Aizawl temple sana lian inkhawng ri bul bul atang chuan zan dar sawmpahnih chiah a ni tih a hriat theih a. Mahse, zan dang ang lo takin chumi zana sana inkhawng ri chu hria amang bar pawh an awm lo. A chhan chu chumi zan ber kher chuan thlipui leh ruahpui hi an indo a ni ringawt mai.
Thimhlimah chuan khua pawh a thain a thiang vuk a. Khawlai leng leh zan lam hnathawk chi pawh zan dang ang thoin mahni seh seh mualah tiin an tei suau suau a. Motor vei vak leh mihring pawh an tam a, zan lam police duty pawh hmuh tur hmuntinah an awm a. Chutia zan khawtha pangngai taka intan si chu zan dar sawm pakhat leh a chanve a pelh meuh chuan thlipui leh ruahpui an indo hle tawh a.
Kawl bul vel chu a phe eng zawr zawr a, chumi karah chuan tek a tla ri thuai thuai a. Ruah lah chu a maka mak atam hian a tla tlawrh tlawrh a. Thlipui lah chu tote haw vangglai ang mai hian a rawn thawk bawk a. In nghet vak lo leh motor dahna in te chu tluk mai hlauhawm hian a nghing lawih lawih mai a. Chu hun zet chu a rapthlak ngei mai.
Rial a rawn tla tel a, artui tiat tiat hian inchung a deng ri thuai thuai mai. Kawng kama thingkung te chu tluk mai hlauhawm khawp hian a nghing luai luai mai a. Nunna nei chi tan chuan khawlaia awmna chi rual a ni lo. In chhunga awmte tan lah muthilhna chi leh thlamuanga awmna chi a ni hek lo. Chu zan zet chu zan rapthlak a tling ngei mai.
Chutianga thlipui leh ruahpui, kawlphe, rial leh tek tla ten an theihtawp takmeuh an chhuah a an indo miah miahna in a vanglai tak a thlen lai chuan mak tak maiin vawi leh khatah a reh ta duak mai a.
Ruahsur bur bur chu a han duak a, chumi rual chuan thlipui tleh pawh a reh duak mai. Khawlaia tuihawk luang chu sawi mai ai hian a tam a, a rik hian a ri hum hum thei nia. Tichuan rei vak lo chhung chu an lung a awi tawh a ni ang e tih tur hian a reh ta vang vang a. Mahse, a hnu deuhah chuan thli a rawn thaw leh ta vuk vuk mai.
Thli thawt leh hnu lawkah a ngai te bawkin kawl a rawn phe eng leh ta zuai zuai mai. Inthurual ang hrim hian ruah pawh mal lian zet zetin a rawn tla leh tan ta der mai. Mahse, vanneih thlak tak maiin a enga mah chu a hma ang em em chuan a turu tawh lova. Ruah phei chu a sur tam vak tawh lo, mahse do tham tak erawh chu ala ni tho mai. Rial a tla tawh lova, khawpui erawh chu kawl kilah a ri kal ruah ruah thung a.
Zawi zawiin thlipui pawh a ziaawm leh ta deuh a. Mahse han tawrh mai chi chu ala ni chuang hauh lo. Electrict hrui te chu a chhem ri fur fur a. Chumi ruala kawlphe leh khawpui ri han inchhawn nawn awn awn mai thin chu rapthlak dangdai tak a ni. Thliin a beng fuh chang chuan ral khata mithi in lengkhawm zai ri pawh a hriat theih ta.
Chutianga thlipui leh ruahpui ten an zahngaihna an lantir tan mek lai chuan mi pahnih tutih hriat loh hi Vanapa hall hnuai thim tham atang chuan an rawn chhuak nawlh mai a. Kawr huh tlang thei lo leh lukhum awm an hak ve ve avangin mi pawhin hmu se tute annih hriat a har viau ang. Hmanhmawh takin Aizawl tlak lam an pan ding nal nal a. Chutiang zan khawvawt leh ruahsur thlipui tleh karah chuan eng thil pawimawh tih tur nge an neih tak ang le???
Tumah dang chutiang hunah chuan khawlaiah hmuh tur an awm lova, motor veivak lah a awm hek lo. Ruah a la sur reng a, thli thaw vuk vuk reng pawh a la ngai reng. Mahse, chutiang zan boruak karah pawh chuan chumite pahnih chet vel dan a tang chuan an fimkhur tawk hle a ni tih hai rual a awm lo.
Motor an keng lova, hmanrua engmah hmuh theiha ken an nei hek lo. Enge an tih dawn a khawia kal tur nge an nih hriat a har khawp mai. Tichuan sana inkhawn rik rual chiah chuan Aizawl tlak lam chu hmanhmawh takin an pan ding nal nal a.
Zing dar hnih vel a ni a, mithi tlaivarpuitu thalaiho pawh an zai chau tawh tlang hle a. An mutchhuak lutuk tih reh nana intur an sem chu an in sap sap hlawm a. Khawvar a hla tawh lo bawk a an zai lai chu chawlin pawnah a duhin vaihlo zial te an va zu sap sap a.
Tichuan lut khawm lehin an zai tan leh a. Khawfing a rawn chah a khua a rawn var meuh chuan zai pawh an tlem tawh kher mai. Khua a rawn eng ta bawk a thenawm khawveng nu leh pa an rawn lut khawm nak nak a. Tichuan thalai rual chu in lama haw turin an hun hman chu an titawp ta a.
Thalai rual an chhuah atanga rei lo teah chuan ruahmal lianpui puiin a rawn tla leh ta fuap fuap mai a. Chhum a rawn zing phui mup a, hmanhmawh takin mahni in lam theuh chu an pan ta sawk sawk hlawm a.
Huh deuh pheng phunga Davida'n an in a luh chuan a thianpa James-a chu smart zet hian thingpui no a lo dawm mek a. Davida chuan makti zeta a thianpa chu en hau pah hian "Nang maw? I tho a chu a ni em lo maw, khawilam thlichhia innge rawn chhem lut teh hlawl che a?" a han ti a.
James-a chuan a thianpa pawh en lem lo chuan "Rang takin va inthlak vat mai teh, nang leh kei hian hna kan nei." a lo ti sam et a. Hnial a sawt dawn chuang lo a ni tih a hriat chian em avangin room lam pan chuan a phun phei nuah nuah a. James-a chuan a thianpa lut tur chu a lo nui rah rah a....
@Dwm Pachuau
"TOP SECRET" BY Dwm Pachuau
episode-2
James-a office tereuhteah chuan a thianpa Davida nen chuan an thu dun ran a. Davida chuan "Kei chu hetiang lama inhnamhnawih hi thih hrehin ka hreh tawh a nia, i theih hram chuan ka tel lovin chinfel tum tawh mai teh." a han ti hniam raih a. James-a chuan, "I tel lo te chuan pialtlepa liluh tum ang hlauh a ni dawn a nih chu." a lo ti bauh a. Dzvida chuan "Vel a che aw, bakah nunna a derthawng duh e mai, hlawh chu engzat pawh nise ka thei tawh lo a ni." a lo ti ve leh a.
James-a chuan a sikret chu a han tankai a, pak bial pap pap pah chuan "Thil tangkai sawi tur i hriat loh pawhin sawi loh tur tal chu hre teh." a lo ti a. Davida chuan "Ka ti tak tak alawm, kha chen nang nen hnu kan chhui tawhnaah khan kan thih teuh thin zia kha i hria em? A hlawk lo thei nasa mai si." a lo ti nuah nuah a.
James-a chuan a mitko lo san ak pah hian "Mahse hei, tun thlengin ila phun bul bul thei tho chu a nih hi...bakah, tun tum chu sum pawh a mawm tham deuh dawn a nih hmel. Bakah, sum chu sum a ni a, kan hnathawh rah sengtute hmela hlimna hi i hmuh hmaih thin em ni?" tiin a lo zawt let a. Davida chu lungsi zan lo tih hriat tak hian a lo rum nghat a.
Davida chuan "Anih leh thil awmdan chu han sawi la." a ti thei ta a. James-a chuan, "Nizan thlipui leh ruahpui indo karah khan in veng nula chhuanvawr Jane-i chuan a nun a chan. A chhungten kaihthawh tuma a room an va hawn chuan thisen nena chiah piah nuaihin a khumah a lo thi ang phuau a ni awm e." a han ti a.
Davida chuan makti zet mai hian "Jane-i maw? A va mak ve... I chiang chiah maw?" a lo ti he haw a. James-a chuan "I nula try tum mek a nih vang em ni mak i tih viau?" a lo ti vat a.
Davida chuan "Eng a? Mak i ti ve vak nang e?" a lo ti bauh a. James-a chuan "Ti lo chuang love." a lo ti leh mai a. Davida chuan "A mak hle mai a, chu zawng chu emni i thawnthu hriat chu?" a lo ti a. A thianpa chuan "Chu zawng chu, a bak vak a ngai chuang em ni?" a lo ti ve bawk a.
Davida chuan chhan enah pawh a en tawh lo. "A nih leh enge kan neih?" a han ti leh a, rang zet hian James-a chuan "Tumna." a lo ti leh khauh a. Davida chu beidawng zet hian a han thaw hawk a. Davida melh ralh pah chuan "Chu aia pawimawh chu a awm hleinem. A pawimawh hmasa ber kan nei tawh a. A bak zawng chu a tlachawpin kan inzawn chawp a ngai ang." tih pahin dawhkana cofee chu a han lem khawlh a.
Davida chuan "Kan bultanna tur chu a va han bung deuh bawk ve maw le aw...enge hna hmasa tur pawh ka hre lo. Tin, police leh CID lamin an chhui ngei dawn tho a. Keini pahnih lo inrawlh ve hi a tulna vak ka hre lo hle mai." a lo ti leh hmak a.
Anni lamin an chhui dawn tih chu sawi loha leng a ni a. Mahse, kan hnathawh tawh te avang pawh a ni maithei. Tin, a naute laka rinna a nghah ngam zan loh vang pawh a ni maithei SP, CID ina theihtawp chhuah tura min rawn ngen." james-an a han tih chuan Davida chuan mak ti tak hian a lo en hau mai a. Anni lamin min rawn pun a maw?" a lo ti vat a.
James-a chuan "Pun ve deuh tituai e maw le. Mahse, chumi thu chu nang leh kei bak hian an hre tur a ni lo. Tin, police lam leh CID lam pawhin an hre chuang lo, an chhui chhuiin an chhui ang a, k)i nin kan chhui chhuiin kan chhui bawk ang. Elpui tur kan nei a nih chu, chuvangin hna lamah rilru i han pe nghal dawn teh ang hmiang." a han ti a.
"Nizan khan i hriat angin thli leh ruah a turu hle mai a. Chuti chung chuan pawikhawihtute hian an tih tur chu an thulh phah lo mai ni lovin thli leh ruah kha inphen nan an hmang pawh a ni thei tho mai." James-a chuan a han ti a.
"An i tih, pakhat aiin an tam tih engtinnge i hriat theih?" Davida chuan a lo ti khauh a. James-a chu a lo nui suk a. "Kha kha alawm ka mamawh nachhan che ka uisathiam." a han tih chuan Davida chu a lo meng rang kher mai.
"I zawhna chhanna chu rinthu mai l chuan ka nei hauh lo. Ni e, pakhat chauh pawh a ni maithei a. Mahse, hetiang thil rapthlak titur hi chuan thurualpui pahnih khat tal a neih ka ring ngawt mai. Pakhat lek pawh lo nise a dang chuang vak love." a ti a.
Davida chuan "Vawinah ruang a awm ngei ang a, chulam chu pan ve phaawt ila beng te pawh a var zual deuh mahna." a tih chuan James-a chuan "I thaw dik leh ta pu Holmes, tirawh kan kal nghal mai dawn em ni?" a lo ti a. Davida chuan i thu vek a lawm pu ber." tih pahin a inher nghal a.
Mithi vuinaah chuan mi an tam kher mai a. Lainattu leh khawngaihtu pawh an thahnem ngiang mai. Tin, a mah veng chhung nula hmeltha leh miss chapcharkut te hial pawh lo nitawh a nih avangin uitu a ngah kher mai. James-a chu a chep a chepin kawngkhar bul, a chhunga mite thusawi hre phak tur chuan thuthmun a han rem ve a. Davida erawh chu thlanlaihna lamah kal hmasain vui zawh dawnah a rawn thleng ve hram a.
An vui zawh chuan Jane-i pa ni ngeia a hriat hnenah chuan va kal hnaiin mittui parawl kuang hian "Jane-i a ui thu leh inkawmngeih tak mai an nih thu chu ava sawi hluam hluam a. Chumi pah chuan thil thlendan a han zawt thuak thuak a....
@Dwm Pachuau
James-a office tereuhteah chuan a thianpa Davida nen chuan an thu dun ran a. Davida chuan "Kei chu hetiang lama inhnamhnawih hi thih hrehin ka hreh tawh a nia, i theih hram chuan ka tel lovin chinfel tum tawh mai teh." a han ti hniam raih a. James-a chuan, "I tel lo te chuan pialtlepa liluh tum ang hlauh a ni dawn a nih chu." a lo ti bauh a. Dzvida chuan "Vel a che aw, bakah nunna a derthawng duh e mai, hlawh chu engzat pawh nise ka thei tawh lo a ni." a lo ti ve leh a.
James-a chuan a sikret chu a han tankai a, pak bial pap pap pah chuan "Thil tangkai sawi tur i hriat loh pawhin sawi loh tur tal chu hre teh." a lo ti a. Davida chuan "Ka ti tak tak alawm, kha chen nang nen hnu kan chhui tawhnaah khan kan thih teuh thin zia kha i hria em? A hlawk lo thei nasa mai si." a lo ti nuah nuah a.
James-a chuan a mitko lo san ak pah hian "Mahse hei, tun thlengin ila phun bul bul thei tho chu a nih hi...bakah, tun tum chu sum pawh a mawm tham deuh dawn a nih hmel. Bakah, sum chu sum a ni a, kan hnathawh rah sengtute hmela hlimna hi i hmuh hmaih thin em ni?" tiin a lo zawt let a. Davida chu lungsi zan lo tih hriat tak hian a lo rum nghat a.
Davida chuan "Anih leh thil awmdan chu han sawi la." a ti thei ta a. James-a chuan, "Nizan thlipui leh ruahpui indo karah khan in veng nula chhuanvawr Jane-i chuan a nun a chan. A chhungten kaihthawh tuma a room an va hawn chuan thisen nena chiah piah nuaihin a khumah a lo thi ang phuau a ni awm e." a han ti a.
Davida chuan makti zet mai hian "Jane-i maw? A va mak ve... I chiang chiah maw?" a lo ti he haw a. James-a chuan "I nula try tum mek a nih vang em ni mak i tih viau?" a lo ti vat a.
Davida chuan "Eng a? Mak i ti ve vak nang e?" a lo ti bauh a. James-a chuan "Ti lo chuang love." a lo ti leh mai a. Davida chuan "A mak hle mai a, chu zawng chu emni i thawnthu hriat chu?" a lo ti a. A thianpa chuan "Chu zawng chu, a bak vak a ngai chuang em ni?" a lo ti ve bawk a.
Davida chuan chhan enah pawh a en tawh lo. "A nih leh enge kan neih?" a han ti leh a, rang zet hian James-a chuan "Tumna." a lo ti leh khauh a. Davida chu beidawng zet hian a han thaw hawk a. Davida melh ralh pah chuan "Chu aia pawimawh chu a awm hleinem. A pawimawh hmasa ber kan nei tawh a. A bak zawng chu a tlachawpin kan inzawn chawp a ngai ang." tih pahin dawhkana cofee chu a han lem khawlh a.
Davida chuan "Kan bultanna tur chu a va han bung deuh bawk ve maw le aw...enge hna hmasa tur pawh ka hre lo. Tin, police leh CID lamin an chhui ngei dawn tho a. Keini pahnih lo inrawlh ve hi a tulna vak ka hre lo hle mai." a lo ti leh hmak a.
Anni lamin an chhui dawn tih chu sawi loha leng a ni a. Mahse, kan hnathawh tawh te avang pawh a ni maithei. Tin, a naute laka rinna a nghah ngam zan loh vang pawh a ni maithei SP, CID ina theihtawp chhuah tura min rawn ngen." james-an a han tih chuan Davida chuan mak ti tak hian a lo en hau mai a. Anni lamin min rawn pun a maw?" a lo ti vat a.
James-a chuan "Pun ve deuh tituai e maw le. Mahse, chumi thu chu nang leh kei bak hian an hre tur a ni lo. Tin, police lam leh CID lam pawhin an hre chuang lo, an chhui chhuiin an chhui ang a, k)i nin kan chhui chhuiin kan chhui bawk ang. Elpui tur kan nei a nih chu, chuvangin hna lamah rilru i han pe nghal dawn teh ang hmiang." a han ti a.
"Nizan khan i hriat angin thli leh ruah a turu hle mai a. Chuti chung chuan pawikhawihtute hian an tih tur chu an thulh phah lo mai ni lovin thli leh ruah kha inphen nan an hmang pawh a ni thei tho mai." James-a chuan a han ti a.
"An i tih, pakhat aiin an tam tih engtinnge i hriat theih?" Davida chuan a lo ti khauh a. James-a chu a lo nui suk a. "Kha kha alawm ka mamawh nachhan che ka uisathiam." a han tih chuan Davida chu a lo meng rang kher mai.
"I zawhna chhanna chu rinthu mai l chuan ka nei hauh lo. Ni e, pakhat chauh pawh a ni maithei a. Mahse, hetiang thil rapthlak titur hi chuan thurualpui pahnih khat tal a neih ka ring ngawt mai. Pakhat lek pawh lo nise a dang chuang vak love." a ti a.
Davida chuan "Vawinah ruang a awm ngei ang a, chulam chu pan ve phaawt ila beng te pawh a var zual deuh mahna." a tih chuan James-a chuan "I thaw dik leh ta pu Holmes, tirawh kan kal nghal mai dawn em ni?" a lo ti a. Davida chuan i thu vek a lawm pu ber." tih pahin a inher nghal a.
Mithi vuinaah chuan mi an tam kher mai a. Lainattu leh khawngaihtu pawh an thahnem ngiang mai. Tin, a mah veng chhung nula hmeltha leh miss chapcharkut te hial pawh lo nitawh a nih avangin uitu a ngah kher mai. James-a chu a chep a chepin kawngkhar bul, a chhunga mite thusawi hre phak tur chuan thuthmun a han rem ve a. Davida erawh chu thlanlaihna lamah kal hmasain vui zawh dawnah a rawn thleng ve hram a.
An vui zawh chuan Jane-i pa ni ngeia a hriat hnenah chuan va kal hnaiin mittui parawl kuang hian "Jane-i a ui thu leh inkawmngeih tak mai an nih thu chu ava sawi hluam hluam a. Chumi pah chuan thil thlendan a han zawt thuak thuak a....
@Dwm Pachuau
| Link: | |
| BBcode: | |
| HTML: | |
| Hide post links |
episode-3
Thlanmual lama ruang an phurh liam hnu chuan Davida chu inchhung lamah ava lut ve a, kil khata James-a leh Jane-i pa inbe mawlh mawlh chu ava hmu a. An inbiak kar laka James-an a rawn mitmei zauh zauh a hmuh chuan pawnah a chhuak nghal vat a, office lam pan chuan a inkhalh liam ta a.
Zan lam a tlaivar nen office ah chuan a thu zawi hnawk a. Thlan laihna lama tlangvalho titi a record ruk chu a han play leh a, uluk fahran mai chuan a ngaithla vang vang a. An titi lah chu a inpersan nasa em em mai a, a chang leh an nui dur dur a. A thenin Jane-i chanchin an hriat ang ang sawiin an ui thu an sawi a. An thusawi chu vawi engemaw zat a ngaihthlak hnuah thil tangkai tur nia a hriat te chu paper-ah a mark zauh zauh a. Tin, mithi chanchin ziahna an sem a hawnte chu a bih kual thuak thuak a. Darkar khat chuang mahnia a ngaihtuahna a kawm hnu chuan James-a chu a rawn lut ve ta a.
James-a chuan cofee leh capsicum roll a rawn chawi lut a. Dawhkana dah pah chuan "Engnge kan an?" a han ti nghal tawng a. Davida chuan "Chu chu ka zawh tum zawk che a ni." a lo ti ve khauh a. James-a chuan "Tunah tak chuan pum lam phunchiar ngawih tir dan bak ka rilruah a awm thei lo." a ti a. Ngawireng chuan cofee leh capsicum roll chu an ei ta mial mial a.
Biang puar pawp pawpa thil ei tun chung chuan "Zanah kal that leh ka duh." james-a chuan a han ti a. Dzvida chuan a melh ngai melh vung vung chung chuan "Apa em ni vawin a mi kha?" a lo ti a. James-a chuan buk nghut nghut pah hian "Biak a nuam khawp mai." a lo ti liam puat a.
An in eipuar fel hnu chuan James-a chuan "Tun hi ngaihdan sawi hun a ni lova, hmanrua kan la khawm chauh a ni nain tun tum thil thleng chu a phurawm dawn riauin ka hria." a han ti a. A thusawi lai chu mitkhap miah lo hian Davida chuan a lo en reng a.
"Apa nena kan inbiakna atang ringawt pawh khan zawhna tamtak ka nei a. Mahse chu chu a kilh a kelha zawh chi a ni si lova, a chhanna chu kan zawn chhuah vek a ngai dawn a ni. Engpawh nise zanin lamah engemaw chen chu hma kan sawn leh ka ring." a han ti a.
Davida mitmeng a hmuh chuan "E nizan i tlaivar tak tiraw? Duh leh zanin chu i lo mu hahdam dawn nia. Hei hi Jane-i mobile a ni a, a chhunga thil awm zawng zawng hi hmanhmawh takin computer ah copy vek rawh le." tih pahin mobile a rawn phawrh chhuak a.
Davida chuan mak ti zet hian "Engtinnge i rawn hawn theih a?" a lo ti chhuak hluai a. Computer ah chuan a copy lut nghal zung zung a. James-a chuan "Ka rawn ruk a nihkha. Kan thil mamawh chu a awmnual turah ngai ang, hmanhmawh la a rang thei ang bera pek let leh a ngai a nia." tiin a lo chhang a.
Chutia James-an Jane-i mobile a rawn hawn thei mai ringawt chu mak hi a ti em em a. Amah Jane-i nen lah an inhre ngai pawh a ni lova, a nu leh pa, a chhungte tumah a hre bawk si lo. Engti tih chuan nge maw a tih ang aw tih ringawt mai chu a ngaihtuah a. A thianpa chu a chhuangin tluk lo hlein a inhria a.
Phone number an han check hmasa ber a, kar khat chhunga a biak zin deuh number 12 lai mai hi an han chhinchhiah a. Chumite chu tute nge an nih? Enge Jane-i nena an inlaichinna tih hriat chu an tum a ni. Tin, a thlalak an han en kual leh a, ama thlalak tih loh thlalak dang a lo tam vak lova.
A thlalak pakhat an han en leh chuan Davida chuan "Wow!! Ava nalh ve...a ti chhuak phawng mai. Chu thlalakah chuan Jane-i chu thuthleng dup leh changkang chiah hian panty leh bra nen chauha a thu awn diai lai hi a lang a. En mai chuan a inring lo lai lak a nih a rin theih a, thla laksaktu kut niawm tak hi fiah lo riai hian a lang tel bawk a.
James-a chuan "Han zoom teh." a lo ti vat a. Davida chuan "I tih ka ring rengah..." nui var var chung hian a lo ti a. "Thil danglam hmuh i nei em ni?" David-an a tih chuan "Kha a danglam alawm." a lo ti sam leh et a.
Davida chuan "Tunah mithi a ni ta mai chu a niah...i ui ve viau lo maw?" tih pahin a langchiang thei angber hian Jane-i saruak thlalak chu a lantir a. James-a chuan "A dang han ti zel teh." a lo tih avang chuan phur takin Davida chuan a dang a han lantir leh zat zat a. Mahse, ahma ang ema sexy chu a awm tawh lem lo.
"WhatsApp-ah lut teh." a lo ti leh a. Davida chuan a whatsApp chu a han hawng leh a. Tichuan an duhtawkin Jane-i mobile chu an han chinglet dun ta tak tak a. Davida kawngna lutuk chu rawn dingchhuakin "Hmasawnna tur ka hmuh pawh ka hre lo." a han ti chhuak hluai a. A thusawi hre lo tih hriat tak hian James-a chuan a melh ngai melhin a thluak a lo sawrbing ngat ngat thung a. Chutah, "Chhuak ang." a rawn ti chhuak hlawl mai a.
Davida chuan "Teh hlawl thin che hian, ka mu hahdam thei rih emaw kha ka tia." a lo ti vat a. James-a chuan hrechhuak leh thut niawm tak hian, "Ni dawn tak e. Chu pawh nise heta riah i tum a nih lem loh chuan heta tanga i chhuah tho chu a ngaih hmel. Haw la, va mu hahdam rawh, zanah ka rawn call maithei che a i phone lo silent suh ang che. Kalna tur ka nei, chhuak ang." tih leh kal a rual nghal a. Davida chuan "Ok" tih leh zui a rual nghal bawk a...
@Dwm Pachuau
Thlanmual lama ruang an phurh liam hnu chuan Davida chu inchhung lamah ava lut ve a, kil khata James-a leh Jane-i pa inbe mawlh mawlh chu ava hmu a. An inbiak kar laka James-an a rawn mitmei zauh zauh a hmuh chuan pawnah a chhuak nghal vat a, office lam pan chuan a inkhalh liam ta a.
Zan lam a tlaivar nen office ah chuan a thu zawi hnawk a. Thlan laihna lama tlangvalho titi a record ruk chu a han play leh a, uluk fahran mai chuan a ngaithla vang vang a. An titi lah chu a inpersan nasa em em mai a, a chang leh an nui dur dur a. A thenin Jane-i chanchin an hriat ang ang sawiin an ui thu an sawi a. An thusawi chu vawi engemaw zat a ngaihthlak hnuah thil tangkai tur nia a hriat te chu paper-ah a mark zauh zauh a. Tin, mithi chanchin ziahna an sem a hawnte chu a bih kual thuak thuak a. Darkar khat chuang mahnia a ngaihtuahna a kawm hnu chuan James-a chu a rawn lut ve ta a.
James-a chuan cofee leh capsicum roll a rawn chawi lut a. Dawhkana dah pah chuan "Engnge kan an?" a han ti nghal tawng a. Davida chuan "Chu chu ka zawh tum zawk che a ni." a lo ti ve khauh a. James-a chuan "Tunah tak chuan pum lam phunchiar ngawih tir dan bak ka rilruah a awm thei lo." a ti a. Ngawireng chuan cofee leh capsicum roll chu an ei ta mial mial a.
Biang puar pawp pawpa thil ei tun chung chuan "Zanah kal that leh ka duh." james-a chuan a han ti a. Dzvida chuan a melh ngai melh vung vung chung chuan "Apa em ni vawin a mi kha?" a lo ti a. James-a chuan buk nghut nghut pah hian "Biak a nuam khawp mai." a lo ti liam puat a.
An in eipuar fel hnu chuan James-a chuan "Tun hi ngaihdan sawi hun a ni lova, hmanrua kan la khawm chauh a ni nain tun tum thil thleng chu a phurawm dawn riauin ka hria." a han ti a. A thusawi lai chu mitkhap miah lo hian Davida chuan a lo en reng a.
"Apa nena kan inbiakna atang ringawt pawh khan zawhna tamtak ka nei a. Mahse chu chu a kilh a kelha zawh chi a ni si lova, a chhanna chu kan zawn chhuah vek a ngai dawn a ni. Engpawh nise zanin lamah engemaw chen chu hma kan sawn leh ka ring." a han ti a.
Davida mitmeng a hmuh chuan "E nizan i tlaivar tak tiraw? Duh leh zanin chu i lo mu hahdam dawn nia. Hei hi Jane-i mobile a ni a, a chhunga thil awm zawng zawng hi hmanhmawh takin computer ah copy vek rawh le." tih pahin mobile a rawn phawrh chhuak a.
Davida chuan mak ti zet hian "Engtinnge i rawn hawn theih a?" a lo ti chhuak hluai a. Computer ah chuan a copy lut nghal zung zung a. James-a chuan "Ka rawn ruk a nihkha. Kan thil mamawh chu a awmnual turah ngai ang, hmanhmawh la a rang thei ang bera pek let leh a ngai a nia." tiin a lo chhang a.
Chutia James-an Jane-i mobile a rawn hawn thei mai ringawt chu mak hi a ti em em a. Amah Jane-i nen lah an inhre ngai pawh a ni lova, a nu leh pa, a chhungte tumah a hre bawk si lo. Engti tih chuan nge maw a tih ang aw tih ringawt mai chu a ngaihtuah a. A thianpa chu a chhuangin tluk lo hlein a inhria a.
Phone number an han check hmasa ber a, kar khat chhunga a biak zin deuh number 12 lai mai hi an han chhinchhiah a. Chumite chu tute nge an nih? Enge Jane-i nena an inlaichinna tih hriat chu an tum a ni. Tin, a thlalak an han en kual leh a, ama thlalak tih loh thlalak dang a lo tam vak lova.
A thlalak pakhat an han en leh chuan Davida chuan "Wow!! Ava nalh ve...a ti chhuak phawng mai. Chu thlalakah chuan Jane-i chu thuthleng dup leh changkang chiah hian panty leh bra nen chauha a thu awn diai lai hi a lang a. En mai chuan a inring lo lai lak a nih a rin theih a, thla laksaktu kut niawm tak hi fiah lo riai hian a lang tel bawk a.
James-a chuan "Han zoom teh." a lo ti vat a. Davida chuan "I tih ka ring rengah..." nui var var chung hian a lo ti a. "Thil danglam hmuh i nei em ni?" David-an a tih chuan "Kha a danglam alawm." a lo ti sam leh et a.
Davida chuan "Tunah mithi a ni ta mai chu a niah...i ui ve viau lo maw?" tih pahin a langchiang thei angber hian Jane-i saruak thlalak chu a lantir a. James-a chuan "A dang han ti zel teh." a lo tih avang chuan phur takin Davida chuan a dang a han lantir leh zat zat a. Mahse, ahma ang ema sexy chu a awm tawh lem lo.
"WhatsApp-ah lut teh." a lo ti leh a. Davida chuan a whatsApp chu a han hawng leh a. Tichuan an duhtawkin Jane-i mobile chu an han chinglet dun ta tak tak a. Davida kawngna lutuk chu rawn dingchhuakin "Hmasawnna tur ka hmuh pawh ka hre lo." a han ti chhuak hluai a. A thusawi hre lo tih hriat tak hian James-a chuan a melh ngai melhin a thluak a lo sawrbing ngat ngat thung a. Chutah, "Chhuak ang." a rawn ti chhuak hlawl mai a.
Davida chuan "Teh hlawl thin che hian, ka mu hahdam thei rih emaw kha ka tia." a lo ti vat a. James-a chuan hrechhuak leh thut niawm tak hian, "Ni dawn tak e. Chu pawh nise heta riah i tum a nih lem loh chuan heta tanga i chhuah tho chu a ngaih hmel. Haw la, va mu hahdam rawh, zanah ka rawn call maithei che a i phone lo silent suh ang che. Kalna tur ka nei, chhuak ang." tih leh kal a rual nghal a. Davida chuan "Ok" tih leh zui a rual nghal bawk a...
@Dwm Pachuau
| Link: | |
| BBcode: | |
| HTML: | |
| Hide post links |
episode-4
Khawhar in a an zai ri dap dap thawm chuan lung a kuai kher mai. James-a chu in chhungah awm lovin pawnah mi zingah a thu ve a. Thimhlim velah Jane-i te in leh a chheh vel zawng zawng chu a en thlithlai vek tawh a. Tin, khaw en lai khan a en chhuak vek tawh bawk a. A rukin a mobile chuan thla te pawh a la a. Pawn lama mite titi chu bengvarna tur a awm em tiin a ngaithla kar a.
Dar kaw rik hma deuhin lengkhawm chu an bang ta a. Chutia lengkhawm an ban takah chuan James-a chu in chhung lamah a thu lut ve ta thung a. Tumah hmelhriat a nei lova, tumahin ani chu an hre hek lo. Mahse, tlangnel takin midangte chu a kawm ve bawrh bawrh a. Midangte pawhin an hmelhriat biak ve mai zel bawk a.
Ngun taka lo entu tan chuan James-a chuan engkim mai chu hmuh kim vek a tum emaw tih mai tur hian a en chik a. Darkar khat vel a thut hnu chuan khawhar in riahpui tur tlangvalho an rawn lut khap khap a. James-a chu haw turin a chhuak ve ta a.
Tichuan a office lam pan chuan a inkhalh haw ta a. Kawng tluan mai chuan chhun lama a hun hman dan leh a thil hmuh te chu a ngaihtuah kir nauh nauh a. Chutia a ngaihtuahna kawma a rilru a kal ding lai tak chuan kawngpuia hmeichhe pakhat kawngkan tur hi a su thawi ta thuak mai a. James-a chu a harh chiang kher mai. A bike chu a brake ri tuarh a. Amah chu a let nghal tawp bawk a.
Mi a su ngei niin a inhria a, a nat lem loh avangin a tho nghal thuai a. Mahse, a'n hawi kual a tumah reng reng a hmu ta lo mai. James-a chuan mak a ti kher mai. A hmel a hmu chiang hman lova, sir zawng deuha hmu leh hmu vuai chauh a nih avangin a hmai hmel awmdan engmah a hre hman lo.
A bike chu a tung a, mak ti tak chuan a hawi kual vat vat a. A sana chu a'n bih zawk a, dar 10 a lo la ri lo deuh a. "A tu chu nge maw i nih mai mai le, nangmah phiangsen vangin ka tluk phah lehnghal." a ti nuah nuah a. Khawi mah han kalbo na hman a awm bawk si loh avangin a bulhnai te chu a en kual thuak thuak a.
Chutia a awmna bul hnai vel a en lai chuan bike pakhat hi a rawn tlan a. James-a bike, kawng lai angreng taka lo ding leh petrol far tluah tluah a hmuh chuan a chesual a nih ringin "Thianpa i tlu em ni?" a rawn ti a. James-a chuan a bike kawngsira hun that sawk sawk pah chuan "Nia mawle...mahse ka na love, engtinmah ka awm lo." a lo ti a.
Chupa chuan "I tlanchak deuh em ni heng lai laiah te i tluk a? Kawng ngil lai takah lehnghal." a han ti leh a. "A, aw nia tlan chak vak lo. A pangngai a ni mai. Ka tisual palh ve mai mai a ni." tiin a lo chhang leh mai a. Chupa chu a kal leh mai dawn emaw a tih lai chuan "I na lo tak tak maw? Keipawh khilaiah khian hmeichhe pakhat vangin ka rawn tlu tep alawm. Mahse ka tlan muang hrim hrim a." a ti leh talh a.
James-a chuan "Lian lampang sam sei a ni em?" a lo ti vut a. Chupa chuan "Aw ni e, engtinnge i hriat a? A hmel chu ka hmu chiang hman lova." a tih chuan James-a chuan "Ih, englo ka thiannu a nia. A titau a lawm mawle..." a lo ti zaih a.
Chupa chuan nui vur vur chung hian "Chu ava zia lo ve a, khi lai maiah khian a nihkha ka hmuh han thlem rawh, a la kal hla hman lovang ka ring. A nih ka kalsan mai ang che." tiin a tlan ta a.
James-a chuan a thiltawn leh chupa thusawi te chu a han ngaihtuah thin a, mak a ti tawlh tawlh mai. A bike chu a han tinung a, muangchangin a tlan ve ta a. A mit chu a len ngun kher mai a, a bike head ligh-ina a chhun phak zawng zawng chu a en ngun em em vek tawh mai.
Tichuan muangchangin a tlan zel a, kawngkawi kual deuh mai a tlan lai tak chuan a sir zawn kawngsir, a tlanpelh tep tawha hmeichhe pakhat lo ding chu a mitsir hian a hmu leh ta zauh mai a. Rang lutuk mai hian a ding leh chawt a. A han hawi let nghal a, hmeichhe pakhat stepa a chhuk tur chiah chu a zuk hmu hman vuai a.
Chu ve leh James-a chuan a bike chu a stand sawk sawk a, hmeichhe liamna step lam pan chuan a tlan ta nghal a. Step bul ava thlen chuan tumah a hmu leh ta lo mai. Mak ti tak mai hian "A ngaite bawkin maw?" a ti chhuak sap a.
Step bulah chuan a ding ran a, "Mai mai che chuan, ka va zawng hmu dawn rua che em." tih leh stepa chhuk chu a rual nghal a. Thui fe a chhuk hnu chuan step chu a lo peng a, let leh mai a rilruk deuh a. Mahse step peng thleng tal chu kal chhin teh ang ti rilru chung chuan a chhuk zel a.
Step peng a thlen chuan a peng zawk lam chu ava hawi phei a, hmeichhe pakhat kal hnak hnak chu ava hmu leh ta mai. "Khai aw! I ngal a va chak deuh ve le thiani." tih pahin a zui ru ve ta a. A tirah chuan amah chu han auh vak a lo ding tura tih mai a han tum a. Mahse, a rilru pakhatah mihring ang lo riaua hriatna a neih bawksi a vangin a theih chin chin chu zui ruk a tum leh ta zawk a.
A mobile chu a rn nghawr der der a. Mahse, a hmaa kal mek chu hloh leh palh a hlauh em avangin thildang zawng chu a ngaihtuah duh rih lo. Khua chu dur lo se thla a eng maithei a. Mahse, khawdur chuan thla eng tur a hliah deuh avangin a lang ri riai thei chauh a. A rei telh telh a a hmeichhe zui chu a kal chak telh telh hian a hre ta tlat mai...
@Dwm Pachuau
Khawhar in a an zai ri dap dap thawm chuan lung a kuai kher mai. James-a chu in chhungah awm lovin pawnah mi zingah a thu ve a. Thimhlim velah Jane-i te in leh a chheh vel zawng zawng chu a en thlithlai vek tawh a. Tin, khaw en lai khan a en chhuak vek tawh bawk a. A rukin a mobile chuan thla te pawh a la a. Pawn lama mite titi chu bengvarna tur a awm em tiin a ngaithla kar a.
Dar kaw rik hma deuhin lengkhawm chu an bang ta a. Chutia lengkhawm an ban takah chuan James-a chu in chhung lamah a thu lut ve ta thung a. Tumah hmelhriat a nei lova, tumahin ani chu an hre hek lo. Mahse, tlangnel takin midangte chu a kawm ve bawrh bawrh a. Midangte pawhin an hmelhriat biak ve mai zel bawk a.
Ngun taka lo entu tan chuan James-a chuan engkim mai chu hmuh kim vek a tum emaw tih mai tur hian a en chik a. Darkar khat vel a thut hnu chuan khawhar in riahpui tur tlangvalho an rawn lut khap khap a. James-a chu haw turin a chhuak ve ta a.
Tichuan a office lam pan chuan a inkhalh haw ta a. Kawng tluan mai chuan chhun lama a hun hman dan leh a thil hmuh te chu a ngaihtuah kir nauh nauh a. Chutia a ngaihtuahna kawma a rilru a kal ding lai tak chuan kawngpuia hmeichhe pakhat kawngkan tur hi a su thawi ta thuak mai a. James-a chu a harh chiang kher mai. A bike chu a brake ri tuarh a. Amah chu a let nghal tawp bawk a.
Mi a su ngei niin a inhria a, a nat lem loh avangin a tho nghal thuai a. Mahse, a'n hawi kual a tumah reng reng a hmu ta lo mai. James-a chuan mak a ti kher mai. A hmel a hmu chiang hman lova, sir zawng deuha hmu leh hmu vuai chauh a nih avangin a hmai hmel awmdan engmah a hre hman lo.
A bike chu a tung a, mak ti tak chuan a hawi kual vat vat a. A sana chu a'n bih zawk a, dar 10 a lo la ri lo deuh a. "A tu chu nge maw i nih mai mai le, nangmah phiangsen vangin ka tluk phah lehnghal." a ti nuah nuah a. Khawi mah han kalbo na hman a awm bawk si loh avangin a bulhnai te chu a en kual thuak thuak a.
Chutia a awmna bul hnai vel a en lai chuan bike pakhat hi a rawn tlan a. James-a bike, kawng lai angreng taka lo ding leh petrol far tluah tluah a hmuh chuan a chesual a nih ringin "Thianpa i tlu em ni?" a rawn ti a. James-a chuan a bike kawngsira hun that sawk sawk pah chuan "Nia mawle...mahse ka na love, engtinmah ka awm lo." a lo ti a.
Chupa chuan "I tlanchak deuh em ni heng lai laiah te i tluk a? Kawng ngil lai takah lehnghal." a han ti leh a. "A, aw nia tlan chak vak lo. A pangngai a ni mai. Ka tisual palh ve mai mai a ni." tiin a lo chhang leh mai a. Chupa chu a kal leh mai dawn emaw a tih lai chuan "I na lo tak tak maw? Keipawh khilaiah khian hmeichhe pakhat vangin ka rawn tlu tep alawm. Mahse ka tlan muang hrim hrim a." a ti leh talh a.
James-a chuan "Lian lampang sam sei a ni em?" a lo ti vut a. Chupa chuan "Aw ni e, engtinnge i hriat a? A hmel chu ka hmu chiang hman lova." a tih chuan James-a chuan "Ih, englo ka thiannu a nia. A titau a lawm mawle..." a lo ti zaih a.
Chupa chuan nui vur vur chung hian "Chu ava zia lo ve a, khi lai maiah khian a nihkha ka hmuh han thlem rawh, a la kal hla hman lovang ka ring. A nih ka kalsan mai ang che." tiin a tlan ta a.
James-a chuan a thiltawn leh chupa thusawi te chu a han ngaihtuah thin a, mak a ti tawlh tawlh mai. A bike chu a han tinung a, muangchangin a tlan ve ta a. A mit chu a len ngun kher mai a, a bike head ligh-ina a chhun phak zawng zawng chu a en ngun em em vek tawh mai.
Tichuan muangchangin a tlan zel a, kawngkawi kual deuh mai a tlan lai tak chuan a sir zawn kawngsir, a tlanpelh tep tawha hmeichhe pakhat lo ding chu a mitsir hian a hmu leh ta zauh mai a. Rang lutuk mai hian a ding leh chawt a. A han hawi let nghal a, hmeichhe pakhat stepa a chhuk tur chiah chu a zuk hmu hman vuai a.
Chu ve leh James-a chuan a bike chu a stand sawk sawk a, hmeichhe liamna step lam pan chuan a tlan ta nghal a. Step bul ava thlen chuan tumah a hmu leh ta lo mai. Mak ti tak mai hian "A ngaite bawkin maw?" a ti chhuak sap a.
Step bulah chuan a ding ran a, "Mai mai che chuan, ka va zawng hmu dawn rua che em." tih leh stepa chhuk chu a rual nghal a. Thui fe a chhuk hnu chuan step chu a lo peng a, let leh mai a rilruk deuh a. Mahse step peng thleng tal chu kal chhin teh ang ti rilru chung chuan a chhuk zel a.
Step peng a thlen chuan a peng zawk lam chu ava hawi phei a, hmeichhe pakhat kal hnak hnak chu ava hmu leh ta mai. "Khai aw! I ngal a va chak deuh ve le thiani." tih pahin a zui ru ve ta a. A tirah chuan amah chu han auh vak a lo ding tura tih mai a han tum a. Mahse, a rilru pakhatah mihring ang lo riaua hriatna a neih bawksi a vangin a theih chin chin chu zui ruk a tum leh ta zawk a.
A mobile chu a rn nghawr der der a. Mahse, a hmaa kal mek chu hloh leh palh a hlauh em avangin thildang zawng chu a ngaihtuah duh rih lo. Khua chu dur lo se thla a eng maithei a. Mahse, khawdur chuan thla eng tur a hliah deuh avangin a lang ri riai thei chauh a. A rei telh telh a a hmeichhe zui chu a kal chak telh telh hian a hre ta tlat mai...
@Dwm Pachuau
| Link: | |
| BBcode: | |
| HTML: | |
| Hide post links |
episode-5
James-a chu a kal chak ve telh telh a, mahse a hnaih thei reng reng lo mai. A tawpahh phei chuan a thawm pawh dim sen a ni ta lova, a tlan chuan a tlan titih deuh thaw tawh. Um phak ngei tuma a tlan hlawk hlawk lai chuan enge mawni hi a pala a tlu ta thlawrh mai.
Thawh leh mai a tum chu a han inbeng kang a. Mahse, a ding mar leh tep tih chuan a rah pialin a tawlh leh ta mai a, han invawn na mai tur awm hek lo a thlang lamah chuan a lum thla ta bian bian mai a. A thlang kawr ruamah chuan a zuk tla thum ta dawp mai a.
James-a chuan a lu a zuk sawh na lammah chuan a hai chhawlh mai. Thawh a han tum a, mahse a che thei ta reng reng lo. A rilru erawh chu a fimin a hria, "Ka harh ka har, ka na lo." a ti sap sap a. Mahse, chuti chung zel chuan nikhaw hre lovin a let hlawm ta reng mai a.
Zing ni chhuak chu a mawi hle mai a. Davida zing tho chuan a phone chu a melh vang vang a. Chutih lai tak chuan a phone chu a rawn ri a, a phu deuh zawk nghe nghe a. Rang takin "Hallo." a han ti a. Lehlama aw chuan "Nizanah i thianpa a rawn haw lo a nia, thil buaipui lai in nei leh tawh em ni pek?" a rawn ti tawng mai a.
Davida chuan James-a nu a ni tih a aw atang chuan a hre nghal mai a, bah deuh nak hian "Aw, a ih eng lo. Aw neih chu kan nei a, mahse nizan chu kan inzui miah lova, phone ka lo tum ang e." a ti a.
Lehlama aw in enge maw sawi a rawn tum leh lai tak chuan Davida chuan a phone chu a hmet hlum hmak a. Rang takin a thianpa number chu a dial nghal a. Mahse swich off a inti tlat mai. Vawi thum lai a dial hnu pawhin swich off a intih tlat a vangin a tho a, office lam pan chuan a inkhalh chhuak nghal a.
Tawng lawng lawng thawm hian James-a chu a tiharh hlawl mai a, a meng chhuaka a han hawi kual nghal vat vat a. A tir chuan a mit a vai avangin khawiahnge a awm tih pawh a hre lawk lova, a mit a nuai nawk nawk hnu chuan a hmu fiah ta. Mak ti tak maiin a tho chhuak nghal a. A tukhum chu a nain a lu a rit luk a.
"Engtinnge thlanmualah hian ka awm theih? He hmuna ka kal lai ka hre hauh lo mai." ti nuah nuahin zan lama a hun hman dan chu a han chhut kir a. Hmeichhe pakhat a zuina lama a tluk thleng kha a hre chhuak thei a. Mahse, engtinnge tunah thlanmuala a lo awm ngawt dan erawh chu a hre lo chiang kher mai.
A chhak lam a han hawi chho a, amah chu mak tih hmel leh rinhlelh hmel taka mi pathum lai maiina an lo en reng a hmuh chuan a inbeng fai thawk thawk a, nuamti fahran lo chuan a kalsawn ta nal nal a.
Kal pah chuan zan lama a hun tawn chu a ngaihtuah kir ngat ngat a. Mak a tiin a hrethiam lo takzet. A bike dahna lah chu a hla hrep mai si a, ke chuan a pan ta ngat ngat a. A kekawr ipte chu a'n zen a, a mobile chu a han la chhuak a. A lo inswich off a, a han on dawn a baterry low a vangin a on theih bawk si lo. A bike dahna chu hah thi kulin a thleng a. Office lam pan chuan a inkhalh liam ta vang vang a.
Office a thlen chuan a lo inkalh tlat bawk si, Davida ngaih chu a tha zan lo tawh a. Mahse, chutia ngaihtuahawm a nih phei chu a ring chuang lova. Enge maw thil pawimawh tak a buaipui laklawh a nih a ring mai a. Mahse, a rilru lehlamah chuan phone takngial pawh a la miah lo leh zing lama a swich off leh tlat bawk si khan a ngaih a ti tha lo deuh a ni. In a a riak bawk si lo chuan a thianpa chu hmuh a nghakhlel kher mai.
A tih ngaihna hre lo chu a hawi a hawi a, khawiah tak awm ang che maw tia ngaihtuaha let leh mai a tum lai tak chuan James-a chu pawr phing pheng hian a rawn thleng ve ta hlawl mai a. David-an a lo hmuh chuan phung hmu ang mai hian a ka hau mai a. "Hremhmun a tanga rawn chhuak te pawh iva ang ve?" a lo ti hluai a.
James-a chuan lo nuih suk pah hian "I ti dik tep, a panna kawtchhuah atang zawkin a nia." a lo ti a. Davida chu a ngawi vang vang a, "Thlanmualah i kal a maw? Engnge i tih a?" a o ti leh ha a. James-a chuan "Ka riak maw le..." a lo ti leh mai a.
A ngaihna hre lo zet hian Davida chu a nui thaw a. "Kan nula hmelthai chu a khawhar i lo zuk hnem pek a ni maw? A damlai ai chuan kawm a nuam phian lawngmaw?" a lo ti a. James-a chuan kawngkhar hawn pah hian "Kan hlim dun khawp mai." a ti a.
Davida chuan a thianpa hmel leh hawiher chu chik tak hian a en a, enge maw tak chu awmin a hre tlat mai. "Eng thil chiah nge nizanah i tawn a?" a han ti chhuak leh phawng mai a. James-a chuan a phone chu a charge mawlh mawlh a. Davida lam chu rawn hawiin "A tam mai, nakinah ka la hrilh ang che. Tunah tak chuan ka ril a tam lutuk." tih pahin cheng 500 note hi Davida chu a pe nghal a.
A mitko lo san ak pah hian pawisa chu a la a, "Chhangthawp fry ka va zawng ang e." tih leh chhuah a rual nghal a. A kal tak hnu chuan James-a chuan a chhungte chu a call nghal a. Nizan a rawn haw hman loh thu leh a phone baterry a low vek avanga chanchin a hrilh theih loh thu chu dawt sawiin a hrilh luam a. A nu rawn an thui hmain "Ka lo haw mek, office ah ka lut kawi zawk." tih pahin a phone chu a dah nghal a. Rei vak loah Davida chu a rawn lut ve leh nghal bawk a.....
@Dwm Pachuau
James-a chu a kal chak ve telh telh a, mahse a hnaih thei reng reng lo mai. A tawpahh phei chuan a thawm pawh dim sen a ni ta lova, a tlan chuan a tlan titih deuh thaw tawh. Um phak ngei tuma a tlan hlawk hlawk lai chuan enge mawni hi a pala a tlu ta thlawrh mai.
Thawh leh mai a tum chu a han inbeng kang a. Mahse, a ding mar leh tep tih chuan a rah pialin a tawlh leh ta mai a, han invawn na mai tur awm hek lo a thlang lamah chuan a lum thla ta bian bian mai a. A thlang kawr ruamah chuan a zuk tla thum ta dawp mai a.
James-a chuan a lu a zuk sawh na lammah chuan a hai chhawlh mai. Thawh a han tum a, mahse a che thei ta reng reng lo. A rilru erawh chu a fimin a hria, "Ka harh ka har, ka na lo." a ti sap sap a. Mahse, chuti chung zel chuan nikhaw hre lovin a let hlawm ta reng mai a.
Zing ni chhuak chu a mawi hle mai a. Davida zing tho chuan a phone chu a melh vang vang a. Chutih lai tak chuan a phone chu a rawn ri a, a phu deuh zawk nghe nghe a. Rang takin "Hallo." a han ti a. Lehlama aw chuan "Nizanah i thianpa a rawn haw lo a nia, thil buaipui lai in nei leh tawh em ni pek?" a rawn ti tawng mai a.
Davida chuan James-a nu a ni tih a aw atang chuan a hre nghal mai a, bah deuh nak hian "Aw, a ih eng lo. Aw neih chu kan nei a, mahse nizan chu kan inzui miah lova, phone ka lo tum ang e." a ti a.
Lehlama aw in enge maw sawi a rawn tum leh lai tak chuan Davida chuan a phone chu a hmet hlum hmak a. Rang takin a thianpa number chu a dial nghal a. Mahse swich off a inti tlat mai. Vawi thum lai a dial hnu pawhin swich off a intih tlat a vangin a tho a, office lam pan chuan a inkhalh chhuak nghal a.
Tawng lawng lawng thawm hian James-a chu a tiharh hlawl mai a, a meng chhuaka a han hawi kual nghal vat vat a. A tir chuan a mit a vai avangin khawiahnge a awm tih pawh a hre lawk lova, a mit a nuai nawk nawk hnu chuan a hmu fiah ta. Mak ti tak maiin a tho chhuak nghal a. A tukhum chu a nain a lu a rit luk a.
"Engtinnge thlanmualah hian ka awm theih? He hmuna ka kal lai ka hre hauh lo mai." ti nuah nuahin zan lama a hun hman dan chu a han chhut kir a. Hmeichhe pakhat a zuina lama a tluk thleng kha a hre chhuak thei a. Mahse, engtinnge tunah thlanmuala a lo awm ngawt dan erawh chu a hre lo chiang kher mai.
A chhak lam a han hawi chho a, amah chu mak tih hmel leh rinhlelh hmel taka mi pathum lai maiina an lo en reng a hmuh chuan a inbeng fai thawk thawk a, nuamti fahran lo chuan a kalsawn ta nal nal a.
Kal pah chuan zan lama a hun tawn chu a ngaihtuah kir ngat ngat a. Mak a tiin a hrethiam lo takzet. A bike dahna lah chu a hla hrep mai si a, ke chuan a pan ta ngat ngat a. A kekawr ipte chu a'n zen a, a mobile chu a han la chhuak a. A lo inswich off a, a han on dawn a baterry low a vangin a on theih bawk si lo. A bike dahna chu hah thi kulin a thleng a. Office lam pan chuan a inkhalh liam ta vang vang a.
Office a thlen chuan a lo inkalh tlat bawk si, Davida ngaih chu a tha zan lo tawh a. Mahse, chutia ngaihtuahawm a nih phei chu a ring chuang lova. Enge maw thil pawimawh tak a buaipui laklawh a nih a ring mai a. Mahse, a rilru lehlamah chuan phone takngial pawh a la miah lo leh zing lama a swich off leh tlat bawk si khan a ngaih a ti tha lo deuh a ni. In a a riak bawk si lo chuan a thianpa chu hmuh a nghakhlel kher mai.
A tih ngaihna hre lo chu a hawi a hawi a, khawiah tak awm ang che maw tia ngaihtuaha let leh mai a tum lai tak chuan James-a chu pawr phing pheng hian a rawn thleng ve ta hlawl mai a. David-an a lo hmuh chuan phung hmu ang mai hian a ka hau mai a. "Hremhmun a tanga rawn chhuak te pawh iva ang ve?" a lo ti hluai a.
James-a chuan lo nuih suk pah hian "I ti dik tep, a panna kawtchhuah atang zawkin a nia." a lo ti a. Davida chu a ngawi vang vang a, "Thlanmualah i kal a maw? Engnge i tih a?" a o ti leh ha a. James-a chuan "Ka riak maw le..." a lo ti leh mai a.
A ngaihna hre lo zet hian Davida chu a nui thaw a. "Kan nula hmelthai chu a khawhar i lo zuk hnem pek a ni maw? A damlai ai chuan kawm a nuam phian lawngmaw?" a lo ti a. James-a chuan kawngkhar hawn pah hian "Kan hlim dun khawp mai." a ti a.
Davida chuan a thianpa hmel leh hawiher chu chik tak hian a en a, enge maw tak chu awmin a hre tlat mai. "Eng thil chiah nge nizanah i tawn a?" a han ti chhuak leh phawng mai a. James-a chuan a phone chu a charge mawlh mawlh a. Davida lam chu rawn hawiin "A tam mai, nakinah ka la hrilh ang che. Tunah tak chuan ka ril a tam lutuk." tih pahin cheng 500 note hi Davida chu a pe nghal a.
A mitko lo san ak pah hian pawisa chu a la a, "Chhangthawp fry ka va zawng ang e." tih leh chhuah a rual nghal a. A kal tak hnu chuan James-a chuan a chhungte chu a call nghal a. Nizan a rawn haw hman loh thu leh a phone baterry a low vek avanga chanchin a hrilh theih loh thu chu dawt sawiin a hrilh luam a. A nu rawn an thui hmain "Ka lo haw mek, office ah ka lut kawi zawk." tih pahin a phone chu a dah nghal a. Rei vak loah Davida chu a rawn lut ve leh nghal bawk a.....
@Dwm Pachuau
| Link: | |
| BBcode: | |
| HTML: | |
| Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
episode-6
Davida ei tur rawn lak chu an ei zo rang dun kher mai. Sikret lakaiin James-a chuan a pak hlat hlat a. Davida chuan "Eng chiah maw nizan chuan i tawn a? I hmel te lah chu phung hmu ang maiin a var deuh puap lehnghal a." tiin bul a han tan tha leh a.
James-a chuan a melh ngai a melh veng veng mai a, a hmelah chuan a insawrbing nasa hle a ni tih a hriat mai avangin lo biak buai chhen chu Davida chuan a hreh deuh si a. Mahse, a thianpa thusawi tur chu a ngaithla chak zek zek tawh bawk si.
Chutah rei ngial inbe map lova an thut hnu chuan James-a chu a rawn hawi chhuak a. A thianpa hnenah chuan "Kan hna hi a awlsam dawn lo tawp mai. Lo thu hnai deuh teh, ngun takin i han ngaihtuah dun teh ang." a tih chuan Davida chu phur zet hian a rawn insawn hnai nghal a.
"Anih chuan tawpsan leh mai i duh deuh tihna em ni?" Davida chuan a lo ti a. James-a chuan "A nuam sawt dawn tihna zawk a nih chu." a lo ti let thuai a. Computer on pah chuan "Kan nula-i mobile a number kan lak chhuahho kha biak tlang theih pakhat mah a awm lo." a tihzawm zat a.
"Khai aw! I tum chhin tawh reng reng em ni a?" tiin Davida chuan a lo zawt let vat a. James-a chuan "Tehreng e, chu mai bakah khang numberho kha chhui zui ngaihna a awm miah lo. A chhan chu register pakhat mah a awm lo tlat. Bazar zawrh an lei mai mai a nih hmel." tiin a chhang a.
"Anih chuan engtia tih chi nge ni ang? Kha number neituteho kha an inhnamhnawih vek tihna em ni ang?" a han tih zawm leh zat a. James-a chuan "Chutak chu a ni a buaithlakna lai chu. Ani thih ve leha simcard khati zozai a han thi rual thup mai khan ngaih chu a ti tha lo a ni." a lo ti a.
Davida chuan, "Chuang engtin zel?" a lo ti zauh a. James-a chuan a hnar tuai nauh nauh pah hian "A thih zan khan khua a chhe hle a. Mahse a ni kha khaw that lai, thimhlima chhuak a ni a. A haw lai an hre tawh lo a ni." a ti a.
A han ngawi vang vang a, "Mahse, apa sawi dan khan zan dangah pawh an hriat loh chang a tam tho tlat. Chuti anih chuan kan nula-i hi tawngtai duah tak anih chu a rinawm loh nghal ta phawt mai a. I lo en chiang ve em Jane-i room zawna tukverh chhia, tualthattu sulhnu kha?" tiin Davida chu a han zawt leh rih a.
Davida chuan "Hmuh tur awm ang chi chu ka hmu ve vek chuan ka hria, enge min zawh chhan?" tiin a lo zawt let a. James-a chuan "Eng ni love, ka rilru tibuaitu zawk chu hmuh tur hmuh hmaih aiin hmuh loh tur pawh awm chuang lo kha a ni." a lo ti a.
Davida chuan hrethiam lo zet hian, "Teh duah thin a, han sawi fiah nghal mai thin la." a lo ti vat a. James-a chuan lo nuih ruh pah hian "Mak i ti ve miah lo mi tukverh chhe zawn pawn bang lama mihring hnuhma awm reng reng lo kha. Tukverh atang khan lo zuangthla ni ta ang se la, a vanneih berah pawh a ruh zatve chu a sawh sawm vek ka ring tho tho." a han ti leh a.
Davida hmel en chuan a bo telh telh a ni tih a hriat tlat. "A va mak awm ve." a lo ti bauh a, James-a chuan "A englai chu?" a lo ti ve leh khauh a. Davida chuan a lu thak lo pui chu a hiat suah suah a. "Hetiang hna hi kan thawk khat ta deuh a ni, ka thluak a bil tlat mai." a ti niah niah a.
James-a chu a lo nui var var a. "Titeh, engpawh nise haw ila chaw ei teuh phawt mai teh ang. E ngawi teh lawk, hepa hi i hriat hnu a ni em?" tih pahin computer a thlalak chu a han hmet chhuak a. Davida chuan "Ka va'n hre teuh ve, tunge a nih a?" a ti a. James-a chuan "Kan thiani thianpa hlui a nih hmel. Vawin lamah kan hmu dawn nia. Haw phawt ang" a ti a.
Office chu an khar fel a mahni in lam ve ve chu an pan dun ta a. Chaw ei khama Davida rawn lut a hmuh chuan James-a chuan "Thu rawh, iva hman leh rang si ve." a lo ti a. Thuthlenga thut pah chuan "Nizan i hun hman dan min la hrilh lo tih ka hre chhuak a." a lo ti vat a.
"A tulna a awm lem loh hi chuan bengvar loh te pawh a tha phian a sin." james-a chuan a lo tihsan mai a. Davida chuan dilchhut aw tak hian "Hriat duhna chhan tha deuh ka nei maithei sin. Nizan i bike i riahna teh ngawt kha ka hriat loh i ring em ni?" a tih chuan James-a chu a phu deuh zawk a. Chu tak chu Davida chuan a hmuh hmaih hauh lo.
"A nih chuan min hrilh dawn nge keiman ka zawng chhuak ve leh mai dawn?" intithei awm deuh hian a han ti leh ngat a. James-a chuan "Engtin nge i hriat?" a lo ti let vat a. Davida chuan chunglam melh ralh pah hian "Antena te chu hmuntinah kan hung ve bawk." a lo ti hmak a.
"A nih a hnu, i antena chuan a man kim viau lo em ni? A hran a hrana inzawh pawh a ngaih loh chu. Kal ang ka hman chu a ni mai e." tih leh thawh a rual nghal a. Davida chuan "Ka la hre chhuak tho ang sawi hreh eng ang mahla." a lo ti hmak a. Ka antena chu ka'n her kual leh deuh ang e." a tih chuan James-a chu a nui vur vur a. Davida erawh chu a nui tha duh lo kher mai. Tichuan james-a chuan hma hruaiin an tum lam chu an pan ding nghal ta nal nal a.....
@Dwm Pachuau
Davida ei tur rawn lak chu an ei zo rang dun kher mai. Sikret lakaiin James-a chuan a pak hlat hlat a. Davida chuan "Eng chiah maw nizan chuan i tawn a? I hmel te lah chu phung hmu ang maiin a var deuh puap lehnghal a." tiin bul a han tan tha leh a.
James-a chuan a melh ngai a melh veng veng mai a, a hmelah chuan a insawrbing nasa hle a ni tih a hriat mai avangin lo biak buai chhen chu Davida chuan a hreh deuh si a. Mahse, a thianpa thusawi tur chu a ngaithla chak zek zek tawh bawk si.
Chutah rei ngial inbe map lova an thut hnu chuan James-a chu a rawn hawi chhuak a. A thianpa hnenah chuan "Kan hna hi a awlsam dawn lo tawp mai. Lo thu hnai deuh teh, ngun takin i han ngaihtuah dun teh ang." a tih chuan Davida chu phur zet hian a rawn insawn hnai nghal a.
"Anih chuan tawpsan leh mai i duh deuh tihna em ni?" Davida chuan a lo ti a. James-a chuan "A nuam sawt dawn tihna zawk a nih chu." a lo ti let thuai a. Computer on pah chuan "Kan nula-i mobile a number kan lak chhuahho kha biak tlang theih pakhat mah a awm lo." a tihzawm zat a.
"Khai aw! I tum chhin tawh reng reng em ni a?" tiin Davida chuan a lo zawt let vat a. James-a chuan "Tehreng e, chu mai bakah khang numberho kha chhui zui ngaihna a awm miah lo. A chhan chu register pakhat mah a awm lo tlat. Bazar zawrh an lei mai mai a nih hmel." tiin a chhang a.
"Anih chuan engtia tih chi nge ni ang? Kha number neituteho kha an inhnamhnawih vek tihna em ni ang?" a han tih zawm leh zat a. James-a chuan "Chutak chu a ni a buaithlakna lai chu. Ani thih ve leha simcard khati zozai a han thi rual thup mai khan ngaih chu a ti tha lo a ni." a lo ti a.
Davida chuan, "Chuang engtin zel?" a lo ti zauh a. James-a chuan a hnar tuai nauh nauh pah hian "A thih zan khan khua a chhe hle a. Mahse a ni kha khaw that lai, thimhlima chhuak a ni a. A haw lai an hre tawh lo a ni." a ti a.
A han ngawi vang vang a, "Mahse, apa sawi dan khan zan dangah pawh an hriat loh chang a tam tho tlat. Chuti anih chuan kan nula-i hi tawngtai duah tak anih chu a rinawm loh nghal ta phawt mai a. I lo en chiang ve em Jane-i room zawna tukverh chhia, tualthattu sulhnu kha?" tiin Davida chu a han zawt leh rih a.
Davida chuan "Hmuh tur awm ang chi chu ka hmu ve vek chuan ka hria, enge min zawh chhan?" tiin a lo zawt let a. James-a chuan "Eng ni love, ka rilru tibuaitu zawk chu hmuh tur hmuh hmaih aiin hmuh loh tur pawh awm chuang lo kha a ni." a lo ti a.
Davida chuan hrethiam lo zet hian, "Teh duah thin a, han sawi fiah nghal mai thin la." a lo ti vat a. James-a chuan lo nuih ruh pah hian "Mak i ti ve miah lo mi tukverh chhe zawn pawn bang lama mihring hnuhma awm reng reng lo kha. Tukverh atang khan lo zuangthla ni ta ang se la, a vanneih berah pawh a ruh zatve chu a sawh sawm vek ka ring tho tho." a han ti leh a.
Davida hmel en chuan a bo telh telh a ni tih a hriat tlat. "A va mak awm ve." a lo ti bauh a, James-a chuan "A englai chu?" a lo ti ve leh khauh a. Davida chuan a lu thak lo pui chu a hiat suah suah a. "Hetiang hna hi kan thawk khat ta deuh a ni, ka thluak a bil tlat mai." a ti niah niah a.
James-a chu a lo nui var var a. "Titeh, engpawh nise haw ila chaw ei teuh phawt mai teh ang. E ngawi teh lawk, hepa hi i hriat hnu a ni em?" tih pahin computer a thlalak chu a han hmet chhuak a. Davida chuan "Ka va'n hre teuh ve, tunge a nih a?" a ti a. James-a chuan "Kan thiani thianpa hlui a nih hmel. Vawin lamah kan hmu dawn nia. Haw phawt ang" a ti a.
Office chu an khar fel a mahni in lam ve ve chu an pan dun ta a. Chaw ei khama Davida rawn lut a hmuh chuan James-a chuan "Thu rawh, iva hman leh rang si ve." a lo ti a. Thuthlenga thut pah chuan "Nizan i hun hman dan min la hrilh lo tih ka hre chhuak a." a lo ti vat a.
"A tulna a awm lem loh hi chuan bengvar loh te pawh a tha phian a sin." james-a chuan a lo tihsan mai a. Davida chuan dilchhut aw tak hian "Hriat duhna chhan tha deuh ka nei maithei sin. Nizan i bike i riahna teh ngawt kha ka hriat loh i ring em ni?" a tih chuan James-a chu a phu deuh zawk a. Chu tak chu Davida chuan a hmuh hmaih hauh lo.
"A nih chuan min hrilh dawn nge keiman ka zawng chhuak ve leh mai dawn?" intithei awm deuh hian a han ti leh ngat a. James-a chuan "Engtin nge i hriat?" a lo ti let vat a. Davida chuan chunglam melh ralh pah hian "Antena te chu hmuntinah kan hung ve bawk." a lo ti hmak a.
"A nih a hnu, i antena chuan a man kim viau lo em ni? A hran a hrana inzawh pawh a ngaih loh chu. Kal ang ka hman chu a ni mai e." tih leh thawh a rual nghal a. Davida chuan "Ka la hre chhuak tho ang sawi hreh eng ang mahla." a lo ti hmak a. Ka antena chu ka'n her kual leh deuh ang e." a tih chuan James-a chu a nui vur vur a. Davida erawh chu a nui tha duh lo kher mai. Tichuan james-a chuan hma hruaiin an tum lam chu an pan ding nghal ta nal nal a.....
@Dwm Pachuau
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)