I Heart u by Haylor(Remruati Bawitlung)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

Re: I Heart u by Haylor(Remruati Bawitlung)

Unread post by Ngaia » November 27th, 2016, 4:29 pm

Chapter-13.
.
Dj lunghlu ken lai chu ka en vang vang a, a eng phet phet nimai hian ka hria.Hun reitak chhung ka lo zawn tawh chu a vawikhat nan a tak ngeiin ka hmu ta!!, ka rilru hah na zawng zawng chu vawi leh khata lak kian hawk ang mai hian a awm in ka hria.Dj chuan lunghlu chu dah let leh in ka darah chuan a rawn vuana, ka mit ah min melh kalh bawka
" Kath...he lunghlu hi a pawimawh ber lo, ka tana pawimawh ber chu ka kianga i awm hi ani.Ka engkim i ni a ,ka hmangaih zia che hi ka lo tilang thiam thin lo pawh ani mahna mahse heng lunghlu hlutna let hian ka tan i hlu ani"
.
Min rawn fawp vang vang a " ka hmangaih che" min kuah nghal thlawp a, diktak chuan ka rilru a buai takzet .Dj tello a ka awm tur hi ka ngaihtuah ringawt pawh hian tah hawm hawm mai ka duh. Ka chhungkua ka neih let rual rual in ka hmangaih chu ka chan dawn ani tih kei tluka hrechiang an awm lo ,mahse he thil hi ka tih ngei angai .Kath chak takin awm rawh tiin ka infuih mawlh mawlh a, a chang chuan thih daih mai te ka duh.
.
" ughh... i ril a tam leh tam loh ka zawt miah lo che" min rawn nui suk a.
"mahse keiman rawng ka bawl ang" ka lo ti vata .
" Tehreng mai" tih pahin inchung lamah kan chho nghal a, bang pawh chu a ngai ang chiahin a awm leh tawh.Tuna ka tih tur awm zawng chu ruk chhuah chiah ani ta.
.
_______________________________________
.
" Engmaw, lunghlu i hmu tawh maw!!" Liza chuan a thil ei lai a phuh chhuak thawt a, a hak nghal bawrh bawrh a a hnungah ka chum sak vata.
"fimkhur ta che , ti te kha chuan i ei sual mai anga sin"
" ka awih thei lo,i ti tak tak em?"
" tun ang hunah fiamthu ka thawh i ring ami"
"Lalpa leh!! tunah chuan i zalen ta, chuan nizanah i rawn haw lo vawin nileng pawhin Dj in ah i awm chiang" min chhaih pah chuan min nui vur vur a, a ban ah chuan ka lo beng pawp a.Liza hi chu fiamthu a duh leh lutuk a a buaithlak.
.
" Liza... duhtawk rawh , a buaithlak ber zawk chu ruk chhuah hi ani."
" Awlsam lutuk, Dj awm loh laiin"
" Chutiang ringawt a theih loh, Dj tello te chuan engtin nge a in ah ka kal ngam ang.Thil ka ruk dawn vang aniang ka zam takzet"
"Kath... lunghlu chu lo ru chhuak thei ta pawh ni la ruahman na i nei em?"
"Rei lo te hnu ah lunghlu a bo tih an hre chhuak vat ang, min man pawn ka pawisa lo ka chhungte an him na anih phawt chuan" ka mittui chu ka khap per fak a.
.
" Kath... ka khawngaih lutuk che, Alexander vang vek , tunah hmangaih i nei ve chhiah a loh theih lo in i kalsan a ngai leh si "
" Min lo hrethiam lawk" tih pahin ka room ah ka tlan lut nghala,khum ah ka bawk thlawp a, ka tap nghal zawih zawih a, tunah chuan ni4 chiah ka nei ta , Dj bulah ni 4 chiah ka awm thei tawh dawn ani.A nui hmel te chu ka mitthla ah a cham renga ,he thil hi ka ti thei chiah angem? ka inring tawk lo takzet ani.
.
" Kath i tha maw?"Liza chuan kawngka a rawn beng dawt dawt a, ka mittui chu ka hruhul vata" Aw... ka tha" ka ti vata, Liza hian min hrechiang hle mahse chak lo tak anga lan ka duh lo ani, thutlukna ka siam tawh a ka ti danglam tur ani lo.Office kal turin ka insiama, vawin chu department store a ka duty ni anih avangin ka phurlo takzet .
.
Tih tur tul ang chu ka ti sawk sawk a, ka thil tih lai pawh ka ngaihtuah hleithei tawh lo, Alexander lah chuan min rawn call ve sek bawk si ka rilru a buai takzet ani.Lunch ka ei lai chuan ka melh ngai chu ka melh ngar ngar a, ka tawt up up ni ber hian ka hria, zanah lah ka muhil thei lo a ka thil ei pawh a tui hek lo , ni tlemte chauh ka nei tawh a tunah lah hma lak dan mai ka hre bawk si lo.
.
President hmuh ka ngaih avangin ka eitur order pawh ei lo in ka kalsan tawp a, tun ang hunah hi chuan ka ei lui thei ngang lo ani.President office lam panin ka inkhalh chhuak nghala , motor ka khalh lai te chuan engthil mah ka ngaihtuah thei lo, Dj ka bum angai ta mai hian ka rilru a ti hah takzet ani .
.
" President, enge ni ta?" ka tih chuan couch a thu turin min tih avangin ka thu ran a, president pawh a rawn thu ve nghala, ngatinge pawh ka hrelo ka zam riau in ka hria.
" Kath... thil dik lo a awm ami?"
" aih...awm lo e , ka tha e"
" anih chuan ngatinge i kut kha i sik renga, chuan i khur der der bawk" a tih chuan ka kut chu ka en vata, a sawi ang chiah in ka kut chu ka sik ran a, ka khur der der bawk.
.
" Ahh... vawin chu ka nuamsam vak lo a" chhuanlam chu ka siam ta ringawt a, diktak chuan ka awm a nuamlo takzet ani.President phei chu ka chungah a tha em em a, a hmel ka hmuh hian ka phatsan mai tur hi hrehawm ka ti takzet .
" anih chuan vawin chu haw hma la a tha ang, ka hrilh duh che chu i puihna in ka fapa ka hnenah a lo let leh a, ka lawm takzet ani. "
.
"Ka tih ve theih tawk alawm.... " ka ti sap a.
" ka tihbuai vak avang che khan min ngaidam dawn nia Kath... nanghi ka ring che a hna pawh i thiama chuvang chuan office ah rawn thawk ve turin ka duh che ani" a tih chuan ka meng phawk nghal kawk a, security ang nilo in ka thawk ve tawh dawn tihna a nih chu hei aia duhthusam hi ka nei chuang lo mahse ka thei lo, ka theilo hulhual.
.
" nilo, President i sawmna chu ka ngaipawh viau nain tuna ka thawh hi nuam ka ti zawk" ka maimichhing vang vang a, thutlukna ka siam tawh ah chuan a la harsa ber ang.
" Kath...inthlahrung angai lo,ka fapa i rawn hruai let leh avanga ka lawmthu sawi na ah ngai rawh"
" President, min ngaidam rawh" ka kun lap a, president chuan mak tih hmel takin min en ha bawka , a lungawi loh hmel takzet ani.
.
" anih chuan...i hlawh tal ka pun ang .Kath... he company atana i rawn thawh avang hian ka lawm e" President hian a vawikhat nan ka chungah lawmthu a sawi ve ta!! ka hlim rual rual in ka lung a chhe takzet ani.
"ka kal tawh ange " tih pahin chibai ka buk zeuh a, hawi let tawh lo in ka chhuak nghal nal nal a, washroom ah lut nghalin Darthlalang ah chuan ka in en vang vang a,ka mittui chu ka hruhul zeuh a, heti khawp hian min ring a mahse ka thungrulh ve dan chu phatsanna.
.
Ka phone a rawn rik avang chuan ka phawrh chhuak nghal vata.
" Ka nu maw!!" tun ang hunah min rawn be ngai si lo a, phone chu ka la nghal vata.
" Kath...." a rawn ti tham tiak a thil diklo a awm tih ka hrethei.
" Nu... engthil nge thleng?"
" bawihte engmah a thleng lo " ka nu chu a te nghal thawt a.
" nu.... engtin nge i awm?" ka ti nghal tuarh a ,ka thlantui in min bual huh nghal veka, ka hlauthawng takzet ani.
.
" Kath...Kath...Kath" aw thum tak chuan a rawn ti a,hai rual loh in Alexander ngei ani.
" Ka chhungte kha i kut hmawr pawn khawih hlek suh ang che"
" hmm...a ni maw, hahaha.."
" lunghlu chu ka pe em em ang che ni 4 ka la nei "
" aw..Kath khawngaihthlak awm te , ka duh aiin hun i duh rei mah mah. Ka thusawi tur hi chiang deuh in ngaihthla rawh ni4 chhungin lunghlu ka hmu hman lo ani chuan ka tih tur chu i hriat kha"
.
" i hmu em em ang , mahse ka chhungte i ti na lo ang tih min tiam rawh "
" haha...Alexander hian tumah inrem siamna a nei pui ngai lo tih i hriat kha.Anih chuan ka Kath bawihtei hi inpuahchah na hun a duh ang... bye" ngeiawm zet chuan a rawn ti a, ka phone chu ka paih pawp a ka thu hnawk a insum na tel hauh lo in ka tap nghal hawm hawm a .Natinge kei kher he thil ti tur hian min tih? tu pawi mah ka sawi awm ka hre si lo , ngatinge vanduai na zawng zawng hi ka chunga a thlen bik.
Reitak ka tah hnu chuan ka mittui chu hru hul in darthlang ah chuan ka in en vang vang a" Kath... i ti thei tur ani" ka inhum ruh a, ka ti thei ngei ang Kathryn Bernardo ka ni lawm ni tiin ka in fuih mawlh mawlh bawka .
.
Ka coat chu siam tha in ka mittui chu ka hruhul a inring tawk takin Dj office lam pan chuan ka chho nghala.Elevator ka chuan lai te chuan ka khur der der a, ka thaw leh halh thin a. Dj office thlen hma a receptionist lo thu lam chu ka pan vata,
"CEO hi a awm em?"
"tunah chuan meeting an nei meka ,khatah khan lo nghak rawh" a hma a thutna awm chu min kawh hmuh a,mahse ka nghak thei thlawt lo.
"tunah ...Ko nghal rawh,ka rawn kal ani tih hi tunah hrilh rawh "
" ka pi an zo tep tawh ang ,rei lo te lo nghak leh lawk rawh"



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:29 pm

Ka thinrim a kal tluan lai ani bawk nen ,ka nui lui hak a.
"i hna hi i chan khawp ang " a mit ah tak chiang takin ka melh kawk a, a chil chu a lem dak a.
" Ka pi, min lo ngaidam la mahse Boss chu a hmuh theih hrih loh"a rawn ti leh a,dawhkan chu ka beng thuai a pot lo awm chu ka vai keh nghal chuai a security an rawn tlan nghal vata.
" min thlah rawh u" tih pahin an kut chu ka lo paih thla nghal vata.
.
" Engthil nge thleng ?" kan hawi phei rual thapa ,Dj leh a secretary Mr.Robin chu an lo ding ran a.
"Boss... ka tihpalh , lo nghak tur che in ka ti a mahse...." receptionist chuan a ti chuai raih a, Dj chuan a hrethiam nghal a ani tih hriat takin security chu kal turin a mitmei zeuh a
"Sobero.... i thiam loh a ni lo. Kath min rawn zui rawh" tih pahin Dj chu room ah chuan a lut daih a, ka lungawi lo takzet kei min tan lo in a receptionist a tan zawk hi ka thin a rim takzet ani.Chu nu chu melh rawm rawm pahin ka zui lut ve nghala, kawngka chu ka khar nghal thuai bawk.
.
Ka luh rual rual in Dj chuan chiang zetin min en kar a,
" Dj... kha nu lamah khan i tang amaw!!" ka ti vin nghal tuarh a,ka awmdan chu mak tih hmel takin min en ha bawka.
"tunah chuan kei aiin khanu kha a lo pawimawh zawk ta ani maw!! a nih loh pawhin inlo inngaizawng reng pawh ani thei "
" Kath..." a rawn ti tuarh a.
"min vin amaw!!" tihel deuh chuan ka nui lui hak a.Dj chu a thin a rim hle tih ka hre thei ani.
.
" Duhtawk rawh...Kath" bangah min nawr bet chawt a min rawn fawp nghal tawn tawn a,kan thinrim lai ani bawka kan in dim lo hle.Min pawm kang pawp a , a kawngah ka bawp chu khawkherhin dawhkan lam panin min pawm phei a, kan hmui erawh a inthlah lo.Dawhkanah chuan min thuttir in, ka hnute chu a tham tawn tawn bawka.A coat hak lai chu ka phelh sak a, a necktie chu a pawt phelh ve nghal bawka .
" Kath... i awmdan hi a dik lo" a rawn ti sap a, min fawp chhunzawm leh nghal zat a.
.
Chutia kan awm lai tak chuan kawngka chu a rawn kik karh karh a,ka tho vata ka kawr leh ka sam te chu ka siam tha nghal sawk sawk a, Dj chuan uluk takin min lo en renga ,min nuih suk pahin ka chala rawn fawh zeuh pahin " Ka hmangaih che" a ti sap a.Chair ah chuan a thu nghala, Chhuata a coat leh a necktie let bal chu ka char vata, kawngka pawh rawn in hawng in kha receptionist nu bawk kha a rawn lut leh a, ka vawikhat hmuhna atangin ka ngaina lo.
.
" kan inhmu leh vat dawn nia" tih pahin ka chhuak nghal hmawk hmawk a, ka tum loh dan deuh a thil a thlen avang chuan ka thin a rim takzet ani. In lam pan chuan ka inkhalh haw nghala, engkim hi a kal fuh lo vel vek mahse a lehpek ah chuan ka tum dan ang chiah in engkim a kal tluan vek angai tawh ani.
.
_______________________________________
.
"ei siam hi khawi atanga i zir nge?" Dj chuan min rawn nuih sanga.
" Ka nu, ka nu hian eisiam hi nuam a ti thei lutuk a" ka lo nuih let ve saka,Dinner ei chhuak tur kan ni na in ,a in a dinner ei ka thlan tlat avangin Dj in ah dinner kan ei dun ta zawk ani.
" Kath... ka ring tawk che a, chuan ka hmangaih che tih hi theihnghilh ngai suh" Ngatinge Dj hian he thu hi min hrilh reng le? zaninah ringawt pawh a vawithum sawina ani tawh.
.
Ka lu ka lo bu nghat a dinner ei zawh chuan movie te kan en te te a, Dj bulah zanin chiah ka awm thei tawh dawn a a nuam thei ang bera hman ka duh ani.Couch ah chuan inkuah rialin movie ka en dun a, Dj chu ka lo en leh veng veng thin a ka tah a chhuak takzet ani.
" Dj...." a biangah chuan ka fawp zeuh a.
" i ngaih ang hi lo ni ta lo ila engtin nge i tih ang?"
" engtin mah "
" mawhh...ka fiamthu lo , lo bum ta che ila "
"min bum ta la maw!! ka ngaidam thei ngai lo ang che... mahse ka ring tawk che alawm "ka chalah a rawn fawp zeuh a" ngatinge chu chu min zawh a" ka mit ah tak chuan min rawn melh kalh a.
.
" Ughh... ka zawt mai mai che " ka ti chuai raih a, ni e bum hmang te chu tuin nge ngaidam reng ang , ka phu tawk chiah ani hmangaih tlak pawh hi ka ni lo.
"Kath... i tha takzet maw"
" umm" ka hmuiah chuan ka rawn fawp vang vang a, ka mittui chu a rawn tla nghal sawk a
" ....ngatinge?" ka mittui chu a rawn hruhul vat a.
" Dj...ka hmangaih lutuk che " ka kuah nghal thlawp a.
" hmun hla taka kal tur ang maiin lawm i awm"
"enge ti turin min duh? i duh duh sawi rawh ka tihsak ang che"
" Engmah ka duh lo, ka kiangah awm reng la chu chu ka duh ani"
" chu lo chu sawi rawh"
" aih...ka duh lo , min kalsan dawn hleinem"
.
Min rawn fawp nghal tawn tawn a,ka lo hnar lo chiang kher mai .Min pawm nawlh a room lamah min chhoh pui nghala, kan hmui chu a inthlah chuang lo khumah min mut riai riai a,kan thawmhnaw chu phelh in ka mal leh khel te chu a rawn fawp a, ka lo rum ham ham bawka .Ka nghawngah rawn fawp leh in a vawihnih na atan leh a tawpna atan Dj nen chuan kan mudun leh ta ani.
.
Reilo te hnuah Dj chu a chau bawk aniang a muhil nghal mai a, mutthilh na damdawi a in turah telh in ka pe tel bawka thawm dim vak lo a ka thawh pawn a hrethei lo.Dj muhil lai chu ka thlir vang vang a, ka mittui chu a rawn tla nghal zung zung a, " Ka hmangaih che" ka ti sap a,a hmuiah chuan ka fawp vang vang bawka, ka thawmhnaw chu ha in inhnuai lamah ka chhuk thla nghala.A thim vek avangin ka phone light hmang chuan ka kal them them a, Dj an a hma a ,a tih ang chiah chuan inhnuai luhna chu ka hawng ve mai a .
.
A dawt leh hawn ka tum chuan a inhawng thei ta reng reng lo , password chu ka han chhut nawn leh pawhin awmzia a nei lo, a dik ngei bawk si ngatinge a hawn theih miah loh le?kan han chhu nawn leh a " inhawng hram teh" ka ti sap a, light chu a rawn eng nghal uarh mai!!
" He thil hi tiraw i zawn?" ka hawilet nghal vata , Dj chuan thi chu a rawn khai kang va va a, phawk zetin ka melh nghal kawk a.
" Dj....." ka ti sap a.
" Tunge i nih?"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:30 pm

Chapter-14.
.
Sawitur engmah ka nei lo,insawi fiah a ngaihdam dil pawh ka tum hek lo, a chhanchu ngaihdam dil tlak pawh ka ni lo
"Tunge i nih? tunah chuan ka hre ta hauh lo che" a hmel ah chuan thinrimna hlir ka hmu a mahse a awki erawh a san miah lo thung.
" Kath....min chhang rawh , insawifiah pawh i tum dawn lo ami? nilo, ka ring thei lo min bum amaw!!! min hmangaih emaw ka tih laiin ka.... ka thil nei chiah maw i lo duh a!!" A nui lui hak a,ka kun lap a , ding khawng reng mai lo chu tih theih ka nei lo.
.
" He lunghlu hi ruk chhuah i tum tih ka hre daih tawh asin " a tih chuan ka meng phawk nghal kawk a,
"Dinner ei hma , bathroom i luh hlan khan mi pakhat in a rawn call che a, mahse ka sawi duh lo ani a chhanchu ka ring em em che a vawikhat tal i inngaihtuah nawn ka ring asin, chuan mutthilhna damdawi ka in tel emaw i tih kha hahh... ka in reng reng lo ,damdawi a min hrai duh tur khawp in he lunghlu hi i lo awt ani maw!!" ka hma ah chuan a rawn theh phei pawp a,mahse ka chhar lo
" Dj ...ka ..."
"ka kianga awm tur in leh min ring ngam turin ka hrilh lawm lawm che a, mahse ka hmangaih na chu infiam nan mai mai maw i lo hman i tan hian hlutna chhete tal ka nei ve lo ami?"
.
" i ngaih ang kha ani lo.....ka hmangaih che"
" ngawi hmak rawh.... hmuh leh che ka duh tawh lo , chhuak nghal rawh" a au tuarh a,
"min lo ngaithla teh ....."
" chhuak rawh ka tih chu ... " in atang chuan ka tlan chhuak nghala , gate
ka tlan pel chiah tih chuan ka thu hnawk a ka tap chhuak nghal hawm hawm a, ka tawrh theih mai ka lo rin nen a taka han tawn meuh chuan ka rilu a na takzet ani.Nilo, Kath... he thutlukna hi i siam ngam anih chuan i tap lo ngam tur ani tiin ka in hnem hram hram a, awmzia a awm lo kher mai.
.
Zan a rei tawh si a,khua lah chu a vawt vur lehnghal Dj in awmna hi Manila atangin kilometer 6 lai a hla ani a ,motor han phar mai tur lah a awm mai bawk si a engtin nge ke in ka thlen tak ang? Rilru mumal pawh pu lo in ka kal chhat chhat a, thiltam tak ka ngaihtuah bawk a, ka chhungte leh Dj chu ka chan ngei dawn anih hi, ngatinge ka vanduai bik em em le! rim takin hna ka thawka, ka chhungte ka ngaihtuah em em a tunah lah hmangaih ka tawng a hlim ve hi ka phu asin, ka insut leh hraih thin a helai hmun ah la la hian thih mai ka duh ani.
.
Thui vak lo ka kal hnu chuan car pakhat hi ka zawn ah a rawn ding chat a mak tih hmel takin ka lo en ha a, Dj ngei ani kawngka chu a rawn in hawng vata mak ka tih em avang chuan ka ding khawng renga khang zawng zawng a thlen hnu ah pawh min la ngaihtuah takzet anih dawn hi. Ka ding khawng reng avang chuan car atanga rawn chhuak in a jacket chuan min rawn khuh vat a.
" Lut rawh" tih pahin a lut leh nghal daih a, engmah sawi lo in ka lut ve nghal mai a chak zetin a khalh chhuak nghala.
.
Ngawi rengin ka chuang ran a, a khalh chak si a ka phu leh zawk zawk thin mahse engmah ka sawi ngam lo.Dj chu ka melh leh zeuh thin a kawng chu a melh ngar ngar a vawikhat pawh min rawn melh eih lo,a mit ah chuan natna hlir ka hmu ani. nilo engvangin nge min rawn melh in min rawn nuih reng ang ka bum hnu ah pawh min la nuih sang turin ka phut amaw!! Kath...harh chhuak rawh.Ka apartment zawn ka thlen chuan car chu a ti ding chawt a.
" Dj.... " ka ti dek dek a" chhuk rawh" tih tih a rual a, chu chiah chu a sawi, ni e engmah sawi tur ka nei lo sawi ngam tur pawh ka nilo.Ngawi rengin a jacket chu pe in ka chhuak nghal a,min hre lo ang mai chuan a tlan let leh nghal ,thil lian tham tak ka ti sual ani mahse ka siamtha thei tawh si lo.
.
________________________________________
.
Hna ah pawh ka lo in ka room ah ka tawm chawt a, engmah ka eithei lo a ka mu thei hek lo nileng leh zankhua in ka tap tlawk tlawk mai ani.Room ah ka inkalh khum tlat avangin Liza pawhin tihngaihna a hre bik lo,vawi tamtak ka room rawn kik in hetia ka awm chhan hi min zawt thin mahse chhanna erawh a hmu ngai lo.Mahse heihi thil dik ber ani lo, chak takin ka awm tlat tur ani, thil ka tisual a ka tuar mai tur ani.Mahse maw ka hmangaih ka chan ta mai hi ka na takzet ani.
.
"Eng.... Engmaw!! Dj an a hrechhuak tawh maw!!" Liza chu a au chul a,thi tur ang maiin a meng phawk bawk.
" Engkim a tawp vek tawh", ka han tap leh rih thin a ka nun hi a ruak ngawih rawh.A chang leh ka han inti pachang lui leh hram hram a.
" mahse ka hriatthiam loh chu Alexander an min rawn bia a ka chhungte chu an zalen tawh thu min rawn hrilh ani, engmah hi ka hrethiam tawh lo"
" engtin nge chu chu a thlen theih? , lunghlu kha i pe bawk si lo a"
.
" ka hrethiam tawh lo , mahse ka chhungte chu an zanlen tawh" ka nui lui suk a , mahse ka hmangaih erawh ka chan thung.
" Anih chuan hna ah i kal thei tawh si lo a,hna dang i zawng dawn tihna ami?"
" umm... " ka ti chuai raih a .
.
.
Daniel's pov:
.
" Dj i thil tih hi i hrechiang meuh amaw!!"
" aw...ka pa Kath chu man tir lo hram rawh, engmah tihsual a nei lo a mawh chu ka phur vek ang"
"i a tawh takzet ani, ka fapa hian hmeichhia a hmangaih avangin lunghlu chu hmelhriat loh leh misual hnenah a hlan tih hi ka awih thei lo "
" Ka pa hriatthiam tum rawh,i thin a rim tih chu ka hria mahse kha lunghlu avang kha mi nunna kan chhan him asin chu chu hlawhtlinna a ni mai lo ami"
" he nu hian a dawi a tawh takzet che ani, chhia leh tha hriatna pawh hmang thiam tawh lo khawpin animaw a lo dawi at che a"
.
" ni e, ka a tawh ... i fapa hi a a tawh anih hi ,lunghlu i chan avangin i rilru a na tih ka hria mahse chu aia na zawk chu maw ka pa ... phatsan ka ni hi ani" ka ti sap a, ka pa chuan min rawn kuah a ka hnungah chuan a rawn beng thak thak a.
" ka fapa hi tunah chuan a lo puitling ve ta !! i hmangaih chuan a phatsan che mahse chhan tha tak pawh anei, i ngaidam mai dawn lo ami" a tih chuan ka meng phawk nghal kawk a, ka pa hian a lunghlu neih that ber a chan a mahse he thu hi min hrilh leh si,nilo lunghlu aia pawimawh zawk a fapa a kiangah ka awm tlat alawm.A kianga ka awm chhung chuan eng thil pawh ti ila a hlim ani.
.
" nilo, ngaihdam tlak ani lo .Chance ka pe a mahse chu chu hawisan in min bum ani " ka inhum ruh nghal a,
"tunah chuan i puitling ve tawh a , he company hi i kut ah a awm tawh mahse i inchhir na tur chuan engmah ti suh" ka pa chuan min chhuah san nghala .Thil thlen dan zawng zawng kha ka ngaihtuah let ringawt pawh hian ka thin a rim takzet .Rilru mumal tak ka pu thei lo a, ka mu thei hek lo ka rilru na a reh mahna tiin zu ka in nasat phah em em a mahse awmzia a nei der bawk si lo.
.
Ka thin a chhia in ka hnathawk te chungah ka tuan zel mai bawk si tunah phei chuan tu pawhin min hmuh hlek pawhin min tih dek tawh .Khawngaihna ka nei lo in rawng takin ro ka rel a mahse kan company hian san lam a pan zel zawk.Mi chunga that chhuah in awmzia a nei lo a a tawpah chuan hnung lam atangin min bei leh tho tih hi ka ring nghet tlat tawh ani.
.
Alexander ....Kath rawn call thin leh vau thin tu kha Mr.Robin puihna hmangin a chhanchin engkim ka hre chhuak tawh a Kath leh a chhungte hian an tawrh ka phal lo ani chuvang chuan lunghlu kha ka pe ta ani.Duh chuan police hnenah pawh ka report thei mahse thil an ti thei lutuk tlat a tuar tur chu Kath bawk ani chu chu ka then tir thei lo.
.
Kar hnih lai Kath chu ka hmu tawh lo a, ka ngai takzet ani , kuah te, fawh te a bula awm hrim hrim ka chak takzet ani mahse kei min ring lo in min bum a thlan zawk avang erawh chuan ka ngaidam thei lo. Amah ka ngaihtuah chhuah apiangin ka thin a rim em em a, ka rilru a ti na takzet ani mahse haw viau mah ila a chhanchin erawh ka chhui zui reng tho .A chanchin nikhat lek pawh ka hriat loh chuan ka chiai mai dawn in ka inhria .
.
" Daniel .... tlaiah ka pa in dinner eipui che a duh a..."
" Venna ....Dj min ti rawh " ka lo ti vin hluk a, min rawn fawp zeuh a Venna hi kan company thawhpui Jewellery Xi company neitu fanu ani a, Kath nen kan inthen atang khan min vil deuh chawt ani.Nula chhelo leh bright tak ani a, ka rilru na te pawh a ti dam mahna tiin ka be chhe ngai lo, mahse Kath tluk tu an lo awm lo anih hi.
.
" tikhan muk deuh a awm lo khan in ti thawveng ve tawh rawh"
" chu chu ka mamawh lo, i chhuak thei tawh ang" ka duh ai hian min zim hneh mah mah thin
" ohh... bawiha,kan inhual na chungchang te pawh kan sawi ho angai alawm" ka meng phawk nghal kawka.
" mak ti viau suh .... i chhungte leh ka chhungte pawhin an remti vek tawh"
" ka remti ve lo"
" i tlai mah mah tawh kan inhual ngei chu angai"
"ka tiam a che, kan inhual lo ang"ka tho thut a.
" hna thawh tur ka nei tlat" tih pahin office chu ka chhuah san nghala, engtik ah mah henu hi ka inhual pui lo ang.
.
" Mr.Robin.... Kath kha lehkha va thawn la, heti ringawt chuan a hna a chawlh san thei lo ang , banna lehkha rawn thehlut rawh se, amah ngeiin min rawn pe tur ani " tih pahin meeting nei turin ka kal nghala.Diktak chuan Kath hmuh ka chak takzet ani, zantin a hmuh phak loh in a in bulah car atangin ka thlir ziah thin a light a off veleh ka kalsawn chauh thin .A chang phei chuan a thiltih sual zawng zawng kha theihnghilh in let leh mai ka tum rum rum thin mahse ngaihdam min rawn dil erawh ka phut tlat thung, min rawn dil a hnekin a reh hmak bawk si chu chuan min ti thinrim zual ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:30 pm

Meeting kan zawh chuan ka room lam panin Mr.Robin nen chuan kan inzui phei hnak hnak a, Mr.Robin hi kum 65 bawr vel mahse ala harh vang tak niin a fing em em a, ka secretary ni awm reng pawh ani,ka hna hi ka la thiam tawk lo hle a engkimah min pui vek thin ani.
Reception counter hma a Kath lo thu kun lap ka hmuh chuan ka ding chawt a.
" Boss... vawin a lo kal ngei ngei turin ka hrilh a" Mr.Robin chuan a rawn ti sa sa a, a nachang hi a hre thei ngawt mai,a zei ka ti zawk dawn emawni .
" i tih tha e, min lo va kalsan rawh"
.
Kath awmna lam chu ka pan phei a, min hmuh chuan a ding nghal zawt a, a hmel ka hmuh hian ka rilru a na takzet a cher in a dang lep a, chaw a ei tha lo in a mu thei lo tih a chiang reng , kuah thlawp a fawh vawng vawng ka chak ani mahse hmu lo ang maiin counter hma ah chuan ka dinga.
" rawn luh tir rawh" ka ti sap a, Sobero chu a lo bu nghat a, nuih suk pahin ka lut nghala,ka thu fel deuh chiah tih in Kath pawh a rawn lut ve nghala .
.
" Chhuak leh rawh"
" Engmaw!!",
"chhuak la kawngka rawn kik rawh" ka melh khai bawka, inthiamloh hmel takin a chhuak leh hna hna a kawngka chu a rawn kik karh karh a.
" lo lut rawh"
" Ahh... Dj..."
" enge i duh chuan Boss min ti thei ang"a thaw halh a
"Boss... lehkha ka dawng a,ka banna lehkha ka rawn thehlut dawn ani" a ti sap a, hria ang pawn ka awm lo ka document tih fel tur chu ka tih chhunzawm char char a ka hma ah chuan a ding ran a .
.
" ohh... meeting ka nei tlat,kan inbe leh dawn nia.Hetah min lo nghak ang che" ka tho thut a, engmah a sawi hma chuan ka chhuak daih a.
"in tur leh ei tur lo va pe ang che chuan a haw tur ani lo"receptionist Sobero bulah chuan ka ti a,Meeting kan nei pawh ani lo mahse helai hmunah hian a rei thei ang ber chelh ka duh ani.
.
Darkar hnih a liam hnu chuan phur takin ka office lam panin ka kal nghala, ngatinge pawh ka hrelo ka hlim veng veng ani mahse room chhunga ka luh erawh chuan thinrim hmel deuhin ka lang thung .Kath chu a thutna ngaiah chuan alo la thu ran a min hmuh chuan a rawn kal nghal vata.
"sawi tha leh rawh, eng nge i rawn tih dawn?"
" Umm... banna lehkha rawn thehluh ka tum ani" a lehkha ken lai chu ka la vata,a thil ziah chu ka en vung vung a.
.
" Helai i ziah dan hi a dik lo" tih pahin marker sen chuan ka thai bial zung zung a , lehkha chu theh phei pahin" ziak tha leh rawh, tiang hi banna lehkha ziah dan tur ani lo, naktuk ah i rawn kal leh dawn nia" Sobero chu a rawn dak dek dek a
" Boss... min lo hrethiam lawk,Ms Venna Sigaro chuan inhualna zungbun enpui tur che in a lo nghak reng tawh che anih chu" inthlahrung hmel tak chuan a rawn ti a.
" awle" ka ti sap a, Kath chu ka han en leh a, a hmui chu a pet fan fan a .
.
" Enteh... Dj...ugh Boss ,hei bak hi ka ziak lo ang chuan helai hmunah hian rawn kal nawn pawh ka duh hek lo , chuan ka ban na thehluh pawh hi a dik ngei ani"lehkha chu a ak hmaka
" ka kal ange" inring tawk tak chuan a ti a, min chhuahsan nghal hmawk hmawk a.A chhuak chiah tih chuan ka dawnkan chu ka chum dawt a, a mizia ala ngai reng mahse kha ngei kha ani ka Kathryn chu,Tuna khatianga a awm chhan pawh Venna a thik vang ani.
.
" Mr.Robin him takin a thleng nge thleng lo enzui nghal ang che, khua a thim tawh a buaina engmah ka duh lo chuan " Kath bag atanga rawn tla thla chanchin bu a chhunga hna ruak a thai bial kalh chu ka en zeuh a" tunah hna a zawng meka mahse khawiah mah a hmu tur ani lo, awlsam taka ka hmuh theih na turah hna chu hmuh tir ang che" ka tih chuan a bu nghata, min hriatthiam hmel tak chuan a kal nghala.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:30 pm

Chapter-15
.
Hna ka ngah em avangin zan rei tak thleng hna ka thawka, CEO dinhmun chelh hi thil namai lo tak ani.Hna harsa tak min thawh tir ngai lo a ka la inzir ve bek bek chauh ani mahse ka hna ah hian ka tui chho in tuam ka ti tan hle.Hetia hna ka thawh a ka buai char char hian Kath pawh ka theihnghilh thelh thin mahse chu chu ka duhzawk.Nidang a ka tih dan ang bawkin haw tlang lo in Kath apartment lam panin ka inkhalh leh mek a, va pawh mai ngam lo mahila ralkhat atang hian a him tih ka hriat hian ka thla a muang huai thin.
.
In atanga hla vak lo mahse hmuh theih si lo ah chuan ka ding ran a,sana chu ka en zeuh a " a mut a hun tawh asin" ka phun sap a,Kath room chu ala eng va bawk si zan dangah chuan tun ang hunah hian light a thim tawh thin si a.Ngaihtha lo tak chungin car ah chuan ka thu ran a, car headlight lah ka ti eng ngam hek lo,haw mai duh mah ila nuam ka ti chiah bawk si lo, nilo light a thim hma loh chu ka haw lo ang chu chu ka thutlukna siam ka sawh sawn loh tur chu ani.
.
Rei vak lo ah Kath chu in lam pana a kal chhat chhat chu ka hmu ta, lawm loh in ka nui sung lehnghal. A lan dan chuan a damlo ani tih a chiang reng mai .Ngatinge damlo si in tun ang hun thleng thleng hna a thawh , a hna thawhna hmun sawn vat angai ani hma taka a haw theihna turin.Ka lungawi lo lek lek mahse tunah chuan Kath ka hmu tawh bawka a room light a thim veleh ka hawsan thei ta hrama.
*
*
"Mr.Robin .... Kath a damlo a engtin nge ka tih ang?" Mr.Robin chu a lo phu zawk a, tihngaihna hriat loh hmel takin min en ha a.
" Ahh... a in ah nurse va tir tawp la anih loh pawhin eitur tha deuh te pawh va thawn la"
" ka tih tir ani tih a hriat chuan engmah a pawm lo ang chuvang chuan nurse chu va tir tawp la a tha ang mahse ka tirh ani tih a hretur ani lo "
" Awle... chuan min hrilh tawh ang khan Kath chu company atanga hla vak lo ah hna a hmu tawh e chuan tunah hian hna a thawk mek bawk, a neitu ka hrilh anga ban hma tir turin"
" awle a tha tak ang, Mr.Robin i lo zei ber anih hi" tih pahin ka kuah thlawp a.
.
" Hengte chu mipa te tih tur alawm"
" anih chuan ka ring che , chuan nizanah Venna dinner ka kilpui lo a...." ka sawi zo hman lo Venna chu thinrim tih hriat zet hian kawngka chu a rawn hawng thuai a, " buaina nasa tak i tawk ngei ang" Mr.Robin chuan a rawn ti sap a, min chhuahsan nghala.
" Daniel...nizanah khawiah nge i awm?" chang lo in chair ah ka thu daih a, a ke chu a per taih a.
" khawiah nge i awm ka tih chu?"
.
" umm.... ka hrelo"
" enga!!!"
"Ahh.... " chhuanlam siam tur pawh ka hrelo , hmeichhe thinrim han thlem dan lah ka thiam hek lo , Mr.Robin han rawn dawn ila a chhuak daih tawh bawk si ngawih reng ringawt loh chu tih vak ngaihna ka hrelo.
"nizan khan kan chhungkua in ka nghak thap che asin, Daniel i ti mah mah lo maw"
" midang chuan Dj min ti thin" thil dang daiha ka chhan avang chuan a alh lo chauh in ka hria.
.
" Duhtawk rawh , duh lo mahla kan innei tho ang "
" han tum chhin la"min rawn fawp nghal tawn tawn a, ka lo nam sawn vata. A thawmhnaw chu phelh pahin
"Kha nei vek rawh, ka taksa pumpui hi i ta anih hi " a au tuarh tuarh lehnghal, min ti hrilhhai takzet.
" umm...Venna hei hi a dik ber lo chuvang chuan i thawmhnaw te hi ha in min chhuahsan phawt rawh" duhthlan tur dang ka nei lo chhuahtir mai loh chu.
.
Venna nen hian vawi hnih chu ka mudun tawh a chupawh Kath vangin mahse hetiang em em hian min duh ang tih rin ngaihna ka nei lo.Hmeichhe fing tak leh zahawm tak ani a mahse keimah avanga a zahawmna zawng zawng bo vek tur chuan ka duh lo. Hetiang hian a vawikhat awmna ani chuan min neih ngei a tum bawk mahse ka nei lo ang,ka la naupang in hma hun eng tak ka nei a chu chu Kath tel lo chuan hman ka duh lo.Kath mizia a ka huat ber chu ngaihdam min dil duh lo hi ani, ngaihdam min dil lo in engmah tihsual nei lo ang maiin a leng a, chuvang chauha let lo ka ni.
.
"Ka chhuak lo ang "vanneih thlak lutuk in Enrique an min rawn call hlauh, ka pick up nghala
" anih chuan keimah hi ka chhuak mai ang"tih leh chhuah ka ruala.
" Daniel Padilla rawn let vat rawh " a rawn au tuarh tuarh a, ka room hi sound proof a ni a,a zia hlauh.
" Boss...inenkawl tha ang che" Sobero chuan min nuih sang pahin a rawn ti a, Sobero pawh hian Venna ka ning zia a hre ve niin ka hria.Mahse ka vanneih na em em chu Venna hian min umzui reng mahse ka kalsan hmak tawh chuan a tuk velah bak min rawn tibuai ngai lo a chhanchu a zawn hmuh loh na turah ka kal miau alawm.
.
Enrique nen tennis kan khelh zawh chuan court ah kan mu thlawp a, darkar 3 meuh han in khelh chuan a chauh theih khawp mai.Hun thawl ka nei tam loh avangin Enrique nena inkawm na hun pawh ka nei ngai meuh lo ,ani pawh college kal angai a kei lah ka hna .
" Dj...i ti mah mah lo maw?"
" Engchu?"
" Venna hi"
" Engtin mah ka ti hleinem"
" ugh...cmon dude.... i hriat reng kha pha kual suh "
"ka pha hleinem"
.
" Kath ngaihtuah reng chungin Venna i kawp ..."
" ka kawp lo" ka lo ti vin hlar a, a dik ani Venna nen hian ka indate lo hrim hrim.
"aw...ka hria ka hria...mahse in mu dun tho alawm i awmdan hi ka hrethiam lo,let leh te i tum em? "
" teuh lo, dik ni a a inhriat chhung tihian awm rawh se "
" Kath sawi hian i thin a rim nghal tun zel, i hmangaih takzet anih dawn hi chuvang chuan i tlai hma in let leh vat rawh "
" Ka thian i ni chiah em... min bum a, ngaihdam pawh min dil lo"
" chhan tha tak a nei ani ngei ang, i hriat miah loh hi tunah hian mipa dang nen an lo leng chhuak reng maithei bawk"
.
" Engmaw!!!" Ka tho nghal zawt a,
"anih loh vek pawhin an infawp maithei"
"ahh... tih tur ka nei tlat, ka kal mai ang" tih leh kal ka rual nghala
" good luck" Enrique chuan a rawn ti leh hram bawka , hmanhnawh takin Kath in lam panin ka inkhalh chhuak nghala,Kath hian mipa dang a awmpui thei lo ang chu chu a thleng thei lo.Kath in zawn ka thlen chuan ka ding nghal chawt a, ka lut mai hreh bawk si ka inngaihtuah vang vang a tihdan ka hreta.
.
Naupang pakhat hi hire in pangpar pe turin ka tira,ral atangin ka lo en kar a kawngka a kik chiah tih chuan ka khur nghal der" Kath...nangmah ngeiin rawn hawng rawh " ka ti sap a, vawin chu a damloh avangin ka chawlh tira in ah a awm ngei ngei tur ani.Kawngka chu a rawn inhawng rak a,ka thin a phu dep dep tawh vanneih thlak lutuk in Kath in a rawn hawng hlauh!! Ka lawm lutuk hi ka au chhuak lo chauh.Kath chu mipa dang nen awm lo in a in ah ngei a awm a ni tih chiang takin ka hre tawh bawka hahdam deuhin ka awm thei tawh ang .
.
Naupang nen chuan a in be mawlh mawlh a, naupang chuan min rawn kawk vang mai " Naupang mawl lutuk" Kath in min rawn hmu tih ka hriat chuan ka kun hniam vata mahse awmzia a nei thui lo hle.Car kawngka chu a rawn in hawng a, ner suk pahin ka hawichhuak a Kath chu a lo ding vang mai, a hmelah chuan a lungawi lo tih a chiang reng.Phur lo zetin ka chhuak zal zal a, awmdan tur pawh ka hrelo ka nuih tlawn ta ringawt a, mahse rum zetin min rawn melh chho ha a, hetia a tum hmuk hian a sexy takzet.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:31 pm

" heihi i tih tiraw?" pangpar chu a rawn keng kang va va a.
" Hahaha . .. he pangpar hi maw!!! hahaha...ka nilo hrim hrim"
" anih chuan naupang khan dawt a sawi anih chu"
" hahaha.... a dik chiah , kha naupang khan dawt a sawi chiang lutuk"
" anih chuan pawisa hlawh tir in min rawn pek tir ani tih pawh dawt a ni maw?"
"aw... ni chiah e,tunlai naupang tak hi chu "
" duh tawk rawh Dj...." pangpar chu a rawn vawm pawp a, " I bialnu kha pe zawk rawh" tih leh kal a rual a.
.
Ka chungah a thinrim amaw ? Kei zawk hi thin rim tur zawk ka ni lo ami? mak tih hmel tak chuan ka thlir renga, bialnu maw!! Venna kha ka bialnu emaw a ti a ni ngei ang ,mahse thu lawmawm deuh chu Kath in Venna a thik a awmzia chu min duh tihna .Kath a awm ngei a ni tih ka hre tawh a nui var var chungin ka in lam pan in ka let leh a, Kath hmel ka hmuh avang hrim hrim pawh khan ka rilru a nuam huai.
.
A la hma bawka ka in a kal tlang lo in ka pa in ah ka kal ta zawka, ka chhungte nen hian kan inhmu khat em em a, in hrana ka awm atang phei hi chuan vawi khat bak kan la inhmu leh lo.
" Audwey ....Dj alo kal" Inchhung ka luh rual rual chuan Jaquine chu a rawn tlan nghala, ka lo pawm vata.Ka hmuh lohna a rei tawh bawka ka ngai hman hle.
"Oh...Dj...Dinner ei ve nghal la" Athena chuan alo ti vata, ka hawi kuala mahse ka pa ka hmu miah lo.
" Khawiah nge ka pa?" Athena chuan min rawn melh kawk a, Rommel ti lo a ka pa ka tih vang ani.
.
" Ahh.... library ah a awm, Chuan enge ruahmanna i nei leh tawh em?" Athen sawi awmzia chu Kath chungchang min zawt ani.
" awmlo" ka lo nuih suk a, Athena hian Kath nena ka chungchang hi a hria a , tupawhin let leh turin min ti a mahse ka let lo ang.
" chanchinbu kha ka lo hmu a, Venna nen in in hual tih"
" Engmaw!!"
" i la hmu ve lo anih dawn chu"
" nu...Dj alo kal bawk si a, homework chu naktuk ah ka ti tawh mai ang" Jaquine chuan alo ti vata.
" Augh... naktuk ah tih ah dah loh tur, hawh le ka lo tihpui ang che " tih pahin Audwey leh Jaquine room ah kan chho nghala.An bula hun ka hman hian ka hlim in ka kham thei lo, engtin nge a hma khan an chungah ka lo sual em em theih zawk?.
.
________________________________________
.
Chun chawlh laiin Kath chu a tha em tih en turin dawr kawtah chuan ka ding reng a min hmuh loh nan tiin car ah ka chuang ran a, a customer te chunga a awm dan leh a chezia vel chu ngun takin ka thlir reng a, a hmelah hlim na reng a awm lo.A nguai in nidanga phur taka che vat vat thin kha thatho na reng anei lo.Mahse saw pa saw tunge? A bula a awm chuan Kath chu a nui sanga, Kath bulah a awm reng bawka dawra thawk a ni tih pawh ka hai hauh lo.Ka inhum ruh nghal vata, sawpa saw a ban vat angai anih saw.
.
Thinrim tak chungin ka let leh a, ka mood a off leh vek tawh ka room chhung ka luh chuan kawngka chu ka khar chawrh a ,ka in dawm vang vang a ka thaw leh halh thin a.
" Kha pa kha a chak lo ang" ka ti sapa, Mr.Robin pawh alo thleng vata.
"Boss zawng tura min tih pa chu Tristen Levindin ani.Dawrah sawn kum rei tak atang khan alo thawk tawh a chuan Kath nen pawh an inkawm ngaih hle .College kalna tur pawisa a neih loh avangin inhlawh chungin college a kal ani"
.
" anih chuan a tih tur a hre lo anih chu...Kath a hnim hnai leh anih chuan a hna a chan tawh ang "
" chuan zanin hi Miss Venna leh a chhungten dinner kil pui ah an sawm che a, tunah chuan i chhung te pawh an rawn tel tawh ang"
" ka kal theih loh thu lo hrilh rawh"
" nilo.... tun tum chu i pa zahawmna ani.I va kal ngei ngei angai tawh ang"
" hreptak chuan .... " dawhkan chu ka chum chawrh a. Duh aiin Venna hi a fing mah mah, ka pa te an kal loh chuan ka kal leh dawn lo tih a hre chianga heihi a ruahmanna vek ani.
.
Dinner kan ei zawh chuan Venna pawh thlah lo in ka chhuak bo daih a, diktak chuan hetiang nungchang lem lutuk bulah hian rei ka awm thei lo.Inhualna chungchang hlir sawi in inneih ni thleng an sawi a, mahse ka pa erawh chuan a mawi tawk bakin a chhang lo a chhanchu ka thu a ngaichang ve tlat.He inhualna hi ka ti tawp pawp thei mahse Jewellery Xi company hian kan company ah stock an nghah si a tun dinhmun ah hi chuan kan inzawmna hi a tih tawp theih hrih lo ani.
.
A ngai te bawkin Kath in kawt ah chuan ka ding leh ran tawh a, a chang leh ka thaw leh halh thin a,engvanga Kath hi ngaihtuah em em nge ka nih? Engdang vang ani lo ka hmangaih miau alawm.Rei tak ka nghah hnu ah a rawn lang hlawl mai mahse tunge rawn thlah tu saw? kha kan mi lerh a ngei kha ani ,engtin nge a rawn thlah ngam zawk.Ka sa nghal pap , ka insum thei lo lek lek va chhuah a reh kang lawp mai ania ka duh.Muang changin inbe pahin an kal chhet chhet a, a chang leh an nui leh hak thin a.
.
Ka awm hmun ah chuan ka lo inhum ruh nghal tung a, an awm dan chu ka lo thlir renga duh aiin saw pa saw a huangtuau mah mah.Enge ka tih thei chu a hre dawn alawm.Kath kawngka a luh dawn chuan chupa chuan pawt let leh in a kuah nghal thlawp a, ka insum thei tawh lo car atanga chhuak in chupa chu ka pan nal nal a, a zawn ka thlen chuan ka hnek thal tawp a Kath chuan a ka hup in a au nghal turah a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)