HOWLING WOLF BY Sangtea Jüffötë Renthlei

[Ngaia]

HOWLING WOLF EPISODE 1

HOWLING WOLF.jpg (55.35 KiB) Viewed 15618 times

A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Sangtea Jüffötë Renthlei
All rights reserved
http://www.storyfb.com


Robina chungchang a kan hnu chhuina kha keini ho a huho a kan chhuah hnuhnun ber ani hrih a,buaina theu neu deuh engemaw chu kan ti kual ve neuh neuh na a, engmah hna lian tham kan thawk lem lo..

Kumkhat zet chu hahdam takin kan awm ve ta reng mai..kei pawh buaina engmah nei lo in ramri kan a nunna thap meuh a kan chhanchhuah ka hmangaih Rami bulah hun tam zawk ka hmang a..." Tiam tlat e" ti a,kan tan dar ri mawi a rik hun kan nghakhlel dun ve tawh khawp mai...engpawh chu nise chhangchhepa ka nih hnu ah zawng thawnthu hlui tur pawh ka nei tawh lo mai thei che u asin.

Kum khat leh thla khat zet kan awm awl tawh a..Raymonda nen pawh kan inhmu khat hle a..Janeti'n amah a indang a luah hran ni a,kan puih tum khan kan inhmu a,chu pawh chu kar thum zet ani tawh nghe nghe..

Rami rim tum a ka insiam mek lai chuan ka phone chu a ri rawng rawng a...Janeti'n min rawn biak a tum mek ani tih ka hmuh chuan rang takin ka phone chu ka la vat a..

"Hello"

"Aw..Janet..?"

"Val..rang takin...Kulikawn Police Station ah lokal rawh"Janeti chuan a hlauhthawn hmel em em leh nghal a..

"Engatinge? Engnge thil nge ni ta a?"

"Raymonda an man"

"Eng a!!? An man maw?"

"Aw..tlai dar 6 vel khan..."

"Enga tinge?"

"Pawngsual thubuaiah"

"Pawngsual a? "

"Aw..lokal vat la..i lo thlen hunah kimchang zawkin kan sawi dawn nia" Janeti chuan a phone chu a dah nghal a..


A mak kher mai Raymond Lalthazuala pawngsual thubuaiah an man.....!! Thil awm thei pawh va ni suh..mahse Janeti chuan dawt a rawn sawi ngawt lah chu ka ring mang si lo a...mahse Raymonda chu chutiang thil tenawm ti tur chuan ka ring bawk si lo..

Hmanhmawh takin ka insiam vat vat a..Rami te inlam pan ta lo chuan Police Station lam chu bak leng in ka pan ta zawk a...
Kulikawn Police Station chu hun reilote chhung in ka thleng thuai a...hmanhmawh takin stepah chuan ka pen chho mawlh mawlh a....chhawng thumna ka thlen chhoh mek lai chuan Janeti nen kan intawk chiah a...

"enge i tih dawn a?"

"ka lo hmuak dawn che mawle."

"Khawiah nge Raymonda chu?"

"Lock up ah." tih pah in min let pui dawr dawr a..

Lock up kawtah chuan Raymonda nu leh pa te chu an lo thu ngui nghiai a,an hmel ah chuan lungaihna leh mak tihna a in pawlh niai a..kei min hmuh chuan beiseina sang tak an neih phah ve pawh ani mahna an lo ding chhuak hluai a..

Inspector Ramtea pawh a rawn chhuak ve chiah a,a hmelah chuan hrilh hai hmel leh hreawm ti hmel a pu a...lungchhe hmelte pawh a pu lek lek zawk a..tawng lo in min hui a..ngawi reng a lock up chhung a lo thu kun lap mai Raymonda chu ka hmu ta..

"Raymond" ka tih ri avang chuan muangchangin a rawn hawi chhuak a.....a mitmeng chu a thip ram a...a sen deuh ram bawk a..a hmel a thinrim na in thuah thip ram chu ka hmu thiam nghal a..

"Val...a va zahthlak ve le" a ti hnual raih a...

"I ti lo ang tih ka hria alawm" ka ti ve nghal ringawt a.

"Mahse ka awk chu anih si hi"

Ramtea chu a rawn inrawlh ve vat a"Khatiang lam kha chu ka lo hrilhfiah dawn nia..midang hmuhah a him lo palh zawk ang..vala min rawn zui lawk ta che" a ti a..

Raymonda chu kalsan in corridor lamah chuan Ramtea nen chuan kan inzui phei a..hun rei nghak lo in"Enge thil awmzia?" ka ti nghal tawng ringawt a..

"Hmeichhe pakhatin amah pawngsualtu ah a puh a."

"Khawi hmunah? Engtin?"

"FINNY HOTEL ah....F.I.R an theh luh a an sawi dan chuan nimin piah chhun dar 12 vel khan chu hotel a room pakhatah chuan tleirawl pakhat in pawngsual a tawk a,chu tleirawl chuan raymonda hi amah pawngsualtu ah a puh ani"

"Chu hmunah chuan Raymonda chu a kal reng em ni?"

"Aw..Raymonda chuan hmeichhe pakhatin puih angai tih thu phone in a rawn hrilh a chu hmunah chuan ava kal ta ni in a sawi a..dawt a sawilo ang tih chu ring mah ila finfiahna tur engmah Raymonda hian a nei tlat lo a,hriatpuitu emaw finfiahna tur emaw nei se chu awlsam takin kan chhuah thei ang..mahse a finfiahna awmchhun a phone lah chu an ruk bo sak leh nghal a...ruahmanna fel tak nei in thangkam sa ah an awh tir ani in alang." a ti nghal zung zung a..

"Hrep tak hian....tu phiangsen in nge chutiang chu ti duh ang a" ka ti vin tuk a..
"Ka hre bik hauh lo mai....mahse ruahmanna fel tak nei in Raymonda hi an phih awk tlat ani..fing tak a thang chu kam in kha tleirawl kha a pawh per na atan an hmang ani...chuan chu thangkam atang a a tlanchhuah theihna tur zawng zawng chu a hum a rawn dai ani tih an hriat atang khan an la bo nghal bawk" Ramtea chuan a ti leh a...

Sawi mai tur pawh ka hre lo,ka ngawi reng ringawt a...

"engpawh nise raymonda hian a ti lo ang tih chu kan ring ngam a..chuvang chuan engemaw chu kan tih angai ani...kei chuan langsar tak chuan ka pui ngam lo ang che u..a chhan chu misual tan a Police in hma lak chu a tih chi loh dawn a....chuvang chuan nang leh Janeti hian in beih a ngai ani" Ramtea chuan a ti leh a...

Sawi zui vak tur ka hre tawh lo bawk a..Raymonda awmna lam chu kan phei leh a...Raymonda chu a thu kun lap a,Janeti chu lock up kawngkhar vuan chuan a lo ding ngawi reng a...

"Engpawh nise kan haw phawt angai ani" ka va ti a..

Raymonda lam chu ka en a"Raymond..kan haw phawt ang..ka thian...i chungah rinna kan nghat tlat ani..hetiang thil tenawm hi i ti lo ang tih kan ring a..he hmun atang hian kan la chhuak em em ang che.." thinrim insum teuh chung chuan ka ti leh a..

Raymonda chu kalsan in corridor lamah chuan Ramtea nen chuan kan inzui phei a..hun rei nghak lo in"Enge thil awmzia?" ka ti nghal tawng ringawt a..

"Hmeichhe pakhatin amah pawngsualtu ah a puh a."

"Khawi hmunah? Engtin?"

"FINNY HOTEL ah....F.I.R an theh luh a an sawi dan chuan nimin piah chhun dar 12 vel khan chu hotel a room pakhatah chuan tleirawl pakhat in pawngsual a tawk a,chu tleirawl chuan raymonda hi amah pawngsualtu ah a puh ani"

"Chu hmunah chuan Raymonda chu a kal reng em ni?"

"Aw..Raymonda chuan hmeichhe pakhatin puih angai tih thu phone in a rawn hrilh a chu hmunah chuan ava kal ta ni in a sawi a..dawt a sawilo ang tih chu ring mah ila finfiahna tur engmah Raymonda hian a nei tlat lo a,hriatpuitu emaw finfiahna tur emaw nei se chu awlsam takin kan chhuah thei ang..mahse a finfiahna awmchhun a phone lah chu an ruk bo sak leh nghal a...ruahmanna fel tak nei in thangkam sa ah an awh tir ani in alang." a ti nghal zung zung a..

"Hrep tak hian....tu phiangsen in nge chutiang chu ti duh ang a" ka ti vin tuk a..
"Ka hre bik hauh lo mai....mahse ruahmanna fel tak nei in Raymonda hi an phih awk tlat ani..fing tak a thang chu kam in kha tleirawl kha a pawh per na atan an hmang ani...chuan chu thangkam atang a a tlanchhuah theihna tur zawng zawng chu a hum a rawn dai ani tih an hriat atang khan an la bo nghal bawk" Ramtea chuan a ti leh a...

Sawi mai tur pawh ka hre lo,ka ngawi reng ringawt a...

"engpawh nise raymonda hian a ti lo ang tih chu kan ring ngam a..chuvang chuan engemaw chu kan tih angai ani...kei chuan langsar tak chuan ka pui ngam lo ang che u..a chhan chu misual tan a Police in hma lak chu a tih chi loh dawn a....chuvang chuan nang leh Janeti hian in beih a ngai ani" Ramtea chuan a ti leh a...

Sawi zui vak tur ka hre tawh lo bawk a..Raymonda awmna lam chu kan phei leh a...Raymonda chu a thu kun lap a,Janeti chu lock up kawngkhar vuan chuan a lo ding ngawi reng a...

"Engpawh nise kan haw phawt angai ani" ka va ti a..

Raymonda lam chu ka en a"Raymond..kan haw phawt ang..ka thian...i chungah rinna kan nghat tlat ani..hetiang thil tenawm hi i ti lo ang tih kan ring a..he hmun atang hian kan la chhuak em em ang che.." thinrim insum teuh chung chuan ka ti leh a..



Raymonda chu a rawn hawi chhuak a "Val..inkutah ka in nghat tlat ani....heta tang a min lak chhuah dan hi ngaihtuah ula..he hmun a min dah luttu erawh hi chu keiman ka kut ngei hian ka man dawn ani" a ti ram hmak a,a hmelah chuan a thinrim takzet ani tih a hriat theih a...

"FINNY HOTEL ah chuan kan kal hmasak ber angai dawn ani...mahse Police tel lo chuan kan kal thei dawn lo a..Ramtea hi a hman angem..ka va zawt ange" ka ti a..ka kalsan leh nghal a..

Ramtea chuan min kalpui hman hlauh bawk a...police station chu kan chhuahsan ta a....Janeti scooty hnungah chuan thinrim in seh ruh teuh chungin ka thu ngawi reng a..kan hma a tlan Ramtea um pha tawk chuan kan tlan ve zel a...

[Ngaia]

Sikulpuikawn kawngchungah chuan tlanliamin bazar lampan chuan kan tlanphei zel a..dawrpui biak in chhakah chuan ka kual a..a thlang lawk a parking lot ah chuan kan ding ta a..kan in dah fel hnu chuan Finny Hotel lam pan chuan bazar lamah chuan kan inzui thla ta a..

Sobji bazar hnuai a step awmah chuan kan inzui thla zel a...kawngpui kan zuk chhuak leh dawn tep tihah chuan Ramtea chu dinglamah a peng ta a...kawmkar deuh ah chuan kan lut a,thui vak lo kan kal hnu chuan stepah kan inzui chho leh a..step tawpah chuan Finny Hotel tih a lo inziak kalh a....



Kawngkhar pawh kik khaw mawi lem lo chuan Ramtea chu a lut nghal a..inchhungah chuan khualchhawntu a lo awm a...Thil engkim thlen dan leh Raymonda ngei pawh lo hmu tu ani bawk a..Police hmel a hmuh pawh chuan an duh chu hrethiam vek niawm takin hotel room no 6. Chu a melh ralh a...

Ramtea chuan chu pa chu a signal zauh a..room no.6 lam chu kan pan zui nghal a...Ramtea chuan kawngkhar kalhna herh vir chi chu a han herh a..kawngka chu a inhawng ta a..kan pathum chuan kan inzui lut nghal a..

"Engmah la khawih danglam loh ani a...a awmdan pangngai reng in a la awm vek ani"Ramtea chuan a ti a..

Engemaw chhinchiah tur a awm takin ti in chu lai hmun chu uluk takin ka han melh kual a..room lian tham lo tak..khum te fel ran mai hi a in hung a,chu mi hmalamah chuan dawhkan lian vak lo leh thawmhnaw dah khawm na tur wordrope a awm leh a..bathroom lian lem lo tak a awm tel leh bawk a....engmah khawih danglam loh ani ramtea'n a tih zo chiah chu hre reng mah ila..

"Engmah khawih danglam loh i ti em ni kha.."ka ti leh kher a..

"Aw ti e..enge ni a.."

"Pawngsual thlenna hmun ani si a...khumah hian lo pawngsual dawn ta se la..khum hi han en hian chutiang a han chet velna hnu hma a awm hauh lo..rizai hi chu thleh that loh a dah ve tawp ni mai in a lang si a...tin khum ah hian lo ni lo ta pawh nise la..hmeichhia kha atang ve eih anih chuan bungrua te pawh tla darh niai nuai awm tak ani si a" tiin ka zawt ha a.
Ramtea chuan "Chutiang chiah chu alawm ka hmuh chu..mahse chu ringawt chuan Raymonda hi a chhan him zo lo ani...tan chhan tha zawk ka
..tan chhan tha zawk kan mamawh ani..." min en pah chuan a rawn ti a..

Ka in nghahna ber leh kan rin pui ber,kan thluak bur Raymonda chu tan in chhungah a awm miau si a..thluak ka hman ve chu angai ani..Janeti lah chu a boruak tawn in a hneh em avang pawh ani mahna a ngawi reng mai bawk si..dawhkan chung a ashtray inchhawp chu ka en vang vang a,engmah sawi lo in.kawngkhar chu ka hawng a..pawn lamah chuan ka va chhuak leh a...hotel manager, min lo chhawntu ber kha ka va ko a, room lamah chuan ka hruai phei a..

"He roomah hian Raymonda chu a rawn lut ngei amaw?" ka ti nghal ngawt a..

"Aw..a lo lut lai leh a chhuak lai ka hmu ve ve ani..i hmuh ang khan ka thutna atang khan he hotel ah lo lut leh chhuak zawng zawng chu kan hmu vek ani"

"Anih chuan Raymonda chu a awm rei in i hria em?"

"Ka hriat dan chuan hun reilote chiah a awm in ka hria..minutes 5 emaw 10 vel bak a awm lo ang"

"Anih leh he room hi an luah regu viau em?" ka ti leh a..

Aih..he room hi chu room dang ai in a te a,a chep deuh bawk avang hian room dang a awm anih chuan kan pe ngai meuh lo"

"Anih chuan he room luah hnuhnung ber hi eng tia rei nge ni tawh ang le"

"Ngawi rawh..ka lehkhabu kan la ange..kan ziak vek alawm." a ti a..reilote a va chhuak lawk a..lehkhabu keng chung in a rawn lut leh a...

"He ta hi a awm e..kar 2 kal ta daih khan ani tawh.."

"Ani maw? Mikhual an chhuah hnu hian room hi intifai leh thlap thin ang chu tiraw?"

"Aw...mut bu leh an sulhnu zawng zawng hi chu kan tifai vek zel"


"Tunah hi chuan Police ho in an enfiah duh avang in engmah in la khawih sawn lo a...ashtray chhung a meizial bung awm hi han en ula 5 atang a sawm inkar vel lai ani si a..minute 5 atang a 10 vel chhung lek khan Raymonda chuan a zu hauh dawn lo tihna ani a..he room luah hnuhnung ber tu te lah karhnih zet kal ta anih si chuan..thilawm dan han chhut let in Raymonda lo thlen hma hian kan nula khan mi dang alo awmpui tihna ani mai lo maw?" ka ti a..
Ramtea chu a ngawi reng a,ka thusawi chu a awih nge awih lo pawh ka hre chuang lo..ka thusawi nem nghehna atan "He hmun hi pawngsual thlenna hmun anih a,kha tleirawl kha pawngsual diktak tuartu ani ngei anih chuan a au ngei ngei tur ani....pawn a tawng thawm chu ngaithla ula...tawng ring fal deuh chu a hriat theih nghe nghe anih chu....chuti anih chuan duhlo tak a a bei let a a au anih ngat chuan pawn lam atang in tanpuitu chu an lokal ngei ngei ang" ka ti leh a..

Ramtea chuan "He case hi ka kut a awm ani a...hun ka la neih loh avangin he hmun hi ka la belchiang hman lo a..kha tleirawl khan chiang tak a Raymonda ngei hi a puh tlat avang in Raymonda kha man lo thei lo dinhmunah ka ding tlat si ani...he hmunah ngei hian..a tih lai chuan engemaw hre chhuak thut ni awm takin Hotel manager lo ding ngawi ve reng chu a en a" i hna lo va thawk leh tawh rawh..kan lawm lutuk e" a ti a,manager chu a in her hmuk a,pawn lam chu min pan san ta a..

[Ngaia]

Ramtea chuan a thusawilai chu chhun zawmin"..kha manager khan a hmu ngei bawk si a...chuan raymonda kha bum chhuah in a awm ani tih finfiahna tur ber a phone lah kha a bo hmak bawk si a....mahse thil awmdan en hian Raymonda chu kan chhuah theih ka ring..vawiin a kan thil hmuh report hi kan hotute hnenah kan thlen ang a...Raymonda chu a chhuak mai in ka ring a..mahse court lamah chuan a in lan ve ngei angai dawn ani..hmingchhiatna chu a phur tawh tho tho dawn ani..thudik hai chhuah a puan zar anih hma chuan " a ti a...Janeti nen chuan kan in en a,kan thaw huai a...

Ramtea chuan "Zan a rei tawh si a..haw phawt ila..naktukah Raymonda chu a chhuak ang.." a ti a..hlawhtling inti tak in Finny Hotel chu kan chhuahsan ta a...Ramtea erawh chu Hotel Manager nen chuan engemaw an la sawi khaw tlai zawk a..min rawn zui ve leh thuai a....


Zing dar 9:30 am a rik meuh chuan Kulikawn Police Station ah kei leh Janeti leh Raymonda nu leh pa te chu kan kim thap tawh a...minute 10 atang a 15 vel inkar kan thu hman ang tih ah chuan Raymonda chu pawr deuh chap hian kan thutna bul kawngka atang chuan a rawn chhuak hlawl a..a hmel en reng reng pawh chuan nizan lamah khan a muhil mang lo ani tih a hriat theih a....

Thu han sawi kawi duahna hun ani lem lo bawk a...kawt a motor kan dahna lamah chuan kan inzui thla ta hlawm a....

Raymonda te in lam kan pan ta a..in kan thlen hnu pawh chuan in be em em hran lo chuan Raymonda room lamah chuan keini pathum chu kan inzui lut nghal a...Raymonda nu leh pa erawh chu sitting roomah chuan an thu thung a..



Raymonda chuan ka darah min beng thuk a"Val..thian tha tak leh rintlak tak chu i nih hi..Ramtea'n engkim min hrilh vek a..a fak khawp mai che.." a ti a...kei pawh ka khi ve sak a.

Raymonda bawk chuan "ka chung a hetiang thiltha lo ti duhtu hi tunge ni ang...kum khat chuang zet nunphung pangngai leh hahdam takin kan nung tawh a....a pawi lo e..kan chhui chhuak ang a..kan man khawp ang...tu pawh nise khawvelah hian dam a ala awm anih phawt chuan ka man chhuak chiang khawp ang" a ti a,a hmel chuan a ti mai mai hauh lo ani tih a nem nghet a...tunah chuan let lehna kawng awm hauh lo in hnuichhuitu kawng chu kan zawh tan leh dawn ta...

"Finny Hotelah khan ka va kal dawn ani..tun tum chu keima mimal buaina lam thil ani a..lo tel ve turin ka phut lo che u ania" tih pahin a thawmhnaw chu a thlak sawk sawk a..

"Kei chu ka kal ve dawn.." ka ti bauh a..Janeti chuan rang fe hian "Keipawh " a lo ti ve nghal zat bawk a..

Harsatna ruamah pawh inphatsan ngai lo thian pathumte chu kan inzui chhuak leh ta a..
Vawitam tak hnuchhui tur a min phur kual tawh tu car ah ngei chuan kan pathum chuan kan thu ho leh ta..mahse kan boruak tawn in a zir lem lo bawk a tawng hmasa nih kan hreh tlang ani ang...ngawi rengin kan thu a...motor khalh chung chuan Raymonda chuan Ramtea chu a phone a..an inbiak dan atang chuan hotel lamah harsatna awm lo akan luh tlang theihna turin ramtea chu manager lo va be lawk turin a ngen ani tih ka hre thei a.

Finny hotel chu kan pan ding char char a...raymonda hmel chu ka zuk en zawk a....thil tam tak ngaihtuah hmel a pu a...a chung a thil tenawm tak ti tu chu ni ta ila hmun hla takah ka tlanbo ngei ka ring ani...

Finny Hotel chu kan pan chho ta a..Raymonda chu a in ring tawkin mawhphurhna ala ngam ani tih hriat takin a hmasa berah chuan timna nei hauh lo in a kal a..keini in kan zui ve bawk a..




Finny Hotel ka lut a.,Ramtea te nen a kan kal tum amin chhawntu manager bawk khan min lo chhawn a..Raymonda hmel a hmuh chuan a hmel chu a buai deuh nak hian a hriat a..Raymonda chuan kan duh tak chu peh hel hauh lo hian a han sawi tlang nghal a..manager pawh chuan min hnial buai lem lo in kawngkhar hawnna tur chahbi chu min han pe a...

Bum a a awmna hmun ngeiah chuan Raymonda chu kan zui lut a..Raymonda chuan "Uluk takin engkim zir chian tur thil pangngai lo deuh engemaw a awm anih phawt chuan engmah hmaih neih loh tur.." zawhna ngai hauh loh a chiang hian a han ti a.

Ramtea ho a uluk tak a kan lo belhcìan tawh hnu chu uluk lehzual in kan zirchiang leh ta a....

Minute sawm vel zet tawng lo a a awm hnu chuan raymonda chuan "Hmanni a in va kal khan bathroom a lut in awm em?" a rawn ti a...

Kei chuan "Tumah lut an awm lo ani lawm ni..Janet?" tih pahin Janeti chu ka han en a...Janeti chuan " Aw awm lo" a lo ti ve vat a..

Raymonda chuan engmah sawi zui lem lo in bathroom lam chu a pan phei a,bathroom chhungah chuan a va lut a..bathroom chhung atang chuan "Ramtea khan he room hi tumah kal tir lo turin a hrilh inti em ni kha?"a rawn ti lang lang a..

Kei chuan "Aw hrilh e,.alan dan mai atang hi chuan tumah va lut an awm lo ani mai thei ani...engkim hi kan kal hmasak ang thlap khan a la awm ni in alang" ka lo ti vat a..

Raymonda chu a rawn chhuak leh a..chhuat a carpet in phah chu uluk fe in a rawn en phei a...a enna lai chu ka va bih hnai ve a..pheikhawk hniak chu ka va hmu ve thuai a...carpet rawng avang chuan awlsam tak a hmuh mai pawh har tak a ni nghe nghe a.."Mipa 2 an nih hi..kha hmeichhia nen khan pathum an ni a nih chu" a ti a...


Hniak fiah vak lo a lang phei zel chu kan en phei zel a"Bathroomah hian mipa pahnihte hi an lut ve ve a..chuti anih chuan he hmunah hian rei tawk fe an awm anih loh pawn ka va kal lai khan bathroomah hian an lo biru pawh ani mai thei bawk.." a ti leh a..

"Ashtray a meizial bung thahnem fe a awm ve bawk avang khan bathroom a bihruk ai mah chuan rei tawk fe he hmunah hian an lo awm ni zawk in alang" ka lo ti ve leh a..

"Savun pheikhawk chhuat chang lam pang a bun ani mai thei ani..en teh he lai carpet hi..pheikhawk hnuai huh leh chang bawk si chu a nal deuh ani ngei ang..hei a tawlh thlu lek lek anih hi" tih pah in pheikhawk tawlhna hnu hma chu a han kawk a..

"Kha hmun a i va kal khan hmeichhîa khan enge alo sawi a"

"Ruih hmel takin a awm a..thusawi mumal pawh engmah anei lo..mahse thang an kam vang mai mai pawh ani mai thei ani..an thangkam chu chìang takin ka dai per ta ...mahse chu thangah ngei chuan ka awh tir ve dawn ani" a ti leh a...

Amah bawk chuan "Kha manager khan engemaw tal chu a hmu ngei ang mawle.."a ti a,a ngawi leh vang vang a"Pakhat zawk hi chuan sneaker pangngai a bun anih hi..ruahmanna siam tur hian nasa takin an inbuatsaih ani" a ti leh a..
Kei chuan "Ruahmanna siam sa thlapin he thangah hian an phih awk che a...he thang kamtu hi tunge anih ka hre chak tawh khawp mai" ka lo ti a..

"Val..keipawh chu ngei chu ka hriat chak chu ani..nang ang bawkin..ka hre ngei bawk in..nang leh janeti ka bul a in awm chhung chuan tuifinriat mawngah pawh biru se kan hnuk chhuak tho tho ang chu mawle" tih pahin a nui suk a...lock up atang a a chhuah hnu a anuih leh hmasak ber na..

Amah bawk chuan "He hmun atang hian engmah kan hmuh belh tawh dawn lo in ka hria..ka hriat theih zawng chu he hmunah hian thangkam in a awm a,chu thang chu ka dai per a..thangkamtu hmeichhe pakhat leh mipa pahnihte..mipa pahnih te hian pheikhawk in ang lo an bun a..pakhat in wills flake a zu a,pakhatin classic menthol a zu bawk...tih pahin ashtray a meizial bung chu a zuk en leh a.."Classic menthol hi chu Mizoram a cigarette kan hmuh phak chin angah chuan a to pawl tak ani nghe nghe asin....mezial bung hi han en ve teh u..Wills Flake bung hi chu a filter thleng lek lek in a zu vek a..classic menthol erawh hi chu zukloh chin hi a sei riau.."

"Chu chuan enge awmzia a neih a?" ka lo ti hmanhmawh a..

"Val..mihring nun phung alawm..thil kan tihfo chu kan ngaih hlut dan adang thin..classic menthol hi cheng 100 chuang man ani a..hei he meizial zutu in a zuk bun hi en la a meizial bung sei tak ani hlawm a..a awmzia chu hepa hian hetiang cigarrette hi a zu fo tihna anih chu....."

"chu chuan engtikawng in nge min puih theih a?"

"Ni e...cheng 100 man cigarette hi lei fo thei tur chuan khawsak pangngai ve tawk tak ani tihna ani...far star bawk khat pawh lei fo tur chuan i buai thin zia kha ngaihtuah ve ta la"Raymonda chuan a ti leh khauh a..

Janeti chuan kan chhuah hnu atang a vawikhatna atan "Chuan Aizawl khawpui a mi tamtak zingah mihausa fapa awm tha duhlo deuh kan zawn angai dawn ta anih chu..."a rawn ti ve khauh a,.

Thluak tam tak ka lo sen ve tawhna ah chuan thluak tha zawkin thiltha zawk dang a rawn hriat belh ve leh ta..

[Ngaia]

Chu room duh ang thlap a kan belhchian hnu chuan chu hotel chu kan chhuah san ve ta a...

Car chhung a kan luh fel hnu chuan Raymonda chuan "Naktuk tuk leh ah court ah kan inlan angai tawh ang" a ti leh sap a..sawi ve tur dang kan nei lo nge ni kan ngawi thap a..

Amah Raymonda chuan muang ban chat hian "Ka phur tawh khawp mai" a ti teh daih a..

"I phur amaw?" ka lo ti let ha a..

"Phur teh reng mai.."

"Enga ti maw?"

"Engah nge ka phur loh ang..kha hmeichhia dawt a min puhtu kha ka pan buai ngai lo in ka mit hmuhah a rawn inlan ngei dawn a..kha nu hmang khan ka chung a hethil titute hi ka hnuk chhuak dawn ani..hmeichhia kha chu hman rua mai ani..kha nu phenah khan biru an awm ngei ngei tur ani..kha hmeichhia vawikhat pawh ka la hmuh ngai loh khan ka chungah khatiang kha a rawn ti lo tawp ang..court a kan kal ni ah chuan chung mite pawh chu an rawn inlan ve ngei ka ring tlat ani....." a ti leh a..

Motor chu ati nung a..kan tlan haw ta a...kan hma bakah chuan kan rinai thuk leh ril zawk thil inphum a awm a..chu hmun biru chu luh chhuah in chu hmun a mi biru te chu ka hnuk chhuak dawn ani..kan theih chuan..mahse chu hmun thimah chuan keimahni ngei pawh hi kan in hnim hlum hlauh thei ve bawk..
Hnuchhui hna hi chu a hun leh a hmun dik tak a chet thiam leh dinna tur diktak a din thiam hi a pawimawh ber ani fo..court hma a kan inlan hman chuan hma lo lak thawt thawt chu a hun diktak ni a kan hriat loh avangin rilru tawt insum teuh si chuan awm hmunah kan insawh kan insawh ringawt a..

Court ni chu lo thleng vat vat se kan mi duh takte chu chu hmunah ngei chuan an rawn kal dawn si a...mite chuan court hma a in lan hi an hreh in an zam thin ani ngai a,keini erawh chuan kan chak sakhai phian zawk si a...maksak lampang zawk zawkte pawh a hnaih tawh zawk ta ve in ka hria..

LNikhat hi darkar sawmhnih pali ani a..mahse vawiin zet chu darkar 30 vel ani hial awm e..ni chu muangchangin khawthlang lamah a inher ruai ruai a..kawl kung pawh rawng hnawihtu in a duhtawk a rawng mawi tak a a chawh pawlh tluk zetin a mawi a..mahse chung thil mawite ai mah chuan kan hmalam hun tawn tur chuan rilru a kap zawk mah a..ngawi rengin Raymonda roomah chuan kan thu nguai nghiai a...thil pakhat rilru a cham reng chu hei hi ani "he thil atang hian Raymonda hi a talchhuak thei ngei ang..mahse hei erawh hi chu thil chiang sa ani...hliam chu dam mahse ser erawh a cham ve reng tawh dawn ani...mi tam tak chuan thudik pawh hria se Raymonda chu an sawi zui tawh dawn tho tho si a"Pawngsualtu a puh tawh kha" an la ti dawn tho tho si a..chu ngei chu ani thangkam per fuh ber in Raymonda a awh dan chu.

Zing lam dar 10:00 ah chuan courtah chuan keini pathum leh Raymonda nu leh pa te chu kan thu thap tawh a..khawi courtah nge tu hma ah nge kan in lan tih lam chu ka ngaihtuah buai kual peih lo a..ka tih tur chu tute nge chu hmunah chuan lokal a..tunge rinhleh tur tih lo melh kual chu ani mai...chu chu Raymonda'n ti tur a min duh chu ani a..ka hna chu tlin tak a thawh ka tum bawk..

Chu hmun chu a reh ruih a..an eng chhit eng dul ruih chuan chu hmun chu a ti ralmuang lo phian a...kawngkhar ri hlek lam apiang chu kan melh nghal thuai zel a..Raymonda’n thiamloh a chan phah theihna tur kan khingpuite chu kan nghak hlel em em zawk ani si a.

Sanna lian kal kual ri chu a ri hruk hruk a..dar 10:30 thleng pawh chuan tumah reng reng an rawn kal lo..Raymonda ukil tur chu a thutna hmunah chuan a thu vang tawh a..Judge pawh a thu ngawi vung a...dar 10 kha court tan hun tur a hriattir kan ni a..mahse tunah chuan dar 11 a ri dawn hnai tawh ani si a...kan khingpuiturte chu an rawn kal miau loh avang in thiam chang sa tluk kan ni tawh a..hlim viau awm kan nih vei nen..pawi ka ti rilru em em zawk a..



Judge in Raymonda thiam channa thu leh case tih tawp anih dante a puan lai pawh chuan beidawng in ka indawm kun ngawih ngawih zawk a..

Hna awlsam a ni dawn lo tih ka hriat sa tawh kha tunah chuan chu aia harsa zawk dinhmunah chuan kan ding ta zawk ani si a..
Court room chu beidawng takin kan chhuahsan ta a..keini pathum in kan tum leh kan ngaihtuahte chu Raymonda nu leh pa te ngaihtuah nen chuan a inpersan hlauh ani tih an fapa dinhmun harsa tak atang a a talchhuak ta tih an hmuh avang a an lawm zia an lantir avang chuan a hriat theih a..

Keini tan erawh chuan kan hmanraw hman tangkai ber tur leh kan hnuchhui mek min pui tur a kalkawng hnai ber kan hman tangkai hma a tawlh bo ta a ni si a..chu chu vawitam tak hnuchhui a lo feh chhuak tawh tan chuan thil ui awm tawpkhawk ani a tih loh theih loh ani...kha chen kha hna harsa leh khirh tak tak kan lo hmachhawn ho tawh a..nunna hial thap ngaiah pawh kan lo inzui ho tawh a..mahse khang hna zawng zawngah kha chuan bul tanna tur tal kan hmu thin a..mahse tun tumah chuan chutiang engmah a awm mang bar si lo a..khawi lam nge kan hawi dawn a..khawilam pan in kan pen ang a..tu lam hawi in nge kan mit kan len dawn pawh kan hre si lo.

Raymonda nu leh paten chaw ei nghal tur a min sawm miau avangin mahni inlam pawh pan lo in Raymonda te inlamah chuan kan inzui phei leh ta hlawm a..traffic jam kar a kan insawi phei hle hnu chuan Raymonda te in chu kan thleng phei a.

Chawhnu lam dar 1 chauh ala ri bawk a,eirawngbawl lam pawh ngaihtuah hrih lem lo in Raymonda room lamah chuan kan inzui lut leh ta phawt a...

Chair ah chuan engmah ngaihtuah buai peih tawh lo chuan ka thu awn der der a..Raymonda erawh chuan a ngaihtuah muk hle ani tih ka hre mai..rei rial lo chuan a ngaihtuahna hman mekna chu a rawn sawi chhuak ta nge nge a..

"Hrep hlawm tak hian...eng ang mihring pawh ni se la..khawiah pawh awm sela..ka hai chhuak tho tho ang...ka awhna atan thang an kam a..ka dai per ta ngei a..mahse chu thang ngei hmang chuan anmahni chu ka awk let dawn ani " ril kheih khawih tak hian a rawn ti a.

Chairah chuan ka thu ngil deuh a" kha hmeichhia..rawn ko tu che kha i la hre thei angem?" tiin ka zawt let a.


"Ka hria ang..hmeichhe dukdak tak chu ani lo ang...a hmel leh a lan dan en khan zan vak lam mi te pawh a ang dawn dawn in ka hria."

"Chuti chu kha nu kha hmuh leh dan kan ngaihtuah ang a..kha nu atang khan engkim kan hre thei ang chu.."

"Khawi hmunah nge chu nu chu kan zawn ang?" Raymonda chuan min zawt let ha a.

"Julie kan zawn ang khan zawng ila" ka ti ve thung a.

"Julie kha chuan zawnna tur hmun bik min hnutchhiah a..mahse kha nu kha chuan engmah min hnutchhiah si lo a..aizawl khawpui mihring tam tak zing atang a thur chhuak nalh tur chuan a har khawp ang" Raymonda chuan a lo ti ve thung a..

Janeti a rawn tawng ve vat a..Raymonda chu en chung in "Anih leh khawiah nge bul chu kan tan ang a?" a rawn ti ve leh a.

Raymonda chu a ngawi vang vang a"Kha Hotel manager khan engemaw chu hriat a neih ka ring tlat ani.."

"Manager kha maw.?" ka lo ti leh ve thung a.

Raymonda chuan " aw ni e..kha Hotelah khan ka kal ngei ani tih nem nghet tute zing a pakhat ani alawm..chubakah kha Hotel a hmeichhia kha a hre mai thei asin..an Hotel a lut leh chhuak te leh an room no. te pawh a ziak thlap ang chu" a ti leh mai a.

"Anih leh manager chu kan va be dawn tihna em ni?" ka ti leh a.

"Thil pakhat awm thei chu ..kha pa kha leh lam pawl nen a tang rual an ni thei tho bawk..eng pawh chu nise tha zai a kan va biak hmasak phawt chu a fuh ber in ka ring ani" Raymonda chuan a ti leh a.

Kawngdik kan zawh a,kalna tur dik tak lam pan a,kan pen hram ka beisei ani...zan lam a Hotel manager chu va kawm turin rilru chu a inbuatsaih ta a..


Tlai chaw puar peng pawng a kan ei hnu chuan ka zozial tui bik ka khek khal ngei mai chuan ka vawksa ei chu ka han nem nghet salh a...hriselna lam a nghawng theihzia hre reng chung hnar kua ah pawh leng lo khawp a ka hnar khu chhuah luih luih lai chuan ka phone chu a rawn ri rat a...Rami message ani tih ka hmuh chuan rang takin ka hawng vat a..min ngaihzia thu leh nithum lai min hmuh tawh loh avang a a lunglenthu a lo in ziak a...rang takin ka phone chu ka han hmet kual ve zat zat a...keipawn ka ngaihzia thu leh kan buaina chungchang chu hrilh tawh tho mah ila ka hrilh nawn leh a..hmeichhe tam tak in an neih ve loh hriatthiamna anei tlat thin hi Rami special na chu ani..min hriatthiam thu leh min hmangaih thu min rawn thawn let vat a...keipawh in ka hmangaih tih ka hrilh let vat a...

"Sikneuh-a pawn a sih let neuh neuh tawh khu..i hman tawh em ni siklian?" Raymonda chuan a rawn ti a...

"Sih ngai lo a ka bul a awm ve reng chu nise ka sik bik lo ang..." ka tih lai chuan Janeti chuan min lo melh ram ram a..mahse engahmah ka ngai chhete bik lo e a..

"Hnial hrat leh hnialna tur hre thei hle bawk si...kan kal dawn hnai em ni ang?" nui vur vur chungin a ti leh a..

Kei chuan "In pahnih a in hman chuan ka hman e" ka lo ti let ve leh kher a..

Hna tak tak thawk tan tur chuan kan chhuak leh ta...

Finny Hotel chu kan pan ding nghal vang vang a...chhun lam ang a motor a tam tawh loh avang in ding khaw muang lo in kan tlan par par a..minute 15 vel kan tlan hnu chuan kan thleng phei dawn ruai ani mai e.

Car atang a kan chhuah lai chuan Raymonda chuan "uluk takin in mit len ula..hmuh tur a awm anih chuan engmah hmuh hmaih loh tur" a ti sup a...Raymonda thusawi pawh chu chhang zui lem lo in Finny Hotel lam chu kan pan ta a..



Finny hotel ah chuan mikhual pawh an awm nak nak ani tih an thawm atang chuan a hriat theih a, Raymonda chuan kawngka chu hawngin hma a han hruai a..Finny Hotel manager dawhkan lam chu kan pan phei a..manager chuan pangngai thlap hian "enge in duh a ? Lokal rawh u" a lo ti a..vawihnih lai in hmu tawh mah ila min hriat loh hmel khawp mai..

Raymonda chuan "Hman ni a he Hotel pawngsual chungchang avanga a rawn kal tawh te kha kan ni a,biak lawk che kan duh a,hun i nei angem?" hawih hawm zet hian a ti a..

"Hun rei lutuk chu ka nei lo ang a,mahse inkawm zawk chu ka hman ang" a ti ve mai bawk a.

"Room ,pawngsual thlenna ah khan inbia ang aw" Raymonda chuan a ti leh a...engmah harsatna awm lem lo in manager chuan chahbi a keng a..kan inzui lut ta hlawm a.

Raymonda chuan " kha mi ni khan he Hotelah hian pawngsualtu pa kha alo kal ngei tih i hmu tiro?"

"Aw hmu e.."

"Anih leh kha mi hma a mipa 2 lokal,he room a lut ve tho te kha i hmu em?"

"Aih..ka hmu lo"

"I hmu lo maw? Anih leh kha pa kha engtinnge i hmuh bik si.."

"Min rawn be miau alawm"

"Anih khang mipahnihte khan an rawn be ve lo che tihna ani maw?"

"Aw be lo.."

Kei chuan "I hotel a room luahte reng reng chu i lo chhawn vek tur ani si a...chung mi pahnihte chu eng vangin nge an kal tlang ngawt a..?" ka lo ti ve leh thung..

"Aw...ka lo sawi tel lo ani..khami ni khan pawn lamah ka len chhuah avangin chhun lamah kan nau ka thut tir a..chawhnu darkhat velah ka haw chiah alawm" a ti sam et a..ka hmuh dan chuan dawt a sawi ni pawn alang lem si lo a.


Raymonda chuan "A nih leh kan lawm e aw...kal ang ule" ka rinloh lutukin a ti daih a..Raymonda chu ka han en kawk a..mahse kawngkhar lam pan chuan a in her a..a kal nghal daih a..a beidawng ani mahna le...kan zui chhuak ve nghal a..
Kei hi chu harsatna kar atang a beiseina neih hi a harsa ka tih ber thin anih avang in tunah pawh hian beidawnna in ka khat tlat a..car lam chu kan pan ta a..

Car chhung kan luh kim hnu chuan tlan chhuak mai lo in Raymonda chuan "Engnge in hmuh?" tih pah in hnung lam a rawn hawi a..Janeti chuan min rawn melh zauh a..chu zawhna chu chhang se min ti ani tih ka hrethiam mai..

"Enge hmuh tur awm a? Engmah ka hmu lo" tiin pehhel kual lem lo in ka hmuh dan diktak chu ka hrilh a..

Raymonda chuan "Kha manager khan thudik a sawi in i hria em?" a ti leh a..

"Dawt a sawina lai awm ka hmu lo"

"rilru lam zir mi te chuan dawt kan sawi hian kan hmelah alang chhuak thin an ti asin" Raymonda chuan a ti leh a.

Kei chuan rang fe in "Chuvang chuan alawm dawt sawi hmel ka hmu lo ka tih ni..a hmelah khan chiai hmel emaw hlauthawng hmel emaw ka hmuh hauh lo.."

"Chiang deuh zawkin en la chuan "mipa 2 lo lut ka hmu lo" a tih lai khan hnuai lam a melh zawk a..chuan a mit khap kha a rang sawt bawk..vawithum vawi li vel lai a mit kha a khap mawlh mawlh a..chuan a hma zawng pawh a,a sawi tel ngai miah loh a len chhuah thu a sawi tel leh bawk a..kha Hotel a ka thlen phei lai khan dar 12:58 chiah ani a..ka hriat chhan pawh an hotel bula hawker ah khan cigarrette ka lei a..dawr lo nghaktu pitar te khan dar engzat nge ti in min lo zawt kher bawk a..chuan Finny Hotel a ka luh khan manager kha a lo thu reng tawh a..."

"A lokir ve hman chiah pawh ani thei tho a" ka lo ti leh a.


"Ani ve thei tho mai..mahse thil pakhat chu kha mi ni khan khua a lum ang reng viau a..bike a kal ka ni na a..ni kha a sa ka ti viau tho a...chuan kha manager kha pawn lamah a leng chhuak anih chuan a hmelah khan a lang chhuak tur ani..han ngaihtuah la..amah kha a ngo ver vawr hle a..khatiang khawlum hnuaiah khan leng chhuak se chu a hmaiah khan a lang chhuak ngei ang..a sen chuk ang chu..." Raymonda chuan a ti leh a.

"Chuti anih chuan engtinnge kan tih ang a..chutiang hria te chuan ngatinge zawhna i zawh belh loh a?" ka ti let ve leh a.

"Ngun takin ka ngaihtuah a...in dawr dan pangngai a kan dawr chuan kha pa hnen atang khan engmah kan hlawh chhuah ka ring lo ani..ruahmanna dang ka nei ani"

"Chu chu enge a?"

"Thil hote maw le..dawt var hmang a kan hlin phawt angai dawn ani"

"Tawngkam te lah hi i thiam thla ve zul mai si a..eng nge dawt var chu..enge ruahmanna chu" ka lo ti bak hluk a..

Raymonda chuan car chhung a thil dahkhawmna (deskboard) chu a han hawng a....bottle ti ila bawm te ani zawk mah..hi a rawn phawrh a..

[Ngaia]

HOWLING WOLF EPISODE 2

Postby sangtea juff » Sun Dec 18, 2016 11:34 am


"He thil hi i la hria em..Langcheu khua a kan kal tum a Mawia hmanrua kha anih hi"

"Engatan nge i hman dawn a.." ka lo ti vat a..

"Chloroform..he hmanrua hi a hlui tawh viau a,tunlai ah phei chuan an hlui hlawn deuh tawh na a..kan neih chhun ani miau a...kan hmang tangkai hle dawn ani"

"Engtin maw?"

"Ka sawi tawh ang khan kha manager khan engemaw chu a hre chiang alawm...tha zai chuan engmah a sawi dawn lo in ka hria..chuvang chuan kan bum chhuak ang a..fianrialah kan kawm ang...engemaw chu kan hre ngei ang" Raymonda chuan a ti leh a.

"I chiang chiah maw? Kan chesual a,mi dik chungah kut kan thlak vaih chuan.." ka tihlai chuan Raymonda chuan "Val..min ring rawh...a nih loh pawn min ring thei ngang lo anih chuan min zui lo thei ang..lawm takin ka pawm ang" a ti leh a.

"Enge ruahmanna chu?"

"Hotel khi dar 10:30 velah a chhuah san thin a,an inlamah a haw ngei dawn a..saw lai a bike ding saw a bike ani a..saw saw a rawn pan ngei dawn a..motor hi bike bulah sawn kan hung phei ang a..a rawn chhuah ve leh hemi hmang hian kan mutthilh tir ang a..kan duhna hmunah kan hruai ang" a ti a..

Vawitam tak kawngdik min zawhpui tawh mahse tun tum chu min ti hlauthawng tak zet ani..chu hmunah chuan kan tan a mi pawimawh tak ni thei chu kan chang ta a..


Mi nghah nei chung a car chhung a ngawi reng a thut chu a ninawm tak zet ani.,hun khawhralna atan ti in Rami chu ka text ta a..
Ka sana bun, Burma sumdawng zawrh ka lei darkar tin a ri tret tret thin chu ari tret a..sana chu ka han en a..dar 10 chu a lo ri der tawh a..Raymonda chuan motor chu a tawlh hnun tir a..Manager pa bike bulah chuan a din tir a... Dar 10:45 pm ah pawh chuan kan mi nghah pa lah chu alo la lang si lo a...ka rilru chu alo beidawng hman hle pek a..minute 2 vel kan thut leh hnu chuan Raymonda chu a car atang chuan a chhuak a...khawlai a light an chhit in a en phak lo chin ban phenah chuan ava ding ta a.. A insiam rem zo chiah tihah chuan ke pen thawm a rawn ri thla khauh khauh a.....manager pa chu a rawn lang thla hlawl a.. Bike chu a rawn pan zel a...a bike tlanchhuahna tur tak a car lo ding chu a rawn hmu nghal vat a...a bike lam pan lo chuan car lam zawk chu a rawn pan ta a..car kawngkhar darthlalang in hawngah chuan rawn dakin,hawihhawm tak hian "Ka lo chhuak lawk ang chu...min lo kian lawk ula" a rawn ti a...chutihlai chuan Raymonda chu a bihrukna atang thawmdim takin a rawn chuan a rawn chhuak a..romol var a ken chu enge anih ka hrechiang khawp...chu romol chuan manager pa ka leh hnar chu a hnung lam atang chuan a rawn hup chat a....engthil nge lo thleng tih pawh a hriat chian hma chuan hotel manager pa chu a zawi nghal hnawk a...rang takin kawngkhar ka lo hawnah chuan Raymonda chuan a rawn nem lut nghal a....Raymonda car chhung a a rawn luh ve hnu chuan chak fe in kan tlanchhuak nghal puat a... Khawilam nge kan pan dawn pawh ka hre chiah lo..Raymonda chuan chak takin car chu a khalh pur pur a...kan tlan dan atang chuan raymonda te inlam chu kan pan lo phawt ani tih chu ka hre thei mai a....minute 20 vel dawn kan tlan hnu chuan khawi lai veng hmawr emaw chu kan tlan thleng tawh tih ka hriat takin in a lo khat pharh a...in awm chhun pawh in te tak te te gorkhali bawng enkawl ho chenna niawm tak tak ani hlawm a...reilote ah kawng hlui niawm tak chhe deuh tawh hi kan tlan thleng ta a...lui te kan na tur a r.c.c hmang a lei lian vak lo an dawh chu kan thleng ta a..raymonda chuan car chu a ti ding a... "Car chhungah hian lo awm ang che u" a ti a..amah chu a chhuak a..zawi hnuang a mu manager pa chu a pawm chhuak nawlh a....lei laiah chuan a pawm phei a...a lo let leh a..motor ami hrui zen lian vak lo chu a rawn la a...manager pa lam chu a pan phei a..a hnungkhirh ta a...


"Bottle kha rawn vawm phei teh u" a rawn ti leh a..Janeti chuan tui awmna bottle chu a vawm phei a..Raymonda chuan bottle chhin chu a hawng a...manager pa hmaiah chuan a leih bawrh bawrh a..Manager pa chu a khuh khawlh khawlh a..a rawn harh tawh ani tih a rawn chet talh talh danah chuan a hriat theih a.. "Tho rawh le.." Raymonda chuan a lo ti a.. Manager pa chuan zam hmel hauh lo hian "Tu phiangsen nge maw i nih le?" "Zan in khan thil min hrilh loh tam tak i nei ani..chuvang chuan tunah hian min hrilh angai ang.." Raymonda chuan alo ti nghal hmiah a.. "Engmah ka hre lo ka tih tawh kha" "Chuan engmah min hrilh dawn lo tihna maw?" "Aw..ka hriat chin chu ka hrilh tawh che u" a ti ve hmak a..Raymonda chuan amah tiat deuh tho manager pa chu a pawt tho lawp a...lei vawn chhan/sir lamah chuan a nawr phei a.. "I hria tih ka hria alawm...min hrilh loh i thlang zawk anih chuan lei atang a hnuai lam san zawng khu i teh angai ngei ang..mahse a san zawng hre turin i dam rei kher lo ang.." a ti chang fak a.. "Sawi tur ka nei tawh lo.." tih ri chuan a zawm zat a..Raymonda chuan hneh zet in a chawi kang lawp a..lei kotlangah chuan a nghat a...a ti mai mai lo tih hriat takin "i thil zep ruk hi i thih phah dawn ani...i chhungte hnenah chuan enge i chah duh le..ti hian i chanchin chu an rawn sawi dawn si a"Misual tute emaw a thawhpui te a phatsan avang in misualte chuan an that ta" an la rawn ti ang che" tih pahin a awmah chuan a nem a....manager pa chu a uai thla nawlh a..ka au chhuak lo chauh ani...mahse Raymonda chuan a ke ah chuan a man chat a....man lo se chuan engtiang a sang nge tih hriat loh atang chuan a tla ngei ang le.. Raymonda chuan " Khai le..i hun tha hnuhnung ber chu tunah a in tan e....number pathum thleng ka chhiar ang a..i ka ila ang lo cheu anih chuan ka kut hi ka la sawn dawn ania..khat..hnih.." a tih lai chuan a tuar ngam tawh ngang lo ani ang "Aw le..aw le..min pawt chho rawh..chuan ka hrilh ang che" a rawn ti chul a..
Raymonda chuan min rawn hui zauh a..ka va chhuak phei ve ta a...


Raymonda chuan " Khai le...han sawi rawh le...i hriat ang ang chu le" tih pahin manager chu a zuk en a..

Manager pa chu a thaw halh a..."Min rawn phone a..khatiang a ti tur khan..mahse tute nge an nih ka hre lo"

Ii hre lo amaw?"

"Aw..hre lo..phone hmangin min vau a.."

"Anih chuan khang mi pahnih lokalte kha i hria em?"

"An hmel chu ka hria..mahse an hming leh veng..engang mi nge an nih ka hre lo"

"Anih leh rawn phone tu che i tih kha?"

" Ka la hmu lo a..ka hre ngai lo bawk..no. Pakhat atangin min rawn bia a...biak let tum mah ila a theih loh...switch off a inti tlat zel."

"Engtinnge a vau che a?"

"Ka hna atang a ban ah min vau a,ka thawhna hotel neitute nen inhmelhriat tha tak an nih thu a sawi..chu mai bakah ka chhungte chungah thil tha lo tak a thlen tur thu a sawi bawk ani."

"Anih leh chung a thusawi chu i lo awih mai tihna ani maw?"

"Awih mai bik lo e...mahse ka nau in dawr a nghahna hmun leh,a kal hun leh a haw hun thlengin..ka nu in chawhmeh a zawrhna hmun leh zirtawp zan a a tlaivar thin thu thlengin an hre vek ani..chuvang chuan ka chhungte himna tur in khatiang thil kha ka ti ta mai ani..chuan Police hnenah khan sawi tur a min tih ang chu ka sawi ta mai ani"

"Anih leh kha nula kha..."

"Ka hmu a...mahse ka vawikhat hmuhna ani.."

"Kha thil thlen hnu khan an rawn be leh tawh che em?"

"Be lo...min rawn be lo mahse pawi tihna ka nei lo bawk..ka hlauhthawn ang ngei in buaina ah chuan min hnuk lut ta anih hi"

"Ni e..buaina ah chuan kan lut ta anih hi...chuan he buaina atang hian kan tal chhuak dawn anih chuan kan tan ho angai ani" Raymonda chuan a ti leh a..

"Eng maw i sawi a?"

"Ni e..kan tan ho angai ani..i chhungte himna i ngai pawimawh anih chuan kan lamah i tan angai ani....tun a kan hruai chhuah dan che leh kan thusawi zawng zawngte hìan an hnen a thleng leh anih chuan i chhungte chu an him hauh lo ang tih i hriat kha"
"Ka hria alawm.."

[Ngaia]

"Anih chuan engemaw hriat i nei anih chuan min rawn hrilh dawn nia..ka no. Hi la la..chuan khang thil i chung a kan tih avang khan min hrethiam dawn nia" aw dam thlup hian Raymonda chuan a ti a..

Kan beisei ang a,kawng awlsam min kawhhmuh tur a hre bik hauh lo..kan kawng chu ala buai thlak dawn chauh ala ni..

Nichin lawk a,misual man a kan man ngei khan min tanpui tu tur a kan rin angai dawn ani..rin ngam a har a,mahse ka ring lo thei si lo a..

Manager pa chu ka en zawk a...tlangval ala ni anih chuan tlangval rintlak tak leh chhungte tan pawh a in nghahna tlak ani hle dawnin ka hre thar a..tunge a hming kha..Lalnunsanga tlangval fel tak ni chuan alang a,mahse kan la hre zel ang chu..

Nunsanga chu a bike bulah chuan kan va dah leh ta a..pangngai tak a kan in thlah hnu chuan keini pawh kan in khalh haw ve leh a...zan chu rei tawh viau mah se Raymonda chuan an inlam pan chuan min tlanpui zel a...

Raymonda chuan "Kan rinphak bak har leh khirh khan ani dawn ani,uluk takin kan ngaihtuah nawn leh angai..a bul atangin engkim kan chhut nawn leh ang..." a ti sap a..

An in kan thlen rual chuan khawi dangah mah thu kawi lo in nidang a kan tihfo thin ang tho in Raymonda roomah chuan kan inzui lut nghal a...


Raymonda chuan "A bul atang khan engkim kan tan that leh angai dawn ani..kan thil lo tih tawh zawng zawng kha chu engmah lo mai ani..." a ti zuai raih a...

"Kha pa thusawi kha i ring tihna em ni?" ka lo ti let a..

"Aw..dawt a sawi lo tlat ani..a sawi kha thudik ani..amah atang khan engmah beisei tur a awmlo in ka hria.."

"Anih chuan khawi atangin nge bul kan tan that dawn a?"

"Khami nikhan class ka kal a..min rawn phone a,hlauhthawn hmel takin..chuan ka va kal ta a....chuan ka va hmu a...mahse engmah thu mumal pawh sawi thei lo in a lo rui em em a..ka chhuahsan leh nghal a...kha nu khan ka no. A nei a..min rawn bia chu ani phawt mai a.."

"Nunsanga khan an rawn phone na no kha ala nei ani lawm ni...chhui tir ta ila" ka lo ti leh a..

"Awmzia a awm lo ang...tunlaiah sim card ringawt chu bazarah an zuar tam lutuk..hming lem leh passport photo dik lo hmangin sim card an book a..chhui ngaihna a awm lo ang"

"kan hriat bak kha hriat belh tur kan la nei angem?"

"Ka hre lo le..kan tan a tangkai tak khawilai emaw min kawhhmuh thei chu kan hmu kher lo mai thei ani"

"Kan hnuchhui lai hian khawi hmun nge min hruai thlen ang le" tiin mawlmang takin zawhna ka han siam ringawt a...

"Khawi hmun hi nge min thlen ang chu ka hre lo a,mahse min hruai duhna hmun chu kan thleng em em ang..mahse tunah chuan khawilam kawng nge zawh hmasak tur ka hre lo ani..kawng peng thuam lai tak a ding,zawh lam ber tur hre lo ang hi ka ni..." a thusawi lai chu a chawl dat a...


"kawng pengthuam ah chuan engvangin nge amal mal in kan kal mai loh ang....kan lo chet tawhna kha han chhui let ila..min haw tu tam tak chu an awm ngei dawn a...."

"Robina nu te ang chi kha maw?" ka lo ti zauh a..

Raymonda chuan "Ni e..,kha nu khan phuba lak a tum thu kha min hrilh ani lawm ni.."

"Khami ni atang khan kum khat zet chu aliam tawh a.."ka ti leh a.

Raymonda chuan "rinhlehawm ber te zing ami chu ani ngei ang..phuba lakna atan min tihchhiat a tum pawh ani mai thei...mahse chu pawh rinthu mai ala ni...kan ring dik kher lo mai thei bawk"

"Chuan engtin nge hma chu kan lak dawn a?"

"Rinhlelhawm thei ang zawng zawng kan la khawm zel phawt ang..chuan zan lamah kha hmeichhia kha kan zawng bawk ang"

"Zan lamah maw?"

"Aw ni e..ka sawi tawh ang khan in lam a tawm chet chet mi chu ani hauh lo ang...naktukah tih dan thar leh tha zawk ni a kan rin lam ah chuan kan che chhuak nghal ang...ka bike kha hawn mai rawh..Janeti hi ka thlah ang a,nang chu lo va haw mai rawh mut a hun tawh e" Raymonda chuan a ti zawm zat a..