THINLUNG KEHCHHIA PHUBA _Chapter-5 Last

[April Hmar Liverpool]

Thinlung Kehchhia Phuba

Ziaktu, Laltanpuia


Chapter _5 Last




Inspector remruata chuan ngun tak leh uluk taka thil awmzia a ngaihtuah hnu chuan amah ngei chuan chet lak dan tur chu a ngaihtuah ta a, rinsiama leh a chhung te pawh hrechiang em em tu, tin mibo hmasa lucy remsangpuii nen a inzawmna nei, johnny zamlova hrechiang em em tu leh jessica vanlalhriatpuii hrechiang em em tu, chu ngei chu misual chu a ni. He cellphone set up tu dik tak leh kha video original neitu diktak kha a hriat a ngai a ni.




Ni hnih dang a liam leh a, detective in a hrilh ang khan inspector chuan rinsiama mobile phone chu check sak tur chuan rinsiama chu police station lamah chuan a ko leh a, inspector chuan rinsiama chu a mobile phone check sak a duh thu erawh a hrilh lawk hauh lo. rinsiama pawh chuan a mobile phone chu chutia inspector in a han dil tak thut ah chuan ngaih that lohna nei hauh lo tih hriat tak chuan a mobile phone chu a pe ve mai bawk a, Chutah inspector chuan rinsiama mobile phone chu a han check sak ta a, a phone gallery, Facebook leh Instagram zawng zawng chu a duhthal in a han lepse ta vek a, mahse chu thil ringawt ah chuan amah tualthat tu ni ngei a han rinhlelh theihna tur a hmu zo tlat lo.




Chutah le, a mobile phone lo ri chu han en in detective alo ni, lehlam atang chuan "inspector, ka sawi ang khan hma chu ila ta em? Rinsiama mobile phone chu i enfiah em? Inspector chuan "aw hei, ka enfiah mek alawm, mahse eng thil danglam mah ka hmuchhuak tlat lo"




Chutah, lehlam atang chuan "inspector, ka sawi ang hian ti ang che. A phone gallery kha check la, video leh thlalak te kha en vek rawh" inspector chuan "ka en vek alawm" alo ti thuai a, lehlam tang chuan "anih chuan thlalak leh video deleted tawh zawng zawng kha en leh rawh" Inspector chuan phone chu rinsiama pe in "i thlalak leh video deleted tawh ho zawng zawng han hmet chhuak teh le" a han ti a, rinsiama pawh chuan ngaihthat lohna nei lem lo tih hriat tak chuan a thlalak leh video deleted tawh ho chu a han en tir a,




uluk taka a enfiah hnu chuan inspector chuan "detective, engmah thil danglam a awm lo" a han ti a, Chutah, lehlam atang bawk chuan "a nih chuan a youtube channel en rawh, a private video upload ho kha en ang che" inspector in detective hrilh ang a rinsiama a han hrilh chuan rinsiama chuan "ka pu, chutiang engmah ka nei lo, YouTube ah video ka dah ngai lo, private pawh ka nei hek lo, hei i duh chuan i en vek thei alawm" a han ti a, a han entir leh a.




inspector chaun "detective, engmah a awm lo" a han ti leh a, Chutah detective chuan "imm, a nih chuan a file manager ah lut leh rawh, private file ah aw" inspector chuan "imm, kha i file manager a i pravate file han hmet chhuak rawh le" rinsiama chuan "ka pu, private file ka nei hleinem, hei en la i duh chuan" tiin a private file chu a han hmet chhhuak a.




chutah le, rinsiama chuan a thil hmun avang chuan mak ti zet hian "e khai le! he thil hi enge ni? private file a dah eng thil mah ka nei ngai silo a, mahse hei inspector, password a ngai tlat mai, password dah tur pawhin private a thil dahthat ka nei ngailo hrim hrim si a" a han ti a, inspector chuan "hawng rawh" alo ti bung nghut a,




rinsiama chuan mangang fe hian "sir, ka phone ah hian he tiang thil dahthat ka nei ngai lo, he password pawh hi ka siam a ni reng reng hleinem, enge password pawh ka hre hleinem" inspector chuan "imm, kan innawr luih kher a tul dawn a ni maw?" a han ti bung leh nghut mai a, rinsiama chu a melh rum tawh ngang mai.




rinsiama chuan "sir, he password hi keima siam a ni hleinem, a ngaihna ka hre lo ani"


"Chuti anih chuan i phone hi midang i khawih tir thin tihna em ni?


"Aih sir, midang ka khawih tir ngai lo, naupang takngial pawhin ka phone hi an khawih ngailo hrim hrim, ka hriat loh hlan te anih ngawt loh chuan" a han ti leh a,




Chuveleh inspector chuan "i password hi nangma siam a ni lo tak tak anih chuan hawn tir turin mi thiam kan ruai mai a ngai ang" a han ti a, detective hnenah chuan "sam, hei private file a nei a, mahse password a awm, amah hian a password a hriat loh thu a sawi tlat mai. Midang kan khawih tir mai dawn em ni?" Chuveleh detective chuan "nilo nilo inspector, midang khawih tir love, a phone kha enge a hming" a han ti a, "imm, a hming chu samsung anih hi" lehlam atang chuan "amah kha hawntir ta che" inspector chuan "ka hre lo a ti tlat si anih hi" lehlam atang chuan "imm, chu misual pa mai mai chu a va luhlul ve maw le" a han ti bai bai a.




chutah detective vek chuan "awle inspector, a mobile phone chu en dik turin ka rawn kal a nge, khating ang password kha chu a hre lo tan hawn mai ngaihna a awm lo, a phone kha a data reset anih ngawt loh chuan a hawn theih kher loh maithei, amah kha kan dawp mai a tul ang" Tiin phone chu a dah nghal daih a.




Inspector chu han rum deuh nghat chung chuan "imm rinsiam, he private file chhungah hian thil enge maw tak chu a awm a ni tiraw? A han ti a rinsiama lah chuan a ngaihna hriat loh hmel fe hian "sir, he thil thlen dan hi a mak ka ti tulh tulh mai. Kei hi tualthattu leh misual a min puh tum tu mi tu emaw hi an awm a ni ngat mai" inspector chuan "i chhung te emaw nangmah hrechiang tu che an ni mai lo maw? Rinsiama chuan a ngaihtuahna chu a hmang uluk kher mai.




detective sam chu a rawn thleng ta, Detective chuan thutna a thuthmun chu han rem in rinsiama hnenah chuan "rinsiam, khaw maw i phone chu ka lo en dik ve a nge" tiin rinsiama phone chu a han dil a, rinsiama pawh chuan hrilhhai tak chung chuan "ka pu, ka thil tih ni miah lo leh ka inhnamhnawihna tel miah lovah hian tawktarh mek ka ni. Heng zawng zawng ti tu hi Johny-a zawk pawh kha a ni maithei asin, amah kha cellphone neitu ber kha a ni a, thudik a zep mai mai te pawh a ni thei asin"




Detective chuan "anih chuan i mobile phone hi i hriat loh hlanin a khawih a, private file siam in password a siam chawp i tihna em ni? Amah ngei chu thu kan zawt dawn em ni?" Inspector chuan "amah nen khan in inhre ngai em? Alo ti ve bawk a,




"Aa, hre ve deuh reuh, mahse kan inhre Chiang lem lo, lucy nen a in cousin an ni tih kha chu ka hre ngei mai. Mahse chutiang a han inhnim hnai Turin hun kan insiam ngai lem lo a ni. Lucy bo chungchang a a chhung leh khat ten kei min han ringhlel mai pawh kha a tir kha chuan ka lo hre ngai reng reng lo. mahse ka han hriat ve tak hnu khan tha tak leh pangngai takin anmahni nen kan inbe thlap nghe nghe a, a pawi ka tihpui zia leh ka tawrhpui zia te an han hriat tak hnu kha chuan min ringhlel zui duh ta bik lo. Tin, ka inrawlh lo hrim hrim bawk a"




Detective pawh chuan password hawn tum a a han beih ngial hnu ah pawh chuan hawn ngaihna a hre bik hauh lo mai. "Rinsiam, dawt i sawi lo tih i chiang a maw" inspector chuan alo ti thuai a, Chuveleh rinsiama chuan "ee! ka pu, kha pa Johny-a kha ka ringhlel ta hle mai, ama ruahmanna vek hi a ni ngei ang"


"Imm, chu zawng trial neih leh hunah a Chiang chho zel mai ang chu"




Ni hnih dang a liam leh hnu chuan trial neih a ni leh ta a, lalrinsiama rinhlelh anih chungchang ah chuan judge rokhuma chuan heti hian a han ti a, "lalrinsiama kum 33 a pa lalfakzuala ramhlun South, a nu ngurlawmi ramhlun South te fapa zemabawk a khawsa mek chu Jessica vanlalhriatpuii kidnap a that zui tu ni a rinhlelh a ni a, police evidence chu hetiang hi a ni. September ni 11 zirtawp ni chuan millenium centre kawt a duty security guard pakhat in cellphone a chhar a, chu cellphone chhungah chuan video leh thlalak awm in hmeichhe pakhat rapthlak tak leh tenawm taka ngaihsak niin thah zui ani.




"Police station hnai berah thlen nghal niin police te chuan misual chu an chhui zui nghal a, cellphone atang chuan tualthattu ni a rinhlelh chu tunge anih hriatchhuah a ni ta ani. Cellphone a facebook account pathum chu chhui zui niin chu mi te chu lalrinsiama kum 33 zemabawk a khawsa mek leh a pa lalfakzuala ramhlun South a mi leh a nu ngurlawmi ramhlun South a mi te an lo ni tih hriatchhuah an ni a, an ni chu rang taka police kut a hlan nghal an ni.




"Thil tihsual tu a ni ngei a ni tih finfiahna na tur hian rinsiama account a post comment section ah chuan phuba tih thumal hmuh a ni a, tin rinsiama leh jessica vanlalhriatpuii te hi inlaichinna nei tawh thin an lo ni bawk. Tin, rinsiama hi tualthattu ngei ani tih tifiah zual turin a hun hmasa lamah hmeichhe pakhat lucy remsangpuii bona ah rinhlelh alo ni tawh bawk, Nimahsela chhui zuina Chiang zawk a awm loh avang a man erawh anilo thung"




Rinsiama ukil chu lo ding vat in "your honour, kha zawng, finfiahna felfai tak a nilo a ni. Khami ni Jessica vanlalhriatpuii bo ni September ni 6 ah khan rinsiama hi a inkhawm ngei ani tih hriatpui tu pawh an awm thlap tawh a, tin Jessicai nen hian an inzui lohna a rei tawh a, an inkawp tawh ngailo hrim hrim bawk. Chutiang in lucy remsangpuii ngei pawh kha.




"Mahsela kan uisathiam ten a hnu an chhui dan erawh a dik lo ti a sawisel ka ni hauh lova, an chhui dan leh an chhui chhuah dan chu a dik thlap ngei ni chuan a lang a ni. Mahse, he cellphone nei tu leh he cellphone hmang a misual thil tih sual puan sak tu ni a kan police ten an sawi johny zamlova hian Chiang takin thudik a sawi ngam lova, amah leh amah ngei pawh hi a inring tawk lova, he cellphone kalhmang hi ama remkhawm ngei a ni reng em? Engmah a sawi chiang thei tlat lo a ni. Tin amah johnny zamlova ngei pawh hi police lam hian chhui Chiang se ka duh khawp mai.




"Tin, keini lam dinna chu lalrinsiama hian tual a that ngei e ti a finfiah na lai hmuh tur a awm tlat lo hi a ni. Cellphone a amah tawktarh anih a mai vang leh lucy remsangpuii bona a rinhlelh alo nih tawh mai avang te, Jessica nen a nunhlui an lo neih tawh avang mai a tualthattu ti a puh hi thudik tawk lo a ni a, heng evidence te an neihna ber johny zamlova ngei pawh hian heng evidence te hi ama siam a nilo tih a sawi si a, kan hrethiam thei lo a ni. Kan dinna ngai ah zel kan la ding e, a finfiahna puitling deuh hlek kan phut ve tlat a ni. Chuti anih loh chuan dawt a inpuhna leh in phiaruukna thubuai kan thehlut ve thei reng a ni"




Judge chuan "Johny zamlova leh lucy remsangpuii te hi in unau an ni a, a unaunu lucy remsangpuii bona ah lalrinsiama hi rinhlelh alo ni tawh bawk nen Johny zamlovan lalrinsiama thil tih sual hrechiang tur leh a finfiahna pawh nei thei tura chet a lo la anih pawhin thil mak a ni hauh lo maithei asin"




"your honour, chu zawng, thu belhchian dawl lo lutuk a ni, amah Johny berin a thil tih anih loh thu leh a inrawlh loh thu a sawi tawh a hnu he tualthattu a inpuhna hi inphiarrukna leh misual ang a lantir tumna a ni tih a Chiang viau tawh awm e"




Judge rokhuma chuan "aw le, ngun takin kan ngaihtuah leh a nga thutlukna chu puan a ni ang" Mipui lam chu an thum hak hak reng a, rorel chawlh lai lawk te an han zawh fel leh hnu chuan judge thu tlukna chu mipui lam chuan an ngaichang thap reng a.




Judge rokhuma chuan "ngun taka rinsiama chung thu court in a ngaihtuah hnuah hetiang hi thutlukna chu ani. Rinsiama hi a tualthat lai ngei hmuh a nilo a, tin kawng hrang hrang, amah rinhlelhna awm thei zawng zawngah evidence fiah leh felfai tak a awm loh avang leh police evidence siam tu johny zamlovan a thil tih anih loh thu a phat tlat avang in" chumi lai tak chuan hmanhmawh zet hian mi pakhat hi tual zawlah chuan a rawn tlan lut rawk rawk mai a, chu lai hmun a awm te chuan mak ti tak chung leh a ngaihna hriat loh hmel tak chung chuan chu pa chu an lo en ha ha mai.




Chutah, hah avang a thin dawm vawng vawng chung chuan "pi leh pu te u, hei hi a finfiahna chu a ni, rinsiama thil tihsual finfiahna chu" tiin a thaw hlawp hlawp reng mai a. Chuveleh, police duty zing a pakhat chuan chu pa mobile phone ken chu laksak in judge rokhuma chu a han en tir vat a, judge rokhuman chu thil, video a han hmuh chian nak chuan judge rokhuma chu mak ti in a meng bial nghal kaw kaw mai a, a thil hmuh avang chuan rapthlak a ti kher mai. "A tawk, a tawk. Tun atan chuan rorelna hi tihtawp a ni e" tiin a thut na atang chuan a tho nghal vut mai a.




Mipui lam chu an ri mur mur reng mai. Chuti teh nuai a thil a han thleng chho ta zut zut mai chu an hrethiam lo kher mai. Detective sama pawh chuan inspector hnenah a thil hmuhchhuah a han hrilhfiah meuh chuan inspector ngei pawh chu mak tih avang leh rapthlak tih avang chuan a meng phar awn awn thei hial ani.




Detective chuan inspector ruata hnenah chuan Rinsiama mobile phone a private file a hawn theih tawh thu hrilh in chu file ah chuan Lucy remsangpuii leh jessica vanlalhriatpuii te chu rawng tak leh rapthlak taka an ngaisakna video alo awm reng chu niin, chu video ngei chu a ni judge rokhuma an entir kha, chu video chu inspector pawh chuan a han en ve nghal thuai a, rapthlak a tih em avang leh pawi a tih em avang chuan a chek tlak tlak thei hial mai. An hmel chu chiang takin a lang a, an hmai tuam a nilo. Anmahni ngei an ni tih chu phat rual a ni lo a ni.




Detective chuan rinsiama file a video te chu original an nih thu sawiin kha cellphone, security guard chhar a video leh thlalak te kha chu copy leh edit leh chhawn an ni tawh a, tin kha tah kha chuan hmeichhe hmai kha tuam phui tlat a ni a, tunge an nih hriat mai theih an nilo a nih kha,




inspector chuan detective hnenah chuan engtia private file chu hawng thei nge anih a han zawt vat a, detective chuan password a zawnchhuah thu alo hrilh mai a, inspector vek chuan password a zawnchhuah dan te chu han zawh chian lehzel a duh viau na in a zawt duh zel ta rih lova.




Rinsiama te chhungkua chu an buai takzet, hrilhhaina leh manganna in an khat a, rinsiama pa lalfakzuala meuh pawh chuan a fapa chu a ringhlel a ni tih a fapa zawhna a zawh dan leh a awmdan atang reng pawh chuan a hriat a ni. A nu ngurlawmi ngei pawh chuan rilru buai tih hriat tak mai hian "mama, a va han pawi tak em! He thil hi nangma tih a ni em? Han sawi teh. Engvang a kha video kha nei nge i nih? Rinsiama chuan a lu chu a dawm vawng vawng thei hial mai.




"Nu, ka pa, keimah hi ka nilo, inhnamhnawihna pakhat mah ka nei lo, he thil ti tu hi ka hriatchhuah hunah chuan a va han chak dawn lo tak em! Nilo, a ni thei lo hrim hrim, keimah ka ni thei lo hrim hrim tih te chu kha mi ni September ni 6 ni a ka hun hman dan atang ringawt pawh khan in hrethiam a ni lawm ni?




"Khami ni, Jessicai bo ni pawh khan ka inkhawm ngei ani tih min lo hmu a min lo hriatpui tu pawh an awm ngei kha, chu bak bak a thudik" a tah a chhuak kher mai. "Lalpa enge ka chungah thleng ta mai" A pa chuan teu zet hian "mahse lalrinsiam, Jessica vanlalhriatpuii chungchang chauh a ni tawh hleinem, tunah chuan lucy remsangpuii nghaisakna video ngei pawh a tel tawh anih hi" alo ti a, an buai zo ta a ni ber mai.




Rinsiama chu police te chuan an la nghal thuai a, a hma a rorelna in a chung a thu tlukna ala siam loh chu ngaihtuah nghal a ni dawn ta bawk a. Additional district and session judge two Aizawl chuan lalrinsiama kum 33 zemabawk a khawsa mek chu lucy remsangpuii leh jessica vanlalhriatpuii te rapthlak taka ngaisakna video a neih te chu ni hnih chhung a a sawifiah thei lo anih chuan court chuan tualthattu a ngai in section 302 ipc hmang a dam chhung lung in tang turin a chungthu a rel ang. Tin, Case dang, Lucy remsangpuii nghaisak a thah zui anih takna ah pawh chuan section 302 ipc leh section 304 part two of IPC hmang a a chungthu rel a ni bawk ang.




Rinsiama Chhungte chuan an fapa chu tualthattu a nilo a, an fapa zalenna humhim sak tur a ngenna chu rorelna sang zawk high court lamah appeal an tum ta a, Nimahsela an ni a nu leh a pa ber pawh chu security guard in cellphone a chhar a an hming a lan tel ve avang chuan rinhlelh an ni zui ta a, anmahni chhui tur chuan police lam chuan hma an la dawn ta nghe nghe a ni. Anmahni ngei pawh chu an him lo a, an sahimna zawng a theihtawp an chhuah a tul ta ani ber mai.




Heti anih lai hian mi thenkhat chuan rinsiama chu dik lo taka puh niin tualthattu ni a lan tir a tawktarh a nih ring in court rorel dan pawh chu an dem hle mai a, thenkhat erawh chuan rinsiama ngei chu tualthattu anih an ring hlel lova, a mobile phone a Jessica vanlalhriatpuii mai nilo lucy remsangpuii ngaisakna video hmuhchhuah a nih tak zelah phei chuan thil chu Chiang takin a intarlang tawhah an ngai a ni.




Ni thum dang a liam leh hnu chuan, chutiang ang nei nuai kara boruak mumal lo tak a awm reng avang chuan court pawh chuan rinsiama chungchang chu an ngaihtuah tha leh ta a, police lam atang a Lucy remsangpuii leh jessica vanlalhriatpuii te thihna chungchang a lalrinsiama tualthattu a ni tih evidence an hmuh belh leh hmuh belh loh chungchangah pawh ngaihdan a tam na ngiang mai.




Rinsiama ber lah chuan engmah tihsual a neih loh thu leh inhnamhnawihna engmah a neih loh thu ah chuan a la tang tlat mai si a, mahsela court in a hrilh tak ang a mobile phone a Jessica vanlalhriatpuii leh Lucy remsangpuii te nghaisakna video awm chu enge a chhan tih erawh a sawifiah thei lo thung.




Police te pawh chuan evidence dang han beisei leh tur chuang awm in an hre lo. Kawng hrang hrang hmang a hnu an chhui lah in rinsiama chu a kawk zel si a, khang cellphone hmang khan rinsiama chu misual a puh tum na ang a han ngaih dawn pawh chuan a tawpah amah rinsiama ber chuan Jessica vallalhriatpuii mai nilo, lucky remsangpuii te nghaisakna video ngei mai chu alo kawl lehzel si a, tin amah rinsiama hi Jessica vanlalhriatpuii bo hma hian Lucy remsangpuii bona ah rinhlelh alo ni lehzel si nen, police lam ngaihdanah chuan tum dang a an case buaipui nen a khaikhin ralah misual chu rinsiama ngei chu ni in a lang a ni,




mahse tualthattu dang ang lo takin rinsiama erawh a inpuang duh lova, a thil tih nilo ang in a tang tlat mai si a, a in sawifiahna ah chuan tan chhan tlak leh belhchian tlak thil a awm lem lova, jessicai bo ni a a inkhawm thu kha ani mai awm e, Court thutlukna chauh chu an ngaihchan a ni ta a ni.




Hun engemaw ti chen a liam leh hnu chuan inspector remruata chuan a nau te chu an hnuchhuina chungchang a an thil hmuh dan leh an ngaihdan te sawi puina a nei ve ta thung a. An zinga pakhat chuan "sir, ka ngaihdanah chuan rinsiama chauh nilo, he pa cellphone nei tu johny zamlova ngei pawh hi kan en thlak a tul a ni. Tin kha cellphone a evidence te kha ama remkhawm a nilo a ni tih finfiah sak a ni silo a"




Inspector chuan "imm, chu zawng detective sam khan alo chhui zui hrep tawh anih kha, kha ta tang a a hming pawh zamlova ani tih hre ta a ni reng a, tin cellphone a hming pakhat nen hian a lo in ang ani tih pawh hre ta kan ni reng a, cellphone pawh kha a tihbo ngei alo ni tih pawh a cellphone tih bo detail engkim atangin kan hmuhchhuah tawh kha, mahse a cellphone tihbo ni ni a a sawi ni leh cellphone chhar ni kha a inmil lo deuh tih thil mai a ni. chu zawng ai chuan rinsiama hi thlthattu a nilo tak tak anih chuan heng thil felfai tak leh uluk taka ruahmanna phen ah hian mi pakhat a awm tihna a ni mai.




"He thil titu diktak zawk hi kan la hrechhuak lo mai mai zawk pawh a ni thei" rinpuia chuan "mahse sir, Jessicai mai nilo lucy remsangpuii nghaisakna video ngei pawh kha rinsiama mobile phone ah khan kan han hmuchhuak ta kha a ni a, kha ve thung kha engtia thutlukna siam chi nge ni ang? misual chu rinsiama chhung hnaivai a mi tu emaw a ni tihna em ni? Rinsiama hi a thil tihsual hmehbel a tum tihna a ni thei mai angem?




Inspector chuan "chu zawng, he thil ruahman tu hian hun rei tak chhung chu he thil hi a ruahman ngei niin a lang" An zing a pakhat chuan "sir, a buai angreng viau in ka hria a, mahse he mi te pahnih rinsiama leh Johny zamlova te lo hi chu han rinhlelh tur midang an awm lovin ka hria, pakhat zawk hi cellphone bo neitu a ni a, a phone set up dan leh video rapthalak tak awm avang in misual min kawhmuh tum leh amah ngei pawh hi video a neih theih danah hian a inhnamhnawih a nih loh vek pawh in rinsiama hi a hnaih thei viau a ni phawt a nga, mahse amah a inrawlh loh thu leh engmah a hriatthiam loh thu a sawi tlat thung a. Chutiang bawkin rinsiama pawh,




"mahse, rinsiama hi han chhan tum viau dawn mah ila kha video original ni ngei a lang kha alo kawl leh kher khan he pa hi min rinhlelh tir ber lo thei lo ani"




"Ni e, misual pa chuan a ruk in video te kha rinsiama phone ah hian a dah tihna ah han ngai dawn ta ang ila, chu thil a thlen theihna chance lah chu a chhe viau si a" inspector chuan "imm, a pawi ta ber chu kha mi, Jessica vanlalhriatpuii a tlan bo ni ti mai ila, taxi a phur tu in mipa number min pek kha, kha sim card kha tu ta ber nge anih hriatthiam har lai ber a hi a ni, kha mi tum a taxi be tu kha hre thei ni ngat ila chu kawng a awlsam deuh tur hi a ni a"




Inspector thusawi chu an pawm tlang tih a hriat reng mai. "Imm, tunah rih chuan court thutlukna mumal a awm hma chu misual hnu kan chhui zel rih hi a tul a ni e, he thil teh hrep hi a kual ve riau mai, misual hi ka manchhuak ngei ang tih pawh hi ka sawi huai ngam viau lo reng a nih tak ber mai hi maw" tiin rinsiama chu mi sual anih a ring lo tih a hriat theih mai a, an pu thusawi dan avang chuan an hrilhhai in a ngaihna erawh an hre lo tlang hle thung. nakin deuhah chuan an rilru a thil awm te ngaihtuah rauh rauh chung chuan an tin ta hlawm a.




Inspector remruata chuan a chet lak dan leh a ruahmanna te chu a sawi lang duh ngai hauh lo a, ni enge maw zat chu a hmel hmuh tur a awm meuh tawh lova, khawiah nge a awm? Enge a tih tih chu tumah in an hre hauh lo. Chumi anih rual chuan rinpuia chuan inspector ruata chu thil pawimawh tak ti tura hmun dang a a thang bo ang leh chutia a mah hmuh tur awm lo leh a chanchin hriat tur awm ta lo pawh chu a thawh pui te pawh chuan thup pui hram hram tur leh, a hun takah chuan rah tha nen inspector chu alo kir leh ngei tur thu te a hrilh hlawm a, chumi rual chuan an ni lam pawh si ronghaka hona hnuaiah an hna lama rilru pe turin rinpuia chuan a hnathawh pui te chu a ti ve mek reng bawk.




Inspector remruata chuan rinhlelh pakhat a nei a ni, chumi chu thlithlai in a chhui zui zel a, a chang chuan a hmel leh landan a thlak a tul a, a chang chuan rukru ang mai a a chet a tul chang pawh a awm nghe nghe a, chumi pah chuan a tih theih bak puihna leh a mamawh ang information te chu rinpuia hnenah a ruk in a dawng zel a, tin rinpuia pawh chuan a pu chu a ngaichang ve reng a, a pu in a mamawhna ang ah pawh chuan biak tur leh inpeih ran reng in a awm ve bawk a ni.




Hun a kal leh hret a, inspector remruata pawh chu hlawhthling inti tak chung chuan rorelna hmunah chuan a kal ve a, tin an hnuchuina kawng a tangkai em em mai leh hnu chhuichhuak tu ber ni bawk detective sama pawh chuan a rawn tâwiâwm ve nghe nghe bawk. rorelna chu tan a ni zui mai a, lalrinsiama chungthu ah court in thutlukna a siam tawh dawn a ni.




Rinsiama ukil chuan rinsiama chu tualthattu anih theihna lai hmuh tur a awm loh thu leh a cellphone a video lo awm ngawt danah chuan mi rinhlelh a neih thu chu a sawi ta chat mai le, mipui lam pawh chuan chu chu an lo beisei lawk a ni sa deuh nge ni thawm pawh chu a ring thin hle mai. Rinsiama ukil chuan sawi zel in,




"your honour, rinsiama chauh hi a nilo, security guard in cellphone a chhar neitu, engkim set up a, misual chu chhuichhuak tura a cellphone hmang a police te kawhhmuh tu ni a lang Johny zamlova ngei pawh hi he tualthattu hian hmanraw zingah a hmang tel a ni" mipui lam thawm chu a tha lehpek viau mai.




Ukil chuan chhunzawmin "Nimahsela, hei erawh ka sawi duh, heng tualthah chungchang a rinhlelh te, rinsiama nu leh a pa te ngei pawh hi engah mah hian an inrawlh lo a, inhnamhnawihna an nei lo tawp tih hi thudik a ni" mipui lam chu an ri leh hak thin a.




"An ni chungchang hi ngun tak leh uluk taka chhui ruk an lo ni tawh thin a, tichuan ruahmanna felfai tak nen he inphiarrukna leh cellphone a thumal pakhat rache tih awm avang a phuba ni ngei a lang hi lo thleng ta a ni. Your honour, court in rinsiama mobile phone a video pahnih awm te hi a sawifiah theih in ring lo a ni maithei, mahse hei hi kan hmuhchhuah tak chu a ni.




"Rinsiama mobile phone ah hian khang Lucy remsangpuii leh jessica vanlalhriatpuii te nghaisakna video te kha a ruk a dah niin password pawh siam chawp sak a ni a, amah rinsiama ber hian a private file ah eng thil mah a dah ngailoh avang in private file a lut ngailo hrim hrim a, he tia password lo awm ta ngawt mai pawh hi a ngaihna a hre lo hle anih kha"




Judge chuan "chung chu a finfiahna in nei em? Alo ti a.

Chuveleh ukil chuan "aw ka pu nei e" Mipui lam chu an thum nghal hak hak mai a, mak tihna leh a finfiahna chu hriat chakin an awm mek a ni. Judge chuan "a finfiahna chu min han hmuh teh"




"Your honour, a finfiahna mai nilo, he thil titu hi tunge anih kan hre tawh zawk a ni. Amah chu" tiin ukil chuan inspector ruata thutna hnung chiah a thu detective sama chu a kawk ta va mai. Chuveleh ukil vek chuan "detective nilovin a hming chu Samuel zarzokima a ni e" mipui chu an ri nghal mur mur mai a, Chutah ukil vek chuan "ka pu, he misual hi man nghal turin court hian thuchhuah siam se ka duh a ni. He misual chhuichhuak tu inspector remruata hi koh nghal ka duh bawk ang. Ani chuan evidence a kawl bawk e"




Judge chuan inspector remruata hming ukil in a sawi lan ve takah chuan Samuel zarzokima chu man turin thu a pe nghal thuai a, Chuveleh police te pawh chuan detective chu a thuthmunah chuan kut kawl an bun tir ta nghal a.




Inspector remruat an misual a chhuichhuah dan a sawi lai chu chu lai hmun a awm te chuan an ngaithla ngun kher mai. Inspector chuan detective a rinhlelh tanna chu a aw ki atang in a ni a, video a mipa aw kha aw lian lam niin inspector hian pumrua ah pawh pumraw lian lam anih kha alo ring daih tawh hrim hrim a ni. Tichuan detective a han hmuh khan detective chu pumraw Lian pangngai tak niin a aw ki pawh aw Lian lam leh aw thum lam alo ni lehzel a.




Tin, inspector hian detective hi Lucy remsangpuii leh jessica vanlalhriatpuii te nghaisakna video rinsiama mobile phone a a awm ngei a rin thu leh alo awm tak tak a ni tih an hmuhchhuah tak atang khan a rinhlelhna a ti zual a, tin detective khan thil chhui dan tur kha a hre lawk sa vek a ang tlat a, Facebook leh Gmail account an solve dan te kha, tin heng an mi puh rinsiama leh Johny zamlova te hian an in sawi dan atang reng pawh hian thil awmzia an hrelo tak tak a ni tih inspector hian alo man thiam daih tawh alo ni.




Rinsiama leh Johny zamlova kha chu hmanrua atan a hmang mai a ni. Tin, he a nihna private investigator ang a a insawina pawh hi a lemchanna vek alo ni a, amah hi phai lamah awm thin in a mi thah tak pahnih te pawh kha phai a a awmna hmunah hruai in a that zui ta ni ngei in a lang bawk,




Samuel zarzokima chuan hun rei tak chhung chu heng mitthi ta Lucy remsangpuii leh jessica vanlalhriatpuii ten inlaichinna an lo neih pui tawh te chu zirchiang in, an nu leh an pa, an chhungkua an thian te leh an ngaihzawng te chenin an hun hman dan te, eng inlaichinna nge an neih tih te alo zir viau tawh alo ni a, tichuan a tualthahna ah chuan Lucy remsangpuii cousin chu thu hretu leh cellphone hmang a misual chu tunge anih police te hrilh tu angah lan tirin misual chu rinsiama a ni tih a lantir ta a, tin rinsiama hi rinhlelh loh theih loh turin lucy remsangpuii bona ah hian rinhlelh kai alo ni lehzel tawh si a, chung te chu remchang tha tak a ni zel mai.




Amah Samuel zarzokima ngei in a a sawifiahna atangin "heng zawng zawng hi anih dan tur thlap leh keima ruahmanna leh ka remruat lawk vek anih avangin ka tan chuan khatiang thil hnawk cellphone chungchang te, rinsiama mobile phone a video pahnih mitthi ta te an hmel a lanna video lo awm te kha, thil han chinfel vel kha thil harsa a ni lo a ni. Thil thleng engkim, lucy remsangpuii a bo atang daih tawh khan ka remkhawm leh ka phuah khawm vek an ni a, ka tan thil harsa a awm lo, mahse he thil hi engvang a ti nge ka nih tih hi ka tan chuan a pawimawh ber, hmangaihna avang in ka kehchhia a ni. Lucy remsangpuii leh jessica vanlalhriatpuii te khan min kehchhiat tir a ni" ti a a sawina atang ngei hian thil awmzia chu a Chiang ta mai awm e.




"Engtin nge rinsiama mobile phone ah khan video leh password te kha alo awm theih? chu chu engtin nge i tih dan han sawi teh" sama chuan "kha zawng, ka video thenkhat zing a mi rinsiama Mobile phone ah hian ka dah lut mai a ni. Amah rinsiama hi tlem lai deuh khan civil hospital kawtah sawn ka hmu a, tun hun atan hian ala pawimawh dawn ani tih ka hre vek, tichuan a mobile phone chu hman sak dilin ka harsatna te chu ka hrilh a,




"mahse heti anih rual hian lemchan thiamna leh landan thlak danglam hi a pawimawh ve chawk bawk a, tichuan ka video thenkhat, Jessica vanlalhriatpuii mai nilo lucy remsangpuii video ngei mai pawh chu a mobile phone a private file ah chuan ka dah sak ta a ni. password ka siam bawk, tun hunah a password a hre lova a tih a nilo tih a sawi anih pawh in keimah ngei hian ka hawn sak tawh mai dawn a ni, tin police lam tan rinsiama thusawi kha a inzep tumna ang a ngaih theih a ni tel bawk ang, Khang ka thil ruahman dan leh cellphone ka set up dan te kha police te hian an hrethiam lo tih ka hriat khan keimah ngei hian lem ka chan a tul ta ani"




Rorelna hmun chu a reh thiap reng a, mipui te leh judge te chuan chu misual pawisak nei lo leh a chet dan rapthlak tak te, a ruahmanna hautak zia te sawi a inpuanna nei mek zel avang chu ani ngei ang thawm dang hriat tur a awm lo.




Inspector pawh chuan heti hian a han ti a, "Samuela hi ka rinhlelh hnu khan amah hi ka finfiah duh ta a, private investigator a ni reng em? Tin, a aw ka hi a pawimawh ta bawk, a thinrim lai a a tawngkam hriat ka duh ta a ni. Tichuan sim card dang atang chuan ka chhaih ta a, a thinrim min han vau vel chu kha video a mipa aw nen khan a in ang ka ti ta hle nghe nghe a, tichuan ama chenna in ah ngei te chuan ka chhui ru reng a, a khat tawk chuan phone hmang in rinsiama tualthattu ngei ani tih evidence dang kan la mamawh belh thu hrilh in chu chu lo buaipui ngawrh leh zual turin ka tur reng a, kei chuan amah chu duhthal in ka chhui theih phah ta a ni.




"Tichuan le, hun remchang ka hmu fuh ta hlauh mai a, a chen na a ama room chungah ngei chuan ka lut ru thei ta hlauh mai a ni. A file pawimawh hai ka duh ani. Tichuan a laptop a pendrive invuah lai chu hmu in ka han en Chiang a, ka beisei sang viau lo na in ka mamawh ang tak chhanna chu ka hmu ta hlauh mai a ni"




"your honour, he pendrive chungah hian kut tuar ta te pahnih Jessicai leh lucyi te an lanna mai nilo, amah Samuel zarzokima ngei in a hmel Chiang taka lang chung a hmeichhe pahnih a nghaisa lai leh an rûang chu rapthlak taka a sawngbawl vel lai chu hmuh turin a awm a ni, tin heng a thil ruahman zawng zawng a chhinchhiah dan te, chet a lak dan tur te, mi dang hmanrua atan a a hman dan tur te, cellphone a set up dan tur te engkim a chhinchhiah thlap vek a, chu pawh chu hmuh theih in a awm bawk ani"




Thawm chu a ri nghal luih luih reng a, boruak chu a sosang kher mai. mipui lam chuan Samuel zarzokima chu kut thlak tumin kawt kaiah chuan an lo nghak thup reng mai a, police lam atangin pawikhawih tu venhimna neih nghal thuai a ni a, chutiang chu ni mahse mipui thinrim sahawk leh police lam chu an innawr buai hman ta tho a ni.




Inspector zorama chu a inthiam thei mawlh lo. Chu chu hria in Inspector remruata chuan heti hian a han ti a, "ngawi teh pu zoram, he thil hi a darh tur a nilo ang, a darh anih vaih zawng in i chan tur hian mai an chan pawh a tluk kher lovang. Tun hnuah erawh kawng engkim a fimkhur hi police tan ngat phei chuan thil pawimawh tak a ni reng a ni. Misual te hi lemchan thiam tak an nih ve chawk avang in" a ti ta a.

[tarapollock]

April Hmar Liverpool wrote:
> Thinlung Kehchhia Phuba
>
> Ziaktu, Laltanpuia
>
>
> Chapter _5 Last
>
>
>
>
> Inspector remruata chuan ngun tak leh uluk taka thil awmzia a ngaihtuah hnu
> chuan amah ngei chuan chet lak dan tur chu a ngaihtuah ta a, rinsiama leh a
> chhung te pawh hrechiang em em tu, tin mibo hmasa lucy remsangpuii nen a
> inzawmna nei, johnny zamlova hrechiang em em tu leh jessica vanlalhriatpuii
> hrechiang em em tu, chu ngei chu misual chu a ni. He cellphone set up tu
> dik tak leh kha video original neitu diktak kha a hriat a ngai a ni.
>
>
>
>
> Ni hnih dang a liam leh a, detective in a hrilh ang khan inspector chuan
> rinsiama mobile phone chu check sak tur chuan rinsiama chu police station
> lamah chuan a ko leh a, inspector chuan rinsiama chu a mobile phone check
> sak a duh thu erawh a hrilh lawk hauh lo. rinsiama pawh chuan a mobile
> phone chu chutia inspector in a han dil tak thut ah chuan ngaih that lohna
> nei hauh lo tih hriat tak chuan a mobile phone chu a pe ve mai bawk a,
> Chutah inspector chuan rinsiama mobile phone chu a han check sak ta a, a
> phone gallery, Facebook leh Instagram zawng zawng chu a duhthal in a han
> lepse ta vek a, mahse chu thil ringawt ah chuan amah tualthat tu ni ngei a
> han rinhlelh theihna tur a hmu zo tlat lo.
>
>
>
>
> Chutah le, a mobile phone lo ri chu han en in detective alo ni, lehlam
> atang chuan "inspector, ka sawi ang khan hma chu ila ta em? Rinsiama
> mobile phone chu i enfiah em? Inspector chuan "aw hei, ka enfiah mek
> alawm, mahse eng thil danglam mah ka hmuchhuak tlat lo"
>
>
>
>
> Chutah, lehlam atang chuan "inspector, ka sawi ang hian ti ang che. A
> phone gallery kha check la, video leh thlalak te kha en vek rawh"
> inspector chuan "ka en vek alawm" alo ti thuai a, lehlam tang
> chuan "anih chuan thlalak leh video deleted tawh zawng zawng kha en
> leh rawh" Inspector chuan phone chu rinsiama pe in "i thlalak leh
> video deleted tawh ho zawng zawng han hmet chhuak teh le" a han ti a,
> rinsiama pawh chuan ngaihthat lohna nei lem lo tih hriat tak chuan a
> thlalak leh video deleted tawh ho chu a han en tir a,
>
>
>
>
> uluk taka a enfiah hnu chuan inspector chuan "detective, engmah thil
> danglam a awm lo" a han ti a, Chutah, lehlam atang bawk chuan "a
> nih chuan a youtube channel en rawh, a private video upload ho kha en ang
> che" inspector in detective hrilh ang a rinsiama a han hrilh chuan
> rinsiama chuan "ka pu, chutiang engmah ka nei lo, YouTube ah video ka
> dah ngai lo, private pawh ka nei hek lo, hei i duh chuan i en vek thei
> alawm" a han ti a, a han entir leh a.
>
>
>
>
> inspector chaun "detective, engmah a awm lo" a han ti leh a,
> Chutah detective chuan "imm, a nih chuan a file manager ah lut leh
> rawh, private file ah aw" inspector chuan "imm, kha i file
> manager a i pravate file han hmet chhuak rawh le" rinsiama chuan
> "ka pu, private file ka nei hleinem, hei en la i duh chuan" tiin
> a private file chu a han hmet chhhuak a.
>
>
>
>
> chutah le, rinsiama chuan a thil hmun avang chuan mak ti zet hian "e
> khai le! he thil hi enge ni? private file a dah eng thil mah ka nei ngai
> silo a, mahse hei inspector, password a ngai tlat mai, password dah tur
> pawhin private a thil dahthat ka nei ngailo hrim hrim si a" a han ti
> a, inspector chuan "hawng rawh" alo ti bung nghut a,
>
>
>
>
> rinsiama chuan mangang fe hian "sir, ka phone ah hian he tiang thil
> dahthat ka nei ngai lo, he password pawh hi ka siam a ni reng reng hleinem,
> enge password pawh ka hre hleinem" inspector chuan "imm, kan
> innawr luih kher a tul dawn a ni maw?" a han ti bung leh nghut mai a,
> rinsiama chu a melh rum tawh ngang mai.
>
>
>
>
> rinsiama chuan "sir, he password hi keima siam a ni hleinem, a ngaihna
> ka hre lo ani"
>
>
> "Chuti anih chuan i phone hi midang i khawih tir thin tihna em ni?
>
>
> "Aih sir, midang ka khawih tir ngai lo, naupang takngial pawhin ka
> phone hi an khawih ngailo hrim hrim, ka hriat loh hlan te anih ngawt loh
> chuan" a han ti leh a,
>
>
>
>
> Chuveleh inspector chuan "i password hi nangma siam a ni lo tak tak
> anih chuan hawn tir turin mi thiam kan ruai mai a ngai ang" a han ti
> a, detective hnenah chuan "sam, hei private file a nei a, mahse
> password a awm, amah hian a password a hriat loh thu a sawi tlat mai.
> Midang kan khawih tir mai dawn em ni?" Chuveleh detective chuan
> "nilo nilo inspector, midang khawih tir love, a phone kha enge a
> hming" a han ti a, "imm, a hming chu samsung anih hi" lehlam
> atang chuan "amah kha hawntir ta che" inspector chuan "ka
> hre lo a ti tlat si anih hi" lehlam atang chuan "imm, chu misual
> pa mai mai chu a va luhlul ve maw le" a han ti bai bai a.
>
>
>
>
> chutah detective vek chuan "awle inspector, a mobile phone chu en dik
> turin ka rawn kal a nge, khating ang password kha chu a hre lo tan hawn mai
> ngaihna a awm lo, a phone kha a data reset anih ngawt loh chuan a hawn
> theih kher loh maithei, amah kha kan dawp mai a tul ang" Tiin phone
> chu a dah nghal daih a.
>
>
>
>
> Inspector chu han rum deuh nghat chung chuan "imm rinsiam, he private
> file chhungah hian thil enge maw tak chu a awm a ni tiraw? A han ti a
> rinsiama lah chuan a ngaihna hriat loh hmel fe hian "sir, he thil
> thlen dan hi a mak ka ti tulh tulh mai. Kei hi tualthattu leh misual a min
> puh tum tu mi tu emaw hi an awm a ni ngat mai" inspector chuan "i
> chhung te emaw nangmah hrechiang tu che an ni mai lo maw? Rinsiama chuan a
> ngaihtuahna chu a hmang uluk kher mai.
>
>
>
>
> detective sam chu a rawn thleng ta, Detective chuan thutna a thuthmun chu
> han rem in rinsiama hnenah chuan "rinsiam, khaw maw i phone chu ka lo
> en dik ve a nge" tiin rinsiama phone chu a han dil a, rinsiama pawh
> chuan hrilhhai tak chung chuan "ka pu, ka thil tih ni miah lo leh ka
> inhnamhnawihna tel miah lovah hian tawktarh mek ka ni. Heng zawng zawng ti
> tu hi Johny-a zawk pawh kha a ni maithei asin, amah kha cellphone neitu ber
> kha a ni a, thudik a zep mai mai te pawh a ni thei asin"
>
>
>
>
> Detective chuan "anih chuan i mobile phone hi i hriat loh hlanin a
> khawih a, private file siam in password a siam chawp i tihna em ni? Amah
> ngei chu thu kan zawt dawn em ni?" Inspector chuan "amah nen khan
> in inhre ngai em? Alo ti ve bawk a,
>
>
>
>
> "Aa, hre ve deuh reuh, mahse kan inhre Chiang lem lo, lucy nen a in
> cousin an ni tih kha chu ka hre ngei mai. Mahse chutiang a han inhnim hnai
> Turin hun kan insiam ngai lem lo a ni. Lucy bo chungchang a a chhung leh
> khat ten kei min han ringhlel mai pawh kha a tir kha chuan ka lo hre ngai
> reng reng lo. mahse ka han hriat ve tak hnu khan tha tak leh pangngai takin
> anmahni nen kan inbe thlap nghe nghe a, a pawi ka tihpui zia leh ka
> tawrhpui zia te an han hriat tak hnu kha chuan min ringhlel zui duh ta bik
> lo. Tin, ka inrawlh lo hrim hrim bawk a"
>
>
>
>
> Detective pawh chuan password hawn tum a a han beih ngial hnu ah pawh chuan
> hawn ngaihna a hre bik hauh lo mai. "Rinsiam, dawt i sawi lo tih i
> chiang a maw" inspector chuan alo ti thuai a, Chuveleh rinsiama chuan
> "ee! ka pu, kha pa Johny-a kha ka ringhlel ta hle mai, ama ruahmanna
> vek hi a ni ngei ang"
>
>
> "Imm, chu zawng trial neih leh hunah a Chiang chho zel mai ang
> chu"
>
>
>
>
> Ni hnih dang a liam leh hnu chuan trial neih a ni leh ta a, lalrinsiama
> rinhlelh anih chungchang ah chuan judge rokhuma chuan heti hian a han ti a,
> "lalrinsiama kum 33 a pa lalfakzuala ramhlun South, a nu ngurlawmi
> ramhlun South te fapa zemabawk a khawsa mek chu Jessica vanlalhriatpuii
> kidnap a that zui tu ni a rinhlelh a ni a, police evidence chu hetiang hi a
> ni. September ni 11 zirtawp ni chuan millenium centre kawt a duty security
> guard pakhat in cellphone a chhar a, chu cellphone chhungah chuan video leh
> thlalak awm in hmeichhe pakhat rapthlak tak leh tenawm taka ngaihsak niin
> thah zui ani.
>
>
>
>
> "Police station hnai berah thlen nghal niin police te chuan misual chu
> an chhui zui nghal a, cellphone atang chuan tualthattu ni a rinhlelh chu
> tunge anih hriatchhuah a ni ta ani. Cellphone a facebook account pathum chu
> chhui zui niin chu mi te chu lalrinsiama kum 33 zemabawk a khawsa mek leh a
> pa lalfakzuala ramhlun South a mi leh a nu ngurlawmi ramhlun South a mi te
> an lo ni tih hriatchhuah an ni a, an ni chu rang taka police kut a hlan
> nghal an ni.
>
>
>
>
> "Thil tihsual tu a ni ngei a ni tih finfiahna na tur hian rinsiama
> account a post comment section ah chuan phuba tih thumal hmuh a ni a, tin
> rinsiama leh jessica vanlalhriatpuii te hi inlaichinna nei tawh thin an lo
> ni bawk. Tin, rinsiama hi tualthattu ngei ani tih tifiah zual turin a hun
> hmasa lamah hmeichhe pakhat lucy remsangpuii bona ah rinhlelh alo ni tawh
> bawk, Nimahsela chhui zuina Chiang zawk a awm loh avang a man erawh anilo
> thung"
>
>
>
>
> Rinsiama ukil chu lo ding vat in "your honour, kha zawng, finfiahna
> felfai tak a nilo a ni. Khami ni Jessica vanlalhriatpuii bo ni September ni
> 6 ah khan rinsiama hi a inkhawm ngei ani tih hriatpui tu pawh an awm thlap
> tawh a, tin Jessicai nen hian an inzui lohna a rei tawh a, an inkawp tawh
> ngailo hrim hrim bawk. Chutiang in lucy remsangpuii ngei pawh kha.
>
>
>
>
> "Mahsela kan uisathiam ten a hnu an chhui dan erawh a dik lo ti a
> sawisel ka ni hauh lova, an chhui dan leh an chhui chhuah dan chu a dik
> thlap ngei ni chuan a lang a ni. Mahse, he cellphone nei tu leh he
> cellphone hmang a misual thil tih sual puan sak tu ni a kan police ten an
> sawi johny zamlova hian Chiang takin thudik a sawi ngam lova, amah leh amah
> ngei pawh hi a inring tawk lova, he cellphone kalhmang hi ama remkhawm ngei
> a ni reng em? Engmah a sawi chiang thei tlat lo a ni. Tin amah johnny
> zamlova ngei pawh hi police lam hian chhui Chiang se ka duh khawp mai.
>
>
>
>
> "Tin, keini lam dinna chu lalrinsiama hian tual a that ngei e ti a
> finfiah na lai hmuh tur a awm tlat lo hi a ni. Cellphone a amah tawktarh
> anih a mai vang leh lucy remsangpuii bona a rinhlelh alo nih tawh mai avang
> te, Jessica nen a nunhlui an lo neih tawh avang mai a tualthattu ti a puh
> hi thudik tawk lo a ni a, heng evidence te an neihna ber johny zamlova ngei
> pawh hian heng evidence te hi ama siam a nilo tih a sawi si a, kan hrethiam
> thei lo a ni. Kan dinna ngai ah zel kan la ding e, a finfiahna puitling
> deuh hlek kan phut ve tlat a ni. Chuti anih loh chuan dawt a inpuhna leh in
> phiaruukna thubuai kan thehlut ve thei reng a ni"
>
>
>
>
> Judge chuan "Johny zamlova leh lucy remsangpuii te hi in unau an ni a,
> a unaunu lucy remsangpuii bona ah lalrinsiama hi rinhlelh alo ni tawh bawk
> nen Johny zamlovan lalrinsiama thil tih sual hrechiang tur leh a finfiahna
> pawh nei thei tura chet a lo la anih pawhin thil mak a ni hauh lo maithei
> asin"
>
>
>
>
> "your honour, chu zawng, thu belhchian dawl lo lutuk a ni, amah Johny
> berin a thil tih anih loh thu leh a inrawlh loh thu a sawi tawh a hnu he
> tualthattu a inpuhna hi inphiarrukna leh misual ang a lantir tumna a ni tih
> a Chiang viau tawh awm e"
>
>
>
>
> Judge rokhuma chuan "aw le, ngun takin kan ngaihtuah leh a nga
> thutlukna chu puan a ni ang" Mipui lam chu an thum hak hak reng a,
> rorel chawlh lai lawk te an han zawh fel leh hnu chuan judge thu tlukna chu
> mipui lam chuan an ngaichang thap reng a.
>
>
>
>
> Judge rokhuma chuan "ngun taka rinsiama chung thu court in a ngaihtuah
> hnuah hetiang hi thutlukna chu ani. Rinsiama hi a tualthat lai ngei hmuh a
> nilo a, tin kawng hrang hrang, amah rinhlelhna awm thei zawng zawngah
> evidence fiah leh felfai tak a awm loh avang leh police evidence siam tu
> johny zamlovan a thil tih anih loh thu a phat tlat avang in" chumi lai
> tak chuan hmanhmawh zet hian mi pakhat hi tual zawlah chuan a rawn tlan lut
> rawk rawk mai a, chu lai hmun a awm te chuan mak ti tak chung leh a ngaihna
> hriat loh hmel tak chung chuan chu pa chu an lo en ha ha mai.
>
>
>
>
> Chutah, hah avang a thin dawm vawng vawng chung chuan "pi leh pu te u,
> hei hi a finfiahna chu a ni, rinsiama thil tihsual finfiahna chu" tiin
> a thaw hlawp hlawp reng mai a. Chuveleh, police duty zing a pakhat chuan
> chu pa mobile phone ken chu laksak in judge rokhuma chu a han en tir vat a,
> judge rokhuman chu thil, video a han hmuh chian nak chuan judge rokhuma chu
> mak ti in a meng bial nghal kaw kaw mai a, a thil hmuh avang chuan rapthlak
> a ti kher mai. "A tawk, a tawk. Tun atan chuan rorelna hi tihtawp a ni
> e" tiin a thut na atang chuan a tho nghal vut mai a.
>
>
>
>
> Mipui lam chu an ri mur mur reng mai. Chuti teh nuai a thil a han thleng
> chho ta zut zut mai chu an hrethiam lo kher mai. Detective sama pawh chuan
> inspector hnenah a thil hmuhchhuah a han hrilhfiah meuh chuan inspector
> ngei pawh chu mak tih avang leh rapthlak tih avang chuan a meng phar awn
> awn thei hial ani.
>
>
>
>
> Detective chuan inspector ruata hnenah chuan Rinsiama mobile phone a
> private file a hawn theih tawh thu hrilh in chu file ah chuan Lucy
> remsangpuii leh jessica vanlalhriatpuii te chu rawng tak leh rapthlak taka
> an ngaisakna video alo awm reng chu niin, chu video ngei chu a ni judge
> rokhuma an entir kha, chu video chu inspector pawh chuan a han en ve nghal
> thuai a, rapthlak a tih em avang leh pawi a tih em avang chuan a chek tlak
> tlak thei hial mai. An hmel chu chiang takin a lang a, an hmai tuam a nilo.
> Anmahni ngei an ni tih chu phat rual a ni lo a ni.
>
>
>
>
> Detective chuan rinsiama file a video te chu original an nih thu sawiin kha
> cellphone, security guard chhar a video leh thlalak te kha chu copy leh
> edit leh chhawn an ni tawh a, tin kha tah kha chuan hmeichhe hmai kha tuam
> phui tlat a ni a, tunge an nih hriat mai theih an nilo a nih kha,
>
>
>
>
> inspector chuan detective hnenah chuan engtia private file chu hawng thei
> nge anih a han zawt vat a, detective chuan password a zawnchhuah thu alo
> hrilh mai a, inspector vek chuan password a zawnchhuah dan te chu han zawh
> chian lehzel a duh viau na in a zawt duh zel ta rih lova.
>
>
>
>
> Rinsiama te chhungkua chu an buai takzet, hrilhhaina leh manganna in an
> khat a, rinsiama pa lalfakzuala meuh pawh chuan a fapa chu a ringhlel a ni
> tih a fapa zawhna a zawh dan leh a awmdan atang reng pawh chuan a hriat a
> ni. A nu ngurlawmi ngei pawh chuan rilru buai tih hriat tak mai hian
> "mama, a va han pawi tak em! He thil hi nangma tih a ni em? Han sawi
> teh. Engvang a kha video kha nei nge i nih? Rinsiama chuan a lu chu a dawm
> vawng vawng thei hial mai.
>
>
>
>
> "Nu, ka pa, keimah hi ka nilo, inhnamhnawihna pakhat mah ka nei lo, he
> thil ti tu hi ka hriatchhuah hunah chuan a va han chak dawn lo tak em!
> Nilo, a ni thei lo hrim hrim, keimah ka ni thei lo hrim hrim tih te chu kha
> mi ni September ni 6 ni a ka hun hman dan atang ringawt pawh khan in
> hrethiam a ni lawm ni?
>
>
>
>
> "Khami ni, Jessicai bo ni pawh khan ka inkhawm ngei ani tih min lo hmu
> a min lo hriatpui tu pawh an awm ngei kha, chu bak bak a thudik" a tah
> a chhuak kher mai. "Lalpa enge ka chungah thleng ta mai" A pa
> chuan teu zet hian "mahse lalrinsiam, Jessica vanlalhriatpuii
> chungchang chauh a ni tawh hleinem, tunah chuan lucy remsangpuii nghaisakna
> video ngei pawh a tel tawh anih hi" alo ti a, an buai zo ta a ni ber
> mai.
>
>
>
>
> Rinsiama chu police te chuan an la nghal thuai a, a hma a rorelna in a
> chung a thu tlukna ala siam loh chu ngaihtuah nghal a ni dawn ta bawk a.
> Additional district and session judge two Aizawl chuan lalrinsiama kum 33
> zemabawk a khawsa mek chu lucy remsangpuii leh jessica vanlalhriatpuii te
> rapthlak taka ngaisakna video a neih te chu ni hnih chhung a a sawifiah
> thei lo anih chuan court chuan tualthattu a ngai in section 302 ipc hmang a
> dam chhung lung in tang turin a chungthu a rel ang. Tin, Case dang, Lucy
> remsangpuii nghaisak a thah zui anih takna ah pawh chuan section 302 ipc
> leh section 304 part two of IPC hmang a a chungthu rel a ni bawk ang.
>
>
>
>
> Rinsiama Chhungte chuan an fapa chu tualthattu a nilo a, an fapa zalenna
> humhim sak tur a ngenna chu rorelna sang zawk high court lamah appeal an
> tum ta a, Nimahsela an ni a nu leh a pa ber pawh chu security guard in
> cellphone a chhar a an hming a lan tel ve avang chuan rinhlelh an ni zui ta
> a, anmahni chhui tur chuan police lam chuan hma an la dawn ta nghe nghe a
> ni. Anmahni ngei pawh chu an him lo a, an sahimna zawng a theihtawp an
> chhuah a tul ta ani ber mai.
>
>
>
>
> Heti anih lai hian mi thenkhat chuan rinsiama chu dik lo taka puh niin
> tualthattu ni a lan tir a tawktarh a nih ring in court rorel dan pawh chu
> an dem hle mai a, thenkhat erawh chuan rinsiama ngei chu tualthattu anih an
> ring hlel lova, a mobile phone a Jessica vanlalhriatpuii mai nilo lucy
> remsangpuii ngaisakna video hmuhchhuah a nih tak zelah phei chuan thil chu
> Chiang takin a intarlang tawhah an ngai a ni.
>
>
>
>
> Ni thum dang a liam leh hnu chuan, chutiang ang nei nuai kara boruak mumal
> lo tak a awm reng avang chuan court pawh chuan rinsiama chungchang chu an
> ngaihtuah tha leh ta a, police lam atang a Lucy remsangpuii leh jessica
> vanlalhriatpuii te thihna chungchang a lalrinsiama tualthattu a ni tih
> evidence an hmuh belh leh hmuh belh loh chungchangah pawh ngaihdan a tam na
> ngiang mai.
>
>
>
>
> Rinsiama ber lah chuan engmah tihsual a neih loh thu leh inhnamhnawihna
> engmah a neih loh thu ah chuan a la tang tlat mai si a, mahsela court in a
> hrilh tak ang a mobile phone a Jessica vanlalhriatpuii leh Lucy remsangpuii
> te nghaisakna video awm chu enge a chhan tih erawh a sawifiah thei lo
> thung.
>
>
>
>
> Police te pawh chuan evidence dang han beisei leh tur chuang awm in an hre
> lo. Kawng hrang hrang hmang a hnu an chhui lah in rinsiama chu a kawk zel
> si a, khang cellphone hmang khan rinsiama chu misual a puh tum na ang a han
> ngaih dawn pawh chuan a tawpah amah rinsiama ber chuan Jessica
> vallalhriatpuii mai nilo, lucky remsangpuii te nghaisakna video ngei mai
> chu alo kawl lehzel si a, tin amah rinsiama hi Jessica vanlalhriatpuii bo
> hma hian Lucy remsangpuii bona ah rinhlelh alo ni lehzel si nen, police lam
> ngaihdanah chuan tum dang a an case buaipui nen a khaikhin ralah misual chu
> rinsiama ngei chu ni in a lang a ni,
>
>
>
>
> mahse tualthattu dang ang lo takin rinsiama erawh a inpuang duh lova, a
> thil tih nilo ang in a tang tlat mai si a, a in sawifiahna ah chuan tan
> chhan tlak leh belhchian tlak thil a awm lem lova, jessicai bo ni a a
> inkhawm thu kha ani mai awm e, Court thutlukna chauh chu an ngaihchan a ni
> ta a ni.
>
>
>
>
> Hun engemaw ti chen a liam leh hnu chuan inspector remruata chuan a nau te
> chu an hnuchhuina chungchang a an thil hmuh dan leh an ngaihdan te sawi
> puina a nei ve ta thung a. An zinga pakhat chuan "sir, ka ngaihdanah
> chuan rinsiama chauh nilo, he pa cellphone nei tu johny zamlova ngei pawh
> hi kan en thlak a tul a ni. Tin kha cellphone a evidence te kha ama
> remkhawm a nilo a ni tih finfiah sak a ni silo a"
>
>
>
>
> Inspector chuan "imm, chu zawng detective sam khan alo chhui zui hrep
> tawh anih kha, kha ta tang a a hming pawh zamlova ani tih hre ta a ni reng
> a, tin cellphone a hming pakhat nen hian a lo in ang ani tih pawh hre ta
> kan ni reng a, cellphone pawh kha a tihbo ngei alo ni tih pawh a cellphone
> tih bo detail engkim atangin kan hmuhchhuah tawh kha, mahse a cellphone
> tihbo ni ni a a sawi ni leh cellphone chhar ni kha a inmil lo deuh tih thil
> mai a ni. chu zawng ai chuan rinsiama hi thlthattu a nilo tak tak anih
> chuan heng thil felfai tak leh uluk taka ruahmanna phen ah hian mi pakhat a
> awm tihna a ni mai.
>
>
>
>
> "He thil titu diktak zawk hi kan la hrechhuak lo mai mai zawk pawh a
> ni thei" rinpuia chuan "mahse sir, Jessicai mai nilo lucy
> remsangpuii nghaisakna video ngei pawh kha rinsiama mobile phone ah khan
> kan han hmuchhuak ta kha a ni a, kha ve thung kha engtia thutlukna siam chi
> nge ni ang? misual chu rinsiama chhung hnaivai a mi tu emaw a ni tihna em
> ni? Rinsiama hi a thil tihsual hmehbel a tum tihna a ni thei mai angem?
>
>
>
>
> Inspector chuan "chu zawng, he thil ruahman tu hian hun rei tak chhung
> chu he thil hi a ruahman ngei niin a lang" An zing a pakhat chuan
> "sir, a buai angreng viau in ka hria a, mahse he mi te pahnih rinsiama
> leh Johny zamlova te lo hi chu han rinhlelh tur midang an awm lovin ka
> hria, pakhat zawk hi cellphone bo neitu a ni a, a phone set up dan leh
> video rapthalak tak awm avang in misual min kawhmuh tum leh amah ngei pawh
> hi video a neih theih danah hian a inhnamhnawih a nih loh vek pawh in
> rinsiama hi a hnaih thei viau a ni phawt a nga, mahse amah a inrawlh loh
> thu leh engmah a hriatthiam loh thu a sawi tlat thung a. Chutiang bawkin
> rinsiama pawh,
>
>
>
>
> "mahse, rinsiama hi han chhan tum viau dawn mah ila kha video original
> ni ngei a lang kha alo kawl leh kher khan he pa hi min rinhlelh tir ber lo
> thei lo ani"
>
>
>
>
> "Ni e, misual pa chuan a ruk in video te kha rinsiama phone ah hian a
> dah tihna ah han ngai dawn ta ang ila, chu thil a thlen theihna chance lah
> chu a chhe viau si a" inspector chuan "imm, a pawi ta ber chu kha
> mi, Jessica vanlalhriatpuii a tlan bo ni ti mai ila, taxi a phur tu in mipa
> number min pek kha, kha sim card kha tu ta ber nge anih hriatthiam har lai
> ber a hi a ni, kha mi tum a taxi be tu kha hre thei ni ngat ila chu kawng a
> awlsam deuh tur hi a ni a"
>
>
>
>
> Inspector thusawi chu an pawm tlang tih a hriat reng mai. "Imm, tunah
> rih chuan court thutlukna mumal a awm hma chu misual hnu kan chhui zel rih
> hi a tul a ni e, he thil teh hrep hi a kual ve riau mai, misual hi ka
> manchhuak ngei ang tih pawh hi ka sawi huai ngam viau lo reng a nih tak ber
> mai hi maw" tiin rinsiama chu mi sual anih a ring lo tih a hriat theih
> mai a, an pu thusawi dan avang chuan an hrilhhai in a ngaihna erawh an hre
> lo tlang hle thung. nakin deuhah chuan an rilru a thil awm te ngaihtuah
> rauh rauh chung chuan an tin ta hlawm a.
>
>
>
>
> Inspector remruata chuan a chet lak dan leh a ruahmanna te chu a sawi lang
> duh ngai hauh lo a, ni enge maw zat chu a hmel hmuh tur a awm meuh tawh
> lova, khawiah nge a awm? Enge a tih tih chu tumah in an hre hauh lo. Chumi
> anih rual chuan rinpuia chuan inspector ruata chu thil pawimawh tak ti tura
> hmun dang a a thang bo ang leh chutia a mah hmuh tur awm lo leh a chanchin
> hriat tur awm ta lo pawh chu a thawh pui te pawh chuan thup pui hram hram
> tur leh, a hun takah chuan rah tha nen inspector chu alo kir leh ngei tur
> thu te a hrilh hlawm a, chumi rual chuan an ni lam pawh si ronghaka hona
> hnuaiah an hna lama rilru pe turin rinpuia chuan a hnathawh pui te chu a ti
> ve mek reng bawk.
>
>
>
>
> Inspector remruata chuan rinhlelh pakhat a nei a ni, chumi chu thlithlai in
> a chhui zui zel a, a chang chuan a hmel leh landan a thlak a tul a, a chang
> chuan rukru ang mai a a chet a tul chang pawh a awm nghe nghe a, chumi pah
> chuan a tih theih bak puihna leh a mamawh ang information te chu rinpuia
> hnenah a ruk in a dawng zel a, tin rinpuia pawh chuan a pu chu a ngaichang
> ve reng a, a pu in a mamawhna ang ah pawh chuan biak tur leh inpeih ran
> reng in a awm ve bawk a ni.
>
>
>
>
> Hun a kal leh hret a, inspector remruata pawh chu hlawhthling inti tak
> chung chuan rorelna hmunah chuan a kal ve a, tin an hnuchuina kawng a
> tangkai em em mai leh hnu chhuichhuak tu ber ni bawk detective sama pawh
> chuan a rawn tâwiâwm ve nghe nghe bawk. rorelna chu tan a ni zui mai a,
> lalrinsiama chungthu ah court in thutlukna a siam tawh dawn a ni.
>
>
>
>
> Rinsiama ukil chuan rinsiama chu tualthattu anih theihna lai hmuh tur a awm
> loh thu leh a cellphone a video lo awm ngawt danah chuan mi rinhlelh a neih
> thu chu a sawi ta chat mai le, mipui lam pawh chuan chu chu an lo beisei
> lawk a ni sa deuh nge ni thawm pawh chu a ring thin hle mai. Rinsiama ukil
> chuan sawi zel in,
>
>
>
>
> "your honour, rinsiama chauh hi a nilo, security guard in cellphone a
> chhar neitu, engkim set up a, misual chu chhuichhuak tura a cellphone hmang
> a police te kawhhmuh tu ni a lang Johny zamlova ngei pawh hi he tualthattu
> hian hmanraw zingah a hmang tel a ni" mipui lam thawm chu a tha lehpek
> viau mai.
>
>
>
>
> Ukil chuan chhunzawmin "Nimahsela, hei erawh ka sawi duh, heng
> tualthah chungchang a rinhlelh te, rinsiama nu leh a pa te ngei pawh hi
> engah mah hian an inrawlh lo a, inhnamhnawihna an nei lo tawp tih hi thudik
> a ni" mipui lam chu an ri leh hak thin a.
>
>
>
>
> "An ni chungchang hi ngun tak leh uluk taka chhui ruk an lo ni tawh
> thin a, tichuan ruahmanna felfai tak nen he inphiarrukna leh cellphone a
> thumal pakhat rache tih awm avang a phuba ni ngei a lang hi lo thleng ta a
> ni. Your honour, court in rinsiama mobile phone a video pahnih awm te hi a
> sawifiah theih in ring lo a ni maithei, mahse hei hi kan hmuhchhuah tak chu
> a ni.
>
>
>
>
> "Rinsiama mobile phone ah hian khang Lucy remsangpuii leh jessica
> vanlalhriatpuii te nghaisakna video te kha a ruk a dah niin password pawh
> siam chawp sak a ni a, amah rinsiama ber hian a private file ah eng thil
> mah a dah ngailoh avang in private file a lut ngailo hrim hrim a, he tia
> password lo awm ta ngawt mai pawh hi a ngaihna a hre lo hle anih kha"
>
>
>
>
> Judge chuan "chung chu a finfiahna in nei em? Alo ti a.
>
> Chuveleh ukil chuan "aw ka pu nei e" Mipui lam chu an thum nghal
> hak hak mai a, mak tihna leh a finfiahna chu hriat chakin an awm mek a ni.
> Judge chuan "a finfiahna chu min han hmuh teh"
>
>
>
>
> "Your honour, a finfiahna mai nilo, he thil titu hi tunge anih kan hre
> tawh zawk a ni. Amah chu" tiin ukil chuan inspector ruata thutna hnung
> chiah a thu detective sama chu a kawk ta va mai. Chuveleh ukil vek chuan
> "detective nilovin a hming chu Samuel zarzokima a ni e" mipui chu
> an ri nghal mur mur mai a, Chutah ukil vek chuan "ka pu, he misual hi
> man nghal turin court hian thuchhuah siam se ka duh a ni. He misual
> chhuichhuak tu inspector remruata hi koh nghal ka duh bawk ang. Ani chuan
> evidence a kawl bawk e"
>
>
>
>
> Judge chuan inspector remruata hming ukil in a sawi lan ve takah chuan
> Samuel zarzokima chu man turin thu a pe nghal thuai a, Chuveleh police te
> pawh chuan detective chu a thuthmunah chuan kut kawl an bun tir ta nghal a.
>
>
>
>
> Inspector remruat an misual a chhuichhuah dan a sawi lai chu chu lai hmun a
> awm te chuan an ngaithla ngun kher mai. Inspector chuan detective a
> rinhlelh tanna chu a aw ki atang in a ni a, video a mipa aw kha aw lian lam
> niin inspector hian pumrua ah pawh pumraw lian lam anih kha alo ring daih
> tawh hrim hrim a ni. Tichuan detective a han hmuh khan detective chu pumraw
> Lian pangngai tak niin a aw ki pawh aw Lian lam leh aw thum lam alo ni
> lehzel a.
>
>
>
>
> Tin, inspector hian detective hi Lucy remsangpuii leh jessica
> vanlalhriatpuii te nghaisakna video rinsiama mobile phone a a awm ngei a
> rin thu leh alo awm tak tak a ni tih an hmuhchhuah tak atang khan a
> rinhlelhna a ti zual a, tin detective khan thil chhui dan tur kha a hre
> lawk sa vek a ang tlat a, Facebook leh Gmail account an solve dan te kha,
> tin heng an mi puh rinsiama leh Johny zamlova te hian an in sawi dan atang
> reng pawh hian thil awmzia an hrelo tak tak a ni tih inspector hian alo man
> thiam daih tawh alo ni.
>
>
>
>
> Rinsiama leh Johny zamlova kha chu hmanrua atan a hmang mai a ni. Tin, he a
> nihna private investigator ang a a insawina pawh hi a lemchanna vek alo ni
> a, amah hi phai lamah awm thin in a mi thah tak pahnih te pawh kha phai a a
> awmna hmunah hruai in a that zui ta ni ngei in a lang bawk,
>
>
>
>
> Samuel zarzokima chuan hun rei tak chhung chu heng mitthi ta Lucy
> remsangpuii leh jessica vanlalhriatpuii ten inlaichinna an lo neih pui tawh
> te chu zirchiang in, an nu leh an pa, an chhungkua an thian te leh an
> ngaihzawng te chenin an hun hman dan te, eng inlaichinna nge an neih tih te
> alo zir viau tawh alo ni a, tichuan a tualthahna ah chuan Lucy remsangpuii
> cousin chu thu hretu leh cellphone hmang a misual chu tunge anih police te
> hrilh tu angah lan tirin misual chu rinsiama a ni tih a lantir ta a, tin
> rinsiama hi rinhlelh loh theih loh turin lucy remsangpuii bona ah hian
> rinhlelh kai alo ni lehzel tawh si a, chung te chu remchang tha tak a ni
> zel mai.
>
>
>
>
> Amah Samuel zarzokima ngei in a a sawifiahna atangin "heng zawng zawng
> hi anih dan tur thlap leh keima ruahmanna leh ka remruat lawk vek anih
> avangin ka tan chuan khatiang thil hnawk cellphone chungchang te, rinsiama
> mobile phone a video pahnih mitthi ta te an hmel a lanna video lo awm te
> kha, thil han chinfel vel kha thil harsa a ni lo a ni. Thil thleng engkim,
> lucy remsangpuii a bo atang daih tawh khan ka remkhawm leh ka phuah khawm
> vek an ni a, ka tan thil harsa a awm lo, mahse he thil hi engvang a ti nge
> ka nih tih hi ka tan chuan a pawimawh ber, hmangaihna avang in ka kehchhia
> a ni. Lucy remsangpuii leh jessica vanlalhriatpuii te khan min kehchhiat
> tir a ni" ti a a sawina atang ngei hian thil awmzia chu a Chiang ta
> mai awm e.
>
>
>
>
> "Engtin nge rinsiama mobile phone ah khan video leh password te kha
> alo awm theih? chu chu engtin nge i tih dan han sawi teh" sama chuan
> "kha zawng, ka video thenkhat zing a mi rinsiama Mobile phone ah hian
> ka dah lut mai a ni. Amah rinsiama hi tlem lai deuh khan civil hospital
> kawtah sawn ka hmu a, tun hun atan hian ala pawimawh dawn ani tih ka hre
> vek, tichuan a mobile phone chu hman sak dilin ka harsatna te chu ka hrilh
> a,
>
>
>
>
> "mahse heti anih rual hian lemchan thiamna leh landan thlak danglam hi
> a pawimawh ve chawk bawk a, tichuan ka video thenkhat, Jessica
> vanlalhriatpuii mai nilo lucy remsangpuii video ngei mai pawh chu a mobile
> phone a private file ah chuan ka dah sak ta a ni. password ka siam bawk,
> tun hunah a password a hre lova a tih a nilo tih a sawi anih pawh in keimah
> ngei hian ka hawn sak tawh mai dawn a ni, tin police lam tan rinsiama
> thusawi kha a inzep tumna ang a ngaih theih a ni tel bawk ang, Khang ka
> thil ruahman dan leh cellphone ka set up dan te kha police te hian an
> hrethiam lo tih ka hriat khan keimah ngei hian lem ka chan a tul ta
> ani"
>
>
>
>
> Rorelna hmun chu a reh thiap reng a, mipui te leh judge te chuan chu misual
> pawisak nei lo leh a chet dan rapthlak tak te, a ruahmanna hautak zia te
> sawi a inpuanna nei mek zel avang chu ani ngei ang thawm dang hriat tur a
> awm lo.
>
>
>
>
> Inspector pawh chuan heti hian a han ti a, "Samuela hi ka rinhlelh hnu
> khan amah hi ka finfiah duh ta a, private investigator a ni reng em? Tin, a
> aw ka hi a pawimawh ta bawk, a thinrim lai a a tawngkam hriat ka duh ta a
> ni. Tichuan sim card dang atang chuan ka chhaih ta a, a thinrim min han vau
> vel chu kha video a mipa aw nen khan a in ang ka ti ta hle nghe nghe a,
> tichuan ama chenna in ah ngei te chuan ka chhui ru reng a, a khat tawk
> chuan phone hmang in rinsiama tualthattu ngei ani tih evidence dang kan la
> mamawh belh thu hrilh in chu chu lo buaipui ngawrh leh zual turin ka tur
> reng a, kei chuan amah chu duhthal in ka chhui theih phah ta a ni.
>
>
>
>
> "Tichuan le, hun remchang ka hmu fuh ta hlauh mai a, a chen na a ama
> room chungah ngei chuan ka lut ru thei ta hlauh mai a ni. A file pawimawh
> hai ka duh ani. Tichuan a laptop a pendrive invuah lai chu hmu in ka han en
> Chiang a, ka beisei sang viau lo na in ka mamawh ang tak chhanna chu ka hmu
> ta hlauh mai a ni"
>
>
>
>
> "your honour, he pendrive chungah hian kut tuar ta te pahnih Jessicai
> leh lucyi te an lanna mai nilo, amah Samuel zarzokima ngei in a hmel Chiang
> taka lang chung a hmeichhe pahnih a nghaisa lai leh an rûang chu rapthlak
> taka a sawngbawl vel lai chu hmuh turin a awm a ni, tin heng a thil ruahman
> zawng zawng a chhinchhiah dan te, chet a lak dan tur te, mi dang hmanrua
> atan a a hman dan tur te, cellphone a set up dan tur te engkim a
> chhinchhiah thlap vek a, chu pawh chu hmuh theih in a awm bawk ani"
>
>
>
>
> Thawm chu a ri nghal luih luih reng a, boruak chu a sosang kher mai. mipui
> lam chuan Samuel zarzokima chu kut thlak tumin kawt kaiah chuan an lo nghak
> thup reng mai a, police lam atangin pawikhawih tu venhimna neih nghal thuai
> a ni a, chutiang chu ni mahse mipui thinrim sahawk leh police lam chu an
> innawr buai hman ta tho a ni.
>
>
>
>
> Inspector zorama chu a inthiam thei mawlh lo. Chu chu hria in Inspector
> remruata chuan heti hian a han ti a, "ngawi teh pu zoram, he thil hi a
> darh tur a nilo ang, a darh anih vaih zawng in i chan tur hian mai an chan
> pawh a tluk kher lovang. Tun hnuah erawh kawng engkim a fimkhur hi police
> tan ngat phei chuan thil pawimawh tak a ni reng a ni. Misual te hi lemchan
> thiam tak an nih ve chawk avang in" a ti ta a.


Amzing. I wait for your next story. Can you notice me when you have new one?