NATHAN Ep-6 (I SPIT ON YOUR GRAVE) by Aaron Malsawmdawngzuala

[Aaron Dustin]

(Kum 18 chunglam tan lo chuan chhiar ka phal lo, achhan chu pawngsual chungchang anih mai bakah, athen chu a ruhlang rawt rawt in ka ziak lang dawn a, khawngaihin kum 18 ila tlin loh chuan chhiar suh ang che.)

ASP lai ka lo ni ve tawh ta chu a nia, tin ka boss Nathan pawh DCP a ni ve tawh a, kan promotion hmuh zana zu kan in nasat zia kha, Nathana hian zu a in ngailo maw ka tia, ka bulah chuan, " Beer bak ka in theilo.." te kha a ti vel a, alo dawh heh hle ni tur a ni. Veng pakhat a Pu Saitluanga huan (phhuahchawp) an tih mai, ramhnuai pakhat a ruang an chhar chu en tur leh a ngai te ang bawka chhuichhuah tumin kan va inkhalh phei leh ta a. A hmun kan thleng a, ruang chu kan han hmu chiah chu ka luak teuh ngei mai. A rimchhia in a tawih nual tawh nghe nghe a, tho leh rannung dangin an lo bawm nuai nuai bawk a, constable ho chuan an sawngbawl mek a. Chu ruang chu Sangliankunga ruang niin chu ramhnuai (Pu Saitluanga huan) ah chuan zin vaivak te petrol thunsak tur in a thian midang pathum te nen chu lai bawr vel ah chuan petrawl station siamin an sumdawng a, sawrkar phalna thlapin chulai hmun bawr velah chuan in an sa a, an thian ho zinga pakhat Ramghaka an tih phei chu ahmun veng tura ruat police assistant sub inspector a ni a, nupui te neiin fanu kum 7 mi neiin an khawsa nghe nghe bawk a, an sawidan chuan an hlawk hle nghe nghe bawk ni tur a ni.

Sangliankunga ruang chu a tenawmin a thihdan pawh tualthah ngei a ni tih a chiang em em a, thingkungah thu chunga phuar beh niin, a mit pahnih chu khap thei miah lo turin a mit ko chung ah thirzai a in vit tlang a, chu thirzai chu mar taka pawhchhauh niin thingkungah chuan a lu zawn chiah ah tawnbeh a ni bawk a, amit mu pawh a awm tawh lo, choak ten an chuk tih a hriat hle a, amit atang chuan thisen luangthlakna hnu thisen khar rimchhe tak chu a khir nuai mai bawk a, a kawrhma velah chuan chawmal leh dal niawm tak eng neinuai a awm bawk a, athih hma in aluak ni ngei tur a ni, abulah chuan sangha thi tawh rimchhe tak a awm bawk a, en a hahthlak tawp a, engtia han chhui tur nge pawh ka hre lo. A thiandang te pathum chu kan han ko a, thu kan han zawt fiah a. Nathana chuan Ramnghaka, anthian zinga police awmchhun ASI chu a zawt hmasa ber a, Station ah pawh kan hruai lo, ahmunah chuan kan zawt hmiah hmiah a.

"Helai ah tiang khawpa ruahhmanna tha in tu emaw chuan tual a that a, chupawh in thianpa lehnghal, iva veng uluk lo ve a, enge awmzia?"

"Englo ania Sir, chutia han ven em em ngaiin a awm ngai lo a, rawn fang te, leh thianho rawn picnic ho hi chu an ve zeuh a, mahse ngaituahawmin an awm ngailo a, zu an in dawn te hian ka hau thin a, abak chu an awm ngailo, chubakah hetiang khawpa nunrawnga tualthat duh tu an rawn awm ka ringlo a, thlamuang takin kan awm thin a, he tualthahna thlen ni pawh hian inah ka nupui bulah hun ka lo hmang ve alawm mawle.'

"Anih leh helai hmuna rawn picnic tur te ho hi, an hming te an veng te ilo ziaklut ngei anga tiraw, a file chu min lohmuh teh."

"Awle Sir."

File chu a rawn la a, Nathana nen chuan kan han en dun a, hming inziak hnuhnung ber chu School pakhat an ni a, mahse han rinhlelh dawn pawn an rawn kalna chu thla 4 zet liamta kha a ni sia, rinhlelh tur an vang hle mai, Nathana chuan file chu a pe let a. An thian zinga pakhat Ricky-a chu zawhna kan zawt ve a.

"Sangliankunga nen hian engtin nge in inhriat?"

"Ka pu, kan naupan lai atang tawha inhria kan nia, a nu leh pa te an thi tawh a, a ruang hlawm tu tur chhungte pawh a nei lo ang ka ring, keimahni hi nimai, keipawh ka pu kan thianho hian chhungkua ang mai kan ni a, tlaiah te hian exer la in ni tlak hma hian dar 4 bawr velah kan walk thin a, ka thiante an peihloh chang chuan keimahin ka walk tihn, ti hian mahni in kan intungding ve hram hram a, helai hmun hi enkawl tu kan nia, chubakah kan thianpa Ramnghaka zarah hian tihian dinhmun tha te kan luah ve thei a, chowkidar ang kan ni deuh mai."

"Anih tak chu, anih leh in thianpa thi ta hian hmelma aneih awm in hria em?"

"Hrelo ka pu.."

"Awle, helai hmun hi special force kan ven tir anga, chuan angni pawh fimkhur ang che u, engpawh in tawk anih chuan kan naute hi hrilh ula arang thei ang berin kan lo kal nghal dawnnia."

"Awle ka pu."

Chutia kan inbiak lai chuan an thianpa zawhna kan la zawh veloh awmchhun chu kan va en a, hlauhthawnhmel deuh hian Nathana chu alo en vung vung a, Nathana chuan, "Sawi ve duh nei iva ang ve, sawi tur i nei ve em?" a ti a, chupa chuan rang em em in a lu a thing nghal a, "Tunge i hming?" ka ti a, "Sa..samuela" a ti tham tiak a, kan kalsan ta daih a. Kan haw lampangah chuan Nathana nen chuan kan inbe vel mai mai a.

"Rinawm, khami te kha rinhlelh na i nei em?"

"Neih awm pawh ka hre lo, mahse kum 30 - 35 vel deuh vek annia, an thusawi dan kha an sawitha hleithei silo a, ASI thleng thleng khan an tawng bah nei nuai mai a, amak chu ka ti."

"An hlauthawng ve nih kha, an thianpa ve ber kha ti em em a rapthlak khan a thi bawk sia, an tuar ve nih kha, post mortem report naktukah ka kal hmain ka dawhkanah lo dah ang che."

"Hmmh...ASP ka nih ve tawh hi, constable ang maia min tirh vel leee.."

(Rum deuha min melh pahin)
"Kei chu DCP, i senior, DGP in nangma pualin hna pakhat pawh ala pe ve lo che, kan pahnih hian kan la thawk dun char char dawn, chuan ka thu i zawm dawn nge dawn lo?"

"Haha, awle sir, tinge naktuk ah kher, enge i tih dawn?"

"Ka rilru ka seng peih lo, abak chu lo buaipui rawh vawiin chawhnu tal chu, Vishal ah ka bazar dawn."

"Haha, i thu vek alawm."

Atukah chuan Pu Saitluanga huan ah chuan kan va kal leh a, ASI Ramnghaka te inah kan va lut a, amah a lo awm lo a, a nupui leh a fanu chu an lo awm a, a nupui bulah chuan khawnge a pasal awmna kan zawh chuan, "Zingkarah khan a chhuak a, khawnge i kal dawn ka tia, silai keng chungin constable ho ka va venpui ange tui deuhin lo mu rawh u a tia a chhuak daih a." a ti a, a nupui hi engmah kan la zawt velo a, Nathana chuan, "Ka pi, inpa hi thu zawhfiah tur kan la ngah ang reng sia, ka va zawng lawk anga chuan ka thiapa Rinawma hian zawhna tlem a lo zawt che anga lo hlauthawng suh aw." a ti a, Nathana chu a chhuak ta a, tichuan zawhna chu kan inzawt tan ta a.

"Ka pi i hming pawh ka la hrelo, min hrilh thei ngem?"

"Aw thei tehreng e, Partei ka nia, Lalnunpari."

"Nih chu mawle, i pasal hian hmelma a neih awm i hria em? Nihloh pawn athian dangte zingah hian amah haw biktu emaw, i ngaihzawng hlui emaw, engemaw tal hriat i nei em?"

"Awi chutiang ka hre lo, hlim deuhin ti hian kan awm ho a, helai vengtu anih vang hian tihian kum 2 vel chu kan khawsa ve tawh a, chuan sakawr naute kan vulh a, la lian lutuk lo, helai velah hian a tei kual ve thin bawka, kan pa hi hmundanga an post leh hma chu ti hian kan awm hrih dawn a. Chubakah kan fanu hi helai atanga km 4 velah an school a awm a, hemi huan atanga khawhnai ber school ah hian a lut ve a, kan pa hian a thlah ziah a, mahse tuna kan dinhmun nen hi chuan vawiin pawh school kal aphallo a nih hi. Chawhmeh leh thil mamawh dang hi chu kan pa thiante zinga mi hia khawpuiah va kalin a va lei mai thin a, petrol station anlo enkawl ve bawk nen, chowkidar an lo ni ve nghal bawk nen, tianga thil rapthlak hi kan la tawng ngailo."

"Anih chu mawle, nih leh tunlai vel hian ahmelah mangan riauna emaw, thildiklo emaw i hmu thin em? Sangliankunga thih hma pawh hian?"

"I sawi takah chuan, chutia han rinhlelh chi nge chu ka hrelo a, mahse hmanni deuh khan bawihtei te zirtirtunu hi alo leng a, zirtirtu thar ani tiin a insawi a, mahse kan pa awmloh hlanin a nia, chuan kan pa nen hian an in phone a, chumi hnuah school park velah kan fanu hi lenchhuah puiah min dil a, ka lo phal ve mai bawk a, chumi hnuah kan pa hian min rawn phone a, vin em em in, "Khawnge Bawihtei?" a rawn ti a, keichuan an miss nen an len thu ka lo hrilh a, vin zet hian, "Engvangin nge i kaltir a, mai mai che hian." min ti hrep a, a phine a dah leh nghal daih a, chuan ka ngaih atha vak lo a. Ahnu darkar chanve hnu velah kan pa chu kan fanu nen anlo haw a, nasa takin min hau a, "VAwikhat mah hmelhriatlo nen kan fanu hi lo chhuah tir tawh suh." min tia, kei chuan, "Awww..an miss alawm, an principal in ala thar a, a hlauhthawn awm viau a mi?" ka lo ti a, a aia vin in, "Ramhnuai ah kan awm tih hre ta che, nge ilo phal, an miss a ni nge nilo pawh i hria ami?" min ti leh a, amak chu ka ti khawp mai."

(Ka ngaih atha ta hauh lo mai, chu nu chu tunge niang? An miss a ni tak tak angem? Ka thin chu a phu dut dut a, engemawni inzawmna awm ang tlat hian ka hre nghal bawk a.)

"Pi Parte, chunu chu khawnge ka hmuh theih ang?"

"An school a va kal ani mai, chutin a number pawh ka lo la lo a."

"Eng ang hmel pu nge ila hre thei em?"

"Awii, ka van hre mai lo, mahse hmeichhe hmeltha tak leh piannalh tak, ngo veh vawh ania, a fel hmel em em a, asang tha a, ft 5 leh 6 inches vel laia sang aniang, mizo ah chuan hmeichhe sang pawl tak aniang."

"Ahming i hria em?"

"Aw hria e, tunge kha awww?? Jen..aww ni tak e, Jennifer Lalhruaitluangi a inti tak e."

"Vawi engzat nge a lo kal tawh, chumi tum chauh chu mi?"

"Um, vawikhat chiah alo la leng a, mahse DVD pakhat hi kan fanu a rawn hawn tir a, bawihtei ka zawh chuan, kan miss Jenniferi'n en ula, in homework a nih kha a ti a..tiin a sawi a, chuan kan pa ka phone a, kan pa chuan, "i en em?" a ti a, mahse kan DVD player a chhia a, ka en thei ta silo a."

"DVD chu ila kawl em?"

"Kawl tawh awm pawh ka hrelo, ka tibo ta aniang, tualthahna thleng vel vang hian ka buai zo vek a, in ka tihfelna lamah ka paih tel palh ani ngei ang."

"Ka pi, ka kal phawt anga, thu thar i hriat veleh hei ka number hi la la, in pa hriat lohin min lo phone dawn nia aw."

"Tinge kan pa hriatloh kher?"

"Ka pi hlauthawng suh, inpa chuan i thlaphan ahlauh avangin inrawlh lo tur che in a ti mai mai che nih kha, chuvang chuan min hrilh zel dawnnia aw."

"Awle ka pu."

Pawna ka chhuak chiah chu ka phone a ri a, Nathana alo nia, "Hey, Stationah ka awm tawh, ka haw san che, Ramghaka chu ka hmu a, zawhna tlem ka zawt a, engmah thuthar a awm lo, constable pakhat bike lo hmang haw mai rawh, ka dah ania balance ka nei tlem." a tia, phone a ddah daih a, he mihringpa tak hi chu a, thuthar ka hre thung alawm keiman. Station chu ka va thleng ve a, ka thilhriat zawng zawng te chu Nathana ka hrilh a, tichuan Ramnghaka chu kan stationa rawn kal nghal turin a phone a, Ramnghaka lo thlen rual rual chuan Nathana chuan a hmaiah a beng hrep a, constable dang leh Inspector dang ho chu an lo hawi thup a, Nathana chuan vin zetin, "Tunge Jennifer Lalhruaitluangi hi?" a ti a, Ramnghaka chu a meng phawk chiang hle mai, "Ih..ih..ih.." a ti a, Nathana chuan, "Kut inthlak leh angai dawn tihna mi, in commisioner ka phone anga, transfer order ka siamsak thei che tih i hria em? Sawi vat rawh, inla Sheriff vel takin saw huan saw i veng ani lawm ni, inla fing takin, kan lakah thu zep i nei maw?" a ti leh a, Ramnghaka chuan, Awle ka pu ka hrilh ang che."

"Sawi vat rawh, i hriat zawng zawng, nihloh chuan ka beng hreh miah lo che nia.."

"Sir, tualthah hmang diktak a ni. Kan fanu te miss angin a insawi a, tichuan ka fanu thah a tum lai ka va hmu fuh a, mahse atlan chhe hman a, chuvang ania kan nu pawh ka haw khan ka vin hrep ni. Ka hriatdan chuan mi pangngai phaklo a ni a, amahin he kan huanah hian picnic tur angin a rawn insawi a, lodge ruak pakhat ah amahin a awm a, tichuan zan khat chu a awmna hmun atang chuan hmeichhe te ri kan hria a, ka va en chuan tumah an lo awm lo a, mahse marijuana leh beer leh whiskey alo awm a, ka hnungah alo ding thut a, nasa takin phal anih loh thu leh atuk zinga chhuak nghal turin ka tia, zahlo tak tak in min chhang a, ahmaiah ka beng a, ka vau bawk a, tichuan, "Ka that vek ang che u, i chhungte zawng zawng te nen, helaia awm zawng zawng hi dam in ka chhuah lo ang che u." min la ti zui a, chumi zan la la chuan tihluihna hmangin ka hnawtchhuak ta anih kha."

"Anih leh tinge a tir khan i sawi loh a?"

"Englo ania, Sangliankunga pawh kha athah a nih ka ring sa a, mahse ka thiante khan an hlauh ka hlau a, ASI ve meuh ka nia, thil chiang zawk ka hriat hunah ka hrilh ang che u ka ti deuh alawm mawle. I am extremely sorry sir."

"An thlavang ilo hauh ve pawh angai lo, chubakah thlavang hauh a, an hlauh loh nana lo zep kual sak rual pawh an ni tawh lo, in intiat tlang a, kum 30 in pel vek tawh awm sia, i lo inlak changtupa kha angailo. Chu pawh chu lo ni tehreng se, DVD kha enge awmzia?"

"Enge a DVD chhungah khan awm ka hre lo Sir, ka rindan chuan amah hian video a siam anga, min vauna tawngkam vel anih ka ring a, chuvang chuan ka hlauthawng a, ka paih daih a."

"Huiham, engtia tih chi nge i nih pawh ka hrelo, man tur che nge manloh tur che pawh ka hrelo. Video chu tinge en pawh i ngam loh a, en tal tur che lawm."

"Kan DVD a chhia a, ka en theilo alawm Sir."

"Police ni tlak i ni lo, constable ai pawn i laktlak loh, chutah ASI lai i ni ve sia, evidence tha tak i tichhia tih i hria em?"

"Sorry SIr"

"Sorry tih vak vak ringawt, i zak lawm ni, ka beng leh dawn che mawni le...haw nghal rawh ka man hma che hian, chuan fimkhur la, i thian dangte pawh kha in ven fimkhur tir ang che."

"Ka lawm e SIr."

Ramnghaka chu a chhuah hma chuan Jenniferi hmel awmdan kan sawifiah tir a, lemziakthiam kan ko a, a lem chu a ziak a, thlalak chu kan xerox a, tichuan zawn hna kan bei tan ta a. Jenniferi lem chu ka en a, hmeltha tak, sam nalh tak leh duhawm tak a ni a, ka ngaizawng rum rum tep dawn lawm le, a lemziah mai mai ah pawh, atakah phei chuan a hmeltha ngawt ang. ASI pa kha ka ringhlel rum rum mai dawn lawm le, tichuan Pu Saitluanga huan atanga veng hnai ber ah te chuan thlalak chu mi chi hran hran kan hmuh a, tuman an la hrelo zui lehnghal a, ava han buaithlak tak. Police ho pawh kan hah khawp mai, veng hnai tlangval ho te chuan tlawmngaiin ranhnuai ah, athen khawpuiah te, mi inrelah te tiang an keng a, an tlaivar thak thak a, kar khat vel hnuah pawh kan la hmu lo a. Kan zawn ber lah chu hmeichhia la ni zui. A thi nge dam pawh kan hre silo, a ruang tal hmuh chu kan tu em em a, mahse hnuhma emaw, ke hniak takngial pawh hmuh tur a awm silo, ava han hahthlak ta em. Mahse kan ti lar vak duh hrih lo a, ka rindan phei chuan khaw dangah a awm daih tawh hial ka ring a, a thawm a reh tak em avang chuan veng hnai tlangval leh paho te chu hahchawl tawh a, duty tawh lo turin kan hrilh ta a, chuan police te kutah dah tawh mai turin kan hrilh bawk a, tichuan a rukin chulai hmun chu kan veng ta reng mai a ni.

Nikhat chu chulai hmun vela ramhnuaiah chuan duty pahin Nathana nen chuan kan kal kual vel mai mai a, vawileh khatah au thawm ka hre thut a, thawm lo chhuahna lama kan va tlan phei chuan Pi Partei chu alo tap vak vak a, abulah chuan an sakawr naute vulh lai chu thisen nena inchiahpiah nuaiin alo let reng a, midang an rawn tlan khawm a, constable ho te leh midang te nen chuan kan bial ta thup mai a, sakawr chu a zangthal zawngin Nathana chuan a kuai a, a dulah chuan chemte a thai tih hriat tak mai hian GOODBYE SAMUEL tih a lo in ziak a, rang em em in Nathana chu a ding thut a, "Khawnge Samuela, khawnge khawnge?" a ti tuar tuar a, kan han hawikuala Samuela chu kan hmu ta hauh lo, Ricky-a bulah chuan vinzet hian, "Khawnge Samuela?" ka ti vin tuar a, Ricky-a chuan, "Ihhh....Lodge hluiah, bathroom leh zunin vela kan hmanrua dahthat ho leh tile la hmantlak tur ho kan la khawm a, tui la turin ka rawn chhoh san lawk a.." a sawi zawh hma hma chuan a hmaiah ka insum zolo chu ka va beng a, "Hmela, enge kan thuloa inlo zu kal a?" ka ti a, chuan Nathana chuan, "Lodge hluiah chuan zu kal ang u, constable ho kha, an chhungkua hian hual ula, kalkawng ah cover thla char char ang che u, kal nghal ang u, tumah kal fal suh ang che u." a ti a, tichuan kan tlan thla a, Lodge hlui chhung kan zu lut a, bathroom ah kan lut tlang a, Samuela chu a letlingzawngin a lo inkhai a, bath tub a tuiah a lu chiah a lo inchiah a, ataksa dang zawng chu a letlingzawngin a awm a, ake ah hruiin a in hling a, inchunga ban inkhamppheia hrui chu a in thlunzawm a, chuan hrui chu ak chhui zel a, kual thla lehin bang a, tap ah alo insuih hi alo nia. Ruang chu kan khawih mai dawn a, Nathana chuan, Rinawm kal suh." a ti a, bath tub chhunga tui chu ka en a, alo phuan berh berh a, hmawlh ka la a, tuiah chuan ka chiah chhin a, hmawlh chu ka chiahna chin zawng tui chuan a ei ral zel a, kan han hriatchian chuan tuiah chuan LYE Liquid an tih mai, metal hydroxide tam tak alo inpawlh a, a sawi awlsam dan chuan Acid tui a ni ber anaing chu, tumah kalhnai lo turin kan ti a, tichuan tap a hrui inthlung chu ka phelh a, ka pawt vak a, Samuela ruang chu a inpawt kang ve zel a, a lu tuia inchiah kan han pawtchhuak chiah mai chu, Pi Partei chu a au nghal vak vak mai a, afanu alo tap bawk, constable thenkhat te chuan pawnah an chhuahpui nghal a, Samuela lu chu, hmuh a va hrehawm tak em, a luvun chu acid in a ei vek tawh a, ruhro hmel ang chiah in alo awm tawh a, fimkhur takin ruang chu kan la thla a, post mortem turin kan thawn ta a. Rilru a va hah duh tak em, Ricky-a chuan mangang em em in, "Ka pu, Jenniferi lakah hian min chhanhim rawh, a dawh leh chu keimah ka ni tawh ngei ngei ang.." a ti chul mai a, NAthana chuan, "KAn theihtawp kan chhuah dawn nia, Ramnghak, Ricky-a te leh i nupui leh i fate hi hruai haw rawh, kan lo chho ang." a ti a, min kalsan vek hnu chuan Nathana nen chauh chuan kan awm ta a, NAthana chuan a bula thingkung chu hnek pawp pahin, "Zawngi tunge maw i nih le? Lo inlan ta che, eng ei duh a?" a ti vak vak a, a rapthlak bawk em a ni.

A ngai te ang bawkin Jenniferi zawn hna chu kan bei leh tan ta a, hmeichhe fing tak zawng ava ni em. A aia khauh lehzual in ASI Ramnghaka te chhungkua leh Ricky-a te chu kan veng himzual leh ta a. Ricky-a tan phei chuan a hlauhawm lehzual a, Jenniferi next target chu amah hi a ni tih a chiang em em tawh a, inchhung atanga a chhuah hrim hrim kan phal tawh lo, kan veng reng hi ni tawp tawh mai. Venghnai te leh police force te pawh koh belh hial an ngai ta. Zan rei tak tak thleng, a rawn chetchhuah leh hun nghakin kan duty tlaivar thak thak ta mai a. Engtikah nge, enghunah nge alo lan leh anga, tual a thah belh zel angem tih te chu zawhna a ni a, press mi te leh media ho lah chuan min zawt buai reng bawk si. Police te rilru a ti buaiin kan lu a hai ngei mai. Chanchintharah nen, newspaper ah te chuan tunge Jennifer Lalhruaitluangi hi tiin zawhna a tam hle mai a, alar pawh alar hle mai. Thenkhat phei chuan Police te ho hi min dem hial a, mi pahnih lai a that tawh chung pawn la chhuichhuak thei lo, tih ten, dem kan hlawh phah hial zawk a. Kha lai hmun vel kha chu kan dap chhuak vek tawh tih tur a ni a, mahse kan hmu thei chuanglo. Tlai khat chu Nathana nen kan duty zo kan haw lamah chuan motor chhungah chuan kan titi a, Nathana chu nidang anglo takin ahmelah chuan engemaw rinhlelh chu anei tih ka hmu thei a.

“Sir, iva mangan hmel ve?”

“Rinawm, Jenniferi hi mi anglo a nih ka ringlo, a che fing em em a, atualthah danah hian phuba lakduhna lian tak a nei a ni, chuan a mi thahte pahnih te kha han ngaihtuah let teh, tualthahnaah pawh a namai lo asin.”

“Nia tiraw Sir, engemaw tak chu a awm a ni. Mi anglo leh Serial Killer pawh nise, mizo lehnghal ah chuan tiang em em a inthah mai chu, chutah hmeichhia lehnghal ania, mi anglo nise tiang rilru hi a pu phaklo anga, a that mawl tawp ang.”

“Chutak chu alawm ka sawi, mimawl a nilo, ami thahte pahnih ka en khan, an taksa khan na tuar se a duh a, na tam tak an tawrh hnuah chauh thi se a duh tih kha a hriatthei alawm. Mi fing pangngai tak pawn a tih dan ang khan tih ve nachang pawh an hre tawp nang.”

“Sir, ka ngaihtuah chhuak zawk mai, an fin dan em em hi, ASI pa khan zep ala nei anilo maw? Achhan chu mi anglo ti si khan, engtin nge mi anglo mai mai pawh Police Special Force pawn kan chhuichhuah theih loh?”

“Nia, ngawiteh, zanin duty tur tunge?”

“ACP thar kha, Pu Rintea, dulkiar deuh kha,DGP in zanin chu chawl rawh i duh chuan min tia.”

“Angailo, cancel sak ang, zanin hian a chet leh thut ka ring.”

“Engtin nge i hriat?”

“Samuela a thah khan Ricky-a khan hemi dawh chu keimah a tia...a thah hun kha tlai lam dar 4 vel ania, Sangliankunga kha a ruang an hmuh kha dar 4:45 vel ani bawk a, a awmzia chu dar 4 velah tho a that ve tihna ania, Ricky-a hi tlai ah a walk thin tiraw?”

“Aw ni tak e, tlaia an thianho a an walk thin thu a sawi kha, dar 4 bawr vel chiah chiah lehnghal. Athiante an peihloh pawn amahin a walk thin an tih kha..mahse Sir, police ten an veng reng tho a, a kalchhuak ngam lo ang.”

“Hey chutiang ngawt anilo, tunah dar engzat nge?”

“Dar 3:30”

“Let leh nghal ang, in-turn rawh...”

Kan lo thleng thui hman tawh asin le, rang em em in kan tlan let leh a, ahmun kan va thlen chuan rin ang ngei ngei in Ricky-a chu alo awm lo a, police dang ho chu kan zawt a, engtik laiin nge a chhuah kan hrelo an lo la ti zui, Nathana nen chuan kan vin hrep a, awww..hahthlak thin mange. Sana kan han en a, dar 4:15 a pel tawh, a that daih tawh hrim hrim ang. Minute 15 vel lai kan zawn kual hnu chuan, a ramhnuai deuh lai ah chuan thingkung pahnih inkarah hian alo awm a, akut dingkam chu thingkung pakhat zawk zarah chuan hruiin phuarbeh a ni a, a kut veilam chu thingkung pakhat zawkah phuarbeh ani ve thung bawk a, a ban phar tihna nih chu. Thing phek chungah hian ading a, ake chu a pahnihin thingah chuan perekin a inkilh bur a, thingah chuan a inkilh tlang tihna nih cu. Amah chu saruak vekin a awm bawk a, Ricky-a ruang chu hmuh a hrehawmin a rapthlak hle mai. Thil hmuam nei ang tlatin alang lehnghal a, a kap zawn kan han en a, a serh chu a tilmu chawpa tan alo ni a, thisen a lo luang zawih zawih lehnghal a, ka tiang ken ai chuan a lu chu ka dawn kang a, a thil hmuam chu a rawn tla chhuak a, ama serh ngei chu a rawn tla chhuak a, ava han rapthlak em. Ruang chu kan la thla a, a ka chhung a thi nasat em avang chuan ka ngaih atha lo a, aka chhung chu kan han keu a a ha hnuailam zawng chu alo inphawi vek chu niin, khai awww, ava rapthlak veleh. A ngal vel chu a duk thlehthluah bawk a, constable pakhat chuan, “Sir, a ngal ruh hi atliak anih hi, vuak sawp vek a ang ka ti.” a rawn ti leh nghal a, ruang chu kan thawn phei leh ta a, Ramnghaka ka va en a, a thlan alo tla zawih zawih a, minrawn pan a, “Sir, keimah chiah ka bang tawh, keiphei chu hei aia rapthlak hian min that ang. Kan chhungkaw nunna hi in pahnih kutah hian a awm ania, min chhan hram rawh...” a ti hlawp hlawp a, Nathana chuan a kawrawmah thamin, “Tu phiangsen hian nge ni ASI ah promote ve che le? Dawizep lutuk, police i nilawmni?” a ti a, a tap tuau lehnghal a,rilru hahna tih belhchhah tu mai a ni. Ricky-a chu kan chan leh ta phawt chu a nia, a dawh leh ah tunge niang, ASI pa hi a ni chiang lutuk, tun tum chu kan hlawhchham tawhloh ngei ka beisei.

Ahma aia nasa in kan han tang leh deuh a, mahse tun tum chu kar 2 vel lai kan han duty chung pawn a rawn lang ta miahlo mai a, thawm hriat tur pawh a reh hle mai. Police chu ni ta se, Jenniferi hi a fing ngawt ang. Thawm hriat tur a awm takloh ah chuan tlem chuan thla te pawh a muang ve deuh a. Mahse duty thulh phah kan tum chuang lo, a rawn lang leh thut ang tih kan hlauh avangin ka fimkhur hle a ni. Mipui ho lah chuan police te an dem nasa tulh tulh mai bawk sia, Mizoram ah alar mai bakah, mizo police ho lo nep zia hi tihten min sawisel a, kan hmingchhe tawh khawp mai. Ramnghaka leh Pi Partei te nupa pawh ahma aia uluk in kan veng a, an fanu pawh school a chawl rei ta khawp mai. Athah dan lah hi tualthah dan pangngai a ni silo a, a rapthlak thei em em a, thu inthup engemaw chu a awm ngei a ni tih ka chiang. ASI Ramnghaka kan zawh lahin a ngai te ang bawkin min chhang leh zel bawk sia, ahahthlak ngei mai. Jenniferi lah chu a reh rei tawh ta khawp mai, kar 2 leh ni 3 chu a thawm hriat tur a awm ta lo. Boruak pawh a ziaawm ve tan tawh khawp mai, mahse thlamuanna tham ala ni silo. Ramnghaka hi eng tin emaw a athah thei thi ka la ring tho a, keimahni pawh kan inring zo tawh lo chu a ni e, manganthlak hle mai. Kan hlauh ang ngei ngei in, rei fe a reh hnuah alo che leh ta nge nge a. Tlai khat chu Pi Partei fanu chu kan hmu miah lo a, Pi Partei chuan, “Tihtur a awmlo ema, chhun chhunah kan mudun a, chuan a tho a, enge i tih dawn ka tia, ka zung dawn a tia, pawnah security an awm tho ang ka tia, mahse alo let har lutuk a, chuan ka va chhuah khan tumah an lo awm lo a, ka mangang takzet a ni ka pu..” a ti a, constable ho lo duty tlem lai tak a ni bawk nen, pakhat chu ka zawt a, “In veng anilawm ni? Khawnge inlo awm a? An bulah awm reng ta che u, khawnge inlo awm bo daih?” ka ti a, constable chuan, “Sir, kan tihpalh a ni, huan mawng lamah hmeichhe au thawm kan hria a, kan chhuk veka..mahse engmah kan hmu leh lo a..” a ti a, Nathana chuan, “Chupawh nise, tinge in rintlakloh em em a? Tikhawp hian media lam leh Zoram mipui ten police min dem tawh a, stationa kan awm lai hian tinge buaina a thlen ziah?” a ti vin tuar a. An ngawi reng a, Ramnghaka chuan, “Ka fanu chu keimah ngeiin ka zawng hmu dawn, kha mi tenawm nu kha ka chhuah lovang..” tih leh in atanga tlan chhuah a rual a, kan dang hman lo, ramhnuai lamah chuan rang em em alut thla nghal a. Nathana chuan, “Ava han hahthlak tak, pi Parte, inah hian lo awm ula, constable 7 vel hian anlo awmpui ang che, kei leh Rinawma hian i pasal kha kan lo zu um anga, chuan midang ala bang ho zawng hian i fanu anlo zawng ang, chi ai lo la, kan hmu em em ang.” a ti a, kan kal ta a. Ramnghaka kha a kal thui hman em em a, kan hmu ta miahlo a, kan zawng vak vak a, minute 20 dawn lai kan zawn hnu chuan ka phone a rawn ri a, constable pakhat alo ni a, “Ka pu, an fanu chu kan hmu e..” a rawn ti a, in lamah kan chho leh nghal a. An fanu chu thingbuk hlim hnuaiah hian tap chunga lo thu in an hmu hi alo ni a, tunge hruai bo che kan tih chuan, “Hmana kan miss thar kan ina lo kal khan ka zun laiin min pawm thut a, chuan thingkung hnuaiah hian lo thu la, police hoin anlo hruai ang che..” min ti a, chuan, “Khawnge i kal dawn miss?” ka tia, “I pa ramhla takah a zin dawna, ka va thlah ange a tia, akal daih a.” a ti a, avan buai theih ve aw, henu han fin em em zia hi. Pi Partei chuan, “Ka pu, thil hriatchhuah ka nei, kan pa hian hmankum deuh khan a thianpa sapram rawn zin haw in shotgun a rawn hawnsak a, chu chu ramhnuai lai deuh ah khuan thlai tlem kan ching ve a, chumi bulah chuan kudam kan nei a, chumi kudam chhungah chuan a dah thin a, la turin akal a ni ngei ngei ang.” A ti a, zu kal kan tum a, mahse annu chu kal ve kan phallo a, achhan chu a thih daih tawh kha Nathana nen chuan kan ring sa hrim hrim a. Constable thenkhat ho hian lo awmpui se, kei leh Nathana leh constable 5 vel chu kan zu chhuk ta a.

Ahmun kan zu thleng chu, khai khai khai, kan constable hruai pakhat phei chu lehlam a hawi a, aluak teuh mai a, rapthlak tak a ni. Ramnghaka chu dawhkan chungah bawkkhup zawngin alo awm a, a kekor chu a khup thleng a inphelh a, a ke chu chhuatah a awm a, mahse a ke pahnih chu phuar beh a ni a, akawng achin chunglam zawng chu dawhkanah a awm a, dawhkanah chuan a bawk tihna nih chu. A kawnga chin chunglam zawng chu dawnkan nen chuan che thei lo tur phuar zawm vek a ni a, a mawngkua ah chuan shotgun chu a chanve thleng trep a inhawlh lut a, a lu lam kan va en chuan a hmui hmuhtlak a awm lo, a hnar hnuailam zawng chu zau deuh hian a lo kaw huau mai a, a ka chhung chu ala khu vut vut lehnghal. A awmzia chu, tualthattu hian a mawngkua ah shotgun chu inload sa in a thun lut a, a kah chilh tihna nih chu. Ava han rapthlak veleh, engtin nge Pi Partei kan hrilh tak ang? Ruang chu post mortem turin kan thawn leh a, pi Partei te nufa pawh chu chulai hmuna awm chu an duh tawh lo a, khawpui lamah police station ah engemaw chen an awm hrih a ngaih phah ta a. Pi Partei chuan vawikhat tal a pasal ruang chu hmuh ve talh a duh avangin ruang dahkhawmnaah chuan kan luh pui a, ahmu chiah chu a tap zawih zawih a, kan chhuah lehlam pang chuan press mi ten pawnah min lo chang chu niin, zawhna chi tinreng min lo zawt a, athen phei chuan, “I pasal thihnaah hian inhnamhnawihna i nei em?” tih hial ten an rawn zawt a, chu thu pi Partei chuan a hriat chuan a lung a ti chhe zual a. Kei chuan thinrim tak hian, “Duhtawk rawh u, enge kha thu kha insawi chhuah a, Jennifer Lalhruaitluangi vang hian Police te hi kan lu a hai em em a, theihtawp kan chhuah laiin vanduaithlak takin Pi Partei pasal a thi ve a, a mangan tawh tehreng nen, enge nangni ho hian inlo la tihbuai a?” ka ti hrep a, press zinga mi pakhat chuan pawr em em hian, “ASP Rinawm, enge kan thiamloh a nihna? Kan hna kan thawk ve nimai lawm. Keini chuan hei..tha takin kan thawk a, mahse nangni erawh chuan tualthattu nunrawng, hmeichhia lehnghal, pakhat lek pawh in man thei lo chu ania..” a sawi zawh hma hma chuan Nathana chuan, “Anih chuan nangmah nin in zawng ve chhin dawn mi? Kan hna chu inthleng ila, in hna ang te hi chu e, kan hna lakah chuan hnap ang lek a ni. A in hahthlak hleih lutuk...hei hi hre rawh u, Jennifer Lalhruaitluangi hi ka kut ngei hian kei hian ka man ang.” a ti a, tichuan kan kal ta a.

He case hi chu ka kham takzet a ni, tiang em em a misual chhuichhuah har hi kan la nei ngailo asin mawle, he hmeichhia hi chu hmeichhe namai lo tak a nih hi. Tlaikhat chu ka nu leh pa te an zin vek bawk si a, mahni chauha awm chu khua a har duh dawn emai tiin ka patea fapa kum 5 mi chu riahpui turin kan inah ka hruai phei a, ka thiam ang tawkin rawng ka bawl a, chaw ei ka siam fel a, ka patea fapa chu inchungah ka laptopah games ala khel a, ka han hruai a, ka chhuk leh lampang, ka patea fapa pawm chunga choka lampang ka lut chiah chu ka thil hmuh chuan min ti phu chiang kher mai. Jennifer-i, hun rei tak chhunga kan zawn, tualthahhmang Jennifer Lalhruaitluangi ngei mai chu kan chaw ei dawhkan lo thu in, chaw alo ei mial mial mai a, a ril a tam hmel em em lehnghal, min rawn hmu a, “I tha maw Sir, in chawhmeh chu a tui hle mai.” a lo la ti ham hamzui a. A hmel chu a tha ngang mai, avun a no nalh bawk a, mahse ka hlau ve det. Ka revolver la tura thutthlenga ka form kekor kawnghren ka ban chu lak ka tum a, Jenniferi chuan, “Ti suh Sir, a awm lo, i silai kha keiman ka la daih tawh..” a lo ti lehnghal a, ka kekor ka han en chu, silai alo awm miahlo. Jenniferi bawk chuan chaw ei mial mial pah chuan, “Sir, i chanchin hi ka lo hre thin a, hman kumah pawh Inspector i nih lai a, i boss Commisioner i chhanchhuah thu kha, maimawmin a seh chung che a theihtawp chhuah a drug smugler ho i man dan te kha ka lo hre ve a, ka ngaisang khawp mai che.” a ti leh a, rum takin ka melh tlawk tlawk hi ni ringawt. Ka patea fapa chuan, “Au Rinawm, tunge henu hi?” a ti a, ka chhan hma hma chuan Jenniferi bawk chuan, “Hey bawihte, au Rinawma bialnu hi ka nia, i riltam tawh em?” a lo la ti zui, ka thinrim lutuk chuan, “Jennifer, in surrender rawh, ka in atang hi chuan i tlanchhuak hauh lovang.” ka ti a, Jenniferi chuan, “Chumi ti tur chuan alawm ka lo kal, Police hnena inpe turin, hlau suh, engtin mah ka che lovang..” a ti a, keichuan, “Anih chuan ka revolver kha engvangin nge i lak a?” tiin ka zawt a, ani chuan, “Tualthattu te ka ni sia, ka chaw eitui lai a min kah hlum daih ka hlau alawm, ihh..police force te leh in DCP te in DGP te nen hetah hian lo ko vek rawh, inpek ka duh a ni. Kha le i revolver..” tih pahin ka revolver chu a rawn theh phei a, ka lo dawng a, chuan ka tin nghal a. Chaw chu a inkhawrh belh leh a, a eizo takngial dawn, Nathana chu ka phone a, reilote ah chuan an rawn thleng a, Nathana chuan man nghal ringawt a tum a, Jenniferi chuan, “Ka pu, khawngaih takin, ka ril atam lutuk a, chaw ka eilohna a rei tawh lutuk a, khawrh khat chiah kan ei leh lawk aw?” a ti a, keichuan, “Sir, khawngaihin eizawh tir phawt rawh..” ka lo ti a, a eizawh hnu chuan a eina thleng chu a sil leh thap a, thleng a sil pah chuan a mittui a luang char char a, a inhnit leh feih feih zel a, a sil zo chu, a kawr hmaah chuan a kut huh chu a hru hul ang nawk nawk a, a mittui chu a kut chuan a hru a, chuan a kut chu Nathana hmaah chuan a dawh a, “Ka pu, ka inring e, min man tawh ru le, ka thil tihsual man chu min hmuh tir ula, min hrem ngei ang che u aw..” a ti tham tiak a, tichuan Nathana chuan handcuff a bun tir a, Station lamah kan hruai phei ta nghal a. Motora kan chuan lai chuan Jenniferi chuan, “DCP leh ASP in min thutchilh a, ka sir lehlam lehlam ah lah SI pakhat leh ASI pakhat inkarah ka thu bawk a, ka van thu hmel ber ber tak em..” atia, a nui sun sun a, a nui hmel lah chua a tha phian lehnghal. Nathana chuan, “Khawngaihin ngawi reng khan i thu thei angem?” a ti a, Jenniferi chuan, “Oops, okay...ka hmui ka kan zip ange..” tih pahin a hmui chu a hup vel a. Reilote hnuah chuan, “Sir, media ho in an ankhum lai che u khan ka lo khawngaih lutuk che u a..” a ti thut a, kan phu dun zawk mai a, keichuan, “Engtin nge i hriat a?” ka lo ti vat a, ani chuan, “Press mi te inkarah khan ka awm ve reng alawm, ka hmui hi mask in ka tuam a, ka lo thinrim lutuk a. Sir, khang ho kha khawngaihin police station ah ko tel ve nghal rawh u. Live in ka thil tih chhan hi ON AIR in puanchhuah ka duh a, he khawvel mi zawng zawngte hian hre vek se ka duh a ni.” a ti a, Nathana chuan a rem ti ta a. Station kan thleng a, press mi te kan ko a, media ho thil tihtheihna a lo lang ve dawn ta e. Camera nen engkim ruahhman sa in an lo lutkhawm tup tup a, Jennifer-i chuan a chanchin chu a sawi tan ta a.

JENNIFER’S STORY :

Ka hming chu Jennifer Lalhruaitluangi a ni a, ka piantirh atanga fahrah ka ni a, tunge ka nu leh pa, tunge ka chhungte ka hrelo. Fahrah run-ah ka awm a, mahse ka tumruh em em a, naupan lai pawn thiamthei pawl ka ni a, lehkha ka zir zel a, class 10 leh 12 pawh first-ah ka pass ve nghe nghe a. Tichuan theihtawpin lehkha ka zir chho a, ka tette atangin novelist nih hi ka tum ber a ni a, tichuan min enkawltu kan father chuan hmun pakhat, nuam deuh mai, Pu Saitluanga huan an tih mai chu a chanchin leh alo dinchhuah dan ziak turin min ti a, ka bul tanna tur leh inzirna tur bulber atana athat ber tur thu min hrilh a, tichuan chumi hmun ah chuan privacy novel ziak turin ka zin ta a. Kum 22 chiah la ni mah ila, fahrah ka ni a, naupan lai atanga kawlhrawng leh hlauh nei ngai manglo kha ka ni a, chuvnag chuan keimahin ka zin a. Kan father chuan motor pawh min provide sak a, pawisa tlema zawng, chumi hmunah ka cham chhunga ka hmankhawp tur min pai ve bawk a. Tichuan motor chuan Pu Saitluanga huan ah chuan ka zin ta a, ka phur hle nghe nghe bawk a. Chumi huan ka thlen hnu chuan Petrol Station pakhat ka hmu a, mi pathum hi an lo awm a, petrol te chu ka thun a, an nelawmin an fel hle nghe nghe a, an hmingte pawh ka zawt a, Samuela, Sangliankunga leh Ricky-a te an ni. Tichuan ka thunzawh chuan, chowkidar an ni tih ka hre lehnghal a, Tourist Lodge nuam ber min kawhhmuh a, pawisa te kan inpek fel vek hnu chuan ka kalsan ta a. Lodge chhung ka thlen meuh chuan zan a ni tawh a, ka inbual fai a, tichuan ka ziak tan ta a. Ahmun vel ka hmuhdan te leh a boruak nawmzia te ziakin tlaivar dawnin ka thilziah lai chu ka buaipui a, reilote hnuah chuan mut zai ka rel ve ta a. Atuk zingah chuan hma takah ka tho a, ahmun vel chu ka fangkual vel a, weed ka hmu a, ka hawikual vel a, keimah chiahin ka awm tho ka tia, chutia hmeichhe fel em em lo leh Pathian thu awih em em lo chu, weed chu ka lo a, ka pho a, hmundangah chuan ka kalsan leh ta a. Zing chaw te ka ei a, tichuan chhun velah chuan abula luiah chuan bikini nen chauh ka awm a, thuthlengah thu in, inla free takin ka beer ken chu ka in pah a, sunglass vuahin nilum ka ai mai mai a. Tichuan nuam takin nikhat chu ka hmang zo a, zan alo ni a, ka weed pho chu a lo ro vek tawk a, tichuan ka seng lut a, ka roll a, ka zu a, vawi thum bel ka fawp a, a tuiloh em avang chuan ka liak hlum a, ka dah daih a. Beer chu ka in leh chuan ka kekorah ka tihbuak palh a, ka kekor chu ka phelh a, kawr leh panty chiah ka ha a, tichuan silhmunah chuan ka kekor ka su a, ka suk laklawh lai chuan tukverh chu a rawn ri kerh mai a, pawnah ka va chhuak a, in chu ka helkual vel a, tumah an awm silo a, ka lut leh a, silhmuna ka kekawr suk laklawh lai ka va suk zawm leh tum chu, chokaah chuan khang tlangval pathum Samuela leh Sangliankunga leh Ricky-a te chu an lo awm a, min lo thlek nasa hlawm khawp mai a, “Enge in rawn tih dawn ka ti a, Ricky-a chuan, i piannalh tak hian kan pathum hian min hip tlat a, kanlo kal tawp. Vawiin a bikini nena i nilum ai te khan camera hian kan lo la vek alawm, kan it lutuk che bawihte.” a ti a, Sangliankunga chuan camera hian video in minlo la char char bawk a. Keichu ka hlauthawng tan a, “Chhuak ru..” ka ti a, Samuela chuan min rawn pan a, min rawn beng tlu thuai a, ka tap vak vak a, ana ngei mai. Tichuan Ricky-a chuan cowboy pistol a phawrh a, min tin a, min thingthit tir a, a kap zawnah chuan pistol chu a dah a, ‘fellatio’ (blowjob) min tih tir a tum a, ka duh lo a, mahse min beng vak vak a, tichuan pistol hmawr chu min hmuam tir a, min dep vak vak lehnghal a, ka uak tuar tuar a. Tichuan ka tho thut a, Ricky-a chu ka nawmsawn a, tlanchhuah ka tum a, mahse Samuela chuan min lo man a, ka hnute ah a tham vak a, atheihtawp ana in a tham a, a na ngei mai. KA au vak vak a, “Khawngaihin min kaltir ru, min chhuah ru..” ka ti lawm lawm a, an nui vak vak a, Sangliankunga lah chuan video in a la cover vek lehnghal a. Ka thinrim lutuk chuan Samuela tilmu chu ka tham vak a, min thlah a, rang em em in zan thim hnuaiah ramhnuai thingbuk karah tap chungin ka tlanchhia a, mi pakhat ka su a, police form a ha a, ka thla a muang ta sawt mai. Tap hluam hluam chungin thil awmzia chu ka hrilh a, ani chuan dam dap hian, “Lugngai suh, helai hmunah hian ka duty a, Assistant Sub Inspector ka nih hi, inah chuan min va hruai rawh, ka awm hi, hlau suh..” a ti a, ka inluahna lampang pan chuan chu police pa nen chuan ka inzui phei ta a.

In kan va thlen chuan tumah anlo awm tawhlo a, police pa chuan, “Mami, tunge i hming?” min ti a, keichuan ka hming ka hrilh a, ani chuan, “ASI Ramnghaka ka nia, hlau suh aw, kan en kual ange..” a ti a, a enkual pah chuan ka weed zuk bung leh beer bottle vel chu a hmu a, tichuan min ko phei a, “Helai hmun enkawl tu hi ka nia, engvangin nge ruihtheih thil i ken luh a, phal a ni hleinem..” a ti ta mai a, keichuan, “Ka pu, chutia hmeichhe sual ka nilo, hemi hi chu thudangah dah hrih ang, min pawngsual tum tu te kha zawng chhuak phawt rawh..” ka ti a, police pa chuan, “Ka tih tur min hrilh ka ngai lo, i ban phar rawh ka dap dawn che..” a ti leh a, keichuan tap tuau chungin, “Ka pu, bra pawh ka halo a, kawr leh kekawrte nen chiah ka awm hi, enge pai vaka min rin a?” ka ti a, ani chuan, “Ngawi la ban phar rawh.” a ti leh a, ka hlauh em avang chuan ka ban chu ka phar a, chu police pa pawh chuan midang ang tho khan, ka mal vel chu a zut chho a, ka hnute te chu a tham a, ka au a, tal chhuah ka tum a, min beng hrep hrep a, chu veleh chu police pa chuan, “Thiante u, lo kal ru le, hei ka lo hruai e..” a ti ta mai a, an lo lut a, thianho vek anlo ni tih ka hre ta a. Min manbet a, ka kekorte chhung chu zen in an duh tawkin ka serh chu an khawih a, ka tap zawih zawih a. Min zangthal tir a, ka kawr chu an pawtthler a, ka kekawr te an pawtthla bawk a, nghet takin min manbet a, an zinga mi Samuela chuan, “Keiman ka ti hmasa ber dawn, ka chak tawh lutuk..” a ti a, kum 22 zet uluk taka, nakina ka pasal ta tura hunrei tak chhung ka lo vawng thianghlim tawh chu duhtawkin a chen ta , ana ka ti em em a, thisen a chhuak hnem em em a,ka tap vak vak a, min la nuih vak vak zui a, a zawh hnu chuan ka chau em em a, chet pawh ka che hleithei tawh lo. Thih daih mai kha ka duh tawh a, “Min kaltir tawh ru..” ka ti a, ka tap nasa em em a, nasa takin min chhuih rawn a, ka taksa chu a na em em a. Sangliankunga chuan, “Ka hun alo thleng e, Samuel nang kha camera hi lo keng rawh le, lo la uluk hle ang che, he mihurnu hi ahurna kan ti reh vek ange..” a ti a, tuman mihurnu tiin minla ko ngai lo asin, ka rilru chu ana em em a, mahse thitheih ka nei silo. Nghet takin min manbet leh a, saruak vekin ka mu tawh a, theitawpin tang mah ila ka taksa na chuan ka tha a ti zawi vek a, chubakah mipa tha chu ka hneh bik silo. Sangliankunga pawh chuan a duhtawkin ka taksa chu a chen ve leh ta a, minute 10 vel zet min sawisak hnu chuan a zo ve leh ta a. Tang pawn ka tang peih tawh lo, ka na vek tawh a animai. Ricky-a chuan, “Thingthit tir ru, ka blowjob tir dawn..” a ti a, ka huphurh hle mai, mahse tang turin tha ka neihloh mai bakah ka zawi vek tawh. Min thingthit tir a, min man bet a ka hmui ah chuan a serh chu a rawn nawr vak vak a, ka ten ngei mai. Ricky a chuan ka chhip samah thamin, “Ang rawh ang rawh.” a ti vak vak a, atawp atawp ah chuan a serh chuan ka hmui chu a nawr ang a, nasa mangkheng hian a dep a, ka uak tuar tuar a. A duhtawk hnu ah chuan min nam tlu a, a thiante aia uar leh nasa cuan min pawngsual ve leh ta a, min pawngsual pah chuan ka hnute hmur te chu a seh vel a, ana ka ti si, damlai hremhmun diktak chu hei ngei hi a ni. Min pawngsual zawh hnu chuan a tho a a inha fel a, ka chau ngei mai. Zawite hian, “Min khawngaih hram ru, min khawi tawh su..” ka ti tham tiak a, ka aw pawh a chhuak hleithei lo. Police pa chuan min kek tho a, saruak vek chuan pawnah min namchhuak a, leiah chuan ka tlu bawk thlawp a. Mi pathum pawngsual rawn zawhhlim ka ni chu a ni der mai a, muangchangin tap chungin ka tho a, tlan paw ka tlan thei lo, ka hma zawnah chuan ka kal char char a, rei fe ka kal hnu chuan ka hma zawnah chuan khang mi pali te khan an lo awm leh der tawh a, Ricky-a chuan ka hnug atangin min tlawh tlu thuai a, ka bawkthlawp a. Police pa Ramnghaka chuan a kekawr aphelh a, midang chuan ka kut phah chu apahnihin an rapbet a, tichuan Ramnghaka chuan anal sex min hmanpui a, ka mawngkuaah min ti tihna nih chu, ka au vak vak a, ana ka ti em em a, “Min chhuah ru, duhtawk rawh..” ka ti lawm lawm a, mahse a ngaithla lo, min pawngsual miah miah mai a. A zo ta maw tih hnu ah chuan ka tho a, a inha fel a, tichuan an pali chuan hmuhsit hmel tak chuan min en a, min nuih a, muangchangin khup sai hlawk hlawkin ka tho chhuak a, ka taksa chu ana hle a, tichuan min pawngsualna bula lui ah chuan ka zuangthla ta daih a, inthah ka duh vang a ni. Mahse Pathianin min chhanchhuak ani chek ang chu, ka harhchhuah chuan luikamah chuan saruak vekin ka lo awm a. Ka tho chhuak a,engtia tui khan min len chhuak a, engtia nungdama la awm nge ka nih ka hrelo. Ka awmna chu ka hre lo, mahse khami hmun bul hnai velah kha chuan ka la awm tih ka chiang a. Zinglam dar 3 vel anih ka ring. Ka riahna lodge lam ka va pan leh ngat a, in bulah chuan khang mi pali tekhan mei anlo chhem a. An inbiakna chu hnim buk phen atang chuan ka ngaithla a, Ramnghaka chuan a thiante chu a lo hau a..

“A zuanthlak hma khan man tur che u lawm..”

“Athi tawh tho ang.”

“Chutiang ngawt a ni lo, la dam ta se.”

“Dam ngaihna awmlo..”

“A ruang tal kan hmu tur a ni.”

“Ramnghak haw phawt ang u, i nupui leh fate an ngaihtauh awm..”

An haw fel hnu chuan inchhungah chuan ka lut a, ka inbual fai a, thawmhnaw te ka ha a, an meichhemna chu ka zu en a, ka novel ziah lawksa te chu anlo hal tel a, ka rilru ana hle mai. Ka thingthi a, ka tap zawih zawih a, ka thinrim ngei mai. Ka rilru ka siamfel a, heng mi pali te hi ka that ngei dawn ni. Ramnghaka ber lah khan nupui a nei a, fanu anei tih ka hre lehnghal a, ava han tenawm tak em. Tichuan a mal te te a thah ka tum ta a, ahmasa ber ah chuan Sangliankunga chu ka target ta a. Atukah chuan ramhnuai karah chuan biru kualin an chetla lai chu ka enthla zel a, tlailam dar 3 velah chuan Sangliankunga chu kudama a lut lai chu ka hmu ta a, a rawn chhuak leh a, kudam a kalh that lai chuan a hnung lam atang chuan thingtum hian ka vaw thlu tawp a, tichuan thingkung bulah ka hnuk phei a, thingkungah chuan ka phuarbet a, ahmaiah chuan chil ka chak vak vak a, a rawn harh a..

“Ehe nangmaw, ila dam maw?”

“Aw la dam e, min la tihchak ka ring a, chuvang chuan i tihtur liau liau in ka lo dam leh anih hi, mihurpa..”

“Min phuarna hi phelh rawh..zawngi.”

“Hey, ngawi hmak rawh, thil ka lo ken che a, i ril atam takin..”
(Dil kama sangha thi tawh uih deuh ka chhar chu ka phawrhchhuak a, a ka ah ka va hnawh sak a. A luak ta vak a, akawrhma ah chuan a luak chu a kai ber nuai a.)

“Min chhuah rawh..”

“Khatiang chiah khan ka dil che u a, min chhuah bik em?”

“Ka tihpalh ani..min ngaidam rawh.”

“Keichuan ka that lo ang che..choak te khian an that dawn che.”

Ka tho a, kudamah chuan thirzai ka va la a, nghakuai hook chu thirzai hmawr ah chuan ka tawnbet a, a mit ko chungah mit khap thei miahlo turin ka thil tlang a, a au vak vak a, ka pawt mar vak a, thingkungah chuan ka tawnbet ta a. Choak an lo thlawk sup sup a, amitah chuan an chuk a, thisen a rawn chhuak a, ka tan chuan a hmuhnawm ngei mai. A ipte ka zen a, DVD alo awm a, camera a min cover na kha ani ngei ang, ka ak tha ta daih a. Tichuan ka kalsan a, bihruk hna ka thawk leh ta a. Nangni police ho inlo inrawlh chiah khan ka che fimkhur zual a, in duty na lo lampang apiangah ka biru a. Ka ril te a tam ve thin a, engmah eitur ka nei ngai silo a, helai huan a, vaimim hel te, kawlthei hel te leh antam te hi a hel vekin chaw ah ka ring thin asin. Atukah chuan ASI Ramnghaka te in chu ka thlithlai leh ta a, duty tura Ramnghaka chhuak chiah chu ka va lut a, an fanu te zirtirtu nu angin ka insawi a, tichuan, “In pa ka lo bia ang chu..” ka ti a, kan inbe ta a, ani chuan inla polite zet hian, “Ka pi, tihpalh aw, ka lo chhuak hman a, lo awm ila, han titi ila tha tur, enge i hming ni hrim hrim a?” tiin min rawn zawt a, keichuan, “Miss Jennifer-i ka nia..” ka ti a, a ngawi vang vang a, “I hmingpum min hrilh thei em Pi Jennifer?” a ti leh a, keichuan, “Jennifer Lalhruaitluangi ka nia, novelist ka ni thin..” ka tih chiah chuan, “Hey, zawngi, kan inchhung kha chhuahsan rawh..” a tia, keichuan, “Anih leh phawt le..” ka ti a, ka dah daih a, anupui bulah chuan an fanu school park a lenchhuah puiah ka dil a, alo phal ve mai bawk a. Tichuan taxi in ka pawisa tlem tawh tak hmangin an fanu chu school park ah chuan ka lenkual pui ta a. Rei fe hnuah chuan a fanu bulah chuan, “Mate, hei hi ipa lo pe la, alo lam ang che aw..” ka tia ka kalsan ta daih a. Paper ah chuan tihian ka ziak a, “HEI HI CHU A BUL TANNA CHAUH A NI. WARNING CHAUH ALA NIH HI, I THI DAWN TIH HRIA ANG CHE.” tiin. Chumi hnuah chuan an fanu school bang chu ka chang leh ta a, police ho in an rawn hruai dawn tih ka hriat avang chuan an lo kal hma in an school bulah ka lo chang a, DVD chu ka pe a, mahse an DVD Player alo chhe khanglang a, a vannei ta hram a. Tichuan rei fe ka reh hnuah chuan Ricky-a leh Samuel-a chu ka hmu a, arukin ka zui a, lodge hlui ah an lut a, zu an in a, tichuan Ricky-a chuan tiffin la tura a chhohsan lai tak chuan Samuela chu thah ka tum ta a, lungtum ka chhar a, hnunglam atang chuan ka chhu pawp a, a thal tawp a, lodge hluia bathroom ah chuan ka hnuk lut a, bath tub ruakah chuan ka muttir a, ahmaa kudama ka laklawk sa hrui leh LYE liquid te chu ka phawrh a, Samuela ke pahnih ah chuan ka tawnbet a, tichuan inchung ban inkhampheiah chuan hrui chu ka bangliam a, ka pawt vak a, a kang dawr a, tichuan hrui chu tap ah ka thlung a, a lu chuan bathtub chhung chu a silo chiah chiah a. Bath tub ah chuan tui ka chhunglut a, LYE acid tlang te chu ka pawlh a, a rawn phuan ta ser ser a, a khu ta vut vut a. Tichuan aletling zawnga inkhai vu chung chuan a hmai ah chuan na em em in ka henk a, alo harh a..

“Hey hey..tunge tunge i nih?”

“Min hre tawh lo maw? Jennifer, i pawngsual hrep hnu kha ka nih hi.”

“Engtin nge min tih dawn a? Min chhuah teh..”

“Haha, ka siam hmeltha dawn che..” tih pahin tap a hrui inthlung chu ka phelh a, alu a zu inchiah a, a hak buan buan a, a lu chu a rawn ti chhuak thei a, mahse a thei rei silo, a inchiah leh thin a, a hmai chu a kang vek tawh a, “Min chhuah rawh, ana emai..” a ti a, mahse ka ngaithla duh lo, thi tur chuan ka kalsan leh ta a. Tichuan chhuata an chemte pai chu ka la a, an sakawr naute hnim lo ei lai chu ka va vit hlum a, adulah chuan GOODBYE SAMUEL tih ka ziak a, ka biru leh ta a. Reife hnuah chuan tlai lam dar 3 rik hma vela an in atanga in haw tur kha ka hmu leh che u a, tichuan ka che leh tan ta a. Ricky-a chhuak chiah chu ka zui lehnghal a, Petrol pump lam ah a kal kha ka hmu a, ka zui ru zel a. Tichuan petrol station chu a nghak ta char char a, chumi ni chuan motor a keng a, sunglass ka vuah a, kekor bul ka ha a, a itawm thei ang tur berin ka inbel a, tichuan a motor bulah chuan hnungchhawn zawngin ka ding a, lunglian tak ka hum bawk a, ring takin, “EHEM..” ka tia, min rawn pan hnai a, “Nula, enge i duh a?” min ti a, alo kal hnai a, ka lehhawi thut a, ka lung ken chuan a chalah ka chhu a, nikhaw hrelovin a tlu a. Motor seat hnungah chuan ka hnuk lut a, chutah chiah chuan nangni chuan amah Ricky-a zawng turin in awmbo dawn tih ka hre leh chiah a. Chowkidar riahna bualh chuan motor chu ka side tha a, Ricky-a chu ramhnuai lamah ka hnuk thla leh a, kudam chahbi leh cowboy pistol alo ak hlauh a, kudam chu ka va hawng a, tuboh leh chem leh hrui leh perek leh plyer leh thing phek ka la chhuak a, tichuan tuboh chuan a ngal ruh ka vawk tliak a, alo harh chiang ngei mai, mahse nikhaw hreovin a awm lehnghal a. Ricky-a chu ka phelh ruak veka, saruakin ka awm tir a. Akut pahnih ah chuan hrui ka suih a, tichuan thingkung zar lehlam lehlam ah chuan ka tawn a, ka tung ding a, ake chuan thingphek chu ka rah tir a, perek chuan ka kilh hnah a, arawn harh leh a..

“Zawngi, ila dam amaw?”

“Umm dam e duat bawihte, min ti nasa bawk sia, ka ti ve chak lutuk che a, lo indawh ve thung rawh aw?”

“Mi hur nu, enge i tih dawn?”

“Ka pawngsual ve dawn che..” tihpahin pistol chuan a ka ka an tir a, min tihdan ang chiah khan pistol chu ka hmuam tir a, ‘fellatio’ ka tih tir ve ta a, a uak thawt thawt a. A chil min chhak khum a, “Huri, ka pawngsual hnu, ka tihhnu i nih kha...hahaha..” te chu minla rawn ti deuh deuh. Ka thinrim lutuk chuan, “Ila duh animaw?” tih pahin plyer chuan a ha hnuai lam zawng zawng chu ka phawi vek a, a rak tuar tuar a. A ka atang chuan thisen a chhuak zawih zawih a, chil minla chhak khum hram a...”f**k YOUUU..” min la ti zui a. Keichuan dam diai hian, “Ka duat bawihte, hei aia nuam ila duh nimaw, ka thiam alawm, nuam vawrtawp chu ka pe ang che aw..” tih pahin chemte chuan a serh chu a tilmu chawpin ka tan sak ta a, a che vak vak a, mahse a ngalruh a tliak sia, a che tha thei lo. A au vak vak a, a serh chu ka la a, a ka ah ka thunlut a, ka hmuam tir a, a hmui ka hup a, a che reilo hle mai, thisen chhuah hnem em avang chuan a thi ta a, tichuan ka biru zui leh ta a ni. Reife ka reh hnuah chuan ka che ve leh tan ta a, Ramnghaka thah ka tum ta a, an in bul velah police an tam em avangin ram hnuai hla deuh laiah chuan ka kal a, ring tak takin ka au vak vak a, chutia ka au hnu reilote ah chuan police ho chu an lo chhuk vat a, chuan in lam panin ka tlan chho veleh nghal a. An fanu chu pawnah alo chhuak a, ka pawm nawlh a, ramhnuai lehlam zawkah ka kalpui ta daih a, tichuan reife hnuah chuan ka kalsan ta daih a, chuan kudamah Ramnghaka chu a shotgun la turin a rawn chhuk dawn tih ka hriat avangin kudam chhungah chuan thingtum nen ka lo chang a, a rawn thleng chiah chu ka lo vawthlu nghal a. Tichuan dawhkan ah ka bawh tir a, ake ka phuar a, a chetsan loh nan a kawng achin chunglam zawng chu dawhkan nen chuan hruiin ka phuar hnan bawk a. A kekor chu a khup thleng ka pawhthlaksak a, tichuan a mawngtam ah chuan ka beng vak vak a, arawn harh ta a.

“Hey, Jennifer, min phelh rawh..”

“Nilove, bawihte, ka pawngsual chak zia che hi i hria em? Ka itna che a rei tawh lutuk bawiha..”

“Mi hur nu, ka thiante chu i that ani mahna, keichu min that lovang..”

“Ka pawngsual phawt dawn che, ka chak emmai, ka insum zo lo.”

“Min chhuah rawh, nihloh chuan ka that ang che, police ten anla rawn man tho ang che.”

“I hmanhmawh emai duat...i nupui leh i fanu te khi ka khawngaih ngawt mai, ka that dawn che sia, ngaihdam dil pawh ka chak, tunge apa hi an hrechiang silo a. Mahse ka thah ngei che angai sia, chuan he shotgun chu a tha hle mai..” tih pahin ka load a, a mawngkua ah chuan ka hnawh lut a, thisen alo luangchhuak a, ka tan chuan kha thisen chhuak kha a hmuhnawm ngawih ngawih asin. A au vak vak a, “Min chhuah rawh, ka tihpalh a ni, ana emai, min ngaidam rawh, min khawngaih rawh...” a ti lawm lawm a, keichuan, “Keipawn ti khan ka dil che a, mahse min khawngaih bik em, mawh zawngsen. Police chu i ni ve sia, mahse mi te tana hnathawh chu khawilam..ka virginity min laksak a, ka mawngkua thlengin min pawngsual a, tunah ka pawngsual ve che nih hi, min tihna ang chiah ah, i mawngkua ah..” tih pahin shotgun chu ka benh lut thuk lehzual a, a au vak vak a, tichuan ka thinrim insum zo lo chuan, “Mangtha aw..TENAWMPA” tih pahin ka chalah ka fawp a, tichuan shotgun chu ka hmet puak ta a, ka kalsan leh ta a. Tichuan a nupui Pi Partei kha ka khawngaih em avangin an pa ruang a en zo chiah a lo chhuah khan hmuh ve ka duh a, mahse tikhan media ho hian anlo chilh nghal vak vak si che u a, mask ka vuah a, tichuan mipui karah khan ka lo thlir reng che u alawm. DCP Nathan, ‘Jennifer Lalhruaitluangi hi ka kut ngei hian ka la man ang.’ i ti a tiraw, tunah hei i hmaah Jennifer Lalhruaitluangi tualthah hmang chu ka awm e, min man ta ngei bawk a, i thusawi chu a dik e, chu zawng chu ka sawi duh a, tunah chuan court ah kal pawh ka inhuam tawh e.

...........................................

A thawnthu a sawi zawh meuh chuan zing dar 2 a ri der tawh mai, ka khawngaih ngei mai. Atukah chuan Jenniferi chanchin chu a lar ta hle a, MHIP nu ho chuan kawng an zawh bawk a, Jenniferi chhuah turin min dil a, chutiang bawkin college zirlai naupang ten an zawh bawk a, police te tan chuan tih theih a tlem hle mai. ASI Ramnghaka nupui Pi Partei chuan FIR a thehlut hman bawk si a, tichuan court lam pan chuan kan kal ta a. Court ah chuan Jenniferi chuan, “Your Honour, khang mi pali te kha ka thah an ni a, hremna engkim ka pawm vek a, ka inpeih e.” a ti a. Tichuan thuthlukna vel an siam zawh hnu chuan Nathana chuan, “Your Honour, thil pakhat ka lo sawi ve thei ngem, he case hi ka kuta awm a ni sia..” a ti a, Judge chuan a phal ta a. Nathana chuan ti hian a sawi a..
“Tiang hi kan lo thleng ta chu a nia, Jennifer Lalhruaitluangi, tlualthah hmang, mi rapthlak taka kan ngaih chu kan man ta chu a naia, mahse Sir, enteh, tikhawpa man hlan nghakhlel tu te khan, tunah chhuah turin kawng an zawh leh lawi si, enge awmzia? Jenniferi thil tih hi a diklo, tualthah hi thilsual ani. Mahse phuba alak theih nan Pathian hian tui a atlak tawh hnu in a nunna a chhanhim a, khang mi pali, a thianghlimna laksak tu te laka phuba a lak theih nan. A thil tih kha diklo mahse, hmeichhe dang an tichhiat a, amah anga an lo pawngsual vel loh nan khang mi tenawm tak tak te kha a dahtha mai zawnk angah ka ngai. Mipa te hi tinge tiang hi kan nih thin, kan thil tih hi a van ropuilo thin tak em. Tunlai tlangval ho titi ropui ber i hre duh em Sir? An thil sawi ropui awmchhun ve chu maw, nula lo kal se “Saw nu saw ka ti tawh”...”Ka hrehlo”..”Ka van ti chak”..”Avan khal e, nei nuam ngawt ang” tih vel hi mawle an thilsawi ropui ber chu. Chhungte thawhchhuah sa ringin bike in chak tak takin an tlan a, chhungte pawisa in zu an in a, engmah thawk peih silo. Mipa zawng zawng chu an nilo, mahse tinge hetiang hi Mizoramah an tam em em? Nu leh pate thiamloh ami? Pathian thiamloh ami? Nilove... hmeichhia te kan ngai hniam lutuk hi chu a pawi a ni Sir. (a mittui a rawn tla hial a) Sorry Sir, ka sawi ngei angai a ni. “Ka nu ka pa, kuhva leina tur, sikret leina tur minlo pe.” kan tia, nu leh pa te kan rawk ani ringawt. He thil hi mizo tlangval thalai te hian i sim ang u. Hmeichhe ho pawh hi an thinrim chuan an namai lo tih Jennifer-i a tang hian kan hre thei ang. Khang misual pali te kha, Jenniferi lakah kan lo venghim kha Police ka ni hi ka insit rum rum zawk, hrelawk ila chuan ka that ang keimah hia...chuzawng chu ni e Sir, ka lawm e.”

Judge chuan muang cher chuar hian thuthlukna tawp ber a rawn sawi ta a, “Jennifer Lalhruaitlunagi hi mi pali a thah avang leh naupang a kidnap a a chhungte a vau bawk avangin IPC Section 300-na hmangin damchhung lung in tang turin hrem a ni. Jennifer-i hian thuchah hnuhnung sawi tur anei em? Sawina hun kan hawng e.” a ti a, Jenniferi chu a nui suk a, amittui chu a khap per sak a, Pi Partei chu a va en a, “Ka pi, i pasal ka thah sak che avangin min ngaidam ang che.” zaidam tak leh zawi tak hian a ti a, pi partei chu a tap char char bawk a. Court atanga kan chhuak chiah chu kawngka bulah press mi te leh MHIP nu ho kawng zawh leh College naupang kawng zawh ho chuan min lo dang a, “Jennifer-i in man chuan an nasa khawp ang..” tih ten min lo vau a. Jennifer-i chuan zawi muang hian a ban a phar chhuak a, an ngawi thap a, “Khawngaihin, tiang hian ti suh u, keima tawn ang hi in tawn veloh nan mipui te fimkhur ula, nu leh pate u, infanu te venghim ula, in fapa te kawngdik kawhhmuh ang che u, ka huaisenna hi nei ve ula, mahse ka tawn ang hi chu tawng ve suh u. Keichu tualthah hmang ka nia, jail ka tang dawn a, ka phu bawk a ni. Ka kawng hi in dal chuan ka rilru ana ngawt ang. Min kaltir hram rawh u..” a ti a, mipui ho chuan tap chungin kut an beng dur dur a. Jennifer Lalhruaitluangi chu Mizo hmeichhia te mipa sual ho laka a chhanhim vang leh, a vawikhat na atana a thiltha tih ve chhun avang chuan dam chhungin lung in a tang dawn ta a ni.

A tawp ta e