THE ADVENTURE OF REMRUATA

Hnuchhuina lampang chi ho
RVL.REMRUATFELA
Posts: 2
Joined: August 22nd, 2020, 3:46 pm

THE ADVENTURE OF REMRUATA

Unread post by RVL.REMRUATFELA » August 23rd, 2020, 6:06 pm

THE ADVENTURE OF
REMRUATA.
RVL.REMRUATFELA
.
Kum 2019 October thla ni in thlasik rim a lo nam deuh tawh bawk nen boruak pawh a zia khawp mai, Thingtlang lamah phei chuan krismass lo thleng tur in buatsaih rukna an kal pui tan der tawh mai, khawpui lamah lah dawrkai ho in phai lam atangin dawr bungrua an lo chah lut ve mek a, tukthuan ei kham fel ni in, Remruata pawh sofa ah mut dar dar pah in thil ngaihtuah muk hmel zet hian a mit a chhing diar diar a, chutih lai chuan a mobile phone ringtone, waiting for you ti hla ngei chu a lo zai rat rat a, a phone chu ban in, tunge ti a an en chuan S.I Lawma lo ni in phone chu la in hello sir enge ni ta ti in an be zui thuai a, SI Lawma pawh chuan i hriat duh ngei ka ring i buai viau em? A tih chuan Remruata chuan buai hran lo e engthil nge ni ta a? ti in an zawt let thuai a, SI Lawma chuan nichin deuh lawk khan phone call kan dawng a hei sihhmui bawlhhlawh paihna ah hmeichhe ruang an chhar a ni awm e, a hmun pan in kan kal mek kan zawn lai Ramdini kha a ni thei maithei a ni, i hman chuan i lo kal ve mai mai dawn em ni ti in a thil hriat ang ang chu an hrilh nghal zung zung a, Remruata pawh in chu thil a hriat chuan aw le ka lo kal dawn nia ti in a phone chu a dah ta a. Remruata pawh muangchang lo in a bike chahbi chu la in sihhmui lam pan chuan chak zet in a dawk chhuak zui ve ta nghal a.
.
Remruata Sihhmui bawlhhlawh paihna hmun a thlen chuan mihring pawh an lo awm nual hman tawh mai mahse mipui in an hnaih lutuk tur chu police ho chuan lo dang in ral aṭang chuan an lo thlir ṭhap a, Remruata chu kal tlang zel in Remruata police ho in an hmuh chuan lo dang pawh tum lem lo chuan kawng chu an lo kian ṭha ve mai a, Remruata chuan SI Lawma lam chu pan ding zui nghal in SI Lawma'n a lo hmuh chuan rin ai in i lo thleng hma hle mai i duhna ah hi chuan i ṭuanran maw le ti in a lo nuih sak a. Remruata chuan kan mibo zawn lai chu a ni em? Ti in ruang puan a an lo khuhna lam chu an en zui vang vang a, SI Lawma chuan ni turah chuan kan ngai, hei forensic lam kan nghak mek tual thi ngei ni in a lang, chiang tak chuan hriat mai a harsa ni hnih vel chu a ruang awm danah hian he lai hmunah hian a awm tawh ni in a lang an ti zui zat a, Remruata chuan eng tin nge an hmuh reng reng ni ti in an zawt zui zat a, SI Lawma chuan naupang ho a ni awm e, naupang bawlhhlawh paih hai ho in an hmu a chu chu an bul hnai a awm patling pakhat hrilh in chupa chuan min lo hrilh leh chhawn a ni a tih lai chuan forensic lam ho pawh chu an lo thleng ve chiah a, ruang an tih fel hnu chuan ambulance ah ruang chu hlang in posmortem tur in damdawi in lamah chuan an phur zui ta a, police tlem a zawng leh Remruata chu mipui kal liam hnu chuan ruang an chharna bul velah chuan hnu chhuina atan a ṭangkai tur a awm em ti in an han en kual thuak thuak a, an duhtawk an ngah hnu chuan in lam chu an pan zui ve ta a.
.
Ramdini ruang an chhar ni aṭangin nithum lai a liam leh ta posmortem result a la chhuak chiah lo bawk nen, Remruata leh police ho tan pawh hma lak a la har rih kher mai, ruang an chharna hmun atangin hnu han chhui zui na tur a awm mai bawk si lo, Remruata pawh Ramdini te in ah vawi hnih chu kal tawh in enge maw ṭangkai awm a melh pawh in a hmu mai thei lo, Ramdini nu leh pa ka atang lah in engmah thi beng verh hriat tur lah a awm der bawk si lo, Remruata lu pawh a hai ve thin khawp mai, Ramdini posmortem result chhuah hun a ni bawk nen Remruata pawh police station lam pan in result hriat ve ngei a duh tlat a ni. Police station a thlen chuan SI Lawma chuan lo dawngsawng thuai in hei ramdini posmortem result pawh a lo chhuak chiah e ti in Ramdini posmortem result chu a lo lek va va a, SI Lawma chuan Ramdini hi ka rin ang a ni tlat lo posmortem result a, a landan chuan a thisen ah hian damdawi ruih chi an hmu tlat chutih rual in Ramdini khan sex a hmang bawk a ni, mipa chi kan hmuh leh kan police lamin DNA kan neih sa ho ah hian in mil a awm hauh lo mai, mithar a nih ngei ka ring ti in Remruata chu a lo hrilh zui nghal malh malh a chutah sawi zawm zel in, Ramdini o.d nge ni ang thah a taksa a lo chhiat tawh deuh hlek avangin hliam a neih awm hriat a ni der lo mai bawk si lo he thil zet chuh ti in Remruata ṭawng na hun awm hlek lo chuan a thuthleng a ṭhu awn duai chuan a ti nghal bawrh bawrh a, Remruata pawh in ṭawngtum lem lo chuan Ramdini posmortem result bih pah chuan SI Lawma thusawi chu a lo ngaithla kar a, SI Lawma'n a thusawi duh a sawi zo tawh ngei ni a, a hriat hnu chuan Remruata chuan muang ban charh hian uluk deuh zawk a, Ramdini te in kan en nawn leh a ngaih hmel hle mai, a mobile phone a a mi biak ṭhin te chu i naute chu i lo en chian tir ta em a tih chuan SI Lawma chuan a dawhkan a lehkhabu in chhawp hnuk chu hai zui malh malh in paper phek hnih lai hi lo la chhuak in tunhnai a, a biak ho chu a kim e ti in Remruata hma ah chuan dah thak in, no ngai chu pahnih khat bak biak vak nei in a langlo ti zui leh zat in Remruata chuan a copy dang i nei tho ang chu maw hei chu zir chian ah ka kawl dawn a nia a tih chuan SI Lawma chuan lutuk e le ti in a lo chhang ve mai bawk a. Eng eng emaw sawi pah chuan thingpui te in in thingpui an in zawh chuan Ramdini te in a kal tur chuan an chhuak dun ta a.
.
Ramdini ruang an chhar hnu in karkhat lai a lo liam ta reng mai, Ramdini thihna chhuitu te pawh in hma an sawn chak lo kher mai police lam pawh in damdawi zuar leh ti ṭhin te aṭangin rinhlelh pali lai chu an kawl ve ran mai, Remruata a pawh in umzui lai nei in a la confirm thei tlat lo chutia Ramdini thihna an buaipui lai mek in thu thar zoram deng chhuak zawk thei thil a thleng leh ta tlat mai, nula pakhat falkland world bank road ah ruang an chhar leh ta tlat mai, tun tuma mi phei hi chu Ramdini ruang ang em em khan a lo chhe hman lo bawk nen, kutthlakna hnuhma a taksa velah chuan hmuh tur a awm nual mai, tu nge a nih ang tih zawhna lo awm nghal in Remruata chuan SI Lawma chu bekbawr in tunge a nih an hriat leh hriat loh chu zawt in SI Lawma chuan Lianpuii a ni awm e a lo tih chuan Remruata chu a lo bu ve nghat nghat a. Lianpuii ruang an chhar hian thawmhnaw engmah a in bel lo a, a hnute hmur pahnih hleh thlak a ni bawk. Ruang an posmortem hnu chuan Ramdini thihdan nen a in ang kher mai, Lianpuii thisen ah hian damdawi ruih chi ni lo damdawi dang hmuh tel a ni bawk, police ho pawh in a ngaihna an hre tawh tlat lo, Remruata pawh a thluak a vir ve ta map mai he tualthattu hi a chet leh hma ngei a chet khalh a ngai tih hria in a ngaihtuahna pawh a buai kher mai, he tualthat tu hian hnu hma engmah a hnutchhiah duh hauh lo lehnghal, Remruata chuan ngaihtuahna thar nei in a nui var var mai mahse a han ngaihtuah chiang chu a hmangaihber he a hnu chhuina kawngah a hnuh luh a ngaih hmel, a hre kher mai mahse a ni lo chu rin tur a hre bawk si lo, a nu leh pa an tual thih aṭang khan SI Lawma leh a hmangaih Zodinpuii bakah a farnu Ruatdiki bak tumah a ring zo tlat lo he a hnu chhui lai mek hi chhui chhuah a duh chuan a farnu emaw a hmangaih Zodinpuii tu emaw zawk zawk hi chu hmanrua ah hman an ngai bawk si, fimkhur a ngai khawp ang le.
.
Tunah chuan Remruata pawh in lamah a awm tlem in pawn lamah hun a hmang nasa kher mai, he tualthattu hi a chet chhuah leh hma in chet khalh ngei a tum tlat a ni, a hmangaih Zodinpuii chu hmu in a thil hreh zet tih ngei ngei ni a a hriat chu ti mek in a ruahman na zawng zawng chu Zodinpuii chu a hrilh ta malh malh malh mai, Zodinpuii pawh in Remruata sawi chu uluk tak a lo ngaithla in Remruata chu a lo en khiau mai, a tawpah chuan ka veng tlat dawn che i hnungah ka awm reng ang i nat hi ka phal ngai lo ang a tih meuh chuan Zodinpuii pawh in nui var var pah in ka ring tawk che a lawm, ka chungah eng thilmah a thlen i phal lo tih ka hria ti in a in peih thu sawi in engtik aṭangin nge kan chet chhuah ang an ti zui zat a, Remruata chuan i nu leh pa hian an phal em ang chu maw a chhan chu kan chet hun hi zanrei lam a nih hmel si a, zan i chhuah a ngai fo dawn si a tih chuan Zodinpuii chuan phal chu ka ring kan inkar a awm hi an hre vek tawh a nangpawh hi an ring tawk tawh che in ka hria a tih chuan i nu leh pa chu kan sawipui dawn em ni a tih chuan Zodinpuii chuan a ngai lo ang keiman ka lo sawi pui mai ang nang chu Remdiki te in lamah kal i ngaih kha, kal rawh zan in lam aṭangin em ni kan chet chhuah nghal dawn a tih chuan Remruata chu umn i nu leh pa in an rem tih chuan ni ang, nia a nih ka kal aw thil tih fel ngai a awmnual tlat ti in an in ṭhen ta rih a. Remruata chu Remdiki te in ah chuan kal in Remdiki pa nen chuan an ti ti muk kher mai, Remruata chuan ka pu theihtawp ka chhuah dawn a lawm i fanu that tu hi ka zawn chhuah sak ngei ang che a tih leh chuan Remdiki pa chuan Remruat ka fanu that tu hi min zawn chhuah sak ngei tur in ka duh che, i tha seng hah man chu a thlawn lo ang tih i hre reng dawn nia, mamawh in neih chuan engmah sawi hreh suh aw kan duh ber chu kan fanu that tu zawn chhuah hi a ni an ti zui leh zat a, Remruata chuan ka pu theihtawp ka chhuah dawn a lawm engpawhnise ka va phei phawt a nge hei zanriah ei pawh a hun a ni tawh mai a tih chuan Remdiki pa chuan mamawh chu i nei lo maw pawisa te i mamawh em i mamawh tak in ka tia vawiin lam khan engemaw zat chu ka lo la chhuak a nia a tih chuan Remruata chuan nei lo mahse hmalam hun a sawi theih loh mamawh hun chu kan la nei tho maithei tunah chuan mamawh hrih lo e, a nih ka va phei phawt a nge chaw ei tui u le ti in a ṭhutna aṭang chuan a tho chhuak zui ta a, Remdiki pa chuan aw le mamawh in neih chuan engmah lo sawi hreh suh ti in tui tak a chaw ei tur chuan a thlah zui ve ta a.
.
Remruata te chhung hi Aizawlah pawh hausa pawl ni in a pu te aṭanga sumdawnga ei zawng ni in a hmasa pawl an ni nghe nghe awm e, kan sawi zuai tawh ang in Remruata nu leh pa hi misual kut tuar a thi ni in heta ṭang hian Remruata pawh hian hnu chhui an ṭan chho ṭan a ni a kalna lam tur a ni chek a niang chu police lam in tihngaihna an hriat loh hi pali lai chu a ching fel ve derh tawh mai, Remruat nu leh pa an thih hian Remruata te unau hi phai lamah an awm lai a ni, Remruata nau hian tunah chuan Aizawla an dawr vil mek in Remruata hi chuan hetiang misual kut tuara thi te sulhnu hi a buaipui deuh chawt mai a ni police lam pawh a pui nasa tawh khawp mai heng vel aṭang hian SI Lawma nen pawh in hria an ni. Remruata te unau hian hna thawk vak lo mahse an dam chhunga an ei tur chu an phang tawh kher awm lo e a chhan pawh dawr lian tak an neih bakah hian concrete in lian tak tak an neih avang hian luah man pawh hi an unau chauh chuan an ei seng meuh lo a chha chu a ni. Remruata in a thlen chuan a nau pawh lo haw ve tawh in an awmpui in zanriah tur pawh a lo peih diam tawh mai mahse zanriah ei hma a sawi a duh tlat avangin a nau chu a room lam zui tura ti in engemaw sawipui lawk a duh thu chu a hrilh a, a naupawh in eng sawi lo chuan a û room lam chu a pan ve nghal mai bawk a, Remruata nau in a û room a lo luh chuan Remruata chuan a nau chu a bula ṭhu tur a ti in Ruatdiki pawh a u bula dining chair ah chuan ṭhu in ka û eng thil nge ni ta a va pawimawh awm ve a tih chuan Remruata chuan pawimawh a ni mai ang chu ti in a thil ruahman ang ang chu a hrilh fai ta kelh a chu thu Ruatdikin a hriat chuan ka u, û Zodini ka ngaihtuah hle mai, a chungah thil pawi thleng ta se a tih chuan a û Remruata chuan engmah a thleng lo ang ka venghim tlat dawn a lawm a tih chuan Ruatdiki chuan ka û a tih lai mek chuan Remruata phone chu lo ri in an en chu Zodinpuii lo ni in Zodini a nih hi kan be phawt a nge ti in Zodini chu a be zui ta a, Remruata a va lawmawm ve aw zanah ka lo phei dawn nia, i nu leh pa pawh thil chiang deuh hlek a hrilh ka duh ka hmangaih hi a nat ka phal lo hrim hrim ti in an nui deuh var var a, Zodini pawh in keipawh ka hmangaih hian ka nat a phal loh tih ka hria chuvangin ka hlau lo ka nu leh pa pawh in min han ngaihtuah viau mahse an ring tawk em che a ni lo ti let ve in zan lama in hmu tur chuan ti in an phone chu an hmet hlum zui ta rih a.
.
Zanriah eikham chuan Remruata chuan sofa chunga ṭhu dar dar in cigratte chu an hip vang vanga chumi pah chuan an chet vel dan tur a ruahman te chu ngaihtuah in ṭha dawn riau a hria in a mah chauh chuan ni mahse a khi leh var var ṭhin chutih rual in a hmangaih Zodinpuii erawh a ngaihtuah kher mai, a din hmun hi hlauhthawn awm a, a hriat avang in a tan chetsual a rem lo tih chu a mah leh a mah chu a in hrilh malh malh a, rei mawi tawk a ṭhut vang vang hnu chuan zawimuanga tho in che chhuak tur a in siam tur chuan a room lamah chuan a lut zui ta a.
.
Remruata'n Zodinpuii te in a thlen hian Zodinpuii te chhungkua chuan t.v an lo en ṭhap a, Zodinpuii chuan lo be nghal zung zung in ṭhutna tur a lo kawhhmuh lam chuan Remruata pawh ṭhu in rei pawh a ṭhut hma chuan Zodini pa lam hnaih ah chuan in sawn in a ruahman leh tum dan tlangpui chu a hrilh zung zung a, Zodinpuii hi famal ni in a nu leh pa pawh hian an duat khawp mai chutia zan rei tawh a che chhuak tur chu an ngaihtuah kher mai mahse an hriat chian Remruata kut ah a awm dawn bawk nen Zodini pa chuan Remruat kan fanu hi i kutah a awm tih hria la, chetsual a rem lo ang nang kher chu ni lo la chuan kan remti kher lo ang mahse kan ringtawk che ania a tih chuan Remruata chuan ka pu Zodini hi a nat ka rem ti hauh lo, a kiangah ka awm tlat dawn a himna tur a nih chuan keipawh hian ka tuar mai ang a tih chuan Zodini pa pawh chu a ngaih a ṭha ta deuh a niang nuih var var pah hian a nupui thingpui lo pek in pah chuan ti ti hrang hrang te chu vawrh kual in rei mawi tawk an titi hnu chuan an nupa chuan khumpui lam an pan ta a. Remruata leh Zodini pawh an ti ti muk kher mai, Remruata chuan a ruahman na te leh damdawi zuar a lo en thlak tawh dan te chu hrilh in karkhat ai pawh in kan chet hun hi a rei maithei a nia, i in peih maw i hlau em a tih chuan Zodinpuii chu nui var var in ka kiangah i awm dawn a lawm enge ka hlauh ang ka hmangaih hian ka nat a phal lo tih ka hria a lawm a tih chuan Remruata kut chu a hmeh sak neuh neuh a. Tunah chuan dar sawm lai a lo ri ta, Remruata chuan kan che chhuak dawn em ni a tih chuan Zodinpuii chuan aw le ka in peih e ti in Remruata nen chuan hna pawimawh tak thawk tur chuan an chhuak dun ta a ni.
.
Tunah chuan Remruata leh Zodini pawh chu karkhat dawn lai, zanlam a damdawi supply tu hrang hrang te chu dawr kual zek in an dawr ho Remruatan a rinhlelh ho chu a mah in chhui zui zel in, a duh ang tak erawh a la hmu thei tlat lo, police lam pawh in side hran aṭangin an lo chhui ve mek bawk a, he tualthat tu hi a fimkhur in hnuhma engmah a hnutchhiah duh hauh lo nen hnu chhui a harsa in a hau tak kher mai, Zodinpuii pawh chutia zantin chhuak chu a nu leh pa chuan an ngaihtuah kher mai, Zodinpuii nu phei chuan a pasal kiagah kal tawh lo mai tur a ti tur in a pasal kiang ah chuan a sawi fo mai, mahse Zodinpuii pa hi pa rorum tih tawh lam chu ti deuh bur mi a lo ni ve tlat eng em a tawk bik nang ngaihtuah ngai a ni lo ang, a lo ti ve mai zel bawk si, Zodinpuii nu erawh a thla a muag tak tak thei lo a ni.
.
Karkhat zet zan rei a hnu an chhui hnu chuan zan khat chu damdawi zuar, an dawr leh chu damdawi zuar chuan in lo tlai hlek a ni ka lo ti ral zo chian, in duh chuan tun lawk khan, engemaw zat lei saw lamah sawn a kal liam chiah, a lo sih chhuah phal mai thei che u a ni a tih chuan chupa a sawi kal liam na lam chu a kawh hmuh a, chu damdawi zuar pawh chu a pil bo zui ta daih a. Zodinpuii'n chu thil Remruata a hrilh chuan Remruata chuan i um zui chhin teh ang, chutia a hlawm a a lak chuan engemaw tak a thleng ngei ang ti in chupa liamna lam chu an pan zui ta a.
.
Kawi hnih lai a kal leh hnu chuan thim zing deuh ah hian mipa pakhat hi lo awm in Zodinpuii chuan pan hnai in damdawi a duh thu leh a mamawh tak zet thu sawi in tlem tal a neih leh neih loh a zawh chuan chupa chuan a neih loh thu lo hrilh in, Zodinpuii kalsawn a tum a in her chiah chu, an piah deuh aṭang hian khuh deuh kharh kharh thawm lo chhuak in Zodinpuii te awmna lam chu a lo pan a, Zodinpuii te awmna a lo thlen chuan Zodinpuii chu bia in tlem a neih thu hrilh in, lei chhawn tur erawh a neih loh thu sawi nghal in mahse i mamawh viau chuan ka neih sa hi kan ti dun mai dawn em ni a tih chuan Zodinpuii chuan chhan dan tur a hre mai lo, Remruata rawn dawn se a rem chiah bawk si lo, chutia a ngawih reng takah chuan mipa lo be tu bawk chuan i duh loh chuan a pawi ka ti hran lo ti a kalsawn a tum chu Zodinpuii chuan i phal chuan ka duh zawng tak a ni a tih ve tak ah chuan mipa chu khi sak in helai chu a hmun a ual au emai tlema hmun fianrial deuh i pan teh ang a tih chuan Zodinpuii pawh chuan i he lo chuan chupa chu a zui ve ta ringawt a. Zodinpuii hian a ruk tak chuan a hlau ve kher mai mahse hlau anga awm chu a tum bik hauh lo, a hnungah Remruata'n a zui tih a hre tlat.
.
Zodinpuii leh mipa pakhat pawh an kal thui ve tawh kher mai, a tawpah zawng an thleng ta a ni ngei ang Zodinpuii zui pa chu a ding chat mai, an awmna pawh a reh ṭha kher mai, zan rei lam a lo ni tawh bawk nen, lei hrik hram ri pawh hriat tur a awm tawh lo.
.
Zodinpuii zui pa chuan kha laiah khan lo ṭhu rawh kan siam a nge ti in a ipte chu a zen rak rak a, a kawr ip, kar hi jacket lian zet a dum a ha a, chung ipte aṭang chuan engengemaw hi phawrh chhuak in, head light eng zet hi ti eng in a damdawi ho chu in jection na tur chuan a siam zui malh malh a, Zodinpuii chuan Remruata chu che chhuak har a lo ti tawh kher mai, a tha te chu a khur ru der der tawh mai mai.
.
Zodinpuii zui pa pawh khaw dang hawi lek lo a damdawi buaipui a ni bawk a, a hnung a, thawm dim tak a lo veh tu pawh hre lo in a thil buaipui lai ngat chu a ngaihtuah a, a siam zo lo hawi chhuak chiah chu a hmai chu ri thlawrh in ni khaw hre lo in a let tawl mai, tunah chuan che chang thei a ni rih ta lo. Zodinpuii pawh in Remruata chu lo pan hnai in chupa let reng chu a thlir ve dauh dauh mai, Remruata chuan a hruizen ken chuan chupa let reng chu a phuar mawlh mawlh mai, a phuar zawh chuan, damdawi ho chu chhar in a tih fel hnu chuan a thaw ve kawk mai, Zodinpuii hnenah chuan i ṭha maw ti in an be zui nghal zat a, Zodinpuii pawh lo thlamuang deuh tawh in ka ṭha e, i lo chhuak dawn tawh lo emaw ka tia ti in Remruata chu a nuih saih a.
.
Remruata khawn thluk pa pawh nikhaw hre lo in lei char ah chuan a la let ngat mai, muangchanga a phone chu phawrh in SI Lawma no chu hmet chhuak in an call zui zat a, SI Lawma'n phone call a lo lak hnu chuan Remruata chuan a mamawh thu te sawi in kalna hmun tur chu a hrilh nghal zung zung a, SI Lawma chuan a hrethiam lo kher mai mahse Remruata chuan i lo thlen hunah engkim ka hrilh ang che, tumah lo hruai suh, motor ka mamawh a tih avang chuan a ngaih a ṭha chiah lo, SI Lawma pawh lo mu hman tawh in chutia Remruata'n a lo phone takah chuan tho chhuak in a car nen chuan Remruata sawina hmun chu a pan zui ta a. SI Lawma'n Remruata te awmna hmun a thlen chuan Remruata chuan thil thlendan tlangpui chu hrilh zung zung in egmah a la chiang bik loh thu leh a chian thuai a beisei thu chu hrilh in an mi man pa te nen chuan Remruata te in lam pan chuan an kal zui ta a.
.
Remruata te in an thlen pawh chuan Remruata khan a khawng fu deuh nge ni a la zawi raih mai, chair ah chuan tawn bet in tunah chuan zinglam Dar thum a pel der mai, Zodinpuii pawh in a chhungte engkim a hrilh tawh bawk nen thlamuang tak in a che thei a ni. Chair a an phuar fel hnu chuan tui sik a, an theh hnu chuan an mi man pa pawh a lo che ve talh talh mai, rei vak lo ah chuan lo meng siar siar in, a lo meng chian hnu chuan an dahna room vel chu melh kual in an ner zui deuh nang nang a, chutah hawi kual in Zodinpuii a hmuh chuan zamna nei map lo hian tunge i nih? Min bum vel a maw lo ngawi tak rawh i la hre dawn khawp ti in an melh deuh ram ram a. Remruata chuan an mi man pa hma ah chuan chair dah in a thu fel ta at mai, Remruata bawk chuan kan thil hriat duh tha tak a min hrilh ka duh, min hrilh loh chuan i tuar tur chu a na ve khawp ang ti in an mi man pa en ding nalh chung chuan an ti zui sap a, an mi man pa lah chuan engmah sawi tur ka nei lo damdawi ka zuar ngai lo a, damdawi ti mai ka ni a tih chuan Remruata chuan kan la hre chho zel turah ngai ang, ti khan i theih ang ang in mutthilh tum rawh, zing khua lo var se zing khaw var hunah kan tih tur kan ti tan ang a ti in, SI Lawma te lam hawi pah chuan thingpui vel in pah in inkawmna lamah kan phei dawn em ni a tih chuan SI Lawma chuan Remruata mitmeng atang chuan thil sawi duh a nei tih hria in, a pawi chuang lo dang te pawh a ro tawh a lawm maw le ti in room atang chuan an chhuak ta hlawm a, SI Lawma chuan kan mi man pa kha a chhuak thei lo ang chu maw a tih chuan Remruata chuan mihring pangngai a nih chuan a chhuak hauh lo ang ti in SI Lawma chu awlsam zet in a lo chhang ve mai bawk a. Zodinpuii chuan thingpui chu kan lum a nge ti in choka lam pan chuan a kal zui ta a. Remruata chuan a ipte atang chuan burte pahnih hi lo phawrh chhuak in, hei hi a ranglama endik ka duh, enge a nih reng reng a tih chuan SI Lawma chu an pe zui nghal zat a, SI Lawma pawh chuan lo la ve nghal zat in zing khua lo var se laboratory lamah a rang lam in kan endik tir dawn nia ti in a ak zui ta nghal a. Eng eng emaw sawia an ti ti hnu chuan Zodinpuii pawh in lama haw tawh lo mai tur a ti in Remruata nau room lamah chuan mu tur in a kal tawh a, SI Lawma erawh chuan zing lama chet a duh bawk nen in lam pan chuan a in khalh chhuak zui ta a ni.
.
Ni thum lai a liam ta, an mi man lah in engmah a sawi tha duh bawk si lo, Remruata lah in a nih ngei a ring si, a ni thum tlai lamah chuan SI Lawma damdawi a test tir pawh result a dawng ta, result a hmuh chuan a nui var var mai, paper nen a mi man pa a khung na room ah chuan a lut chhak chhak mai, a mi man pa hma a dining chair a dah ah chuan thu ran in engmah i sawi dawn lo maw, tunah chuan i tawng ngei a ngai tawh ang, i ka atang ngei hian thudik hriat ka duh a tih chuan a mi man pa chuan engmah hriat tur a awm lo ti in a lo la nuisawh zawk za mah lehnghal mahse remruata'n a chiang tawh tlat, chupa nui chu a tawp hman awm lo e, a na ti lutuk chu a te ruai ruai mai, Remruata chuan i sawi dawn chiang khawp, i ngawih reng chuan i na tawlh tawlh ang ti mahse chupa chuan tawng chhuah a la tum hmel loh Remruata chuan a tha e, ka insum tawh hauh lo ang ti in a duhdan tak in a che tan ta, chupa chu a duk cher chur tawh mai a tawpah meuh chuan in puang lo thei lo ni in a in hria a ni chek a niang chu, hetiang hian nula pahnih a thah dan a sawi ta, a nula thah hmasak zawk kha chu zan tam a lo hel tawh thu leh zankhat a chhuak in a hmu fuh leh chu damdawi a neih thu hrilh in chunu chuan a neih loh lai a lo ni bawk nen tihpui mai a lo remti ve bawk nen, a ruihlai, a chet theih loh lai hun tha chu chuh in damdawi tam zawk pe in chu a damdawi pek chu zo lo in a od ta kha a lo ni, a thih hnu in vawi li lai sex a hman pui nghe nghe a ni. A duh ang tawk sex a hman pui hnu in a ruang an chharna hmun lamah khan dah in hnu hma awm thei ang zawng zawng kha la bo vek in a in thiar fihlim zui ta a ni. A pa hnihna pawh a chet dan a thlak vak chuang lo, marawh chu ruang chhar a nih tawh avangin a hnuhnung zawk kha chu a lo fimkhur ve deuh bawk nen a ruang an hmuh ang khan tharum a hmang tel deuh a ni awm e, chumai ni lo in a thih hnu pawh in ruang kha a suasam zui ta a ni, Remruata chuan khang i thil tih te kha in chhirna i nei em? A tih chuan chupa chuan nei lo, a nuam ka tih zawng tak a ni, min man lo ula chuan kha ai khan ka la che nasa zawk in ka ring tih pah chuan a la nui ang vur vur a, Remruata pawh a in sum hman lo a kuttum chu thlawk chhuak zawk in a mi man pa bek chu a ri no nghal chhawk mai, a hnek na bawk a niang chupa hnar atang chuan thisen lo chhuak in a zawi hnawk mai, kutthlak leh a tum lai tak chuan an door bell chu lo ri inkawngka pui lam chu a pan zui ta ngal a.
.
Kawngka a hawn chuan SI Lawma lo ni in Remruata chuan ekhai lo lut tawh nang meuh i lo lan tak ni ti in a lo welcome hle mai, SI Lawma pawh in thu peh hel vel tum lo chuan i dawp chhuak thei ta em an ti deuh nghal tawng mai, Remruata pawh in a thei ta e video in ka cover vek a lawm, court lama a tawng that duh loh pawh in tan fung tur kan nei tha tawh khawp mai ti in SI Lawma a chu a nuih var var mai.
.
Kar khat a liam leh meuh chuan Remruata te pawh in an hnu chhui lai chu an zo fel ta reng mai, an mi man pa chu thiamloh chan tir in tualthah thubuai leh pawngsual thubuai awrh tir ni in dam chhung hreawm tak a hun hmang tur in jail lamah an thawn liam ta a ni. Remruata chuan thuthlenga thut pah in tuntum kan hna zet chu a hautak hle mai hun pawh kan hmang hnem na rawh e, marawh chu tha tak in kan zo thei erawh a lawmawm kher mai ti in a ma hriat tawk lek chuan a phun chhuak sap a.
.
A TAWP TA.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)