Force to Marry Millionaire BY Haylor(Remruati)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

Re: Force to Marry Millionaire BY Haylor Fanfiction

Unread post by Ngaia » August 19th, 2016, 4:21 pm

chapter-13
.
Ka harh chuan ka bula hmeichhe lo mu ka hmuh thuta ka tho nghal zawt a , henu hi hetah enge a tih? nilo, ka hruai luh ani thei lo ,
" Hey" ka kut hmawr chuan ka zuk khawih a , a rawn meng ser ser a.
" Lola ngangmah maw!" Mak tih hmel tak chuan ka en hu a, Lola hian min ngaihzawng avangin min tibuai reng thin a mahse ka ngaihsak ve lem lo.
.
"Dear, i va harh hma ve" tih pah chuan a rawn zi tiam tiam a
.
"chhuak rawh" vin deuh chuan ka ti tuarh a, Lola chu a nui hak a.
.
"Nizan khan...."
.
" nilo, kan mudun tih min hrilh miah suh" a tawng lai chu ka lo pawtchat vata ,ka lu chu ka dawm vang vang a.
.
"ka awih thei lo , i hre tawh lo amaw? ni e i hre lo reng ang i rui em alawm"
.
"enge hetah ila tih?"
.
" engmaw tunah khan i sawi ?"
.
"tih tur i nei tawh lo , chhuak nghal rawh" ka au tuarh a,a kawr chu ka chhar sawk sawk a ka kai chhuak dawr dawr a,
.
" Kaden, enge maw i tih le ? ka hmangaih che" Lola chuan min rawn kuah a
.
" min hmangaih amaw hahh..." ngeiawm zet chuan ka nui hak a.
"nang ang hmeichhia hi enga tan mah ka ti lo" pawnah ka nawr chhuaka kawngka chu ka khar khum hmaka
.
" i la hre khawp ang" kawngka chu a rawn beng dawt dawt a, mahse ka hrelo der tlat a, ka lu chu ka dawm vang vang a, Ellie in a hria a ngem?
" engthil nge i tih hi? harh chhuak rawh" keimah leh keimah chu ka in be nawk nawk a.
.
"Kaden eng thil nge thleng" Pi Kareni chuan mak tih hmel tak chuan min rawn en ha a.
.
" engmah ani lo" ka thaw hak a " Khawiah nge Ellie?" ka lo ti vata.
.
"a la rawn tho chhuak miah lo " a tih chuan Ellie room ah chuan ka chho nghal vata.
.
Ellie room chu ka kik karh karh a , mahse a rawn hawn mai loh avang chuan a kalh lo bawka kawngka chu ka hawng a, ka lut chhiah chu Ellie chhuata lo tlu reng ka hmuh chuan ka chi ai nghal veka ,
" Ellie tho rawh" ka pawm kang nghal lawpa.
" Ka duh thei lo Ellie " pi Kareni chuan a lo ti ve bawka.
.
" Damdawi in ah kalpui vat angai " tih pah chuan ka pawm chhuak nghala, damdawiin ah chuan ka hruai nghala.
.
.
Ellie an en lai chuan pawnah ka lo nghak ran a , tih hmasak ber tur pawh ka hre lo ka vei kual ka vei kuala Doctor a rawn chhuah chuan ka pan nghal a.
.
"a tha em?" ka lo ti vata.
.
" a tha e ,a khawsik a san bakah a chau em a mahse a harh vat ka beisei " Doctor chuan a ti chuai raih a.
.
" a tha leh vat ang tiraw?"
.
" aw, nghah deuh chu ala ngai ang"Doctor chu a kal a, Ellie awmna cabin ah chuan ka lut vata.A lo bu bam a, amah chu a dang vek bawka, ka thiam loh vek ani .
.
" Kaden , Ellie chu enge a an?" Bella leh ka pu chu an rawn lut ve nghala, pi Karen in a lo hrilh ani ngei ang
.
" k..ka hrelo" ka ti bah nuai a, ka hlauthawng takzet ani.
.
"Ellie" Bella chu a bulah chuan a zuk thu a a sam chu a chul saka.
.
" Eng thil nge thleng hi?" ka pu chuan a ti a, chan dan tur pawh ka hrelo a ka ngawi ta renga.
.
Ka pu leh Bella nen chuan Ellie lo harh chhuah hun chu kan nghaka Zankhua chuan ka thu hle hle thei lo ani ber mai , ka kal kual sek bawka a rawn harh mai loh avang chuan ka hlauthawng ani.
.
" Kaden , a tha leh mai ang hlauthawng suh" ka pu chuan a rawn ti a, mahse ka awm hle hle thei chuang lo.
.
Zingah pawh chuan kan la harh kar a, ka pu chu a haw a Bella nen chuan kan la nghak a.Ellie chu a rawn meng siai siai tih ka hmuh chuan " Bella a rawn harh" ka ti vata.
.
" Doctor kan ko vat ange " tih pah chuan a chhuak nghala, Ellie kut ah chuan ka zuk vuan a, mahse min hmuh chuan a kut chu a la sawn daih a lehlam chu a hawi daih a.
.
" Ellie" ka koh pawh chuan min chhang lo a, a melh ngai chu a melh reng bawka, doctor chu a rawn lut a.A rawn check nghal vat vat a.
.
" doctor a tha tawh em?" Bella chuan a lo ti vat a.
.
" a khawsik chu a reh tawh e, mahse ala chauh deuh avangin hahchawlh a mamawh ani" Doctor chuan a ti a, ka lo bu nghata.
.
" Kaden i la mu miah lo ania lo va haw la hahchawl rawh" Bella chuan a rawn ti a.
.
" Hetah ka lo awm ang lo va haw hmasa la nakinah kan inthlak dawn nia" ka ti a, Bella chu a chau deuh ani ngei ang a meng dul lap tawh a.
.
" Awle, lo lungngai lo la, ka rawn kal leh ang" tih pah chuan a chhuak ve nghala.
Ellie bulah chuan ka thu ran a,a muhil leh tawh ani ngei ang a maimichhing a tih buai ka duh loh avang chuan thawm dim thei ang ber chuan a bulah chuan ka thu ve reng a.
.
.
2days later:-
.
Ellie damdawi in atanga a chhuah dawn avangin pi Kareni chu eitur chi hrang hrang siam tur in ka ti a,a chhanchu Ni 2 chhung khan engmah a ei duh lo a, biak pawhin vawikhat mah min chhang lo a ni.Hmanhmawh takin damdawiin lam chu ka pan nghala Bella leh ka pu pawh an lo awm tawh a ,
.
" i lo thlen tawh chuan kan haw nghal mai dawn mi?, Bill pawh ka tifel vek tawh e " Bella chuan a lo ti sawk sawk a.
.
" awle"
.
" mahse ka lo kal kawi tawh lo mai ang company ah tih tur ka nei a" Bella chuan a ti a.
.
"lo ngaihtuah suh , nih chuan kan kal nghal mai ang" ka ti a, inah chuan ka hruai haw nghala, ka khawih a duh loh avangin a hnung ah chuan ka zui zel a room a a luh hma chu ka enzui char char bawka.
.
.
College ban ah chuan hmanhmawh takin inah chuan ka haw a, pi Kareni chuan rawng a lo bawl mawlh mawlh a.
" Vawin ah thil a ei tawh em?" Pi Kareni chu ka zawta.
.
" Engmah a ei duh lo, ka biak pawhin min chhang duh si lo a, enge a chhan ni ang le?" a hlauhthawng hmel em em a.
.
" Ka han kal ange" tih pah chuan Ellie room ah chuan ka chho nghala, room a ka luh chuan Ellie chu khumah chuan a lo thu a, a sam chu a pawr phang bawk a , khum bulah chuan eitur zinga ka dah chu ei loh in a lo la awm bawka.
.
" Ellie, enge maw tal ei rawh" a bulah chuan ka thu a, a mittui chu a rawn far fapa, a mittui hruk sak ka tum chuan alo hawisan hmaka.
.
Ellie chu a a vek tawh ani ber mai,nidanga inti fai peih em em thin kha ni hnih lai a inbual tawh lo a, khawih ka tum lah in hlauh hmel em em in min en a , engvanga hetianga awm hi nge a nih ka hre lo ani.
.
"ka lo hru fai ang che aw" tih pah chuan towel huh chuan hruk kan tum a, mahse hruk fai chu a duh lo a,
.
" duh tawk rawh Ellie engvanga hetianga awm nge i nih" tih pah chuan towel chu ka paih pawpa , room chu ka chhuahsan nghala. Ka thin a rim em avang chuan ka inhum ruh a dawhkan a thil lo awm ho chu ka paih veka, a chang leh ka in dawm leh vang vang thin a, tih ngaihna ka hretawh lo ani.Kawng khat chauh a awm tawh chu chu Chris ani, Nilo enge maw ka ngaihtuah le Chris chu Ellie bula rawn kal turin ka dil ang maw? Teuh lo lutuk
.
.
Ka vei kual ka vei kual a ,a tawp a tawp ah chuan duh thlan tur dang ka nei tawh lo Chris hian tihdan kawng a hre em em ang tiin car ah chuan ka lut a ka tlan chhuak nghala.Chris in ka thlen chuan pawnah chuan ka ding vang vang a, dik tak chuan ka hreh ani, mahse tun dinhmun ah chuan Ellie damthat leh hi ka duh ber ani.Beer chu kan in khawlh khawlh a Chrisa doorbell chu ka hmet ri ta tlang tlang a.
.
.
" Kaden nang maw, lo lut rawh" Chris an a tih chuan ka lut ve nghala.
.
" Enge ni ta?" tha deuh chuan min lo bia a,
.
" Ih , englo Ellie" ka thaw halh a, sawizawm leh dan tur pawh ka hre tawh lo.
.
"engthil nge thleng" a lo ti vata.
.
" Ka hrelo, Ellie hi ni thum chhung chu engthil mah a ei duh lo a , a tawng duh hek lo ka khawih a duh bawk si lo a, a awmdan hi ka hrerhiam lo" ka ti bah nuai a.
.
" Ellie chu khawiah nge a awm?" hlauhthawng hmel tak chuan a ti a.
.
" inah a awm, lo ka turin ka duh che ani" ka ti chuai raih a, Chris chu a lo bu nghata. Hetiang thil hi a thlen ka ring ngai lo hrim hrim Chrisa hma ah tlawm takin ka awm ani mahse ka thil tih hi dik niin ka hre tlat ani, a chhanchu Ellie hian Chris hi a hmangaih ani.
.
.
In kan thlen chuan Chris chu Ellie room ah chuan ka hruai chho vata Chris an Ellie a hmuh chuan hriatthiam hmel tak chuan min rawn en a Ellie bulah chuan a va kal hnaia keichu kawngka bulah ka lo ding ta zawka.
.
" Kelsey , hei ka lo kal ania" Chris an a tih chuan ka lo en kar a.
"i sam te hi a buk lutuk ania, tikha chuan Sir Roney i ang ania chuvang chuan su fai ang aw" tih pah chuan Ellie bulah chuan a thu a.
.
.
"heihi ei rawh i ei that loh chuan tikhan i te reng mai ang" A ti sawk sawk a, Ellie in Chris a hmuh chuan a kuah nghala a tap ta hawm hawm a, Ka tih reng kha Chris hi Ellie tan chuan damdawi mum lian ani , keichu ka khawih pawh a duh loh laiin Chris ve thung chuan a ngai ah a let tir leh thei ani.
.
Ellie a rawn tah chhuah avang chuan ka hlim hle a, mahse Chrisa bula a awm lai hi ka hmu thei thlawt lo ani, inhnuai ah chuan ka chhuk thla a, tuna ka awm dan hi ka duh lo ani, thinrim na in ka khata Ellie in kei ni lo Chris a mamwh zawk tih ka hriat hian ka thinrim takzet ani.
.
.
Khata tang khan Chris chu nitin a rawn kal ta ziah a Ellie pawhin that lam a pan chho zela mahse biak pawh min be duh chuang lo ani. An awmdun lai hi hmuh hrehawm ti viau thin mah ila duhthlan tur dang ka nei si lo ,Inah chuan ka awm ngai mang lo a a chang leh ka penthouse ah te ka riak daih a mahse Chris leh Ellie awmdun tur ka ngaihtuah hian ka haw leh nge nge thin ani.
.
.
Ellie chuan ka biak pawha min chhan duh miau loh avangin biak pawh chu ka tum bik lo a,inkhatah awm dun mah ila khawvel dang daiha awm ang mai kan ni a



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 19th, 2016, 4:21 pm

A chang leh Ellie runluih nan inah te kan party thin a a duh loh dan anga awm chu nuam ka tih ber ani.A hma ang khan hmeichhe dang dang ka kawp kual a mahse ka mutpui ngai lo ani. College ah lah ka kal tlem em em a ka pu in dinner ei tura min sawm bak chu Ellie nen hian kan inhmu ngai mang lo ani.
.
.
Class chu ka kal khat em avangin kal chu tha ka ti a , English class ani a Ellie leh Chris ka hmuh loh ngei ka beisei tlar hnung berah chuan ka thu a ka rin ang ngeiin Chris leh Ellie chu an rawn lut a, Ellie in min hmuh chuan mak tih hmel takin min rawn en ha a.
.
" min rawn en suh , ramhuai ka ni ami?" ring zet chuan ka ti a ,Ellie chu ka kawk va a, midang chuan min lo en thapa, Ellie chu zah hmel takin a hawi kual a.
.
"duh tawk rawh Kaden" Chris chuan a lo ti vata.
.
" ngawi rawh" ka tih chuan midang ho chu an rawn kalkhawm tup tup a, an ri mur mur bawk a.
.
"Eng thil nge thleng " Miss Nikita chu a rawn lut a, midang ho chu an thutna ah an thu nghal sap sap a.
.
" Kaden buaina leh bawk maw? nang nang leh nangkha detention in ni e " tih pah chuan a chhuak nghala .
.
.
Banah chuan kei ,Chris leh Ellie chu ka awm hnufual ta a, tlar hnung berah chuan ngawi rengin ka thu a Chris leh Ellie chu zawi te te chuan an inbe sep sep a, an nui leh hak thin a an hnungah chuan eiloh hmel zet chuan ka lo en a .Darkar khat zet kan awm hnu chuan Miss Nikita chu a rawn lut a.
.
" Kaden buaina ka duh tawh lo ania, in haw thei tawh ang" a ti a, a kal lehnghala.
.
.
"hrem nih chu nuam i tih hmel hle mai"chhuah pah chuan ka ti a ka nui lui hak bawka
.
.
2 months later:-
.
.
"Kei Kaden Crawford hian he company hi tha taka enkawl turin ka in tiam e" ka tih zawh chuan kut chu an beng dur dur a,Vawin ni hi ka pu ai ka awh ni ani a, company president ni tura thu ka tiam ni ani.
.
.
" Kaden ka ring tawk che a, he company hi i kutah ka dah e" ka pu chuan thutak ran chuan a ti a
.
" Ellie nangpawhin theihtawp i lo chhuahpui dawn nia" ka pu chuan a ti a.
.
" ka theihtawp ka chhuah ang" Ellie chuan a lo ti ve nghal vata
.
"college i la kal dawn kha engmah tih tur i nei ve lo" Ellie beng bul ah chuan ka ti a, min rawn melh rum ngei mai.
.
" ka hria,i hnuaia ka thawk lo tur hi ka vannei ngawt mai" A lo ti ve nghal vata, hei chauh pawh hian min ti thinrim tawk em em a, henu hi chu ka lakah hian a tlawm ve dawn lo niin a lang
.
" Chris" Ellie in a tih chuan ka lo ner nanga , Chris bulah chuan a kal nghal vata .
.
An thusawi ngaihthlak tum chuan ka kal kual ka kal kual a, an bul hnai a ka kal chuan min hmuh ka hlau si a midang chu ka be der ta vel mai mai. Engthil nge maw ka tih tak hi, tunah chuan company president ka ni tawh a ka company chiah hi ka ngaihtuah angai ani

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 19th, 2016, 4:22 pm

Chapter-14
.
.
Kelsey pov:-
.
.
Kaden chu ka rin ang ngeiin President a nih pawh chuan a khirh leh hle tawh a mi tamtakin hlau in sawisel thin mahse Company kaisan nachhan ani tlat si. Zanah rei tak tak thleng hna a thawk thin a weekend ah bak club ah a kal ngai tawh lo a a inthlak danglam tawh hle a mahse a chimawm na leh a khirh na hi chu a reh thei chuang lo anih hi
.
A chang leh dinner ei turin ka lo nghak thin a , a chang leh zan rei tak tak thleng pawnah a lo haw hun ka nghak thin a mahse chutianga ka thil tih zawng zawng chu a hriat ka hlau leh em em si , Chris nen pawh kan la inkawm renga mahse ani pawh a graduate tawh avangin company lamah a buai thei hle a mahse zingtin college ah min la hruai thin tho ani.
.
Flashback:-
.

Ka pa thi chu ka tuar em em a, ka inthiam thei lo ani chutah Kaden an min duh ve lo tih ka hriat phei kha chuan Kaden chu ka haw hluah hluah a ,a tawh pawh ka duhlo ani. Ka pa chu a thih ni ah pawh ka thlah liam thei lo ani a ka pa tana ka thil tih pawh chuan ka pa chu a ti dam zo chuang lo a damchhan nei tawh lo ang mai hian ka inhria a.
.
.
Damdawiin atanga ka chhuah pawh chuan ka thil tih engmah a tui lo a,thil ei chak na lah ka nei hek lo.Khumah chuan ka mu tawp a Mrs Skylari chuan vawi tamtak min rawn biak a tum thin a mahse phone chu ka off hmaka .Contract ala zawh loh avangin thla5 lai chu he hremhmun ah hian ka awm ala ngai dawn a , Nitin Kadena hmuh chu ka zuam tawh lo ani chuti lo chu min tih nat zual leh hi ka hlau ani.
.
.
Chris a rawn kal chuan ka thaw huai a , a hma a tap chhuak thei lo kha ka tap chhuak ta hawm hawm a ka thawl huai in ka inhria ,
.
" Kelsey hetiang hian awm suh , enge a chhan?" Chris chuan zaidam tak chuan a ti a, chan pawh ka chhang lo a mahse min ngaihsak tu leh ka ngainat em em an awm chu ka hlim a ka rilru pawh a nuam huai ani.
.
" Awle, nakinah min hrilh dawn nia , hawh lo kal rawh i sam ka lo suk sak ang che" a tih chuan ka nui suk a.
.
" Kha i nui ania tunah chuan nui reng tawh rawh, chuan i thawmhnaw hak tur ka lo la ang va inbual la " Ni e, ni hnih lai ka inbual tawh lo a , inbual chu ka mamawh ani. Ngawi reng chuan bathroom ah chuan ka lut a, rei tak ka inbual hnu chuan ka zo thei ta hram a.
.
" Kelsey han inthlak la , eitur ka siam ania" Chris chuan alo ti sawk sawk a, khumah chuan ka thawmhnaw hak tur chu a lo dah a , inhnuai a ka chhuk chuan Kaden chu ka zawng deuh a mahse ka hmu lo , hepa hi chuan min ngaihtuah thlawt lo anih hi.
.
.
" lem , ei ang le "Chris chuan chair ah chuan min thut tir a ,a thil siam chu min eitir a mahse ka ei tam thei chuang lo a, ka chau deuh hlek avang chuan khumah chuan ka mu leh nghala.
.
A tuk ah pawh chuan Chris chuan college chawl thakin ka bulah a awm a , kan exam a hnai tawh si a chuvang chuan tlem tlem in lehkha min zirpui thin a, a chang leh min lenchhuah pui a that chhoh lam chu ka pan telh telh a.
.
.
Kaden nen pawh kan inhmu khat em em a ,college lah a kal ngai bawk si lo a chang leh assignment chu ka tih saka ka submit sak leh mai thin a , inah pawh a awm khat em em a kan inhmuh chhunah pawh kan inbe ngai lo a ni , hmuh loh chu ka duh zawk ani a chhan chu ka hmuh chuan ka rilru ah a awm reng thin vang ani.
.
.
"Kelsey thil engkim min hrilh la ka duh ani" Chris nen chuan beach ah chuan kan thu a.
.
" Eng thil maw ka hrilh ang che?" ka lo ti ha a.
.
" i duh duh ani mai engpawh" a han ti leh a.
.
" engthil mah a awmlo " ka lo nuih suk a.
.
" ihhh... Kelsey i ni a mahse Kaden chuan Ellie maw a ti che a" a tih chuan mak tih hmel tak chuan ka en a, ka tho thut a kal chu ka tum ta a.
.
" Kelsey lo ding teh , engvanga Kadena nupui ah hian tang nge i nih?" ka ban ah chuan a rawn vuan a.
.
" Engthil mah sawi ka duhlo" ka lo ti vin hluk a.
.
" i thian ka nih hi min ring lo ami Engkim ka hrechhuak tawh mahse i ka atang ngeia hriat ka duh ani" Chris chuan thil engkim a hriat takah chuan ka hlauthawng a mahse Ka ring ngam ani . Ka pa chuan min kalsan tawh a, enge hlauh leh tur chuan ka neih ,engtik ni ah emaw chuan thudik hi an la hrechhuak ngei ang engkim chu ka hrilh ta veka ka pa damloh atanga a thih ni thleng chu, ka mittui chu a tla leh thin a mahse ka thawl huai ani.
.
.
" Kelsey min ring rawh Mrs Skylari chu a phu tawk hremna ala hmu khawp ang" Ni e, Mrs Skylari hi a duham in tumah hi a ngai pawimawh lo ani.
.
.
End of Flashback:
.
.
Kadena a rawn haw tih ka hriat chuan ka room kawngka atang chuan ka bih dek dek a ,a room ah chuan a lut tlang nghal a ka thaw huai a.
.
Zinga ka thawh chuan pi Kareni chu a awm lo a breakfast lah peihfel ala ni lo a,ka tlai ka hlauh em avang chuan bawnghnute leh chhangthawp chu ka ei a, hmanhmawh takin college lam chu ka pan leh nghala.
.
.
College ah chuan Kadena nupui ka ni tih an hriat tawh avang chuan min be tha tawh hlawm em em a ,mahse keimaha awm chu nuam ka ti zawk ani.Tlai ah chuan project ka neih avangin ka haw tlai deuh a ina ka luh chuan Kaden chu a lo haw tawh a, kitchen ah chuan ka va phei a dinner ala in peih bawk si lo a.
.
." Khawiah nge pi Kareni" thinrim zet chuan ka ti a, ka pum lah chu a ri kurh kurh tawh a.
.
.
" Ka pu inah ka phei tir" a lo ti hmuka, tha deuh in ka bia a, tha takin min chhang tur chu ani asin le.
.
" Engtik ah nge a rawn kal leh dawn ?" beisei nei tak chuak ka ti a.
.
" a lo kal tawh dawn lo"
.
" Engmaw?" ka lo ti vata.
.
"i beng a chhet ami a rawn kal tawh dawn lo" tih pah chuan a rawn tho kang a, ka bulah chuan a rawn kal a.
.
.
"in bia ang" min rawn kal hnaih hma chuan ka ti a .
.
" awle" ngeiawm zet chuan min rawn nuih suka.
.
"anih chuan pi kareni aiawh tu tur engtik ah nge a rawn kal dawn" ka ti leh a.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 19th, 2016, 4:22 pm

"heta hi ,ka hma a in a awm reng alawm"
keimah chu min rawn kawk a.
.
" engmaw!! keimah maw!!"
.
" Aw ni chiang e, tun atang chuan nupui in a tih tur ang chu i ti vek tawh ang"
.
" Eng ....engmaw! in tihfai leh ei rawngbawl ka ti vek ang maw!!" phawk deuh chuan ka en a.
.
" umm... I awm awl mah mah Chris nen hian len na hun awl in ngah mah mah"
.
"i buai na tur a awm lo"
.
" ka nupui i ni a, mipa dang nena in awmlai hi mi in an hmu thin che u a, hetiang hriat reng hi ka peih lo "
.
" anih chuan keiman awmpui tur chu ka la mai ang" ka lo ti ve hmaka.
.
" i duh le la rawh mahse i card ka block tawh , tun atang chuan ka pawisa pek che chiah i hmang tawh ang"
.
" chutiang chu i ti thei lo ang"
.
" ka thei chhiang alawm i bazar vek tawh ang, rawng bawl rawh ka ril atam ania" a tho hmaka " chuan darkar khat hnu ah dinner peih fel sa vek hmuh ka duh ania" a kal daih a.
.
" Hmela, rawng ka bawl dawn chuang lo" tih pahin ka room ah chuan ka lut ve hmaka.Hepa hi enge maw a hriat le hetiang hian a awm thut a, min tihduh dah hi nuam a ti leh lutuk mai rawng ka bawl dawn bik lo.
.
Ka pum chu a ri ruk ruk a, ka ril atam em avang chuan kitchen a chuan ka chhuk a ,ei siamna bu hi a lo dah a ka hmuh chuan ka ner nanga hepa hian a lo ruahman lawk sa vek anih hi sual leh lutuk mai ,rawng bawl lo thei lo chuan min siam a eisiamna bu en chawp chuan ka siam ta a, ka siam zawh chuan tui lo ti hle mahila ka ril tam em avang chuan ka ei tawn tawn a.
.
.
Zinga ka thawh chuan dawhkanah pawisa leh toast leh bawnghnute hi a lo dah a,poisa chu ka la a ka paih pawp a, a awmpui pawh ka nilo a duh duh dana tih theih pawh ka nilo. Room ah chuan ka chho leh a ka inbual a, ka insiam nghal sawk sawk a inhnuai ah chuan ka chhuk thla a, eitur dang a awm si lo a toast leh bawnghnute chu ka ei a pawisa chu ka la a , college lam chu ka pan leh nghala.
.
.
Class ah chuan Miss Geny chu a lo awm tawh a, luh chu ka dil a.
.
" Mrs Ellie Crawford" a tih chuan ka phu deuh zawka, Crawford maw engtik laiin nge Crawford ka lo nih tak.
.
"enge ni?" ka lo ti vata.
.
"i project ah hian i insawrbing angai ania chuvangin rawn tlai tawh suh ang che"
.
" Awle" tih pah chuan a hmasa ber ah chuan ka thu a, Amberi leh a thiante chuan hnung lam atang chuan paper hian min rawn vawm leh thin a mahse ka hawi let duh lo a achhanchu khing thama ka ngaih loh vang ani.
.
.
"Ellie" ka ning em avang chuan ka han hawi chho a.Ka hawi chhoh rual rual chuan ka bek ah tak chuan a rawn ri nghal fawk a, a na ka ti lutuk chu ka bek ka hup nghala

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 19th, 2016, 4:22 pm

Attention please, vawin ah hian kan project sponsor tu a rawn kal a, kut ilo beng ang Kaden Crawford" Miss Jona chuan ati a, Kadena rawn lut lai chu ka hmu ruai ruai a .
.
.
"ka lawm e...." hawihawm tak chuan a ti a min rawn en a. "Ellie ngatinge? a thi ania" Kaden chuan ka bek chu a rawn hup nghala, ka khaw hmuh chu a fiah lo ruai ruai tawh a." 911 call vat ru" Miss Jona chuan a lo ti ve bawka .Kaden chuan min pawm kang nawlh a, a car ah chuan min thut tir a , thisen a chhuah nasat em avangin a car ah chuan a kai nuai a.
.
" Ellie i tha leh vat mai ang" a khat tawk in min be reng bawka , a khalh chak em avang chuan damdawi in pawh kan thleng vata .
.
.
Nurse ho chuan min lo buaipui sawk sawk a, hmun hnih ah min lo thui sak a, khumah chuan ka mu bam a.
.
.
" Hey" Kaden chu a rawn lut a, a kut velah chuan thi a kai nuaih a.
.
" min lo be suh mut ka duh" tih pah chuan ka maimichhing daih a , ka muhil nghal vata .
.
.
Zinga ka thawh chuan ka lu chu a na bur a , ka hawi kual vat vat a, ka room ah chuan ka lo mu reng tawh a , ka tho vata college kal tur chuan insiam ka tum a.Kaden chu a rawn lut a.
.
" Vawin chu college kal suh , kha damdawi ei rawh" tui leh damdawi hi min rawn pe a.
.
" tur a nih loh hram ka beisei" tih pah chuan ka ei a," college chu ka kal ngei ngei angai " ka ti zawm nghal zata.
.
.
"in principal ka hrilh vek tawh, vawin chu inah i awm ang , mu la breakfast ka rawn la ang" tih pah chuan a chhuak nghal a, A awmdan hi hriatthiam a har ngawt mai a chang leh min duat em em a a chang leh a sual leh hle si .
.
.
Ka project hi ka tan a pawimawh em avangin lu na chung chung chuan ka theih ang tawkin ka tih chhunzawm char char a ka lu a rawn hai apiang chuan Amberi chu hnek pawp ka duh rum rum zela.
.
.
Doorbell a rawn ri rang rang a, pi Kareni a awm tawh si loh avang chuan peih leh peih lo chuan hawng tur chuan ka chhuk thla a kawngka ka hawn chuan Chris hi a lo ni a.
.
"Kelsey i chanchin ka lo hria a ka ngaihtuah lutuk che a" Chris chu a rawn lut nghala, Kaden chu a awm leh awm loh ka en kual nghal vata a chhan chu Chris hi hmu tawh lo turin min ti a ,a rawn kal ani tih a hriat chuan buaina a tam mai mai dawn ani.
.
.
" Engmah a nih loh hi, ka tha lutuk " ka lo ti vata.
.
"chutiangin an ti ngai lo lo dam tha vat vat rawh, hei eitur ka lo ken che ania"
.
" ka lawm e mahse i buai awm si a, kal tawh mai rawh" ka lo ti nghal zung zung a,ka awmdan avang chuan Mak tih hmel takin min en a.
.
" Kadena a awm ami?" a ti nghal vata.
.
" Haha...chutiang ani lo, i buai ka ringa" za lo tak chuan ka nui huk a.
.
" Anih chuan ka kal mai ang, meeting kan nei dawn si a" tih pah chuan a chhuak leh nghala, Chrisa eitur min rawn keng chu ka ei nghal tawn tawn a achhan chu pi Kareni awmloh atang khan rawng ka bawl ziah a, hetiang eitur tuihnai hi ka eiloh na a rei tawh vang ani

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » August 19th, 2016, 4:23 pm

Chapter-15
.
.
Kaden pov:-
.
.
Ellie chu college kal lo tur chuan ka hrilh a,inah amah chauh in a awm a, amah ka ngaihtuah deuh avangin office kal loh chu ka tum a mahse ka ngaihtuah tih a hriat ka duh loh avangin a breakfast tur chu ka lei a, a room ah chuan ka dah a office ah chuan ka kalsan a.
.
.
Car a ka luh chuan Ellie thisen kai nuaih chu ka hmu a, ka car dang zawk ah chuan ka chuang ta zawka, Secretary Joe chu ka call vata
.
" ka car hi lo tih fai tir ang che" ka tih chuan phone chu ka dah nghala.
.
Ka office ah chuan ka thu vang vang a, hna thawh tur tamtak awm mahse ka ngaihtuah thei ta tlat lo a, a chhan chu tunah Ellie chu damlo in a awm a Pi Kareni lah a awm bawk si lo amah chauh chuan buaina lo tawk ta se emaw nikhaw hrelo in lo awm ta se engtin nge ka tih tak ang ka thaw leh halh thin a.
.
.
" President , meeting nei turin an nghak tawh che ania" ka secretary Joe chuan a ti a
.
" Awle" tih pah chuan ka tho a, meeting room ah chuan ka kal nghala.
.
Midang in thil an sawi lai chuan thil dang daih ka lo ngaihtuah leh veng veng thin a , a chang leh an thil sawi te chu ka lo hre lo a ka rilru a a luh theih thlawt loh avang chuan ka ding thuta
.
.
" Meeting hi naktukah chhunzawm a ni ang" ka tih zawh chuan ka chhuak nghal a.
.
" Secretary Joe, Ellie chaw duh ber kha lo pack tir la rawn thawn ang che, chuan vawin chu keiman ka khalh haw ang" ka ti a, car chhungah chuan ka lut a chak zet chuan in lam pan chuan ka tlan nghal a.A ruk chuan ka nui leh suk thin a a chhan chu Ellie hmu hlan ka nghakhlel tawh ani.
.
.
In ka thlen dawn chuan Chris chu rawn tlan chhuak lai chu ka hmu a , Hetah Chris a rawn kal amaw? Ka awm loh hlan in nuam an lo chen leh tawh anih hi, ka sa nghal up up a, ka thin chu a rim nghal tun bawk a.Kawngka chu ka hawng nghal thuai a Ellie in thil a lo ei mawlh mawlh chu ka va hmu a.
.
" Heihi tu rawn ken nge?" vin zet chuan ka ti a, a thil ei lai chu ka kawk va a , mak tih hmel tak chuan min rawn en ha a.
.
" ihh..."
.
" heihi tu rawn ken che nge ka tih chu " tih pah chuan bawlhlawh bawm ah chuan ka paih nghal pawp pawp a.
.
"nga..... ngatinge i paih veka " a ti bah nuai a.
.
" hetiang hi ei tawh suh" ka vin tuarh tuarh a." kha pa kha hmu tawh suh ka ti che a ni lawm ni"
.
"ka ei duh alawm , khatiang kha min eitir ve ngai hleinem".
.
"ka leisak ve mai ang che, khapa thil pek che kha vawikhat mah la tawh suh ang che"
.
" Engvangin maw ka lak loh ang, nang te chuan hreawm na bak min siam sak ngai lo" a lo ti ve vata.A sawi dik bawk si a sawi mai tur pawh ka hrelo a
.
" kutdawh ang mai" tih pah chuan room ah chuan ka luh san daih a " ka necktie chu ka phelh a, ka vawm pawp a.
" Heptak chuan in dangah a hriat loh turah kan awm angai ani" ka ti sap a.Mr Joe chu ka call a
.
" Mr.Joe in lian tha tak fal deuh hlek a awm lo zawng ang che a rang lam in ka duh ania"
.
" awle, President" Mr joe chuan a ti a, ka thinrim lutuk chu ka room atang chuan ka chhuak leh a Ellie in bawlhhlawh bawma ka paih sak tawh kha a lo char lai mek chu ka hmu a.
.
" Engthil nge i tih?" ka tih chuan a phu zawk a.
.
"A la bal lo a, bakah man to tak anih hi" tih pah chuan ice cream box chu a hawng a, a ei nghal tawn tawn a.
.
" khatiang i ei vang anih kha i than theih miah loh "
.
"Engmaw!!" a rawn hawi chho ha a.
.
"Vir leh lutuk mai" ka ti ringawta, room ah chuan ka lut leh daih a.Engvangin nge Chris hi a rawn lan ve sek le? tunah chuan ruahmanna fel tak ka neih angai ang.Mr Joe chu ka call leh a.
.
" ice cream pawh a tam thei ang ber rawn thawn tel ang che" ka ti a, thil chi hrang hrang ka ngaihtuah a ka vei kual chhen bawka.
.
.
"Kaden!!" Ellie chu a au chul a, hmanhmawh takin ka chuak nghala.
.
" enge?" hlauthawng tak chuan ka ti a.
.
" hei, eitur a tam lutuk ice cream pawh" hlim hmel tak chuan a lo enkual dan dan a, a hlim ani tih ka hmuh chuan ka lo nuih suka.
.
" Chrisa rawn thawn aniang" a tih chuan ka nui tawp nghal hmaka, Chris ti reng mai.
.
.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)