ISRAEL SECRET SERVICE : MOSSAD SPY NUFA CHET DAN

Hnuchhuina lampang chi ho
HLalthazuala
Posts: 142
Joined: March 19th, 2018, 6:51 pm

ISRAEL SECRET SERVICE : MOSSAD SPY NUFA CHET DAN

Unread post by HLalthazuala » May 12th, 2018, 2:47 pm

Source : Zozion
*****************

CHAPTER 1 : MOSSAD SPY NUFA CHET DAN

Chhum zing phui chuk karah,London khawpuiah chuan ruah apingphisiau deuh sep sep renga,chu chuan London khawpui chu atihnawng churh mai a.chu khawpui chu,Mira Alon_i pian leh seilenna Tel Aviv(Israel)khawpui,nisa vawn vawnin a em nilen thin nen chuan a in ang lo hlea,amaherawh chu Mira Alon_i chuan London khawpui vawt deuh sung mai engmah hreawm tihna leh,sawiselna a nei lo.Tin,a Subject lak tur zinga pakhat,Middle East History a la tel theih tur chuan a ti phur em em ani.
Tleirawl pian tha.sa inphut mawi tawk,ria chum bat mai,a sam pawh dum hlup lova Blonde an tih ang deuh pu,mitmeng mawi tak mai Mira Alon_i chuan,atum leh chak ber chu khawvel zirna sang,University tha berte zinga mi alekha zir ve a ni a,chung zingah chuan London University a zir chu a chak ber pawl a ni nghe nghea.
Mira Alon hian Arabic a thiam a,achan chu apa hi School pakhata Arabic zirtirtu anih vang ani,a pa hian a fanu Mira Alon chuan, alo seilen hunah Arabic tawngte pawh a la mamawh theih tih ringin in lamah a theih ang angin Arabic a zirtir thin a,hei vang hian English awphawi dik taka sap tawng a thiam telh bakah,Hebrew tawng pianpui tawng anga ahman bakah,Arabic tawng pawh anmahni awphawi ang takin a hmang thei nghe nghe ani.
Kum a lo tlin chuan,Israel nula/tlangval(kum 18 an tlin in/class 12 an zo tlangpui) te tih dan ang bawkin,Israel sipaiah atanga, Israel Sipaia hian Intelligent Crops –ah atang nghe nghe ani.ahna tur ang hotuten an pek reng reng tha taka ahlen thin bakah,a hunawl neih chang apiangin Arab ram hrang hrang inrelbawl dan leh an History te a chhiar melh melh thina,Muslim ho khawsak phung,an in enkawl dan leh an inrelbawl dan te,ram an khaihhruai dante chu tui ti taka a chhiar thin bakah,nakinah University a zir hunah a subject lak chak pakhat anih avangin,hun remchang chuhin,hun remchang hmang tangkaiin Middle East History chu a chhiar melh melh thin ani.

Kum hnih zet Israel sipaia a tan hnuah,zirna sang zawk chhunzawm turin London lam apan ta a.Entrance Tset-ah tha taka in ziak tlingin awlsam takin London University Student ni tura pawm a ni a, a lawm em em maia,University atanga hla lo thei ang bera Apartment luahin a khawsa ta ngal a,Israel Sipaia a tan lain Intelligent Crops tan avangin EL AL Company-ah pawh awlsam takin ‘part time’hna ahmu nhgal maia,chu chuan amah leh a mah a in chawm zo der mai nge nghe ani.
Mira Alon_i London khawpuia a Apartment luah atanga a chhuah chuan ruah chu aphingphisiai deuh reng a,huh loh nan tiin nihliap apawt phar a, akhum a,tichuan ka a kal phak lek a nih avangin London University lam pan chuan phur takin a kal a.He mi ni hian Mira-I chu aphur hle maia,avang leh a chan chu,London University a zirna atan ni,ani hmasaber anih avang leh a zir chak em em thin Middle East History Subject an zir dawn ni anih avang a ni a.Tin akum 21 tlin Birth Day a ni nghe nghe a,anu leh paten Israel atangin Telephone-in lawmna thu(MAZAL TOV) an rawn sawi mawlh mawlha,tin EL AL a athawpui thian te pawhin a lawmpui nan pangpar an pe nual bawk a,Mira Alon-I tan chuan,hmalam hun a thiang tahin,a en hian aeng un mai ani ber e.

London University Student rualte chu University lam panin a luan hian an rawn luang dem deme maw tih mai tur hian an rawn tam a,mahni zirna tur Class room-ah an lut nghal sang sang zel bawk .Mira-I chuan student dang tam tak ang thovin,tumah thian aneih lova,hmel hriat pawh anei hek lo.class room alut hmasa apiangon mahni duhna thutthlengah an thu mai a,chu class room a thu va,a zirpui turte chu British mi dik tak,an hnam inthuam dik taka inthuam te,Asia khawmual pui atanga zirlai hmel danglam tak takte bakah,Arab thalai rualte an nia,class room lut hmasaber pawl anih avangin,thutna a in remfel hnuh,a zir pui turte chu ahmelhriat an awm leh awmloh en pahin a lo thlir kual zeal,chutah,tlangval ngo lem lo tak,mahse pian nalh leh in phut mawl tak si,sam dum hlap mai rawn lut chu chu mira-I chuan ngun takin a lo en a,a thinlunga nghing luih hian a hria a,mahse a en reng ngam bik lova,Lecture-in Lecture a pek chhung zawng chuan mira-I chuan chu tlangval chu a melh leh zauh thin a,a aw atangin British aw phawi dik tak a hman avangin London khawpuia piang leh seilian anih a rin theih nghe nghe ani.
Break-ah chuan zirlai zawng zawng deuh thawin Cafeteria-ah kalin Coffee an lama,Mira-I pawhin Cafetaria lam panin coffee a lam a,thutna awl a hmuh hmasakna berah thut hmun a rema .thutthleng dang,abula awl awmah chuan abag a daha,zirlai zi nuai nuai athlir lai chuan athin khawih zak tu tlangval chu abulah rawn kal hnaiin cake leh coffee a kut khinghnih a dawm chung chuan mira-I hnenah chau,”ka lo thi ve thei a ngem?”tiin polite takin a rawn zawta,mira-I chuan”thei the reng e a..”tiin alo chhangin,thutthleng ruaka bag dah dah chu a la kiang vata,a zirpui tlangval chu athu ve ta a,chu tlangval chuan ahming sawi pahin a hming a zawt let ve nghal a.

“Ka hming chu chu Ali-a ani a,nang khawi lam atanga rawn kal nge I nih le”,tiin a polite tak nui deuh sang chuan ahming ahrilh leh hnu chuan chu tlangval chuan .”Arab tlangval ka ni si a,apawi I tie m?”tiin a zawt leh nghal thuai a,mira-I chuan tih ngaihna dang hre hek lo.”pawi ti lo ve”tiin a chhang a.Ali-a chaun,”kei pawh Israel nula ka hmel hriat che hi pawi ka ti reng reng lo”tiin zawi sapin a sawi a.
Cafetaria bul hnai lawka thu an nih avangin mira-I chua Ali-a thusawi chu a hre chhiang thei meuh lo va,a chhan chu zirlai thawm anata, an bengchhen em vang ani.Tichhuan,fal deuh zawka thutna awl la ruakah chuan an in sawn phei dun ta nghe nghe a.

Ali:”Engtia rei nge London-ah hian I awm tawh?”
Mira-i:”thla thum”
Ali :nuam I tie m?
Mira-I: Tehreng mai
Ali: kei chu London khua piang leh seilian hi ka ni a,”ti ahrilin anu leh pate pian hmaa Saudi Arabia atanga London an pem thute a hrilhin, apa chu sumdawng hausa,Petroleum lama sumdawngna bei,Saudia Arabia lal chhungkhat hnai a nih thute thlenga hrilhin a ti ti bawrh bawrh a,mira-I chuan bgawi rengin a ngaithla a.
Break aral chuan Class room chhungah chuan an lut leh nghal thuai a,mira-I chuan Lecture uluk taka ngaithlak a tum hram hrama.mahse atum ang chuan a rilru a pe thei meuh lo va.Class banah chuan Ali chu a hmalama thu a nih avangin a chhuak hmasa a,a hnung lama thu,ahnu lama rawn chhuak mira-I chu pawnah a lo nghak a,”Zaninah Concert ropui tak mai a awm a dawn a,Ticket leisa pahnih la nei nghe nghe a,va en dun ang hmiang,ka rualin I kal ve duh a ngem?” tiin Ali chaun alo zat a,chu Concert chu Mira-i chuan tleirawl lai atanga a lo hriat tawh,en chak em em thin a ni a,mahse Ticket man ato em avangin a en ngam ngai lova,chutia a University zirpuiin a ‘khilai’ dawn thu a hriat chuan hnial hman lovin.”ka lawm ngawt ang”tiin a chhang ta hial a

Concert ropui en tur chuan Mira-I chuan a thawmhnaw neih mawi leh nalh ber ber ha in mawi takin a incheia, amawi tawk chauh chauhvin powder leh hnawisen a in hnawih a,darthalangah ain en a,tlangval tan chuan kalpui zahpuiawm loh ve tawk tak in a in hre nghe nghea,tin,Alia pawh chu an hun tiam ang dar chiah chiahah chuan Punctual tak main a rawn thlenga,tichuan concert en tur chhuan Alia car mawi tak mai chuan an in khalh phei dun ta a,mira-I chu motor lamah experience nei ni lo mahse,a chhuanna Alia car chu car man to ber ber chi,mi naranin an neih zawh loh a nih a hre thei maia,arukin a khi ven ven awm e.
Cinema chu a man to to a hnung lamah a awm thina.concert erawh chu aman to apiang hma lamah an awm thunga,Ali-a pawh mi hausa fapa a ni bawk a,Ticket a lei to bawk a,tlar hmasa lamah hmun an chang a,Mira-I chuan nuam ati veng veng ngei mai !! a bula hnai seta thu,Ali-a in metfai zo,rimtui inchulh rim nam veng veng chuan ahnar a verhin arimtui a ti a,chutih laia hla deuh atanga nula dang ten thik en a rawn en an awm ni a ahriatna te chuan ati hlim zula a,nula naran chhuahpui theih loh sumdawng hausa fapa a chhuahpui a ni sia!!! Chu chhapah, hun rei tak chhung, a duhthusam ,hmel leh pian leh miziaah pawh a duhthu sam,nei taka a kawm lohna a rei tawh a,vannei a inti kher mai!!!

Concert zawh hnu chuan Ali-a chuan Italy Restaurant chankang takah zanriah chaw kilpuiin an chhungkaw chachin tlem a zawng a hrilh a,an in London hmar lama awm,huan zau takin a hual thu te a hrilh mial miala,mira-I chachin a zawh tam loh avangin mira-I chu a lawm ru hle a,Ali-a chu tawngtam zawk she a duh ani
Hun rei pawh a la ni lo tih chuan,mira-I chuan atawhna EL AL a officer chu biain,Arab tlangval nen an in kawm ngeih thute,lekha an zir dun thute a hrilh a,EL AL officer chuan,”min hrlh chu I ti tha e,amaherawh chu,chu arab tlangval nen chuan in inkawm chho dun zel dawn anih chuan EL AL Company a I hna hi a bansan a ngai dawn a nih hmel” tiin awmze nei takin a hrilh a, a Warning a tih theih awm e.
Mira-I chuan a hna hial pawh chan thei dinhmunah adin tih hre reng chungin,Ali-a chu a kawm serh phah thei ta tlat lo mai a,lekha an zir duna,Exam huna chhuak tur awm pawimawhte sawi dunin an bih dun a,thlaiah restaurant lamah zanriah chaw eiin an chhuak dun a,an in kawm ngeia a,an in nelh tulh tulh a,inhmu lovin an awm lo theih lo ani ta berm au.kar tawp lamahte chuan week end hmangin Ali chuan thiangkar nuam leh thengthaw takah te hun hmang turin a hruai thin a,krismass chawlh phei chuan Paris khawpui a tlawhpui hial nghe nghe a,mira-I tan chuan ‘sekibuhchhuak’ani ngawt awm e,nge ni ‘duh duh herchhhuahna; kan ti zawk dawn?
Arab tlangval Ali nena an in kawp chhoh zel avang chuan EL AL Companya a a ‘part time’ hna pawh chu a bansan lo thei ta lo va,a bansan chhante chu Ali-a chu kimchang takin Mira-I chuan a hrilh a.Alia chuan amah avanga a hna a chanta chu pawiti awm takin a hnem a,mahse mira-I chuan inti nutling takin,’pawi lo ve,hna dang ka hmu ve leh mai ang’tiin Ali-a pawi tih hmel chu a hnem let vet hung ani,
Hlim leh am takin dam lai nun an chen dun a,an in ngai a,an in thlahlel a,inhmu lovin nikhat pawh awm har an ti dun ta!!Mahse,an hmalam hun tur engmah an sawi dun ngai lo thung,a chhan chu mira-I chuan an innei thei dawn chuang lo tih a hre chiang em em a,a chhungten an remti thei dawn chhuang lo,hmangaihna avanga liau liaua hrethiamin phalsak pawh nise,Ali-a chhungten monu atan an pawm duh ngai dawn chhuang hek lo.chu chu an hriatchhian dun em avangin an hmalam hun tur an sawi dun ngai lo ani.
Tum khat chu tlai ni nema an len dunnaah Ali-a zawk chuan fiamthu titih hian,”ka nu leh pa ten nupui tur min hual sak tawh a,Arab nula a ni nghe nghe a”tia hrilhin a la thu tak lo tih hriat nan anui kur kur a,chutah Ali-a chuan”kan ni tih hi I chhungte I hrilh taw hem?” tiin a zawt bawka.mira-I chuan,”teuh nang le,hria se chu min that duh hial ang”tiin a nui let kar kara
Kum chanve zet an inzui hnu chuan,anmahni pualin Apartment an luah dun chu ani ta reng mai a,chu an Apartment luahah chuan an pahnih chauhva cheng dunin nupa ang chiah chiahin an awm a ni ta reng mai bawka,achangin an zirpui thiante chaw ei ahte sawmin party te an throwa,tuma mitmei veng tawh lovin an khawsa dun ta a.

Ali-a chu apa thachang dawltu a nih avangin a pa sumdawnna thila lekha pawimawh hian chhawng turin Arab ram hrang hrangah nihnih khat a zin chhuak fo thin a,chu mi kar tih loh chu awmhran ni an nei ngai ta lo.
Thla tam an la awm dun lo tihah,an rin phak ngai lo,an beisei lo,an tum pawh ni chuan a rawn barakhaih ta!!!mira-I cu a RAI ta tlat mai a,Ali-a fa a pai ta tlat mai le!!!Engtiangin nge an tih tak ang?

Kawng dang a awm tawh thlawt a ahriat loh avangin leh Ali-a chu PA a lo nih ve dawn tak avanga a lawm ringin,a nu leh apa te pawhin an lawmpui ringin Mira-I chuan Ali-a hnenah chuan,a chhungte hrilh mai tur leh inneih remti tura ngen turin a nawr lo thei ta lova.Ali-a chuan an remti ngai dawn lo tih a hriatlawk avangin pehhelna a zawng hram hram zeal,chhuanlam eng eng emaw a siam zel thin,mahse mira-I in a nawr nasat em avang in “atha e,ka hrilh “ a ti ve thei ta

Kawng dang a awm tawh thlawt a ahriat loh avangin leh Ali-a chu PA a lo nih ve dawn tak avanga a lawm ringin,a nu leh apa te pawhin an lawmpui ringin Mira-I chuan Ali-a hnenah chuan,a chhungte hrilh mai tur leh inneih remti tura ngen turin a nawr lo thei ta lova.Ali-a chuan an remti ngai dawn lo tih a hriatlawk avangin pehhelna a zawng hram hram zeal,chhuanlam eng eng emaw a siam zel thin,mahse mira-I in a nawr nasat em avang in “atha e,ka hrilh “ a ti ve thei ta
Ni engemaw zat Ali-a chu Mira-I nena Apartment luah dunah chuan a rawn haw ta hauh lo maia,Class pawh a rawn kal ta bawk silova,mira-I chuan a ngaih a tha lo tan ta hle maia,a pa tirah Arab ram hrang hranga a zin chhuak dawn anih pawh a chanchin,a zinna tur ram,a zin hun chhung tur, arawn haw leh hun turn en lam a hrilh thin ani si a,tuntum chu engmah hrilh lovin,a khuangcherbo ta daih mai si a ni,mira-I tan chuan mangang loh chi ziazang a ni lo

Ni alo chhuaka,atla leha,alo chhuak leha.atla leh zel thina,mahse,ali-a chuan a rawn phone lova.mira-in a phone pawhin ali-a mobile phone chu a in off ta reng mai sia.,atawp a tawpah chuan,alia-a pa telephone no. ahmu chhuak a,intipachhang takin a phone pawp ta chawt a
Mira-i:hello,mira-I ka nia”
Alia pa:e.nangmah hi em ni rai chu
Mira-i:aw
Ali-a pa:ka office-ah min rawn hmu turin I rawn kal thei a ngem?thil pawimawh tak hrilh tur che ka nei thlat mai
Mira-I engtikah nge ka rawn kal ang,engtikaah nge hun I neih?
Ali-a pa:tunah pawh i duh chuan i rawn kal ngal thei ang

Mirai-i chuan ali-a pa address ta alak fel hnu chuan,taxi lain a tlan ta vang vang a,office a thlen chuan a secretary chuan a boss pa office chhungah chuan luhtir thuai a,ali-a pa chu pate leh hniam lam deuh,sam tuak var vo tawh hi ani a,ngun taka alo en hnu chuan thu turin thutna a kawhhmuh a,mira-i chu inthlahrung hmel takin a thu kun dak a,chutah dak chhhuakin office bang veu thlirin amit a len kual a,alia a thlalak intar kalh mai pawh a hmu thei a,chu thlalak chu puandum hian a frame angin a hual nghe nghe a.

Ali-a pa: he laia rawn kal tura ka tibuai che avangin pawi ka ti khawp mai,mahse,hmaichhan ngeia thil sawi dun ka duh a,a chhan chu thil pawimawh tak hrilh tur che ka neih vang a nia"
a aw a han thian te te a,chutah chhunzawm leh in
"Ali-a chu kar hmasa khan saudi arabia lama ka sumdawnna thilah ka tir a,vanduai thlak tak maiin arawn haw lam tur,airport pana an tlan lai chu a chesual a,accident-in a boral ta ani"!!!

Mira-i chuan a auchhuak mai ang tih inhlauh thawngin a kutin a ka ahup vat a,a mengphawk awn awn a,chutah ali-a pa chuan arab chanchinbu atanga chehthlak hi phawrchhuakin.arabic i chhiar thiam em? tiin a zawt a
mira-i :aw
Ali-a pa:hei hi saudia arabia chhanchin phek lar ber pakhata ali-a accident chanchin an ziahna anih hi"
Mira-i chuan chu chanchin phek chehthlak che enin,mittui parawl kuang chungin a chhiar a

"Ali-a rizak,,kum 28 mi chu nimin khan airport lam pana a tlan lai motor dang nen insuin accident ah a boral ta ani.ali-a hi british khua leh tui citizenship nei niin a pa sumdawnna buaipuia saudia arabia rawn zin a nia,tunah hian police hovin accident thlen chhan an chhui mek ani?

mira-i mittui chu dan rual lohvin a tla zawih zawih a,a hnar atangin hnap tuifim a rawn chhuak zawih zawih bawk a,lungchhe taka a in hnit hlawp hlawp lai chuan

Ali-a pa: "ka nupui nen saudia arabia ram chu kan pan be nghal thuai a,ali-a ruang chu he ta rawn hawn lovin,khutah kan chhung leh khat hnaite thlan bulah kan phum ve ta ngala,keini pawh nimin khan kan rawn thleng chho ve leh chia ani"

Aira-i tan chuan chu office room chu a rim chhia a,alum up up a.boruak tha lo awmin ahria a,ali-a pa mit chu ngam leh ngam lovin,chiang em em siin a melh a,lungchhitna te.lungngaihna te,sunna te,pawitihnate hmun an chang lo tih mira-i chuan a hmu thei a,chu ai mah chuan,thinrimna mitmeng Alia-a pa mitah chuan a hmu ani
Engemaw chen an ngawih dun vang vang hnu chuan.
Mira-I :(thinrim teuh chung hian)”I fapa afa ka pai lai chanchin pawh hi engmah min zawt dawn lo mawh?”
Ali-a pa: “ka fapa a fa a ni lo,nangma fa liau liau ani e”
Hetia Ali-a pain afapa a fa paitu mira-I a chan zawh hian a pawisa ip phawrin pawi ‘Tlip’ khat hi mira-I kutah chuan hum tiring,”Hei hi I mamawh ang anga I hmanah”tiin a pe a.Mahse,mira-I thinrim tawpkhawk chuan “ka mamawh lo” ti ahnialin,”min lo va han hmusit em em ve”tih vin thuai pahin a thutna atang chuan a tho va,Ali-a pa office chu thinrim deuhvin a chhuahsan ta a.

Pawn chu a vawt vur mai a,thli a thaw vuk vuk a, chum a zing chuai chuai bawk a,Taxi lain an Apartment lam panin tap chungin in chhung a lut a,ava han khawhar thlakin,lung a va leng take m!!Ali-a nena an luah dun Apartment chhung en chuan a mit a len kual a,Ali-a zirlaibu leh athawmhnawte chu an awm dan ngai ngaiin khawhar hmel takin an let bam maia,an pahninha lungchimte a chham ang an zalna laikhum,thlehnempuan an in zawn dunna leh damlai pialral an an chantirna khumte chu a melh a,mittui tla zawih zawihin mira-I chu lungche em emin atapchhuak ta hawm hawm mai ani
Hun leh nite chu her liam thin mahse,Ali-a a ngaihna chu a herliam ve thei si lo, angai ngawi ngawi a,maseh tawn leh ni reng a awm tawh dawn si lo!a tan hnem tu an awm si lo.chhum zing dum khuih khuihin a kalna tur kawng a tithim ang maiin,Mira-i chuan ahmalam hun chu athim hlein a hria a,beidawn thlak pawh ati a,chhunah angaituna ah Ali-a lo chu a awm thei lova,zan a mut pawh in Ali-a lo chu tawnmangah a tawng ngai lo."Tawnmangah puan ang ka pawm che,mahse haiang thangin i awm si lo"tiin a tap zawih zawih zel a,a tan hnemtu an awm si lo.
Chhum zing dum khuih khuihin a kalna tur kawng a tithim ang maiin,mira-i chuan a hmalam hun chu a thim hlein a hria a,beidawn thlak pawh a ti a,chhunah a ngaihtuahnaah Ali-a lo chu a awm thei lova,zan amut awhin Ali-a lo chu atawnmangah puan ang ka pawm che,mahse haiang thangin I awm si lo,tiin a tap zawih zawih zela.

Amaherawh,kan hriat tawh angin,nula tumruh,University zirlai,Israel sipaiah pawh tangchhuak tawh a ni a,Fam a ngaih Ali-a chu zui tura a nun tihtawp a tum hauh lova,Ali-a atanga a rochhun ,afapa chu dam taka hrin a,chawm seilen a lo duh ta zawk a,chu mi rilru pu chuan a inngaituah harh a,Ali-a nena an in luah Apartment zau lian tak chu chhuahsanin London khua daifema Apartment te reuhte tlawm zawk a luah turin a insawn ta nghe nghe a.
Loh theih lohna avangin Mira-I chu a intihuaisen a, anu leh pate chu Phone hmangin a chanchin ahrilh ta vek a,Ali-a fa a pai chungchangte,aboral thu te,Ahmangaih thute mittui tla pur chungin aw tham chhalin a nu leh pate chu a hrilha,”ka hmangaih asin,aw ka va han hmangaih tak em!!”a ti vawng vawng nghe nghe a.
A nu leh pate chuan zawhna tam zawh chi a mi lo tih hriain atuk lawkah chuan an nupain an fanu hmangaih lungngai leh lungche taka awm chu panin London-ah chuan an thlawk chhhuak nghala.Mira-I chuan anu leh pate hnenah lekkha zir chhunzawn theih dawn loh thu leh afapa chu enkawl a enkawl a ngaih dawn thute ahrilh a,mahseh,anu chuan, “Mamte,pawiti reng reng suh,lehkha chu I zir chhunzawm zel anga,keiin I fa chu ka lo enkawl dawn a lawm”ti a hnemin afanu lu chu a chhul hauh hauh a,a pa pawhin a hnem bawka
Tichuan,thlakua zet a pai hnuah Mira-I chuan afapa a hring ta a,ahminh atan apa hming ang thuak leh hnaih bera a hriat,Hebrew hming ‘ILEM’ tih a sa a, anu chuan thla engemaw chen a awmpuia,a tupa a enkawl hnuah,afanu mira-in a zirlai a chhunzawm zel theih nan nauawmtu a lak sak a, ahlawh tur pawh a man a pek sak vek nghe nghe a,a nu leh pate zarah liau liau mira-I chuan lekha a zir chhhunzawm theih phaha.”in lo van hlu em,chun leh zuate u” tiin a zai vawng vawng thin
Mira-I chuan a fapa chu a hmangaih a, duat theih ang berin a enkawl a, ahun awl neih apianga a len chhuahpui a, a infiampui a,thil a zir tir a,fapa puitling taka a siam chhoh a tum ani.Chumi avang chuan amah pawhin tum ruhna a neih phah a, alehkhazirah thahnemngai takin a zir tang tanga, alo hlawhtlin hunah a fapa Ilem-a tan a la tha dawn tih a hria ani.
Hun lej kumte an lo inher liam zel a,Ilem-a pawh a lo thanglian chho ve zeal,naupang tualchai rual a lo ni cho ve ta.A nu mira-I pawh la naupang tak anih avangin leh University zirlai a nih avangin ainchei thiam bawk a.tlangval tam takin an beisei thin a,”Nuthlawi mah ni la ka iai lo che”titu pawh a tawng nual awm e.Mahseh Mira-I chuam Ali-a ang mipa a tawn a inrin tawh loh avangin tlangval tawngkam nalah chuan tawlhthluk atum lova,arilru leh a ngaituahna zawng zawng chu afapa Ilem-a leh a ztrlaiah a dah tlat a,chuvangin MA tha takin a a zofel ta der mai.

Mira-I hian University-a Library-ah hna a hmuh hlauh avangin a lekha zir chhung zawng hian harsa lutuk a awm lovin,nu leh pa chawmhlawm ni lovin a khawsak theih phah a,afapa pawh sikul a kal tir ve daih tawh a



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)