NATHAN Ep-9 (THE STORY OF NATHAN) by Aaron Malsawmdawngzuala

Hnuchhuina lampang chi ho
Aaron Dustin
Posts: 214
Joined: March 14th, 2018, 10:15 am

NATHAN Ep-9 (THE STORY OF NATHAN) by Aaron Malsawmdawngzuala

Unread post by Aaron Dustin » May 11th, 2018, 9:42 pm

(The story is the inspiration of 'TEMPER')

"Sir, i ban chu enge a an a?"

"A dam tawh khawp mai...rin aiin a dam chak a.."

"Alawmawm a nih chu."

"Ka tuar hi a chhel ve hrim hrim a.."

"Nia ni vel ang...i pa em alawm."

"Nang i tuai alawm."

"Haha.."

Tualthattu SI rinawmloh tak mai Ricky-a kan man atanga kar khat lai a lo liam leh ta, hna hahthlak lutuk leh hnuchhui tur a awm lemloh avang chuan Nathana nen pawh kan awl em em a, mahse Biryani chu kan ei leh tawh ngailo hrim hrim. Mahni infakna nilo se, Nathana nena kan thawhdun tan tirh ai kha chuan tlem chuan ka fing ve sawtin ka hria, a tir kha chuan Nathana hi ka mil thak lo a, a tuai lek lek te ka tih kha, mahse kei ai daih tharum alo ngah zek lehnghal. Ka pa pawh tualthah thubuai a min puhna avang khan alo haw a, karkhat vel a cham hnuah Champhai lamah a let leh tawh a. Ka nu pawh thlamuang takin a awm leh thei tawh a, fapa tlanbo ka let leh tawh miau avangin a hlim em em a ni. Mahse kha mualphona atanga kan talchhuah nachhan ber chu Nathana vang ani, ani tello chuan ka thei teuhlo mai, keimah chauh chuan sualchhuak dawn phei ila chu tunah hian jail bang ka zut mek anga, Rickya pawh kha Inspector pangngai ah a kaisang ngei awm sia, mahse Nathana finna chu a hneh ngang biklo anih kha. Nathana hi chu ka chungah ngeiawmin chimawm viau thin mahse, ka faklo theilo ani, ka fak hreh viau nanga fak hi chu a phu ve thlawt a ni. Ka sawi peih tawhlo, ka fak nasat pauh leh chhiartu ten keimah aiin in ngaisang zawka, in star nasa thei sia, mawl tih bak ka hlawh ngailo, thupui lamah lut ang aw...


Chutia kan titi lai chuan constable hi Nathana Office ah chuan a rawn lut a, "Sir, vaipa pakhatin a hmu duh che a.." a rawn ti a, Nathana chuan, "Tu vaipa maw?" tiin alo zawt let a, constable chuan, "Krishna Murthy a in tia, Vishakapatnam-a ka thawhpui thin a ti che a.." a tih chuan Nathana hmel chu a hlim hmel em em a, "Ehee...Murthy-a nih chu, lo luh tir vat rawh." a ti a, mak ka lo ti em em a, Vishakapatnam ah Nathana hian hna alo zu thawk thin ani tih ka hre ngai lo a, min hrilh lo hrim hrim bawk. Reilote hnuah chuan, vaipa pakhat, kum 50-55 vel awm tak hi alo lut a, Nathana a rawn hmuh rual rual chuan, "Sirrrr....Namaskaram.." a rawn ti vak a, Nathana pawh chu a thutna atanga din chhuah pah chuan, "Namaskaram Murty garu.." tiin alo chhanglet a, an inkuah a, thiantha tak anni tih chu a hriat loh theih loh. South Indian tawng chuan an inbe deuh char char a, eng tawng ber nge pawh ka hre lo, ahnu ah chuan mizo tawngin an inbia a, ka thaw ta huai mai a, chu vaipa Murty-a chuan mizo tawng a thiam ve avang chuan, South Indian daih nisi, mizo tawng lah chu a pai thak lo lehnghal a, mizo ang chiah a nimai, a ngeiawm zawk. Nathana chuan min kawk a, "Eee taka, Murthy, heihi Rinawma a nih hi, ASP ani a.." a ti a, vaipa nen chuan kan in chibai a. Tichuan chu vaipa chuan, "Khrishna Murty ka nia, Vishakapatnam ah Nathan Sir nen hian Head Constable ka nih laiin kan thawk dun thin a.." a tih takah chuan ka man ta uar uar mai, Nathana hian a past life min hrilh ngailo a, college a kal laia a bialnu neih thu min hrilh bak kha chu engmah a hun kaltawh min la share ngailo, kha a bialnu lah kha tualthah thubuaiah kan man daih lehnghal. Kan han titi luam hnuah chuan Murty-a chuan, "Taka Sir, DCP lai ilo ni tawh a, kan thawhdun lai kha chuan SI i ni a, Mizoram lama min hawsan dawn khan Inspector ah i kaisang kha a ni a, i haw ta daih a, ka ngai thei tehmai che asin, keipawh hei Inspector lai chu ka ni ve tawh asin." a ti a, Nathana chuan, "Ehee ava lawmawm ve, mahse min ngailo niang, min be ngai siloa, chubakah kan thawhdun lai kha chuan min huat theih em kha, Tsunami in a nuai bo ang che te min tia, anchhia te min hlawh a, min huat theih em kha.." a ti a, Muthy-a chuan, "Kha te chu i fel hma ania, i sual thei em alawm, i inthlak danglam hnu kha chuan i ropui teh e, Pathian i ni ringawt alawm, kha nula mualpho taka thi ta kha, a thattu te chu hremna i pe a, i nunna in a tuar phah tep anih kha, i hna thawh that vangin promotion pawh inhmu a nih kha.." a ti a, Nathana chuan, "Akhaih..mai mai a, kum tamtak aliam tawh a, sawi sawi ngai tawh hleinem, police kan nih angin kan hna kan thawk animai lawm." tiin a chhang a. Muthy-a chuan, "Tunah pawh rinawm tak leh thianghlim takin ila thawk chhunzawm reng ani tih chu a chiang mai lawm, DCP lai i mi tawh a, khang hunlai kha ka ngai thin khawp mai. Hyderabad lama ka junior te ho pawh i chanchin hi ka hrilh thin asin." a ti veleh a, an thusawi chu ka man lo, ka bo tulh tulh mai. A chang leh South Indian tawng chuan an inbe leh a, sap tawngin an inbe leh a, achang leh hindi in an inbia a, keilah saptawng thiam ve pangngai, hindi tlem azawng thiam, South Indian tawng thiam thak lo tan chuan sawi ve tur a vang khawp mai. Darkar khat dawn lai kan inkawm ho hnuah chuan Muthy-a pawh chu a haw ta a, keini pawh chu reilo te hnuah kam duty chu kan bang ve ta a.

Motorah chuan kan chuangdun a, a ngawi reng a, a nui leh vur vur thin a, a at hmel takzet. Atawpah chuan ka be ta a...

"Sir, tinge Vizag (Vishakapatnam short form) ah i thawk thin tih pawh min hrilh ve loh a?"

"Nia..nihleh nang class 12 khawi school ah nge i pass chhuah?"

"St.Pauls ah.."

"Ka va hre silo ve..min hrilh ngai bik miahlo nih chu...kan inrul tawk chiah."

"School kalna daih daih te chu, a rei tawh emai a.."

"Keipawh kum engemaw zat aliam tawh a, ka hrilh talo che nih kha, arei ve tawh tho lawm."

"Nihleh engtawng nge in hman kha?"

"Telugu a nih kha, South Indian tawng chi hrang hrang zinga mi.."

"Ehee...engtin nge i thiam a?"

"Hyderabad ah ka seilian alawm, telugu te chu mizo tawng ai pawn ka thiam ang chu mawlee.."

"Nih chuan vai nen danglamna in awmlo nih chu.."

"Ave lutuk ache...mizo tawng bak tawngdang thiam i neih loh kha.."

"English te chu ka thiam ve lutuk ania aw, Hindi pawh ka thiam ve nelnual.."

"Atlem emai...keichu English, Hindi, Tamil, Telugu, Marathi, Kannada leh Malayalam tawng ka thiam vek aw, chuan foreign tawng ah chuan French leh Spanish tawng tlem ka thiam bawk."

"Ropui ve aww...chuan nihleh Hyderabad-a seilian si engtin nge mizo tawng i thiam a?"

"Mizo ka nia, nge ka thiamloh ang...ka nu leh pate pawh mizo alawm an nih...mawl lutuk mai."

"Nihleh engtin nge Murthy-a khan mizo tawng ava thiam em em ve a?"

"Mizoramah a tlangval laiin a awm char alawm...Mizoramah hian in aluah thin a, Murthy-a ti lawl lawl suh, Murthy garu..tih rawh."

"Enge Garu chu awmzia?"

"Ka pu tihna, zahna lantir na.."

"Vai mai mai lehnghal, ka pu ka ti lo ange...kei aia rank hniam lehnghal."

"Hmanni lawkah ASP ah i kaisang ve a, inla rank sang vel lutuk."

"Ka chhanchhuah vang liau liau che nih kha aw, hmanni lawk pawh nilo, nikum daih tawh nih kha."

"Vawikhat min chhanchhuak ve dek dek a, i sawi zing emai a."

"Nihleh Namaskaram kha engtih nange?"

"Zawhna hliiir...ninawm, chibai tihna, hindi chuan Namaste, Tamil chuan Vanakam, Telugu chuan Namaskaram..chuan i hriat ve mai mai atan, French tawng chuan BONJOUR.."

"I hmel Bonjour anih chu..."

Inah chuan ka haw a, ka inbual fai a, chaw te ka ei a, chaw eikham chuan ka lengchhuak a, meizial leh kuhva te ka lei a, mi kawtah thuin meizial chu ka zu khu hluah hluah a. Ka rilru ah chuan Nathana leh Murthy-a hlir chu an awm a, Nathana kha engtim chiah nge Vizag ah chuan a zu awm a, engtia khati teh fakoa Murthy-a khan ngaisang nge anih? Tualthah thubuai a chinfel dan te? Tinge sual lai te aneih? A felhnu ah chuan engtin nge a awm? Zawhna hlir chuan ka khat a, chuan ka hriat chian em em chu telugu tawnga an inbiak lai khan Murthy-a khan 'girlfriend' tih a sawi tel zeuh bawk a, Nathana hian vai bialnu a zu nei tihna em ni? Ka hre chak tlat mai a, zana ka.muthmunah pawh chuan ka mutthilh theihloh phah hian a. Naktuk ka off ni a ni lehnghal a, Nathana chu zawh chian ka chak rual rualin engmah min hrilh duh leh dawn chuang bawk silo, chutia inngaihtuah reng chung chuan a tawpah chuan ka muhil ve thei ta hram a. Atuk zingah chuan chaw te ka eikham hnuah tihtur a van em avang chuan khawlaiah ka tei vel mai mai a, hnathawh loh ni pawh hian tihtur avang thei lutuk hi chu a ninawm lek lek. Dar 10 am chiah ala ri bawk si, engtin nge vawiin ni hi ka hman ral ang aw tia ka inngaihtuah lai chuan dawr pakhata Murthy-a'n meizial alei lai ka va hmu a, ka va pan hnai a. A bul ka va thlen chuan, "Hello Murthygaru...Namaskaram.." ka va ti ve ngei a..Murthy-a chuan min hnuh veleh chuan nuih pahin, "Hello...Sir...Namaskaram...Ella unaru?" a ti a, ka bo map mai. Awmzia hria niawm tak chuan, "I'm fine.." ka'n ti ve thuai a, Murthy-a chu a lu buk nghauh nghauh pah chuan, "Sarle sarle" a ti a, ka bo tulh tulh. Mizo tawng chuan kan inbe nual a, thla 1 lai leave alak thu leh Mizorama rawn zin a, Nathana hmuh a chak tawh thu te chu min hrilh luam a, leng tur chuan min sawm zui a, tihtur ka neilo bawk a, Murthy-a te inah chuan ka leng ta a.


Mi inhnuai hi a luah alo ni a, a te a, a zim hle bawk a, Nathana te bathroom tiat vel lek a ni. Mahse a te viau nanga a felfai thlap mai a, kei ai daih chuan a che fel phian. Polite takin enge ka ei duh te min zawt a, thing pui leh chhang chu a rawn chhawp a, tichuan ka bulah chuan thu in kan titi ta a. Murthy-a chuan, "Engtia rei nge in thawh dun tawh?" a ti a, kei chuan, "A rei ve tawh, kum 2 chu a tling ve tep chu ania, kei chu ka thawhna a rei tawh a, nikum hmasa khan PI ka nih lai khan a ACP niin a rawn join a." tiin ka chhang a, Murthy-a chuan, "Aww anih chu, enge a an? A hna te a thawk tha em?" a ti leh a, keichuan, "Thawk tha e..mahse a chimawm ani, mi hnial a peih sia, ka hnial hneh ngai silo, mahse hnuchhui lamah chuan number one hi a ni tawp, chuan Mizoram ah hian ani ang em em a police huaisen leh taima leh fing hi ka la hrelo." ka ti a. Murthy-a chuan, "Ekhai..a chimawm zia leh tawngkam a thiam zia chu ka hre ve lawm, a tleirawl a pel tawk ang tih velah khan SI niin a hnung ka zui hrep tawh alawm, a sual duh chuan sualthiam tak a ni.." a ti a, ka thil hriat chak em em chu zawhna hun remchang tak aniin ka hre ta a, "Ka pu, Nathana nen hian in inkawmngeih hmel si a, in inthianthat dan min hrilh thei angem?" tiin ka han zawt a, Murthy-a chuan, "Nia, tunah phei chuan ka fapa ang mai hian ka ngai tawh a ni...Vizag ah khan a nunna a chan tep a, a chhan chu tualthattu tenawm tak tak te zalen ai chuan tiin a nunna hial pawh chan huamin a awm a, Nathana hun kal tawh hi i hriat duh chuan ka hrilh ang che....i la hrelo maithei a, Nathana hi fahrah a ni.." a ti ta mai a, keichuan mak ka ti em em a. An inah pawh vawitam ka leng tawh a, nu leh pa kha chu a nei ve ngei si a, "Pu Murthy, Nathana hi chuan nu leh pa anei alawm, an inah pawh ka leng ziah a..ava mak awm ve.." ka ti a. Murthy chuan, "Ni e...nu leh pa tia koh chu a nei a, mahse saw a nu leh pate emaw i tih saw, a nu leh pa te tak tak annilo, kum 1 lek anih laiin a nu leh paten an thihsan a, tichuan a patea te nupa in an awmpui ta a. Kum 12 a tlin khan Hyderabad ah a putea thianpa Telugu (vai) mi hian lehkha zir zawm turin a hruai ta ani. Tichuan chu a putea thianpa chuan a enkawl seilian a, kan tawng a zirtir a, mahse kawng diklo lam zawh puiin misual takah a chhuah a, atawpah Corrupt Police a ni ta ani." a ti a, keichuan mak ti tak hian, "Corrupt Police a??" ka lo ti hu a, Murthy chuan, "Ni e, a chanchin hi a vaiin kan hrilh vek law law ang che..." a ti a, tichuan min hrilh ta a...(kawng diklo lama ahruai dan chanchin hi chu episode dangah ka lo tilang ang.)

THE STORY OF NATHAN

(Murthy-a'n Nathana chungchang a sawi hian mizo tawng vekin a sawi lona, Hindi leh English a hmang tel zeuh zeuhba, mahse chhiar a nawm nan mizo tawng vekin ka ziak a, min lo hriatsak ve hrim hrim ru.)


Vizag ah hian kum 10 lai chu ka thawk ve tawh a, mahse lehkhathiam lo ka nih avangin Constable ka ni char char a, kum 10 chhung zawng rinawm taka ka thawh char char hnuah chuan atawpah Head Constable ka ni ve thei hram a ni. Smugling case avanga kan man, court a la hruai hmabak tlangval pali te chu kan man a, lock up ah kan dah mek a. Kan khawpuiah hian rowdy lian tak leh sual tak, hausa em em mai pakhat a awm a, ahming chu Voltaire Vasu a ni a, chung mi pali smugling case vanga kan man te chu Voltaire Vasu-a unau te an ni. Chumi pali te kan man ni chu Mahatma Gandhi Birthday October ni 2 a, chumi ni chu SI thar kan neih ni tur a ni. Mahatma Gandhi Birthday apianga kan tih thin ang chuan a thlalak chu Police Station chhungah kan tar a, salute kan pe a. Chutia Mahatma Gandhi thlalak salute kan pek lai chuan kan SI thar tur chu a rawn lut a, tlangval hmeltha tak, kum 22 vel chiah ala ni ang, palian lutuk lo, ft 5'9 vela sang, piannalh ve tak leh mitmeng fiah kalh mai hi a ni a, bang a rawn ngheng a, Mahatma Gandhi thlalak chu hmuhsit hmel deuh hian a en a, a nui vel a, keini constable rual ho chuan kan hmuh veleh kan kut chu dahthla in amah chu kan en reng a, SI chuan, "Ehee..ngati nge in kut in dahthlak daih a, SI ka nih hi, ka lo awm thar manah min salute ve dawn nange?" a ti a, midamg ho chuan salute an pe vek a, mahse kei erawh chuan ka hua in a mizia chu ka ngei hle mai, salute chu ka pe ve duh miahlo a. Min rawn en a, muangchang hian a lo kal hnai a, "Salute min pe ve ta che.." a ti a, mahse keichuan ka pe duh lo, "Ka theilo ani..Sir." tiin ka chhang a. Hmuhsit hmel em em hian min nuih suk a, "Engvangin nge i theihloh, i kut ana ami?" tiin min zawt leh a, a mizia chu ka ngei angreng hle mai. Keichuan a mitah pawh ka en duhlo, a hmel chu tha hle mahse a thinlung erawh a tha lo ani tih a tawngkam leh a mizia ah chuan a hriat hle a, "Aw Sir, ka kut hi ana a, ka salute theilo che.." ka ti ve deuh ngat a. Ngeiawm tak chuan a nui vela, a kal kual a, ring tak hian, "Lo ngaithla ru, in SI thar tur ka ni a, ka hming chu Nathan Malsawmkima ani a, Mizoram ami ka ni. Mahse Hyderabad ah hian ka seilian a, nu leh pa ka neilo a, fahrah ka ni. Chu chu thudang nise, Hyderabad atangin SI ah ka kai sang a, tichuan Vizag zh hian ka post an sawn a, min rawn transfer a, he Station hi ka kutah a awm tawh dawn a, tha takin hna in thawk anga, buaina athleng anih pawhin nangmahni a chinfel tum ang che u." a ti a, rum em em in ka lo melh a. A insawi dan atang chuan mizo ani tih ka hre nghal a, mizo mi daih lehnghal Hyderabad aTichuan lock up a kan mi man pali te chu a va hmu a, "Murthy.." tiin min rawn au vak a, ka fapa rual lek si ina zahlo taka min au chu ka tha a na ve det, kan DGP takngial pawn Murthygaru tiin min au ania, ani SI mai mai lehnghal. Tichuan abulah chuan va kalin, "Enge ni ta Sir?" ka va ti a. Chair ah chuan muangchangin a thu a, kan mi man te pali hmaah tak chuan a thu a. Chapo tak hian a hawi kang lah mai a, "Hengho hi ngati nge in man a?" a ti a, keichuan, "Sir, heng mite hi smugling case thubuaiah kan man ani, kan zawng a, kan um a, an tlanchhia a, mahse kan man hman ani, engtikah mah an tlanchhuak thei tawh lo ang." ka ti a. Nathana chu anui huk a, "An tlan chhuak thei tawhlo ang i tia law? Anih leh enchhin ila, cell saw va hawng teh, an tlanchhuak thei nge theilo." a ti a, mak ka ti hle mai. Mak ti tak chuan, "Sir, cell ka hawn te chuan an tlanchhuak anga sin.." ka ti a, Nathana chuan, "An tlanchhuak theilo ang i tih kha, an tlan chhuak dawn hleinem, hawng ru.." a ti tlat mai a, keichuan, "Mahse sir.." ka ti dek dek a, "Hawng ru hawng ru...hawng ta che uu..." a ti vak vak a, ka ngaihdan ani ta hauh lo mai, "Sir, ka theilo, ka tihpalh.." ka ti ta a. Chutah rum em em hian min melh a, "Hawng rawh ka tia nilawmni.." chiang fak leh thinrim hmel em em hian a ti a, mahse ka luhlul ka chhuah ve a, "Aih..ka theilo, misual an ni a, ka chhuah zalen thei lo ang." ka ti a, Nathana chuan rum taka min melh pah chuan, "Constables...lo ngaithla ru, in pu Murthy-a hian heng mite hi engtikah mah an tlanchhuak leh tawhlo ang a ti a, ka thu in cell kawngkhar kha hawng ru, an tlanchhuak thei dawn chuang lo, Murthy-a'n a sawi vek kha..." a ti a, constable pakhat chuan a hawng a, tichuan chung mitang pali te chuan Nathana chu an en thap a, Nathana chuan a mit a siai zeuh a, chung mi pali te chu rang em em in an tlan chhuak ta daih a. Nathana chuan, "Awileh...an tlan bo ta daih mai. An tlanchhuak thei dawnlo amaw ka tia, apawilo, ka thiamloh ani hleinem." a la ti zui a. Ka thin a rim em em a, "Sir, thil diklo tak i ti ani." ka ti a, vin em em hian Nathana chuan, "Enga? Thildiklo a? Ka thiamloh ani em ni? Misual in man a, in venghim leh thei chuang lo a, tiang tur te chu man loh law law mai tur alawm." a la ti ta deuh deuh a. Ka thinrim ngei mai, "Harsa taka ka man an nih kha, tinge i chhuah zalen a?" tiin ka zawt a. Nathana chuan rum deuh hian min melh a, "Chhuah zalen a? Ka chhuah zalen an ni em ni? Cell kawngkhar hawng tur chauh khan ka ti che u a, mahse ka chhuah em ni? I man an nih te chuan tinge i venhim zawh leh siloh a, chhuah zalen leh tu chu nangmah ani. Tiang tur te kha chu man loh law law mai tur che lawm, chhuah zaleh leh tho si." a ti a, ka lungawi lo em em a, "SI ve si, tinge hetia i awm?" ka ti hrep a, thinrim tak hian min melh a, "I aw key i san ngam ve elaw? An rawn chhuah khan tinge ilo dan siloh? I man ania, i venhim zui angai alawm. Enge kei min mawhpuh a, i duh chuan va kal la, va man leh ta che.." a ti a, ngawi reng chuan a kalsawn a, front desk ah chuan a va thu a, a phone a phawrh a, games a khel a, anui vak vak a, ka thinrim em em a.

Sub Inspector ani hi a inchhuang em em ringawt a, Nathana hi ka haw takzet a ni. A chapo a, a sual em em a, mi khawngaihna aneilo, a nunrawng a, ka mi huat zawng tak ani. A hausak vang hian a chapo a, engemaw riau ah a inngai a, duty lai te hian zu in a ching em em a, keini ho hi chu min hmusitin min dahhniam hle bawk a ni. Tichuan, "Sir, nangma chhuah anih kha, nangman cell hawng turin min ti nih kha." tiin ka lang tang fan a, Nathana chuan vin zet hian, "Enge an tlanchhuak ngam dawn toh min hrilh loh? Eng vak nge ka tih bik anga? Ti hian ti maila, tuman i man tih an la hre hnem chuanglo a, i man loh thu sawi mai la..." a ti a, keichuan, "Sir FIR thehluh ani tawh a.." ka ti dek dek a, Nathana chuan, "Chu FIR chu kan hal mai dawn lawm.." tih pahin dawhkana FIR chu la in lighter a phawrh a, ahal ta a. Rang em em in FIR a hal lai chu ka va beng hlum a, chu veleh Nathana chuan, "Ka kut ana i ti anilawm ni? Anat tawp loh kha..." a ti a, keichuan rum zet hian ka melh a, "I mizia leh i chetdan atang hian, salute tlak i nilo, min ngaidam mai rawh Sir.." ka ti ve deuh ta ngat a, min melh vang vang a, anui ringawt a. Tichuan min rawn pan hnai a, "Anih leh maw...Vasu-a guest house hi khawnge a awm?" tiin min zawt a, keichuan, "Tu Vasu-a maw?" tiin ka lo zawt let a, Nathana chuan, "Voltaire Vasu-a guest house mawle..khawnge a awm?" a ti ta maia, engtin nge Voltaire Vasu-a chu a hriat, nge ni a anlo inhre lawk tawh zawk? Vasu-a guest house awmna lam pan chuan ka kal pui ta a.

Vasu-a in chu kan thleng a, a ropui ngei mai. Pawnah chuan swimming pool te a awm a, nula chhelo tak tak anlo cheng a, a bulah chuan Voltaire Vasu te chu a kid te nen zu anlo in ho a, Vasu-a'n Nathana a hmu chiah chu nui sang hian a rawn pan hnai a, "Sub Inspector, Nathan.." tih pahin a rawn kuah a, Nathan pawh chuan alo kuah let a. Vasu chuan, "Ilo thleng ve chiah a, ka naute lock up a tang i rawn release nghal a, ka lawm e.." a ti a. Nathana chuan, "Khawnge an awm a?" tiin a zawt a, Vasu chuan, "Inhnuai lamah, chicks thar an nei a, an enjoy mek..." a ti a. Tichuan zu an indun a, kei erawh chu thinrim em em leh lungawilo em em in kil khatah ka ding ngawi reng a, zu an in zawh hnu chuan Nathana chu Voiltaire Vasu-a nau te chuan an rawn ko a, tichuan flat thar pakhatah hian kan pahnih chuanin hruai a, Vasu nau te zinga pakhat chuan, "Sir, tun atang chuan hetah hian i duh duh hunah i rawn awm thei tawh ang, i ta anih tawh e." an ti a, Nathana chuan, "A lawmawm e...kal tawh ula va mu hahdam ru, keipawh zanin chu tah hian ka riak ange.." a ti a, Vasu naute chu an kal ta a. Nathana chuan intithei tak hian, "Murthy, ka talent chu tikhan i hre mai em, engvak mah tilovin fkat thar ka nei thei ania, min salute thei tawh angem?" a ti a, mahse chu mi tenawm leh police rinawmloh tak Nathana chu ka salute duhlo a, ka ding ngawi reng a. Rum tak hian min melh a, "SALUTE ME..." a ti vak a, kei chuan, "Sir, tihluihna hmanga salute tur che a min ti anih chuan, ka kut hi salute tur che a tihluihna hmanga ka phar anih phawt chuan, ka kut hi ka tan mai ang." tiin ka chhang ta a. Za lo tih hriat tak hian anui a, "Murthy, music hi ka ngaina em em a, instrument tha tak min zawnsak teh a.." a ti a, keichuan, "Sir, eng brand nge i duh ang?" tiin ka zawt a, Nathana chuan, "Brand lam ka ngaipawimawh lo, system tha tak ani mai....Vizag ah hian hmeichhe chhelo tak min zawn sak teh." ala ti ta deuh deuha, keichuan, "Awle, ka kal ange Sir..." tiin ka kalsan ta a.

Atuk ah chuan ka duty lai chu Nathana chuan in hruai chhuak a, beach ah min kalpui a. Beach-a nula pakhat chhelo zet mai chu a hmuh chuan a va pan nghal a, chu nula chu kan venga mi a ni a, ahming chu Sanvi a ni. Ran ngaina tak ani a, abikin sava te, zawhte leh ui te ho hi a ngaina em em a, beach ah pawh chuan a vaki khawi chu a lo chhaih vel a, Nathana chu ava kalphei a, a va bia a, an nui dun bawk bawk a, mahse engtak nge an sawi chu ka hre thei lo. Beach bula waiting shed ah chuan ngawi rengin Nathana che tla lai leh Sanvi a chhai ve lai chu ka en reng a, minute 10 vel an inkawm hnu chuan alo let leh a, "Murthy, nizana music system ka sawi kha i la hria em? Kha musice system ka sawi kha, sawnu saw ania, a chanchin lo hrechiang ang che, ka duh teh mai ania..." a la ti zui a, keichuan zawi sap hian, "Tunge anih tih chu ka hrechiang khawp mai, kan venga mi ania, hmeichhe fel tak ani. Sir, khawngaihin tibuai suh." ka ti a, Nathana chuan, "Amak e aww...Murthy, engtin nge ka tih vak chuan anga? Ka duh ve nimai lawm. Ran a ngaina em em a, chuan kei hi ramsa chu ka nia, anilawm ni? Chuan in venga mi anih phei chuan minlo sawirem sak la, mifel tak leh rinawm tak angin minlo sawi teh aw.." ala ti ta deuh deuh a. Keichuan, "Sir, min hrethiam la, chutiang a dawtsawi hmang ka nilo." tiin ka chhang a, Nathana chuan vin lek lek hian, "Mahse kei chu chutiang mi chu ka ni sia lawm, engtin nge kan tih vak chuan anga? Ka sawi ang chuan min sawipui la nimai. Enteh saw, a ke te saw..a no nalh si, a feng chhing si, amal te...a.mawngbawr te saw..ka ît thlawt a ni, lo sawi fel vek rawh aw." tih pah chuan min kalsan daih a. Keichuan sawifel sak chu sawi loh, Sanvi pawh chu ka va be hlek lo, Nathana chu Station lamah chuan ngawi rengin ka zui ve nghal a.

Nitin mai chuan Sanvi leh Nathana chu an inhmu a, an inbia a, Nathana'n a chhai kual hrep hnuah chuan an inngaizawng ta nghe nghe a, Sanvi lah chuan a duh in ahmangaih em em a, Nathana lah mi fel tak angin Sanvi bulah chuan a awm a, a zei em em bawk mai si a, tichuan Sanvi nen chuan Nathana pawh chu a day off apiangin an inhmu ta a. Nikhat chu Nathana awmloh hlanin nu pakhat hi rilru hah hmel em em hian a rawn lut a, a tap nasa tih hriat tak mai hian a mit te chu a bui luk mai a. Keichuan polite tak hian, "Ka pi, enge i duh a?" ka lo ti a, chunu chuan, "SI Nathana ka hmu duh ani." a ti a, keichuan, "A chhuak lawk a, lo nghak la a rawn let tep ang." tiin ka lo chhang a. Minute 10 vel hnuah chuan Nathana pawh chu alo let ta a, Nathana a hmuh rual chuan chunu chu a ding a, Nathana bulah chuan, "Ka pu, i puihna ka mamawh ani.' a ti a. Nathana chuan ngaihpawimawh loh hmelzet hian, "Um..anih chu." a ti ringawt a, chunu chuan, "Min pui hram rawh." tiin a ngen leh a, Nathana chuan veikual pahin, "Sawi la.." a ti a. Chunu chuan Nathana zui zel pahin, "Ka fanu a bo a, ni 5 lai chu a bo tawh a, a chanchin ka hre thei silo a, min zawn sak rawh." a ti a, Nathana chuan, "Kum engzat nge?" tiin a zawt a, chunu chuan, "Class 12 a pass ve chiah a, kum 18 chauh ala ni." a ti a, Nathana chuan, "A thlalak i nei em?" a ti leh a, chunu chuan, "Nei e.." tih pahin thlalak a rawn phawrh a, Nathana chu a pe a. Nathana chuan, "Um..a tha e...complain i ziak tawh em?" a ti leh a. Chumu chuan, "La ziak miahlo.." a ti a, Nathan chuan hmusit tawngkam tak hian, "Complain chu zial hmasa ta che, i ziak anga, chumi hnuah chauh chuan kan enquire thei dawn lawm, ziak la....i ziah zawhah i haw thei ang, kanlo buaipui ang." a ti a, chunu chuan complain chu ziakin a ziak zawh veleh a haw ta a. Kar khat lai chu aliam leh ta a, mahse Nathana chuan kha nu fanu bo chungchang kha a ngaihtuah zui awm lawh ka hrelo, Sanvi-i hlir a ngaihtuah a, duty laklawh lai te hian ava hmu thin a. A thil tih thin pakhat ka huat em em chu tullo deuhin motor tlema tlanchak deuh hi aman thin a, a vau hrep a, jail an tanloh nan pawisa a dil thin a, chu chu ka haw takzet. Nikhat chu a fanu bo avanga complain thehlut nu bawk kha alo kal leh a, ka bulah chuan a rawn kal a, "Ka pu, ni engzat fakau nge ka nghah dawn? SI khan ka buaipui ang ati a, mahse ka ngak rei tawh lutuk.." a rawn ti a, hnunglam atang chuan Nathana chuan, "Tunge Arun-a hi?" a rawn ti a, chunu chu rang takin a hawilet a, mak tih hmel deuh hian Nathana chu a en a, Nathana bawk chuan, "Sawi rawh, tunge Arun-a hi?" a ti vin tuar a, chunu chuan inthlahrun hmel tak hian, "Ka fanu thianpa ania, school an lut ho a." a ti a. Nathana chuan, "I fanu hming kha enge khah?" a ti leh a, chunu chuan, "Deepthi ania.." tiina chhang leh a. Nathana chuan, "I fanu Deepthi mizia hi i hre chianglo ani...nihleh Aruna chu khawia cheng nge a nih?" tiin a zawt leh a, chunu chuan mak tih hmel tak hian, "Gajuwaka veng ah a cheng a.." a ti a, Nathana chuan vin zet hian, "Ni e..Gajuwaka venga Yammala temple hnuaiah a khawsa mek, chuan i fanu bo ni khan ani pawh a bo ve nghal asin. I la hrethiam chuang nange? An inru nih chu...a pawisa zawng zawng leh i fanu in a tlereuh te a hralh zawh vek a, an pawisa zawng zawng an hman zawh hnuah chuan inchhirin anlo let leh mahna. Kal rawh...chhuak nghal rawh...fa in nei a, enkawl dan inthiam leh mang silo, kan hmuh hlauh leh kan rawn hrilh ang che, chhuak rawh." a ti ta hrep a, chunu cbu mittui tla zawih zawih in a chhuak ta a. A chhuah hnu reilo te ah chuan Voltaire Vasu chuan Nathana chu a rawn phone a, Nathana chuan loud speaker ah a dah a...


"Hello, Vasu..."

"Bawiha,...thianpa, i puih ka ngai ania."

"Enge ni a?"

"Ahming chu Kota Venkat Rao a ni a, theihau huan zau tak anei a, lei ka dil a, aphallo khanglang a, ka vau hnuah collector hnenah minlo hek vel a, saw a huan saw ka duh a ni, pawisa cheng khat pawh ka seng lo ang, a huanah sawn inhmun pakhat sak eh ka duh a ni."

"Ok..kalo buaipui ange."

Phone chu adah a, "Murthy, motor va start rawh le, chhuahna tur kan nei." a ti a, kan chhuak a, Venkat Rao te inlam pan chuan kan kal ta a. Kan thleng ta a, ahuan zau takah chuan a thlai tha tak tak te leh pangpar nalh tak tak te chu tui alo pe mek a, Nathana nena min hmuh rual rual chuan a huan kawt zawlah chuan thutthleng pahnih a rem sawk sawk a, a karah dawhkan a dah a, zah takin Nathana chu a chibai vel deuh luam a, Pu Venkat Rao hi kum 65-70 vel laia upa a ni tawh ang. Nathana nen chuan inhmachhawnin an thudun a, Nathana chuan, "He property hi kum engzat kal ta khan nge i lei a?" tiin a zawt a, Venkata chuan, "Kum 25 liam ta khan.." tiin a chhang a. Nathana chuan, "Ekhai a..nihleh chutih hunlai chuan engzat man vel nge?" a ti leh a, Venkata chuan, "Nuai 2 vel." tiin inthlahrung takin a chhang a. Nathana chuan, "Nihleh market price angin hralh dawn ta la, engzat man nge niang?" a ti leh a, Venkata chuan, "Maktaduai 5 vel aniang." a ti a. Nathana chuan nui sak chungin, "Khai, aman ava pung chak ve...nihleh Voltaire Vasu khan lei a dil che khan tinge i phalloh a?" tiin a zawt ta a. Venkata chuan, "Nuai 50 a lei min dil char char a, mahse ka phallo a ni, ka tunu tan ka tia, ka tunu rochan tur ani." a ti a, Nathana chuan, "Nihchuan i fapa chuan i tunu chu a hlanchhawng dawn tihna mi?" a ti a, Venkata chuan, "Ka fapa leh ka monu te chu accident vangin an thi tawh a, ka tunu chauh hi ka nei tawh a." a ti a, Nathana chu Venkata chuan a hlauhhmel em em a. Nathana chuan, "Mahse Voltaire Vasu chuan i fapa hmingin paper leh plot chu a awm a, i fapa ta vek a ti sia..enge awmzia?" a ti leh a, Venkata chuan, "Mahse Sir, Original paper chu keiman ka kawl alawm." a ti a, Nathana chuan, "Ani pawn original tho alawm min hmuh, paper chu court ah kalpui palh tase engtin nge i tih ang? I kal ve zel angai dawn asin, chuan he buaina hi a fel mai anga maw? I property a i sum lakluh hi i tunu chuan nuam ti takin a chen thei dawn mi? Chuvang chuan min ngaithla la, sign mai rawh, nuai 50 ka pe ang che a ti a, hralh mai rawh." a ti a, mahse Venkata chuan tap tuau hian, "Mahse Sir, he huan hi chu maktaduai 5 man lai asin." a ti a, Nathana chu a nui hukna, hmuhsit hmel tak hian Venkata chu a en a, "Ka pu, he i property hi nge pawimawh i tunu nunna hi?" a ti ta a, keipawh chuan mak ti takin Nathana chu ka en a, Nathana bawk chuan, "Maktaduai 5 tih mai mai, Vasu saw mi â tak anih saw, i tunu chu kidnap in hmundangah thukru ta se enge thleng ang? Lo that ta se, lo pawngsual ta se? Chuvang chuan ka pu, sign mai rawh, ka thil sawi hi ka hrechiang a ka fiamthu lo ka pu." a ti a. Chupa chuan Nathana chu a en reng ringawt a , chuveleh a phone a rawn ri a, a huan enkawltupa alo ni a, "Ka pu..i tunu kha Voltaire Vasu a'n a kidnap.." a rawn ti ta mai a, Venkata chuan a phone pawh chu a thlauh hial a, Nathana chuan rum tak hian Venkata chu a melh a, "Ka hrilh lawk che a ni lawm ni..sign mai ta che. Ka pu, he i property hian i tunu a thah hma hian sign vat la, MURTHY paper kha lo la teh le.." a ti a, keipawh chuan Voltaire Vasu-a'n Venkata huan aleina lehkha chu hreh tak chung chuan ka pe a, Venkata chu a tap nasa hle a, Nathana chuan, "Sir..ka thusawi hi hrethiam ta che, i tunu chu kan chhan angai alawm, sign rawh." a ti a, tap zawih zawih in Venkata chuan a sign ta a, Nathana nen chuan kan kalsan ta a.

Venkata chuan Voltaire Vasu hnenah chuan a huan maktaduai 5 man lai chu nuai 50 lekin a hralh ta a, chu a pawisa dawn lah chu Voltaire Vasu chuan Nathana zawk ala pe daih zui a, Venkata, putar tak tawh mai chuan chengkhat pawh ka chang leh silo. Chumi zan chuan Suitcase ah nuai 50 chu a khai a, khawlaia thutthleng lo awmah chuan kan thu dun a, ka thinrim em em mai a. Ka ding hluai a, vin zet hian, "Thil diklo ani, i ti dik lo ani Sir, kha putar kha i bum ani." ka ti a, Nathana chu a rawn ding chhuak a, "Eng a? Ka bum amaw? Ka chhan zawk anih kha, Voltaire Vasu lakah ka chhanhim zawk anih kha, nilo se chu kha putar leh a tunu te kha an that ngei dawn asin." a ti khur khur a. Ka thinrim lutuk chuan, "SI ni tlak i nilo, Voltaire Vasu, mi tenawm tak i pui a, ani saw misual tualthah hmang ani asin." ka ti ve ta phiar phiar mai a. Nathana chuan rum tak hian min melh a, "Anih chuan kal la, va kaphlum ta che, va kal ta che." a ti a, pistol a phawrh a, ka kutah chuan a rawn dah a, "Kha va that rawh....Vasu-a chu misual i ti vak vak a, nihleh kum 15 chhunga police ilo tan khan enge i tih a? Vawikhat pawh ani saw i man tawh em? Teuhlo...misual man pawh i theilo nih chuan engvangin nge Police Department hi i join a? Ve khanglang che chuan..." min ti deuh hrep a, ka thin a rim ngei mai. A mitah tak ka en a, "Sir, hetia thil diklo i tih avang hian hlawkna i hmulo ang." ka ti a, Nathana chuan vin zet hian, "Hlawkna hmulo a? He suitcase hi en teh, pawisa nuai 50 awm asin, ka hnathawh that zia hi en ta che." a ti a, keichuan, "Kha pawisa kha Venkata ta tur a nih kha, tinge i hralh luih tir a, mahse kha putar kha cheng khat pawh i pek leh siloh?" tiin ka zawt a, Nathana chuan, "Kha putar kha chu Vasu-a lak atangin ka chhanhim tawh a, lawm hle rawh se. He nuai 50 hi chu ka hlawh ve anih hi." a la ti zui a. Keichuan, "Pawisa thianghlim lo, diklo taka i neih anih kha, black money anih kha..." ka ti a, Nathana chuan a wallet a phawrh a, cheng 100 note hi ala chhuak a, ka kawrhma ipte a rawn zen a, ka cheng 100 note chu a rawn phawrh chhuak leh a, tichuan ka pawisa chu a kut dinglamah a keng a, vei lamah chuan ama pawisa chu a keng a, "Enrawh, hei...hei hi i pawisa, hei hi ka pawisa. I pawisa hi white money, ka pawisa hi black money.." a ti a, a kut pahnih chuan pawisa chu a nuai dun ta vak vak a, a nuai chuar vek a. Tichuan a rawn keng lang leh a, "Ti hian khaiw zawk nge white money? Khawi zawk nge black money? I hre hrang thei em? Enge a danglamna, pawisa tho alawm. Gandhi-a thlalak a awm chhung chuan pawisa chu pawisa ani mai." a ti phiar phiar mai a. Ka thinrim tawh lutuk chu ka insum zo tawh lo, ringtak hian, "Nang SI tenawm hi, dam reng tlak i nilo, thi la a tha zawk ang. Tsunami hi lo kal se, len bo daih che se a tha ang." ka ti a, Nathana chu a thinrim ngei mai, "Eng Tsunami maw lo kal ang, atha e...lo kal se, rawn ko rawh. Tahhian thu in ka lo nghak ang, lo ko mawlh rawh. Alo kal i ring ami? Lo kal pawh nise, mi zawng zawng kan thi vek ang, nang leh kei, Voltaire Vasu, Putar leh a tunu te nen, kan thi vek ang chu, keichauh hi ka thi lo ang. Mai mai chuan, ko ta che, tah hian ka lo thu anga ka lo nghak ang....Tsunami Tsunami...khawiah alo kallo ang." a ti vak vak a. Ka ngawi ta reng a, amah bawk chuan, "Ka bank ah i tang ang, he suitcase-a pawisa hi kawl la, lo dahtha la, i duh leh i mamawh chuan ilo hmang ve dawnnia.." a ti a, min hawsan ta daih a.

Atukah chuan beach ah min kalpui leh a, Sanvi nen an inhmu a, a sirah chuan ka lo ding a. An inbiak reng lai chuan motor pakhat hi chak tawkin a rawn tlan a, kawnkhar hawngin Sanvi chu motorah chuan an pawt lut ta daih mai a, Nathana chuan, "Heyy...tute nge in nih a?" tih pahin a um a, keipawh chuan ka um ve a. Motor chu a ding a, Sanvi chu Voltaire Vasu chuan a rawn kai chhuak a. Nathana chu ava tlanphei a, Sanvi chu a va kuah a, midamg ho chu a beng deuh thuai thuai hlawm a. Nathana chuan thinrim tak hian, "Enge a? Engvangin nge ka bialnu hi in man a? Enge in hriat a?" a ti khur khur a. Voltaire-a chuan, "I bialnu maw? Khanu khan kan tana thil pawimawh tak CD a kawl asin, kan man loh chuan a puangzar mai ang." a ti a, Nathana chuan, "Ka bialnu nih hi, Sanvi hian eng CD mah a kawl lo." a ti a, Vasu-a chuan mak tih hmel tak hian, "Sanvi a? Lakhsmi a nilo maw?" a ti hu a. Nathana chuan vin zet hian, "Aw nilo nilo...Sanvi a nih hi.." a ti tuar tuar a. Vasu-a chuan, "Awhaw..kan tihpalh ani, kan lo hai alawm le...hey...tihpalh ti ru..." a ti a, Vasu-a naute chuan, "Sorry" an ti sap sap a, Nathana chuan thinrim tak hian, "Sorry sorry...tih pawh ngailo, zawng ho.." a ti a, Vasu-a chuan, "Ka thian..thinrim suh..kan tihpalh ani.." a ti a, Lakshmi zawng tur chuan an kal ta daih a. Nathana chuan, "I tha maw?" a ti a, Sanvi chu hlauh avangin ala khur der der a. Nathana chuan, "Murthy, tui va la rawh.." a ti a, mahse Sanvi chuan, "Aih angailo, kei chu ka tha a, mahse an sawi Lakshmi chu ka ngaihtuah a ni." a ti a. Nathana chuan, "Chutiangah buai duh suh, an hai palh che a, i nilo tih an hre tawh a, a tawk tawh." a ti a. Mahse Sanvi chuan, "Keipawh kha min hai avangin min man a ni a, lo awmlo la chu min that ngei awm si a. Chutiang chiah chuan Lakshmi pawh an man dawn a, chhantu tur a nei ve lo asin, ka chungah pawh a thleng tep a, tikhawp khan i thinrim a, chuvang chuan Lakshmi pawh la hmeichhiat pui a nih angin ka ngaihtuah a, achunga thil thalo thlen ka duhlo. Tunge Lakshmi chu ka hrelo a, mahse mihring ve tho a ni a, i chhanhim angai ang. Khawngaihin...." a ti ta a. Nathana chu a ding thut a, "Murthy, Motor la chhuak rawh le.." a ti a, tichuan motor chuan Lakshmi chhanchhuak tur chuan kan kal a, ka lawm angreng hle mai a, Nathana hian a mizia a thlak danglam tan dawn a nih hi tiin ka ngaihtuah a.


Kan zawn kual vak hnuah chuan hmeichhe pakhat hi Voltaire Vasu leh a naute chuan anlo um mek a, chu an hmeichhe um chu Lakshmi ngei chu ani tih kan hre nghal bawk a. Lakshmi tlan lai chuan ahmaah tak kan va ding a, motor atang chuan Nathana chu a chhuk a, Lakshmi chu a kai a, motorah chuan a luh tir a. Vasu chu lo kal hnaiin, "Enge awmzia ni a? Tinge khanu kha i lo chhan vel a, khanu kha alawm Lakshmi chu, khapawh kha i bialnu tho em ni?" a rawn ti a, Nathana chuan thinrim hmel deuh hian, "A ngam ngam chuan Lakshmi hi rawm khawih rawh u, in thi ani mai." a ti a. Vasu-a chuan, "I fiamthu nilo maw, Guest House ah lo va awm rawh ka tih che kha..." a ti a, Nathana chuan a pistol pai chu a beng thek thek a, Lakshmi chu motor tang chuan a ko chhuak a, pistol a phawrh a, Lakshmi chu a pe a, "Tupawhin rawn khawih che an tum chuan, i kap dawnnia." a ti a, Vasu-a chuam, "Hey hey hey...tinge pistol kha i pek a?" a ti a, "Henu vang hian i bialnu kha kut kan thlak phah a, i mawl ami?" a ti a. Nathana chuan, "Ka sawi tam lo ang, henu hi kaltir rawh u." a ti a, Vasu chuan, "Enga? Engvangin?" a ti a. Nathana chuan, "Henu hi kal tir mai mai rawh unaupa...henu hi in kaltirlo anih chuan ka hmangaihna kalkawng hi a buai dawn asin." a ti a, Vasu chuan, "Mai mai ache, nanga hmangaihna kalkawng tih mai mai, henu hi kan that lo nih chuan kei chu ka nunkawng zawk hi a chhe vek dawn asin...hey naute u, va hruai ru." a ti a, a naute chuan hmeichhe lam chu am pan a ,mahse Nathana chuan dim miahlo hian alo khawih hrep hrep hlawm a, "Henu hi khawih suh u ka ti nilawm ni." a ti a, Vasu chuan, "Enge i hriat a, ka guest house ka pe che a, pawisa tam tak ka pe bawk che a, tikhan min tawngkhum ve ngam amaw?" a ti a. Nathana chu a thinrim kher mai, a hmai a sen vek thei hial a, a kut a hum ruh a, vin zet hian, "Khanlang che chuan, i cho phak ka nilo. Chapona zawng zawng hian wifi ang maiin min hual vel asin, tunah hian wifi chu a in on mek ani." tih pahin a naute zinga minpakhat chu tukhum vaw chawrh khawpin a beng thal thuai a. Midang an lo kal belh a, mahse Nathana chu an hneh lo kher mai, vir lawp lawp khawpin a lo hnek thuai thuai hlawm a, chutah ringzet hian Nathana chuan, "USER NAME : NATHAN.... PASSWORD : POLICE." tiin a au vak mai a, mitkhap leklo hian Nathana che tla lai chu ka lo en a. Vasu-a chuan, "Hey Hmela, thian kan ni i ti nilawm ni?" a ti a, Nathana chuan rum zet a melh pah chuan, "Engtik laiin nge thian kan nih a? Nang chu misualpa i ni a, keichu a changtupa ka ni." a ti a, Vasu-a chuan, "Fahrah mai mai i nih kha, sum tamtak ka pe che a, tihian maw min tih a?" a ti a, Nathana chuan, "Ni e..chuan hei hetah i bulah ka awm hi i ngam chuan min khawih ve ta che.." a ti a. Vasu-a chu motor lam panin chem a va la a, Nathana chu sah a tum a, mahse Nathana chuan pistol chuan a lo tin a, Vasu chu a ding chat a, a chem chu paihin a ban a phar a, Nathana chuan, "Sub-Imspector Nathana'n a bia che a, ngun takin lo ngaithla rawh. I hun a intan e, Vizag atang hian i hming Voltaire Vasu hi ka thaibo dawn tih hria ang che. Tun atang chuan i thiltih apiangah ka tibuai zel tawh ang che, zanah pawh i mu tha thei lo anga, i rilru ah ka awm reng ang." a ti phiar phiar a, Vasu chuan, "Kei hi min tibuai anga maw?" a ti a, Nathana chuan vin zet hian, "Heyyy...mi pahnih an insual chuan insual pangngai mai mai an ni ang, mahse kei hi min sual anih vaih chuan NATHAN ATTACK a ni ang..NATHAN ATTACK." tih pahin chunglamah pistol chu vawi 3 lai a kap puak dur dur a, tichuan motorah a rawn lut a, Vasu chu kan kalsan ta a.

Mahse thil lawmawm loh deuh pakhat ka hriat chu, Nathana chu a lo la inthlak danglam hlek lo chu niin, Sanvi vang chauh a khatia ti kha alo ni a. Station ah chuan tlang lovin hmun fianrial deuh pakhatah hian min hruai a, a inngaihtuah vang vang a, "Awileh, Murthy, duh aiin ka tawng hnem mah mah chu ni...mi zawng zawngin chapona kan nei vek a, mahse tinge kei hi ka chapona hi wifi ang mai a anasat bik em em? Ka tawng char char a, ka duh tawk mai silo, ka van â tak em. Flat nuam tak min pe a, kei lah chuan i hming ka thai bo ang tiin kala vau zui a, a rilru ava na dawn ve awww....Nathan Attack..te ka ti vel vak vak a, enge kha kha awmzia pawh ka hrelo. Khawi lehkhabu ah mah ka la hmu lo a, khawi film ah mah ka la hmulo bawk. Engtin nge ka sawichhuah pawh ka hrelo, Murthy a va zahthlak ve awww...Vasu-a kha a fel ngawt mai, keichu ni ila ka that chiang ngawt ang..mahse min that lovin tikhan a ngawi reng thei zawk a..ava pawi em." a ti nuah nuah a, ngawi reng hian ka ngaithla a. Message a sent a, "EAST OR WEST, FRIENDSHIP IS THE BEST." tih ringawt hi ava sent a. Nathana chuan, "Enteh Murthy, ka message pawh a seen vek a, mahse min reply duhlo, keimah vang vek...message dang sent leh mai ang." a ti a, KAN IN UNAUNA HI VUL ZEL RAWH SE tih a va thawn leh a, mahse Vasu chuan a reply chuang lo. Nathana chuan, "Enteh, Murthy, a blue tick reng sia, min reply duhlo, ka at vang vek...an inah pawh ka va kal ngam bawk silo, engtin nge niang...tihdan ka hria, idea ka nei e, va kal teh ang." a ti a, ka ngawi reng a, Vasu-a inah chuan kan va kal ta a. Vasu-a naute chuan Nathana an hmuh rual chuan lo sawisak an tum a, mahse Nathana chuan, "CD ka nei ania, in duh em em CD kha..." a ti a, a neih leh neih loh pawh ka hrelo hrim hrim. Vasu-a chuan, "I nei maw? Khawi min lo pe rawh, anih loh chuan ka khawih hrep mai ang che.." alo ti a. Nathana chuan, "Enge khatiang fiamthu mai mai ah i thinrim a? Thian kan nih kha, fiam iva dawl lo ve." a ti a, mak ti takin Vasu-a chuan, "Fiamthu a? I fiamthu maw? Anih lehbka nau te hmel saw en teh, an pilh phengphung anih saw, pakhat phei chu ICU ah a awm tih hre rawh, tichuan i tawngkam te kha, kha kha fiamthu maw?" a ti a, Nathana chuan, "Past is past...sawi tawhlo ang, intih thiamloh chang te chu unau ah chuan a awm tur alawm." ala ti ta deuh deuh a, Vasu chuan, "Nih leh khawnge CD chu?" tiin a zawt a, Nathana chuan, "Naktuk tlai dar 3 ah Stationah i naute rawn kal tir la in rawn lam dawnnia..." a ti a. Vasu chuan, "Hey..tunah min pe mai rawh, kha CD kha a pawimawh ania aw, kan nunna tluk zeta hlu anih kha." a ti a, Nathana chuan, "Naktukah chuan lo kal ula nimai, Lakshmi chu ka bum anga, CD chu ka dil dawn lawm." a ti a, kan kalsan ta daih a.

A tukah chuan Lakshmi chu Station ah kan ko a, Nathana chuan a hmaah a thut tir a, Nathana chuan, "Lakshmi, hlau miah lo khan thil awmzia sawi teh le." a ti a, Lakshmi chuan, "USA ah ka awm thina, hmanni deuh lawk khan ka haw a, Vasu te hian min thah an tum nachhan chu englo ania, ka nau Deepti hi Class 12 a pass zo hlim a ni a, kum 18 chiah ala ni. Tichuan vawikhat aleng chu alo haw miahlo a, ni 5 lai chu a chanchin kan hre ta miah lo a, vawikhat chu min rawn phone a, khawnge a awmna ka zawh chuan, 'Ka u, ka hlau lutuk, heng mite hi an rapthlak lutuk. Min khawihchhe vek tawh, Voltaire Vasu-a nau pali te an ni, min that lo chauh tawh anih hi...ka u, GPS in ka awmna ka rawn thawn ang che. Kudam ah min kalhkhum a, ka phone hi khumhnuaiah ka hmu hlauh a.' a rawn ti a, ka mangang em em a, GPS chu min rawn thawn hman a, mahse ka biak leh dawn chuan mipa aw ka hre ta a, 'Tunge ilo biak a?' tiin a vin tuar mai a, tichuan phone chu a in disconnect ta daih a. Ka nau in GPS minlo thawnna hmun chu ka chhui ta a, Kudam chhe tawh tak mai hi alo ni a, achhungah chuan ka lut a, mahse tumah anlo awm lo. Khum pakhat bal deuh hi alo awm a, tichuan khum hnuai chu ka bih a, Camera hi alo awm a, tichuan chu camera chu la in inah ka hawn pui ta ani. Camera chu computer ah connect in video awm ho chu ka en a...." a sawi zawh hma chuan a kun a, a tap ta zawih zawih a, tichuan a rawn ding chhuak thut a, ring tak hian, "Ka unaunu chu an pawngsual a an that a ni..Sir.." a ti ta a, Nathana pawh chu a meng phawk hru mai a. Lakshmi bawk chuan, "Mi tenawm tak an ni, an pawngsual a, chumi hnuah an that leh a, tichuan an camera a bo takah chuan min rawn zawng hmu thuai a, keichuan Lawyer ka bia a, chupa chuan min puih tur thu a sawi a, mahse min bum a, Vasu-a mi leh sa te zinga mi alo ni a. Tichuan tlan chhe reng rengin ka nun ka hmang ta ani. Tin CD an sawi kha ka nau an pawngsual video awmna ani a, nitin hian ka biru a, a hrehawm takzet a ni." a ti a. Nathana chuan zaidam tak hian, "Lakshmi, min ring tiraw?" a ti a, Lakshmi chuan, "Aw ring e..." tiin a chhang a. Nathana chuan, "I nu hian US Visa a nei ve em?" a ti a, Lakshmi chuan, "Aw a nei ve lawm." a ti a. Nathana chuan, "I nu leh nang hi US ah vawiinah kal nghal ang che u, Airport thleng ka thlah thlap che u anga, chuan CD chu min kawltir ang che." a ti ta mai a, ka thin a rim em em mai a, Nathana tenawm zia chu a lang zual zel a. Tichuan Lakshmi te inah chuan kan kal a, gate kan luh hma chuan Lakshmi chuan, "Sir, ka nu bulah engmah sawi su, engmah a hre velo a, a bo turah a ngai a, hmanni khan police hnenah a report a, mahse pasal um angin chu police chuan alo sawi a." a ti a, Nathana chuan a lu a bu nghauh nghauh ringawt a. Tichuan inchhung kan thlen hma chuan pawnah Lakshmi nu chu alo thu a, chunu chu hmanni a afanu bo thu rawn report tu ngei kha alo ni a, Nathana'n a fanu chu a thianpa Aruna nen an inru anga a lo hrilh kha, kha nu ngei kha alo ni a, Nathana pawh a phu zuk nghe nghe a. Chu nu chuan Nathana a hmuh rual chuan a rawn pan hnai a, "Ka pu, Deepthi chu i hmu tawh em?" tiin alo zawt a, Nathana chuan, "Lakshmi, i nu hi inchhungah va hruai lut rawh le." a ti a, Lakshmi chuan hruai luh pah chuan, "Nu, insiam la, USA ah kan kal angai..." a ti a, a nu chuan, "Enge kan tih dawn, tunah enge USA ah kan tih anga?" a ti a, Lakhsmi chuan, "Nakinah ka hrilh ang che." a ti a, inchhung lamah chuan a hruai lut ta a. Nathana chu pawnah chuan rilru hah hmel deuh hian a vei kual sek a, rum em em hian ka melh reng a. Nathana chuan min rawn hmu a, thinrim hmel deuh hian, "Enge? Tinge khatia min melhrum vak a? Lakshmi te nufa hi ka chhanhim zawk anih hi, USA ah an kal anga, engkim a fel vek ang. CD chu Vasu-a ka pe anga, tichuan buaina a awmlo nimai, tikhan min melh tawh suh." tiin min vin vak vak a. Mahse keichuan a mitah tak chuan huatna mitmeng nen chuan ka melh reng a, Nathana bawk chuan a aia vin hian, "Tikhan min melh suh, ka thiltih tur chu ka hlen dawn tho tho, i ngam chuan min dang dawnnia...min melhrum ve khanglang suh." a ti a, chutia min hauh lai chuan an thawmhnaw nen Lakshmi te nufa chu an lo chhuak a, tichuan Airport lam kan kal pui ta a.

Airport kan kal pah chuan Nathana chu a hawi kual zeuh zeuh reng a, a hlauthawng ve deuh tih chu a hriattheih a. Nathana chuan Sanvi chu a call a, "Sanvi, Laxmi leh a nu chu USA ah an kal dawn e, hei ka thlah meka, buaina a awm tawh lo ang, i be ve duh em?" a ti a, Laxmi chuan Sanvi chu a bia a, "Sanvi, ka lawm lutuk ania aw, nangmah vang liau liau in ka him phah a.." a ti a, Sanvi chuan, "Lungngai suh, i bulah Nathana a awm chhung chu i him zel ang." a lo ti a. Laxmi chuan, "I vannei takzet a ni, nihleh kan kal phawt ange, bye." a ti a, phone chu an dah ta a. Laxmi leh a nu chuan ticket an la a, an lak hlan chuan an hnungah chuan Nathana nen chuan kan awm a, Nathana chu Vasu chuan a rawn call a, "CD chu a pe tawh che em?" a rawn ti vin tuar a, Nathana chuan hawi kual zeuh zeuh pah hian zawite hian, "La pelo." a ti a, Vasu chuan ring tak hian, "Dil vat la, Stationa lo kal ngailovin Guest house ah min rawn pe ang che." a ti a, phone chu a dah a. Laxmi te chu an kal dawn ta a, Nathana chuan, "Laxmi, America i thlen veleh minlo call la, chuan CD chu min pe tawh la." a ti a, Laxmi chuan CD chu a pe ta a, ka hlauhthawn ang ngeiin. Tichuan LAxmi nu chuan, "Nathan Bawiha, ka fanu Deepti chu kan awmloh hlan hian alo haw maithei a, alo haw chuan a chungah ka thinrimlo a, ka ngaidam a ni tih ilo hrilh dawnnia aw?" a ti a, Nathana chuan, "Awle, in tlai ange kal tawh ru." a ti a, an kal ta a. Nathana nen chuan motor lam kan pan lai chuan kan hnung atang chuan LAxmi chu rawn tlan let leh in, "KA U." a rawn ti vak a, kan hawilet a, a rawn tlan a, Nathana chu a kuah ringawt a. Laxmi chuan tap chungin, "Ka u, ni 40 chhungin, ni 40 chung zawng khan chawl manglovin Deepti kha an pawnsual ani. Tichuan hei hi Rape & Murder case a nilo, a taksa ah chuan acid tuiin an far a, a taksa a kang vek asin. Kan freedom fighter Mahatma GAndhi birthday ah khan, khami ni khan ka unaunu chu an kidnap a, CD kha en rawh ka u. Heng mite hi chhuah suh, an phutawk hremna an hmu ngei tur a ni." a ti a, ka mithla ah chuan Nathana lo join ni a, Gandhi thlalak hmusit taka a rawn nuih vel ni kha alo lang a, khami ni ngei khan Deepti chu anlo kidnap ani. Laxmi bawk chuan, "Heng mi tenawm, ramsa ang maia nunrawng ho hi kan ramah hian zalen takin an la lengkual vel asin." a ti a, mahse zalen taka lenkual tir tu chu Nathana ngei ani si a, Vasu-a naute kha a lo thawh tirh ni khan kan man a, mahse aman a chhuah zalen ta anih kha. Laxmi chuantap zawih zawih in, "Ka u, anni ho kha chhuah suh ang che, hremna chu nang ngei hian i pe dawn tih ka hria, ka ring che a ni. Hremna na tak pe la, chu mi hnuah chuan ka lo let leh ang." a ti a, Laxmi chu a kal liam ta a. Nathana chuan a en zui vawng vawng a, Nathana hmel chu ka en a, diklo a awm...Nathana, mi tenawm, mi khawngaihna neilo, mi nunrawng leh chapo hmel tak, zam ngailo kha a hmelah chuan inthiamlohna, tlawmna, inchhirna leh hmangaihna ka hmu tlat a ni. Ngawi reng chuan motor ah chuan a lut a, ka zui a, tichuan Vasu-a guest house lam chu kan pan turah ka ngai a, mahse ngawi reng chuan Vasu-a in chu tlanpelin Police Station lam kan pan ta tlat mai. A chhungah chuan kan lut a, CD chu thutthlengah a dah a, a bulah chuan a thu a, a melh ngai a melh reng a.

Nathana bulah chuan ka va kal a, "Sir, enge awmzia? VAsu-a inah kan kal dawn maw ka tia, tinge CD nen hian Station ah kan tlang daih a?" ka ti a, min chhanglo. A phone a ri a, Vasu a call a ni. Keichuan, "Sir, i phone a ri a nia, Voltaire VAsu-a'n a lo call che hi, i la dawnlo mi? Tinge khatia i awm a? Enge awmzia?" ka ti leh a, min chhang chuanglo, rum em em hian a melh ngai melh rengin a thu a, muang chang hian a mittui alo luang chhuak a. Nathana chu a mizia a danglam takzet, ka lawm ngei mai, ka zawt lui leh ngat a, "Sir, i mittui a tla nia, hetiang hian tinge i awm? Enge i chungah thleng ta? Airport a kan thu hriat khan a ti danglam che a ni tiraw? Enge i chungah thleng ka tih chu?" ka ti leh a, zawi te mahse fiah kalh si hian min en miahlo hian, "Engmah a thleng lo." a ti ringawt a. Keichuan vin zet hian, "Engmah thlenglo nise, Vasu-a inah kan awm ang chu, mahse tinge Stationah kan awm? Engmah thleng lo nise, CD hi Vasu-a kutah a awm tawh ang, mahse tinge hetah a awm? Engmah thlenglo nise, tinge a call i lak duh loh? Enge maw chu a awm a ni, ka hria ani Sir, ka hria a ni, i danglam ta nih hi. I danglam, i danglam, i danglam tawh..." ka ti vak vak a, NAthana chuan vinzet hian, "Ka danglam lo, kha Nathana, misual tak kha ka la ni reng, engtikah mah ka danglam lo ang. Nathana Corrupt Police tho kha ka la ni, min tibuai tawh suh." a ti vak vak , a mittui chu a tla phung mai. Keichuan, "Nilo, dawt i sawi, dawt i sawi a ni. I danglam tawh, tunge i nih sawi rawh...i danglam tawh." ka ti a, Nathana chuan, "Ka danglam lo." a ti khur khur a, mahse ka hnial zel takah chuan a pistol a phawrh a, ka kawr awmah thamin ka chalah chuan min tin a, vinzet hian, "Ka kap ang che Pu Murthy, ka kap mai ang che. I nupui fanau te ka ngaihtuah vang chauha i nunna zuah ka nih hi, min tibuai suh ka tih kha." tiin min vin hrep mai a, ka lawm lutuk chu ka hnuk a ulh hial a. Nathana hian a vawikhatna atan Pu Murthy tiin min ko ve ta, "Pu Murthy a? Sir...engtik lai khan nge nang aiin ka upa tih hi ilo hriat ve tawh a, i pa rual hi Murthy tih hlirin min ko thin si a, i danglam ta hle mai. Engtik lai khan nge ka nupui fanau te chu ngaihtuah nachang ilo hriat ve a?" ka ti a, Nathana chuan rang takin min thlah a, a mah pawh chuan mak a inti hle mai, a thaw vak vak a, a thu hnawk a, abulah chuan ka va thu ve a, "Sir, i danglam ta, i danglam taa.." tiin ka au vak vak a, ka lawm zia chu ka sawi thiamlo zawk. "Sir, in thlakdanglam tur hian i bei nasa hle mai, Sir, thil tamtak i paltlang hnuah i danglam ta nih hi, Sir ka chhuang che, ka ngaisang lutuk che SIr.." ka ti a, NAthana chu a mittui a tla zawih zawih a. Chu veleh Vasu-a kidte an lo thleng a, an rawn lut a. Keichuan Nathana bulah chuan, "Sir, keichuan i danglam thu ka sawi a, nangchuan ka danglam lo i ti a, keini tan inhnial a tullo. Saw mi te saw, VAsua-a naute sawn an sawi ang. CD hi an la chhuak thei anih chuan, i dik tihna, mahse an ruh a tliak sawm vek a, CD hi an la theilo anih chuan, ka dik tihna. Hetah hian ka ding anga, ka lo en ang, ka sawi dik nge dik lo." tiin NAthana sirah chuan ka ding a. Vasu-a naute chu an lo thleng a, an zinga pakhat chuan, "Hey, tinge Vasu-acall i lak duh loh a? Khawnge CD chu i dah?" a rawn ti a, keichuan, "CD i duh mi bawiha, Sir thutna bulah sawn a awm saw...va la ta che." ka ti a. Chupa chu CD lak tum chuan a rawn kal a, NAthana chu ri chawk khawpin a khabe ah alo dawn chho a, a thal tawp mai a, a khabe ruh chu a tliak tih hriat tak hian a uai hnuang maia. Chu thil chuan min va tihlim si em, rang takin ka ding a, NAthana lam chu hawiin salute ka pe ta a. NAthana'n ka salute pe min hmuh chuan mak ti takin min en a, pakhat alo kal leh a, Nathana chuan min en reng chung chuan alo rek chat a, a beng thlu tawp a. Pakhat alo kal leh a, a keruh tliak thawk khawpin a ngalah a lo pet sak a, a ri tuar a. Chupa keruh tliak lampangah chuan a man a, ka bulah a rawn hnuk phei a, "Sir Murthy, hetianga ka awm hi i hmu duh nilawni, chuti chu tinge i tawp daih a, ti leh rawh...SALUTE ME." a ti vak a, keichuan phur tak hian ka lukhum dawhkana mi chu la in ka khum a, ka salute leh a, police dang lo awm ve ho pawh chuan an lo salute sup sup a. Nathana chu a phur thar sawt a, chung misual ho chu na tak tak hian a sawisa hrep hrep hlawm a. Chutia a sawisak mek lai chuan kei chuan ring takin, "Sir, khang miten awm ho kha chhuah reng reng suh, tichuan kei hian ka salute reng ang che. Ka ram INDIA ram hi ka chhuang a ni...Sub Inspector NATHAN..." tiin a ka au a, constable dang ho chuan salute pek pahin "POLICE" tiin an lo au rual a, a nuam ka van ti tak em. Tichuan NAthana chuan ka sawi ang ngeiin an kut ruh leh ke ruh te chu ti tliak vek in police jeep-ah chuan a dahkhawm vek a, tichuan kei chuan phurtakin motorah lutin VAsu-a in lam ka pan pui a.

VAsu-a in ka va thlen chuan chung anau te nikhaw hrelova ruh tliak rem ruma awm ho chu chhuatah chuan a paih thla pawp pawp hlawm a, Vasu-a chuan mak ti takin a nau diktak (Deepti pawngsual tute pali) nen chuan min lo en hu hlawm a. KEichuan ring tak hian, "Hey Voltaire VAsu, Khawpuiah hian SI thar vawiin atangin kan nei e. Nangni ho chuan a hma zawng kha chuan Corrupt SI chauh in hmu a, mahse tunah chuan amah thlak tu turin kan ram MOTHER INDIA hian fapa thar a hring ta, vawiin ni ngei hian, ahming chu NATHAN a ni, SUB-INSPECTOR NATHAN...tun atang chuan i nau te pali, pawngsualtu tenawm pali te kha Nathana lak atang hian in chhanchhuak thei tawh lo ang a, in Pathian meuh pawn a chhanhim thei lo ang." ka ti a, motorah lutin ka kalsan ta daih a. Nathana te nen chuan Stationah chuan CD video chu kan en ta a, Vasu-a nauten Deepti, ni 40 chhung zet an pawngsual a, an nghaisak lai video chu kan en ta a. Deepti chu an phuarbet a, an dutawkin an inpawngsual chhawk vel a, achang leh a kutah phuarin in bangrelah an khai kang a, kawnghrenin an hlap hrep hrep a. A chang leh bangah hrui lian takin an phuar bet a, pipe atuiin an khawk vak vak a, saruakin an awm tir reng a. A chang leh tlanchhiat a tum a, an beng thal thuai thuai a, achang leh acid tuiin a dulah te, a ke ah te, a mawngah te an far a, a kang a, a khu ser ser thei hial a. Nathana chuan a en zawm thei ta lo, remote chuan TV chu a off a, thutthleng pakhat chu lain chhuatah chuan a vaw darh vek a, "Zawng ho." tiin a vin tuar a, a mittui a tla zawih zawih a. Tichuan Police Force auvin chung mi pali, VAsu-a naute chu an inah va kal chilhin kan va man ta a, Nathana chuan FIR amah ngeiin siamin a thehlut a ni. Tichuan Vasu-a naute chu lock up ah kan khung a, Court-a hruai hmabak an ni ta a, Nathana lawyer tur chu kan zawng a, kan mi rin ber lawyer chu thlangin CD chu a kutah kan hlan ta a, ni 3 hnuah court ah kal tur a ni. Vizag khawpuiah chuan chung pawngsualna leh inthahna thu chu a darh chak hle mai a, College hrang hrang te, University hrang hrang te a zirlai te leh zirtirtu te chuan kawng an zawh mup mup a, pawngsual an duh loh thu te, hmeichhia te humhim an ngaih thu te an au chhuah pui a, Nathana pawh chuan COurt hmaah CD a video chu evidence atan a hman ngei chu a tum bawk a ni.

A tukah chuan Nathana nena duty zo kan haw lam chu, hmanni a Nathana;n tihluihna hmanga a theihai huan a hralh luih tir tak, putar khawngaihthlak awm tak Kota Venkat Rao chu a theihai huan ni thin, tuna Vasu-a inhmun pakhat ni ta bulah chuan alo ding a, a huan hlui chu mittui tla zawih zawih in alo en a, huan chhungah chuan Vasu-a kid thenkhat ho chuan car d anlo deng a, zu anlo in a, an lo nui vel a. Nathana chuan car chu a ti ding a, Venkata awmna atanga hla vaklo ah chuan kan awm a, motor atang chuan Nathana chuan a phone phawrhin Venkata chu a bia a...

"HEllo"

"Aw..hello, Pu Venkat RAo a ni em aw?"

"Aw ni e.."

"I theihai huan kha kan lei duh a.."

"Pawi ka tikhawp mai, mi in inbumna hmangin min chhuhsak a ni."

"Inbumna a? TUnge chhuhsak che?"

"Thianpa, misual awmtha duho te tan chuan inbumna hmanga mi ram chhuhsak te chu a makna vak a awm lo, mahse kan ram venghimtu Police ngeiin a min chhuhsak hi amak ka ti a ni." (a tap zawih zawih a.)

"Ka pu, chu Police pa chu hremna pek i duh em?"

"Tehreng mai, ka bulah hian awm se chu na takin a hmaia ben hrep ka chak asin, anu leh pate hian engtin nge an enkawl bik le?"

Nathana chu a maimitchhing vang vang a, a mittui hruk zeuh pah chuan, "Nu leh pa ka nei lo, ka pu." a ti a, Venkata chu a rawn hawi phei a, motor atang chuan Nathana chu a chhuak a, Venkata lam chu ava pan a, aphone chu a dah a. Nathana chuan, “Nu leh pa ka nei lo ka pu, fahrah ka ni. Boruak ah ka lo piang a, boruak ah ka seilian leh a ni. Tumah thu tha hrilh tu tur ka nei ve lo, ka thil hmuh te atangin ka inzir a ni. Chaw min barhtu tur nu pawh ka nei velo, ka ril a tam thin asin. Damchhuah dan ka thiam a, mahse nundan mawi erawh ka thiam silo, engtin nge kan nun ka hman tih pawh ka hre ngailo asin ka pu. Thil ka ti sual a ni, ka tisual a ni. Ka pu, tun lawk khan min ben I duh thu I sawi tiraw? Min beng rawh..min ben chuan saw Vasu-a kidte chu ka va sawisa vek ang…min beng ta che, min beng rawh ka pu.” a ti vak vak a, Venkata chuan a en reng a, Nathana chuan, “I fapa in thil ka tisual a, tinge I ngawih reng…min beng rawh KA PA, min beng ta che KA PA..” a ti ta a, Venkata chu a tap zawih zawih a, na tak maiin Nathana hmaiah chuan a beng thuaia, Nathana nen chuan an tap dun zawih zawih a. Tichuan Nathana chuan a lu a bu nghauh nghauh a, a mittui a hru hul te te a, tichuan gate chu a chhuih hawng thuai a, Vasu-a kidte chu a va sawisa hrep hlawm a, tichuan pistola tin pah chuan, "Naktuk zing ah he huan hi saw putar hminga a awmlo a nih a, Vasu-a'n paper a sign duhlo anih chuan, a Guest House saw ka bomb darh vek ang, lo hrilh ang che u." a ti a, a kalsan ta a. Khaw thim hma hret chuan Sanvi te inah kan leng a, Sanvi bulah chuan engkim a hrilh ta vek a. Nathana chuan Sanvi bulah chuan, "Sanvi, mi tha ka nilo. Ka thil tih zawng zawng te, fel tak leh rinawm taka i bula ka insawi te kha, dawt vek a ni, misual, corrupt Police ka ni. Mahse Sanvi, ka hmangaihna che hi chu dawt a nilo, ka hmangaih che a, chuan ka inthlak danglam tawh. Ka inthlak danglam theihna chhan pawh hi nangmah vang liau liau a ni. Chuzawng chu ka sawi duh, abak chu i thu thu a nimai." a ti a, Sanvi chu a ngawi vang vang a, "Tunge thudik min hrilh tura ti che a? A hunlaiin dawt min hrilh a, tunah awmzia a nih tawhloh hnuah thudik min hrilh leh a, min ti buai alawm." a ti a, Nathana chuan, "Pasal ah min nei duh angem?" tiin a zawt a, Sanvi chuan, "Ka hmangaih che a lawm, kan inneih ngei angai ang." a ti a, kan in biak fe hnuah chuan kan haw ve ta a.

A tukah chuan Chanchin darah chuan zing dar 4 vela lui kama hmeichhe ruang an chhar thu chu an puang a, a hmunah chuan Nathana nen kan va en ve a. Press mite chuan Doctor hmeichhe pakhat anlo kawm mek a, chu doctor chuan, "A rapthlak hle mai, pawngsual hnuah thah a ni. Post mortem pawh ka ti tha hlei thei lo, a taksa hmuntin ah chuan hriau a in phum hnem hle a, a taksa a kang nasa hle bawk a ni." a ti a. Nathana ava thlen chuan Press mite chuan an lo kawm a, "Sir, tute tih nge i hria em?" an ti a, Nathana chuan camera chu chiang takin a melh a, "Voltaire Vasu-a nau te tih a ni, tunah kan man mek a, an hming chu Ravi, Vamshi, Manni leh Sandeep-a te an ni." a ti a. Chumi ni chuan Vizag khawpuia hmeichhe tam tak chuan kawng an zawh a, traffic an ti zam a, JUSTICE FOR DEEPTHI tih thupuiah hmangin kawng an zawh luai luai mai a, a thlalak te an tar a, chaw nghei phah hial te pawh an awm a, Doctor nu chuan media hmaah chuan, "Heng pawngsualtu mi pali te hi kawnglai takah hian khaihlum an ni tur a ni.." a ti hial a. Chanchin buah chuan chung mi pali te hming leh an thlalak te chu a darh chuai chuai a, Vasu-a pawh a mangang hle mai. Nathana nen chuan Station ah chuan kan awm a, Laxmi chu a phone a.

"Laxmi, tinge a? Vawi tamtak ka call che a, min chhang duh silo..news te kha i en em?"

"Ka u, ka nu hi nikhawhrelovin a awm a."

"TInge?"

"News a Deepti ruang a hmuh khan, nikhawhrelovin a tlu nghala, doctor chuan Severe Heart Attack a ti a."

"Ka nu chu ka lo be thei angem?"

"A biak theih loh.."

"A beng bulah phone kha dah la, min hre thei em em ang."

(Minute 2 vel hnuah chuan...)
"Ka dah tawh e.."

"Ka nu, lungngai suh...ka awm alawm, i fapa ka awm e."

Court rorelna ni chu a lo thleng ta, court chhungah chuan mi tamtak an thu a, witness box ah chuan Vasu-a nau te pawh an ding thap a. PAwn lamah pawh mipui tamtak an ding bawk a, an la au rual sup sup a. Court chu kan tan ta, kan lawyer chuan, "Sir, heng mi pali te hian DEepti chu pawngsualin an that a, hei hi kan rama thleng ah chuan a zahthlak hle a ni. Hremna pe la, Deepti thlarau hahdam taka a chawlh theih nan.." a ti a. Judge chuan, "Produce the evidence." a ti a, CD chu ka play ta a, mahse CD chu a in play thei ta reng reng lo mai. Mak ti tak chuan Nathana nen chuan kan in en a, Sanvi pawh a mangang hle mai. Chu veleh Votaire Vasu chu kil khat a tang chuan a rawn kal a, a rawn nui vur vur a, Nathana chu a va melh a, a mit a rawn siai vel a. Judge chuan, "Hei hi maw proof na chu? Data a awm hlei nem CD ah hian.." a ti a, kan lawyer chuan, "A hma kha chuan a tha reng si a, tinge a chhan ka hre bik lo, a chhia a niang." a ti a, Vasu-a lawyer alo ding chhuak a, "Court hian chutiang thu chianglo a mamawh lo, blank CD court ah submit in ka clients te dawta puhin hun in khawhral a, YOur Honour, ka clients te hi an innocent e." a lo ti ve bawk a. Mipui zinga hmeichhe pakhat chu a rawn tawngchhuak a, "SI Nathan, CD chu i hralh em ni? Engzahin nge i hralh a?" a rawn ti a, Judge chuan, "Order..order.." tiin a lo khap a. Judge chuan, "Evidence a awm loh avangin court chuan heng mi pali te hi...." a tih lai chuan Nathana chuan, "Your Honour, proof dang ka la nei." a rawn ti a, Vasu-a hlim hmel chu hlauhthawnna hmelin a rawn thlak chiang ngei mai. Kei ngei pawh chuan mak ka ti em em a, NAthana bawk chuan, "Proof ka la nei, ni khat chiah court hi extend min phalsak la, evidence chu ka pe ang che." a ti a, Vasu-a lawyer chuan, "I object Your honour..ka clients te hi misual ah an ngai vek tawh a, mahse CD blank leh proof dang ka nei te an tia, ka clients te a tibuai rei mai mai, ka pawm lo a ni." a rawn ti a. Judge chu a ngawi vang vang a, "One day extension granted." a ti ta a, VAsu-a chu a thinrim ngei mai. Chanchinthar ah chuan court an extend thu chu a lar leh hle mai a, kan lawyer khan min lo bum a, Vasu-a mi leh sa te zinga mi alo ni a. Station ah chuan kei leh Nathana leh Sanvi chu kan aw a. NAthana chuan, "Thudik chu ka sawi ang, proof engmah ka neilo..." a ti ta mai a. Sanvi chuan, "Mahse vawiin khan Court ah khan i neih thu i sawi sia.." a ti a, NAthana chuan, "Engemaw tal ka sawiloh chuan khang mi pali te kha an chhuah zalen dawn asin." a ti a. Sanvi chuan, "Nihleh tinge CD kha?" tiin a zawt a, Nathana chuan, "Vasu-a te zinga mi alo nia, min bum ka ringlo sin. Keimah chiah hi mi bum ching leh mi phatsan ching ka ni emaw ka tih vangin kha lawyer pawh kha beiseina nen CD kha ka pe a, min bum dawn tih hria ila chu copy tam tak ka lo siam tur a nia." a ti a, Sanvi chuan, "Nihleh naktuk ah enge kan sawi ang?" a ti a, Nathana chu a thu kun lap a, "Ka hre biklo.." a ti a. Tlaiah chuan Sanvi chu a haw a, zanah chuan Nathana nen chuan beach ah kan kal a, vaivut ah chuan kan thu a, zu a in a arui hle mai. Nathana chuan, "Pu Murthy, keimah vang vek ani. Deepti an kidnap ni kha Gandhiji birthday a ni a, mahse kei erawh chuan Gandhi-a thlalak chu ka lo nuihzat vel a. Khami ni a Vasu-a nau i man te kha lo chhuah zalen lo ila chu Deepti hi ala dam tur a nia, mahse keimah vangin a thi a ni. A nu in a bo thu a report khan pasal a um thu te ka lo phuah chawp vel a, khami ni a Vasu-a te ina ka kal a, a nauten chick thar an hmuh thu a sawi kha, Deepti ngei kha a lo ni si a. keimah vang vek ani." a ti a, zu chu a in khawlh khawlh a.

Chutia kan awmdun lai chuan Vasu-a leh a kidte an lokal a, Nathana chu ading a, Vasu-a chu a rawn tap tuau a.."HEy Hmela, East or West, friendship is the best...te i ti nilawm ni, bumhmang thian i nih kha. Eng proof nge i neih a, min pe la, i duh duh ka pe ang che.." a rawn ti a, Nathana chu a nui suk a, "Naktukah court ah kan inhmu dawn nia.." a ti ringawt a. VAsu-a chuan, "Hey Zawnga, ka nau te an nih kha, ka chhungte, ka pianpui unau te an nih kha. Ka chhungte i tihbuai hian ka na asin, enge i hriat ve a? Chhungte hlutzia i hre ve lo ani, Fahrah mai mai i nih kha." a ti a, Nathana chuan thinrim em em in Vasu-a kawr awmah chuan a tham a, "Tumaw fahrah chu..tumaw fahrah chu...Kei hian PA chu ka nei ve a sin." a ti a, ka mithla chuan Pu VEnkat Rao a lo lang a. Nathana bawk chuan, "NU ka nei ve bawk, tichuan UNAUNU ka nei a, ahming chu Laxmi ani. I naute khan ka unaunu naupang zawk chu an that a ni, tumah ka chhuah dawn lo che u." a ti phiar phiar maia. Chuveleh Vasu-a kid te chuan NAthana chu an rawn hnek thal tawp a. Nathana chu a tho a, "Murthy Sir, a sirah sawn lo va ding la, kan sawp hlawm ange." a ti a, a rui em em lehnghal a, a ding tha hleithei lo. VAsu-a chuan, "Naute u, hepa hi that ang che u..." a ti a, a kal ta daih a. Pakhat chu alo kal a, Nathana chuan a zu bur ken lai chuan keh chhuai khawpin alu ah a lo vaw pawp a. Chuveleh an rawn hnek rawn luai luai a, Nathana chuan thei leh theilo hiana namsawn hlawm a. A tlu tawp a, an hual a, a rawn tho chhuak a, "Tunge ka dulah min hnek kha?" a ti a, pakhat chuan a rawn hnek leh pawp a, Nathana chuan, "Tunge ka dula min hnek ka tih chu?" a ti leh a, pakhat chuan, "Keimah.." a rawn ti a, NAthana chuan, "A tha e..lawk aw.." a ti a, a va tlan phei a, a va tlawh thlu tawp mai a. Nathana bak chuan, "Nichina ka tawng lai khan tu emawni khan min rawn hnek a, ka rui em a, ka hmufiah theilo che u, tunge ka pa kha?" a ti leh a, pakhat chuan rawn hnek a tum a, a lo beng thal tawp a, a bak zawng chu hlauvin an tlan chhe ta a. Nathana nen chuan keini pawh chu chu lai hmun chu kan chhuahsan a, kan haw ta a. Atuk zingah chuan court ah chuan kan kal khawm leh ta a, court luh dawn kawngka bulah chuan Vasu-a chu alo ding a, "Nathan lo ding teh...eng proof nge i neih a? Min pe la, pawisa ka pe ang che..engzat nge i duh? Maktadau 1 ami, Maktaduai 50 pawh ti rawh...ka pe ang che." a ti a, Nathana chuan, "Ka duh lo ea....court chhungah lut ang." a ti a, a luhsan ta daih a.

Court chu kan tan leh ta, Witness box ah chuan NAthana chu a ding a, Judge chuan, "Proof chu min pe rawh le.." a ti a, Nathana chu a maimitchhing vang vang a, tichuan a rawn meng a, "Proof chu kei hi ka ni, keimah hi.." a ti a, Judge chuan, "Enge awmzia, heng mi pali ten Deepti an pawngsual lai chu i hmu em ni?" a ti a, Nathana chuan chiang fek fawk hian, "Mi pali an nilo, panga zawk mawle, mi panga zawkin Deepti kha an pawngsual a ni...chu a mi pangana chu tudang nilovin...KEI NGEI HI KA NI." a ti ta mai a, mak tiin Nathana chu kan melh thup a, Sanvi phei chu a tap nghalder mai. Nathana bawk chuan, "Kan panga hian Deepti chu kan pawngsual a kan that a ni. A taksa ah chuan hriau te kan phum a, blade in kan zai vel a, nuam kan ti takzet a ni. Chumai nilovin Deepti kha ni 40 chhung zet chawl manglovin kan pawngsual a ni." a ti ta phiar phiar mai a, Vasu-a nau te chuan, "Your Honour, dawt ani, sawpa saw kan hre ngailo.." an lo ti chiam chiam a. NAthana bawk chuan "Sir, Deepti chuan MIN THAT ZAWK MAI RAWH U...tiin min ngen a, mahse keini chuan ka nuihzat a, a taksa chu kan chen a, nilawmni thiante u.." tiin Vasu-a nau te chu ava nuih vel a. Vasu-a naute chuan, "Hey, i mawl ami? Dawt sawi suh.." an lo ti a. Judge chuan, "An zingah i tel ve anih si chuan, tinge case i file si a?" a ti a, Nathana chuan, "PAwisa ka dil a, min pe duh lo a, CD ka nei tiin dawt ka hrilh a, ka blackmail ta a. Niminah pawh ka CD kha chu a lem tih in hmuh kha...pawisa min la pe duh chuang siloa, proof dang a nei ka ti a, tichuan nizanah min thah an tuma, hei en la, ka hmai te hi ala pilh hi." tih pahin a hmaia a hliam te chu a kawk a. Nathana chuan sawizawmin, "Nizan khan ka thi tep a, khatah tak khan Deepti mangan zia tur kha ka ngaihtuah a, ka inchhir a ni. He court temple ang mai a mipui tamna hmaah leh Pathian ang maia ropui nangma hmaah hian thudik ka puang duh a ni. Tunah lawk pawh khan sawpa Voltaire Vasu sawn pawn ah pawisa min pek a tum a, mahse ka duhlo. Pawisa ka duhlo thudik chauh ka duh, Deepti kha rawng takin kan that a ni, kan thiltih sual man hi min pe ngei ang che." a ti a, ka mittui chu ka dang zolo, Sanvi ka va en a, a beng hupin a lo tap zawih zawih a. Nathana bawk chuan, "Your Honour, kha mi ni khan diktak chuan Deepti hi kidnap kan tumlo, i tunu Sandhya-i zawk a ni a ti ta mai a, ka mittui ka dang zolo, Sanvi chu ka va en a, a beng hupin a lo tap zawih zawih bawk a, NAthana lah chuan sawi zawm zel a, "I awihlo mi? I tunu Sandhya kha mawle, Gitam's College B.TEach Second year zirlai kha, tuition alak thin kha...mahse kidnap kan tum ni khan Sandhya-i chu alo kal lo a,, Deepti zawk chu kan hmu a. Deepti chu kidnap kan tum a, mahse angailo ka ti a, mahse Mani-a hian, 'Hmeichhia ve tho a nia lawm.' a ti tlat a, kan kidnap ta zawk a ni." a ti a, Vasu-a naute chuan, "DAwt dawt..dawt vek a ni.." an lo ti chel chul a. Nathana chuan sawi zawm zelin, "Sir, Thursday nge Friday ka hre tawhlo, Sandhya-i kidnap tur chuan kan kal leh a, mahse Guntur ah a lo zin daih a, i unaupate inah, a zin a nilawmni?" a ti a, Judge chuan, "Aw...a zin ngei alawm." alo ti a. Nathana chuan, "Ka tihreng kha.." a ti a, Judge chuan, "Tikhawp hian thilsual lian i ti a i hlau miah lo mi?" a ti a, Nathana chuan, "Enga, enge ka hlauh anga, enge i tih vak anga? Alo berah damchhung lung in tan a ni mai a, hetah anihloh pawn court dangah a ni tho ang. India ramah hian section 100 chuang leh tricks chi hrang hrang 100 chuang a awm alawm. Sir, hmeichhe pakhat chu kan vawikhat hmuhna ah ka pawngsual nghal thei a, nang hian tunah hian kan sualman chu min hmuh tirin min khaihlum ve nghal ngam dawn em ni? Darkar tinin India ram hmeichhia te hian pawngsual an tawk ziah ang vel ani a, enge in tih theih vak chuan anga, min khaihlum pawh ni ula? Sir...kan ramah hian prisoner 52 lai chu khaihlum an lo ni tawh a, mahse kum tamtak danah zel a ni. Tuna hremna min pelo a nih chuan kum 25 hnuah chuan Deepti anga tuar hi hmeichhia zawng zawng an ni vek tawh hial ang chu mawle. Chuvang alawm, kan ram hi a nuam ka tih em em...MY INDIA IS GREAT..I'M PROUD TO BE AN INDIAN..." tiin a au vak vak a, a sawi zawm leh a, "Sir, mi zawng zawng hmaah kan sualna chu kan puang ngam a, nang ve kha...nang putar ve khan naktuk ah min khaihlum ve ngam dawn em ni?" tiin judge chu ka kawk a, a vau a. Judge chu a ngawi vang vang a..chutah thuthlukna tawp a siam ta, "On Indian Constitution...on country...and on women, this 4 people have no respect at all. I ordered them to be hanged within the next 24 hours." a ti ta a, Vasu-a chu a tap pur mai a, NAthana chu zalo tak hian a nui bawk a, Sanvi lah chu a tap nasa mai a, kei pawh chu ka mangang hle mai. Tichuan Nathana chu Police ho chuan an man a, pawnah an chhuah pui a, Sanvi chuan a kuah a, "Nathan, tinge hetia itih a? Tinge engkim i tuar vek bik anga? I tello chuan ka awm theilo asin." tiin a tap zawih zawih a, Nathana chuan engmah sawilo chuan a kal pel a, chuveleh Doctor nu chu alo kal a, Nathana hmaiah chuan a beng siah mai a, "Hey Uichopa, dam tlak i ni lo, thi tlak i ni, mihring pawh i nilo, tinge i lo pian ve..thi mawlh rawh, thi mawlh ta che.." a ti vak vak a, keichuan ka va dang vat a, "Ka pi i tisual a ni, a ni saw i hrelo, PATHIAN A NI, PATHIAN A NIH SAW.." ka lo ti a. Ka mitthlaah chuan Nathana bula, 'TSUNAMI hi lo thleng se, nuai bo vek che sela,thi daih la a tha ang, dam tlak i nilo..' tia anchhia ka hlawh lai te kha alo lang chuai chuai a, Tsunami chu a lo thleng ta tak tak si anih hi maw. Motora an hruai luh dawn chuan Nathana chuan min en a, "Tsunami chu a lo thleng ta nih hi..Murthy Sir." a ti a, keichuan mittui tla chungin, "SIR...NILO." ka ti a, motorah chuan anhruai lut ta a.

Hun chu a kal zel a, news ah chuan hun la awm zat chu darkar tin mai hian an puang zel a, Nathana te panga chu an khaihlum tur thu lah an puang sek tawh mai si. Hun a liam zela, an khaihlum hun chu a lo thleng ta. Nathana chu khaihlum hmasak ber tur a ni a, a penchhuak a. Chutih lai chuan Laxmi hian min rawn phone a, "Pu Murthy, enge awmzia? Ka u kha tinge an khaihlum ve dawn a? Ka nu a damlo a, Hospitalah ka awm a, tunah khan news ah ka hmu chiah a, enge awmzia?" a rawn ti a. Keichuan beidawng tak hian, "Bawihi, engtin nge ka sawi tak ang? CD kha a chhia a, tichuan Nathana hian tualthattu te an tlanbo loh nan tiin dawt sawiin a nunna in a chan phah dawn nih hi." ka ti a. Laxmi chuan, "Awi Lalpa leh..nilo, CD kha copy dang ka nei lawm.." a ti a, keichuan, "Animaw?" ka ti a, LAxmi chuan, "Awww thuneitute lam hrilh vat la, Live Telecast in thudik ka rawn puang ang." a ti a, chuveleh hmanhmawh takin Jail lamchu ka pan ta a. ON AIR hmang chuan Press mite hmaah Laxmi chuan new York atang chuan thudik a rawn puang ta a, "Ka u kha chhuah rawh u, ka u hi a tel velo. Khang mi pali te kha chu that ula, khaihlum rawh u, mahse ka u kha chhuah ula, CD hi ka nei a, hei hi live telecast in play ru.." a ti a, CD chu an play a, India ram pum chuan Vasu-a nau ten Deepti an pawngsual lai video chu an en ta a. Nathana te awmna chu ka va thleng a, anlo khai hman tep a, tichuan thu awmzia ka sawi chuan Nathana chu an chhuah ta a. Chung mi pali te chu khaihlum tur chuan an ti a, Nathana chuan ACP hnenah chuan, "Sir, khaihlum an ngai lo, keimah hian ka that vek ang, minute 10 chiah min pe rawh.." a ti a, VAsu-a nau te chuan, "LO kal rawh...ka thih hma hian ka that ang che.." tiin anlo cho nasa mai a. Tichuan Nathana leh Vasu-anau techu an insual ta a. NAthana chuan a mal te te in a that ta vek a, a then chu tuboh in a vawhlum a, an insual chu pui miap miap tak a ni. A thah zawh vek hnu chuan Nathana chu chhuah zalen a ni ta a.

Atuk zingah chuan Central Jail kawtah chuan mipui tamtak an pungkhawm a, NATHAN DAM RENG RAWH SE..tiin an au rual a, NAthana chu a rawn chhuak a, mipui ho chu an lo au dur dur a, Step ah chuan a rawn chhuk a, Sanvi nen chuan an inkuah a, Sanvi pawh a hlim ta hle mai. Nathana chu ka bulah alo kal a, "Gandhi hi ka la hmu lo, mahse nangmah ah hian Mahatma Gandhi chu ka hmu a ni. Station tinah hian nang anga police rinawm hi awm se chuan a tha ngawt ang." a ti a, keichuan, "Station ai chuan ram tinah hian nangmah ang hi pakhat tal awm vek se buaina a awmlo zawk ang." ka lo ti a. Kan kal ta a, Doctornu chu lo kalin Nathana chu kutsuih meuhin ngaihdam a rawn dil a, "Sir, min ngaidam ang che, i nihna ka lo hrelo a.." a ti a, Nathana chuan, "A pawilo e, ka ngaidam che, i hmeichhiat pui te venghim zel turin ke penchhuak zawk rawh." a ti a, tichuan kan kal liam ta a.

********************

Pu Murthy-a'n a sawi zawh meuh chuan ka mittui a tla ve phung mai a, NAthana chanchin chu ka lo hre chianglo hle mai. Sana ka en a, tlai dar 5 lai alo ri tawh a, haw ka tum ta a. Murthy-a chuan ka haw hma chuan, "Sir, tunah hian SAnvi leh Nathana te hi an la inngaizawng reng a, Nathana hi Sanvi hian rinawm takin a la nghak reng a ni." a ti a, keichuan, "Ka sawi chhuak miahlo ang...ka haw tawh ange." tiin ka haw ta a. A tukah chuan NAthana office ah chuan ka va luta, NAthana chuan, "Nimin i day off chu a nuam maw?" a lo ti a, keichuan nui vur vur chungin "SIR" ka ti a, muangchangin min en a, keichuan khawng em em hian SALUTE ka pe a...

THE END

(Next Episode - The Greatest Dectective in Mizoram Raymond Lalthazuala helps Nathan Malsawmkima..)

RAYMOND-A HRE ZAWNG BAN PHAR RUUUU....



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)