I Heart u by Haylor(Remruati Bawitlung)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

Re: I Heart u by Haylor(Remruati Bawitlung)

Unread post by Ngaia » November 27th, 2016, 4:27 pm

Chapter-10
.
Daniel's pov
.
"Dj haw tawh rawh" Kath kawngka bulah chuan ka ding tlata, ruah kan do avangin kan huh zawr vek bawka ,Kath chuan vawt tih vangin a hmui chu a duk vek tawh a,a khur hlak hlak bawk a
"lut phawt la ka kal ang" ka ti sap a.
" Mangtha" tih pahin inchhungah a lut nghala, Kath ka hmangaih thu ka hrilh avang khan ka hlim ani, ka rilru kap tu chu ka phawrh chhuak veka tunah hian mi hlim ber tiin ka inchhal ngam hial ang.
.
Kath kawngka bulah chuan ka la ding ran a, minute 2 hnu velah kawngka chu a rawn in hawng leh rak a,ka haw tawh maw a ti ani ngei ang.Kath sam chu a huh hnianga a sexy takzet ani, kawngka chu ka hawng zau deuh a inchhunga nam luh pah chuan duhthawh zetin ka fawp nghal tawn tawn a,ani pawh chuan min lo chhanglet rang kher mai.Dim lo zet in a aia nasa chuan ka han fawp leh a ka sa nghal pap mai.
.
Kath chu pawm kangin a bawp chu ka kawngah a khawkherh a,kan hmui chu la inthlah chuang lo in a room ah chuan ka pawm lut a, light dim riai mai leh Kath rum ri ham ham chuan min ti phur takzet ani.Khumah chuan mut in a chung ah ka bawka, ka kutin ka in nem khalh bawka , a nghawngah chuan ka seh ti tih deuh a a nuam ti chu a rum leh ham ham thin a, ka nui suk a.
.
A thawmhnaw huh zawr vek chu phelh sakin a mal hit thlar chu ka zut a ,he hmeichhia hi a mawi takzet ani.
"He thil hi ka ti thei lo" ka beng bulah chuan a rawn ti sap a,
"kan infawp ringawt alawm" tih pahin ka fawp leh nghal tawn tawh a , Kath pawhin engmah a sawi tawh bik lo ka thawmhnaw chu phelh in a taksa chhungah chuan ka lut riai riai a, Kath chu a rawn te that a,ka hnung zang chu a tham nghal tawn tawn a, ka rin dan chiah ani Kath hi nula thiaghlim tak leh pawisawi lo tak ani.
.
Ka hmeichhe mutpui thin te nen chuan tehkhin pawh ka duh lo , ani chu a danglam lawr lak ka hmangaih a ka venghim bawk ang.
" Ka hmangaih che" ka ti sap a,min rawn nuih sek a,a mittui chu a tling pam bawka.A hmui ah chuan ka fawp zeuh a,kan zo chu a ni der.Ka ban kham in Kath chu a mu a min kuah bawka.
" Keipawh in ka hmangaih che" a rawn ti sap a, a chal ah chuan ka fawp vang vang a kan muhil nghala.
.
Te thawt ka hriat avang chuan ka harh zawka , Kath chu puana inkhuh in ka bulah chuan a lo thu kun lap a.
" Kath...engthil nge thleng?" ka ti vata
"Dj...i ngaih anga hmeichhe awlsam ka ni lo ania"
"Kath...." zaidam tak chuan ka ti a, a hma ah chuan thu in a sam chu ka chul a.
"i awlsam vanga i thianghlimna ka tan i hlan reng reng lo, min hmangaih vang zawk ani" a hmui ah chuan ka fawp zeuh a, min rawn kuah nghal thlawp a.
" min ngaidam rawh" a ti ringawt a, a awmzia ka hrelo mahse engthil mah hi zawh chhunzawm ka duh lo ani.
*
*
Weekend ani bawka Hnuchham in ah Kath nen kal in hun nuam tak kan hmang dun a, Kath ka bula a awm tawh hi chuan keimah ngei pawhin hma ka sawn nasat zia ka hre thei ani
Kathryn ka thlah zo chiah bawka, car ka khalh lai te chuan ka nui leh vur vur thin a Enrique chungah ka lawm takzet ani, ani chu awm lo se chuan tunah hian Kath hi ka duh tih pawh ka la inhre kher lo ang, chu mai bakah ho te te ah ka thin a rim reng anga thian ngaina tak thin khan keima awm nuam ka ti zawk a, ka awmdan phung kha a danglam phah vek ani.
.
Flashback:
.
2weeks earlier:
.
Basketball court ah chuan ngawi rengin ka thu ran a, thil tamtak chu ka ngaih tuah bawka, tunah khan Christa chu ka fawp zo chiah a tuna ka thil tih avang khan ka inchhir der.Mahse Kath run luih nan chauh a ka tih ani, engvangin nge Kath kha ka run luih kher ang? Ka awmdan hi ka inhrethiam tehhrep lo .
Ball chu la in basket ah vawm luh ka han tuma, a lut thei der lo.
.
Thinrim sa nen ball chu na zet in ka pet pawp a , ka au vak a ka lu chu ka han dawm vang vang a .Engthil nge tih hmasak ber tur pawh ka hre tawh lo ka mumal lo ani ber mai.
"i ti tha hle e " Enrique chuan kut beng pahin min rawn pan hnai a,Ball chu la in a rawn vawm a ka lo dawng vata.
.
" Thiana, i lo ropui hle mai" tih el deuh hian min nuih suk a hriatthiam lo hmel takin ka lo en ha a.
"midang rilru i ti na emaw i tih laiin nangmah zawk i na leh si"
"Engthil nge sawi i tum?"
"aw... i hrethiam ve mai lo ami.Dj hmangaih na tuipui ah i tla mek a,Hleuh chhuah i tum a mahse i thei si lo."
.
"i hresual anih chu" ka lo ti hmak a , diktak chuan hmangaih na han tih vel hi chu a lem mah mah.
"Kha hun reilo te chhung khan Kath hi i hmangaih ani, i mizia a danglam tak zia leh keimah takngial pawh min thik ani tih hi ka hai bik hleinem"
" Ughh... thiana ka thik che maw" za lo zet chuan ka nui hawk hawk a, ball chu ti sawt in basket ah chuan ka vawm lut zeuh a.
.
"i nuih aza amaw!! cmon .... in ringhlel suh, i tlawm vang ani miah lo ania"
" kei leh hmangaih na maw!!, ka awih thei lo"
" anih chuan Kath nen kan in date theih nan min tanpui rawh" ka nui tawp chiang kher mai .
" Engmaw!!"
"tunah khan mak i ti a chuan tunah khan i thinlung kha zai nawk nawk angin a na bawk.Kha kha hmangaihna avanga awm ani" Enrique thusawi hi a dik vek tunah khan zai nawk nawk mai pawh nilo in sah sawm vek angin ka thinlung hi ana ani.
.
" i ti dik" ka ti sap a
"Thiana i hmangaih chu i chelh dawn nge a rilru i ti na reng dawn?"
" mahse... ka rilru ang hi"
"aw... thiana , Kath mitmeng atang te khan i rilru put ang chiah hi a pu ve tih i hre lo ami?"ka rilru hahna zawng zawng kha a reh nghal hawk in ka hria.
" ...ka lawm e" tih pahin ka tlanchhuak nghala .
.
End of Flashback:
.
Nui var var chungin inchhungah ka lut a, zan a rei tawh bawka in chu alo reh thap a
" i va rawn haw har ve" ka hawi phei vata, Rommel chu bawp khawkher chungin leather thuthleng lian zet ah thu in chiang zet hian min lo en kalh a, ka nui tawp chiang kher mai.
"Daniel" rawn thawh taih taih pah chuan a coat chu a siam tha pah bawka.
"karleh atang chuan kan company tan hian i thawk tawh ang"
" Engmaw!!"
"i duh emaw duh lo emaw he company hi i rochun tur ani a ,tun atanga i inchher hriam angai ani"
.
" nang leh i company , i rosum te hi enga tan mah ka ti lo, chuan he business bawlhhlawh tak ah hian ka tel ve duh lo" ka nui lui hak bawka, ka pa hian hmanrua atan bak min duh lo tih ka chiang chuvang chuan a duh ang in ka awm hauh lo ang.
"inpuah chah na hun ka pe lo che tih chu ka hria mahse nangma tan vek ani"
" keima tan a!! ...hahh... i tan ani zawk lo maw, kei te chu i tan chuan phurrit mi hawksak mai ka ni lawm ni"
" Daniel" ka pa chuan a awki a rawn san vak a, keipawh ka duai bik lo.
"he inchhung , i rosum leh i thlazar hnuai a awm hi ka kham tawh takzet , zalen takin min awmtir ve thei mai lo ami ?"



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:27 pm

"min ti thinrim hlek suh ang che "
"awle... i thu ber alawm" ngeiawm zeta nuih suk pahin ka room ah ka chho nghala.Ka room ka thlen rual rual chuan ka kawr hak lai chu ka phelh sawk sawk a, ka vawm nghal pawp a.Engtin nge khatiang khan min tih theih zawk, a hma zawngin min enkawl lo a tunah a thuhnuaiah min dah a tum leh si amaw!!Ka phone chu a rawn ri ral ral a, en pawh en in lo ka vawm keh nghal chuai a, no ah brandy chu thli lut in ka tlak nghal pap pap a, ka pa thu hian ka awm ngai lo ang.
.
Phone ri ka hriat avang chuan ka harh a, ka room bar dawhkan bawhin ka lo muthlu chu niin.Ka tho vata, ka phone kha ka vawm chhe tawh si a,phur lo zetin ka khum bula landline phone lam pan chuan ka phei chat chat a.
" Hello"
"Hello, Dj.... Learnado ka nia"ka nu bialpa maw!! a rui leh tawh ani ngei ang.
" Enge....?" a thaw halh ri chu ka hria a.
" Ginta chu a awm tawh lo, i nu chuan a kalsan tawh che " hepa hi enge maw a hriat le, hmanhmawh zetin ka pa chu ka room ah a rawn tlan lut a, a thaw hlawp hlawp bawka.
.
Phone chu ka thlauh pawp a" thudik ani em?" ka lo ti vata a.
"Dj... min ngaidam rawh " ka pa chu a indawm kun ngaih a, sawi tur pawh ka hrelo ka mit sawlh ni ber hian ka hria ,ka nu in min boral san amaw!! Ka awih loh lutuk avang chuan ka nui lui hak a.
" dawt i sawi"
"Dj... hriatthiam tum teh" ka darah chuan rawn vawn a tuma ka lo tawlh hnung vata, khum bulah chuan ka thu hnawka, ka hamhaih lutuk hi engmah sawi tur pawh ka hrelo.
.
"Ka ....ka nu in min kalsan amaw!! " ka han ti leh sap thin a ,awmdan pawh ka thiam lo.
" i nu chu ...Manila ah rawn phurh mek ani" ka pa in a ti chuan ka tho zawk a, ka pa kawr nghawng ah chuan ka tham nawk a
" i lawm tawh em?, ka nu awmlo hi i lawm tawh em?" ka ti tuarh tuarh a.
" Dj... tun hi intihbuai na hun ani lo, i nu chu naktuk ah vui ani ang " tih pahin ka pa chuan min chhuahsan nghala , engmah hi ka hrethiam lo, ka nu he khawvel a ka neihchhun chuan min kalsan anih chu!!!
.
Ka nu vui na ah pawh kal duh lo in ka kal bo daih a, ka nu thlah liam turin ka la inpeih lo ani.Tuipui fawn vel chu ka thlir a, thli fim tak rawn thaw heuh heuh te chuan ka nu min hriat chhuah tir a, ka tuar thiam thei lo ani.
" Dj" ka hnung atangin Kath chuan min rawn kuah a " Hawh....haw tawh ang, i nu chu an vui zo tawh e" a ti sap a.Chhang lo in ka melh ngai chu ka melh renga, Rommel lawm hmel ka hmu peih lo ani.
.
"ka hruai haw ang che" beidawn hmel takin a rawn ti leh a.
" Kath....kei mah chauh a awm ka duh "
" awle...ka hrethiam e...mahse haw phawt ang, hei khua a thim tawh" zaidam tak chuan a rawn ti a, Kath chuan min hruai haw ta nge nge a.Mahse keimah chauha awm ka duhthu ka hrilh avangin min hawsan ta ani.
.
Inchungber Balcony ah chuan ka thu a, ka hawi vel na apiangah ka nu hmel kha ka hmu ani.Keimah vangin hrehawm tamtak a tuar a, chuti chung chuan ka pa chunga that chhuah hram hram turin min la ti cheu a, hei hian min ti thinrim zual ani.
" arsi chu a tam hle mai...." Athena chu ka bulah rawn thu in chunglam chu a thlir vang vang a.
" i nu in tuna i awmdan hi hmu se chuan a tap ngei ang" ka melh nghal kawk a.
" Engvang ngawtin maw!!" ka tih chuan , ka zu um hum lai chu a rawn la a.
"a fapa in zu in in a indawm kun reng thu hria se chuan van atang pawhin a rawn tap duh hial ang"
.
" Ka nu ania, chuan ka awmdan pawh hi ka nun ania ka thu vek ani"
" mahse ... hnung tawlh aiin hma i sawn zawk tur ani dawn lawm ni "
"engtin?"
"I pa hneh ngei tumin inti chak zawk ta che , i pa aia ropui nih hi i duh lo em ni."ka ban chu a rawn hnek taih taih a.
" Dj...i nu in a hmangaih tluk zet che hian ka hmangaih che asin...i pa pawhin"
" Rommel chuan min hmangaih lo"
" anih engtin nge i hriat ?"
" ka hrethei ani, a hmanrua mai ka ni"
" anih chuan i pa hneh tum in ti chak ta che...Dj hi mi chak tak ani tih i pa hi hmuh tir ta che"
.
Chutia Athena in a tih chuan ka nu chu ka hrechhuak zawka,ka nu ka ngai takzet ani " Athena...ka nu ang mai i ni"
min rawn kuah nghat vata," Dj... tun atang chuan i nu ka ni tawh ang , i nu in a pek ang zawng zawng che kha ka pe vek thei hauh lo ang che mahse i kiangah ka awm reng tawh ang"Athena chu ka kuah vata.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:28 pm

Chapter-11.
.
Breakfast ei turin inhnuaiah ka chhuk thla chhat chhat a ,ka nu chan tawh mah ila Athena chu ka nu ang maiah ka ngai nghal thei hi thil mak pawh ani lo ka chungah a thain he in a ka awm atang khan ka lam ah tangin ka bulah a ding renga ka nu in a aiawh turin a rawn tir pawh ani mahna. Nizan lamah ka in tam deuh avangin ka lu chu a na deuh bur bawka ,Kath pawh ka ngaihsak hman meuh lo.
.
" Morning" Athena chuan a lo ti vara, " morning" tih pahin Jaquine lu ah ka fawp zeuh a, hemi te unau pawh hi ka nau diktak angin ka en tawh ani.An ni pawn a hma aiin min nel tawh a, Jaquine phei chu ka bula riah chang a ngah ani.
" U Dj... kan school ah lo kal ve la" Audwey chuan alo ti vata.
" Hun ka neih velah ka rawn kal ang, in fel viau chuan"
" Keichu ka fel, test na ah pawh ka ti tha ber" Jaquine chuan a ti sam sam a, an bula awm hi chuan ka rilru natna te pawh a zia hawk in ka hria.
.
" Dj... Kath i be tawh em?" Athena chuan min rawn nuih suk a.Ka melh kawk a
" Engmaw!!"
"ughh... i melh dan leh i awm dan hi ka hai miah lo ania"
" ssShhh...." ka ti sap a, Audwey leh Jaquine chu ka melh vata, Athena chu a nui hak bawka.
"Dj...i tlai tawh ania" Rommel chu thutak ran chuan dawhkan a rawn kil a ka nui tawp chiang hle.
.
"zir tur hmabak tamtak ila nei a, hun hi rangkang ani chuvang chuan karleh atan in buatsaih tawh rawh" Ka ding nghal zawt a.
"Ka nun ah hian rawn inrawlh suh, anih loh vek pawhin in thar ka duh " ka nui hak a, Rommel hian keima pual hian in a lei hauh lo ang, mahse tih el taka tawngkhum hi a nuam hranpa hrim hrim.
"awle, tlaiah i in sawn lut nghal dawn nia mahse " min chhan dan avang chuan ka meng phawk kawk a ,ka hma ah tak a rawn ding a, kan inhma chhawn ran a ngeiawm zetin min nuih suk a.
.
"he company mi leh sa i ni tawh ang ...Mr.Robin.... Dj in tur chu lo enpui ang che" tih pahin a chhuak nghala, ka pa bulah hian ka tlawm nawn awn awn dawn anih hmel, mahse lo nghak phawt rawh engthil nge ka tih leh dawn?
"chu in thar i nei dawn ta anih chu" Athena chuan min chhaih zeuh a, ka nui tawi tap mai.
.
________________________________________
.
"Dj.... i ti tak tak em?" Enrique chuan mak tih hmel takin min en ha a.Ka lo bu nghat a " anih chuan zantin kan party ziah anga ani mai lawm"
" Enrique duh tawk rawh,min inngaihtawh tir teh...ka pa hian timai a awlsam hian in min lei sak hauh loh ang tum chu a nei chiang alawm"
" ni e...tiraw, engmah thiam nei si lo hian company CEO dinhmun chelh tir che a tum ani a hetiang risk sang lutuk hi tum mumal nei lo chuan a ti hauh lo ang"
.
" Experience engmah ka nei lo a chu mai pawh ni lo ka la graduate hek lo , Rommel hian engthil chiah nge maw tih a tum le?" ka inngaihtuah muk hle a, ka pa awmdan hi ka hrethiam lo, a fing in rorel a thiam si a a thil tum hi ngaihdan pawh ka nei lo.
"saw... Kath a rawn kal" Enrique chuan min rawn siai zeuh a,
"melh hlek suh" ka fiam let zeuh a, mahse a chhiat loh thu midang in a sawi hian thik na in ka khat leh tlat thin.
.
" class i nei tawh lo bawka, Mr Robin an i in thar tur enpui che a duh a"
" i rawn kal ve dawn lo ami?"
"President in min koh avangin kei chu company lamah ka kal ang"
"Rommel phiangsen chu.... ka lo sawi mai ang ka bulah rawn kal zawk rawh"
" Dj... hriatthiam tum rawh ka hna ania, ka hman veleh i in thar chu ka rawn enpui dawn che ania, driver
pawh a lo thleng tawh e"
"Enrique.... ka kal" tih pahin Kath nen car lam chu kan pan phei a.
.
"i rawn kal ngei ngei ang tih min tiam rawh" car a ka luh dawn chuan ka ti sapa.
" awle" a ti chuai raih a,a hmuiah chuan ka fawp zeuh a" miin min hmu ange"
"min lo hmu mahse pawi ka ti theinem" tih pahin a sam chu ka tuai thur saka,
" kal tawh rawh "a rawn ti leh sapa, tuna Kath awmdan hi ka hrethiam lo a zia a zawi in a hlim loh hmel takzet ani.
.
Ka secretary Mr.Robin nen chuan ka in tur chu kan en kual vela, mahse ka awm a nuam zan lo.Ka pa thil tum hi ka hriat chhuah hma loh chuan ka awm a nuam thei lo, karleh lawkah Rommel business partner ka ni tawh dawn a, chumi hma chuan engkim ka zawn chhuah vek angai ani mahse nitin Rommel ka hmu lo tur hian min ti hlim ani.Manila atanga hla lo te ah in chu ka lei a, bed room ringawt pawh 5 lai awm in bathroom pawh 7 zet a awm ani. Movie theatre leh intihhlim na hmun pawh duhthusam ani.
.
Ka bungrua vel an sawn luh zawh meuh chuan a lo tlai ruih tawh a tun thlengin Kath a la rawn kal lo, min rawn call a hnekin message pakhat pawh a hnutchhiah lo, ka thin a rim lek lek ani.Vawikhat pawh inngaihtawh nawn lo in Kath in lam chu ka pan nghala ,in ka thlen chuan a inkalh thiap.Vawitam tak Kath chu ka call a ala thei lo , engthil nge thleng teh nek hi? Kath lo haw hun nghakin dar2 thleng a in kawt ah ka thu a, mahse a hmel hmuh tur reng reng a awmlo.
.
Thinrim tunin ka inkhalh let leh a ,Kath chu ka call nawn leh thin a a la lo hrim hrim, chutia rilru buai taka ka inngaihtuah lai chuan ka car chu ka ti ding chawt a , ka thil hmuh hi ka awih thei lo, tun ang hun ah Rommel leh hmeichhe dang maw!!!.Ka nu mai pawh nilo Athena pawh a uire san lehzel amaw!! ka awih thei lo, ka nui lui hak a ka rin dan vel ani, Car atang chuan ka en reng a, Rommel leh a kalpui nu chu car ah lut in an tlan chhuak nghala,mahse ka umzui duh lo Rommel ai chuan Kath hi ka tan a pawimawh zawk.
.
Kath awmna tura ka rin ang ang ah chuan ka zawng kuala ka beidawng tawh takzet ani.Duhthlan tur dang ka nei lo ka pa in ah ka kal ngei angai ani.
" Dj... !!" Athena chu a rawn tho chhuak ve chiah bawka, zankhua in Kath ka zawng a mahse ka hlawhchham thak ani.
" Athena... Kath" tih bak ka sawi thei lo ,ka mangang takzet ani.
" Engtin nge Kath chu a awm?"
" Inah a awm lo,Ka call pawn ala thei lo "
"Engmaw!!!...police kan call vat ange"
.
"Dj... Kath chu hmuh ani tawh " Mr.Robin chuan a rawn ti a,a thaw hlawp hlawp bawka
" Khawiah nge Kath chu a awm?"
" Tunah chuan a in ah a awm tawh"
"Ka lawm e" tih pahin ka tlan chhuak nghala, chak zetin Kath in lam pan chuan ka inkhalh chhuak nghala.Ka lawm lutuk hi awmdan pawh ka thiam lo.
Ka thlen rual rual in inchhungah ka tlan lut nghala,
" Kath..." ka hmuh mai loh avang chuan ka au tuarh tuarh a.Room atangin Kath chu a rawn tlan chhuak vata ,ka kuah nghal thlawp a
.
" Ka zawng nasa lutuk che, nizan ah khawiah nge i awm?" ka fawp nghal vawng vawng a, zan khat lek ka hmuh loh pawhin ka ngaiin ka thlahlel takzet ani.Kath chu a rawn tap chhuak hawm hawm a ,
" tap suh" a hmai chu ka kut pahnih chuan ka hup a, a sam chu ka hui kiang deuh a.
" Kath ...i hmai hi ngatinge!!?" A mitko leh a hmai te chu a duk raih a,
" Engthil nge thleng, heihi tu tih nge?" ka sa nghal zak ,tuin nge Kath hi kutthlak ?
.
" Dj...engmah ani lo" lehlam chu a hawi daih a, min en tur chuan ka kuai her sawka" I hmai duk te, i mit ko kak te hi engmah ani lo amaw!! min hrilh rawh engthil nge thleng?" ka ti vin tuarh a ,he thil titu hi ka chhuah lo ang.
"duhtawk rawh...ka tha, ka intisual palh mai mai alawm.Ngaihtuah ngai ka ni lo" Chutia Kath in a tih tlat avang chuan ka zawt lui duh bik lo.
" A tha e,anih chuan doctor bulah kal ang" ka ti tak na in Kath hian dawt a sawi tih ka hrethei ani.He thil a chunga titu hi ka la zawng chhuak khawp ang.
" angai lo, ka chau deuh a mut ka duh"a ti chuai raih a.
.
Kath chu a muhil sak sak a, a chau hle niin a lang , nizanah zankhua in a mu lo tih a hmel ah a lang ani. A bulah chuan thu in a sam chu ka chul sak heuh heuh a,a hmai duk kalh te chuan ka thin a ti rim thar leh thin, a khat tawkin a rawn phu leh zawk thin a, ka bulah pawh a thla a muang hlawl lo anih hi.Muhil mahse a mittui chu a rawn luang ngiai ngai a,A chungah engthil nge thleng chiah le? a mutthilh lai lehzel pawha tibuai tu hi engthil chiah nge a nih?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:28 pm

Thawm dim thei ang berin Kath room atang chuan ka chhuaka Mr.Robin chu ka call nghal vata" Nimin a Kath kalna zawng zawng leh nizana a awmna hmun lo hriat tum ang che "
" Awle" phone chu ka dah nghala,Kath chu ka thlir vang vang a, ka lainat takzet ani.Doorbell chu a rawn ri tlang tlang a , avan hun lo tak em Kath a mut mek laiin thawm dang, teh hrep chuan. Kawngka chu ka hawng vata,
" Kath...engthil nge thleng"Liza chu a rawn tlan lut a min hmuh chuan a tawng tawp chawt.
.
"nizanah khawiah nge i awm?" ka lo ti vin hlar a.
"Khawiah nge Kath?"
" a mu tawh, ti harh hlek suh ang che "
" a tha em, engtin nge a awm?"
"Kath chungah thil a thleng tih hi engtin nge i hriat?" khunkhan deuh chuan ka han ti a, a mit a tak chuan ka melh khai bawka.
.
" Tu...tuin nge ka hria ti"bah zet chuan a ti a, a hawisawn hmaka.
" I hria tih ka hria, engkim min hrilh rawh" ka pawt her nawk a ka kut chu a paih thla vata.
" Engmah ka hrelo" tih pahin Kath room ah chuan a lut nghala, tunah chuan Kath lo buaipui turin Liza a awm bawka tiin ka tlan chhuak nghala, ka pa office lam pan chuan ka inkhalh chhuak nghala.
.
" Kath chungah engthil nge i tih?" Rommel office kawngka chu ka hawng thuai a, Rommel chuan mak tih hmel takin min lo en ha bawka.
"Enge awmzia?"
" hre lo der suh, niminah Kath i ko tih ka hre vek"ka buai vek tawh, hetia Kath in buaina a tawk tih ka hriat hian ka en liam mai mai thei lo ani.
" Kath...hetah ka office ah maw!!" Rommel a hmel ah chuan mak tih na in a khat a,
"Kath..chungah engthil nge thleng?" a tih chhunzawm zat a, Rommel hian Kath in buaina a tawk tih hi a hre lo mai pawh ni lo inniminah pawh khan a ko lo tih ka hria, a awmzia chu Kath in dawt min hrilh!!
.
Ka rilru a buai ta map mai, chhuan lam siam in Kath chuan dawt min hrilh a,nimin ah khan engthil nge a thleng? zawhna hlirin ka khat ani,a chhanna chu Kath chiah in a nei, mahse min hrilh dawn lo tih ka hria chuvang chuan keimah ngeiin ka zawn chhuah angai. Ngawi rengin Rommel office atang chuan ka chuak nghala,ka lu ka dawm vang vang a, ka na takzet ani engtin nge Kath hian dawt min hrilh theih? mahse chhan tha tak a nei ani ngei ang tiin ka inhnem hram hram a, mahse awmzia a nei thui lo kher mai.
.
Chutia ka indawm kun reng lai chuan car rawn tlan chuan ka mit a la zar mai,ka pa hmeichhe hruai ngei kha ani .Rang lutuk in car ah lutin ka umzui nghala rei pawh kan tlan hma in car chu a ding ta tlat mai!! Damdawiin ah chu nu chu a lut a, ka zui lut ve nghal vata a lan dan chuan mi pawimawh tak anih hmel.Room pakhat ah chuan a lut a, engpawh thleng se ka pawisa tawh lo kawngka chu ka kik karh karh a, chu nu ngei chuan a rawn hawng a min hmuh chuan thlarau hmu ang mai ani.Kawngka chu khar lehnghal a tuma mahse ka lo dang hman hlauh .
.
Room chhungah ka nam lut a kawngka chu ka kalh nghala.
" Dj ... chhuak rawh"
" ka...ka hming i hria" mak tih hmel tak chuan ka en ha a." tunge i nih... ?" ka ti sapa.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:28 pm

Chapter-12.
.
"Dj... inbengdai phawt teh"
"Rommel nen khan enge thuruk in neih...ohh... ka hria e, Rommel hausakna chu um in inngaihna sualah in lut dun ani maw?" ka nui lui hak a, mahse ka thin a rim tih erawh a hai hauh lo.
" Thu phawt rawh" thinrim insum tih hriat tak chuan a ti a, keipawh chu ka thu ve mai bawk a.
" Dj...i ngaih ang hi engmah a thleng lo.Thudik i hriat hi a hun tawh ani".
.
" eng thudik maw!! min hrilh vat rawh"
"ka sawi tur hi min sawi zawh tir phawt rawh, kei leh ipa hi kan inngaizawng reng reng lo, keichu i nu enkawl tu doctor ve mai ka ni"
" Doctor a!!"
" aw ...ni e, i nu kha natna kirh tak cancer in a tlak buak a mahse hrilh che a duh lo ani, ipa hian hun rei tak atang tawhin a buaipui tawh a, i pa hian i nu kha a thlahthlam ngai reng reng lo" a reh duk nimai hian ka hria, chu nu chu ka en vawng vawng a engmah sawitur pawh ka hrelo hetiang thu lian tham lutuk hi engtin nge ka lakah an zep theih zawk?
.
"i nu khan a hmangaih em em che a chutiang chiah chuan i pa pawh in a bak chu i pa zawt rawh kei chuan sawi theih engmah ka nei lo" tih pahin room atang chuan a chhuak daih a, engmah hi ka hrethiam lo, kha nu thusawi kha dawt vek ani ruahmanna siam in dawt min hrilh ani.Hmanhmawh zetin car ah ka lut a chak zetin Rommel office lam panin ka in khalh chhuak nghala, engkim a kip a kawiin a bul atanga a tawp thleng hriat vek ka duh ani.
.
Rommel office kawngka chu ka tlawh hawng thuai a, ka pa mah nise ka pawisa tawh lo mihring pawh ani lo a kawr khawng ah chuan ka tham a mak tih hmel takin min en kalh a.
" Ka nu chungah khan engthil nge i tih?" ha seh chilh ran chuan ka han ti a Rommel chuan ka kut chu min paihthlak sakin a kawr chu a siam tha nghal vata.
" I sawi awmzia engmah ka hrelo"
" Ugh...Rommel Padilla ilo ropui hle mai, lemchang thiam ni la a tha ang"
"ka buai deuh a, nakinah ka inbe dawn nia"
"ohh...ani maw!! ka nu kha cancer vanga thi ani tih ka hria chuan chu thil chu mak tak maiin i lo hre ve bawka ,ka awih thei lo "
.
" Thu dik ani" Rommel chuan a ti sap a.
" Engmaw !!"
"i nu kha cancer vanga thi ani, mahse ka hrilh lo chhan che chu i nu in min ngen tlat avangin ...." Rommel chu couch ah thu te te in a lu chu a dawm vang vang a.
"I lo pian chhuah khan ka pawm che a, ke tereuh te ban tereuh te i nei a,mahse chu chauh pawh chuan mi tlawm takah min siam ani. I hrisel lo in zantin deuh thaw kan tlaivar bawka sum tamtak sengin ka neih zawng zawng pawh chan dawn mah ila i damna tur a nih phawt chuan engkim chan pawh ka huam ani ka tan chuan khawvel a ka neih hlu ber i ni asin"Chutia Rommel an a tih lai chuan ka ngawi renga, mak tih hmel takin ka en ha bawka.
.
" Ka khawvel tereuh te ka din ve chuan rei a daih ta lo nangpawh kum3 mi chauh ini a khami zan kha zan lungngaihthlak tak ah khan ka khawvel siam ve chu a chhe dawn tih hre hauh lo in phur takin inah ka haw a mahse ka thil hmuh khan min thawng takzet ani, i nu leh mipa dang ka khum ngei ah an muhil dun lai ka hmu a nih chu!!"
" ka nu kha chutiang mi ani lo" ka la ti fan a, ka nu kiangah engtik lai pawhin ka ding zel dawn ani.
.
" Keipawh in ka rin dan chiah ani, i nu kha khatiang mi ani lo. Loh theih lohin hmangaihna chu huatna ah a chang ta a , i nu nen ka in atangin vakvai turin ka hnawt chhuak che u ani. Mahse i nu kha ka hmangaih em avangin a hriat loh in a thawh tur tawk hna ka zawn sak reng asin" a thaw leh halh thin a, a hmel ah chuan a thutak hle ani.
.
"mahse i nu nen Australia ah in pem ta daih a in pem atanga kum 5 na ah keipawh in nupui dang ka nei ve chauh ani mahse ka hlimna chu vawileh khatah ti chhiat in a awm leh ta!! Honeymoon kan hman laiin i nu chu a cancer ani tih ka hre chhuak a, a zan a zan in Australia ah ka kal nghala Athena pawhin min hrethiam a ka lawm teh asin.Mak tak maiin i nu kha ka lo haw reng reng hleinem" a nui suk a, no ah zu thli chhuakin a lem pap a.
.
"I nu khan mipa kha alo mutpui reng reng lo, amah ka then theih nana a thil tih vek alo ni cancer a vei avangin, chupawh nang leh keia rilru nat a hlauh avangin, kha thil ka hriatchhuak khan thih hial ka duh asin mahse heti hian ka intiam ta a Ginta hi ka damchhungin ka enkawl ang ,nupui nei mah ila ka thlah leh tawh ngai lo ang tiin.Athena pawhin engkimah min thlawp a nu ropui tak ani.Athena hian a hmangaih takzet che ani i nu ang tho in"
.
" Mahse engvanga min hrilh lo nge a nih?" engkim hriat vek ka duh avang chuan ka han ti leh a,mahse ka aw te pawh a khur vek tawh.
" A chhanchu a natna hi hria la hetah ka bulah i rawn kal duh dawn ami? i hma lam hun hi tih chhiat sak che a duh loh vang ani "
" mahse ka graduate hma in i company ah min lakluh i tum tho si?" ka ti hul hak a, diktak chuan ka nu leh pa te lo nawrh nasat zia ka hriat avang hian ka rilru a na takzet ani.
.
" i hria em...Manila a i rawn kal avanga party ka buatsaih zan a ka zin bo daih tum kha...khatah khan Japan ah ka kal lo i nu bulah Australia ah ka kal zawk ani.I nu duhthusam hnuhnung ber chu he ka company a a damlai ngeia CEO i ni lai hmuh che hi ani.I nu chu awm tawh lo mahse a duhthusam awmchhun hi kan ti hlawhtling sak dawn lo ami?" ka pa chuan a muttui a khap per sawka, ka kuah nghal vata " pa...ka lo ringsual thin che avangin min ngaidam rawh .Ka nu duhthusam chu ka ti hlawhtling ngei ngei ang" ka pa chu a nui suk a, ka hnungzang ah chuan a beng thak thak bawka.
" Hei, ngei hi ani ka fapa chu "min chhuang hmel tak chuan a ti a.
.
.
Kathryn's pov:
.
"Liza engtin nge ka tih ang kar hnih chiah hun ka nei tawh"
" Kath...inbeng dai rawh, hman zan ang kha chuan an sawisa tawh hauh lo ang che ,an hre dawn khawp alawm"
"engmah ka tih theih chuan loh hi"
"Dj...lah chu tun nilai ah mai hian company ah a lut tawh dawn a,president lah chuan Dj bodyguard ah i tan angaih tawh loh thu a hrilh bawk che si... Aaaa....Kath Dj hi dil tawp la a pe phal hrim hrim ang che"
.
"Idea tha lo tak ani, engvangin nge hetiang lunghlu vang lutuk hi min pek kher ang"
" ka hre bik lo,Dj an lawm luh hma in i hmai duk leh vung kha tih reh hmasak phawt angai anih kha ,Dj lah chuan min ringhlel em em lehnghal.A rawn kal leh tep tawh ang" Liza in a tih rual rual chuan doorbell a rawn ri tleng tleng a, kan in melh nghal vata.
" Alexander anih loh hram ka beisei" ka ti sap a, Liza chuan kawngka chu ava hawng vata ka thaw huai mai, Dj alo ni hlauh.
.
" Kath...hei damdawi" tih pahin ka hmuiah chuan a rawn fawp zeuh a.
" Nangni pahnih kha room ah va awm teh u...Khata in in fawp lai kha ka hmu peih lo " Liza chuan a lo ti vata, Dj chu a nui suk a, ka roomah kan lut nghal a.
"heihi ei rawh, doctor in a tha atia chuan heihi i hmai duk tan hei hi i hmai vung tan....chuan a nat hlek chuan heihi"
" Dj...duhtawk rawh engmah ka mamawh lo" tukverh bulah dingin pawn lam chu ka thlir vauh vauh a, Dj chuan hnung lam atanga min rawn kuah pahin ka nghawngah chuan a rawn fawp a, ka lo namsawn vata.
.
" Kath..." a ti vin tuarh a,melh pawh ka melh ngam lo ka kun tlata " tunlai i awm dan hi a dik lo, hman zan i bo daih atang khan i hlim lo in thil dang daih i ngaihtuah ngut ngut a, a chhan ka zawh lah che in engmah i ti ringawt zel bawk si ,min hlat dan tur ringawt i ngaihtuah bawka i awmdan pawh hi ka hrethiam teh hrep lo" diktak chuan ka rilru a hah em ani, min hmangaihna hi hmangtangkai ka tum tih i hriat hunah i rilru nat dan tur ka ngaihtuah hian keimah zawk hi ka na takzet ani.
.
" Dj...hriatthiam tum teh" ka kuah a, tun hun hi ka thluak hman a ngaih lai ber ani.Ni e Dj hi ka hmangaih takzet mahse ani ka hmangaih ang tluk zetin ka chhungte pawh ka hmangaih ani.Hrehawm an tawrh reng hi ka phal lo , Alexander atanga an him hi ka duh ber ani." naktuk tuk leh atang chuan i bodyguard ka ni thei tawh dawn lo a,ka inhmu duh anih pawh in midang mitmei veng reng angai tawh ang" ka thil sawi hi a dik vek ani, kan inngaizawng ani tih midang in hria se chuan engkim mai hi a buaithlak vek dawn ani.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:29 pm

" chumi avang chauh chuan tiang hian i lo awm amaw , lungngai reng reng suh ka awm hi min ring tawp rawh" ka hmuiah chuan a rawn fawp vang vang a, hepa bula awm tawh hi chuan ka tuiral nghal vek zel, a hmel mai pawh nilo a engkim hian min hip em em vek ani.Hmeichhia te ngaihzawn rawn leh a bialnu nih an chak luai luai kara kei min lo hmangaih hi ka lawm rual rualin Dj an kei min tawng hi a vanduai takzet ani.
.
Dj company a a luh rual rual in kei chuan ka hna ngai ka zawm leh tawh dawn a, nikhat chauh Dj hmuh lo tura ka inngaih tuah ringawt pawh hian hrehawm ka ti.Mahse Dj leh apa inkar a that avang erawh chuan ka hlim takzet , Rommel a hmel ah pawh hlimna nasa tak ka hmu a an chhungkua a thlamuang taka an awm ta hi ka lawmpui rual rual in ka thik takzet ani.
.
_______________________________________
.
" Kei Daniel John Ford Padilla hi Brilyante company CEO ni turin ka intiam e " Dj an pres mite leh milian tak tak hma a a intiam zawh chuan kut kan beng dar dar a, Dj hmela hlimna nasa tak ka hmuh hian ka rilru a na ani a chhanchu engtik ni ah emaw chuan a hlimna hi ka tih chhiat sak angai dawn ani.Ka phone a rawn rik avang chuan hall atang chuan ka chhuak vata.
.
" Enge i duh?"
" Karkhat chiah hun i nei tawh "
" ka hria chu thil chu min hrilh nawn reng angai lo ang "
"kar khat chhungin lunghlu ka kut a a awm loh chuan i chhungte ruang hlawm tur pawh i hmu lo ang"
"duhtawk rawh, min kal bo san rawh "
" i hriat kha kar khat chiah" phone chu a off hmaka
"hmela...engvangin nge min tih buai reng" ka au tuarh tuarh a, ka thu hnawk ka hmai chu hup in ka tap nghal hawm hawm a.
.
" Kath.. " ka darah min rawn khawih tu an awm tih ka hriat chuan ka phu zawka ka tawlh hnung nghal vata.
" Kath...Keimah" Dj chuan a rawn ti sap a, min rawn kuah nghal thlawpa.
" Khawiah nge i awm daih a? ,ka zawng nasa lutuk che asin, function chu a zo tawh...hawh...haw ang"ka chal ah chuan dim takin a fawp zeuh a, min kai tho a, a coat chuan min rawn khuh vata a car lam pan chuan min khuah phei nghal a.
.
" Kath... tunah chuan college kal pawh angai tawh lo, inneih tawh mai ang"a tawng pawh hrelo ang mai chuan hmalam chu ka melh ngar ngar a,ka rilru a buai takzet ani.Ka mittui chu a tling pam bawka, Dj chuan boruak rit lutuk tih zan tumin fiamthu te han thawh thin mahse min ti hlim zo tawh lo.
" Kath...zanin i awmdan hi a dik lo,ka in ah riak mai rawh"
" Engmaw!!"
" ahh...ka sawi awmzia chu room hranah i riak thei tho a" a tih chuan ka bu nghat a, diktak chuan riah chu tlawm thlak ka ti mahse Alexander a pawl ten min rawn sawisa leh ta se , nilo.... ka ngaihtuah zawng ringawt pawh hian mi rap .
.
Couch ah thu in ka melh ngai chu ka melh renga " Kath...heihi in rawh... khawizu leh apple tui anih hi, i harh hawk mai ang" tih pahin Dj chu ka bulah a rawn thu a, ka lo nui suk .
"i tha tiraw?" ngaihthat loh hmel zet chuan a rawn ti leh a, ka lu ka lo bu nghata.Ka hmuiah chuan a rawn fawp nghal tawn tawn a mahse ka chhang let lo ,ka lo fawh let loh avang chuan a inlahrang nghal vata.
" hreptak chuan" a ding zawt a, a lu chu a dawm vang vang a.
.
" Kath...tanpui theihna che ka nei em?"zaidam tak chuan a rawn ti a, mahse a thinrim lutuk insum ani tih ka hai hauh lo
" Dj...min hnangaih em?"
" tehreng mai" ka bulah rawn thu in ka hmai chu a kut pahnih chuan a rawn dawm a, " ka hmangaih lutuk che"ka hmuiah a rawn fawp leh zeuh a
" a nih chuan i neih hlu ber min hrilh rawh"ka zawhna avang chuan mak tih hmel takin min en ha a.
.
"Ka hma a hi a awm reng alawm"
" nilo, he company in a neih hlu ber...ka tih awmzia chu nakinah ka hriat vek ala ngai dawn a"
"umm... ka pa thawh rah te pawh ani mahna" a ti sapa, chutia min chhan avang chuan ka inla hrang vata.
" ka haw dawn " tih leh din ka ruala.
" Kath...khawngaih in, he company chungchang hi ka hrelo mahse min rawn zui rawh" tih pahin banga a thil tar pakhat chu a kuai zeuh a, bang lianpui chu a rawn in hawng nghala.
.
"heihi enge?"
"inhnuai luhna,keimah chauh in ka hria chuan nangmah nen" tih pahin kan lut a,ka kut ah min kai ran bawka bang chu a ngai ang chiahin a rawn inkhar nghala.Ka rin ang ani hauh lo, inhnuai in tih avanga awm rup turah ka lo ngaia ani hauh lo ,inchung ai pawhin a nuam daih zawkin ka hria.
" he in hi, ka tan bika an design ania....hmanni a ka lei kha chu khaw pawn ami a ni bawka i duh hun hun ah kan kal thin dawn nia" min rawn nuih suk a, a biaksum khuar kaka a nuih hian a hmeltha takzet.
.
Room panga vel chu kan kaltlang tawh in ka hria, he inhnuai hi inhnuai naran ani hauh lo security tha tak leh leaser nen a uluk taka veng thlap ani.Dj an kawngka a hawn dan chu ngun takin ka thlir renga. A tawpah chuan room var vek kan thleng hlawl mai, khawilai nge a hmeh pawh ka hrelo drawer pakhat chu a rawn in hawnga.Chumi lam chu kan pan phei a,chumi drawer chhungah chuan hmeh rur awm leh in Dj an a hmeh rual chuan kawngka chu a rawn inhawng nghal vata.
.
Chumi chhungah chuan Shelf lian zet hi a in hung ruah a,chumi ah chuan a kutzungpui chu nem in eng eng emaw a hmet zeuh zeuh a, a rawn in rawng ta ruah mai .A chhunga mi chu rawn la chhuakin glass in a intuam vek bawka,he thil ngei hi ani ka zawn chu
" heihi lunghlu 'The Hope' tih lian zet hi 45.52 carat lai ani a,he lunghlu hi mit lawng chuan a pawl a mahse ultraviolet light hnuaiah chuan a lang sen thung ani, he lunghlu hi he company hlawhtling nachhan chu ani ber lo mahse kan lunghlu neih hlut ber ani a, a vang hle bawk" a ti a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)