THINLUNG DIK NEITU_Chapter-2

[April Hmar Liverpool]

Thinlung Dik Neitu



Bung hnih





"Ka pu, ka tih a nilo ka ti mawlh mawlh a ni lawm ni, in va han ninawm teivet e" francisa chu a lung a awi thei mawlh lo. Inspector chuan "francis, tun thleng pawh hian ila tang zel dawn a maw? hetiang hi ka thil tih ngai loh tak anih avang hian ka thiam lo tihna erawh ani hauh lo a nia" tiin a kawr ban chu muangchang hian a thlep chho malh malh a, francisa chuan zam lo fe hian "eng ang pawhin min dawp mah ula ka tih a nih phah chuang lovang, mi tih nilo na na na ka tih ang a in ngai tlat mai hi chu in khaw hmuh a chiang lo ani, in nep hlawm lutuk" rinpuia chuan teu zet hian "sir keiman" alo ti vat a, a kut a zat hmel kher mai.





Inspector chuan chik zet hian francisa chu a han en a, francisa hmelah chuan a inpuang mai mai dawn hauh lo ani tih a hmu a, chutah a rilru chu tifimin "awle francis, heti hian i ti ang, a tumkhat na ah chuan i ngalah hian ka khawng che a nga, luhlul ila chhuah zel dawn anih chuan i kuttang hi ka ulh tliak leh ang, ila tang fo anih chuan i nak nem laiah tak ka pet leh ang" francisa chu a nui hak hak a, chutah "nilove inspector, chutiang in min ti dawn reng reng lo, a chhan chu in ngaihtuah hi a tawi in a zim mah mah ani" A nui zui hak hak a,





rinpuia chuan "sir keiman aw" tiin a rawn tawlh hnai leh phat mai, inspector chuan a kut chu lo lek vat in "ngawi rawh rina, he pa hian fing a intih hmel riau mai, a fing reng em tih chu amah hian han lantir teh se, han sawi ta che francis, enge kan ngaihtuah hmaih a kan hmuh hmaih thil chu? a han ti a.





Francisa chuan nui hak hak pah chuan "pu inspector, ka zah lutuk che, mahse maw keimah ngawr ngawr ah hian i rilru i seng thui mah mah ani" inspector chuan rum zet hian "evidence te leh hun inlum leh dan in nangmah kawk miau si hek che" alo ti a, Francisa chuan "nilo inspector, keimah ka ni hleinem, khami zan khan ka hawng a, garage ah pawh ka lirthei ka dah lut ngei mai, mahse ka pa kha khatih lai khan ka bulah a rawn kal reng reng hleinem, ka sawi awmzia chu khatih lai khan a tlai tawh hle a, ka pa chhuak chu ka u leh ka nu in an hre hauh lo anih pawhin a awm viau niin a lang, tichuan ka pa chu chhan engemaw avangin khawi lai ah emaw garage nilo, kan in bul nilo, hmun dangah a kal zawk pawh a ni maithei asin, ka pa kha ka hmu tlat silo a tin ni, tichuan kei khan ka pa chu pawnah a awm tih hre hek lo i, in chhungah lutin kawngkhar chu ka kalh tha a, ka mutna lam panin chet ka thawh zui mai ani, ka muhil zui chu a ni mai, a bak engmah hriat ka neilo"





Rinpuia chuan "mahse i thawmhnaw thisen kai kha engvang a bawlhhlawh bawm a awm nge anih? kha thil kha min han hrilhfiah leh law law nghal la" alo ti a, francisa chuan uluk fe hian a han ngaihtuah a, "kha zawng, ka hrethiam tawh bik lo, keima kawr ngei a ni lo maithei asin, ka kawr ang tak, a an pui dang zawk pawh alo ni reng thei asin"





Inspector chuan uluk fe hian alo ngaithla a chutah "imm, i sawi awmzia chu ka man in ka hria, midang thil tih i tihna a niang maw? Rinpuia chuan "sir, thil ni thei chu a ni ve tho mai. Mahse francisa sawi dan ang kha chu thil ni thei anih rual in rindan dang ka nei" tiin inspector chu a rawn thut hnaih sauh a, chutah inspector chuan "enge ngaihdan i nei em ni? alo ti a,





rinpuia chuan ngei hmel zet a francisa chu melh ram ram pah chuan "he pa sawi ang hian ama thil tih alo nilo tak tak anih chuan ngaihdan pakhat chu ka nei, hetiang ang hi chu game phakar tak ani" Chuveleh inspector chuan "imm, mahni thil tih ah midang tal awh tir tumna" alo ti a, rinpuia chuan "chu chiah, he pa hi midangin tal awh tir an tum a ni maithei asin" alo ti a.





Chumi rual chiah chuan francisa nu rindiki chu alo thleng ve ta bawk a, inspector chuan "lo luh tir ru" alo ti a, rindiki chu beidawn hmel fe hian a rawn lut a, a fapa chu a en vawng vawng reng mai, chutah francisa chuan a nu hmel alo hmuh veleh chuan lungawi lo fe hian "ka nu, thil awmzia hrilhfiah ta che u, ka nu, ka pa hi ka thah a nilo tih chu in hre ve reng ani lawm ni? engvang in nge ka thah ngawt ang? alo ti a, a lung a chhiat hmel in a mittui chu a parawl teuh thei hial a.





Francisa bawk chuan "sir, ka zah lutuk che u, mahse maw kei hi kei ngei hi, ka pa in a fapa a duat leh a hmangaih em em hi min itsik a min er ru tu an awm ani, chu mi thil tih vek chu ani, keimah hi min tal awh tir an tum anih hi" a han ti leh a, a lung chu ala chhe hle ani tih a hmelah chuan a lang reng mai.





"Ni e sir, hetiang ang em em a ka lungawi lo leh ka thinrim hmel hi ka chhung te hian an la hmu ngai hauh lovang, mi pawisawi ching ka ni ngai lova, ka tawng tam lova mize zawiawi chi ka ni, mahse ka pa that tu a puh ka han ni ta mai hi hriatthiam erawh a har em asin" rindiki chu a meng zau kawk kawk mai, chutah mak ti zet chung chuan "mama, tal awh tir che an tum i ti a ni maw? midang chutiang han ti duh tur awm ang chu an awm dawn em ni? Francisa chuan "ni e ka nu, i sawi dik maithei, mahse kei pawh hian hetiang thil hi ka ti duh in i ring bik em ni?





Thawm chu a reh vang vang a, inspector chuan ngun taka ngaihtuah in "imm francis, nangmah han itsik a han er duh tur awm ang chu hriat i nei em? I pa chungchang nilo, nangma chungchang bikah" francisa chuan "sir, thil awmzia hi engmah ka hrethiam lo ani. Kei chu heti hi ka ni mawl ve tawp mai a, bak chu engmah hriat ka nei bik lo. Ka hnathawhna atangin in ah ka haw a, garage ah ka bike ka dah a, in ah lutin kawngkhar ka kalh a, ka mu a, a bak engmah ka hre tawh lo" tiin hnuai lam chu a bih ngat mai a.





Inspector chuan "imm, anih chuan hei hi min han chhang teh u ka pi, khatia kawngkhar kalh lova i dah nachhan kha i fapa alo haw dawn ani tih i hriat vang ani a tiraw? Rindiki chuan "aw pu inspector, thudik a ni e" inspector chuan "chuti anih chuan i fapa nen hian tlai lamah emaw in inbe ngei tihna ani a, i fapa alo haw dawn tih i hre tlat si a"









"Aw ka pu, kan inbe ngei alawm" inspector chuan "imm, khaw maw i mobile phone lo phawrh lawk ta che, chuan i pasal mobile phone kha check ka duh khawp mai bawk, khami zan khan tu tu nge a biak, a biak hun leh darkar chenin ka hre duh ani. Chuan nangpawh francis, nangmah zui ru a chhui ru tu che an awm leh awm loh hriat han tum teh, khami zan khan in a i haw chu tu emaw in a zui ru che in i hria em? francisa chuan "sir chulam chu engmah ka hrethiam tlat lo ani, ka mawl mawl hian ka mawl ve tawp a, chutia min han zui ru a min han chhui ru tu an awm ang tih ngaihna reng reng ka hrethiam phak lo ani"





Rindiki chuan a mobile phone chu han la chhuak in "kha le sir" tiin inspector chu a han pe a, chutah inspector chuan mobile phone chu lo la in a duhthal chuan a han check ta a, call history a a landan chuan khami ni tlai lam dar ruk rik hma khan a fapa nen hian an inbe ngei a, tin zan dar riat ah mi pahnih biak a nei bawk, chumi bak chu a tuk zing lam a inbiak na vek ani a.





Inspector chuan "awle ka pi, i thusawi chu a dik ngei niin a lang, chuan i pasal phone chu ka va mamawh ve" rindiki chuan "in lam ka han bia a nge" alo ti thuai a, inspector chuan "chuan ka pi, i pasal phone kha a thih hnu khan khawih tu midang an awm tawh em i hria em?





Rindiki chaun "aa sir, chu zawng ka lo hre hauh lo mai, zing lam dar ruk a khatia ka pasal ruang ka va hmuh tak maiah khan kan buai zui chu a ni mai a, chhung leh khat chanchin rawn ngaihven tu ten min rawn bia tih loh chu phone pawh ka khawih meuh lo ani"





Inspector chuan "imm, i pasal phone chu mi tumah in lo la khawih lo se ka ti ngawt mai, zan lam a a awm ang ang in lo la awm se ka ti khawp mai" a han ti a.





Rindki chuan in lam a a fanu chu a han bia a, "mami, i pa mobile phone kha han zawng teh, hei inspector in a en duh a, i hmuh veleh mi rawn tir la police station ah rawn dah rawh se aw" a han ti a, lehlam atang chuan "aa ka nu, mama chu engtin nge? a rawn ti a, rindiki chuan "pensy, thil awmzia chu a lang dawn chauh alawm, mama pawh thu zawhfiah mek zel ani e" a han ti a, lehlam atang chuan "awle ka nu, hei ka pa phone chu a room ah alo awm anih hi, thartea ka rawn dah tir ang" tiin an inbiakna chu an titawp ta a.





A fanu aw ka atang chuan hlauhthawnna leh chi ai na a hre tel thei tlat mai, a ngaih chu a thalo deuh a, mahse a fanu rilru tur awm ang chu a hrethiam viau mai, thil inthlak thut thut thei ala ni a, a fapa chu an rin loh lutuk in a pa thattu ni ngeiin a lang hman a, mahse tunah a fapa chu tal awhtir ni a ngaih theih turin a tih anih loh thu in a la tang ve tlat si a, thil awmzia chu police te chuan an la chhuichhuak vat chuan a ring a, a rilru erawh a hah hle thung.





"Ka pu, ka fanu a nia, ka pasal phone chu a rawn dah tir dawn e, ama roomah alo la awm anih chu" inspector chuan "imm a tha hlauh e, chutia mi tumah in an lo la khawih chingpen loh zawngin thil awmzia chu a lang zel mai ang" tiin francisa bawk chu a han en leh vang vang a, chutah uluk tak hian francisa hnenah chuan "awle francis, i thil tih a nilo tak tak anih chuan i mi rawn ang in zau zawk a thil ngaihtuah a tul ta ani.





"Mahse nang pawh hi ila fihlim hauh lo ani tih hria la, nangmah atang ngei hian misual chu tunge anih kan hre thei zawk maithei a, a chhan chu tal awhtir duh tu che hian a hrechiang hle che tihna ani mai a, i hun hman dan leh i mizia tur awm ang pawh a hre chiang viau niin a lang, khami zan khan in ah i haw dawn tih a hre lawk vek a, tichuan i pa chu thah a tum ta a, nangmah kha rinhlelh loh theih loh tur khawp in i hun hman dan in a zir si a, tichuan i haw veleh i pa chu pawnah a chhuah ngei ngei theih nan rem a ruat lawk vek a, nang i haw chiah si a, i pa khan nangmah kha a rawn ngaihven che ni a ngaih theih turin thil a inhne rem viau si lehzel a, mahse engtin chiah nge i pa kha pawn a chhuak tura rem a ruat sak tih chu kan hre thuai turah ngai ang"





Rindiki chuan "mahse ka pu, ka fapa thawmhnaw ve thung kha" alo ti a, inspector chuan "kha zawng, ka sawi tak ang khan i fapa hi a hrechiang hle tihna ani mai, amah hnaih thei turin i fapa nen a an inlaichinna hi a hla lo tawp ang, a chhan chu evidence atan i fapa kawr kha a nei thei a nisi a" rindiki pawh chuan inspector thusawi awmzia chu man in "imm, chuti anih chuan keini a nu leh a chhungte ngei pawh hi rinhlelh zingah kan bang bik lo tihna a niang maw? a han ti a, inspector chuan "i hresual lo e" alo ti a.





"Awle francis, kha kawr evidence atan a nangmah tal awh tir tu in a hman tak kha i ha ngai em? Francisa chuan thawk chu han la halhin "aih, ka ha khat viau mai sir" inspector chuan "chuti anih chuan i thawmhnaw dahna ah i dah ngei a nga tiraw? Francisa chuan ngun fe a ngaihtuah in chutah phawk fe hian "aw sir, ka thawmhnaw dahna ah lo khawiah nge ka dah chuan ang, ka hriat lohin hmun dangah ka lo dah anih ngawt loh chuan" a lo ti a, inspector chuan "chuti anih chuan i thawmhnaw dahna hre tu chu i chhungte an ni ngei ang a" francisa chuan "sir, ka chhungte hmehbel emaw rinhlelh emaw ka duh lo, mahse thil awmzia chu i hria e" alo ti a. A lu chu a bu nghat nghat mai





"Awle, i nu mai nilo, i u nau nu kha tunge ni kha a hming kha? rindiki chuan "pensy-i a ni e pu inspector" a lo ti a, inspector chuan "imm pensy-i nen chuan in inkar a tha em? Francisa chuan "aw tha e" rindiki chu alo inrawl thuai a "ka pu, kan chhungkaw mimal nun thleng thleng in in phawrh fai kelh a tul kher em ni le" alo ti a.





inspector chuan rindiki chu rang fe hian a en vat a, chutah zawi sap hian "pi dik, i fanu chu kum engzat nge? rindiki chuan harsa tih hmel zet hian "aa ka pu, ka fanu hi" a han ngawi vang vang a, chutah zuai raih hian "sir ka fanu hi kum 26 na a hmang mek ta ve ang"





Inspector chuan "chu, a kum a la nau hle mai a, hetiang thil han ti duh tur chuan a thisen in ala ngam hauh lovang le" chuveleh francisa chuan "nilo sir, ka u hi i rin ang ngawt kha anilo ang" alo ti a, rindiki chuan ngei hmel zet hian a fapa chu alo melh rawm rawm a, inspector chuan chu chu lo hmu in "anih chuan pensy-i chuan ngaihzawng a nei ngai em? Tin i pa nen hian in kar thalo engemaw sawi tur an nei ngai em? I pa hi ngaihzawng chungchangah a khirh thin em? Tin pi dik nangpawh, i pasal nen in mu dun lo niin i sawi tak kha, in inkar a tha vak lo a niang maw?"





Rindiki chu alo thaw hawk a, chutah francisa bawk chuan "ka u hian ngaihzawng chu a neiin ka hria, mahse" a ngawi leh vat a, inspector chuan nin hmel zet hian "imm ti ru, thudik tak zel i sawi ang u, hetia awmze awm lova hun khawhral mai mai tur kan nilo asin, misual hi tunge anih hriat hi kan tim deuh tlat niin ka hria" awmze nei tak chuan rindiki chu a melh zauh bawk a.





Rindiki chuan dam diai hian "ka pu, ka fanu hian fa a nei tawh a, pasal erawh ala neilo" inspector chuan a mit ko chu san ak in "hui ham, tunlai khawvel tak hi chu a nunrawng ani tiraw pi dik, i fanu pawh chu khawi lam tlangval emaw in alo bum ve ngei tawh tihna ani maw? Rindiki en ha chung chuan a han ti a.





Rindiki tawng hma chuan francisa chuan "ka u hi bum a ni hleinem, a ngaihzawng nen an lo puk lawk ve mai chauh ani, a diktak chuan thla leh mai khian a fa a pai sak nen chuan an innei dawn alawm"





"Chu, a va ropui leh si ve" tiin inspector chu a han nui sang a, "awle pi dik, i pasal mobile phone chu alo thleng e, ka han en a nge" tiin a chhuahsan ta a.





Rindiki pasal edena mobile phone chu a han check ta a, call history ah chuan edena thih ni tlai lamah dar nga ah a fapa francisa nen a an inbiakna hmuh tur a awm a, zan dar riatah chuan mi pahnih a be bawk. Inspector chuan chu mi te chu chhinchhiah in rindiki te awmna lam ah chuan a tek phei leh ta a.





"Pi dik, i pasal in a mi biak te pahnih pawh hi rinhlelh kai an ni thei ang, a chhan chu zan dar riatah an inbiakna hmuh tur a awm a, an ni chuan zan rei tawhah i fapa francisa lo haw hunah, pawn lama chuak tur leh a fapa lo haw chu lo ngaihven tura hrilhin thiam takin an tawngbum pawh ani thei. An ni pawh chu thu zawhfiah an tul ang. Chuan nangni pawh nang leh i fanu pawh chu a mobile phone enfiah a tul bawk ang. Chuan francis" francisa chu alo hawi chhuak vat a,





"francis, nangpawh i thian te, a bikin i hnathawhna hmun a mite number ka mamawh bawk ani. An ni pawh chu thu zawhfiah ka duh ani" Francisa chuan "aw sir ni e, aw khami zan ka haw tur pawh kha ka thian te pahnih fela leh muana te khan khaw pawn thlengin min rawn thlah thlap nghe nghe alawm. I duh phawt chuan thu i zawt fiah thei ang, mahse sir, min rawn zui ru duh tur em chuan ka ring chiah lo ma nge"



"nilove francis, chumi lam anilo, a awmzia chu nakinah ila hre mai ang"





Francisa pawh chu chhuah a ni leh ta a, Amaherawhchu police lamin case an buaipui chhung chu khawi ah mah hmun dangah lo chhuak vak lo tur a tih a ni thung. Inspector chuan rinpuia hnenah chuan "rinpui min hrilh teh, misual ber chu tunge ni ta ang? Pi rindiki, a ni hian a pasal nen an mudun lo a room hran ve ve ah an mu hrang niin a sawi a, an inkar a that vak loh thu a sawi a, tin a fanu pensy, a ni pawh hian sawn paiin fa a nei a, a nu leh pa ngaihdan a ni kher lo maithei, a pa nen a in mihran phah hial na tur khawp a tling a ngem? Tin francisa a ni leh a, a ni erawh ama insawi dan in a pa nen a an inkar chu midang zawng aiin a tha a, a pa chuan a duat in a hmangaih viau niin a insawi a, amah itsik tu thil tih ni te pawh in a hria a nih kha, mahse amah itsik a han tal awh tir duh tur mi rinhlelh a nei mai lo niin a lang a, an ni pathum zingah hian tu emaw ber hi an ni thei mai a ngem? nge ni a an ni pathum hi an lo tangrual reng zawk ni ang.





"Rinpuia chuan "sir, a tu emaw ber hi chu an rinhlelh awm lo thei lo. A chhan chu francisa tal awhtir turin francisa kawr kha a mamawh tlat si a, tin francisa hun hman dan tur zawng zawng kha a hre vek bawk a, mahse an ni pathum tang ho ang a ngaihdan siam kha chu a fuh chiah lo ka ti thung, a chhan chu tang ho nise francisa hi tal awhtir tum kher kha a tul em ni? Tin, an nufa thum hi tang khawm pawh nise hetiang teh nuai hi chuan thil a thleng in ka ring lo. Police hnena thlen kher lo pawhin felfai takin lungphu chawl emaw thil dang emaw hmang a lantir in chet a lak theih tho si a, francisa ber hi huat rawn a ni ang a, tal awh tir dan an dap pawh a ni thei in ka hria, mahse francisa ber in han rinhlelh tur a hriat bawk siloh chuan keimahni lam hna ani ta in ka hria"





Inspector chuan "imm ni e, a dik thei vek, chuan police hnena thlen tu kha tunge ni kha? rinpuia chuan "yma president niin ka hria" inspector chuan "awle, a ni pawh chu thu zawhfiah ka duh hle mai, yma president chuan ama thu a police hnen a thlen nge anih a, mitthi chhungte thlen tir zawk tih lai a kha kan hriat vat a ngai ani" A ti ta a.





Ni khat dang a liam leh a, edena chu vuiliam a ni tawh a, khawhar inah chuan then leh rual laina hnai te chu an la chuangkai reng a. Sawi sep sep a tam in zeldin leh ngaihruatna pawh a piang nasa na ngiang mai.





Inspector leh rinpuia te pawh chu chanchin ngaihven tur leh rinhlelh te thu zawtfiah turin chet an la ve leh ta a.





In chhungah chuan mi an lo awm nual a, a landanah chuan chhungkhat hnaivai leh thenawm khawveng te an ni tih a hriat theih.





Inspector remruata chuan nu ber rindiki lam chu a pan thuai a, rindiki pawh chuan inspector alo hmuh veleh chuan alo chhawn nghal thuai a, inspector chu thingpui te pe in inspector zawhna chhang tur chuan inspector nen chuan inhma tawn chuan an thu ta ran mai, inspector chuan in chhung chu han thlek kual dan dan in "pi dik, i pasal nen a in mut hran thu kha i sawi a, a tir khan ka bengkhawn lem lo viau a, mahse kan sawi dun a tul ta niin a lang" rindiki chuan a thil sawi tur chu a sawi chak hauh lo ani tih a lang reng mai. "aw pu inspector, kar liam ta atang khan kan mu hrang alawm"





inspector chuan "engvang a mu hrang nge in nih? Rindiki chuan "aa, ka pasal nen hian kan lo innei rei ve ta a, kan inhne ve te pawh a ni ang a" inspector chu a han rum nghut a, "pi dik, thu ho mai mai sawi pui tur che a lokal ka nilo a nia" a han ti a, rindiki chu a phawk kher mai, "ka pu, aa, ni e, ka pasal chungchang hi sawi ka duh lo viau thin a, mahse a tul bawk si anih chuan ka han hrilh poh che a niang chu, ka pasal nen hian kan inkar a tha vak lo ani. Ka ngaihdan chuan ngaihzawng min neih san niin ka hria ani" Inspector chuan "tunge a ngaihzawng chu? alo ti a, rindiki chuan "ka hre chuang lo, a ler thar riau ni in ka hria a, kei hi min hne hmel deuh deuh hian a awm fo bawk, chu chu ka ngaithei talo va kan mu hrang ta ani"





Inspector chuan "chu chu thudik a ni maw? Rindiki chuan "Aw ni e inspector, thudik ngei ani e, khak erawh a kha phian mai" tiin a mit chu a rumol ken hmang chuan a han hru a, inspector chuan uluk fe hian "ngaihzawng a nei ngei ani tih fiahna a awm silo a, mahse a ler san tlat che a hriatna erawh i nei si a, i ngaih a tha tlat silo a"





"aw inspector, a fiahna erawh ka nei hauh lo, mahse ka pasal khan kei nilo midang thlakhlelh a nei tih ka chiang. A na pawh ka ti"





"awle pi dik, ka zawhna chin bak zel che chu thil dang i sawi lo teh ang" Inspector bawk chuan "khaw nge i pasal mobile phone kha? uluk takin rina hian lo check leh rawh se, ngaihzawng chu alo nei reng em tih hriat a tul tlat" tiin a pasal mobile phone chu a han dil a, rindiki chuan a fanu hnenah chuan "mami, i pa phone kha lo la teh" a han ti a, pensy-i pawh chuan a fapa chu lo buaipui mek in a nu hrilh ang chuan a pa mobile phone chu a han la a, chumi pah chuan an thenawm tlangval, nakin mai a a pasal la ni tur mike-a hnenah chuan "mike, bawiha hi lo en lawk teh, ka pa phone ka han la lawk a nge" a han ti a,





inspector chuan rinpuia chu han mit sir zauhin rinpuia chuan a awmzia erawh alo man viau lo niin a lang. chutah inspector bawk chuan thawk han lak halh pah chuan "i tupa chu a niang maw, a va hmeltha ve" tiin an piah a naupang leh tlangval chu a han thlek ha a, chumi pah chuan inspector chuan "chuan saw saw tunge tlangval saw" a han ti a, rindiki chuan "aa, a ni saw kan thenawm tlangval mike-a anih saw, mami pasal tur ka tih kha" alo ti thuai a, chumi rual chiah chuan a fapa francisa chu an kiangah chuan lokal in "kan makpa la ni mai tur fel em em anih saw sir" a rawn ti a, Chuveleh inspector chuan "imm, chu pensy-i pasal tur chu maw? tichuan naupang saw a fapa tihna maw? a han ti deuh ha a, rindiki chuan "aw ka pu, pensy-i nen a an fa anih saw" alo ti zuai raih mai.





Inspector chuan rindiki hmel ngui lap leh phur lo hmel chu en ha chung chuan "ka pi chu i va lawm loh hmel ve, i lawm zawng a awm meuh lo a niang maw? hei hi i pasal pawh khan a ngaihdan ani thin tihna em ni? Ka sawi awmzia chu i pasal khan i fanu in hetia pasal lova fa a pawm hi a ngaihdan a nilovin i fanu nen an hian an pafa inkar a that loh phah em? Rindiki chuan "aa ka pu, chu lam chu nilove, ni e mike-a anih saw, thenawm maiah hian an awm a, pu thanhawla te fapa mal anih saw, mami nen hian an inzui ve a, nia hei fa te pawh an lo nei lawk anih ve hi, an ni chhung hi zawng kan tangkai puiin a chhia a tha ah pawh min tawiawm a min uap reng thin tu te an ni a, an tello a khawsak dan hi kan thiam meuh tawh lo zawng anih hi maw, mami pa pawh khan mami hetia a han awm ta mai hi chutin a lungkham lem lo, thil mawi chu a ni hauh lo, mahse chutia pafa inkar han khik chat phahna khawp erawh a ni lem love" tiin a nui ve ta a.





Inspector lah chuan a dil chhut tulh tulh mai. "Chu, in chhungkaw tan a mi tangkai tak chu han biak chhiat mai mai chi lah an ni hauh lo anih lah tak chu mawle" tiin mike-a te pafa awmna lam ah chuan ava insuan phei ve ta mauh mai a, mike-a chu ngun taka en in "tlangval, kum engzat nge i nih tawh reng reng? a han ti a, mike-a chuan "aa sir, kei ve teh lul hi maw? tiin a nau pawm chu a han kuah nghet sauh sauh a, chumi lai chuan pensy-i pawh kha lo let leh tawhin a pa mobile phone kha rinpuia chuan a lo la a, a han enfiah nghal vat bawk a,





mike-a chuan nui sang chung chuan "kum 20 chunglam zet zawt chu ka ni ve tawh e" a han ti a, inspector chuan "mike, i pa hi eng ang mizia nei nge? i hmuh dan min han hrilh teh, hetia pensy-i nen fa te in han nei hi a ngaihdan chu a ni vak lo a nga tiraw? Nupa kar nilo thil ani si a" a han ti a, mike-a chuan hrilhhai hmel a pu lek lek mai "aa, ka pu, ka pa hi maw, nia ka pa anih vang nge ka hre lo, ka hmuh dan chuan pa tha tak, chhungkaw ngaihtuah em em mai leh fate tan a inpe em em mai niin ka hria, pensy-i leh kan fapa avang a chutia kan lak a rilru thalo pu duh tur a ni lo, tin tunah pawh hian yma lamah hruaitu te a han ni ve a, kohhran leh khawtlang lamah pawh hian theitawp chhuah mi hi a ni ve asin"





Inspector chuan "chu, pu edena chu yma ah hruaitu alo ni reng a ni maw? a han ti a, chuveleh mike-a chuan nui sang pah chuan "nilove, aa ka sawi tak zawk chu ka pa diktak zawk hi nia, ni e pu edena pawh hi tet te atang a ka pa ang tho chu a ni e" inspector chuan mike-an a zawhna a chhan dan atang chuan an thu a inhmu fuh lo tih hria in mike-a fapa, naupang chu uluk fe hian a han en a, naupang in ulbum a ken chuan a mit a la hle mai bawk.





Rinpuia chuan a pu hrilh lawk ang in pensy-i mobile phone pawh chu a han enfiah sak bawk a, tin mitthi ta pa ber phone a mi a thih zan a a mi biak te chu a han ennawn leh thlap bawk a, tin ngaihzawng a nei ni a han rinhlelh theihna lai tur awm te chu a han chhui pah rauh rauh bawk a.





"imm, nangni pafa hi pafa in chhun fuh tak in ni ngat mai" ti a nui sak chung chuan rindiki te lamah chuan inspector pawh chu a insuan phei ve leh ta a, rinpuia chuan "sir, hei ka en mek zel e, mahse pu edena hi chutiang a ngaihzawng nei a han rinhlelh theihna tur awm ka hmu zo tlat lo, a mi biak thin te hi hna lam a a thawh pui te deuh zel an ni si a, tin hmeichhia hi a be tam lo viau bawk, a hmeichhe biak chhun te hi amah ang kum rual leh nutling tak tak te an ni hlawm, tin pensy-i call history leh chat list te pawh ka en sak a, a mi biak ho pawh ka chhinchhiah e" a lo ti a, inspector chuan "imm, awle mahse pu edena chu chuti anih si chuan a nupui a thlakhlelh lohna chhan dang a awm tihna a ni leh mai, khalam zawng i ngaihven lutuk lo teh ang, amah in ala rawn lang chhuak mai ang" tiin rindiki chu a han thek leh ha a, chutah a hmel a zawhna tamtak langchhuak chung chuan "pi dik, i pasal leh i fate inkar hi a tha tak tak a maw? a han ti leh a,





rindiki chuan ngun taka ngaihtuah chung chuan "ka pu, mama nen hi chuan an inngeih in a pa pawh hian a duat thin viau mai, kei leh mami nen erawh hi chuan engemaw thu ho te te a han inhnial leh chiam erawh kan ching thin hle, mahse kan inhnialna erawh a ho thin teh a nia, mipa leh hmeichhia in an lohna a ni ber ang chu" a lo ti a.





Pawn boruak te chu an han hip vang vang a, an rilru leh ngaihtuahna te chu han remkhawm in an hnuchhui mekah chuan hma lam pan zel ni a inhriatna nen beiseina te chu an han chhui dawn vang vang a, chutah inspector chuan a duhtawk a a ngaihtuahna a kawm hnu chuan rinpuia hnenah chuan "rinpui, hma kan sawn zel em? A han ti a, rinpuia chuan "sir, ka ngaihdan chuan an ni chhungkua bik hi ti fel phawt mai ila, hmasawnna hmuh tur chu a lang chiang deuh mahna, tunah rih hi chuan nu ber leh pensy-i hi rinhlelh an nih theihna lai tur a awm ve tho mai, edena thih zan khan pensy-i hian mike-a chu dar 10 ah a bia a, an ni hi inngaizawng an nih kha, khami zan khan pensy-i hian mike-a hmu turin pawn ah a chhuak lovang tih a sawi theih hauh loh, a pa thih zan dar sawm a mike-a a be ringawt pawh khan ngaihtuah a ti thui thei ve tlat ani" a han ti a.





Inspector chuan a mit chu a han chhing vang vang a "imm, thil awmzia chu thup bo reng theih ani hleinem, tunah meuh zawng huaisenna leh inrintawkna tlem neih belh kan la mamawh e tih thil chauh ani tawh" Rinpuia chuan a pu thusawi awmzia chu a man viau lo "enge i sawi awmzia ni a?" inspector chuan "rina, boruak te hi han hip ve vawng vawng mah teh, boruak han thianghlim tawh loh zia hi, ka hre thei mai, boruak tak ngial pawh a rimchhia a a bawlhhlawh anih si chuan mihring thinlung chhungril lo tenawm theih tur zia leh lo bawlhhlawh tur zia hi" tiin inspector chuan boruak chu a han hip leh vang vang a.





A pu khawsa zia chu a hrethiam viau lo, mahse a pu awmdan atang chuan a pu chuan thil awmzia a hmu thiam tan ani tih a hrethiam mai a.





"Ni e rinpui, inrintawkna leh huaisenna kan mamawh, a chhan chu kan pi te chhungkua hi an chhungkaw thuruk kan phawrh chhuah sak dawn chauh avang leh zawhna khirhkhan tak tak nen kan veh thlem zel dawn avangin" a han ti a,





Rinpuia chuan "sir, i thusawi awmzia ka man ve hauh lo mai, heti hian kan zawt a nga maw? pi diki hnenah i pasal hi i that em ni? tiin maw? nge ni a pensy-i hnenah zawk hian hetia pasal nei silo a fa i hring lawk hi i zak em? tiin kan zawt a nga maw?





inspector chuan nuih sak pah chuan "chu em em zawng vanram kai phah hialna tur thil te anih ngawt loh chuan ka thil tih loh tawp tur a ni maithei, chumi anih loh vek chuan chu ai mah a zawhna tawh khirh leh nelawm lo zawk mah chu kan zawh pawh a tul ang tih ka hlau hlel love" alo ti a, chutah boruak bawk chu han hip lut leh vang vang in "chu rina, boruak chu a rim i hria em? bawlhhlawhna leh tenawmna rim ka man tel tlat ani"





rinpuia chuan chutia a pu in boruak a han hnim leh vung vung thin chu nuam lo ti zet chung chuan "ti teh sir, i lut teh ang, miin mi a emaw te min lo ti riau riau a nge" a han ti a, inspector chuan hmanhmawh lo zet hian "ngawi teh rinpui, chu, rim chu i hre ve miah lo a maw? a han ti leh a, rinpuia chuan "eng rim teivet maw sir? alo ti hlar tawh mai.





inspector chuan "imm, ka rintawk vel a ni, ka thusawi tur avang hian Pathian chuan min lo ngaidam mawlh rawh se" tiin a kut chu a han suih sauh sauh a, chutah inspector bawk chuan "kha nau kha, naupang kha mike-a fa anih ka ring thei lo" a han ti a, rinpuia chuan teu zet hian "imm, chu em em zawng Pathian in i thupha chawi lehna tur a haider luih sak tlat palh ang che tih ka va hlauh pui che em" pawi tih hmel zet chuan alo ti a.





Inspector chuan "nilo mike-a fa a ni lo, kha tlangval fa kha a ni tlat lo ani. A pa nen a in an na reng ka hmu tlat lo, a pa kha vun ngo lam leh mitmeng zau kak mai a ni a, mahse naute kha chu a vun rawng a danglam tlat ani, tin a mitmeng kha a zim tlat a, a khabe leh a hnar chen in" tiin a lu chu a thing na na a,





rinpuia chuan a pu thusawi chu a ngaihven ta deuh, "chuan engtin zel? Keipawh in a pa nen khan an in ang lo ka lo ti ve tho asin, mahse in an vek sen ani bik silo" alo ti a, rinpuia vek chuan "mahse, a nu a chhun tihna pawh a ni mai alawm" a han ti leh a, inspector chuan "nilo rinpui, thil hi i chik anih rau rau chuan thudik hmuh tum thin rawh, a nu pawh kha mitmeng zau lam a ni a, vun rawng pawh a eng pangngai viau mai"





"Mahse, mi pakhat tu emaw chu chhun deuh a nei" rinpuia chuan "sir, i a ta mai em ni? Alo ti a, inspector chuan "nilo rinpui, pu edena hian fanu a neilo, pensy-i hi a fanu a ni reng reng hleinem, hemi vang hi anih ngei dawn hi edena leh pensy-i inkar a engemaw inngaihna sual alo awm tak ni" tiin inspector chuan pawi tih hmel zet a a lu dawm vawng vawng chung chuan rinpuia chu in chhung lamah a lut san nghal daih a.