PSYCHIC VOLUME III _Last chapter

[April Hmar Liverpool]

PSYCHIC Volume_3

Last chapter



"Mukesh, misual pa! ring zet zet a a pasal hming rawn lam tu chu tunge anih hriat tum chuan choka lam chu a pan thuai a, "lalpa leh! remruat, hetah enge i rawn tih dawn? Engatinge khati vak vak a mukesha chu i auh tak mai, in ah a awm hleinem" Nancy-i chuan alo ti thuai a,



thinrim avang a meng sen awm awm chung chuan "nancy, i pasal hi ka hmuh ngei a ngai ani, ka chungah thil pawi tak a ti a ni, ka nau chung a a thil tih tenawm tak avang hian ka ngaidam ngai lo ang, hrep tak chuan! khawiah nge tunah a awm? remruata chu a meng sen rum mai a, thinrim avang chuan a aw chu a ring tha kher mai.



Nancy-i chuan chuti taka thil pawimawh a awm takah chuan a pasal chu a call nghal thuai a, "aw ruata, ka han call a nge" chumi lai chuan thenawm te pawh chu inspector remruata thinrim te thawt thawt ri avang Chuan enge thil awmzia hriat tumin an rawn in hawr khawm nghal laih laih a.



Mukesha pawh chu a nupui in hmanhmawh taka in lam a rawn haw nghal vat tura a rawn tur tak thutah chuan ngaih thalo tak chung chuan in lam panin a rawn tleh haw nghal thuai a, a hnathawhna hmun a hun a hman lai alo ni nghe nghe, mahse a nupui chuan thil pawimawh tak a awm thu a a rawn tur avang in hna atang a ban hun pangngai niloah chuan chhuanlam siamin a rawn thang haw nghal chung chung ani.



An inkawt a va thlen chuan thenawm te chu eng eng emaw sawi hian an lo inhawr khawm laih laih reng a, mukesha an lo hmuh veleh chuan thil awmzia hriat tumin mukesha lam chu an rawn pan nghal thuai a, "mukesh, enge thil awmzia? eng thil rapthlak nge i tih tak mai? a nupui nancy-i chuan a rawn ti nghal vat a,



mukesha chuan "nancy, enge thil awmzia hi? a lo ti let hu mai. chutah le, inspector remruata chuan thinrim avang a mit meng sen ram chung chuan mukesha chu a rawn pan hnai zel a, chutah mukesha chuan a ngaihna hriat loh hmel fe hian "ruata" a han ti dek dek chu inspector remruata kuttum chu a hmai chuan a dawng nghal siah mai, a khaw hmuh chu a buai nghal nuai a, a khabe leh bek chu na tiin a dawm nghal vawng vawng mai.



Chuveleh hmeichhe ho chu mangang in an lo te nghal chul a, "thelh ta che u, kha, a khawih na mai dawn" an lo ti chul mai. inspector chuan dimna tel map lo chuan mukesha chu a han hnek leh bur mai a, mukesha chu a petek kawi nawk nawk mai. Chu chu a tlawh zui nghal dawt dawt a, lei a tlu mukesha chu a chhir zui nghal nawk nawk mai.



"Duhtawk rawh ruata, duhtawk rawh" tiin pa ho chuan remruata chu a han bawr nghal laih laih a, mahse inspector thin chu a rim thlu ngang a niang, "zawnga! zawng phiangsen! khati khan ka lakah lemchang in midang ang a inlan in min vau ngam vel a maw, chumi hnu ah ka nau chungah lainatna nei miah loin i khawsa zui duh a, thi tlak i ni mi tenawm pa" tiin mukesha chu a rek a a hnek bawk a a chhir pah bawk a.



theihtawp chhuah a inspector an han chelh leh hnu chuan inspector chu an pawt hrang thei ta hram a, mukesha pawh chu a biang vung ul chung chuan a rawn thochhuak ve tuah tuah a, nancy-i chuan a pasal chu alo kuah nghal vat a.



Chutiang ang boruak a nih chhoh tak le lu ah chuan police lam chu tu tih hriat loh hian alo va hrilh ni ngei tur ani, inspector leh mukesha chu police te chuan an hruai ta nghal a.



"Sir, i chung ah hian eng thil chiah nge thleng ta mai hi le? inspector meuh thil tih atan chuan a atthlak tak zet ani, miin inspector remruata chu a at tawh thu leh a rilru a buai thu hi an sawi tui ber ani dawn a nia, sir i rilru hi a harh fim meuh maw?



remruata chuan a melh ngai chu a melh reng a, chu pa biak na pawh chu hria ang in a lang lo. Han tih vak ngaihna an hriat tak lohah chuan inspector leh mukesha te chu an chhuah leh ta ngawt mai a, tin zu an rui lo a, an ni pahnih mukesha leh inspector te pawh chu in hre ngailo tawp an lo nilo lehzel nen, thian inkar a buaina thilah an ngaihsak ta ngawt mai ani.



A kut te chu a khem nuan a, a thawmhnaw hak chu a pawr in a bal hle bawk, a ngaihna hriat loh hmel tak chuan "mama, enge thil awmzia hi? Hetiang hian i awm ngai silo a, mama i thianpa freddya i hmuh a ngai ani. freddya pawh ka be vek tawh. thil awmzia leh i harsatna te pawh ka hrilh vek tawh"



Remruata chuan "ka pa, ka nu, ka harsatna chu in hre diklo anih ngei dawn chu, ka harsatna chu rilru lam niloin hei hi ani" tiin a mobilephone hmai khi thawt tawh chu a han lek kang a, facebook a mi tu tih a hriat loh nen a an inbiakna te chu han hmuh tir a tum a,



A mobile phone chu a han en a, a thil hmuh avang chuan remruata chu mak tiin a meng zau nghal kawk kawk mai, "takzet chuan, he mihring mai mai chuh! tiin an inbiakna chu a han en chiang a, mahse eng inbiakna mah hmuh tur alo awm hauh lo. Chuveleh a a pa chuan "ruata, i tha chiah a maw? alo ti a, remruata chuan "nilo, a ni thei lo, he mihring mai mai chuh, kan inbiakna ho kha a lo delete vek tawh anih hi, mai mai chuan" tiin thinrim avang chuan a ha chang chu a thial ri rawp rawp thei hial a.



Remruata chuan thil awmzia chu a nu leh a pate hnenah chuan Chiang lehzual in a hrilhfiah ve leh ta vek a, mi tu tih a hriat lohin a rawn biak thin thu te, a thusawi ang leh a duh dan ang a a awm lo anih a pastor case chu a tawp san lo anih chuan a chungah thil thalo tak a thlen tur thu te, tin a nau chu motor chuan a su zui ta mai reng bawk a, tin pi vanhmingi anih a rin thu te, an in a thinrim taka chet a va lak dan te, tunah mukesha pawh chu ringhlel lehin na takin kut a thlak zui leh ta hial ani si a.



Ngun tak leh uluk tak chuan an fapa buaina chu han ngaihtuah in an fapa chu rilru lam buaina nei ni ah an ngai ta a, stess emaw depression lam te hi alo nei ve reng ni ah an ngai ta ani. A thian pa, rilru lam doctor freddya chu hmu ngei turin leh treatment la turin an fapa chu an ti ta a.



A pa chuan a fapa en ran chung chuan "ruata, motor kha tu ta nge anih kan hre tawh a, a neitu pa hian engmah alo hre ve hauh lo mai a, a driver hi zu rui thin a ni a, rui chungin motor a khalh fo thin a ni awm e, tum dangah pawh a ruih avang in alo chesual ve fo tawh thin a ni awm e, a inthiam loin hreawm a ti hle mai a, khatia a driverin i nau a sut hnu khan mangang takin a driver chu a hnenah a va zualko a ni awm a,



"mi a sut thu te, a ruih thu te, a tihpalh anih thu te a hrilh a, a hlauthawng hle a ni awm e, tichuan motor neitu pa chuan a driver in a sut chu tunge anih hriat vat a duh ta a, a driver hnenah chuan mi a sutna hnun a hruai vat turin alo ti a, motor chu driver chuan kawngpui kiangah a dah mai a, chu mi pawh chu ngaihsak tawh loin keimahni hnen lam an rawn pan vat a, ngaihdam dil tur leh thupha chawi turin min rawn zawngchhuak let ta zawk ani.



"Motor neitu nen pawh kan titi dun tawh a, hreawm a tiin a inthiam lo khawp mai, keini pawhin kan ngaidam zui ta a ni, mahse nuam a ti thei ngang silo a, i nau a dam that thleng a enkawlna sen so zawng zawng tum turin thu kan titlu ta ani. Tih luih a nilo va, ruahman lawk sa a ni hek lo. Thil thleng palh liau liau a ni e, driver ruih vang a ni e"



Mak a tiin a hrilh a hai hle mai a, "chu ka pa, chuti anih chuan kei hian thil ka hresual i tihna em ni? A nu chuan "mama, mukesha kha engvang a khatia bei vak mai nge maw i nih le? Alo ti a, remruata pawh chuan thil awmzia chu a han hrilhfiah veleh ta a, facebook cover photo a mukesha hming a hmuh dan te, a rinhleh dan zawng zawng te, tin tun hma pawh a mukesha nen a chanchin sawi tur an lo neih ve tawh dan te a ngaihtuahin mukesha hian tihbuai a tumna leh a lak a phuba lak a tumna ni a a ngaih thu te a han sawifiah ve leh ta a.



A nu chuan "mama, nangmah hi i chau tawngkhawng ani, in enkawl that i ngai ani. Hman ni deuh tawh atang khan i buai ru tlat tawh, hetiang a i awm hi kan la hre ngailo, mami ngei pawh in min hrilh thin, i phun mawlh mawlh thin te, i te leh thut thut thin te, tin tunah lah kha i phone hmai te kha enge a awmzia? chu, pitar pakhat pawh an chenna in ah ngei i va tawng chiam mai a, tin mukesha a ni leh a, a ni phei chu kut hial i thlak a, nancy-i'n enge min hrilh hi i hre duh em? A pasal kha thah i tum ta emaw a ti hman hial asin.



"nangmah i inhriat ang leh i inhmuh ang hi i nilo, pawn lam atang a lo hmu a lo hre tu che kan ni a, i buai ani, i pangngai lo, chuvang chuan thil pawi dang a thlen leh hma ngeiin i thianpa freddya hmu vat ang che, i pa in a va hruai dawn che nia, min hnial hauh tawh suh ang che. Chuan kha mi, tu tih hriat loh chungchang pawh kha i ngaihtuahna mai mai a ni. Engmah in inbiakna hmuh tur leh hriat tur a awm silo"



A nu leh a pa te rawtna chu a khauh tak em avang chuan rilru lam doctor a thian pa freddya hmu tur chuan a pa rual chuan a liam thla ve ta nge nge a.



Freddya'n alo hmuh chuan a lo lawm thiam hle a, "ruata, in hmuh a khat hle mai, pu rindik, kha lo thu rawh, thingpui te kha lo in rawh" tiin alo chhawn nghal thuai a.



Freddya thusawi duhdan avang chuan remruata chu a lawm lo ru hle mai a, "engtin maw i tih freddy? ka nau chungchang chu engtin maw i tih? Ka nau chu thih sual in damdawi in ah a awm mek asin" a aw ka chu a vin leh tawh hle.



Freddya chuan mak ti zet chung chuan "ruata, ka thusawi awmzia i man lo ani, tawh sual a tawk a ni tihna ani mai alawm, chutiang in mi tumah in an ti lui duh lovang" remruata chuan "ee, freddy i tawngkam cheh duhdanah kei hi eng ang chiah ah nge maw min ngaih ni, ka farnu ni mai lovin nakinah chuan ka nu leh ka pa te chungah ngei pawh hian eng thil nge thleng dawn tih hi i hria em ni?



Freddya chuan "nilo ruata, ka thian tha i ni a" remruata chuan "aw ni e ka hria, thian chungchang kha chu tul loah chuan i hmang zen lo ang aw? Freddya chuan ngun fe hian remruata chu a han thlek a, "i farnu chungchang chu i ngai thutak hle mai maw? a han ti a, chuveleh remruata chu a tho thut a, chutah freddya awm a han tham sauh sauh pah chuan "freddy, chutin tawng fo suh, tunah hian eng harsatna nge ka tawh tih hi engmah i hre lo, he misual hi ka man dawn ani" tiin thinrim zet hian freddya chu a chhuahsan nghal a, pawn a a chhuak tur chiah chu a pa, an thawm avang a anmahni rawn ngaihven tum mek tu nen chuan an in tawk a.



A nu chuan "Mama, i thianpa ngawih ngawih ani asin, kut hial thlak i tum a maw? hei freddya'n engkim min rawn hrilh leh vek alawm. heti anih chuan i bulah hian mi tumah hi an him ta hauh lo mai, mi hlauhawm i ni mai ang maw le"



"Ka nu, engvang a chutiang thu ringawt chu min fah nge maw in nih le? ka buai lo, ka tha, ngaihtuah ka ngai hek lo. Misual hi ka man duh ani, ka kawng min dal reng lo ula a ni mai, ka ning" Tiin thinrim zet hian dawhkan a bottle chu a kut chuan a vai kiang thuai a, thawm avang chuan a pa chu an awmna pindan lamah chuan a rawn petek phei nghal thuai a.



An pathum, a pa leh a nu, amah nen chuan ngawi reng hian an in en thap hlawm a, sawi tur ber pawh hre loin an ding ngawi reng hlawm a, chutah remruata chuan thawk chu han la in "lalpa leh! ka tihpalh ka nu, ka pa min ngaidam rawh u, ka chau ve deuh a niang e, imm in thusawi ka awih ang, ka buai deuh a ni, khatiang khan ka awm leh tawh ngailo ang tih ka tiam e, ka thin ur em avang leh ka chi ai ve deuh vang a ni e" Tiin thutthleng ah chuan a thu nghal hnawk a.



"Awle, hei hi ka thutlukna ni rawh se, ruata, naktuk hian rilru lam a harsatna neite awmna hmun mental hospital lamah thla khat chhung hun hmang turin kan kal ang. Thla khat hnuah i dam that hnu ah i chhuak leh chauh ang, heti ringawt hi chuan i bulah mi tumah an awm ve a thalo, thinurna in i khat rih tlat.



"I buai rih tlat, tin mahni chauh a thlah fal ngam lah i ni hek lo, eng thil nge i tih ang tih hi nangmah ngei pawh khan i chiang hauh lo tlat ani" A ti ta a. Uluk zawk chuan a pa thusawi chu a han ngaihtuah a, amah ngei pawh chuan dik a ti ta hle mai, pastor ang chauh kha ala ni ve mai ang tih chu a hlau ru ve ta hle mai ani, a inthunun na a hlauh zo a, a chhia leh tha hriatna a hlauh zawh vaih chuan mahni a intihlum ve kher lo anih pawhin thinurna leh huatna avang a tual a thah ve palh mai te pawh chu a hlau ru ta hle mai.



Eng ti kawng zawng pawhin a chak lo ani tih chu pawm mai tha in a hre ta a, a buai nasat hma ngei chuan a nu leh a pa thurawn chu pawm hmasak phawt mai chu tha in a hre ta ani. a en ngai chu a en reng a, chutah zawi sap hian "imm, ka tlawm ta e, ka chak lo victor, min hre thei em? Tunah chuan i duh ang ngeiin rilru buai ho awmna ah ka kal dawn ta e, i chak ta e" a ti chhuak sap a.



Pastor k.lalngaihawma thihna chhui tu inspector remruata chanchin chu a darh chak hle mai a, mi pakhat kut a thlak chiam thu te chu titi tui berah an nei mek zel ani. Tin, pastor thihna chungchang ah pawh chuan investigation tih nawn leh ani dawn ta a, pastor thihna chungchang chu chiang zawk a tarlan theih anih an beisei vang ani.



Tin, inspector remruata chu mental hospital lam a thla khat chhung a awm tur chungchang te chu mite chuan an lo hre kai leh ta zel bawk nen, chu thil avang te hlei hlei chuan case chu uluk zawk a en let leh ngei nise tih chu mipui te au hla ah a chang chho ta ani. Inspector remruata pawh chuan thil awm zia chu alo hriat in investigation tih nawn leh anih chuan sailova chu man anih ngei a ring a, alo rinna pawh chu a dik ngei dawn niin a lang ta bawk.



Nimahsela pastor chu amah intihlum ngei ani tih finfiahna tha tak a ni chuan a nei ve thung a, chu chu pastor note bu kha ani. Chutah chuan pastor chuan a thuruk tam tak a dah a, mahni intihhlum na lam hawi ruahmanna hrang hrang a duang ani. Chutah chuan sailova tal awh tir dan tur te, evidence Siam chawp dan tur te, voice recorder chungchang te kha a awm vek ani, Pastor chuan chet a lak dan tur ruahmanna te chu uluk takin note bu ah chuan a chhinchhiah thlap ani.



Tin, tu tih hriat loh, amah rawn bia a case buaipui lai tawp san tur a rawn vau tu pawh kha pi vanhmingi ngei anih chu a ring ta bawk a, chu erawh a finfiahna a neilo thung. Mental hospital lam a hun a han hman dawn takah khan amah vau tu khan thu hnuhnung a rawn hrilh leh a, engkim a tawp tawh thu te, an ni pahnih inkar pawh chu chinfel anih thu te a rawn hrilh a, a rawn tihbuai tawh loh tur thu te hrilh in a rawn mangtha ani. Chumi hnu lawkah chuan pi vanhmingi chu an in chung atang a a chetsual thu leh ka pawh chhawn lova a thih zui tak thu te chu a thil hriat a ni zui ta ani. Amah a rawn biak pawh dan chungchang erawh a hrethiam mai bik lo.



Kar thum chhung lai mai chu mental hospital lamah chuan hun a hmang ve tawh a, tin a chanchin duhawm lo tak tak avang chuan a hmingthat tawh sa na te leh a hna ngei pawh chuan ala tuar mai ang tih te chu thil hlauhawm tak a ni mek reng bawk ani. Amaherawhchu pastor note bu chu a hmingchhiatna lak atang a chhanhim thei tu tur chu niin a lang thung a.



Amah rawn kan tu a nu leh a pa, rinpuia leh Nancy-i, Freddya te chu a ngaihtuah zui dauh dauh reng a, chutiang a a han awm ta mai chu pawi a tiin hreawm a ti ve hle ani. A rin ang ngeiin pastor thihna ah chuan vanlalsailova chu man a ni ta chiah reng a, court pawhin case investigating officer in a hnuchhui dan leh evidence a neih te chu alo pawm niin a lang ta bawk. A tan tir lam a rinpuia'n an hnuchhui a han khaikhawm dan ang deuh khan pastor thihna case chu a hmawr bawk ani ta ani.



Thil tam tak a ngaihtuah a, hma lam ah chuan eng thil in nge lo hmuak leh ang? Tunah chuan a rilru leh taksa lam a hahchawlhna a neih mek lai a nisi a, kar khat dang a liam leh a nga chumi hunah chuan a hma hun a amah lo hmuak mek tu te chu hmachhawn leh turin a thawkchhuak leh ngei dawn ani.