PSYCHIC Volume II_Chapter-3

[April Hmar Liverpool]

PSYCHIC_Volume-2

Ziaktu, Laltanpuia


Chapter _3




Inspector remruata chuan Freddy-a thu sawi chu rin har a ti hle mai a, a mi rin awm chhun rinpuia hnenah chuan a thian tha ang a a ngaih Freddy-a ngei pawh chuan a hnenah chuan a thusawi a thlak tak hlauh thu te chu a hrilh ve a, Freddy-a chu chutia engemaw thil pawimawh tak avang a rilru thlak a thu kuai danglam ta ang a a lanna phenah chuan thuruk pawimawh tak a awm ngei a rin thu te, Freddy-a ngei pawh chu rinhlelh awm a tih thu te, a tir te atang a thil han chhui dawn dan turah pawh chuan thil hriatthiam har a tih thu te chu a hrilh malh malh reng a.




"Rinpui, pi Lucy-i i tih kha Freddy-a thianpa doctor hriatpuia nupui boral ta kha alo ni reng mai a. Tin a pasal doctor hriatpuia chuan pi lucy-i chu rilru lam leh taksa lama mi bawrhsawm tak, a thusawi rintlak lohah a puh tlat mai bawk. A thil hmuh chu a hmuh sual ni ah a puh tlat mai. Engpawhnise tun ah rih chuan ka remruatna ang a min thlawp thiam hi ka mamawh rih dawn a ni. Ka sawi ang zelin chet in la a nga, he thil thleng phenah hian thil inthup awm hi hriatchhuah ngei ngei a tul a ni. Nunna chan ta pawh he mi phen ah hian an awm nual tawh a, an awm leh maithei bawk. Freddy-a hian a chhung te zing a mi tu emaw tak chu ala chan veleh maithei ani. Chumi a thlen hma ngei chuan he thil thleng hi tihtawp vat a tul a ni.




"Han ngaihthah mai mai chi niin ka hre ta lo. Tunah rih chuan a landanah kan thian doctor te pahnih hian thil zep ruk an nei tih chu a Chiang reng tawh a, lianzuala ber chu he laiah rawn inlan leh vat se thil awmzia dik tak chu hriat kan lo tum dawn a ni. He pa lianzuala ngei pawh hi thu han zawt fiah dawn mah ila thudik a sawi duh hauh maithei bawk. Khang an rilru buaina leh an ngaihtuahna fel loh chungchang kha chu kei ngei pawh hian ka pawm ta hauh lo mai. An thil hmuh leh hriat te kha a dik reng em? Nge ni a an thil phuahchawp mai mai zawk? Mahse doctor, patling ve meuh in a thawnthu phuahchawp atan chuan ramhuai te chu a ho lam angreng phian si a, thil nihna diktak hi a pawimawh ta ani. Keimah ngei hian chet ka la dawn ani.




Rinpuia pawh chuan a pu inspector remruata awmdan leh a tawng dan velah chuan ralkhel dar a ri a ni tih a hai hauh lo.




Inspector chuan Freddy-a chu a khat tawk chuan a be reng a, lianzuala chungchang erawh engmah a zawt duh lem lo. Freddy-a thu kawih danglam danin Freddy-a leh doctor hriatpuia, lianzuala te pathum chuan rangkachak chungchang ah thuruk an nei ta tihna a ni ber a, chu lamah chuan inspector chuan engmah zawhna emaw thil hriat thar tur a awm leh awm loh a thlithlai duh lem lo. Tin, a thil awih zawng a ni lem lo bawk.




Zirtawp zan zanlai a ni a, Freddy-a chu tui ti tak in a khumah chuan a muhil bawrh bawrh reng a, Chutah le, thawm ri thuai chuan Freddy-a muhil lai chu a thawng tho Chiang kher mai. Chuveleh phawk fe a hawichhuak nghal hra chung chuan tukverh lam chu a pan nghal thuai a, harsa ti zet chung chuan tukverh parda chu a han hawng ta a, Chuveleh a thil hmuh a vang chuan a te chhuak nghal thawt mai, hnung lamah chuan a tawlh sawn nghal dawrh mai. Chu mi rual chiah chuan rang fahran mai hian tukverh atanga amah Freddy-a lo en reng tu chu chung lamah chuan hmuh zui tur awm lo hian a inban kai chho nghal daih mai a.




Freddy-a chuan a mit chu a han nuai nawk nawk a, mak a ti kher mai. Chutah thin ur fe hian "uai, eng thil nge ka lakah hian duh in neih chu le aw, nang ni pa fa bawk in ni maw? Vawikhat kha a tawk mai asin, hetia infiam nan leh a zawngchhang zawng a chet inla fo dawn anih chuan engkim ka puan vek mai tur che u nia" tiin a mobile phone chu a chuh nghal thuai a, Chutah In chung lam pan chuan chak fe hian chet ala nghal thuai a,




lehlam atang chuan mut kham lo tih hriat tak mai hian "enge ni ta? Tun ang zan lai laiah" a rawn ti a, Freddy-a chuan teu zet hian "hriatpui, fiamthu na chi ani tawh lo a nia aw" a han ti vin nghal hlur a, Chuveleh In chung zawl chu a Chuang chhuak nghal chawpchilh bawk.




Mahse In chung zawlah chuan mi tumah reng a hmu lo. Chutah lehlam atang chuan "eng thil maw? Enge i chungah thleng" a rawn ti a, Freddy-a chuan thinur zet hian "ngawi teh. In In-ah khan tunge awm che u?" A han ti leh a, hriatpuia chuan "Freddy, enge maw i hriat le? Kan inrem tawh kha, intibuai zui tawh lovang" a rawn ti a, chuveleh Freddy-a chuan "imm, tunah hian in In-ah ka lokal dawn" tiin a phone chu a dah nghal hmak mai.




Freddy-a chu a insiam sawk sawk a, lungawi lo ru tak leh hmanhmawh fe hian doctor hriatpuia te In lam chu a pan nghal thuai a.




Doctor hriatpuia chuan Freddy-a lungawi lo hmel alo hmuh chuan "Freddy enge ni ta? Tun ang zan zan ah" a han ti a, Freddy-a chuan "hriatpui, ka lawm hauh lo a nia, naktuk hian lianzuala a lokal tawh dawn a, a ni hnenah chuan ka hnenah treatment a lak theih tawh loh tur thu ka lo hrilh ang, nangma damlo enkawl lai a ni a, nangmah bawkin i ngaihtuah leh mai a tul ang.




"Kei zawng hetiang infiamna thilah hian ka buai peih tawh lo. Min tibuai tawh Suh ang che u" A han ti leh tun tun a, hriatpuia chuan a ngaihna hriat loh hmel fe hian, "ngawi teh freddy, kal teh In chhung lamah i lut teh ang" tiin In chhung lamah chuan an inzui lut ta a. Chutih lai chuan piah deuh a bang phen ah chuan mi pakhat hian alo bihthla reng a ni tih reng an hre hauh lo. Chu pa anmahni lo bihthla tu chuan a mobile phone chu lek kangin number pakhat hi a han dial nghal vat a.




Inrinni tuk anih chuan Freddy-a chuan a damlo hming inziah tir te list chu a han enfiah dan dan a, chutah chuan a thian pa police inspector remruata hming alo Chuang ve reng mai. Mak ti zet hian a han meng zau kawk a, chutah a mobile phone chu a chuh nghal thuai a.




"Hello ruata, hei enge awmzia? Ka list ah hian i awm ve reng mai" A han ti nghal tawng a, inspector chuan nui var var chung chuan "hei, he lamah in kawt maiah hian ka awm reng tawh e, min tihsak theih chuan a hma lamah min duhsak thei la ka duh khawp mai, hun ka ngah silo a" a alo ti var a, Freddy-a pawh chuan rum nghat pah chuan "imm, lokal phawt rawh. Tih dan ka lo dap ang" a han ti ve bawk a.




Inspector chuan thingpui no chu dawm in "Freddy, lianzuala kha, kha pa kha vawiin hian treatment i pe dawn em?" A han ti a, Freddy-a chuan "ruata, ka hrilh vek tawh che kha, a lokal ngei dawn e, chuan kan titi dun tur chungchang pawh i hriat vek tawh kha" A han ti a, inspector chuan "ni e, kha lam kha chu ka sawi tum a nilo. Treatment a la ve hrim hrim dawn em ka hre duh a" Freddy-a chuan "imm, treatment la tur chuan a insawi ve bawk alawm, mahse a chhuanlam a ni pakhat in ka hria, rangkachak chungchang kha ka lo sawi pui ang, inremna kan neih theih ngei pawh ka ring. Chuan nang ve thung le enge i harsatna ni ve ta?" Inspector chuan,




"ngawi teh, hun ka ngah lo viau na in ka thian, hei chauh hi min tihsak thei la ka duh ngawt mai. Lianzuala chu han titi pui ve ka duh khawp mai" A han ti leh a, Freddy-a chuan teu zet hian "ngawi teh ruata, i hun i khawhral nasa lutuk palh ang. He pa hi mi pangngai ang a a lanna phenah hian thu lawi lo leh awmze neilo hi a titi duh zawng a ni a, chuvang chuan eng thu hla han belhchian tlak mah in vawrh chhuak dun lul lovang, ka sawi ang chuan titi pui tlak a ni vak lo" A lo ti thuai a, inspector chuan,




"mahse, khang a thil tawn rapthlak tak leh a rilru leh ngaihtuahna chawk buai tu chungchang te pawh kha hriat ve ka duh riau a" a han ti leh hram a, Freddy-a chuan "ruata, ka sawi vek tawh kha, khang zawng zawng kha chu amah lianzuala lemchanna mai mai an ni ka tih tawh kha, rangkachak chungchangah a hlawkna hmuh ve a inbeisei tlat si a, doctor hriatpuia nen pawh kan buai viau anih hi maw, mahse a phu tawk lawmman erawh a tira rangkachak awmna hmun min kawhhmuh tu anih manah kan pe ve a niang chu"




Inspector chuan Freddy-a thusawi chu a awih lo kher mai, "imm ni teh se, chuan he lam hi em ni kha?" Tiin inspector chuan pindan lehlam chu a han thlek ha a, "aw ni e, khalamah khan" inspector pawh chuan chumi room lam chu pan in "ka lo nghak ang che, ka rilru ngaihtuahna hi a dik zan lo a ni. Stress te hi ka nei dawn hnai niin ka inhria" tiin damlo enkawlna room chu a pan zel a, chumi pah chuan "Freddy, minute reilo te chhung chauh chu i room ah mut hahdam lawk mai mai ka va duh em" tiin Freddy-a room lam pan chuan a petek kawi leh a.




Freddy-a pawh chuan a thingpui in lai chu in zo ta Chuang lo chuan inspector buaipui tur chuan room lehlam awmna chu a pan ve ta thuai zawk a.




Chhun ni tlangsan vanglai a ni chho tih chuan thingtlang lam mi lianzuala an tih pawh chu doctor Freddy-a roomah chuan doctor Freddy-a nena inhma tawn zawng chuan a thu fel ran tawh a. Hemi tum hi chuan damlohna chungchang nilovin Freddya'n inspector hnen a alo hrilh tawh ang in rangkachak chungchang sawi dun tur ni awm tak an ni.




Pawn lam boruak chu ka ngaichang ru ran reng a, ka bula miten an sawi sep sep karah chuan kei pawh chuan thu Chiang tak hriat tumin ka beng chu ka chhi ngun ve viau mai. A tum sarih nan doctor pan tura Aizawl lam a chet la ka ni a, ka in entir hnuhnun ber tum khan doctor hriatpuia ka pan kha a ni a, khami tum khan ka thingtlang pui kum 50 Vela upa putar khawngaihthlak leh lainatawm tak in a chanchin danglam zet mai min hrilh nghe nghe anih kha, a hming pawh ka la chhinchhiah reng, lianzuala a inti anih tak kha,




Mahse khami tum khan doctor hriatpuia leh pu lianzuala te kha thu inhmu lovin an inbakkaih chiam mai a ni awm a, enge a chhan erawh ka hre lo. Mahse mi thenkhat sawi danah doctor hriatpuia chuan a damlo enkawl lianzuala, rilru buai leh thluak lam fellohna nei chuan a chungah thil rapthlak tak a thlen tur thu a hrilh chiam mai a ni awm a, an chhungkua ah chuan chhiatna rapthlak tak in thla a zar mek thu a hrilh a ni awm a, chu mi thu hla ah chuan an in bakkaih ta chiam mai a ni.




Khami hnu khan doctor chu biak theih leh hmuh theih a nilo zui ta a, a clinic pawh chu a khar zui ta niin mite chuan an sawi nghe nghe, tin chumi hnu lawk chuan lianzuala sawi lawk ang ngeiin doctor hriatpuia nupui pi Lucy lianhmingi chu a boral ta mai reng a, kei ngei pawh chuan ka tih thin dan pangngai a ka hming ziak tura ka va biak chuan a clinic chu tihtawp lailawk anih thu leh doctor hriatpuia chu rawn tur a awm hrih loh thu min lo hrilh a, tichuan tun tumah midang pan ta pawh ka ni reng a, doctor Freddy-a an tih hi doctor hriatpuia ang tho va rilru lam doctor niin thiamna leh finna ah pawh an intluk tlang hle ang a sawi a ni a, chuvang chuan doctor hriatpuia ber rawn tur a awm tak lovah chuan tiin ka insuan ve ta rawih mai a ni.




Kan bul maiah chuan pa pakhat, a hmel chu a hriam in a hmui hmul chu tlem a zuah a, a inthuamna chu t shirt vut buak rawng ha in trak kekawr a ha bawk a, sneaker dum bun in a pumrua chu pa inkhaithli zaih mai leh mize thutak zet mai nei a ni. Tarmit dum chu a vuah a, a hawiher leh a chezia te reng mai chuan movie vela enthlatu pawl zinga mi min miththla tir thei hial a ni. Nakin deuhah chuan chu pa, pa tawngtam loh hmel tak mai leh mize thutak zet mai chu mi pahnih hian an rawn bekbawr sar sar a 'sir,' tiin an ko nghe nghe. chuveleh chu pa pawh chuan hmanhmawh hmel tak hian chu mi te chu a zui ve nghal thuai a.




Kei pawh chuan ka hming an lam hun chu nghak in ning ru zet chung chuan ka phone chu ka han en a, dar khat a pel tawh. Chutah ka kaw ruak riltam chu han hnem hnan nan tiin ka ei tur ken chu ka han thet ta a.




In entir hun te a zawh fel hnu chuan khua a tlai viau tawh. Doctor Freddy-a hian tlai lam dar nga thleng in entir hun hi a hawng thin a, chumi pel chin ah chuan mi tumah in tihbuai theih a ni tawh lo a ni.




Inspector remruata chuan a thut hmun a thu chung a ngun fahran a a tape recorded a thil ngaithla chung chuan a ngaihtuahna chu a vak thui hle mai a, chumi rual chiah chuan kawngkhar dar chu a lo ri a, a thuthmun atanga thochhuak vat in kawngkhar chu a han hawng a rinpuia alo ni. Engkhaw sawi set set lo chuan rinpuia chuan "sir, chanchin thar a awm em?" A han ti a, inspector chuan rinpuia hnenah chuan "rinpui, a rang a rang a doctor hriatpuia kan hmuh vat a tul a ni.




"rinpui, lianzuala pawh kha kan nau te kutah awm rawh se. He thilah hian enge a tobul tak leh thil awmzia tak ni tih hi engmah thu Chiang ala awm lo, mahse hei erawh thil Chiang tak a ni ta, tualthahna a awm ngei a, chu tualthahna avang chuan thil thlen dan tobul leh thil awmzia engmah kan lo hriat theih loh phah alo ni. Tualthahna thup bo tum nan ramhuai thawnthu phuahchawp Kan ngaithla mai mai thin alo ni.




"Freddy-a ngei pawh hian a tih tur dik tak ti lovin ka lakah thu kuai danglam in lem a chang chho ta a ni, tualthahna a zep pui a, thil dik lo tak a ti ani" Tiin a tape recorded chu rinpuia hnenah chuan a han hmuh a.




Doctor hriatpuia pawh chuan a hna chu chhunzawm leh tawh turin ruahmanna alo nei ve mek bawk a, ni tam tak a clinic pawh chu a khar hnuah damlo buaipui hna chu chhunzawm leh chu a tum mek a ni. A rilru lam leh ngaihtuahna te pawh a pangngai leh tawh a, a taksa hriselna te pawh chuan that lam a pan leh tawh a ni tih chu a hmel leh landanah pawh chuan a hmuh theih a ni. Nun phung pangngai nen hun a hmang ve leh mek a ni.




Chutia alo beisei hauh loh a police lam an rawn lan tak thut ah chuan a hrilhhai in a ngaihna a hriat loh hmel kher mai. Inspector remruata chuan doctor hriatpuia chu han din hnaih in "ka pu, a hma khan i chung a thil thleng duhawm lo tak chanchin kha min hrilh tha hle hle mai la tha tur hi a nia, tunah chuan i sulhnu duhawm lo tak pawh ka haichhuak vek tawh asin" A han ti a, an kiangah chuan hlauhthawn hmel tak leh hrilhhhai hmel tak mai hian doctor fapa leh rilru kim lo duhzuala te pawh chu an lo awm ve a, duhzuala chuan Mangan hmel tak hian "a pu, a pi kha ramhuai in a ei zo vek. A eng phet phet a nalh lutuk, a pu ramhuai chu saw tah ramhnuaiah a awm daih, a pi pawh a ei zo vek tawh" Alo ti leh chul a.




"ngawi teh tlangval, a pi chu khawiah nge a awm? A han ti a, chumi rual chiah chuan doctor fapa chuan teu zet hian "ngawi rawh duha, lalduhzual, engmah lo sawi ve tawh Suh. Ramhuai a awm tawh hleinem, a kal bo daih tawh alawm" Alo ti vin that that a.




Chutah inspector chuan rum zet a doctor hriatpuia chu melh chung chuan, "imm pu a, tun thla hnih liam ta atang khan thingtlang lam atanga damlo pakhat chu i hnenah in entir turin a lokal thin a, chu pa hnen atang chuan chanchin mak leh danglam tak, ramhuai tih te, puithuna atthlak tak tak chungchang te chu i ngaithla nitin ta a, lianzuala thusawi chu i awih lova, lianzuala chuan ramhuai finfiah tur a a tur tak tluk tluk rengah che chuan i han finfiah ve ta a, mahse i rin ai daihin i chhungkua ah chu i thil tih chuan nghawng a nei na ta a,




"i nupui, rilru lam a harsatna nei chuan i thil en chhin na atthlak tak tak, ran kaw chhung hmang a ramhuai kohna te chu alo hria in alo hmu ve a, mahse ramhuai nilo in ui tang zawk an ni. Mahse i nupui chuan ramhuai emaw tiin mangang takin police hnenah a thlen a, tin i nupui chu mak tak maiin a boral zui ta nghe nghe a, lungphu chawl a thi niin nang chuan i sawi a.




"Mahse i nupui thih dan diktak chu i zep duh avang in i thianpa I harsatna ngaihven a nangmah ngei pawh ngaihtuah em em tu che Freddya hnenah chuan i nupui thih dan diktak chu a hriatchhuah mai loh nan i phuahchawp thawnthu chu i hrilh ta ngawt mai a, Freddya hnenah chuan lianzuala ang chiah i nih tawh thu te, ramhuai in a tihbuai thin dan che leh I mangan thu te I hrilh thin a, chumi anih loh pawh in Freddya hian i nupui thihdan hi a hre thawi deuh thuak anih ka ring, chu chu i hriat in a thihdan chu lungphu chawl niin i hrilh ang a, tin lem I chang kual bawk a,




"i nupui thih dan chungchang a a rilru lak pen nan lem chu I chang tihna a ni. Tichuan i thusawi te a awih lo a, ramhuai te chu alo ngaihsak lem silo a, mahse nang chuan i nupui thihna chu a hriatchhuah mai i hlauhthawn em vangin i thusawi te a dik ngei ani tih fiah Turin ruahmanna i Siam ta a, ruhro te i pe a, thawnthu phuahchawp bawk in ramhuai chu finfiah Turin i ti ta a, Tichuan Freddya chuan i ruahman ang chuan chet ala ta a, a Chennai in ah chuan ramhuai chu a rawn kal ta a, mahse kha ramhuai kha tunge anih ka hria asin. I nupui thihna hi lungphu chawl a nilo tiraw? Tin, kha tia i nupui in ramhuai a hmuh hnu ah khan a biak tlang theih ta miah lo mai a, enge a chhan?




Chutah rilru na tih hriat tak mai hian doctor chuan "pu a, heng zawng zawngah hian enge in lo inrawlh buai kher a tulna? Ka nupui chu a thi tawh a, engmah tangkaina a nei tawh lo, a mobile phone biak tlang theih loh chungchang kha chu a sim card hi kan hmang tawh lo a ni. Ni e, hman ni deuh tawhah i hnenah ka hrilh vek tawh che kha, ramhuai a nilo, ka nupui khan a hmu sual mai mai a ni. Zan lai a ni a, Khatiang ang thim tham karah chuan thil hmuhsual pawh thil awl tak tur a ni. Ka hnenah pawh a sawi a lawm, lungphu thalo nei ani asin"




Chutah inspector chuan rum zet hian "anih leh Freddy-a sawi dan nen ava inpersan leh si ve, nang chu i tan na ngaiah ila tang ta zel a, Freddy-a thu min hrilh hi i hre duh em?" Doctor chuan a ngaihna hriat loh hmel zet hian, "aw han sawi ta che"




"Pu a, Freddy-a chuan he thu hi min hrilh a ni. Tumkhat thingtlang lam a hun hmang tura in chhuah na ah he pa lianzuala hnen atang hian building hlui tawh tak pakhat a rohlu awm chungchang thu in hria a, chu chu bawh zuiin thudik tak alo ni reng a, chu chu nangni pahnih Freddy-a nen a in thuruk a ni ta a ni.




"Mahse lianzuala chuan in thil tum a ruk a ral a rohlu in lak chu tihral in tum a ni tih alo hria a, Khatiang ramhuai te, ramsa hlauhawm te, hring ei tih te, khang zawng zawng kha lianzuala lemchanna vek alo ni ta a ni. Tichuan Freddy-a nen chuan in mangang ta a, in rohlu te chu tihral a a hlawkna chu lianzuala pawh chu pek ve in tum ta a, chu chu a dik em doctor?, Chutia lianzuala Lemchanna anih si chuan i nupui hmuh kha, ui tang niloin lianzuala zawk tihna ani dawn asin?" Chu thu a han hriat zet chuan doctor meuh pawh chu a lu a hai takzet ani tih a haitheih mawlh loh.




Sawi mai tur hre lova ding ngawi reng doctor hnenah vek chuan inspector ruata chuan "thudik chu kei chuan tunah chuan ka kawl ran tawh asin. Tha takin thil awmzia teh nuaih hi sawi tha ve mai mai ni ula chu hetiang a thudik tak zawng a ka phet buai kher hi a tullo ni mai tur hi a nia, nang ni ho avang teh hrep hian ka buai tak hrep phah anih hi maw"




inspector chuan a tape recorded chu a han phawrhchhuak a, doctor chu alo phawk kher mai, inspector chuan chu chu hria in "ni e, hetah hian thudik chu a awm vek"




Chutah doctor hnenah vek chuan "chuan, i nupui kha engtia thi nge? Tun chauh hi ka zawt nawn leh ang che" A han ti a, doctor chuan hriatthiam loh hmel zet a inspector thil ken chu en in, "kha kha eng thil nge inspector, ka nupui chu lungphu chawl a thi a nih thu hi ka hrilh nawn fo kher i ngai dawn em ni?" A han ti chang leh fak mai a,




Chuveleh inspector chuan "nang hian i tualthahna thup i tum luatah thudik chu dawt hmang in i chei rang chawp mai mai zawk a ni.




"Inspector, keimah hi min ringhlel tihna em ni?" Doctor aw chu a ring kher mai.




Inspector chuan thutak zawk hian, "tichuan hei hi ka thil chhuichhuah dan dang leh chu ani. khami zan, Freddya'n thawm a hriat zan leh ramhuai a tawn zana mi kha nangmah ni ngei hi in ni" doctor chu alo mengzau kawk a, "Freddya'n ramsa hlauhawm leh ramhuai ang mai tia a sawi kha nangmah ni hi in ni a ni lawm ni?" Doctor chuan mak ti hmel chu a inthlak thuai a.




Doctor chuan inspector ruata thil ken tape recorded bawk chu alo la en uluk ngat ngat viau mai. Chutah rum zet hian doctor chuan "pu a, he In atang hian chhuak rawh u, ka chhungkaw hmingthatna hi min tihchhhiat sak vek lo chauh tawh a nih hi. Thu awmze neilo leh dawt thu mai mai nen chuan min rawn tibuai tawh Suh ang che u, police in nihna ang in in hna lamah chauh in buai mai tur a ni" A han ti rum nghut nghut mai a, chumi rual chiah chuan doctor fapa pawh chuan a thutna atang a rawn thochhuak pah chuan,




"E khai pu te u, thil a ni lo zawng a kawihher talh kan tum lui zel dawn anih chuan kan In chhungah na na na hi chuan dikna chanvo chu kan nei ve bawk dawn lawm ni? Khawngaih in sawi nawn ngai lo se min tinsan tawh mai ru" a rawn ti pawr ve ta chhar chhar mai bawk a, a kut sek phiar tul mai chu za tih hmel zet hian a thing nar nar mai bawk.




Inspector chuan zawi sap hian rinpuia hnenah chuan "kan tlangval a chu a kut a zat hmel kher mai" a han ti sap a, Chutah inspector bawk chuan zam lo zet hian "ni lah love a, doctor, chu tin police te an vau mai mai ngai lo ve, chhia leh tha hriatna fim hmang thiam a piang te hian ka lakah hi chuan chan tha an chang zel a nia" tiin doctor chu a han en ran a, doctor pawh chuan ning tih hriat zet hian "ee, pu inspector chuti zawng chuan thu i khak ngam chiah a maw? Chhan leh vang tha tak nei lo chuan ka In chhungah hian rawn pen lut leh tawh suh ang che, i at a tum thumna atan i rawn so leh anih vaih zawng in i nuamsa lua bik hauh lo tawp ang le" a han ti ve khur khur mai bawk a.




chuti em em a doctor hriatpuia a han inring tawk leh zamna leh hlauhna chhhe te pawh nei map lova a han in hrosa vel a hmuh chuan inspector ruata chuan a ngaihtuahna chu a hmang uluk hle a, Chutah aw ka dam zawk chuan "imm, ni teh se khai, pu hriatpui, in duh ang chuan ni mawlh teh se, mahse hei erawh hria la ka duh, in In chhung a ka pen luh leh theihna chhan tur leh ka pen lut mai nilova tan in thleng pawha nangni pafa hi in hnung ka khirh theihna tur khawp che u in tan chhan tha tawk tak ka nei a, ka hna huang thil anih zawk avang a thil awmzia thilthlai a hma la hi ka ni zawk a ni tih chu kar lovah in la hrethiam thuai mai dawn alawm. Tunah ngei pawh hian duh chu ni ila chu maw tan in ah in pafa hian i nupui lucy lianhmingi i thah avangin ka hlap zek thei reng che u a ni tih hi hria ang che u"




"A tawk a tawk, police inspector laktlak loh tak leh tawngkam thlahdah zet in ka In chhung ah ngei hetia min rawn pawng tawng basa ngam ve ngawt mai avang hian nang ni lakah hian thubuai ka siam ngei ngei ang le" inspector chuan "doctor, i tawngkam hman duhdan i fimkhur lo nasa a ni, tichuan maw doctor, he i hmaikawr hi ila ui viau pawh a ni mahna, mahse kei chuan ka hlip mek zel a ni tih hi ilo hre dawn nia, chuan kha pa, Freddy-a ngei pawh kha i thuruk zep pui thin tu che a ni tih te thleng in ka hre vek tawh.




"Mahse tunah zawng Freddy-a chuan a hmaikawr ngainatawm lo zet chu phelhin a sual puanna a nei mek zel e. Ti kha chuan i ngaih a ngam bik hauh tawh lovang chu tiraw?" Tiin inspector chu a nui zui hak hak a, Chutah inspector vek chuan "ti rawh rina, he mi te pafa hi i chhuahsan vat teh ang khai. An hmaikawr hi hlih anih hunah chuan an nasa viau lo ngei ang le" tiin inspector leh rinpuia chuan doctor hriatpuia te chu an chhuahsan ta a.




Inspector chuan rinpuia hnenah chuan "rina, kan naute kha han be vat teh khai, enge an chanchin ni, lianzuala chuan eng thil chiah nge a puan ka hre chak tawh takzet a ni" Rinpuia chuan "sir, Freddy-a ve thung kha engtin nge ni dawn?




"Rina, Freddy-a kha zawng tikhan a awm awm in lo awm ve mawp mawp rih rawh se, ka ring sual viau anih loh chuan doctor hriatpuia chu Freddy-a chungah a lungawi lovin a thinur khawp ang. Mahse Freddy-a erawh engmah hrilh tur a ni Chuang lo, a ni chu ka kutah awm rawh se, tin nang leh midang in ka hnung in lo dawl a nga. Ka ring sual lo anih chuan khami zan, Freddya'n thawm tihbaiawm tak leh mihring pangngai nilo ang mai a ramsa che rang tak in a tihbuai tum a mi, kha thil, ramsa ang mai ni a a sawi kha anmahni ngei hi an ni. Kan doctor hriatpuia te pafa ngei hi"




Rinpuia chuan "sir, chu chu engtin nge i hriat theih?"


"Rina, he tape recorded hi Freddy-a room a ka dah lai khan khati khawp khan lemchan ka lo thiam ang tih ka hre ngailo, lianzuala leh Freddy-a te inbiakna ka ngaihthlak vek hnu a thil awmdan ka chhuidawnna an ni a, ka sawi ang chuan thil kan bawhzui a ngai a ni.




Rinpuia chuan "chu, doctor te pafa chu he ramsa leh ramhuai ang mai a an ngaih hi an mahni lemchanna vek maw lo ni? Mihring pangngai tih theih loh thil niin Freddy-a chuan a sawi si a" a han ti a, inspector chuan "rinpui, ka ring sual lo anih chuan Freddy-a hi a buai zual za pui te a han reh fel a nga, a tumhnihna atan a a thil tawn, ni zan hmasa a ramsa in a rawn tihbuai leh thu min hrilh turin ka hnen ah a lokal leh ngei ang, chumi anih loh vek pawhin phone emaw tal chuan min rawn hrilh leh ngei ang. Ilo ngaichang phawt ang"




Inspector vek chuan a phone chu a hmang a, Chutah lehlam atang chuan "aw sir, keimah joela, he lam pawh kan tha zel e" inspector chuan, "chuan joel, min han hrilh teh, lianzuala chu ka sawi ang tak khan in bawhzui ta em?"




"Aw sir, i sawi ang ngeiin lianzuala chu thu kan zawt fiah ngei e, hei kan thu inzawhfiahna pawh record thlap a ni e, tichuan amah lianzuala ber hi a rilru leh ngaihtuahna hi a mumal lovin a Chiang lo riau mai a, thlarau vakvai chungchang ringawt mai a sawi a, thil dang han zawh pawh in a hriatthiam bik loh thu a sawi zel a, ramsa hlauhawm chungchang te, thlarau vakvai chungchang te leh amah in harsatna a tawh dan chungchang te, a chung a anchhia lo intan dan zawng zawng te leh chu thlarau vak vai pa nunhlui chungchang te chu a sawi teuh mai"




"Awle in ti tha lutuk e joel, chuan amah lianzuala ber chu in kal tir leh mai tihna em ni?"


"Aw sir, min chah ang khan han hren zui zelna tur thil dang kan hmuh lem loh avangin kan hreng zui ta lo a ni. Mahse ama insawi dan in kar tin deuh thaw anchhia in a tihbuai nasat dan a zir in doctor hmu tura aizawl lam pan thin anih thu a sawi bawk"




Inspector chuan "Awle awle, a tha lutuk e, hei keini lam pawh kan lo thleng tep e, a pawimawh lai ber a nupui a thah a nih leh nih loh chungchang in zawt tello erawh a pawi hle mai, mahse a tha, lianzuala thu hla te pawh chu ka han zirchiang a nga, chet lak a tul dan ang zelin hma kan la leh dawn nia"




"aw le sir" inspector chuan an inbiakna chu titawp in a phone a message lo thleng thar chu a han en a, Chutah rinpuia hnenah chuan "rinpui, hei le, message in min rawn hrilh ta ngei e, Freddy-a chuan ni zan hmasa a thil rapthlak leh tihbaiawm tak a tawn leh thu min rawn hrilh ta ngei e" a han ti a,




Chutah inspector vek chuan nui deuh hak chung chuan "imm Freddy-a chu a hlauthawng in a mangang leh hle anih ngei dawn hi. Mahse he ramhuai a thawh hnihna a chet la tu hi keimah ngei hi ka ni tih a hriat hunah erawh a lawm lo maithei, keimah vek hi ka ni tlat si a" A ti ta a. Rinpuia chuan mak ti zet hian "sir nangmah maw?"


"Aw rina, keimah, he ramhuai pa ang hian chet ka la ve thei a ngem? Mihring tih theih a ni a ngem tiin keimah ngeiin ka enchhin ta a ni. Ruahmanna tha nen chuan alo theih khawp mai, Freddya'n he ramhuai pa a hmuh hmasak zan a mi kha kan doctor hriatpuia te pafa hi an ni a, a hmuh tumhnihna a mi hi keimah ka ni tihna a nih chu" A ti ta a.