I Heart u by Haylor(Remruati Bawitlung)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

Re: I Heart u by Haylor(Remruati Bawitlung)

Unread post by Ngaia » November 27th, 2016, 4:31 pm

Chapter-16
.
"Dj...engthil nge i tih hi?"
" Vawikhat pawh ka hmuh ah rawn in lan tawh suh" chupa chu ka melh ngar a, mak tih hmel takin min en ha bawka.
" Duhtawk rawh, Tristen i tha em?" Kath chuan chupa chu a kaitho vata ,ka inhum ruh vata .
" Kathryn ,ka tihpalh ka kal zawk mai ang" tih leh kal a rual a.
" nilo...Tristen" Kath chuan a ti zui hrama chu chuan min ti thinrim zual takzet.
.
" Kha pa kha hmu leh tawh suh ang che" thupe tak chuan ka ti a, Kath chuan phawk fe hian min rawn melh kalh a.
"Engmaw!!"
" Khapa ka hmu tawh suh ka tih chu"
" Hahh... Dj i thik ami?"Ka ngawi renga,
"ka hrethiam thei lo che ,ngatinge min zui reng? "
" Tunge ka zui che ti? haha.., khapa kha hnaih lo la ani mai, nge sex anih loh pawhin pawisa i duh zawk?" Kath chu a nui lui hak a,ka mit ah chiang takin min en kalh a.
"engmaw!! nupui hual i neih laiin bialpa ka nei lo bik ang maw?, i hresual der anih chu "
.
" pawisa i duh anih chuan ka pe ang che, i duh engkim ka pe ang che"
"Hahh...chutiang mi ah chuan min lo ngai ani maw!! min kalsan rawh,ka hmuh phakah rawn inlan leh tawh suh" a ti chuai raih a,a mittui a tling pam bawka.
" hreptak chuan " lehlam chu a hawi daih a inchhungah luh a tum a
" Kath...min hnungchhawn reng reng suh" ka tih chuan a ding chawt a
" I kal chuan ka kaltir hlen tawh ang che, vawikhat pawh ka rawn umzui tawh lo ang che" A in kawngka chu a hawng mawlh mawlh a.
.
" Awle, a tha e i bialpa nen chuan hlim deuh in va awm ta che u"ka ti tuarh a,ka phone a rawn rik avang chuan ka en vata Venna ani.
" Aw...Venna " ring zetin Kath hriat tur kher chuan ka ti a, mahse hria ang pawn a awm lo inchhungah min luhsan nghal daih a, phone pawh chu ka off nghal hmak a thinrim tun in car ah ka lut a.Car steering chu ka hnek nghal thuai a.
.
Kath hian min lo duh tak tak lo ani hi ,ka lu ka dawm vang vang a ka thaw leh halh thin a.Ka hmel hmuh tawh loh a duh amaw!! a tha e,a duh ang ang chuan awm rawh se.Car engine chu ti nung in ka in lam panin ka khalh chhuak nghala.In ka thlen chuan a lo reh leh thap tawh a, light chu ka on nghal vata ka rilru tawt lutuk tih reh nan tiin tui ka cheng ta zawka mahse awmzia a nei lo, second khat pawh ka theihnghilh phah lo,heti khawp hian ani maw Kath hi ka lo hmangaih? hei vang hian ka inhaw hluah hluah ani ka theih nghilh thei lo hi.
.
Ka inbual zawh chuan bathrobe chauh ha in kitchen ah ka kal a, engmah sawi set set lo in beer chu ka lem nghal khawlh khawlh a,Kath in min hmuh a duh tawh loh thu a sawi kha ka hrechhuak thut a, beer can chu hmet sawngin ka paih nghal thuai a,ka insum thei lo mai dawn Dj inbeng dai rawh, i hmuh a duh tawh hleinem .Whiskey chu no ah thli chhuakin ka tlak nghal pap a, zanin ka awmdan hi a dik lo tawp mai,dar1 a ri tawh a mahse ka mut a chhuak reng reng lo .
.
" Hello" ka hawi phei vata.
" Venna" ka ti chuai raih a, Venna chu ka lam panin a rawn kal a, khap pawh ka khap eih lo, a hnute bu chhah tak tilang chiang turin kawrawm zau zet a hnute lang lek lek in ha a, a pian a chhuan em em pawh khuh tu a tlem hle.Ka bul a rawn thlen chuan ka bengah a rawn a rawn seh ne ne a, a thaw lum ham ham chuan min ti phur takzet ani.Ka nghawngah rawn fawpin"min mamawh tih ka hria" a ti sa sa a, ka thinphu pawh a rang ta kher mai.
.
Vur tlang chu seh in ka no ken laiah chuan a rawn thlak zeuh a,Ka bathrobe chu pawt kau in ka awm ah chuan a rawn fawpa,ka rum chhuak hial.Ka whiskey no a ka thlit chhuah chu tlem a lem khalh a ,ka min fawp nghal tawn tawn a a va tui chiang em, a hmui hnawng chap leh whiskey rim nam ram ram te chuan min ti phur zual hle mahse!!! ka nam sawn nghal dawrh.
" Chhuak rawh" ka ti sap a.
"engmaw!!" hmun dang chu ka melh daih a ka meng phawk nghal kawk a.
" Kath" tunah khan Kath ka hmu tlatin ka hria.
" Kath ah!!"
.
Venna chu kalsan in Kath ka hmuh na lam pan chuan ka tlan phei nghal vata, mahse Kath hmel reng reng hmuh tur a awm lo ,Venna pawh a rawn chhuak ve nghal vata, pawn ah ka tlan chhuak vata a awm chuang lo,ka mit chu ka nuai nawk nawk a.Engvangin nge Kath a rawn kal ringawt ang?, khawpui atangin ka in hi a hla em em a chuta chapah min hmuh a duh lo lehnghal ka lu chu ka tuai vut a" ka inhnem mah mah anih dawn hi"tih sap pahin inchhungah ka lut leh a, couch ah thu in tv ka on nghal a.
" Daniel... i awm dan hi mi a ang mai i ni" ka thil en lai chu ka en chhunzawm ngar ngar a.
.
" Nangmah leh ngamah i in be sep sep a, a chang leh i nui leh suk a i melh ngai i melh ngur ngur bawk si"
" Chuan?" ka melh chho ha a
" Engmaw!! Daniel duhtawk rawh"
"Chhuak rawh"
" Ka chhuak em em ang mahse inhual na hi chu i ti tawp hauh lo ang"
"chhuak rawh" ka tho thut a
" ka duh aiin ka inah hian bengchheng a tam tlat" tih pahin inchungah ka chhoh san daih a.
" Daniel Padilla hetiang ringawt hi chuan min kalsan thei lo ang" Venna chu a rawn au zui lauh lauh a mahse hria ang pawn ka awm lo.
.
Room ah ka luh chuan ka thaw hawk a, couch ah thu in ka inngaihtuah vung vung a" min hmuh a duh tawh hleinem" ka ti leh sap thin a, midang chuan min hmu se mi a emaw min ti tawh ngei ang.Kei ngei pawh hian ka awmdan hi a diklo tih ka hria mahse ka titawp thei bik lo, enge maw hian min mawlh tlata, mut chhuah a hnekin ka harh tulh tulh bawk si .Ka la inthlak loh avangin bathrobe nen ka vei thuak thuak a , a chang leh ka inthiam chawp a, a chang leh ka inchhir thul zanin zet zawng ka a takzet tawh ani.
.
Ni eng in min rawn chhun avangin ka meng siar siar a, khua chu alo var uarh tawh a ka tho vat a couch ah ka lo muhil chu niin awm nuam lo leh phur lo zetin ka tho taih taih a, ka han zi mar vela vawin atang chuan nunthar nen engkim Kath tello in ka hmang tawh ang.Breakfast ka ei zawh chuan insiam in company lam ka pan nghal ani.
.
Thathawk te chuan chibai min lo buk sap sap a,mahse min en duh riau in ka hria nge ka inngaih bel zawk engpawh nise tunah chuan mithar nunthar nei ka ni tawh alawm ka nui suk a, ka private elevator ah ka lut nghala vawin zet chu ni a rei dawn hle mai.
" Good morning " Sobero chu ka nuih sang a mahse mak tih hmel takin min en thung heng lai a hna thawk te hi enge maw an hriat le? thil engemaw tihsual ka nei ang mai in alawm min en.
" Boss ih englo....hei i lehkha tur"
" Sobero tun ah lo, tunah chuan hahchawlh ka duh" ka lo ti nghal vata.
" ih...englo ania, a pawimawh takzet niin ka hria"
" umm.... nakinah ani mai" tih pahin ka lut daih a
.
Min rawn hmuh tum an awm leh tawh ani ngei ang vawin chu ka peih thlawt lo meeting tih loh chu engmah tih peih ka nei lo.
Meeting zawng zawng kan nei zawh hnu chuan a lo tlai ruih tawh a, ka chau takzet nilenga hmun hran hran a kal kual chu.Ka office chhunga ka luh chuan ka thu hnawk a, inchung chu ka melh vang vang a,
"Boss...." Sobero chu a rawn dak dek dek a, ka lo thu tha vata ka hrawk chu ka thian kharh kharh bawka.
" Enge ni ta?" ka lo ti vata.
.
" Ka lawm pui lutuk che"
" Engah maw!"
" ugh... in inhual tih ka lo chhiara" chanchin bu hi min rawn pe a , a kawmah chuan Venna nen kan inhual tawh thu a in ziak kalh bawk.Ka la vata ka rilru ah Kath a rawn lang hmasa ber ,Kath in a hmu em?
" Venna mai mai chuh ka ti sap a,i kal thei tawh ang"
" aa...boss ka rawn kal chhan ber zawk chu....." lehkha hi min rawn pe a,ka lo la vata.
" tukin zingkar office i rawn thlen hma in Ms Kathryn a rawn kal a, a hming sawi lo turin min ti na a i hriat ngei angai in ka hria" ka ding nghal zawt a
.
" Maw!! i tih awmzia chu Ka....Kathryn Bernardo maw!!"
" aw, ni e" inthiam loh hmel tak chuan a kun lap a.
" ngatinge tunah min hrilh chauh"
" ka tihpalh boss...zingah khan hrilh che ka tuma mahse tibuai lo tur chein min ti sia ka hrilh ta lo che ani"
" i chhuak thei tawh ang" ka thaw halh a, Sobero chu a chhuak nghal a.Lehkha chu ka en vata.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:31 pm

'Min ngaidam rawh, min ngaidam thei anih chuan station ah dar 6 thleng ka lo nghak ang che" tih te mai hi alo in ziak a mahse ka tan chuan engkim ani,ka hriat duh zawng zawng a kim vek.Sana ka en vata minute 5 chiah hun ka nei tawh engmah ti kawi lo in ka tlan chhuak nghala chak zetin station lam panin ka inkhalh chhuak nghala.Lehkha ah khan Thu tam a inziak lo mahse Kath chu ka hnenah rawn let leh a duh , chu aia thu lawmawm chu a awm thei tawh lo ang.Ka khalh lai te chuan ka lo nui leh vur vur thin a, Kath ka hmuh hun ah enge ka sawi tak ang? Ka phur lutuk hi ka zam lek lek zawk.
.
Ka thleng tep tih in Car chu ka ti ding nghal chawt a," nilo nilo" ka hma ah chuan motor chu an in tlar thup a traffic a zam ani ngei ang
" ka pu ngatinge an ding thup a? " kan piaha police pa chu ka va pan vata.
" Aw...tun mai ah khan truck leh bus an insu a, mahse thi an awm lo hlauh...tlangval let leh zawk rawh zaninah chuan an block hrih ang "
" ka thei lo" tih pahin ka tlan phei nghala,Tlangval tia min rawn ko lauh lauh chu ka hria mahse ka benghkhawn lo.
.
Station ka thlen chuan ka hah lutuk chu ka thaw hlawk hlawk a, mahse hahchawl hman ka ni lo Kath chu ka zawng kual vata a hmel reng reng hmuh tur a awmlo , darkar khat dawn ka zawng tawh ka hmu chuang lo,ka call leh message lah a chhang thei hek lo.Ka beidawng tawh takzet , alo haw tawh pawh ani mahna .Kath in lam panin ka tlan let leh nghala, vanneih thlak lutuk in ka car ka la chhuak thei hlauh, chak zetin ka khalh leh nghala.
.
Kath in ka thlen chuan car atangin ka tlan chhuak nghala.Kawngka chu ka kik dawt dawt a pa pakhat la upa vak lo hian a rawn hawnga.
" Tunge i nih? Hetah hian enge i tih?"
" Tunge i nih zawk?" a rawn ti let ve vata.
" Khawiah nge Kath?" tih leh inchhung a tlan luh ka ruala .Mahse Kath in kha ani tawh hauh lo, bungraw hran vek engkim mai chu a dang vek tawh.
.
" Khawiah nge Kath a awm?" A kawr nghawngah ka tham nghal chawt a.
" Tlangval inbeng dai teh, i sawi engmah hi ka hrethiam lo, he in hi vawin atangin a luah tana a luahtu hlui chu a chhuak tawh"
" a chhuak a!!"
" Thudik ani ka sawi, mahse an tawng ri ka hriat dan chuan hmun hla takah kal an tum anih hmel" a reh duk nimai hian ka hria,ka tlawh hnung nghal hrut a.
" Hmun hla takah maw!!" ka ti bah nuai a,ka kut chu a khur nghal der der bawk.
.
" Chu bak engmah ka hrelo, i tha maw?" chhang lo in ka kal chhuak nghal chhat chhat a, Engthil nge ka tihsual? Kath hmun hla takah a kal amaw!! Hei vang hi ani maw min hmuh alo duh em em kei lah chuan a lehkha hnutchhiah pawh enfiah nachang ka hrelo ania, mimawl tak ka ni. Car ah ka lut vata, car chhungah thu in ka inngaihtuah renga,hetiang hian ka lungngai reng tur ani lo mahse Kath hian min kalsan nimai hian ka hria, Kath hi ka chan thei lo .Mr.Robin chu ka call vata.
" Mr.Robin....hna i nei, Manila khawi hmun pawh hmaih lo in Kath zawk hmu ang che....." ka thaw halh a" Tunah" ka ti sap a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:32 pm

Chapter-17
.
Beidawng takin ka haw hnak hnak a mahse Kath hmuh erawh ka la in beisei fan tho hetiang ringawt chuan min kalsan thei lo ang, natna tamtak ka thlen sak tawh hnuah pawh min lo nghak renga mahse ka inlan si lo.Ka inchhir lutuk hi awmngaihna pawh ka hrelo,indawm kun tlawk tlawk mai loh chu tih theih ka nei si lo.A ni telin Kath ka ngaih a zual a,ka call a message ka thawn bang lo mahse chhanna erawh ka hmu ngai lo.
.
Thla khat lai Kath chu ka zawng tawh a mahse chanchin engmah hriat belh tur a awm lo ,a rawn haw leh ringin zantin ka nghak ziah a beidawn chang awm mahse ka hmuh hma chu ka zawn chhunzawm reng tho ang.Mr.Robin chu Kath a hmuh leh hmuh loh ka zawt chhen renga ka thinrim in ka vin chang lah a tam ani pawhin min hrethiam ve niin ka hria dawh thei takin engkim min tih sak zel ani. Zanah ka mu thei lo a, ka thil ei lah a tui hek lo ka thil tih engmah nuam ka ti lo a mahse ka hna erawh chuan a tawrh phah lo.
.
"Dj....thil hmuh chhuah ka nei" Mr.Robin chu meeting laiin hmanhmawh takin a rawn tlan luta ka hmuh velah ka lo ding nghal zawt a.
" Kath chu i hmu tawh ami?"
" Kath chu ka la hmu lo mahse a thiannu Liza erawh a awmna ka hre tawh"
" Meeting hi naktukah chhunzawm leh ani ang " tih pahin ka tlan chhuak nghala.Kath la hmu lo mah ila Liza kan hmuh hian thil thar engemaw tal hriat ka in beisei tlat ani.
.
" Mr.Robin tunah Liza chu va hmu ang "
" awle" ka lawm lutuk chu ka nui sang renga , ka ka ah rawn zen pawh nise ka seh lo ang tih khawpin ka mood a on.Liza hna thawhna dawr zawn kan thlen chuan tlan luh nghal ka tuma, Mr.Robin chuan ka darah a rawn vuan vata.
" A hrilh duh kher lo maithei che, Kath nen an awmhran hnu khan a bialpa nen a cheng dun a mahse a bialpa in a hlawh zawng zawng a ei zawh sak hnu ah a hnawt chhuaka,a bialpa khawih na hliam a neih nasat em avangin tumah in an dawra thawk turin an duh lo, hetah hian chhuat nawt leh ekin tifai in a thawk ta ani"
" Mr.Robin min ring rawh" tih pahin ka chhuak nghala .
.
Dawr chhung ka luh chuan a thawkte chuan min lo hria pawh ani mahna ka luh chuan mak tihna in an khat nghala , min lo bawr nghal luih luih bawk.
" Ka pi Liza Twazon tih hming pu hetah hian a thawk em?" counter a lo thu chu ka va be vata.
" Liza Twazon maw!! ...Ka pu tunah chuan hna a thawk a a hmuh theih loh ang" dawhkan ah chuan pawisa tamtham tak chu ka thehthla a.
"min hmuh tir dawn nge, he pawisa tam tham tak hi i chan dawn "
" Aahh.... Eqtha, Liza va ko vat rawh" a ti nghal chul a, ka nui suk a pawisa hian thil a lo tithei takzet anih hi.
.
Liza in min hmuh chuan a mengphawk nghal kawk a,
" Dj..." a ti sap a.Mr.Robin khan a sawi dik chiah Liza zuan zang leh thawveng thei tak ni thin kha a hmel ah hlimna reng hmuh tur a awm tawh lo, a hmai a duk thluah a, a hmui bul vel te chu a pilh phang bawka ka lainat takzet.
" Min lo zui rawh" tih pahin dawr atangin ka chhuak nghala ,ani pawh chuan engmah sawi lo in min rawn zui ve nghala.
.
Liza chu eitur chi hrang hrang ka order saka, a ei nghal mawlh mawlh a a thil ei lai chu ka lo thlir renga, hrehawm nasa tak a tuar a Kath pawhin rawn ngaihsak zui pawh a tum miah lo amaw!! Liza rawn buaipui tur tal pawn rawn let leh tur ania .
"Khawngaihtakin Kath awmna min hrilh rawh " a thil ei lai chu a tawp hmaka, a mittui chu a rawn tla nghal zung zung a.A mittui chu a hru hul sawk sawk a .
" Kath hi ka tawrh ang tawrh tir ka duh lo.....Dj kalbo zawk rawh" tih pahin thawh a tum a,
" Khawngaih in " ka ti sap a, a ding chawt a.
.
" Ka hrilh thei lo che ... chance a pe che a mahse i pan hleinem.Kath rilru i tih nat sak tam tawh lutuk a tawk tawh em em, i nupui hual nen khan hlim takin va awm zawk rawh u"
" Nupui hual ka nei lo, dawt vek ani "
" Engmaw!! mahse chanchinbu ah khan"
" Thu belhchian dawl lo mai ani"
" Kath khan nupui hual i nei emaw a ti asin chuan a kalna hrilh lo tur che in min ti bawk"
"nang chiah hi innghahna ka nei tawh" ka ti sap a,ka inhum ruh nghala "min hrilh lo mahla ka beidawng lo ang mahse hei hi hria la ka duh Kath hi ka hmangaih a ka kalsan leh tawh lo ang" ka tho thut a, kal nghal daih chu ka tum a.
.
" Palayan ah a awm"ka ding chawt a
"a chhungte nen Palayan ah an pem tawh,I intiam ang khan Kath chu kalsan tawh suh ang che"
" Ka lawm e" tih pahin ka chhuak nghala.Ka hlim lutuk hi zuan reng mai te ania ka duh, tunah chuan Kath awmna ka hre tawh a, a tir ah ka lam a rawn pan tawh a tunah chuan ka pan ve tawh ang chuan ka thlah leh tawh ngai lo ang.
" Mr.Robin Liza saw hna dang a thawh tur awm lo zawn sak ang che chuan a rang thei ang berin Palayan ah kal nghal ka duh lo tifel ang che".
" Awle"
.
_______________________________________
.
Palayan airport chu kan thleng ta!! Kath awmna awmang Mr.Robin an a lo zawng tawh a chuvang chuan Kath awmna ni a kan rin lam panin kan tlan meka, Mr.Robin pawhin min zui ve a, a chhanchu keimah chauh chuan min kaltir duh lo ani.Car tukverh ah dakchhuakin boruak chu ka hip vang vang a, leilet leh phaizawl cham duai te chuan awm a ti nuam takzet.A hmun hi a pui lutuk loh avangin a nuam tawk lek.Shades vuah in ka hawi kual vela , min enduh ngang mai thingtlang khaw te tak te pawh a ang lek lek zawk, leilet a hnathawk te chuan min enduh hle mahse helai mite hian khawpui mi an ngaina vak lo in ka hria.
.
Car chu a ding chawt a,
hmalamah ka bu phei lawp bawka.
" Mr.Robin enge nita?"
" Ahh... bawng rual in kawng min dang kan tlan tlang thei lo"
" Engmaw! bawng rual maw" sana chu ka melh zeuh a " ka hmanhmaw asin le" tih pahin car atangin ka chhuk thla a,
" Dj...khawiah nge i kal dawn?"
" Bawng hnawt bo turin mawle"
" nilo...ti suh " ka ngaithla chhunzawm tawh lo , suit nen bawng ka hnawt bo dawn chu ania a nawm dawn hi le .
.
Bawng rual kawnga lo ding tlat lam chu ka pan phei a, ka kal hnai telh telh a ka rin ang alo ni hauh lo ka hnawt bo ngam angem tih ka chiang ta hauh lo.Ka hawi let a Mr.Robin chuan min lo en ran a, pawilo Mr.Robin mai mai tih pahin let tumin ka hawikual vela mahse leilet a hna thawk ho chuan min en thap anih chu!! Let lehna chi lah ni tawh bawk si lo, bawng laka tlawm taka han let leh chu ka duh bik bawk si lo.Ka chil ka lem khalh a, ka thaw hawk a "ka ti thei chiang alawm " tih pahin kawngsir a tiang awm chu la in kawngpui chu ka vaw pawp a,Bawng ho chu chet pawh an che eih lo .
.
" ohh...cmon, in kalsawn phawt chuan in chaw tur tamtawk ka lei sak ang che u" ka han ti ringawt a, bawngbu ri bak chhanna a awmlo.Ka hawikual a, hnathawk ho chuan ka hnawh sawn hun nghakin min enthup mai bawk si,ava han buaithlak thin tak em.
" In chak lo ang " tih pahin car ah let ka tum a, enge ka rah hi!! muangchang in ka hawithla a bawngek chu ka pheikhawk pil hmawk in ka lo rap chu niin!! Ka nei nanga
" Nilo, nilo" midang ho chuan min lo nui thu hlawm lehnghal,thinrim tak chungin bawng lam pan chuan ka bai phei lauh lauh a, bawng pakhat bawngah tak ka tiang ken lai chuan ka hlap pawp mai chu ka nui lo chiang teh e.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:32 pm

Bawng pa chal lo ni rengin , min rawn pan nghal ruau ruau ta mai , leilet lamah chuan min kheng thla pawp a, zangthal thuai in leilet a buh chu ka mut bel nghal hun .
" ka pu i tha maw?" naupang pakhat hian a rawn ti vata, ka chhang lo ka taksa pum hi a na in ka hria, chu naupang chuan awlsam takin bawng ho chu a hnawt bo nghal vata
" Dj...i tha maw?" Mr.Robin chuan min rawn kaitho vata,hnathawk dang pawh chuan min rawn din hual nghal vata, a nat nak alai in an vaiin an nui anih chu !!
" na lo" tih pahin ka tho vut a, car lam pan in Mr.Robin chuan min kuah pheia.
.
Car ah chuan ka thu tum bur a, ka pheikhawk chu ka paih hmak bawk,ka suit man pawh hi an thawk chhuak thei dawn ami? min han nuih ve khanglang.
" i tha tak tak a maw?" Mr.Robin chuan a rawn ti leh a.
" tha hmel ka pu ami?" ka lo ti vin hlar a,piangnawn pawh ni ila bawng kher chu ka hnawt leh tawh ngai lo ang. Mr.Robin chuan a khalh chhuak leh nghala.
" ding lawk teh" tukverh ah ka dak chhuak vata.
.
" hey naupang " bawng vengtu naupang chu lo kal turin ka hui zeuh a,mahse english a thiam lo aniang ka sawi hria ang pawn a awmlo, Mr.Robin chuan Tagalog in a be ta zawka
" Heilai hmunah hian Kathryn tih i hria em?"
" Aw...hria e,restaurant neitu madam kha maw " English chu a thiam ve sawih sawih hi
" aw ni e, a bulah min hruai thei angem"
" aw tehreng mai" car kawngka chu ka hawn saka."Ka car hi a fai ania" chu naupang baltak rawn luh rual chuan ka ti leh hrama , Mr.Robin chuan min rawn mitmei zeuh a.
" Enge? bawng kaihnawih hrim hrim hi ka hua, a vengtu pawh" ka lo ti vin hlar a, Kath te awmna lam pan chuan kan tlan chhuak nghala.
.
" Ka pu kan thleng tawh e"
" khawiah nge Kath chu"
" madam dawr chu khilai tlang ah khian a awm, motor a kal thei lo a minute 10 lek kal ania" a tih chuan car atangin ka chhuak vata, tlang lam chu ka hawichho vang vang a helai hmun tak phei hi chu a thingtlang takzet ,engtin nge helai hmunah hian a awm theih zawk?
" Kath awmna hmunah chuan min hruai chho rawh" naupang hnungah chuan ka beng thak thak a, ka phur ngang mai hmanhmawh takin ka kal nghal vat vat a mahse ka daih rei lo ngang mai kawng a chho bawka ni a sa bawk si minute 5 lek kan kal chuan a hahthlak ta hle mai .
.
" Mr.Robin tui" tui min rawn pe vata
"ka pu, hahna tham pawh kan la kal loh hi" naupang chuan a rawn ti vata.
"Manila ah chuan hetiang kawng chho hi a awm ve lo a" ka lo ti vin hlar a,
" kal leh ang u" Mr.Robin chuan alo ti vata,kan kal lehnghala.
" Heihi Madam dawr chu ...."
"naupang i ril te a tam em?0"
" aw... madam dawr ah hian eitur a tui thei lutuk khawpui atang pawn an rawn pan vang vang zel"
" ih... bialpa emaw pasal tih vel a nei em?" chu naupang chu a nui vak vak a, mak tih hmel takin ka en ha a.
.
" Madam te chu helai Mayer nen an inngaizawng daih tawh.Helai ami te chuan an duh pui vek "
" Engmaw!!"
" Mayer pawh madam dawrah a kal ziah"
" Hey ... chutiang mi ani lo , kal rawh " ka ti vin hluk a.
" ka pu, ka ril a tam ania"
" i ril a tam chuan inah va haw mai rawh " ka coat siam that pahin ka kal daih a,min ti thinrim leh vek tawh Kath leh an kaw Mayer maw...hahhh..."Kath hlat a awmtir dan chu ka hria alawm" tih pahin restaurant chhungah ka lut a.
.
A tawp a tawp ah Kath chu ka hmu ta, a dawra chawl te ho chuan eitur a lo sem kual meka, a nui sang bawka a hmel hmuh a nuam hle.Chutia khawpui mi inchhung a ka luh chuan ka lam an rawn rawi thup a, ka zam lek lek ." Ka hmai ah thil akai ami" Mr.Robin bulah chuan ka va ti sap a.
" Aih kai lo "
" anih ngatinge heta mi te hian min en thup "
" i kawr hi a bal em alawm"tih pahin ka kawr hnung chu a rawn beng thak thak a.
" Avan hit lo tak"
Mi dang in min en thup avang chuan Kath pawh a rawn hawi phei vata, min hmuh avang chuan a meng phawk nghal kawk a .
" Dj...." a ti chuai raih a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:32 pm

Chapter-18.
.
Kathryn's pov:
.
Tawng ri mur mur ka hriat avangin ka hawi let vata kawngka bula Dj lo ding reng ka hmuh chuan ka meng phawk nghal kawk a
" Dj...." ka ti sap a, sawi chhunzawm tur ka hre tawh lo ka hamhaih nghal vek,ka awih thei lo Dj hetah maw!! A suit hak manto tih hriat tak chu a bal nuau a, a bulah Mr.Robin a ding ran bawka.
"Kan inbiak angai"
"Dj ...ka hman lo" tih pahin ka thiltih lai chu ka chhunzawm leh mawlh mawlh a min rawn zui zela.
" Kath ngaithla teh "
"engmah sawi tur ka nei lo haw leh zawk rawh"
.
" Kath!!" a rawn ti tuarh a, ka ding khawng nghal chawt a" Ka be duh che ka tih chuan ka be duh che ani mai"tih pahin min kai chhuak nghal dawr dawr a ka customer te chuan min lo en thap a, ka inthiam lo lek lek .Pawn a kan chhuah chuan min vawnna chu ka thing thla nghal pawp a.
"min thlah rawh, hmuh che ka duh tawh lo"ka ti vin tuarh a, a duh dan dan a tih kawi theih ah min ngai a a ring sual der ani.
"Ka tihpalh ....Kath ka ngaidam che chuan ka hmangaih che " min rawn fawp nghal tawn tawn a.
" Duh tawk rawh " ka nam sawn dawrh a, mak tih hmel takin min en ha bawka.
.
" Ka sawi chu Ka hmangaih che " a rawn ti leh a, lehlam ka lo hawi hmaka.
"Min hmangaih a maw!! ka nghak reng che a , kha tih hun lai khan i lo kal ngei pawh ka ring asin mahse i rawn kal lo " ka mittui chu a tling nghal pam a .
" Mahse khangte chu ...."
" duhtawk rawh....rilru na takin ka awma, chuan nupui hual i nei bawka,chaw ka ei thei lo a ka mu thei hek lo tunah hma ka sawn ve tan dawn chauh a i rawn lang leh thut a, chuan min hmangaih thu min hrilh bawka" ka thaw halh a, ka mittui chu a rawn tla zung zung a
.
"Dj min hmangaih thu min hrilh hian ka rawn let mai ang maw !! teuh lo khatih hun chhung zawnga ka tawrh na zawng zawng kha engmah lo mai ah ka chantir ang maw!! let leh zawk rawh" ka mittui chu ka hruhul a, kal ka tum a ka ban ah a rawn vuan vata .
"ka dang lo ang che mahse i tel lo chuan ka haw dawn lo ,i lakah ka beidawng dawn lo ka thlah leh tawh ngai lo ang che ,ka hmangaih che chuan ka hmangaihna che hi a tak ngei ani"Ka mit ah chiang taka min enkalh pah chuan a ti a chuan min a ti mai mai lo ti ka hre bawk.Min rawn nuih suk a , a coat chu a siam tha nghal bawka.
.
" lemm...let tawh ang le, i customer te an thin a lo rim tawh ang" tih pahin dawr lam pan chuan a kal daih a mak ti hmel takin ka en ha a ,ka nui chhuak hawka
" Hepa hi enge maw a hriat le!? luhlul leh lutuk mai" tih pahin ka zui lut ve nghala.
Dawr ah chuan a lo thu ve tlat a min lo thlir reng bawka ka zam lek lek mahse hria ang pawn ka awm duh lo.
" U saw pa saw mi... i sawi kha " ka nau chiah Joey chuan a rawn ti vata.
" i hna thawh lai chiah ngaihtuah rawh"
" naaa.... a ni chiang lutuk , a hmeltha em em lehnghal Liza pawn a sawi vek i hmangaih ...." a ka ka hup sak vata.
.
" Hey... hna va thawk tawh rawh Alisha leh Gadine te pawh school an rawn bang tep tawh ang lo va lam rawh" ka ti sap a.
"i phakar ... tikhan min tir bo daih zel, Mayer a rawn kal pawn "phun nuah nuah pah chuan a chhuak nghala.Joey hi Dj nen a inrual a, kum20 ve tho ani mahse Dj ai chuan a puitling fe zawk ,an chawlh lai ani bawka dawrah ka buai thin deuh avangin min rawn pui ani. Joey chhuah rual rual chuan Dj chu ka bulah a rawn kal vat a ala rawn nui sung zui ,nin hmel deuh in ka mitmu ka lo tikual a thawk kan la vang vang a.
" Kha kha mi ka nau tur chu"
" Maw!!"
.
" ka nau mawle, i nau ania ka nau ani mai alawm"
"haw la i hlawk zawk ang " Dj pum chu a rawn ri ruk ruk a.
" engmah ka la ei lo ,min pek i tum bawk si lo ka ril a tam lutuk"
" Anih chuan haw la, i in nuam tak ah khan ineipuar zawk rawh "
" anih chuan saw lai ah sawn ngawi rengin ka lo thu leh zawk ang " A thutna ngaiah chuan a let phei leh hnak hnak a, a in lum meuh rawn chhuahsan in ka bulah a rawn kal ania ka ti mah mah em? nilo..Kath,i rilru i thlak tur anlo.
.
A khat tawkin Dj chu ka va melh leh zeuh thin a a ril tam lai ka hmuh sawn ka awm a nuam bik lo, mahse tisawn tuar ve rawh se hrehawm a ti anga a haw ve mai ang.Haw tura ka hrilh lahin a duh bawk si lo, pawisa a nei a a duh chuan eitur pawh a lei thei mahse ka pe kher lo chu a duh bawk si lo ,a buaithlak takzet .Dawr khar a lo hun leh ta reng mai ka ham bai bai a, ka chau takzet .Dj chu ka ve melh zeuh a, dawhkan bawh hian a lo muhil sak sak a, a bulah ding in ka en reng a, ka lainat takzet.A sam ah chuak ka zuk chul a, a rawn har thut avang chuan lehlam ka hawi hmaka ka hrawk chu ka thian zui nghal kharh a.
.
"tho tawh rawh dawr ka khar tawh dawn " a rawn tho taih taih a, a zi nghal tiam tiam a.
"ka lo muhil rei hle mai, khua a lo thim hman alawm" min rawn nuih sang a,ka thaw halh a, ka kal daih a min rawn zui ve nghal vata.Dawr chu ka khar sawk sawk a,ka chhungte pawh an haw kim vek tawh ang, a bik takin ka nu hian zan rei tak tak thleng ka thawh hian min ngaihtuah thin avangin khua a thim chuan dawr ka khar vat thin ani .
.
"khawiah nge kan kal dawn ?"
" Keichu inah ka haw dawn , chuan nangpawh Manila ah let tawh rawh" tih pahin ka kalsan nghal vang vang a.Kan in hi Dawr atanga a hlat vak loh avangin ke in ka haw mai thin ani.Kan awm na lai hi Palayan ah pawh tlema khaw pawn deuh a a awm avangin a thingtlang ruih a, chumai bakah leilet in min hual vela tlawh tu pawh an tam thei hle.
.
Ka hnungah min rawn zui tu awm a ka hriat avangin ka hlau ru hle a, mahse tlan chhiat ai chuan tiin hawi let thut pahin ka bag chu ka vawm nghal pawp a.
"Enge maw i hriat le" Dj chuan vin zet hian a rawn ti nghal tuarh a .
" Ughh...misual emaw ka ti che alawm" tih pahin ka va pan vata, ka bag chu ka chhar sawk sawk a.
" engvangin nge min rawn zui a!! haw ta che"
"ka haw thei hleinem "
" ahh... Dj , a thi i biang kha a thi ania" ka bang chu ka en vata, "zipper hriam lai takin i biang a ti thi anih hi "
.
" Engmaw!! ka biang i ti thi amaw!!"
" aa... damdawi in a hla ropui si,a pun ang tih a hlauhawm, khawiah nge i car"
" Mr.Robin an khawpui lamah a keng ,ani chu hotel a riak turin ka ti a"
" a thi nasa tawh teh mai ania "ka hlauthawng lutuk chu ka chiai nghal veka,Dj chuan ka darah a rawn vuan a
" Duhtawk rawh... engtham mah anih loh hi"
" mahse ...." a kut pahnih chuan ka hmai chu a dawm vata.Ka mit ah chiang taka en pahin
"ka hmai tlem te thi pawh i hmuh khan i hlauthawng tiraw....Kath ,min la ngaihtuah zakzet ani"
.
Kan in en renga,hetia kan awm hi chuan ka tuiral leh mai dawn in ka hria, ka ngai takzet a khawih te a fawh te leh a kuah te kha ka ngai lutuk hi kuah thlawp mai ani ka duh mahse ka thei lo,ka inla hrang nghal vata.
" nilo...haw tawh zawk rawh, ka duh tawh lo che" tih pahin ka tlan haw nghal nal nal a,Let leh ka duh tawh lo rilru na taka awm leh ka duh tawh lo.Dj an nupui hual a nei a an inkar ah ka inzep buai tur ani lo.Dj lah a beidawng duh bawk si lo , a haw theih nan engemaw tal ka tih angai ani.
.
Inchhung ka luh chuan kawngka ka khar nghal vata kawngka ngheng chuan ka thu hnawk a.
" Kath...Engthil nge thleng?" ka nu chuan a rawn ti vata.
" nu engmah ani lo, ka chau deuh a" tih pahin room ah ka lut nghala.
Tuna kan in luah lai hi a len vak loh avangin Alisha nen room kan in tawn a, ka nu,Joey leh Gadine ten an intawm ve thung ani.
"Kath... dinner ka peih fel tawh " Joey chuan a rawn ti lauh lauh a, Joey chu room ah a rawn tlan lut nghala.
.
" Enge?"
" ihh... Vawin a rawn kal pa kha"
" tu rawn kal pa maw?"
" kha mihausa pa kha mawle i hre tawh em "ka tho thut a,
" nilo....nilo" room atangin ka tlanchhuak nghal vata mahse ka tlai tawh lutuk, ka nu leh Dj chu chaw ei dawhkan ah a lo in hmachhawn ran a, ka nu chuan chiang takin a melh kalh a, Dj chu a zam tih a chiang hle Alisha leh Gadine pawh a sir ah an lo ding ve ran bawka ka nu bulah chuan ka tlan phei vata.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:32 pm

" nu...."
" engmah lo sawi suh.... tlangval tu maw i nih a!! Ka Kath hi hruai i tum amaw?"
" Aw...ka pi Kath hi ka hmangaih a neih ngei ka duh ka neih let theih nan chuan engthil pawh ka ti ang " Dj chuan a ti zung zung a , mahse Ka nu in English tlemte bak a thiam lo,Dj thusawi te kha engmah lo mai ani.Dj hi Philippines ah a awmna a rei loh avangin English bak a hmang ngai lo a mahse Tagalog tlem azawng a zir avangin tawng chhuak thiam lo mahse a hrethiam vek thung .
.
" Kath...engthil nge a sawi hi ?" ka nu chuan ka beng bulah chuan a rawn ti sa sa a ka lo nui suk a.
" Nu a sawi chu, Kath hi nei let leh a duh a chuan a neih theih nan chuan engpawh tih a inhuam" Joey chuan alo ti nghal zung zung a, tawng tawh lo turin ka va mitmei zeuh a .
" Engmaw i sawi a? Tagalog in sawi rawh"
" ummm" Dj chuan a hrawk chu a han thian kharh kharh a
" Umm...i fanu " keimah chu min rawn kawk zeuh zeuh a " inneih ...." tih pahin ka nu te inneih zungbun chu a rawn kawk zeuh zeuh bawka.Joey ,Alisha leh Gadine te chu a sir ah an lo nui kar kar bawk a.
.
" Joey ...hetah lo kal teh, hepa thusawi hi han let teh"
" nu... haw tawh zawk rawh se" ka lo ti vata.
" nilo, a haw lo ang a sawi tum a sawi hma loh chu ,tlangval sawi rawh le"
" ka pi i fanu hi neih ka duh ani chuan hlim takin ka siam ang " Dj thusawi chu Joey chuan ka nu chu a lo leh sak zela,Heti hi chuan ka chhungte pawh a hmin vek thei takngial dawn .
" Tlangval i harsatna chu ka hriathiam pui a che mahse let leh zawk rawh, ka fanu tap lai hriat leh ka duh tawh lo "
.
" Ka pi, chance dang min pe leh rawh .... min pe lo mahla ka beidawng chuang lo ang"
"Manila ah ka fanu hi rim takin hna a thawk a, a rawn haw leh mahse thinlung keh chhia in .Zantin a tap thawm ka hre thin asin ,haw leh zawk rawh" tih pahin ka nu chu room ah a lut hmaka.
" i lo hria maw!! ,haw rawh"
" aih... ka haw dawn lo"
"Dj....keichu i lam ah ka tang tlat ang" Joey chuan alo ti vata
" Keipawh" Alisha chuan alo ti ve nghala, Gadine chu a thu sawi tur nghak in ka en thap hlawm a.
" Keichu ...U Kathi lam ka tang dawn" tih pahin ka mal chungah chuan a rawn thu a, ka lo nui suk a.
.
Dinner kan ei lai chuan Dj chu pawnah ka awm tir a,ka chhuahtir thei hram ani mahse haw erawh a tum hmel loh hle.
" nu...pawnah alo thu reng" Alisha chuan a ti a, ka nu chu a ngawi renga.
"nu...Dj hi lawm misual laka min chhanchhuak tu kha , u Liza pawn a sawi vek amah vang chauh in kan zalen " Joey chuan ka nu hmin tum chuan a han ti sa sa a.
" Kath ... eitur va pe rawh , a vawt a ti ang puan sin tur nen " tih pahin ka nu chuan room ah min luhsan daih a.
.
" Kath...luhlul reng lo in eitur va pe rawh" Joey chuan a rawn ti vata.
" Joey...heta tanga a kal bo hi a tan a tha zawk " ka ti sap a,kan eibang chu plate ah dah in pawn lamah ka chawi chhuaka.Dj chu pawn a thuthleng chhe tawh tak kan dah ah chuan alo thu ran a.
" Kha ei rawh" plate chu ka pe a.
" ka lawm e" tih pahin a ei nghal bawrh bawrh a, ka lainat lutuk chu ka mittui a rawn tla sawk , lehlam ka hawi vata.
" Dj...."
" ummm"
" haw leh zawk rawh"
" aih..."
" tinge i luhlul em em a, hetah chuan hrehawmna bak i hmu lo ang haw leh zawk rawh"
" hrehawm ka ti ve hleinem, i bula ka awm chhung chuan ka hlim "
.
Inchhungah ka luh san hmaka, Dj luhlul zia hre chiang ber tu chu keimah ka ni, a haw dawn lo tih pawh ka hre chiang mahse hei vang ngawt chuan ka tlawm mai tur ani lo.
Zing karah chawhmeh lei tura ka chhuah chuan Dj chu alo la mu tui hle a,a mutna a tawi si amah lah a sei ropui si a mu tawm hlan a mahse tuin nge p puan sin tir?
" ka nu in nizanah puan a sin tira" Joey chuan a rawn ti sa sa a, ka nui suk a.
"breakfast lo peih fel ang che, dawr ami tur ka va bazar ange " tih pahin ka Scooter tawng tawh zet ah chuangin khawpui lamah bazar turin ka inkhalh chhuak ta nghal a.
.
Ka bazar zo in ka thlen chuan kan inkawt ah mi chu an lo awmkhawm laih laih a,ngaihthalo zetin ka tlan phei nghal vata mipui karah chuan ka va inhnawh phei tawn tawn bawka.
" Ka nu engthil nge thleng?" ka meng phawk nghal kawk , Dj an pizza a lo sem chu niin.
" Dj... engthil nge i tih hi? "
"in khaw mite ka lam tan tir turin mawle "
"Ninna.... i vannei bik hle mai, makpa tha tak zawk anih hi" nu thenkhat ho chuan ka nu chu a lo hrilh sap sap a, hetiang em em a ka nu hlim hmel hi ka la hmu ngai lo.
.
" Enteh Kath...Dj an phone thar min lei sak" Joey chuan min rawn hmuh va va a.
" keipawh" Alisha chuan cycle thar Gadine ve thung chu barbie ,
" in a zo tawh a mi !!"
" U...Dj hi a fel e, a lam ah ka tang daih dawn" Gadine in a tih chuan ka thaw halh a, Dj an thil a lei sak ho chu laksak in amah chu ka vawm pawp a
" i pawisa te hi enga tan mah kan ti lo, hlimna hi pawisa in a lei thei loh" ka ti vin hluk a.
" Kath...hriatthiam tum ta che,engtham mah anih loh hi"
" ni e...i tan chuan ani reng nang,mahse kan tan chuan pawisa hi thi leh thau pawlh in asin kan thawh chhuah "
.
Inchhungah ah lut hmaka, kawngka chu ka khar chawrh a
" Kath...Dj hi i hmangaih tiraw?" ka nu chuan ka darah a rawn vuan a
" nu nat leh ka duh tawh lo, i kawr hak chu a lei sak che ami?"
" umm...ka la ta mai ani, kawr thar ka neih lohna pawh kum a liam leh tawh" ka nu mittui chu a rawn tla zawih zawih a.
" nu... tap suh...hei chu pe let leh ila chuan keimah ka lei sak ang che"
" hah taka i thawh chhuah sa hi ka hmang ral mai mai thei hleinem " ka nu mittui chu ka hruk hul saka.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)