ISRAEL SECRET SERVICE : MOSSAD SPY MIRA-I LEH A HMANGAI ARAB TLANGVAL

Hnuchhuina lampang chi ho
HLalthazuala
Posts: 142
Joined: March 19th, 2018, 6:51 pm

ISRAEL SECRET SERVICE : MOSSAD SPY MIRA-I LEH A HMANGAI ARAB TLANGVAL

Unread post by HLalthazuala » May 12th, 2018, 3:00 pm

SOURCE : ZOZION

CHAPTER 2 : MOSSAD SPY MIRA-I LEH A HMANGAI ARAB TLANGVAL
*********************************************

Ilem-a chuan apa chu motor accident-ah boral tih bak engmah a chanchin hriat anei lo va,achhan chu anu hian engmah hrilh tula a hriat loh avang ani,eng hnam nge?eng sakhua nge bia nge?tute nge a pa lam api leh pute?Ilem-a chuan engmah hriat anei lova,apa thalak tak ngial pawh a hmu ngai hek lo
M.A zova Doctorate degree a zawh leh hnu chuan Mira-I chu a zirna University chuan Lecturer turin an sawm nghal nghe nghea, achhan chu tawng hrang hrang thiam a nih mai bakah. Azirlai ahnehsawh em avangin thangtharte zirtirtu ni thlakah an ngai ani.Tichuan, Mira-I pawhin hlawh tam zawk hlawhin,akhawsak nuam leh changkang zawkin a khawsa cho thei ta a,afapa pawh school thaah akal tir chho zel a,tunah chuan Ilem-a pawh a lo tleirawl a lo ni chho ve ta reng mai!!!
London khawpui University tha a Lecturer hna,kum engemaw chen a thawh hnu chuan,Mira-I chuan ISRAEL ram a ngai ta thlat mai a,”Kan ramah nei ka thawh tawk hna a awm lawm ni?”tiin Tel Aviv University_ah Lecturer hn a dil ta hial nghe nghe a,
Personal Interview neia Tel Aviv atang a haw lam chu mipakhat hian a mobile phone-ah a rawn bia a,ahmuh duh thu leh,atiti pui duh thu a rawn sawi a.
Mira-I :“Tunge I nih a,eng lam chhung chang nge min sawi pui duh a?”
A rawn phone tupa: “Telephone atangin thil chhiang takin ka sawi theih lo,hmaichhana kan inhmuh a kan in biak a ngai”
Mira-i:”ka tui zawng anih loh chu,ka lawm e Bye” a mobile phone chu a off a
A tuka interview dang nei a Tel Aviv University atanga arawn chhuak leh chhiah chu pa pakhat hian arawn pan hnai a,”Miss Alon,I dam mawh?” tia rawn chibaiin,”Nimina phone a rawn be tu che kha ka nia,ka rawn thawngthut che avangin ka in thiam lo hle mai.Amaerawhchu.thil pawimawh ani si a,Minutes engemaw zat lek tal I hun hlu min pe thei angem?”a rawn ti a
Mira-I chuan hnial chi ni a a hriat loh bakah,hlauhthawnawm mi ni a ahriat loh avangin Coffee inpaha ti ti dun chu aremti ta a,tichuan ,Tel Aviv University Cafeteria-ah chuan lutin,kil khatah an thu dunin,an ti ti ta a.
Pa pakhat:”Israel Prime Minister Office atang a rawn kal ka ni a,kan thupuiah lut nghal rawih mai ila,kan tan hna I thawk duh angem”?
Mira-i:”University a hnathawk lai nei ka ni a lawm”
Pa Pakhat:”London Universty a Lecturer ni lai I ni tih kan hria a lawm,tin,Israel ram a I rawn haw leh duh rawh avangin tunah hian Tel Aviv University a rawn thawh I dil mek tih pawh kan hria”
Mira-i:”I hre dik e,tunah hian Tel Aviv University a Lecturer hna chu ka di ngei a lawm”
Pa Pakhat:”Mahse,pawm I nih leh nih loh I la hre lo ti rawh?”
Mira-I:”Aw,ka la hre hrih lo”
Pa Pakhat:”Tunah hian hna,hna I la thawh ngaina miah loh,hna dang daih I tawh awm chi tak kan nei a,chu chu I duh takin tiin ka rawn zawt che a”
Mira-i:”Eng hna maw?”
Pa pakhat:”Ram leh hnam tana thawh chi hna,zep lovin sawi ta phawng ila,MOSSAD lam hna”
Mira-I chu a nui suk a,athu hriat chuan aphawk em vang ani pakhat a,tin,kum tam tak University-ah Lecturer hna alo thawk tawh a,Hnadang,nuam si,hlawh tam si thawh pawh a pawi ti lo ve tawh reng reng a.
Mira-i:”Kei kher min rawn sawm chu mak ka tih hle mai”
Pa pakhat:”Enga ti maw?”
Mira-i:”Chu tiang thawk chi ka ni loving”
Zawi sapa a sawi hnu chuan,inthlahrung takin:
“Ka thleirawl laiin Arab tlangval nen kan in ngaizawng a,a lak atang chuan fapa pawh ka nei nghe nghe Arab tlangval nen kan in ngaihzawng avangin EL AL Company a ka hna pawh ka bansan phah ani si a”tiin inthlahrung takin a sawi a”.
Pa pakhat:”Kan hria e,I chanchin hi EL AL I thawhlai atang khan kan hre tawh a lawm”
Mira-i:”A nih leh Arab tlangval nena kan in ngaihzawn chuan in hna chu a tibuai lo ang maw?”
Pa pakhat:”Tunah hian Arab tlangval nen in inngaihzawn leh a nih chuan,chu chu min ti buai ngei ang.mahse,hman lai thil,I tleirawl laia mi chauh a nih chuan,chu chuan engmah buaina min siam lo vang”
Mira-i:”Ka tleirawl nulat lain Arab tlangval nen kan in ngaizawng a,ani chu motor accident-ah a boral a,chu mi bak chu Arab tlangval ka hnim hnai ngai tawh lo,kan University a zirlai thenkhat,ka zirtirnaah an tel ve tih chauh lo chu”
Pa pakhat:”Ali Razen-a nenna in inkar chu hmanlai an chang tawh a,kan tan huat tur leh ngaih pawimawh tur engmah a awm lo.Tuna kan hna pek tum che thawk tura kan duhna chhan che hi hria em?”
Mira-i:”Aih hre hauh lo”
Pa pakhat:”A chhan chu English I painpui tawng ang in I thiam a,Arabic pawh ram hrang hrang aw phawi hmangin I tawng thei a,Middle East leh Arab ram hrang hrang chanchin,’ka kut phah’tih khawpin I hre chiang bawk a,mi thil chhut mi,mi fing,piangphungah pawh rual ban,thothang tha I bawk a,heng zawng zawng hi kan duhna chhan che chu ani”
Mira-i:”Tunah hian ka fapa chu Israel sipaiah atan ahun hnai tawh a,abula ka awm a ngai a lawm,ka kal bo san thei nang”
Pa pakhat:”I fapa Israel sipai tang tur chu a tul hun hun a ihmuh thei ang,engmah harsatna a awm lo vang”
Mira-i:”Engpawh nise,tunah mai chuan thuthlukna ka siam mai thei lo va,’AW’ emawh “AIH’ emawh ka chhang thei lo che,ka inngaituah phawt a ngai ang”
Pa pakhat:”Beserder Ein Bayia(atha e, harsatna a awm lo ve) kan nghak ang che’AW’ tia chhanna kan bei sei bawk ang”
Chanchin in hrilh leh thuai turin an in kalsan ta a.Mira-I pawh ahna chhunzawm turin London lamah akir leh ta hrih a
Israel sipai tan ahun hnai tih chuan Ilem-a chuan Israel ram a pan a,a pi leh pute inah khawsain hlim takin an awm hova,a nu nen pawh Telephone hmangin an in be reng bawk a.Thil pawimawh tih tur a neih avang a Israel ram a rawn zin dawn thu a nun a hrilh phei chuan Ilem-a chu a hlim hle a
A nu chu Ben Gurion Airport-ah ava hmuak a,an in hmuh lohna la rei lo mahse,an in ngaih em avang in Ilem-a chuan anu chu a kuah ngawih ngawih a,a pawm vawng vawng mai ani.
Ilem-a:”Nu engtia rei nge Israel-ah I cham thei?”
Mira-i:”Hun rei tak pawh ka awm mai thei e”
Ilem-a:”A that nasat chu,Israel Sipaia ka luh ni-ah BAKUM thleng min va thlah thei dawn a ni maw?”
Mira-i:”Loh theih nang”
An inen a,an nui dun var vara,Mira-I nu leh pate in lam pan chuan Ilem-a chuan a pi leh pute Car chuan anu chu aphur a,an tlan vang vang a,In an va thlen chuan an in chibai hlawm a,apa chuan”E nge Tel Aviv University a I hna dil chhungchang kha le?
A lo ti thuai a,Mira-I chuan chhanna an la pek loh thu a chhangin,a pa bawk chuan,”Israel rama in lo awm dawn anih chuan,IN thar te pawh in lei ve a ngai dawn a,Mahse lungngaih tur a a awm lo va,kan theih tawpin kan pui ang che u”tiin a hrilh suah suah a,Mira-I chuan Bank-ah Saving a sum a dah thute a hrilhin,anu leh pate chu an puih a ngaih a rin loh thu in a chhang a
Zanriah chaw an ei kham chuan Mira-I chuan a fapa mal neihchhun,Ilem-a hnenah chuan room chhunga a mah chauhva biak aduh thu a hrilh a,Tichuanan nu fa chuan tuman hriat ve lohvin an ti ti dun ta a.
Mira-i:”Mama.bawihte,rawn che ka duh a”
Ilem-a chuan a nu chu phawk takin a melh khawk a
Mira-i:”Mossad-ah thawk turin min sawm a,enge I ngaihdan?
I lem-a:”Uauuu!!!!!. A va ropui em!! Chu chu inchawimawina ropui tak anih cu,ka nu!!”
Mira-i:”Ka rem tih dawn tihna em ni?”
Ilem-a:”Tehreng e a,Mossad a thawk tur chuan mi Special chauh an thlang asin!!,Mossad-a thawk tura thlan I nih chuan mi Sepicial tak I ni tihna a ni chu!!”
Mira-i:” Mahse,Mossad-a ka thawh chuan,kan in hmu zen zen thei lo mai thei asin”
Ilem-a:”Nu ,lungngai duh mah ta che,naupangchhia ka ni tawh hlei hnem,chu lo rengah Israel Sipai a kan tang daih dawn a lawm,ka rawn haw zauh zauh theih dawn lehnghal a”
Mira-I chuan a fapa Ilem-a an Mossad-a tang tura duhna chu lawmawm a ti a,tang ngei turin a rilru a siam fel ta.

Mossad Spy a tang tur chuan Mira-I chu a in buatsaih ta a,Traning pawh an tan nghal mai reng a,An traning dan chuan Mira-I nun chu a khawih danglam hneh ngei mai!!!
Tunhma chuan aduh duhna hmunah a zalen takin in a a kal thin a,a duh duh akawm thiang a,a duh duh a sawi thei a,Mossad a aluh hnu atang chuan sawi thiang chin leh chi loh te,kawm chi leh chi loh te tuk a lo ni chho ta a,nikhatah darkar tam tak an Traning a,a chang chuan zan pawh mu mumal hman loh khawpin Traning chu an urhsun a,a chang chuan IN pakhatah,tuma hmuh loh turtein an tawmbo thin.
An Traningna –ah hian tul huna insula dan,in khawih nat dan,invent dan hrang hrang bakah,aruka lekha ziah dante,hmuh theih loh anga lang si chhiar dan te,Map en thiam dan te,a tul anih chuan Bomb hial kam a,thpuah dante an zir vek a,tin Pistol hmandan,hnai deuhva kah,tlan chunga kah,vanduai palha hmelmaten an man pawha an dawpna in puan mai loh dan,tlan chhuah dan,zurui laka bik boh dan etc…an zir a,an zir ngawrh em em bawk a,tin,Mossad a thawk a ni tih tumahin an hre tur a ni lo tih chu a rilrua awm reng tur ani bawk.
Mossad-a an Traning chhung chuan kum khat zet a awh a,hemi chhung hian ‘hlawh’pawh zahpuiawm lo tak a dawng a,an Traning zawhah,eng hna pawh pein,eng Mission pawh ti dawn se la, a tlin ngei a ni tih uluk taka fiahna nei leh thlap a,tichuan Test na,enchhinna engkim tling taka a zawh hnu chuan,hotute chuan kut thinga na taka hum chunga chibaiin,atlin thu leh ram leh hnam tana a thil tihna tur leh a fehchhuahna tur kawng engkim ahlawhtling tur a ‘Duhsakna’an hlan a,tichuan Mira Alon-I chu MOSSAD SPY SPECIAL FORCE ISRAEL-ah a tling ta ani.
Mossad spy-a a tling tih hianu leh pa leh afapa chu hrilh an phalsak avangin Mira-ipawh chuan a nu leh a pa leh afapa chu hrilh thuai thuai a,afapa Ilem-a lawm lutuk chu abiangah lawm avangin mittui arawn luang ngiai ngiai hial a,”Nu,nu rinthlak nu special ka neih tih hi ka hre daih tawh reng ani”tiin a nu chu a chhuan thu a hrilh a,A pa erawh chuan Fimkhur em em turin a chah thung a.

Girland Stiurat chu JUDA chhungkua atanga seilian niin London veng pakhat,Juda ho awm tamna venga khawsa a ni a,Lekhabu dawr a thawk niin kum engemaw chen pasal neih duh a,a kawppui tur awm mi lo melh ru ve reng tawh ani nghe nghe a,kum 39 mi anihin,an thenawmte rawn tlawha Israel ram atanga rawn zin Juda tlangval pakhat nen chuan inhmelhriatin,an lo in hmangaih chho ta a,rei pawh rial lova inneiin Israel ramah a pasal chu a zui chho ta nghal nghe nghe,tichuanm,Netanya khuaah an awm duna,nupa nun hlim takin an awm chho dun ani
Girland Stiural hian London atanga Israel a kal tum hian a passport chu Mossad Spy ten an Xerox ru tih reng reng a hre hauh lo va,tin,a Passport hmang chuan Mira-I chuan Mossad hmingin ram leh hnam tan a che dawn tih pawh a hre hek lo.
Girland Stiural leh Mira-I hi an in ang em em mai renga,an kum a in zat a,an san zawng a in chen a,an sam rawng a in ang bawk a,tichuan,hmel in ang em em mahse,Passport a thlalak dik tak an hmang a,a dang zawng chu Girland Stiural-I nihna vek ani thung
Chu Passport an pek tum chuan Mira-I chuan hotute hnenah,”He Passport hman hi a him chiah ang mawh?”ti a zawtin a rilruah,hman ni lawka Dubai a Khamas Terrorist an thah avanga Passport lem hmang enge maw zat an man kha a ngaituah chhuak a,mahse hotute chuan,”Him dawn lo se kan hman tir hauh lo vang chu,Mira”an tih hnu chuan,an tirh tirhnaa ke pen chhuak turin Mira-a chu a in peih ta at mai ani.
A enchhin nan Mira-I chu London-ah an thlawh thlak tir a,ama puala IN an luahsakah chuan va thlengin,London a Mossad hmunpui,ram pawna Mossad ho chetna tura thuneitu te an va kawm tir bawk a.Mira-I chuan a Passport hmanah chuan engmah buaina a nei lo va,British Airport duty-te chuan engmah an hre lo va,an man chhuak hek lo.

Tichuan.Mira-I chu Mossad Spy dangte nen Terrorist vaiin an che tan a,Terrorist hnung an zui a,Information leh thu ruk an haichhuak a,England leh Europe khawmualpuia, Terrorist chetna,an tawmrukna hrang hrang pawimawh tak tak haichhuak in, hlawhtling takin an che a.
Terrorist hotu pakhat an dahthat hmasak ber tum chuan Mira-I chu hmun him zawk atanga enhlatna hmanga a Mossad thiante chet dan thlir tura tih an nia,Belgium rama Terrorist hotu pakhat,a chhenna in a luhkhung a,zanthiang reh lai taka a inchhung step a a kal lai,a MOSSAD thianten Pistol Magazine ral raih khawpa an kap a thlir lai chuan,ahmasaber a ni bawk a,Mira-I chu a khur zawih zawih nghe nghe a.He mi zan vek la lain LONDON an thleng leh nghal a.
Terrorist dang beia an chetnaah chuan a thlir tu mai a ni tawh lo va,a chetute zingah atang ve tan tawh a,achang chuan amah chauhva chet chang pawh a lo nei tan tain aTerrorist dahthatte pawh ahnu ni engemaw zat fea thi tih an hriat chhuah chauhte a lo ni tain,chuti, khawp chuan a ruka chet dan,chetna hmun leh che hun hria alo ni chho ta bawk a,amah leh amah a inring tawka,a che rangin,atuan atha a,aralthuam pai a hmang tiam bawka.Mossad hruaituten an ring bur tawh mai ani.
Ram dang danga ‘Hna’ thawk tura tirh a nih changing,Passport dang an hman tir chawk a.buaina engmah tawk lovin,a ‘hna’ a va hlen a,hnuchhui tur awm miah lovin him phalin Headquarter lamah a let leh thin ani,Tin, a khat tawkin Israel ramah pawh a haw fova,atheih anga tam afapa Ilem-a chu akawm thin a,mahse a hna chungchang engmah ahrilh ngai lova,Ilem-a pawhin a nu hna thawh engmah a zawt duh hek lo.



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)