Luiral Ngaw pui_ziaktu, Laltanpuia Chapter-5

[April Hmar Liverpool]

LUIRAL NGAWPUI_ziaktu, Laltanpuia

Chapter_5

Vcp chhungkaw chunga thil thleng mak tak mai chuan titi a ti tam hle mai a. Chutia Vcp nunthara te meuh chhungkua a thil han bo ta mai pawh chu luiral ngaw a duhsaka leh duhsanga te ru bo tu luiral ngaw huai thil tih a nih ngei ringa zeldin thu hla eng eng emaw titi fahrah te te chu a darh chak leh ta em em mai a.

Vcp nunthara meuh pawh chu inthlahdah thei a ni ta hauh lo. Chu thil bo dan mak tak mai an chunga thleng mek pawh chu ngaih that lohna tham a tling reng a ni. Mi zawng zawng chuan duhsaka leh duhsanga te thlarau in thil engemaw tak hrilh tur an nei a nga, Chutah an thlarau chu an awm ngei ani tih tichiang turin Vcp te chhungkua ah chuan chet rawn la niin an ring hlawm a, an bo na leh an thihna phena thil mak inthup awm chu haichhuak ngei tur leh chhuichhuak ngei turin an duh pawh a ni mahna le.

Chutah, thil mak tak a ni, thlarau emaw ramhuai thil tih anih ngawt loh chuan thil ru tu chu tu chu nge maw a han nih ang le? Vcp nunthara chuan a dahna a hai anih an rin thu te chu an han hrilh a, Chutah nunthara chuan thil thlen dan kimchang chu anihna tak nen chuan an chanchin ngaihven tute hnenah chuan a hrilh ta a.

Nunthara chuan a chabi dahthatna hmun a a chabi alo awm loh thu te, a chabi bo chu an zawn chiam thu te, police inspector ruata'n a chabi bo chu doormat kara a chhar thu te, Chutah chabi hmang a almirah hawng a a thil dahthat en tura a han en chuan almirah safe chhunga a thil dah chu a lo awm ta hauh lo mai a, chu thil thleng mak tak chu thil chik mi thenkhat te hnenah pawh chuan a han hrilhfiah ve zung zung bawk a, ruk ru thil tih angah han ngaihruat dawn ta se engmah Chutiang thil titur a chet lak awm an hre zo silo, Chutah police lamin an uap chhungkua ber kherah lehnghal, chu rukru chu a ngampa in a nghal mai mai khawp ang le.

Police inspector ruata leh a nau te pawh an awm ve reng a ni si a, Vcp chuan a nupui fanau te chu a rinhlelh hman thelh thu leh thu pawh a zawhfiah thlap thu te chu a sawi leh zel a, a ngaihna an hre lo tlang hlawm kher mai. Chutihrual chuan chabi hmu tu inspector leh a nau te chuan nuam lo an tih avang leh chutia anmahni an awm ve reng lai pawha thil a han bo thei mai chu tlawm thlak tiin an awmna hmun chu sawn an duh thu an sawi ta nghe nghe a.

Chumi atan chuan lallen khaw middle school chu he lai lallen khua a an cham chhunga inkhuar nan a hman an dil ta hial mai, Chutah Vcp nunthara leh a chhungkua, a nupui chen chuan police leh a nau te inthlahrung chu duh lovin chelh beh an han tum sateh a, mahse, inspector chuan insawn chhuah chu a ti ta tlat a, middle school a inkulh chu an phal sak ta ngawt mai a ni.

Chutiang thil a han thlen takah chuan police lam chu duhkhawp loh a na ta viau mai a, thlarau lam chungchang leh Evangelist te chah luh a an khua a buaina thlen mek tu thil mak chu hnawt bo turin hma lak te an duh ta hial mai, Nimahsela inspector chuan chu thil chu alo hriatin alo remti ve hauh lo thung a, khawtlang hruaitu te rawtna pawh chu remti ve hauh lovin amah ah chuan rinna nghat turin a duh thung a ni.

Mahse, khawtlang beidawng leh mipui te chi ai chuan puithuna lama mi thiam te chah luh hial mai chu an duh ut ut tawh si. Inspector tan erawh chi ai a rem ve lova, mipui te thlamuan tu an nih chu a tul ani.

Chutia inspector te meuh pawh inthlahrung leh nuam lo ti chunga Vcp te in atanga an han insawn chhhuak ta mai pawh chu awm lo tiin a mawi lo an ti a, lallen khawtlang meuh pawh chu an zak ru a, inspector ruata leh a naute khawngaih ru tak chung leh ngaihtuah ru tak chung chuan an inthiam lo lehling ve viau tho a ni.

Vcp nunthara phei chuan pawi a ti hle a, mahse Vcp nunthara chuan pawi ti viau mahse inspector duhthlannna ani a, remtih mai loh chu tih theih a nei bik lo a ni.

Vcp nunthara chuan khaw mite hreawm ti lutuk tur leh inspector laka inthlahrung lutuk tur chu hrethiamin, "ni e, inspector hi chabi hmu tu kha a ni a, a ni tan chuan a nuam lo duh ngei ang, a chhan chu amah kha chhungkaw zinga mi angin ngai ta ila, kei ngei pawhin ka nupui ka ringhlel hman thelh kha a ni si a, mikhual an ni a, ka chabi bo hmu hmasa ber tu kha a ni lehzel si a, chu chuan chabi bo kha a ma ruk te pawh a an tir dawn dawn a, chutihrual chuan chabi bo rutu a ni lova, keima haihawt luatah ka dahna ka hai palh mai mai zawk a ni.

"Tichuan inspector in min hmuhchhuuah sak leh hlauh zawk a, a lawmawm takzet zawk, mahse inspector chuan nuam a tilo a, hreawm a ti takzet rih a ni. Chuvanga hetia inpu chhuak ta pawh hi an ni a, mipui lam pawhin hre awm tilo ila, inspector te duhthlanna zawk ani tih hria ila, ngaih ngam takin i awm zawk teh ang u khai" tiin tualchhung group ah chuan thuchhuah a han siam ve leh bawk a.

"Eng em kan tih phah lovang, thil pawimawh em em pawh a ni hran lo e, engtia lo bo ngawt thei nge anih erawh hriatthiam a harsa hle a, mahse keimah bawk hi ka ni ang, ka dahna ka hre zolo a ni a nge, in chhung te kalo enkual ve leh bawk a nga, a tha ang e" tiin group ah chuan thu chu a han post a, mipui lam comment atang chuan fiamthu a ramhuai anih ring te, khawmu lak bo anih ring a fiamthu nana hmang ta te pawh an awm nawk mai. Nuihna tur lah a tam a, chutihrual chuan thil mak tak erawh a ni e' tih bawkah chuan mipuiin rilru an dah thung.

Rinpuia chuan thingpui intur a pu han pek pah chuan, "sir, kha thingpui aw, a mak ngawt mai engtia Vcp thil chu han bo ngawt nge maw a nih le" a han ti a, inspector ruata chuan, "khawmu lak bo a ni e' an tih leh tawh kha, kei ngei pawh hian ka awih ta riau mai. Heti anih takah hi chuan mi bo ta te hi engtin emaw tak biak pawh ka duh a ni" a han ti a, chu thu a hriat rual rual chuan rinpui a chuan a thing pui in phuhchhuak thawt chung chuan,

"Eng, engtin maw sir, i fiamthu ani maw, ni e tiraw, mi bo te ngei hi an mahni ngei hian thil hi han sawi fiah mai ta se la, a awlsam ber mai ang chu tiraw" tiin a nuih chu a za ve takzet. "sir, a beidawnthlak ve em bawk a ni tiraw" a han tizui a. chutah inspector erawh a nuih a za ve tlat lo.

"Rina, ka fiamthu hauh lo aw" a han ti a, la nuih kur kur pah chuan rinpuia chuan, "sir, sawi tawh lo teh, hoh hun pawh anih chiah loh hi, min ti ho dawn" a han ti zui leh a, chutah chiang zet hian inspector chuan a nau rinpuia nui kur kur reng chu han en in, a mitmeng chu a fiah kher mai.

"Rina, ka thusawi hi ngun takin ngaithla rawh, duhsaka leh duhsanga te kha engah teh lul nge ka titi pui theih loh tehlul ang ni" a han ti a, Chutah nuih za la insum lek lek chung chuan rinpuia chuan "eng, engtin nge sir, an ni te chu han titi pui chi pawh an ni ngut nang maw le" a pu hriatthiam loh hmel tak chuan a han ti a, Chutah inspector chuan ngun fe a an piaha thingkung ding chu en in,

"Rina, joela nen khan Vcp te in lamah lo va pakai ula, kei erawh mi bo ta te chhung pi mawii leh duhsaka chhungte awmna lamah ka lo va chuangkai ve thung ang"

"awle, awle sir, i sawi ang zel in le, mahse enge kan tih ang"

"Rina, keiin duhsaka leh duhsanga te titi pui ka tum thu hi in lo hrilh ang"

"Lalpa leh!" Rinpuia chu a nuih a za tawh hauh lo. "Sir, i ti tak tak em ni? an mahni awmna chu i hria em ni? An la dam tihna maw" Chutah, a melh ngai chu la melh ngat ngat pah hian, "rina, ka thusawi awmzia hi i man chiah lo em ni aw ka ti. An awmna te chu hre teh reng mai. Mahse, ka hmuh hma chu ka chiang ngam bik lo a ni"

"Sir" a ring tha kher mai. lawm avangin rinpuia chu a tum loh deuhin a au thut mai a, "sir, khawiah chuan nge an awm? Eng tin, engtin nge?" "Rina, heti zawng hian ka han hrilh ang che aw, duhsaka leh duhsanga te kha an la dam i ring em?" Chutah zuai zet hian, "Naa, sir, an awmna i hria emaw tia"

"Rina, an la dam i ring em?" Chutah thawk halh pah chuan rinpuia chuan,

"Sir, ka rindan chu dawn thiam har ka ti, note bu a thil kan chhinchhiah tak tam tak te hi thil pawimawh kan neih chhun te chu an ni mai a, heng atang a a landan hi chuan mipui tam zawk sukthlek ang in puithuna lam thil khawmu chawi an nih te hi ka ring ve rum rum tawh mai. Khawmu chawi an nih loh nachhan tura tan chhan tur thil lah hi a vang tual tual a maw tih mai tur a ni si a. Pastor in min ho se a zia mahna"

"Ngawiteh rina, chu i sawi hmang chuan khawmu chuan lo chawi ta ni se, nung a an la awm chu i ring tawh lo tihna a va ni mai awm ve" rinpuia chuan a pu inspector ruata thutak hmel lutuk mai chu en vang vang in, "sir, tlang taka sawi chuan an dam ka ring tawh lo" a han ti zuai raih a, chuveleh inspector chuan, "chu tak reng chu alawm ka sawi, an mahni ngei biak a titi pui ka tumna chhan kha" a han ti leh a, chutah rinpuia chuan "sir, an mahni ber an thi tawh awm si a, engtin tehlul nge i han titi pui theih tawh tehlul ang ni" a han ti leh hram a, Chutah inspector ruata chuan a hmel thutak lutuk leh rit lutuk chu tih zangkhai tum tak chung leh ngaihsam hmel pu chung chuan,

"Rina, mitthi tawh te hian thlarau an nei a, chu chu keini in kan lo biakpawh tur chu an ni ta a ni. An thlarau ka titi pui dawn tihna anih chu" rinpuia chuan lung dam lo fe hian, "sir, fiamthuna chi pawh a nilo" a han ti a, "nilo ve rina, ka thusawi hi i rin a ngai, tun atan chuan, thlarau lam be pawp thin medium an tih te hi an chungchang chhuiin zirchianna ka lo nei ve nual tawh a, an zinga mi pakhat Barbara an tih mihring te thlarau, mitthi te khawvel atanga kochhuak thei tihdan zulzuiin chet ka la dawn a ni"

Rinpuia chuan beidawnthlak a ti kher mai, a boss chu a â ta mai em ni? "Mahse sir, Chutiang thil he laiah tih chi ani ngawt dawn em ni?" Chutah inspector chuan rum zet hian "rinpui, pachang takin awm rawh. Pangchan loh tur, thil chu anih nih nih tir hun a ni ta, he laiah hun tam kan nei ta lo bawk a, a hmawr kan bawk a tul ta. Mitthi ta te thlarau chu keiin ka titi pui ang a, nangni in he laiah vantlang titi in lo bengkhawn ang. Tunah rih chuan hei ala hma a zanin ah chu chu ka tan ang" tiin a thingpui in lai chu a han lem khalh khalh a.

Rinpuia chuan a pu chu a â tawh anih ngei a ring, a pu khawsak dan mak tih em em a nei, engvanga an thlenna hmun atanga he lai a insawnchhuah chung chung duh hi nge anih? Tichuan thil mak pui pui, mi te ngaihdan, amah ngei pawhin a ngaihdan lo ni ta, khawmu chawi leh puithuna chungchang chu bawhzui turin hma lak a tum leh nghal rum rum a, a pu tak hi chu mipui sukthlek lam chu lo pawm pawh ni ta se, hetia a rang lama hma a han la leh nghal a a han bawhzui leh nghal mai thin hi chu a fakawmin a hna ah a inpe pumhlum takzet a ni tih a hriat, a rilru chuan "sir, eng ang pawh in chet la mah la, miin mak tiin atthlak ti mahse, mipui zawng zawng rilru sukthlek mek pawh hi ngaihtuah chian a thil atthlak tak zawng a ni ve tho a ni' tiin eirawng bawl tum chuan in chhung lam a pan thuai a.

Joela chuan rinpuia eirawngbawl tum hnenah chuan "rina, mahni a ei insiam kher a tul lo anih chu, kan vc te in lamah chaw chu kan ei ang, he laiah hetia ei kan inrel hran hi an remti lo anih chu, an mi duhsakna vang liau liau anih chu" a han ti a, Chutah rinpuia erawh chuan nuihza tih hriat tak mai hian, "ngawi teh joel, kei zawng thil reng reng mai hi a zahthlak ka ti zo vek tawh. Vcp te in atang khan insuan chhuah kher kha a tul lo asin le, kan sir thu hi a ni si a, an thil tihbo a mai vanga keini lo inthlahrun ve ngawt nachhhan tur a awm lo, Vcp kha a thil dahna a hai vel mai mai a ni, thil tih bo a hrat ve hrim hrim a nih kha.

"Tunah lah kan sir chuan duhsaka leh duhsanga te thlarau biak pawh a tum lehzel a, 'police ka ni ta lo em maw ni chu aw' te ka inti rum rum tawh, kan awm dan teh nuai hi ka hrethiam zo tawh lo. Ka nuih te hi a za zo tawh. Kan sir lah hi a beidawng duh silo, ti hian tawng mawilo ni lo se, mi bo te hi chu lo bo ve mai mai rih se, mi tu mahin a ngaihna an hriat loh thil a ni tho a, keini lam pawh hi kan hmun lamah let leh tawh mai ila, thil a kal pangngai leh tawh ani mai tur hi a ni a, heti hian maksak deuh deuhin kan khawsa chho leh tan dawn a ang riau, kan pu in a ze diktak a chhuah tan dawn niin ka hria, a tawpah erawh hlawhtlinna chang hram ila ka ti. Han ngaihtuah chian hian a finfiahna nen thudik tak mipui hma ah kan pharhchhuak zo leh silo anih chuan kei chu zah avangin boruakah ka tham ral ve daih duh ngei ang"

"Ni e rina, i thusawi chu a dikna chen a awm alawm, kan station lamah let leh tawh ila, hetiang ang thil mak hlir ringawt han buaipui tak reng mai chu, maksak pui puiin kan khawsa nulh nulh reng ringawt mai a, police ka ni ta lo emaw tih mai pawh a awl anih tak hi a, tuna kan awmdan te hi a maksak em asin tiraw" joela chuan a han ti ve luam bawk a.

"E khai, Chutiang te a intih mai mai ni, a hmawr kan bawk tep tawh a, he laiah ni hnih khat cham bang tura ka tih khan hei, a hun kan tlan pel miah lo ania" tiin an pu inspector ruata chuan kawngkhar chu vuan in anmahni chu alo en uluk ngang mai. Chuveleh inthiam lo fe hian joela chuan "sir, i awm tih kan lo hre lo va" a han ti ringawt a, Chutah inspector chuan "chung te chu ka bulah sawi tur alawm, hreawm intih chuan sawi mai tur, he laiah hi chuan thian inkawm ang bawrh bawrhin innel tak leh inpawh tak in aw, nuam lo ti chuang suh u, chuan joel, rina'n a hrilh tawh che em? ka ruahmanna kha"

"Aw sir, hei kan lo sawi mek a"

"E, lungngai reng reng suh u, kan hnuchui hmawr kan bawk tep alawm hei. Duhsaka leh duhsanga te thlarau ka bia ang a, thil engkim chu kan hrechhuak mai dawn alawm"

"mahse sir, an ni thlarau chu i be pawp thei meuh ang maw?

"Joel, medium chu ka ni hauh lo, mahse ka ti thei em em ang, lungngai lo ula"

"sir, thlarau be thei medium te hi a hran a rawih law law a finthlak zawk mah lo maw"

"E khai! Joel i ti mak e mai, kei ka awm reng alawm, ka lakah rinna nghat ta che, medium reng reng kan ngai hleinem, kei hian thiam loh ka nei hleinem" nui huah huah chung chuan inspector ruata chuan a han ti a.

Zan hun chu a rawn inher a, inspector ruata chuan a thil tih tur chu a phur hmel in a nghahhlelh hmel tak zet. Chaw ei a a nau te chu Vcp nunthara te in lamah hun an la hman avangin amah chauh chuan middle school an inkulhna hmunah chuan a awm a, a hmelah chuan tumruhna leh zauthauna a hmuh tel theih hial mai.

A nau te chu bia in a thil tih tur chungchang chu Vcp te hnenah chuan lo hrilh turin a han ti a, Chutah amah pawh chuan mi bo ta pahnih chhungte awmna lam pan chuan chet a la thuai a.

Duhsaka pa Zama chuan inspector ruata hnenah chuan mak ti zet hian, "inspector, chu kan fa te thlarau chu i be pawp thei tak tak ang maw?" A hmelah chuan mak tihna leh hrilhhaina a hmuh theih. "Aw, ka ruahmanna hi zanin hian hei khua a tlai tak tak hma hian bawhzui ka duh a, ka ruahmanna te hrilh hriat pah che u in ka rawn dak zuai anih hi, duhsanga nu hnenah ka kawi leh ang" tiin a kawnga pistol chu a han zut hauh hauh a, a phur hmel kher mai.

A bag ah chu ngun zeta en chung chuan Zama chuan "pu inspector, kha eng eng te nge i ah a?" inspector ruata chuan "thlarau ka kohchhuahna atan a thil tangkai leh pawimawh te an ni e" tiin alo chhang mai a, "awle inspector, hlawhtling ngei turin duhsakna ka hlan a che aw" tiin Zama pawh chuan inspector kal liam tur chu a thlah ve ta a.

Chutah inspector ruata chuan "pu zam, in chhungin ka lo kir hun in lo ngaichang reng dawn nia, ka kal hla dawn lova, min ngaihtuah a ngai lovang, he lamah ka naute pahnih in boruak an lo ngaichang ve bawk ang" tiin duhsanga te in lam pan chuan a kal thuai a.

Rinmawii chuan chutia inspector bag nen a a rawn nih tak rupah chuan mak alo ti viau mai. "Enge ni ta inspector? in station lamah in let leh tawh dawn em ni?" alo ti thuai a, inspector ruata chuan a lu chu thing na na in "ni lah lo e, pi mawi, a hmawr kan bawk chho tan ang, eng ang taka police inspector tha leh thawkrim nge ka nih chiah tih chu ka lantir dawn a ni" tiin a ruahmanna te leh a tihtur te chu a han hrilh zung zung a, mawii chu mak tiin a mengphar awn awn mai.

"Awle pi mawi, hei khua a tlai zel mai si a, ka lo kir hun min lo ngaichang reng dawn nia, ka lo kir har lutuk lo ang. Zan dar sawm leh pakhat thleng min lo ngaichang ula, ka lo la kir lo anih chuan min lo mutsan mai ula, ka kal hla dawn lova, in ngaihtuah a nagi lo a nia"

Mawii chuan inspector kal liam tur chu a thlir zui vang vang a, inspector chuan ngaihtuah ngailo inti mahse a ngaihtuah ru in inspector chet dan maksak tak avang chuan inspector ruata meuh pawh chu a beidawng takzet tawh tih a hrethiam a, chu tia thlarau a lam lam te biak pawh a tul ta rum rum mai chu a chauhthubarawh thlak in a thang tlawm thlak a ti vawng vawng kher mai, inspector chu a rilru te hial buai ta ah a han ngai deuh rum rum a, a bo ve mai te chu a lo hlau ru kher mai, mahse inspector ber chuan ngaihtuah lo tura a chah chian em avang chuan awm nuam lo ru tak chung chuan in chhung lamah chuan a lut ta hna hna a.

Inspector ruata chu mithi tawh a ngaih mi bo ta duhsaka leh duhsanga te thlarau biak tum ni a insawiin ramhnuai lam pan chuan a kal liam ta. Ngaihtuah a duh lo a, ngaihven chu a duh hauh lo. Amah ngaihtuah avanga zui ruk te chu a duh dawn hauh lo tih a hrilh lawk thlap hlawm a. Chutiang thil chu mahni chauh a tih ngai anih thu leh midang an tel ve a rem loh thu te chu a hrilh vek bawk.

Zan hun chu a ral zel a, dar zat a kiam zel. Vcp chuan inspector chutia amah a a chhuak ta chu a ngaihtuah hle mai a, rinpuia hnenah chuan, "rinpui, kan pu hi thahnem a ngai lutuk deuh a ni. Khawmu chawi te hian alo awm ve palh mai ang tih hi ka hlau khawp mai. Ka ngaihtuah riau mai, thlarau biak a tum i ti em ni kha?" a han ti a,

rinpuia chuan "aw pu nunthar, a tih dan thin a nia, tun hma lam pawhin hetia thlarau biakpawh chang hi a nei thin alawm, kum liam ta maiah pawh khan hmeichhe pakhat, a pasal kuttuar a thi ta chungchang pawh kan chhui hrep tawh a, mak tak maiin mahni intihlum a mi tam takin an ngaih Christina-i chu a pasal kut tuar a boral ani tih hetiang thil, thlarau biakpawhna avang hian kan lo hrechhuak tawh alawm, amaherawhchu tualthattu ber a pasal victor vanlalpianga kha a hnu tawpna kan han chhui thlen meuh chuan alo boral tawh a, mahse Christina-i thlarau in a hrilh danin thil engkim chu kan hriatchhuah phah ta tho a ni.

"Mahse kei ngei pawh hian hetiang thil hi ka awih ngai lova, ka pu hi a thil tih tawh chu ti tlut mi hi a ni si a, ka dang duh ngai lem lova"

"Chu, thlarau chu a be pawp thei tak tak tihna em ni?"

"Aa, hei hi chu a thuruk hi ani ve a, amah chuan be pawp ngei chuan a insawi ve si a, mahse ka han awih lo lek lek thin a, hei hi chu a hnuchuina a a tihdan danglam tak pakhat niin ka ngaihsak mai thin a, chu mi tum pawh chuan Christinai'n a pasal in a thah thu te engkim a puang a, mahse midang keini lam chuan engmah kan hmu in kan hre ve lem lo thung.

"Thlarau a biak pawh lai ngei pawh chuan a bulah ka awm ve reng a, a phun mawlh mawlh a, amah leh amah chu a inbia ni berin ka hria, engemaw chang phei hi chuan a rilru a buai ni te hian ka hria a, a ngaihtuahna mai mai leh a thil zeldin maimai ni te hian ka hre thin a, chumi tum a kan hnuchhui pawh chu a finfiahna tha tak erawh kan nei lova, a chhan chu Christina-i pasal victor-a ber kha alo thi hman tawh si a, a ni victor-a kha la thi lovin lo la dam ngat se chu victor-a ka ngei atang khan thudik engkim kan hre tur a ni a,

"Chutia thlarau thusawi atang ringawt kha chuan thil a funkim lo ka ti a kei chuan, tichuan a funkim ber tur leh Christina-i thusawi te a dik ngei ani tih fiahna turin victor-a ber a lo thi lehzel si lai a khan a tawp kharna pawh kha thil ho lam ah a chhuah ta lek lek zawk mai a, victor-a ber a thi tawh si a, chuvang chuan keini hnuchhui hmawr bawk dan chu court chuan puitling lo tiin thlarau biak chungchang pawh chu thutak hla tak ah min ngaihsak duh ta lo a ni.

"Tichuan keini lam ngaihdan kha court in a pawm ve lo tihna anih chu, Mahse inspector berin Christina-i thusawi zawng zawng te chu a evidence neih chhun an ni mai si a, chuvang chuan keini lam pawh chu court chuan rilru lam enkawlna a hun hmang tura min tirliam kha a tum ta nghe nghe a ni. Victor-a kha lo la thi lo se chu a hmawr kan bawk fuh tur kha a ni a.

"Mahse, kan pu ngaihdanah chuan Christina-i thusawi zawng zawng chu a dik a, a takah ngei finfiahna tha nei ta lo mah ila, kan hnuchhuina chu a hlawhtling thawkhat viau niin a ngai tlat thung"

"Awle, anih tak chu, a zialo hle mai, inspector chu tha chhuak leh vat se ka duh takzet, khaw nge, a rilru buai vang anih kei pawh hian ka ringhlel ta tlat mai, amah ngaihven turin ka chhuak ve nghal teh ang"

"Pu nunthar, nilo, nilo, sir chu i va hmu hauh lovang, ani chuan alo hmu reng che anih pawhin inhmuh tir che a duh dawn lo hrim hrim, a ruahmanna ang a thil a kal dawn lo a nih ai chuan mi â ang mai a khawsak pawh a duh fo mai. Mi rilru lian a ni a, i tha i va seng thlawn mai mai ang. Ngaihtuah buai duh suh" rinpuia chuan alo ti thuai a.

"Awle, hei zan a tlai zel si a, min lo ngaichang ru a ti tiraw kha?" Vcp chuan a han ti a, Vcp chu a awmdan ah leh a hawiher ah te reng mai chuan a ngaih chu a tha hlawl lo tih a lang reng mai.

"Heti reng reng hi chuan buaina dang kan tawk leh palh mai ang, rinpui, in pu hi i hrechiang viau a maw? He lai hi chu hmun dang nen a in ang tawh lo a nia, at so mai mai chi a ni lovang" tiin inspector a ngaihtuah em avang chuan Vcp chu a thinur lek lek zawk mai. "Buaithlak lutuk mai. Mi pangngai leh mi fing tak turah kan lo ngai asin, a bo veleh nulh mai ang tih mah hlauhawm hian, hetiang ang boruak anih lai a mahni chauh te a lo chhuah reng reng ni, a ti ang lo lutuk"

Rinpuia chuan Vcp rilru tur chu hriatthiam pui tak mai hian "khai, pu nunthar, kei deuh hi alawm rilru hah thin ni. Ka ngaihtuah thei thin asin, a huai te hi a hauisen ka tia, huaisen tak ani, a ruahman ang leh a hlawhtlinna a hmuh hma hi chu mi â ang leh ngaihtuahna neilo ang mai hian a khawsa fo alawm, a lu te hi a zuar lo chauh maw le! mawl chhah thin tak ani" Rinpuia pawh chu a ngaih chu a thalo tan ta riau mai a. Mahse inthunun hram hram chu a duh tak zet.

"Awle rina, ka inbengdai hrih phawt ang, mahse a rawn let tlai viau dawn a a lan chuan, khaw maw, amah te kha han phone teh ang" tiin phone chu a chuh thuai a, chutah rinpuia chuan, "pu nunthar, amah chauh a thil a tih tawh hi chuan amah in min mamawh a min lo bia te anih loh chuan phone call ala mai mai ngailo" Chutah hahthlak tih hmel zet hian "eng ang mihring nge maw a nih le, a â tak tak ani lo maw rinpui, kan pu a hi hahchawlh a mamawh a ni. Heti reng anih chuan he lai ngeiah hian chin hriat lohin ala khuangcher bo ve nulh te hian a nia a ka rin ni.

"A khaw eng lo zawng hlir hian a che a mawn chu tih tur a ni chho ta zawk tlat mai a, a tira kan thla a han muan tehlul nen, a buaithlak dawn khawp mai" tiin inspector chu a han call nghal thuai a, mahse inspector chuan Vcp phone call chu a chhang hauh lo, Vcp lah pek chuan a chhanna a hmuh hma chu a han call nawn ta tluk tluk mai a, Chutah message a dawng ta, a rawn let leh mek thu chu a rawn hrilh a, sana chu an han bih a dar sawm a lo ni. Chutah, mi bo ta chhungte lam an rawn lang ve ta bawk a, Vcp pawh chuan lo chhawn thuaiin "ee, lokal ru, lokal ru, pu zam, pi mawi, in rawn lang thei a ni maw, mami thingpui kha han buatsaih ta che, hei i pu Zama te an lo leng a nia" tiin a inleng te chu alo chhawn nghal thuai thuai a.