NEEDLE IN A HAYSTACK episode 1

Hnuchhuina lampang chi ho
Sangtea Renthlei
Posts: 13
Joined: July 25th, 2020, 12:02 pm

NEEDLE IN A HAYSTACK episode 1

Unread post by Sangtea Renthlei » July 30th, 2020, 8:09 am

DETECTIVE RAYMONDA



DETECTIVE RAYMOND
NEEDLE IN A HAYSTACK
( BARAKHAIH !! Thut mai a, hei le Detective Raymonda thawnthu thar chu hun reilote ah ka rawn chhawp chhuak ve leh dawn ta e. Min lo chhiar sak ve leh hram a niang chu. )
Mi hlim, thlarau pawlna dawng chhah deuh ni ngat ila chuan " hei raw! Amen " pek zui nual tlak khawpin in hma a Raymond lalthazuala nen a kan chet tlatna ka rawn chhawp chhuak thei tur hi ka lawm hle a ni. Engpawh nise , kan tunlai khawvel ah hian thangthar tawngtial lawm kan pung zel a, " ka lawm e" tih that ve mai aia "thanks" han tih deuh talh, changkang zawk deuh a ngai tlat kan pun tak hluai avangin, khawthlang ba ek ngo ho tawngkam takin " i'm back" tiin a khuh kan han hawng ve poh a niang chu.
Kan room thutthlengah chuan naupang chhia ang mai ka mu hual a, ka en duhzawng engmah a chhuah loh avangin TV channel chu ka hmet kual chhen a, local channel korean film leh film dang lehlin, a lettuten an uluk tawk loh avang a tawngkam um elh pui pui leh mizotawng kal phung rap phelh pheng phung a an lehte chu en peih loin ka hmet zung zung a, channel dang ka hmeh leh lai tak chuan LPS chanchin thar chhiartu nu, aw fiah tha tak mai chuan ti hian a rawn puang zat zat a..
" Khawvel in a buaipui mek hripui, corona virus chuan ram hrang hrangah bu khuar zelin india ramah 1481270 in kai tawhin he hripui avang hian mi 33474 in an thihpui tawh ani.
Mizoramah pawh mi 330 in kai tawhin, he natna vei mi 183 chu dam leh tawhin , he natna a darh zel lohna atan Sawrkar chuan mipuite chu Sawrkar in dan leh dun a siam te tha tak a zawm turin a chah a, total lock down khauh taka kal pui chhunzawm zel anih dawn thu leh total lockdown neih chhung hian mipuite mahni in lam a tawmim chu he natna laka kan fihlimna theihna kawng awlsam ber anih avang a pawn chhuak lo turin angen bawk.
Hetiang a Total lock down khauh tak a kalpui a nih mek lai hian Zanin dar 7:00 vel khan Nl.Lalduhsaki, Mission veng leh Khatla south inri na Vailui bul lawk a khawsa chu ama chenna in ah rawng tak a thah ani.
Lalduhsaki hi Lunglei lam mi niin, M&M higher Secondary School ah zirtirtu hna thawk mek a ni a, amah a in luah a khawsa niin, Mission veng Pu Thansailova te inhnuai ber luah a khawsa mek a ni. Vawiin nileng a a reh reng avangin a thenawm a khawsa Pu Saihnuna te chhung chuan an va en fiah a, Lalduhsaki hi rawng taka sawisak hnu a thah a ni tih an va hmu ta ani. Police lam hrilh vat niin tunah hian investigation kalpui mek a ni ......." A rawn ti zat zat a.
Tah hian detective Raymonda lo tuipui leh lo ngaithla ve thin tawh zawng zawngte tan whatsapp group ka siam ve a, min lo join teh u khai
https://chat.whatsapp.com/CpCD2yUH7Wm69EFwhF6jxX



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)