INBUMNA LEH LEMCHANNA _Part-2_Chapter-3

[April Hmar Liverpool]

Inbumna Leh Lemchanna Part-2



Bung Thumna





Joela chuan inspector hnena thuthmun chu han rem ve in "sir, tun tum chu a harsa lo in ka hria, misual ber hi a lang tlang nghal vek niin ka hria, a hnu chu thup a tum ve ngei mai, mahse a chet dan hi a fing viau lo tawp niin a lang, a chhung te hnenah pawh a inlan tawh lova, a tlanbo nghal ringawt mai a. A chet dan hi a mawlmang i ti ve em?





Inspector chuan "imm, a chet dan hi a mawlmang viau a a lanna phenah hian kan la man thei lo chu anih hi. misual ber hriat chhuah harsa in thil a kal lova, mahse misual ber chu a location kan hre hleithei der rih silo. A tan tirah khan ramvak pa khan ruang kha hmu lo ngat se zawng kan bultan na hi a la beitham viau ngei ang le, pu david c vansanga ten an driver bo thu police te an hriattir ala ni chauh ang a.





"Ni e sir, ruang ber hi hmuhchhuah anih loh chuan misual tan pawh hian a thlamuanthlak zawk ngei ang le, tin khatia ruang hmel hmai ti chhe zawng a chet a lak danah khan hmuhchhuah alo nih palh hlauh kha a ring ve tho ani maithei" inspector chuan "a fimkhur em vang pawh ani thei" alo ti a.





Pc zaithanpuaia pa pu zoliana hnen atang bawk chuan call pawimawh tak mai an dawng leh ta. Pu zoliana chuan tun a a fapa bank account a pawisa awm zawng zawng chu Cheng nuai khat leh sing nga anih thu a rawn hrilh a. Tin, a fapa hian kar hmasa ni 15 nilai ni khan a account atang hian Cheng nuai hnih ngawt mai chu a lachhuak niin a rawn hrilh leh ta bawk. Chuti anih chuan a fapa hian plan chu a nei ngei ni chuan a ngaih theih ta, a tlanbo ni hma hian sum thahnem tak a la chhuak a, a tlanbo zui ta ni ngei chuan a lang ta ani.





Inspector chuan "pu zolian, i fapa hian dawt min hrilh tih kan hre tawh a, Delhi police lam in i fapa chu Delhi ah a awm loh thu min rawn hrilh tawh a, chuti anih chuan i fapa hi he lai mizoramah ngei hian ala awm maithei bawk. Tin khami ni i fapa in phai lam a chhuk thla ni a a insawi ni thawhtan ni khan i fapa hi a chhuk thla ngei em tih chian nawn leh nan travel agency lam kan be pawp leh thlap bawk dawn ani.





"Mahse i fapa hi khawiah mah a kal hi ka ring ta tlat lo mai" Lehlam atang chuan "chuti anih chuan pu inspector, ka fapa chuan tual a thah avangin keini hi min bum a lemchan kual vel dan hi a dap ta tihna aniang maw? chuti anih chuan amah lo hmu a lo hre tu an awm ngei ang, tin veng hrang hrang a a hmelhriat te leh a thian te chanchin kan zawh kual leh a tul dawn anih chu" a han ti a,





inspector chuan "imm, chu chu lo ti ngei ang che. Chumi bakah chuan hei hi hreh tak chung a i tih a tul dawn bawk niin a lang, i fapa bo thu hi tlangzarh mai rawh, amah lo hmu emaw a chin lo hria emaw an awm leh awm loh thuchhuah siam ang che, a hmel leh landan, a hming, amah han hmuh a han hriatthiam mai theih tur khan aw"





"Aw le inspector, mak hi ka ti em ani, heti hian ka fapa chu a awm duh ta mai chu ani si a" tiin pu zoliana chu rilru hah tih hriat tak hian a han thaw halh halh reng a.





Chutia tualthattu tlanbo ta pc zaithanpuia awmna chin hriat tum a police ten hma an lak mek zel lai chuan call pawimawh tak mai an dawng ta hlauh mai, taxi driver pakhat niin khami ni ni 18 inrinni khan zemabawk khaw daiah mi pahnih a phurh thu leh a mi phurh te chu mipa ve ve an nih thu te, tin pawisa an pe a a ni chu an mahni nghak lo tur a an tih thu te, a ni pawh a kir ve leh mai thu te chu a rawn hrilh ta tlat mai le.





hmanhmawh takin police lam chuan chu taxi driver chu station lamah chuan an han ko nghal thuai a, taxi driver pawh chuan a thil hriat ang ang chu chipchiar tak chuan police te chu a hrilh ta a. Inspector chuan thlalak pahnih hi a han phawrh a, driver chu a han en tir a, "pu roluah, an ni hi i mi phurh te chu an ni em? A han ti a, chuveleh driver chuan thalak chu uluk tak chuan a han en a, "aw ka pu, hemi te ngei hi an ni chuan ka hria. Ka Chiang ani" a ti ta a.





Inspector chuan joela hnenah chuan "imm, a Chiang zel e, kha taxi driver kha pc zaithanpuia hian hman a duh thu a hrilh hmasa phawt a, Tichuan khupa hian hmun dangah alo nghak ve thung a, Tichuan khupa chu an va lam veleh a, amaherawhchu an ti ti te, an thusawi dan kalhmang atang chuan engmah han chhui zui tur erawh a awm lem lo thung.





"An ni chuan zemabawkah taxi chu an ti ding ta a, pawisa an pe a an kir tir leh mai ani awm e. Enge an tih tak ang? Taxi be tu kha pc zaithanpuia ani a, khupa hian alo nghak veleh chhawng anih chuan pc zaithanpua hian plan a nei lawk sa a, khupa chu a bum a ni ngei ang. Tichuan a ruahman ang zel chuan khupa chu zemabawk dai a hmun biru deuh lai, mi hmuh theih lohna hmunah a hruai ta ang a, tichuan a that zui ta tihna ani ang. Tichuan a ruang chu tlai lamah emaw zan thim tawhah emaw khamah chuan a paih ta tihna ani ngei ang.





"Joela chuan "mahse, pc zaithanpuia chu eng in nge a haw leh tak ang? Alo ti a, "chu zawng joel, rinhlelh anih loh na tur in kawng a indap chho zel tihna ani mai. Tichuan tlanbo ang in a lang ta a, a sum te chu a hma daih ni ah alo la chhuak a alo inpuahchah lawk vek tawh avang in", chutah inspector chu a han chawl dat a "imm, pc zaithanpuaia hi aizawl khaw chhungah hian a awm ka ring ta hauh lo mai. Khaw dang sumo emaw motor lian ang chi pawh, motor a hmuh remchan ang apiang ah hmun dangah a kal bo ani maithei. Chuan he pa hian a landan hi a thlak danglam ngei bawkin ka ring tlat ani" a ti ta a.





Inspector chuan pu zoliana chu a han call a, "hello pu zolian, i fapa chu a chin i hre thei ta em? A han ti a, "aih pu inspector, engmah kan la hre lo, biak pawh min rawn be tawh lo hrim hrim" inspector chuan "imm, a chiang zel e, misual ani tih kan hre tawh tih hi a hrethiam ve zel anih hi. Kan um mek zel ani tih hi a hre thiam tawh ngei ang. Engpawhnise ka hrilh ang che khan ilo ti ta em? "Aw inspector, mama chu mi bo tiin thu ka theh darh alawm. Chanchinthar a awm veleh kan inhriattir dawn nia"





Police te pawh chuan pc zaithanpuia awmna chin hriat tum chuan hma an la zel a, pc zaithanpuia hmelhriat te leh a thian hmun hrang hrang a mi an hriat theih ang ang chu han be kual in chanchin chu an han zawt kual zel a, mahse pc zaithanpuia awmna chin tumah in an hriat bik loh thu an lo hrilh zel mai.





Nimahsela thu bengverh deuh pakhat hriat an nei ta thung. Pc zaithanpuia chuan a thian te zinga pakhat hnenah chuan heti hian alo hrilh ani awm a, a hmalam hun a tan a ruahmanna a siam thu te, sum pawh a inkhawl hnem ve tawh thu te, phai lamah hna thawk a hun rei tak awm bo a tum thu te, nupui te pawh neih a tum thu te, mahni ke a din a duh ve tawh thu te alo hrilh ve thin ani awm e, mahse hmalam hun a tan a a thil lo ruahman lawk ve te chu mi tumah ala hrilh ngailoh thu te a hrilh a, mahse a hunah chuan a nu leh pa te ngei pawh chu hrilh ve a tum thu te a hrilh tel bawk ani awm e.



chuti anih takah chuan a nu leh a pa hnen a a hrilh tak ang chiah chiah kha ani tihna ani a, heng alo ruahman thil te hi tihpuitlin tum in suangtuah alo nei ve thin tih chu a chiang ta ani. mahse a nu leh pa te la hrilh ve erawh a tum a, mahse a hrilh leh ta silo a, a tlanbo ta ngawt mai a, a tlanbo a lem a chan kual hnuah a hrilh ta chauh a, a tum loh deuh a a thianpa khupa a thah tak vang pawh ani maithei e.





Tichuan, a ni mangang leh chi ai chuan lem a chang kual ta vel a, a chhungte ngei pawh chu hrilhhai takin a siam ta mai ani. "Tunah chuan phaiah a awm ngei em tih kan hriat theih nan travel agency lam chu kan biak a tul ta ani" tiin inspector chuan a mobile phone chu a han la a, "aw hello joel, travel agency hrang hrang lo bia la, airline ticket agency ho kha aw, pc zaithanpuia hming a ticket book sak an nei em tih kha lo hriat i tum dawn nia, kha mi ni thawhtan ni 20 ni ah khan aw" a han ti a, lehlam atang chuan "aw le sir" a rawn ti a.





Inspector chuan call a dawng a, a han en a, pu zoliana phone call alo ni. "aw hello pu zolian, thuthar a awm em? Lehlam atang chuan "inspector, ka fapa hming nen a in ang chiah chiah, sumo pakhatah ni 22 nilai ni khan a chuan thu report ka dawng tlat mai. Ka fapa chu mibo ang a chhuah tur a min tih khan thu ka theh darh nghal a, hei sumo driver pakhat chuan min rawn be hlawl mai.





"An hming chu a in ang chiah chiah a, pc zaithanpuia ve tho ani awm e. Mahse sumo driver chuan a passenger te zing a danglam bik deuh chu alo chhinchhiah deuh bik ani ngei ang. Midang zawng an khaw mi te an nih laiin pakhat erawh tunge a hriat ngai loh ani tlat mai a. Mahse an hmel landan erawh thlalak a ka dah nen chuan a in ang chiah lo ani awm e.





"A awmdan mak danglam tak leh khawsak dan danglam tak avang chuan alo chhinchhiah ru deuh ani ber awm asin. Khatia mi bo anih thu kan han chhuah alo hmuh khan an hming chu a in ang chiah chiah mai a. Mahse sawi tak angin an hmel erawh an in ang lo anih chu, chu pa a mi phurh erawh chu a sam a sei hle mai a, hmui hmul a zuah buk hle ani awm e, tarmit dum a vuah bawk ani"





Inspector chuan "imm, ka rindan chiah ani. A chuanna sumo counter chu a location i hria em? "Aw inspector, champhai lam sumo ani awm e" inspector chuan "imm, a that chu, tin a landan a thlak danglam ni a ka lo ngaihruat na kha a dik ngei tih pawh a Chiang ta viau e. Hmui hmul lem leh sam lem a hmang tihna ani mai" alo ti a. "Awle, sumo driver biakpawhna tur chu mi han pe ta che" a han ti a.





Joela chuan "Sir, pc zaithanpuia hming a thlawhna ticket in cut reng reng hmuh tur a awm lo, he pa hian min tihder kual mai mai anih hi" a han ti a, inspector chuan "joel, beiseina chau rau tak kan neih lai hian kawng lehlamah vanneihna meichher pawh hi alo alh ve mek zel asin" joela chuan "sir, i thusawi awmzia chu kan vannei dawn i tihna em ni? "Ni e joel, kan vanneih ngei ka beisei. Nang leh midang pathum in kan misual a chu in um zui dawn ani, amah alo ni reng em tih in va chian dawn ani"





"Hei, sumo driver pakhat in kan misual um mek chu a awm na chin nen lam min rawn hrilh thlap tawh e. Mi pakhat, hmui hmul leh khabe hmul zuah buk tak, sam sei tak, hoody dum ha a kekawr vut buak rawng ha, chuan he sumo counter ah hian kei kalo kal ang a, kan misual a hnu chu ka lo thual nawn ve leh dawn ani.





"Keifangah kan misual a chu a chhuk ani awm e. Kan lo rin ang ngei khan aizawlah alo awm lo tawp ani. Hmun dang a pan kha ka ring reng a, tin a hmel landan pawh alo thlak danglam ni ngei tur ani. Amaherawhchu misual na na na hi chu han inthup hi tum viau thin mahse, an khawsa zia leh an awmdan, anmahni ah hian hriat theih leh hmuh theih tur hi a awm tho tho thin, tlang chung a in te chu thuhruk tak tak theih a nilo an tih kha maw"





Inspector Remruata chuan ni 22, nilai ni ah sumo counter ah chuan pc zaithanpuaia tih hmingin ticket a cut leh cut loh an lo hria em tih te, chu pa chu khabe hmul leh hmui hmul buk tak, sam sei, tarmit dum bun, kawrlum dum lukhum nei ha, kekawr vut buak rawng ha anih thu te chu counter nghak tu hnenah chuan a han zawt a, counter a mi pawh chuan inspector sawi ang tak mi pakhat chu alo hmuh thu leh sumo ticket pawh a cut ngei thu chu alo hrilh a, chawhnu lam chhuakah a tel ve tak thu te, a awmdan danglam tak leh mize mak tak mai nei anih thu te chu alo hrilh a.





Joela te pawh chuan keifang a pc zaithanpuia hnu chhui tur chuan chet an thawh ta a. Keifang police station lam pawh chu an thil tih tur chu an han hriattir ve nghal thuai a, Kawng lakah te chuan an theih ang ang chuan mipa samsei, tarmit dum vuah leh khabe hmul buk tak hnu chu an thual pah zel bawk.





Inspector pawh chuan khupa pu, pu c vansanga te lam pawh chu uluk takin a thil hriat duh leh a mamawh ang ang te chu alo zawt in alo thlithlai pah ve reng bawk a. An lo rin loh lam daihah khupa chhawr tu, a pu c vansanga te ngei zawk pawh hi misual an lo ni reng thei, pc zaithanpuia nen hian an lo inthurual reng thei ani tih chu thil theih niin a hre tlat bawk ani. An lo inhnamhnawih ve ta lo anih pawhin a hnu leh a inthiam lohna a awm loh nan fimkhur erawh a fimkhur hle a.





Keifang lam a thangchhuak ta joela te pawh chuan keifang lam police te tanpuina nen Keifangah chuan pc zaithanpuia hnu chu an chhui ve zel a. Amaherawhchu an mi duh tak erawh an la man thei mai bik lo. Nimahsela pc zaithanpuia chuan hnu hma alo nei ve zel a, a kalna hmun leh hun hman dan awm ang tur te, tin keifang mai nilo hmun dang ah zel chuan pc zaithanpua hnu chu an chhui zel pawh a tul dawn niin a lang ani. Amah lo hmu tu thenkhat sawi dan chuan zirtawp ni tlai lamah keifang chu a chhuahsan leh niin an sawi a, amah an lo hmuh tan ni chu ni nga ni zing lam atangin ani awm e. Keifangah chuan zan khat a riak ani.





Joela chuan Inspector hnenah chuan report te chu a han pe nghal thuai a, "sir, pc zaithanpuia chu Keifangah zan khat a riak niin a lang, hei a thlenna hotel ni ngei a lang pawh kan en nghal a, pc zaithanpuia hming ngei hmuh tur a awm e, mahse nimin zirtawp ni tlai lam khan champhai lam a pan leh niin amah lo hmu tu te chuan an sawi ani, ka rindan chuan Keifang atang hian champhai sumo ah a bei kai niin a lang ani. tin sir, nu pakhat lo hmuh dan a ka hriat ani a, nu pakhat amah lo hmu tu ni a insawi chuan atm booth ah a lut lai alo hmu fuh ani bawk awm e"





inspector chuan "chu, pawisa a la chhuak teuh tawh si a, a la bang zawng chu lak chhuah fai vek a tum lehzel tihna em ni ang" joela chuan "Sir, plan dang a nei leh pawh ani maithei. A tum dan ni a lang ta chu aizawl lamah kir leh a tum tawh lo ani maithei, chuan ka rindan chuan a sum neih zawng zawng nen ram pawnah, India ram chhung nilo Burma Ram lamah hian tlanbo a tum te pawh ani maithei ani.





"Kan um zel ani tih hi a hria ani. Engti kawng mahin in man tir a duh lo ni ah ka ngai ani. Champhai lam police min lo biaksak la, nimin lam daih ani tawh na chungin champhai a thlen hma hian kawng lakah a riak leh maithei a, mahse Burma pawh chu a lut tawh zawk pawh ani maithei bawk. kan man thei tawh kher lo maithei ani" Inspector chuan "imm, champhai police te chu ka lo bia a nge, kawng lakah motor lut leh chhuak an lo enfiah zel dawn nia" a ti ta a.





Joela te pawh chuan pc zaithanpuaia chu man hman ngei tumin an han in sang phek leh te te a, tichuan chawhnu her anih chuan pc zaithanpuia hnu chhui chuan chet an la ve leh ta ani.





Inspector chuan zoliana chu a han bia a, "aw pu zolian, i fapa chu kan nang ching thei tep e. Chuan pu zolian, i fapa bank account kha han check sak leh lawk thei la ka duh khawp mai. Keifang atm atangin i fapa ni ngei a lang chuan nimin mai khan pawisa a lachuak a ni awm e" Lehlam atang chuan "ee a ni maw, inspetor awle, hei ala tlai lova Bank lam pawh an la bang lovang, khaw nge ka va en fiah vat a nge" a rawn ti ve bawk a.





Rin ang ngeiin Pc zaithanpuia bank account chu alo ruak vek tawh a, keifang atm atang a pawisa lachhuak tu kha pc zaithanpuia ngei ani tih chu a Chiang thawkhat ta viau mai. A hnu chu an chhui sual lo zel niin a lang ta. Inspector hnenah chuan a han hriattir nghal thuai a. "Ka pu, khawngaih in ka fapa kha ti na su aw, a thil tih sual man chu a hmu ngei ang tih ka tiam a che, mahse ka pu, ka fapa kha ti na lul Suh u aw, amah kha ka hmu leh duh ani, himdam takin he lamah rawn thlen ngei ang che u" A ti mawlh mawlh mai a, a mangang ve tawh takzet ani.





"Awle pu zolian, engmah harsatna a awm lovang. Kan nau te chuan an um zui zel a, a hmawr kan hmaih tawh khawp e, amah hian lo beih let a tum te anih ngawt loh chuan engtin mah kan ti lovang"





"awle pu inspector, a lawmawm lutuk e, pu zoliana chu a thu hnawk a, a nupui, a fapa chinchin lo ngaichang ran tu hnenah chuan "mama chu an hmu tawh anih chu, an man tep tawh. A va han pawi tak. A pawi lutuk mama, eng thil nge i tih tak mai le" tiin a indawm Kun nghal tlawk tlawk mai a.





Champhai thlen hma a khaw awm te chu uluk tak chuan an han dap phei zel a, mahse pc zaithanpuia, sam sei tak leh tarmit dum vuah, khabe hmul buk tak chu an hmu hauh lo. Nimahsela amah lo hmu tu ni a insawi mi pakhat alo awm hlauh mai a, pc zaithanpuia chu police te chuan an rawn nang hman lo deuh ni chuan alo hrilh a, ala thlen hlat vak a rin loh thu te chu alo hrilh ta hlauh a.





Champhai kawn, khaw tawntirh ah chuan police engemaw zat hi an lo duty a, motor lut leh chhuak apiang chu an lo enfiah zel a, nimahsela an mi duh tak erawh an hmu lo ani ngei ang. Joela te pawh chuan champhai chu an va thleng ve ta. Police lo duty te nen chuan chanchin an han inhrilh nghal zung zung a. Duty zing a pakhat chuan, "pu te u, in mi um lai hian kan duty hma hian champhai alo lut hman tawh ani ngei ang. Kan hmu zo tlat silo a, ka rindan chuan ala thleng hla viau lo maithei, Chutihrual chuan hmanhmawh tak a um zui nghal anih loh chuan Burma ram lamah tlanchhiat a tum niin ka hria" alo ti a.





Joela chuan "imm awle, kan inpuitawn ta sa sa in mamawh thut a awm thei a, kei niin kan um zel ang a, nangni lam pawhin chanchin min lo ngaichang ve tur in ka duh che u ani" A han ti a, "ee tehreng mai. A tul anih chuan operation pawh ti turin keini lam chu kan inpeih reng a nia" an lo ti ve ta bawk a.





Joela te chuan pc zaithanpuia chu an han um zui leh ta ngat ngat mai a, kawng Kam mi te hnenah chuan mipa sam sei leh khabe hmul buk tak, tarmit dum vuah bawk chu an lo hmuh leh hmuh loh an han zawt zel a. Mahse chutiang mi reng reng an hmuh awm an lo hre ta tlat lo mai.





Zokhawthar an lut a, ramri a check gate duty te hnenah chuan thil awmzia te chu an han hrilhfiah zung zung a, an mi um mek chu an lo hmuh leh hmuh loh te chu an han zawt a, mahse chutiang mi reng reng hmuh an lo nei ta hauh lo mai. An hmel ah chuan mak ti hmel a hmuh theih, joela te chu an lo melh hrek hrek a, an lo hrilhhai viau.





Joela chuan inspector chu a han bia a, "sir, a hnu kan hlauh tlat mai, pc zaithanpuia chuan ramri a paltlang lo" A han ti a, inspector chuan "a hmel landan mawlh kha" a rawn ti a, joela chuan "sir, kan sawifiah vek alawm, an hmu lo" inspector chuan "joel, a sam lem leh khabe hmul lem ringawt ah khan in buai anih chuan in hai reng ang chu, kan um zui reng ani tih a hriat kha, a khabe hmul leh sam lem kha chu a dah tha daih tawh zawk maithei"





Chuveleh inspector hrilh ang chuan duty te hnenah chuan pc zaithanpuia landan diktak chu an han hmuh tir leh a, mahse chutiang mi awm ang chu an lo la hmu Chuang hauh lo. Duty chuan "officer, he lai gate hi permit nen lo chuan a paltlang mai mai theih hleinem" alo ti a, joela chuan a mit chu san ak in "nia" alo ti ringawt. "Permit nei tur hian engtia rei nge hun ngai ang? Joela chuan a han ti leh hram a, duty chuan "permit neih hi a har alawm" alo ti mai a, joela chuan "imm, he pa hi misual satliah ani hleinem, plan nei sa vek ani alawm" tiin lunghnur zet chung chuan an let leh ta ringawt mai a.





Ni e, pc zaithanpuia chuan permit pawh alo nei vek tawh thei tlat ani. Vai ram lamah a hnu chui turin police ho a bum hmasa te te a, ani erawh Burma lam ah tlan bo alo tum reng si a. Mahse, police lam in chak takin a thusawi te a dik reng em ti a an han bawhzui nghal vat avang in a hnu diktak an chhui fuh ta hlauh zawk ani. Mahse khawiah nge pc zaithanpuia chu a awm tak ang? Champhai ah chuan alo biru tihna em ni ang?





Joela te chuan chet han lak zui mai ngaihna an hre ta lo hle mai a, a landan alo thlak leh hman anih si chuan eng ang hmel hmai ber nge a put tih pawh chu an hrethiam tawh awm der silo a.





Inspector in chutia a nau te champhai ah an hawi hai mek ani tih alo hriat ve takah chuan amah ngei chuan chet lak ve chu a duh ta a, a naute chu bumin aizawl lamah pc zaithanpuia chu a rawn let leh daih tawh zawk alo ni reng thei. Chuvang chuan amah ngei chuan joela te hnu chu thual nawn veleh chu a duh ta ani. Kawng lakah misual nen chuan an innang ching hlauh ve thei tlat si a.





Champhai kawn sumo stand bul mai a awm hotel pakhat run nuam hotel lian leh changtlung zet mai kawt ah chuan joela te chu a ngaihna hre lo zet chung hian an thu khawm taih reng a, "heti anih takah hi chuan hotel ah hian a awm tihna ani thei mai a ngem? Nge ni a hotel dang dang hi kan dap kual a tul zawk dawn ni. Hotel anih loh chuan khawiah nge a awm tak ang?





An ngaihtuahnna leh zeldin thil te chu uluk takin an kawm ani. Joela chuan "imm, he lai hotel hi i enfiah hmasa phawt mai ang u", a han ti a. Hruaia chuan "ni e, hei hi kawng kan neih chhun ani rih mai niin a lang" alo ti ve bawk a. Joela chuan piah deuh a street food zawrhna lo awm chu en in "ngawi lawk ru, ka ril a ti tam riau mai saw lai street food an zawrh ho sawn, kha laiah khan min lo nghak lawk ru, ka lo let har lovang" tiin street food lei tur chuan a kal nghal thuai a.





A thil lei te an han pack fel hnu chuan let leh mai chu a han tum a, chutia let leh tum a a han in her chiah chu mi pakhat nen hian a thil Ken thlauh darh chuai khawp chuan an in su ta bur mai a, "ei ah! i va fimkhur love" a han ti a, an lo chau ve deuh bawk nen a thin chu a ter nghal at mai. "Ka tihpalh, nangpawh i kalna tur i en lo ve bawk anih kha" chu pa chuan a rawn ti a, chutah le, joela chuan chu pa hmel a han hmu chiang zet mai chu a va han phu Chiang kher em ve le! a te nghal thawt a, a tawlh hnung nghal dawrh mai.





Thlahrang hmu ni mai awm hian rapthlak tih hmel zet hian chu pa chu a en tlawk tlawk ringawt mai ani. chu pa, a mi sut pa chu a thihdan an chhui mek khupa kha alo ni reng mai a.