I Heart u by Haylor(Remruati Bawitlung)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

Re: I Heart u by Haylor(Remruati Bawitlung)

Unread post by Ngaia » November 27th, 2016, 4:33 pm

Chapter-19
.
" nu i fanu ka awm hi ,pawisa vangin kan hlim reng thei chuang hleinem "
" mahse i thawk hah lutuk a a chang phei chuan i tan hian phurrit ka nih te ka ring hial asin"
" nilo nu min dampui ve tawk tawk chhung chu ka hlim, min ring rawh rim taka hna ka thawh hian ka hlim zawk "
" anih chuan tinge saw pa saw i pawm leh mai loh, a tello chuan i hlim lo tih ka hria" ka tho vata.
" nilo, tihian ka hlim zawk ....ka tlai dawn ka kal tawh ange" tih pahin kawngka chu ka hawng thuai a.
.
" ana i va hawng na em em ve, " Dj chuan a chal dawm vang vang pah chuan min melh khai a.
" Kan thusawi kha ilo ngaithla vek ani amaw!! " ka thaw halh a, kal mai chu ka tuma
" ka tello hian i hlim tak tak amaw!!" ka ding chawt a, mahse ka hawilet lo.
"Kath...ka ring lo che ,ka tello hian i hlim reng reng lo, ka tello chuan i nun chu ruak vek in i hria a,min ngai ngawih ngawih a tun hma anga awm leh i duh tih ka hria kei ang tho in .... ka awm ang chiah hian i awm tih ka hria "
.
Ka maimichhing vang vang a, mahse hawilet erawh ka tum lo .Dj sawi zawng zawng hi a dik vek , a tello chuan ka hlim lo , amah avanga tah chang pawh ka ngah mahse maw engtin nge nupui hual nei lai chu ka tih buai theih ang.
" i hresual anih chu" tih pahin ka kal nghal hlawk hlawk a, let leh ka tum tawh lo.
Thil ka ngaihtuah neuh neuh a,khami zan Dj leh Venna an inhual thu chanchinbu a inziak ka hmuh zan khan Dj in ah a zan a zan in ka kal anih kha .Inchhunga ka lut tur chu thil ri rawk ka hriat avangin kawnga bulah ka ding chawt a, ka thil hmuh hi ka awih thei lo, thawm neih ka hlauh avangin ka ka ka hup vata
.
Ka mit hmuh lai ngeia Venna nen an infawp ka hmuh tuma ka rilru nat zia kha vawi sang tam tak ka mitthla mai mai anih thu in ka inhnem chawpa mahse a tak ngei ani si.Dj an a fawp dan te,a melh dan te kha ka theihnghilh thei lo. Dj an min rawn hmuh avangin ka biru nghal vata, a ni pawh a rawn tlan chhuak zui ani kha.Mahse a ruih vanga puhin inchhungah a lut leh mai a, hmanhmawh takin ka tlan haw ta ani.Ka thinlung chu zai thler vek ang maiin a na a, thi daih mai chu ka duh ani.
.
Ka chhungte bulah haw ka tum a Mahse chance vawikhat pek ka la duh fan tho, ka mit ah chiang tak a en chungin min hmangaih thu min hrilh a Dj chu ka ring zawk tur ani.Venna nen an infawp lai hmu mah ila chu chu theihnghilh in ka huaisenna zawng zawng nen Company ah ka kal ta a mahse Dj ala kal loh avangin Sobero kutah lehkha ka hnutchhiah anih kha.Liza pawhin ka at tawh thu leh a rawn kal dawn loh thu min hrilh chamchi nachungin Dj chu a rawn kal ring tlat chungin nilengin station ah ka lo nghaka mahse a rawn kal lo.Engkim a chiang ta, ka mittui te hruhul in Dj chu theihnghilh hlen ka tum ta ani.
.
" Kath... " ka phu zawk a, ka hawilet vata.
" Mayer... " ka lo nuih sanga,
" ka ko nasa lutuk che enge i lo ngaihtuah daih ?"
" Ahh...Mayer "
" Mayer tiin min ko tawh suh ka tih tawh kha "
"ahh,.. ka tihpalh ....Ivan ,enge hetah i rawn tih dawn a?"
" umm...helai hmun vel en fel turin mawle"
".keipawh dawrah ka kal dawn chiah"
" ugh...anih chuan kan kal rual thei dawn anih chu"
.
Ivan nen chuan kan kal rual nghala, Ivan hi kan awmna Mayer a ni a, Kum34 mi niin a hmel pawh la tlangval tak ani.Ka chungah a fel em em a, kawng engkimah min buaipui vek ani.Helai hmuna kan insawn atang khan min ngaihsak em em a helai hmun ami te pawhin min duh pui in kan inngaizawng emaw an ti hial mahse thian ang bakin ka en lo.Ivan hian lenchhuah pui ah min sawm fo na in ka buai thu bakin ka chhang ngai lo.Ngaihzawng dang nei leh tur chuan ka la inpeih lo ani.
.
" Ivan ka lawm takzet, helai hmun ah hian awm lo la chu dawr pawh ka hawng thei miah lo ang"
" Ahh...ka tih ve theih tawk alawm, Ninna a dam amaw?"
" aw...ka nu chu a dam e"
" Wow... helai hmun hi couple restaurant tih tawh ila a tha ang" Ivan nen chuan kan hawi phei rual vat a,Dj chu kan piah ah chuan a lo ding ran a.
" Tunge i nih?" Ivan chuan alo ti vata.
" Tunge ka nih i hrelo amaw!! khawvela company tha zinga lang pha Brilyante Company CEO ka nih hi, mipa bright tak leh fing tak i nih chuan min hriat ngei ka ring chuan Kath hmangaih awmchhun ka ni bawk"
" mahse ka hrelo che"
" Engmaw!!" Dj mak tih hmel ka hmuh chuan ka lo nui suk a.
.
" Min hrelo amaw!! hahhh... in chhiar zau leh i la ngai anih chu chuan nang hi maw helai Mayer an lo chhuan em em chu, eng teh ual ilo nih loh hi "
" Enteh naupang enge i duh?" chutia an inchan lai chuan an sir ah ka lo ding ngawi renga, engmah sawi tur pawh ka hrelo.
" ka duh chu maw helai hmunah hian i bial fang chhen lo la ani mai "
" hahh...i company lian tak chu va enlawk leh zawk rawh "
" Duh tawk teh u" ka au turah a, dawr chhungah ka luh san daih a, khatianga inchhang rual pawh an ni tawh lo .
.
" Kath...min tih dan kha i lo hmu em , deuhsawh takin min tih kha"
" Dj..duh tawk rawh tihian naupang chhia takin awm zel i tum ami?"
" mahse a melh dan che kha ka duh lo alawm"
" engvangin nge min melh dan chu i lo ngaihmawh ve em em a, Dj haw tawh rawh i company pawhin a mamawh tawh ang che "
" aih...i rawn kal ve loh chuan ka duh lo"
" anih hetah hian hna thawk lo in ka thawh chhuah sa ringin awm reng i tum ami?"
" ni chuang lo e"
" nge i sum tamtak khan midang thil i lei leh zawk dawn "
.
" Kath....duhtawk rawh, "
" Dj duhtawk zawk rawh, i pawisa te hi kan mamawh lo keichuan thlan far zawih zawih in pawisa ka hlawh chhuak thin asin , i thil neih rawn show off i tum anih chuan kawngka chu sawlam ah sawn a awm"
" lo haw hma ang che" ka hmuiah chuan a rawn fawp zeuh a, a chhuak nghal vang vang a.Ka thaw hawk a.
" a puitling thei ngai dawn lo anih hi " tih pahin dawhkan chu ka hruk chhunzawm leh nghal mawlh mawlh a.
.
Nilengin Dj chu a rawn lang leh miah lo, mahse ka awm a nuam thei chuang lo kawngka lam chu ka melh chhen a, mahse a hmel reng reng hmuh tur a awm lo .
" Kath...tinge kawngka lam saw i melh chhen a, Dj a rawn kal i ring ani maw"
" teuh lo mai , kha heihi table no.4 ah va pe rawh "
" Dj hi i duh reng sia, tinge i pawm ve mai loh luhlul leh lutuk" Joey chu phun bul bul pah chuan tray chawi chung chuan a kal a.
Joey hian engmah a hrethiam lo ani,ka tawrh na zawng zawng te kha engmah a hrelo , ka tawrhna zawng zawng te kha engmah lo maiah chantir ka duh hek lo.
.
" Kha i lo ngaihtuah leh vung vung tawh"
" Joey i hna chiah ngaihtuah rawh ,bakah Dj te chu a haw tawh ang helai hmun thingtlang lutuk ah hian a awm peih lo ang "
" keichu ka ring lo" a ti sap a.
A haw ka rin rual rual in ka thinlung chuan la awm turin ka duh .Hnawl in a chungah sual hle mah ila hetiang em em hi chuan a chungah rilru chhia ka pu lo mahse nupui hual a nei tih ka hriat apiangin inthiam loh na in ka khat a, ka thin a rim bawka hmeichhia ka ni a ka tawrh ang kha ka hmeichhiat pui Venna chungah thleng turin ka duh lo.
.
Joey a haw hmasak avangin keimahin ka haw hnak hnak a, ngaihtuahna a kal thui hle, Dj hi a haw ang nge alo la awm ang?
" Kath...tinge nangmah chauh a i haw lo chuang rawh" Ivan chu ka zawn a car rawn ti dingin ka chuan hma chu min en renga .
" awle" tih pahin ka chuang ve nghal vata.
" Kath... khapa kha .... kha CEO pa kha, i hmangaih tiraw?"
" ahh..."
" i melh dan kha ka hmu vek alawm, ani i melh ang khan kei min melh ngai lo"
" ahh...engmah a awm lo "
" anih chuan min Date tura ka sawmna che kha pawm rawh" ka ngawi renga .
" ugh...kan in kan thleng ta " tih pahin ka chhuk daih a.
" Ivan mangtha " bye bye lauh lauh pahin inchhunhah ka luh san nghala.
.
Inchhung ka luh rual rual chuan ka nu in min lo kai vata,Au tuar tuar thawm ka hriat avang chuan ka ding zawt a.
" nu chu thawm chu bathroom atangin a ni em ?"
" Kath lo thu teh" tih pahin min pawt thu lawp a .
" Dj anih chu, tui vawt in ka inbual tira" ka beng bulah chuan a rawn ti sa sa a,
" nu...engmaw i hriat le?"
" ka ti tha ngawt zawk ngawt alawm.Vawin ah pawh hnathawh tur ka duh a tia kan thing zawng zawng kawtah ka put chhoh tir vek a chuan tui pawh a chawi khat vek tawh"
.
" nu hna a thawk ngai hleinem , tiang te chuan a chau lutuk anga sin"
" kha bawnghnute hi in phawt teh, a ngai lo ka tih pawhin thlan tla thei hna thawh tur min dil tlat alawm, ka lo thawh tir mai loh te chuan.... chuan lo en reng rawh a hnawmhnaw te kha a bal tawh lutuk a, ka suk sak daih a i pa thawmhnaw hak turin ka pe a"
a ti zawh rual rual chuan Dj chu bathroom atang chuan a rawn chhuaka ,ka pa kekawr hlui a mawih tawh avanga a khup tet vek tawh leh kawr te reuh te mar vek hian a rawh ha chhuak anih chu!! ka bawnghnute in lai pawh ka phuh chhuak tep ani,ka nuihza lutuk chu ka insum hram hram a, mahse a harsa takzet.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:33 pm

"nu chaw ei tawh ang u" tih pahin Joey chu a rawn chhuaka, Alisha leh Gadine pawn an rawn zui ve nghala,Dj chu phawk zet hian an melh ha hlawm a.
" Dj.... i damlo ami?" Joey chuan a pang vel chu a lo dep sak vata.
" aih...ka tha, chaw in ei dawn sia pawnah ka lo va awm ange" tih pahin pawnah a chhuak vata, hetia a tih nachhan chu chaw ei dawn apiangin pawn ah ka chhuah tir thin vang ani.
" Kath....a hmangaih tak tak che in ka hria" ka nu chuan a ti sap a.
" nu kei pawhin dinner ka ei lo ang, lo ei ru " tih pahin room ah ka luhsan a.
" i ti ve ziah, kan rualin Dj chaw ei tir i duh lo a, nangpawh in Dj ei ang chiah chaw thing i ei leh tho sia" ka nu phun nung nung ri chu ka hre chhunzawm zata.Ni e, Dj an chaw eibang hlir a ei laiin keiin tuihnai tak ka ei thei bik lo.
.
Ka inngaihtuah vang vang a ka ti lutuk mah mah angem le ,ka inbual lai te chuan Dj bak ka rilru ah a lang thei tawh lo hetiang ringawt chuan ka awm tir mai mai thei lo ang,ka tho thut a Room atanga chhuak in, engmah sawi lo in eitur chu plate ah ka suak chhuak mawlh mawlh a, ka chhungte chuan mak tih hmel takin ngawi rengin min en ha hlawma, ni e tuna ka awm dan hi midang pawn ti se mak ka ti ve tho ang.Dim takin kawngka chu ka hawng dek dek a, ka hawilet thut ka chhungte chuan min lo en ha hlawm a, ka hawi let velah an ei dan ngai chuan an ei lehnghal mawlh mawlh a, ka nui suk a.
.
Kawngka bulah chuan ka ding renga, Dj chu pawn thuthleng chhe tawh takah thu in van lam chu a thlir vang vang a .Ka han khuh lui kharh a, a rawn hawi vata.
" Dinner in ei zo tawh ami?" min nuih sang pah chuan a ti a, hetiang dinhmun ah pawh ala nui sang thei ania.
" umm....kha ei rawh" tih pahin plate chu ka pe a engmah sawi lo in a ei nghal bawrh bawrh a, a thil ei lai chu ka en reng ka lainat takzet .Ka mittui chu a rawn far fap a, lehlam chu ka hawi vat a.
.
" Kath...i tha maw!?"
" umm..."
" lo hawi teh" min kuaiher a" i tap ami?"
" ka tap lo ka mit ah thil a lut a" ka nui suk a, ngaihtha deuh in a thil ei lai chu a eichhunzawm leh nghala.Fian a dawm that theih loh avangin a kut chu la in ka en sak vata.
" Dj...a durh vek ani hi"
" Engmah anih loh hi "
" Dj.... haw zawk mai rawh, hetah chuan i hrehawm lutuk ang"
" Kath....." ka darah a rawn vuana " ka tha, engmah a nih loh hi nakinah a reh leh mai dawn alawm "
.
" Ahhh......helai hmun hi min fan kual pui dawn lo ami?" boruak rit lutuk tih zan nan chuan a ti leh a ka lo nui sanga.
"naktuk chu ka buai dawn a" ka lo ti sapa.
" anih si chuan zanin ah pawh min fankual pui thei tho a "
" hahh.....chimawm lutuk"
" ka ti tak tak ania,"
" anih chuan min rawn zui rawh" a rin loh lutuk dan a ka chhan avang chuan min melh ha a.
"ka rilru ka thlak leh vat dawn ania" ka tih chuan a rawn tho vata, min rawn kai nghal vata.
" min kai thei ka tihna ani miah lo ania " tih pahin ka lo thing tlak sak vata.
.
Tlang lampangah cho in thla chu a eng hle bawk light a hranpa a ken pawh angai lo .
" Kath... khawiah nge kan kal dawn?"
" min rawn zui tawp rawh "
" mahse kan kalna tur tal sawi la" ka hnungah min rawn zui ve zela, a hah tawh bawk si a palian bawk si a hmuhnawm takzet.Lehlam hawi in ka nui leh suk thin a.
" ka kal peih tawh lo" tih pahin a thu tlata a.
" kan thleng tep"
" anih chuan min kai tho rawh" ka kut chu ka dawh vata, ka kaitho a phur zetin a kal leh thei tho si a, ka kaih a lo beisei char char anih dawn hi .
.
" Kan thleng ta" tih pahin tlang pawngah kan pahnih chuan ka ding ran a, kan hawi thlak chuan khawpui a lang phe un a a mawi takzet .Thli thaw heuh heuh te hian a ti nuam zual,Dj chuan khawpui lam chu en in a nui var var a, ral khat atanga khawpui eng ut leh light phe neuh neuh te chu an mawi takzet.
" Engtin nge helai hmun hi i hriat thei "
" ka rilru nat apiangin hetah hian ka kal thin a "
" anih engtik nge i kal hnuhnung ber"
" Helai a i rawn kal hma zan chiah khan " ka nui suk a, Dj chuan ka kut rawn vuan in min pawt hnai deuh a.
.
Ka sam ah rawn chul in ka mit ah chiang takin min en kalh bawka, a kut pahnih in ka hmai chu a rawn dawm a ka hmuiah a rawn fawp vang vang a ,ka lo maimichhing vata.
" Kath.... ka tello chuan i hlim lo tih ka hria chuan ka tiam a che hlim takin ka siam ang che "ka nui sek a, a hmui ah ka han fawp zeuh a, mak tih hmel takin min lo en kalh a.
" i nuih hian i sexy ka ti " a biaksum khuar kak in a nui suk a,ka lo nghawk zeuh a min rawn fawp lehnghal tawn tawn a, keipawh in ka lo chhanglet rang kher mai.
Min rawn kuah pahin ka hnung chu a tuai a" ka hmangaih che" a ti sap a, zanin zet zawng ka hlim lutuk avangin ka muhil leh thei dawn lo anih hi.
.
" Dj...a tlai tawh, chhuk tawh ila"
" awleeeee..... i tih te chuan " min rawn kuah a" kal ang le" tih pahin kan chhuk thla nghala.
In kan thlen chuan a tlai tawh bawka, ka chhungte chu an lo mu thap tawh a.
" Dj...room chuang kan nei si lo a"
" A pawilo ,hetah pawh a nuam tho" inchhungah lut in a puan sir tur chu ka la chhuaka
" Kha heihi sin rawh , a vawh chuan i rawn sawi dawn nia "
"awle" kal ka tuma ka kut ah a rawn vuan vata.
"muttui i ti dawn lo ami?"
" muttui"
" chuan goodnight kiss pawh" ka nui suk a, a biangah ka fawp zeuh a inchhungah ka tlan lut nghala.
.
Ka mu fel chiah tih in message ka dawn avangin ka phone chu Alisha tih harh hlau takin ka en dak dak a.
'naktukah ka rual in Manila ah rawn kal rawh aw, i nu kan dil dawn nia' tih te hi a rawn thawn a chhang lo in phone chu ka dah a, message pakhat a rawn thawn leh a.
' mawh...i rawn kal dawn nge dawn lo ?'
' naktuk ah chhanna ka pe ang che' tih ringawt ka thawn a, lukham bulah phone chu dah in ka muhil nghal a.
.
Ka harh chuan khua a lo eng uarh tawh a , khua a vawt tan tawh bawka mut pawh a tui duh hle.Dj pawh alo tho tawh a, ka nu in tui alo chawi khah tir leh vek tawh a.
"morning... " min hmuh rual rual chuan min kai nghal dawr dawr a.
" Dj...enge i hriat a?"
" chhanna chu "
" Eng chhanna "
" Nizana ka zawh che kha" ka hrelo lui tlat a.
" Engchu?"
" nanghi i theihnghilh tak tak tawh ami?" a ti hmuk a, a hmelah chuan a thin a rim tih a hriat hle .
" Aw... ka hre chhuak leh chiah " a rawn nui leh nghal sang a.
" Anih engtin nge min chhan dawn "
" umm....ka chhanna che chu ....." ka ti chiah a, kan hma ah car manto hmel zet hi a rawn ding chawt a,Dj nen chuan khap miah lo in kan en kar a.
" Dj.... hetah hian maw i lo awm a!!!?"
" Venna " Dj chuan a ti sap a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:34 pm

Chapter-20.
.
Daniel's pov:
.
" Daniel inbe lawk ang, ka awih thei lo hetiang hmun hi a awm ang tih ka ring pha lo " tih el deuh hian Kath chu a nuih suk a.
" Haw leh zawk rawh"
"hetiang hmunah engmah tih tur i nei lo chuan ka pasal hual hetah a awm a, engtin nge a tello in ka haw bik ang"
"Ahh...breakfast ka va buatsaih ange" tih pahin Kath chu kal daih a tum a, a ban ah ka lo vuan vata.
"khawiah mah kal suh"
" nangnu vang hian alawm Daniel pawn a company pawh a enkawl hman lo"
" Venna buaina ka duh lo ania, hmun dangah va inbe zawk ru" Kath chuan a lo ti vata.
.
"that hmel awm deuhin i lang vela chhungril ah chuan thisen dawt tu i nih hi,nang ang mi hnuaihnung lutuk hian Daniel te ang in lo beisei ve ania"
" Engmaw!! hetiang em em a i duh te chuan I Daniel chu nei ta che, ka dang reng reng lo che u"
" zak thei lo nu" tih pahin Venna chuan Kath hmaiah a beng nghal thuai a.
" Venna!!" ka lo ti vin hluk a, Kath chu kal a tuma,a kutah ka lo vuan vata.
" min thlah rawh" tih pahin ka kut chu a vai thla pawp a, inchhungah atlan lut nghal daih a, a lungawi lo tih ka hria mahse Venna nen kan inkar hi tih fel phawt angai ani.
.
Venna car ah ka lut a, hnehtu inti takin min rawn nuih suk pah chuan a rawn lut ve nghala, car chu a khalh chhuak nghala.
"bawih....hetiang hmun tawp hnawk lutuk ah hian engtin nge i awm theih zawk? i kawr hak te chu, a mi cheng te lah hi an thing ropui si, hawh haw ang "
"Venna enge hetah i rawn tih?"
" Nangmah hruai haw tur che in mawle, helai hi i awmna tur ani lo "
"tha taka ka hrilh lai che hian haw leh zawk rawh hmangaih ka nei tawh a, nang pawhin nangmah hmangaihtu i la tawng ngei ang " zaidam tak chuan ka ti a car atanga chhua hmai chu ka tum a.
.
" Daniel, i kal anih vaih chuan i company leh kan company thawhho na hi ka ti tawp ang"
" Engmaw!!"
"i rawn haw lo anih chuan kan thawhho na hi ka ti tawp ang, ka ti tawp anih vaih chuan thil thleng tur chu i hriat kha chuvang chuan helai hmun a hun khawhral mai mai lo hian lo haw leh zawk rawh"
" Hahh.... kan thawh ho na tih tawp ah min vau amaw!! i duh chuan ti tawp la ka hlau reng reng lo"
"in company hi i pu in thi leh thau pawlha a din ani a, a tluk chhiat i phal dawn lo tih ka hria chuvang chuan hlau lo ang tak khan lan tum suh" ka nui lui hak a
.
"heng rosum zawng zawng neih ai hian Kath bula ka awm hian ka hlim zawk"
"i va huai sawt ve ,I a tawh takzet anih hi , kha ramhuai nu khan a dawi a zo tawh che anih hi ....Harh chhuak ta che"
" At ka duh zawk" car atang chuan ka chhuk a, Tukverh atangin Venna chu ka zuk en leh hrama.
"Chuan naktuk zing chanchinbu ah Brilyante company a tlu chhia tih ka hmuh rualin kan inhual na hi thuthang dik lo mai mai anih thu hmuh tel ka lo inbeisei dawn a nia"ngeiawm zetin ka nuih suk a,
.
" Daniel Padilla lo let leh rawh, ti ringawt chuan i kal thei lo ang " Venna chu car atang chuan a rawn au vak vak a, mahse hria ang pawn ka awmlo.Diktak chuan company chu ka tan a pawimawh tak meuh mai mahse Kath ka thlang zawk chubakah Venna pa hian a fanu neih ka duh loh avang mai mai in in kan thawhho na hi a ti tawp duh ka ring lo a chhanchu kan company a tluk chhiat rualin an company pawh a tlu chhe tel ve nghal dawn tlat.Engpawh nise tunah hian Kath ka chungah a lungawi lo hle a, ka tih hmasak ber tur chu thlem ani.
.
Kath In ka thlen chuan kawtah Joey leh Alisha an lo awm a, mahse en pawh min en duh lo nichina thil thleng kha an lo hre ve ani ngei ang .
" Joey ...Kath a awm em ?" min chhang lo in a thil tih lai chu a chhunzawm leh mawlh mawlh a, " Alisha" lehlam chu a hawi ve hmaka .
" Dj haw mai rawh, ka u chu i tih lungawi theih ka ring tawh lo" Joey chuan a rawn ti leh a.
"nichina thil thleng kha chu ka thiam loh ani i u ka hmuh ngei ngei angai "
" tuman kut an la thlak ngai lo" a ti leh sap a, ka inthiam lo takzet mahse Kath ka hmuh phawt angai .
.
Inchhungah ka lut a, Kath chuan thleng a lo sil mawlh mawlh a, ka thaw huai mai .
" Kath"a thil tih lai chu a chawl dat a, mahse a tih chhunzawm lehnghal.
" ka thiam loh ani khawngaihin min ngaidam rawh " min chhang chhuang lo.
" Kath"a dar ah chuan ka vuana, a mittui chu a hru zeuh a mahse a thil tih lai a thulh chuan lo.Hnunglam atangin ka kuah vang vang a, a rawn in sut ri hraih hraih a.
"tap tawh lo la, a nuam lo ania... i nuih thei nan eng thil nge ka tih ang "ka lam a rawn hawi vata,a tahna a mit chu a sen ram a.
" Dj... haw rawh hmuh che ka duh tawh lo "
.
" Aih i tello chuan ka haw dawn lo ka tih tawh kha "
" i va luhlul ve " a rawn ti vin nghal tuarh a "hetah engmah tih tur i nei lo , haw la i company saw tha takin va enkawl zawk rawh" pawnah a chhuak daih a, ka zui chhuak ve nghal vata.
" Kath...ka tihpalh ka tih chu " ka tawng tawp chawt a, Ivan chuan a car nen a lo nghak ran a.
" Kal suh" a kut a vawn pah chuan ka ti sap a, ka mit ah chiang taka en chungin ka vawnna chu paih thla in car ah chuan a lut hmaka.
" Ivan kal ang "an tlan chhuak nghala.Tun tum zet zawng a dan a dang ta hle mai, Kath hi ka chan dawn tak tak niin ka inhre hial mahse ka beidawng dawn lo .
.
Ngawi rengin Kath dawrah chuan ka lo thu ve ran a, ka biak lahin min chhang duh bawk si lo, vawikhat pawh min rawn melh eih lo .Ka thu ngui bam a,
min be duh lo chung han tih luih vak vak chi lah ani bawk si lo avan buaithlak thin tak em.Kath in dawr a khar dawn chuan ka tho vata.
" Zanin chu dinner ei dun ila"ka tawng hria ang pawn a awm lo, tuna a awmdan ang hi chu ka awm ve lo ang maiin ani a awm.A phone chu a hmet mawlh mawlh a.
"Ivan ka hman tawh e" tih pahin a dawr chu a kalh mawlh mawlh a, reilo te ah Ivan pawh chu a rawn lang vat.
.
Engmah sawi lo in car ah alut nghala dan ka tum bik lo a chhanchu awmzia a awm tlat lo .
" Dj.... i tha maw?" Ivan chuan car atangin ngeiawm zet hian min rawn nuih a, za lo zetin ka lo nuih let sak a mahse chhungril ah chuan hnek nghal pawp mai kha ka duh.Kath te in lam panin an tlan chhuak nghala, ka thaw halh a .
" ka beidawn mai a ring ani maw" tih sap pahin ka kal ve nghala.Khawpui lah chuan ka lungngaihna min hriatpui ani ngei ang a ri dum dum a, kawl lah a phe zawk zawk lehnghal.
.
Hetiang ringawt hi chuan awmzia a awm dawn lo, ka phone chu la chhuakin Mr Robin ka call vata.
"tunah min rawn hruai rawh "
" awle" phone chu ka dah nghala, van lam chu ka hawi vang vang a,
" Kath ....ngatinge i luhlul em em le" ka ti sap a, tunah chuan Kath neih let leh nan tihdan dang ngaihtuah angai ani heti ringawt chuan a rawn haw duh tawp lo ang.Diktak chuan keima thiam loh vek ani, keimah avangin diriam na nasa tak a tawk a chumai pawh nilo in beng hial a tawk anih kha .
.
Rei lo te ah Mr.Robin pawh a rawn thleng vata.
" i lo dam maw?"tih pahin car ah ka lut nghala, khawpui lamah a khalh let leh nghala.
" engkim a tha maw?"
" duhthusam in a tha lo "
" ka rin dan chiah ani, Venna a rawn kal tih ka lo hria a chuan chanchinbu pawh kha"
"mipuite thudik ka hrilh mai ani " ka lo rin dan chiah, Venna nen ka inhual lo tih ka puangzar tawh a, chutih rual chuan kan thawhho na kan chhu chat tih thu erawh engmah a awm lo thung.
.
Hotel kan thleng chuan hmanhmawh takin room lam kan pan chho nghala.
"Anih chuan engtin nge ni leh dawn "
"ka hrelo, engthil nge ka tih leh dawn ka hrelo" no ah Brandy thli chhuakin ka tlak nghal pap a.
"Mr.Robin thil pakhat min tih sak teh"
" engthil nge nita?" a rawn hawi nghal hru a.
" Tunah chuan tar lam i pan tawh a, ahh...ka ti awmzia chu tlangval chu i ni tho na a mahse kei aiin i kum zat ngaihtuah chuan experience pawh i lo ngah daih tawh zawk anga ,nula i bem thluk dan tactic tha tawk tak min hrilh thei angem khawngaih in "
.
Mr.Robin chu a ngawi vang vang a, ka lo melh kar a tih dan tha deuh a hria ani ngei ang a tho thut a, ka lo nui nghal suk a.
" umm.... google mai ang" ka thil in lai chu ka phuhchhuak thawt !!.
" Engmaw!!!?"
" Dj...mak ti viau suh , tlangval zei leh nula chhai thluk thiam tak ni ila chu nupui te neiin fa te pawh ka nei tawh ngei ang mahse i hmuh ang hian ka la tlangval"
" Lalpa leh...." ka thaw halh a," anih chuan laptop kha rawn la vat teh " hmanhmawh takin a rawn la vata, kan thu dun ran a.
.
" Chutia i zawn dawn tak ah chuan keipawhin hriat duh tlem a zawng ka nei " Mr.Robin an a tih chuan ka en ha a
" ohh....cmon, ka zawng dawn reng reng lo nangman type la ka lo en ang "
" a inang reng alawm"
" inang lo, keiman ka type te chuan nula bem dan ka zawng ani dawn a chu chu ka duh hleinem tlangval zei tak ka nih hi mahse hetah ka lo thut ringawt chuan ka lo en pui mai mai che tihna a ni dawn a,hmanhmawh rawh"
" Awle..... nula thinrim thlem dan"
" ngatinge thinrim tih khi i telh kher a"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:34 pm

" ughh....tunah hian Kath a thinrim mek lo ami?"
" lungawilo ti zawk rawh "
"awle....lungawilo.... mahse min enpui ringawt sia tih dan tur min lo hrilh tho sia"
"kha a rawn lang chhunzawm rawh"Ka phone a rawn rik avang chuan ka la chhuak vata .
"Enrique an a rawn call, tikhan a pawimawh lai lo chhinchhiah la ka rawn let leh vat ang" tih pahin balcony ah ka chhuak nghala.
.
" Hey thiana...."
" Dj....chanchinbu a ka thu chhiar hi enge awmzia? "
"sawi tur a tam lutuk "
"anih chuan a chhan hrelo awmchhun ka ni tih min hrilh miah suh "
"Dj...nula bem dan chu ka ziak chhuak tawh e" Mr.Robin chu a rawn au lauh lauh a, tawng tawh lo turin ka lo signal vata.
" Ngawi lawk teh....Dj , nula bem dan Mr.Robin i zawt amaw!!?"
" ughh....engmah ani lo "
"ka beng ngei hian ka hria, engatinge keimah min zawh mai loh , ka special na tak ani tih i hriat kha "
.
" ughh.... englo, Kath bawk ania"
" Aw... buaina tur a awm ami?"
Enrique chuan tih dan tur chi hrang hrang min hrilh teuh a, ka var nghal kuarh kuarh in ka hria .
" Enrique ka lawm e" phone chu dah in phur takin ka tlan lut nghala.
" Mr.Robin rose sen 100 chiah chiah Kath te in kawtah lo va dah tir rawh a bak chu ka lo ti vek ang "
" Awle " a chhuak nghala.Ka rilru hah lutuk pawh kha a reh duak in ka hria engvangin nge Enrique kha ka lo rawn vat mai loh ,hmeichhia chuan pangpar an ngaina em em a a bik takin rose sen 100 chiah chiah ka tih chhan chu vanneihna ani.
.
Ka inbual sawk sawk a, ka suit man to ber la chhuakin phur takin ka insiam sawk sawk a, hethil hi thil tha tak ani nge nilo tih chu ka hrelo mahse a bul tanna chauh ani.Kath te in lam panin ka inkhalh chhuak nghala ka ruahman na angin Kath in kawtah chuan rose sen chu a lo in hung khat veka, in ah tumah an awm loh avangin an rawn haw hun nghakin ka lo thu ran a.Khua a thim tawh a mahse tuma hmel reng hmuh tur an awm lo an leng chhuah ringin ka la nghak fan a dar10 a rik meuh chuan ka mangang hle a chhanchu Kath nu hian khua a thim tawh chuan a fate hi in a awm vek turin a duh tawh thin ani.
.
In kawt ah car pawl hi a rawn ding chat a,ka tho vata Ivan leh Kath chu car atangin an rawn chhuak hmasa bera a hnu ah Ninna, Joey ,Alisha, Gadine an vai mai chuan Ivan motor atang chuan an rawn chhuak sap sap a, ka lo thlir renga Kath propose ka tumna zungbun chu ka ak tha vata.
" nu hei pangpar a tam lutuk" Gadine chu a rawn tlan phei vata, min hmuh chuan a ding nghal chawt a.
" Dj...." Kath chuan a ti sapa ,ka din na ngaiah chuan ka la ding renga sawi hmasak ber tur pawh ka hrelo, hetiang em em hian rilru hi a lo na thei ani maw? Hetianga a na dawn anih chuan piang nawn leh pawh ni ila hmangaih neih leh ka duh tawh lo.
.
" Lo kal ru lo va lut hmasa ang u" Ninna
chuan a fate pathum chu inchhung ah a luhpui vata, tunah chuan Kath leh Ivan chiah an bang ta .
" Kath... ka sawmna che kha lo inngaihtuah ngei ngei rawh aw, ka kal mai ang" Ivan chuan Kath biangah a fawp zeuh a, ka lo inhum nghal vata ka insum hram hram ani.
" Mangtha le" Ivan pawh chu a kal ve nghala, ka dinna ngaiah chuan ka la ding renga. Min hmu lo ang mai in Kath chuan min kaltlang a tum a, a ban ah ka pawt dawrh a, ka fawp nghal tawn tawn a.
.
" Dj .... duh tawk rawh" min nam sawn pah chuan ka hmaiah a rawn beng nghal sawk a, ka lo nui lui hak a
"min ben na hi a na reng reng lo" chu ai chuan ka thinlung hi a na zawk,
" enge hetah i rawn tih dawn ?"
" ka thil tih hi min zawt amaw!! heng pangpar te hi eng vanga lo awm nge anih min zawt tel dawn em? ka hrilh ang che nangma tan vek mawle heng suit man to tak ka inbel chhan te , beidawng miah lo a ka lo nghah fan fan chhan hi i hre duh tiraw, ka hmangaih vang che ani"
" Heng thil zawng zawng hi ti turin ka ti hleinem che,heng pangpar ho zawng zawng pawh hi enga tan mah ka ti lo "
.
" Anih chuan ka paih anga ani mai alawm" tih pahin pangpanr ho chu ka pet nghal pawp pawp a, a then ka paih bawka.
" Enge i hriat a?" Kath chu a au tuarh tuarh a .
" ka thinlung atang hian paih bo che ka tum mawle " ka thu hnawk a "Kath... kal suh khawngaih in rawn let leh rawh" hetiang em em hian hmeichhe lakah ka la tlawm ngai lo.
" Dj....i kut a thi ania" ka kut chu rawn vawn a tum a, ka lo la sawn vata.Inchhungah tlan lut in first aid box nen a rawn tlan chhuak leh nghala,ka kut chu rawn la in lapua chuan hruk a tum a, ka lo thing thla vata.
"i kut a thi vek hi"
" Min ngaihtuah suh" ka kut chu a rawn la lui leh ngat a.
.
"engatan mah i ti lo ani lawm ni, min ngaihtuah suh ka tih chu" ka ti vin tuarh a, mahse Kath ani tlat ka kut a thisen kai chu a hru fai nghal mawlh mawlh a, ka lo en renga .
" Dj.... let leh zawk rawh, kan pahnih hi chuan awmdun tur kan ni lo" zaidam tak chuan a ti sapa.
" ka beidawng san thei lo che "
"i hria em Ivan khan indate puiah min sawm a" ka meng phawk nghal kawk a.
"Engmaw!! Anih engtin nge i chhan " Kath chu a nui suk a . Ka ding thut a
" a chhanna hriat ka duh lo" tih pahin car ah ka lut hmaka,khawpui lam panin ka tlan chhuak nghala.
.
Hotel ah kal lo in club ah ka tlang nghala, tun ang dinhmun ah hi chuan engkim theihnghilh vek khawpa in ka duh ani.No tamtak ka tlak tawh a mahse ka rui thei chhuang lo , Kath theihnghilh a hnekin ka duh na a ni telin a zual zel bawk si engtin nge ka tih tak ang?
" Nangmah chauh a in chu ava hrehawm duh awm ve" ka bulah hmeichhe chhelo zet hi a rawn thu a,a hmel atang chuan min haw lo hle tih a hriat.
" Ahh.... loyla ka nia nang ve?" a kut chu a rawn phar chhuaka, ka lo nui suk a.
.
" Ka hming chu a pawimawh vak amawn le?" ka thil in lai chu ka tlak leh nghal pap a.
" Ahh.... a pawimawh maithei asin "
" anih chuan mangtha le"
" Engmaw!!"
" Mangtha mawle, hmangaih nelai ka ni a ,ka hmangaih ka neih let theih nan min pui zawk rawh"
" Ughh....min lo hrethiam lawk" tih pahin a kal nghal vang vang a ka nui suk a.Hmeichhe dang ka mamawh lo Kath tih loh chu, Mr.Robin chuan min hruai haw a,ka rui tawh bawka khuma min mut chuan engmah ka hre zui ta lo ani.
.
Zinga ka harh chuan khua a lo var uarh tawh a ,ka lu a nat em avang chuan ka dawm vang vang a.
" Dj....heihi in rawh" Mr.Robin chuan khawizu tui hi min rawn pe a."ka lawm e" lak pah chuan ka ti a, ka in nghal khawlh khawlh a ka zia huai in ka hria.
" Chuan Enrique an a be duh che"
" Khawi?"
" Video call in a nia "khum ah laptop chu a rawn dah a ,a chhuak leh nghala.
" Eu..Eu ...Eu...dude tinge i hmel chu kan ring chin plan a fail!!!" Enrique chuan min nuih vak vak a
" duh tawk teh...fiamthu na hun a ni lo"
"Eng hmeichhia nge maw anih le, Pangpar mai pawh nilo Dj meuh hnawl tu hi "
"chu hmeichhia chu min hnawl tu awmchhun Kath a ni tlat "
.
"awle awle, anih chuan plan B kha ani leh mai alawm"
" Plan B pawhin awmzia a neih ka ring lo"
" i tlawm ta mai ami?"
"teuh lo,ka tlawm dawn lo ka tih tawh kha"
" anih chuan zanin ah plan B...min ring rawh a fuh tawh hrim hrim ang"
"a fuh loh chuan engtin?"
" Kath i chan anga ani mai lawm"
" duhtawh teh, ka kal angai"
" anih chuan tha deuh in, mahse khati ber bur lo khan " ka nui suk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:34 pm

Kath in ka thlen chuan kawngka ka kik vata mahse tu mahin min chhang lo.Pawn thuthleng ah chuan ka nghak leh ta ringawt a, van lam chu ka thlir vang vang a.
" nu.... khawngaihin min pui rawh, ka beidawng palh mai ang " ka ti sap a,tun tum zek zawng Kath hian min hnar a duh tak tak in ka hria.Rei pawh ka thut hma in ruah a rawn sur nghal buan buan a kalsawn ka tum bik hauh lo,ruah chu ka do tlawk tlawk a ka thu kun lap bawk, kawngka rawn inhawng ri rawk ka hriat chuan ka ding nghal zawt a. Ka lo beisei ruk ang keiin Kath chu nihliap nen a rawn chhuaka ka lo nui suk a.
.
"Dj...a tawk tawh luhlul chhuah tawh suh, tun chiah hi tha takin ka hrilh ang che haw la keichu min theihnghilh tawh rawh"
"nilo, thutlukna ka siam tawh i tello chuan ka haw lo ang , chutiang thu i rawn sawi dawn anih chuan va lut leh zawk rawh" thuthleng ah inkuangkuah pahin ka thu hmak a.
"anih chuan tikhan i thih thlengin awm rawh, ka pawisa lo "a vin thah a,a thusawi avang chuan ka mit nghal sawlh a, ka thinlung hi a na takzet .
.
" i ti tak tak lo"
" min en ta che i tello hian ka hlim daih zawk, engtik lai pawhin Ivan ka kiangah a awm a ka mamawh reng reng lo che i hria em ....hahh...Ivan vang hian hmuhsitna ka la tawng ngai lo, ka chhungte pawn min duh pui a engmah harsatna a awm lo "
"duhtawk rawh " ka ti sap a.
"ka la sawi zo lo, Ivan an in date pui ah min sawm a ka chhanna i hre duh em?.... "
" duhtawk rawh ka tih chu" ka au tuarh a, thuthleng chu ka tlawh thal pawp a "a tawk tawh, kha pa hming kha hriat leh ka duh tawh lo".
.
" kha pa hming i hriat ringawt pawh khan i thinrim tiraw?,anih chuan Venna in hmusit taka min tawngkhum a min ben khan ka thin a rim loh bik i ring ami? Dj ....ka rilru a na ve thei tho asin, midang ang bawkin ka tap a, ka thinglung hi a kehchhe ve thei tho asin" a mittui chu a rawn tla zawih zawih a,
"ka tih palh " a mittui chu hruk sak ka tum a, a lo tawlh hnung vata .
" min khawih hlek suh "
"Kath... ka tello hian i hlim takzet em? anih chuan ka mit a en chung hian min hmangaih loh thu sawi rawh" lehlam a hawi hmaka
.
" Dawt sawi tawh suh min hmangaih tih ka hria chuvang chuan a tawp nan heihi ka hrilh ang che , zanin ah tlang ah sawn dar 10 thleng ka lo nghak che anga mahse i lo kal lo anih chuan ka bansan ang che"
" min lo nghak suh,zaninah Ivan nen kan indate dawn"
"min hmangaih anih chuan i rawn kal ngei ang, mahse i rawn kal lo anih erawh chuan ka umzui tawh lo ang che,ka bansan tak tak tawh ang che " car ah lut in ka tlan chhuak nghala.
.
Kathryn's pov:
.
Dj a tlan liam hnu chuan inchhungah ka tlan lut vata, kawngka nghengin ka thu hnawk a ka tap nghal zawih zawih a,
"bawihte " ka nu chu ka bulah a rawn thu a ka kuah nghal thlawp a
"nu, engtin nge ka tih tak ang?"
" shh...tap suh, In thusawi kha ka lo hria alawm.Keichuan tupawh thlang la ka pawisa lo mahse thutlukna i siam hma in i thinlung kha ngaithla hmasa ber ang che chuan Venna thusawi kha chu theihnghilh hmak la , i hmangaih tan bei ang che"
" nu...." ka nu chu ka kuah thlawp a, ka tap nghal hawm hawm a,Venna khan Dj bula ka let leh chuan Brilyante hi a tluk chhiat tur thu min hrilh a, chuvanga hnaih ngam lo ka ni.
.
Ka insiam lai te chuan engmah ka ngaihtuah thei tawh lo, ka tap leh rih thin a" Kath..tap suh " ka inhnem mawlh mawlh a, ka mittui chu hruhul in pawnah ka chhuaka Ivan chuan min lo nghak ran tawh a.
" Kath i tha maw?" ka nui suk a.
" Aw tha e " sana chu ka en zeuh a9:30 hi alo ri va tawh a.
" Kal ang le" kawngka min hawn saka
"khawi hmunah nge kal i duh?"
" ahh... i duh duh na ah ani mai "
.
Ivan nen chuan hotel changkang zet ah kan lut a,dawhkan pawh alo hauh sa vek tawh a.
" Kath.. enge i ei chak? "
" umm... i ei chak zawng kha lo order rawh, washroom ah kan kal lawk ange" tih leh tlan ka ruala, washroom ka luh chuan ka insum thei tawh lo ka tap chhuak nghal hawm hawm a, darthlalang ah ka in en vang vang a,dar10 arawn tih hriat nan biakin dar chu a rawn tlang tlang a, ka inngaihtuah vung vung a ka mittui hruhul in washroom atang chuan ka chhuak nghal vata, thutluk na ka siam fel tawh.
.
" Kath...." Ivan chuan mak tih hmel deuh hian min en vang vang a.
"Ivan ka tihpalh"
" hahh...engah chuan maw?"
"ka kal angai"
" lawk...eng ..enge awmzia?"
" tunah hian Dj an min nghak meka, ka kal ngei ngei angai"ka rin loh lutuk in Ivan chu a rawn nui chhuak hawk a, ka lo en ha a.
"Dj bulah hian i let leh ka lo ring reng asin , kha" tih pahin thil a rawn theh a ka lo dawng chat a , ka en chuan a car chahbi lo ni rengin
" i mamawh takin " a ti sapa
" Ivan ka awm e" a biang ah ka fawp zeuh a, " ka tihpalh" a beng bulah ka ti sap a, hmanhmawh takin ka tlan nghal hlawk hlawk a,Chak zetin Dj ka kalpui na tlang lam panin ka khalh chhuak nghala.
.
Tlang ka thlen chuan ka hah lutuk chu ka thaw hlawp hlawp a, a lo thim thap a Dj a awm nge awm lo tiin ka hawi kual nghal ruai a .
" Dj...." ka ko vaka mahse tumahin min chhang lo, sana ka en vata dar11 a lo ri va tawh a, ka tlai!! ka thu hnawk a.Dj chu ka chan ta,ka tlai mah mah ani ka mittui a tla nghal zung zung a, ka dawih luat ah ka hmangai ber chu ka chan ta.Ka nat leh hlau in Dj chu ka hnaih ngam lo a, a hnen a let leh tura min tih pawh khan ka hnawl zela mahse khang ka thil tih khan chhan a nei vek asin ,Venna khan ka bulah Dj kianga ka let leh anih chuan company a tlak chhiat tur thu a sawi a mahse bei let lo in ka hnar zawk si.
.
Ka thu hnawk a ka tap chhuak nghal hawm hawm a, huaisen takin Venna thusawi kha lo bei let ila chuan ka hmangaih ber hi ka chan lo tur mahse tunah chuan engkim a tawp vek tawh.Chutia ka indawm kup reng lai chuan light chu a rawn eng ut a,light mai pawh nilo ka bul vel chu a inchhei khat vek bawka mak tih hmel takin ka hawi kual ruaia ,ka ding vata .
" I rawn kal hi ka lo ring tlat asin" ka hawi phei vata, Dj chu ka lam panin a rawn kal a ka hma ah tak a rawn ding a.
"i kal tawh emaw ka ti asin"
" Zankhua pawn ka nghak ang che"
.
" Ka tihpalh mahse maw ka hlauthawng em ani, lungngai taka i awm tur kha ka ngai ngam lo a,nangmah hlat che kha ka thlang ta zawk ani "
" Shh...a tawk tawh, engkim a tha vek mai ang, tunah chuan ka bulah i awm tawh a, engmah ka hlau lo" ka sam chu a rawn hui kianga, ka mit ah tak min en ran bawka.
" Kath.... ka thinlung zawng zawng in ka hmangaih che asin i tah hi ka phal leh tawh lo ang "
" Keipawhin ka hmangaih che" min rawn fawp nghal vang vang a, ka hlim lutuk hi ka tap lo thei lo.
.
Hmangaihna chuan retheih leh hausak a thliar lo a,kum a bithliah hek lo.Dj hi a naupang avang ringawt in a hmangaihna chu a nep phah lo a, a hausak vang ringawtin ka hmangaih hek lo.Engpawh thleng se Kathryn Bernardo a thawk ve tawk tawk chhung chuan Daniel Padilla hi ka thlahthlam lo anga ka hmangaih reng tawh ang .
.
_______________THE END________________

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Remruati (Haylor)
Posts: 680
Joined: June 22nd, 2016, 9:24 pm

Unread post by Remruati (Haylor) » December 9th, 2016, 3:25 am

Chapter-19
.
" nu i fanu ka awm hi ,pawisa vangin kan hlim reng thei chuang hleinem "
" mahse i thawk hah lutuk a a chang phei chuan i tan hian phurrit ka nih te ka ring hial asin"
" nilo nu min dampui ve tawk tawk chhung chu ka hlim, min ring rawh rim taka hna ka thawh hian ka hlim zawk "
" anih chuan tinge saw pa saw i pawm leh mai loh, a tello chuan i hlim lo tih ka hria" ka tho vata.
" nilo, tihian ka hlim zawk ....ka tlai dawn ka kal tawh ange" tih pahin kawngka chu ka hawng thuai a.
.
" ana i va hawng na em em ve, " Dj chuan a chal dawm vang vang pah chuan min melh khai a.
" Kan thusawi kha ilo ngaithla vek ani amaw!! " ka thaw halh a, kal mai chu ka tuma
" ka tello hian i hlim tak tak amaw!!" ka ding chawt a, mahse ka hawilet lo.
"Kath...ka ring lo che ,ka tello hian i hlim reng reng lo, ka tello chuan i nun chu ruak vek in i hria a,min ngai ngawih ngawih a tun hma anga awm leh i duh tih ka hria kei ang tho in .... ka awm ang chiah hian i awm tih ka hria "
.
Ka maimichhing vang vang a, mahse hawilet erawh ka tum lo .Dj sawi zawng zawng hi a dik vek , a tello chuan ka hlim lo , amah avanga tah chang pawh ka ngah mahse maw engtin nge nupui hual nei lai chu ka tih buai theih ang.
" i hresual anih chu" tih pahin ka kal nghal hlawk hlawk a, let leh ka tum tawh lo.
Thil ka ngaihtuah neuh neuh a,khami zan Dj leh Venna an inhual thu chanchinbu a inziak ka hmuh zan khan Dj in ah a zan a zan in ka kal anih kha .Inchhunga ka lut tur chu thil ri rawk ka hriat avangin kawnga bulah ka ding chawt a, ka thil hmuh hi ka awih thei lo, thawm neih ka hlauh avangin ka ka ka hup vata
.
Ka mit hmuh lai ngeia Venna nen an infawp ka hmuh tuma ka rilru nat zia kha vawi sang tam tak ka mitthla mai mai anih thu in ka inhnem chawpa mahse a tak ngei ani si.Dj an a fawh dan te,a melh dan te kha ka theihnghilh thei lo. Dj an min rawn hmuh avangin ka biru nghal vata, a ni pawh a rawn tlan chhuak zui ani kha.Mahse a ruih vanga puhin inchhungah a lut leh mai a, hmanhmawh takin ka tlan haw ta ani.Ka thinlung chu zai thler vek ang maiin a na a, thi daih mai chu ka duh ani.
.
Ka chhungte bulah haw ka tum a Mahse chance vawikhat pek ka la duh fan tho, ka mit ah chiang tak a en chungin min hmangaih thu min hrilh a Dj chu ka ring zawk tur ani.Venna nen an infawp lai hmu mah ila chu chu theihnghilh in ka huaisenna zawng zawng nen Company ah ka kal ta a mahse Dj ala kal loh avangin Sobero kutah lehkha ka hnutchhiah anih kha.Liza pawhin ka at tawh thu leh a rawn kal dawn loh thu min hrilh chamchi nachungin Dj chu a rawn kal ring tlat chungin nilengin station ah ka lo nghaka mahse a rawn kal lo.Engkim a chiang ta, ka mittui te hruhul in Dj chu theihnghilh hlen ka tum ta ani.
.
" Kath... " ka phu zawk a, ka hawilet vata.
" Mayor... " ka lo nuih sanga,
" ka ko nasa lutuk che enge i lo ngaihtuah daih ?"
" Ahh...Mayor "
" Mayor tiin min ko tawh suh ka tih tawh kha "
"ahh,.. ka tihpalh ....Ivan ,enge hetah i rawn tih dawn a?"
" umm...helai hmun vel en fel turin mawle"
".keipawh dawrah ka kal dawn chiah"
" ugh...anih chuan kan kal rual thei dawn anih chu"
.
Ivan nen chuan kan kal rual nghala, Ivan hi kan awmna Mayor a ni a, Kum34 mi niin a hmel pawh la tlangval tak ani.Ka chungah a fel em em a, kawng engkimah min buaipui vek ani.Helai hmuna kan insawn atang khan min ngaihsak em em a helai hmun ami te pawhin min duh pui in kan inngaizawng emaw an ti hial mahse thian ang bakin ka en lo.Ivan hian lenchhuah pui ah min sawm fo na in ka buai thu bakin ka chhang ngai lo.Ngaihzawng dang nei leh tur chuan ka la inpeih lo ani.
.
" Ivan ka lawm takzet, helai hmun ah hian awm lo la chu dawr pawh ka hawng thei miah lo ang"
" Ahh...ka tih ve theih tawk alawm, Ninna a dam amaw?"
" aw...ka nu chu a dam e"
" Wow... helai hmun hi couple restaurant tih tawh ila a tha ang" Ivan nen chuan kan hawi phei rual vat a,Dj chu kan piah ah chuan a lo ding ran a.
" Tunge i nih?" Ivan chuan alo ti vata.
" Tunge ka nih i hrelo amaw!! khawvela company tha zinga lang pha Brilyante Company CEO ka nih hi, mipa bright tak leh fing tak i nih chuan min hriat ngei ka ring chuan Kath hmangaih awmchhun ka ni bawk"
" mahse ka hrelo che"
" Engmaw!!" Dj mak tih hmel ka hmuh chuan ka lo nui suk a.
.
" Min hrelo amaw!! hahhh... in chhiar zau leh i la ngai anih chu chuan nang hi maw helai Mayor an lo chhuan em em chu, eng teh ual ilo nih loh hi "
" Enteh naupang enge i duh?" chutia an inchan lai chuan an sir ah ka lo ding ngawi renga, engmah sawi tur pawh ka hrelo.
" ka duh chu maw helai hmunah hian i bial fang chhen lo la ani mai "
" hahh...i company lian tak chu va enlawk leh zawk rawh "
" Duh tawk teh u" ka au turah a, dawr chhungah ka luh san daih a, khatianga inchhang rual pawh an ni tawh lo .
.
" Kath...min tih dan kha i lo hmu em , deuhsawh takin min tih kha"
" Dj..duh tawk rawh tihian naupang chhia takin awm zel i tum ami?"
" mahse a melh dan che kha ka duh lo alawm"
" engvangin nge min melh dan chu i lo ngaihmawh ve em em a, Dj haw tawh rawh i company pawhin a mamawh tawh ang che "
" aih...i rawn kal ve loh chuan ka duh lo"
" anih hetah hian hna thawk lo in ka thawh chhuah sa ringin awm reng i tum ami?"
" ni chuang lo e"
" nge i sum tamtak khan midang thil i lei leh zawk dawn "
.
" Kath....duhtawk rawh, "
" Dj duhtawk zawk rawh, i pawisa te hi kan mamawh lo keichuan thlan far zawih zawih in pawisa ka hlawh chhuak thin asin , i thil neih rawn show off i tum anih chuan kawngka chu sawlam ah sawn a awm"
" lo haw hma ang che" ka hmuiah chuan a rawn fawp zeuh a, a chhuak nghal vang vang a.Ka thaw hawk a.
" a puitling thei ngai dawn lo anih hi " tih pahin dawhkan chu ka hruk chhunzawm leh nghal mawlh mawlh a.
.
Nilengin Dj chu a rawn lang leh miah lo, mahse ka awm a nuam thei chuang lo kawngka lam chu ka melh chhen a, mahse a hmel reng reng hmuh tur a awm lo .
" Kath...tinge kawngka lam saw i melh chhen a, Dj a rawn kal i ring ani maw"
" teuh lo mai , kha heihi table no.4 ah va pe rawh "
" Dj hi i duh reng sia, tinge i pawm ve mai loh luhlul leh lutuk" Joey chu phun bul bul pah chuan tray chawi chung chuan a kal a.
Joey hian engmah a hrethiam lo ani,ka tawrh na zawng zawng te kha engmah a hrelo , ka tawrhna zawng zawng te kha engmah lo maiah chantir ka duh hek lo.
.
" Kha i lo ngaihtuah leh vung vung tawh"
" Joey i hna chiah ngaihtuah rawh ,bakah Dj te chu a haw tawh ang helai hmun thingtlang lutuk ah hian a awm peih lo ang "
" keichu ka ring lo" a ti sap a.
A haw ka rin rual rual in ka thinlung chuan la awm turin ka duh .Hnawl in a chungah sual hle mah ila hetiang em em hi chuan a chungah rilru chhia ka pu lo mahse nupui hual a nei tih ka hriat apiangin inthiam loh na in ka khat a, ka thin a rim bawka hmeichhia ka ni a ka tawrh ang kha ka hmeichhiat pui Venna chungah thleng turin ka duh lo.
.
Joey a haw hmasak avangin keimahin ka haw hnak hnak a, ngaihtuahna a kal thui hle, Dj hi a haw ang nge alo la awm ang?
" Kath...tinge nangmah chauh a i haw lo chuang rawh" Ivan chu ka zawn a car rawn ti dingin ka chuan hma chu min en renga .
" awle" tih pahin ka chuang ve nghal vata.
" Kath... khapa kha .... kha CEO pa kha, i hmangaih tiraw?"
" ahh..."
" i melh dan kha ka hmu vek alawm, ani i melh ang khan kei min melh ngai lo"
" ahh...engmah a awm lo "
" anih chuan min Date tura ka sawmna che kha pawm rawh" ka ngawi renga .
" ugh...kan in kan thleng ta " tih pahin ka chhuk daih a.
" Ivan mangtha " bye bye lauh lauh pahin inchhunhah ka luh san nghala.
.
Inchhung ka luh rual rual chuan ka nu in min lo kai vata,Au tuar tuar thawm ka hriat avang chuan ka ding zawt a.
" nu chu thawm chu bathroom atangin a ni em ?"
" Kath lo thu teh" tih pahin min pawt thu lawp a .
" Dj anih chu, tui vawt in ka inbual tira" ka beng bulah chuan a rawn ti sa sa a,
" nu...engmaw i hriat le?"
" ka ti tha ngawt zawk ngawt alawm.Vawin ah pawh hnathawh tur ka duh a tia kan thing zawng zawng kawtah ka put chhoh tir vek a chuan tui pawh a chawi khat vek tawh"
.
" nu hna a thawk ngai hleinem , tiang te chuan a chau lutuk anga sin"
" kha bawnghnute hi in phawt teh, a ngai lo ka tih pawhin thlan tla thei hna thawh tur min dil tlat alawm, ka lo thawh tir mai loh te chuan.... chuan lo en reng rawh a hnawmhnaw te kha a bal tawh lutuk a, ka suk sak daih a i pa thawmhnaw hak turin ka pe a"
a ti zawh rual rual chuan Dj chu bathroom atang chuan a rawn chhuaka ,ka pa kekawr hlui a mawih tawh avanga a khup tet vek tawh leh kawr te reuh te mar vek hian a rawh ha chhuak anih chu!! ka bawnghnute in lai pawh ka phuh chhuak tep ani,ka nuihza lutuk chu ka insum hram hram a, mahse a harsa takzet.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)