THE ADVENTURE OF LALROPEKA
HMINGTHANPUIA MURDER CASE
HMINGTHANPUIA MURDER CASE - 1
Ka hming chu Zorinsangi a ni a. Mi thenkhat chuan min la hriat ka ring, ka u Lalropeka hnuchhuina chanchin ziaka rawn tarlang thintu ka ni. Tun tumah hian ka u Mama‘n suahsual rawngbawlna a hailan tamtak zinga ka rilru khawih ber leh min ti na ber chanchin ka rawn tarlang dawn a. He hnuchhuina chanchin hi a makin a rapthlak a, thudik hailan a nih hnua he chanchinin i rilru a ti na ve hauhlo a nih zawngin mihring, hmangaihna leh zahngaihna nei ve reng reng lovah ka ngai ngei ang che.
Buaina lo intanna chu heti ang hi a ni. June ni 14 zing lam a ni a. Eirawng bawl pahin ka tuktin TV programme en thin Chibai Mizoram chu ka en a. A dan pangngaiin Zikpuii chuan aw zangkhai takin chanchin thar, crime legislation, hospital leh police station report te chu a rawn puang zung zung a. Chutihlai chuan kan kawngkhar dar hmehrik chu tuin emaw a rawn hmet ri tlang tlang a. Ka U Mama chuan thubuai chinfelsak tura rawn ngen thintu mi tamtak a lo hnar zin tawh em avangin a puihna beisei inleng kan neih leh chu ka ring lawk hauh lo.
Hmanhmawh lem lovin kawngka chu ka va hawng a, pawnah chuan nu, kum 50 vel bawr tur, la nalh tak, sam buang thang mai hi a lo ding a. A landan a mawi-a a zahawm tehlul nen a mitmeng erawh lungngaihnain a khat a. “Tanpui theihna che ka nei em?” ka tih chuan, “Lalropeka hmuh ka duh a Mami...” a ti thawp sat a, a ngawi deuh dat a, chumi hnuah, “Ka hmu thei a nih chuan ka lawm ngawt ang,” a tih chhunzawm leh a.
“Ka U chu a la rawn tho lova. Engpawh nise rawn lut phawt ta che,” tih pahin kawngka chu ka hawng zau a, “Ka lawm e,” a ti sap a, min rawn zui lut nghal a. “Eng chungchangah nge ka U chu hmuh i duh a?” ka han ti a. Min chhan mai harsa ti niawm takin a ngawi deuh vang vang a, “A puihna beiseia lo kal ka ni a,” inthlahrun hmel takin a ti a. Muangchangin ka lehhawi a, “Ka U chuan a tanpui beiseia lo kal mi tamtak a lo hnar rih asin... Tunlai chu a hrisel lo deuh a, a eng tih mah a tui lo a ni,” ka ti zawi raih a. Inthlahrun hmel takin min en a, eng emaw sawi tumin a ka a ang zuau a, mahse sawi leh ta lo chuan a ngawi leh ta daih a. “Engpawh nise lo thu phawt la, ka U chu ka va kaitho ang e,” ka ti a, sitting room-ah chuan thutna tur ka kawhhmuh a, ka U mut pindan lam pan chuan ka kalsan ta nghal a.
Ka U Mama pindan kawngka chu ka han hawng a. Zawite hian Daduhi‘n, “Tlinglo takin ka rawn pan che, ka sual zawng nen i hmaah ka rawn kun. Bo tawhlo turin min nei ang che. Chatuana i kianga awm turin min silfai la. Sawichhiatna tinreng, tanin thim leh thihna thleng pawn i tan kal ve ka huam asin... Lalpa ka zui zel ang che...” a lo ti riai riai a. Chu hla chu Mama‘n tunhnaia a ngaihthlak zin em em a ni.
A muhil hmel chu ka thlir vawng vawng a. Mite‘n hnuchhui thiam tiin an ngaisang a, mifing tak leh thinlung sak tak nei hmel hi a pu bawk a, mahse chu chu a dik vek si lo. Mama chuan hmangaihna hliam a tuar a, a hmangaih Chhantei‘n a kalsan a ni. Mi hmuh dan leh keimah ngeiin ka hmuhdan pawh chu a dik hauh lo tih ka hria a, chu chu Mama thinlung chu hmangaihna lamah chuan a chaklo a ni. A hmel chu ka thlir ngawih ngawih a, ka U chu ka khawngaih takzet. Hmangaihna hliam a tawrh avanga a hna chu tawpsan a ni tih ka hria a, ka thil hriat ang chu hre ve nise a tanpuina mamawh ngawih ngawih mi tamtakte chuan ka U Mama thinlung hliamtu chu an haw ve ngeiin ka ring.
A biangah chuan ka zuk chul a, “Mam, harh teh,” zawitein ka ti a. Muangchangin a rawn meng a, a mitmeng chu a sen rum a. “Eng nge ni ta Mate?” a ti sap a. “Nizanah i muhil lo a ni maw?” ka lo ti a. Za lo tih hriat ngawih ngawih hian a nui sak a, “Min ngaihtuah suh Mate... Ka tha alawm” a ti a. “Inleng kan nei a, i tanpuina mamawh bawk a ni. ‘Ka U chu a nuamsamlo em a, hna han thawk thei chi a la ni rihlo a ni,’ ka va ti leh mai dawn em ni?” aw dam tak hian ka ti a. “Ni love Mate, hna ka thawk tan leh tawh dawn a ni,” a ti a. Mak ti deuhin Mama chu ka en a, “Mam, i ti tak tak em ni?” hlim ti hriat ngawih ngawih hian ka ti chhuak a. “Ni e, Mate, hmalam panin ke ka pen leh dawn a ni. Nizan khan Chhantei chuan, “Duhna che chhete mah ka nei tawhlo,” min ti a, Mate ka rilru ka siamfel ta a ni. Hmangaih teh mah ila min duhlo tu na na na hmangaih chu ka tan hlawkna a awmlo mai a ni lova, a tan ninawm leh hnawksak mai ka ni tawh tihna a ni a, chuvang chuan a tel lova hringnun hmachhawn ka zir a ngai a ni. Hmalam panin ke ka pen anga, ka hnungtawlh tawh lovang. Hun rei tak chhung keimah chauh ka lo inngaihtuah a, nang lehzel ka thlahthlam che avangin min ngaidam dawn ania aw...”
Ka U chuan thinlung hliam a tawrh avanga a tawrh nasat zia ka hrechiang a. Chuti ang rilru thar a rawn pu ta chu ka lawm kher mai, mahse ka lainat em em bawk a, mittui parawl teuh chungin, “Mama, ka va lawm tak em...” ka ti a, ka kuah vawng vawng a. “Ka haw ngawt mai,” ka han ti sep a. A ni chuan, “Mate, ka haw ve hleinem... Mihring hmangaihna chuan tawp chin a nei a, min hmangaihna chu a tawp ta tihna mai a ni. Keichuan huat ve nachhan tur ka nei lo... Nangpawn haw suh aw...” a ti sap a. Ka chhang lawk lo, a awma bei reng chung chuan ka ngawi vang vang a, “U Mam, mihring hmangaihna chuan tawp chin a nei i ti a maw...? Keichuan tawp chin nei lovin ka hmangaih che a... ka hmangaih reng ang che,” ka ti sep a, thlahlel tih hriat ngawih ngawihin a awmah chuan ka bei a. “Keipawn tawp chin nei lovin ka hmangaih ang che,” a ti sap a.
Thlamuang tih hriat ngawih ngawiha a awma ka bei reng lai chuan, “Khai le, harh tawh teh le... I muthlu a ni em lo maw? Kan inleng chu a lo hrilhhai lutuk ang e,” a rawn ti fiamthu hluk a... Chutia a han tih takah chuan ka thlah vat a, mittui parawl teuh chung chuan ka nui sen sen a, “Min hmangaih tih hriat ngawih ngawiha min kuah lohna a rei tawh em a ni,” ka ti ve a. A nui hak a, min rawn man beh leh a tum lai chuan ka lo tlanchhe vat a, “Rawn inphihfai hle rawh aw... I di Tualvungi i sun rei lutuk a i hmelchhe hman teh ania,” ka ti a, nui hak hak chung chuan a pindan atang chuan ka tlanchhuak vat a.
Kan inlengnu thutna lam chu ka va pan a, “Ka pi, ka U chu lo nghak lawk rawh aw... A rei lovang. Thil tih laklawh lai ka lo nei a, ka kalsan lawk ang che,” ka ti a, a lu a bu nghat a, “Ka lawm e,” a ti sap a, ka kalsan ta nghal a.
Darkar chanve hnuah thutkhawmna pindanah chuan ka va let veleh a, chutihlai chuan kan inlengnu chu haw turin a lo tho chhuak ve mek a. Kan inlengnu chuan a bag ah atang chuan tablet hi a rawn phawrh a, chutah chuan tlangval pakhat thlalak hi a chuang a, mittui parawl teuh chung chuan chu thlalak chu ka U Mama chu a entir a, “En teh tlangval, i tan chuan tlangval pakhat ve mai a ni maithei. Mahse ka tan erawh chuan ka khawvel a ni si. Ka beiseina hnuhnung ber i ni a, tu tanpuina mah beisei tur dang ka nei tawh lo.. Nangmahah chauh ka rinna ka nghat ania aw,” tah chhuak insum tih hriat ngawih ngawih hian a ti a, a mittui erawh chu a dang zo lo.
Ka U Mama chuan a mit a chhing a, thawk a la vang vang a, a rawn men leh chuan lainatna nen kan inlengnu chu a rawn en a, “Ka pi, ka theihtawp ka chhuah ang tih ka tiam a che,” a ti sap a. Chu thu chu ka U chuan a sawi lohna a va`n rei ta em... Ka thinlung chu lawmnain a khat a. Ka u Mama chu chhuang takin a hnunglam atang chuan ka thlir ngawih ngawih a. Kan inlengnu chuan a bianga a mittui luang zawih zawih chu a hruhul thuak thuak a, ka lam a lo hawi a, ka hmaah chuan a rawn ding a, “Nula, ka lawm e aw,” a ti sap a. Eng harsatna nge a tawh ka la hre velo, mahse nu tha tak niin ka hria a, ka lainat nghal em em a... A kal tum inher tur chu, “Ka pi, khawngaih takin i fapa thlalak chu ka lo en ve thei ang em?” ka lo ti a. Ngawi rengin a tablet chu a rawn phawrh chhuak leh a. Chuta tlangval pakhat thlalak chu ka en vawng vawng a, “A hmeltha kher mai,” ka ti sap a. “Ka lawm e,” a hma zawng aia zawi hian a ti leh sap a, eng thu mah sawi leh tawh lovin kan in atang chuan a chhuak ta nghal a.
Mama chu min hnungchhawn zawngin a thu a, a hnunglam atang chuan ka thlir ngawih ngawih a. “Mama, ka chhuang lutuk che,” ka han ti sap a. “Mate, chumi let chuan ka chhuang zawk ngei ang che,” tih pahin a rawn inher a, min rawn nuih sak a. Thinlung chhungril bera ka lawmna chuan par a rawn chhuang a, ka lo nuih let sen sen a, ka hlim a ni tih ka U chuan a hmuh thiam ngei ka ring.
Chumi ni nileng chuan ka U Mama chu a chhuak bo vang vang a. Eng nge a tih ka hre lova, mah se ka lawm a ni. Thla tamtak a inkhung tawh a, kan kawtkai tih chauhlo chu pawn a chuak ngai lova, mipui ningkhawng a hre lova, khawvel lak atang a inla hrang ni berin ka hria. Eng ti tura chhuak nge a nih hrelo mah ila chumi ni-a a chhuakvak ve leh ta chu ka lawm reng reng a ni.
Tlaiah chuan thla tamtak chhung ka lo hmuh tawhloh hlim hmel pu hian a lo haw a. “Bawihte, naktuk chu Kolkata-ah i zin ang aw...” a rawn ti a. “Eng nge kan tih ang?” ka lo ti ha a. “Hna kan thawk dawn mawle,” a lo ti mai a. “U Mam,” ka han ti dat a, ka ngawi leh zet a, “Ka va lawm tak...” ka ti sep a. Ka biangah chuan min rawn fawp zeuh a, “Ka hmangaih che alawm,” a ti sap a. “Kan hna tur chu i hre ve duh em? Case hautak tak tur a ni. Thu ila ka hrilh ang che,” a ti a. Hetiang hian a hnathawh tur chanchin chu min hrilh ta a :
“May ni 8 khan Kolkata-a Medica Superspecialty Hospital ah Hmingthanpuia lung (heart) chu zai a ni a, rawn harh chhuak leh tur awm tawh lovin a boral zui ta a ni. A fapa thihna chungchangah chuan Hmingthanpuia nu Pi Grace Zamliani, kan inlengnu khan thil fello awmin a ring tlat a, a fapa chu a zaitu Dr. Dipankar Ghosh Dastidar chuan tum reng vangin a thatah a ngai tlat a ni. Chumi a nih vang chuan Mukundapur Police Station-ah FIR a thehlut a, mahse police te chuan hma lak vak ngaihna an hre lo a ni awm e. Dr. Ghosh-a chu hun reilote chhung chu police custody-ah dah a ni a, mahse police te chuan tih sual a neih awm an hriat ngangloh avangin an chhuah leh thuai a ni. Chu thihna chungchangah chuan Dr. Ghosh-a thawhna Medica Superspecialty Hospital-a Medical Superintendent Dr. Saumitra Bharadwaj chuan Hospital leh thawktute chuan thil tihsual engmah an neihloh thu thuthar lakhawmtute hmaah huai takin a puang piap piap bawk a. Mah se chuti a ni chung chuan New Delhi-a Cardiologist thiam hmingthang, India rampum huap pawha thiam ber anga chhal ngam, Max Super Speciaty Hospital, New Delhi-a an Doctor, Pi Grace Zamliani thian hnai tak ni bawk, Dr. Viveka Kumar thung chuan Hmingthanpuia lung test result chi hrang hrang a zir chian chuan chu thihna chu thil thleng theiah a ngailo tlat thung a ni.
“He thihna thlen hma hian thil ngaihtuah ngai tak thleng a awm a, chu chu Hmingthanpuia chuan a thih hma ni lawk hian a nu Private Secretary Annie Lalramchhanhimi chu nupuiah a nei mauh mai! Chu chu a nu remtihpuina leh hriatpuina tel hauh lovin a ni lehnghal. Mak deuh mai chu an inngaizawng thin tih reng reng Pi Grace Zamliani chuan a hre tlat lo mai a ni. Tin, thil mak leh deuh mai pakhat chu Hmingthanpuia zaitu Dr. Dipankar Ghost Dastidar, Cardiologist chu Hmingthanpuia thian tha tak a ni ang lawi bawk a. Mate, he case hi a hnawkin a hautak dawn hle a, mi hausa leh mi thiam tak tak te inhnamhnawihna a nih avangin ka tan pawh a zamawm ve rum rum mai. He thihna avanga kan tanpuina rawn beisei Pi Grace Zampuii ngei pawh kha Kolkata-a 32bytes.Net Company-ah share holder a ni a. 50% lai Company-ah chuan share a nei a ni awm e. Tin, a fapa Hmingthanpuia, he thihna tuartu ngei pawh hi he company-ah hian Chief Engineer a ni nghe nghe bawk a ni. Mahse he case-a inhnamhnawihte hi an liantham viau naa hun rei tak hna ka chawlhsan tawh hnua bul han tan lehna tur atan chuan a tluka duhthusam ka nei chuang lo... Chona min pe nasa a ni,” mahni inrintawknaa khat hmel pu hian ti a.
Keichuan, “U Mam, a va liantham em em ve. Kan inrawlh loh tawpna turah kan inrawlh palh ang tih te ka va`n hlau...” ka lo ti a. “Bawihte, he thihna chungchangah hian Pi Grace Zamliani khan thil fello awm ngeiin a ring nghet tlat a, a rinna dik leh dik loh chungchangah ngaihdan han siam mai ngaihna pawh ka la hre biklo, mahse a hmelah kha chuan lungngaihna tawpkhawk chu a inphum ngei a ni tiraw...? Thil diklo tak inphumru a awm a nih chuan kan inrawlhna tur dik takah kan inrawlh zawk tihna a ni dawn a ni,” a ti a.
Ka ngawi vang vang a, “A nih Mam, Pi Grace-i chu a dik i ring em?” ka han ti ngawt a. A en ngai a en vang vang a, a lu a rawn thing a, “A thusawi tlemteah ringawt pawh ngaihtuah ngai thil tamtak chu a awm tawh ngei a, mahse ngaihdan nghet siamna tur em-a thu chiang leh rinngam tur erawh a la awm lo...” a ti a, a ngawi leh vang vang a, “Doctor hmuh chu ka chak hmasa ta ber mai,” a ti zui ta daih a. Hun reilo deuh chhung kan ngawih dun vang vang hnuin keichuan, “Engtin nge hma i lak tan ang?” ka han ti a, “Hmingthanpuia thianpa leh amah zaitu ni bawk doctor leh a team te chu ka hmu hmasa ber ang,” a ti a. A en ngai a en chhunzawm reng danah a ngaihtuahna chu a seng zui a ni tih ka hre mai a, tihbuai chhunzawm duh rih lovin ka va thut hnaih a, a awmah beiin ka kuah a, “Mama, ka neih let leh che avangin ka lawm e,” ka ti sap a, ka biang chu a rawn chul a, ka chalah a fawp zeuh a. Chumi hnu chuan a duh anga a ngaihtuahna a sen theih nan pindan dangah ka kalsan ta nghal a.
© Reserved by the Writer.
A hnuai ah conti...
*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***
THE ADVENTURE OF LALROPEKA BY Zonunsiama Ralte
HMINGTHANPUIA MURDER CASE - 2
June ni 15 tlai lamah chuan Kolkata-ah kan awm der tawh a. Pi Grace-i chu Kolkata ah chuan thil ti thei ve tawk tak a nih avangin a tuk lawkah a fapa Hmingthanpuia zai hlumtu doctor, Dr. Dipankar Ghosh Dastidar kan hmuh nghal theihna turin Medica Superspecialty Hospital, Medical Superintendant kaltlangin appointment min hmuhsak nghal a. Ka U nen chuan Wild Orchid Hotel, Mukundapur-ah kan thleng a, amah Pi Grace-i erawh chu khawi hmunah nge a awm ka hre ve lem lo.
June ni 16 tlai lamah chuan Medica Superspecialty Hospital (Hminthanpuia an zai hlumna damdawiin)-a Dr. Dipankar Ghosh Dastidar-a (Hmingthanpuia zai hlumtu) office-ah Mama nen chuan kan leng dun ta a. A landanah chuan Dr. Ghosh-a chu pa invawng fel tak, zahawm rukna riau nei, mah se nelawm em em tho si hi a ni a. Mama chuan kan kal chhan leh amah biak kan duh chhan chu zep hauh lovin a hrilh tlang nghal mai a. Dr. Ghosh-a chuan, “Private detective maw i nih a?” tiin ka u Mama chu a zawt a. A ruk tak chuan a ngaisanglo ru hlein ka lo hria a, a hmelah erawh a lanchhuahtir lem lo. “Aw ni e,” Mama chuan a lo mai ti a. Dr. Ghosh-a chuan, “Ka kuta ka thianpa thihna avangin umzui ka ni ta chu a ni a, ka rilru natna zia leh pawi ka tihzia hi min hriatthiampui pha lo a ni... Police te pawn tihsual ka neihloh zia an hria asin. Madam Grace-i hian engah nge ka thian tha leh ka ngainat em em a fapa hi that duh tura min ngaih tlat mai le...?” a ti vawng vawng a... A mitmeng leh a hmel chu lungngaihnain a khat a, a en ngai a en tlawk tlawk a.
Mama chuan, “Zawhna ka zawt thei che ang em?” a han ti a. Dr. Ghosh-a chuan, “I duh duh min zawt thei ang,” a lo ti sap a. Mama chuan, “Hmingthanpuia nen hian engtik atanga inhre tan nge in nih?” a ti ta a.
Dr. Ghosh-a chu a ngawi vang vang a. Mama nen chuan a hmaa thu kan ni a, Dr. Ghosh-a chuan keini min en kanin kan hnunglam chu khawdang hawisawn hauh lovin a en tlawk tlawk a. Ngawi rengin a hawina lam en chuan ka han hawilet zauh a, bangah chuan Dr. Ghosh-a leh Hmingthanpuia te pahnih thlalak chu a lo intar va a. Chutah Dr. Ghosh-a chuan khawdang hawisawn hauh lo hian, “Kum 1 lai a liam ta, Engineer Hmingthanpuia nena kan intawnna kha. Shopping Mall-ah thawhahin a tlu a. Chumi ni chu ka ngaihzawng nena kan bazar ni a lo ni ve chiah a. Doctor ka nihnaah chutia damlo tlu ka hmuh chuan buaipui tur niin ka inhria a. A natna chu ka thiamna lam thawhah a nih lehzel avangin ka theih ang tawka buaipuiin ka bawihsawm vat vat a, ambulance kovin damdawiin thleng ka zui hial nghe nghe a ni.
“Damdawiin atang chuan a rawn harhchhuah leh hmain ka hawsan a. Mah se a rawn harhchhuah leh hnu chuan thih suala a tluk laia tanpuitu chu min hriatchhuah ngei a duh ta tlat a. Damdawiinah chuan ka hmelhriat leh ka thian thawk an awm nual avangin amah tanpuitu chu tunge ka nih an lo hrilh a, tichuan ani chuan min rawn zawngchhuak ta a ni.
“Thih ngama a nat laia tanpuitu ka nih avangin min ngaina em em a. Min rawn zawnchhuah a chin chu thian tha tak kan ni lo thei ta lo.” A ngawi vang vang a. A mitah chuan mittui a tling teuh a. Muangchangin a tarmit vuahlai chu a la thla a, dawhkana a rawmawl dah chuan a mittui parawl teuh chu a hrufai a. Phurlo tih hriat ngawih ngawihin a aw a thian a, kan hnunglama thlalak intar chu a thlek leh vang vang a. Chutah, dawhkana a kiu nghatin a chal chu a dawm a, “Mihringte hi kan thi thin. Nangni chuan doctor-te hi thihna leh nunna thuah thuneihna eng emaw chen neiin min ngai a... mah se a ni lo. Tu chungah emaw thihna a lo thlen dawn chuan, a thi mai thin; chelh tum eng ang mah ila mi tute mahin tihtheih an nei lo....” a mita a mittui tling pam chu a hru zawk a. “Ka damlo enkawl tamtak an thi tawh a. Inzaina dawhkana an thi lai ka hmu fo, anmahni ka zaina chemte hnuaia an ruang engmah hre tawhlo ka hmu thin....” a ngawi dat a, “...Mah se chutiang chu ka thian chunga a thleng lai ka ka la hmu lova, ka la tawng ngailo...” A ngawi vang vang a, a mittui chu a parawl teuh a.... “Hmingthanpuia chu tlai dar 5 leh minute 8 ah a boral a....” a ngawi leh dat a, tawngchhuah tumin a ka chu a han ang leh zuau a, mah se, a sawi chhunzawm thei ta lo... a biangah chuan a mittui chu a luang zawih zawih a.
Mama nen chuan ngawi rengin a hmaah chuan kan thu a, awm ngaihna ka hrelo. Ka hmaa doctor thu chu ka lainat a, ka khawngaih ngawih ngawih a. A tap lai chu hmuh hrehawm ti takin ka en tawk tawk a. Nakinah chuan, “Khami ni-a thil thleng kha sawi theih ka nei tam lo... a thi tih ka hriat khan rilru mumal ka neih ka hre ta lo a ni,” a rawn ti zawi sap a.
Mama chuan a thuthmun a rem tha zawk a, zawitein a aw a thian kharh a, “A pawi ka tihpui hle mai che,” a ti sap a. Dr. Ghosh-a chuan mittui parawl teuh chung chuan zawitein a lu a lo bu nghat a. Chutah Mama chuan, “Khawngaihin zawhna dang ka zawt leh thei che ang em?” a han ti sap a. Doctor chuan a lu a lo bu leh nghat a. Mama chuan, “Hmingthanpuia nupui Annie Lalramchhanhimi hi i hmelhriat zawng a ni em?” a ti a.
Dr. Ghosh-a chuan, “Aw... kha nula khawngaihthlak tak khaw maw...? Ka thianpa khan khami ni khan a thi dawn a ni tih a inhre lawk si lova. Lo harh leh a, a nupui kha hmu leh turah a inngai kha a ni tak si a. An va lainatawm dun tak... Kha nu khawngaihthlak tak kha engtinnge a awm tak zel le?? Ka thianpa khan nikhua a hriat chhung zawng kha chuan a ngaihtuah reng a ni tih ka hrechiang si a...” a ti a.
Mama chuan, “I thianpa leh Annie te chanchin chu min hrilh tur i nei em?” a lo ti a.
Dr. Ghosh-a chuan a mit a chhing vang vang a, muangchangin a rawn meng leh a, “Tamtak chu ka hre lo. Ka hriat chhun chhun ka han hrilh ang che ang e. Ka thianpa leh Annie intawnna chu kumkhat chuang a ni tawh. Nula leh tlangval inkawprem tak an ni a. An hmel a tha dun si a, a hmeh pawh an inhmeh dun teh asin... Annie chu chhungkaw khawsa thei tak atanga seilian a ni ve lem lova, hna sang tak pawh a thawk lem lo. Ka thianpa nu Pi Grace-i private secretary a ni mai a. Amahin apartment a luah a, a thla hlawh chu Mizorama a chhungte a thawn ve thin a, a khawsak pawh a nuam lem lo.
“Zep thu a cheng lo, ka thianpate hi tribal mah nise mi hausa an ni a, ani ang tan chuan Annie chu mi hnuaihnung tak a ni. Chumi a nih avang chuan tum khat chu ka hau a, mah se ka thianpa chuan, ‘Ka lei vantirhkoh a ni. Ani ka tawn atang chiah hian nun hlutna ka hre ve asin. Chuvangchuan ka tan a hlu lutuk. Thianpa, Annie hi chu thlah tur chuan min ngen duh reng reng suh aw... Nupuiah ka nei dawn a ni,’ a ti mauh mai a. Chumi a chin chu a hmangaihzia ka hriatthiampui ve ta a, thlah tura tih ka tum zui ngai ta lova, hmangaihna par an tlan dun chu hmuhnawm ti takin ka lo thlir thin ta zawk a ni.
“Mah se chuti a ni chung chuan ka thianpa chuan a nu chu a private secretary a hmangaih a ni tih thu chu a hrilh ngam ngai lova. An kiangah Pi Grace-i a awm ve phei chuan inhmelhriat satliah ve ang chauhvin an awm thin a...” a tih mek laiin Mama chuan a thusawi lai chu a lo pawhchah sak a, “Hmingthanpuia a thih hma lawka an inneihna chungchangah khan hriat i nei ve em?” a lo tih khalh a.
Dr. Ghosh-a chuan, “Nei tehmeuh mai. Ka han sawi thui leh deuh teh ang. Ka thianpa khan kan intawn atang khan a natna chungchangah doctor dang reng reng a rawn duh ta hauh lova. Keima enkawlna hnuaiah char char a ni awm ni. A boral hma thla khan tuk khat chu kan pahniha kan tihdun fo thin angin exercise la-in park-ah kan tlan dun a. Chumi tum chuan Annie nena an chungchang chu a nu hrilh a duh tawh zia leh a hrilh hreh si zia chu min hrilh a ni. Chumi tum chuan, “Annie hi i hmangaih takzet a nih chuan i nu chu hrilh ngei ngei tawh rawh... Annie chu mi rethei ni mah se, i nu chu i nu a ni a, i hmangaih takzet a ni tih a hriat phawt chuan a pawmpui em em ang che... I nu hian a hmangaih lutuk che a, i duhzawng chu a tihsaklo phal lovang che,’ ka ti a ni. Ani chuan, ‘Thianpa, ka nu chuan kan inkawp a remti theiin ka ring lo... Nupuia ka neih luih tawp lohchuan a ngaihna ka hrelo a ni,’ a ti a. Chumi tum chuan keipawh chuan ka thianpa natna chungchanga a laka ka thil zepruk chu ka sawichhuak ve ta a ni. Ka thianpa hnenah chuan, ‘Thianpa, i lung (heart) hi a thalo telh telh a. Hun reilote hnuah kan zai ngei ngei a ngai hial dawn a ni. I tha leh ngei ngei dawn a ni tih ka hrechiang a, mah se natna khuma i mut lai chuan hnemtu leh enkawltu i mamawh dawn a ni tih ka hrilh duh che a. Chutih hunah chuan i nu mithmuhlai ngeia Annie-in a enkawl ngamlo tur che leh ngaihtuah tak si che, mah se rawn hnaih ngam silo che a a awm tur chu chu han ngaihtuah teh... I hmangaih takzet a nih chuan i nu hriattir la, Annie chu nupuiah nei mai rawh,’ ka ti hial a ni.
“Chu thu ka hrilh chuan amahah nghawng a neih awm ka hre hauh lo. Mah se zankhat chu min rawn phone a, chu chu amah kan zai hma nihnihna zan a ni. Chumi tum chuan a chau em em tih a aw-ah a hriat a, mah se a thinlung erawh a hlim em em ni hian a hriat lawi bawk a, ‘Thianpa, Annie ka nei dawn a ni,’ a rawn ti a, mak ka ti kher mai. ‘Ka thianah tang rawh aw...’ a ti a, ‘I nu-in a remti em ni?’ ka tih chuan, ‘Ka nu chungchang min zawt suh... Ka nu chuan a remti ngai lovang. Ka nu ai chuan Annie hi ka thlang ta zawk a ni, ka lei vantirhkoh a ni si a,’ a ti a. ‘I nu remtihna tello chuan ka thei lovang,’ ka lo ti a. Mah se ka thianpa chuan Annie nena a nu hmaa an inngaihzawn thu an puan tuma thil thleng chu min hrilh ta a, ‘Thianpa, min ti beidawng suh aw...’ tiin ngen taktein min ngen a. Tichuan a nu remtihna nilo mah se ka thianpa leh a hmangaih ngawih ngawih Annie te inneihna hriatpuituah chuan tangin inneih maicham hmaah ka thianpa kiangah chuan ka ding ta a ni.
“Kha biakin chhunga mi pahnih inhmangaih takte inneihna kha ka damchhungin ka hrereng tawh ang. Biakin chhungah chuan mi paruk chauh kan awm a, ka thianpa leh Annie, puithiam, kei leh Annie thiannu leh biakin enkawltu chowkidar chauh chu. Mah se ka damchhunga inneih inkhawma ka tel naah chuan a ropui berin a lungchhiatthlak ber kumkhua ngei ang. Inneih thuthiam an chham lai te kha ka beng hian a la hria a, ka mitthlaah hian a la cham reng mai... ‘Kei, Annie Lalramchhanhimi hian, nang, Hmingthanpuia hi, Pathian leh dan hmaah....’ ti-a a bianga a mittui luang zawih zawih chunga kha nula khawngaihthlak takin thutiam a chham lai kha ka mitthlaah hian a cham kumkhua tawh dawn a ni. Khatihlai khan a tuk maiah damchhunga inhmu leh ngai tawhlo turin a hmangaih ngawih ngawih leh amah hmangaih ngawih ngawihtu a pasal thar chuan a kalsan leh nghal dawn a ni tih a hre der si lo...
“Inzaina pindana kan nawr luh dawn chuan Annie chu thlaphang tih hriat zet hian kawngka bulah a lo ding a. Ka thianpa chuan a nupui kut chu a la a, a kutzungtanga an inneih zungbun chu a thlek vawng vawng, ‘A nalh lutuk... I bun tawk chiah tiraw?’ a ti a. Annie chuan tahchhuak insum tih hriat takin, ‘Ummm,’ a lo ti a, za lo takin a nui lui a. Ka thianpa chuan a nupui chu a en vang vang a, ‘Ka hmu tawhlo mai ang che tih ka va`n hlau em,’ a ti sap a... Annie chuan, ‘Chutiang sawi suh... Damdawiin atanga kan chhuah hunah chuan, nupa nun bul kan tan ang a.. In tha tak kan sa ang a, kan fate nen hlim takin ka khawsa dawn alawm... Inzaina pindan atanga i rawn chhuah leh veleh, he hmunah hian ka lo awm reng ang, ka lo nghak reng ang che...’ a ti sep sep a, a mittui chu a parawl teuh a, a hlauthawng a ni tih ka hria a ni.
“Ka thianpa chuan a nupui mittui chu a hruk sak a, ‘Ka thinlung hi an zai dam dawn si a, ka thinlung thar chuan tuna ka thinlung ang hian a la hmangaih tho chein i ring em?’ fiamthu ti tak deuh hian a ti a. Annie chuan eng thu mah a sawi thei lo, a biangah a mittui a luang a, a pasal chu a fawp a, tichuan keichuan ka thianpa chu inzaina pindan lamah chuan ka nawr lut a, inhmangaih ngawih ngawih te chu ka pawtthen ta a ni. Pindana kan luh dawn chuan ka thianpa chuan dam a la inring a, ‘Ka hmu leh thuai ang che... ka nupui,’ tiin a hmangaih Annie chu a au a, mahse Annie hmel erawh a hmu pha tawhlo. Annie chuan mittui tla chungin tah aw tiau hian, ‘Sawi nawn leh rawh,’ a lo ti a... Ka thianpa chuan, ‘Ka hmu leh thuai ang che... ka nupui....’ a ti leh lauh lauh a...”
Dr. Ghosh-a mittui chu hrukloh rual a ni ta lo. Chu‘ng thu zawng zawng a sawi lai chuan a mittui chu a mitah a tling pam reng a, eng thu mai pawh chu sawi nuam a ti hauhlo tih kei takngial pawhin ka lo hmu ve a. Amah leh Hmingthanpuiate nupa ka lainat em avang chuan ka mittui chu ka biangah a lo luang ve zawih zawih hial a ni. Chu‘ng thu a sawi zawng zawng leh a mah ka hmuh atang chuan keichuan Dr. Ghosh-a chuan Hmingthanpuia chu a that dawn hauhlo tih ka hre thei nghal a ni.
Dr. Ghosh-a chuan, “Ka tana sawi a harsat tur zia min hriatthiampui ka ring. Ka sawi leh duh pakhat chu ka thianpa hi ka thah a ni lova, ani ang thiantha kha kei chauh nilo mi tute pawhin nei se an that thei ngai lovang... A lakah khan tihsual engmah ka nei lova, khatia operation kan neih lai khan a lung hnathawh kha a rawn tawp ta thut mai a ni. Keichuan ka theihtawp tak meuh meuh ka chhuah zawk a ni....” a ngawi vang vang a, “Ka thianpa lakah khan tihsual pakhat chauh ka nei... Chu chu kha thihna kha a thleng dawn tih ka hriatloh avanga an nupa ka lo pawtthen ta mai kha a ni...” a ti sap a.
Chu thu a sawi zo chiah chu pindan kawngka chu a rawn innam hawng thuai a, nurse pakhat hian, “Doctor, emegency-a zai tur an awm a, mamawh i ni,” a rawn ti a. Dr. Ghosh-a chu a tho vat a, “Min hriatthiam mai ka ngai a ni, min biak duhna i la nei a nih chuan,” tiin Mama chu a card a pe a, tichuan a office chu kan unau chuan kan chhuahsan ta nghal a.
Hospital kawtah chuan Mama chu a ding vang vang a. A ngaihtuahna a seng nasa tih ka hriat avangin keichuan ka lo be buai duh lova. Nakinah chuan ka lam a lo hawi a, “Mate, dar engzatnge?” a rawn ti a. Ka sana chu ka en vat a, “Dar 3 leh minute 45,” ka lo ti a. “A la hma bawk a, i let leh lawk teh ang,” a ti a, Hospital-ah chuan a lut leh a, a hnungah ka zui nghal a. Chu hospital Medical Superintendant Dr. Saumitra Bharadwaj-a office-ah chuan kan inzui lut a. Dr. Saumitra chuan, “Eng nge in duh?” a lo ti a. Mama chuan, “Ka pu, Pi Grace Zamliani`n Dr. Ghosh-a hmu tura a rawn tirhte kha kan ni e,” a ti mai a. Doctor chuan, “Dr. Ghosh chu in hmu tawh a ni lo`m ni?” a lo ti chang fak a. Mama chuan, “Aw kan rawn hmu zo chiah a ni,” a lo ti leh a. “Chuti a nih chuan eng nge hetah in la tih?” a lo ti khui khui a. Mama chuan, “Doctor kha ka zawh duh ang ka la zawt kim hmanlo deuh a, mah se ani chu nidangah ka la kawm leh mai ang. I remti a nih chuan Hmingthanpuia zai a nih laia operation room-a awm ve Dr. Ghosh-a team te kha kawm ve ka duh a ni,” a han ti a.
Dr. Saumitra chuan thinrim tih hriat zet hian a ha chang a thial a, a thaw rang hle bawk a, rum fe hian Mama chu a melh a, “Chu chu ka remti tawh lovang. Dr. Ghosh-a i biak theihna chhan pawh kha ka thiantha tak min ngenna avang chauh a ni. Kan damlo pakhat thihna avangin he`ng chen thil ka la kalpui ngai lo. A nihna takah chuan Pi Grace-i lakah hian defamation (diklo taka intih hmingchhiatna tumna) case kan file thei asin. Amah Dr. Ghosh-a`n min ngen nasat em avangin case kan file lo mai zawk a ni. Damlo pakhat thihna avang maiin kan hospital hian hetiang taka hmingchhiatna hi kan la tawk ngailo... Dr. Ghosh-a team te chu in hmu lovang,” a ti ta zek mai a.
Mama chu a ngawi vang vang a, chutihlai chuan keichu ka lo zam hle a. Mah se Mama chuan, “Ka pu, he thil hi in damdawiin emaw mimal intihhmingchhiat tumna chungchang a ni lo. Nu pakhatin a hmangaih em em a fa neihchhun a channa chungchang zawk a ni. Police te`n a duh anga investigation an kalpui theihloh avanga private investigation kalpui duhna hial nu pakhatin a nei hi intihhmingchhiat tumnaah i puh lui tlat duh a nih chuan i duh ang chuan i ti thei ngei ang. Mah se hei erawh sawi ve ka duh, he thil tu tur hian Pi Grace-i hian India dan hnuaiah right a nei a ni. Engpawh nise i staff te chu hmuh i phal lo a nih chuan kan hmulo mai ang e,” a ti a, “Hawh le Mate,” tiin a inher a, chu pindan chhung chu kan chhuahsan ta nghal a.
Pawn atang chuan ka va hawilet leh kher a, chu Medical Superintendent chuan thinrim, mah se mak tih hmel em em hian min lo thlir ngawt ngawt hi a lo ni a. Ka U Mama chu a ngaih ang ngawta mawlmang a lo ni awzawnglo a nih ngei ka ring. A ruk takin Mama chu ka chhuang em em a.
Hospital kawtah chuan taxi changin kan ding a. Mama chuan, “Mate, ka ti mah mah i ti em?” a rawn ti a. Keichuan ka lo nuih sak a, “Mam, i pa ka ti lutuk,” tiin ka lo chhang a.
Kan innghahna Hotel kan thlen leh hnu chuan Mama hnenah chuan, “Mam, engtinnge ni leh zel dawn?” ka han ti a. “Annie Lalramchhanhimi chu engtiang taka hmeltha nge a niha i rin?” tiin zawhna min lo zawt let khauh a. “Unnnn... Hmingthanpuia atanga teh chuan nula hmelchhe tak zawng a ni hauh lovang le...” ka lo ti a. “A tluk che i ring em?” a han ti kher a. “Hmmmmmm...” ka lo ti a. “A tluk hauh lovang che tih ka ring,” a ti a, ka biangah a rawn piai a. Za lo tak, mah se ka lawm avang chauh chuan ka nui sen sen a.
Next...
http://storyfb.com/viewtopic.php?f=4&t=626
June ni 15 tlai lamah chuan Kolkata-ah kan awm der tawh a. Pi Grace-i chu Kolkata ah chuan thil ti thei ve tawk tak a nih avangin a tuk lawkah a fapa Hmingthanpuia zai hlumtu doctor, Dr. Dipankar Ghosh Dastidar kan hmuh nghal theihna turin Medica Superspecialty Hospital, Medical Superintendant kaltlangin appointment min hmuhsak nghal a. Ka U nen chuan Wild Orchid Hotel, Mukundapur-ah kan thleng a, amah Pi Grace-i erawh chu khawi hmunah nge a awm ka hre ve lem lo.
June ni 16 tlai lamah chuan Medica Superspecialty Hospital (Hminthanpuia an zai hlumna damdawiin)-a Dr. Dipankar Ghosh Dastidar-a (Hmingthanpuia zai hlumtu) office-ah Mama nen chuan kan leng dun ta a. A landanah chuan Dr. Ghosh-a chu pa invawng fel tak, zahawm rukna riau nei, mah se nelawm em em tho si hi a ni a. Mama chuan kan kal chhan leh amah biak kan duh chhan chu zep hauh lovin a hrilh tlang nghal mai a. Dr. Ghosh-a chuan, “Private detective maw i nih a?” tiin ka u Mama chu a zawt a. A ruk tak chuan a ngaisanglo ru hlein ka lo hria a, a hmelah erawh a lanchhuahtir lem lo. “Aw ni e,” Mama chuan a lo mai ti a. Dr. Ghosh-a chuan, “Ka kuta ka thianpa thihna avangin umzui ka ni ta chu a ni a, ka rilru natna zia leh pawi ka tihzia hi min hriatthiampui pha lo a ni... Police te pawn tihsual ka neihloh zia an hria asin. Madam Grace-i hian engah nge ka thian tha leh ka ngainat em em a fapa hi that duh tura min ngaih tlat mai le...?” a ti vawng vawng a... A mitmeng leh a hmel chu lungngaihnain a khat a, a en ngai a en tlawk tlawk a.
Mama chuan, “Zawhna ka zawt thei che ang em?” a han ti a. Dr. Ghosh-a chuan, “I duh duh min zawt thei ang,” a lo ti sap a. Mama chuan, “Hmingthanpuia nen hian engtik atanga inhre tan nge in nih?” a ti ta a.
Dr. Ghosh-a chu a ngawi vang vang a. Mama nen chuan a hmaa thu kan ni a, Dr. Ghosh-a chuan keini min en kanin kan hnunglam chu khawdang hawisawn hauh lovin a en tlawk tlawk a. Ngawi rengin a hawina lam en chuan ka han hawilet zauh a, bangah chuan Dr. Ghosh-a leh Hmingthanpuia te pahnih thlalak chu a lo intar va a. Chutah Dr. Ghosh-a chuan khawdang hawisawn hauh lo hian, “Kum 1 lai a liam ta, Engineer Hmingthanpuia nena kan intawnna kha. Shopping Mall-ah thawhahin a tlu a. Chumi ni chu ka ngaihzawng nena kan bazar ni a lo ni ve chiah a. Doctor ka nihnaah chutia damlo tlu ka hmuh chuan buaipui tur niin ka inhria a. A natna chu ka thiamna lam thawhah a nih lehzel avangin ka theih ang tawka buaipuiin ka bawihsawm vat vat a, ambulance kovin damdawiin thleng ka zui hial nghe nghe a ni.
“Damdawiin atang chuan a rawn harhchhuah leh hmain ka hawsan a. Mah se a rawn harhchhuah leh hnu chuan thih suala a tluk laia tanpuitu chu min hriatchhuah ngei a duh ta tlat a. Damdawiinah chuan ka hmelhriat leh ka thian thawk an awm nual avangin amah tanpuitu chu tunge ka nih an lo hrilh a, tichuan ani chuan min rawn zawngchhuak ta a ni.
“Thih ngama a nat laia tanpuitu ka nih avangin min ngaina em em a. Min rawn zawnchhuah a chin chu thian tha tak kan ni lo thei ta lo.” A ngawi vang vang a. A mitah chuan mittui a tling teuh a. Muangchangin a tarmit vuahlai chu a la thla a, dawhkana a rawmawl dah chuan a mittui parawl teuh chu a hrufai a. Phurlo tih hriat ngawih ngawihin a aw a thian a, kan hnunglama thlalak intar chu a thlek leh vang vang a. Chutah, dawhkana a kiu nghatin a chal chu a dawm a, “Mihringte hi kan thi thin. Nangni chuan doctor-te hi thihna leh nunna thuah thuneihna eng emaw chen neiin min ngai a... mah se a ni lo. Tu chungah emaw thihna a lo thlen dawn chuan, a thi mai thin; chelh tum eng ang mah ila mi tute mahin tihtheih an nei lo....” a mita a mittui tling pam chu a hru zawk a. “Ka damlo enkawl tamtak an thi tawh a. Inzaina dawhkana an thi lai ka hmu fo, anmahni ka zaina chemte hnuaia an ruang engmah hre tawhlo ka hmu thin....” a ngawi dat a, “...Mah se chutiang chu ka thian chunga a thleng lai ka ka la hmu lova, ka la tawng ngailo...” A ngawi vang vang a, a mittui chu a parawl teuh a.... “Hmingthanpuia chu tlai dar 5 leh minute 8 ah a boral a....” a ngawi leh dat a, tawngchhuah tumin a ka chu a han ang leh zuau a, mah se, a sawi chhunzawm thei ta lo... a biangah chuan a mittui chu a luang zawih zawih a.
Mama nen chuan ngawi rengin a hmaah chuan kan thu a, awm ngaihna ka hrelo. Ka hmaa doctor thu chu ka lainat a, ka khawngaih ngawih ngawih a. A tap lai chu hmuh hrehawm ti takin ka en tawk tawk a. Nakinah chuan, “Khami ni-a thil thleng kha sawi theih ka nei tam lo... a thi tih ka hriat khan rilru mumal ka neih ka hre ta lo a ni,” a rawn ti zawi sap a.
Mama chuan a thuthmun a rem tha zawk a, zawitein a aw a thian kharh a, “A pawi ka tihpui hle mai che,” a ti sap a. Dr. Ghosh-a chuan mittui parawl teuh chung chuan zawitein a lu a lo bu nghat a. Chutah Mama chuan, “Khawngaihin zawhna dang ka zawt leh thei che ang em?” a han ti sap a. Doctor chuan a lu a lo bu leh nghat a. Mama chuan, “Hmingthanpuia nupui Annie Lalramchhanhimi hi i hmelhriat zawng a ni em?” a ti a.
Dr. Ghosh-a chuan, “Aw... kha nula khawngaihthlak tak khaw maw...? Ka thianpa khan khami ni khan a thi dawn a ni tih a inhre lawk si lova. Lo harh leh a, a nupui kha hmu leh turah a inngai kha a ni tak si a. An va lainatawm dun tak... Kha nu khawngaihthlak tak kha engtinnge a awm tak zel le?? Ka thianpa khan nikhua a hriat chhung zawng kha chuan a ngaihtuah reng a ni tih ka hrechiang si a...” a ti a.
Mama chuan, “I thianpa leh Annie te chanchin chu min hrilh tur i nei em?” a lo ti a.
Dr. Ghosh-a chuan a mit a chhing vang vang a, muangchangin a rawn meng leh a, “Tamtak chu ka hre lo. Ka hriat chhun chhun ka han hrilh ang che ang e. Ka thianpa leh Annie intawnna chu kumkhat chuang a ni tawh. Nula leh tlangval inkawprem tak an ni a. An hmel a tha dun si a, a hmeh pawh an inhmeh dun teh asin... Annie chu chhungkaw khawsa thei tak atanga seilian a ni ve lem lova, hna sang tak pawh a thawk lem lo. Ka thianpa nu Pi Grace-i private secretary a ni mai a. Amahin apartment a luah a, a thla hlawh chu Mizorama a chhungte a thawn ve thin a, a khawsak pawh a nuam lem lo.
“Zep thu a cheng lo, ka thianpate hi tribal mah nise mi hausa an ni a, ani ang tan chuan Annie chu mi hnuaihnung tak a ni. Chumi a nih avang chuan tum khat chu ka hau a, mah se ka thianpa chuan, ‘Ka lei vantirhkoh a ni. Ani ka tawn atang chiah hian nun hlutna ka hre ve asin. Chuvangchuan ka tan a hlu lutuk. Thianpa, Annie hi chu thlah tur chuan min ngen duh reng reng suh aw... Nupuiah ka nei dawn a ni,’ a ti mauh mai a. Chumi a chin chu a hmangaihzia ka hriatthiampui ve ta a, thlah tura tih ka tum zui ngai ta lova, hmangaihna par an tlan dun chu hmuhnawm ti takin ka lo thlir thin ta zawk a ni.
“Mah se chuti a ni chung chuan ka thianpa chuan a nu chu a private secretary a hmangaih a ni tih thu chu a hrilh ngam ngai lova. An kiangah Pi Grace-i a awm ve phei chuan inhmelhriat satliah ve ang chauhvin an awm thin a...” a tih mek laiin Mama chuan a thusawi lai chu a lo pawhchah sak a, “Hmingthanpuia a thih hma lawka an inneihna chungchangah khan hriat i nei ve em?” a lo tih khalh a.
Dr. Ghosh-a chuan, “Nei tehmeuh mai. Ka han sawi thui leh deuh teh ang. Ka thianpa khan kan intawn atang khan a natna chungchangah doctor dang reng reng a rawn duh ta hauh lova. Keima enkawlna hnuaiah char char a ni awm ni. A boral hma thla khan tuk khat chu kan pahniha kan tihdun fo thin angin exercise la-in park-ah kan tlan dun a. Chumi tum chuan Annie nena an chungchang chu a nu hrilh a duh tawh zia leh a hrilh hreh si zia chu min hrilh a ni. Chumi tum chuan, “Annie hi i hmangaih takzet a nih chuan i nu chu hrilh ngei ngei tawh rawh... Annie chu mi rethei ni mah se, i nu chu i nu a ni a, i hmangaih takzet a ni tih a hriat phawt chuan a pawmpui em em ang che... I nu hian a hmangaih lutuk che a, i duhzawng chu a tihsaklo phal lovang che,’ ka ti a ni. Ani chuan, ‘Thianpa, ka nu chuan kan inkawp a remti theiin ka ring lo... Nupuia ka neih luih tawp lohchuan a ngaihna ka hrelo a ni,’ a ti a. Chumi tum chuan keipawh chuan ka thianpa natna chungchanga a laka ka thil zepruk chu ka sawichhuak ve ta a ni. Ka thianpa hnenah chuan, ‘Thianpa, i lung (heart) hi a thalo telh telh a. Hun reilote hnuah kan zai ngei ngei a ngai hial dawn a ni. I tha leh ngei ngei dawn a ni tih ka hrechiang a, mah se natna khuma i mut lai chuan hnemtu leh enkawltu i mamawh dawn a ni tih ka hrilh duh che a. Chutih hunah chuan i nu mithmuhlai ngeia Annie-in a enkawl ngamlo tur che leh ngaihtuah tak si che, mah se rawn hnaih ngam silo che a a awm tur chu chu han ngaihtuah teh... I hmangaih takzet a nih chuan i nu hriattir la, Annie chu nupuiah nei mai rawh,’ ka ti hial a ni.
“Chu thu ka hrilh chuan amahah nghawng a neih awm ka hre hauh lo. Mah se zankhat chu min rawn phone a, chu chu amah kan zai hma nihnihna zan a ni. Chumi tum chuan a chau em em tih a aw-ah a hriat a, mah se a thinlung erawh a hlim em em ni hian a hriat lawi bawk a, ‘Thianpa, Annie ka nei dawn a ni,’ a rawn ti a, mak ka ti kher mai. ‘Ka thianah tang rawh aw...’ a ti a, ‘I nu-in a remti em ni?’ ka tih chuan, ‘Ka nu chungchang min zawt suh... Ka nu chuan a remti ngai lovang. Ka nu ai chuan Annie hi ka thlang ta zawk a ni, ka lei vantirhkoh a ni si a,’ a ti a. ‘I nu remtihna tello chuan ka thei lovang,’ ka lo ti a. Mah se ka thianpa chuan Annie nena a nu hmaa an inngaihzawn thu an puan tuma thil thleng chu min hrilh ta a, ‘Thianpa, min ti beidawng suh aw...’ tiin ngen taktein min ngen a. Tichuan a nu remtihna nilo mah se ka thianpa leh a hmangaih ngawih ngawih Annie te inneihna hriatpuituah chuan tangin inneih maicham hmaah ka thianpa kiangah chuan ka ding ta a ni.
“Kha biakin chhunga mi pahnih inhmangaih takte inneihna kha ka damchhungin ka hrereng tawh ang. Biakin chhungah chuan mi paruk chauh kan awm a, ka thianpa leh Annie, puithiam, kei leh Annie thiannu leh biakin enkawltu chowkidar chauh chu. Mah se ka damchhunga inneih inkhawma ka tel naah chuan a ropui berin a lungchhiatthlak ber kumkhua ngei ang. Inneih thuthiam an chham lai te kha ka beng hian a la hria a, ka mitthlaah hian a la cham reng mai... ‘Kei, Annie Lalramchhanhimi hian, nang, Hmingthanpuia hi, Pathian leh dan hmaah....’ ti-a a bianga a mittui luang zawih zawih chunga kha nula khawngaihthlak takin thutiam a chham lai kha ka mitthlaah hian a cham kumkhua tawh dawn a ni. Khatihlai khan a tuk maiah damchhunga inhmu leh ngai tawhlo turin a hmangaih ngawih ngawih leh amah hmangaih ngawih ngawihtu a pasal thar chuan a kalsan leh nghal dawn a ni tih a hre der si lo...
“Inzaina pindana kan nawr luh dawn chuan Annie chu thlaphang tih hriat zet hian kawngka bulah a lo ding a. Ka thianpa chuan a nupui kut chu a la a, a kutzungtanga an inneih zungbun chu a thlek vawng vawng, ‘A nalh lutuk... I bun tawk chiah tiraw?’ a ti a. Annie chuan tahchhuak insum tih hriat takin, ‘Ummm,’ a lo ti a, za lo takin a nui lui a. Ka thianpa chuan a nupui chu a en vang vang a, ‘Ka hmu tawhlo mai ang che tih ka va`n hlau em,’ a ti sap a... Annie chuan, ‘Chutiang sawi suh... Damdawiin atanga kan chhuah hunah chuan, nupa nun bul kan tan ang a.. In tha tak kan sa ang a, kan fate nen hlim takin ka khawsa dawn alawm... Inzaina pindan atanga i rawn chhuah leh veleh, he hmunah hian ka lo awm reng ang, ka lo nghak reng ang che...’ a ti sep sep a, a mittui chu a parawl teuh a, a hlauthawng a ni tih ka hria a ni.
“Ka thianpa chuan a nupui mittui chu a hruk sak a, ‘Ka thinlung hi an zai dam dawn si a, ka thinlung thar chuan tuna ka thinlung ang hian a la hmangaih tho chein i ring em?’ fiamthu ti tak deuh hian a ti a. Annie chuan eng thu mah a sawi thei lo, a biangah a mittui a luang a, a pasal chu a fawp a, tichuan keichuan ka thianpa chu inzaina pindan lamah chuan ka nawr lut a, inhmangaih ngawih ngawih te chu ka pawtthen ta a ni. Pindana kan luh dawn chuan ka thianpa chuan dam a la inring a, ‘Ka hmu leh thuai ang che... ka nupui,’ tiin a hmangaih Annie chu a au a, mahse Annie hmel erawh a hmu pha tawhlo. Annie chuan mittui tla chungin tah aw tiau hian, ‘Sawi nawn leh rawh,’ a lo ti a... Ka thianpa chuan, ‘Ka hmu leh thuai ang che... ka nupui....’ a ti leh lauh lauh a...”
Dr. Ghosh-a mittui chu hrukloh rual a ni ta lo. Chu‘ng thu zawng zawng a sawi lai chuan a mittui chu a mitah a tling pam reng a, eng thu mai pawh chu sawi nuam a ti hauhlo tih kei takngial pawhin ka lo hmu ve a. Amah leh Hmingthanpuiate nupa ka lainat em avang chuan ka mittui chu ka biangah a lo luang ve zawih zawih hial a ni. Chu‘ng thu a sawi zawng zawng leh a mah ka hmuh atang chuan keichuan Dr. Ghosh-a chuan Hmingthanpuia chu a that dawn hauhlo tih ka hre thei nghal a ni.
Dr. Ghosh-a chuan, “Ka tana sawi a harsat tur zia min hriatthiampui ka ring. Ka sawi leh duh pakhat chu ka thianpa hi ka thah a ni lova, ani ang thiantha kha kei chauh nilo mi tute pawhin nei se an that thei ngai lovang... A lakah khan tihsual engmah ka nei lova, khatia operation kan neih lai khan a lung hnathawh kha a rawn tawp ta thut mai a ni. Keichuan ka theihtawp tak meuh meuh ka chhuah zawk a ni....” a ngawi vang vang a, “Ka thianpa lakah khan tihsual pakhat chauh ka nei... Chu chu kha thihna kha a thleng dawn tih ka hriatloh avanga an nupa ka lo pawtthen ta mai kha a ni...” a ti sap a.
Chu thu a sawi zo chiah chu pindan kawngka chu a rawn innam hawng thuai a, nurse pakhat hian, “Doctor, emegency-a zai tur an awm a, mamawh i ni,” a rawn ti a. Dr. Ghosh-a chu a tho vat a, “Min hriatthiam mai ka ngai a ni, min biak duhna i la nei a nih chuan,” tiin Mama chu a card a pe a, tichuan a office chu kan unau chuan kan chhuahsan ta nghal a.
Hospital kawtah chuan Mama chu a ding vang vang a. A ngaihtuahna a seng nasa tih ka hriat avangin keichuan ka lo be buai duh lova. Nakinah chuan ka lam a lo hawi a, “Mate, dar engzatnge?” a rawn ti a. Ka sana chu ka en vat a, “Dar 3 leh minute 45,” ka lo ti a. “A la hma bawk a, i let leh lawk teh ang,” a ti a, Hospital-ah chuan a lut leh a, a hnungah ka zui nghal a. Chu hospital Medical Superintendant Dr. Saumitra Bharadwaj-a office-ah chuan kan inzui lut a. Dr. Saumitra chuan, “Eng nge in duh?” a lo ti a. Mama chuan, “Ka pu, Pi Grace Zamliani`n Dr. Ghosh-a hmu tura a rawn tirhte kha kan ni e,” a ti mai a. Doctor chuan, “Dr. Ghosh chu in hmu tawh a ni lo`m ni?” a lo ti chang fak a. Mama chuan, “Aw kan rawn hmu zo chiah a ni,” a lo ti leh a. “Chuti a nih chuan eng nge hetah in la tih?” a lo ti khui khui a. Mama chuan, “Doctor kha ka zawh duh ang ka la zawt kim hmanlo deuh a, mah se ani chu nidangah ka la kawm leh mai ang. I remti a nih chuan Hmingthanpuia zai a nih laia operation room-a awm ve Dr. Ghosh-a team te kha kawm ve ka duh a ni,” a han ti a.
Dr. Saumitra chuan thinrim tih hriat zet hian a ha chang a thial a, a thaw rang hle bawk a, rum fe hian Mama chu a melh a, “Chu chu ka remti tawh lovang. Dr. Ghosh-a i biak theihna chhan pawh kha ka thiantha tak min ngenna avang chauh a ni. Kan damlo pakhat thihna avangin he`ng chen thil ka la kalpui ngai lo. A nihna takah chuan Pi Grace-i lakah hian defamation (diklo taka intih hmingchhiatna tumna) case kan file thei asin. Amah Dr. Ghosh-a`n min ngen nasat em avangin case kan file lo mai zawk a ni. Damlo pakhat thihna avang maiin kan hospital hian hetiang taka hmingchhiatna hi kan la tawk ngailo... Dr. Ghosh-a team te chu in hmu lovang,” a ti ta zek mai a.
Mama chu a ngawi vang vang a, chutihlai chuan keichu ka lo zam hle a. Mah se Mama chuan, “Ka pu, he thil hi in damdawiin emaw mimal intihhmingchhiat tumna chungchang a ni lo. Nu pakhatin a hmangaih em em a fa neihchhun a channa chungchang zawk a ni. Police te`n a duh anga investigation an kalpui theihloh avanga private investigation kalpui duhna hial nu pakhatin a nei hi intihhmingchhiat tumnaah i puh lui tlat duh a nih chuan i duh ang chuan i ti thei ngei ang. Mah se hei erawh sawi ve ka duh, he thil tu tur hian Pi Grace-i hian India dan hnuaiah right a nei a ni. Engpawh nise i staff te chu hmuh i phal lo a nih chuan kan hmulo mai ang e,” a ti a, “Hawh le Mate,” tiin a inher a, chu pindan chhung chu kan chhuahsan ta nghal a.
Pawn atang chuan ka va hawilet leh kher a, chu Medical Superintendent chuan thinrim, mah se mak tih hmel em em hian min lo thlir ngawt ngawt hi a lo ni a. Ka U Mama chu a ngaih ang ngawta mawlmang a lo ni awzawnglo a nih ngei ka ring. A ruk takin Mama chu ka chhuang em em a.
Hospital kawtah chuan taxi changin kan ding a. Mama chuan, “Mate, ka ti mah mah i ti em?” a rawn ti a. Keichuan ka lo nuih sak a, “Mam, i pa ka ti lutuk,” tiin ka lo chhang a.
Kan innghahna Hotel kan thlen leh hnu chuan Mama hnenah chuan, “Mam, engtinnge ni leh zel dawn?” ka han ti a. “Annie Lalramchhanhimi chu engtiang taka hmeltha nge a niha i rin?” tiin zawhna min lo zawt let khauh a. “Unnnn... Hmingthanpuia atanga teh chuan nula hmelchhe tak zawng a ni hauh lovang le...” ka lo ti a. “A tluk che i ring em?” a han ti kher a. “Hmmmmmm...” ka lo ti a. “A tluk hauh lovang che tih ka ring,” a ti a, ka biangah a rawn piai a. Za lo tak, mah se ka lawm avang chauh chuan ka nui sen sen a.
Next...
http://storyfb.com/viewtopic.php?f=4&t=626
| Link: | |
| BBcode: | |
| HTML: | |
| Hide post links |
ADVERTISEMENT (A hnuai a milem hi a nia hmeh zeuh tur chu)