ISRAEL SECRET SERVICE : MOSSAD SPY MIRA-I FAPA ILEM -an MOSSAD SPY A TRAINING

Hnuchhuina lampang chi ho
HLalthazuala
Posts: 142
Joined: March 19th, 2018, 6:51 pm

ISRAEL SECRET SERVICE : MOSSAD SPY MIRA-I FAPA ILEM -an MOSSAD SPY A TRAINING

Unread post by HLalthazuala » May 12th, 2018, 3:12 pm

CHAPTER 3 : ISRAEL SECRET SERVICE : MOSSAD SPY MIRA-I FAPA ILEM -an MOSSAD SPY A TRAINING

SOURCE : ZOZION

Kum thum zet a ral hnu chuan,Ilem-a pawhin Israel sipai,Compulsory a atan chu lo zo ve leh ta reng mai a,sipai zawh lawmnan tiin a nu nen chuan Restaurant changkang takah chaw an ei dun a,an ti ti siam a,a nu chuan a fapa Ilem-a chu a thil tihna kawng engkima hlawhtlingna duhin duhsakna a hlan a,tichuan,eng nge tih a tum a zawt bawk a.
Ilem-a:”Lekha zir zel ka tum asin ka nu”
Mira-i:”A ropui a nih chu,Englam nge zir I rilruk a?”
Ilem-a:”Nangmah ang bawka Middle East History zir ka tum rilru a”
A nu remtih leh tih loh hriat tumin a en ha a.
Ilem-a bawk chuan,”Mahse lehkha zir ringawt ka tum lo va,hna thawh pah ka tum a,hna thawh paha lehkha zir ka duh a,hna min zawnpui theih a ngem?”
Mira-i:”Eng hna lam nge tawh I rilru a?”
Ilem-a:”Nangmah ang bawka Mossad-a thawh hi ka chaka a,mi recommend thei an gem?nangin min recommend chuan min pawm theih ngei ka beisei a sin,nu!!”
Mira-I chuan afapa Ilem-a chuan Mossad-a a thawh dun a ring ngai lova,Mahse,afapa chu a hre chiang a,Israel ram hmangaihtu ani a,Israel ram leh hnam chhana fehchhuak chak mi a ni a,ahmel,apian leh thiamnain a tlin ve tho bawka,Mossad chu hlauhawm em em a ni a,a hriat loh bawk avangin Mossad-a lut ve tur chuan a recommend tur thu afapa Ilem-a chu a tiam ta hial a.
A beisei ang ngeiin Interview na hrang hrangah a tling chho zel a,thluak lamah te,finna lamahte,pian-ah te,tawngah te kawng engkima a tlin chhoh vek avangin a nu Traning ang aTraning turin an tir liam ve ta nghe nghe a
Tunhma ang reng renga Mossad Spy hotute lu la ti hai ngai lo hun khirhkhan a rawn thleng ta a,Terrorist rothap tak tak,fing em em mai ten rawlrala chet an uar thar a,Iran ramin Israel tihchhiatna tura Neclear ralthuam a siam mup mup chu nghak hman lovin,Arab Terrorist te chuan khawvel hmun tin rengah suahsual bawlin Juda ni a an hriat apiang maite chu an sawisa a,an kidnapped a,an that zawih zawih mai bawk a,tin,Juda-ho tamna nia an hriatahte chuan midang thih ve pawh pawiti lovin Bomb huaisar tak tak an kam a,an tipuak dur dur maia,mahse,anmahni han man chhuak tur emaw,han tudai tu tur emaw Mossad hruaitute chuan an van em em a,an then chawk chawk thin hial a.

Hetiang dinhmuna an lo din tak avang hian Mira-I pawh chu tunhma zawng zawng aiin athawk rim a,a chhhun a zanin Terrorist an vai a,an man a,an phil a,an that a,tam tak chanchinbu mite beng a thlen lain tam tak,tuma hriat lova an dahthat theih an awm bawk a.Mipui unau pawisawi lo thah tumtute nunna chu la hmasa turin mawngvawmba ang main Mira-I leh a Mossad Spy puite chu an phusa a.
Dinhmun hlauhthawnawm ber bera an dinlai leh,an nuna pawh chan mai thei dinhmuna an din lai pawhin,Mira-I leh a Mossad Spy puite chuan ram leh hnam tana thawk an ni tih an inhriat tlat avangin,an zam lo va,an thil tih turah an tim ngai hek lo,an huaisenna hian hlawhtlinna ape zawk nghe nghe ani
Terrorist rothap tak tak vaia an chet a,tlan fua fua an ngaih avangin Mira-I chuan afapa Ilem-a pawh ahmu khat em em a, a awmna atanga hmun hla feah uluk leh tih tak zetin Traning aneih ti mai lo chu a chanchin a ngaituah hman mang lo.
Tuk khat chu Mossad hotupa hian Terrorist hotu lu tak mai,hmui hmul buk chhur mai,khawilai ram rel station bul vela a che tla lai,hmun hla deuh hlek atanga an lak thalak hi hmuhin,Mira-I hnenah chuan”He pa hi Ebrahim Abu Yasep a ni a,Al Aqsa Terrorist hruaitu lu niin Damascus –ah awmhmun a khuara,chuta tang chuan Israel ram chhungah leh khawvel ram hrang hrangah,huaisar thei ang bera che turin a hote thu a pe thin ani,chuvang in he pa hi dahtha turin ka duh che ani” tiin a hrilh a
Mira-I chuan,”Khawi ramah nge,khawi hmunah nge a tan chu Terrorist hotu chu dahthat theihna chance a neih ang tih a zawh chuan an hotupa chuan “Oman-ah,tunkar tawp hian Gaza leh a chhehvela a hote zinga hruaitu hmu turin a zin dawn tih thuruk ka dawng a,amah lo enthla a,athlenna Hotel leh Room No nen lama hre turin mi kan tir fel diam tawh a,anni chuan, I tih tur dik an lo hrilh ang che”tiin a tuihnih a.
Mira-I chuan,” Mi engzat nge kan nih dawn? Ti a zawh pahin,a duhdan tak chuan mi tam lo te nih a duh zawk a,a chhan chu ekchhe tam pawh awm theih a ni a,Dubai a Khamas Terrorist an that pawh khan a that tu leh inhnamhnawi kha an ek chhe tam a,kha vang khan khawvelah bengchheng a tamin a ri rei a,khatiang ang lova,tunhmaa a lo chet thin dang anga mi tlemte ni a,thiam tak sia chet nise a duh ani.
Mossad hotupa chuan Mira-I rilru chu ngun taka hriat tuma a chhut hnuah,a duhdan ang takin,”mi tlemte in ni ang,nang leh midang pakhat chiah in ni ang”tiin a hrilh a.

Mira-I chuan”tunge midang, a thawhpui tur chu? Ti a a zawh chuan,Mossad hotupa chuan,”Ilem-a,I fapa” ti chauhvin a chhang a.
Tunhma te pawhin midang nen,pahnih chauh te,pathum chauhte a an chet ho chang a awm thin a,mahse, a fapa nena Terrorist hotu lu that tura an thlang chu Mira-I chuan mak a ti a,”Engati nge ani Ilem-a nen kher?tiin a zawt hial nghe nghe a.
Mossad hotupa chuan”A chhan chu,Ilem-a chuan Training tha takin a zo tawh a,a thiam rapthlak a,in nufain he Terrorist rothap tak mai,an hotupa hi awlsam takin in tukdai theiin kan ring a ni” tiin a hrilh fiah a,Mira-I chuan,chutia an hotupa a fapa nena thawk chhuak tur leh Terrorist hotupa dahthat tura an thang chu vuiah la lovin,lawmah a la a,ram leh hnam tana nufa a thawkchhuah thei an ni chu a lawm hial ta zawk a.
Mira-I chu a British Passport hmang chuan Oman International Airport-ah a thlawk lut ang a,Taxi driver,Mossad Spy ni si chuan a lo hmuak ang; ani chuan a thlenna Hotel turah a hruai ang a,Pistol,Magazine khat tan,ri danna Silencer vuah sa diam a lo pe ang a,tin Terrorist hotupa Ebrahim Abu Yasep a thlenna pawh chiang takin a lo hrilh dawn a ni.
A fapa,Ilem-a chu a hranpa in a hnungah a rawn kal a nga,a Hotel thlenna-ah chuan a rawn thleng ve ang.Mira-I chuan Terrorist hotupa Hotel room-ah chuan lutin chu Terrorist hotupa chu a dahtha ang a,a fapa Ilem-a chuan hnai takah a lo nghak ang,vanduai thil thuin emaw,engemaw dang vanga Mira-I chu,chu Terrorist thlenna Hotel room atanga a rawn chhuak vat lo a nih chuan, a fapa Ilem-a chuan,anu hnung zuiin Hotel room-ah chuan a zuang lut ang a,Terrorist hotupa chu a mah ngeiin a dah tha ang.

An Duty hlen a,Terrorist hotupa Ebrahim Abu Yosep an dahthat hnu chuan muang chang lovin Airport lam an pan nghal ang a,Mossad spy zawng zawngte nen,khawvel ram hrang hrangah,a rual ni lovin,a hu ho ni lovin ahrang hrangin an thawk chhuak nghal ang.
Mossad hotuten an lo ruahman tawh sa ang chiahin thil a kaltluang a,Taxi Driver chuan an mi zawn thlenna Hotel room No-chu 345 ani tih hrilhin,Hotel kawtah a dah a,Taxi atanga a chhuk,Hotel a la luh hma si chuan Mira-I chuan khaw awmdan boruak chu London aiin a nuam lo zawk daihin a hria a,a sa hulh hulhin a inhria ani,Tichuan,harsa lo takin Hotel-ah chuan in register felin, athlenna Hotel room turah chuan a innghat ta a.
Hotel room atanga a chhuak chu,khualzin tlangval pakhat hi a lo in thiar lut ve mek a,a bul hnai a rawn thlen chuan,”zing darkua chiah chiahah” tia a hrilh bak chu an in be lo,Tichuan,mahni room ve ve-ah chuan,zing khawvar nghakin an chawl hahdam dun ta a,A fapa nena hlauhawm hmachhawn dun an nih avangin he mi tum hian Mira-I chu a sa hulh hulh mai a,mahse,an duty chu hlen ngei turin a rilru a siam a,a inti huaisen a,pamtul atum hauh lo.

ZING KHUA A LO VAR TA!!!!!

Rin leh hriatsa ang ngeiin Hotel Room No.345 chu Camera a enthlak reng a ni a,Room Service nu chuan Towel leh puanphah khat tana Load-in a ‘Agala’ chu a rawn nawr phei meka,chu chuan Camera thalak pawh chu a hliah chiah chiah nghe nghe a,Room Service nuin Room pakhat tifai tura a luh lai chuan,kawngka a inkhar hmain Mira-I chu a tawlhlut ve hman a,tichuan Gas hmangin chu Room Service nu chu a kap muhil a,tichuan, athawmhnaw hak sakin,Room Service ang chuan Room no 345 chu a pan ding ta nghal a.
“Arab awphawi dik tak maiin ‘Room Service’ tih pahin kawngkhar chu a kik a,kawngka a rawn inhawng chiah tih chuan vaivawih aia ranga lutin,a pistol a phawi nghal a,Room chhunga hamhaih hmel taka lo entu Arab Terrorist hotupa chu a hmai takah a mitin a en a,an Mossad hotupain Rel Station a thla an laksak,an entir hmel chiah chiah ka niin a hria a,rei pawh rial lova,hlah miah lova dahthat nghal a tul tih Mira-I chuan a in hria.

“Aw Lalpa P-thian-Allah Hu Akbar”tiin chu Terrorist hotupa chuan”Mira,nangmah I ni elaw?” a lo ti ta phawng maia,Mira-I chu a phu chiang ngei mai!!!mengphawk tak leh thin phu dut dut chungin”Khawi atangin nge a hming chu Terrorist pa chuan a lo hriat?”tih ngaituah pah chuan a kut zungchal chu a pistol hmet puak mai thei turin a inrin tir a,ngun leh uluk taka reilote aen leh lai tak chuan,”Ali-a kha ka ni a lawm”tiin chu Arab Terrorist hotu pa chuan aw khur lek lekin a hrilh a,Mira-I chu khup nat vanga thut hnawp ngai ang mai hian a awm a,mahse,a inti pachang hram hram a,a hmaa Arab Terrorist chu ngun takin a en a,ahmuihmul leh khabe hmul tih bak chu engmah danglamna a lawm lo,a hmangaih Ali-a kha a ni chiah mai,rinhlelh rual a ni lo!!!!
Aw khur lek lek hian chu pa chuan”Dawt ka hrilh che avangin pawi ka ti tak zet a ni,I rai tih ahriat ve leh khan ka pa khan tlanbo nghal turin min nawr lui a,Saudia Arabia-ah ka duh lo chungin min thlawh thlak tir a,chutah,an chanchinbu mite sum tam tak pein.Accident a ka boral angina a ziah tir a,thi anga min than tir lo chuan,nakin hnu zelah,ka fa chu lo thang lian ang a,ka ro chan turte thlenga min chuh buai theih ahlauh avangin,ka pa khan khatiang khan thil ati a,Saudia Arabia-ah chuan Pawl pakhatah min dah lut a,tah chuan ka nihna a lo sang chho zel a,tuna ka nihna dinhmun hial ka lo thleng cho ta ani,mahse,Mira,engtik lai mahin ka theihnghilh ngai lo che asin,Bawihte,ka hmangaih che asin,Telephone hmang a rawn lo biak pawh che pawh ka tum nasa thin asin a,mahse,tuman min chhang thei si lo,ka va ngai tak che em!!!!tiin Arab Terrorist hotupa,hmui hmul leh khabe hmul chum mai chuan ngaihdam dil pahin a hmangaih thu a lo hlan mial mial a.
Mira-I rilru-ah chuan a duty a lo lut a,chu pa che eng khaw sawi set set lova kaphlum tur a ni tih pawh a inhria,mahse,a thinlung erawh chuan chu chu a tih tir thei tlat lo mai!!!!A kut chuan a Pistol chu a la hum hram hram a,mahse,thir tlawn hum ang lekin a in hria tawh a,tun hma zawn kha chuan Terrorist rothap tak takte kha,tim miah lovin alo kap thal huang huang thin tawh kha a nia,mahse,tun tum a mi hi chu athei tlat lo.a chan chu ahmaa ding,Terrorist hotupa chu,a Hmangaih-a ani tlat,A fapa a pa ani bawk.

Ali-a chuan zawitea Mira-I panhnai pah chuan,a kutin zawi muangin Mira-I lam a chuan a va phar phei a,chu tih lai chuan Mira-I chuan a Duty a theihnghilh hmin ve der tawh a,a Pistol a hre chang tawh lova,Mossad Spy anih pawh a in theihngilh tawh a, a JUDA pui mipui tam tak,unau pawisawi lo thlenga that tu leh thah tir tu a nih pawh a theihnghilh ta!!!! ngaidam dilna chu a pawmsak a,chu ban chuan rawn kuah se”Chu pa awmah chuan lungsi takin bei leh hle hle ila”tih a ngaituah thleng ta daih mai!!!an vanglai nite,an intawn dan te,an hlim dun lai nite chu a mitthlaah a rawn lang thar iarh iarh mai a,hlim taka inchaih nui leh her her a,damlam pialrala chantir dun leh a chak ani.
A chhan chu,khawvel a piantira a hmangaih ber,ahmangaih hmasak ber leh a nulat thianghlimna ahlan kha a nia,tin fa hial ahrin sak,midang pawh kawp lova tun thlenga a awm phahna pa kha a nih thlat avangin,Mira-I chuan a kap lum thei lova,kahhlum a hnekin,a kut lum tak chuan rawn kuah ngawih ngawih se la, a awm nghenga lungsi taka atanga bei hle hle a chak ani.

Chutia hun engemaw chen che chang lova an awm dun vang vang hnu chuan,an awm na Hotel Room KAWNGKA CHU A RAWN IN HAWNG DAWT A,ILEM-A CHU A RAWN LANG NGHAL A,CHU MITE PAHNIH CHU NGUN TAKA REI LO TE A EN HNU CHUAN,ENGMAH PAWH SAWI LOVIN,A PISTOL A PHAWI A,CHU ARAB TERRORIST HOTUPA(A NU BIALPA HLUI/APA)A NU, AKUT A LO BAN MEK TU CHU A PISTOL MAGAZINE ZAWNG ZAWNG RAL RAIH KHAWPIN A RAWN KAP TA MAI A,A SILAIMU THENKHATIN A CHAL A VERH A,THENKHATIN ATHINHNUN,TICHUAN,KA CHHAWN TUR ENGMAH AWM LOVIN A TLU ZUI TA A.
Mira-I chu ahai muai muai a,a ke chuan a din pui zo tawh lo emaw tih turin a pai chhawn chhawn a”I tha mawh ka nu”ti a fapa Ilem-an a va dawm chu ‘AW’ tih chauhvin a lo chhang thei a,”Engati nge I kah lo?”tiin Ilem-a chuan a zawt leh kher a,Mira-I chuan,”Ka hre bik lo” tiin a chhang leh theih hram a.
“A hun taka ka rawn thleng hman chu a va han van neih thlak em!!! Ti rawh ka nu?” Tiin anu chu a kai a,Hotel atanga chhuak nghalin,Airport lam chu an pan nghal ta nal nal a.
Ram dang atangin,thlawhna hran ve vein,tum hun inangah Israel an thleng a,ram hruaitu lu ber ber Mossad Chief leh Mossad Spy hotu lu tak tak ten Parthi nen an lo hmuak a.Ilem-a chu lawma a nuih var var lain a nu erawh chu a mit tui a luang zawih zawih a.Ilem-a chuan a nu mittui tla chu,Nufa a ram leh hnam chhan tura feh chhuak a.hlawhtlin vanga lawm a vanga mittui tlaah a ngai a,a lawmah a tla thung a,zawngchhang tlak hlein a hre nghe nghe a……..A TAWP TA!!!!!!!!

*****ADS CLICK*****



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)