INBUMNA LEH LEMCHANNA _Part-2_Chapter-2

[April Hmar Liverpool]

Inbumna Leh Lemchanna Part-2



Bung Hnihna





Mihring ngainatawm tak leh mi nun tlawm ve te mai, mi pawisawi hlau tak mai leh ruihhlo pawh khawih ngailo, tlangval fel em em mai chutia a ruang an han chhar ta mai chu pu david c vansanga te nupa rilru chu a na in an ngaihtuahna a kal thui kher mai.





Tunge chutiang ang tualthahna rapthlak, an driver pawisawi lo chung a lo ti duh ta mai ni? Police lam hrilh ang in an khaw lam a khupa chhung te, a nu leh pa te pawh chanchin chu hriattir nghal vat a tul tih an hria a. Tichuan le, khupa thianpa ve ber pc zaithanpuia bawk chu an han be pawp leh ta rawih mai a, khupa chung a thil thleng te chu an han hrilh a.





pc zaithanpuia pawh chuan chutiang ang thu dengkhawng tak mai a han hre ta mai chu pawi a ti in rapthlak alo ti ve hle mai a, khupa chu a fel tehlul nen, chutiang thil a chung a ti duh tur awm chu an awm a rin loh thu te alo sawi ve luam a, mahse thah ngei ani tih chu thil Chiang taka lang a ni tlat si a, "enge thil awmzia ni ta ngai? Pc zaithanpuia chuan "pu vansang, kei chu he laiah mizoramah ka awm silo a, phai ah ka awm daih si a, khupa chungchang pawh chu khami ni a chin in hriat loh tum a min rawn hrilh bak kha ka lo ngaihven zui lem lova, chutiang thil a chunga a thleng ta mai chu a zialo hle mai. Mak ka ti kher mai"





Pu david c vansanga pawh chuan khupa te khaw lama khupa nu leh pa te chu a han call nghal thuai a, mahse le, chu thu, an fapa thih dan rapthlak tak mai han hrilh tu nih pawh chu ava huphurhawm in a va chakawm lo ngai ve le, an fapa hnathawk a chhawr tu an la ni leh ta zel a, chutia an fapa thih thu a an va thawng ta mai tur chu thil nuam tak zawng ani dawn lo ani.





Inspector remruata leh a naute pawh chuan khupa thihdan chu chhui in hma an lo la ve zel a, amah chhawr tu pu david c vansanga te nupa chu thu zawhfiah turin an ko ta a. Inspector chuan pu david c vansanga te nupa chu uluk tak hian a han thlek dauh dauh a, "chu, pu vansang, khupa chu mizo anilo tihna em ni? Pu vansanga chuan "aa ka pu, ka hre thiam mai bik lo, chutin a chanchin ril tak ka hre bik silo a,





"a nihna takah chuan midang daih atang a hetia driver tur a inruai chhawng leh hi kan ni mah zawk. Inspector chuan "mizo tawng a pai em? Khawchhak lam mi ani tih hriat theihna turin a tawng ah hriat theih ani em? Pu vansanga chuan "aa ka pu, a tawng na na na chu a nal khawp mai, mizo aw phawi nen danglamna ka hre lo, a pai chhin eih lo reng reng, a hming khupa anih avang chauh a mizo anih loh ring kan ni mah zawk awm e chuti zawngah chuan"





Inspector chuan "imm, a chhungte chu in bia a maw? "aw ka pu, ka hrilh tawh e"





Inspector chuan "chuan a bo ni ti mai ila, a chin in hriat loh ni kha inrinni in ti em ni kha?





"aw ni e ka pu, ni thum chhung zet chu a chin kan hre lo alawm"





"Anih chuan pu vansang, in driver bo dan chungchang ah chuan in ngaih te a thalo a police hnenah in thlen lem lo tihna em ni? "Aih, thlen lo, Kan nghak ani, khawiah emaw a kal a, a chhungte hnenah emaw a thianpa kan ti mai a a hming chu pc zaithanpuia ani a, a ni chu keimahni nen a min hmelhriat tir tu ber chu ani a, a ni hnenah te chuan alo va riak anih te kha kan han ring a, kan ngaih erawh a thalo khawp a, police em chu kan thlen lo.





"Mahse ama chhung te hnenah alo haw aniang han ti dawn ila, a bungrua leh thawmhnaw engmah a la silo a, a room pawh a pangngai thlap si a, tin keini hnenah engmah a sawi bawk silo a, a thianpa hnenah chuan a riak ani ang han ti dawn ila a thianpa pc zaithanpuia pawh kan bia a, mahse an inhmuh loh thu min lo hrilh lehzel si a, kan ngaih a tha ta lo a, police hnen a thlen mai kan duh ta ani. Chutih lai tak chuan chanchintharah ruang chhar anih thu kan han hre ta a, thlalak an rawn tarlan atang chuan khupa ngei ani tih kan lo hre ta zawk ani"





Inspector chuan "imm, in driver mimal nun leh mimal thil hi in hre vak lo ani tihna aniang maw? "Aw sir, kan hre thuk lutuk lem lo. A chhungte biakpawhna tur pawh kan lo nei lo ani a, mi fel tak leh mi pangngai tak, mi taima leh inthlahrung chi, ruihhlo pawh khawih lo anih thu erawh kan hriat dan ani e"





"Imm chuti chu he laiah engtia rei nge in inhrawn tawh? in hnenah engtia rei nge a awm tawh? "Aa, ala rei lo, thla khat pum awrh chauh ala ni.





"Chumi lai chuan thian emaw ngaihzawng emaw amah nen a inlaichin midang mi pakhat lek chauh pawh hriat pui in nei lo em ni?





"Aw sir, ka sawi tak ang khan thian hi a kawm tam lo khawp mai. Tin, mi taima ani a, hna hi a thawk deuh reng mai ani. In lamah pawh hian kan kut leh ke ber ani a. Ka hriat theih chinah chuan a thianpa ve ber pc zaithanpuia chu ani deuh mai awm e"





"Imm, chuti chu pc zaithanpuia chu khawi veng nge? A awmna emaw amah biakpawhna tur min hrilh thei em?





"Aw sir, hei a number chu ka nei alawm, keipawhin ka be tawh a, khupa chanchin te ka hrilh a, mahse alo la hre ve hauh lo mai a, khupa chhungte biakpawhna tur number pawh ama min pek hi ani alawm. Tunah tak phei chuan Mizoram ah a awm lo niin a insawi a, phai lamah a awm daih ani awm e"





Joela chuan phawk zet hian "chu sir, chu pa pc zaithanpuia chuan beng a verh riau mai" alo ti a, inspector chuan "imm joel, thu kan zawtfiah a nga thil awmzia a Chiang chho zel turah ngai ang.





Pc zaithanpuia chu phaiah a awm daih avang chuan police te chuan chutia phone atang ringawt lo deuh a mizoram lam a koh haw dan chu an han dap ve nghal bawk a, mahse pc zaithanpuia chuan haw mai thei ala nih loh thu alo hrilh a, chutia duh hun hun a a hna chu tlanbo san mai mai theih anih loh thu te chu alo hrilh let zek mai.





A thianpa thihna chu pawi a tih thu leh a chhungte pawh a tawrhpui thu erawh a rawn hrilh ve luam a. Nimahsela amah deuh chauh chu police te chuan thu zawhfiah tur an la neih awmchhun ala nih mai rih avang chuan police te thu chu ngaipawhmawh tur chuan an han hriattir ve leh bawk a.





Pc zaithanpuia thung chuan "in hriat duh ang chu ka hrilh vek ang che u, mahse lo haw thei ka nilo, ka hna hi ka tan a pawimawh lutuk, ka hun zawng zawng ka pekna ani asin" Inspector chuan "imm, chuti chu hei hi min han chhang ta che aw, engtikah nge phaiah chuan i chhuk thlak? Lehlam atang chuan "ka chhuk thlakna te chu a rei leh tawh alawm". Inspector chuan "imm engtikah nge ka ti alawm? Lehlam atang chuan "ni 20 thawh tan ni khan"





"Chu,i sawi awmzia chu, nimin piah mai aniang maw i sawi? ala rei loh em chu, i thianpa bo ni hi ni 18 inrinni kha ani a, chumi hnu ni hnih hnuah chuan phaiah i chhuk thla a, i thianpa bo thu pawh chu i hre tur ani" Lehlam atang chuan "ee pu te u, ka hna hi ka ngaipawimawh ka tih kha, ka rilru zawng zawng ka pe asin" inspector chuan "imm, engpawhnise i thianpa bo ni chuan i thianpa hian a rawn bia che em emaw i hmu em?





Lehlam atang chuan "aw biak chu kan inbe ngei mai, mahse kan inhmu lo, khawiah emaw chhuah a tum anih ka ring? Inspector chuan "khawiah emaw chu khawi lai tak nge? Lehlam atang chuan "hei ham sir, ka hre bik hleinem, ka rin thu mai anih chu" Inspector chuan "imm, hei pu david c vansanga, amah chhawr tu hian thil engkim min hrilh vek tawh a, khupa chanchin zawng zawng, inlaichinna a neih pui te, tin nang leh khupa inkar, in inhmelhriat dan thlengin kan hre vek tawh.





"Chuvang chuan kan hmuh che a ngai ani" lehlam atang chuan "engvang ngawt chuan maw? "A chhan chu nangmah chauh hi khupa hian hmelhriat pangngai tak leh thian ang a kawm thin a neih awmchhun ni a i lan rih vang ani" Lehlam atang chuan "nilo pu te u, ka buai lutuk, ka hna hi ka chan phah vaih chuan ka nun hi a chhe vek ani mai"





Inspector chuan "imm, chuti anih chuan engtikah nge ilo chhuk theih ang? Lehlam atang chuan "pu te u, chutin engmah sawi lawk ngawt theih a nilo, ka awm ngheh poh leh ka tan chuan a tha lam zel ani zawk. Hna nghet neih hi alawm ka duh ber ni"





Joela chuan "imm, he lam a rawn chhoh mai tu a tum loh hmel khawp mai sir, he pa pc zaithanpuia hi kan chhui deuh chu a ngai ani. A thianpa thihna chungchang hi engemaw tak hriat a nei anih ka ringhlel tlat mai" A lo ti a,





inspector chuan "immm, police te thu pek i hnial dawn anih chuan police te hian eng thil nge kan tih theih chu i hriat kha" lehlam tang chuan "pu te u, min ringhlel vel a maw ni le, hahthlak hlawm lutuk, buai nak a lai a" a rawn ti leh a.





"awle awle tlangval, engpawhnise hei hi chu kan tih dan phung ve reng ani tih chu i hriat kha, kan rinhlelh vang che a nilo, thu inzawhfiah hi kan kalphung pangngai mai ani, i thianpa hi thah a ni si a, hemi hi kan chhui zui hi a tul ani. Awle, i awmna address min hrilh rawh le, hotel ah chuan i awm ka ring lo phawt a, chutia hna te thawk a awm i nih chuan thian te nen in in luah tihna nge?





Lehlam atang chuan han thawk halh pah hian "imm, kei hi min chhui zui in tum tihna ani maw? Joela chuan "mi a tak chu ani dawn lo anih kha" alo ti leh a, joela awmdan ah chuan misual anih chu a ringlel hle ani tih a hriat mai.





"Imm, a Chiang reng tawh alawm sir, pc zaithanpuia hi misual anih ka ringhlel kei chu, a thianpa bo hnu ni hnihah phaiah a tlan bo a, a hna thawh chungchang a sawi te, a awmna address te, heng zawng zawng hi a lem vek an ni"





Inspector chuan "imm, khu lam police te khan ti khan lo finfiah rawh se, a thusawi te a dik reng em tih chu kan la hre mai dawn alawm, tin keini lamin he lamah kan lo chhui zui vat bawk ang" Joela chuan "sir, engtin nge hma kan lak ang? Inspector chuan "he lam a a chhung te kan lo va tlawh dawn ani. An fapa nihna diktak chu kan haichhuak ang. Dawt alo sawi lo anih erawh chuan chang dang kan kan leh mai pawh a tul ang.





Joela chuan "chuan sir, rin harsa viau mahse amah chhawr tu pu davida te ngei pawh kha en thlak deuh chi niin ka hria" a han ti leh a. Inspector chuan "imm ni e, chang dang kan tur a van dawn viau chuan an ni ho hi kan chhui tur te chu an ni ang. Thudik an sawi reng em tih kan fiah zel dawn ani" A ti ta a.





Khupa ruang chu postmortem a ni ta a, a dulah chuan Chem a hmun thum a vih ani a, a lu ruh chu a sawp lek lek bawk. A hmai vun chu a hik vek avang in a vun an hih chu khawiah nge a awm tih erawh hriat a ni silo. A nu leh pa pu nilawma te pawh chuan an fapa ruang chu lungchhe tak chung leh rilru na tak chung chuan an khaw lamah an phur haw ve ta ani. Police lam chuan an fapa tualthihna chungchangah chuan chanchin thar a awm veleh an hriattir nghal tur thu chu an hrilh ta bawk a.





"Le joel, khupa thian pa pc zaithanpuia chu tu chiah nge anih hriatchian tum in chet chu i han la tan tawh ang hmiang, hei khupa pu, pu c vansanga min hrilh danin pc zaithanpuia te hi mission vengah an awm niin a sawi a, tin amah PC zaithanpuia pawh khan mission vengah an awm thu min hrilh ve chiah bawk a, dawt chu a nilo phawt turah ngai ang" tiin beiseina sang tak nen chuan pc zaithanpuia te Chenna in lam pan chuan chet an la ta nghal a.





Police te hmel an rawn lan tak hlawl ah chuan pc zaithanpua nu leh pa te chu an hrilh alo hai in an lo phawk hle mai a. "E khai, ka pu enge ni ta? Police in ni em? Inspector chuan "aw ni e, kei hi inspector remruata ka ni e" chu thu an hriat rual chuan pc zaithanpua nu leh pa te chu an phawk kher mai. Inspector hming chu an lo hre tawh thin ani ngei ang.





Thutkhawmna pindan lamah chuan an han inzui phei a, pa ber chuan an nula hnenah thingpui te lo buatsaih tura a han chah hnu chuan police te nen chuan an fapa chungchang sawi tur chun thuthmun chu an han rem ta a.





"Ka pu, in fapa hi tunah phaiah a awm tih ka lo hria a? Chu pa pc zaithanpuia pa zoliana chuan "aw, awm e, nimin piah mai khan a chhuk thla a ni awm e, keini lam phei chu min hrilh miah lo a, kan hriatna ala rei lo" A han ti a. chuveleh inspector chuan "engtin a ni? Phai a a chhuk tur thu a hrilh lo che u maw?





"Aw pu inspector, engmah min hrilh lawk lo. Inrinni atang khan in ah a rawn haw miah lo mai a, Tichuan keini lam chuan a awmna chin kan han ngaihven ta a, a tirah chuan kan phone call a chhang lawk lo nghe nghe, Tichuan kan han call tak tluk tluk rengah chuan kan inbe thei ta hram ani.





"Phai lamah hna avangin alo chhuk thla daih mai ani awm a, engmah kan hre ve lo. Chutia engmah pawh min hrilh lo a awm ta mai nge anih kan han zawh lah chuan engmah a sawi tha duh lo ani. Mahni a inhai kuak ve a duh thu te, mahni a inrelbawl hran ve a duh thu te, ngaihtuahawm anih loh thu te, tin nupui te pawh neih a duh hnai niin a sawi lehzel a, a ruahmanna ang a a awm thei anih chuan hun rei tak chhung chu phai lamah hna thawk in in bengbel ve a tum ani awm e. Keini lam tak hi kan hrilh a hai tlang teh asin"





Inspector chuan "imm, in ah a rawn haw lo i tih ni kha inrinni i ti em? "Aw pu inspector, inrinni ni 18 ni khan alo haw tawh lo, amaherawhchu ka hriat sual nge ni ang nizan mai kha ala ni, mama room atang a thawm lo ri ka hria a, ka va en chuan engmah phei chu ka hmu lo a, mama hian a room kawngkhar hi kalh lo hian a dah thin a boruak thianghlim dawn nan tiin, khatia thawm ka han hriat khan mama hi alo haw anih te ka han ring a, mahse engmah ka va hmuh tak siloh ah chuan tiin a tukverh kawngkhar te chu ka kalh tha ta a, Tichuan choka lamah ka phei veleh mai a, tin ka ngaihbel thil nge ka hre lo, khatia mama room tukverh ka khar pah khan pawn lam ka han dak chhuak a, mama room atang a lang thei thingkung ding pakhat hlimthla bula mi pakhat phe deuh vuai hi ka zu hmu tlat hian ka hre nghe nghe bawk. Mahse chu erawh ka ngaihbel thil mai emaw ka hmuh sual mai emaw pawh a ni thei a"





inspector chuan "Imm, i fapa pawh chu alo kir leh pawh ani ve thei tho bawk. Tin, i hriat sual leh i ngaihbel zawk pawh chu ani thei anih lah tak chu, Tin, chumi ni i fapa in a alo haw loh ni ni 18 ni chu a thianpa khuma bo ni kha ani a, chumi awmzia chu khupa nen khan an inhmu tihna ani thei tlat mai. Amah i fapa kan zawh khan khupa bo ni khan khupa nen an inhmuh loh thu a sawi a, tin khawiah mah a chhuah vah loh thu a sawi bawk si a, khupa nen an inbiak thu erawh a sawi a.





"Chuti anih chuan i fapa hi a rinhlelhawm thei ta ani. A hna chu eng lam pang nge anih? I hriatpui em?





"Ka pu, engmah ka hriatpui lo, mak ka tiin ka hrilhhai hle zawk ani. Tun hma in mama'n chutiang a ruahmanna a neih awm a sawi ngailo a, a ruk tak tak in engkim alo ruahman ang a han ti dawn ila keini tal chu min han hrilh ve awm, a lengchhuak mai mai ni a kan lo ngaih kha phaiah chuan alo zuk chhuk thla daih mai tihna anih tak ber chu"





Joela chuan "ka pu, in fapa room vel chu han en Chiang ila pawi in ti em? A thawmhnaw a kim em? Bungrua a kim em? Hriat a tha ani" alo ti a.





Inspector pawh chuan "imm in fapa chuan a bungrua emaw a thawmhnaw emaw a ken leh ken loh in la hre lo tihna em ni? Tin, chutia zan a thawm i hriat hnu ah chuan thil bo a awm em? Kim lo a awm em? I hria em? Zoliana chuan "pu inspector, engmah bo a awm awm ka hre hauh lo. Thil pangngai lo pawh awm in ka hre hek lo. Ka beng chhe ri leh ka hmuh sual mai mai anih ka ring mah zawk, amaherawhchu a tul anih chuan uluk lehzual in ka lo en fiah leh dawn nia"





Inspector chuan "Tin, phai a chutia mahni kut ke ngei a inhaichhuah tum a a kal mai danah chuan in fapa hi Kum naupang chhia zawk zawk chu ani bik vak tawh lo a niang maw? Tin, sum leh pai a ngai ngei dawn a, chung velah te pawh chuan ama pual hian sum pawh thahnem tham tak chu khawl ve tur chu ani, chuti anih loh chuan engtin mah mahni a han inhai kaw tura phai lam a han liam thlak ngawt theih anilo ang. Ama pual deuh vek hian a in bawk hrang vel vek tawh tihna em ni?





Pu zoliana chuan "pu te u, in han sawi en na a zarah ka harhchhuak huai mai. Mama hi kan duat em em mai a, a fel in a tunhma nun ah hian sawisel na tur kan hre ngai lem lo" tiin a fapa tun hma nun leh kohhran leh khawtlang ah pawh a mi fak anih thin thu te, tin in chhungkhur leh mimal nun ah pawh a puitlin tawh viau thu te, sum leh pai lamah pawh ama pual a sum thahnem tak a neih hran tawh thu te, mahni ke a ding thei tawh tur a an hriat thu te, chutihrual a chutia ruahmanna dang lo nei a phai lam a a awm bosan ta mai erawh hriatthiam har an tih thu te chu an han hrilh ta a.





Inspector chuan "imm, chu tak reng chu ani, ama puala sum khawl a nei lo anih chuan phai lamah a liam thla mai mai lo tawp ang, nang ni engmah a dil bawk silo che u a, phai ah a kal dawn tih tak ngial pawh a hrilh silo che u a, engpawhnise a sum chevel hriat ka duh khawp mai. Amah lah chuan eng mah min hrilh tha duh dawn lo a ang tlat mai si a" a ti ta a.





Delhi police station atang chuan information an dawng ta a. Pc zaithanpuia tih hming pu a rising star hotel a room book reng reng an awm loh thu an rawn thlen ta tlat mai. Chutah inspector chuan pc zaithanpuaia chu a han call leh nghal thuai a. Mahse an lo rin lawk ang ngeiin police phone call chu a rawn chhang ta hauh lo mai. Switch off a inti ta zel mai a. Police te pawh chuan a ngaihna an hre lo tlang ta kher mai.





Amaherawhchu pc zaithanpuia ngei chu a thianpa that tu ni a lang chu ani ta ani. Inspector chuan ngun zawk chuan a han ngaihtuah kir leh a. Chutah joela hnenah chuan "joel, mi han hrilh teh, khupa kha khami lai, a ruang an hmuhna hmunah khan thah anih i ring em?





Joela chuan "sir, a Chiang reng alawm, khupa kha hmun dangah thah ani a, khalai hmunah khan a ruang paih ani tihna ani mai alawm. Khalai ah khan thah chu nise mi in an lo hmu ngei ang. Tin chhun khaw en lai in kha laiah tual an that duh kher lo ang"





Inspector chuan "imm, thil ni thei ani. Mahse zan lam a thah zawk pawh ani ve thei tho bawk, a bo ni atang a chhut khan ni thum ni ah anih kha a ruang kha chhar anih tak kha. Chuan le, han chhui dawn teh, tualthattu te hian engtiang takin nge chet an lak a i rin? Joela chuan "sir, pc zaithanpuia hian a thianpa hi a bum chhuak a nga, kha laiah khan a hruai a nga, chumi anih loh pawhin hmun hranah a that hmasa zet ang a, tichuan kha laiah khan a ruang chu a paih ta ani ang" Inspector chuan "a ruang chu motor in a phur ngei ang a, pc zaithanpuia pa kha han call teh le"





pu zoliana hnen atang chuan a fapa in lam a a rawn haw loh ni chuan an motor eng chi mah pawn lamah a chhuah loh thu an hre leh ta tlat mai. Tin, motor pawh chu khalh chhuak nise in ah a kir leh ngei ang a, motor bo a awm silo a, eng in nge a ruang chu a paih tak ang?





Khupa ruaitu pu c vangsanga te lam chu an han call veleh ta a. Pu c vansanga hnen atang pawh chuan khupa bo ni ah khan an motor eng chi mah a chhuah loh thu leh amah khupa ngeiin a mamawh chang a a hman tur a an tih bike pawh chu in ah a awm thu an rawn hrilh leh ta tlat mai. Thil a harsa zo leh ta.





Chutah inspector chuan joela hnenah chuan "joel, heti hian thuchhuah siam ang che. Ni 18 inrinni ah, chhunah pawh, zanah pawh, tlaiah pawh, eng hunah pawh ni se, kha lai zemabawk khaw dai a khamah khan taxi emaw eng motor chi pawh kal an awm em? Mi Pahnih phurh an nei em? Thuchhuah siam ang che, tumah an kal lo a mi pahnih phurh an nei lo a nih chuan he thil titu hi mi pakhat chauh nilo, inthurual thil tih zawk pawh ani maithei. kan hriat loh lamah hian midang an la awm ani ngei ang. Ruang phur tu motor kha a neitu kan hre ngei tur ani" a han ti a.





Ni 23, ni nga ni anih chuan Pc zaithanpuia pa pu zoliana hnen atang chuan phone call pawimawh tak mai an dawng ta a. Inspector chuan a han chhang let thuai a. "Hello pu zolian, thuthar a awm a niang maw? A han ti a, lehlam atang chuan "inspector, thil pawimawh tak mai ani. hei mama room te pawh kan han en fiah leh dap a, ni e sawi tak angin mama bungrua leh thawmhnaw chu a kim thlap mai. Engmah han fel lo emaw a awm lo. Chuan hei a thil pawimawh dahna file ka haichhuak hlauh mai bawk. hei lehzel pawh hi a keng tel lo anih hi maw, mama awm dan hi ka hrethiam ta lo tulh tulh mai. Ka ngaih a ti thalo ani.





"Inspector chuan "awle a tha e, a file chu ka lo en Chiang ve ang chu" lehlam atang chuan "awle inspector, hei ka lo dah tha dawn nge ka rawn kal zawk dawn em ni? Inspector chuan "aw station lamah i theih chuan i fapa file chu ka lo enfiah dawn em ni ang? "Awle pu inspector"





Pc zaithanpuia thil pawimawh dahna file an han hai ta chu a bank account passbook an hmu fuh ta hlauh mai. Inspector chuan a lu han buk nghat pah chuan "hei le, hei hi a pawimawh dawn" a han ti a, "hemi hmang hian a sum chet vel dan kan hre thei turah ngai ang" a han ti a. Pu zoliana hennah chuan "I fapa hian hetia mak sak taka a han khawsak takah chuan sum a mamawh ngei ngei dawn tih chu thil Chiang sa ani a, ATM card emaw a nei em?





"Aw inspector nei e, document pawimawh ang chi chu a nei kim thlap ang.





"Awle a lawmawm e pu zolian. A passbook hmang hian a sum chet vel dan hriat lo tum ang che. Chuan ka hrilh lawk duh che, i fapa hi tualthattu alo ni reng thei a, i fapa hian a rawn bia che u ani emaw a awmna chin in hria a nih chuan police hnenah thlen vat tur in ka duh che u ani. Chuan phai lamah chuan a awm lo tih kan finfiah tawh bawk e aw, a address min hrilh kha a dik lo anih ngawt loh chuan i fapa hian keini in kan zawn hmuh hi a hlau hle tihna ani tawh mai.





"Awle awle pu inspector" tiin pu zoliana chuan a fapa awmdan avang chuan hreawm a tih hmel hle mai a.