a ni. Mazuali kha kan rawn awmtirh atang khan ka target nghal ber a, tichuan ka han nel phawt a. An inah pawh ka leng ta fo a, amah pawhin min ngaina hle. Nikhat chu a thiannu Remremi nen an infiam a, chutih lai chuan huan mawng lam deuhah chuan a kal thla kha ka hmu a. A rawn chhoh lehlam chuan ka lo ko hrang a, kan inah lo kal lawk tur leh thil present tur angin ka insawi a. Remremi hrilh velo turin ka ti a, tichuan min zuilut ta a. Tichuan nautelem ka pe a, ka experiment chu ka tan ta a. A juice in turah chuan ka damdawi siam thar Hallucinogens damdawi chikhat chu ka pawlh ta a, taseteless in ka siam a, mahse damdawi dang ruih theih chi tam tak, Phencyclidine leh Lysergic Acid Diethylamide te chu ka chawhpawlh tel bawk. Tichuan Slenderman chu ka rilru a lian ber a nih avangin Slenderman thalak chu ka hmuh a, a damdawi a rawn thawk tan bawk aniang, hlauhna hlirin a khat a. Tichuan circle chhunga dot tamdeuh awm kha ka hmuh tir leh a, kha khan a mit a ti vai ta a. Damdawi chu a lo chak lutuk nge ni, a a vek a ni ber mai. Tichuan ka nupui pawh chu inchei danglamin huan mawng luhna bulah chuan Mazuali kan in atanga a chhuak chiah chu a lo ko ta a. Keipawh Slenderman thuamhnaw-a inthuam vatin lehlam sir atangin huan mawng lam chu ka pan ta a ni. Tichuan Mazuali chu Wendy chuan ahruai zel a, thinghmun lam a thlen chiah khan a khawhmung chu a diklo tan a, damdawi chu a hnathawh dan tur dik takin a thawk zel tih kan hre leh ta a, Mazuali awmna atanga ft 30-40 vel ah chuan ka va ding ta a. Chutah chiah chuan min hmu a, Slenderman angin min ngai ta a ni. Achhan chu damdawi kha darkar chanve hnu velah chuan a stage tawp ber a thleng dawn a, chu chu bengah ri mak deuh deuh a awm anga, thawm lo chhuahna lam apiangah an kal ang. Tichuan an mit vai pawh kha a belhchhah anga, an hmazawn atanga ft 30 vel chu a fiahlo anga, engkim chu a zuih chho vek anga, an thilhmuh pawh sang tak tak vek aniang. Tichuan sang deuh angin min hmu a, Slenderman amaw min ti ta a ni. Mahse damdawi kha a tuar lova, a thi ta anih kha. Mahse thah ka tum hrim hrim tho a, achhan chu a kal(kidney) kha ka hrlah leh ta thin a ni." a ti ta a.

Nathana chuan, "Anih leh Valtea ve thung hi le?" ati a. Ricky-a chuan, "Valtea hi chu a leng haw lam ka lo ko a, kan nupui a rai bawk si a, thil zawn angai a, minlo pui lawk teh nang naupang felah tiin dawt ka sawi a. Tichuan eng engemaw te chu ka han zawn pui vela , tichuan juice chu ka pe ve leh ta a ni. Mahse vanneihthlak takin huan mawng lama a kal ve hma khan keimah min hmuh thu hi a chhungte a hrilh vaih chuan a chhungte leh amah chu Slenderman-a'n a that tur angin ka hrilh lawk a, a ruih tan lai velin a ni a, a hlauthawng khawp mai. Tichuan ka nupui pawh chuan a lo ko leh ta a, mahse ani erawh kha chu a taksa a chak deuh vang nge ni, nangmahni ang tho khan khawilai kawrah emawni khan a tla daih a. In hmu leh a, mahse ka hming a sawi ngam miahloh kha. Mahse ka la hlauthawng deuh a, a hlauh a reh hunah min puan mai ang tih ka hlau a, chuvang chuan a mut hlanin an inah ka va kal a, damdawi pawlhsa chu ka va keng a, kuhdamdawi angin ka va sawi a. Ani lah a khawsik lai ,a hritlan lai leh a awmnat lai a lo ni hlauh bawk nen. A mut hla chuan apa ka va pe a, tichuan a in a. A ruih hnu ah Slenderman angin ka inchei leh a, an tukverh zawnah ka va inlar leh ta a, chuvang chuan a sawingam talo char char a nih kha. Sentei leh Mami te erawh khan chu motorin, kidnap pangngaiin ka kidnap a. Damdawi pawh ka pe ve tawh lo, an kal(kidney) hralh ber kha ka ka duh tawh a, a hlawk em a ni." a ti ta a.

Nathana chuan, "Anih chiah chu...i ropui hle mai. NAupangte kal i hralhna pa chu tunge?" tiin a zawt leh a. A tir chuan a sawi duhlova, mahse a tawpah chuan a sawi ta a. Ricky-a chu kan man a, naupang a rukbo avang leh drug hman phalloh a hman avang leh tual a thah avangin IPC section engzahna ber nge ka hre talo, damchhunga lung in tang turin kan phur liam ta a, pawisa engemaw zah a chawi bawk a ni. Wendy ruang pawh phum a ni nghal a, an inkawta naupang ho ruang pawh chu laihchhuah vek an ni a, a hranpa in vuina kan siam leh bawk a ni.

Slenderman anga lo insiam thin, doctor tualthahhmang Ricky-a chu man a ni ta a, Slenderman hi an awm tak tak lo tih inlo hre dawnnia. Nathana nena kan hmuh khan a lang sang em em a, mahse kan awmna atanga ft 30 chin vel kha chu kan hmu sang tulh tulh a, a zim chho tulh tulh bawk. Chuvanga Ricky-a kha hmu sang ta em em mai chauh kan ni, NAthana nen erawh inhnaih takah kan awm a, chuvanga inhmu sang velo mai chauh kan ni. Nu leh pate pawhin naupang te lenchhuah tir mai mai lo ila, mikhual tu tih hriatloh te emaw, in hriatchian em em te pawh kha mipa an nih chuan in fate nel tir lutuk suh u, Slenderman-a unaupa te pawh anla awm maithei ania. In zavaiin....

STAY SAFE

(THE END)



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)