THINLUNG DIK NEITU_Last Chapter

[April Hmar Liverpool]

Thinlung Dik Neitu



Bung thum



Rindki chuan inspector zawhna chu chhangin police hnen a a pasal mi kut tuar a a thih thu rawn thlen tu kha yma president anih thu a han hrilh a, amah rindiki chuan misual kuttuar anih ngei a rin tlat avang a police hnen a thlen vat tura a duh thu leh a hrilh thu chu a hrilh ta bawk a,



yma present pawh chu khawhar in ah chuan a rawn lang remchang ve hlauh bawk nen inspector chuan edena ruang an chhar tuk a thil thlen dan te chu a han zawt ve leh hnuhnawh bawk a, yma president pawh chuan rindiki'n police lam hriattir tura a tih tlat avang leh tualthahna ngei ni a a rinhlelh tlat avang a khatia police lam hriattir ta kha an nih thu te chu a han hrilh ve malh malh bawk a.



inspector leh midang te bengverh zar tur in yma president chuan he thu hi a hrilh tel bawk, khatia police hnen a hriattir an han tum kha rindiki te thenawm, pensy-i pasal la ni mai tur mike-a pa pu thanhawla chuan a remti mai lova, rilru fim zawk put a tul thu leh misual pawh alo nilo thei a, hnuhma engmah hmuh tur a awm silo nen, tin mipui lam an tih ralkhel vak a hlauh thu te, inspector chang a nilo, midang pawh chuan chu thu chu an lo ngaihven riau mai.



Chuveleh rindiki pawh chuan "ni e pu inspector, kan yma president sawi tak ang khan pu thana khan khatia misual thil tih ni a ka rinhlelh na kha a pawm ve chiah lo niin ka hria, police lam hriattir ka tum kha min lo khap deuh nghe nghe a, mahse keini khan kan rawn thlen ta tho a ni" alo ti ve bawk a.



Inspector chuan "imm pu thanhawla chu in in chhungkhat en viau a ni lawm ni? a han ti a, rindiki chuan "aw chhungkhat en tehreng mai, a fapa mike-a leh ka fanu pensy-i te hi innei mai tawh tur an ni a, tin i hriat tak ang khan hei fa pawh an nei tawh a" a han ti leh a,



inspector chuan rindiki chu thlek vang vangin "imm ka hria e, mahse engvang a pu thanhawla chuan police hriattir chu duh lo nge anih ang? Keini police lam hi min ring zo lo deuh tih na a niang maw" tiin a han nui lui deuh sang a, rindiki chuan "ka hre lo le pu inspector, misual thil tih anih kha a ring lo a ni chek a nga" a han ti a, inspector chuan "chumi anih loh chuan police hriattir duh lohna chhan dang a awm tihna a ni mai" alo ti a,



Pawn boruak te chu an han hip leh vang vang a, chutah Inspector chuan rinpuia hnenah chuan "rina, nu ber pi rindiki pawh hi a pasal nen an inkar thalo in a pasal in ngaihzawng nei a hria in mu hrang hial mahse, a pasal thihna chu tualthahna ni a ringhlel tu leh police hnena thlen tum tu ber ani leh roh si a, misual chu a ni lo thei ve leh tlat mai, amaherawhchu kan pi te chhungkua hi kan ngaih ang ngawt an ni lo tawp mai, an chhungkaw buai ru tak leh bawlhhlawh ru tak chungchang hi mite hriat an duh hauh lo tih a hriat ta, a chhan chu pi diki hian an chungkaw thil phawrh a tul a piang in a sawi hreh in tarlan a chak lo ani tih a lang reng a, chuvang chuan hemi lamah hi chuan mi pakhat min pui thei tu tur leh chet lak a sawt zawkna tur a awm, chu pa chu francisa kha ani.



"Ngaihtuah ta che rina, francisa'n a farnu chu kan ngaih ang ngawt anih bik loh thu a sawi atang a hetia fa pawh nei tawh anih thu leh ngaihzawng pawh a neih thu te, pasal la nei mai tur anih thu thleng a hre ve ta hi kan nih kha maw, francisa kha ka kawm leh teh ang, mahse chumi hma chuan pi diki ngei hi thil awmzia diktak min hrilh turin ka nawr phawt duh ani, tualthattu nilo mahse an chhungkaw chanchin diktak hi a ka atang ngei a hriat hi ka duh ani" a han ti a, rinpuia chuan "engtin maw sir? alo ti hu mai.



Inspector remruata chuan rindiki hnenah chuan "pi dik, i pasal leh i fate inkarah hian thuruk zep engmah a awm lo ni khan min hrilh a" chhuahchhal aw tak chuan a han ti leh a, rindiki chuan "aw ka pu, thudik alawm ka sawi" alo ti ha mai. inspector chuan "imm anih chuan pi dik, i tupa hi a hmel a tha hle mai, a pa diktak hi min hrilh thei a ngem? A han ti a, rindiki chu a meng phar awn awn mai, "eng chungchang nge i sawi tak mai ka pu" a han ti a.



inspector chuan "imm thudik chu alo kha tak tak anih dawn hi" tiin sitting room lam a dawhkan a ulbum chu a han kawk a, "saw tah sawn thudik chu a awm a ni lawm ni? a han ti a, Chuveleh rinpuia leh midang an thusawi lo hre pha thenkhat chuan inspector kawhna lam chu an thlek nghal thap mai, mak erawh an ti tlang deuh nge ni an hawi hai tlang hle thung a, inspector vek chuan "i fanu pensy-i hi nangma fa bik nge i pasal fa bik? a han ti leh a, rindiki chu a meng phawk kher mai, a tawngchhuak lawk thei lo, chumi lai chuan a fapa francisa chu alo inrawlh vat a, "nu, ka u hi ka unau nu diktak a ni em? Alo ti ve ta khauh mai bawk, rindiki chu a mang a ang ta kher mai.



"Pu inspector, hriat loh tur tur in hre ta ani, phawrhchhuah loh tur tur phawrhchhuah in a awm ta, he thu hi khami ni atang khan ka sawi chhuak leh tawh ngailo ang tiin ka intiam a, mahse ka pasal thihna avang hian bawhchhiat in a awm phah dawn ta anih hi" a han ti a, inspector chuan rinpuia hnenah chuan "rina, ulbum saw ka hmu fuh lovang tih ka hlau ta hle mai, ka rin dan hi a dik ngei niin a lang, ulbum saw va la teh" a han ti a.



A hmel chu a ngui in a phur lo kher mai, chutah a theihtawp a aw zangkhai put luih hram hram tum chung chuan rindiki chuan "ka pu, mami hi kan fa tak a nilo. Kan fa lak a nia, chuan engtin nge chu chu i hriat? chuan ka tu pa chungchang pawh kha i sawi tel a, a pa tak tak tunge tih min zawt a, kha kha chu i hriat hnu niin ka hria, mike-a, kan thenawm tlangval hi ka tu pa pa chu ani alawm"



Inspector chuan rindiki thusawi chu a ngaihven lo kher mai, ulbum chu han la in "imm, he laiah hian thudik tak chu a chuang vek alawm, hei hi in chhungkaw ulbum a ni tiraw?



"aw ni e inspector"



"chuan he ulbum a thlalak thenkhat, chhungkaw kim a thlalakna ho bik ah hian member pathum chauh an awm a, chungte chu nang leh i pasal leh francisa te hi an ni, khatia i tupa leh i makpa ni mai tur mike-a te kiang a thuthmun rem a mike-a thu tlem a zawng ka zawt lai kha min lo hmu anih chuan khami lai khan he ulbum, naute in alo khal lai kha ka hmu a, ka han en pah vel a, kha tah khan heng in chhungkaw thlalak te hi ka hmu a, mahse engvangin nge pali nilova pathum chauh in nih? pensy-i ni tura han ngaihbel tur naupang kha hmuh tur a awm ve tlat lo ani"



"Tichuan le, he thil hi sawi a nuam viau lo, mahse ka sawi chhuah ngei erawh a tul tlat ani, i tupa leh i makpa la ni mai tur mike-a te hi an hmel leh vun rawng ah in an na reng an nei lo tih hi ka hmu a, a nu pensy-i lah a chhun hauh chuang silo, chuti anih chuan tunge a pa diktak chu ni ta ang tiin ka ngaihtuah ta ani"



Chuveleh rindiki chuan rapthlak tih hmel fe hian "nilo mike-a lo mipa dang an awm thei lo" alo ti a, inspector chuan "imm, i tan chuan an awm thei lo ani maithei, mahse mi pakhat chu a awm" Pensy-i leh a nu chu an lo dang sawp sawp thei hial mai.



Chuveleh francisa chu lo inrawlh vat in "ka pu, kha lam kha chu duhtawk ang u, misual hnuchhuina atan a thil tangkai tak niin a lang lem lo tlat ani" alo ti vat a, inspector chuan tim lo zet hian "ka hnuchhuina ah hian thil tangkai lo a inrawlh buai hi ka nei khat viau asin" alo ti let khauh a. Chutah rindiki chuan "ka pu, pensy-i chu kan fa tak chu a nilo ngei alawm, mahse ka tu pa bena lehzel hi chu awih har ka va ti tak" alo ti a,



inspector chuan "a pa chu i hre duh lo em ni? alo ti leh zel a, chu lai hmun a lo awm ve te chu an lo ip chawih chawih thei hial mai. Inspector chuan rindiki chu en ran in "mi zawng zawng hriat a tlangzarh kher hi thil tul ani lo maithei asin" a ti ta zawk a, chuveleh midang lo awm ve te chuan engemaw chhuanlam siamin haw chu an rawt ta tliar tliar hlawm a.



Boruak chu a rit kher mai, in chhungah chuan thenawm te pafa leh nu ber rindiki leh pensy-i, francisa leh inspector te thian dun chu an ni a, thanhawla chuan inspector thusawi chu pawm ngam harsa tih hmel zet hian "pu inspector, bawitea pa hi ka fapa anih siloh chuan tunge ni ta ang? Inspector chuan pensy-i chu a en vang vang a, "chu zawng, a nu chauhin a hria e" a ti ta a. Midang ho chu an lo thaw huai hlawm a.



Pawnlam boruak chu duhthawh takin an han hip leh vawng vawng a, rinpuia pawh chuan a pu thusawi chu a tawm pui thar ta riau bawk. Boruak chuan rim engemaw tak nei ni hian a hre ta tlat mai a, a pu in bawlhhlawhna leh tenawmna a tih awmzia kha a hrethiam tan niin a inhria, chutah thil hriat belh chak fe hian "sir, pensy-i fa paina chu tunge anih i hre tak tak em? Tin ama pa edena nen hian innngaihna khurah an tlu lut dun ni deuh khan i sawi lang zauh mai a" A han ti a, inspector chuan "imm ka hria chuan ka inhria, mahse thil kal zel dan tur hi a kual thui zel dawn niin a lang, midang rinhlelh theih tur an lang thar zel a" a han ti a, rinpuia chuan "sir, tu chu nge rinhlelh tur chu? alo ti vat a, inspector chuan "kan pi diki hian thil min hrilh tha duh tlat lo nge ni a engmah a hre lo tak tak zawk ni. Imm naute pa chu i hre duh tak tak ang maw?" a han ti a.



rinpuia chuan "aw hre duh tehreng mai, nakinah kan la hriat ve hmel tho va" alo ti vat a, inspector chuan "imm, ka thusawi tur avang hian anchhia em chu min lawh suh ang che" a han ti a, rinpuia chuan "imm awle awle, ka insum hram hram a tul dawn tihna a ni maw? a han ti a, a inseh ruh nghal ul ul mai.



chutah inspector chuan "imm heti zawng hian han ngaihtuah teh, tun hnai maiah pa ber chuan a nupui chu thlakhlelhna leh itna reng reng a nei lo thut mai a, chu chu amah hrechiang em em tur a ngaih a nupui chuan alo hai hauh lo, tichuan a pasal nen chuan an mu hrang ta hial reng a, a pasal chu a ringhlel zui a, ngaihzawng nei ah a ngai a a ler san niin a ring ani. Mahse a ngaihzawng chu tunge anih a hre silo, a ler rukna hmuh tur leh hriat tur a awm silo, mahse mak tak maiin an fanu pensy-i chu a rai hlauh mai a, fa te pawh a nei a, a fa paina ni a an puh chu a ngaihzawng nge ni a amah ngaizawng tu zawk mike-a ani.



"Mahse a fa paina pa ber ni a an puh mike-a leh a fapa chuan in an na lai reng reng hmuh tur an nei silo. Mahse mike-a hian a khawsa zia leh a awmdan atang reng pawh hian pensy-i hi a hmangaih in a duh takzet ani tih erawh a chiang reng thung. Tichuan le, an fanu fa paina chu mike-a a nih tak silohah chuan tunge ni ta ang?



Rinpuia chuan "ka rei leh! lalpa leh! a han ti a, inspector chuan "kha reng kha asin, ka thusawi tur hian ngaihno a bei lo nasa a nia" a han ti a, rinpuia chuan "chuan engtin zel" alo ti a, a inseh ruh nasa tawh hle bawk.



Inspector chuan "imm, a chiang reng tawh mai alawm, pensy-i hi an fanu diktak alo nilo lehzel si nen, a pa hrawn ti mai ila edena nen hian inngaihna sualah an tlu tihna a ni ngei ang, chumi anih loh chuan edena hian a fanu hi engtin emaw tak a thunun hneh hle tihna a ni mai, chulai inkar tak chu ka hriat duh vang a nia khatia rindiki hnen a a pasal leh a fate inkar a boruak thalo a awm leh awm loh chungchang ka zawh sek nachhan ni.



"Mahse eng boruak thalo mah a awm lo anih chuan edena hian a fanu hi a thunun hneh hle a ni thei a, a fanu hian a pa hi a hlau hneh hle tihna anih chu, chumi anih loh pawh in pa leh fa inkarah hian hmangaihna diklo leh bawlhhlawh te pawh alo tlazep pawh a ni mahna le, ka sawi awmzia chu pensy-i duhthu ngeiin a pa nen hian fa an nei tihna a ni thei anih chu.



Rinpuia chuan "mahse sir, pi rindiki kha chuan a pasal leh a fapa francisa bik tih loh kha chu an ni nen hi chuan boruak tha an nei lo ve fo thin thu a sawi kha, an inhnial na pawh thu ho te te anih thin thu a sawi kha" inspector chuan "imm ni e, pensy-i hi hei leh chen heti tak a a nu laka a inthup thei anih chuan a pa hi a hlau hle ani thei a, a pa hian thah ah pawh a lo vau fo tawh pawh a ni thei, chumi anih loh chuan pensy-i ngei pawh hian ama duhthu ngei anih vang a ni ang"



"mahse pi rindikin engmah tun thleng a ala hre ve lo erawh mak kati takzet, tin khatia hman ni mai a pu edena mizia inthlak thut leh a nupui thlakhlelhna nei lo ang mai a a awm te, ngaihzawng nei ang mai a a awm te kha a chhan ni a lang ta chu, a hma zawngin a nupui a nin chang a a thlak tu tur a fanu ti tuai nalh tak chu alo awm tawh thin vang a ni mai a, mahse tun hnaiah a ngaihzawng mike-a nen a inneih an han tum tak rum rumah chuan pa ber rilru chu a dam lo tawp maithei ani.



"A fanu pasal nei tur chu a lawm viau lo tawp ang, chumi avang a khatia a mizia pawh inthlak thut kha a ni reng a, a fanu pasal nei tawh mai tur chu ngai a kur in alo lungleng lawk viau pawh a ni thei, a nupui lakah ngei pawh chuan tun hma a alo inthup thiamna zawng zawng hlauh thak khawp in a khawsa ta a, an lo mu hrang ta hial si a"



Rinpuia chuan "mahse sir, a finfiahna a awm silo a, zeldin thu hla mai mai ani" a han ti a, inspector chuan "pu edena mobilephone ka check sak lai khan pu edena thlalak kha ngun tak in ka chik alawm, a hmel awmdan, a vun rawng chen in ka hmu, khatia pensy-i fapa ka han hmuh ruala pu edena ka hmu tel ta tlat mai kha ka inthiam lovin ka thluak te hi a buai ta ang hialah ka ngai hman asin"



rinpuia chuan "mahse pu edena chu pensy-i pa a ni a, mike-a emaw pensy-i emaw alo chhun lo deuh anih pawhin a pu chu a chhun fuh hle tihna a ni mai alawm" inspector chuan "rina, pensy-i hi edena fanu a nilo tih chu kan hriat kha" alo ti a, inspector vek chuan "edena leh pensy-i hi thisen inzawm miah lo an nih avangin pensy-i fapa in edena alo chhun fuh ve ngawt nachhan tur kha a awm lo. Alo chhun fuh hle anih chuan ka zeldin te chu a dik tihna a ni mai"



Rinpuia chuan "imm, chuti anih chuan pensy-i fapa chu a pa pu edena fapa ngei anih chu i rinhlel ta tihna a ni a, ava han mak ngai ve maw le" tiin a meng zau leh kawk thin a, inspector chuan "mahse, heng zawng zawng hi hnu kan chhui zui zel dawn anih si chuan kan phawrh lan vek a tul tlat si ani. kei ngei pawh hian sawi hreawm ka ti takzet, hemi chungchangah hian rinhlelh theih tawk fang chuan thil erawh a inhne rem thei tho bawk.



"Pensy-i hi a pa hian hun rei tak chhung chu alo sal bet tawh a ni maithei a, a nu hriat miah lohah a pa hian a khawsak pui fo a ni maithei. tichuan he saltanna lak ata hi talchhuah dan a theih ang ang in a dap in tawngtai na thlengin a hna pui ber pakhat a ni ngei ang, tichuan vanneihthlak takin Pathian in zah a ngai a, pensy-i chu talchhuahna tur kawng a kawhhmuh ta hlauh mai a, tlangval fel tak leh rilru zau tak mike-a, an thenawm pa ni bawk nen chuan hmangaihna hrui hrual a thlunzawm an lo ni ta ani.



"Ka rindan chuan mike-a hnenah hian a nun hreawm tak chanchin chu a hrilh fai vekin ka ring tlat ani. Tichuan mike-a pawh chuan hmangaihna nen dawhthei takin ruahmanna a nei chho ta a, tichuan pensy-i fa pawh chu ama fa ang ah an chhuah ta a, tin a lehlamah hetia mike-a fa ang a an chhuah pawh hi edena tan tak pawh a pawi lovin a hmingchhiat na tur hliahkhuhna tha tak a ni ve thei tlat a ni.



"mahse inneih em an tum erawh alo ring phal ngai hauh lovang, mahse inneih mai chu tha in an hre ta tlat si a, edena lung awi lohna thlen tu chu tunge ni ta? a fanu leh a bialpa mike-a te chu maw le, tichuan thil kal zel dan tur chu i chhut thiam tawh mai em?



Rinpuia chuan ngun fe hian a han chhui dawn rauh rauh a, chutah hrethiam ta ni awm tak chuan a lu chu dawm in a hmel chu a ngui kher mai, harsa ti zet chung chuan "lalpa leh! edena thattu te chu pensy-i leh mike-a te maw? inspector chuan "thil chiang tak ala nilo tih erawh hriat tel a tha a nia" alo ti thuai a.



Rinpuia chuan "imm a tha e, mike-a tan chuan a hmangaih em em pensy-i nun ti chhe tu leh nawmchen nan a hmang tu, a pa laktlak loh zet mai chu a va huatthlalawm dawn in ava ngeiawm thin dawn tak em ve maw le, vuak thluk mawlh chu a thil chak ber tur zing a mi a ni ngat mai. Mahse engvangin nge pawi sawi lo francisa chu tal awhtir anih tak le?



Inspector chuan "zawhna tha tak a ni, mahse rinpui, i ngaihtuah thui lutuk duh anih kha" alo ti a, rinpuia chuan "nilo sir, thil awmzia a lang fiah telh telh anih hi, ni e a ni awm teh tak e, mike-a pa thanhawla khan edena tualthihna kha tualthahna anih kha a ring lo a, police hnen a thlen pawh kha tullo kha a ti a ni lawm ni?



Inspector chuan "ni chiah mai" alo ti a, rinpuia chuan "chuti anih chuan mike-a pa pawh hi a inhnamhnawih ngeiin ka ring tlat ani. A fapa leh pensy-i te thlavang hi a hauh ngei ang, mi dukdak lo leh mi hnaisai lo lutuk mai bawih a tan tir reng chu a phal bik hauh lovang le, mahse engatinge mi zawng zawng hian heng thuruk tenawm tak te hi an lo hre ru vek tawh tihna nge? mike-a pa pawh a bang silo"



inspector chuan "rinpui, pi rindiki a tawng that duh loh dan em em mai te leh mike-a te pafa he lama an rawn lang zing lutuk mai te hi thil hriat ruk an nei anih kha ka rinhlel daih tawh asin. Mahse pi rindiki hian heng zawng zawng hi a hre ve hauh lo tak tak thei a, a chhan chu a pasal nen khati khan khum hrangah mu in an inngeih loh lai tak ni mahse, a pasal a han boral chiah khan a tuar in a sun hle ani tih a lang a, tin tualthihna ni ngei a a ngaih tlat danah khan a rilru a fim hle a, thil nihna diktak kha a hmuh thelh tlat lo ani, a pasal kha a ngaihtuah takzet tih a lang bawk, tin police hriattir ngei kha a duh bawk a, chuvang chuan pi rindiki hi chu pawisawi lo leh engmah hre ve lo ni ah ka ngai ani.



"Mahse a mi bum thiam luat vang alo nih vaih zawngin pa ber awm ngaihna hre lo lutuk hi inthurual in an vawhlum ta ni ah ka ngai ang" Rinpuia chuan "imm ni e, thil ni thei a ni, francisa an tal awhtir nachhan pawh a chiang ta mai alawm, a pa nen an inti thiam bik a, a pa pawhin a duat in a duhsak bik a, an ni nu ber leh a farnu tan kha chuan ngeiawm a tling ngei ang. Francisa chu an awk chiang takzet ani"



Inspector chuan "inthurual thil tih lo ni ta se, engvanga police hriattir kher nge an nih? lungphu chawl emaw thil dang vang a boral angah pawh an chuah thei tho awm si a, chuvang chuan pi rindiki tih loh midang zawng, pensy-i, mike-a leh mike-a pa thanhawla, midang pawh an la awm maithei" rinpuia chuan "ni e a dik Sir, tunah rih chuan anmahni pi rindiki pawh tiam hian engmah thil awmzia kan hriat vek tawh thu hi la hrilh chi niin ka hre lo, a chhan chu evidence rintlak tak kan la mamawh a ni. Chiang tak a an inrin hman hma hauh a kan phih awh theihna turin eng insawifiahna mah in awmzia a neih theih lohna turin"



Inspector chuan "chu zawng rina, thil neih harsa ber pakhat a ni ngei ang. Francisa ber khan engemaw evidence tangkai deuh tur min han kawhhmuh theih nan kawng hmang hria se ka ti kher mai. In a haw chu garage ah a lut a, engmah thil danglam a hmu lo a, a hre hek lo, in ah lutin a mu zui ani mai chauh si a"



Rinpuia vek chuan "aa sir, heti zawng hian ti ila, evidence lem i siam mai ang hmiang, an mahni tihdan ang chiahin a ruk a ral a chet kan lak ruk ve mai a tul niin ka hria" a han ti a, inspector chuan nui var var pah chuan "ngaihdan tha tak ani, mahse engtin?



Rinpuia chuan "sir mike-a te in ah hian ka lo leng lut a nga, enge maw hmanrua emaw rumol ang chi pawh a awm anih chuan ka lo la ang, tichuan pi rindiki te in khawi laiah emaw khan kan dah anga thisen lem kan tat a nga, mike-a ta ngei ani tih an hriat hnuah an buai tan dawn ani.



"Engtik lai in nge chu thil chu chu lai hmun a an dah that tih chu an ngaihtuah a nga, tichuan" rinpuia chuan a ngaihtuahna chu a hmang ngun kher mai "tichuan, e aw mike-a thawmhnaw engemaw ber ka ruk a ngai ani, tichuan ka ha ang a, zan laiah pi rindiki te in lam pan hian ka kal ang a, an garage lam panin ka kal dawn ani, chumi lai chu camera in min lo la zel ang a, tichuan chu camera tawi te avang chauh pawh chuan khami zan a tualthattu kha mike-a ngei anih rinhlelh awm ani dawn ta ani.



"chu thlalak chu lo la ru tu awm ang in kan chhuah a nga, chu video tawi te rawn viral ta avang chuan mike-a chu a inpuang maithei asin, keini lamin kan dawp bawk a nga" inspector chu a nui hak mai. "A ropui lutuk tlat rinpui, zan rei tawh lama mike-a, pi rindiki te in lam pan a kal lai video tawi te chuan mike-a te thil tih sual chu a rawn tarlang dawn ta ani, mahse khami zan a mike-a te chet dan nen lo inpersan viau ta si se, ka sawi awmzia chu mike-a chu amah a kal lovin emaw a kawr hak chu a dang daih lo ni ta si se, siam chawp ani tih an hre nghal ang a, anmahni chu rinhlelh niin evidence kan nei silo ang a, evidence lem kan siamchawp ta ani tih an man rang dawn lutuk, tawh an khirh zual sauh zawk ang"



Rinpuia chuan "imm, chuti anih si chuan engtia han tih chi nge ni dawn ta ni? tiin hrilhhai zet hian a lu thak lo pui mai chu a hiat nauh nauh a, chutah inspector chuan muang fan raih hian "chuti anih tak si ah chuan nuam ti viau dawn lo mah ila hei erawh kan tih theih awm chhun a ni si ani" a han ti a, rinpuia chuan "eng chu maw sir" alo ti vat a, inspector chuan "thudik kan hailang vek tawh ani tih hi kan hrilh ang" Alo ti a.



Rinpuia chuan "mahse sir, tualthattu ngei an ni tih finfiahna kan neih siloh chuan" alo ti a, inspector chuan "chu em em zawng ni love, tual an that tih hi finfiahna kan neih hma chu tualthattu an ni tih hi keini lam pawhin kan pawm tur ani mai rih lo. Mahse hei erawh ka chiang, pa ber edena nun tawp tak chungchang te, pensy-i nen an inkar te, pensy-i fapa chu pa ber fa anih thu te, thudik kan neih sa hi kan phawrh zel phawt ang, nakinah chuan inthup reng sen ani dawn hleinem, misual leh a chetdan zawng zawng chu alo la lang em em ang"



Rindiki chuan ngun tak leh uluk tak chuan inspector in a hrilh thu thin thawng tak tak leh kha tak tak te chu a ngaithla dauh dauh reng a, pensy-i leh francisa te pawh chuan hnuai lam bih ngat ngat chung chuan an lo ngaithla ve ran mai. Thenawm thanhawla te chhungkua erawh an rawn lang lo thung a.



A pasal leh a fanu inkar a thuruk bawlhhlawh tak lo awm te, chumi rah chhuah chu a tupa a duat leh a ngainat em em mai bena anih thu te, mike-a pawh chu thil engkim a hriat ve an rin thu te, tin pensy-i leh mike-a te chu tualthattu ni a rihlelh theih an nih chungchang te a han ngaihthlak zawh tak kelhah chuan rindiki chu a thu hnawk a, a chal chu dawm vawng vawng in a khur zawih zawih thei hial mai, a mitmeng chu a phelh phang a, amah inringtawk lo zet leh mangang zet a hawi kual ruai chung chuan "mami, thudik a ni em? A han ti a, pensy-i chu a hmui hup in a kun hniam nghal rawih rawih a, chutah harsa ti tak chung a thaw hlawp hlawp chung chuan "ka nu, min ngaidam rawh, i fanu a vuah tlak ka ni ta lo" tiin a tap khur ta zawih zawih mai a.



Francisa chuan a u chu lainat hmel taka rawn kuah in "ka u, lungngai reng reng suh, mi rapthlak kan pa chu a awm tawh hleinem, tunah chuan hremhmunah thawn liam in a awm tawh alawm" a rawn ti a.



Rindiki chuan a tu pa pawisawi lo hmel tak mai leh rilru thianghlim tih hriat tak mai a han hmuh chuan a thinlung chu chhun ang mai niin a hria, a tliak hnawp a ni ber mai. "Bawihte, ka lo va han mawl rei em ve aw, i pu niloin i pa alo ni reng zawk si a" a insum thei ngang lova, a tap zui bawrh bawrh mai a.



Thenawmte chhungkua pawh an rawn lang ve leh ta nge nge a. Chutia pi rindiki te chhungkua lungchhe van kai a lo tap bawrh bawrh an han hmuh takah chuan an hrilh a haiin a ngaihna an hre lo hle mai. Thanhawla chuan a aw chu a han thian kharh kharh a, "e khai, eng ti zai zia nge ni ta ngai" tiin pi rindiki lam chu a pan thuai a, mike-a chuan nau te chu a nu hnen atang chuan a lo la vat bawk a. Chuveleh naute pawh chu a tap ve ta raih raih mai.



Inspector leh rinpuia chu an thu ngawi reng ringawt a, thanhawla nupui lianmawii chuan inspector hnenah chuan "ka pu, eng ka ti zo ta nge le? a han ti a, inspector chuan zawi sap hian "thudik chu a kha fak reng ani, nilo a na ani" tiin a melh ngai chu a melh vang vang mai.



Rinpuia chuan pi lianmawii chu lo chhawn thuai in "ka pi, pi diki te chhungkua nen a in inthenawm na hi a rei tawh em? Alo ti a, lianmawii chuan "e khai, kum tam tak ani tawh, enge ni ta? a han ti a, rinpuia chuan "ka pi, i fapa mike-a hi thu zawhfiah kan duh ani" A han ti leh a, lianmawii chuan a ngaihna hriat loh hmel fe hian "e aw, chu lam zawk chu maw ni, mama kha thu an zawt duh che anih kha, khawi bawihtea kha chu ka lo pawm ang" a han ti thuai a.



Thutkhawmna pindan lamah chuan mike-a thu zawtfiah tur chuan inspector leh rinpuia te nen chuan an insuan phei ta a. Mike-a chu inspector leh rinpuia awmdan avang chuan a ngaih chu a that loh hmel kher mai. "Sir, enge ni ta? a han ti deuh ha a, inspector chuan bung zet hian "mike, i nupui la ni mai tur pensy-i hi i hmangaih tak tak em? Mike-a chuan "pensy-i maw? aw, hmangaih tehreng mai, ka thinlung zawng zawng in ka hmangaih alawm" alo ti thuai a. A inrintawk hmel cherh chawrh viau mai bawk.



Inspector chuan "imm, mahse mahni fa nilo han enkawl seilen chu thil awl ai tak a ni dawn lo ania" a han ti a, rinpuia chuan "i enkawl hman lo maithei bawk" alo ti a, mike-a chuan phawk fe hian "sir, enge awmzia? a han ti ha a, inspector chuan "bena hi i fa anilo tih hi i hria tiraw? a han ti a, chutah mike-a pawh chuan zuai raih a meng dul raih chung chuan "ee, in hrechhuak ta nge nge a ni maw" alo ti a,



inspector chuan "imm engkim kan hre tawh, kan buaina ber zawk chu tualthattu chu tunge anih tih lai a hi ani" A han ti a, Chuveleh mike-a pawh chuan inspector thusawi awmzia chu hrethiam in "sir, tualthat thei dinhmun a ka lo ding a ka mi thah tur a chu he pa edena hi alo nih ngai chuan ka thil tih hreh loh ber te zing a mi a ni ngei ang, ama fanu nunna ngei pawh anchhedawng a siam tu leh pawisak leh lainatna nei miah lo a rawng taka hmeichhe pakhat chung a khawsa duh tu chuan hremhmun bak lo chu enge chan tur a neih bik chuan ang" inspector chuan "mahse, a fanu remtihna la hmasa thlap a thil ti alo ni reng thei asin"



Mike-a chu a hmel a dur nghal khup khup thei hial mai, "tih sa loh loh anih chu ka pu, thil i man thiam dawn lo a ang tlat" tiin a ner sawk a, rilru na tih hriat tak mai hian a melh ngai chu a melh vawng vawng mai.



Inspector chuan "chu, a fanu remtihna tel miah lovin a pa chuan nawmsip a bawl i tihna em ni? Mike-a chuan "pu inspector, thudik chu a kha a, a na i ti ani tiraw?



"imm ni e"



"Chuti anih chuan thudik chu i hria e, he nula khawngaihthlak awm tak nun ah hian Pathian chuan chhanchhuahna lawng ni turin kei hi min ruat ani, bawlhhlawhna leh tenawmna puan in a nawm chen ai chuan tih duh dah te leh hreawm tuar te tan ka ke hian mel sang tam tak pen ngai dawn pawh nise chu ngei chu ka thlan tur ani. He pa edena hi ka kut zal ngei hian a thil tihsual man hi pe dawn ta ila ka tih ngei ka ring. Mahse chu thil titu ka nilo erawh thil pawi ber ani zawk hial ang. A chiang viau em? Inspector chu alo bu nghat a, chutah a thutna hmun atang a thochhuak hluai pah chuan a mobile phone lo ri chu a han en a, chutah rinpuia hnenah chuan "ti teh rina, misual chu i man dawn tawh teh ang" tiin a mobile phone chu a han lek kang va a.



Rinpuia chuan "sir, heng ho hi engtin nge ni dawn? pensy-i pawh, tin pu thanhawla pawh hi kan man nghal mai dawn em ni? a han ti khur khur a, inspector chuan "imm, an ni hi chu misual an ni lo" alo ti a, phawk fe a inspector en chung chuan "engtin maw? Hrilhhai fe hian "mahse sir engtin? An ni hi misual an nih siloh chuan a tu chu nge misual chu ni ta ang a? A ti ha mai. Inspector chuan uluk taka a nu kuah chung a lo hnem malh malh tu francisa chu en in "hei, he lai a hi kan misual chu a awm e" a ti ta a.



"Ka duh lo inspector, hetiang chuan min man ngawt thei lovang" tiin a han tang ren rawn a, chutah inspector chuan rum zet hian "min bum tum tawh suh tlangval, engvang a i pa hi that nge i nih? I pa in i u laka thil tenawm tak ti a a suah sual rawngbawlna chu kan hria e, mi tenawm tak chu a ni ngei mai, mahse dan chu dan ani, pa tak in i thil tihsual hi a man hmu turin i hmachhawn ngam dawn lo em ni? francisa chuan "nu, u pensy, pa than, misual ka nilo in hriat kha, keimah tal awhtir min tum mai mai ani. Han hrilhfiah ta che u"



Inspector chuan nin hmel fe hian a mobile phone chu a han lek kang a, "hei en rawh, i hnathawhna hmun a i thian tha em em mai fela anih hi, a ni hian maw kha kawr thisen kai nuan mai bawlhhlawh bawm a i paih tak kha in a i haw dawn zan khan i hak thu min hrilh asin. Hei en rawh, ama aw ka ngei i hre duh kher em? Francisa chu a meng zau kawk a, a khur nghal zawih zawih thei hial mai.



Inspector chuan "imm, a kham awm ta, francis, mi tumah in tal awh tir che an tum lo, nangma thil tih vek alawm anih. I haw zan khan kha thawmhnaw kha i ha ngei ani tih mit a hmu tu i thianpa fela hian a sawi vek tawh. Hei en rawh, hei hi thisen kaina kawr kha anih hi, evidence atan a ka lak khan thisen kai hi ka tih reh tir a, tichuan a hma zawng leh a hnung zawngin thla ka la a, i hnathawhna a i thian te number ka dil che anih kha, an ni hnenah chuan he thlalak hi ka thawn a, in thianpa in he kawr hi a ha thin em' tiin ka zawt a, an ni chuan maw, i hak fo thu min hrilh asin,



"tichuan i rawn haw dawn zan pawh khan i hak nghe nghe thu te chu an sawi lehzel anih chu, hei en rawh, ni hnih kal ta a mi he kawr i ha lai thlalak ngei i thianpa fela'n i in ring lo lai alo lak fuh chu anih hi, min rawn thawn anih hi, chu mi awmzia chu in a i rawn haw hma ni pawh khan i ha i ha tawh a, a thlalak nen lam ka nei vek. Tichuan i thil tih sual man hmu tur chuan i inpeih tawh em?



Francisa chuan aw tham tuak chung chuan "khatih lai zawng khan he evidence tha tak mai nei reng chung khan kan chhungkaw thuruk hriat tum in chet ilo la mai mai tihna a ni maw? tualthattu ka ni tih a finfiahna i nei reng a, mahse engvang nge? inspector chuan "aih, nilove, ka hre lawk bik lo. Ngun tak a ka ngaihtuah hnuah nangmah ngei hi ka ringhlel leh che a, tichuan hei ilo ni ngei bawk a" tiin francisa chu a melh pawh a melh tha peih meuh tawh lo.



Chutah francisa chuan "awle a tha e, ka han sawifiah a nge, engvang in nge ka pa chu ka thah maw? In hre duh tak tak a maw? a han ti ve ta nge nge a, inspector chuan nin hmel fe hian "aw, hei i nu leh i farnu, i makpa la ni mai tur leh pu thanhawla, an ni hnenah hian han insawifiah ta poh che" a han ti ve ta bawk a.



Francisa chuan aw ki hniam raih mai hian "ka pa ka thah chhan chu in hria e, a tan tirah chuan ka u kha ka haw takzet, engvang a thih tha a tang lo kha nge anih tiin ka lo inseh ruh nasa hle mai a, mahse ka u awmdan danglam tak leh ruih nei ni awm tak avang chuan ka u chu a rui hle ani tih ka hrethiam ta ani.



"Inkhawm in ka nu chu a chhuak a, inkhawm tum ve tho ka ni a, mahse engemaw ka hriat ni, ka peih leh lo tlat mai a, in ah haw in mut mai mai ka tum ani, mahse khatia ka pa leh ka u khum a an lo inchai thial thial kha ka thil hmuh a ni ta mai a, engvang in nge ka u kha ka lo tanpui loh tiin tun thleng hian keimah leh keimah hi ka in haw ngawih ngawih thin ani.



"Ka pa chu thah ka chak takzet, ka u kha damdawi in a hrai rui ngei ani tih ka u awmdan ah khan ka hria ani, ka u kha a chau takzet a, kha ti chung khan a theihtawp chu a chhuah, mahse a theihtawp kha a tlem ka lo ti hle a, ka u kha ka ngai khawlo hman thelh ani, tichuan harsa leh hreawm ti tak a ka pa in ka u a khawih lai ka en zawh thak hnu ah chuan ka pa chuan ka u chu thah ah a vau zui a, mi hnenah a sawi anih vaih chuan amah ka u mai nilo, ka nu chen chuan thah a tum thu a sawi a, tichuan a in tur a a hriat loh hlan a damdawi a telh thu te chu ka u nuihsawh a hmusit tak chung chuan a hrilh vel ani.



"Mahse kha kha a tawpna a nilo, a bultanna chauh alo ni, khatiang hun kha ka tawng fuh thei riau lehnghal a, ka u khan tap chung leh rilru tliak tak meuh meuh chung in khatiang thil tenawm kha a paltlang fo thin ani.



"Chu chu hun kal tawh ani. Ka u chu a rai a, amah ngaizawng em em thin tu mike-a nen hian an inzui chho ta a, mike-a pawh khan a awmdan leh ka pa a en dan atang khan thil engkim a hre vek tawh ani tih ka hrethiam reng"



"Hun a kal zel a, mike-a leh ka u chu inneih te hial anlo tum ve ta a, kei kha hmun hranah hna thawk a ka awm bo fo avangin in lamah ka awm tam tawh ngailo a, mahse khatia ka awm bo hnu khan ka pa hian kei hi min ngaihven in min chhui zui ru riau a hriatna hi ka nei ta tlat mai a, in a ka haw chhunah te hian min tih lawm dan tur ngawt mai hi a ngaihtuah thin a, a chhan pawh ka hrechhuak thuai a, ka pa chet dan zawng zawng kha kei khan ka lo hre ru vek ani tih ka diary a ka ziak chu ka pa in alo hmuh fuh palh vang alo ni.



"Mahse ka pa khan min vau a hnekin min duat zual sawt zawk a, tlawn tak te in min tlawn thin zawk ani.



"Mahse tumkhat chu ka pa nen chuan ka hna chungchangah kan inhmu thiam lo ta hlauh mai a, tichuan kan inkar chu a ruk tak chuan a thalo chho ta viau mai ani, mahse a lang thei chinah erawh ka pa nen chuan pafa induat tak leh inngai tak ang in kan awm zel tho.



"Ka u in pasal neih a tum hnu khan ka pa chu thinurna leh lungawilohna hlirin a khat chho ta a, inthup tum thin mahse ngun tak a a khawsa zia lo thlir reng thin tu a fapa hian ka hai mawlh silo.



"Tichuan le, in a ka haw tur chu ka pa chuan tlai lam dar nga vel bawrah chuan min rawn bia a, chatuan a bopil hlen tur leh ka hmel chu a hmuh phaka in lan tawh ngai lo tur chuan min rawn hrilh ta mauh mai a, min mamawh em em lai a ka awm ve ngai loh avang te chuan a thinur a, ka u in pasal a neih chuan khawhar leh mal reng reng a a hringnun a hman tawh tur thu te, chung te chu keimah vang vek anih thu te min hrilh a, ka haw anih vaih chuan min hmuh rual a min hnawhchhuah leh nghal tur thu te chu min hrilh ani.



"Mahse kei chuan haw chu ka tum lui ta tho va, in ka thlen veleh khan ka thawm hria in ka pa kha a rawn tho a ni ngei ang, ka bulah chuan lokal in min en rum hle mai a, chutah muangchang a pawn lam a va chhuak in thing tum bung nen a lokir leh a, kei chu hremna pek deuh hlek ka ngaih tur thu te chu min hrilh a, chutah a thu min hrilh leh tak avang chuan kei chu ka pum in ka sa hal chhuak ta thut mai ani,



"ka u chu a hmangaih thu leh a tello va a nun hman reng chu a theih loh tur thu te chu min han hrilh leh ta tehreng a, kei chu tualthah chak in ka sahal nghal huam huam tawh, ka pa thing ken chu ka laksak lawk a, na zet hian a lu ah chuan ka vaw ta ani.



"khur ngawr ngawt chungin min rawn bawh a, kei chuan motor kiangah chuan kalo nam tlu nghal hnawk a, ka pa chahthlak fel hnu chuan ka thing ken chu tuichhe luankawrah chuan ka theh thla a, ka kawr a thisen kai hnuang chu paih bo na mai tur ka hriat loh avang leh kan thawm hria a midang an rawn harh zui mai ka hlauhthawn em avang chuan bawlhhlawh bawmah chuan ka dah ta ngawt mai ani. In ah ka lut a, thawm dim takin ka mutna room lam ka pan nghal a, ka bawk nghal thlawp a, ka pa khan a sual man chu a hmu ani, sual man chu thihna ani si a"



Inspector chuan "awle a tawk e, a tawk e, imm, tunah chuan i farnu testimony hi tlem a zawng hriat ve leh ka duh ani" alo ti a. Mittui parawl teuh chung chuan francisa chuan a u chu a en ran a.



Pensy-i chuan lungchhe taka inhnit hlawp hlawp chung chuan "ka pa, ka pa, engtik lai pawhin min chawm seilian tu ka pa a ni reng tho ang, ka laka a chetdan leh a khawsak dan zawng zawng te kha Pathian in min tlan tura kross a hreawm tinreng a tuarna nen kha chuan engmah tham a ni hauh lo asin.



"Heng zawng zawng hi tawp tawh rawh se, heng zawng zawng hi Kan tan a tha tur zawk a Pathian remruat ani, ka pa boral phah na tur khawp a ka nuta pa pawikhawihna erawh Pathian chuan ngaidam mawlh zawk rawh se, ka pa kha ka pa anihna bak in ka en ngailo a, ka tan chuan ka pa ani reng thin a, a ni reng fo ang, ka hmangaih reng tho ang" A tap zui rawih rawih mai a.



Inspector chuan a mit chu a khap sawk thei hial mai. "imm, hei hi ka mumang chu a ni em silo a maw, a va han mak ngai ve le! heti tak a amah nghaisa a tenawm taka khawsa tu a pa laka thinlung dik nei tlat tu hi ka vawikhat tawnna ani ngat mai ka ti" a ti chhuak sap a.

[christopherverduzco]

April Hmar Liverpool wrote:
> Thinlung Dik Neitu
>
>
>
> Bung thum
>
>
>
> Rindki chuan inspector zawhna chu chhangin police hnen a a pasal mi kut
> tuar a a thih thu rawn thlen tu kha yma president anih thu a han hrilh a,
> amah rindiki chuan misual kuttuar anih ngei a rin tlat avang a police hnen
> a thlen vat tura a duh thu leh a hrilh thu chu a hrilh ta bawk a,
>
>
>
> yma present pawh chu khawhar in ah chuan a rawn lang remchang ve hlauh bawk
> nen inspector chuan edena ruang an chhar tuk a thil thlen dan te chu a han
> zawt ve leh hnuhnawh bawk a, yma president pawh chuan rindiki'n police lam
> hriattir tura a tih tlat avang leh tualthahna ngei ni a a rinhlelh tlat
> avang a khatia police lam hriattir ta kha an nih thu te chu a han hrilh ve
> malh malh bawk a.
>
>
>
> inspector leh midang te bengverh zar tur in yma president chuan he thu hi a
> hrilh tel bawk, khatia police hnen a hriattir an han tum kha rindiki te
> thenawm, pensy-i pasal la ni mai tur mike-a pa pu thanhawla chuan a remti
> mai lova, rilru fim zawk put a tul thu leh misual pawh alo nilo thei a,
> hnuhma engmah hmuh tur a awm silo nen, tin mipui lam an tih ralkhel vak a
> hlauh thu te, inspector chang a nilo, midang pawh chuan chu thu chu an lo
> ngaihven riau mai.
>
>
>
> Chuveleh rindiki pawh chuan "ni e pu inspector, kan yma president sawi
> tak ang khan pu thana khan khatia misual thil tih ni a ka rinhlelh na kha a
> pawm ve chiah lo niin ka hria, police lam hriattir ka tum kha min lo khap
> deuh nghe nghe a, mahse keini khan kan rawn thlen ta tho a ni" alo ti
> ve bawk a.
>
>
>
> Inspector chuan "imm pu thanhawla chu in in chhungkhat en viau a ni
> lawm ni? a han ti a, rindiki chuan "aw chhungkhat en tehreng mai, a
> fapa mike-a leh ka fanu pensy-i te hi innei mai tawh tur an ni a, tin i
> hriat tak ang khan hei fa pawh an nei tawh a" a han ti leh a,
>
>
>
> inspector chuan rindiki chu thlek vang vangin "imm ka hria e, mahse
> engvang a pu thanhawla chuan police hriattir chu duh lo nge anih ang? Keini
> police lam hi min ring zo lo deuh tih na a niang maw" tiin a han nui
> lui deuh sang a, rindiki chuan "ka hre lo le pu inspector, misual thil
> tih anih kha a ring lo a ni chek a nga" a han ti a, inspector chuan
> "chumi anih loh chuan police hriattir duh lohna chhan dang a awm tihna
> a ni mai" alo ti a,
>
>
>
> Pawn boruak te chu an han hip leh vang vang a, chutah Inspector chuan
> rinpuia hnenah chuan "rina, nu ber pi rindiki pawh hi a pasal nen an
> inkar thalo in a pasal in ngaihzawng nei a hria in mu hrang hial mahse, a
> pasal thihna chu tualthahna ni a ringhlel tu leh police hnena thlen tum tu
> ber ani leh roh si a, misual chu a ni lo thei ve leh tlat mai, amaherawhchu
> kan pi te chhungkua hi kan ngaih ang ngawt an ni lo tawp mai, an chhungkaw
> buai ru tak leh bawlhhlawh ru tak chungchang hi mite hriat an duh hauh lo
> tih a hriat ta, a chhan chu pi diki hian an chungkaw thil phawrh a tul a
> piang in a sawi hreh in tarlan a chak lo ani tih a lang reng a, chuvang
> chuan hemi lamah hi chuan mi pakhat min pui thei tu tur leh chet lak a sawt
> zawkna tur a awm, chu pa chu francisa kha ani.
>
>
>
> "Ngaihtuah ta che rina, francisa'n a farnu chu kan ngaih ang ngawt
> anih bik loh thu a sawi atang a hetia fa pawh nei tawh anih thu leh
> ngaihzawng pawh a neih thu te, pasal la nei mai tur anih thu thleng a hre
> ve ta hi kan nih kha maw, francisa kha ka kawm leh teh ang, mahse chumi hma
> chuan pi diki ngei hi thil awmzia diktak min hrilh turin ka nawr phawt duh
> ani, tualthattu nilo mahse an chhungkaw chanchin diktak hi a ka atang ngei
> a hriat hi ka duh ani" a han ti a, rinpuia chuan "engtin maw sir?
> alo ti hu mai.
>
>
>
> Inspector remruata chuan rindiki hnenah chuan "pi dik, i pasal leh i
> fate inkarah hian thuruk zep engmah a awm lo ni khan min hrilh a"
> chhuahchhal aw tak chuan a han ti leh a, rindiki chuan "aw ka pu,
> thudik alawm ka sawi" alo ti ha mai. inspector chuan "imm anih
> chuan pi dik, i tupa hi a hmel a tha hle mai, a pa diktak hi min hrilh thei
> a ngem? A han ti a, rindiki chu a meng phar awn awn mai, "eng
> chungchang nge i sawi tak mai ka pu" a han ti a.
>
>
>
> inspector chuan "imm thudik chu alo kha tak tak anih dawn hi"
> tiin sitting room lam a dawhkan a ulbum chu a han kawk a, "saw tah
> sawn thudik chu a awm a ni lawm ni? a han ti a, Chuveleh rinpuia leh midang
> an thusawi lo hre pha thenkhat chuan inspector kawhna lam chu an thlek
> nghal thap mai, mak erawh an ti tlang deuh nge ni an hawi hai tlang hle
> thung a, inspector vek chuan "i fanu pensy-i hi nangma fa bik nge i
> pasal fa bik? a han ti leh a, rindiki chu a meng phawk kher mai, a
> tawngchhuak lawk thei lo, chumi lai chuan a fapa francisa chu alo inrawlh
> vat a, "nu, ka u hi ka unau nu diktak a ni em? Alo ti ve ta khauh mai
> bawk, rindiki chu a mang a ang ta kher mai.
>
>
>
> "Pu inspector, hriat loh tur tur in hre ta ani, phawrhchhuah loh tur
> tur phawrhchhuah in a awm ta, he thu hi khami ni atang khan ka sawi chhuak
> leh tawh ngailo ang tiin ka intiam a, mahse ka pasal thihna avang hian
> bawhchhiat in a awm phah dawn ta anih hi" a han ti a, inspector chuan
> rinpuia hnenah chuan "rina, ulbum saw ka hmu fuh lovang tih ka hlau ta
> hle mai, ka rin dan hi a dik ngei niin a lang, ulbum saw va la teh" a
> han ti a.
>
>
>
> A hmel chu a ngui in a phur lo kher mai, chutah a theihtawp a aw zangkhai
> put luih hram hram tum chung chuan rindiki chuan "ka pu, mami hi kan
> fa tak a nilo. Kan fa lak a nia, chuan engtin nge chu chu i hriat? chuan ka
> tu pa chungchang pawh kha i sawi tel a, a pa tak tak tunge tih min zawt a,
> kha kha chu i hriat hnu niin ka hria, mike-a, kan thenawm tlangval hi ka tu
> pa pa chu ani alawm"
>
>
>
> Inspector chuan rindiki thusawi chu a ngaihven lo kher mai, ulbum chu han
> la in "imm, he laiah hian thudik tak chu a chuang vek alawm, hei hi in
> chhungkaw ulbum a ni tiraw?
>
>
>
> "aw ni e inspector"
>
>
>
> "chuan he ulbum a thlalak thenkhat, chhungkaw kim a thlalakna ho bik
> ah hian member pathum chauh an awm a, chungte chu nang leh i pasal leh
> francisa te hi an ni, khatia i tupa leh i makpa ni mai tur mike-a te kiang
> a thuthmun rem a mike-a thu tlem a zawng ka zawt lai kha min lo hmu anih
> chuan khami lai khan he ulbum, naute in alo khal lai kha ka hmu a, ka han
> en pah vel a, kha tah khan heng in chhungkaw thlalak te hi ka hmu a, mahse
> engvangin nge pali nilova pathum chauh in nih? pensy-i ni tura han ngaihbel
> tur naupang kha hmuh tur a awm ve tlat lo ani"
>
>
>
> "Tichuan le, he thil hi sawi a nuam viau lo, mahse ka sawi chhuah ngei
> erawh a tul tlat ani, i tupa leh i makpa la ni mai tur mike-a te hi an hmel
> leh vun rawng ah in an na reng an nei lo tih hi ka hmu a, a nu pensy-i lah
> a chhun hauh chuang silo, chuti anih chuan tunge a pa diktak chu ni ta ang
> tiin ka ngaihtuah ta ani"
>
>
>
> Chuveleh rindiki chuan rapthlak tih hmel fe hian "nilo mike-a lo mipa
> dang an awm thei lo" alo ti a, inspector chuan "imm, i tan chuan
> an awm thei lo ani maithei, mahse mi pakhat chu a awm" Pensy-i leh a
> nu chu an lo dang sawp sawp thei hial mai.
>
>
>
> Chuveleh francisa chu lo inrawlh vat in "ka pu, kha lam kha chu
> duhtawk ang u, misual hnuchhuina atan a thil tangkai tak niin a lang lem lo
> tlat ani" alo ti vat a, inspector chuan tim lo zet hian "ka
> hnuchhuina ah hian thil tangkai lo a inrawlh buai hi ka nei khat viau
> asin" alo ti let khauh a. Chutah rindiki chuan "ka pu, pensy-i
> chu kan fa tak chu a nilo ngei alawm, mahse ka tu pa bena lehzel hi chu
> awih har ka va ti tak" alo ti a,
>
>
>
> inspector chuan "a pa chu i hre duh lo em ni? alo ti leh zel a, chu
> lai hmun a lo awm ve te chu an lo ip chawih chawih thei hial mai. Inspector
> chuan rindiki chu en ran in "mi zawng zawng hriat a tlangzarh kher hi
> thil tul ani lo maithei asin" a ti ta zawk a, chuveleh midang lo awm
> ve te chuan engemaw chhuanlam siamin haw chu an rawt ta tliar tliar hlawm
> a.
>
>
>
> Boruak chu a rit kher mai, in chhungah chuan thenawm te pafa leh nu ber
> rindiki leh pensy-i, francisa leh inspector te thian dun chu an ni a,
> thanhawla chuan inspector thusawi chu pawm ngam harsa tih hmel zet hian
> "pu inspector, bawitea pa hi ka fapa anih siloh chuan tunge ni ta ang?
> Inspector chuan pensy-i chu a en vang vang a, "chu zawng, a nu chauhin
> a hria e" a ti ta a. Midang ho chu an lo thaw huai hlawm a.
>
>
>
> Pawnlam boruak chu duhthawh takin an han hip leh vawng vawng a, rinpuia
> pawh chuan a pu thusawi chu a tawm pui thar ta riau bawk. Boruak chuan rim
> engemaw tak nei ni hian a hre ta tlat mai a, a pu in bawlhhlawhna leh
> tenawmna a tih awmzia kha a hrethiam tan niin a inhria, chutah thil hriat
> belh chak fe hian "sir, pensy-i fa paina chu tunge anih i hre tak tak
> em? Tin ama pa edena nen hian innngaihna khurah an tlu lut dun ni deuh khan
> i sawi lang zauh mai a" A han ti a, inspector chuan "imm ka hria
> chuan ka inhria, mahse thil kal zel dan tur hi a kual thui zel dawn niin a
> lang, midang rinhlelh theih tur an lang thar zel a" a han ti a,
> rinpuia chuan "sir, tu chu nge rinhlelh tur chu? alo ti vat a,
> inspector chuan "kan pi diki hian thil min hrilh tha duh tlat lo nge
> ni a engmah a hre lo tak tak zawk ni. Imm naute pa chu i hre duh tak tak
> ang maw?" a han ti a.
>
>
>
> rinpuia chuan "aw hre duh tehreng mai, nakinah kan la hriat ve hmel
> tho va" alo ti vat a, inspector chuan "imm, ka thusawi tur avang
> hian anchhia em chu min lawh suh ang che" a han ti a, rinpuia chuan
> "imm awle awle, ka insum hram hram a tul dawn tihna a ni maw? a han ti
> a, a inseh ruh nghal ul ul mai.
>
>
>
> chutah inspector chuan "imm heti zawng hian han ngaihtuah teh, tun
> hnai maiah pa ber chuan a nupui chu thlakhlelhna leh itna reng reng a nei
> lo thut mai a, chu chu amah hrechiang em em tur a ngaih a nupui chuan alo
> hai hauh lo, tichuan a pasal nen chuan an mu hrang ta hial reng a, a pasal
> chu a ringhlel zui a, ngaihzawng nei ah a ngai a a ler san niin a ring ani.
> Mahse a ngaihzawng chu tunge anih a hre silo, a ler rukna hmuh tur leh
> hriat tur a awm silo, mahse mak tak maiin an fanu pensy-i chu a rai hlauh
> mai a, fa te pawh a nei a, a fa paina ni a an puh chu a ngaihzawng nge ni a
> amah ngaizawng tu zawk mike-a ani.
>
>
>
> "Mahse a fa paina pa ber ni a an puh mike-a leh a fapa chuan in an na
> lai reng reng hmuh tur an nei silo. Mahse mike-a hian a khawsa zia leh a
> awmdan atang reng pawh hian pensy-i hi a hmangaih in a duh takzet ani tih
> erawh a chiang reng thung. Tichuan le, an fanu fa paina chu mike-a a nih
> tak silohah chuan tunge ni ta ang?
>
>
>
> Rinpuia chuan "ka rei leh! lalpa leh! a han ti a, inspector chuan
> "kha reng kha asin, ka thusawi tur hian ngaihno a bei lo nasa a
> nia" a han ti a, rinpuia chuan "chuan engtin zel" alo ti a,
> a inseh ruh nasa tawh hle bawk.
>
>
>
> Inspector chuan "imm, a chiang reng tawh mai alawm, pensy-i hi an fanu
> diktak alo nilo lehzel si nen, a pa hrawn ti mai ila edena nen hian
> inngaihna sualah an tlu tihna a ni ngei ang, chumi anih loh chuan edena
> hian a fanu hi engtin emaw tak a thunun hneh hle tihna a ni mai, chulai
> inkar tak chu ka hriat duh vang a nia khatia rindiki hnen a a pasal leh a
> fate inkar a boruak thalo a awm leh awm loh chungchang ka zawh sek nachhan
> ni.
>
>
>
> "Mahse eng boruak thalo mah a awm lo anih chuan edena hian a fanu hi a
> thunun hneh hle a ni thei a, a fanu hian a pa hi a hlau hneh hle tihna anih
> chu, chumi anih loh pawh in pa leh fa inkarah hian hmangaihna diklo leh
> bawlhhlawh te pawh alo tlazep pawh a ni mahna le, ka sawi awmzia chu
> pensy-i duhthu ngeiin a pa nen hian fa an nei tihna a ni thei anih chu.
>
>
>
> Rinpuia chuan "mahse sir, pi rindiki kha chuan a pasal leh a fapa
> francisa bik tih loh kha chu an ni nen hi chuan boruak tha an nei lo ve fo
> thin thu a sawi kha, an inhnial na pawh thu ho te te anih thin thu a sawi
> kha" inspector chuan "imm ni e, pensy-i hi hei leh chen heti tak
> a a nu laka a inthup thei anih chuan a pa hi a hlau hle ani thei a, a pa
> hian thah ah pawh a lo vau fo tawh pawh a ni thei, chumi anih loh chuan
> pensy-i ngei pawh hian ama duhthu ngei anih vang a ni ang"
>
>
>
> "mahse pi rindikin engmah tun thleng a ala hre ve lo erawh mak kati
> takzet, tin khatia hman ni mai a pu edena mizia inthlak thut leh a nupui
> thlakhlelhna nei lo ang mai a a awm te, ngaihzawng nei ang mai a a awm te
> kha a chhan ni a lang ta chu, a hma zawngin a nupui a nin chang a a thlak
> tu tur a fanu ti tuai nalh tak chu alo awm tawh thin vang a ni mai a, mahse
> tun hnaiah a ngaihzawng mike-a nen a inneih an han tum tak rum rumah chuan
> pa ber rilru chu a dam lo tawp maithei ani.
>
>
>
> "A fanu pasal nei tur chu a lawm viau lo tawp ang, chumi avang a
> khatia a mizia pawh inthlak thut kha a ni reng a, a fanu pasal nei tawh mai
> tur chu ngai a kur in alo lungleng lawk viau pawh a ni thei, a nupui lakah
> ngei pawh chuan tun hma a alo inthup thiamna zawng zawng hlauh thak khawp
> in a khawsa ta a, an lo mu hrang ta hial si a"
>
>
>
> Rinpuia chuan "mahse sir, a finfiahna a awm silo a, zeldin thu hla mai
> mai ani" a han ti a, inspector chuan "pu edena mobilephone ka
> check sak lai khan pu edena thlalak kha ngun tak in ka chik alawm, a hmel
> awmdan, a vun rawng chen in ka hmu, khatia pensy-i fapa ka han hmuh ruala
> pu edena ka hmu tel ta tlat mai kha ka inthiam lovin ka thluak te hi a buai
> ta ang hialah ka ngai hman asin"
>
>
>
> rinpuia chuan "mahse pu edena chu pensy-i pa a ni a, mike-a emaw
> pensy-i emaw alo chhun lo deuh anih pawhin a pu chu a chhun fuh hle tihna a
> ni mai alawm" inspector chuan "rina, pensy-i hi edena fanu a nilo
> tih chu kan hriat kha" alo ti a, inspector vek chuan "edena leh
> pensy-i hi thisen inzawm miah lo an nih avangin pensy-i fapa in edena alo
> chhun fuh ve ngawt nachhan tur kha a awm lo. Alo chhun fuh hle anih chuan
> ka zeldin te chu a dik tihna a ni mai"
>
>
>
> Rinpuia chuan "imm, chuti anih chuan pensy-i fapa chu a pa pu edena
> fapa ngei anih chu i rinhlel ta tihna a ni a, ava han mak ngai ve maw
> le" tiin a meng zau leh kawk thin a, inspector chuan "mahse, heng
> zawng zawng hi hnu kan chhui zui zel dawn anih si chuan kan phawrh lan vek
> a tul tlat si ani. kei ngei pawh hian sawi hreawm ka ti takzet, hemi
> chungchangah hian rinhlelh theih tawk fang chuan thil erawh a inhne rem
> thei tho bawk.
>
>
>
> "Pensy-i hi a pa hian hun rei tak chhung chu alo sal bet tawh a ni
> maithei a, a nu hriat miah lohah a pa hian a khawsak pui fo a ni maithei.
> tichuan he saltanna lak ata hi talchhuah dan a theih ang ang in a dap in
> tawngtai na thlengin a hna pui ber pakhat a ni ngei ang, tichuan
> vanneihthlak takin Pathian in zah a ngai a, pensy-i chu talchhuahna tur
> kawng a kawhhmuh ta hlauh mai a, tlangval fel tak leh rilru zau tak mike-a,
> an thenawm pa ni bawk nen chuan hmangaihna hrui hrual a thlunzawm an lo ni
> ta ani.
>
>
>
> "Ka rindan chuan mike-a hnenah hian a nun hreawm tak chanchin chu a
> hrilh fai vekin ka ring tlat ani. Tichuan mike-a pawh chuan hmangaihna nen
> dawhthei takin ruahmanna a nei chho ta a, tichuan pensy-i fa pawh chu ama
> fa ang ah an chhuah ta a, tin a lehlamah hetia mike-a fa ang a an chhuah
> pawh hi edena tan tak pawh a pawi lovin a hmingchhiat na tur hliahkhuhna
> tha tak a ni ve thei tlat a ni.
>
>
>
> "mahse inneih em an tum erawh alo ring phal ngai hauh lovang, mahse
> inneih mai chu tha in an hre ta tlat si a, edena lung awi lohna thlen tu
> chu tunge ni ta? a fanu leh a bialpa mike-a te chu maw le, tichuan thil kal
> zel dan tur chu i chhut thiam tawh mai em?
>
>
>
> Rinpuia chuan ngun fe hian a han chhui dawn rauh rauh a, chutah hrethiam ta
> ni awm tak chuan a lu chu dawm in a hmel chu a ngui kher mai, harsa ti zet
> chung chuan "lalpa leh! edena thattu te chu pensy-i leh mike-a te maw?
> inspector chuan "thil chiang tak ala nilo tih erawh hriat tel a tha a
> nia" alo ti thuai a.
>
>
>
> Rinpuia chuan "imm a tha e, mike-a tan chuan a hmangaih em em pensy-i
> nun ti chhe tu leh nawmchen nan a hmang tu, a pa laktlak loh zet mai chu a
> va huatthlalawm dawn in ava ngeiawm thin dawn tak em ve maw le, vuak thluk
> mawlh chu a thil chak ber tur zing a mi a ni ngat mai. Mahse engvangin nge
> pawi sawi lo francisa chu tal awhtir anih tak le?
>
>
>
> Inspector chuan "zawhna tha tak a ni, mahse rinpui, i ngaihtuah thui
> lutuk duh anih kha" alo ti a, rinpuia chuan "nilo sir, thil
> awmzia a lang fiah telh telh anih hi, ni e a ni awm teh tak e, mike-a pa
> thanhawla khan edena tualthihna kha tualthahna anih kha a ring lo a, police
> hnen a thlen pawh kha tullo kha a ti a ni lawm ni?
>
>
>
> Inspector chuan "ni chiah mai" alo ti a, rinpuia chuan
> "chuti anih chuan mike-a pa pawh hi a inhnamhnawih ngeiin ka ring tlat
> ani. A fapa leh pensy-i te thlavang hi a hauh ngei ang, mi dukdak lo leh mi
> hnaisai lo lutuk mai bawih a tan tir reng chu a phal bik hauh lovang le,
> mahse engatinge mi zawng zawng hian heng thuruk tenawm tak te hi an lo hre
> ru vek tawh tihna nge? mike-a pa pawh a bang silo"
>
>
>
> inspector chuan "rinpui, pi rindiki a tawng that duh loh dan em em mai
> te leh mike-a te pafa he lama an rawn lang zing lutuk mai te hi thil hriat
> ruk an nei anih kha ka rinhlel daih tawh asin. Mahse pi rindiki hian heng
> zawng zawng hi a hre ve hauh lo tak tak thei a, a chhan chu a pasal nen
> khati khan khum hrangah mu in an inngeih loh lai tak ni mahse, a pasal a
> han boral chiah khan a tuar in a sun hle ani tih a lang a, tin tualthihna
> ni ngei a a ngaih tlat danah khan a rilru a fim hle a, thil nihna diktak
> kha a hmuh thelh tlat lo ani, a pasal kha a ngaihtuah takzet tih a lang
> bawk, tin police hriattir ngei kha a duh bawk a, chuvang chuan pi rindiki
> hi chu pawisawi lo leh engmah hre ve lo ni ah ka ngai ani.
>
>
>
> "Mahse a mi bum thiam luat vang alo nih vaih zawngin pa ber awm
> ngaihna hre lo lutuk hi inthurual in an vawhlum ta ni ah ka ngai ang"
> Rinpuia chuan "imm ni e, thil ni thei a ni, francisa an tal awhtir
> nachhan pawh a chiang ta mai alawm, a pa nen an inti thiam bik a, a pa
> pawhin a duat in a duhsak bik a, an ni nu ber leh a farnu tan kha chuan
> ngeiawm a tling ngei ang. Francisa chu an awk chiang takzet ani"
>
>
>
> Inspector chuan "inthurual thil tih lo ni ta se, engvanga police
> hriattir kher nge an nih? lungphu chawl emaw thil dang vang a boral angah
> pawh an chuah thei tho awm si a, chuvang chuan pi rindiki tih loh midang
> zawng, pensy-i, mike-a leh mike-a pa thanhawla, midang pawh an la awm
> maithei" rinpuia chuan "ni e a dik Sir, tunah rih chuan anmahni
> pi rindiki pawh tiam hian engmah thil awmzia kan hriat vek tawh thu hi la
> hrilh chi niin ka hre lo, a chhan chu evidence rintlak tak kan la mamawh a
> ni. Chiang tak a an inrin hman hma hauh a kan phih awh theihna turin eng
> insawifiahna mah in awmzia a neih theih lohna turin"
>
>
>
> Inspector chuan "chu zawng rina, thil neih harsa ber pakhat a ni ngei
> ang. Francisa ber khan engemaw evidence tangkai deuh tur min han kawhhmuh
> theih nan kawng hmang hria se ka ti kher mai. In a haw chu garage ah a lut
> a, engmah thil danglam a hmu lo a, a hre hek lo, in ah lutin a mu zui ani
> mai chauh si a"
>
>
>
> Rinpuia vek chuan "aa sir, heti zawng hian ti ila, evidence lem i siam
> mai ang hmiang, an mahni tihdan ang chiahin a ruk a ral a chet kan lak ruk
> ve mai a tul niin ka hria" a han ti a, inspector chuan nui var var pah
> chuan "ngaihdan tha tak ani, mahse engtin?
>
>
>
> Rinpuia chuan "sir mike-a te in ah hian ka lo leng lut a nga, enge maw
> hmanrua emaw rumol ang chi pawh a awm anih chuan ka lo la ang, tichuan pi
> rindiki te in khawi laiah emaw khan kan dah anga thisen lem kan tat a nga,
> mike-a ta ngei ani tih an hriat hnuah an buai tan dawn ani.
>
>
>
> "Engtik lai in nge chu thil chu chu lai hmun a an dah that tih chu an
> ngaihtuah a nga, tichuan" rinpuia chuan a ngaihtuahna chu a hmang ngun
> kher mai "tichuan, e aw mike-a thawmhnaw engemaw ber ka ruk a ngai
> ani, tichuan ka ha ang a, zan laiah pi rindiki te in lam pan hian ka kal
> ang a, an garage lam panin ka kal dawn ani, chumi lai chu camera in min lo
> la zel ang a, tichuan chu camera tawi te avang chauh pawh chuan khami zan a
> tualthattu kha mike-a ngei anih rinhlelh awm ani dawn ta ani.
>
>
>
> "chu thlalak chu lo la ru tu awm ang in kan chhuah a nga, chu video
> tawi te rawn viral ta avang chuan mike-a chu a inpuang maithei asin, keini
> lamin kan dawp bawk a nga" inspector chu a nui hak mai. "A ropui
> lutuk tlat rinpui, zan rei tawh lama mike-a, pi rindiki te in lam pan a kal
> lai video tawi te chuan mike-a te thil tih sual chu a rawn tarlang dawn ta
> ani, mahse khami zan a mike-a te chet dan nen lo inpersan viau ta si se, ka
> sawi awmzia chu mike-a chu amah a kal lovin emaw a kawr hak chu a dang daih
> lo ni ta si se, siam chawp ani tih an hre nghal ang a, anmahni chu rinhlelh
> niin evidence kan nei silo ang a, evidence lem kan siamchawp ta ani tih an
> man rang dawn lutuk, tawh an khirh zual sauh zawk ang"
>
>
>
> Rinpuia chuan "imm, chuti anih si chuan engtia han tih chi nge ni dawn
> ta ni? tiin hrilhhai zet hian a lu thak lo pui mai chu a hiat nauh nauh a,
> chutah inspector chuan muang fan raih hian "chuti anih tak si ah chuan
> nuam ti viau dawn lo mah ila hei erawh kan tih theih awm chhun a ni si
> ani" a han ti a, rinpuia chuan "eng chu maw sir" alo ti vat
> a, inspector chuan "thudik kan hailang vek tawh ani tih hi kan hrilh
> ang" Alo ti a.
>
>
>
> Rinpuia chuan "mahse sir, tualthattu ngei an ni tih finfiahna kan neih
> siloh chuan" alo ti a, inspector chuan "chu em em zawng ni love,
> tual an that tih hi finfiahna kan neih hma chu tualthattu an ni tih hi
> keini lam pawhin kan pawm tur ani mai rih lo. Mahse hei erawh ka chiang, pa
> ber edena nun tawp tak chungchang te, pensy-i nen an inkar te, pensy-i fapa
> chu pa ber fa anih thu te, thudik kan neih sa hi kan phawrh zel phawt ang,
> nakinah chuan inthup reng sen ani dawn hleinem, misual leh a chetdan zawng
> zawng chu alo la lang em em ang"
>
>
>
> Rindiki chuan ngun tak leh uluk tak chuan inspector in a hrilh thu thin
> thawng tak tak leh kha tak tak te chu a ngaithla dauh dauh reng a, pensy-i
> leh francisa te pawh chuan hnuai lam bih ngat ngat chung chuan an lo
> ngaithla ve ran mai. Thenawm thanhawla te chhungkua erawh an rawn lang lo
> thung a.
>
>
>
> A pasal leh a fanu inkar a thuruk bawlhhlawh tak lo awm te, chumi rah
> chhuah chu a tupa a duat leh a ngainat em em mai bena anih thu te, mike-a
> pawh chu thil engkim a hriat ve an rin thu te, tin pensy-i leh mike-a te
> chu tualthattu ni a rihlelh theih an nih chungchang te a han ngaihthlak
> zawh tak kelhah chuan rindiki chu a thu hnawk a, a chal chu dawm vawng
> vawng in a khur zawih zawih thei hial mai, a mitmeng chu a phelh phang a,
> amah inringtawk lo zet leh mangang zet a hawi kual ruai chung chuan
> "mami, thudik a ni em? A han ti a, pensy-i chu a hmui hup in a kun
> hniam nghal rawih rawih a, chutah harsa ti tak chung a thaw hlawp hlawp
> chung chuan "ka nu, min ngaidam rawh, i fanu a vuah tlak ka ni ta
> lo" tiin a tap khur ta zawih zawih mai a.
>
>
>
> Francisa chuan a u chu lainat hmel taka rawn kuah in "ka u, lungngai
> reng reng suh, mi rapthlak kan pa chu a awm tawh hleinem, tunah chuan
> hremhmunah thawn liam in a awm tawh alawm" a rawn ti a.
>
>
>
> Rindiki chuan a tu pa pawisawi lo hmel tak mai leh rilru thianghlim tih
> hriat tak mai a han hmuh chuan a thinlung chu chhun ang mai niin a hria, a
> tliak hnawp a ni ber mai. "Bawihte, ka lo va han mawl rei em ve aw, i
> pu niloin i pa alo ni reng zawk si a" a insum thei ngang lova, a tap
> zui bawrh bawrh mai a.
>
>
>
> Thenawmte chhungkua pawh an rawn lang ve leh ta nge nge a. Chutia pi
> rindiki te chhungkua lungchhe van kai a lo tap bawrh bawrh an han hmuh
> takah chuan an hrilh a haiin a ngaihna an hre lo hle mai. Thanhawla chuan a
> aw chu a han thian kharh kharh a, "e khai, eng ti zai zia nge ni ta
> ngai" tiin pi rindiki lam chu a pan thuai a, mike-a chuan nau te chu a
> nu hnen atang chuan a lo la vat bawk a. Chuveleh naute pawh chu a tap ve ta
> raih raih mai.
>
>
>
> Inspector leh rinpuia chu an thu ngawi reng ringawt a, thanhawla nupui
> lianmawii chuan inspector hnenah chuan "ka pu, eng ka ti zo ta nge le?
> a han ti a, inspector chuan zawi sap hian "thudik chu a kha fak reng
> ani, nilo a na ani" tiin a melh ngai chu a melh vang vang mai.
>
>
>
> Rinpuia chuan pi lianmawii chu lo chhawn thuai in "ka pi, pi diki te
> chhungkua nen a in inthenawm na hi a rei tawh em? Alo ti a, lianmawii chuan
> "e khai, kum tam tak ani tawh, enge ni ta? a han ti a, rinpuia chuan
> "ka pi, i fapa mike-a hi thu zawhfiah kan duh ani" A han ti leh
> a, lianmawii chuan a ngaihna hriat loh hmel fe hian "e aw, chu lam
> zawk chu maw ni, mama kha thu an zawt duh che anih kha, khawi bawihtea kha
> chu ka lo pawm ang" a han ti thuai a.
>
>
>
> Thutkhawmna pindan lamah chuan mike-a thu zawtfiah tur chuan inspector leh
> rinpuia te nen chuan an insuan phei ta a. Mike-a chu inspector leh rinpuia
> awmdan avang chuan a ngaih chu a that loh hmel kher mai. "Sir, enge ni
> ta? a han ti deuh ha a, inspector chuan bung zet hian "mike, i nupui
> la ni mai tur pensy-i hi i hmangaih tak tak em? Mike-a chuan "pensy-i
> maw? aw, hmangaih tehreng mai, ka thinlung zawng zawng in ka hmangaih
> alawm" alo ti thuai a. A inrintawk hmel cherh chawrh viau mai bawk.
>
>
>
> Inspector chuan "imm, mahse mahni fa nilo han enkawl seilen chu thil
> awl ai tak a ni dawn lo ania" a han ti a, rinpuia chuan "i enkawl
> hman lo maithei bawk" alo ti a, mike-a chuan phawk fe hian "sir,
> enge awmzia? a han ti ha a, inspector chuan "bena hi i fa anilo tih hi
> i hria tiraw? a han ti a, chutah mike-a pawh chuan zuai raih a meng dul
> raih chung chuan "ee, in hrechhuak ta nge nge a ni maw" alo ti a,
>
>
>
> inspector chuan "imm engkim kan hre tawh, kan buaina ber zawk chu
> tualthattu chu tunge anih tih lai a hi ani" A han ti a, Chuveleh
> mike-a pawh chuan inspector thusawi awmzia chu hrethiam in "sir,
> tualthat thei dinhmun a ka lo ding a ka mi thah tur a chu he pa edena hi
> alo nih ngai chuan ka thil tih hreh loh ber te zing a mi a ni ngei ang, ama
> fanu nunna ngei pawh anchhedawng a siam tu leh pawisak leh lainatna nei
> miah lo a rawng taka hmeichhe pakhat chung a khawsa duh tu chuan hremhmun
> bak lo chu enge chan tur a neih bik chuan ang" inspector chuan
> "mahse, a fanu remtihna la hmasa thlap a thil ti alo ni reng thei
> asin"
>
>
>
> Mike-a chu a hmel a dur nghal khup khup thei hial mai, "tih sa loh loh
> anih chu ka pu, thil i man thiam dawn lo a ang tlat" tiin a ner sawk
> a, rilru na tih hriat tak mai hian a melh ngai chu a melh vawng vawng mai.
>
>
>
> Inspector chuan "chu, a fanu remtihna tel miah lovin a pa chuan
> nawmsip a bawl i tihna em ni? Mike-a chuan "pu inspector, thudik chu a
> kha a, a na i ti ani tiraw?
>
>
>
> "imm ni e"
>
>
>
> "Chuti anih chuan thudik chu i hria e, he nula khawngaihthlak awm tak
> nun ah hian Pathian chuan chhanchhuahna lawng ni turin kei hi min ruat ani,
> bawlhhlawhna leh tenawmna puan in a nawm chen ai chuan tih duh dah te leh
> hreawm tuar te tan ka ke hian mel sang tam tak pen ngai dawn pawh nise chu
> ngei chu ka thlan tur ani. He pa edena hi ka kut zal ngei hian a thil
> tihsual man hi pe dawn ta ila ka tih ngei ka ring. Mahse chu thil titu ka
> nilo erawh thil pawi ber ani zawk hial ang. A chiang viau em? Inspector chu
> alo bu nghat a, chutah a thutna hmun atang a thochhuak hluai pah chuan a
> mobile phone lo ri chu a han en a, chutah rinpuia hnenah chuan "ti teh
> rina, misual chu i man dawn tawh teh ang" tiin a mobile phone chu a
> han lek kang va a.
>
>
>
> Rinpuia chuan "sir, heng ho hi engtin nge ni dawn? pensy-i pawh, tin
> pu thanhawla pawh hi kan man nghal mai dawn em ni? a han ti khur khur a,
> inspector chuan "imm, an ni hi chu misual an ni lo" alo ti a,
> phawk fe a inspector en chung chuan "engtin maw? Hrilhhai fe hian
> "mahse sir engtin? An ni hi misual an nih siloh chuan a tu chu nge
> misual chu ni ta ang a? A ti ha mai. Inspector chuan uluk taka a nu kuah
> chung a lo hnem malh malh tu francisa chu en in "hei, he lai a hi kan
> misual chu a awm e" a ti ta a.
>
>
>
> "Ka duh lo inspector, hetiang chuan min man ngawt thei lovang"
> tiin a han tang ren rawn a, chutah inspector chuan rum zet hian "min
> bum tum tawh suh tlangval, engvang a i pa hi that nge i nih? I pa in i u
> laka thil tenawm tak ti a a suah sual rawngbawlna chu kan hria e, mi tenawm
> tak chu a ni ngei mai, mahse dan chu dan ani, pa tak in i thil tihsual hi a
> man hmu turin i hmachhawn ngam dawn lo em ni? francisa chuan "nu, u
> pensy, pa than, misual ka nilo in hriat kha, keimah tal awhtir min tum mai
> mai ani. Han hrilhfiah ta che u"
>
>
>
> Inspector chuan nin hmel fe hian a mobile phone chu a han lek kang a,
> "hei en rawh, i hnathawhna hmun a i thian tha em em mai fela anih hi,
> a ni hian maw kha kawr thisen kai nuan mai bawlhhlawh bawm a i paih tak kha
> in a i haw dawn zan khan i hak thu min hrilh asin. Hei en rawh, ama aw ka
> ngei i hre duh kher em? Francisa chu a meng zau kawk a, a khur nghal zawih
> zawih thei hial mai.
>
>
>
> Inspector chuan "imm, a kham awm ta, francis, mi tumah in tal awh tir
> che an tum lo, nangma thil tih vek alawm anih. I haw zan khan kha thawmhnaw
> kha i ha ngei ani tih mit a hmu tu i thianpa fela hian a sawi vek tawh. Hei
> en rawh, hei hi thisen kaina kawr kha anih hi, evidence atan a ka lak khan
> thisen kai hi ka tih reh tir a, tichuan a hma zawng leh a hnung zawngin
> thla ka la a, i hnathawhna a i thian te number ka dil che anih kha, an ni
> hnenah chuan he thlalak hi ka thawn a, in thianpa in he kawr hi a ha thin
> em' tiin ka zawt a, an ni chuan maw, i hak fo thu min hrilh asin,
>
>
>
> "tichuan i rawn haw dawn zan pawh khan i hak nghe nghe thu te chu an
> sawi lehzel anih chu, hei en rawh, ni hnih kal ta a mi he kawr i ha lai
> thlalak ngei i thianpa fela'n i in ring lo lai alo lak fuh chu anih hi, min
> rawn thawn anih hi, chu mi awmzia chu in a i rawn haw hma ni pawh khan i ha
> i ha tawh a, a thlalak nen lam ka nei vek. Tichuan i thil tih sual man hmu
> tur chuan i inpeih tawh em?
>
>
>
> Francisa chuan aw tham tuak chung chuan "khatih lai zawng khan he
> evidence tha tak mai nei reng chung khan kan chhungkaw thuruk hriat tum in
> chet ilo la mai mai tihna a ni maw? tualthattu ka ni tih a finfiahna i nei
> reng a, mahse engvang nge? inspector chuan "aih, nilove, ka hre lawk
> bik lo. Ngun tak a ka ngaihtuah hnuah nangmah ngei hi ka ringhlel leh che
> a, tichuan hei ilo ni ngei bawk a" tiin francisa chu a melh pawh a
> melh tha peih meuh tawh lo.
>
>
>
> Chutah francisa chuan "awle a tha e, ka han sawifiah a nge, engvang in
> nge ka pa chu ka thah maw? In hre duh tak tak a maw? a han ti ve ta nge nge
> a, inspector chuan nin hmel fe hian "aw, hei i nu leh i farnu, i makpa
> la ni mai tur leh pu thanhawla, an ni hnenah hian han insawifiah ta poh
> che" a han ti ve ta bawk a.
>
>
>
> Francisa chuan aw ki hniam raih mai hian "ka pa ka thah chhan chu in
> hria e, a tan tirah chuan ka u kha ka haw takzet, engvang a thih tha a tang
> lo kha nge anih tiin ka lo inseh ruh nasa hle mai a, mahse ka u awmdan
> danglam tak leh ruih nei ni awm tak avang chuan ka u chu a rui hle ani tih
> ka hrethiam ta ani.
>
>
>
> "Inkhawm in ka nu chu a chhuak a, inkhawm tum ve tho ka ni a, mahse
> engemaw ka hriat ni, ka peih leh lo tlat mai a, in ah haw in mut mai mai ka
> tum ani, mahse khatia ka pa leh ka u khum a an lo inchai thial thial kha ka
> thil hmuh a ni ta mai a, engvang in nge ka u kha ka lo tanpui loh tiin tun
> thleng hian keimah leh keimah hi ka in haw ngawih ngawih thin ani.
>
>
>
> "Ka pa chu thah ka chak takzet, ka u kha damdawi in a hrai rui ngei
> ani tih ka u awmdan ah khan ka hria ani, ka u kha a chau takzet a, kha ti
> chung khan a theihtawp chu a chhuah, mahse a theihtawp kha a tlem ka lo ti
> hle a, ka u kha ka ngai khawlo hman thelh ani, tichuan harsa leh hreawm ti
> tak a ka pa in ka u a khawih lai ka en zawh thak hnu ah chuan ka pa chuan
> ka u chu thah ah a vau zui a, mi hnenah a sawi anih vaih chuan amah ka u
> mai nilo, ka nu chen chuan thah a tum thu a sawi a, tichuan a in tur a a
> hriat loh hlan a damdawi a telh thu te chu ka u nuihsawh a hmusit tak chung
> chuan a hrilh vel ani.
>
>
>
> "Mahse kha kha a tawpna a nilo, a bultanna chauh alo ni, khatiang hun
> kha ka tawng fuh thei riau lehnghal a, ka u khan tap chung leh rilru tliak
> tak meuh meuh chung in khatiang thil tenawm kha a paltlang fo thin ani.
>
>
>
> "Chu chu hun kal tawh ani. Ka u chu a rai a, amah ngaizawng em em thin
> tu mike-a nen hian an inzui chho ta a, mike-a pawh khan a awmdan leh ka pa
> a en dan atang khan thil engkim a hre vek tawh ani tih ka hrethiam
> reng"
>
>
>
> "Hun a kal zel a, mike-a leh ka u chu inneih te hial anlo tum ve ta a,
> kei kha hmun hranah hna thawk a ka awm bo fo avangin in lamah ka awm tam
> tawh ngailo a, mahse khatia ka awm bo hnu khan ka pa hian kei hi min
> ngaihven in min chhui zui ru riau a hriatna hi ka nei ta tlat mai a, in a
> ka haw chhunah te hian min tih lawm dan tur ngawt mai hi a ngaihtuah thin
> a, a chhan pawh ka hrechhuak thuai a, ka pa chet dan zawng zawng kha kei
> khan ka lo hre ru vek ani tih ka diary a ka ziak chu ka pa in alo hmuh fuh
> palh vang alo ni.
>
>
>
> "Mahse ka pa khan min vau a hnekin min duat zual sawt zawk a, tlawn
> tak te in min tlawn thin zawk ani.
>
>
>
> "Mahse tumkhat chu ka pa nen chuan ka hna chungchangah kan inhmu thiam
> lo ta hlauh mai a, tichuan kan inkar chu a ruk tak chuan a thalo chho ta
> viau mai ani, mahse a lang thei chinah erawh ka pa nen chuan pafa induat
> tak leh inngai tak ang in kan awm zel tho.
>
>
>
> "Ka u in pasal neih a tum hnu khan ka pa chu thinurna leh lungawilohna
> hlirin a khat chho ta a, inthup tum thin mahse ngun tak a a khawsa zia lo
> thlir reng thin tu a fapa hian ka hai mawlh silo.
>
>
>
> "Tichuan le, in a ka haw tur chu ka pa chuan tlai lam dar nga vel
> bawrah chuan min rawn bia a, chatuan a bopil hlen tur leh ka hmel chu a
> hmuh phaka in lan tawh ngai lo tur chuan min rawn hrilh ta mauh mai a, min
> mamawh em em lai a ka awm ve ngai loh avang te chuan a thinur a, ka u in
> pasal a neih chuan khawhar leh mal reng reng a a hringnun a hman tawh tur
> thu te, chung te chu keimah vang vek anih thu te min hrilh a, ka haw anih
> vaih chuan min hmuh rual a min hnawhchhuah leh nghal tur thu te chu min
> hrilh ani.
>
>
>
> "Mahse kei chuan haw chu ka tum lui ta tho va, in ka thlen veleh khan
> ka thawm hria in ka pa kha a rawn tho a ni ngei ang, ka bulah chuan lokal
> in min en rum hle mai a, chutah muangchang a pawn lam a va chhuak in thing
> tum bung nen a lokir leh a, kei chu hremna pek deuh hlek ka ngaih tur thu
> te chu min hrilh a, chutah a thu min hrilh leh tak avang chuan kei chu ka
> pum in ka sa hal chhuak ta thut mai ani,
>
>
>
> "ka u chu a hmangaih thu leh a tello va a nun hman reng chu a theih
> loh tur thu te chu min han hrilh leh ta tehreng a, kei chu tualthah chak in
> ka sahal nghal huam huam tawh, ka pa thing ken chu ka laksak lawk a, na zet
> hian a lu ah chuan ka vaw ta ani.
>
>
>
> "khur ngawr ngawt chungin min rawn bawh a, kei chuan motor kiangah
> chuan kalo nam tlu nghal hnawk a, ka pa chahthlak fel hnu chuan ka thing
> ken chu tuichhe luankawrah chuan ka theh thla a, ka kawr a thisen kai
> hnuang chu paih bo na mai tur ka hriat loh avang leh kan thawm hria a
> midang an rawn harh zui mai ka hlauhthawn em avang chuan bawlhhlawh bawmah
> chuan ka dah ta ngawt mai ani. In ah ka lut a, thawm dim takin ka mutna
> room lam ka pan nghal a, ka bawk nghal thlawp a, ka pa khan a sual man chu
> a hmu ani, sual man chu thihna ani si a"
>
>
>
> Inspector chuan "awle a tawk e, a tawk e, imm, tunah chuan i farnu
> testimony hi tlem a zawng hriat ve leh ka duh ani" alo ti a. Mittui
> parawl teuh chung chuan francisa chuan a u chu a en ran a.
>
>
>
> Pensy-i chuan lungchhe taka inhnit hlawp hlawp chung chuan "ka pa, ka
> pa, engtik lai pawhin min chawm seilian tu ka pa a ni reng tho ang, ka laka
> a chetdan leh a khawsak dan zawng zawng te kha Pathian in min tlan tura
> kross a hreawm tinreng a tuarna nen kha chuan engmah tham a ni hauh lo
> asin.
>
>
>
> "Heng zawng zawng hi tawp tawh rawh se, heng zawng zawng hi Kan tan a
> tha tur zawk a Pathian remruat ani, ka pa boral phah na tur khawp a ka nuta
> pa pawikhawihna erawh Pathian chuan ngaidam mawlh zawk rawh se, ka pa kha
> ka pa anihna bak in ka en ngailo a, ka tan chuan ka pa ani reng thin a, a
> ni reng fo ang, ka hmangaih reng tho ang" A tap zui rawih rawih mai a.
>
>
>
> Inspector chuan a mit chu a khap sawk thei hial mai. "imm, hei hi ka
> mumang chu a ni em silo a maw, a va han mak ngai ve le! heti tak a amah
> nghaisa a tenawm taka khawsa tu a pa laka thinlung dik nei tlat tu hi ka
> vawikhat tawnna ani ngat mai ka ti" a ti chhuak sap a.

Great! I waited for this chapter.