HNUCHHUINA HAUTAK BY sangtea juff

Hnuchhuina lampang chi ho
Ngaia
Site Admin
Posts: 25813
Joined: April 30th, 2016, 4:07 pm

Re: HNUCHHUINA HAUTAK BY sangtea juff

Unread post by Ngaia » January 29th, 2017, 4:51 pm

HNUCHHUINA HAUTAK CHAPTER 6


Postby sangtea juff » Mon Jan 23, 2017 2:22 pm


“Hello...Pu Ramte" a tih avang chuan Inspector Ramtea'n a rawn bia a bi tih ka hre thei a....



“Kimteii thihna chungchang a engkim fel vek tawh ang a lang in la chhui zui avang hian nangni leh kei hi ban theih dinhmun ah kan ding ani..." Ramtea chuan a ti ban charh a....
Raymonda chuan maktih hmel zet hian “Eng maw....kan hotuten an hria tihna ani maw?" a ti nghal vat a....
“Aw.... Ni e....kan hotute hnenah mi pakhat in a report a.... Chuvang chuan kan pathum hian hrem theih kan ni..... Ban theih dinhmunah kan ding a nih chu...." Ramtea chuan a ti leh a.....
Raymonda chu a ngawi vang vang a....." Thil mak leh dangdai tak chu a thleng ani... Niminah sms pakhat kan dawng a..... Misual tualthattu diktak min hrilh thei tu tur ni a in sawi..... Zan inah a ruk thei ang ber a thil kan chhui lai mek kan hotute beng a thleng leh a......tualthattu diktak hi mi namai lo tak leh mi fing tak chu ani chiang ani" a ti muang raih a....
Ramtea chuan “sms hmangin tualthattu diktak kawhhmuh tur che u in a insawi amaw?" alo ti let ve ha thung a....
“Ni e.... Hmeichhia a ni a.... Kan inbe nghe nghe asin" Raymonda chuan a ti leh a....
Kei chuan “In hnuchhui lam kha chu dahtha rih teh u..... Kan hna chu kan chan mai dawn tihna ami?" ka tih ri avang chuan Raymonda chuan min rawn en” Nang leh kei chu kan bang ang.... Mahse Inspector Ramtea hi chu a bang ve lo ang...." a rawn tih zawm ve vat a....
“Engtin?" tin ka zawt ve leh nghal thung a....
"Pu Ramtea hi chu Police Department ah hian ala awm reng a ngai...chu chu kan tan a tangkai lutuk.... Chuvang chuan he kan thil tih ah hian Pu Ramtea hi inrawlhna pakhat mah a nei lo..... Heng zawng zawng titu hi kei leh nang chauh kan ni....." Raymonda chuan a ti a....



"Ni lo e.... Thiltha tih duh in kan thawk ho a... Harsatna pawh kan tuar ho tur ani...." Ramtea chuan arawn ti ve thung a....
Raymonda chuan " Ni lo.... Pu Ramte.... Ka hrechiang che a....thiante phatsan ngai lo mi i ni tih chu ka hria alawm... Mahse nang tal hi i him angai ani.,... Keini chu Police Department pakhat a kan lo luh hma pawh hian Hnuchhui hna hi kan thawk tawh a.... Police nih kher hi kan tan a tul lo mahse nang chu dan hmang a min pui tur atan kan mamawh reng dawn che ani.... Naktukah kan pute hma ah chuan kan rawn inlan ang a.... Engkim hi kan tih vek a nih thu kan rawn sawi ang.... Nang chu engmawh hre lo angin lo awm ang che.... Kan that tlanna tur zawk in" a ti ve leh thung a....
Ramtea chuan " Kan thatna tur zawk ni a i rin chuan a tha a ni mai a.... Mahse thiante phatsantu ang zia zang a han him bik chu a nuam dawn lo hle mai" a ti leh a....
Raymonda chuan" Kan dik a ni tih kan lan tir thuai ang.... Naktukah hian tih tur ruahman sa kan nei a...chu ta kan chet dan a zir chuan thil a danglam thei mai thei a sin.... Kan dik a ni tih kan lantir phawt chuan kan hotute lam pawn kan chung a an ngaihdan hi an thlak ngei ang" a ti a....
Hna awlsam hauh lo tur kan hma ah chuan arawn in hung leh ta.... Engang takin hma chhawn leh ang i maw...... Kan hnuchhuina chu thil fel fai thlap tawh angin lang mahse hnuchhui hautak leh khirh khan tak a ni dawn ta......



ZING nichhuakin ka hmai a rawn chhun uarh avang chuan mitmeng phan chhial chung chuan ka meng a.... Ka rilru a lo lang hmasa ber chu POLICE ka ni tawh lo tih chu ani.... Ka chhungte in nghahna ka ni ve tawh si a.... Ka ngaihtuahna chu a buai map map mai.... Mahse ka nunah hian Raymonda zarah ka hmuh ngai hauh loh tur thil tha tam tak ka hmu a, ka tih ngai hauh lo tur thiltha tamtak ka tih phah bawk a, tunah hian a vawikhatna atan ka tan a tha lo a lo thleng ve a....engvangin nge Raymonda chu ka phatsan tehlul ang le.....kan beilet ang a, thudik chu kan hai chhuak ngei ngei tur anu... Tiin ka rilru chu ka intiam mawlh mawlh a.... Ka khum atang chuan tha tho hmel zetin ka tho nghal awt a....bathroom lampan chuan ka kal ta nghal a..... Zingdar riat leh a chanve a rik meuh chuan ka naute chu school kal turin an chhuak ta hlawm a... Keipawh ka inthlak a...kan bungraw mamawh tur chu ka ak a.. Raymonda te inlam chu ka pan ta a.... Raymondate in ka thlen chuan Raymonda chuan bike alo hru fai hauh hauh a.... Min hmuh rual chuan “E khai Vala... I lo va thleng hma ve... Ka lo la insiam hleinem" a lo ti vat a... “A hun tur engmah min hrilh si lo a.... Rawn tlai na ila chu ar pan chhuk tuilo khawpin min sawisel leh ang chu “ka ti let ve sak a.... “A ran a ran lo, Tawng upate lah chu i kel chi liah hneh phian a" Tawng upa hmang vek chuan min chhang leh a.... “Kel chi liah chu an ti lo deuh ang a, " ka tih avang chuan a nui hawk hawk a.... “Ni e..... A diklo pawh a ni mai thei mahse nang thiantha tak ka neih avang che hian ka tihdikloh a awm tum pawhin ka bulah i awm tlat si a..... Ka tan chakna i ni" thutak fe hian a ti daih a.... “I tih dikloh ni lo in.... 'Kan' tih dikloh alawm.... Mahse kan tihdikloh pawh ka la hmu chuang lo.... Khua avar hma a khawthim zual lai bik a awm ang hi ani" ka ti a..“Nia..... Kha tualthattu inpuanna ka a wihloh avang khan ka chhui zui a.... Mahse nangin i hna i chan phah si a.....keimah chauh hi chuan chan pawh ni ila pawi ka ti miah lo... Mahse nang a kang kai tel che hi chu pawi ka ti tak zet ani" a ti hniam raih a.... A rilru diktak a sawi a ni tih ka hre thei a..... " Hnathawk turin i insiam dawn ngei i biahthu thlum tak takte hi nilengin ka ngaithla dawn zawk....." ka tih avang chguan za em em hian Raymonda chu a nui hawk hawk a.... " Anih aw.... Pu-a kal ang hmiang.... Kan insiam ange aw" tiin Raymonda nen chuan inchhungah chuan kan in zui lut ta a.... Zing dar sawm a rik rual chiah chuan Raymonda te in chu kan chhuah san ta a.... Millenium center lam chu kan pan phei ta a..... Traffic jam leh horn ri nuaih nuaih karah chuan tlanchhak theih hek loh le..... Two wheeller tan pawh tlan zung zung a har kher mai..... Zodin bridge kan tlan thlen lai tak chuan taxi pahnih an in sut avangin an lo buai a, mi an pungkhawm tuk tuk a.... Tlan zel ngaihna awm hek lo le.... Rilru hmanhmawh ruk nakalaiin..... Raymonda chuan sana chu a en zawk a..... " Dar 10:30" a ti sup a.... “Dar engzat ah nge in in tiam a" tiin ka zawt let a... “Dar 11 ah...." Raymonda chuan a ti sap a.... Minute 10 vel dawn kan din hnu chuan kan tlan ve leh ta a.... M.C kawt chu a bike park na ah chuan dar 11 minute sawm a a la rik loh in kan tlan lut chiah a..... Raymonda chuan " A chung zawlah khian i chho ang a... I 'entlang' hmang khan rinhlehawm tur zawng zawng chu i lo en dawn nia.... I awmna tur hmun a i awm hunah min lo miss call dawn nia.." a ti a...

MILLENIUM CENTER kawtah chuan Raymonda chu ngawi rengin a lo ding a..... A bul ka thlen rual chuan “Haw ang le" a lo ti nghal a..... Engmah sawilo chuan bike kan dahna lam chu a pan nghal a, engmah han zawhkualna hun awm hek lo le..... Keipawh chuan ka zui ve nghal a.... Bike chu Raymomnda chuan a her rem a.... Chak fe in in lam pan chuan kan tlan chhuak nghal puat a.... Raymonda chet vel dan atang chuan thil engemaw dik chiah lo a awm ani tih ka hre thei a....mahse zawh kual chiam hun ni a ka hriat loh avangin ngawi reng in bike hnungah chuan ka thu ta zawk a.... Kal lam angin motor a jam nasa lemlo bawk a minute sawmpanga hnu ah chuan Raymonda te in chu kan thleng ta a.... Raymonda chu ngawi rengin bike atang chuan achhuk a, inchhunglamah chuan kan inzui lut ta a...... A room lam bawk chu kan pan ding nghal a..... Room chhung kan luh rual chuan Raymonda chuan a chabi ken lai chu khumah chuan a vawm thla nawlh a...." Hrep tak hian" a ti sup a.... “Engnge a.... Enge diklo awm a..." tiin ka zawt nghal a.... Min chhang lem lo chuan a phone chu a phawrh a...... Tualthattu kawhhmuh tur a rawn insawi nen a an in biakna a record chu a play nghal a...... “Hello...." “Aw.... Raymonda maw.... Kha tlangval nalh tak chu i nih kha mawle" " Chutiang sawi kual duah a tullem lo e..... He hmun a kan lokal chhan chu min hrilh rawh" " A va mak vut vut ve..... I thianpa pawh khi a va hawi kual nasa ve mawle...... Khitiang hmang khian min bum in lo tum ve chu a ni awm si a.... Mahse kei chuan bum che u ka tum ve miah lo a nia..... Kal la..... Millennium center chhungah khan lut la..... Chuan millennium center duty ho office chung zawn dawr pahnihna ah khan nula samsei leh lian lampang, hmel chhe lem lo tak leh fel hmel tak i hmu ang a....... Mahse a hmel en ai in a nun chhung ril chu a entawn tlak vak lo ang...... Khami zan a kimteii te nen a chhuak ho kha an ni.... Chu ta tang chuan i chhui zui tawh dawn nia.... I thianpa pawh khi ko thla rawh khai min hmu thei dawn chuang lo" tih pahin Raymonda rawn be tu nu chu a nui hak hak a, a nui ri a chuan deuhsawhna lam aw a ri tel a ni tih hai rual a ni lo.... Phone chu Raymonda chuan a off hmak ani tih hriat tak hian a tawp hmak a ...... Sawi tur ka hre lo tak zet ani.... Misual chuan kan ruahmanna min lo tum khalh chat chat zel mai si a.... Raymonda chu harh chhuak thut niawm tak hian “Khawi maw... I phone lo la teh" a ti a.... Ka phone ka pek hnu chuan a hmet zat zat a... Minute hnih hnu velah chuan a phone leh a phone chu dah kawpin a phone leh a phone chu a play rual a.... A phone atang chuan hman ni a tualthahna chungchang a hmeichhe nu rawn biak hmasakna kha a aplay a, ka phone atangin vawiin a an inbiakna chu a play thung a..... Engthil nge tih a tum hriat tumin ngawi reng in ka en ringawt a..... Vawihnih vawithum lai a ngaihthlak nawn hnu chuan “Vala.... Mak i ti ve em?" a rawn ti hluai a.... “A eng chu maw mak a......" ka ti let ha thung a.... “Aw pahnihte kha, tualthattu diktak min kawhhmuh tumtu aw ve ve ani a.... Mahse a in ang miah lo" a ti ta a.... “Engtia in ang lo in maw?" tiin ka zawt let vat a.... “Ngaithla teh..... I phone atang a ka play zawk hi ngun takin ngaithla la.... Hmeichhe aw i a puitlin hmel in tlem in a aw pawh hi a puam deuh zawkin alang a.... Ka phone a mi hi ngaithla chhin leh ta ila.... Tlem in aw hi a sin a, a tham lampang lek lek ani bawk a" Raymonda chuan a ti a.... “Mahse phone sound vang pawh ani mai thei asin" ka ti ve leh thung a........ " A ni mai thei e.... Mahse ka phone ami hi... A in dawt a play pawn a in ang lo tih a hriat tlat ani....." " A nih leh chu chuan awmzia engnge aneih a....?" ka tu ve leh thung a... “A aw thluk leh a awki leh a tawngkam hman dan kal hmang chu a in ang khawp mai.... Chumi awmzia chu.... Kan misual hian thawhpui leh thurualpui a nei tihna a ni mai thei ani.... Mahse tualthattu diktak kha hmeichhia a ni hauh lo ang tih a kimteii ruang atang khan a hriattheih ani lawm ni? A awmzia chu heng hmeichhia te hi a thawhpui an ni mai thei ani..... " " Engvangin nge hmeichhiate kher hi a thawhpui ang a..... Hetiang a a chet tir ang le?" ka tih chu Raymonda chuan min chhang dawn lo emaw tih turin a ngawi vang vang a..... " Kan misual hi mifing kherek tak ani..... Kimteii ruang atang khan tualthattu chu hmeichhia ani dawn lo chiang tih kan hriat ngei a ring sa a, chuvang chuan min chhaih buai turin hmeichhia arawn tir a.... Min ti khawtlai tur in.... Min tihkhawtlai a duh chhan pawh finfiahna eng emaw kan hmuh hma a, chinfel tur anei ani ngei ang...." Raymonda chuan ati a.....



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 29th, 2017, 4:52 pm

HNUCHHUINA HAUTAK CHAPTER 7



Postby sangtea juff » Mon Jan 23, 2017 5:57 pm

RAYMONDA chu ka va en a" A nih leh engtinnge hma kan lak zel dawn le" tiin zawhna dang ka han siam chhun zawm zat a....
"Thil vir kual vel dan hi ngun takin kan zir ang... Misual chu engang pawhin fing se, misual a nihna hian umzuina tur engemaw tal a hnutchhiah fo thin.... Chu umzuina tur diktak chu kan zawn phawt angai ani...." Raymonda chuan ati a....
“A nih leh khawi atangin nge kan zawn ang le?" ka tih zawm nghal zat a.... Raymonda tan pawh ninawm khawp a tam zawhna ka zawt thin tih keimah ngei pawhin ka inhria a, mahse thil engkim ka hriat ve loh chuan ka che buai leh nuai thin bawk si a.... Raymonda chu a ngawi vang vang a.... "Kha mihring in min kawhhmuhna lam kha kan pan leh ang"
“Min bumna ngaiah bawk khan maw?" ka ti let ha a....
“Aw..... Kha lai hmunah ngei khan thil engemaw chu kan hriat belh mai thei asin....mahse keimahin ka kal ang... Nang chu Ramtea hnen a kan sawi tawh ang khan Ramtea himna turin hotute hnenah i lo han sawi fel ang...kei chu milenium center lamah ka lo va kal ang..." Raymonda chuan a ti a....
Hnial buai mah ila awmzia a awm dawn chuang lo tih ka hre chiang bawk a, hnial buai zui lo in Darkar chanve vel kan thut hah chawlh hnu chuan Raymonda an a duh ang chuan kei chuan Police station lam chu ka pan ta a..... Raymonda pawh Millenium Center lampan chuan a tlan liam zui ve nghal a.....

Zan dar sarih a rik dawn mek lai chuan Raymonda chuan min rawn be ta chauh a..... Ka lo ngaihchan ruk reng ani bawk a ka phone chu ka la rang kher mai....
“Hello" ka ti vat a....
"Aw.... Vala.... Chaw i ei tawh maw?" Raymonda chuan a rawn ti a...
“Aw ei tawh e.... Vawiin lam chu engnge?" tiin ka zawt vat a....
“Aaa... Kan inlamah lo phei la kan la sawi dawn nia.... Nang enge i an? Ramtea chu a him thei maw?" Raymonda chuan a rawn ti let a...
“Aw... Kan duh ang ngei khan a him thei e....keimahni duhthu a chhuizui a, witness pawh tibuai kan ni tih ka sawi a... Keini berin a tello kan tih takah chuan Ramtea chu a him thei e..... "
“A lawmawm nasat chu.... I ti thei ang tih ka ring reng ani... Lo phei la.... Taxi in lo phei mai rawh aw... Fare chu ka lo pe mai ang" a ti a... Raymonda chuan a phone chu a dah zui nghal a....
Raymonda te in ka thlen chuan a lo reh riai a, Raymonda chu a room ah a awm ngei dawn ani tih ka hriat avangin tumah pawh au lem lo chuan Raymonda room lam chu ka pan nghal a.... Ka rin ang ngei in Raymonda chu nidangah pawh ka hmuh fo thin tawh angin a room tukverhah chuan a dak a, a ngaihtuahna a hman nasat chang a piangin chutiang chuan a awm ziah a ni tih pawh hrilh hran ka ngai lo..... Minute nga vel room chhung a ka thut hnu pawh chuan awmdan ngai reng chuan a la awm a,......


Keipawh chuan han biak buai ka tum bik lo... Ngawi rengin ka thu a... Laptop dahna dawhkan ah chuan phone thar tha veng vawng hi a lo awm a.... Karbonn phone a ni tih a ziak ka chhiar atang chuan ka hre thei a......" Mi pakhat thil tih vek ani" Raymonda chuan a rawn ti chhuak ta hlawl a....
“Eng chu maw?" phone la keng reng chung chuan ka ti a...
“Phone a min rawn be tu kha tualthattu diktak chu ani" Raymonda chuan a ti muang chat a....
“Chumi awmzia chu tualthattu diktak chu hmeichhia tihna maw?" mak tih hmel zet hian ka ti ha a....
“Aih ni lo......." Raymonda tawng leh hma chuan “Rawn be tu che kha hmeichhia a ni si a..... Tualthattu chu rawn betu che kha a ni i ti bawk si a.... Mahse hmeichhia a ni lo i ti leh bawk si a.... Engnge a awmzia ni teh nuai a?" ka ti let ha a....
“Changkanna hian mihringte tan hmasawnna tamtak a thlen a.... Chutihrual chuan sualna kawng pawh zau takin a hawng ve bawk...." a ti a ..Raymonda chu a ngawi zui daih a....
"Tualthattu chu thufing hmangin i zawng hmu a ni maw?" chimawm zet hian ka ti zui ve zat a..
Raymonda chu a nui hak a" phone kha en la.....Karbonn phone chhuak hmasa lam ami kha a nia...phone changkang tak chu ani lo... Video phei chu a en mumal theih loh, a tang chut chut zel a... Sound erawh chu a tha fu mai..... Mahse chung zawng zawng aia pawimawh chu khatiang phone khan voice changer a keng tel a...."
" Chu chu engnge a awm zia....?" ka lo ti hman hmawh a...



Mi i va biak khan i tawng pangngai rengin tawng la, i aw pangngai kha ti danglamin hmeichhe aw ang chiahin alang thei ani..... Naupang aw ang pawn i thlak thei ang.... Lo en rawh aw" tih pahin ka phone ken lai chu a rawn la a..... “Ka rawn bia ang che" tih pahin a hmet zat zat a..... Ka phone chu a ri ta ral ral a.....
Hmun leh hmunah chuan “Hello" ka han ti a.... Raymonda chuan “Hello... Vala" a rawn ti chu mak tiin ka phone chu ka en ngial a..... Hmeichhe puitling aw ang chiah ani.... Raymonda ngei chu min betu ani si..... Mahse hmeichhe aw ang in a rawn ri chhuak tlat si.....
RAYMONDA en ran chung hian “Thil awmdan chu mi pakhat tualthattu in khatiang khan phone hmangin a rawn bia che a.... Mahse chu chu amah ahim theihna atan a ruahmanna ani i tihna a ni maw?" ka ti a...
“Ni e chu chu thil awmdan chu ani.... Mahse misual chu ka man dawn tho tho a..... Thil pakhat chu dawt vek a a sawi bik lo niin ka hre tlat ani.... Dawr a sawina ah khan ka va kal a, a sawi ang chiah nula kha ka va hmu tlat a ni... Mahse biakna hun leh hmun a awm si lo a..... Naktukah va kal ila... Engemaw min hrilh turte pawh a nei mahna" Raymonda chuan a ti a ....


“A nih leh...kha tualthattu ni a inpuang ta kha..... Engnge i ngaihdan..... Engvangin nge ka thah ani tia a sawi ve ringawt chhan ni ang le? “tiin he hnu kan chhui lai mek a a hnuk pui ber chung chang a a ngaihdan chu ka han zawt leh a....
" Chu tak chu a ni ka buai em em na chu kha pa kha hmu turin phalna kan nei thei tawh dawn si lo a, engtinnge mihring rilru pangngai ve si in a thah ni miiah lo ka thah a tih ngawt na chhan tur ni ang.... Zu a rui ti dawn ila... Zurui pawn ngaihtuahna leh hriat reng theihna chu an nei thin fo si a....." Raymonda chuan a ti a...
“Hman ah kan thianpa pakhat chu zu leh mari (ganja) a rui sual a, Reiek a kan kal tum in ani nghe nghe a..... Serthlum kan lawh sa ka cake a nih hi kan ti a.... Cake ei in a ei miah miah mai a...... A harh fim hnu pawn engmah chutiang awm a hre leh chuang miah lo a...." tka hrilh zui ve zat a....
“Chutiang chu lo ni ta pawh ni se...... A hun hman liam tawh engemaw tal chu a chhui let thei ang.... Chuta tang chuan kha mi zan a, a hun hman dan leh a hun hman pui te pawh.... Mahse zuk hmu turin kan tan tih ngaihna a awm si lo a...." Raymonda chuan ati vawng vawng a.....
“Inspector Ramtea'n a thei ang chu...." ka lo ti vat a.....
“Aih.... Tun dinhmunah chuan atan thil tih chi ani lo..... Kha tualthahna avanga hotute lak a a tlaktlum loh lai tak ani a..." Raymonda chuan ati a....
Raymonda bawk chuan “Val.... A nih leh he tualthahna ah hian rinhleh ruk deuh pakhat tal i nei em......" tiin min zawt let ve thung a....
"Aa.... Ka hre lo... " ti ringawtin ka chhang a...
“I rindan tal pawn mawle..." a ti leh a....
“Masanga kha... Rinhlelhna tur engmah chu ka hmu lo na a... Kan hnuchhui lai a rawn in rawlh hnai vai ber chu niin ka hria....." tiin ka chhang ve ta a...
“A nih leh kei hi awm ta lo ila..a ni chu nangma thu ngeiin i umzui angem?.. Masanga chu engvangin nge i rinhlelh na chhan ber?" tiin zawhna dang min zawt zawm ve zat a....
“Ka hre bik lo le.... Mahse Kimteii ruang an chharna kha kawngthlang hnim buk zing a mi ani a..... Kha lai hmun atang a rawn chhuak kha a thianpa ani nghe nghe a.....chu chu tualthattu ani tia inpuang turin a ti nghal mai a..... A thianpa ngei kha Police kut a inpe turin a nawr nghal ringawt a.... Chu chu ka rinhlelhna point pakhat chu ani" ka tih lai chuan Raymonda chuan uluk fe hian min lo en reng a...

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 29th, 2017, 4:53 pm

HNUCHHUINA HAUTAK CHAPTER 8


Postby sangtea juff » Tue Jan 24, 2017 5:57 pm

“A nih leh kei hi tualthattu ni in min hmu ta la..... Engmah ka sawi hma in police kuta inpe tur in min nawr nghal lo ang i tihna a ni maw?" Raymonda chuan a ti leh a....
“Ka hre lo le.... Fim tak a ka inngaihtuah hnu chuan ka ti tho mai thei.... "
" chu lo point dang i la nei em?" Raymonda chuan a ti leh a...
"Aih nei tawh lo... Mahse an in a kan zuk kal a min lo chiau au dan te pawh kha a dang ve deuh chu ka ti,” ka ti leh a.... “Nangin tunge i rinhlelh ve a?" ka ti let ve thung a....
“Rinhlelh hmasak berah chuan Masanga kha a ni ve tho.... A chhan chu inngaihzawnna thil avanga tualthahna chungchang pawh kan chhui hrep tawh kha...Masanga leh Kimteii thlalak kan hmuh khan chu chu a nem nghet a... Mahse Tualthattu chu vei khawr ani tih kan hria a.... Mahse Masanga kha chu dingkhawr ani tlat si a.... A pian hmang vel leh len zawngah kha chuan tualthatna hmun ami hnu kan hmuh ang kha ani duh hmel viau lawi si.... A nih leh Masanga kha zingtin exer la thin niin i ring em?" tiin min zawt let ve leh thung a....
“Ka hre nang le... Chu chu engnge a pawimawhna?" ka ti let ha a...
“An in atanga Kimteii ruang an chharna hmun kha a hla tih i hriat kha.... Kha lai hmun thleng exer la a kal tur chuan tih than ve viau a ngai dawn in ka hria.... Mahse Masanga hmel ka en kha chuan chutiang a tlangval fit tha teng tawng chu ani in ka hre si lo....mahse chu ringawt chu tualthattu a puhna tham a ni hauh lo a..... Engpawh nise... Misual chu tupawh nise... Finfiahna tha tak nen kan man chhuak ngei ngei ang" Raymonda chuan a ti hniam raih a.... A hmelah chuan a turuhzia pawh a lang thei a..... Misual chu ni ila thlamuang takin ka awm hauh in ka ring lo....


RAYMONDA bawk chuan " Misual chuan thil pakhat tihsual anei, chu chu khang hnuchhuina zawng zawngte kha engtin nge a lo hriat ve ngawt, tuin nge lo hrilh ang? A nih leh kha tualthahna kha kan chhui dawn ani tih kha tu emaw tal hrilh i nei em?" a ti a.... “Nei nang...kan han chungchang hitumah ka hrilh ngai lo" ka ti ve vat a... " Nang leh kei, Inspector Ramtea chiah in kan hria" Muang ban chat hian " A nih leh Inspector Ramtea chu tunah hian kan bulah a awm lo a.....Chuan kha tualthattu kawm fal kan tum lai a, a theihloh titu kha amah Ramtea bawk kha ani" ka lo ti ve thung a.... Raymonda chuan min melh kawk a...." Inspector Ramtea chu i ringhlel tihna maw?" a ti ha a.... “Ahhh.... Aih......" Ka ti bah nak a.... “A that lai ngei pawh hmu ila, rinhleh har ka tih ber turte zing ami ani" Raymonda chuan a ti leh a.... “Mahse kha hnu kha tualthattu a inpuan hnu ah kan chhuizui ani tih chu mi pali chiahin kan hria..... Amah ngei kan zuk hmuh avangin mifing pangngai a nih chuan Masanga khan a hre ngei ang.... Nangin tumah i hrilh loh a, keiin ka hrilh loh bawk chuan Masanga emaw Ramtea emaw hi kan hnathawh ruk kan hotute hnen a lo thlen tu chu an ni tihna ni" ka ti zui ve zat a..... " Thil i thlir dan leh hnuchhuina lama hma i sawn dan hi a mak hle mai khawi atangin nge maw i zir le?" Raymonda chuan a ti teh daih a.... “Mi pakhat tih dan leh ngaihtuah dan ka hmuh leh hriat atangin hengte hi ka ngaihtuah ve a nih hi... Kum tam kan inzui tawh a.... I hnen atangin ka zir mawle" ka ti a..... Raymonda chu a nui suk a....." Khai le... I thusawi fing tak tak nangmah atang a chhuak a mawi lo khawp a fingte avang khan ngaihdan ka siam fel ta...... Mipahnih Rinhlelh tur kan nei a....


.. Pakhatah chuan Masanga.... A dang leh chu Inspector Ramtea....." " Ramtea maw?" ka ti let ve leh thung a.... “Nangpawn Ramtea chu i ring chiah biklo tiro...." Raymonda chuan ati a,,, " Ring bik lo.... " ka ti bul hmak a... “A nih chuan mipakhat chiah kan umzui angai a nih chu... Mahse chutah chuan kan hlawhchham a nih chuan...." a tia Raymonda chu a ngawi zui daih a.... “A nih chuan Masanga chu kan umzui ber tur chu a ni ngei a...mahse khawi atangin nge kan umzui tak ang le" tiin zawhna dang Raymonda chu ka zawt let a.... "Ka sawi tawh ang khan.... Naktukah Millenium center ah chuan kan kal ang a..... Hmeichhia kha kan va kawm ang...... " " Kha thil kha bumna ani i ti ani lawm ni?" ka ti ha a.... “Ni e... Mahse Bumna hlang ringawt chu a ni lo...... Hman a thlalak kan hawn kha i la hria em... Kha mi tuma kimtei album ami ah khan...kimteii vui a nihlai a ruangkiltute zing a pakhat kha..kha nu ngei kha ani Millenium center a mi chu ani...." “Chutimaw..... Ngatinge nichinah khan i sawi loh a...." “Nia... Khami tello a i ngaihdan kha ka hre duh tlat a.... Engkim sawi nghal vek loh kha atha zawkin ka hria mawle......" “A lo nih phiangsen chu a...... " ka ti bak hluk a.... “Nia... Kha nu khan thil engemaw chu a hre ngei in ka ring tlat ani... Phone a min rawn be tu kha kan ring ringawt thei hauh lo ang a.... Mahse dawt a sawi tam tak zingah khan thudik engemaw a sawi tel ve tlat a...... Chung zingah chuan nula chungchang a sawi leh Kimteii hmelhriat a nih thu leh kha mizan aa chuahpui a nih thu thlengin a sawi ani lawm ni.... Kha nu atang khan beisei tur tam tak kan nei in ka hre tlat ani........ Naktukah hnathawh tur tamtak kan neih ka ring tlat ani.... Va haw phei la..... Naktukah chaw eikham veleh i lo phei leh dawn nia" Raymonda chuan a ti a........ Phut ruk nei tak hian " Zan a rei tawh si a....taxi avang tawh dawn si a....." ka ti zauh a..... I he lo in Raymonda chuan bike chabi chu min pe a......muangchang lo in ka haw ta a......



ZING DAR 9 a rik meuh chuan Millenium Center kawtah chuan kan thu vang tawh a..... A la hma bawk a mi vei vak pawh an la tlem khawp mai...mahse Raymonda'n a duhdan ani miau a zing dar 8:30 vel atang khan hmanhmawh turin min rawn tur tawh kha ani a..... Raymonda nen chuan ngawi rengin kan thu a.... Hetiang a ngawi reng a a awm chuan a ngaihtuahna nasa takin a seng mek a ni tih ka hriat than a ni bawk a biak buai pawh tum lem lo chuan mi vei vak thlir in ka lo hawi kual mai mai a..... Thil engemaw hriat chhuah nei thut ni awm tak hian Raymonda chu a hawi kual a hawi kual a.... A tho hluai a, main gate zawn kawt zawlah chuan ava ding a..... Inchung lam chu a han melh leh a.... Zarkawt phei kawngchhak lam a in intlar phei thliat chu a en leh a..... Thil engemaw zawn nei niawm tak hian a hawi kual chhen a..... A chetdan chu a ngaihna hre lo zet hian ka en reng ringawt a.... Sana ka bih zauh a.... Darkua leh a chanve a pel hret a..... Millenium Center a dawrkai ho pawh an in hawng tan sap sap tawh a..... Raymonda pawh ka bulah chaun ngawi rengin a rawn thu leh hle hle tawh a..... Min rawn kheuh zeuh avang chuan a enna lam chu ka va en ve vat a..... Main gate lam atang a nula lian thelh thlawh ngo veng vawng rawn lut chu ka hmu ve nghal a.... Nula chu a rawn kal hnai zel a... M.C chhunglamah chuan a lut ta a.... Mahse Raymonda'n “Nghak lawk ang" a tih avang chuan che chhuak mai lo in kan thutna ngaiah chuan kan thu leh rih a.... Minute sawm vel kan thut hnu chuan Raymonda chu a ding hluai a.... Kal a hun ani tih hria in ka zui ve nghal vat a.... Kan nula-i dawr lam chu kan pan chho ta a..... Raymonda chu inchunglamah chuan a chho a...keipawh chuan ngawi rengin ka zui ve zel a...... Step chhuah chhoh a dawr lo awm hmasa ber chu Raymonda chuan a pan ding nghal chat a...... Nula nichin a kan hmuh ngei khan a thawhnaw zawrhte chu uluk takin a lo pho chhuak mek a...... A dawr lam pan a kan kal min hmuh chuan " Lokal rawh u...eng lam nge in zawn a?" Nui sang chung hian a lo ti a..... Raymonda chuan nelawm tak hian " A eng dang zawng lo e.... Mahse Kimteii hman ni a misual in an thah tak thiannu kan zawng a.... Nangmah hi" a ti a.

. Nula chu a hamhaih deuh ani ang ngawi rengin min en tawn zak zak a.....Raymonda chuan " Police Department pakhat ami kan nia.... Hlauhthawn tur engmah a awm lo.... Thil thenkhat kan zawt duh mai che a nia...." nelawm tak hian a ti leh a.... Nula chuan " Engmah hriat ka nei lo" a ti khur dar dar a.... “Nula.... Hlauh tur a awm lo ka tih kha...kha mi zan pawh khan Kimteii te nen inchhuak ho tih pawh kan hria ania" Min rawn en zauh pah in Raymonda chuan a ti a...... Thudik hriat tumin a chhimbu dawi a ni tih ka hre thiam nghal vek a.... Nula chu engmah sawilo a ala ngawih reng avangin Raymonda bawk chuan “nula.... I thu hriatte min hrilh duhlo a nih chuan buaina lian zawk i tawk thei ania.... Lock up lamah kan hruai mai che a ngai dawn ani" a ti dam leh thlup a.... Raymonda thusawi chuan hna a thawk tha hle ani tih hriattak hian " Kan chhuak ho ngei alawm...mahse kha tualthahna chungchangah khan engmah hriat ka nei lo" nula chuan a rawn ti bah nak a.... “A nih leh kha mi zan khan engzat nge in nih a" Raymonda chuan a ti a... “Mi pali kan nia .... Kimteii leh kei leh mipa pahnih" nula chuan kun ngal chung hian a ti a.... “A nih leh Masanga tih hmingpu hriat i nei em?" Raymonda chuan a ti leh a..... " Kimteii bialpa hlui kha maw?" nula chuan hawi chhuak chuang lo hian a rawn ti a.... “Aw ni e..... Tun hnaiah heng lai velah hian i hmu em?" tiin zawhna dang Raymonda chuan a zawh belh leh a...... “Ummm..... Nihnih ka ta vel kha a niin ka hria...tun ang hun velah tho hian a rawn kal a...mahse biak pawh kan inbe mumal hman lo" nula chuan a ti leh a.... “A nih leh kha mizan khan khawi hmunah nge in kal a...." Raymonda chuan a ti leh a... “Ngaizel hnuai by pass road ah sawn..... Teak huan awmna bul a pen thlak ah khan hmun zawl a lo awm ang...chu mi hmunah chuan kan leng"

Kimteii kha in bulah a awm reng lo ami?" " Diktak sawi chuan kan rui lutuk a,kan chatthla vek ani mai...Kimteii phei kha chu a in tam bik avangin a muhil bawrh bawrha ... A hnu lawkah kei pawh ka muhil ve nghal a.... Ka harh chuan Kimteii chu a lo awm tawh lo a...mahse nidangah pawh kan in haw san fo a, midang lenpui tur a hmu anih ka ring ringawt a...." zah hmel takin nula chuan a ti a..... A nun chu amah ngei pawhin a zahpui ve hle a ni tih a hriat theih a..

RAYMONDA CHUAN " A nih leh kha mi zan khan tuemaw rinhlelh tur pakhat tal i hmu em? Rinhlelh tur han tih lemah tuemaw a chet dan atang a han chhinchhiah bik ka tihna a nia" a ti a...
Nula-i chuan " Aih....." a ti tawi tak a...
“Tumah i hmu lo tihna maw?"
“Mi chu ka hmu teuh..... Zan dar sawm hnu lamah kal chhin ula ka sawi awmzia chu in hrethiam mai ang.... Nula tlangval hmun leh hun zalen duh tam tak in hmu mai ang" Nula chuan a ti ta deuh duah a....
"A nih chuan.... Chutiang ho pungkhawm zingah chuan in thiannu han awm ta lo pawh chu in ngaihven zui lem lo tihna ani maw?" Raymonda chuan a ti leh a...
“Ni e.... Thil thleng ngai lo pawh a ni lem lo a..kan in hawsan in hmun dangah pawh kan inlen san fo alawm.... Mipa tuemaw a ngainat zawng intih hlimpui tur a hmu ni ah kan ngai mai" nula chuan a ti leh a....
“A nih tak chu....kan zawhnate min chhan avangin kan lawm e...." tih pahin Raymonda chu a inher a.... Inhnuai lam pan chuan a chhuk zui nghal a.....ka lo hmuh ve danah chuan engmah thu lawmawm hriat belh kan nei lo in ka hria...lungawi lo ru teuh chung chuan Raymonda chu ka zui thla a....


Millenium Center kawt zawl zau laiah bawk chuan dingin Zarkawt phei lam bawk chu a lo thlir leh veng veng tawh a...... A bul ka thlen rual chuan " Nichin atang tawh khan khi lam khi i en i en tawh a...engnge maw i en le?" ka ti nghal a....
“Thil engemaw ka lo ngaihtuah mai mai mawle....." tiin Raymonda chuan min chhang a....
“Eng chu nge i ngaihtuah a...." ka ti let ve thuai a....
“Hman ni khan kha hmeichhia tualthahna min kawhhmuhtu tur ni a in sawi khan Millenium Center kawt a ka awmlai kha chiang takin min hmu thei a..... Nang pawh a hmu thei che a.....Millenium Center chung zawl a awm chiang tak a hmu thei tur chuan a aia sang zawk atang a en a ngai tihna ania....." Raymonda chuan a ti ban chat a....
“Chuan khi lai pang a in awm khawi amaw ber atang khian a rawn en a nih i ring tihna a ni maw?" ka ti a....
“Ni chiah e.... Chuan in intlar zingah pawh khian rin deuh bik ka la nei cheu a sin...." Raymonda chuan a ti leh a...
“A ni maw...... A nih leh khawi khi nge i rin ber le" ka lo ti ve thung a...
“Nang khatiang dinhmunah khan ding ta la, mi chetla vel enthla dawn ta la..... Eng ang hmun nge i thlan ang?" Raymonda chuan a ti daih a....
"Keiman maw... Ka enthlak duhte chet velna engkim lang thei si.... Mahse an ni in min hmuh ve theih hauhlohna tur ka thlang ang" tia ka chhanna chu Raymonda chuan a pawm thlap a ni tih hriattakin a bu nghat nghat a.... “Chutiang chiah chuan misual pawh khan a ti ngei ang..... Henglai hnai mai atang hi chuan kan chevel kha min enthla hauh lo ang....a chhan pawh a hmel kha kan hmu hlauh anih chuan a tum zawng zawng a hlawhchham phah thei ang.... Chu bakah inchhawng chung langsar lai ah emaw chuan a awm hauh lo ang...


Nasa takin kan mit kan len dawn tih a hre sa ve vek awm si a.... Chuvang amah kan hmuhtheih miah lohna tur mahse a ni in chiang tak a min hmuh theihna tur a thlang dawn a nih chuan khilai in sang tak pahnih ding dun a helam rawh hnai zawk khi hmun thlanawm tak a ni mai thei ani..... A chhan chu in dang ding ho khi chuan kawngthlang lam hawi vekin tukverh an nei a..a chhan pawh indang nen an in nek chep hlawm em avangin midang tibuai lo tur zawng in khawchhak lam hawi vekin tukverh an nei anih khi.. Chhim lam hawi tukverh nei chu khi in chiah khi ani..... "
“I suangtuahna ramah bawk maw i lo chen leh tak a...khi chauh lo pawh hmundang helai hmuh theihna tur tam tak a awm alawm" ka ti bak hluk a....
“A ni mai thei e... Mahse roof top leh main gate a rual a hmu kawp thei tur chuan hmundang remchang zawk a awm theiin ka hre lo ani....... Inchung a i awm lai leh i chevel kha chiang takin a hmu thei che a.... Gate a ka luh hnu lawkah khan min rawn call nghal a...... Chu mi awmzia chu gate kan luhlai khan min lo en reng tawh tihna anih chu...."
“Chu pawh chu ni teh reng se.... Khi building leh khilai tukverh hmang tangkai tur chuan kawng a thui lutuk alawm..... Khi in neitute khi tute nge an nih? Kha misual khan a hmelhriat kher dawn ami....? A hmelhriat an nih loh chuan engvangmah in an tukverh khi a hmang ringawt lo tawp ang....." ka ti bung nghat a....
“Chu tak chu alawm kan finfiah dawn reng ni..... Ka han kal dawn.... I duh leh helai hmunah hian min lo nghak dawn nia...." Raymonda chuan ati ve sak a.... A kal zui nghal a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 29th, 2017, 4:53 pm

RAYMONDA kal liam tur chu ka en reng a,han zui ve ka tum uk na a, lo awm zawk chu tha a ka hriat avangin Millenium Center kawt zawl hlim lai ah chuan ka thu ta zawk a..
Raymonda nen kan in zui hnu atang a thil ka zir chhuah pakhat chu engkim hi uluk tak a ngaihtuah leh chik hmasak thin tur tih ani...chuvang chuan Millenium Center kawt leh a chheh vel a mihring chevel reng reng chu uluk takin ka lo thlir kual a.. Ka rilru ah chuan lunglei lam a tualthahna kan chhui dante ka ngaihtuah let neuh neuh a.. Tun a kan case chhuilai nen pawh hian in an na tamtak an nei niin ka hria.. Kumkhat vel kal ta khan Masanga leh Kimteii hi an in ngaizawng ngei ani tih chu kan hre tawh a... Chuan tunah Kimteii chu rapthlak takin a tualthi a, chu tualthahna hmun atang chuan tualthattu man chhuah ani a, a mak lai tak chu chulai hun leh hmunah tak chuan Masanga hi a rawn lang ve leh tlat mai a.... Chutak chu ani... Tualthattu lah chu a inpuang nghal der a.... Mahse a that ngei ani tih pawh amah lah chuan a hre der si lo a..chuti chung chuan ka thah ani tiin a inpuang lawi bawk si... Chutak chuan kan hnuchhui lai chu a ti rulchuk nuk a.. Kan chhuizuii zel avangin kan hna kan chan phah ta bawk a..


Chutiang vel ka ngaihtuah kual lai chuan millenium center chhung atang a rawn chhuak mek tlangval lian tha nelh nawlh chuan ka mit a la kher mai... A kut vei lam chu a hmangthiam zawk ani tih hriat takin a kut vei lamah chuan a phone a keng a... A kal pah chuan a phone chu a zuk en a. A hmet leh zeuh thin a...mahse min hnungchhawn zawng a a kal miau avangin leh a lukhum khum chu a kawih kun deuh avangin a hmel chu ka hmu thei chiah lo a.. Mahse a pian phung leh a chezia ah chuan ka hriathnu chu a ang viau chuan ka hre lawi si a..
Gate pawnah chuan chhuakin bike indah tlar dul zingah chuan a lut a, enchian tum a pan hnaih ka tumlai chuan bike ah chuangin a rawn tlanchhuak mek a..A bag, luruhro awmkhawm niawm tak a tial deuh ruai a chei leh a kekawr ipte a bandana hring duk lam deuh a kekawr hnung ipte a a ah lawr chu ka hmu hman hram a.....
“Engnge ni i thlir vung vung a?" tia Raymonda'n min rawn ben thuk avang chuan ka phu zawk a...
“Aaa... Engdang thlir lo e.. Helai ah hian mipakhat ka hmuh hnu niawm tak ka hmu a...chu mai mai chu mawle" ka ti a... Finfiahna awmsi lo a,kan hnuchhui lai kaihhnawih tur thil han sawi ngawt chu ka duhloh avangin ka thilhmuh diktak chu ka sawi lo ta zawk a....

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 29th, 2017, 4:54 pm

HNUCHHUINA HAUTAK CHAPTER 9



Postby sangtea juff » Wed Jan 25, 2017 6:24 pm

“A nih tak chu... Lokal rawh le...i haw ang hmiang" Raymonda chuan a ti a....bike dahna lam chu min panpui ta nghal a.....
Engmah sawi lemlo chuan ka zui ve nghal a..... Thil dang han bawhzui vak tur a awmlo pawh ani mahna Raymonda chuan an inlam panin min phur phei zel a.... A kawt zawn kan thlen chuan a ding chat a..... Inchhunglamah bawk chuan kan inzui lut leh ta a.... Raymonda room chhung kan dai luh rual chuan " Engnge i han hmuh a?" ka ti nghal tawng a....
“Engmah hmu lo e..... Kha inkha hotel a ni a..... A chhawng hnuai lam kha mimalin an luah bawk a..... Tukverh awmna atang khan hotel a ni a.... Room chhungah khan ka lut na a, mahse engmah hmuh chhuah tur a awm hran lo....." Raymonda chuan a ti a....
"Kan misual hi mimawl hlawm tawp chu ani bik lo ani.... Mi chi hrang hrang chettlatna hmun a thlang chat a, a hnuchhui tur a awm miah lohna tur hmun.....nidang ang chu nise kan misual hi kan man tawh a nih loh pawh in hnai takah kan um tawh ngei ang mawle" beidawn hmel tak hian ka ti hnual raih a....
“Mai mai a.... He misual ai hian kan fing fe zawk alawm.... Kan la hlat viau niin i ngai mai thei a.... Mahse kan lo hnaih viau tawh pawh a ni mai thei bawk" Raymonda chuan a ti ve thung a....
“A nih leh eng tiangin nge hma kan lak zui zel dawn a" tiin ka tih fo thin dan bawkin zawhna dang ka han siam leh a....

“Ka hre bik lo le... Mahse khalai hmun tualthahna thlen zan a an lenna hmun kha kan zuk tlawh ang chu ka lo ti deuh a...." Raymonda chuan ati a....
“Engnge zuk hmuh belh tur awm ang a... Ni 15 lai a liam tawh a, sulhnu zawng zawng pawh thildangin a khuhbo zo vek tawh ang chu" ka ti bak hlur a....
“Nih pawh a ni mai thei.... Mahse khalai hmun atang ngei khan bul tan thatna tur eng emaw tal kan hmu mial mahna" Raymonda chuan a ti a..... A sawilai mek chuan Raymonda phone chu a ri rang rang a.....
Raymonda chuan a phone chu a la nghal a..... Loudspeaker a a dah nghal avang chuan ka hriat ve ngai thil a ni tih ka hre thei mai.....
" hello"
Ka hriat tawh hnu hmeichhe aw ngei mai khan “Hello Raymond... Ka thusawi chu i bawhzui ta em?" a rawn ti a..
Raymonda chuan “Bum in kan awm tih ka hriat hnu chuan bawhzui tawh lo e" a ti ve thung a..
“A ni maw.... Mahse vawiin khan Millenium Center ah chuan in kal ngei kha" hmeichhia chuan a rawn ti ta a.......

RAYMONDA chu a nui hak hak a" A ni maw.... Chu nang pawh i lokal tihna ani maw.....engvangin nge kan hnuchhuina chu i ngaihven viau a.....? Thil pakhat chu maw? Mimawl leh ngaihtuahna nei lo lutuk angah min lo ngai anih chuan i tisual der ang... Nang hi tualthattu diktak chu i ni... Lo nghak la ka rawn umpha thuai ang che" chimawm zet hian a ti let ve a....



Kan nula-i chu a nui hak hak a..." Tuna i thusawi khan alawm i ngaihtuahna fim lohzia a lantir zawk ani..... I hnuchhuina kalkawng tur ka kawhhmuh che avangin min ringhlel ringawt a...... Ngaihtuah chiang la.... Tualthattu khan Kimteii kha hmeichhiat mipatna lam hawiin a khawih ngei tih chiang takin a hriat a, kei chu hmeichhia ka ni tlat" nui lui tih hriat zet hian a rawn ti a.....
"Naktukah tualthahna hmun ah kan kal ang a.....chutah chuan nang rawn umzuina tur thil engemaw tal chu ka rawn hmu ngei ang a..... Ka rawn umpha che nga..... Ka man ngei dawn che ani" Raymonda chuan a ti leh mai a.....
“I duh ang ngei chuan han che ta che le..... Kei hi min umphak dawn anih chuan i damchhung zawngin min um a ngai ang....." tih pahin phone chu a dah nghal a.....
Raymonda chu a nui hak a...." Mai mai tak hian ....." a ti hluk a...
“Engnge i nuih ti za a ?" Raymonda en ran chung chuan ka ti a....
“Aw kan misual fin dan hian ka nuih a tiza letling zawk a.... "
“A fin em avangin i nuih chu ti za a....." ka ti let ha a...
“Ngun takin han ngaihtuah let ve la..... A bumna thangah awkin kan tlan duan duan a..... A mah umtute ngei mai, fing takin min han bum kual a..... A ropui phian a sin" Raymonda chuan a ti leh a....
“A nih tak chu mawle.... I nuih tiza tawk lekin a lo fing bawk a..... Amah umna turin eng thil nge i tih dawn le?" tiin zawhna ka han siam let leh ngat a....


Tunah chuan 'nghah' kan mamawh...... Kan nghak ang" Raymonda chuan ka rinloh zet hian a ti a....
“Eng a?? Hmanhmawh tak a um a ngaih lai in kan nghak ang maw?" ka ti nghut a....
“Ni e...... Kan nghak ang a.....nghah hi kan umna nasa ber ani hrih tlat alawm....." Raymonda chuan a ti a....
“A nih tak chu..... Tunah hian tih tur ka neih loh chuan ka haw dawn " ka ti let ve sak a....
“Haw lo e a... Nang lo titi pui tur ka nei hlei nem..... Vawiin ah khan thil thenkhat chu ka hriat belh a asin" tiin ka hriat chak zawng tak a han sawi zauh a.....
“Kha hotel ah khan kha mi chhun atan chauh a hman turin room kha book ani a...... "
“Tuin nge book a....?" ka ti vat a,,,,, mahse ka zawhna chu min chhang lem lo chuan " Saw hotel saw hotel thianghlim tak chu a ni lem lo in ka hria.... Nula tlangval hun fianrial duh ten duhtawk a chettlatna atan an hmang thin niin ka hria" a ti teh daih a....
“A nih tak chu a..... Engnge i hmuh ka hre chak zawk fe" ka lo ti bak hluk a.....
"Thil pakhat chiang tak a ka va hmuh chu..... Kha mi ni khan lallawmkima tih hming pu in kha room kha book ani a..... Mahse manager kha tawng duh vak lo mahse ka vau deuh hnu ah kha mi ni khan tlangval lian deuh thelh thawlh pakhat chu a lokal ngei tih min hrilh ta nge nge a......mahse chu mihring chu tunge anih hriat erawh a har hle ani.... Mahse chumi chuan nasa tak a min puihna chu kha hmeichhia tualthattu chungchang a min rawn be tu kha mipa ngei ani tih min finfiah sak a...." Raymonda chuan a ti muang charh a.....


RAYMONDA thusawi tawp lai tak chuan " Chu zawng chu maw i va hriat belh a...?" ka lo ti ve deuh hlak a.... “Ni mai e..... Chu nep i ti viau elaw?" nui hak hak chungin Raymonda chuan a ti a... “Nep hran lo e... Keini ang tan phei chuan i hriat chin va hriat belh pawh a har viau ta ve ang... Mahse i thil hriat belhte khan penkhat talin hma min sawn tir em tih ka ngaihtuah mek a...?" tifuh inti tak hian ka lo ti vei hmak a... Hengte tak hi ania Raymonda ze put ropui em em chu... A tello in engmah ka ni dawn lo tih chu kei ang bawkin a hrechiang em em a, mahse ka zawhna leh ka tawngkam chimawm tak takte hi dawhthei takin min ngaihthlak sak a, fel takin ka hriatthiam phak tawk lekin min chhang thin a.... A ni aia fing lo zawk leh thil hre tlem zawk ni mahila min hnuaichhiah ngai lo a.... A thian tha ber ah min chhal tlat reng a, heng te vang hian keipawh hian ka ngaina tak zet ani.... “Thil tamtak hi chu a landan mai aia ril zawk leh danglam daih a lo awm thin alawm" a ti teh daih a.... “Eng a ?? Amah pawh hriat hleihloh hotel a khami chhun a thleng khan engnge awmziaa a neih a?" ka lo ti lui ve leh ngat a... Ka zawhna chu min chhan tum awm pawh hian a lang lo..." Tualthahna ah khan kan zuk kal ang chu tiro?" a ti leh hnuhnawh a..... Nichin lawkah kan kal lo ang a ati a, tunah kan kal ang a ti leh a..... Kual vel tak hian ka hrethiam teh nek lo e a...... Bung deuh nghut hian " Nichin lawkah kan kal lo ang i ti a ni lawm ni?" ka ti a.... “Ti e... Mahse plan chu thlak theih a alawm..... Vaccine hi i hre thin tawh ang tiro?" Raymonda chuan a ti leh daih a....


"Vaccine maw ? Engvangin nge ka hriatloh ang a...chu chu enge a tangkaina?" Ka ti bak hlur a...
"Vaccine hi thil danglam teh chiam a ni lo.... Entirna atan Sakawrekhriknatna (TETANUS) natna hi vaccine an pek hian kha natna hrik thunun tawh sa kha mihring thisenah an thun lut a..chu chuan taksa chhung a raldo sipaite chu kha natna kha a hmelhriattir a... Tichuan natna diktak kha taksa chhung a a lo luh pawhin taksa raldo sipaite kha natna do turin an lo insiam chak a,natna kha an lo hmelhriat tawh miau avangin awlsam takin an lo dolet zung zung tawh mai ani.." Raymonda chuan a ti teh nuai a....
“Hriselna chungchang zirtirna tha tak min pek a vangin ka lawm e..Pu zahawm" chimawm zet hian ka ti a..
" Lo ngaithla teh....kha kha chu entirna mai ani.,keini hi mihring taksa a raldo sipai ang mai kan ni....tichuan misual bumna avangin natna hrik chu kan lo tem lawk tawh a.... Tichuan chu natna pangngai vek chuan tunah min bei leh ta a...raldo sipai te chuan natna hrik an lo hmelhriat tawhte chu a beihna lai tur diktakah an lo bei chat a an hneh thin.. Tichuan keini pawh hian misual bumna chu kan tawk tawh a..a beihletna tur diktakah kan bei ve chat ang" Raymonda chuan a ti muang ban chat a..


A nih leh khawilai hmunah nge a beihna tur dik tak chu?"
“Kan misual hian a hnu chhui theih lai zawng zawng chu a thup zel a...chu chuan a tum ang ngei hna a thawk a,kan hnuchhui lai ngei chu min tibuai ta a...hma pawh kan sawn chak lo reng a...kan misual hi mi fimkhur tak ani...chuan nichin lawk a phone a kha hmeichhia ka biakna ah khan tualthahna hmun a kan kal hun tur ka sawi kher kha... KA THANG KAM A NIH KHA...kan kal hun tur ka sawi kha naktuk ani a....kan mi umlai mek hian engemaw kan hmuh chhuah hi a hlau tak zet ani tih a hriat reng mai a..chuvang chuan kha tualthahna hmunah ngei khan a sulhnu te thup tur leh ennawn turin a kal ngei ka ring tlat ani" Raymonda chuan a ti a..0
"Chuan a fimkhurna lai tak kha THANGKAMNA atan i hmansak ta tihna maw? " ka lo ti ha a..Raymonda chu a bu nghat nghat a...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 29th, 2017, 4:54 pm

PHUR FAHRAN HIAN " Tunah kan kal nghal ang a, misual chu kan man ang a.... Kan hotute lakah pawh kan dik ani tih kan lantir nghal bawk ang a...." ka ti buan buan pek a......
Raymonda chuan muangban chat hian " Ni lo e......" a lo ti bauh a....
“Eng a?? Engvanginnge tunah kan kal mai loh ang...." lungawi manglo zet hian ka ti a....
“Misual ni ta la..... Chhunah mi in awlsam tak a an hmuh theihna ah che i tualthahna hmunah i kal leh a ngem?" tiin Raymonda chuan min zawt let daih a....
Ka ngawih vang vang hnu chuan " Kal lo ang....." ka ti bul hmak a....


“A nih chuan tu'n ka tawng ngai haw lo se la.... Nangni ang pa thinbutut mahin chutiang a tih nachang in hriat chuan tualthattu pawh chuan i put phak ang ngaihtuahna chu a pu phak ve turah ngai ta ila tiro?" Nui sung chungin Raymonda chuan a ti a.... A tawngkam han hman vel chu ka huat zawng tak ani..... Room pakhatah kan pahnih chiahin kan awm a..... Hawihhawm hmel takin " Ka tawng tu'n ngai haw lo se" a han ti kher kher te chu ka haw hluah hluah.... Mahse Raymonda lah chu nuam ti zawk awm tak hian a nui ang vawr vawr a....
Raymonda bawk chuan “Chuan mi rehlai tak a chang ve ngei ang a..... Engtik hun nge a nih i rin?" tiin min zawt a....
“E le....zing lam dar khat velah chuan a reh khawp ang chu" ka ti hul hak a....
“I ring sual leh ta..... Nula tlangval pawnlam ngaina tuten zan hun hmanralna atan an hmang thin tih i hriat ve reng kha..... Zanlamah chuan reh tih tak tak a awm lo viau mai thei zawk asin....." Raymonda chuan a rawn ti leh sak a....Amah vek chuan " Ka rin dan chuan tlai lamah zanriah ei leh zan dar riat inkarah a reh ber ka ring tlat ani.....haw lo in awm ve rih la.... Tlailamah hma deuh hlekin chaw ei ila kan sawi hun ang vel ah ngaizel hnuai lam pan chuan kan chhuak dawn nia... " a tih zawm leh a.....


“Nangin ei rawng i bawl ang chu tiro?" chimawm zet hian ka lo ti a.....
"Nia.... Ka hreh hran lo... Mahse nangin i thiam zawk awm si a....ka bawl lo mai zawk ang...mahse chawhmeh siam duh zawng i neih chuan pawisa lam chu ka lo tum ang a" ka sawi awki chimawm zawk fe hian Raymonda chuan a ti a....
"Anih leh kha tualthattu kha min rawn be pawp a.... Mahse a phone kha a off ngai miah si lo a..... Kan chhuichhuah a hlau hle anih si chuan engngatinge amah kan chhuizui theihna awlsam ber tur a ngaih a phone kha a off duh miah loh" tiin Raymonda chu Chhang zui tawh lo in zawhna dang ka zawt zui ta zawk a...


.Nia tiro? Mahse chhan chi hrang hrang a awm thei ang chu pakhatna ah chuan kn lakah rinawm tak ang lan a tum vang a ni thei ang..... Kan duh hun a kan va biak pawh theih a a awm khan kan tan chuan rinhlehawm miah lo angin alantir thei dawn ani...chuan a chhandang leh pakhatah chuan a sim card kha bazar ami a lei a nih chuan chhuizui ngaihna a awm dawn miah lo tih a hria ang..... Mi ramte ang in tracking device te kan nei ve lo tih hi chiang takin a hre sa ani.....chuan chhui chhuah theihloh tur sim card hman chu atan a hlauhawm miah lo ang" Raymonda chuan a ti a......
“A ni mai thei.... I thusawi atang chuan thil pakhat ka ngaihtuah chhuak a......Rinhlelh kan neih chu Masanga hi ani a.... Chuti a nih si chuan Masanga te inah chuan kan kal ang a.... Kha phone kha kan call mai ang a...... Chuan awlsam takin phone neitu chu kan hre mai dawn alawm....." tiin tifuh inti zet hian Raymonda chu ka en a....
“Thil tha ve thawkhat tak chu ala ni ang.... Mahse ngaihtuah chiang deuh teh ang...... Kan misual hi mimawl ani hauh lo kan tih tawh kha...... I sawi chauh kha amah man chhuahna tur kan neih a nih si chuan engemaw thil ah kan chetsual phah hlauh chuan kan chan chu a chhe viau ang.... Tin police kan nih tawh loh avangin kan man thei lo bawk..... Police kan hruai a ngai tihna a nih chu.... Chung Police te chuan engemaw a lo thlen a kan chet sual vaih chuan min man nghal duh hial ang... A chhan chu misual ni lo a zalenna tibuaitu ang a kan lan theih dawn avangin.... Chuvang chuan finfiahna dang kan mamawh ani.... Ka sawi tawh ang khan.... Chuvang chuan bike chabi hi la la.... Pawisa hi keng la i chawhmeh duhzawng bazarah va lei rawh le...ka pu" Raymonda chuan nui sawng chung hian a ti a....."

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)