Chalrang Tualthahna _Chapter-1

[April Hmar Liverpool]

Chalrang Tualthahna

By, Laltanpuia

Chapter-1

Kum 2017 March 12 a ni a, saitual police station ah chuan information dawn a ni a, an thu dawn danah chuan hemi ni March 12 tlai lam dar nga leh a chanve ah hian chalrang khua ah tualthahna ni a rinhlelh a thlen thu report a ni a.

He tualthahna ni a rinhlelh a thil thlen dan tak hi a chipchiar a report pe tu ten an hriat bik loh thu leh pc sanghluna kum 35 chu tualthattu a rinhlelh a nih thu dawn niin kuttuar a boral ta hi ruatmawia kum 38 mi a ni a,

pc sanghluna leh ruatmawia te hian tlai lam dar thum bawr velah zu an in dun thu leh hemi hnu Darkar hnih a liam hnu a ruatmawia chu a zu in na in thlang a awm thlam pakhat ah chuan thi a chhar anih tak thu te, pc sanghluna chu chumi thlam awm na panna kawng a in lam pan a a rawn chho lai mi thenkhat in an hmuh thu te niin he thil thlen hma, an zu in ho na ah pawh PC sanghluna leh ruatmawia te chu an inhnial thinrim thu leh kut hial in thlak an tum thu te chu thu hretu te sawi dan a ni a.

Inspector remruata chuan rinpuia hnenah chuan "kha rina, tualthahna ni a rinhlelh case dang leh bawk anih leh tawh kha, misual ni a rinhlelh ber hi kan police te chuan kalkawngah an tawk ni awm tak a ni. Ramhnuai lam pan in bag nen a in ak puar luah mai ani awm e, rinhlelhna chang an lo hre lo pek a ni awm a, nimahsela khaw miten an han sawi tak dan atang in tualthattu ni a an rinhlelh ber chu a ni ngei tih an han hrechhuak leh hnuhnawh a ni awm a,

"asi rinmawia hian nangmah ngeiin han enfiah la' mi tih deuh tlat avangin khaw nge keini lam pawh chalrang khua ah chuan i va tleh phei ve poh teh ang hmiang, hei kan tih nek nek chhungin darkar a liam mai dawn" tiin inspector remruata chuan rinpuia phone lo hmang mek chu a han tur nghal vut vut a, rinpuia pawh chuan "ni e sir, i tih te chuan le kal rawh, ka hman ani nghal mai" tiin inspector nen chuan tualthahna thlenna hmun chalrang khua pan tur chuan an in buatsaih ta nghal a.

Khua an thlen chuan zan dar ruk a pel thuak tawh a, khawtlang hruaitu te chuan an lo hmuak a, thil thlendan leh thil awmzia te an han inhrilh fiah hnu chuan inspector leh khawtlang hruaitu VC secretary te chu an han inkawm leh a,

VC secretary sawi dan chuan tlai lam dar thum vel bawrah zu zuar thin veng mawng a chali an tih te In-ah mi thenkhat chuan zu an in ho a, an zingah chuan pc sanghluna leh mitthi ta ruatmawia te pawh an tel ve ni ngei tur a ni, a hmun a zu in a awm ve mi dang te mai bakah a in neitu chali ngei pawhin a sawi dan a ni a,

tichuan an rui phur chho tan ta a, pc sanghluna leh ruatmawia te chu ram chungchangah an inhnial chho ta a, midang lo awm ve te pawh chuan lo khap ve in mahse an ni pahnih chu ngawih a hnek in an inhnial chho zel a, an thinrim chu an intawng baw ve ve ta hial mai a, tichuan ruatmawia zawk chuan a thinrim em avang leh pc sanghluna tih dan ah chuan a lungawi loh em avang chuan tawngkam thalo tak thleng chuan a cheh phah ta hial a ni awm a, ruatmawia chuan pc sanghluna chu engtik ni ah emaw chuan i nunna hian ala tuar dawn khawp' tiin a tawngkam a thlah khum nghe nghe a ni.

Chutia tawngka mai nilo, kutthawh tum meuh a an han inrikrap tak hnuah chuan pc sanghluna thinrim chu zu in na hmun atang chuan a chhuak ta a, chutia pc sanghluna chhuak ta chu ruatmawia chuan tawngkam elsen zet zet leh hmuhsitna tawngkam dengkhawng tak tak hmang chuan a an khum zui bawrh bawrh reng mai a,

tichuan boruak te a han daih tak deuh hnu leh zu in ve midang ho an han tin zawh tak ah chuan ruatmawia pawh chu a tin ve ta a, nimahsela tlai lam dar nga a nih chhoh takah chuan ramvak tura ramhnuai lam pan mek lianzuala chuan ruatmawia ni ngei tura ngaih mi pakhat hi veng mawng lam, in awmna thlang ber atang a ft 300 vel a hla a awm thlam pakhat a a lut lai hi a hmu a, a thawmhnaw hak atang in ramvak tura intintuah niin a lang silo, eng ti tur a chu lai daih daih a tlai lam tawhah lehnghal chutia thangchhuak chu ni maw tiin a thlir liam mai a ni awm e,

ruatmawia chhung te chuan chaw ei tur a an han in buatsaih lai chuan an tlangval chu ala rawn haw lo a ni tih an hre ta a, tichuan ruatmawia len na ni a an ngaih te in lam ah chuan naupang ho an tir a, mahse an va hmu ta mai lo a, tichuan le, dar nga leh a chanve ani chho tan tihah chuan veng mawng lam a darzika thlam a ruatmawia rûang thisen nen a lo inchiah piah nuai mai chu an thil hmuh a ni ta a ni.

Ruatmawia thlamah a awm ani tih an hriat theihna chhan pawh hi ramvak tura chhuak ta lianzuala khan a ngaih tih that nan khaw chhung a a thian te chu ruatmawia ni ngei a lang veng mawng lam a darzika thlamah a hmuh thu alo hrilh chhawn leh vang alo ni a, tichuan rang takin ruatmawia rûang hmu tu te chuan khawtlang hruaitu te an pun nghal thuai a, tichuan VC secretary in saitual police station ah ruatmawia rûang an chhar thu chu a thlen ta a ni.

Asi rinmawia chu a duty lai niin hmanhmawh takin chalrang khua ah chuan thil thlen dan enfiah turin a kal nghal thuai a, chalrang khua an luh dawn ah chuan mi pakhat hi an tawk a, a landanah chuan ram riak lut tur ni ngeiin a lang, tichuan asi rinmawia leh a nau te chuan ruatmawia awmna thlam chu zu thleng thla nghal thuai in mitthi chu an han enfiah nghal a,

mitthi nak vei lamah chuan chemte a vihna hnuhma ni ngei a lang inchi hnih vel a kak hi an hmu a, a hnung zangah chuan vih tlang na hnuhma inchi khat vel hliam an hmu bawk. Chalrang khaw bul maiah hian khawhai a awm a, damdawi in awmna a ni, mahsela hetih lai hi doctor awm remchan loh lai a nih avangin rûang chu saitual ah phurh phei nghal a ni a, rûang chu postmortem a ni dawn a ni. Asi rinmawia chuan evidence atan mitthi kawr hak thisen kai nuai chu la in mitthi bul mai a chemte feet 2 dawn a sei lo awm chu ala tel bawk a, tichuan asi rinmawia hian saitual police station ah fir thehlut in case chu oc hnenah a hlan ta a ni.

Inspector remruata chuan tlai lam dar thum bawr vel a chali in a zu in ho chu a mal te te in thu a zawtfiah vek a, an thusawi dan pawh a in ang tlang hle, ruatmawia thih dana an mi rinhlelh ber pc sanghluna chu ruatmawia nen a an inhnial thinrim chiam hnu a kut thawh mai pawh hreh lo a an inrikrap chiam thu te, chumi hnu a pc sanghluna chu thinrim avang a in atang a chhuak ta anih thu te, ruatmawia erawh midang zawng an tin zawh tawh hnu a la hnufual anih avang a a chin an hriat zui bik loh thu te leh chumi thu hla ah chuan in nei tu chali chu thil thlen zel dan hre tu ni a an ngaih thu te an sawi hlawm a,

inspector pawh chuan chali chu thu zawtfiah ve leh in chali pawh chuan ruatmawia chu a hnufual a a tan ngei thu leh, nimahsela a hnufual rei loh thu sawi in chumi hnu a thil thlendan chu engmah a hriat zui bik loh thu a sawi ve leh bawk a, ramvak tura chhuak ta lianzuala ngei pawh kha in alo thleng ve tawh bawk a, ani pawh chu inspector chuan thu a zawt fiah veleh a, lianzuala pawh chuan asi rinmawia report pek ang thovin thil thlen dan leh ruatmawia awmdan in a ngaih a tih that loh avang a in lam a a thian te hnena ruatmawia chungchang a hrilh thu te, chumi hnu a an thil hmuh chu rapthlak taka ruatmawia rûang an hmuh chhuah tak mai thu te a ni a.

Inspector remruata chuan rinpuia hnenah chuan "rinpui, kan mitthi chhung te leh mi rinhlelh PC sanghluna chhung te chu thu lo zawtfiah ang che u, tun hma in an pahnih inkarah inhmuh thiam lohna a awm em? Tin, PC sanghluna hian hetiang thil hi ruatmawia chungah hian ti mai duh awm ang in a awm tawh ngai em? Ram chungchang a an inhmuh thiam lohna te pawh chu lo zawt chiang ang che u" a han ti a, rinpuia chuan "sir, he pa, kan mi rinhlelh PC sanghluna hi khawiah nge tunah a awm ang ni? Amah hi man vat chi a nilo maw? A han ti a, inspector chuan "imm, chu chu a pawimawh hle bawk, pc sanghluna awmna chin kan hriat a tul a, a chhung ten chu chu an hria ang" alo ti a,

Rinpuia leh constable dang te pawh chu PC sanghluna chin hriat tum chuan pc sanghluna leh ruatmawia, an ni pahnih an chhung te an chinchang zawtfiah tur chuan chet an la nghal thuai a, inspector erawh asi rinmawia hrilh ang in ruatmawia rûang an chharna hmun hma te chu en thlithlai tur chuan chet ala ve thung a.

Thlam an zu thlen chuan thawm a reh viau mai. Inspector chuan amah hruaitu te hnenah chuan "Imm, pu lianzual, tlai lam dar thum leh a chanve a i ramvak turin he laiah ruatmawia ang tak chu i han hmu a, i ko lem lo tihna a niang maw? Tin, tlai lam dar nga leh a chanve a he laiah ruatmawia rûang in han hmuchhuak zui lehzel a, i ngaih that loh rukna chuan awmzia a nei ngei dawn anih chu a" a han ti a,

lianzuala pawh chuan "ni e inspector, Khatiang ang hun ah kha chuan ramriak tur emaw ramvak tur anih loh vek pawhin zu chhuang tur emaw a nih kha ka ringhlel ru ve alawm, ruatmawia te hi chu zu in mi an lo ni a, chubakah mi thlam a khatia a han petek lut lai ka lo hmuh atang ringawt pawh khan a hun ngaihtuah nen thil danglam tak a ni hrim hrim"

"ka ngaih kha a tha chiah lo deuh a ni. Hetiang ang a tawhsual tawk ang zawng in thil a thleng em lo anih pawh in mi thlam a a neitu te hriat loh a kal hrim hrim pawh kha thil tha a nilo a ni" Inspector chuan "i sawi dik reng a ni. Mi phalna a nih loh chuan hnathawh thawmhnaw ni hauh lo nen a mi thlam a petek lut ta mai chuan zu chhuan ruk an tum anih loh vek pawh in ruk ru tur te pawh awm ang dawn dawn in a lantir ve thei tlat reng a ni" tiin thlam kawngkhar chu a han nam hawng a,

Chuveleh thisen thang rim chu a rawn nam nghak huk huk a, tho tle an lo tam nangiang hman mai, thlam chhung chu an hmeh en ken hmang chuan an han en kual a, tui dahna bride bulah chuan sazu thi hi alo awm a, alo tit ek lek lek tawh a, a rim chu a na ngang a niang inspector leh midang te pawh chu boruak thianghlim dawn tumin an ring chu an fan nghal ak ak thei hial a,

Chutah inspector chuan rap chung a thing chu a hmeh en ken hmang a han en kual dan dan in a en uluk kher mai, Chutah hmun hran hran chu a han en kual zel a, thlam nam thlak chu a in hawng huau a, mutna zawn a bang chu feet khat bial zet hian a pawp huau mai bawk. Tui dehna lai chu thisen hian a bual zuih mai a, thawmhnaw ban na hrui chu a nih dan tur pangngai lo tih hriat tak hian a uai fual hnuang mai bawk. Thawmhnaw ah te chuan thisen a Kai nen nuan mai a, bang a thleng leh plate indahna chhuar te chu a sawi Bui hlawm a, thleng leh fian te chu chhuatah chuan a tla darh nual bawk. A duhtawk a ngah hnu chuan inspector ruata chuan tin a rawt ta a.

Rinpuia'n inspector alo hmuh veleh chuan alo tibuai nghal thuai a, "sir, hei hi PC sanghluna pa anih hi, chuan hei hi ruatmawia nu" tiin pa pakhat, a sam thur deuh chhap mai leh hmel chang far mai, mitmeng buai deuh nuai chu a han kawhhmuh a, tin ruatmawia nu a tih pawh chu a mitmeng a phelh phang mai a, a hmel leh awmdanah chuan a hrilhhai in a mangang takzet a ni tih a hriat bawk.

"Aw ka pu, kei hi ruatmawia nu ka ni e, ka hming chu khawngaihi a ni" a hmel a lungngaihna leh lusun hlim tih hriat tak leh a heh pan thler mai intih pachan tum tih hriat taka pet fan fan chung chuan chu nu chuan a han ti a, inspector chuan "ka pi, hahdam tum hram hram la, i fapa hi a ruang postmortem result te a rawn chhuak ang a, chanchin kan hre zel ang. Tin, i fapa leh pc sanghluna te hi tun hma in an inkawm ngai em? An in zui ve thin em? Nang pawh ka pu, in fate tun hma hun hman dan han sawi teh u, hei i fapa hi pawikhawihna a inhnamhnawih ang a rinhlelh hi a ni mek a, thian an ni nge an inzui ngai lem lo?"

Pitar chuan a mittui chu han hruk mawlh mawlh pah chuan "ka pu, a mak hi ka ti em a ni kei zawng, ka hrethiam teh nuai lo, mama hetia mi kut tuar a a han boral ngawt mai hi min thawng in ka tuar takzet a ni" Putar zawk chuan "ee pu inspector, kan fate hi tun hma pawh a inkawm ve fo thin an ni alawm, hetiang thil hi chu an ni thian dun inkara hem han thlak mai duhna atan chuan thil theih a niin ka hre lo. Sanghluna hi ruatmawia ai hian kum hnih velin a nau zawk nghe nghe ang chu maw le, chutia ai a u te chung a kut han thla duh tur ni niin ka hre lo a ni"

Inspector chuan pitar chu en in, "anih ka pi nang ve thung le, kan pu ngaihdan chu i tawmpui ve chiah reng em?" A han ti a, pitar chuan la insut hlap hlap chung chuan, "ka pu, an ni pahnih inkarah hian eng thil chiah nge awm tih ka hrethiam ve hauh lo mai, ram chungchang pawh chu lo ni teh reng se, huan thlai ilo ram ri thu hla vel a han in khak leh zauh zauh chang hi chu kan inkarah hi chuan a thleng fo alawm, mahse chutiang a hmelma kuta sahrang hmuh len thu hla lam a nilo, chhungkhat han in ngamtlak ang hi kan ang zawk mah awm e, hetiang thil rapthlak hi a tu a mah hian an ti duh lul lovang"

"Imm, chuti anih chuan nang ni lam ngaihdanah chuan in fate chungah in huatna emaw han innghirnghona tur thil awm in in ring lo tihna a niang maw? Putar chuan "aw ni e inspector, chu chiah chu maw le, ruatmawia thihna ah hian kan fapa hi rinhlelh a kai laklawh mai mai niin ka hria, sanghluna hi chu mi pawi sawi hlau ngang a ni a, mi inkiltawih hma leh mi inthlahrung mi a ni a, midang tan a hnawksak a han awm te hi a thil hlauh a ni asin"

Inspector chuan ngun tak in a han ngaihtuah a, inspector chuan " chuti anih chuan tlai lam dar thum a chali in a zu an in khawmna ah khan in fate pahnih chu ram chungchangah an inbakkaih chiam mai a ni awm a, chung te chu in la hre ve lo tihna a niang maw?" Chuveleh putar zawk chuan "ee ka pu, chutiang thil chu sawi tak ang in tun hma pawhin a thleng fo alawm, mahse hetiang thil han tih zui duhna tur khawp a thil pawi a niin ka ring thei lo a ni" Chutah inspector chuan putar hnenah chuan, "imm anih chuan ka pu, in fapa sanghluna chu khawiah nge tunah a awm? Ram chu a riak tihna em ni? Pu tar chuan "aw ka pu, ramriak tur khan tlai lam dar ruk ruk hma deuh khan a inpu chhuak ta anih kha"

"Anih chuan ka pu, in fapa chuan a thianpa ruatmawia bo thu emaw a ruang an chhar thu engmah hre lo in ram riak tur chuan a inpu chhuak tihna a niang maw?"

"Aa ka pu, sanghluna khan engmah a hre hman lo. Keini ngei pawh khan ruatmawia chanchin engmah kan la hre bik lo. Khatia a inpu chhuak ta tih ah khan ruatmawia rûang darzika thlam a an chhar thu hre zui ta mai kha kan ni a"

Inspector chuan "chu, ruatmawia a thianpa chu thi in an chhar a, chumi thu chu in hrilh lo em ni phone hmang pawh in" putar chuan "aa, kan hrilh nghal kha chuan ka hria, khatia ruatmawia a thih thu kan han hriat rual rual khan kan chi ai in kan phawklek ve a, kan lo hrilh ve ta lo pawh a ni maithei bawk"

inspector chuan "mahse tunah chuan in fapa pawh chuan a hre tawh tur chu a ni si a"

"ni e ka pu, hei kan nau te hian an la buaipui zel chu anih hi maw? Inspector chuan "anih chuan khami lai, tlai lam dar thum atang a ramriak tura a input chhuah hun inkar ah khan in fapa chu khawiah nge a awm? Enge a tih?" Putar chuan phawk fe a inspector chu en in "ka pu, chutiang lehzel chu kan hriatpui hauh bik lo a ni, in ah chuan a awm lo ngei mai. Mahse a thian te sawi dan kha chuan zu te pawh chu an in ho ni ngei tur a ni"

Inspector chuan "imm, ka pu, i fapa hi rinhlelh kai a ni tlat si a ni, zu an in lai pawh hian Ram chungchangah ruatmawia nen hian an inhnial chiam a kut thawh hreh lo hial a an inbakkaih zui hnu a thil thleng a ni a, tin ruatmawia zawk hian a tawngkam pawh a cheh uluk tehchiam lo niin a lang a, chuti anih chuan an ni pahnih innghirnghona hi thil ho mai mai emaw zu ruih vang satliah mai mai chu a ni hauh lo thei tlat ani, tin hetih lai a in fapa sanghluna hun hman dan kimchang hi engmah in hriat bik siloh avang in ruatmawia thattu ni a rinhlelh hi a ni lo thei lo a ni, tin an zu in pui te sawi dan hmangah pawh in fapa ngei hi pawikhawihtu ni a lang chu a ni. A pawimawh ber chu amah hi thu zawhfiah turin awm vat se a tha a ni mai"

Inspector chuan nin hmel fe hian rinpuia hnenah chuan "rina, he pa sanghluna pa an tih hi a kum a upa viau tawh na in ka mi rin zawng a ni hauh lo mai, a thusawi duhdan leh a tawngkam hman dan te reng mai hi a fapa hi mi thianghlim leh sualna neilo beram no ang mai a chhuah a tum tang tang ni ber in a lang"

Rinpuia chuan "chu sir, i beisei loh deuhin i zawhna an chhang che a niang maw? A han ti a, inspector chuan "ni ang chu maw le, an inkar ah eng inhuatna mah a awm an ring lo tlat a, ram chungchang a an han innghirnghona ve te pawh chhungkhat ngamtlak ti a an in zilhhauna ang lek ah an chhuah tlat mai si a"

"ruatmawia nu ngei pawh hi a ni chiah tho. An chhungkaw hnih inkar diktak hi an sawi that duh loh vang a nih ngat zawng in nuam zawng an sa bik hauh lo ang. Thudik nilo hmang a mi chhaih buai an tum anih na zawngin an ni ngei pawh hi rinhlelh an thiang ang ah ka ngai hmiah ang" Tiin inspector chu a han inseh ruh ul ul a, rinpuia chuan "imm sir, an ni mi pangngai ngaihdanah te chuan thil awm lo pawh a ni hleinem, Amaherawhchu i han sawi dan hmang in he thihna hi tualthahna nilo, thih dan dang ang a han ngaihbel mai theih tur a thu an han kuai he tlat duh mai chu thil mak tak ani in ka hria. Mitthi postmortem result a chhuak ang a, thah ngei anih zia chu a Chiang Mai ang, phat rual lohin a that tu hian thlam a chemte lo awm hmang khan a vit hlum tih a Chiang reng si a" a han ti ve luam bawk a.

Nakin deuhah chuan mitthi chhung te leh sanghluna chhung te hnen atang chuan thu thar an dawng ta a, sanghluna chu a awmna chin an la hriat loh thu leh a mobile phone pawh chu a ramriahna ah a keng lo anih an han ring ta a, an call a piang mai chuan a in ring ral zel mai a, in ah an han zawn lah in an hmu zo silo, tichuan le a ramriahna hmun sanghluna te lo a an thlam ah chuan sanghluna hruai haw tur chuan tlangval tlawmngai te chu an tir ta ngawt mai a, inspector leh a nau te pawh chuan sanghluna an hmuh hma chu an la tinsan mai thei rih tlat lo bawk a ni.

Rinpuia pawh chuan a pu lakah chuan beiseina sang tak nei in thlam leh a vel an thlithlai na ah thil hmuhchhuah emaw hnuchhuina han puibawm thei thil han chhuidawn tur a hriat leh hriat loh chu a zawt ta phawng mai a, rinpuia ngaihdanah chuan chu thihna, tualthahna ni ngei a lang ah chuan enge a chhan leh vang tih leh misual chhui zui dan tur chu te chu inspector chuan a hre ngei in a ring a ni. Inspector ruata pawh chuan rinpuia hnenah chuan a thil hmuh leh hriat ang ang, a ngaihdan te, a thil chhuidawn dan te chu a hrilh ve malh malh reng a,

"Rinpui, he case hi a tir a kan lo hriat rual a tualthattu pawh sanghluna ngei a ni tih a lan chian ang tluk zet hian he thihna hian kan beisei loh lam leh kan lo rinlawk loh lam daihah hian min hruai kawi ve thei tlat a ni. Chumi anih rual chuan thu hretu te leh mit a hmu tu te ngeiin tlai lam dar thum atang a intan a thil thlen chhoh dan an han sawi han hriat hi chuan phat rual lohin misual chu sanghluna ngei hi a ni tih Chiang takin a inkah pup chaw chho zut ni chuan a lang bawk a"

"tunah rih chuan he pa, sanghluna ber hi kan mamawh a ni, thu kan zawtfiah a nga, chumi a zir chuan chet kan lak leh dan tur chu a hril chho mai ang" Rinpuia chuan "sir, he pa sanghluna hian a mobile phone pawh chu lo keng lo pawh ni tehreng se, kei zawng he pa baka han rinhlelh awm hi midang an awm Chuang lo ka ti. Amah ngei hi tualthattu anih hi ka ring bur mai a ni" a han ti a, inspector chuan sanghluna chu chuti mai a a rawn inlan a beisei lo nge ni "ni e rinpui, tun a ka ngaihtuahna luahkhat mek tu zawk chu engtin nge sanghluna hi kan man ang tih hi a ni zawk ta mah mai" alo ti ve bawk a.