NATHAN SEASON-3 (Episode 19) BLACK POLITICS (Pt-3) by:Aaron Malsawmdawngzuala

Hnuchhuina lampang chi ho
Aaron Dustin
Posts: 214
Joined: March 14th, 2018, 10:15 am

NATHAN SEASON-3 (Episode 19) BLACK POLITICS (Pt-3) by:Aaron Malsawmdawngzuala

Unread post by Aaron Dustin » July 7th, 2020, 1:29 pm

NATHAN SEASON-3

Episode-19

BLACK POLITICS

(Part-3)

Written by : Aaron Malsawmdawngzuala

********





PRICILLA-I THUSAWI :

Kan College Annual Function Day a ni a, ka nu chu a host a. Ka nu chuan thu pawimawi a puan zawh chuan, "Vawiin ni kan College Annual Function vawi 50-na a minlo tel pui tu, kan cheif guest, a hun hlu tak senga kan zinga lo alo tel thei hi kan lawm hle a.Tunah thusawi turin kan lo sawm anga, kan Chief Minister zahawm tak, Pu Lalfamkima thusawi turin ilo sawm ang." tiin a ko chhuak a, mipui chuan kut an lo beng dar dar hlawm a.

CM chu a lo dingchhuak a, "Ka lawm hle mai, in hmel ka hmu thei hi ka lawm a ni. Kan rama hmeichhia te hi an changkang sawt em em a, thiamna lamah lah hma an sawn em em bawk. Tin, Women's College Student Union Leader, Nula Sangzuali, Lalsangzuali hi ka fak em em bawk. Talent a nei tha em em a, a hmeltha bawk a, a taima bawk." tiin kan thiannu Sangzuali chu a fak bik em em bawk.

Tichuan zan khat chu Sangzuali room ah chuan ka thiandang pahnihte nen kan leng a, kan pali chuan kan titi a. Chutih lai chuan ka nu chuan min rawn phone a, "Bawihi khawnge i awm?" a rawn ti a. Keichuan, "Sangzuali room ah ka awm." tiin ka lo chhang a.

Ka nu chuan, "Lo phei rawh, chaw ei ila." a rawn ti a, tichuan ka nu nena kan room lamah chuan ka phei a. Kan room ka lut tur chiah chu a lo inhawng a, room chhung atang chuan mipa tawng ri hi ka hre ta a. Kawngkhar bulah chuan ka ding a, ka enthla a.

Ka nu bulah chuan kan CM nau Sena chu a lo awm a, abulah chuan midang 6 vel an awm ve bawk. Sena chuan, "Pi Puite, Hostel an close dawn meuh chuan kan call pawh i chhang tha duhtawhlo chu ania. Vawitam kan rawn phone che a, mahse min chhang duh silo. In hostel ah hian hmeichhe chhelo lah hi an tlem tial tial mai si a, tu emaw tal chu kan CM hi va khilai teh." a ti vel ham ham a.

Ka nu chuan, "Sangzuali in neih tawh kha...ani pawh kha kal tir tawh rawh u." a lo ti a. Ka nu chuan thawmhnaw a dah fel mek a, khuma ka kekawrte lo awm chu Sena chuan a la a, "Sangzuali te zawng...a hne tawh alawm. Eheu, he thi mai mai chuh, ava rimtui ve." tih pah chuan ka kekawrte chu a hnim vel a.

Rang tak chuan ka nu chuan a laksak a, "Enteh u, naktukah Office ah kan sawi chhunzawm dawnnia, kal tawh rawh u." a ti a. Sena chu a hawi kual a, banga ka thlalak intar chu a en vang vang a, "Ehe..sawnu saw a nimaw vawiin function ami kha? A chhelo khawp mai, ka u Famkima (CM) pawh khan a it thu min hrilh alawm." a han ti vel a.

Ka nu chuan rang tak chuan ka thlalak chu a dahtha nghal sawk sawk a, Sena chuan, "Khawimaw..ka lo enchiang teh ang." tih pah chuan ka nu lam chu ava pan a. Ka nu chuan hlau tak hian, "Nilo Sena, hei chu ka fanu anih hi, a tel velo." a ti a.

Sena chuan vin zet hian, "I fanu pawh nise, kan it animai lawm. Vawihnih khat vel ka han khuainuai anga, a zawngchhang mai ang." a la ti ta deuh deuh a. Ka nu chu a thinrim ta a, vin zet hian, "I u Famkima, CM tenawm tak saw va hrilh la, a hurmu saw ti keh tawhlo turin va hrilh rawh. A thlalak zawng zawngte pawh Sangzuali'n a kawl tha vek, chanchinbu ah ka chhuah mualpho hma hian min tibuai tawh su. I unaupa saw a seat atang sawn ka hnukthla thei ania, chu chu hria ang che." a ti ve ta siah siah mai a.

Chu veleh Sena chuan ka nu chu a rek thut a, khumah chuan thutbetin a rek ta vak vak mai a. Ka hlauthawng em em a, va chhan ka tum a, mahse ka ngam ngang lo. Ka khur char char a, ka nu an sawisa lai chu ka en tlawk tlawk mai a ni. Sena chuan ka nu reh pah chuan, "Zawngi, engvanga ka unaupa sawichhe ngam nge i nih a? Ve lutuk ache. Dam tlak ini lo, ka that dawn che." a ti a, atawpah chuan a rek hlum der mai.

Rang takin ka tlan let a, Sangzuali room ah chuan ka lut a. Sangzuali leh ka thiannu te pahnih pawh chu an lo la awm a, "Sangzual, Sena alo kala, ka nu a rawn that." ka va ti thawr mai a. Sangzuali chuan, "Engmaw..engtin maw?" a lo ti vat a.

Keichuan thaw hlawp hlawp hian, "Sena chuan ka nu bulah CM nen hian in inngaizawng tih a sawi bawk a, in inngaizawng em ni? Mawhh?" tiin ka zawt a. Sangzuali chuan mak a tih hmel em em a, a hmui a hup ringawt a. Sangzuali chu ka sawi vak vak a, "Nanghian thlalak eng emaw i kawl thu a sawi bawk a, khawnge chu chu a awm?" tiin tap chungin ka zawt leh a. Chutih lai tak chuan kawngka a rawn inhawng thuai a, Sena te chu an rawn lut a.

Sena chuan min vaw pawp a, ka thal tawp mai. Ka lu a hai em em a, ka thil hmuh te chu a fiahlo vek. Ka thiante au thawm ka hria a, mipa nui ri ka hre bawk. Tin ka hriat leh bawk chu Sena khan thiseni'n bangah engemawni a ziak tih ka hre bawk a, chemte a hum tih ka hmu bawk. Mahse ka khawhmuh a fiahlo tual tual a, engmah ka hre zui tawh lo.

********

Nathana chuan, "Statement i pe thei angem?" a ti a, Pricillai chuan, "Aw thei e." a lo ti a. Nathana chuan, "Anih leh thlalak tihvel i sawi kha?" a ti leh a. Pricillai chuan, "Ka pu, khami zan khan, Sangzuali bula thlalak ka dil lai khan Sangzuali khan a thi (necklace) kha a kawr chhungah a dah tha vat a, a hlauhthawn hmel em em mai lehnghal." a ti a.

Nathana chuan, "Thi(necklace) a? Enge awmzia?" a ti leh a. Pricillai chuan, "Ka pu, Sangzuali khan thlalak pawimawh leh a video a dahthat duh ho hi chu pendrive ah a dah mai thin a." a ti a, a nawi vang vang a. Chutah Pricillai bawk chuan, "Ka pu, Sangzuali th(r)i locket kha, a pendrive chu a ni...ka chiang a ni." a ti ta mai a.

Nathana chuan a han ngaihtuah let a, ruang an chharna room chung thil an lakkhawm te zingah khan th(r)i locket nei a awm tih a hrechhuak a. Pricillai bulah chuan, "Ka lawm e, ka lawm takzet." a ti a, Station lamah a kal nghal vat a.

Headquarter atang chuan Rdi chu a rawn chhuak a, a phone a rawn ri a, Comstable Siama alo ni a. Rdi chuan, "Hello, enge ni ta?" a ti a. Siama chuan, "Ma'm mipui an pungkhawm nasa a, inhnial buai an tam khawp mai. CM erawh alo la thleng lova, a nau Sena'n thu a sawi mek. Unit 2 vel kan mamawh leh ang, boruak a sang tan khawp mai." a rawn ti a. Rdi chuan, "Awle, keipawh ka lo kal ve nghal e." tiin CM rally neihna lam pan chuan a inkhalh phei ve nghal a.

Rally-na hmunah chuan Sena chuan thu alo sawi mek a, "Kan CM zahawm tak pawh alo thleng tep e, khawngaihin lo nghak hram hram rawh u." a ti vel a. Chutih lai chuan Nathana pawh chuan Station chu a thleng a, Hosteller ho bungrua chu a han hai leh ta hlawm a. A hai chiam hnuah chuan pendrive chu a hmu ta a, a phone phawrhin Rdi chu a call nghal a. Rdi lah chuan Nathana chu a rawn call ve leh chiah chiah mai si a, call pawh a busy phah a. Vawi 2 ngawt mai chu an in call rual leh a, an inbe thei ta lo.

Rdi chu rally-na hmunah chuan ava thleng ta a, an lo pungkhawm hnem tawh kher mai. Mipui zinga pakhat chuan Sena thusawi lai chu lungin a lo vawm a, chutah buaina a chhuak ta. An insual mup mup mai a, police te pawhin mipuite chu an hlap pawp pawp hlawm a. Rdi pawh chuan a tiang chu phawrhin mipui ho chu a hlap ve a, buaina a nasa kher mai.

Chutia Rdi'n mipui ho a hnawh kiang lai chuan hnunglam atang chuan tu emawni hian Rdi chu a kawngah a rawn vit thut mai. Rdi chu a ei zawk a, a na a ti ngei mai. Chu veleh midang pakhat lo kal lehin a dulah a rawn vit leh ta siah mai a, thisen a baw zawih zawih mai. A tawp berah chuan Sena chu lo kalin Rdi hnungah tak chuan chemte tlum vek tep khawpin a rawn vit leh ta a, Rdi chu a hai ta chhawk mai.

Sena chuan Rdi beng bulah chuan, "CM in a hrilh tawh che kha...in department tana i inlak changtunu viau chuan..chumi ni chu i tawpna ni tur a ni a tih kha.." a ti zawi sap a. Rdi chu a tlu a, rum tak chuan Sena chu a melh a. Thisen a chhuak hnem em em a, Rdi chuan a na chu a tuar talo, a thi ta a.

***********

Zan alo ni a, dar 12 rik hma hret chuan DGP te in door bell chu a ri ral ral mai a. DGP chuan ava hawng a, Nathana a lo ni a. Ngawi reng chuan a lut a, DGP nen chuan an thudun a. DGP chuan, "Enge ni ta, Nathan?" a ti a. Nathana chuan mittui tla teuh chung hian, "Ka bang mai ang, Sir. Ka in resign duh a ni." a ti ta mai a.

DGP chuan, "Enteh Nathan, i senior Rdi thi kha keipawhin pawi ka ti lutuk. Mahse chumi vang ringawt chuan kan department hi i chhuahsan ngawt theilo ang." a ti a. Nathana chuan, "A nun zawng zawng kha dan zawm reng reng in a hmang zo va, ka tihsual lian ber chu a thusawi ka lo zawm kha ani. Thinchhe lo tur leh, mi thah kher a tullo tiin min hau thin a, a thusawi ka lo awih kha a pawi a ni. A thusawi kha lo ngaithla lo ila chu Sena pawh kha ka that daih tawh ang, mahse ka zah em a, ka u angin ka en a, a thu ka zawm ta a. Tunah chuan ka duh duh ka ti thei tawh a, he ka thil tih tum hi Police Officer ka nih chhung chu ka ti thei dawn silo." a ti a.

DGP chuan, "Police Offcer Nathan Malsawmkima hian dan a bawhchhe dawn em ni?" tiin a lo zawt a. Nathana chuan DGP chu rum takin a melh a, "Aw, ka bawhchhe dawn. A chhan chu nang hian min pui thei dawn chuanglo, i hlau tlat a ni. I dawihzep ka ti, Sir. CM pheikhawk hrui suihsak duh khawpa mi dawihzep i ni tlat a ni." a ti ta siah siah mai a. DGP chuan, "NAthan, thilsual lian tak i ti a ni." a ti a. Nathana chuan, "Ka tawpsan mai chuan saw mi tenawmte saw tuman an bei ngam chuang lovang." a ti a, resignation letter chu a pe a, a chhuahsan ta a.

Atuk zingah chuan Police Department ho chuan meeting an nei a, DGP chuan thu a sawi a. "Thil diklo nuaibo hi sual a nilo a, chuvang chuan eng chena rei nge minister eirute thuhnuaiah hian kan awm dawn? Hna chan kan hlauh vang ani em? Engtia rei nge ni dawn? He kan uniform hi miin a an zah em em hi ani kha chuan a ti bal a, fiamthu thawh nan mai mai a hmang asin." a ti vak vak a.

DGP chuan Nathana chu a en a, "DCP Nathan Malsawmkim, i duh apiang chu ti la, kan department hian kan support zel ang che. SP Lalrindiki martyr-na hi a thlawn mai tur a nilo, i duh chu ti rawh." a ti ta a. Nathana chu a uniform leh a batch te chu an rawn pe let leh ta a, Nathana chuan lawm takin a lo dawng a.

Zan a lo thleng leh ta a, Police Force hote chuan Minister thawhpuite leh Sena kidte zawng zawng chu an inah luhchilhin an man ta siah siah hlawm mai a. Zing khawvar thleng chu raid an kalpui chhunzawm char char a, khua a var meuh chuan a hnuhnung ber Sena man tur chuan Nathana chu amahin a va kal ta a.

Sena leh a hote chu Factory hlui bulah an lo awm a, Nathana chuan a va pan a. Sena chuan Nathana chu a hmu a, "He Police luhlul zet hi chu awww." a ti vawng vawng a. Mi pahnih chu an va kal a, mahse Nathana chuan a lo thal rang dun kher mai. Midang ho pawh chuan an va bei nghal a, mahse Nathana chu an hneh lo kher mai. Nathana' pakhat a reh lai chuan a kawng chu a rawn thip zawk mai.

A hawi phei chu Sena chuan a nakah a lo vit hi a lo ni a, na a ti kher mai. Nathana chu Sena chuan vit chung reng chuan bangah a nam bet a, chemte chu a la herhkual zui. Theihtawp chhuahin Nathana chuan Sena chu a han nam vak a, chemte chu a chhui thlak sak bawk a. Sena chuan a bula pipe bung chu a la lawk a, Nathana luah tak chuan a vaw leh pawp mai a. Nathana chu a rawn hawi chhuak leh a, Sena chuan vuak leh a tum chiah chu a lo man a. Pipe chu chhuhsakin na takin Sena ngal ah chuan a hlap pawp mai a, a ruh pawh a tliak chiang hle.

Sena chu a rek bet a, "Tunah hian that che pawh ni ila SP Rdi kha a lo kir leh dawn chuang lo, mahse vawiin hian ka that lo che a nih chuan ka inchhir dawn bawk si. I thih hun tur chu keiman ka hrilh ang che ka tih kha ila hria em? Vawiin ni hi a ni e." tih pah chuan a rek hlum ta a.

*************

Chumi ni pawh chuan nileng mai chuan minister thawhpuite chu an man khawm zel a, reiloteah zan a lo ni leh nghal der mai. CM chuan function naah thu a saw leh dawn ta a, open air function a ni hlauh mai.

CM in thu a sawi vel lai chuan Police te chuan an ruahman lawk ang ngeiin tear gase chu a n kap ta vak vak mai a, mipui pawh an chiai hlawm hle mai. Chutia gas khu rum rum karah chuan Nathana chu ava lut a, CM chu a va tham chhuak a. A motor ah a luh pui a, a hnek pawp mai a, CM chu nikhawhrelovin a awm nghal der mai.

CM chu a harh leh chuan kudam ang takah hian a lo awm a, thutthlengah phuar hlawm a lo ni. A hma zawnah chuan Nathana chu a ding reng bawk a, CM chuan vin zet hian, "Engthil nge i tih hi? Tuna kan ram dinhmun chhiatzia te hi i hria em? Enge hetia min kidnap a? Nang ang low-rank Officer mai mai, CM ka nih hi i hria em? Min khawihna thei lo, Lalfamkima ka nih hi. I senior SP chunga thil thleng te kha i theihnghilh ta em ni?" a han ti chiah chu Nathana chu a thinrim ngei mai.

CM bawk chuan, "Keichuan ka that lovang che, mipui te hian an that zawk ang che. CM ka nih hi, Lalfamkima ka nih hi...mipui ten min tan a, mi zawng zawngin min support vek." a ti leh zuah zuah a, a thutthleng nen chuan Nathana chuan a tlawh thal tawp mai.

Nathana chu a zu kun hniam a, "I sawi zo tawh em ni? Sawi zel rawh...min han zilh zel ta che. I tawng hnem tawh bawk a, ka hun a ni ve ta e. Khang mipui i tih te kha keini hi kan ni...UPSC..Uninion Public Service Commission...nanga chhiahchhlawh kan nilo, i pheikhawk tifai tur leh a hrui suih sak mai mai tur che a piang kan nilo.

Mipui chhiahhlawh te kan ni a, kan lal i ni hek lo. En rawh..mipuiin an sawidan che hi en rawh." tih pah chuan kil khatah TV chu a on a, TV ah chuan Priciilai a lo lang a, Pricillai chuan an hostela thil thleng zawng zawng chu press mite hmaah chuan a lo sawi a. Pawn lamah pawh CM thlalak te chu anlo hal a, a lim an siam a, an hal bawk.

Nathana chuan CM chu a tham tho lawp a, "CM i nih avang chauhvin ka that lovang che...jail ah i hun pum i hmang tawh ang." a ti a, Jail lam pan chuan Police dangte nen chuan an phur liam ta a.

THE END



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)