Force to Marry Millionaire BY Haylor(Remruati)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

Re: Force to Marry Millionaire BY Haylor Fanfiction

Unread post by Ngaia » August 19th, 2016, 4:29 pm

Ka tho thut a,office chu ka chhuahsan nghala
" President meeting.."Mr.Joe chuan a ti hman chauh a, car chhungah chuan ka lut a
.
"nangman lo va hruai rawh" tih leh tlan ka rual a,chak zet chuan Chris te office lam chu ka pan nghal a. Hreptak chuan engtin nge Kelsey hi a rai thei , Chrisa fa lehnghal !! ,ka inhum ruh a Chris te office ka thlen chuan engmah zawt buai lo in ka kal tlang nghal hmawk hmawk a.
.
" ka pu , i lut thei lo ang President chu a buai ani" Security pakhat hian min rawn danga.
.
" thlawk bo rawh" ka lo ti a, Chrisa room lam chu ka pan lehnghal a.Kawngka chu ka hawng thuai a, Chris chuan mak tih hmel zetin min lo en a, ka va pan hnaia ka hnek nghal pawp a.
.
.
Security chu an rawn tlan lut nghala " ka tha e, lo va chhuak ru" Chris an a tih chuan Security ho chu a chhuak leh a. Ka bulah chuan a rawn kal a, ka lo hnek leh pawp a, ka hmai ah chuan min rawn hnek let ve nghal pawpa.
.
" Hreptak chuan" tih pahin a kawr nghawng a chuan ka pawt a.
.
" Kaden enge awmzia?" Chris chuan a ti a, hnek pawp pah chuan "Kelsey naupai hi i fa ani thei lo ang" ka ti a, chhuatah chuan a tlu a ka pawt tho leh a.
.
" I hrechhuak ta animaw" a nui suka.
.
" Hmela,natna tamtak i thlen sak ti i hria em?" ka ti tuarh a.
.
"Nang hian lawm natna thlen sak, Kaden harh chhuak ta che Kelsey hi vawi khat pawh ka la fawp lo, a naupai hi i fa ngei ani" hnek leh ka tuma, ka tawp chata.
.
" Engmaw!" ka ti ha a
.
" Ni e, Kaden i fa ngei ani. Hrilh lo tur che in min ti ani a chhanchu nang hian a fa chu i duh lo ani" Chris chuan min vin tuarh a.
.
" Nilo" tih pahin ka tawlh hnung hret a, sawi ber tur pawh ka hrelo, Kelsey chuan ka fa keima fa ngei a pai anih chu.Engtin nge ka hriat loh theih zawk, kha lehchen kha hrehawm ka tuar tir si a.
.
"i la tlai lo ania,keichuan ka tanpui mai ani .Harsatna tamtak a tawk a, tunah hian tanpui tu a mamawh asin Kaden Kelsey hian a mamawh che" Chris an a tih chuan ka ding khawng renga .
.
"Ka fa ngei ani" ka ti sap a,
.
" Kal rawh,luhlul chhuah lo khan i hmangaih chu va nei let leh rawh" Chris chu ka kuah a,
" Ka lawm e, unaupa " ka ti sap a,a nui suk a.
.
"kal rawh" Chris an a tih chuan ka tlan chhuak nghala.Mr Joe chu ka call nghala.
.
" ka private jet kha lo peihfel ang che, England ah ka kal vat angai" ka phone chu ka dah a, ka nui vur vur a.Engpawh thleng se Kelsey leh ka fa nei let leh tur hian ka theihtawp ka chhuah dawn ani.
.
.
England
.
Kelsey pov:
.
.
" Doctor ka naute chu a tha em?" ka ti a, doctor chuan min lo nuih sanga.
.
" naute chu a tha e, mahse nangmah hi i inenkawl that angai ani, duh aiin i chau mah mah a, chawl hahdam deuh rawh" a ti a.
.
" awle" ka tho a, damdawiin atang chuan ka chhuak a, diktak chuan tunah pawh hian hna a ka kal angai ani.Chawl hman ka ni lo a, chawl thei pawh ka ni hek lo.
.
Library ah ka thawk a, tlai lam ah starbuck ah ka thawk thin ani.Taxi chu ka phar a.Ka hnathawhna ka thlen chuan Lisa chuan min lo ko vata, Lisa nen hian kan thawk duh ani.
.
" Enge ka naute chu a lo an a?" Lisa chuan ka pum chu a rawn khawih a.
.
" A tha lutuk, a Godmother hi a ngai tawh lutuka" ka lo fiam let a.
.
" Chris an a be thei lo che a, min rawn hrilh a" Lisa chuan a ti a
.
.
" anih chuan kan be nghal ange" Chris hian min buaipui nasa em em a, ka thiantha tak ani pawisa tamtak min pek a tum thin a mahse ka duh lo ani a chhanchu ka fa lo piang tur hi tumah rinchhan lo in enkawl ka duh ani.
.
.
" Hello, Chris"
.
" Hey! naute chu a tha em?"
.
"aw tha e"
.
" Kelsey Kaden hian a hriat a tha lo maw?"
.
" nilo , Chris Kadena hriat ka duh hrih lo ani antan chuan phurrit mai ka ni " ka ti sap a.
.
"a hmangaih lutuk che alawm, mahse nakinah i hrilh ang tih min tiam rawh" tih pah chuan a nui hak a.
.
" Awle,"ka pum chu ka dawm a " a pa ani miau alawm" ka tih a.
.
"anih chuan ka buai deuh a, kan inbe leh dawn nia" ka tih zawm zat a.
.
" Awle" phone chu ka off nghala.Hna chu ka thawh chhunzawm leh mawlh mawlh a, ka haw meuh hi chuan dar 10 a lo ri va tawh thin ani.Chau hle mah ila hna ka chawl thei lo ani.
.
.
Tunah chuan ka ni nen awm mah ila ka fa chauh hi ka inghahna awmchhun ani tawh a, Chris puihna avangin Mrs Skylari pawh an man tawh bawka, tunah chuan lungkham tur dang ka nei tawh lo ani.Ka pa thlan ah pawh kartin ka kal ziah thin a , ka ngai takzet ani .Ka pa hian a tu lo piang tur hi a hre ve hman si lo a mahse ani chu thlamuang takin a chawl tawh ani.
Ka thil ei hi engtik lai pawhin a tui em em reng a, ka inhlawhna chanve hi chu ka eitur lei nan leh ka damdawi lei nan a zo vek thin ani.
.
.
Zinga ka thawh chuan ka lu chu a na bur a, peih lo tak chung chuan breakfast ka ei a,hna ah chuan ka kal nghal a, nileng chuan ka awm a nuam lo a damdawi han ei mai dawn ila doctor chawh nilo chu ka ei ngam bawk si lo a,ka tuar tawp ani.
.
.
" Kelsey , i nuam lo anih kha lo va hawh rawh" Lisa chuan a ti a.
.
" ka tha alawm" ka lo ti vata.
.
" thu awih ve teh, ka lo ti vek mai ang lo va haw hma rawh Boss pawh ka hrilh tawh"
.
Chutia boss a hrilh tawh tho chuan ka chau bawk nen ka lo bu nghata, Lisa chuan taxi ka luh thleng min thlah a.Taxi ah pawh chuan ka lo muhil siar siar a.
" Ka pi , kan thleng tawh e" Driver chuan min rawn sawi nawk nawk a, ka harh kawk a.
.
" Awle, ka hria e" ka ti a, pawisa chu ka pe a, taxi atang chuan ka chhuk a.
.
Ka lu dawm pah chuan muang changin ka kal a, gate ka thlen chuan ka meng phawk nghal kawk a, mipa pakhat hi kawngka bula lo thu reng hi ka hmu a a,Kadena ani chiang lutuk, a vawt bawk si a, ka va kal vata.
.
" Kaden" ka ti sapa, a rawn hawi chho a a rawn ding vata.
" Ee..enge hetah i tih?" ka tih bah nuai a, ka la awih thei lo Kadena hetah maw!!?
.
"ka lo nghak che a, i ni in luh a phal bawk si lo a, khawvawt hnuaiah ka lo nghak che" a nui suk a.
.
"haw rawh" ka ti ringawta.
.
" Enteh Kelsey inbia ang" ka kut ah chuan a rawn vuana.
.
" engmah sawi dun tur kan nei lo" tih pahin a kut chu ka thin thlak saka,kawngka chu ka hawnga inchhunga ka lut tur chu ka ding chawt a, ka ke ah chuan thisen hi a rawn luang thla nghal zawih zawih a ka pum chu ana em em bawk ka dawm vang vang a,

.
"Kelsey engtin nge i awm?" Kaden chu a phi buai nghal chunga.Tawng pawh ka tawng thei tawh lo, ka pum chu ka dawm vang vang a.
.
" Engtin nge a awm?" ka ni chu a rawn chhuak nghala.
.
" ka...ka hrelo, damdawiin ah hruai ang" tih pah chuan Kaden chuan min pawm kang lawpa, car ah chuan min pawm lut a, chak zet chuan damdawiin ah ka kal a.
.
.
Ka harh leh chuan Kaden chu ka mutna bulah chuan a lo thu a, a in dawm kun lap a ka hawi kual a damdawi in ah ka awm tih ka inhre nghala. Ka tal deuh avang chuan Kaden chu a rawn hawi nghal vata.
.
" Kelsey" tih pah chuan ka hmui ah chuan a rawn fawp a, a nui var var a.
.
" Engtin nge ka awm?" ka ti sap a.
.
" Doctor chuan i that thu a sawi a chuan kan naute pawh, mahse i pai fual a chuvang chuan hna hahthlak thawk tawh lo turin an ti che ani" a ti sawk sawk a. Kaden an a fa ka pai tih a hre tawh amaw!!
.
"hna ka thawh angai, damdawiin atangin chhuah ka duh" ka ti a, thawh chu ka tum a.
.
"naktuk ah kan chhuak ang mahse hna thawk tur ni lo in, ka hruai haw dawn che Paris ah" a tih chuan mak tih hmel takin ka en a.
.
"engmah hetah tih tur i nei lo, i company in a mamawh zawk ang che"
.
" mahse keiman ka mamawh che alawm" a ti sap a, ka hnuk chu a ulh nghal ringawt a.
.
"hmuh che hi ka duh lo, haw tawh rawh" tih pah chuan lehlam chu ka hawi daih a.
.
"eitur ka va lei ange" tih pah chuan a chhuaka.
.
Nurse chuan drip vel chu a rawn thlak a, min rawn nuih sanga
" i pasal kha a hlauthawng lutuk a, nizan pawh zankhua in a mu lo asin" Nurse chuan a ti a, ka lo nui suk a.
.
" i vannei ngawt mai, pasal tha tak i nei ani " a ti a, a chhuak nghal a.
.
" hei hi ei rawh" Kaden chuan eitur hi a rawn lei teuh a.
.
" ka duhlo" ka lo ti hmaka.
.
" anih chuan kan ei mai ang" tih pah chuan a ei nghal bawrh bawrh a, ka chil chu ka lem daka, diktak chuan ka ei chak ani.
.
" khawi i lo lei tawh bawk sia, ka lo ei ang" a thil ei lai chu ka laksaka, min lo nuih suka. A thil rawn lei zawng zawng chu ka ei zo deuh veka , ni e ka sawi tawh ang khan ei turah hi chuan ka insum thei lo ani.
.
.
A tuk ah chuan damdawiin atang chuan kan chhuaka, Kaden chu ka bulah a awm tlata, haw tura ka tih pawhin a haw duh si lo a,a luhlul takzet ani.Inchhungah chuan luh ve ka phal lo a, chuvang chuan kawngka bulah a a thu ran a.
.
" Kelsey, luh tir mai ang, khua a vawt si a zanin phei chu vur a sur dawn ania, a damlo ang" ka ni chuan a rawn ti a.
.
" ka ni a lam ah nge keima lamah i tang " ka lo ti vin hlar a.
.
" nangma lamah mahse Kelsey lo thi ta si" ka ni in a tih takah chuan ka hlauthawng ve deuh a
.
Tukverh atang chuan ka va bih a, a lo khur hlak hlak a ,ngatinge hotel ah te pawh a riah mai loh le?, riah na turin pawisa te chu a ngah awm si a .Dar9 a ri tawh a, Kaden chu a la awm char char a, a vawt telh telh mai bawk si a, a damlo ang tih chu ka hlau ve tho ani.
.
.
Kawngka chu ka hawng a " lo lut rawh" ka ti hmuka, min nuih suk pah chuan a rawn lut a, ngatinge a tawrh chhel em em le? a luhlul bawk si buaithlak .
.
"kha heihi ha rawh" ka pa kawrlum chu ka pe a, a vawt a tih em avangin ala khur hlak hlak a.
.
" hei in rawh" coffee chu ka pe a, a lo la ve mai a "naktukah haw ang che" ka ti hmuka.
.
" aih i tel lo chuan ka haw dawn lo"
.
" Kaden hriatthiam tum teh, helai hi i awmna tur hmun anilo" ka ti vin hluk a.
.
"nangmah nen chuan khawilai hmun pawh hi a nuam vek " a ti sapa.
.
" va mu rawh, " tih pahin puan leh lukham chuan ka vawm a, ka pa khumah chuan ka muttir a



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 19th, 2016, 4:29 pm

Zingah chuan hna thawk turin ka insiam mawlh mawlh a." Khawiah nge i kal dawn?" Kaden chu a rawn lut thuta, ka phu zawka.
.
" hna ka thawh angai alawm" ka ti.
.
" mahse doctor"
.
" doctor thusawi angin awm kher angai lo, vawin ah haw ang che nang riahtir reng che hi ka duh lo" tih pah chuan ka chhuak daih a.
.
Hna ka bang chuan ka ni pawh a lo bang ve chiaha, inchhung kan luh chuan alo fai veka , mak ti tak chung chuan kan hawikual ringawta, thawmhnaw suktur ka dah lah a fai sa vekin a lo in thlep fel thlapa .
.
" ni nangma tih ami" ka ti sapa.
.
"aih nilo" a lo tih hu a.
.
" anih chuan ramhuai aniang" ka ti a, thawm dim tak chuan ka kal a.
.
" Tada...lo kal ru dinner ei ang" Kaden chuan a rawn tih chuan ka phu zawka, ka ni nen chuan kan inen ha a.
.
" ila haw lo elaw!" ka ti vata.
.
" engvangin nge ka haw ngawt ang ,ka hruai haw dawn che" a ti a.
.
" huizz ... i hrethiam thei dawn lo anih hi, chuan thawmhnaw te hi i tih vek ami?" ka ti a, a nui ringawt a, nilo Kadena hian hetiang tih hi a thiam lo hrim hrim.
.
Dinner kan ei zawh chuan thawmhnaw suk vel chu dah luh ka tum a, lehkha hi a rawn tla nawlh a, ka en chuan receipt hi alo ni a.Ka rin ang chiah Kaden hian man neiin thawnhnaw hi a suk tir ani.Thinrim tak chung chuan ka kal hmawk hmawk a, receipt chuan Keden chu ka vawm a.
.
" Enteh Kaden keichu millionaire ka ni ve lo, thawmhnaw pawh keimah ngeiin kut in ka su thin chuan in pawh keimah ngeiin ka tifai thin , helai hi i awmna hmun tur ani lo, haw tawh rawh " ka ti tawn tawn a,Kaden chu a ngawi renga thinrim tak chung chuan room ah chuan ka luhsan daih a.
.
.
Zinga ka thawh chuan chhuat chu a lo kawi nuai a,thil ut rim ka hriat chuan kitchen ah ka lut vata, stove chu ka off nghala. Bathroom ah thil ri rawk ka hriat avang chuan ka kal vata.Kawngka ka hawng chuan mak tih hmel takin ka en a, ka awih thei lo Kaden chuan ka thawmhnaw ho chu kut in a lo su anih chu!!
.
" Kaden!! enge i tih?" ka ti bah nuai a, a kawr te chu a huh veka.
.
"kut a suk i duh kha, hei kutin ka su" a rawn ding a " chhuat pawh ka nawt tawh" intithei tak chuan a ti a, ka nui suk a, chhuat chu a nawt bal ani ringawt.
.
"ka awih thei lo" ka ti a, ka nui suk a.
.
.
Kaden chuan ka kut chu a rawn vuana, ka hma ah chuan a rawn thingthi a zungbun hi a rawn phawrh chhuaka.
.
" Kelsey i tan chuan engpawh ka ti ang chuat pawh ka nawt anga,chuan bawng pawh ka bawl vek anga i kawr pawh kutin ka su mai ang..Kelsey min nei duh angem?" a ti a,
.
.
" mahse ka ni hi" ka ti sapa.
.
" khalam kha chu ngaihtuah suh i ni chu kan bulah pawh a awm mai ang chu ka hmangaih che chuan i pum chhunga naute nen hian" a hmel ah chuan hlauhthawnna in a khat tih ka hre thei a, a hmuiah chuan ka fawp a.
.
" aw, ka nei ang che", ka mittui chu a tla zung zung a.
.
" Hey! ngatinge i tah a"
.
" ka lawm lutuk a, ka tap alawm" ka tih chuan min nuih suk a, zungbun chu min bun tira , kan in fawp vang vang a.
.
" ka hmangaih che" ka ti sap a.
.
.
Kaden chuan kei leh ka ni chu Paris ah min hruai a,ka ni chu kan bulah a awm ve a
.
"Kaden ka zam takzet ani" ka ti sap a.Ka pu room kawngka bulah chuan kan dinga.
.
"i bulah ka awm tlat dawn alawm , lut ang le" min rawn kai a, ka chal ah chuan a fawp zeuh a ka pu room ah chuan kan luta ka khur der der a, ka zam takzet ani.Ka pu in min hmuh chuan lehlam a hawi hmaka a
.
." ka pu...hei Kelsey a rawn kal" Kaden chuan a ti a, ka pu chu a ngawi reng a Kaden chuan min rawn nghawk zeuh a.
.
" Ahh... ka pu engkim kha ka thiamloh vek ani , nasa takin ka ti na che a mahse ka pu Kadena hi ka hmangaih ani" ka tih chuan Kaden chuan min rawn nuih suk a.
.
" ka pu keipawh in ka thinlung zawng zawng in ka hmangaih ani "a thaw halh a
.
"ka pu min ngaidam rawh , ka thiamloh vek ani" tih pah chuan ka thingthi a,ka pu chu ala ngawi renga.
.
"Kelsey tho rawh" Kaden chuan a ti a " ka pu ngaihdam a dil che hi, tunah ka fa a pai meka neih ngei ka duh ani" tinge Kaden hi a thinchhiat em em le?
.
" fa a!! " ka pu chu a rawn hawi let vata.
.
" aw, ka pu Kelsey hian ka fa apai ani" ka pum chu a rawn dawm a.
.
" chuti chu inneih vat angai dawn anih chu" ka pu in a tih chuan mak tih hmel takin kan en ha a
.
"engmaw!" kan ti rual thawt a.
.
"tu ka nei tawh dawn a,inneih vat angai" ka pu chu a rawn nui vur vur a.
.
"Ka pu inneih i phal tak tak ami? Bella kan hrilh vat ange" Kaden a lawm lutuk chu bella hrilh tur chuan a chhuak nghala.
.
" Kelsey lo kal teh" ka pu bulah chuan ka kala.
.
"Kaden hian a hmangaih em em che a ti na tawh suh ang che , engkimah ka ring che a Crawford chhungkua ah ka lo lawm lut a che" tih pah chuan min kuah a.
.
.
5 months later:
.
.
"Kei Kaden Crawford hian Kelsey Wisler hi kumkhua in ka hmangaih ang" Kaden chuan a ti a,
.
Tunah chuan monu i fawp thei tawh ang, Pastor in a tih chuan Kaden chuan ka hmuiah a rawn fawp a.Tunah chuan Ellie ang nilo in keimah Kelsey ngeiin Kaden chu pasal atan ka nei ani.
.
.
Honeymoon hmang tur chuan kan kal thei tawh lo a, a chhanchu nau nei thei mai dinhmunah ka ding tawh ani.Kaden chuan office kal lo in min awmpui chawt a, a office hlana nau ka lo neih a hlauh vang ani.A chang leh Chris an min awmpui bawka, tunah chuan Chris nen pawh thlamuang takin kan inkawm thei tawh a mahse a chang hi chuan ala thik thin ani.
.
.
" Kaden, ka ni" couch vuan chung chuan ka inseh ruh a.
.
"enge?" Kaden chu a rawn tlan vata.
.
"ka tui bawm a keh"
.
" enge chu chu?"
.
" naute a vei dawn anih hi, damdawiin ah kalpui vat ang" ka ni chu a rawn kal vata.
.
" awle" Kaden chuan min pawm a, damdawiin ah chuan kan kal nghala.
.
A na lutuk chu ka inhum ruh tang tang a, ka thlan in min bual huh veka
.
"Eng..engtin nge ka tih dawn?" Kaden chu a chiai veka,
.
" Kaden,chiai suh thawk la vak rawh" ka ni chuan ani ti leh rih a.Kaden chuan thawk an la leh hawk thin a,
.
" ka pu lo va chhuak hrih rawh, i hlauthawng lutuk a, naute nu hi i ti buai ang" nurse chuan a ti a.
.
" mahse Kelsey"
.
" Kaden ka awm dawn alawm , lo va chhuak rawh le" ka ni chuan zaidam tak chuan a ti a,
.
" lo kal rawh" Chris chuan a kuah chhuak ta a.
.
.
Minute 10 vel ka vei nu chuan ka thaw huai a, nau tap ri chu ka hre nghala .
" Kelsey fanu i nei ania" ka ni chuan a rawn pawm a, ka mittui chu a tla zawih zawih a.Tunah chuan Kaden nen a kan fa chu a piang a , nu ka ni ta...
.
.
Ka fanu chu ka en a, khawvel ah kei aia hlim hi an awm leh tawh lo ang, a kut te tak te te chu a phar a,ka chauh deuh avang chuan ka muhil a.
.
.
Kaden chuan a fanu chu a atchilh em em a, office a kal pawhin a fanu a hmuh chak avang hian a rawn haw hma ringawt zela ,a chang leh a hnathawh laiin a bulah naute nen ka lo awm ve tawp zel ani.Ka ni pawh ka bulah ala awm a, engkim ah min pui a ka hahdam phah sawt ani.Thla thum lai a lo liam leh tawh a.
.
Hayley chu Kaden chuan a pawm a, vawin ni hi Kadena nu thih cham ani a, anu tlawh tur chuan kan kala thlan hma ah chuan kan dinga.
.
" Nu hei i monu leh i tunu nen ka lo kal ania keipawh pa ka ni tawh asin"Kaden chuan a ti a, ka kut chu a rawn vuana.
.
" ka nu Kaden hi tha takin ka lo enkawl ang" ka ti ve bawka a.
.
" Nu, rawngbawl te, tui cheng te leh motor takngial pawh a thiam lo a, Engmah thiam a nei lo a fanu takngial pawh a enkawl tha thiam hek lo a" min rawn nuih suk a ,min rawn kuah a" mahse ka hmangaih ani,ka damchhungin ka hmangaih reng tawh ang" Kaden chuan a ti a., ka lo nuih suka .
.
.
Tunah chuan tumahin min then hrang thei tawh lo ang , ka pasal kiangah ka awm tlat anga ka thlah leh tawh ngai lo ang.Hmeichhe tam tak in an awh leh an nih chak em em thin Kaden Crawford a nupui ka ni a, ka pasal sum nilo in amah hi ka hmangaih a tunah chuan harsatna tamtak ka tawh hnu ah Kelsey Crawford ka ni ve ta.
.
www.storyfb.com
............ The End..........

Link:
BBcode:
HTML:
Hide post links
Show post links

becky matei
Posts: 10
Joined: July 12th, 2016, 9:20 pm

Unread post by becky matei » August 19th, 2016, 4:31 pm

Kaden i va ngaihawm dawn em :)

Link:
BBcode:
HTML:
Hide post links
Show post links

Remruati (Haylor)
Posts: 680
Joined: June 22nd, 2016, 9:24 pm

Unread post by Remruati (Haylor) » October 16th, 2016, 11:03 am

Ngaia wrote:Chapter-5
http://www.storyfb.com

(A hnuai para hi i ti danglam anih chuan mi kutchhuak khawihdamlamtu i ni a, hremna a nem lo ang, story ruk thubuai bakah mi kutchhuak hre reng chunga ti hmelhemtu i ni ang a, i chungthu a rit hle ang.
Whatsapp group a story ruk ching ho khan lo ru tawh lo ula, induh anih chuan share on whatsapp tih atang khan a link nen share ve mai rawh u, whatsapp group atang chauh a chhiar tum ho kha chuan chhiar ve tawh lo mai teh u, a ziaktu in a post na hmun a chhiar peih lo chuan thuziak leh a ziaktute zahna leh ngaihhlutna an nei loh avangin chhiar ve lo mahse a pawi lo khawp mai.)


ROME,ITALY
Kaden pov-
.
.
Italy khawpui Rome kan thlen velah chuan kan Hotel thlenna tur lam kan pan nghala,Ellie pawh chuan min rawn zui ve zela.Huizz a hmel hmuh ringawt pawh hi ka ning hluah hluah a . Ellie chu a ngawi reng a a hmel ah chuan a hlim lo hle ani tih ka hre thei a, keipawh ka hlim bik chuang hleinem.A awmdan avang chuan nuamlo ka ti lek lek a,biak hmasak pawh chu ka tum lem chuang lo a, nilo biak pawh hi ka peih lo.
.
.
Room chu book lawk vek tawh anih avangin kan room turah chuan min hruai chho nghala room kan thleng chuan ka bag chu couch ah chuan ka theh thla nghal a, ka t-shirt chu ka phelh nghal bawka, ka chauh deuh avangin ka maimichhing vang vang a.
.
.
Ellie chu kawngka bula ala ding reng vang chuan ka va melh zeuh a . A awm dan atang chuan a zak ani tih ka hre nghal a. Ka awih thei lo he hmeichhe zaktheilo tak hi engvanga lem chang peih nge maw anih le? ka awih loh em avang chuan ka ner deuh suk a.
.
.
" Zankhuain khatah khan i ding dawn ami?"en chuang lo chuan ka va ti a
.
.
"i kawr kha ha phawt rawh" a tih chuan ka kawr chu ka phelh ani tih ka hre chhuak a.Ka nui suk a a bul ah chuan ka va kal a lehlam pang chu a hawi daih a.Fiam chu ka chak ta tlata.
.
.
" Kawr ka ha ang maw? Honeymoon hman lai te chuan tunge kawr ha ngai" ka tih chuan a sen nghal tawn tawn a, ka awih thei lo, lemchang thiam lutuk mai.
.
.
"Min khawih hlek suh ang che" a lo indang vat a, ka kal hnaih zel a a tawlh hnung hret hret bawka, a mit dum kak ah chuan ka en reng a.
.
.
"i duh ber chu sum ani lawm ni engtik ah mah i duh chu i hmu lo ang" thutak ran chuan ka ti a, a hmel ah chuan hlauhna ka hmu thei nghal a, ka inla hrang nghal vata bathroom ah chuan inbual turin ka lut nghala.
.
.
Ka inbual zawh chuan Ellie chuan movie a lo en a, khumah chuan ka mut san nghal daih a.
.
" Hey! khumah mut i tum ringawt ami? ka mutna tur anih kha" Ellie chu khum bulah chuan a rawn ding a.
.
.
" hetah ka mu dawn i duh duh na ah mu ve mai rawh" ka lo ti vin hlar a.
.
" a teuh lo , mipa i ni a hmeichhia zawk chu khumah mut tir ve ta che sual lutuk mai" tiin a phun sap a.
.
.
" Engmaw tuna i sawi kha?" ka lo ti let vata.
.
.
" Engmah ka sawi lo" tih pahin lukham chu a rawn la a couch ah chuan a mu nghal daih a.Keipawh chu hnehtu inti tak chung chuan ka mu ve leh nghal mai a, rei pawh ka la mulo tih chuan Ellie chuan min rawn tlawh pawp a .
.
.
"Eng phiangsen nge i rawn tih kha?" ka tho nghal vata.
.
" Ka tlawh che, hetah hian i mu thei bik lo ang i duh leh couch ah sawn va mu ve mai rawh "a rawn ti ve nghal zat a, khumah chuan a rawn mu ve nghal a.Hmeichhia a nih avangin kut han thlak em chu ka duh bik si lo a ," Fair taka tih ka duh" ka ti a.
.
.
" Fair takin maw? awle anih chuan rock ,paper, scissors ila " a kut tereuh te chu a rawn lek kang va a, Engmaw! hetiang hi ka thiam ve miah lo kan tet laiin thian ka neih loh avangin hetiang thil hi ka hre ve ngai lo ani.
.
.
" A naupang chhia emai" thiamlo nih chu ka duh bik lo avang chuan ka ti a.
.
.
" I thiam lo ani maw?" a sawi dik chiah ka thiam lo ani mahse a lak ah hian tlawm ka duh lo bur .
.
.
" Thiam e , tunge ka thiam lo ti "pawr fe chuan ka han ti leh a. " anih ti ila" a ti dan chu ka en kar a.
.
.
"Rock ,paper, scissors ," a kut chu a ti pharh pharh a, keiin ka kut chu ka ti kak va bawka.A awmzia ka man thlawt lo.
.
.
" I chak lo couch ah i mu thei" a ti a, a mu nghal daih a puan chuan a inkhuh nghal daih a. Engmah ka thiam ve si loa, a sawi chu a dik lo ka tih ngam si loh avang chuan couch lam chu ka pan ta hnu hnu a. Reife ka mut hnu ah pawh ka muhil thei lo a thawm ri ka hre tlat!.
.
.
Thawm ri ka hriat avang chuan ka hawikual nghal ruai a , nilo pa takin ka awm tur ani thawm ri mai mai tiin ka inhum ruh a .Ri chu a ring tial tial avangin ka tho thut a thawm awmna lam chu ka pan nghal a . Hreptak chuan engtin nge hetiang em em a ring hian henu hi a hnar theih a , min ti hlau lek lek alawm.
.
.
" Tho rawh" tih pah chuan ka zuk sawi nawk nawk a, meng mang lo chuan " Enge ?"hi a rawn ti vin tuarh a, ka lo thaw hawk a " Nasa luruk mai" ka phun sup a
.
.
" i hnar ring lutuka ka mu thei lo, a nih loh pawhin i hnar hup rawh" ka lo ti vin hluka.
.
.
" awle" tih pah chuan a in let thawk a a hnar chhunzawm leh nghal a.
.
.
"buaina i siam tam hle mai" tiin ka phun sap a, room atang chuan ka chhuak nghal daih a.
.
.
Club ah chuan ka kal a Italy ah hian ka kal ngun tawh avangin ka tlangnel tawh hle a hotel dang book daih chu ka duh a mahse ka pu thusawi khan min tih tir thei lo ani. Zu chu kan in khalh khalh a ka thaw leh halh thin a ka pu thusawi chu ka ngaihtuah vang vang a.
.
.
Flashback:
.
.
"ka pu kan inneih tawh a , Italy lehzel ah chuan a bulah ka kal thei lo ang" ka thin chu a rim hle a
.
.
Last edited by Haylor FanfictionZ on Sun Aug 14, 2016 11:36 pm, edited 1 time in total.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)