INBUMNA LEH LEMCHANNA _Part-1 Chapter -2

[April Hmar Liverpool]

Inbumna leh Lemchanna_Part-1

By, Laltanpuia


Bung Hnihna




Inspector chuan joela hnenah chuan "kha maw, ka tih reng kha joel, mi nupa inkara inrawlh tam lutuk pawi zia a nih hi. Mi nupui pasal lo kawm ve chiam te, lo ngainat ve ringawt mai pawh hi fimkhur ngai tak a ni. A awm tawk te te hi kan hriatthiam a tul a ni.




"Ka rindanah chuan he pa zahminga hian amah leh amah hi a inhrechiang mang hauh lo ani, ama in ngaihdan ah chuan lalsiami chu nu ngainatawm tak leh mize tha tak nei anih avangin a ngaina in a kawm ngeih ve a ni mai a, mahse amah a inhrechiang lo ani, zahminga hian lalsiami hi a ngaizawng ani tih a awmdan leh an chanchin a sawidan hrim hrim ah pawh khan a chiang a ni,




"hetiang thil hi thil awm thei tak pawh ani reng a, keimahni lam chuan ngaizawng nih te chu kan duh lo viau maithei, mahse a ruk a keimahni ngei pawhin kan inhriatthiam hauh silohah hian hmangaihna ah hian kan lo tlu lut ve chawk duh khawp a nia, mi nu emaw mi pa emaw laka kan lo tuiral palh hlauh anih phei chuan a zia lo in a hmingchhiat thlak hle a ni.




"Tin, an ni pahnih hi nula tlangval an nih lai a lo inngaizawng ve tawh an lo ni leh zel a, chumi avang ringawt pawh chuan chutia nupui te kianga tlangval a pum pa a han tawlh dur dur mai thin leh thlahlel tih hriat taka a han bur deuh chawt ta mai thin chu tu pa ngaih hi nge maw han tha bik teh lul ang ni.




A ni kb thanga lah thik thu avang leh ngaihthat lohna avang in rilru a rinhlelhna nei ranin a awm tawh thin ani a, a rinhlelhna leh ngaihthat loh rukna pawh chu hlih kian vat anih loh zawngin a kang kai thui anih vek vek chuan hei eng thil nge a nghawng chhuah tih chu kan hriat hi maw" a han ti a.




joela chuan a pu thusawi duh dan avang a hriatthiam loh hmel tak chung chuan "mahse sir, chutia zahminga pawh hi han dem ngawt theih ani bik dawn em ni? Engtin mah an awm lova, an inkarah eng thil mah a thleng lem lo anih chuan chutia patling meuh in thikthu leh rinhlelhna avang ringawt a a nupui leh a fanu chung a rapthlak tak a a han khawsa duh mai chu a puitlin loh thlak in a dawn tawi thlak ma nge.




"a nupui chuan a rinawm loh san ngei em? Midang awm an awm ve ngei em? engmah a finfiah lo ani phawt a nga, a finfiahna awm miah lova chutia a han pawngtawng sapatal ngawt mai chu a dem awm ngawt zawkin ka hria"




Inspector chuan "ngawi teh joel, hetiang thil hi chu a tawn a han tawn ve phawt loh hi chuan hriatthiam hi a har thin reng a, ni e i sawi chu a dikna chen chu awm teh meuh e, thikthu chhia hi awm ve theih hrim hrim erawh a ni. Mahse thikthu chhia kawppui kan nei anih chuan a hmei a pa hian kan hrethiam tur hi a ni a, awmdan tur tawk pawh kan hriatthiam a ngai reng a, kan insiam rem thiam lo anih chuan kawppui tur kan thlang thiam lo tihna te pawh a ni ang chu.




"Thenkhat thikthu an nei ta lo emaw tih mai tur khawp a thikthu chhe lo leh an nupui pasal te pawh an uire fo thin a ni tih a chiang reng chung pawh a engmah hrelo awm a awm lui tlat thei hi an awm ve leh tlat bawk. Mihring kan in ang vek silo a le"




Ni hnih dang a liam leh a, dulte lam atang chuan thuthar a awm beisei in dulte lam chu an han bia a, mahse thuthar engmah hriat tur a awm lo. Kb thanga ni a han ngaih theih tur chu an hre chhuak thei hauh lo. Tin an khaw sumo a ni emaw, taxi a ni emaw, an khua atang a hmun dang a tlanchhuak chi lirthei reng reng ah chuan kb thanga ni a ngaih theih tur tumah an phurh awm emaw a chuang lai emaw tumah in an hmu lo.




Joela chuan "sir, chuti anih chuan dulte ah chuan kb thanga chu ala awm tihna ani mai alawm, khua chu ala chhuahsan lo tihna ani mai, hotel emaw, mikhual thlenna bik lodge emaw a awm em le, chutiang chu a awm lo anih chuan mi inhnuai emaw, in luah tur zawng emaw, mi in a mikhual thlen a han thleng mawl tawp duh tur chuan ka ring silo, chutiang chu an awm anih chuan dulte khaw mipuite pawhin an rawn report daih tawhin ka ring bawk si a, mikhual ang a han ngaihtheih tur tumah an awm lem lo ani phawt ang a, anih loh pawh in mikhual an awm anih pawhin misual ni a han ngaihbel theih turin mi pa pakhat, amah chauh a khualzin tumah an awm lo tihna te pawh a kawk thei vek in ka hria" a han ti a.




Inspector chuan uluk fe chuan a han ngaihtuah vang vang a chutah joela hnenah chuan "chumi anih loh vek chuan kb thanga hian mi thurual pui a nei a ni maithei asin, mahni chauh a mikhual veivak an awm lo anih pawhin kb thanga hian hmelhriat emaw thurualpui emaw tu emaw tak nen an nih avang in miin an ringhlel lo tihna a ni ngei ang,




"a chhung te emaw, a hmelhriat amah humhim duh tu an awm anih ngat chuan misual an hmuh thu an sawi duh hauh lo thei bawk a. Tin, chumi anih loh vek pawh in he pa kb thanga hi hmun dangah zawk pawh a kal a ni maithei a ni. A tan tir a phaisen a a kal khan kha ta tang khan hmun dangah emaw a kal a ni thei, chumi anih loh pawh in phaisen ah a lo kal lo hrim hrim zawk pawh ani thei a, hemi khua lengte khua hian khaw thenawm engzat nge an neih reng reng ni?




Joela chuan "mahse sir, chu zawng khaw thenawm ah zawng zawng mai nilo, kb thanga hmel awm dan te, a kum leh a san zawng, misual anih thu te kan tlangzarh kual ve viau si a, chutia amah ni awm mi han ngaih bel theih tur chu phaisen ah khan kan han hria a nih kha, ani kan chhui zui zelna ah dulte ah hian a hnu a tawp chu ani ber a, kei zawng dulte ah chuan ala awm anih hi ka ring tlat ani"




Inspector chuan "imm, ni e i han sawi chu thil awm tak a ni. He information kan dawn hi amah ngei pawh a ni ang. Mahse keimahni ngei hian kan bawhzui bik silo a, keimah ni ngei hian bawhzui zel thei ila chu kawng hmang pawh a awlsam deuh mahna le"




Joela chuan "ni e sir, hmun hran atang te hian information dang te hi han hre leh ni ila chu thuhran a ni a" inspector chuan "mahse joel, hetia tum khat chauh misual ni a ngaih theih tur information kan dawng hi thil tha tak a ni zawk. Hmun hnih hmun thum a ni emaw, mi pahnih pathum vel atangin information chu dawng ni ngat ila chu hnuchhui tur a tam dawn a, kawng a kual thui zual dawn a, hetia mi pakhat chauh kan han thlur bing thei hrim hrim hi a tha zawk. Kan tih tur chu amah kb thanga kan man hma chu kan bawhzui zel rih mai tur ani"




Kb thanga nu nilawmi hnenah chuan inspector chuan "ka pi, in fapa hian thurualpui emaw hmelhriat emaw a nei thei ni a han ngaih theih turin kawng hmang te in hre lo em ni? A han ti a, nilawmi pawh chuan inspector awmdan atang chuan hnuchhui zelna atan kawng an bo rih viau ani tih chu hrethiam in "ka pu, kan fapa hi in hrang chang an lo ni tawh a, chutiang in an chungchang emaw engmah hi kan va hre si se tawh bik lo a ni. Dulte lama mahminga lah chuan dawt min hrilhin ka ring silo a" a han ti ve a, inspector chuan "ka pi, mahminga i tih chu amah biak theihna min han pe teh" a han ti a, nilawmi pawh chuan mahminga number chu inspector hnenah chuan a han pe a.




Inspector chuan mahminga chu han bia in lehlam atang chuan "hello' a rawn ti vin deuh nghal hlur ringawt mai a, inspector chuan zawi sap hian "aw hello, keimah min hria em? a han ti a, lehlam atang chuan "tunge? a rawn ti fiah leh kawlh mai a, "keimah, thanga, number hran atangin aw, fimkhur a ngai si a, ka number hi a hran aw" a han ti a, lehlam atang chuan "e khai a kb, enge thil awmzia hi? i nupui leh i fanu chunga thil thleng te ka lo hria a, khawiah nge i awm? Hei ka rawn lang chho ang ka ti a, mahse ka la rawn lang thei lo anih hi, khawiah nge i awm tunah?" inspector chuan "ka awmna chin hi tumah hnenah sawi miah suh aw" tiin phone chu a dah nghal daih a.




Joela chuan "chu sir, mahminga chuan kb thanga chu alo thuhruk i ring deuh tihna a niang maw? a han ti a, inspector chuan "im ring e joel, mahse kha kan han hriat tak danah kha chuan alo thukru em lo chu anih kha, mahse hei thu thar hriat ka han inbeisei ren rawn na in eng thu thar mah hriat tur ala awm tlat lo mai hian min ti buai ru khawp mai" a han ti a, joela chuan "chu sir, eng thuthar chungchang nge ni a?" han ti a, "joel, kan pi nilawmi te lam kha han bia la, thuthar enge maw an hriat leh an hriat loh chungchang han zawt teh khai"




Joela'n nilawmi te hnen a inspector hrilh ang a thuthar awm leh awm loh a han zawh hnuah chuan inspector awmna lam chu pan in a pu hnenah chuan thuthar engmah an la hriat loh thu chu a han hrilh a, inspector chuan mak ti zet hian "imm mahminga an tih chu thuruk a zep thei ngawt dawn anih hi, nichin ka awmna hmun tuma hnen a sawi lo tur a ka tih kha a sawi miah lo tak tak tihna ani ta a, police lamah a ni emaw kb thanga chhungte hnenah a ni emaw, kb thanga'n number hlang hmang a a rawn biak thu te chu hrilh ve awm tak a ni a, a mak ka ti hle mai"




Joela chuan "sir, han nghak leh deuh ila report chu a rawn pe ve mai lo maw" a han ti a inspector chuan "imm report a pe vat lo anih chuan keimah ngei hian dulte chu ka luhkhung dawn a ni" a han ti a.




Nakin deuhah chuan inspector chuan number hran atang bawk chuan mahminga chu a han call leh ta a, "aw hello" lehlam atang chuan "tunge? a rawn ti a, "hei, police station atang in dulte khua lianhminga i ni em aw?" "ni e ka pu, enge ni ta?




Inspector chuan "Kb thanga dulte ah khan a awm tih thu kan hria a, tin nang hi a chhung leh khat ni a hriat i ni a, i number hi kb thanga nu nilawmi hnen atang a kan neih a ni, kb thanga chanchin emaw amah emaw ilo hmu em? Lehlam atang chuan "aa ka pu, ka va hre mai lo ve aw, kan u nilawmi pawhin min rawn be tawh alawm, hei police lam in min ngenna ang pawhin khaw thenawm leh kan khua dulte ah ngei pawh hian kan nau kb thanga chin hriat anih leh nih loh te thuchhuah a awm reng alawm" a rawn ti a.




inspector chuan "chu, a chin engmah hriat ala nilo tihna a ni maw" a han ti a, lehlam atang chuan "ka pu, kan khua ah hian mikhual pawh hi an awm meuh lo ani awm e"


"imm aw le, hei police lam pawh in kan bawhzui mek zel a, in unau kb thanga chin in lo hriat chuan min rawn hrilh vat dawn nia, man anih vat loh chuan thil thalo dang pawh thleng thei reng ani a, chuvang chuan police lam chuan hma an la mek zel a ni" A han ti a, an inbiakna chu a titawp ta a.




"Joel, he pa mizia hi mak ka ti hle mai, an unaupa hian nichin khan number hlang atangin a bia a, mahse police hnenah emaw a chhungte hnenah pawh a hrilh leh miah lo a ni awm sia, a unau pa chu humhim thei ni ngat se zawng a humhim ngei dawn tihna a ni ta a"




"Sir, i sawi chu a dik viau mai, humhim thei ngat se chu a humhim ngei dawn tihna a ni a, he pa in hi han dap sak ve hrim hrim pawh hi a phu reng reng in ka hria, hetia a awm avang hrim hrim pawh hian"




"a khai, chu zawng joel, a tul hunah chauh le, engpawhnise dulte lamah chuan naktuk hian kan kal ang. Tin phaisen lamah pawh kb thanga hnu kan thual nawn leh tho ang, dulte atang chuan chet kan lak zel dan tur chu a fiah zel turah ngai ang" a ti ta a.




Inspector chhan kb thanga thlalak te chu keng in dulte lam pan tur chuan joela nen chuan phaisen lamah chuan an inkhalh chhuak ta a, phaisen ah chuan joela nen chuan sumo stand leh a chhehvel a mite hnenah chuan thlalak te chu entir in an lo hmuh leh hmuh loh an zawt a, han bawhzui tlak chhanna erawh an hmu lo, dulte lam pan chuan chawhnu herah chuan an liam thla leh nghal a.




Dulte an luh veleh chuan inspector chuan kb thanga chu facebook lamah chuan a han zawng a, a thlalak a mi nen a han en mil chuan kb thanga ni ngei tur account chu a hmu fuh ta a, kb thanga account chu a han check a, comment section lam chu uluk taka en zel in, chutah nakin deuhah chuan a hming mahlimi inti chuan a thil post alo comment dan atang te, an in reply dan atang te chuan chu nu chu kb thanga nen a inzawmna nei anih a ring ta tlat mai a,




ni e, inspector hian kb thanga hi tanpui tu an awm hi a ring tlat a ni. Tichuan le, mahlimi account te chu a han chhui chiang leh ta a, mahlimi chu phuaibuang khua ani tih a hre thei ta hlauh mai, chuveleh inspector chuan chu lai an chawlhna hmun a mite chu a han zawt a, phuaibuang khua chu dulte atang chuan engtia hla a awm nge tih te, an khaw then awm hnaivai a mi a ni em tih te chu a han zawt kual zel a,




chung mite lo chhan dan atang chuan phuaibuang chu dulte atang a km 30 vel a hla awm niin phuaibuang thlen hma chuan khaw pahnih paltlang tur ala awm thu te chu an lo hrilh ta a, chuveleh inspector chuan a thlalak ken chu a han hmuh kual leh hlawm a, ni 12 ni ah he pa hi a tlanbo thu leh an khua dulte ah chuan an hmu ngai em tih te chu a han zawt a.




mahse tumah chuan kb thanga chu an hmuh ngai loh thu an lo hrilh zel a, inspector chuan dulte khua a mite thu a han zawhfiah velna atang chuan kb thanga chungchang thuchhuah an siam te, an lo hmuh veleh police hnena thlen nghal vat tura thuchhuah an siam te chu mite chuan an ngaihven tawh lem lo ani tih a hrethiam mai a,




ni te a liam a, hun a kal ve zel a, a awm ve viau tho mai. Mipui lam in hetia misual chhui zui lai mek chungchang an mangnghilh hret hret zel anih chuan kb thanga chu a hnu chhui zui a hautak tawlh tawlh dawn a ni tih a hrethiam a,




chutah, dulte khua a nilawmi te chhung mahminga an tih kha an in awmna hmun khawilai nge tih chu mite hnenah chuan a han zawt leh a, a mi zawhte pawh chuan mahminga te in awmna hmun chu lo hrilh in inspector leh joela te pawh chuan mahminga te in awmna lam chu an pan nghal thuai a, joela chuan "sir, kan kal dawn thu hi keimah ni ngeiin kan hrilh thei reng si a, a number pawh kha kan la nei ani lawm ni? Khatia midang i han zawt kual vel kher kha enge a chhan?" a han ti a, inspector chuan "joel, amah mahminga hi kan kal tur thu kan hrilh lawk mai zawngin a fuh lo ang, kal phawt ang" tiin kawngpui thlang lam a step awm thla ah chuan an chhuk ta a.




Kawngkhar chu an rawn hawng a, hmel tung lam deuh leh vun ngo lam, sam kir lek lek hian "aw, lo lut ru, enge ni ta?" a rawn ti a, inspector chuan police an nih thu hrilhin "khawnge mahminga hi? a han ti a, chu nu chuan "aa ka pu, ka pa chu room lamah a awm a, ka han ko dawn em ni?" a han ti a, "aw han ko ta che" inspector chuan a ti vat a.




Mahminga chu pumraw te chhe lo tak, sam buk lam leh dul kiar lam a ni a, tarmit vuahin kuhva a eina kam chu a sen pherh deuh luai mai a.




"Aw ka pu, tute nge in nih a? Enge induh tak ni?"


"e pu hming, keini hi police kan ni e, kb thanga hi i hria em? Lengte khua a mi" Chuveleh mahminga chuan "ee ka pu, nang ni police lam maw, lo thu ru lo thu ru ka pu, ni e police lam nen pawh kan lo inbia a, hei kan unaupa ang mai a kan lo en kba hi nia a pawi tak tak a ni" a han ti hmasa luam a.




Inspector chuan "pu hming, ka sawi tlang nghal law law mai ang, he pawikhawihtu kb thanga hnen atang hian phone call i dawng tih ka lo hria a, a awmna chin i hria tihna a ni maw?"




Mahminga chuan phawk fe hian "ee ka pu, engmah ka hre miah lo, chutiang thu chu ka va awih lo ve maw le, amah nen kan inbe lo hrim hrim"




Inspector chuan "pu hming, in inbe ngei ani tih hi report tu an awm tlat a ni" mahminga chuan "ka pu, ka va hrethiam lo em aw" a han ti deuh ha a. Inspector chuan "fimkhur thu hla thil a ni a, hei i in chhung hi kan han dap ve reng reng ang chu, i remtihna erawh ka duh a nia" a han ti a, mahminga chuan "aa ka pu, kb thanga chu ka thukru i tihna em ni? Aa, Aw le ka pu, induh phawt chuan in dap vek thei ang"




Inspector chuan "awle kan lawm e, fimkhur thu hla a ni a, kan dap zo ang a kan kal leh nghal mai ang" tiin joela nen chuan mahminga te in chu a pawn lam leh a chhung lam chu uluk takin an han dap ta a.




An thenawm te in nen lam an en thlithlai hnu chuan khua pawh chu alo tlai ve ta viau mai. Engmah hmuh an nei lova, han bawhzui tlak an hmu lo. Dulte atanga tlangsam pan tur chuan joela leh inspector te chuan chet an la leh ta zawk a.




Tlangsam khua ah chuan kb thanga thlalak te chu mite hnenah hmuh in an lo hmuh leh hmuh loh bawk chu an zawt leh ta hlawm a, thenkhat chuan kb thanga thlalak chu an en uluk viau mai, an hmuh tawh hnu ang an tih thu te chu an lo hrilh ve nawk hlawm a, an duh ang tak chhanna erawh an hmuh mai tak loh avang chuan tlangsam atang chuan zotlang lam pan chuan chet an la leh ta a.




Zotlang an han lut chu tlai lam dar 5 a hnaih thuak tawh mai, thingpui te in in an han chawl khawmuang leh a, an tih dan pangngai thovin kb thanga ni a ngaih theih tur an hmuh leh an hmuh loh thu bawk chu mite hnenah chuan an han zawt leh a, mahse buh pawl zinga hriau zawn an sawi ang maiin result duhthusam erawh an nei thei tlat lo. Kb thanga hnu chhui chu a awl ai dawn lo hle niin a lang zel mai.




Inspector chuan joela hnenah chuan Facebook a mi kb thanga hmelhriat mahlimi chungchang chu a han sawi pui ve a, joela pawh chuan mahlimi chu a awmna a va zawnchhuah phawt mai chu tha in alo hria a, kb thanga hmelhriat ni ngeiin a lang si nen, a chin pawh alo hre mial maithei si a, mahse joela chuan dulte ah chuan kb thanga chu ala awm ngei erawh a ring mah zawk a, inspector chuan "ngawi teh joel, he nu mahlimi awmna hmun ah hian kan mi zawn hi a hnu a tawp tihna a ni mai alawm" a han ti a, joela chuan "mahse sir, dulte ah khan a hnu chu a tawp zawk lo maw? A chhan chu dulte thleng kha kb thanga ni a ngaih theih tur sumo atang a a chhukna tawp ber kha a ni si a,




"kha ta tang khan hmun dangah amah lo hmu emaw sumo leh taxi ah pawh amah ni a ngaih theih tur an phur tih thawm emaw engmah kan hre zui zel silo a, a nihna takah chuan hetia he lai thleng thleng a min kal pui zel mai hi mak kalo tiin a ngaihna ka lo hrethiam lo deuh zawk a, mahse chutia mahlimi hnen a pan anih i ring bawk si anih chuan" a han ti a, inspector chuan "joel, saw pa saw han en chiang deuh teh, kb thanga nen an va in ang ve" a han ti a, joela pawh chuan inspector hawi na lam chu a han en ve nghal vat a.




"Sir, a nilo, kb thanga kha chuan hmui hmul a nei lo ani lawm ni? Saw pa saw chuan hmui hmul mai nilo, khabe hmul nen lam a nei dur mai anih saw" a han ti a, chutah inspector chuan "ni e, an in ang lo ngei mai, mahse saw pa hmel leh kb thanga hmel landan in ang lo hian heti zawng hian ngaihdan min siam sak tlat pek a, he pa kb thanga hi a tlanbo na a rei ve leh ta a, tunah meuh chuan eng ang hmel hmai pu nge anih tih pawh kan hre hauh tawh lo ngei ang. Tin, a tlanbo lai atang tawh khan a landan alo thlak danglam lovang tih tunge sawi thei. Ka ring ta riau mai, a tlanbo tan tirh ata tawh khan a landan hi a ti danglam ngei ngei ang tih hi"




Tlangsam atang chuan phunchawngah an lut leh a, chu lai hmun chu inspector in an mi zawn an man theihna hmun tur anih tawh chu a ring tlat ani. Amah alo la awm lo ta cheu anih pawh in mahlimi hnen atang chuan misual chu a chin an hriat ngei a ring tlat a, mahlimi chu thiam tak maia an chhimbu dawi erawh a tul ngei ang le.




Mahlimi awmna chu an han zawng tan ta a, a facebook account a a thlalak hmang chuan an mi duh tak mahlimi awmna hmun chu an hre thei ta a, mahlimi chu veng mawng lam a mi in hnuai pakhatah hian alo awm a, kawngkhar chu an han kik dat dat a, chhung lam atang chuan mipa aw hian "tunge? a rawn ti a, chuveleh inspector chuan "in thian te" a han ti a, chutah in chhung atang chuan "tu kan thian te? A rawn ti fiah leh kawlh mai.




Chuveleh inspector chuan "keimah i thian pa, lo hawng vat teh, ka hmanhmawh a nia" a han ti a, in chhung lam atang chuan "i thian te i ti si a, tute nge in nih? chuveleh joela chuan nin hmel fe hian "lo hawng lawk mai rawh, a hmanhmawh thlak alawm mawle" a han ti a, chuveleh hmeichhe aw hian "va hawng mai rawh" alo ti a, an awmdan leh an thawm atang chuan an laklawh lai an zu nangching ani tih a lang reng mai.




Kawngkhar chu a rawn inhawng riai riai a, joela chuan a kawng a pistol chu alo chelh ran tawh, inspector chuan "nilo joel, ala hun lo" a han ti a, chutah kawng khar chu rawn in hawng zau zelin mi pakhat, sam thur zet mai leh hmui hmul buk zet mai, a hmel a nin hmel zet mai hian "enge? a tute maw in nih? A rawn ti a.




Inspector chuan inthlahrung der fe hian "ka lo lut dawn, ka hmanhmawh lutuk a" tiin a lut nghal thawr a, chutah inspector chuan "kb, kan rawn zawng char char che asin" a han ti a, mak tih hmel fe hian chu pa chuan "min hresual anih chu, kba an awm lo he laiah" a han ti a,




Chuveleh inspector chuan "e,nangmah hi ini lo maw? police in an zawng char char a, a awmna hmun in lo hria em? Keini hi a thian te kan ni a, thil awmzia kan zawt duh a, kan rawn zawng char char anih hi, chuan mahlimi in a ni em hei hi?" a han ti a,




chu pa chuan phawk fe hian "aw ni e, mahlim, hei lo kal teh, tute nge i hria em? a han ti a, inspector chuan "ngawi teh mahlim, lo phei vat teh khai, i awmna hi kan rawn zawng char char asin. Kba ilo hmuh leh hmuh loh kan hre duh a, ilo hmu em? a han ti a,




mahlimi chu sam pawr phang chung chuan a rawn thochhuak la la a, "e he! tute nge in nih ka hre ngai miah lo che u" a han ti a, "in thianpa chu engatinge a?" a han ti a, inspector chuan "kba i hre ngailo maw? kb thanga, lengte a mi" a han ti a, mahlimi chuan "e ka hria, mahse kan in hmu ngai hleinem, engatinge police te chuan an um a? Inspector chuan "In la inhmu ngai miah lo tihna maw?"


"Aw, online atang ringawt in kan inhria ani"




Joela chuan "hei leh chen hi kan um zui ve a, ava ho ve" alo ti a, inspector chuan "dulte ah khan ala awm tihna a niang a" a han ti a, mahlimi te hnenah chuan kb thanga chanchin chu an lo hria anih chuan hrilh vat turin an ti a, phone number te chu an han pe a, lunghnur tak chuan kal leh mai chu an tum ta a,




Chutah le, mahlimi chuan "k arsa kha chhuan lum leh a ngai aw" a rawn ti ta zauh mai, inspector leh joela chu an phu dun chiang kher mai. Chet han lak mai dan tur hrethiam lo zet chung chuan inspector leh joela te chu an han in en ren rawn a, chuveleh inspector chuan a pistol chu a phawi thut a, mhlimi bula mipa chu a han tin nghal a, Chuveleh mahlimi chu a rak nghal tuar a, "nilo, ka pu, eng thil nge i tih tak mai?" alo ti a,




inspector chuan rum zet a chu pa melh chung chuan "kb thanga, nang hi misual chu i ni" a han ti a, mahlimi chu a mang a ang kher mai. "Ka pu, eng thil nge maw i tih tak mai le? A han ti a, inspector chuan pistol a la tin ran chung chuan "k-a chu tunge? a han ti fiah kawlh mai a, mahlimi chuan "ka pu, k-a ve tho alawm" a han ti a,




"nilove mami, khaw maw tlangval i mobile phone lo la teh" inspector chuan a han ti a, chu pa chuan harsa tih hmel zet hian "mobile phone ka nei hleinem" alo ti a, chuveleh inspector chuan "ngawi lawk teh joel, an in chhung hi han dap vat teh" a han ti a, joela chuan pindan lam a khum awmna chu a va en nghal thuai a, hlauthawng tih hriat tak hian mahlimi chuan "ka pu, thil hriatsual a awm a ni" a han ti a, "nilove mami, kan finfiah phawt ang" joela chuan "sir, hei mobile phone pahnih ka hmu e" inspector chuan rum zet hian "mobile phone pahnih" ti a check hlak chung chuan "joel, han check vat teh" a han ti a.




Joela chuan "sir, password a awm" chuveleh inspector chuan "thianpa, i phone chu han hawng rawh le" chu pa pawh chuan phur lo fe hian a mobile phone chu a han hawng a, joela'n mobile phone chhung a thlalak te chu a hmuh chuan hmanhmawh zet hian inspector chu a han en tur nghal vat a, chuveleh thinrim avang a meng sen rawm rawm chung chuan inspector chuan "nauva leh! hei hi tunge? he pa hi kb thanga, a nupui leh fanu te rapthlak taka nghaisa tu chu anih hi" tiin chu pa chu a a bawh bet nghal rawk rawk mai a,




"zawngchhepa! i hmel landan ti danglam mah la ka hai reng reng lo che" tiin kawl chu a bun tir nghal mawlh mawlh mai a, mahlimi chu kil khatah chuan hlauhthawn hmel fe hian alo khur zawih zawih mai a.




Kb thanga chu man a ni ta a, mahlimi pawh chu thu zawhfiah niin mahlimi sawi dan chuan kb thanga nen chuan an inbe ve thin a, an inkawmngeih viau ani awm e, mahlimi hi amah chauh a awm a ni a, naupang te ni chung a nuthlawi a ni a, hemi avang hian pasal tur hi a duh ve thin hle ani.




Tichuan kb thanga nen an inbiak thuk viau tawh lai chuan kb thanga chuan a thianpa a hmelhriat tir ta a, chu pa chu zamtea a ni. Tichuan zamtea nen chuan a inbe chho ta a, zamtea chu tlangval fel leh mi rintlak tak anih thu te a hrilh thin a,




tichuan kb thanga ngei pawh in a fak thin em avang leh fel a tih em avang chuan mahlimi leh zamtea te pawh chu an lo inngaizawng ve ta a, tichuan inneih hial te chu an duh ta a, tichuan kb thanga chuan innei ngei tur chuan a ti a, a chhan chu zamtea chu mahlimi ang lo takin a dinhmun pawh a harsa lem lova, fapa mal niin sum pawh a inkhawl ve hle thu te a hrilh si a, chuvang a inneih tum chu an lo ni a,




tichuan le, kar khat liam ta ni 12 ni khan mahlimi leh zamtea te chu an lo tum lawk tawh ang in inru tur chuan rem an ruat ta a, zamtea chu mahlimi te khua ah chuan kalin an awm dun thei tawh dawn a ni.




An vawikhat inhmuhna ve ve anih avangin mahlimi leh zamtea te chu an inngaina nghal em em lo ni awm tak ani. Tichuan le, mahlimi awmna ah chuan zamtea pawh chu a invawm lut ve ta rawih mai a, tichuan zamtea remruat dan ang zelin a hun a tih hunah chuan innei turin an inpuahchah tawh mai dawn a ni.




Mahse le, tumkhat chu mahlimi chuan a thian pa zamtea hmelhriat tir tu kb thanga chanchin duhawm lo tak mai chu social media atangin alo hre ve ta hlauh mai a, mak a tiin awih har a ti kher mai, tichuan a thianpa kb thanga ngei a ni em tiin midang chu a han zawt chiang a, lengte khua a nupui leh a fanu nghaisa tu chu a thianpa zamtea hmelhriattir tu ngei kb thanga a ni tih alo hre ve ta a.




Chutia zamtea nen an awmdun tak ah chuan kb thanga chungchang te chu mahlimi pawh chuan zamtea hnenah chuan a han hrilh ve a, zamtea pawh chuan mak a tiin a hrilhhai ve hle. Mahse le, mahlimi chu a ngaih a tha thei tawh lo, a bialpa zamtea ngei pawh chu a nihna tak hriatchian a duh ta deuh tlat mai a, tun hma a a hmuh pawh ala hmuh ngailoh tun mai a a khawsak pui mek zamtea chu tu chiah nge anih hriat tum chuan zamtea chungchang chu a ngaihven ru ta a,




mahse zamtea, lengte khua tih reng reng hriattur a hmu zo ta lo. Social media kaltlang bawk in tun lai a misual, police ho in a hnu an chhui mek kb thanga lengte khua chuan thian a hming zamtea a nei em tih te, tin lengte khua ah chuan zamtea tih hming hrim hrim chu an awm em tih te chu a han chhui ru ta a, mahse a mi zawn chu a hmu chhuak zo ta tlat lo ani.




Tichuan le, zamtea mobile phone, engtik lai mai pawh a a dahthat uluk em em mai leh mahlimi ngei pawh in a a khawih sak ngai hauh loh chu en sak a chak ta hle mai a, mahse zamtea chuan a mobile phone ah chuan password alo dah hlauh mai. Zamtea hnenah chuan password chu zawt in hman lawk a duh thu chu a han hrilh a, mahse zamtea chuan thinrim leh lungawi lo fe chung chuan "min ringhlel ve khanglang em maw ni le? ngaihzawng ka nei lo, ka kawp lo che tih i hriat reng kha" tiin en sak a phal ta tlat lo mai a,




tichuan mahlimi chuan zamtea'n a phone a khawih lai chu uluk takin a thlithlai ru ta ani, tichuan le, zamtea chuan a phone chu a khat tawkin password a thlak zel ani tih a hre ta a, engtikah mah a khawih sak mai mai lo tawp ang tih hrethiam in a password hnuhnung ber hriat tum chuan hma ala ta a,




a password a thlak leh lai chu a hmu fuh ta hlauh mai, tichuan zan lai a zamtea mutthilh hlan chuan han check sak chu a tum ta a, mahse password chu a dik ta hauh lo mai. Chutah ngun taka han ngaihtuah let leh vang vang in a mitthla a a landan ang te chuan a han risk ta ngawt mai a, vanneihthlak takin a hawng thei ta, tichuan zamtea mobile phone chu a duhtawk a a check sak hnu chuan tuna a bula mu mek chu khawi lam zamtea mah ni lovin a nupui leh fanu sawi sa a tlanbo mek police te zawn mek kb thanga lengte a mi chu alo ni reng tih a hrechhuak ta ani.




Ni e, zamtea tih account lem hmangin alo be kawp vel mai mai alo ni. Kb thanga hi online ah chuan a thlalak hlui tawh tak mai chauh hi a hmang thin a, a taka a landan nen chuan a inpersan ve em bawk a ni.




Chutah le, chutia thil awmzia a han hriatchhuah takah chuan a ngaihtuah a thui ta hle mai a, hlauhna leh manganna in a khat ta a, chutia mangang taka a inngaihtuah lai chuan kb thanga, zamtea emaw alo tih chu alo muhil tawh reng reng lo ani tih a han hriat chuan tanpui tu a au hman lo, kb thanga chuan a hrawkah a rawn rek nghal chawt a, a au anih vaih chuan a thah nghal tur thu a hrilh a, thil awmzia a sawichhuak a ni emaw, police te koh a tum anih vaih chuan thih pawh in huam a amah mahlimi chu a thah nghal tur thu chuan a vau bet ta alo ni.




Tichuan le, inspector leh joela te an rawn lan takah khan mahlimi khan kb thanga'n a vau beh tlat avangin lo hnar bo vat dan kha alo ngaihtuah ve tak tak a, mahse a hnu deuh khan an inleng te chu kb thanga thian te an nilova, police te an ni tih kha joela kawng a pistol hmawr lo lang a han hmuh fuh tak hlauh ah khan a hrethiam ta a, chuveleh kb thanga chu k ti a han ko sual lui kha alo ni a, Chuveleh inspector te chuan a awmzia chu an lo hre vat a, misual chu man thei ta an lo ni a.




Kb thanga hi dulte a a hnu a tawpna chhan kha chu, dulte ah khan mahlimi hian alo hmuak a, mi pahnih an nih tak avang khan kb thanga ni a han rinhlelh theihna tur kha mite pawh khan an hriat loh phah ta ani. Tin kb thanga hian a khabe hmul leh hmui hmul a zuah buk avang leh a sam buk tak chu a ti pheng vek mai a, chumi avang a amah ani tih hriat harsa ta pawh alo ni tel zel.




Kb thanga chu ipc section 302, 307, 323, leh 326 hmang te a thubuai siamsak niin court ah hruai a ni ta a, tichuan kb thanga chu an puhna thubuai pali ah te chuan thiam loh chantir niin kb thanga chu section 302 ipc hmanga dam chhung lung in tang tur leh, section 307 ipc hmanga hreawm taka kum thum chhung lung in tang tur in, cheng sangthum chawi turin, section 326 hmanga hreawm taka thla sawmpariat tang tur in, cheng za nga chawi turin, section 323 ah hreawm taka thla ruk chhung tang turin leh cheng za nga chawi tur a tih niin hrem a ni ta ani.

[jasonschweitzer]

April Hmar Liverpool wrote:
> Inbumna leh Lemchanna_Part-1
>
> By, Laltanpuia
>
>
> Bung Hnihna
>
>
>
>
> Inspector chuan joela hnenah chuan "kha maw, ka tih reng kha joel, mi
> nupa inkara inrawlh tam lutuk pawi zia a nih hi. Mi nupui pasal lo kawm ve
> chiam te, lo ngainat ve ringawt mai pawh hi fimkhur ngai tak a ni. A awm
> tawk te te hi kan hriatthiam a tul a ni.
>
>
>
>
> "Ka rindanah chuan he pa zahminga hian amah leh amah hi a inhrechiang
> mang hauh lo ani, ama in ngaihdan ah chuan lalsiami chu nu ngainatawm tak
> leh mize tha tak nei anih avangin a ngaina in a kawm ngeih ve a ni mai a,
> mahse amah a inhrechiang lo ani, zahminga hian lalsiami hi a ngaizawng ani
> tih a awmdan leh an chanchin a sawidan hrim hrim ah pawh khan a chiang a
> ni,
>
>
>
>
> "hetiang thil hi thil awm thei tak pawh ani reng a, keimahni lam chuan
> ngaizawng nih te chu kan duh lo viau maithei, mahse a ruk a keimahni ngei
> pawhin kan inhriatthiam hauh silohah hian hmangaihna ah hian kan lo tlu lut
> ve chawk duh khawp a nia, mi nu emaw mi pa emaw laka kan lo tuiral palh
> hlauh anih phei chuan a zia lo in a hmingchhiat thlak hle a ni.
>
>
>
>
> "Tin, an ni pahnih hi nula tlangval an nih lai a lo inngaizawng ve
> tawh an lo ni leh zel a, chumi avang ringawt pawh chuan chutia nupui te
> kianga tlangval a pum pa a han tawlh dur dur mai thin leh thlahlel tih
> hriat taka a han bur deuh chawt ta mai thin chu tu pa ngaih hi nge maw han
> tha bik teh lul ang ni.
>
>
>
>
> A ni kb thanga lah thik thu avang leh ngaihthat lohna avang in rilru a
> rinhlelhna nei ranin a awm tawh thin ani a, a rinhlelhna leh ngaihthat loh
> rukna pawh chu hlih kian vat anih loh zawngin a kang kai thui anih vek vek
> chuan hei eng thil nge a nghawng chhuah tih chu kan hriat hi maw" a
> han ti a.
>
>
>
>
> joela chuan a pu thusawi duh dan avang a hriatthiam loh hmel tak chung
> chuan "mahse sir, chutia zahminga pawh hi han dem ngawt theih ani bik
> dawn em ni? Engtin mah an awm lova, an inkarah eng thil mah a thleng lem lo
> anih chuan chutia patling meuh in thikthu leh rinhlelhna avang ringawt a a
> nupui leh a fanu chung a rapthlak tak a a han khawsa duh mai chu a puitlin
> loh thlak in a dawn tawi thlak ma nge.
>
>
>
>
> "a nupui chuan a rinawm loh san ngei em? Midang awm an awm ve ngei em?
> engmah a finfiah lo ani phawt a nga, a finfiahna awm miah lova chutia a han
> pawngtawng sapatal ngawt mai chu a dem awm ngawt zawkin ka hria"
>
>
>
>
> Inspector chuan "ngawi teh joel, hetiang thil hi chu a tawn a han tawn
> ve phawt loh hi chuan hriatthiam hi a har thin reng a, ni e i sawi chu a
> dikna chen chu awm teh meuh e, thikthu chhia hi awm ve theih hrim hrim
> erawh a ni. Mahse thikthu chhia kawppui kan nei anih chuan a hmei a pa hian
> kan hrethiam tur hi a ni a, awmdan tur tawk pawh kan hriatthiam a ngai reng
> a, kan insiam rem thiam lo anih chuan kawppui tur kan thlang thiam lo tihna
> te pawh a ni ang chu.
>
>
>
>
> "Thenkhat thikthu an nei ta lo emaw tih mai tur khawp a thikthu chhe
> lo leh an nupui pasal te pawh an uire fo thin a ni tih a chiang reng chung
> pawh a engmah hrelo awm a awm lui tlat thei hi an awm ve leh tlat bawk.
> Mihring kan in ang vek silo a le"
>
>
>
>
> Ni hnih dang a liam leh a, dulte lam atang chuan thuthar a awm beisei in
> dulte lam chu an han bia a, mahse thuthar engmah hriat tur a awm lo. Kb
> thanga ni a han ngaih theih tur chu an hre chhuak thei hauh lo. Tin an khaw
> sumo a ni emaw, taxi a ni emaw, an khua atang a hmun dang a tlanchhuak chi
> lirthei reng reng ah chuan kb thanga ni a ngaih theih tur tumah an phurh
> awm emaw a chuang lai emaw tumah in an hmu lo.
>
>
>
>
> Joela chuan "sir, chuti anih chuan dulte ah chuan kb thanga chu ala
> awm tihna ani mai alawm, khua chu ala chhuahsan lo tihna ani mai, hotel
> emaw, mikhual thlenna bik lodge emaw a awm em le, chutiang chu a awm lo
> anih chuan mi inhnuai emaw, in luah tur zawng emaw, mi in a mikhual thlen a
> han thleng mawl tawp duh tur chuan ka ring silo, chutiang chu an awm anih
> chuan dulte khaw mipuite pawhin an rawn report daih tawhin ka ring bawk si
> a, mikhual ang a han ngaihtheih tur tumah an awm lem lo ani phawt ang a,
> anih loh pawh in mikhual an awm anih pawhin misual ni a han ngaihbel theih
> turin mi pa pakhat, amah chauh a khualzin tumah an awm lo tihna te pawh a
> kawk thei vek in ka hria" a han ti a.
>
>
>
>
> Inspector chuan uluk fe chuan a han ngaihtuah vang vang a chutah joela
> hnenah chuan "chumi anih loh vek chuan kb thanga hian mi thurual pui a
> nei a ni maithei asin, mahni chauh a mikhual veivak an awm lo anih pawhin
> kb thanga hian hmelhriat emaw thurualpui emaw tu emaw tak nen an nih avang
> in miin an ringhlel lo tihna a ni ngei ang,
>
>
>
>
> "a chhung te emaw, a hmelhriat amah humhim duh tu an awm anih ngat
> chuan misual an hmuh thu an sawi duh hauh lo thei bawk a. Tin, chumi anih
> loh vek pawh in he pa kb thanga hi hmun dangah zawk pawh a kal a ni maithei
> a ni. A tan tir a phaisen a a kal khan kha ta tang khan hmun dangah emaw a
> kal a ni thei, chumi anih loh pawh in phaisen ah a lo kal lo hrim hrim zawk
> pawh ani thei a, hemi khua lengte khua hian khaw thenawm engzat nge an neih
> reng reng ni?
>
>
>
>
> Joela chuan "mahse sir, chu zawng khaw thenawm ah zawng zawng mai
> nilo, kb thanga hmel awm dan te, a kum leh a san zawng, misual anih thu te
> kan tlangzarh kual ve viau si a, chutia amah ni awm mi han ngaih bel theih
> tur chu phaisen ah khan kan han hria a nih kha, ani kan chhui zui zelna ah
> dulte ah hian a hnu a tawp chu ani ber a, kei zawng dulte ah chuan ala awm
> anih hi ka ring tlat ani"
>
>
>
>
> Inspector chuan "imm, ni e i han sawi chu thil awm tak a ni. He
> information kan dawn hi amah ngei pawh a ni ang. Mahse keimahni ngei hian
> kan bawhzui bik silo a, keimah ni ngei hian bawhzui zel thei ila chu kawng
> hmang pawh a awlsam deuh mahna le"
>
>
>
>
> Joela chuan "ni e sir, hmun hran atang te hian information dang te hi
> han hre leh ni ila chu thuhran a ni a" inspector chuan "mahse
> joel, hetia tum khat chauh misual ni a ngaih theih tur information kan
> dawng hi thil tha tak a ni zawk. Hmun hnih hmun thum a ni emaw, mi pahnih
> pathum vel atangin information chu dawng ni ngat ila chu hnuchhui tur a tam
> dawn a, kawng a kual thui zual dawn a, hetia mi pakhat chauh kan han thlur
> bing thei hrim hrim hi a tha zawk. Kan tih tur chu amah kb thanga kan man
> hma chu kan bawhzui zel rih mai tur ani"
>
>
>
>
> Kb thanga nu nilawmi hnenah chuan inspector chuan "ka pi, in fapa hian
> thurualpui emaw hmelhriat emaw a nei thei ni a han ngaih theih turin kawng
> hmang te in hre lo em ni? A han ti a, nilawmi pawh chuan inspector awmdan
> atang chuan hnuchhui zelna atan kawng an bo rih viau ani tih chu hrethiam
> in "ka pu, kan fapa hi in hrang chang an lo ni tawh a, chutiang in an
> chungchang emaw engmah hi kan va hre si se tawh bik lo a ni. Dulte lama
> mahminga lah chuan dawt min hrilhin ka ring silo a" a han ti ve a,
> inspector chuan "ka pi, mahminga i tih chu amah biak theihna min han
> pe teh" a han ti a, nilawmi pawh chuan mahminga number chu inspector
> hnenah chuan a han pe a.
>
>
>
>
> Inspector chuan mahminga chu han bia in lehlam atang chuan "hello' a
> rawn ti vin deuh nghal hlur ringawt mai a, inspector chuan zawi sap hian
> "aw hello, keimah min hria em? a han ti a, lehlam atang chuan
> "tunge? a rawn ti fiah leh kawlh mai a, "keimah, thanga, number
> hran atangin aw, fimkhur a ngai si a, ka number hi a hran aw" a han ti
> a, lehlam atang chuan "e khai a kb, enge thil awmzia hi? i nupui leh i
> fanu chunga thil thleng te ka lo hria a, khawiah nge i awm? Hei ka rawn
> lang chho ang ka ti a, mahse ka la rawn lang thei lo anih hi, khawiah nge i
> awm tunah?" inspector chuan "ka awmna chin hi tumah hnenah sawi
> miah suh aw" tiin phone chu a dah nghal daih a.
>
>
>
>
> Joela chuan "chu sir, mahminga chuan kb thanga chu alo thuhruk i ring
> deuh tihna a niang maw? a han ti a, inspector chuan "im ring e joel,
> mahse kha kan han hriat tak danah kha chuan alo thukru em lo chu anih kha,
> mahse hei thu thar hriat ka han inbeisei ren rawn na in eng thu thar mah
> hriat tur ala awm tlat lo mai hian min ti buai ru khawp mai" a han ti
> a, joela chuan "chu sir, eng thuthar chungchang nge ni a?" han ti
> a, "joel, kan pi nilawmi te lam kha han bia la, thuthar enge maw an
> hriat leh an hriat loh chungchang han zawt teh khai"
>
>
>
>
> Joela'n nilawmi te hnen a inspector hrilh ang a thuthar awm leh awm loh a
> han zawh hnuah chuan inspector awmna lam chu pan in a pu hnenah chuan
> thuthar engmah an la hriat loh thu chu a han hrilh a, inspector chuan mak
> ti zet hian "imm mahminga an tih chu thuruk a zep thei ngawt dawn anih
> hi, nichin ka awmna hmun tuma hnen a sawi lo tur a ka tih kha a sawi miah
> lo tak tak tihna ani ta a, police lamah a ni emaw kb thanga chhungte hnenah
> a ni emaw, kb thanga'n number hlang hmang a a rawn biak thu te chu hrilh ve
> awm tak a ni a, a mak ka ti hle mai"
>
>
>
>
> Joela chuan "sir, han nghak leh deuh ila report chu a rawn pe ve mai
> lo maw" a han ti a inspector chuan "imm report a pe vat lo anih
> chuan keimah ngei hian dulte chu ka luhkhung dawn a ni" a han ti a.
>
>
>
>
> Nakin deuhah chuan inspector chuan number hran atang bawk chuan mahminga
> chu a han call leh ta a, "aw hello" lehlam atang chuan
> "tunge? a rawn ti a, "hei, police station atang in dulte khua
> lianhminga i ni em aw?" "ni e ka pu, enge ni ta?
>
>
>
>
> Inspector chuan "Kb thanga dulte ah khan a awm tih thu kan hria a, tin
> nang hi a chhung leh khat ni a hriat i ni a, i number hi kb thanga nu
> nilawmi hnen atang a kan neih a ni, kb thanga chanchin emaw amah emaw ilo
> hmu em? Lehlam atang chuan "aa ka pu, ka va hre mai lo ve aw, kan u
> nilawmi pawhin min rawn be tawh alawm, hei police lam in min ngenna ang
> pawhin khaw thenawm leh kan khua dulte ah ngei pawh hian kan nau kb thanga
> chin hriat anih leh nih loh te thuchhuah a awm reng alawm" a rawn ti
> a.
>
>
>
>
> inspector chuan "chu, a chin engmah hriat ala nilo tihna a ni
> maw" a han ti a, lehlam atang chuan "ka pu, kan khua ah hian
> mikhual pawh hi an awm meuh lo ani awm e"
>
>
> "imm aw le, hei police lam pawh in kan bawhzui mek zel a, in unau kb
> thanga chin in lo hriat chuan min rawn hrilh vat dawn nia, man anih vat loh
> chuan thil thalo dang pawh thleng thei reng ani a, chuvang chuan police lam
> chuan hma an la mek zel a ni" A han ti a, an inbiakna chu a titawp ta
> a.
>
>
>
>
> "Joel, he pa mizia hi mak ka ti hle mai, an unaupa hian nichin khan
> number hlang atangin a bia a, mahse police hnenah emaw a chhungte hnenah
> pawh a hrilh leh miah lo a ni awm sia, a unau pa chu humhim thei ni ngat se
> zawng a humhim ngei dawn tihna a ni ta a"
>
>
>
>
> "Sir, i sawi chu a dik viau mai, humhim thei ngat se chu a humhim ngei
> dawn tihna a ni a, he pa in hi han dap sak ve hrim hrim pawh hi a phu reng
> reng in ka hria, hetia a awm avang hrim hrim pawh hian"
>
>
>
>
> "a khai, chu zawng joel, a tul hunah chauh le, engpawhnise dulte lamah
> chuan naktuk hian kan kal ang. Tin phaisen lamah pawh kb thanga hnu kan
> thual nawn leh tho ang, dulte atang chuan chet kan lak zel dan tur chu a
> fiah zel turah ngai ang" a ti ta a.
>
>
>
>
> Inspector chhan kb thanga thlalak te chu keng in dulte lam pan tur chuan
> joela nen chuan phaisen lamah chuan an inkhalh chhuak ta a, phaisen ah
> chuan joela nen chuan sumo stand leh a chhehvel a mite hnenah chuan thlalak
> te chu entir in an lo hmuh leh hmuh loh an zawt a, han bawhzui tlak chhanna
> erawh an hmu lo, dulte lam pan chuan chawhnu herah chuan an liam thla leh
> nghal a.
>
>
>
>
> Dulte an luh veleh chuan inspector chuan kb thanga chu facebook lamah chuan
> a han zawng a, a thlalak a mi nen a han en mil chuan kb thanga ni ngei tur
> account chu a hmu fuh ta a, kb thanga account chu a han check a, comment
> section lam chu uluk taka en zel in, chutah nakin deuhah chuan a hming
> mahlimi inti chuan a thil post alo comment dan atang te, an in reply dan
> atang te chuan chu nu chu kb thanga nen a inzawmna nei anih a ring ta tlat
> mai a,
>
>
>
>
> ni e, inspector hian kb thanga hi tanpui tu an awm hi a ring tlat a ni.
> Tichuan le, mahlimi account te chu a han chhui chiang leh ta a, mahlimi chu
> phuaibuang khua ani tih a hre thei ta hlauh mai, chuveleh inspector chuan
> chu lai an chawlhna hmun a mite chu a han zawt a, phuaibuang khua chu dulte
> atang chuan engtia hla a awm nge tih te, an khaw then awm hnaivai a mi a ni
> em tih te chu a han zawt kual zel a,
>
>
>
>
> chung mite lo chhan dan atang chuan phuaibuang chu dulte atang a km 30 vel
> a hla awm niin phuaibuang thlen hma chuan khaw pahnih paltlang tur ala awm
> thu te chu an lo hrilh ta a, chuveleh inspector chuan a thlalak ken chu a
> han hmuh kual leh hlawm a, ni 12 ni ah he pa hi a tlanbo thu leh an khua
> dulte ah chuan an hmu ngai em tih te chu a han zawt a.
>
>
>
>
> mahse tumah chuan kb thanga chu an hmuh ngai loh thu an lo hrilh zel a,
> inspector chuan dulte khua a mite thu a han zawhfiah velna atang chuan kb
> thanga chungchang thuchhuah an siam te, an lo hmuh veleh police hnena thlen
> nghal vat tura thuchhuah an siam te chu mite chuan an ngaihven tawh lem lo
> ani tih a hrethiam mai a,
>
>
>
>
> ni te a liam a, hun a kal ve zel a, a awm ve viau tho mai. Mipui lam in
> hetia misual chhui zui lai mek chungchang an mangnghilh hret hret zel anih
> chuan kb thanga chu a hnu chhui zui a hautak tawlh tawlh dawn a ni tih a
> hrethiam a,
>
>
>
>
> chutah, dulte khua a nilawmi te chhung mahminga an tih kha an in awmna hmun
> khawilai nge tih chu mite hnenah chuan a han zawt leh a, a mi zawhte pawh
> chuan mahminga te in awmna hmun chu lo hrilh in inspector leh joela te pawh
> chuan mahminga te in awmna lam chu an pan nghal thuai a, joela chuan
> "sir, kan kal dawn thu hi keimah ni ngeiin kan hrilh thei reng si a, a
> number pawh kha kan la nei ani lawm ni? Khatia midang i han zawt kual vel
> kher kha enge a chhan?" a han ti a, inspector chuan "joel, amah
> mahminga hi kan kal tur thu kan hrilh lawk mai zawngin a fuh lo ang, kal
> phawt ang" tiin kawngpui thlang lam a step awm thla ah chuan an chhuk
> ta a.
>
>
>
>
> Kawngkhar chu an rawn hawng a, hmel tung lam deuh leh vun ngo lam, sam kir
> lek lek hian "aw, lo lut ru, enge ni ta?" a rawn ti a, inspector
> chuan police an nih thu hrilhin "khawnge mahminga hi? a han ti a, chu
> nu chuan "aa ka pu, ka pa chu room lamah a awm a, ka han ko dawn em
> ni?" a han ti a, "aw han ko ta che" inspector chuan a ti vat
> a.
>
>
>
>
> Mahminga chu pumraw te chhe lo tak, sam buk lam leh dul kiar lam a ni a,
> tarmit vuahin kuhva a eina kam chu a sen pherh deuh luai mai a.
>
>
>
>
> "Aw ka pu, tute nge in nih a? Enge induh tak ni?"
>
>
> "e pu hming, keini hi police kan ni e, kb thanga hi i hria em? Lengte
> khua a mi" Chuveleh mahminga chuan "ee ka pu, nang ni police lam
> maw, lo thu ru lo thu ru ka pu, ni e police lam nen pawh kan lo inbia a,
> hei kan unaupa ang mai a kan lo en kba hi nia a pawi tak tak a ni" a
> han ti hmasa luam a.
>
>
>
>
> Inspector chuan "pu hming, ka sawi tlang nghal law law mai ang, he
> pawikhawihtu kb thanga hnen atang hian phone call i dawng tih ka lo hria a,
> a awmna chin i hria tihna a ni maw?"
>
>
>
>
> Mahminga chuan phawk fe hian "ee ka pu, engmah ka hre miah lo,
> chutiang thu chu ka va awih lo ve maw le, amah nen kan inbe lo hrim
> hrim"
>
>
>
>
> Inspector chuan "pu hming, in inbe ngei ani tih hi report tu an awm
> tlat a ni" mahminga chuan "ka pu, ka va hrethiam lo em aw" a
> han ti deuh ha a. Inspector chuan "fimkhur thu hla thil a ni a, hei i
> in chhung hi kan han dap ve reng reng ang chu, i remtihna erawh ka duh a
> nia" a han ti a, mahminga chuan "aa ka pu, kb thanga chu ka
> thukru i tihna em ni? Aa, Aw le ka pu, induh phawt chuan in dap vek thei
> ang"
>
>
>
>
> Inspector chuan "awle kan lawm e, fimkhur thu hla a ni a, kan dap zo
> ang a kan kal leh nghal mai ang" tiin joela nen chuan mahminga te in
> chu a pawn lam leh a chhung lam chu uluk takin an han dap ta a.
>
>
>
>
> An thenawm te in nen lam an en thlithlai hnu chuan khua pawh chu alo tlai
> ve ta viau mai. Engmah hmuh an nei lova, han bawhzui tlak an hmu lo. Dulte
> atanga tlangsam pan tur chuan joela leh inspector te chuan chet an la leh
> ta zawk a.
>
>
>
>
> Tlangsam khua ah chuan kb thanga thlalak te chu mite hnenah hmuh in an lo
> hmuh leh hmuh loh bawk chu an zawt leh ta hlawm a, thenkhat chuan kb thanga
> thlalak chu an en uluk viau mai, an hmuh tawh hnu ang an tih thu te chu an
> lo hrilh ve nawk hlawm a, an duh ang tak chhanna erawh an hmuh mai tak loh
> avang chuan tlangsam atang chuan zotlang lam pan chuan chet an la leh ta a.
>
>
>
>
> Zotlang an han lut chu tlai lam dar 5 a hnaih thuak tawh mai, thingpui te
> in in an han chawl khawmuang leh a, an tih dan pangngai thovin kb thanga ni
> a ngaih theih tur an hmuh leh an hmuh loh thu bawk chu mite hnenah chuan an
> han zawt leh a, mahse buh pawl zinga hriau zawn an sawi ang maiin result
> duhthusam erawh an nei thei tlat lo. Kb thanga hnu chhui chu a awl ai dawn
> lo hle niin a lang zel mai.
>
>
>
>
> Inspector chuan joela hnenah chuan Facebook a mi kb thanga hmelhriat
> mahlimi chungchang chu a han sawi pui ve a, joela pawh chuan mahlimi chu a
> awmna a va zawnchhuah phawt mai chu tha in alo hria a, kb thanga hmelhriat
> ni ngeiin a lang si nen, a chin pawh alo hre mial maithei si a, mahse joela
> chuan dulte ah chuan kb thanga chu ala awm ngei erawh a ring mah zawk a,
> inspector chuan "ngawi teh joel, he nu mahlimi awmna hmun ah hian kan
> mi zawn hi a hnu a tawp tihna a ni mai alawm" a han ti a, joela chuan
> "mahse sir, dulte ah khan a hnu chu a tawp zawk lo maw? A chhan chu
> dulte thleng kha kb thanga ni a ngaih theih tur sumo atang a a chhukna tawp
> ber kha a ni si a,
>
>
>
>
> "kha ta tang khan hmun dangah amah lo hmu emaw sumo leh taxi ah pawh
> amah ni a ngaih theih tur an phur tih thawm emaw engmah kan hre zui zel
> silo a, a nihna takah chuan hetia he lai thleng thleng a min kal pui zel
> mai hi mak kalo tiin a ngaihna ka lo hrethiam lo deuh zawk a, mahse chutia
> mahlimi hnen a pan anih i ring bawk si anih chuan" a han ti a,
> inspector chuan "joel, saw pa saw han en chiang deuh teh, kb thanga
> nen an va in ang ve" a han ti a, joela pawh chuan inspector hawi na
> lam chu a han en ve nghal vat a.
>
>
>
>
> "Sir, a nilo, kb thanga kha chuan hmui hmul a nei lo ani lawm ni? Saw
> pa saw chuan hmui hmul mai nilo, khabe hmul nen lam a nei dur mai anih
> saw" a han ti a, chutah inspector chuan "ni e, an in ang lo ngei
> mai, mahse saw pa hmel leh kb thanga hmel landan in ang lo hian heti zawng
> hian ngaihdan min siam sak tlat pek a, he pa kb thanga hi a tlanbo na a rei
> ve leh ta a, tunah meuh chuan eng ang hmel hmai pu nge anih tih pawh kan
> hre hauh tawh lo ngei ang. Tin, a tlanbo lai atang tawh khan a landan alo
> thlak danglam lovang tih tunge sawi thei. Ka ring ta riau mai, a tlanbo tan
> tirh ata tawh khan a landan hi a ti danglam ngei ngei ang tih hi"
>
>
>
>
> Tlangsam atang chuan phunchawngah an lut leh a, chu lai hmun chu inspector
> in an mi zawn an man theihna hmun tur anih tawh chu a ring tlat ani. Amah
> alo la awm lo ta cheu anih pawh in mahlimi hnen atang chuan misual chu a
> chin an hriat ngei a ring tlat a, mahlimi chu thiam tak maia an chhimbu
> dawi erawh a tul ngei ang le.
>
>
>
>
> Mahlimi awmna chu an han zawng tan ta a, a facebook account a a thlalak
> hmang chuan an mi duh tak mahlimi awmna hmun chu an hre thei ta a, mahlimi
> chu veng mawng lam a mi in hnuai pakhatah hian alo awm a, kawngkhar chu an
> han kik dat dat a, chhung lam atang chuan mipa aw hian "tunge? a rawn
> ti a, chuveleh inspector chuan "in thian te" a han ti a, chutah
> in chhung atang chuan "tu kan thian te? A rawn ti fiah leh kawlh mai.
>
>
>
>
> Chuveleh inspector chuan "keimah i thian pa, lo hawng vat teh, ka
> hmanhmawh a nia" a han ti a, in chhung lam atang chuan "i thian
> te i ti si a, tute nge in nih? chuveleh joela chuan nin hmel fe hian
> "lo hawng lawk mai rawh, a hmanhmawh thlak alawm mawle" a han ti
> a, chuveleh hmeichhe aw hian "va hawng mai rawh" alo ti a, an
> awmdan leh an thawm atang chuan an laklawh lai an zu nangching ani tih a
> lang reng mai.
>
>
>
>
> Kawngkhar chu a rawn inhawng riai riai a, joela chuan a kawng a pistol chu
> alo chelh ran tawh, inspector chuan "nilo joel, ala hun lo" a han
> ti a, chutah kawng khar chu rawn in hawng zau zelin mi pakhat, sam thur zet
> mai leh hmui hmul buk zet mai, a hmel a nin hmel zet mai hian "enge? a
> tute maw in nih? A rawn ti a.
>
>
>
>
> Inspector chuan inthlahrung der fe hian "ka lo lut dawn, ka hmanhmawh
> lutuk a" tiin a lut nghal thawr a, chutah inspector chuan "kb,
> kan rawn zawng char char che asin" a han ti a, mak tih hmel fe hian
> chu pa chuan "min hresual anih chu, kba an awm lo he laiah" a han
> ti a,
>
>
>
>
> Chuveleh inspector chuan "e,nangmah hi ini lo maw? police in an zawng
> char char a, a awmna hmun in lo hria em? Keini hi a thian te kan ni a, thil
> awmzia kan zawt duh a, kan rawn zawng char char anih hi, chuan mahlimi in a
> ni em hei hi?" a han ti a,
>
>
>
>
> chu pa chuan phawk fe hian "aw ni e, mahlim, hei lo kal teh, tute nge
> i hria em? a han ti a, inspector chuan "ngawi teh mahlim, lo phei vat
> teh khai, i awmna hi kan rawn zawng char char asin. Kba ilo hmuh leh hmuh
> loh kan hre duh a, ilo hmu em? a han ti a,
>
>
>
>
> mahlimi chu sam pawr phang chung chuan a rawn thochhuak la la a, "e
> he! tute nge in nih ka hre ngai miah lo che u" a han ti a, "in
> thianpa chu engatinge a?" a han ti a, inspector chuan "kba i hre
> ngailo maw? kb thanga, lengte a mi" a han ti a, mahlimi chuan "e
> ka hria, mahse kan in hmu ngai hleinem, engatinge police te chuan an um a?
> Inspector chuan "In la inhmu ngai miah lo tihna maw?"
>
>
> "Aw, online atang ringawt in kan inhria ani"
>
>
>
>
> Joela chuan "hei leh chen hi kan um zui ve a, ava ho ve" alo ti
> a, inspector chuan "dulte ah khan ala awm tihna a niang a" a han
> ti a, mahlimi te hnenah chuan kb thanga chanchin chu an lo hria anih chuan
> hrilh vat turin an ti a, phone number te chu an han pe a, lunghnur tak
> chuan kal leh mai chu an tum ta a,
>
>
>
>
> Chutah le, mahlimi chuan "k arsa kha chhuan lum leh a ngai aw" a
> rawn ti ta zauh mai, inspector leh joela chu an phu dun chiang kher mai.
> Chet han lak mai dan tur hrethiam lo zet chung chuan inspector leh joela te
> chu an han in en ren rawn a, chuveleh inspector chuan a pistol chu a phawi
> thut a, mhlimi bula mipa chu a han tin nghal a, Chuveleh mahlimi chu a rak
> nghal tuar a, "nilo, ka pu, eng thil nge i tih tak mai?" alo ti
> a,
>
>
>
>
> inspector chuan rum zet a chu pa melh chung chuan "kb thanga, nang hi
> misual chu i ni" a han ti a, mahlimi chu a mang a ang kher mai.
> "Ka pu, eng thil nge maw i tih tak mai le? A han ti a, inspector chuan
> pistol a la tin ran chung chuan "k-a chu tunge? a han ti fiah kawlh
> mai a, mahlimi chuan "ka pu, k-a ve tho alawm" a han ti a,
>
>
>
>
> "nilove mami, khaw maw tlangval i mobile phone lo la teh"
> inspector chuan a han ti a, chu pa chuan harsa tih hmel zet hian
> "mobile phone ka nei hleinem" alo ti a, chuveleh inspector chuan
> "ngawi lawk teh joel, an in chhung hi han dap vat teh" a han ti
> a, joela chuan pindan lam a khum awmna chu a va en nghal thuai a,
> hlauthawng tih hriat tak hian mahlimi chuan "ka pu, thil hriatsual a
> awm a ni" a han ti a, "nilove mami, kan finfiah phawt ang"
> joela chuan "sir, hei mobile phone pahnih ka hmu e" inspector
> chuan rum zet hian "mobile phone pahnih" ti a check hlak chung
> chuan "joel, han check vat teh" a han ti a.
>
>
>
>
> Joela chuan "sir, password a awm" chuveleh inspector chuan
> "thianpa, i phone chu han hawng rawh le" chu pa pawh chuan phur
> lo fe hian a mobile phone chu a han hawng a, joela'n mobile phone chhung a
> thlalak te chu a hmuh chuan hmanhmawh zet hian inspector chu a han en tur
> nghal vat a, chuveleh thinrim avang a meng sen rawm rawm chung chuan
> inspector chuan "nauva leh! hei hi tunge? he pa hi kb thanga, a nupui
> leh fanu te rapthlak taka nghaisa tu chu anih hi" tiin chu pa chu a a
> bawh bet nghal rawk rawk mai a,
>
>
>
>
> "zawngchhepa! i hmel landan ti danglam mah la ka hai reng reng lo
> che" tiin kawl chu a bun tir nghal mawlh mawlh mai a, mahlimi chu kil
> khatah chuan hlauhthawn hmel fe hian alo khur zawih zawih mai a.
>
>
>
>
> Kb thanga chu man a ni ta a, mahlimi pawh chu thu zawhfiah niin mahlimi
> sawi dan chuan kb thanga nen chuan an inbe ve thin a, an inkawmngeih viau
> ani awm e, mahlimi hi amah chauh a awm a ni a, naupang te ni chung a
> nuthlawi a ni a, hemi avang hian pasal tur hi a duh ve thin hle ani.
>
>
>
>
> Tichuan kb thanga nen an inbiak thuk viau tawh lai chuan kb thanga chuan a
> thianpa a hmelhriat tir ta a, chu pa chu zamtea a ni. Tichuan zamtea nen
> chuan a inbe chho ta a, zamtea chu tlangval fel leh mi rintlak tak anih thu
> te a hrilh thin a,
>
>
>
>
> tichuan kb thanga ngei pawh in a fak thin em avang leh fel a tih em avang
> chuan mahlimi leh zamtea te pawh chu an lo inngaizawng ve ta a, tichuan
> inneih hial te chu an duh ta a, tichuan kb thanga chuan innei ngei tur
> chuan a ti a, a chhan chu zamtea chu mahlimi ang lo takin a dinhmun pawh a
> harsa lem lova, fapa mal niin sum pawh a inkhawl ve hle thu te a hrilh si
> a, chuvang a inneih tum chu an lo ni a,
>
>
>
>
> tichuan le, kar khat liam ta ni 12 ni khan mahlimi leh zamtea te chu an lo
> tum lawk tawh ang in inru tur chuan rem an ruat ta a, zamtea chu mahlimi te
> khua ah chuan kalin an awm dun thei tawh dawn a ni.
>
>
>
>
> An vawikhat inhmuhna ve ve anih avangin mahlimi leh zamtea te chu an
> inngaina nghal em em lo ni awm tak ani. Tichuan le, mahlimi awmna ah chuan
> zamtea pawh chu a invawm lut ve ta rawih mai a, tichuan zamtea remruat dan
> ang zelin a hun a tih hunah chuan innei turin an inpuahchah tawh mai dawn a
> ni.
>
>
>
>
> Mahse le, tumkhat chu mahlimi chuan a thian pa zamtea hmelhriat tir tu kb
> thanga chanchin duhawm lo tak mai chu social media atangin alo hre ve ta
> hlauh mai a, mak a tiin awih har a ti kher mai, tichuan a thianpa kb thanga
> ngei a ni em tiin midang chu a han zawt chiang a, lengte khua a nupui leh a
> fanu nghaisa tu chu a thianpa zamtea hmelhriattir tu ngei kb thanga a ni
> tih alo hre ve ta a.
>
>
>
>
> Chutia zamtea nen an awmdun tak ah chuan kb thanga chungchang te chu
> mahlimi pawh chuan zamtea hnenah chuan a han hrilh ve a, zamtea pawh chuan
> mak a tiin a hrilhhai ve hle. Mahse le, mahlimi chu a ngaih a tha thei tawh
> lo, a bialpa zamtea ngei pawh chu a nihna tak hriatchian a duh ta deuh tlat
> mai a, tun hma a a hmuh pawh ala hmuh ngailoh tun mai a a khawsak pui mek
> zamtea chu tu chiah nge anih hriat tum chuan zamtea chungchang chu a
> ngaihven ru ta a,
>
>
>
>
> mahse zamtea, lengte khua tih reng reng hriattur a hmu zo ta lo. Social
> media kaltlang bawk in tun lai a misual, police ho in a hnu an chhui mek kb
> thanga lengte khua chuan thian a hming zamtea a nei em tih te, tin lengte
> khua ah chuan zamtea tih hming hrim hrim chu an awm em tih te chu a han
> chhui ru ta a, mahse a mi zawn chu a hmu chhuak zo ta tlat lo ani.
>
>
>
>
> Tichuan le, zamtea mobile phone, engtik lai mai pawh a a dahthat uluk em em
> mai leh mahlimi ngei pawh in a a khawih sak ngai hauh loh chu en sak a chak
> ta hle mai a, mahse zamtea chuan a mobile phone ah chuan password alo dah
> hlauh mai. Zamtea hnenah chuan password chu zawt in hman lawk a duh thu chu
> a han hrilh a, mahse zamtea chuan thinrim leh lungawi lo fe chung chuan
> "min ringhlel ve khanglang em maw ni le? ngaihzawng ka nei lo, ka kawp
> lo che tih i hriat reng kha" tiin en sak a phal ta tlat lo mai a,
>
>
>
>
> tichuan mahlimi chuan zamtea'n a phone a khawih lai chu uluk takin a
> thlithlai ru ta ani, tichuan le, zamtea chuan a phone chu a khat tawkin
> password a thlak zel ani tih a hre ta a, engtikah mah a khawih sak mai mai
> lo tawp ang tih hrethiam in a password hnuhnung ber hriat tum chuan hma ala
> ta a,
>
>
>
>
> a password a thlak leh lai chu a hmu fuh ta hlauh mai, tichuan zan lai a
> zamtea mutthilh hlan chuan han check sak chu a tum ta a, mahse password chu
> a dik ta hauh lo mai. Chutah ngun taka han ngaihtuah let leh vang vang in a
> mitthla a a landan ang te chuan a han risk ta ngawt mai a, vanneihthlak
> takin a hawng thei ta, tichuan zamtea mobile phone chu a duhtawk a a check
> sak hnu chuan tuna a bula mu mek chu khawi lam zamtea mah ni lovin a nupui
> leh fanu sawi sa a tlanbo mek police te zawn mek kb thanga lengte a mi chu
> alo ni reng tih a hrechhuak ta ani.
>
>
>
>
> Ni e, zamtea tih account lem hmangin alo be kawp vel mai mai alo ni. Kb
> thanga hi online ah chuan a thlalak hlui tawh tak mai chauh hi a hmang thin
> a, a taka a landan nen chuan a inpersan ve em bawk a ni.
>
>
>
>
> Chutah le, chutia thil awmzia a han hriatchhuah takah chuan a ngaihtuah a
> thui ta hle mai a, hlauhna leh manganna in a khat ta a, chutia mangang taka
> a inngaihtuah lai chuan kb thanga, zamtea emaw alo tih chu alo muhil tawh
> reng reng lo ani tih a han hriat chuan tanpui tu a au hman lo, kb thanga
> chuan a hrawkah a rawn rek nghal chawt a, a au anih vaih chuan a thah nghal
> tur thu a hrilh a, thil awmzia a sawichhuak a ni emaw, police te koh a tum
> anih vaih chuan thih pawh in huam a amah mahlimi chu a thah nghal tur thu
> chuan a vau bet ta alo ni.
>
>
>
>
> Tichuan le, inspector leh joela te an rawn lan takah khan mahlimi khan kb
> thanga'n a vau beh tlat avangin lo hnar bo vat dan kha alo ngaihtuah ve tak
> tak a, mahse a hnu deuh khan an inleng te chu kb thanga thian te an nilova,
> police te an ni tih kha joela kawng a pistol hmawr lo lang a han hmuh fuh
> tak hlauh ah khan a hrethiam ta a, chuveleh kb thanga chu k ti a han ko
> sual lui kha alo ni a, Chuveleh inspector te chuan a awmzia chu an lo hre
> vat a, misual chu man thei ta an lo ni a.
>
>
>
>
> Kb thanga hi dulte a a hnu a tawpna chhan kha chu, dulte ah khan mahlimi
> hian alo hmuak a, mi pahnih an nih tak avang khan kb thanga ni a han
> rinhlelh theihna tur kha mite pawh khan an hriat loh phah ta ani. Tin kb
> thanga hian a khabe hmul leh hmui hmul a zuah buk avang leh a sam buk tak
> chu a ti pheng vek mai a, chumi avang a amah ani tih hriat harsa ta pawh
> alo ni tel zel.
>
>
>
>
> Kb thanga chu ipc section 302, 307, 323, leh 326 hmang te a thubuai siamsak
> niin court ah hruai a ni ta a, tichuan kb thanga chu an puhna thubuai pali
> ah te chuan thiam loh chantir niin kb thanga chu section 302 ipc hmanga dam
> chhung lung in tang tur leh, section 307 ipc hmanga hreawm taka kum thum
> chhung lung in tang tur in, cheng sangthum chawi turin, section 326 hmanga
> hreawm taka thla sawmpariat tang tur in, cheng za nga chawi turin, section
> 323 ah hreawm taka thla ruk chhung tang turin leh cheng za nga chawi tur a
> tih niin hrem a ni ta ani.

What amazing!!! I like your strory!