AGONY:Don't let me go by Remruati Bawitlung (Haylor) (Completed)

[Ngaia]

Chapter-54
.
"Raven...zinga i awm dan ang chiahin ka awm anih kha chuan hrehawm i tih ang tho khan hrehawm ka ti ve tho asin "zaidam tak chuan ka ti sap a.
"Kan inkar ah hian thuruk awmlo se ka duh ngatinge ka lakah hian i zep leh tlat thin ,i hria em vawin nileng in hlauthawng reng reng in ka awm reng asin ,ka ngaihtuah lutuk che a engmah pawh ka ti thei lo"
"tih hlauhthawn che ka duh loh vang zawk ani mahse engkim ka hrilh vek ang che tiang hian awm tawh suh " tih pahin chair ah min thuttir a, ani pawh ka bulah chuan a rawn thu vata.
.
" Calvin police kut atangin a tlan chhuak a " ka hriat tawh hnu anih avangin mak ka ti lem lo .
"Hotuten man turin thu min pe a mahse ka buaina zawk tak chu tlan chhuak tura pui tu chu Regina ani "
" maw!! eng... engtin nge chu chu a thlen theih " ka lo ti vata
" ka hre bik lo mahse Regina leh Calvin hi an thawkdun anih hmel mahse vanneih thlak takin Regina in kan inkar hi a hre lo hlauh"
"anih chuan Calvin chu in hmu ta em ?"
" aih... mahse kan hmuh vat ka beisei "thil dang daih ngaihtuah niawm tak chuan a melh ngai chu a melh vung vung a.
.
"umm... engkim a tha leh vek mai ang, chaw ei tawh ang " boruak tih zan nan chuan ka lo ti vata.
" Norah... "
" umm... "
" ka lawm e "
"engvang chuan maw!! "
" ka kianga i awm reng avangin "
" hetiang hian awm suh "
" Ani a lawm...nang hian nun hlutna min zirtir a, nang ka tawng che hi ka vannei takzet "
" ka hmangaih che mahse zep ruk a awm tawh tur ani lo"
" ka tiam a che engkim ka hrilh vek tawh ang che... chuan nasa takin ka hmangaih che"min rawn fawp zeuh a.
.
_______________________________________
.
1 month later.
.
Thla khat chung Raven nen kan lo chengdun ta reng mai,a hma aiin kan inhmangaih zual emaw tih mai tur hian ka hlim in a hma aiin ka inpawh zawk. Calvin pawh an la zawng renga mahse thawm engmah hriat tur a awmlo thung.Pi Regina pawh Spain ah a awm avangin a chanchin engmah hriat zui tur a awm lo.
Raven avangin biakin ah pawh ka kal phah fo a, Raven an min hruai ziah thin mahse ani erawh biakin chhungah a rawn lut ve duh ngai lo.Kan in exam a hnaih tawh em avangin ka tang ngawrh hle a ka inpuahchah nasa hle bawk , zan ka mengrei chang pawhin mut chhuak chung chung in min lo menpui ve tang tang thin a, a chang leh ka lehkha mamawh te min buaipui saka chuan eitur min siamsak ziah bawk. Khawiahmah chhuak lo in min awmpui deuh chawt ani.
.
Ka chhungte nen pawh kan inbe fo a mahse ka û nen erawh kan inbe ngai meuh lo a chhanchu ka call a pickup duh loh vang ani mahse Travis chanchin Stephen ka zawt ziah a a dam thu leh a hna lama a kal tluan thu ka hriat chuan ka hahdam huai thin,pi Regina awmlo mahse pu Cambelo te inah kar khatah vawi hnih bak ka kal ngai lo mahse Raven an min hriatpui vek thung. College ah Stephen nen kan inzui deuh chawt a, Veronica pawh a bo hmak. Raven nen erawh fimkhur thu ah tiin inhre lo ang maiin kan inkal pel hmak hmak thin Stephen chauh kawm turin min hrilh ziah thin mahse zan tin Stephen a thik ziah thung, a naupang chhia takzet.
.
" Norah... i tlai dawn ania hmanhmawh rawh"Raven chuan bathroom chu a rawn beng dawt dawt a, darthlalang chuan ka han in en vang vang a ka men rei thin vang nge mawni ka chau in dark circle ka nei kalh bawk. Ka hmai chu ka han phih thuak thuak a bathroom atang chuan ka chhuak vata.
"i bag ka pack vek tawh kal ang le " tih pahin ka bag chu min ken saka inhnuai lamah kan chhuk thla dun nghala
" Norah i tha maw!!? " ka awmdan chu a hai bik hauh lo.
" aw... tha e... ka menrei vang aniang " za lo zet hian ka lo nui suk a.
" umm... in exam leh tur ala hla bawka zanin chu hahchawlh nan i hmang anga i tha leh vat mai ang "
.
Car kawngka chu min hawn saka ka lut nghal vata. Ani pawh rawn lut in kan tlai tawh bawk nen chak zetin a khalh chhuak nghala
College kan thlen chuan ka tlai lo hlauh.
" lo chhuak duh suh " ka ti vata.
" mahse... in exam ni hmasa ber te ani si a "
" Raven... fimkhur a tha zawk midangin min lo hmuh khan a tha lo zawk "
" hreptak chuan... Norah, Calvin a awm tawh loh hi engmah a hlauhawm tawh loh ka tih tawh kha, engchen nge kan inkar hi ka thup dawn "
"mahse kan inthlahdah thei chuang hleinem "
.
" awle... awle a tha e " a ti vin hluk a.
" in exam dawn hi inhauh buai ka duh lo " tih pahin ka bag chu min rawn pe a.
" tha deuhin i chhang dawn nia " ka hmuiah chuan a rawn fawp zeuh bawk.
" awle "
" hetah ka lo nghak reng ang che "
" umm... lo va inti thawveng rawh nizanah i mengrei a zingah i tho hma leh bawk sia "
" hahh.... ka lo nghak zawk ang che "
"ok.. anih chuan ka kal,ka rawn let leh vat ang "
" good luck" car atang chuan ka chhuk vata ,muang changin exam hall lam ka pan nghala

Ka chhan zawh veleh engmah tikawi lo in Raven awmna lam panin ka kal nghal hlawk hlawk a ka rin ang ngeiin a car chhungah chuan min lo la nghak ran mai .Kangka ka hawng chiah chu thawm ka dim nghal hle Raven chu tui taka alo muhil sak sak lai ka hmuh chuan ka nui suk a .Ni e, a thawkrim em ani ka buai ai zawng zawng a buai veka zanah a mut mang loh mai bakah engkim a tih vek avangin a chau ve ngang aniang. Thawm dim thei ang ber chuan ka lut zal zal a ka thu tha chiah tih chuan ka phone a rawn ri ta mai!! tihharh ka hlauh em avang chuan en pawh en lo in ka hmet tawp nghal vata mahse a rawn harh ta tho .
.
"Ughhh... i zawh na a rei tawh em? "ham bai bai pahin tho phang aw zet hian a rawn ti a, a thawh hlim pawh hian a hmeltha tho anih hi .
" ai... rei lo e ka zo chiah "
" i chhang tha em? "
" ughh.. aw tha " ka nui suk a.
" anih chuan lunch tui deuh kan ei thei anih chu " a rawn khi suk a.
"nia... khawiah nge kan kal ang? "
"i hre mai ang " tih pahin a khalh chhuak nghala.
.
Kan tlan laklawh lai chuan ka phone a rawn rik avang chuan ka phone chu ka la chhuak vata.
"pu Christopher maw!! " ka ti sap a, Raven chuan min rawn melh zeuh a mahse engtin mah min tih loh avangin ka pickup nghal vata.
" Hello"
"Norah... " pu Christopher phone atangin hmeichhia in min rawn bia amaw!! a aw atang chuan thil diklo a awm tih ka hrenghal.
" Tunge i nih,? khawiah nge pu Christopher"
" Norah... Thomas a awm tawh lo " a insut ri hraih a.
" maw!! "
.
" Tunah an vui tep tawh, khawngaih in Raven rawn hruai hram ang che " tih pahin phone chu a dah nghal daih lehnghal.
" Hello... hello " ka phone chu ka en nghal vata
*pu Christopher-7 misscalls" tih ka hmuh chuan ka meng phawk nghal kawk a
" Raven.... kan...kan let angai " ka ti bah nuai a
" kan thleng tep tawh "
" Raven... tunah i pa an vui dawn kan let angai " ka ti tuarh a,Raven chuan car chu a tiding chawt nghal a, a khalh chak lai tak ani bawk nen hma lamah kan bu nghal pawp a.
.
" Engmaw!! " Raven hrilh hai hmel ka hmuh chuan ka khawngaih lutuk .Ka mittui a rawn tla nghal zawih zawih a.
" i... ipa an vui tawh dawn... kal nghal ang "
" aih... ka. ka duh lo"
" Raven... luhlul tawh suh ,i pa i hmuh theihna hun huhnung ber anih tawh hi "Raven chu a ngawi renga, a hmel a lungngaihna nasa tak hi ka hmuh hmaih hauh lo mahse ngatinge luhlul ala chhuah fo ni.

Raven kutah chuan ka han hum vang vang a.
"i pa i enkawl theilo tih ka hria mahse atana i tih theih hnuhnung ber chu thlahna thuchah sawi ani " ka ti sap a,ka mittui chu ka hruhul vata.
" Raven.. khawngahin kal ang " ka tih chuan a steering chu a han hum vang vang a, thawk lak hak pahin a engine chu tinung in thlanmual lam pan chuan kan kal nghala.
.
Kawng lakah te chuan tap lo turin ka indang hram hram a a chhanchu Raven tih chiai ka duh loh vang ani. Lehlam hawi pahin ka mittui ka hruhul leh zeuh thin a. Mihring hian kan hma hun kan va hrelo tak em engvanga pu Thomas hi boral thut nge maw anih le ka hrethiam lo takzet.
Thlanmual kan thlen chuan ka chhuk thla vata mahse Raven erawh a thu tlat thung .
"Raven kal ang "
" lo... lo va kal rawh "a tih chuan ka bu nghata,tih luih emaw tih buai emaw ka duh lo a duhthlanna ngeiin a pa hi thlah se ka duh ani .
.
Pu Thomas an vuina lam chu ka pan vata, kuang bulah chuan pu Christopher leh Stephen chu an lo ding kun lapa an bulah chuan ka va ding ve vata.
Ka insum thei tawh lo ka mittui chu a rawn tla zung zung a, nichinah khan call kha lo la ni ila chu hei ai hian thlahna hun ka ngah deuh tur.A fapa lah ka hruai thei bawk si lo ka inthiam lo takzet. Pu Thomas an vui zawh thleng chuan ka awm ve char char a mahse ka enkawl that tawk loh avang erawh chuan ka inthiamlo takzet.
.
" Norah... ilo kal chu a tihzia hle mai " pu Christopher chuan a rawn ti chhang raih a.
" pawi ka ti lutuk ka thiamloh vek ani ... "
" nilo... i thiam loh ani reng reng lo, Stephen Norah hi va hruai haw ta che "
"awle" Stephen chuan a lo ti sapa, Stephen pawh chu a mit a sen ram a a tuar hle tih a hriat theih , Regina erawh hmuh tur a awmlo thung. Pu Christopher a kal liam hnu chuan pu Thomas thlan chu ka en vang vang a.
" mangtha le, pu Thomas i fapa ka rawn hruai thei lo a min ngaidam ang che"
.
" Norah... in thiamloh na tur a awmlo Raven chu a rawn kal alawm " Stephen a melh na lam chu ka en phei vata Raven kal liam chiah lai ka hmu hman, ka meng phawk nghal kawk a
" Raven... " tih pahin umzui ka tum a mahse Stephen chuan min lo dang vata.
" amahin awmtir zawk rawh" Ni e, Raven hian hunthawl a mamawh ang chuvang chuan ka tibuai tur ani lo.
" Norah... lo kal rawh ka thlah ang che "ka lo bu nghata
.
Stephen nen chuan Secret palace lam chu kan pan nghala inbiak pawh kan tum lo .Thu dun mah ila kan ngaihtuahna chu hmun dang daih ah a awm thung.
" Stephen Hostel ah min hruai thei angem " engvanga hostel a kal duh thut nge ka nih pawh ka hrelo.
" maw!! "
" khawngaih in "
" awle" a inturn nghal pawp a, hostel lam pan chuan a khalh lehnghala.
.
Hostel kan thlen chuan mipui lo awmkhawm laih laih ka hmuh chuan thil engemaw a thleng tih ka hrenghal mahse ka bengkhawn lemlo
" Norah... kal chu i duh tak tak maw? "
" umm... " kawngka min rawn hawn sak a ka chhukthla vata.
Hostel chhung ka lut tur chu Mipui zing atangin pakhat in Raven a ti ri ka hriat chuan ka beng a verh nghal zar mai, hmanhmawh lutuk in mipui karah ka inhnawh phei nghal tawn tawn a, ka thil hmuh chuan min thawng takzet ka meng phawk nghal kawk a

[Ngaia]

Chapter-55
.
Raven an Travis hmaiah tak a hnek lai ka va hmu chiah chu ka te nghal thawt a!! Travis chu leiah a tlu hnawk a, a hmai a thi hnuang bawk a landan ah chuan sawisak hrep tawh tih a hriat theih.
"Raven...duhtawk rawh... ka û " tih pahin Travis bulah chuan ka thingthi phei hnawk a, Stephen pawh a rawn tlan nghal vat.Travis chuan theih leh thei lo hian min rawn melh tawk tawk a, ka hlauthawng bawk nen tanpuitu ka zawng nghal ruai a engmah ka ngaihtuah thei tawh lo,
" Stephen... damdawiin ah hruai ang " ka ti nghal tuarh a, Raven erawh hrehawm tih hmel takin min lo en reng thung chu chuan ka thin a ti rim takzet.
.
"Travis....i tha leh vat mai ang" ka ti sap a, Stephen chuan a kuah tho nghal lawp a a ban lehlam chu ka lo dawm ve vat bawk. Mipui heti zozai awm si in engvanga lo thelh lo nge an nih tih hi ka hrethiam lo takzet.Travis chu Stephen car seat hnung lamah chuan kan kuah lut vat a, ka thutpui nghal bawk.
Hmanhmawh zetin Stephen chuan damdawi in lam panin a khalh chhuak nghala
" ka û eng nge thil awmzia hi" a kut chu na a tih deuh avangin a ner leh sawk thin a.
"Ngatinge Raven khan a khawih che" ka han ti leh ngata.
.
"I room ah rawn kal ka tum a mahse midangin an lo luah tawh .....Norah Raven nen in cheng dun tih min hrilh miah suh " Travis chuan a rawn ti sapa, Stephen chu ka va melh zeuh a a lo bu nghata,Hetia Stephen a lo buk nghat na chhan chu Raven nen kan chengdun tih hi ka û hrilh mah ila a pawilo a tihna ani.
" ni e... kan cheng dun ani "
" maw!! " a sam chu a kut lehlam chuan a han tuai thuak thuak a.
" Lalpa leh... khapa thusawi kha alo dik chiah anih hi "
"Tu maw!! tu in maw hrilh che "
" Tuin nge min hrilh tih hi a pawimawh ber lo , Kha mi dukdak lo pa nen khan engtin nge in chengdun theih zawk "
.
" Damdawiin chu kan thleng tawh e " Stephen an a rawn tih chuan ka thaw nghal huai thei a chhan chu ka û hrehawm ti phun nawi ri hi ngaihthlak hrehawm ka ti takzet.
Stephen chuan Travis chu damdawiin chhungah a kuah lut nghala ,Sunshine hospital ani bawka Stephen an lo hmuh chuan nurse leh doctor te chu an phi buai vek hi ani ber mai.Travis chu an lo buaipui nghal sawk sawk a, X- ray leh eng eng emaw tih neuh neuh tur a awm avangin Stephen chuan min buaipui sak veka kei erawh lo thu mai mai tura min tih avangin ka û bulah chuan ka thu ran a.
.
Travis chu a ngawi renga, chung lam hawi chung chuan a han maimichhing leh vang vang a.A ban chu a chalah nghat in thawk a han la leh hak thin a
"Norah... "
"aw... ka û"
"enge maw min hrilh duh i nei em? " a zawhna avang chuan mak tih hmel takin ka lo en ha a ,Travis chuan chiang tak mai hian min rawn melh kalh a.
"aih... nei lo"
"Nichin a Raven an min sawisak nachhan kha i hre duh tiraw?"
"maw!! "
" umm.... diktak chuan in hostel atanga ka haw tur kha hostel kawtah kan intawk a "ka thin a phu rang kher mai.
.
" 'Heihi ka tih ngei angai' tih pahin ka hmaiah a rawn hnek nghal thuai mai a mahse khawih let ve ka tum khan ka thei tlat lo a chhanchu a mitmeng ah khan hrehawm tihna hlir ka hmu ani,a lan dan kha chuan loh theih lo a min khawih ni berin ka hria " ngaihthat loh hmel zet hian a mit ti zim san chung chuan min rawn en a keipawh ka ngaih a tha bik lo, keimah vanga intibuai turah ka lo ngaia mahse a lo ni hauh lo chhan dang a awm ani mahse chu erawh ka hrelo.
Thil dang daih ka ngaihtuah avang chuan ka melh ngai melh chung chuan ka ngawi vung vung a, Raven hi engvanga hetianga awm nge a ni tih hi rin dan pawh ka nei lo.
.
" Raven hi hlat la ka duh mi hlauhawm tak ani "
"mi tha tak ani zawk asin.... a lan dan chuan hlauhawm hle mahse a chhungril ah chuan mi dang tan a engkim a huam asin "
" Norah... "Travis chuan a ti nghal tuarh a
"ka thusawi hi hnial hauh suh ang che ... nangma tana tha tur vek ani " tu emaw in kawngka an rawn kik avang chuan Travis chu a ngawi nghal hmak a, lehlam a hawi hmak bawk .
" Result chu ka rawn lam nghal e ,kha kan damlo chu i chhuak thei nghal anih hmel ,rei deuh awm la ka ti asin " nuih vur vur pain file keng chungin Stephen chu a rawn lut nghala, ka û nen a kan awmdan chu hrethiam niawm takin fiamthu a rawn thawh nghal bawrh bawrh bawk.
.
"anih chuan engtin nge an lo tih " Travis chuan alo ti vata.
" i ban veilam ruh hi a khik mai bakah rit chawi lo turin an ti che ani "
" mahse.... "
" lungngai suh....he damdawi in na na na ah hi chuan lungngaihna tur a awm lo, hlawh ngai reng ila anga mahse i dam chian hma loh chuan hna i kal tawh hrih lo ang "
" hna thawk lo in Chutiang ringawt chuan ka... " a sawi zawh hma chuan doctor pakhat hi a rawn lut a.
"Norah... pawnah lo va awm ang, a na tuar lai ka hre peih lo " nuih vur vur pah chuan min rawn mitmei zeuh a.
" awle..." ka tho vata, Stephen nen pawnah kan chhuak dun nghala.
.
Kawngka ka khar chiah tih chuan boruak a dang nghal vek.
"Norah... Raven hi then turin ka ti lo ang che mahse i û hian a mamawh che ani " Stephen chuan a rawn ti nghal vata.
"ka hria alawm mahse tun dinhmunah hi chuan Raven hian min mamawh zawk....."
" hriatthiam tum teh... i û hi tiang ringawt hian i awmtir thei lo ang, saw a ban pawh a hman theih loh saw"
"ka û hi ka awmtir mai mai hleinem... a rilru ka tih nat sak tih ka hria mahse ka bulah a awm chuan ani pawh hi an tibuai ve vat anga sin... he thi ka humhim duh avang hian ka û hi tawrh tir ka duh lo chuvang chuan a hlat thei ang berah awm hi a him zawk "

"I û hian zantin i tan biakin ah a tawngtai thin asin.... Norah...Travis pawh hi a him tawh lo ania "
"Eng... engmaw!! "
"engmah ka hrechiang bik lo mahse enthla tu an awm niin ka hria chuvang chuan amaha awmtir chi ani lo "
"nilo... chutiang chu a thleng thei lo ang... ka û pawh nunna derthawng ah ka dah amaw!! ...nilo.. he thi avang hian mi engzat in nge tuar leh dawn ...Stephen engtin nge ka tih tak ang "
"ka hre bik lo mahse Travis hi a maha awmtir chi ani lo"
.
" Ngati maw keimah a awmtir chi ka nih loh? " Stephen nen chuan ka hawi phei rual nghala, kawngka bula ka û lo ding ran ka hmuh chuan ka meng phawk nghal kawk a.
" Tunah khan eng maw in sawi... dinhmun hlauhawm ah ka awm amaw? Chuan eng thi maw ven him ngaia?"
" Travis...."
" Stephen lo ngawi rawh... Norah min chhang vat rawh "
"ka.... Ka û "ka thusawi engkim a hriat avang chuan ka ding kun lap a
"Nizana ka thil hriat kha a dik ani maw!! " Travis an a tih chuan Stephen chu ka va en vata.
.
"Engchu maw i hriat? " Stephen chuan alo ti vat bawk.
"He thi hi " ka rosary awrh lai chu a rawn kawk a "Norah.... he thi hi ka nu pek che kha ani a mahse..... mahse nilo thudik ani thei lo ... "Travis
chu min hnung chhawn zawng chuan a ding daih a.
" nilo... thudik ani lo ,i nun hi derthawng takin a awm thei lo " phun sup sup pah chuan muang changin corridor ah chuan a kal phei a.
" ka û" umzui ka tum a mahse Stephen chuan min lo dang vat.
" Norah...keiman ka lo buaipui ang tunah chuan Raven nen engkim sawifel phawt rawh u "
"Stephen... ka lawm e, ka û min buaipui sak avangin "
"ka tih ve tur reng alawm, chuan in thleng thlah tur che in driver ka lo tir dawn nia " ka bianga rawn fawh zeuh pahin Travis chu a umzui nghala.
.
Ka chungah Stephen hi a that chhunzawm zel dawn chu anih hi. Tuna a awmdan ah hi chuan a nu thil tihsual min rulh tumna ni berin ka hria mahse mi tha tak ani. Ka û in engkim a hrechhuak vek ani tih a hriat tawh a mahse thuruk engchen hi nge a hriat tih erawh tumahin kan hre lo thung. Ka rilru a buai takzet, ka û ka buaipui a ngaih rualin Raven ka kalsan thei bawk si lo. Tunah chuan Travis pawh a him ta lo ,ngatinge heng buaina zawng zawng hi kan chungah a thlen tak mai le? Raven ka thlan in ka û ka kalsan angai a mahse tunah chuan duhthlang thei pawh ka ni tawh lo, ka beidawng in ka rilru a buai takzet.

Damdawi in kawt zawlah chuan muang changin ka kalphei chhat chhat a khua alo thim der tawh, ka awmna atanga hla vak lo ah bike ngheng chunga Raven lo ding kun lap ka hmuh chuan ka ding nghal chawt a, ani pawhin min rawn hmuh chuan a ding ngil nghal vat bawk. Ralkhat atang chuan ka en renga, Raven hmel ka hmuh hian ka lainat takzet ,a hrehawm ti hmel leh a beidawng hmel ka hmuh chuan ka mittui a rawn tla ngiai ngiai a.
*'Raven.. engtin nge ka tih tak ang? Ngang thlang che in ka û ka kalsan thei si lo,chuan ka kalsan thei hek lo che mahse ngangchu ila in venghim thei tal alawm tiraw? thutlukna siam hi harsa ka ti takzet mahse thutlukna feltak erawh ka siam vat angai bawk si '* tiin ka ngaihtuah a ,hetiang thu ka ngaihtuah ringawt pawh hian ka hnuk a ulh thei.
.
Raven chuan min rawn pan hnai vata
" i û chu a tha em? "
" Raven... inah kan sawi dawn nia haw phawt ang " tih sap pahin ka kalsan daih a ngawi rengin min rawn umzui nghala.In lam panin chak zetin kan haw nghala,kalkawngah te chuan ka rilru buai lutuk leh tawt lutuk chu au chhuah vak vak mai ka duh.
In kan thlen chuan alo thim thap avangin dim light zawk chu ka on ta zawka ngawi rengin ka bag chu couch ah ka thleh phei vata. Raven chuan ngawi rengin min rawn zui ve zela, a inrin loh lai tak chuan ka hawi let thut a.
.
" Engmah sawi a tum lo ami ?" mak tih hmel takin min rawn en ha a.
" ka û i sawisak nachhan kha sawi fiah i tum miah lo ami ?" Aw zaidam tak mahse thinrim tih hriat tak si hian ka zawt nawn leh ngat a.
" Norah..." inkuangkuah chung hian ka lo melh kar a.
" Nizanah Calvin an i û a hmu "
" engmaw!! "
" ni e...a tirah ka hre bik lo mahse midang in an lo hmu a Calvina hmuh tur a awm leh tak si lo avangin Calvin thurualpui ah ngaiin vawin khan i û hi sawisa turin thuchhuah an rawn siam ani"
.
"Ka û in Engkim a hre vek tawh ...Calvin an a lo hrilh anih ngei dawn chu "Raven chu a rawn meng phawk nghal kawk a
"Maw!! engkim a hre vek tawh maw!! I û ka sawisa kha ka duh vang reng ani lo, duhthlan tur dang ka neih loh vang ani. Ka sawisa duhlo ani tih a hriat vaih chuan that turin thuchhuah an siam ka hlauh avanga khatianga ti kha ka ni " .
" mahse ngatinge thuchhuah an siam khan min hrilh nghal mai loh... ngatinge Raven min rin theih miah loh"
" nilo... Norah chutiang chuan ngai suh "
"i rilru tinat ka duh hleinem... i û ka sawisak tur thu hrilh ta che ila engtin nge i awm ang "
"Kan pahnih in kan paltlang thei mai lo ami? ngatinge nangmah chauha tawrh i tum thin "
"min ngaidam rawh...mahse Norah i rilru tih nat ka duhlo ...ka hmangaih vang zawk che asin"
.
Ka hmuiah a rawn fawp nghal tawn tawn a kei pawhin ka lo chhang rang kher mai, thinrim na hlirin kan khat bawka kan indim lo dun hle. Raven chuan ka samah a tham tawn tawn a mahse nuam ka ti zawk, min fawp reng chung chuan ka thawmhnaw chu a phelh sawk sawk a kei pawhin a jacket leh a tshirt te chu ka lo phelh sak ve bawk.
Ka hnute a tham tawn tawn lai te chuan ka rum leh ham ham thin a, a thaw lum ham ham te chuan ka mamawh zia min hriat nawn tir nimai hian ka hria.
Ka nghawng leh ka dar vel te chu a seh ner ner bawk,banga min nawr beh pah chuan min pawm kang nghal lawpa ka taksa chhungah a rawn lut chiah mai chu ka au chhuak lo chauh
" Raven... "
" Norah... ka mamawh che,ks hmangaih che"
Rei lo te ah ka malpui chu a rawn khur der der a,kan zo der!! min dah thlak pah chuan min fawp lehnghal tawn tawn a
.
"Raven...tun atang chuan i thil tih tur zawng zawng min hrilh vek angai tawh lo ang " ka tih chuan min pawm kang lawpa, inchungah min pawm chho nghala
"i himna tur anih chuan engthil pawh ka ti ang... midang thah ngai pawh nise"
" nilo... chutiang chu ti suh " Khumah min muttir a, ka bulah rawn mu ve nghalin nghet takin min kuah bet a.
"engkim ka hrilh vek tawh ang che ,ka tiam a che " ka chalah a rawn fawp zeuh a.
" ka hmangaih che.... mu tawh rawh le, i chau lutuk ang" min rawn fawp leh vang vang a.
" keipawhin ka hmangaih che... mangtha le " ka mittui chu ka khap per fap a, mahse Raven an a hmu lo.
*****
Zingah hma takah ka tho a, ka inbual fai zawh hnu in breakfast ka siam nghal bawk mahse Raven erawh a la mu thung .Thawm dim thei ang berin inchungah ka chho a tui taka Raven mu sak sak lai chu ka en renga, a va han tha chiang tak em , hepa mipa hian min hmangaih ang tih hi ka ringpha ngai lo ,ka nui lui suk a.
"Raven mangtha le " ka mittui chu ka hru zeuh a ,ka tah chhuah hma in hmanhmawh takin inhnuaiah ka tlan thla nghala, pawnah driver in min lo nghak reng tawh avangin car chhungah ka lut vata.
" Raven... nangchu i in venghim thei mahse ka û chuan a thei ve lo " Secret palace en vang vang pah chuan ka ti sap a.

[Ngaia]

Chapter-56
.
Raven kalsan turin thutlukna ka siam chu ani der mahse chhungril ah ka na takzet he ka thutlukna siam hi awlsam taka siam mai theih a ni bik hauh lo. Nizan zankhua in ka inngaihtuah hnu ah Raven chu a in venghim thei chuvang chuan ka û hi ka ngaihtuah phawt angai tiin ka rilru ka siamfel ta ani.Tukverh lam chu ka en vang vang a ka mittui a rawn tla leh ngiai ngiai thin.
" Norah... i thei tur ani " tiin ka inhnem hram hram a, tah lo tum mah ila ka indang thei lo.
Minute 30 lai kan tlan tawh tih chuan ka phone a rawn ri tlang tlang a,Raven a nih ka ring nghal, muang changin ka bag atangin ka phone chu ka la chhuak zal zal a,ka rin ang ngeiin Raven ani.
.
Pickup lo in ka en ngur ngur a a ri tawp chiah tih in message a rawn thleng nghal ka open vata.
*" Norah... khawiah nge i awm? "* tih te chauh hi a rawn thawn, ka phone chu ka hum vang vang a, insut hraih pahin ka hmui chu ka han pet fan fan a .Ka rosary khawih niap niap pah chuan Raven hril hai tur zia leh a ngaihna a hriat loh tur zia ka ngaihtuah a ka mittui chu a rawn far leh fap thin . He ka thutlukna siam hi khua reiah ka inchhir pawh ka ring mahse khuanu hian duhthlan tur dang min pe miau hleinem.
.
Car a din chuan ka hawi chhuak vata ka û apartment kan lo thleng der tawh. Stephen ka call nghal vata.
" Hello"
"Stephen ka thleng tawh e ,car avang hian ka lawm takzet"
" umm... a that hlauh chu keipawh ka hman veleh ka rawn thleng ve vat ang "
" awle" tih pahin phone chu ka dah nghala.Ka û apartment zawn chu ka melh chho vang vang a, thawk lak hak pahin ka lut nghala.
Corridor a ka kal lai te chuan engtin nge ka awm anga eng thu nge ka sawi hmasak ber ang tih ka ngaihtuah nasa hle.Kawngka bul ka thleng chuan ka ding chawt a
"in ti pachang hram hram rawh " tih pahin kawngka ka hawng nghal thuai a.
.
Travis chu couch ah thu in alo indawm kun lap lai ka hmuh chuan ka pan hnai nghal vata. Thawk lak hak pahin min rawn melh chho vata za lo zet hian min nuih suk bawk.
" Bawihte....i lo kal ani maw!" a rawn ti tham tiak a, a bulah chuan ka thu vata.
" Breakfast i ei tawh em? " ka lu ka lo thing nghat a.
"Ka û ... " Engmah ka sawi hman lo a tho thut a.
" Breakfast ka siam ang che " tih pahin kitchen ah a phei daih ,ka zui nghal vat bawk. Ka û awmdan hi a mak takzet hahdam na riau a nei nimai hian ka hria.
.
Thei leh thei lo chuan chhawngthawp ah butter a tat sawk sawk a
" i kut hi dim rawh.... ka lo pui ang che " tih pahin ka chhuhsak vata. Chair ah thu nghalin ka thil tih lai chu alo en renga.
"Nizan zankhua in ka ngaihtuah a ka nu thih dan te, kha thi avanga dinhmun hlauhawm a i awm dan te leh Raven an a venhim dan che te... " ka thiltih lai chu ka tawp chawt , mak tih hmel takin ka en ha a .
"Stephen an chiang zawkin min hrilh vek alawm... khapa Calvin an engkim min hrilh khan dawt ni turah ka lo ngaia mahse engkim hi a tak vek ani. Movie te pawh a ang hial zawk "
.
" Û pawi ka ti lutuk mahse tihtawp dan a awm lo " chair a thut pah chuan ka ti sap a.
" ni e... kan nun derthawng taka a awm hi ka ring pha ngai lo khang thuruk inthup zozai te kha "
" nilo...tun atang chuan thlamuang takin kan awm tawh ang,ka pa bulah kan haw anga ahma ang khan engkim siam that leh vek ka duh ani "
" Norah... enge i sawi awmzia?" Travis chu a hlim loh hmel takzet.
"Stephen an kan haw na tur min buaipui sak vek dawn a chuan naktukah kan haw ang "
" Enga? " a ding thut a,
" Ka û.... haw kha i duh ani lawm ni " ka lo ti ha a.
.
" Mahse engtin nge Raven hi ni dawn? " ka û thusawi hian min thawng takzet, a vawikhat nan Raven hi a ngaihtuah ve takzet tih ka hre thei.
"Raven chu ka kalsan tawh ...û i thu ang zelin ka awm tawh ang " kun lap pah chuan ka ti chuai raih a.
" Engmaw!! "
" Raven nen kan inthen kha i duh ber ani lawm ni mahse ngatinge tunah tiang hian i awm leh si "
" Norah... engkim ka hrethiam vek tawh Raven hi i chelh tlat tur ani, ani chuan a venghim ang che "
" i ti tak tak em? "
" ti tak tak e " min rawn nuih suk pah chuan min rawn kuah nghal thlawp a

" Û ka lawm e... " ka ti nghal mawlh mawlh a ka hlim lutuk chu tah chhuah hawm hawm mai ka duh .
"mi tha tak ani tih ka lo hmuh hmaih thin a mahse ani khan a hmangaih takzet che tih ka hria .Eng dinhmun ah pawh ding la ani chuan a kalsan ngai lo ang che "
" Mahse....ka pa"
"Engmah buaina tur a awmlo... ka pa pawh keiman ka lo hrilh vek mai ang, a hrethiam ve em em ang che " Travis chu a aia nghet in ka han kuah leh sauh sauh a
" Raven kan hrilh vat ange " tih pahin ka phone chu ka la chhuak nghal vata .
.
Raven chu ka call ngial pawhin a pickup thei lo, ka message lah a chhang thei bawk si lo
"A pickup thei lo " ka phur lutuk chu ka kut te a khur vek tawh.
"keimah ngeiin kan hrilh ange " tih pahin a jacket couch a a dah chu la in Chhuah nghal mai a tum a mahse a rawn leh hawi leh hram a
" Thlamuang deuhin lo awm rawh, ka hmangaih che ..ka rawn let leh vat ang "ka chal a fawh zeuh pah chuan hmanhmawh zetin a tlan chhuak nghala.
" Û rawn let leh vat ang che " ka hriat tawk lek chuan ka ti sap a.
.
Ka hlim lutuk hi awmdan pawh ka thiam lo, ka û in Raven a biak chuan engkim a tha leh vek dawn tih chu a chiang reng.Buaina tamtak awm mahse inngeih taka kan awma kan tanrual phawt chuan tu mahin min ti na thei bik lo ang. Phur takin thleng chu ka sil sarh sarh a, ka û leh Raven an rawn haw vat ringin in chu ka tifai nghal mawlh mawlh a, chhuat te nawt in engkim hi a tha thei ang berin awmse ka duh.
In ka tihfai zawh chuan ka han hawi kual vela ka duhthu a sam hliah hliah. Sana ka en chuan tlai dar3 alo ri der tawh. Ka uluk bawka a tlau hma hle mai .
.
Ka û ala rawn let loh avangin a rawn haw hma tiin chawhmeh lei tur chuan hmanhmawh takin ka chhuak nghal dawr dawr a ,dawr awmna hi a hla ve si a ka kal hlana an rawn thleng ka hlauh avangin ka hmanhmawh kher mai. Dawra ka awm lai te chuan sana ka en seka ka phur tawh lutuk chu ka khi sang reng mai.
Hmanhmawh takin ka let leh nghala mahse khua in min thim hnan ta tho, ka û alo haw tawh ring in phur takin inchhungah ka tlan lut a.
" Ka û..."ka han hawikual vela.
" Raven.. " ka han ti leh a mahse a reh thap.
.
Ngaihtha deuh chuan rawng ka bawl nghal sawk sawk a,rawng ka bawl lai te chuan ka zai rat rat a, Raven hlim dan tur zia ka mitthla te hian ka khi leh ver ver thin. Dinner ka buatsaih zawh meuh chuan dar7 alo ri der tawh mahse ka û hmel reng hmuh tur a awmlo. An rawn haw hun nghak chuan ka vei seka, an rawn haw har ta lutuk chu ka ngaih a tha lo tan.
Sana ka en chhen a ka awm hle hle thei tawh lo. Ka û leh Raven te chu ka call bawk a mahse an pickup thei lo .
.
Dar 10 a rik meuh chuan ka rilru a hah tawh hle, engthil nge thleng engmah ka hre bawk si lo .A chang leh apartment kawtah te ka lo nghak a a chang leh corridor ah mahse an hmel hmuh tur a awm chuang lo.
Rilru hah taka ka lo indawm kun reng lai chuan doorbell a rawn ri ta thut mai!! ka hawi chhuak vata.
" an rawn haw har emai ka lo thinrim der vak ang " tih sup pahin phur takin kawngka ka va hawng vata. Mahse ka nui tawp chiang kher mai.
" Stephen... nang maw!! "
" mak i va tih hmel ve... kei lo rawn kal tur an awm ami "

"Umm... rawn lut rawh" za lo zet hian ka lo nuih suk a.
" Khawiah nge Travis" couch a thut pah chuan a ti a.
"ka... ka hrelo " mak tih hmel zet hian min rawn melh ha a.
" Hna a rawn kal te anih ka ring hial... zingah Raven be turin a chhuak kha ala rawn let leh lo "
" Engmaw!! " a ding nghal zawt a. Stephen awmdan ka hmuh chuan ka hlauthawng nghal ringawt.
" Dar11 a ri tawh a tun thlengin enge a tih ang?"
"
"Stephen... i awmdan hian ka ngaih a ti tha lo ania" .Ni e, Stephen hi a hlauhthawn hmel takzet, a lan dan chuan thil engemaw a thleng te pawh a ang.
.
" khawiah mah lo kal suh ang che " tih pahin a chhuak nghal daih a,
" Khawiah nge i kal dawn? " tih leh tlan chhuah ka rual ve nghal a.
" Norah.. ka rawn let leh vat ang, hetah hian lo awm la lo chhuak miah suh "
" nilo... Stephen ka rawn kal ve duh "
" a hlauhawm lutuk... "
" ka hlau hleinem... thil tha lo a thleng chuan engkim hriat ve vek ka duh " ka lo hnial zel avang chuan Stephen chu a ngawi vung vung a.
" awle... mahse ka sawi apiang i ti ang tih min tiam rawh " a tih chuan ka lo bu nghata ,car ah lut in a khalh chhuak nghala .
.
" Stephen... khawiah nge kan kal dawn? "
" Secret palace ah " zawhna ngah hle mah ila ka ngawi ta zawka.
" Tunah Raven awmna kan hriat vat angai.... Norah, Travis leh Raven kha lo call char char rawh kan biak pawh ngei ngei an ngai"
" awle... " ka hlauthawng lutuk chu ka duh ang pawhin ka che tha thei lo.Ka û leh Raven te chu ka call tluk tluk pawhin an pickup thei lo.
" Stephen... an... an pickup thei lo " Ka kut a khur nasat lutuk avang chuan Stephen chuan ka kut chu a rawn hum vang vang a.
"thlamuang deuhin awm rawh... engmah a thleng dawn lo " a rawn ti sap a .
.
Tukverh lam chu ka en vung vung a, thawk kan la leh hak thin a. In beng daih tumin ka kut chu ka han hum vang vang a mahse ka awm a nuam thei lo, ka û leh Raven chungah engthil nge thleng ta ang? Lalpa min pui hram rawh .
Secret palace kan thlen chuan hmanhmawh takin inchhungah kan tlan lut nghala. A lo thim vek avang chuan light on pahin inchungah ka tlan chho vata
" Raven... Raven " room tin ah ka en kual a Raven hmel reng hmuh tur a awm lo . Inhnuai ah ka tlan thla leh vata
" Inchungah a awm lo "
" Inhnuai ah pawh a awm lo " Stephen chuan alo ti ve bawka, zinga ka breakfast siamsak pawh ei loh in a ngai ngai in ala awm chutah zet chuan ka hlauthawng ta kher mai.
.
" Khawiah nge a awm tak ang? "
"A nu thlan ah kal phawt ang " Stephen an a tih chuan hmanhmawh zetin Car ah lut in thlanmual lam panin chak zetin kan tlan chhuak nghala.Kalkawng ah te chuan ka awm hle hle thei tawh lo ka che sek a Stephen pawhin min hrethiam anih ka ring min thlamuan char char bawk.
Raven nu leh pa thlanah kan kala mahse a awm chuan lo, Hostel ,club ah leh Cambelo chhungkua inah kan en bawka Raven chu sawi loh ka û chinchang takngial pawh hriat tur a awm lo. Ka beidawng lutuk chu ka tah te hi a chhuak ngawih ngawih.
.
" Khawiah nge an awm tak ang? "
" ka hre tawh bik lo zan a rei tawh si a kan haw phawt mai dawn ami? " Chinchin engmah hre lo a hawsan daih chu ka hreh ve bawk si.
Chutia beidawng taka ka awm lai chuan bike pakhat hian min rawn tlan pel fua a.
" kha... kha bike kha Brandon ani chiang lutuk ...umzui nghal ang "
Hmanhmawh zetin Stephen chuan car engine chu a tinung nghala.
" Norah... taxi ka lak sak ang che lo va haw rawh a hlauhawm lutuk "
" khawiah mah ka kal dawn lo "
.
Ka luhlul ka chhuah ve tlat avang chuan Stephen pawhin tihngaihna a hre bik lo,
" A nih leh le " tih pahin bike chu chak zetin a umzui nghala.Bike chu umpha lo viau mah ila ralkhat atanga kan hmuh chhung zawng chuan kan um ve ngar ngar tho.
Reife kan umzui hnu chuan hmun pakhat hi kan thleng hlawl mai.
" Norah... car ah hian lo awm ang che "
" mahse... "
" i chhuak lo ang tih min tiam rawh " a lo ti vata ka hlau ru deuh bawk nen car a awm chu a him zawk ringin ka lo bu nghata.
" ka rawn let leh vat ang " ka sam a rawn chul pah chuan Stephen chu car atangin a chhuak nghala.
.
Sana chu ka en renga Stephen chu minute10 lai a thang tawh a rei tawh takzet.Ka han hawikual vel thin a a thim in a reh thup mai bawk si.Ka ngaih tha lo chu car atang chuan ka chhuak ta ringawt a. Stephen an car ah lo awm reng ang che a tih kha ka hrechhuak leh thut a, car ah luh leh ka han tum leh zet a
"Ka en thuak thuak anga ka let leh vat ang " ka ti sup a. Ka awmna lai vel chu ka han en kual vela lawng a tam em avang chuan lawng chawlhna hmun a ni tih ka hrethei nghal.
.
" Ka let leh vat ang " tih sap pah chuan ka kal thui telh telh a .Ka kal thui tawh bawka let leh na ka hre ta hauh lo, ka hawikual nghal ruai a kawng inang a tam em avangin kawng ka bo der.
Stephen chu ka call vata mahse a pickup thei lo, let leh thei ngei inbeisei in ka kal kual zela ka bo thui tulh tulh nimai hian ka hria.
Vawileh khatah ka awmna atanga hla vak lo ah silai a rawn puak ta dur mai. Ka ding nghal chawt a, ka meng phawk nghal kawk bawk.
.
Vawithum a rawn rik takah chuan thawm rawn chhuahna lam ah chuan ka tlan phei vata, ka thil hmuh chuan min thawk takzet !!ka hmui hup pahin ka te nghal thawt a .
" Ka û.." Travis chu leiah a tlu thlawp a, Travis silai in an kap anih chu!!! a kaptu chu tudang nilo in Raven ngei ani bawk!! Raven chuan silai chu chhuatah thlauh thla in a thingthi nghal hnawk a.

[Ngaia]

Chapter-57
.
Engma ka ngaihtuah thei tawh lo Travis bulah ka tlan phei vata, a lu dawm kang nghal in ka malpuiah chungah chuan ka muttir a, an kahna ah thi a chhuah nasat em avangin thi rawn chhuahna chu ka han hup sak vata.
" Ka... ka kah ani lo "Raven chuan a rawn ti sap a mahse thildang engmah ka rilru ah a lut thei tawh lo.
"û harh rawh .."tih pah chuan Travis chu ka han sawi che deuh a mahse awmzia a awm lo,maimichhing reng chung in ka kut khur der der a rawn hup chiah chu ka lawm kher mai,ka hlim lutuk chu insut hlawp hlawp pahin ka nui suk a.
.
"û... lungngai reng reng suh i dam leh vat mai ang..."thi rawn chhuak chu ka la hup ve ngar ngar a, Raven erawh chet nachang pawh hre lo in a kut thisen kai hnuang chu a en ngur ngur a, a kut te chu a khur der der bawk.
Stephen pawh a rawn thleng vat, Travis hmai chu tih harh tum in a rawn beng thek thek a .
"Travis... meng rawh " a ti nghal tuarh a, a phone chu la chhuak nghal vatin Ambulance a ko nghal bawk.
Stephen chuan ka kut chu la sawn in a jacket chuan thisen chhuah na lai chu a rawn hup vata, kei erawh ka û kut dawm bak engmah tih tur ka hrelo.
.
Ka rilru in ka tawngtai mawlh mawlh a, ka chiai ani ber mai. Ka mittui a tla phanga mahse ka tap chhuak thei lo. Stephen an min biak pawhin chhan nachang pawh ka hre lo, 'ka û hi ala dam' tih ringawt chu ka bengah a ri nawn tluk tluk a, kan chhehvel te chu a reh duk nimai hian ka hria.
Minute5 vel a ral hnu chuan Ambulance siren a rawn ri ta, ka thaw nghal hawk a. Ka û chu hmanhmawh thei ang berin ambulance ah an nawr lut nghala kei erawh ka ding khawng reng thung,thil thleng zawng zawng hi mumang nise ka ti takzet .
.
" Norah... lo kal rawh " Stephen an min rawn sawi chuan ka harh zawka ,ka hawikual nghal ruai a thil thleng zawng zawng kha mumang alo ni hauh lo,ka mittui chu ka khap per sawk a. Ambulance ah chuan ka lut vata, ka û kut vawt thler chu ka vuan tai bawk.
" Raven..."
" Stephen... kawngka hi khar rawh " ka lo ti vat a.
" mahse... "
" khar rawh ka tih chu " ka tih nghal tuarh a,
" awle" tih pahin kawngka
chu a khar nghala,ambulance pawh a tlan chhuak nghal .
.
Travis biang leh ka biang chu ka han insik tir vang vang a, a khat tawkin a kut chu ka fawp leh zeuh thin .
" û... damdawiin kan thleng tep tawh lo lungngai reng reng suh " Travis chu ka be mawlh mawlh a mahse min chhang tur chuan a hliam hi a nasa lutuk. Doctor leh nurse ho chu ka bulah engmah ti lo in an lo thu kun lap hlawm a,an awmdan atang chuan min lainat hmel hle, Stephen pawh a bang chuang lo, hmui pet fan fan chung chuan min en renga thawk lak hak pahin lehlam a hawi leh daih thin bawk.
.
" Doctor... ngatinge ka û hi in buaipui miah loh,a mamawh che anih hi" ka hlauthawng bawk nen, doctor thu hle hle lai ka hmuh te chuan ka ngaithei der lo.
" ih... ka pi" nurse pakhat in a tih chuan Doctor pa chuan a lo khak zeuh a engmah a sawi chhunzawm ta lo.
" pawilo... engmah ti duh lo mah ula damdawiin kan thleng anga doctor dang an tam alawm" Travis sam chu ka chul sak heuh heuh a, damdawiin kan thleng har tawh takzet. Travis hmai duk vek te leh vun dang bem te chu ka han chul a.
"û.. enge maw tal rawn sawi la ,hetianga i awm hian min ti hlauthawng ania " ka ti sap a.
.
Ambulance a din chuan damdawiin kan thleng tih ka hre nghal ,hmanhmawh lutuk in ka chhuk vata mahse midang erawh an hmanhmawh ve lemlo.
" ka û kha rawn nawr chhuak vat ru "mahse rawn nawr chhuak lo in doctor chuan puan var in a hmai a khuh hmak anih chu.
" Engthil nge maw i tih le?"
"Ka pi... ruang hi postmortem turin kan la dawn a tah hian i hming i sign thei angem? " doctor chuan lehkha leh pen hi min rawn pe a, phawk fe hian Stephen chu ka melh kawk a .
.
" Ruang a!! tu ruang maw.. Stephen... " mangang leh chhantu ngai tih hriat tak hian Stephen chu ka melh ha a mahse min chhang lo in inthiam loh hmel takin a ding kun nghal lap a.
" Norah... pawi ka ti lutuk Travis chu minute 10 liamta khan a boral tawh ani "
" maw....!! "
" Thudik ani.. A awm ah vawitum lai kah ani a... "
" A tawk tawh e...." Doctor tawng laklawh lai chuan Stephen chuan alo khak vata.
" nilo... dawt ani, nichin ah pawh ka... ka kut a rawn khawih alawm " ka lo ti hul hak a.
"bumtu in ni,in in thurual a dawt in sawi ... ka û hi a thi lo hrim hrim " tih pahin ambulance ah luh ka tum leh ngat a mahse Stephen chuan min kuah bet nghal thlawp a .
" Norah... hriatthiam tum rawh.. Travis chu a awm tawh lo " Stephen chuan a rawn ti vin deuh hluk a, lo tang ve mah ila a aia nghet chuan min rawn kuah sauh sauh zawk.
.
" Stephen... chutiang chu engtin nge i sawi theih " ka tap chhuak thei bawk si lo ka awmah hian min hnawh up up a a hrehawm takzet.
" Norah...inbeng dai rawh " tih pahin min kuah vang vang a
"Raven ...Raven an ka û a that " ka ti chuai raih a engmah ka sawi chhunzawm thei tawh lo,ka û in min boral san ta mai hi hriatthiam har ka ti takzet .Ka awm zawn chu a rawn na vawng vawng mai, Raven an Travis a that !! engtin nge khatiang khan a tih theih zawk.
" Travis chuan a pawm tawh asin, biak tum in ava pan a mahse a lo rulh let na chu hetiang hian maw!! engtin nge a thah theih zawk?"
.
"Norah... chutiang ngaihtuah suh. Raven chuan a that lo ang "
" nilo... Stephen,Raven hi ka hrechiang lutuk ,a kawng daltu chu tupawh nise a dahtha mai thin"ka ti chuai raih a,ka û in min kalsan ta mai hi ka ring thei lo chupawh ka hmangaih ber in a that anih chu!! Engthil chiah nge ka chungah thleng ta mai hi hriatthiam har ka ti takzet.
" Stephen.... "
"enge ni? "
" khawngaihin a tawp nan thil min tih sak hram rawh "ka thusawi tur ngaichang chuan min en renga.
" ka û hi zanin ngeiah min hruai haw sak rawh "
" Norah.... "
" khawngaih in... he hmunah hian ka awm thei tawh lo... haw ka duh takzet"
" Awle... i duh ang chuan ka ti ang " a tawp a tawp ah chuan ka tap chhuak ve thri ta, thil thleng dan hi ka pawm thei thlawt lo.

A zan a zan chuan East Hodge lam panin helicopter in ka û chu kan hruai haw nghala,Stephen pawhin min rawn zui ve ani Pu Christopher erawh in min rawh thlah ringawt a mahse min tawrhpui ve hle tih ka hria.Ka û in min kalsan tih hi rin harsa hle mahse pawm thiam mai angai ani. Ka chhungte pawh an hrilh tawh a engtin nge an awm chu ka hrelo mahse an lungngai hmel leh an hrehawm ti hmel hmuh ka hreh takzet.Raven pawh ka be leh lo biak chu sawiloh ka haw hluah hluah hmuh leh pawh ka duh tawh lo, hetiang mi hi ani ang tih ka ring pha ngai lo.Ka û khan min hrilh thin a, Raven hi mi hlauhawm a nihzia leh mi tha lo a nih zia mahse awih duh lo in amah dal zawng in ka lo awm lui thin a mahse tunah hian ka inchhir takzet.A vawikhat nan Raven ka lo thlang kha ka inchhir takzet mahse ka thinlung erawh in Raven thah anih ka la ring lo fan tho mahse ka mita ka hmuh te hi ka rin a ngai zawk si
.
________________________________________
.
2weeks Later
.
Ka û kan vui atangin kar hnih lai alo liam ta ,hun liam mahse kan lungngaihna te a liampui ve si lo,Stephen pawhin min awmpui reng theih loh avangin New Orleans ah hreh tak chungin min hawsan tawha ,Stephen a awm lo chiah phei chu ka khawharna a zual emaw tih mai tur hian chawhlui kan kil ho pawhin tumah kan inbe ngai lo .Kan inchhung khur pawh a nuam thei tawh lo, ka pa chu room ah a inkhung bo reng thin a, chaw ei dawnah bak a rawn chhuak ngai lo, zan reiah kan hriat hlau takin a tap thin mahse ka pa awmdan zawng zawng hi engmah hriat hmaih ka nei hauh lo. A fapa neih chhun chu a fanu vangin a chan chu ani si a.
.
Tuk danga ka tih thin dan ang bawkin ka û room chu ka tifai sarh sarh a,a khat tawkin ka mittui chu a rawn far leh fap thin mahse ka inti pachang hram hram tur ani, ka ni leh ka pa ngui taka an awm lai hian kei lehzel chuan hlim hmel ka pu hram hram tur ani.
" Norah... Travis chu a awm tawh lo, chuvang chuan he inchhung hi i enkawl angai chuvang chuan inti pachang hram hram rawh " keimah leh keimah infuih phur chawp pah chuan ka nui lui suk a ,chhungril ah erawh ka na takzet .
.
Travis room ka ti fai zawh chuan kitchen lamah inti phur lui chung chuan ka phei nghala ,ka nî min hnungchhawn zawnga thu lo tap ru kerh kerh ka hmuh chuan ka rilru a na takzet.
" Ni... rawng ka lo bawl pui ang che " mittui hruk zeuh pah chuan ka nui lui suk a. Ka aw a hriat veleh ka ni chuan ka hriat hlau takin a muttui a hruhul nghal sawk sawk a.
"awle... tehreng mai " rawn hawi phei pah chuan min rawn nuih suk a mahse a mitmeng erawh in dawt a sawi thei lo.Ka ni insum hmel ka hmuh chuan ka hnuk a ulh tlat anih chu tah lo tum hle mah ila ka ni chu hnung lam atangin ka kuah nghal thlawp a ,ka mittui ka dang thei tawh lo.
.
" ni... nang tal chu hetiang hian awm suh "
" Bawihte....i û ka ngai em ani" a mittui hruk sawk sawk pahin ka lam a rawn hawi a.
" I awmna a a kal dawn te khan dam taka rawn haw leh min tiam asin mahse engtin nge heng thil zozai hi ka inchhungah hian a thlen theih mi vanduai chungchuang tak ava ni em,tu misual in nge ka nau mi pawisawi lo lutuk hi a thah theih zawk? " ka ni chu a inhnit nghal hlawp hlawp a, Ka chhungte dawt kan hrilh ani ,an bulah chuan misual tuemaw in an that angin ka hrilh a ,engtin nge Raven an a that tih ka hrilh theih teh lul ang ni

Ni... chutiang ngaihtuah tawh suh... nang tal chuan ka pa hi min hnem pui hram rawh "
"ka tihpalh Bawihte, "
" ni...min ngaidam rawh" ka ti nghal mawlh mawlh a, ka chhungte lakah hian ka inthiam thei thlawt lo mahse engmah ka hrilh thei bawk si lo.
Breakfast kan ei lai te chuan ka ni nen chuan hlim hmel put kan tum lui hram hram a ,mahse ka pa rilru na lai kan hmuh hian kan hlawhchham leh thin. Ka pa hian thil a ei tam lo bawka, a dangin a cher em em a hetianga Travis ngaia a indawm kun reng anih chuan a daih rei dawn lo tih kei tluka hrechiang an awmlo.
.
Ka pa hian a nupui leh a fapa a chan tawh a chupawh an thah sak ani chuvang chuan kei tal hi chuan ka ti hlim hram hram tur ani tih hi ka thupui ani tawp mai.
.
******
.
"morning ka ni...morning ka pa" vawin zet chu kan inchhung pawh a nuam kher mai, zawi zawi in ka pa pawhin zia awm lam a pan zela tunah chuan a nui hmel hmuh tur a awm ve ta. Ka û thih atangin ni 40 lai a ral leh tawh. Chhel takin ka bei nasa bawka kan chhungkua ah pawh ni a rawn sa ve tan det det e.
"pa... i va tho hma em em? " tih pahin ka pa biangah chuan ka fawp zeuh a .
" Norah... " ngaihthat loh hmel zet hian min rawn en kar a.
" i khua a sik anih hi i sa vek alawm"
" ughh... ka tha alawm"
" breakfast kha ei la chuan damdawi i ei dawn nia " ka nî chuan alo ti nghal zung zung a.
.
" Hei i duh ber thin Pancake leh khawizu ka lo siam a " tih pahin ka thlengah chuan a rawn dah a.
" ka lawm e "ei mai ka han tum a,mahse ka ei lui thei ta tlat lo.
" Norah... i tha maw!! "
" aw... mahse a rim hi ka tithei tlat lo"
" i damloh vang anih dawn chu"
" pawilo... dawnfawh leh wafer hi ka ei mai ang " tih leh dawnfawh ei ka rual a, ka ei chak tawh bawka a tui takzet.
" Bawihte... i lo inthlak danglam ta hle mai ..i thil duh pawh a danglam vek alawm " ka pa chuan a rawn ti a.
" maw!! "
" ugh... danfawh hi i ei duh ngai si lo a, mahse a tha zawk duh loh neih hi a tha ngai lo e "
.
Za lo zet hian ka lo nui suk a, Ni e dawnfawh kha ka eiduh ngai lo, ka eiduh lo satliah ngawt lo a rim ka ti thei thlawt lo mahse enge ka chungah thleng ta hi !! Dawnfawh ka ei chak ngawih ngawih anih chu!! Muang changin ka dah let leh zal zal a.
" Norah... tukin chu i va muang ve "
" ngati maw!! " ka pa leh ka ni chuan mak tih hmel takin min rawn en ha a.
" i hre tawh lo amaw!! "
" ughh... hriat tur a awm ami "
" ih.. ih... Norah i ti tak tak em? Engtin nge i theihnghilh thei zawk vawin ni hi i nu thih cham ani a,i nu thlan i tlawh zawh hnu ah biakin ah i tawngtai thin ani kha " ni dawn tak, ka nu thih cham engtin nge ka theihnghilh theih zawk?. Ka pa chu lungawi loh hmel zet hian a tho hmaka.
"
" Ka fanu hetiang em em hian ani maw i lo danglam tak a " tih sap pahin room ah a lut nghal daih a.

[Ngaia]

Chapter-58
.
"keiman kan bia ange, lo va insiam la i nu thlanah chuan kan pahnih in kan kal dawn nia"
"ni... ka pa kha ka chungah a thinrim tak tak ami le? "
" Chutiang chuan ngaihtuah suh i nu kha a ngai thin em a tin ani" duat takin ka sam chu a rawn chul a.
"lo va insiam rawh umm...engkim a tha leh vek mai ang "
" ka lawm e " tih pahin ka room ah ka lut nghala ,vawin chu ka awm a nuam lo takzet ka lu te hi a na bur mai. Darthlalang ah chuan ka han in en vang vang a ka thau sawt riau te hian ka hria,ka ril a tam huam huam a mahse engmah ka ei tam thei der bawk si lo .
.
Ka insiam sawk sawk a ka ni nen ka nu leh ka û thlana ka kal zawh hnu chuan haw lo in biakin ah kan kal ta zawka.
Biakin kawt kan thlen chuan mak tak maiin biakin a luh chu ka hreh tlat anih chu ,ka lut tur chu ka ding chawt a Raven ka hrechhuak nghal zawk bawk.
Ni e, Raven hi ka la theihnghilh reng reng lo ,amah vangin zantin ka tap ziah a thil thleng zawng zawng te kha ka ngaihtuah hian ka ngaidam thei bawk si lo. Enge a tih anga? Engtin nge a awm? min rawn zawng angem? tih te chu ka ngaihtuah bang chuang lo.
.
" Norah... i tha maw?!! " ka ni chuan mak tih hmel takin min rawn en ha a.
" umm.. ka tha e, ka lu hi a na deuh mai ani "
" damdawi kha i ei ta lo a mi? " a tih chuan ka lo bu nghata.
"kan tawngtai zawh veleh bazar lo in ka haw tlang mai dawn nia "
" awle.. " Biakin chhungah ka ni nen chuan ka inzui lut hnak hnak a ka ni bulah chuan ka thu ve ran a.
" Norah... confession room ah ka kal dawn a pawnah kan innghak dawn nia "
" awle " ka ni chu a chhuak nghal daih a, ka kut chu hma lamah suih in ka han maimichhing vang vang a .
.
Ka tawngtai zawh hnu chuan ka la maimichhing renga, thil kal tawh te leh Raven nen a kan awmdan zawng zawng te kha ka ngaihtuah chhuak uarh uarh a, a nui hmel, a pangti lum tak, a fawh te leh a engkim mai chu ka ngai takzet.Ka mittui chu ka biangah a rawn luang ngiai ngiai a, tunah hian Raven bulah awm in duat takin min kuah leh se ka ti takzet mahse Raven an ka û a kah zawh hnu a leia silai a thlak thla lai ka ngaihtuah chuan ka meng nghal kawk a.
"I tha maw?" ka phu zawk , ka hawi phei vat bawk.
" Jacob!!"ka bulah Jacob alo thu reng anih chu!! a rawn luh lai ka hre lo hrim hrim.
.
" Eng.. engtik lai khan nge ilo luh a? " tih pahin ka hawikual nghal ruai a.
"Nichin lawk khan... i tha em? i damlo ami? " tih pahin ka pang chu a rawn dep a.
" i khua a sik anih hi Norah.... "
" ka tha leh mai ang " tih pahin ka tho thut a .
"ka.. ka tihpalh ka rawn tibuai avang che in "
" Jacob engmah a ni lo... ka kal mai ang kan inhmu leh dawn nia " tih leh kal ka ruala.Jacob hi ka ngaihzawng neih hmasa ber ani a ka hmuh apiangin ka thinphu hi a rang thin hle mahse tunah chuan khatiang ang khan ka awm tawh lo.
.
" Norah... " ka chhuak tur min rawn koh avang chuan ka hawi let vata.
" Hei i rawmawl i thlauh " tih pahin rawmawl var chu min rawn pe a.
"ka lawm e " lak mai chu ka han tum a mahse a lo pawt bet tlat.
" Norah... i danglam ta hle mai "
" maw!! teuh lo " ka nui lui suk a.
" tun hma a min hmuh apianga i danglam vek ang khan i awm tawh lo a chuan a hma kha chuan i ni emaw i chhungte emaw min hmuh kha i hlau thei em em a mahse tunah chuan khatiang khan i awm tawh lo "
"umm... min lo hrethiam rawh ka kal mai ange "ka rawmawl chu ka la vata.
" ka lawm e " tih leh kal ka rual nghala .
.
Ka ni chuan min lo nghak reng tawh a, father nen an inbiak lai chuan ka va pan hnai vata, ka lu a nat em vang chuan ka lu chu ka dawn vang vang bawk.
"Norah.. ilo chhuak tawh ani maw!! "
"aw... ka... " ka lu a rawn hai ta thut mai, ka ni chu fiah lo deuh hian ka hmu ruai ruai thei chauh, ka lu chu ka han thing nawk nawk a mahse engmah ka hmu fiah thei lo .
" Norah... " min rawn sawi nawk nawk a.
" i tha maw? " ka ni in chiang lo ruai a a tih chu ka hriat hnuhnung ber ani, a rawn thim nghal mup mup a engmah ka hrezui tawh lo.
.
Tu emaw in ka sam a rawn chul tih ka hriat chuan ka han meng siar siar a, inchung ka hmuh chuan ka room ngeiah ka awm tih ka hrethei. Ka lu dawm vang vang pah chuan thawh ka han tum a.
" Norah mu leh rawh " Diana chuan chuan alo ti vata.
" Diana... i lo kal ani maw?"
" kei ber ka awm loh in... " tih pahin min lo nuih suk a.
"Engthil nge thleng... ka hriat dan kha chuan biakin ah.... "
" i lu hai i tlu palh alawm " ka ni chuan tray rawn chawi luh pah chuan min lo pawtchat vata.
.
"Hei....dawnfawh hi ei ru " ka ni chuan a ti nghal sawk sawk bawk.
"dawnfawh maw!! " Diana chuan mak tih hmel takin min en ha a.
"ugh...ka eichak thei lutuk a " nuih lui suk pahin ka ti chuai raih a .
" ei ru... " insut hraih pahin ka ni chu a tlan chhuak nghal daih a, ka ni awmdan kha a mak takzet,ka dam tha var bawk si a engthil chiah nge thleng le .
" ka... ka ni kha ngatinge a tah a?"
"Norah... heihi ei phawt rawh " Kan chik deuh takah chuan Diana awmdan atang chuan thil dik lo a awm tih ka hre nghal.
.
" Diana... engthil nge thleng ?" ka tih chuan a kun nghal lap a, a nui hmel te kha a bo nghal vek.
" ih... Norah... "
"Min hrilh vat rawh.... mawh ka pa engtin nge a awm ?"
" chutiang lam ani lo "
" anih si chuan engthil nge thleng tih min hrilh vat mai la "
" Norah...." thawk a han la hak a "fa thla hnih mi i pai mek ani "
"maw!! "
"i ril a tam reng nachhan te,i ei duh ngai loh i ei tak nachhan te leh ka luak a chhuak, ka lu a na ka chau i tih thin nachhan te kha fa i pai vang ani " phawk fe hian Diana chu ka melh nghal kawk a, ka bing nghal mup mup bawk.
.
Diana hmel chu ka en thin a thudik a sawi ngei bawk si. Ka pum chu ka han bawk vang vang a ka mittui a rawn tling nghal pam bawk,Raven fa ka pai amaw!! ngatinge theihnghilh ka tum apiang hian a tharin a rawn inlan leh thin le?.
" ka pa in a hre tawh em? " chu chauh chu ka rilru ah a awm tawh. Ka pa engtin nge a awm tak ang?Ngatinge a rilru hah na tur hlir ka thlen tak mai. Lawm a hnekin ka rilru a na zawk a chhanchu Raven ka kiangah a awm tawh tlat lo, chu mai baka ka pa hi Mayor anih mai bakah kohhran ah pawh inhmang tak ani a,a zah tur zia leh a hming chhiat tur zia ka ngaihtuah hian ka inthiam lo takzet.

" aw... hre tawh e mahse tunah chuan amah in awmtir zawk rawh"
" Diana..." ka kuah nghal thlawp a.
"engtin nge ka tih tak ang? "
"Tunah chuan chak taka i awm angai " a rawn ti sap a, ani pawh in tihngaihna a hre bik lo mahse thian tha tak ni mahse a tih theih tawk chu min hnem chauh hi ani. Ka mittui chu a rawn luang nghal zung zung a,hlim tur ka ni asin mahse ka chhungte ka ngaihtuah hian ka lawm a kim thei tlat lo.
" Tap suh... " Diana chuan min rawn hnem tak na in awmzia a awmlo.
.
Rei fe kan tah dun hnu chuan keimah leh keimah inti pachang ka tum hram hram a mahse a har takzet.
"Tunge maw Norah... takngial pawhin a hmangaih chu le " Boruak tih zan nan chuan Diana chuan fiamthu titak deuh hian a rawn ti a
"Raven...." Raven mitmeng, a hmui leh a hmel vel ka ngaihtuah chuan ka nui suk a.
"duhthusam ani mahse... " ka kun nghal lap a.
"tunah chuan engkim a tawp vek tawh... Diana sawi tawh lo ang "
" Norah... " .min lainat hmel tak chuan min rawn kuah nghala.
.
Diana haw chu phal lo hle mah ila min awmpui reng theih loh avangin a haw ta a, ka khumah chuan ka mu renga ka chhuak ngam thlawt lo. Engtin nge ka pa ka hmuh tak ang? ka pa bulah engtin nge ka sawi tak ang ? tih chu ka ngaihtuah buai nasa hle.
" Raven... i fa ka pai tih hi hria lang ka pa ang hian i awm ve angem ?"tih sap pah chuan ka mittui a rawn tla leh zung zung tawh. Mahse hetiang hian ka room ah ka tawm kumkhua thei bawk si lo.
" Norah... thil thleng tur chu a thleng vek tawh "ka mittui hruk hul pah chuan ka tho chhuak vata, ka chil chu ka han lem dak a, ka pa sawipui chu sawi loh ka room atanga chhuak tur ringawt pawh hian ka in hrosa nasa hle.
.

"ka thei tur ani" ka mittui hruk hul sawk sawk pah chuan ka chhuak nghala. Tumah awmlo ang mai hian a reh duk a,thawm dim thei ang ber chuan ka pa room lam ka pan nghala.
" Norah... "ka ni in min rawn koh avang chuan ka hawiphei vata.
"hetah lo kal teh" tih pahin chair ah min thut tir a, ka ep chiah ah chuan a rawn thu ve nghal bawk. A mit chu a sen ram a keimah vangin ka ni hi a tap tih ka hai hauh lo.
" Bawihte" thawk lak hak pah chuan ka kut chu a rawn hum vang vang a.Hetianga ka ni a awm ka hmuh hian ka lo intih paukhauh na zawng zawng te kha a bo nghal vek in ka hria.
.
"keichuan ka hrethiam lutuk che.... " tap insum tih hriat tak chuan a insut leh hraih a.
"aw.... Lalpa remruat dan hi chu ava mak thin em....keichu i lamah ka tang tlat ania ...bawihte hlau reng reng suh "
" ka ni... " ka hmui chu ka han pet fan fan a.
"tunhma zawng khan Travis lamah ka tang duh ngai lo a, i pa nen an in hauh pawhin i pa lamah ka tang tlat thin mahse khang hun te ka ngaihtuah khan ka inchhir takzet " a mittui chu a hru sawk sawk a.
" i pa chu va be rawh...i chungah a thin a rim ngei ang mahse a hmangaih vang che ani tih theihnghilh ngai suh "
.
Chutianga ka ni in ka hrehawm tihna te leh ka hlauhthawnna te min hriatthiam sak avang chuan ka hnuk chu a ulh tlata, diktak chuan ka ni hian enge maw tisual hlek ila min hau zel thin mahse tun tum chu ka lamah a tang ve tlat!! Ka lawm lutuk chu ka nui suk a mahse ka mittui erawh ka dang thei lo.
"nî... ka lawm e "
"hawh... lo kal rawh i pa chu tha deuh in va sawipui rawh "
"ka... ka hreh takzet "
"i thil tih sual hi i pawm thlap chuan a ngaidam em em ang che "
Ni e, Raven fa ka pai hi ka thil tih sual lian ber ani,ka lo rin dan chuan kumkhua in hlim takin kan awmdun ang mahse khang ka lo suangtuah thin zawng zawng te kha mumang ang mai ani.
.
Ka pa room kawngka bulah chuan ka ding ran a, theih nise chu tlanbo daih te ka duh mahse ka thil tih sual chu tlan chhiat san lovin ka hmachhawn zawk tur ani niin ka inhnem hram hram a.
Hreh tak chungin kawngka chu ka hawng a, ka pa chu min hnungchhawn zawng in tukverh lam hawi chuan alo thu ran a.
Ka lut tih a hriat veleh a mittui chu a hruhul zeuh bawk
" pa... min ngaidam rawh " tih pahin hnunglam atang chuan ka zuk kuah a.
" ka thiamloh vek ani, khawngaih in min ngaidam rawh" min chhang lo chuan a melh ngai chu a melh renga.
.
"naute pa bia la midangin an hriat hma in in nei rawh u "ka pa thusawi chuan ka rilru a ti na takzet, engtin nge Raven chu ka biak theih teh lul ang.
" pa... ka theilo "
" ka rin dan chiah ani... mi dukdak lo ani ngei ang ,Duhthlan tur pakhat chiah i nei"a rawn ti sap a.
" i nau pai hi ti tla mai rawh"ka pa thusawi chuan min thawng takzet, ka inla hrang nghal vata.
" Ka pa...."
"i thil tih hi i hre chiang lo ani.... mi zawng zawng in hnung lam atangin min nuih tet tet anga nilo... chutiang chu ka thlen tir thei lo... i fa hi ti tla mai rawh "
" ka pa chutiang chu engtin nge i sawi theih zawk "
"min ti zak hle mai.... ka fanu i ni hi ka zak takzet " ka thinlung hi chhun sawk sawk ang maiin a na, ka pa chuan kei min neih avangin a inchhir anih chu!!
.
"ka pa.... min ngaidam hram rawh "
"ka thusawi ang chuan ti mai rawh "
" nilo... ka fa hi ka ti thla thei lo... pa tha takin ka enkawl thei em em ang " ka ti chiah chu ka pa chu a inla hrang nghal vata, va kuah leh ka tum a mahse a lo in dang vat.
"ka thusawi anga i awm duh lo anih chuan ka fanu i ni tawh lo ang, fa i nei anih pawhin ka ngaihsak lo anga ka en liam mai mai ang che u " a tho hmaka.
"lo inngaihtuah chiang ang che " tih pahin room atang chuan a chhuak hmaka.

[Ngaia]

Chapter-59
.
Ka pa berin khatianga min tih avang khan ka beidawng ru hle, tukverh a dah chhuah pah chuan ka in sut leh hraih thin a ka nu emaw ka û emaw chu la dam se min hnem ngei ang, tunah hian ka thil tih sual man chu ka tel mek ani mahse Raven ka lo tawng kha ka thil tihsual atan chuan ka phal thei thlawt lo mahse tunah chuan engkim a dang vek tawh.Ka pa zah dan tur zia leh midangin min ngaih dan tur ka ngaihtuah chuan nau tihtlak mai loh chu duhthlan tur dang neilo ang maiin ka inhria. Phur lo zetin ka room lam ka pan hna hna a ka ni chuan choka atangin min khawngaih hmel tak hian min lo thlir reng a, thil awmdan a hre nghal ani ngei ang min rawn biak buai a tum lem lo.
.
Ka khumah chuan ka mu thlawp a, ka pum chul pah chuan Raven nui hmel leh ,a fa ka pai tih a hriat avanga a hlim hmel tur te ka han mitthla kual vela, nui suk pahin ka mittui chu a rawn luang ngiai ngiai a,thil chi hrang hrang ka ngaihtuah kual nasa bawka zing dar2 a rik pawhin ka la harh vang hle. A chang leh ka tawngtai a, a chang leh ka tap thul, midang ka ngaihtuah chuan nau tihtlak daih chu ka duh mahse ka chiat leh tha hriatna hian a ngam lo mai ni lo in ka ril a rah ka fa ngei tih tlak chu ka hreh takzet.Raven an min rawn call hi ka ring fo thin mahse engtin nge min rawn call theih teh lul ang? ka
phone chu khawiah emaw ka tibo daih tawh alawm,ka û an thahna hmunah pawh khan ani mahna.
******
.
Engtin tin emaw darkar1 vel chu ka mu ve hram, zing hma takah tuma thawh hma chuan biakin lam panin ka kal hna hna a ka beidawng lutuk chu biakin a kal a tawngtai mai loh chu tih hmasak tur ka hre ngang lo ani .Midang lo tho tawh ka hmuh te chuan an mahni hmuh chu ka zak ngawih ngawih a min en duh riau te hian ka hre tlat anih chu ka tenawm bik riau ni te hian ka in hria. Pathian hian ka bo rei tawh em a amah hnaih nan hetiang hi a thlen tir aniang ,ti te in a eng zawng chuan ka ngaihtuah hram hram a mahse ka pa lungngai hmel ka mitthla apiang hian ka hnual leh thin.
.
Reife ka tawngtai hnu chuan a tlai deuh tawh avangin haw tum chuan ka tho vata.Ka pum chu ka han dawm vang vang a " engpawh thleng se ka veng him tlat ang che " ka ti sap a, haw ka hreh takzet ka pa hmel hmuh ka hreh hle bawk. Ka mit bui chak ka tahna avanga sen vek tawh chu ka puan chuan ka han hliah hram hram a, miten min hmuh ka hlauh em avangin shoal dum chuan ka lu ka khuh tlat bawk.
Hmanhmawh takin biakin atang chuan ka chhuak hlawk hlawk a, mahse Jacob an biakin kawt hnahthel vel a lo phiat mawlh mawlh lai ka hmuh chuan ka ding chawt a. Ngatinge tiang hian ka awm tlat le hengte chu thil thar ani reng reng lo. New Orleans a ka awm hma daih tawhin Jacob te chuan biakin kawt te chu a phiat fai fo alawm.
.
Min hriat loh ka rin avang chuan ka thaw huai thei, ka hmui puana hliah tlat pah chuan kal pel mai ka tum a.
" Norah... " ka ding chiang kher mai, engmah sawi lo in kal leh nghal ka tum mai a.
" ngatinge i mit chu i tap ami? " Hepa hi chuan min chîk chhunzawm zel dawn chu anih hi. Ka bulah rawn kal hnaiin ka hmui khuhna chu a rawn phelh a.
" i tha maw? " ngaihthat loh hmel zet hian min rawn en a. Ka hmui chu khuh leh nghalin kal ka tum a mahse ka banah a rawn vuan nghal chat.
" niminah nikhaw hrelo in i tlu a engkim a tha takzet maw ?"
" aw tha e... ka kal mai ang "ka kal nghal vata
.
" Norah.... " min rawn koh pawh chuan ka ding duh chuang lo.
" in enkawl tha ang che" ka ding chawt a, chhan chak viau mah ila engmah sawi lo in ka kal lui ta tho a.
In ka thlen dawn tep chuan mei khu vut vut ka hmuh chuan hmanhmawh takin ka tlan nghal dawr dawr a, engthil nge thleng ang tih erawh ka hre lo. In kawtah ka pa in ka thawmhnaw ka nu thawmhnaw ka rochun ho kha alo hal chu niin, ka va hmuh chuan ka meng phawk nghal kawka
" ka pa engthil nge i tih hi? " tih pahin ka kawr mei a a thlak leh tur chu ka pawh thlak sak vata mahse a dang ho chu meiah a thlak hmiah hmiah tho.
.
" pa... khawngaih in hetiang hian awm suh " ka ti nghal tuarh tuarh a ka mangang lutuk chu ka ni bulah ka tlan phei vata.
" ka ni khawngaihin min pui rawh " ka ni chu lungchhe tak hian alo tap hliam hliam a mahse tih theih dang a nei der bawk si lo ka pa thil tih lai lo en ringawt loh chu.
" i nu thawmhnaw te hi i ti bawlhlawh zo tawh tunah chuan ha ve tlak pawh i ni lo "tih pah chuan ka thawmhnaw ho chu a hal hluah hluah a,
" ka pa khawngaih in " leiah chuan ka thu hnawk a, ti tawp turin ngen lawm lawm mah ila ka pa zet zang ka dang thei lo ani,a hal ral vek hma lo chu lo thlir tawp bak tihtheih dang ka nei lo.

Ka room ah tlan lut nghalin ka khum bawh chuan ka tap nghal hawm hawm a ,ka pa mitmeng thinrimna hlira khat leh engmah tih hrehna nei lo hmel ka hmu khan ka rilru a na em em a mahse khatiang khan keimah vanga awm ani si.Chhantu nei lo leh hmangaihtu nei lo ang mai hian ka inhria Raven haw hle mah ila tun tum ah erawh ka ngai takzet. Amah chu awm se thil a thleng dik vek mai tur mahse a hnenah ka let thei tawh lo, nilo ka let tawh tur ani lo. Ka û a thah vang ringawt pawh khan ka ngaidam ngai lo ang tiin in hrilh ve mawlh mawlh mah ila ka chhungril chuan ka ngaidam ani.
.
_______________________________________
.
1 week later:
.
Kar khat lai a ral hnu chuan ka awm dan leh ka mizia avang chuan ka naupai chungchang zep theih ani ta lo,khaw te tâk tih takah khaw pum chuan an hre nghal veka.Biakin a ka kal tur emaw pawn lama ka chhuah chang te hian hnunglam atangin min sawi zui sep sep a, min nuihzat a min hmusit ni te hian ka hre thin hrehawm ti hle mah ila ka tawrh a ngai tho si.Mi in min en hrek hrek na te, min nuihzatna te chuan ka pa chu a ti lungngai em em a,keimah vangin zantin a tap ru thin ti pawh ka hria hnem ve tum mah ila ka pa in min be duh tlat lo,he chungkua ah hian awm ve lo ang maiin min en liam thin.
.
Miten min en hranna hi ka pawisa lo mahse ka pa hetianga ka chunga a awm avang hian min ti hnual leh hrehawm ka ti takzet. Tlatlum lo leh inthlahrung takin inah chuan ka cheng ve reng na in min hrang ang daih ka ni, ka ni leh Diana in min hnem thin lo phei se chu hremhmun tenau a ni ringawt ang. Ka ril tam in thil ei chak huam huam thin mah ila thil ka ei tam thei tlat lo chu chuan min ti chaklo zual em em a, ka rilru a hah in ka hun tawn in a zir lo bawk nen ka hriselna in a tuar hle a, ka cher in ka dawldang em em bawk.
.
******
Bungraw nawr ri leh tawng sep sep thawm chuan min ti harh zawka,ka mu tlem bawk nen ka lu a na takzet. Phurlo leh ham bai bai chung chuan ka room atang chuan ka chhuak chhat chhat a. Kan thuthleng leh dawhkan mi pathum velin an zawn chhuak luk luk lai ka hmuh chuan ka meng nghal kawk a, ka harh chiang ngei mai.
" ka... ka ni eng nge awmzia? " ka ti bah nghal nuai a.
" Bawihte" min rawn nuih sang pahin ka samah chuan a rawn chul a.
" khaw dangah ka pem dawn a... "
" maw..!!! khawiah? "
" Estherwood ah... he khua aia lian daih ah hian... tunah chuan nun nuam deuh midang sawisel tawh lohna hmunah i awm tawh dawn alawm"
" ka ni ,ka lawm e" ka ni chu ka kuah nghal thlawp a.
" Bawihte i pa bulah lawmthu sawi rawh, a ngaihtuah vang che leh a hmangaih vang che in heng thil hi a ti ani, a fanu hi mite sawlsel reng a phal bik hleinem "
.
Ka pa in min la hmangaih reng ani tih ka hriat chuan ka lawm lutuk chu lawmthusawi nghalin ka rilru chuan ka tawngtai nghal mawlh mawlh a. Diktak chuan East hodge hi ngai dawn hle mah ila midang in min en hran tawh chuan a nuam thei tak tak lo.
"insiam la darkar khat hnuah chuan kan khaw thar tur lam panin kan kal thei tawh ang "
" awle"
Room ah phur taka ka insiam mawlh mawlh lai chuan Diana chu a rawn lut hlawl a.
"Norah... Stephen an i chhanchin min rawn zawt a"
" maw!! engtin nge chu chu anih theih "
" New Orleans a i awm lai pawh khan a rawn kal tawh a, khata tang khan alawm kan inhriat "
.
" mahse.... " tih pahin ka pum chu a rawn melh zeuh a.
" naute chungchang erawh ka hrilh lo "
" Lalpa leh... Diana hrilh reng reng suh ang che, i thih thlengin i zep ang tih min tiam rawh "
" ngati maw!! "
"min tiam mai rawh.... " ka han melh kalh a.
" awle... awle... mahse in pem na tur khua tal min hrilh rawh " ka kâ ka ang hman zuau.
" i ni leh i pa in min hrilh duh bawk si lo " a ti sap takah chuan chhan awmin an hrilh duh lo ani tih ka hre nghal,Ni e, tumah in ka awmna hmun hre lo se a tha zawk ka thian tha ber pawh nise
.
" Norah.... rawn kal tawh rawh le " ka ni in min rawn koh avang chuan hmanhmawh takin ka tlan chhuak nghal hlawk hlawk a,Diana pawhin min rawn zui vat.Truck lian pui kan in kawt a dingah chuan ka ni leh ka pa chu an lo thu ran tawh a.
Diana chu ka kuah nghak thlawp a, ka phur rual rual in ka thiante leh kan in ka seilenna ngei han kalsan chu ka hreh takzet mahse ka hun tawn in a zir miau si lo
" Norah...ka ngai ngawt ang che "
" keipawh in ka ngai ngawt ang che hun remchang ah ka la hrilh vek ang che ,kan inbe thin dawn nia " ka mittui hruk zeuh pah chuan ka lut nghal daih a.
" Mangtha le... Norah.. "
" mangtha le " kan in chu ka han en let leh vang vang a, ka mittui chu a rawn far fap

"Norah...Norah " ka ni in min rawn sawi nawk nawk a,meng mang lo chuan ka han hawi chhuak vata.
" Kan thleng tawh ania" a tih chuan kan hma a in chhawng hnih lek chu ka en nghal vata.
"saw saw.... "
" kan in thar tur anih saw " phur takin ka ni chuan alo ti nghal vata .
" i ti tak tak em? " tih leh tlanchhuah ka rual , boruak a thiang in kawngpui tawn tawn ah chuan thingkung a awm thliah thliah veka, in chu inhlat lo te te in a intlar phei diah bawk mahse compound tha tak erawh an nei vek thung.
.
Ka pa chu ka va melh zeuh a mahse hlim hmel pawh a pu lo, kawng tluanin ka pa nen hian kan inbe mang lo hrim hrim ka biak chhun ah pawh a rul tawk bakin min chhang ngai lo mahse 'a awm tho e ' tiin ka inhnem leh tawp mai thin. Kan inchhung bungrua an thiar luh mawlh mawlh lai chuan in hnung lam vel chu ka lo va thlithlai kual vela, engkim mai chu duhthusam vek ani, huan siam na tur pawhin hmun zau vak lo pawh a awm a, East hogde ang em em in a thingtlang lo a a nuam tawk chiah.
"mi thar i ni maw!! " phut zawk pahin ka hawi let vata,tlangval kum24 bawr vel hmeltha zet leh sang zet hi compound lehlam ah chuan alo ding ran mai.
.
" umm... aw ni e, hei kan rawn insawn chiah "
"anih chu... he in hi a hrang tih i hria em? "
" maw!! "
" umm... ngaihtuah buai duh suh.... " min rawn nuih suk a,a mitmu paw chek leh a biangsum vel chuan a ti hmeltha zual emaw tih mai tur ani.A fiamthu a ni tih ka hriat avang chuan ka lo nuih let suk a .
" umm.... Reeve ka nia ,ka hmu che chu ka lawm hle mai "
" ka.... "
" Norah.... " ka ni in min rawn koh avang chuan ka tawng tawp chawt a.
" umm.... min lo hrethiam rawh,ka kal mai ang " nuih suk pahin inah ka tlan lut nghala.
.
" Enge ka ni? "
" Kan in tifel zo tawh bawka i room tur te chu han en la, i duh zawng ani em? "
" awle... "
"Dinner kan lo buatsaih ange... bakah zanin chu thenawm thar te pawh an rawn kal ka ring "
Inchungah ka chho vata, ka room ka hmu chiah chu duhthusam ani. Khum lian tha tak leh tukverh lian tak a awm bawk, zau lutuk lo mahse kan in hlui nen a tehkhin chuan a nuam takzet. Ka hah in ka chau bawk nen inbual turin ka inbuatsaih vata, in thar ani bawk nen ka khawr deuh tut mai.
.
Ka inbual zawh chuan bra leh panty nen chauh darthlalang hma ah chuan ka han in en vang vang a, thlahnih leh tih chauh mah nise ka dul hi a hma aiin a lian tlat in ka hria. Ka han chul vela
" bawihte.... tha takin ka enkawl em em ang che " nuih luih suk pah chuan ka ti sap a. Lotion te inhnawih in thawmhnaw ka ha vata ka sam ka khuih mawlh mawlh lai chuan khuh kherh kherh ri ka hriat avang chuan ka thil tih lai chu chawl in ka hawi kual nghal hrek hrek a.Nichin a mi pa thil sawi kha a tak tak ami le ,he in hi a hrang tak tak ami?
.
Hlauthawng ru deuh tak chuan ka han hawikual hrek hrek a, thawm ngai bawk ka hriat leh avang chuan ka hawi phei vata. Kan in bul chiah tukverh atang chuan nichin a ka mi hmuh pa ngei mai khan min lo en reng anih chu!! min rawn la nuih vur vur leh nghal. Ka hmu ani tih a hriat avang chuan a ban rawn phar in ring zet hian
" Hi!! " an rawn ti chiah mai chu!! ka au nghal tuarh a, nilo... nichin khan ruak vekin ka awm min rawn hmu angem ? Awi... Lalpa leh ka zak lutuk, ka hmelhriat pawh nilo in ka taksa zawng zawng a hmu anih chu, ani thei lo. Chhuatah ka thu hnawk a,
" Norah... i tha maw!! " ka ni leh ka pa chu an rawn tlan lut vata,tukverh lehlam chu ka va en leh zeuh a mahse alo kalbo hman tawh.