I Heart u by Haylor(Remruati Bawitlung)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

I Heart u by Haylor(Remruati Bawitlung)

Unread post by Ngaia » November 27th, 2016, 4:21 pm

I Heart U
.
IMG_20170127_154729_816.JPG
IMG_20170127_154729_816.JPG (47.86 KiB) Viewed 36258 times
.
(Daniel Padilla +Kathryn Bernardo=Kathniel Fanfiction )

A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Remruati Bawitlung
All rights reserved
http://www.storyfb.com


CAST:
Daniel Padilla as Himself
Kathryn Bernardo as Herself
Enrique Gil as himself
.
by Haylor
(Remruati Bawitlung)
.
Chapter-1
.
Inchhung ka luh chuan a lo reh leh thap tawh a,light ka on a engmah ti kawi lo in ka room ka pan nghala khum ah chuan ka bawk nghal thlawp a,ka chau takzet ani.Ka ui Salv chuan ka kut chu a rawn liak hlap hlap a,ka lo namsawn vat a, mahse beidawng lo im ka khumah rawn lawn in ka bulah chuan a rawn bawk a.
"nilo, Slav kalsawn rawh i pi hi ka chau takzet ani" peih leh peih lo chuan ka ti a, Slav chu ka hnungzang ah a lu nghat in a mu ve mai a, ngaihsak zui lo in ka mutthhilh san ta daih a.
.
"Kath...Kath"
" Liza min mut tir mai mai teh"
"Dinner lo ei rawh, ka ko nawn tawh dawn miah lo che ania" tih pahin Liza chuan kitchen lamah min phei san a.Chaw nghei ka duh bik si lo , phur lo zet chuan ka tho taih taih a Slav pawh ka khumah alo la bawk renga, a lu tuai sak nawk nawk pah chuan kitchen lam chu ka pan ve nghala.
.
"a ngai bawk maw!, thil dang te hi ei ve tawh ila" phun bul bul pah chuan chair ah ka thu a,Liza chuan beer a rawn theh phei a ka lo dawng chat a.
"anih chuan siam la" pizza leh beer chu a ei mawlh mawlh a, ka lo ner nang a.
.
" heng te chu i siam pawh anih loh hi, zing tin leh tlaia tin pizza leh beer ei reng hi i ning ve lo ami?"
"Kath ...duh tawk rawh,keipawh hna ah ka kal a nang ang tho in ka hah in ka chau ve tho,hetiang bak hi kan ei thei lo"
.
" ka hria ka hria, lo kal rawh Slav" tih pahin slav chu pizza ka pe a,Liza chu alo thaw halh a.
" Kath, enge maw i hriat le i ui hi a nu ani a tinge a pa hming i phuah tlat a .Nang hi chu i mak ve ngawt mai" a nui suk a ,a thil ei lai chu a ei leh nghal mawlh mawlh a.
" Ka sawi tawh kha, mipa huat deuh i neih chuan Slav hi hau thin rawh i thawveng huai mai ang"
.
"tikhan i form nen khan mut i tum ami?" a tih chuan ka in en vata, ka lo la inthlak reng reng hleinem!! Suit dum nen smart zetin ka lo la awm anih hi!!, ka nui suk a .
" inluah man pawh pek leh angai tawh,Kath min lo pek kep leh mai la"
.
" i ti ve ziah...thla thum chu ka pek kep tawh che" ka lo ti hmuk a, ka necktie awrh lai chu ka pawt thlawl deuh a.
"nangte chu i thawhna a that em kha,Philippines a company lian ber Brilyante ah president bodyguard i ni a.I hlawh a tam em kha, i thian tha ber ka nih hi ...mawh..." a lo ti vata,ni e.. Manila mai pawh nilo Philippines ram a lunghlu zawrhna dawr lian lutuk neitu bodyguard ka ni a,mahse ka hna hi hna nuam zawk zawk ani hauh lo.
.
"nih leh tun thla chiah, mahse a hma ang tho in rawng i bawl leh vek ang"
" Awle.. pizza leh beer chauh ka eitir tawh miah lo ang che"
"ka inbual nga,ka mu dawn....zingah min rawn kaihtho leh rawh aw" ka ti a,Liza chu a lo bu nghat a ka tho a, ka room lam chu ka pan nghal a.
.
Kawngka ka khar a, ka thaw nghal huai a.Liza nen hian in kan luah dun a, ka thian tha ber ani ,a chang chuan han in hau ve bawrh bawrh thin mah ila kan inti thiam lo rei tak tak ngai lo ani.A ni chu mi dawr a nghak thin a, a thawh chhuah sa te chu a bialpa in a ei zawh sak vek zel ani, chu vanga inluah man takngial pawh neilo ani.
.
Ka suit dum zet chu ka phelh a, hetiang thawmhnaw nitin a hak hi ka kham tawh takzet ani mahse ka hna ani a, ka theih tawp ka chhuah a ngai bawk si.Ka sam chu ka tawn tawm a,bathrobe ka ha a ka makeup inhnawih chhah zet chu ka hru fai mawlh mawlh a.Ka phone chu a rawn ri ral ral a,ka tho vata .
.
" Hello, pa" ka ti vata, darthlalang hma ah chuan ka va thu leh a,
" Hma kan sawn thei lo, ala ngai reng .Mahse hma kan sawn vat ka ring " ka ti nghal mawlh mawlh a.
"a nih chuan pa mangtha" tih pahin ka phone chu dawhkanah ka dah a,inbual turin bathroom ah ka lut nghal a.Tui lum in ka han in phuh tir seng seng a,ka chau lutuk pawh kha a zia sawng sawng in ka hria .
.
Ka in bual zawh chuan t-shirt lian zet leh kekawr bul chhing zet ka ha a,khumah ka zuang lut nghal a ka chau bawk aniang reilo te ah ka muhil nghal bawrh bawrh a, mumang bothak khawpin ka muhil thei mawle.
.
Slav chu a rawn bauh vak vak a, ka hmai chu a rawn liak leh hlap hlap thin a, Slav nam sawn pah chuan ka han meng siar siar a, khua chu a lo var uarh tawh a.Puan in ka inkhuh leh a, ka muhil leh nghal bawrh bawrh a.
" Kath... breakfast" Liza in a tih chuan ka harh nghal kawk a,khumah chuan ka thu nghal zawt a.Diktak chuan Liza in breakfast a peih fel meuh tawh hi chuan a tlai hle tawh tihna ani, a chhan chu Liza hi a tho hma ngai lo.
.
" nilo, nilo" ka tho vata ka ha ka nawt a, ka hmai ka phih nghal sawk sawk a, ka thawmhnaw couch a ka theh thal tawp chu ka pawm chhuak nghal a.
" Kath..." Liza chuan a ti hman chauh a,nuih suk pah chuan ka tlan chhuak nghal a, ka thawmhnaw te chu car chhungah vawm lut pawp pawpa driver seat ah ka thu a,chak zetin ka khal chhuak nghal a .
.
Sana chu ka en leh zeuh thin a, ka tlai ngei dawn anih hi vawin phei chu department store a ka duty ni ani lehnghal.Ka khalh pah chuan ka kamis chu ka ha mawlh mawlh a, midang in min hmu phei se chu mak min ti ngawt ang.Vanneih thlak nge vanduai thlak pawh ka hre lo red signal chu a rawn eng va va a,car chu ka ti ding a hmanhmawh lutuk in ka kekawr leh coat te chu ka ha sawk sawk a,mawza ka bun a boot ka bun zo chiah tih chuan horn a rawn ri tuarh tuarh a,ka phu nghal zawk a.
.
Ka han hawi kual a, tlan alo hun reng tawh chu niin ka hnunga ding ho chu ka lo dang thup a,a then in min ankhum bawka hmanhmawh takin ka tlan chhuak leh nghal a.Hengtiang reng hi ani ka nun dan chu ,ka che chhia in ka che buai ziah a ,a hahthlak takzet ani.
.
Ka car chu ka park a,darthlalang ah chuan in en in lipstick ka inhnawih mawlh mawlh a, ka sam chu pial zetin ka tawn bawka tunah chuan ka insiam zo ta.Ka thawmhnaw ho chu seat hnung lamah ka vawm phei pawp pawp a,confi zetin car atang chuan ka chhuak a.Lawks theihnghilh ka nei , car side glass chu ka kuai her a,ka kun hniam a ka han in en a, ka chil chu ka kut ah ka hnawm zeuh a, ka sam chu ka tuai thuak thuak a,in en pah reng chuan.
" i chhelo thlawt" ka ti sap a, ka nui suk a tichuan inring tawk takin ka lut ta a.
.
Thil fel lo awm te chu ti tha turin ka hrilh nghal mawlh mawlh a,President hian min rin tawk em avangin department store Manila ami hi chu a fel lo lai tifel turin min ring tawp ani.A pawimawh fe ah lo chuan president bodyguard ang hian ka awm meuh lo .Ka hna hi ka tlin em em a, hei vang te pawh hi ani mahna President hian min rin em em.Heta Lunghlu zawrh te hi a dangdai in ram hrang hrang atang pawhin mihausa te hian an rawn pan thin ani.
.
Chutia a tha tawk lo lai ka sawi mawlh mawlh lai chuan" Miss Kath...President in a hmu duh che" Mr.Wine chu a rawn kal a, president secretary ani.
" Awle" tih pahin ka zui chhuak nghala.Mr.Wine nen hian kan inhal em em a, a chhanchu president hian min duhsak vang ani.A chang phei chuan min be duh lo a, chang leh min melh rum a mipa ve si pa lo lutuk.
.
Company lam pan chuan ka inkhalh chhuak nghala, Mr.Wine bula kal ai chuan keimaha a hranga kal pawh ka thlang zawk.Office chu kan thleng rual leh ta tho a, inbe miah lo in elevator ah kan chhuang dun a,melh pawh kan inmelh eih lo. President office ah chuan ka lut dun a .
.
" President min mamawh na i nei ami?" ka ti vat a,President chu min hnung chhawn zawngin a ding a,thawk halh pah chuan a rawn hawi phei a.
" Mr.Wine Kath hi ka han be lawk ange" atih chuan ka nui suk a,Mr.Wine chuan rum fe a min melh pahin office chu a chhuahsan nghal hna hna a.
.
" Kath..." a thaw halh a, ka kut chu ka hma ah ka suih a, ka fel hmel takzet ani.
"Vawinah ka fapa Australia atangin a rawn kal dawn a, airport ah min hmuah sak la ka duh ani"
" fapa maw!" ka ti sap a, President hian fapa a neih awm ka hre lo reng reng, nupui hmasa a nei tih chauh ani ka hriat chhun chu.
.
"ahh...ka fapa hi anu bulah kum 20 a awm tawh a, ka bula a awm ve hun chiah ani a,khirh pawh a khirh ang" a thaw leh halh thin a.Ka lu ka bu nghat a mahse ngatinge kei kher ,midang pawh hmuak turin a tir thei reng si a.
.
" ka lawm e, mipa ka tirh chuan alo sawisa leh mai thin a, hmeichhia chu a khawih dawn lo a ,nang hi ka ring tawk che ani" ka darah chuan a rawn beng thak thak a .Heti khawpa hausa si hi private plane te pawn hmuah ngai lo in kal mai tur ania, ka rilru chuan ka ti bul bul a.
.
"a hahthlak ani tiraw....ka fapa hi chu private plane pawhin a rawn kal duh lo, mi pangngai ang a awm a duh zawk ani"a fapa chu chuan hmel takin a nui suk a, ka rilru a hre thei ami ? ngati ge ka rilru a zawhna awm apiang min chan le?
.
" Awle, president .... ka kut ah dah tawp rawh" ka lo ti vata, kal chu ka tum a.
" Kath.. fimkhur la aw" ala rawn ti leh hram a, " awle" tih pahin ka chhuak nghala.Diktak chuan ka phur lo takzet ani.President hian fanu pahnih a nei a, mahse a nupui hmasa lakah fapa a nei tih hi vawi khat pawh ala ri ngai lo.Khawvel hian hria se chu Hmeichhe ho ngaihzawn rawn ani leh ngei dawn anih hi.
.
Ka chhuah chuan Mr.Wine chuan ngeiawm zet hian min rawn nuih a,hrelo niawm tak chuan ka kal pel a.
" Kath, tha deuh in aw" ala rawn ti hram a, tinge maw a lo hlim ve em em le engtiang chiah a tih har nge maw anih le?
.
Inhnuai lobby ah chuan ka chhuk thla a, hmeichhe lo duty ho chu an lo inhrilh ru sap sap a, an sawi chu tudang nilo in President fapa lo thleng tur chu ani. Huizz ... hepa hi company buaina tham ani lo asin maw le. A hmel ka la hmu lo na in kum20 mi ani tih chu ka hriat awmchhun ani.
.
Dar2 ah arawn thlen dawn chauh avangin lunch te ka han ei leh te te a,zingah engmah ka ei loh avangin ka ei hnem ngang mai.In diet chu sawi loh eitur ka hmuh ang ang hi chu ka ei zo zel ani.Hla ngaithla chungin thlamuang takin ka lo thu der der a,chhun chawlh lai hi chuan hahdam thei ang bera awm ka duh ani.Ka chau deuh pawh ani mahna ka lo muhil ser ser a ,ka phone rawn vibrate chuan min ti harh kawk a,Alam ka lo set hlauh chu ava tih zia thin em.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:21 pm

Muang changin Airport lamah ka inkhalh phei a, dar2 rik nan minute20 lai ala awm a, hun ka va han vawng dik chat chat tak em.Chart paper ah chuan Daniel Padilla tih ziakin ka keng va va a,ka lo nghak ve ran a.Buaithlak ta ber chu a hmel ka la hmu lo hi ani,midang ho chu an rawn chhuak dam dam a, ka thil ken lai chu a hmuh loh hlauin a aia sang chuan ka han keng kang leh va va a, ka kut te pawh a kham vek tawh.
.
Theihtawp chhuaha, midang kara ka phar ve lauh lauh lai chuan mipa pakhat hian min rawn nek chawrh a, ka thil ken lai chu chhuatah ka thlauh thlawp a,midangin min nek nasa bawk si a, paper chu an chhuih phei daih a, thei leh thei lo in lak tumin ka ban tawk tawk a, min rawn su tupa chuan min rawn chhar sak hlauh, thil inziak chu a chhiar a a nui suk a.
.
" Min rawn pe vat rawh" ka lo ti vin hlar a, paper chu ka pawt thla pawp a.
" awle" tih pahin a kal daih a.Tunlai naupang ho tak hi chu aw,khapa ang kha an nih loh hram ka beisei tihpalh tih nachang pawh hrelo.Khapa khan Kekawr khup tet leh t-shirt var a ha a,naupang awm tha duh lo tak niin a lang.Ka ner nang pahin ka kawr chu ka beng fai thuak thuak a, ka paper ken lai chu banphar pah chuan ka keng leh va va a.
.
Tumahin min rawn pan si lo, a rawn thlen hun tura min hrilh hi a dik lo aniang.Beidawng duh miah lo in ka lo ding la ding ve char char a,ka thin a rim lek lek tawh. Dar5 a rik pawh in a la rawn thleng chuang lo, ka hlauthawng tawh takzet ani.Engtin nge president in min tih tak ang?
.
" ka pi, Daniel Padilla tih hming pu hi dar engzat ah nge a rawn thlen?" ka va ti tawp a,
"min lo nghak lawk" tih pah chuan list chu a en mawlh mawlh a.
" Daniel Padilla chu dar2 khan a rawn thleng tawh" ka meng phawk nghal kawk a.
"han en tha leh teh, i en sual aniang" ka han ti leh hrama.
" ka pi, engmah thilsual a awm lo...Daniel Padilla chu a rawn thleng tawh e" a tih chuan chang buai lo in ka let leh hnak hnak a,Manila a rawn thlen tawh si chuan khawiah nge a awm tak ang?
.
Hmanhmawh lutuk in company lamah ka tlan let vang vang a,engthil nge maw ka tih le , ngatinge buaina hi ka thlen ziah le?
"President a haw tawh em?" Receptionist chu ka zawt vata, he thil hi President hriat tir ka duh lo a mahse a fapa ka tibo ani.
" President chu dar12 khan a haw tawh"ka thaw nghal huai a, He thil hi president in a hre tur ani lo, mahse khawiah nge a awm ang ka hlauthawng tawh takzet ani .
.
Tih ngaihna ka hre tawh lo zah pawh dawn lo in Mr.Wine chu ka call ta tawp a
" Kath...enge ni ta?"
"Mr.Wine...ihh..." ka thlan dup tawh a "President fapa ka hmu zo lo"
" Enga!!"
" Ka lo nghak char char a, tun thlengin ala rawn thleng lo"
" ka rawn kal nghal" tih pahin phone chu a off nghal a, ka maimichhing vang vang a ka inthiam lo takzet ani.
.
Reilo te ah Mr.Wine pawh chu a rawn thleng vata.
" Police hnenah ka report mai dawn ami?" ka lo ti vata.
" nilo, tumahin an hre tur ani lo" lehlam chu a hawi daih a."He thil ah hian keipawh in mawh ka phur tel ,...hrepatak chuan President khan i ruala kal tura min tih khan lo kal tur ka ni asin" a ti sap a.Mr.Wine hian min huat em avangin alo kal leh lo a nih dawn hi,
ka rilru a nuam huai mai keimah chauh mawhphurtu ka ni lo ani.
.
" tumah an rawn kal si lo a, anih chuan President fapa chu khawiah nge a awm tak ang? Philippines ah hian a tet lai bak kha chuan a kal si lo a, kawng a bo aniang " Mr.Wine chuan hlauhthawng hmek takin a ti a, president office lamah a chho a, ka zui ve nghal hlawk hlawk a.
" ka hre lo, a hming chiang takin ka ziak bawk si a"
.
" midang in he thu hi an he tawh em?"
" ka pahnih chauh in kan hria, police hnenah report mai ang" tih pahin president office kawngkha chu ka hawng a,Mr.Wine nen chuan ka ding chawt a,phawk fe hian kan in melh a.
.
" Hi!" president thutna ah chuan vawin a ka mi hmuh kekawr khup tet ha ngei kha alo thu anih chu!!! dawhkanah a ke a hlang chho a,thatchhe zet hian chair ah chuan a thu bawka.Heihi maw president fapa chu!! ka lo rin dan chuan suit nen a in hak zaih ka lo ring asin hetiang thawmhnaw ni lo in.
.
" nang hi !!?" mak tih hmel tak chuan ka kawk a, min rawn la nuih vur vur zui.
"aw ni e,keimah"
"tah hian ani maw i lo awm kan zawng nasa lutuk che asin, hawh ka hruai haw ang che" Mr.Wine chuan zaidam tak chuan a ti vata.
.
" hmela i hming kha chiang deuh in ka ziak si a,i hmuh reng kha" ka thinrim lutuk hi ka puakkeh dawn in ka hria, hlauthawng deuhin min siama, ani hetah ngawi rengin alo awm mai mai amaw!!.A thutna atang chuan a rawn tho a,ka bulah chuan rawn kal in ka hmai zawnah tak chuan a rawn kun hniam a.
.
" ka hming chu Daniel John Ford Padilla ani,Daniel Padilla
ni ringawt lo in"ngeiawm zetin min nuih suk a," chuan Dj tiin min ko rawh, hmela ni lo in" tih pahin a chhuak a Mr.Wine chuan a zui chhuak ve nghal a.Eng thil nge ka tih dik loh a, Daniel John Ford Padilla tih leh Daniel Padilla tih te chu a inang reng alawm.Ka in hum ruh a,ka ner sak a" i chak dawn lo" tih bul bul pah chuan ka chhuak ve nghal ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:21 pm

Chapter-2
.
Thinrim tun chung chuan ka haw nal nal a, ka mangan hman zia leh ka hlauhthawng hman zia ka ngaihtuah apiangin ka thin a rim zual ani. Lo tibo ta tak tak ta ila engtin nge ka tih ang? mahse paper ah a hming chiang taka ziak in ka theihtawp a sangin ka keng ve alawm, thiamloh na pakhat mah i nei lo .
.
In chhung ka luh chuan Liza pawh a lo haw tawh a, Slav chuan min rawn liak leh hlap hlap tawh a thinrim tun chuan couch ah ka thu hnak a.
"i va rawn bang har ve ,in ka thlen khalh ve ngei che" Liza chuan beer alo in khalh khalh a.Ka coat hak lai chu ka phelh sawk sawk a, Liza ep chiah ah chuan ka va thu ve thawr a, engmah sawi lo in beer chu ka in khawlh khawlh a, Liza chuan phawk fe hian min lo melh kalh a,ka in hnem tawh em vang ani.
.
" Eheuuu.... engthil nge thleng leh ta hi"
"kha pa vang vek" tih pah in beer can chu ka hmet sawng nawk nawk a, hnung lam ah ka theh phei pawp a, Slav chu a rawn bauh ri that a, ka hawi phei vata
" a lu ah a fuh anih kha" Liza chuan a ti a, ka thaw halh a.
" Ngawi lawk...tunah khan mipa chungchang....." muang ban fan raih hian a rawn ti a.
" Engmah ani lo"
" kum25 i ni ve tawh a, bialpa neih te hi i tum ve lo ami?"
.
"tuin nge nula senior duh ang?"ka in kawk a ka thil in vang te pawh kha aniang ka tah chu a chhuak ta tlat a.
"kum 25 ka ni ve tawh a tumah pawh ka la mutpui lo, nilo...tumah ka la kiss reng reng lo"tih pahin ka tap bui bui a.
" Kath...tap suh,mipa i kiss lo chhan te chu i hnek vang anih kha" min hnem tum chuan a rawn ti vata.
" ka kut vang vek hi" ka kut dinglam chu veilam chuan ka beng pawp pawp a "nula senior luck lo ka nih hi" tih pahin slav lu ah chuan chul ka tum a, alo kal sawn daih avang chuan ka hnuk chu a ulh zuala.
.
" Slav takngial pawhin ka chul pawh a duh tawh lo"
"kum20 i nih atang khan bialpa i la nei leh miah lo... Kath i expire tawh aniang"
Liza chuan min rawn kuah thlawp a, kan rui tawh bawka kan tap dun hawm hawm a.
______________________________________
Ka harh chuan ka lu chu a na bur a,kan han hawi kual a ka room ah ka mu hauh lo,ka bulah chuan Liza chu alo la mu ang phuau a couch ah kan lo inhnawh chu niin .
" thawh a hun" tih pahin Liza chu ka tlawh thla tawp a, sam pawr phangin makeup pherh nuai hian rum fe in min rawn melh a ,ka lo nui hak a.Ka tui a hal em avang chuan fridge chu ka hawng rawk rawk tui chu ka han in nghal khawlh khawlh a ka zia huai in ka hria.
.
"Kan inbual zawh hunah chuan breakfast ka duh dawn ania" Liza chu ka melh zeuh a.
" ka siam hman tawh lo ang"
" in luah man kha hre reng ila" tih pahin ka room ah ka lut a,ka form ka lo la hak reng avang chuan ka phelh vat a, ka han hnim a beer rim alo nam rum rum lehnghal.Wadrobe a ka form fai sa nawh sa thlap a ka dah chu ka la chhuak a, ka khumah chuan ka pharh duai a, bathroom ah ka luh san a.Ka inbual zawh chuan muang changin hna ah ka kal nghala.
.
Daniel's pov
.
Ka pa secretary chuan inlam pan chuan min haw pui a, tukverh ah chuan ka dak chhuak vang vang a ka nu ka ngai takzet ani. Manila ah hian ka nu leh pa inthen hma rei lo te bak ka awm hman lo a, engkim mai hi ka tan chuan ka vawi khat hmuhna ang mai ani.Ka pa hian nupui dang a nei tawh a, fanu pahnih kum5 leh kum 7 mi a nei tih chu ka pa chungchang ka hriat awmchhun ani a chhanchu ka nu ka zawh chuan a rilru a nat ka hlauh vang ani.
.
Lal in ang mai a lian leh ropui, a chhehvel chu pangpanr chi hrang hrang a chei , a compound lah a zau in a ropui hle a, chu in kawt ah chuan car chu a ding chat a,ka han hawi kual vel a a ropui takzet ani. Mipa pakhat chuan car kawngka chu min rawn hawn saka, ngawi reng chuan ka chhuak ve mai a, chhiahhlawh ho chuan chibai min lo buk sap sap hlawm a, lalfapa ang mai ka ni.
.
Inchhungah chuan kan lut zela, ka hawi kual ha ha a, hetianga in ropui hi ka la hmu ngai lo.Dinning table lian leh ropui zet bulah chuan ka pa leh a nupui leh a fate pahnih chu an lo ding thapa.Ngawi rengin an lam chu ka pan phei a.
"Daniel kan lo lawm a che ,ka hmu che chu ka lawm hle mai" ka pa nupui chuan a lo ti vata, a fate pahnih chu a signal zeuh a.
.
" unaupa kan lo lawm a che,ka hming chu Audwey ani " a upa zawk chuan alo ti vata.
"ka hming chu Jaquine ani ,infiam thin ang aw" a naupang zawk chu ka bulah a rawn tlan phei vata, a kut chu a rawn phar a,min chibai a tum tih chu ka hai hauh lo, "ka thian ni rawh aw" a rawn ti leh a, engmah sawi lo in ka en reng a.
" Ka ril a tam" tih pahin chair ah ka thutsan daih a.
.
"Daniel" ka pa chuan ka nungchang mawi lo tak avang chuan a rawn ti tuarh a, mahse hria ang pawn ka awm lo.
" Rommel a ho lutuk,a la tlang nel lo anih hi" Ka pa nupui Athena chuan a lo ti vata." Audwey ,Jaquine lo kal ru le, in unaupa hi tih buai loh tur aw" tih pah chuan a fate pahnih chu Chair ah a thut tir a, ka pa leh a nupui pawh an thu ve nghala.
.
Ngawi rengin Dinner chu kan ei tan nghal mawlh mawlh a,ka phone chu a rawn ri ral ral a.Athena leh ka pa chuan mak tih hmel takin min rawn en ha a
" Hey, Enrique "ring zet chuan ka ti a,Enrique hi ka thian tha ber ani a,Manila ah hian a awm ani.
" Hey! Thianpa Manila chu enge a an?"
" A nawm loh lem loh hi"
" in in te chu,nuam i ti em?"
" kan in maw....hahaha ..party nan pawn a that dawn hi" ka pa hriat turin ring zet chuan ka ti a, ka nui huah huah bawka.
"dude...hei tunah ka zin thut angai dawn a, kan in hmuh leh vat ka beisei"
" mangtha le" tih pahin ka phone chu dawhkanah chuan ka dah a.
.
Chaw ei pah chuan ka phone chu ka khawih renga, a chang leh ka nui leh hak thin a ,hetiang reng hi chu ka ni bik lo mahse ka pa runluih hi ka chak vang ani.Ka pa chuan a hrawk chu a rawn thian kharh kharh a.
"Dj... tluang taka i rawn thleng chu a lawmawm hle mai"
" enteh i hria em, helai nula te hi Australian nula te ai chuan a khal fe zawk anih hi,an hnute pawh a lian tha" ka pa thusawi kalh zet chuan ka ti a, ka pa chu a thinrim ani ngei ang a sen tun tawh a.
.
"College te pawh i kal anga,Hei i nu pawh hian a pui thei reng che ania" Ka pa chuan fiah fai tak chuan ti a,
"ohh!! i nupui ...i fanu rual vel hi maw!!" ngeiawm zetin ka hmui chu ka ti sawi a." Daniel" ka pa chu a ding zawt a, dawhkan chu a beng nghal thuai a .
" Rommel, duh tawk rawh a tha leh mai ang" Athena chuan a lo ti vata.
" in Room ah lo han infiam ru le" tih pahin a fate chu a hrilh nghal bawka, an chhiahhlawh pakhat chuan a fate pahnih chu inchung lamah a hruai chho nghala.
.
" Nilo, awmdan mawi pawh a hrelo ,awmdan zirtir angai" ka pa chu a thin a rim tawh hle a ngeiawm zetin ka lo nuih suk a. Ka phone chu ka la khawih char char a,ni e..ka luhlul tih chu ka hria mahse nuam ka ti zawk.
" Khawi hmunah pawh kal la bodyguard pathum in an zui ziah ang che"
" Engmaw!"ka hawichho vata .
.
" i duh emaw duh lo emaw, Rommel Padilla fapa i nih chhung zawng chuan a hma ang mai mai khan i awm thei tawh lo ang, chuan english ni lo in Tagalog hmang ang che"
" oh! chu chu maw i duh chu.... Aw...ni dawn tak tunah te chuan lal fapa ang mai alawm ka nih tawh"English chuan ka ti leh ngata ka pa chu ka va pan hnaia " i suit te chu a man a to lutuk a, chuar pawh a chuar thei lo anih hi" a dar ah chuan ka beng thak thak a ." Ani lawm ni Athena" Athena chu ka melh zeuh a.
.
" i nu anih hi" ka pa chuan alo ti vata.
"aw...a ni maw Athena Padilla, a nalh loh lem loh hi...." kal mai chu ka tuma.
" Lehlawk Athena ugh..ka .....ka nuhrawn ...."
"Enge nita?" alo ti vata.
" Khawnge ka room tur?"
"Maria, a room ah han hruai ang che...Daniel mamawh i neih chuan ilo sawi vat dawn nia" min nuih sanga.
" Anih chuan whiskey um thum leh a sehhmeh tur ka duh dawn ania,a rang lam in " tih pahin chhiahhlawh nu chu ka zui chho nghala.
.
" Athena, kha kha ka fapa nungchang tur ani lo hrim hrim"
" aw...i ti lutuk thin a, a tlangval ve tawh a hrethiam ve ta che" ka pa leh Athena in be ri chu ka hre hman a, ka nui suk a ka kal liam nghal a.High School kan luh lai pawh a naupang kawlh leh luhlul tia sawi hat hat ka ni thin a,ka pa in min enkawl lo a,ka pa hi zirtirna pek hlak angai ani.
.
Ka room ka lut chiah chu ka hawi kual nghal ruai a, a zau in a ropui takzet ani.Ka nu kha heta awm ve tur ani asin le, games khelh tur chi hrang hrang a lo awm tuarh bawka,movie theatre ,gym,Jam room leh pool te pawh a awm kim vek ani. Ka bag chu khumah ka vawp let tawpa " a that dawn hi" ka ti sap a.Khumah ka zuang lut ve nghala, khum pawh a zau in dup tha khawp mai ,hla ring zetin ka play a khumah chuan ka kut khamin ka mu dar dar a , ka chau bawk aniang ka muhil nghal vata.
.
Ka harh chuan khua alo var uarh tawh a, ka tih dan thin angin bathroom ah ka lut nghal vata ,ka ha te ka nawt a ,ka inbual fai a hla ngaihthlak pah chuan ka thawmhnaw chu ka zawng kuala ka hmu hmiah lo, rang lutuk in towel chauh veng chungin inhnuaiah ka chhuk thla a.
" Rommel, khawnge ka thawmhnaw" ka ti tuarh a, ka pa leh midang ho chuan breakfast an lo ei meka ,Athena chuan a fate mit chu a hup sak vata.
.
" i thawmhnaw chu ka paih tir tawh, i hak tur chu wardrobe ah a awm teuh ang, khing ho khi i ha tawh dawn nia chuan khatiang khan i room atangin rawn chhuk tawh suh ang che" Ka pa chuan fiah fai tak chuan a ti a.
" Audwey, a sek tiraw" Jaquine chuan a rawn ti a, ka nuih a za ngei mai mahse thinrim hmel ka pu ta zawka, a nu chuan a lo khap nghal vata.
.
Inchungah chuan ka cho vat a, wardrobe lian pui pui ho chu ka hawng a, suit leh thawmhnaw to hmel tak tak smart deuh deuh hi alo awm tuarh a.Hetiang thawmhnaw hi ka ha ngai lo
" Rommel chuan min cho deuh ani maw" tih pahin suit senduk chu ka la chhuak a,ka ha nghal mawlh mawlh a, ka sual vang te pawh ani mahna a khup chu ka zai tet leh hram a,ka sawi tawh ang khan fapa fel tak chu ka ni miah lo.
.
Inhnuai ah chuan ka chhuk thla a,
suit chu ka ha ve zaih a, ka pa chu alo nui var var a mahse a khup ka tih tet lai a hmuh chuan a nui rei lo hle mai.Ngeiawm zetin ka nuih suk a,
kal pel chu ka tum a.
"Daniel,breakfast lo ei ve nghal la" Athena chuan alo ti vata, headphone chu ka vuah hmaka hrelo ni awm tak chuan ka kal pel a,ka zai pah bawka, naupang pahnih te chuan min lo nuih kar kar a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:22 pm

" Daniel Padilla" Ka pa chuan a rawn ti tuarh a, hriat loh derna chi pawh ani tawh lo ka hawi phei vata.
" I nu in a biak che chu"
"keimah maw!! ka nu chuan Daniel nilo in Dj min ti thin"
"thu rawh" zaidam tak chuan a han ti leh a, kal luih talh chu ka tum a.
" Chair ah khan thu rawh" ka hnial ngam tawh bik lo ka thu zal zal a,thatchhe zet chuan ka thu a,dawhkanah chuan ka ke chu ka hlang kang a, ka breakfast tur chu min siam sak mawlh mawlh a.
.
" Khawiah mah i kal lo ang bodyguard tel lo chuan, vawinah pawh college i kal ang Manila a zirna tha berah ,minute5 chiah i nei tawh ei vat vat ang che"
" Engmaw!, haha..chutiang chu a thleng lo ang"
" a thleng dawn chiang alawm" ka pa chu a thutna atang chuan a tho a " hruai ru" a tih chuan pa lian pui pui pathum hi ka bulah an rawn kal a, min rawn zawn nghal nawlh a.
" Hey! min thlah rawh u...in chak lo ang" ka ti vak vak a, car ah chuan min khung lut a ,Min tlanpui nghal daih a.
.
" ka pu i secretary tur ka ni e" ka bula putar thu chuan inthlahrung hmel deuh hian a rawn ti a min hlau hmel khawp mai, ngawi reng in ka en ringawt a.
" hei hi i credit card ania chuan hei hi i driving licence heng ho hi i mamawh tur te chu a ni e"
" ka lawm e,ka pu" ka ti sup a, ka pa bulah tih loh hi chuan ka sual bik lo.Ka nu thu pawh ka awih in ka hnial ngai lo ani.
.
Car chu a ding a kawngka chu min rawn hawn sak a, nichina min zawn tu te pathum kha kawngkhar bulah chuan a ding ran a, mipui au thawm chu ka hre zui hak bawka hriatthiam loh hmel tak chuan car atangin ka chhuak a,ka hawi kual vela college naupang sang rual chuan min lo chang thup a, an lo au chul bawka.
" College kal nan chuan car pathum em em in min zui angai lo asin mawle" ka ti sap a,ka kut chu chhak lamah chuan ka vai zeuh a, an lo au dur dur a, milar ang mai ka ni .
.
Awlsam taka kal mai chu ka tuma mahse ka thei hauh lo, mipui chuan min rawn bawr nghal tup tup a, bodyguard chu ka lo mamawh takzet anih hi.A then in min rawn tawh tumin min rawn bawr a, a then in thla lak pui min dil thul.Tiang em em hian ani maw ka pa hi a lo hausak , a fapa heti ve mai pawh min bawr huai huai heti reng anih dawn chuan a hahthlak dawn hle mai.
.
Harsa tak chungin bodyguard te puihna hmangin kan kal thei hram a, ka thaw huai mai.Nula te ngaihven rawn nih chu a nawm dawn hi le , duh duh thing ila ani mai alawm. Ka kalna apiangah chuan palian pathum te chuan min zui ve reng bawk a ,ka duh ang pawh ka ti thei lo,class ah lah ka bulah an ding run bawk si.
.
" Hey! palian ka zun a chhuak " tih pahin a lu ah ka beng lawlh a,rum zetin min rawn melh a min khawih let ngam der bawk si lo.
"Khawiah nge zun in?" bengchhet ni awm tak chuan ring zetin ka bia a,a lo ner nanga.
"Helam ah hian" pakhat chuan a ti sup a, ka zui ve nghala.
.
"Zun in thlengin min zui in tum ami?"ka melh haw a
"mahse i pa in kalsan lo tur che in min ti alawm"
" Rommel, chu ka lo bia ang ...anih lo pawhin ka complain vaih cheu chuan "
" anih chuan minute 2 chiah" a la rawn ti leh hrama.
" lehlam hawi ru" ka ti a,lehlam chu an hawi nghala .Ka lut vata, ka luh rual rual chuan tlanchhuah na tur chu ka zawng nghal ruai a.
.
A tawp a tawp ah ka hmu hlauh, ka thawm ah chuan palian pathum chu an rawn tlan lut nghala,ka lawn chhuak hman hlauh .
" i duh leh rawn man ula" tih pahin ka tlan nghal nal nal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:22 pm

Chapter-3
.
Han tlan chhuak ve ringawt mah ila Manila khawi hmun mah hi ka hre si lo, khawiah nge ka kal tak ang? Ka pa han tih buai hi chu a nuam hranpa ve hrim hrim ,bakah ka nu pawhin pasal dang min neihsan loh laia nupui dang a nei hi ka hrethiam thei lo.Min enkawl nan sum tamtak min rawn thawn thin mahse pa neilo a kum tamtak chhung khawsak kha engtiang chiaha hrehawm nge a nih hriattir ka duh ani.
.
" Dj ngaihtuah rawh "ka kalna tur chu ka ngaihtuah vung vung a, enge maw ka ngaihtuah le, ka wallet a credit card phawrh chhuah pah chuan ka nui suk a "haha...Manila hi chen rawh le"ka pa chuan min van haw leh dawn tak em eng hremna nge min hmuh tir leh ang, lo nghak phawt ang.
Pawisa hman ralna tha ber chu hei ngei hi ani Manila a Casino tha ber ,Resorts World Manila ah chuan ka lut chat a, ka tih tur chu hrilh ngai lo in ka hre chiang khawp mai, " Pawisa chu khel tan ang hmiang"
.
Ka rin ai daih in ka man thei lo, pawisa khawhral tum mah ila khelh ve si a man theih loh chu a nuam bik miah lo.Mihausa hlang awmkhawm an ni bawka nula pawh an chhelo khawp mai mahse hmeichhia hi ka ngaihsak em em lem loh avang pawh ani mahna bialnu te ah han duh em em ka nei ngai lo,helai hmun a nula chhelo tak tak rawn kal vel te pawh ka ngaihsak lem lo.
.
Casino atanga ka chhuah chuan alo tlai tawh hle mai mahse pawilo hotel ah ka riak thei tho, chutia ka inngaihtuah lai tak chuan palian pahnih hian min rawn chawi kang lawp a, ka bodyguard te lo ni rengin ,engtin nge min hmuh theih?." Lulian min thlah rawh " tih pahin tal chhuah ka han tuma, heng palian te hi hneh an har khawp mai.
.
" nangnah vangin kan hna kan chan tep phah, tun tumah hi chuan i chhuak tawh hauh lo ang" tih pahin car ah min hnawh lut nghal nawk nawk a, ka bulah ka tlan chhuah leh hlauin min thutpui bawka, tunah chuan Rommel ka hmuh leh ngei angaih hmel.
.
Palian pahnih inkarah ka thu bawka kan tawt takzet,han nek in thu han pe mah ila awmzia a awm ta lo kher mai.Car atang chuan min zawn chhuaka inchhungah min luhpui nghal hlawk hlawk bawka,hetiang hian min ti lo mahse tlanchhiat ka tum tawh hrih lo asin le.Ka pa chu bawp khawkherh in a lo thu vanga , min hmuh velah chuan Athena leh a fate chu inchunga chho turin a mitmei zeuh a an chho nghal dam dam a.Ka pa hma ah tak chuan min thlak a, ka kawr hak chu ka siam tha nghal vat a.
.
"Engvangin nge min rawn zawn?"
"Tahkhan thu rawh"
" Ka duh lo,zalen takin min awmtir mai thei lo ami?"
"Chu chu i duh dan anih chuan i zalen e, chutih rual chuan i nu in a pawisa hmuh pawh ka titawp ang"
" i va nunrawng ve, ka nu pawisa thawn hi i tih ve tur reng ani"
"Anih chuan tha takin awm mai la hna i ti harsa lo tur"
.
Ka pa awmdan hian min ti thinur takzet ani hetiang mi hi pa ni tlak pawh ani lo,mahni fate pawh ngaihsak lo hian company lian tak a enkawl amaw!! ka pa awmdan hi thlak danglam vek turin engthilpawh ka ti ang.
.
"teuh lo,ka thawk ve tawk tawk chhung hi chuan i duh dan angin ka awm lo ang, ka nu chunga i thil tih ang chiah khan i chungah ka la ti ve ang" tih pahin ka room lam panin ka tlan chho nghal hlawk hlawk a, ka thinrim lutuk hi ka insum zo lo tep thin.
.
Ka room kawngka chu ka khar thuai a,ka coat hak chu phelh in chhuatah ka vawm nghal pawp a, ka lu chu ka dawm vang vang in ka thaw leh halh thin a,thinrim insum hi a har mai pawh ni lo in ka thei hlawl lo ani chuvang chuan ka thinrim lai hi chuan mahni chauh a awm ka duh ani.Ka sual a chhuak leh ta phat mai, guitar chu la chhuak in kan fit te te a ,he in lian zet khawk rum rum a kan zut te mai chuh Rommel chu a mu thei bik hauh lo ang.
*
*
Nizan lamah che fuh inti deuh in nui var var chungin inhnuai lamah ka chhuk thla a, mahse Rommel ka hmu lo hlauh , Athena leh a fate chuan breakfast an lo ei mawlh mawlh a, ka zuk zawm ve nghal chat a.Athena in min hmuh chuan min lo nuih sang a" Morning, Dj" a lo ti nghal var a, ka lo rin dan anga nu sual lutuk chu a nih loh hi.
.
" Unaupa i mu tui em?" Jaquine chuan alo ti ve bawk a,kum5 chauh ala ni a a chunga han sual em em chi lah ani bawk si lo, ava hahthlak thin tak em.Chhang lo in ka ei nghal mawlh mawlh a Jaquine lah chu ka bulah ala rawn thu ang deuh deuh leh nghala.
"Jaquine, i unaupa i ti buai ang" Athena chuan alo khak nghal zat a.
" Mahse nu,a bulah ka thu chak alawm"
"mahse tih a ngai lo.....lo kal"
" A pawi lo" ka lo pawt chat a, mak tih hmel takin min en a mahse ka hre duh lo der ani.
.
College kal chu a hahthlak leh dawn ngei mai mipui in min zim leh hut hut anga,hetiang nun hi ka ning takzet ahma a ka nun dan ang khan awm leh ka duh ani.Ka bodyguard te chuan uluk takin min veng reng bawka nileng in ka tlan chhuak ta em lo.Vawin chu an vanneih ni ani, in ka thlen chuan Rommel chu ka hmu leh lo fo, run luih leh ka chak asin le ...nilo, hmuh ka duh lo ka hmuh hi chuan ka nu tawrh nasat zia ka hrechhuak thin a, min ti thinrim leh thin ani.
.
Nizan ang tho in ka guitar chu la chhuak in ka han perh leh tak tak a mahse zanin chu thil danglam a awm tlatin ka hria.
"i room bang zawng zawng hi sound proof ani"Rommel chu ka room ah rawn lutin ka khumah chuan a rawn thu a, hnehtu inti takin min rawn melh lehnghal.
" Engmaw!"
.
"vawinah ka siam tir vek tawh"ka lo en haw a, han sawi leh mai tur pawh ka hrelo ." Chuan naktuk zanah party a awm dawna mi pawimawh tak tak an rawn kal dawn a i nungchang a that ngei ka beisei"
"kan la hria ang chu"
" oh..cmon Dj... ka tih tur chu i hriat kha , chuan naktuk atang chuan pawisa tlemte chauh i pai tawh ang "
" College pawh anih loh saw" ka ti sap a.
.
" Lungngai suh , tumahin an tibuai tawh lo ang che.Dan thar ka siam tir tawh nangmah ti buai lo tur che in "
" chuan heihi chhiar chhuak rawh" paper chhah deuh tak hi min rawn pe a.
" i tih tur te an nih hi, i nu chu i ngaihtuah ang tih ka hria"Rommel chu a tho hluai a "party na ah kan inhmu dawn nia" ka hnungah chuan a rawn beng thak thak a , ka room chu a chhuahsan nghal ani.
.
Rommel chu thil alo tih theih hi le mahse eng inhremna nge ni ngai a thu anga ka awm loh chuan ka nu pawisa a thawn tawh dawn lo amaw? a thawn lo leh duh tak tak ang .Chutiang chu ka thlentir thei bawk si lo, ka nu lah saw ti ve mai saw ani tawh bawk si,tunah hian a bialpa nen a cheng dun ani.Dj thil dang tha deuh ngaihtuah rawh.Paper a thuziak chu ka chhiar a Hengthil zozai hi ka tih angai dawn anih chu!! huizz....
.
.
Kathryn's pov:
.
Vawin chu ka chau takzet ani President fapa tlan bo zawng reng reng in hun kan hmang kha ani a,a awmna tura kan rin ah ka zawng hut hut a khatiang mai mai ah kei ang professional lutuk hi ka buai tur ani lo asin. President lah a vawikhat nan a hnathawk te chungah a thinrim em em lehnghal chupawh kan zawngsena vang vek kha.A rawn lan ve atang hian buaina hlir a thlen a ,naupang te te si khatianga awm tur pawh kha ani lo.
.
"Kath ... dinner"
"Dinner ei tur pawhin chakna ka nei tawh lo"
" Engthil nge thleng leh ta, khapa President fapa vang kha ami?"
" Maw!! Engtin nge i hriat?"
"nizanah i tawngvai nasa em alawm"tinge le ka rilru a awm apiang hi ka lo sawi chhuah zel a Liza in a hre leh vek tawh dawn anih hi.
.
" Nia, kha pa kha vawinah a tlan bo a tunah pawh kan la hmulo"
"a tlanbo a!! enge a chhan niang le"
" i thil ei lai chiah kha ngaihtuah rawh, chutiang zel zel ka hre bik lo" ka lo ti hmuk a, diktak chuan hepa avang hian President lakah ka mark a chhe vek thei takngial dawn.
" mipa chanchin han sawi ve hlek ila i thinrim nghal tun zel, bialpa i neih ve pawhin an then zel che hi"
.
"khangte kha chu min then vang pawh anih loh kha"ka lo ti chuai raih a.
"a then reng che kha a fawp dawn che a i lo hnek vang anih kha chu lo pawh Timothy pawh khan"
"ka pawh rul sa tui ka tih thu ka sawi vang anih kha...ughhh.... sawi tawh lo ang" message ka dawn avang chuan ka phone chu ka en nghal vata.
"Kan lalfapa chu an hmu tawh anih chu" ei loh hmel deuh chuan ka ner nang a,ahh.. ka ei lo tak tak hetiang ang mihausa fa nih te chu mi tamtak in an chak laiin ani ve tlanchhiat dan ringawt a lo ngaihtuah a ala chak lo ang.
.
"khatiang mipa hmeltha lutuk hausa bawk si kha Kath tha tihna i nei ve miah lo ami?"
"Ngawi hmak rawh"
"ka ti tak tak, min lo tihpui daih la"
"Liza! naupang ala nih saw, nangte chu nula senior"
" ka nihna ang bawl bawl in min ko kher lo la, mawh...a takah vawikhat tal ka hmu chak"
" bialpa i neih kha ,ka mu dawn" tih pahin ka roomah ka lut nghal a,ka rilru a nuam huai mai .Hmu lo ta se chu tumahin President kan hnu ngam dawn si lo .
_____________________________________
.
" Kath President in a hmu duh che" Mr.Wine an a rawn tih chuan ka thinphu chu a rang nghal zawt mai, ka hlauthawng takzet ani.
" Awle" Tih pahin President office ah ka chho nghal vata,kawngka bul ka thlen chuan ka thaw halh a.Tun ang hunah tinge president hian min hmuh a duh le, nimin thil thleng vang kha ani ngei ang .Ka thaw hak a muang changin kawngka chu ka hawng riai riai a tlan chhuah leh daih mai chu ka duh ani.
.
" Kath...lo thu rawh" ka rin loh lutuk in min lo nuih sanga, thu tura min kawhhmuh na ah chuan phur lo fahran hian ka han thu zal zal a.
"Enge ni ta?" ka lo ti vata ,ka aw te pawh a khur vek tawh.
" coffee i duh em?"
"duh lo e, ka lawm e"President chu a hma aiin a han in ti thu tak deuh a.
"i hriat angin ka fapa hi a awm tha duh lo in thu a awih lo em em a, mahse heng thil hi min huat avanga a tih mai chauh ani, aw... a nu awmdan kha hria se chu min haw lo tur"
.
" a pawi ka ti lutuk" engthil chiah nge sawi a tum ngaihdan pawh ka nei lo mahse President hian min rin tawk em avangin heng thil hi min hrilh ani tih erawh ka hria.
"anu khan drugs nasa taka a tih avanga inthen kan ni a ,anu heti ve mai anih avang hian court ah ka fapa hi laklet ka dil a mahse kum20 a tlin hunah chiah ka bulah a awm tur thu in thutlukna an siam kha ani a,ka fapa awmdan ka hmuh hian ala tlai lutuk in ka hrelo chuvangin amah siamthat nan chuan engpawh ka ti ang" .

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 27th, 2016, 4:22 pm

Ka lu chu ka lo bu nghat a, han sawi leh tur pawh ka hrelo.
" Kath....Dj bodyguard ni la ka duh ani"
"engmaw!!" ka phu zawk a ,ka hawi chhuak nghal vata.
" ka ring tawk che ani ka fapa siam tha tur hian ka ring tawk che "
"tinge kei kher?" ka hreh lutuk hi sawi vak ngaihna pawh ka hrelo.
"ka fapa hian hmeichhia a khawih ngai lo chuvang chuan i lak atang chuan a tlanchhuak hauh lo ang,i chungah rinna ka nghat ani,Kath ka ngen a che min pui rawh" ka hrethiam lo takzet ani,kei heti ve mai hi ka ni a Hepa siam tha tur hian engmah theihna ka nei lo.
.
" Ka siamthat theih nan engthil nge ka tih ang?" President ngenna hi kei tehlul hian engvangin nge ka lo hnial ang.
"Ka fapa hi khuahkhirh na khauh tak hnuaia enkawl angai a chuvang chuan hun bi nei thlapin thil a ti tawh ang.Tlaiah class ban velah kan company in enkawl dan hi a chhiar ziah tur ani chuan zanah Tagalog a thiam loh avangin tuition a la ang.Weekend apiangin hnuchham inah ikal pui ziah tur ani,Nu leh pa ala neih avanga a vanneih zia a hriat thei nan.Pawisa a hman tur pawh fix thlap ani anga nitin in suit a ha bawk ang"
.
" mahse chung thil chu engtin nge ka tihtir vek theih ang?"
"ka fapa chu ka lo bia ang, chhun zan zawmin i veng chawt angai dawn a weekend ah lah i chawl hek lo ang mahse i hlawh a let thumin ka ti pung ang" ka meng phawk nghal kawk a.Pawisa ! Pawisa chu chiah chu ka rilru ah a awm tawh.Pawisa a awm dawn phawt chuan engthil pawh ka ti duh ang chu, Highschool ka kal lai pawhin Kath pawisa-i min tih thin reng kha.
.
" Naktuk zanah Dj a lo let lehna lawmna party a awm dawn a engkim hi a kal dik thlap ka duh ani , i thawmhnaw hak tur pawh ka rawn thawn ang tha takin le Kath...i kal thei ang" a tih chuan ka tho vata.
" ka ti hnual hauh lo ang che" tih pahin president chu ka chhuahsan nghal a.
.
_______________________________________

Party na a kal tur chuan ka inpuahchah mawlh mawlh a,Ka sam chu zial tawm a president kawr rawn thawn kawrfual var chu ha in nalh ka inti ve hle ani mahse ka zam takzet President duh angin lo thawk ta lo ila engtin nge min tih ang ?. Ka veng tur lah hi mi namai lo tak ani bawk si,zanin atang hian ka hna ka tan dawn a enge a an dawn ilo thlir phawt ang.
.
" Lalpa...i fanu duat lai hi min pui hram teh" ka ti sap a.
"Kath...hmanhmawh rawh...Lalfapa kha i hruai ala ngai dawn nia" Lisa chuan min rawn ko tuarh tuarh a.
"Lalfapa ti ve ziah suh ramhuai anih saw" ka zam bawk nen ka lo ti vin hluk a.
.
"i chhelo lutuk.. cinderella ang mai alawm i nih ...tha deuh in aw" ka hnungah chuan a rawn beng thek thek lehnghal.
"zam suh insual i thiam a, chemte vawm thlengin duhthu sam hetiang kawrfual nen pawh hian tha takin i thawk thei ang tih ka hria, a hma ang khan" Liza thusawi tawh ah chuan ala tha ve ber awm e.
.
" ka lawm e" tih pahin ka kuah a.
" hei i clutch ,a chhungah i mamawh tur ang pawh a awm ania, i tih tur chu i hriat kha" tih pahin clutch chu min rawn pe a ,ka lu ka lo bu nghat a Dj chu party na a hruai turin ka tlan nghal vang vang a ka hruai chhuah theih ngei ka beisei.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)