HNUCHHUINA HAUTAK BY sangtea juff

Hnuchhuina lampang chi ho
Ngaia
Site Admin
Posts: 25813
Joined: April 30th, 2016, 4:07 pm

HNUCHHUINA HAUTAK BY sangtea juff

Unread post by Ngaia » January 22nd, 2017, 12:14 pm

HNUCHHUINA HAUTAK CHAPTER 1
www.storyfb.com

A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Sangtea Hästálåvistajüff Renthlei
All rights reserved
www.storyfb.com


Postby sangtea juff » Tue Jan 17, 2017 5:47 pm



Hnathawk lo a awm awl a tam hi chuan hun pawh hi kan hmang ho a, nun inthlahdah pawh a awl an lo tih hi a dik a ni ang....kan hnuchhuina hnuhnung ber Trace of Wind tia a hming ka phuah ve ngat, kan zawh atanga thlathum chhung zet chu hna mumal pawh thawk lo in kan tei kual deuh mai mai a, Police Department hnuaiah kan thawk a, hlawh kan la reng tho a,mahse Police pangngai anga uniform nen a,discipline hnuai a kun kan ni ve chiah lo bawk a, nitin Rami rim chu ka hna a ni mai..... Zing darkua leh a chanve ah Inspector Ramtea hnenah kan in report ve ziah erawh a ngai a,chu lah minute sawm vel bak hun kan hmang ngai bawk si lo a..... Hna theu neu te te kan thawh chang awm zeuh mahse la...nikhat aia rei han buaipui ngai a awm ngai lo tluk ani a.... Arpa chan chanlai an sawi ang mai kan ni.....

Zing dar ruk a rik dawn mek lai chuan ka beng bul lawk a phone ka dah chu ring mangkheng hian a rawn ri a..... Ka harhchiang kher mai.... Ka muhil tal velin ka phone chu ka beng si deuh tho in ka lo delh bet chu ni in....ka tho chhuak nghal zawt a....ka beng kiu rum rum chung chuan phone chu ka han en a..... Raymonda'n min rawn biak a tum ani tih ka hriat chuan rangtakin phone chu ka han la kang a....

"Hello"

"Aw Vala..... Tih tur pawimawh tak kan nei..... Rangtakin lo insiam la.... Dar ruk leh a chanve ah Ramtea hmu turin office ah kan kal dawn....." a rawn ti nghal zung zung a....

"Eng nge thleng a...." tiin mumal lo zetin zawhna chu ka zawt let ve hram a....



“Tualthahna a ni mai...lo kal vat ang che" tih pahin a phone chu a dah nghal a..... Rang takin ka khum atang chuan ka zuang tho a....bathroom lam ka pan nghal a..... Dar ruk leh a chanve minute nga in a la ri lo tih ah chuan office lam pan chuan ka chhuak ve nghal a.....

Office ka thlen chuan Ramtea leh Raymonda chu inhmachhawnin khun khan fe hian engemaw an lo sawi a.....engmah sawi lemlo in an bulah chuan ngawi rengin ka thu ve nghal a.....

Raymonda chuan an thusawi lai chu lo chhunzawmin "Chuan kawngsirah chuan ruang chu tukinah an chhar ta tihna a ni maw ?" a ti leh a.....

“Aw...tlangval pakhat zing tlan in kawngsir a a chawlhna ah a hmu a...Police a rawn phone nghal a....."

"Keini pawh kan kal ve nghal ange...." tih pahin Raymonda chu a tho nghal a..... Khawi hmunah nge kan kal dawn tih pawh hre lo in Raymonda chu ka zui chhuak ve nghal a...
Raymonda chuan pawnah min lo nghak a..... Engtizia emaw ni Raymonda chu a hlim loh hmel riau hian ka hria a....tualthahna thleng chuan a rilru a khawih viau pawh a ni mahna.... Bike hnung a ka lawn rual chuan kan tlan chhuak nghal fua a..... Thakthing bazarah chuan kan tlan lut a.... Salem veng lam pan chuan kan tlan chhuk a.... Kawngchhuk tak ah chuan kan tlan thlazel a..World Bank kawng by pass road ah chuan Ngaizel kham hnuai lam pan chuan kan phei nghal a..... Zing nichhuak in kawng a chhun en phutah chuan ka tlan phei zar zar a.....thlasik rim a nam lek lek tawh avangin rinai takin a vawt leh nghal a.... Minute 5 vel kan tlan leh hnu chuan kawngsir a mi lo ding deuh thap chu kan hmu ta a..... Raymonda chuan bike chu a tiding chat a..... Engmah sawilo chuan ngawi rengin a chhuk a..... Police pali panga che vel lo thlirtu te chu kan keu sawt sawt a......




Kawngthlang lam meter khat vel a hla, nihawisuak (midumpangpar) buk karah chuan nula ruang lo let ngat chu ka zuk hmu nghal a..... Police lo awmsa te chuan civel mi emaw tiin min lo dang na a,kan nihna Raymonda'n a a sawihnu chuan chulai hmun endik a,thilawm dan thli thlai tur chuan Police ho chuan min ring zawk a ni ang..... Kawng ko lamah chuan an rawn chhuak chho a....Raymonda nen chuan Ruangawmna lam chu kan pan thla ta a.....

Han en reng reng pawh hian nula ruang chu rawng tak a sawisak a ni tih a lang reng a..... Pawnfen dum malte chen vel lek a chhing a fen hnuai ah chaun engmah a ha tawh lo a..... A kawr var nghawng zau lam pang erawh chu a la ha thlap a...mahse kawrvar ani tih pawh hriat harsa khawpin thisen in a bual kawi nuai a....a kawr hak pawh chuan a thawh tur ang a thawk lo a ni tih hriat takin a hnute chunglam daihah a in hlim chho a.... Tualthattu in a thah chhan niawm pawh sawi kher ngai lo in a hriat theih nghal vek mai..... A bawp in kau hiau chu Raymonda chuan a dah that sak hmasa phawt a.... A kawr pawh chu fel takin a pawt thla thlap a...... Kan chhuah hnu a a vawikhatna atan muangban chat hian " Hurherhna avanga tualthatna " a ti sup a.....

"Chemte lian vaklo mahse hriam takin vawi 3 vih ani a..... "a ti leh a....

"Mahse helai kawngthlangah hian eng nge an zuk tih ang le ?" tiin Raymonda chu ka zawt let ve vat a....

Ka zawhna chu min chhang lem lo hian " Mahse chemte a vihna hi a thihpui ber chu a ni lo mai thei ani" a ti leh daih a....

"Chu chu engtinnge i hriat a."

" En teh kan nula hi a ngo thawkhat hle a.... Chuvangchuan a nghawng a rehna hnuhma pawh hi chiang takin a lang thei ani..... A duk kual raih hi..." tih pahin nula nghawng a thisen kai lo lai atang a lang thei a nghawng duk raih chu a kawk a......

"Mahse chutiang reh a nih chuan kan nula hi a tal nasa viau awm si a..... Eng hnuhma mah a awm awm pawn a lang si lo a" ka ti ve leh a....

“Chuvang chuan alawm ngaihdan dang ka neih...... He hmunah hian nula hi an rawn paih a.... Chumi hnu ah rapthlak takin a sawisa zui a, mitthi tawh hnu chu mipat hmeichhiatna a hman pui a, heng chemte a vihna te hi a thah dan diktak thupna atan a hnuhma langsar zawk a hnutchhiah luih pawh ani ve thei tho" Raymonda chuan a ti leh a.....

"Hna harsa tak a ni dawn anih chu" ka ti sup a....

“Nula hi uluk taka en chuan nula fel tak chu a ni kher lo mai thei ani.... A inchei dan han en hian zan lam a chhuak vak nasa ve tak ani mai thei ani" Raymonda a ti leh a.....

“A ruang bulah a chanchin mawilo takin in i rindan mai mai in i sawisak a ni tih chu hria se a lawm vak biklo mai thei a nia aw" tih pahin za vak lo hian ka nui lui hak a....

"Ka ringsual tam lo in ka ring ani....nula, hetiang chen lek a chhing pawnfen feng leh a ruang nasa tak a sawisak a nih hnu a hmun dang a paih daih thei tur chuan a nula hi hmun fianrial taka hruai theih a nih phawt a ngai a.... Chutiang fianrial a hruai theih nula chu.... Nula fel tak chu a ni lo mai thei ani" Raymonda chuan a ti leh a....... A mah vek chuan " Tunlai thalai, nawmchen duh a tlan mek, party leh fawrpui mai theih nula aizawl khawpuiah hian an kat nuk tawh asin....." a ti leh a...... Kawngko lam a tap thawm rawn chhuak avang chuan kan hawi chho rual thawt a...... Kan nula-i chhungkhat laina te an rawn thleng tawh ani tih an tah hla atang chuan a hriat theih a...... "Kimte.....ka fanu....Kimte" tia nulian lampang, a inchei dan atang pawh mi awm thei ve thawkhat an ni tih hriat tak rawn chhuk thla mek chu en in Raymonda chuan min rawn signal zauh a...... Kawngpui lamah chuan kan in sa seng san ta a.....

Kawngpuia mi lo pungkhawm tuk tuk te chu kal pelin bike awmna lam ah chuan kan kal a.... Raymonda chu a ngawi vung vung a...... "Sawlai chawlhbukah khan va chawl lawk anng hmiang... Bike chu helai hmunah hian lo awm rawh se...mipui hi han tin darh phawt sela....engemaw hmuh belh tur pawh kan la nei mai thei asin" a ti a.....ka chhan pawh nghak lemlo chuan kawngkual lai tak a waiting shed an sak lam chu a pan nghal a.... A hnungah chuan ka zui ve nghal a...... " Raymond... Engemaw diklo a awm em ni ? Kan chhuah tirh atang khan i hmel a hlimloh hmel mai bak a.... Thil engemaw ngaihtuah nei i ang" tiin ka rilru a zawhna awm reng chu a chhanna hriattumin ka zawt ta nge nge a.... "Val..... Min lo chik hle mai a..... Thil engemaw chu ka ngaihtuah alawm" tih pahin waiting shed chhungah chuan a pen lut a..... Waiting shed thlanglam chu a thlir vang vang a..... "Engnge i ngaihtuah a....?" tiin ka zawt zui ve nghal zat a.... Raymonda chu a ngawi vang vang a..." En teh... Helai waiting shed thlang lam hi..... Khulai a thing pakhat zik no lo lang khu i hmu em....." tiin waiting shed thlang meter 2 vel a hla hnim buk zing a thing zikno lo lang chu min kawh hmuh a..... " Aw hmu e...mahse khu khu engnge min kawhhmuhna chhan ?" ka zawhna ngaihsak vak lem lo hian " Hman a ka laptop a nula thlalak ka dah thin kha i hria em?" " Aw hria e....i bialnu hlui thi ta thlalak kha maw?" " Aw ni e.... Khulai hmunah khuan a ruang kha chhar a ni asin" a ti hnual raih a..... Ka hrethiam ta..... First Love can never die te pawh an lo tih thin kha mawle.... Raymonda atan chuan helai hmun hi hmun ngai nat awm tak a ni dawn hauh lo tih ka hrethiam ve ta chiah..... A hmangaih hmasak ber thihna hmun chu hmangaihtu tan chuan hmun hmuhnawm tak leh ngainat awm tak zawng a ni dawn lo chiang ani.... Kei chu ni ila ka kal duh miah loh na tur hmun ani...mahse Raymonda chuan pachang takin a lo tuat zawk a lo ni...... " Mahse khan misualte kha i man vek ani lawm ni ?" " Man lo..... Ka dinhmun khan zir se chu an nunna lak kha ka duh miah lo...mahse thah tumin min bei let miau si a..... That lo theilo dinhmunah kan ding a.... Inspector Ramtea chhanna tan ka that ta hlawm a nih kha" Raymonda chuan a ti ban charh a..... "Mahse kan tan a tha turin kan chhungah thil athleng thin an tih kha.... Khatiang dinhmun kha paltlang lo ta la.... Misual manchhuaktu zoram tan a hna ropui thawktu i ni lo mai thei asin" ka ti ve thung a.


. " Ni e tiro...lokal rawh le..... Saw an haw darh zo tawh a nih hmel e.... I va belchiang leh teh ang" a ti a..... Kimtei ruang an chharna hmun lam bawk chu kan pan leh ta a..... Ruangchharna hmun kan thlen phei leh hmachuan Raymonda phone chu a rawn ri a..... "Ramtea" tih sup pahin a phone chu a bengbulah chuan a dah a..... "Hello...." tih pahin phone chu a en a...." signal ava chiang lo ve.... Val...lo enkual rawh aw" tih pahin a awm hmun chua asawn a..... Ruangchharna hmun chu ka theih ang tawk a ulukin ka lo belchiang ve a..... A landan mai chuan chu lai hmun hnim tak karah chuan nula tlangval hmun fianrial duh a kal hrang pawh nise an zuk chhuk duh kher lo ang.... A hmun a remloh mai bakah a hnim lutuk a, engtihmah a nuamin a rinawm loh bawk si..... Raymonda sawi kha thil nihdan a nih duh hmel ta zawkin ka hre ve ta a.... Hmun dangah thah a nia ....a hnu ah helai hmunah hian paih ani ta a ni mai thei ani..... Raymonda chua arawn let phei a...." Tualthattu chu man a ni tawh...." a rawn ti a..... " Engmaw.... An man tawh maw?" aw... Amah leh amah a inpe anih chu..." "Chuti chu kan hna a zo tawh anih chu" awlsam zet hian ka lo ti a.... “Ni e..... Kan haw mai dawn em ni ang" tih pahin bike lam chu a pan a....


Bike chu ti nungin ka bulah chuan arawn tlan kual in ka hmalamah chuan a rawn ding chat a.....rawn leh hawi pahin "Lokal rawh le...." a ti a....bike hnungah chuan ka lawn ve nghal a..... Kan kal mai dawn emaw ka tih lai in tlanchhuak ta mai lo chuan Raymonda chuan hnunglam chu a la hawi reng a..... " kal rawh le" ka tih ri chu hre awm pawhin a lang lo..... "Val...han en teh...kawngchhak lam tuihawk luankawr a parcel khi......" tih pahin kawngchhak lam chu a kawk a.... Keipawh chuan ka en ve nghal vat a.... “Engnge parcel chhe paih khawm an ni mai a...." “Thil danglam deuh tak chu ani...... Han en fiah teh ang" tih pahin bike atang chuan a chhuk a......parcel awmna lam chu a pan a.... Parcel pahnih chu a hnuk thla a.......kawng sirah chuan a han kai pharh a....... Parcel ah chuan thisen farna hnu a lo awm thluah a..... Raymonda chuan muang ban chat hian " Ruahmanna fel tak neiin.... Hnu pawh engkim thup tum sa thlapin tualthattu hi a che anih hi....Mahse tual a thahna hnuhma thup tum em em si in a amah leh amah police kutah a in pe leh lawi si amaw" a ti sup a.... Parcel chungah chuan ke a rahna hnuhma tih hriattakin a khuar thla kalh kalh hlawm a..... Raymonda chuan “parcel hi phahin a hniak a thupa.... Ruang a pawm a....chuan a paih ta a.........



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:15 pm

HNUCHHUINA HAUTAK CHAPTER 2

Edit
Delete post
Report this post
Warn user
Information
Quote
Share this topic on

Postby sangtea juff » Wed Jan 18, 2017 5:29 pm
RAYMONDA thusawi lai chu ka lo pawt chat a " Engvangin nge parcel hi a phah kher ang a?" ka lo ti ve thung a.....

" I hniak emaw, i hnuhma emaw thup i tum chuan hmanrua i hman a ngai thin alawm..... Lei ah i hniak emaw, i pheikhawk thla a lan i duhloh ta a, parcel phah chung a rah mai chu a finthlak viau lo maw?" tiin zawhna chu min zawt let ve thung a....

“Tichuan harsa tak a a hnu a thup hnu in Police kutah awlsam takin a in pe leh lawi si amaw?" ka ti let ha a....

“A rilru a thlak pawh a ni mai thei asin.... A thilsual tih chu thup hlen ngam lo in a inpuang leh lawi a ni mahna.... Mahse thilawmdan han en hi chuan chu thil chu a rinawm vak loh mai thei bawk.... Nula ruang han en khan thinrim thut inthunun zo lo a that ta a nih hmel loh ani..... A rekhlum phawt a, chumi hnu ah chemte in a vit a....vawikhat mai a ni lo leh nghal a.... Chuan a thahna hmun atang a la sawnin hmun hranah a paih leh a.... Rilru fim takin engkim hi a ti ani in a lang tlat si a...." Raymonda chuan a ti leh a.....

“Mahse ka thah ani tiin a inpuang a nih si chuan i that lo kan ti ngawt thei si lo alawm" ka ti ve leh a....

Ka zawhna chu min chhang lemlo chuan Raymonda chuan “Val.... Nula kha kg engzat vel nge anih i rin..... " a ti teh daih a.....

“Engmaw?" makti deuh hian ka ti let ha a.....

“Nula kha kg engzat vel a rit nge anih i rin ?" tiin a zawhna ngai bawk chu min zawt nawn leh ngat a.....



“Nula lian tak chu a nih loh kha.... 30-40 kg vel a ni ang" tiin ka chhang ve nghal thuai a....

“Kei chuan 40-45 ka ring a....." Raymonda chuan a ti ve leh khauh a.....

“Nula rih zawng chu eng nga atan nge ni a....." Raymonda en ran chung chuan ka ti a..... Min chhan pawh tum lem lo chuan parcel chu nula ruang an chharna leh kawngpui inkarah chuan kawngthlang lam thleng chuan a phah thla duai a......

"Val.... Nang kg engzat nge i nih a..... " tia ka zawhna chhang lo a thil dang daih min zawh avang chuan lawm vaklo mahila " kg 54" ka ti bul hmuk a....

“A nih chuan kei hi 63kg ka ni a...... Lokal lawk teh...." tih pahin parcel a phahna kawngpui lamah chuan a ding a.... A bul ka va thlen chuan ka rinloh lutuk hian " lokal rawh le....ka lo pawm chhin teh ang che" a ti a.....

"Eng a..... Engvangin nge min pawm ngawt ang a,,,," ka ti bak hlur a..... Raymonda chu a nui hak hak a...." lokal mai teh" tih pahin zo deuh hian min pawm kang dawrh a... Parcel chungah chuan a pen thla a,kawng bul a hnim to in ka hmai ahruk thawi thuak thleng chuan min kalpui a...... Leiah chuan min dahthla ta a..... A chetvel dan chu a ngaihna hre lo zet hian ka en reng ringawt a...... Raymonda chuan parcel a phah tawh sa chu a lakhawm leh vek a...... Uluk takin abih vang vang a...." engnge i hmuh belh a....." ka tih rual chuan min rawn en a....



“Engmah hmuhbelh hran lo e..... Mahse tualthat tu pianhmang tur hi ka ri ruat chhin a....."

"Eng a....tunge anih pawh hre miah lo in.... A pianhmang tur i hre thei ang maw....." ka ti ha a....

“Lokal la han en ve teh..... Parcel chung a nula ruang pawm chung a a kalna hi..... A rah khuar leh nangmah pawm chung a ka rah khuarna hi han khaikhin chhin teh..... A khuar dan leh a lenzawng pawh a in ang viau a.... Chumi awmzia chu nula kha 43kg velah lo ngai ta ila.... I rin dan leh ka rin dan a lai a lak a nih chu.....chuan nanng i rih zawng kha 54 kg a ni a.... Nang ai in 11kg in a zang zawk tihna anih chu..... Mahse nang leh kei kan rihzawng chu 107kg kan ni a.... Chuan parcel ka hniak leh tualthattu hniak han khai khin hian nula ruang aapwm lai a a rihna leh nangmah ka pawm chung che a kan rihna hi a in ang hle a ni tih a hriat theih a...chuti a nih chuan nula leh tualthattu rihna belhkhawm kha 107kg vel an ni ve tihna anih chu.... Chutichuan nula rihna kha 43kg angah kan ngai a nih chuan Tualthattu rih zawng chu 74kg vel a ni tihna a nih chu.... Palian ve tawk tak a ni dawn ani.....mizopa ah chuan a palian tia sawi theih ani ngei ang....chuti a nihloh tal pawn pathau ve tak pawh a ni mai thei bawk......" Raymonda'n a tih takah chuan ka fiah uar uar a....

Raymonda vek chuan “Haw tawh ang le.... Tualthatu pawh kan kawm ve ang chu" a tih zawm nghal a...... Tualthattu ,rapthlak tak leh hurherh tak a khawsapa chu han kawm ve deuh ka chak avang chuan muangchang lo in bike ah chuan ka lawn ve nghal a........ Muangchang lo in chulai hmun chu kan chhuahsan zui nghal a....



Kulikawn Police Station kawt a mipui lo pungkhawm te chuan engnge an tih ka hre nghal mai...keimahni ang tho in tualthattu chu hmuh an chak ani tih an au hla atang chuan a hriat theih a.... Pachang thinrim ha chang thial rap rap a " Kan veng nula chunga kutthlaktu chu kan hmu duh ani" tia thinrim sehchilh deuh nak aw chuan chulai boruak chu tuma min hrilh hran ngailo in a sawifiah nghal vek mai...tlangval hawklak thisen lumlai awka a ni tih hriat tak a..." Rawn chhuah tir teh u..... A nunrawn manah kan lo pen ve liam liam ange" tia lo au lawng lawng ri te chu ngaithla duhlo in lock up panna step chho ah chuan kan inzui chho a......

Police duty mipui thinrim sosang zel tur bengdai tur a inhnuailam pan thla mekte nen chuan kan in sul pel nuai nuai a.... Lock up luhna tur kawngka ah chuan Inspector Ramtea chu a lo ding ran a.... Kan hmel a hmuh rual chuan " E....i rawn thleng ve ta maw...." a lo ti var a.....

Raymonda chuan "rawn thleng ve chiah ...hnunglamah kan rawn hnu fual hlek a....khawiah nge tualthattu chu?" a tih zawm zat a....

"Lo kal rawh u.....”tih pahin Ramtea chu a in her a..... Keini pawh chuan rangtakin kan zui ve nghal a......


Tualthattu amah leh amah inpuang a police kuta in pe ta chu kan hmu ta..... Raymonda chuan min rawn en zawk a.... A hmelah chuan maktihna ka hmu a....chiang tak a min entu chu awm se chu Raymonda hmel ang tho ka pu ani tih an hre thei ngei ang..... Tualthatu a puh chu a thu kun ngal a...... A kawr hakah chuan thisen a pawh ala kai reng nghe nghe a...... Raymonda chu a rawn hawi leh a.... Ni e.... Mak a ti ani....tualthattu kha palian lam pang mizo pa vangtlang chunglam aia lian zawkmah ni turah a ngai a...mahse tualthattu chu palian lemlo tak cher lampang leh der dep hmel fe hi ani tlat si......

Raymonda chuan Ramtea lam chu a hawi a..." ka be lawk thei angem " a ti a...mahse Ramtea chuan a lu a thing na na a...." reiloteah central jailah dahthlak a ni dawn..... Biakna hman a awm tawh lo ang" a ti a.....

Raymonda chuan "Anih leh office ah kan lo han chho ange....." a ti Ramtea thu pawh ngaichang tawh lemlo chuan a in her a....lock up chu kan chhuahsan a...kan office lam chu kan pan chho ta a.....office kan thlen hnu minute 10 vel a ral thleng pawh chuan Raymonda chu a ngawi reng a......... A tawpah chuan “A mak hle mai a...." ka ti chhuak hluai a....

"Eng chu maw?" Raymonda chuan a lo ti let ve thung a....


Tualthattu kha mawle...nang pawn palian leh thahrui pawh nei hle tur niin i ngai si a.....mahse kha tualthattu kha chu a te a, a cher a, a chak hmel vak lo bawk" ka ti ve leh thung a......

“Ni e.......thil chiang engmah awm lo mahse la ka rindan leh kan misual chu a in persan khawp mai...."

“Thil chuang lo i tih chu engnge? "tiin ka zawt let nghal vat a....

"Kei chuan chiang lo ka ti ani..... Kan hnuhma hmuh leh tualthattu kha an in zawm a nih ngai chuan kha mihring tualthattu ni a in sawi kha ka ring lo ani" Raymonda chuan ngaihtuah muk hmel fe hian ati a...

“Mahse amah ngei in ka that a ti si a....... I thatlo kan ti ngawt thei si lo alawm.... Misual a sualna chhui chhuah mah a harsat nak alaiin, misual tualthattu ni a insawi tualthattu ani lo tih finfiah chu a harsa khawp ang mawle" ka tih ri chu a rawn hre hman ang a tih tur in Inspector Ramtea chu a rawn lut ve chiah a......

“Engthilnge in zuk hmuh a?" Ramtea chuan a rawn ti lut ve nghal a.....

Raymonda chuan muangban chat hian " Kha tualthattu nia insawi inpuanna kha hre hmasa zawk ila...." a lo ti ve thung a....



Ramtea chuan "I.T.I ami niin a insawi a..... Nizan khan Ngaizel kawng hnuai zawkah khan an thiante nen an leng a.... An rui hle a ni awm e.....chuan chu hmun an chet dan pawh a hre mumal meuh lo ani ang.....ganja leh zu an tih pawlh avangin a buai hle a..... A thil hriat chian theih chin chu zingah thisen kai nuau leh chemte hum chungin kha nu ruang bulah khan a lo let reng mai a....... An veng tlangval pakhat exer la in thisen kai nuau in arawn hmu a..... A thurawn angin Police kutah arawn inpe ta niin a sawi......" tiin tualthattupa inpuan dan chu a tlangpui a han sawi a....
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:15 pm

HNUCHHUINA HAUTAK CHAPTER 3



Postby sangtea juff » Thu Jan 19, 2017 5:42 pm



" Amah hmu hmasabertu chu thu in zawt ve tho ang tirw?"

" Aw zawt ve tho e...... A sawi dan chuan “khatia exer ala a world bank road a atlan lai khan kawngthlang atangin a rawn vak chhuak ve chiah a.... A hmelah chuan manganna leh hlauhthawnna hlirin a khat a.... A hmelhriat min han hmuh tak ah chuan atap hial nghe nghe...... Chuan atan a tha ber tur a ka ngaih angin Police kut a inpe turin ka ti ta a ni....."a tia ....... Ramtea chuan a ti leh a...

RAYMONDA chuan muangban chat hian " Thil fel lo engemaw chu a awm chiang ani" a ti a.... Ramtea chuan “Engah chuan maw diklo awm a....." a ti ha a....

Raymonda chuan " Finfiahna engmah chu kan neilo na a, rindan chu ka nei..... Tiin ruang awmna hmun a kan thil hmuh leh a rindan leh a hmuh dan diktak chu Ramtea hnenah chuan muang ban chat hian a sawi a..... A thusawi tih tawpna atan ti niawm tak in “Tualthattu ni a insawi phenah hian midang an awm ka ring tlat ani...... Kha pa tualthattu khan engvangin nge kha nula kha engmah hre mumal silo in ka that tia a insawi ve ngawt..... A that a ni tih pawh hre hauh silo in mipakhat thurawn avangin ka that a ti ve ringawt a......" a ti a.... A la sawi zawm zeA la sawi zawm zel dawn emaw ka tihlaiin a ngawi zui daih a.....

Ramtea chuan " He tualthatna hi kan hotute chuan buaipui zui a ngai an ti lo tawp dawn a, a chhan pawh tualthattu ber a in puang tawh a..... Khami zan khan a ruihluat avangin engmah hre mumal lo in tualthatin rapthlak takin a che a ni tih an pawm thlap ang.... Chuan court lam pawhin kha thubuai kha an chai rei hauh lo ang....a chhan chu thil tisualtu ngeiin ka that a ni a tih chuan hremna a chung a lek kha an hna chu a ni mai.... Mahse ka thu in he sulhnu hi in umzui in, in belchiang thei ang..... Mahse Police ang chuan in thawk thei lo ang...... Hman a in thawh thin dan ang khan Detective satliah ang in in thawk ang a..... Police Department lam atang a puih bawmna leh sum leh pai pawh in tanpui theih a ni lo ang...kan pute hnenah erawh chuan chhuanlam ka lo siam sak thei ang che u" a ti ta a.....

Raymonda chu a bu nghat a...." Engthil nge kan hmuh ang tih chu ka hre lo a,engmah kan hmu lo pawh a ni mai thei bawk..... Mahse kan thil hriatte hi kan finfiah thuai a ngai ani...... " a ti ve vat a.....

“Hunrei tak in nei thei dawn lo a nia...... A rei ber ah thlakhat chhung finfiah ngaite finfiahna hun in neih theih ka beisei ,chubak chu kan pute lak atangin hun ka siamsak thei lo ang che u" a ti leh a.......



Raymonda chu a bu nghat nghat a...." Val..... Kal ang hmiang" tih pahin a tho nghal uaih a..... Ramtea chuan “Ni e.... Inchungah rinna ka nghah tlat avangin thiltih hauhloh tur a bikin ka tan a tih thiang lo tluk ani....ka tihsak dawn che u a..,chuvang chuan nakinah ka thiltih avang a ka inchhir lohna atan thil diklo a awm a nih chuan rawn hai chhuak ngei ang che u" a ti a..... Engmah sawi tawh lo in Raymonda nen chuan kan inzui chhuak zui nghal a.....


Kan office atang a kan tlanchhuak chiah chu hmundang pan lo in Raymonda te in lam kan pan nghal a....... Nidangah pawh ka tihfo thin tawh angin Raymonda te inah chuan inthlahrung hauh lo in puar el euhin chaw ka han ei leh phawt a.....

Chaw eikham chuan Raymonda room lamah bawk chuan kan thudun leh ta...... He hmun hi kan ralrel hmun a ni ti ila kan sawi diklo hran lo ang.....mahse vawiin chu sawi ai in ngaihtuahna in ral kan rel zawk dawn ani ang..... Chaw kan eikham atang khan Raymonda chu ala tawng miah lo a, ngawi rengin a thu a.... A khat tawkin a thaw leh halh thin a......

Darkar chanve vel zet ngawi reng a a thut hnu chuan “Val...... Nula nak dinglamah tirw chemte vihna kha a awm?" a rawn ti chhuak ve hram a.....

Kei chuan "Zangthal zawngin a mu a, saikhamakawn lam hawiiin a mu a..... Chemte vihna kha a thlanglamah a awm a, a nih chuan a dinglam tihna a nih chu......" tia ka chhan rual chuan Raymonda chu a ding hluai a.....

"A nih chuan tlualthattu kha veikhawr a ni tihna a ni maw....." a ti leh daih a....

“Engmaw... Nang hi i rindan mai mai em ni i sawi leh pek a..." ka lo ti bak hlur a.....


Raymonda chu a nui huk a...." Mai mai a....ka rindan zawng zawngte kha a dik ani tih kan la phawr chhuak mai thei a sin......" inrintawk hmel fe hian a ti a.....

“I la inrintawk ve phian leh nghal a..... Veikhawr a ni tih engtin nge i hriat a?" hmel ner nang chung hian ka ti let ve leh sak a.......

“Thil hote mawle....... Nula mu zangthal lai a nak dinglam a vit tur chuan a kut veilam a hmang zawk a nih ka ring mawle..... Khatiang hun pawimawhah A kut dinglam hmang lo a veilam a hmang zawk a nih chuan veilam a hmang thiam zawk tihna ania..chuan tualthattu nia in sawi kah chu..dingkhawr ani tih a chet vel dan atang khan a hriat theih.... A hmai a hup khan a kut ding lam a hmang a..... A lu a kut a a tuai lai pawh khan a kut dinglam a hmang bawk." a ti awlsam et a.....

“tualthattu a ni lo tih finfiah i tum lutukna lamah thudik i lo hmu thelh ang nge aw....." ka ti ve leh a....

"Hahaha.... Valchipchiara thin hi aw.... Min zui la reilote ah kan buaina hi kan la pholang uarh dawn nia...." ngeiawm zet hian a tia a..

RAYMONDA chu ngaihno beilo zet a melh rulh chung hian " A nih leh eng thil nge i tih hmasak ber dawn a....." tiin ka zawt let ve sak a........ Raymonda chu a ngawi vung vung a..... Muang ban chat hian “Kha mi zinga tualthattu hmu hmasa bertu kha.... Exer la an tih pa kha hmuh ve ka duh ani..." a ti a.....

“A nih chupa hnen atang chuan eng thil nge hriat belh i inbeisei a....." ka ti ve leh vat a....

“Ka hre lo le....mahse thil ropui ta ti tur hian ho te a bul tan hmasak phawt angai thin alawm..... Ti daih ila....kha tualthattu khan party chungchang kha asawi em kha.... “tiin Raymonda chuan min zawt let a...

“Aih party chungchang tak chu a sawi chiah lo...mahse zanah kha ruang chharna bul velah khan an leng niin a insawi" tiin ka chhang a....

“Kha tualthattu kha kan kawmchiang ve hman si lo a..... Thil tam tak kan hriat ngai a awm a sin mawle" Raymonda chuan a ti zuai raih a....

“Inspector Ramtea khan min puih dan chu a hre ngei ang..... Jailah in hruai tir ila..... Kha case kha ama kut a awm anih avangin thil tisualtu pawh kha a duh ang a kawm phal sak a ni ngei ang chu" ka ti ve leh a....

Raymonda chu a tho hluai a..... Ka darah a rawn beng thak a...." ok...ok... Tha lutuk.... Ka va in phihfai lawk ange..... Ramtea chu ka rawn be nghal bawk ang.....ka hman hunah kan mi hmuh tur hmu tur chuan kan kal dawn nia....." a tih pah chuan towel in bang chu a ban a, min chhuah san nghal a....
Last edited by sangtea juff on Fri Jan 20, 2017 5:53 pm, edited 1 time in total.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 22nd, 2017, 12:16 pm

HNUCHHUINA HAUTAK CHAPTER 4



Unread postby sangtea juff » Fri Jan 20, 2017 6:05 pm


Kan mi hmuh tur a tih pawh chu tunge a nih ber pawh hre lo in ka bu liam satliah ve ringawt a...... Raymonda'n min chhuahsan hnu chuan laptop bawk chu ka lo on hmanhmawh a...... A bialnu hmasa zawk chanchin min hrilh zuai avang khan a bialnu thi ta thlalak a dah kha ka lo zawng ngial a..... Mahse ka hmuh zawhloh avangin hla bawk chu ka ngaithla leh ta zawk a.....

Minute 15 vel hnu ah chuan Raymonda chu a rawn let leh a..... A sam huh hruk thuak thuak pah chuan " I.T.I ah kan kal dawn a nia..... Witness pakhatna kan hmu dawn anih chu...." a ti a.... Engmah pawh sawi zawm lemlo in a insiam sawk sawk a.......

Ni,khawthlang lam a her liam ruai ruai chuan ral lehlam Zemabawk Veng in pharh durh chu a chhun tle neuh neuh a.... Raymonda chuan bike chu ngawi rengin a khalh a...keipawn biak ka tum bik chuang lo.... Ngawi rengin I.T.I Veng lam pan chuan kan tlan thla zel a.... College Veng field ah chuan an lo inkhel laih laih hlawm a...... Field hnuai kawngah chuan kan tlan thla zel a..... Kawng zau lo mahse motor a tam lemloh avangin kan tlan zung zung a...kawng phei zawng in kawi khat chu kan tlan hman in ka hria.... Bike brake ri chu a chik tut a.... Ka inrinlohlai taka a din thut avangin Raymonda helmet chu ka lu in ka va tauh ri bup a......

“Zei lo lutuk..... He lai hi ani e" Raymonda chuan a ti bah hluk a.....

Min chhaih kual vel hi nuam a tih ber a nih avangin bike pawh kha a ti ding thut a ni tih ka hriat avangin chhan pawh ka chhang buai peih vel lo...... Bike atang chuan kan chhuk a...... A kalna lamah chuan ngawi rengin ka zui ve ringawt a......

Khawlai a bike lo in hung pahnihte chu Raymonda chuan a thlek vang vang a....engmah sawi lem lo chuan in chhawng hnuai lam chu a pan zel a.....

Kawngkhar lo awm hmasa ber chu a kik dat dat a..... Inchhung lam atang a “Lo lut rawh u" tih ri kan hriat hnu chuan kawngkhar chu a hawng a..... Tawngkam nelawm zet hian "Pu Siama te in ani tiro...... Masanga hi a awm em le....." a tih zawm nghal zat a.....


Inchhung a lo awm nu upa lam tawh deuh chuan muang fan raih hian " Aw ni e....tute nge in nih le aw" a lo ti nem diai a....

“Aaa....ka pi Police lam kan nia.... Tukina a thil hmuh chungchangah Masanga chu kan han kawm duh deuh mai a nia...." Raymonda chuan a ti leh a....

“Aw a ni maw..... Tukin a a thianpa tualthah chungchang ah khan ani ang maw...... Kan boruak tawn vel avang hian ka chau riau a ti a a mu ta a nih kha.....kan kai tho ange.... Lo thu rawh u" a ti a..... Room lamah chuan a lut ta nghal a..... Inchhung chu ka lo thlek kual mai mai a.... A landan chuan kan lenna chhungkua hi chhungkaw khawsak pangngai, kan tih ang chi vel hi an ni in a lang a.... An bungraw neihte pawh to tak tak man chu a ni lemlo hlawm a...mahse enkawl uluk an ni tih erawh chua hriat theih a.....

Nichin a min lo chiau au tu nu bawk kha arawn chhuak leh a......" A rawn tho dawn e..... Lo nghak rawh u" ati a...... Raymonda chuan bang a intar thlalak chu a kawk a...." ka pi khi khi em ni masanga chu?" a lo ti let ve thung a...." Aw nih khi......" ti a a chhan rual chuan thlalak lam chu ka han en a...... Thlalak ami chu Tlangval lian ve lam pang leh sang tha zeih zawih tak a ni ang tih a bula ding nula nen a khaikhin hian a hruat theih a ..... Raymonda khan tualthattu kha mizopa zingah chuan palian ve pawl tak a ni ang.... A ti a...chuti a nih chu........

RAYMONDA chuan bang a thlalak intar chu kei ang bawkin a en vang vang a....room kawngkhar chu a in hawng a.... Tlangval rawn chhuak mek chu thlalak a ka hmuh ngei kha a ni tih ka hai lo... Tlangval lian pian tha nelh nawlh tak ani tih chu ka lo chhinchhiah hmasak ber ani...



"Hei i in lengte chu...." tih pah a a nu in kan pahnih a kan thu min rawh kawhhmuh rual chuan tlangval chu a rawn hawi a..... Mahse rei pawh rawn hawi lo chuan " Ka hmai kan phih lawk ange" a ti bul hmak a.... Kan hmel a hmu chu a lungawi vek lo pawh ani mahna le.....

Raymonda chu ka va en a...mahse a ni chuan bathroom pan mek masanga chu a en daih thung a..... Minute 5 hnu vel lekah chuan a rawn chhuak leh thuai a..... Kan thutna lam chu a rawn pan a..... Kan thutlohna lam awlah chuan ngawi rengin a thu a.....

Raymonda chuan muang ban chat hian “Kan rawn kal chhan chu tukin lam a thil thleng vang kha ania" tiin bul a han tan a....

Masanga chuan ngainat loh hmel zet hian min rawn melh rulh a...." Ka hriat zawng zawng chu tukinah Police Station ah ka sawi vek tawh kha" a ti ram hmak a.....

“Nia.... Rawn tibuai tawh lo tur che u chu kan ni a..... Mahse thil dang hriat belh tur te kan neih takin tiin kan rawn pan che chu ania" Raymonda chuan a ti dam duai a.....

Masanga chuan “Ka hriat ang zawng zawng chu police ho kha ka hrilh vek tawh..... Ka thusawi pawh ziakin an dah thlap kha..... Misual pakhat Police kut a in pe tur a ka tih avanga ka private life min rawn tih buai sak fo dawn a nih chuan....." ati a....a ngawi zui hmak a....


Raymonda chuan “A ni viau mai..... Kan ti diklo zawk ani.... Thil min hrilh belh tur i nei lo a nih chuan kan kal mai ang e" ka rinloh dan deuh hian a ti ta a..... A chang chuan sakeibaknei ang mai a kawlhsen leh a mi man turte um thintu ani a....a chang leh khawvel a mi zaidam ber angin a lang leh thin si a..... Huaisen tak a beih hunah chuan beiseiloh thleng thleng a nasa in a bawh zui a.... Mahse a tul a tih hunah chuan tlawm takin a awm leh si thin a....hei hi a ni Raymonda danglam em em na chu.... A in thunun thei a....a mizia pawh awlsam takin a thlak mai thin.... A tul phawt chuan.......

Thildang sawi lehna hman pawh awm tawh lo chuan Raymonda chu a ding nghal uaih a..... Pawnlam pan chuan a kal nghal a....keipawh thut reng bik na chhan tur awm tawh hek lo le....ka zui ve nghal a...pawn ka chhuah hma chuan ka leh hawi leh hram a...... Masanga chuan thut thleng a remote awm chu a ban mek a..... Mahse a vei lam ni lo in.... A dinglam in ani tlat..... Han en reng chi ni hek lo le..... Raymonda chu ka zui chhuak ve nghal a.....

“Engatinge engmah zawt lo a kan kal leh ringawt a.....?" tiin bike lo her rem mek Raymonda chu ka zawt nghal tawng a....

“Kan thiltih hi kan pute hriat loh a, Ramtea humna hnuai a a ruk a thawk kan nih avangin" ti chauhin min chhang a...... Kei hi zawng ngaihtuahna fim hmang a awm reng hi ka thei ve lo a ni ang..... Kei chuan Police kan nih angin masanga khan min chhang tha duh lo pawh nise.... Han tih luih deuh mai kha ka lo duh hman pek a..... Mahse ka duh ang khan lo che ta ila... Keini tan chauh pawi tur chu nise a la zia viau ang a.... Mahse Inspector Ramtea tan hlei hlei a lo pawi zawk dawn ani...... Ka lo ngaihtuah ve dan chu a diklo zawk ani tih ka hriattakah chuan ngawi rengin bike hnungah chuan ka lawn leh ta zawk a.....


Bike chu Raymonda chuan a ti nung ham ham a..... Nichin lawk a kan kalna lamah bawk chuan kan tlan let leh ta a..... Thui vaklo ngawi reng a kan tlan hnu chuan Raymonda chuan “Val..... Masanga kha eng angin nge i hmuh le....." tiin min zawt a....

“A pianphung leh a taksa ruangam ah kha chuan kan rinhlelh mihring chu a ni thei mai thei a.... Mahse a kut veilam ni lo in a dinglam hlir a hmang thung" ka ti vat a....

“Ka hmuh ang chiah i hmu ve a nih chu.....thil pakhat ka ngaihtuah mai mai chu maw...... An in leh ruang chharna hmun in hlat zia kha ka lo ngaihtuah daih a...." Raymonda chuan a ti leh a....

“Chu chu engatan nge ni a...." tiin ka zawt let a....

" Zingkar ah an in atang a ruang chharna hmun tlan thleng tur chuan a hah thlak hle dawn ani....."

" Mahse zing a exer la thin hote hian 3km lai te alawm an tlan thin ...... Chu aia thui pawh"

" Mahse chung mite chu exer la thang leh zingtin an taksa uluk tak sawi zawi thinte chauh an ni... Masanga kha chutiang mi chu niin i hmu em?" Raymonda chuan ati ve leh a....

“Ka hrethiam lo e a.....Masanga chu i ringhlel tihna ami?"....
“Ringhlel hran lo e...mahse bul tanna atan chuan rinhleh theih tue te kan dap khawm phawt angai alawm" Raymonda chuan ati leh a...... Ni tla tur kawlkil a senno phut in ral lehlam tlang chhip a chhun en ruih hnu chhawn zawng chuan kan tlan zel a......
VAWIIN hi Tualthahna thlen atang ani 3 a liamna chiah ani.... Thilmak tak a thleng ani.... Kan hnuchhui lai mek chinfelna atan a thlakhat chiah hun kan neih lai in Raymonda chuan hnathawk turin nihnih chhung chu min hrilh miah lo a..... Office lamah kan inhmu a, tih tur engmah Ramtea'n min pek ngai bawk si loh avangin hna hmanhmawh thlak tak thawk e tiloin hman tak leh awl takin kan awm a ni ber mai.....
A nuam chu ti chiah lo mah ila ka masterbrain berin engmah tih tur a sawi ngai loh miau avangin ka tan chuan han bawhzui dan awm ve hek lo le..... Ka nunhlimna Rami leh a dawr te chu ka mawi nitin ani ber mai e....

Ka rizai sin lai rawn inhlim thut avang chuan ka tho nghal awt a..... Phawk fe hian ka hawi kual a.... Ka khum mawng lamah chuan Raymonda chu nui sung chung hian a lo ding a..... A aw chu a ti danglam a “Hlau suh vala.... I pu Raymonda ka ni e" tih pah chuan a nui huk huk a....
"Hmela.... " tih pahin ka lukham chuan ka vawm nghek a..... A lu chu a lo thle zeuh a.... Bang a darthlalang te chi ka khai chu ka vawm fuh a..... A tla keh chuai a....tla keh chuai a....
Ei loh hmelzet a, a hmu ti ner nang chung hian “Themtlaw lutuk" Raymonda chuan a lo la ti zui a....
“Khanglang che hian... Tun ang hma lutuk ah engnge i duh a..." tia ka zawhna ngaihsan loh hmelzet hian” Nang chu ka duhlo phawt che a..... I chhungte zingah pawh hian duh ka nei hran lo a..... Zingkarah exer ka la e ka ti a...ka rawn tlawh haw mai mai che anih hi" tih pahin a nui thaw a.....
“A nih vel tak chu a....ka va inphihfai a nge.... Nangpawh lo chhuak rawh.... Ka bungrua te kha i lo ru chhuak leh ang e" tih pahin min chhan leh hma chuan ka chhuahsan nghal daih a......
Ka hmaiphih zo ka chuah lai chuan Raymonda chu sitting roomah chuan a lo thu a.... Ka nu nen chuan engemaw an lo sawi dun a,ka hmel a hmuh veleh ring fe hian " Tunlai thalai, mutna chang hre lo,thawhna chang hre bawk si lo ho hi chu an buaithlak a nih hi" tih pahin Raymonda chuan min rawn melh rulh a.......
Ka nu lah chuan a sawi duhzawng tak a lo ni si a....ka room a ka va inthlak chhung pawh chuan Raymonda chuan ka chanchin tha lo lai chu sawilang dawt si li lo in pehhel deuh si hian a sawi char char a..... Room atang a ka chhuah leh hnu chuan “Ka nu.... Thingpui min lo lum la " ka va ti ve zaih a.... Ka nu a kalsawn hnu chuan " Engnge hmasawnna a awm em....nihnih liam ta khan engmah min hrilh si lo a.... Hnathawh tur pawh ka hre hleinem...." inthiamlo zet hian ka ti nuah nuah a..

“Hmasawnna chu a awm hran lo... Mahse engemaw chu kan la hriat belh ang.... Keimah chauh a ka chet a tha zawk a ka hriat avangin engmah ka rawn hrilh ta lem lo che anih kha..... Karthum vel hun kan la nei a..... Chumi chhung chuan engemaw chu kan hmuh chhuah ngei ka ring ani.... Vawiin ah office ah va inlan phawt ila..... " tih pahin Raymonda chuan ka nu thingpui rawn chawi phei chu a la a......
“A nih leh kha mi zan a thil thlenna hmun leh kha nula in a kalpuite kha i hre thei tawh em...."
“Hre chiah lo e..... Vawiin lam ah kan bawhzui ang chu ka ti a..... Kimtei te inah khan kan leng ang chu ka lo ti a....vawiin lamah khawhar hnem tur a leng lut pawh an tlem deuh tawh ang a..... A nu leh pa te pawh kan va kawm ve reng reng ang chu....."
“Nihnih liam ta chhung khan engnge i tih a..... Kimtei chanchin zawng zawngte chu i hriat vek tawh ka ring a..... "
“Eng vakmah ka ti lo ka tih tawh kha..... Phun phun lo in office ah chuan a hun takah lo thleng la..... Chuan kimtei te inlamah chuan kan kal dawn nia......." a tih pah chuan Raymonda chu a ding hluai a...... "Ka va haw ang e" tih pahin a chhuak zui nghal a..

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 29th, 2017, 4:49 pm

HNUCHHUINA HAUTAK CHAPTER 4



Postby sangtea juff » Fri Jan 20, 2017 6:05 pm

Kan mi hmuh tur a tih pawh chu tunge a nih ber pawh hre lo in ka bu liam satliah ve ringawt a...... Raymonda'n min chhuahsan hnu chuan laptop bawk chu ka lo on hmanhmawh a...... A bialnu hmasa zawk chanchin min hrilh zuai avang khan a bialnu thi ta thlalak a dah kha ka lo zawng ngial a..... Mahse ka hmuh zawhloh avangin hla bawk chu ka ngaithla leh ta zawk a.....

Minute 15 vel hnu ah chuan Raymonda chu a rawn let leh a..... A sam huh hruk thuak thuak pah chuan " I.T.I ah kan kal dawn a nia..... Witness pakhatna kan hmu dawn anih chu...." a ti a.... Engmah pawh sawi zawm lemlo in a insiam sawk sawk a.......

Ni,khawthlang lam a her liam ruai ruai chuan ral lehlam Zemabawk Veng in pharh durh chu a chhun tle neuh neuh a.... Raymonda chuan bike chu ngawi rengin a khalh a...keipawn biak ka tum bik chuang lo.... Ngawi rengin I.T.I Veng lam pan chuan kan tlan thla zel a.... College Veng field ah chuan an lo inkhel laih laih hlawm a...... Field hnuai kawngah chuan kan tlan thla zel a..... Kawng zau lo mahse motor a tam lemloh avangin kan tlan zung zung a...kawng phei zawng in kawi khat chu kan tlan hman in ka hria.... Bike brake ri chu a chik tut a.... Ka inrinlohlai taka a din thut avangin Raymonda helmet chu ka lu in ka va tauh ri bup a......

“Zei lo lutuk..... He lai hi ani e" Raymonda chuan a ti bah hluk a.....

Min chhaih kual vel hi nuam a tih ber a nih avangin bike pawh kha a ti ding thut a ni tih ka hriat avangin chhan pawh ka chhang buai peih vel lo...... Bike atang chuan kan chhuk a...... A kalna lamah chuan ngawi rengin ka zui ve ringawt a......

Khawlai a bike lo in hung pahnihte chu Raymonda chuan a thlek vang vang a....engmah sawi lem lo chuan in chhawng hnuai lam chu a pan zel a.....

Kawngkhar lo awm hmasa ber chu a kik dat dat a..... Inchhung lam atang a “Lo lut rawh u" tih ri kan hriat hnu chuan kawngkhar chu a hawng a..... Tawngkam nelawm zet hian "Pu Siama te in ani tiro...... Masanga hi a awm em le....." a tih zawm nghal zat a.....


Inchhung a lo awm nu upa lam tawh deuh chuan muang fan raih hian " Aw ni e....tute nge in nih le aw" a lo ti nem diai a....

“Aaa....ka pi Police lam kan nia.... Tukina a thil hmuh chungchangah Masanga chu kan han kawm duh deuh mai a nia...." Raymonda chuan a ti leh a....

“Aw a ni maw..... Tukin a a thianpa tualthah chungchang ah khan ani ang maw...... Kan boruak tawn vel avang hian ka chau riau a ti a a mu ta a nih kha.....kan kai tho ange.... Lo thu rawh u" a ti a..... Room lamah chuan a lut ta nghal a..... Inchhung chu ka lo thlek kual mai mai a.... A landan chuan kan lenna chhungkua hi chhungkaw khawsak pangngai, kan tih ang chi vel hi an ni in a lang a.... An bungraw neihte pawh to tak tak man chu a ni lemlo hlawm a...mahse enkawl uluk an ni tih erawh chua hriat theih a.....

Nichin a min lo chiau au tu nu bawk kha arawn chhuak leh a......" A rawn tho dawn e..... Lo nghak rawh u" ati a...... Raymonda chuan bang a intar thlalak chu a kawk a...." ka pi khi khi em ni masanga chu?" a lo ti let ve thung a...." Aw nih khi......" ti a a chhan rual chuan thlalak lam chu ka han en a...... Thlalak ami chu Tlangval lian ve lam pang leh sang tha zeih zawih tak a ni ang tih a bula ding nula nen a khaikhin hian a hruat theih a ..... Raymonda khan tualthattu kha mizopa zingah chuan palian ve pawl tak a ni ang.... A ti a...chuti a nih chu........

RAYMONDA chuan bang a thlalak intar chu kei ang bawkin a en vang vang a....room kawngkhar chu a in hawng a.... Tlangval rawn chhuak mek chu thlalak a ka hmuh ngei kha a ni tih ka hai lo... Tlangval lian pian tha nelh nawlh tak ani tih chu ka lo chhinchhiah hmasak ber ani...



"Hei i in lengte chu...." tih pah a a nu in kan pahnih a kan thu min rawh kawhhmuh rual chuan tlangval chu a rawn hawi a..... Mahse rei pawh rawn hawi lo chuan " Ka hmai kan phih lawk ange" a ti bul hmak a.... Kan hmel a hmu chu a lungawi vek lo pawh ani mahna le.....

Raymonda chu ka va en a...mahse a ni chuan bathroom pan mek masanga chu a en daih thung a..... Minute 5 hnu vel lekah chuan a rawn chhuak leh thuai a..... Kan thutna lam chu a rawn pan a..... Kan thutlohna lam awlah chuan ngawi rengin a thu a.....

Raymonda chuan muang ban chat hian “Kan rawn kal chhan chu tukin lam a thil thleng vang kha ania" tiin bul a han tan a....

Masanga chuan ngainat loh hmel zet hian min rawn melh rulh a...." Ka hriat zawng zawng chu tukinah Police Station ah ka sawi vek tawh kha" a ti ram hmak a.....

“Nia.... Rawn tibuai tawh lo tur che u chu kan ni a..... Mahse thil dang hriat belh tur te kan neih takin tiin kan rawn pan che chu ania" Raymonda chuan a ti dam duai a.....

Masanga chuan “Ka hriat ang zawng zawng chu police ho kha ka hrilh vek tawh..... Ka thusawi pawh ziakin an dah thlap kha..... Misual pakhat Police kut a in pe tur a ka tih avanga ka private life min rawn tih buai sak fo dawn a nih chuan....." ati a....a ngawi zui hmak a....


Raymonda chuan “A ni viau mai..... Kan ti diklo zawk ani.... Thil min hrilh belh tur i nei lo a nih chuan kan kal mai ang e" ka rinloh dan deuh hian a ti ta a..... A chang chuan sakeibaknei ang mai a kawlhsen leh a mi man turte um thintu ani a....a chang leh khawvel a mi zaidam ber angin a lang leh thin si a..... Huaisen tak a beih hunah chuan beiseiloh thleng thleng a nasa in a bawh zui a.... Mahse a tul a tih hunah chuan tlawm takin a awm leh si thin a....hei hi a ni Raymonda danglam em em na chu.... A in thunun thei a....a mizia pawh awlsam takin a thlak mai thin.... A tul phawt chuan.......

Thildang sawi lehna hman pawh awm tawh lo chuan Raymonda chu a ding nghal uaih a..... Pawnlam pan chuan a kal nghal a....keipawh thut reng bik na chhan tur awm tawh hek lo le....ka zui ve nghal a...pawn ka chhuah hma chuan ka leh hawi leh hram a...... Masanga chuan thut thleng a remote awm chu a ban mek a..... Mahse a vei lam ni lo in.... A dinglam in ani tlat..... Han en reng chi ni hek lo le..... Raymonda chu ka zui chhuak ve nghal a.....

“Engatinge engmah zawt lo a kan kal leh ringawt a.....?" tiin bike lo her rem mek Raymonda chu ka zawt nghal tawng a....

“Kan thiltih hi kan pute hriat loh a, Ramtea humna hnuai a a ruk a thawk kan nih avangin" ti chauhin min chhang a...... Kei hi zawng ngaihtuahna fim hmang a awm reng hi ka thei ve lo a ni ang..... Kei chuan Police kan nih angin masanga khan min chhang tha duh lo pawh nise.... Han tih luih deuh mai kha ka lo duh hman pek a..... Mahse ka duh ang khan lo che ta ila... Keini tan chauh pawi tur chu nise a la zia viau ang a.... Mahse Inspector Ramtea tan hlei hlei a lo pawi zawk dawn ani...... Ka lo ngaihtuah ve dan chu a diklo zawk ani tih ka hriattakah chuan ngawi rengin bike hnungah chuan ka lawn leh ta zawk a.....


Bike chu Raymonda chuan a ti nung ham ham a..... Nichin lawk a kan kalna lamah bawk chuan kan tlan let leh ta a..... Thui vaklo ngawi reng a kan tlan hnu chuan Raymonda chuan “Val..... Masanga kha eng angin nge i hmuh le....." tiin min zawt a....

“A pianphung leh a taksa ruangam ah kha chuan kan rinhlelh mihring chu a ni thei mai thei a.... Mahse a kut veilam ni lo in a dinglam hlir a hmang thung" ka ti vat a....

“Ka hmuh ang chiah i hmu ve a nih chu.....thil pakhat ka ngaihtuah mai mai chu maw...... An in leh ruang chharna hmun in hlat zia kha ka lo ngaihtuah daih a...." Raymonda chuan a ti leh a....

“Chu chu engatan nge ni a...." tiin ka zawt let a....

" Zingkar ah an in atang a ruang chharna hmun tlan thleng tur chuan a hah thlak hle dawn ani....."

" Mahse zing a exer la thin hote hian 3km lai te alawm an tlan thin ...... Chu aia thui pawh"

" Mahse chung mite chu exer la thang leh zingtin an taksa uluk tak sawi zawi thinte chauh an ni... Masanga kha chutiang mi chu niin i hmu em?" Raymonda chuan ati ve leh a....

“Ka hrethiam lo e a.....Masanga chu i ringhlel tihna ami?"....
“Ringhlel hran lo e...mahse bul tanna atan chuan rinhleh theih tue te kan dap khawm phawt angai alawm" Raymonda chuan ati leh a...... Ni tla tur kawlkil a senno phut in ral lehlam tlang chhip a chhun en ruih hnu chhawn zawng chuan kan tlan zel a......
VAWIIN hi Tualthahna thlen atang ani 3 a liamna chiah ani.... Thilmak tak a thleng ani.... Kan hnuchhui lai mek chinfelna atan a thlakhat chiah hun kan neih lai in Raymonda chuan hnathawk turin nihnih chhung chu min hrilh miah lo a..... Office lamah kan inhmu a, tih tur engmah Ramtea'n min pek ngai bawk si loh avangin hna hmanhmawh thlak tak thawk e tiloin hman tak leh awl takin kan awm a ni ber mai.....
A nuam chu ti chiah lo mah ila ka masterbrain berin engmah tih tur a sawi ngai loh miau avangin ka tan chuan han bawhzui dan awm ve hek lo le..... Ka nunhlimna Rami leh a dawr te chu ka mawi nitin ani ber mai e....

Ka rizai sin lai rawn inhlim thut avang chuan ka tho nghal awt a..... Phawk fe hian ka hawi kual a.... Ka khum mawng lamah chuan Raymonda chu nui sung chung hian a lo ding a..... A aw chu a ti danglam a “Hlau suh vala.... I pu Raymonda ka ni e" tih pah chuan a nui huk huk a....
"Hmela.... " tih pahin ka lukham chuan ka vawm nghek a..... A lu chu a lo thle zeuh a.... Bang a darthlalang te chi ka khai chu ka vawm fuh a..... A tla keh chuai a....tla keh chuai a....
Ei loh hmelzet a, a hmu ti ner nang chung hian “Themtlaw lutuk" Raymonda chuan a lo la ti zui a....
“Khanglang che hian... Tun ang hma lutuk ah engnge i duh a..." tia ka zawhna ngaihsan loh hmelzet hian” Nang chu ka duhlo phawt che a..... I chhungte zingah pawh hian duh ka nei hran lo a..... Zingkarah exer ka la e ka ti a...ka rawn tlawh haw mai mai che anih hi" tih pahin a nui thaw a.....
“A nih vel tak chu a....ka va inphihfai a nge.... Nangpawh lo chhuak rawh.... Ka bungrua te kha i lo ru chhuak leh ang e" tih pahin min chhan leh hma chuan ka chhuahsan nghal daih a......
Ka hmaiphih zo ka chuah lai chuan Raymonda chu sitting roomah chuan a lo thu a.... Ka nu nen chuan engemaw an lo sawi dun a,ka hmel a hmuh veleh ring fe hian " Tunlai thalai, mutna chang hre lo,thawhna chang hre bawk si lo ho hi chu an buaithlak a nih hi" tih pahin Raymonda chuan min rawn melh rulh a.......
Ka nu lah chuan a sawi duhzawng tak a lo ni si a....ka room a ka va inthlak chhung pawh chuan Raymonda chuan ka chanchin tha lo lai chu sawilang dawt si li lo in pehhel deuh si hian a sawi char char a..... Room atang a ka chhuah leh hnu chuan “Ka nu.... Thingpui min lo lum la " ka va ti ve zaih a.... Ka nu a kalsawn hnu chuan " Engnge hmasawnna a awm em....nihnih liam ta khan engmah min hrilh si lo a.... Hnathawh tur pawh ka hre hleinem...." inthiamlo zet hian ka ti nuah nuah a..

“Hmasawnna chu a awm hran lo... Mahse engemaw chu kan la hriat belh ang.... Keimah chauh a ka chet a tha zawk a ka hriat avangin engmah ka rawn hrilh ta lem lo che anih kha..... Karthum vel hun kan la nei a..... Chumi chhung chuan engemaw chu kan hmuh chhuah ngei ka ring ani.... Vawiin ah office ah va inlan phawt ila..... " tih pahin Raymonda chuan ka nu thingpui rawn chawi phei chu a la a......
“A nih leh kha mi zan a thil thlenna hmun leh kha nula in a kalpuite kha i hre thei tawh em...."
“Hre chiah lo e..... Vawiin lam ah kan bawhzui ang chu ka ti a..... Kimtei te inah khan kan leng ang chu ka lo ti a....vawiin lamah khawhar hnem tur a leng lut pawh an tlem deuh tawh ang a..... A nu leh pa te pawh kan va kawm ve reng reng ang chu....."
“Nihnih liam ta chhung khan engnge i tih a..... Kimtei chanchin zawng zawngte chu i hriat vek tawh ka ring a..... "
“Eng vakmah ka ti lo ka tih tawh kha..... Phun phun lo in office ah chuan a hun takah lo thleng la..... Chuan kimtei te inlamah chuan kan kal dawn nia......." a tih pah chuan Raymonda chu a ding hluai a...... "Ka va haw ang e" tih pahin a chhuak zui nghal a..
Show post links

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 29th, 2017, 4:50 pm

HNUCHHUINA HAUTAK CHAPTER 5


Postby sangtea juff » Sun Jan 22, 2017 12:43 pm


ZING DAR 10 a rik rual chuan kan office tia ka sawi ve chhen te kher khawr atang chuan Raymonda nen chuan kan in phur chhuak leh ta a.... Khawilamah nge kan kal dawn chu ka hre chiah lo na a....zinglam a min hrilh tawh ang khan Kimteii te inlam kan pan dawn ni tur ah ka ngai ringawt a..... Sikulpuikawn atang chuan Republic kawng pheiah chuan kan tlan phei zar zar a.....rei pawh kan tlan hma chuan a chhuk zawngin kan tlan thla a.... Venghlui kawng chhuk zetah chuan kan tlan thla zel a..... Venghlui biakin chu tlan pelin kawngchhuk lehzual lam chu kan pan thla a..... Mahse thui tlan tawh lo in kawngsir dinglam a in lian ang reng tak leh kawtzawl zau tha derh dawrh chhungah chuan kan tlan lut a......
Kan kalna tur chu hai rualloh in kawtzawl zau lai thlanglam bang a mitthi hming leh thihchhan an ziah ka hmuh atang chuan ka hre nghal a...... Nl. Lalfamkimi . Thihchhan : Accident.... Mizoten kan thilchin tha tam tak zing a pakhat chu tupawh lo thi se la.... An chanchin tha lo lai inthupsak kan ching thin hi ani..... Chu chuan laina hnai leh thenrual tha thihna tuartute thinlung hlaim belhchhah na tur a veng fo thin..... Tihte ka ngaituah neuh neuh a.....
"Vung vung a..... I chhuk dawn lo em ni?" tia Raymonda'n min rawn biak avang chuan ka ngaihtuahna ram atang chuan ka harh zawk a.... Bike hnung atang chuan ka chhuk nghal vat a...
Raymonda chuan bike chu a hung tha a.... Ka lo dinna lamah chuan a rawn phei a..... “Lokal rawh le" a ti a.... Kawngkhar inhawng sa lam pan chuan a kal nghal a,keipawh chuan ka zui ve nghal a...... An laina hnai pawh ni ve hauh lo a.... Mi thihna a va in lan ve ngawt nawmloh zia chu kan hnuchhuina hmasalamah ka tarlan tawh kha.... Vawiin pawh hi a nuam leh lemlo dawn hle ani tih inchhung kan pen luh lai a min lo melh thap dan atang chuan ka hre sa nghal mai.....
Raymonda chuan ngaih pawimawhloh hmel zet hian thlanglam kil thuthleng a thu nu upa lam tawh deuh, ngo vang mai chu a pan a.... A bulah chuan a zuk thu nghal chat a...keipawh Raymonda thutna bulah chuan ngawi rengin ka thu ve nghal a....



“Ka pi.... Raymonda Lalthazuala ka ni a....chuan ka thianpa hi Vala a nia.... Police Department atang a lokal kan ni a..... I fanu Kimteii thihna chungchangah rawn kawm lawk che kan duh a....." Tiin Raymonda chuan tlangtakin a hrilh nghal a.....
Kimteii nu chuan chu a en ha a...." A ni maw.... Ka hmuh tawh cheu in ka hria ?" a ti a....
Raymonda chuan " Ila hre thei a nih chuan i fanu ruang an chharna hmunah khan min hmuh ka ring a.... Kan pahnih hian " a ti ve vat a....
“Aw a nih tak chu mawle..... Engnge in han hriat duh deuh a..." kimtei nu chuan a ti a....
“Hriat duh han tih lemah engemaw hriat belh tur kan neih takin tih thil mai zawk a nia.... He lai hmunah lo hian a fal a inbiakna hun kan nei thei a ngem.... Amah Kimtei room lamah te pawh" Raymonda chuan a ti leh a...
“Aw tehreng mai...lokal rawh u" tih pahin Kimteii nu chu a tho nghal a..... Raymonda nen chuan kan zui ve nghal vat bawk a....
"Hei hi Kimteii room chu a ni a......." tih pahin chhak lam kil a kawnglhar tliang nalh zet chu a hawng a..... Kan pathum chuan kan in zui lut ta a......
Room kan luh rual chuan kimtei nu chuan " Kan fanu chung a kutthlaktu chu man a ni tawh si a.... Engthil nge in la hriat belh duh chu le" tiin zawhna ahan siam nghal a....
Raymonda chuan “Ni e..... A dik alawm, tualthattu ber chu man tawh mahsela, engemaw thil pawr lai deuh a awm in kan hria a, kan han en fiah duh mai mai mawle.... Kimteii hian album en turte a nei em?" a tih zawm zat a....
" Aw nei e..... " tihpahin kimtei nu chuan wordrope pakhat chu a han hawng a.... Album pakhat chhah tha leng lawng hi a rawn phawr a.... Raymonda chu a rawn pe a..... Minute sawm panga vel a en hnu chuan Raymonda chuan muang ban chat hian " Ka pi min hrethiam la...... Thlalak dang in dahthat kha kan hmuh ngei a ngai tlat a ni" a ti a..... Kimtei nu chuan maktih hmel zet hian Raymonda chu a en a... Mahse Raymonda bawk chuan “Ka pi..... Thlalak dang chu kan mamawh a ni" a ti leh a..... Kimteii nu chuan " Ahhh...aw...aawle" a tih bahnak a a tho a... Room atang chuan a chhuak a.... Reilote ah thlak sawm vel keng hian a lo lut leh a......



Ngawi rengin Raymonda kutah chuan a rawn pe a..... Raymonda chuan rang takin thlalak chu a han keng darh a........ Thlalak pakhat chu a rawn phawrh chhuak a.... Ka lam hawi chuan a rawn dah phei a.... Thalaka a ka thil hmuh chu ka rinloh lutuk leh ka lo ngaihtuah thlen miah loh a ni..... Masanga leh Kimteii thlalak a ni a..... Khawilai emaw picnic spot a an lak a ni tih thlalak atang chuan alang thei a.... Kimtei chuan ruih anei a ni tih hriattak hian a meng si sap a.... Thawmhnaw pawh a inbel tlem kher mai...... Brazzier leh underpant bak chu engmah a in bel hauh lo a.......

KIMTEII NU chuan Raymonda nen chuan min en tawn zak zak a..... “Kan fanu hi mifel tak chu ani lo.... Mahse a thihna a mawhphurtu chunga hremna lek tur chuan engpawh kan ti ang" a ti hniam raih a......
Raymonda chuan “Ni e ka pi.... Kan hrethiam alawm.... Thlalak pahnih hi kan mamawh takin kan lo la ang chu.... A pawi lem lo ang tiro?" a to dam thluam a....
Kimtei nu chuan " Aw la rawh u...." a ti tawi tak a....
Raymonda chuan thlalak pakhat ka la en ve loh chu kengin " A nih leh kan haw nghal mai ang e..kan lawm lutuk e.. Vala kal ang le" a ti a.... Kawngkhar lam chu a pan nghal a... I he lo in keipawh chuan ka zui ve nghal a....
Engmah han sawina hun teh vak ni a ka hriat lemloh avangim Raymonda te inlam pan a kan tlan lai pawh chuan ka ngawi reng a.... Nidang a kan tihdan ngai te te in Raymonda te in kan thlen hnu chuan thut pawh thu khawmuang lo in Raymonda room lamah chuan kan lut tlang nghal a.....



Raymonda chuan a kamis hak lai a hlih pah chuan " Vala.....thlalak kha engnge i hmuh dan ?" tiin min zawt a....
“Ka hrethiam lo khawp mai..." tiin ka chhang liam ve ringawt a.....
Raymonda bawk chuan " khang thlalak kha han en la..... Kimteii ruang an hmuh ni a ka sawi kha dawt ani lo tih i hre thei ang.... Swimming pool bulah mizo nula leh tlangval thawmhnaw tlemte inbel a thla la ngam tur khawp chuan mi pangngai aia chimchin sang leh boruak dai sang deuh nih a ngai ang.... Chuan thlalak pakhat hi han en teh" a tih pah chuan thlalak chu min rawn pe a..... Thlalak chu ka en nghal vat a.... Zan a lak a ni tih hriat tak hian a thim rup a.... Mahse car headlight eng takin a chhun avangin thlalak a langte chu chiang takin a hmuh theih thung a..... Mipa 3 leh hmeichhia pahnih in kuah deuh far thlalak hi ani a..... Nula pahnih zing a pakhat chu kimteii ani ngei ani tih hai rual a ni lo a.... An incheina tawngcham leh mipa mit la tak tur a a lang lo tur lang lek lek te chuan an mizia awm ang chu a hrilhfiah nghal mai a.....
Raymonda chuan " Thlalakna hmun kha han en la...... Khawilai hmun emaw i kal tawhna hnu ani in i hria em?" a ti leh a...
Ka ngawih vang vang hnu chuan " Kimteii ruang an chharna bula waiting shed kha a hnunglam kil a lo lang hi ani in ka hria..." ka ti a ..
“Ni chiah e..... Kha thlalak kha chu tun hnai deuh mai a an lak a nih hmel a.... Mahse thlalak pakhat zawk masanga lanna kha chu kum khat emaw a aia tam emaw kal ta a an lak a ni mai thei....."
“I risk leh pek ani maw?" ka lo tih chu a lawm vak lo a ni ang min melh kawk a..... Engmah phei chuan ka ngai lem lo a.... Engtinnge thil a hriat bik em em tih ka hre duh mai zawk ani....
“Thian thluak nei tlem lutuk neih hi chu aw..... Thlalak i en lai mek kha han en teh.... A tle hlarh a.... A fai var bawk.... Thlalak kha siam a nihna ala rei lo tihna ania.... Pakhat zawk kha han en ve teh.... A colour hrim hrim kha a dal deuh zawk a....chuan thlalak kha uluk takin han en la.... A hmai ah khan rang neuh neuh i hmu ang..... Thlalak kha dah rei tawh anih avangin amah leh amah ah khan hnawng a insiam a chu chuan a ei chhe tan mek a nih kha.....i tlangval tirh a i thlalak ho kha chu entlak pawh i nei meuh tawh lo ang chu..... I tlangvalna a rei tawh hrim hrim bak ah... Thil cheng vawng lo chi ilo ni kher bawk nen " tiin nichin lawk a ka tawngkam hman kha min han rul let sak a..... Thlalak dahrei tawh chhiat awlsam dan lah chu ka hre ve kar si a....
" A nih leh thlalak kha an thuru then a ni tih engtin ngei i hriat a....??" tiin zawhna dang ka zawt daih a....
“Album ah khan thlalak in tarlohna awl a awm zauh zauh a.... Chutih lai in thlalak then khat hnung lamah khan thlalak dang a i in zep leh lawi bawk si a..... Chumi awmzia chu album kha a khat tawh a, thlalak thenkhat kha tarna a len tawh loh avangin thlak dang hnungah khan an thun ta mai a ni tihna ania.... Chutih lai a thlalak tarna thenkhat lo awl leh si kha chu lakbo then ani tih a hriat mai alawm" Raymonda chuan a lo ti sam et a.....
Thu dang kan sawi leh hma chuan Raymonda message tawn chu a ri ral a.... Raymonda chuan a phone chu a han en vat a..... A phone a en vang vang hnu chuan min rawn pe a.... A message chu ka han chhiar ve a....... Raymondal mak tih hmel tak a awm chu a chhan ka hre thei nghal mai.....
" Tualthattu diktak i hriat duh chuan... Naktukah M.C kawtah lokal rawh......" tih chauh hi a lo in ziak a.......



RAYMONDA hmelah chuan a in ngaihtuah nasa hle ani tih a hriattheih a..... Min rawn en a..." call back teh....."a ti zawi sap a..... Message rawn thawntu chu ka call back ta a..... A ring rual chuan loud speaker ah ka dah nghal a......
Phone chu a in ring rang rang a..... Vawi thum vawi li vel a in ring hnu chuan hmeichhe aw diktak hian “Hello" a rawn ti a.....
Raymonda chuan lo tawng lo turin min signal zauh a...
“Aw.... Raymond Lalthazuala ka ni a.... I message kha ka lo hmu a..." a tihlai mek chuan a biak mek nu chuan " Ka hria che alawm chuvang chuan alawm message kha ka rawn thawn che...." a rawn ti ve leh nghal chat a....
“Engtinnge he hnuchhui hna hi kan thawk tih i hriat a?" Raymonda chuan a ti leh a....
Hmeichhia chu a ngawi dat a..... " Ka thil hriatna leh ka hriatdan min zawt lo hian ka kawhhmuh lam che hi pan la..... I hnuchhui lai mek a thudik hai chhuak thei tur a puitu tur che ka hmuh tir dawn che ani.... Thudik hailan duhtu mai ka ni...." a rawn ti ve leh chat a.....
“Engvangin nge ka rin ang che....?" Raymonda chuan a ti tawi tak a.....
“Engvangin nge min rin ang chu ka hre bik miah lo.... Mahse min ring lo a nih chuan i hnuchhuina ah hian i hlawhchham hial mai thei.... A chhan chu kha mi zan a Kimteii lenchhuah puite tak ngial pawh tuman an hre si lo a...... A lenpuite lahin " Khami zan khan kan leng ho a alawm" an rawn ri ringawt duh dawn si lo a..... A chhan chu tumahin tualthah thubuai a ,thu hretu nih emaw thu zawhfiah nih ringawt pawh an duh lo..... I hriatthiam vek kha" hmeichhia chuan a rawn ti leh a....


Raymonda chu a ngawi vang vang a....... Hmeichhia bawk chuan " Naktukah lokal la....i hnathawh tur diktak chu ka lo kawhhmuh ang che..... I lokal leh kal loh chu i thu thu ani.... Phone ka dah ania.... Bye" tih pah chuan phone chu a dah hmak a......
Thil mak dangdai tak ani..... Raymonda pawh chuan mak a ti a ni ang.... Sawi mai tur pawh a hre bik lo.... Reitak tawng lo kan awm hnu chuan “Thil mak tak ani...." ka ti chhuak hlawl a....
“Eng chu maw mak a...?" Raymonda a lo ti ve thung a....
“Tunge tih pawh kan hriatlohin ka hnathawhtur min kawhhmuh dawn..... Chu pawh a ruk thei ang ber a kan thawh lai leh nghalin" ka ti a....
" I sawi dik ani...... Thil engemaw chu a awm ani.... He thihna phenah hian tu nge awm ta ang le.... Tualthattu chu a inpuang tawh a.... Jailah a awm reng tawh si a.... Chutiang anih lai chuan mipakhat tunge a nih pawh kan hriat miah lo in tualthattu diktak man chhuah tur a min puih tur thu arawn sawi leh a....." Raymonda chuan a ti bah nak a....
" A sim card number atang khan zawn dan a awm ang.... Airtel office lamah te kal ila" tiin ka ngaihdan ka han sawi zui zat a....
Raymonda chuan " Thil tih chi ber chu ani lo mai thei ani.... A chhan chu bazar ah sim card zuar tam tak an awm a, hming lem leh mi hming hawh chawpin tam tak an siam si a.... Bazar ah sim card mahni book chawp ngai lo a, tam tak lei tur a awm miau avangin a no.hman atang a zawn hmuh tum chu buhpawl ziang a hriau zawn tluk zet a harsa a ni ang" beisei neihloh hmel zet hian ati a.....
“A nih leh eng thil nge tih i tum ber a? " tiin zawhna dang ka han siam zawm zat a.... Ka zawhna chu Raymonda chuan chhan a har a ti a ni tih ka hre reng mai.... A ngawih vang vang hnu chuan " Kal tur a min tihna hmunah khan ka kal ang...... "


“Thang a lo ni mai thei a sin" ka tih zawm ve nghal zat a.....
"Kan awhna tur thang an lo kam a nih chuan keini pawhin thang dang kan kam ve thei ngei ang....."
“A nih leh angtin nge thang chu kan kam ve dawn a....?"
“Keimah hi min hria a, ka no. Pawh a nei bawk.... Mahse nang chu a hre lo che a, i no. Pawh a nei lo bawk.... Keimahin ka kal ang a... Nangin thilthleng i lo thlithlai ve thung ang...... Hmanrua kan mamawh ang chu zaninah ka lo ngaihtuah ang...... Bike kha hawn leh mai rawh... Ka pa in car a keng chuang lo a..... Ka hmang mai ang.... Va haw tawh rawh...zanah ka rawn hmu ang che.... Hmanrua kan mamawh tur nen" Raymonda chuan a ti ta a.....

ZAN dar 7:30 arik rual chiah chuan Raymonda chu kan inah chuan a rawn lut ve chiah a...... Bungrua ka rawn keng ang a tih avangin engemaw rawn keng deuh tun turah ka lo ngai a, mahse engmah a rawn keng awm pawn alang lo a.... A bag thep thlum chu a ak a.... Thildang engmah ken a nei lem lo..... Ka chhungte bula a in biak chu a tih chi vak dawn lo tih ka hriat avangim Room lamah chuan ka hruai lut nghal a....
Room chhung kan luh rual chuan “Khawiah nge hmanrua chu...." ka ti nghal a....
“I hmanhmawh anih kha...ka ak alawm" a ti sam et a....
A bag chu a la thla a...thil eng emaw gi arawn phawrh a...." Entlang maw" ka ti ha a..... Ka thusawi chuan a nuih a tiza a ni teh chek ang chu anui kur kur a..." Aw Entlang a nih hi...." Entlang ka tih chu a nuihzat ani tih ka hre thiam nghal mai...mahse saptawngin a hming ka hre miau lo a.... “Enga tan a hman tur nge ?" lungawi vak lo chuan ka ti ta zawk a....
"Naktukah M.C kawta ka kal hunah nang chu M.C chungah i lo awm ang a.... Hemi hmang hian message min lo thawntu hmel kha hmuh ilo tum dawn alawm"
“Eng a ???.... Kha sms rawn thawntu che kha a lokal dawn ami...?" ka ti let ha a....
" Ka chevel min hmu turin alo lan ngei chu a ngai alawm....tualthattu diktak min kawhhmuh dawn a nih chuan M.C kawta ka che vel hmu turin a lo kal ngei ngei a ngai dawn a...." Raymonda chuan a ti a....

Mahse chutiang a alokal dawn a nihte chuan nangman ngatingei i hmuh mai loh a....." ka ti let ve thuai a....
“Val..... Ngaihtuahna hi hmang ve thin teh..... A ruk thei ang ber a chet a duh ani tih tunge a nih a insawi duh miahloh dan atang hian a hriattheih reng alawm.. Chuvang chuan ka mithmuhah chuan a rawn lang dawn lo hrim hrim “Raymonda bawk chuan ati leh a.....
“Ka hrethiam e.... He entlang hmang hian M.C chung atangin ka lo zawng kual dawn tihna ani maw?" ka la ti leh hram a....
“Aw ni e.....chuan a hmel kan hmu thei a nih chuan hetiang a kan hnuchhui lai mek a hmeichhe pakhat a rawn in rawlh ve ngawt thei hi rinhleh a kai hrim hrim .... A hmel i hmu thei a nih chuan kan chhinchhiah a ng a.... A ni hnen atang chuan thil eng emaw hriat belh tur kan neih ka ring tlat ani..." Raymonda'n a tih atang chuan ka hnathawh tur chu ka hrethiam ve chian entlangna chu ka en vang vang a......
Raymonda chuan " Galileo khan khatiang thil a lo hmu chhuak kha kan tan chuan malsawmna ani" a ti teh daih a.....
“Kei aia lehkha i zir sanna hmang khan min chungtlak viau mahla...kei chuan 'ENTLANGNA' ka ti tho tho dawn" ka ti bak hlur a....
Raymonda chu za em em hian a nui hawk hawk a " Thian mawlmang deuh neih hi a hlimawm anih hi.... Ka thian neih tawh zawng zawngah a tha ber i la ni...naktukah chuan i hna tur chu i hrechiang maw.....ka va haw tawh ange.." tih pahin Raymonda chu a ding hluai a....
Kal a tum lai tak chuan a phone chu a rawn ring rang rang a....

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)