AGONY:Don't let me go by Remruati Bawitlung (Haylor) (Completed)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

AGONY:Don't let me go by Remruati Bawitlung (Haylor) (Completed)

Unread post by Ngaia » April 2nd, 2017, 2:44 pm

AGONY:don't let me go
IMG_20161209_215731_771.JPG
IMG_20161209_215731_771.JPG (45.86 KiB) Viewed 103994 times
Postby Remruati (Haylor) » Thu Dec 08, 2016 8:59 pm
.
by: Haylor(Remruati Bawitlung)

A link chiah tih loh hi chu khawiahmah copy/paste phal a ni lo.
A link share dan
https://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a story full a whatsapp lama la copy/paste lui in awm anih chuan Police-ah FIR kan thehlut anih pawhin nangmahni chochhuah liau liau a ni ang...
Copyright ©
All rights reserved
http://www.storyfb.com
.
Chapter-1
.
East Hodge, Louisiana:
.
" Norah "ka hawi let vata, ka lam pana rawn tlan mek Dianna lam chu ka lo thlir renga, a phur in a hlim hmel si a engthil tak rawn sawi leh ang maw tiin ka lo ngaihtuah nghala," Engmah ani leh chuang lo ang" tiin ka sakawr chu
chaw ka pekchhunzawm leh nghal mawlh mawlha.
" Norah....ka lawmpui lutuk che" min kuah nghal chunga.
" Enge awmzia? nanghi buaina i tawk leh ani lo maw !! "
" chutiang lam ani lo kha heihi en rawh" envelope var hi min rawn pe a Loyola university seal chu a inchhu kalh bawka mak tih hmel takin in ka lo en ha a.
.
" Mimawl nu la ta che Loyola University ah i lut thei tih confirm na lehkha anih hi " ka hamhaih nghal vek, awmdan tur pawh ka hrelo .
" i ti tak tak em? ka hming te kha a dik em? an rawn thawn sual aniang"
" ava mak tak hei en rawh Norah Alison Stowe tih a inziah kulh hi , i awih tawh em? " min rawn kuah nghal thlawp a.
" ka lawmpui lutuk che tunah chuan i duhthusam ang ngeiin University tha ber ah i lut thei dawn ta" ka mittui a rawn tla nghal zung zung a,ka lawm lutuk hi ka tap lo thei lo.
.
" Dianna hawh...ka ni leh pa hmuh vat ang " lehkha keng va va pah in in lam pan chuan kan tlan chho nghal dawr dawr a, ka phur lutuk chu tlu tep tep khawpin ka tlan thei nia mawle.Kan in kawtah ka pa chuan bawng chaw a lo pe mek a, ka va kuah nghal thlawp a.
" bawihte enge ni ta?" ka pa chu alo nui hawk hawk a.
.
" pa...i hria em ,Loyola university ah ka lut ve thei dawn anih chu "a nui tawp hmak ka kut chu a rawn hmer vang vang a,
" Bawihte ka chhuang lutuk che " a ti tham tiak a,ka pa nen chuan kan hlim hl mahse kan lawm a kim thei ta lo kawngka bul atanga min lo thlir reng tu ka ni ka han en chuan ka hlim ang hian a hlim ve tlat lo .
.
Inchhungah min luh san hmaka ,ka ni hi University a ka luh dawn avanga lungngai ani lo, a buaina ber zawk chu pawisa ani chu mai piah lamah Nun(sakhaw rawngbawl tura in pe) tura min duh avangin khawpui a lehkha ka zir tur chuan a ti lunghnur takzet.
" Lungngai suh i ni chu ka lo bia ang " ka pa chuan a ti sap a, inchhungah min luhsan ve nghala.
.
" Dianna, ka luh thei ka in ring lo "
" Norah tinge i beidawng nghal mai a, tum chuan kawng a awm tih hre ta che"
" Helai thingtlang khaw tereuh te atang hi chuan New Orleans a kal chu van a rah ang mai ani chubakah khawpui a kal ngat phei chu"
" Mahse scholarship hmang te pawn i in tum chho zel thei ang chu,mi in vawng tak i ni a khawpui nun chuan a tibuai ve hauh lo ang che"
" Engpawh nise ka ni thu ngaichang phawt ang "
.
Dinner kan ei lai chuan ka ni chu a ang hlawih hlawih a, ka pa leh ka u Travis te nen chuan kan thu ngawi kar a, kan inmelh hrek hrek hlawm a.
"school in kal loh hlau in rim takin hna kan thawka, tunah in zir chhuak a i nu duhthusam ber i ti hlawhtling tawh ang chu tih nak alain khawpuiah ka zir chhunzawn duh i ti leh a,khawpui mi te saw misual vek an nih saw khawvel chen bak tihtur an hre lo"
.
" Anna duhtawk rawh, nuam an ti lo anga sin" ka pa chuan alo ti vata.
"an lamah i tang leh ta!! kan bawngpui lah a damlo meka enkawl nan pawisa a ngai bawk, chaw man a to zel bawk si lakluh lah a tlemin ka thawhchhuah ang ang zirna ah a zo zel bawk si tunah lah university man to lutuk ah luh a tum lehnghal i fanu hi hrilhfiah zawk ta che,khawpuiah awm se a nun zawng zawng a hlauh vek anga sin"
.
"ka ni...Loyola university ah Norah a kal thei tur hi a lawmawm ngawt zawk alawm , ka pa pawh Mayor a nih mai bakah bawng te a enkawl thei a kei lah zirtirtu hna ka thawka kan eikhawp te chu kan hmu reng alawm bakah Norah hi college a kal dawn avangin Nun ani dawn lo tihna ani hleinem, college te han zo phawt se ka nu duhthusam chu a ti hlawhtling mai ang chu"Travis chuan alo ti ve bawka.
.
" Chupawh nise ....kei ni ang tan te chuan New Orleans a kal te chu thil namai ani lo, hostel fee alo ngai anga chutah khawpui mi hlir an awm anga keichu an khawsak dan te hian mi rap ania ,aia upa te zahna chang pawh an hrelo, sualna hmunpui anih saw!!"
"kum20 a nih ve tawh hi chhia leh tha te chu a hre ve ang chu "
" ti hian min chhang ang zawt zawt a, nangpawh kum28 i ni tawh a ila puitlin thei miah loh hi,"
.
Ka pa in Travis chu alo khap nghal vata, ka ni hi hetiang mizia nei ve hrim hrim anih avang hian ngaiah kan nei tawh, ka nu thih atang phei kha chuan ka nu tak angin kan en a,a thu kan hnial ngai lo ka ni chu room ah a lut daih a
"bawihte, i ni chu ka hmin thei em em ang " ka pa chuan a rawn ti sa sa a, za lo zetin ka lo nui suka.
.
Ka room ah lutin ka khum bul drawer a envelope ka dah that chu ka en vang vang a.Ka mittui a rawn tling nghal pam a, Dik tak chuan kei ang tan chuan university a kal chu thil theih loh hulhual ani ,ngatinge dil na lehkha kha ka lo thehluh kher kher le?,van lam chu ka en vang vang a " nu... nurse nih kha ka chak em em thin a, mahse Nun ni turin min duh avangin engmah ka sawi lo , college tal chu ka kal i phal lo ami?" ka ti sap a, ka mittui chu a rawn far fap a.
.
" i va inngaihtuah nasa ve " Travis chu ka room kawngka bulah inkuangkuah chung hian alo ding ran a, ka mittui chu ka hruhul nghal sawk sawk a
" ahh.... lehkha hi ka lo en mai mai a" nuih suk pahin ka hma a chair ah chuan a rawn thu a
" Norah.... i lungngai ami? i u ka awm hi University ah chuan ka luh tir ngei ngei ang che "
" mahse ka ni"
.
" ka ni chu ka pa nen kan lo sawipui ang, i rilru kha lo ti hah lo la "Travis chu ka kuah thlawp a ,
" u ka hmangaih che, chuan ka lawm e "
" Ughh....tunah chuan lawmthu min la hrilh suh , i kal dawn hun ah le.... ka nau hi khawpui nun vangin a che buai dawn lo tih ka hria alawm" ka hnar ah a rawn piai zeuh a.
" tui deuh in mu ang che , i u hi kan che tak tak ange "a nui suk a,
puan min sin that tira.
" Bawihte mangtha"
" u mangtha" light chu off in ka muhil nghal a.
.
Louisiana state a thingtlang khaw te reuh te pakhat in zathum vel lek awmna East Hodge ah kan chhungkua in ka khawsa ve a,kum12 mi lek ka nih laiin ka nu in accident vangin min boral san tawh a, ka ni hian min enkawl chawt a.Bawng sawmhnih rual zet neiin sakawr pawh ka u nen kan nei thlap .Tar lam fa ka nih mai bakah ze zawi leh thuawih theih tak ka nih avangin min duat hle a ka u Travis nen hian kum8 laiin kan inthlau ani.
.
Ka pa hi Mayor a ni a Catholic kohhran kan vawn mai bakah ka pa hi sakhua mi tak anih avangin a khirh hle a mi zah pawh a kai hle . Bawng enkawl pahin leilet a enkawl tel bawk ka ni chuan ka pa a pui thin.Ka u hi kan khua ah zirtirtu hna chhete a thawk ve a, kei erawh high school ka zo chiah a Loyola University a luh hi ka lo suangtuah thin a mahse tunah chuan ka suangtuahna hi a thleng dik dawn nge dawn lo tih lo la nghak phawt ang.
.
Phur zetin hma takah ka tho a, nizana ka u thusawi kha ka rilru ah a rawn lang hmasa ber ka ni hian min phalsak ngei hi ka ring tlat ani , phur takin ka rizai chu ka thlep fel thlap a ,ka zai rat rat bawka, ka room kawngka ka hawng chiah chu ka ding nghal chawt .
" in a zo tawh anih hi,Norah hi university ah a lut ve thei lo tih hi hriatthiam tum ta che u, sawng khawpui mi te bulah sawn ka awmtir thei lo "
.
"khawpui mite nun dan angin a khawsa ve kher dawn tih na ani hleinem"
"sual na hmun anih saw, chuan ani hi Nun turin ka duh bawk ,sakhaw rawngbul tu ... "Ka ngaihthla chhunzawm duh tawh lo,ka khum lam panin ka let leh hna hna a, ka mittui chu a rawn tla nghal zung zung a, tukverh lam chu ka thlir vang vang a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 2nd, 2017, 2:45 pm

" Norah, hetiang hian i awm tur ani lo, thil theihloh ngen rual pawh i nih tawh loh hi "ka inhnem nghal mawlh mawlh a, ka mittui chu ka hru sawk sawk a, ka room atang chuan ka chhuak nghal vata
" morning" ka chhungte bulah chuan engmah hrelo niawm takin ka nui sanga.
"nizanah ka inngaihtuah chianga University a luh chu ka duh leh lo "Travis leh ka pa chhuan phawk zetin min en ha a.
" umm... hetah min mamawh zawk ang..."
" Norah...tuna i thil sawi kha i chiang chiah maw !!" Travis chuan min zawt nawn leh ngata, ka lo bu nghata.
" khatiang rilru kha put daih tawh tur alawm buaina awmlo ni mai tur" ka ni chuan a lo ti leh nghal tan tan a.
.
" Anna duhtawk tawh rawh, hei Norah pawhin hrehawm a ti ang " ka pa chuan alo ti vata.
"A hma pawhin nurse nih i chak em em a, mahse ka nu duhthusam chhete avangin i thil tum zawng zawng chu i thlauh thla a tunah i duhthusam chuan kawngka a rawn kik a mahse kawngka i hawn leh duh si lo" Travis chuan hriatthiam loh hmel tak chuan min en ha a
"college kal kher ngai lo in Nun tur chuan ka in pe zawk mai ang, khawpui a awm chu sual na mai ani,chuan nurse nih pawh ka chak tawh lo"
.
"chu te chauh chu maw i chhuanlam,i dawihzep avangin nurse nih i tumna chu i thlauhthla a,kan bawngte leh sakawrte nau chhar sak leh an hliam enkawl vel hi nuam i tih thin zia hi ka hmuhhmaih reng reng hleinem"
"awle,Travis duhtawk rawh anih chuan Norah in chawlh lai ani bawka biakin ah sual puanna va nei teh ang Father pawhin min lo nghak reng tawh ang "ka ni chuan a ti a,
" awle" ka room ah ka tlan lut nghal hmak a.
.
Khumah ka thu hnawk a, ka mittui chu a rawn tla nghal zung zung ,Engvangin nge ka nu khan Nun ni turin min lo duh kher kher , ka tet lai atang tawhin mipa bula awm min phalsak lo a ngaihzawng chu sawi loh mipa kawm hrim hrim min phalsak lo,ka pa hi mi zahkai tak anih avangin thil ka tihsual a thiang hek lo,zahawm thei ang berin ka nun ka hmang chho a tleirawl sual ka nei lo ti ila ka sawi sual lo ang ka nu leh pa leh ka ni te thu awih zelin an tih dan ang ang in ka awm zela tunah pawh hian Nun nih chu ka la tum fan tho mahse graguade ve phawt ka duh mai ani.
.
"Norah i hman tawh em? " ka ni in a rawn tih avang chuan ka mittui ka hru hul in ka thingrem ka nu thingrem hlui ka hman a ka pawnfen fual sen chu la chhuakin ka feng sawk sawk a,ka tlan chhuak nghal a. Sakawr tawlai lir ah chuang in biakin lam kan pan nghala. Kan khua ah hian motor awm tho mahse khawchhunga veivah nan chuan sakawr tawlailir kan hmang tlangpui.
.
Biakin kan thlen chuan nidang ang bawkin father chu kawngka bulah alo ding leh ran tawh a, min hmuh velah min lo nuih sanga.
" in rawn kal hi ka lo ring reng asin " Father chuan a lo ti vata.
"Norah lo va lut la, confession room ah kan tlang nghal ange" ka ni leh father chu an inzui nghala.Tlar hnung berah ka thu a,ka melh ngai chu ka melh renga ka hriat loh lai chuan ka mittui chu a rawn tla ngiai ngiai a, hmanhmawh takin ka hru nghal sawk sawk a.Tlar hma lam chu ka pan phei chhat chhat a ka thingthi nghal hnawk a,ka shoal chuan ka lu ka khuh vata.
.
" Lalpa,min pui hram rawh "ka kut chu suih in ka inhnit hlawp hlawp a.
"ka tan a that zawk na tur anih chuan College ka kal lo mai ang mahse khawngaih in ka nun a ka thil tih chak pakhat tal chu min tih hlawhtlin sak hram rawh "ka tap chhuak nghal hawm hawm a,kan thil tih chak zawng tak tih theih renga a awm laia phal kan ni tlat lo hi hrehawm ka ti takzet .
.
"khawngaih in.. engthil dang engmah ka duhlo, ka graguade phawt chuan ka nunpum i rawngbawl nan ka hmang ang"ka ding thut a pawnah ka tlan chhuak nghala.
"Norah..." ka ni pawh chu a rawn chhuak ve nghal vata, engmah thleng lo niawm tak chuan ka lo nuih sanga.
"haw hma bazar ah kal kawi leh lawk angai a"
"awle" ka ti sap a, bazar pui lam pan chuan kan inkhalh phei lehnghala.
.
Bazar kan thlen chuan midang pawh an lo awm mup mup a,a chhanchu khaw thenawm ami te an rawn bazar ve thin vang ani.
"hetah hian lo awm la, khawizu leh chhangphut ka va lei lawk ange? " tih leh kal a rual a, tawlailir ah chuan ka lo nghak ran a,ka indawm kun lap bawk.
"Hey... Norah " ka phu zawk a, ka hawi chho vata Jacob chuan min lo nuih var var , ka hawikual nghal vata.
"hlauthawng suh i ni a awm lo"
" enge hetah i rawn tih? "
"umm.... bazar turin mawle"
"hahh.... anih chu mawle" ka hawikual reng bawka, a chhanchu ka ni in min hmuh ka hlau takzet.
.
"i dam maw? kan inhmuhloh na a rei tawh hle mai"
"ahh... aw, kal tawh rawh "
" awle,kan inhmu leh dawn nia" min hriatthiam hmel tak chuan min nuih suk a, a kal sawn nghala.Reilo te ah ka ni pawh a rawn thleng vata,kan haw nghala. Jacob nen hian school khatah kan lut ho char char thin a,min duh thu min hrilh ni a ka lawm zia kha,keipawhin ka duh ani tih ka hria, kan inngaizawng der in thleng min thlah thin a mahse buaina a awm tlat,ngaihzawng ka neih kha a thiang tlat lo ka nu thu hnutchhiah avang khan.
.
Ka chhungten an hriat velah School hran ah min sawn nghal a, Jacob chu ka hmuh an phal ta lo, ka hmu leh anih chuan Jacob leh a chhungten an tuar ang a chhanchu ka pa hi Mayor ani tlat.Nitin tapin hun ka hmanga thih daih mai kha ka duh. Khata tang khan thil chu ka hrethiam nghal kuarh kuarh a,ka hmangaih leh duh pawh ka nei thei dawn lo tih chu ka inhrechiang hle chumi avang chuan Nun nih chu ka thupui ta ber ani, ka tum chu sawhsawn ka tum tawh lo ,bialpa chu sawi loh tumah hi ka nun ah luh tir ka tum tawh lo bur.
________________________________________
.
Tukverh atanga ni rawn lut chuan min ti harh zawka, sana ka en chuan dar7 alo ri va tawh. Phurlo zetin ka tho taih taih a, nidangah tiang em em hian ka tho tlai ngai lo darthlalang ah ka inen vang vang a nizana ka tahna ka mit chu a sen in a bui chur a. Ka sam buang thang sei tak chu a thur vek bawk, ka khuih nghal sawk sawk a.Nizanah dinner ka ei loh avangin ka pum chu a rawn ri nghal rawk rawk a.
.
Ka room atang chuan ka chhuak phei chhat chhat a, ka chhungte chuan mak tih hmel takin min lo en reng hlawm a a chhanchu chaw ngheiin ka room ah ka tawm ngai lo, ka inphih fai sawk sawk a ka room ah luh leh nghal ka tum a
"Bawihte lo ei ve nghal la" ka pa in a tih chuan ka ding chawt a
" pa ka ei chak hrih lo "ka ti chuai raih a, mahse hlim hmel ka pu reng tho.
"umm.... " a hrawk chu a thian kharh kharh a.
"New Orleans ah chuan kalpui i ngai em? " ka pa in a tih chuan ka mengphawk nghal kawk a.
.
Ka ni leh ka u chu ka en vata, min lo nuih sang a .
" pa... " ka ti chuai raih a ka kuah nghal thlawp a.
"bawihte" ka pa bula chair ah chuan ka thu a ka kut chu a rawn hum vang vang a"i hlimna daltu nih hi ka tum reng reng lo, khawpui ah pawh awm la mite entawn tlak i nih ka ring tlat asin i nu ang khan "
" pa ka lawm e " ka ti sap a, sawi tur pawh ka hrelo ka lawm lutuk chu au vak vak mai ka duh, tunah chuan university ah ka lut thei dawn ta.
.
"nimin a i tawngtai na kha ka hre vek alawm" tih pahin ka ni chuan min rawn kuah vel nghala.
"ticket pawh ka la vek tawh, naktuk tlaiah bus a chhuak ang" Travis pawh chuan alo ti vataa.
"bawihte, rawn kalpui che chu kan duh lutuk mahse kan sum neih in a tlin tak si loh avangin nangmah a i kal mai angai dawn ani"
" pa.... ka nulat tawh hi keimah in ka kal thei mai alawm"
"i nun va uluk la, kha kan bawngpui pali ngawt kan hralh lehnghal" ka ni chuan alo ti zung zung a, ka pa chuan alo mitmei zeuh a.
.
"pa.... " ka mittui chu a rawn tling pam a,college ka kal theih nan ka pa in a bawng duat em em pali lai a hralh anih chu!! ka hnuk chu a ulh tlata,kan tap leh rih thin a ka inthlahrung in ka inthiamlo takzet.
"lem... breakfast kha ei la insiam tan tawh rawh, theihnghilh te kha i nei ange" Travis chuan boruak tihzia awm nan chuan a rawn ti a, kan nui dar dar a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 2nd, 2017, 2:46 pm

Chapter-2
.
Bus station ah ka kalna tur bus nghak chuan kan ding tham hlawm a ka phur rual rualin ka zam tel, ka la kal ngai miah lo na hmun a keimah chauhin ka inhai kuak a ngai dawn a ka hreh leh hnuhnawh.Ka bula ding ka pa chu ka melh leh zeuh thin a ani pawh a ngui in ka tello a a awm tur chu a hreh ve hle tih ka hrethei.
"i thlen hunah min rawn be ngei ngei ang che aw,New Orleans chu a nuam ngawt ang i chhungte hi min rawn theihnghilh lo la" Travis chuan min tih phur nan chuan a ti a, ka lo nui suk a diktak chuan ka chhungte hi ka ngaidawn takzet. A vawikhat nan hmun dangah ka awm sawn dawn ani a, min ngaihtuah tih pawh ka hria mahse he ka hun hlu tak neih lai hi ka bawhpelh thei si lo.
.
" Norah.... ka ngai ngawt ang che" ka ni chu a inhnit hlawp hlawp a.
" Anna... khatianga i thlah te chuan nuam a ti lo anga sin" ka pa chuan a lo ti vata.
"ka naute hmun danga a awm daih tur hi ka ngaihtuah takzet. Chaw te kha va nghei mai mai lo la" ka ni chu ka kuah vata.
"ni....ka ngaihtuah awm loh, ka rawn haw leh vat dawn alawm"
"Saw... i kalna tur bus a rawn thleng, i suitcase hi ka lo va hlang ange" tih pahin Travis chuan ka suitcase chu la in bus lam chu a pan nghal nal nal a.
.
Ka kut chu ka hmer vang vang a,kal dawn tak tak chuan ka huphurh takzet ka kut te chu a khur der der a ,ka hnuk lah chu a ulh tlat lehnghal, mahse tah erawh ka tum hauh lo.
"bawihte" ka kut hmer vang vang pah in ka pa chuan a ti sap a.
"i nula ve tawh a thil sual tamtak a awm ang mahse chung zawng zawng chu i hnawl thei tih ka hria a chhanchu ka fanu i ni miau alawm"ka pa chu ka kuah thlawp a.
"Norah... lo kal tawh rawh le kal a hun " Travis an a tih chuan bus lam chu kan pan phei tham tham hlawm a.
.
In mangtha nan ka kuah den den a,ka hreh loh nan tiin hlim hmel an pu sang hlawm mahse an mit erawh chuan dawt a sawi thei lo.
"tawngtai mawlh kha, i awmna ah pawh va tawngtai zel la biakin ah te pawh i hman chang apiangin i kal thin dawn nia... aw.. ka naute biak in ah kalpui tur i nei tawh awm si lo " ka ni chu a tap tawp hleithei lo.
"bawihte damtakin le" ka pa chuan alo ti ve bawka. Bus ah lut in ka seat ah chuan ka thu ngawi reng a, tukverh ah ka dakchhuak vata.
"in enkawl tha ang che " Travis chuan a rawn ti lauh lauh a.
.
Reilo te ah bus chu tlan chhuak nghalin tukverh ah dakchhuak chhungin ka chhungte lam hawiin ban ka vai lauh lauh a,ka chhungte an lang thei tawh lo tih ah chuan ka mittui chu a rawn far nghal fap a."Lalpa min pui rawh, ka chhungte veng ang che chuan keipawh" ka ti sap a, ka nui lui suk a .Ka chhungte ka ngai nghal der mahse ka duhthusam tih hlawhtlin nan chuan ka trawh tlang ngei angai dawn si.
.
.
New Orleans, Louisiana *
.
Ka harh chuan New Orleans kan lo thleng tawh reng mai a, ham bai bai pah in sana chu ka han en vat a zing dar11:30 a lo ri va tawh a, ka han zi mar vela bus atang chuan ka chhuk thla chhat chhat a. Ka chau takzet bus chauh nilo lawng a nikhat leh zankhat han chuan meuh chuan chauh a na hle.New Orleans chu khawpui tih takah ka te nghal chem chem in ka hria, in chhawng sang tak tak te leh kawngpui zau taka motor tlan per per chu hmuhnawm a tling der.
.
Ka chhungte ka biak zawh chuan Station atangin taxi lak nghal ka tum a Hotel a han riah mai chu pawisa ka ui avangin College lam pana kal ka duh ta zawk a.Motor rawn tlan hmasa ber chu ka lo phar vata mahse min tlanpel daih !!, ka piah a ding tlangval bulah chuan a ding chat a,min hmu lo ani ngei ang. Ka va tlan ve nghal vata chupa chuan mak min tih hmel kher mai.
"Loyola University ah tunah" chu pa chuan a tih chuan "ka pu keipawh Loyola university a kal ve tur tho ka nia,kan kalrual mai thei lo ami ,ahh...kan in con anga taxi fare te a to bawk sia" ka lo ti ve vata ,chupa chu a nui suk a
.
"anih chuan kan kalrual thei ang chu"alo ti vata, ka lawm kher mai kalpui tur ka nei ta hi. "Ka pu kan pahnih in kan kal mai ang"
"maw!! ...awle ka pu" driver chuan mak tih hmel takin min en ha a, a chhan erawh ka hrelo.Taxi ah chuan ka lut vata, ka suitcase hlui tawh tak chu ka pawm ran a bawka, kawngsir a mi kal vel chu ka thlir vang vang a, an thawmhnaw te chu a tunlai in an nalh takzet. Kei ve chu ka nu thawmhnaw hlui nalh ka lo tih ve thin em em ho kha ha in he khawpui ah hian ka awm ani a, mahse ka neih phak tawk ani miau alawm engvangin nge ka zah bik ang.
.
Ngawi rengin kan thu dun kar a ka pum lah chu a ri rawk rawk lehnghal chupa chu ka va melh zeuh a min lo en reng zui
"hihihi....zing atangin engmah ka la ei lo a" ka nui tawi tap hetiang ringawt chu ani thei lo.
" ah... Loyola University ah i lut ve dawn ami? " zahzelah ka ti sup a
"ahh...umm" tih ringawtin min chhang khawpui mite hi hetiang mizia vek nei an nih chuan engtin nge thian ka neih tak ang?
"hihi...keipawh lut thar tur ka nia"ka ti hul hak a, mipa engvangin nge ka biak hmasak ringawt, ka kut suih in ka maimichhing vata.
" nu, min ngaidam rawh" ka meng leh chuan chupa chuan mak tih hmel takin min lo en ha a
.
Ngatinge mi a ang maia min en hu hlawm le, engthil sual nge ka ti?.
Tukverh ah ka dakchhuak daih a thlifim rawn thaw heuh heuh te chuan min ti dam sawng sawng in ka hria.
"ahh... ka pi a hlauhawm dak chhuak suh" driver in a rawn tih chuan inthiamlo tak chungin ka lut leh zal zal a, hauh nih hi hrehawm ka ti thil ho te ah pawh nise
" ka pu ka tihpalh" ka tih sap a, ka thu kun lap a ka bula thu pa chu a lo nui ri zui hak bawk,ka awm a ti nuamlo lek lek. Khawpui a chen chu thil awlsam ani dawn hauh lo,an khawsak zia leh ka nundan hi a inperhsan lutu.Ka pawisa neih dante leh ka hman dan tur te chu diary te ah ziakin ka chhut mawlh mawlh a, ruahmanna fel tak ka neih loh chuan pawisa ka indaih lo palh ang tih ka hlau .
.
Taxi a din chuan kan thleng ani tih ka hre nghala,rang lutuk in ka chhuak vat a, ka suitcase chu pawh chhuah mai ka tuma ka pawt chhuak thei miah lo, a aia na chuan ka pawt pawp a a vawnna a tliak nghal pawp!!! "awi...ka duhthei lo"ka ti tuarh a. Chhak lam ka hawi chho chu ka phuchiang kher building lian lutuk in zawm phei put ah Loyola University tih hi a inziak kulh a,kawtzawl zau tak leh enkawl tih hriat taka awmze nei taka pangpar par te chuan a hmun chu a ti nalh kher mai engkim mai chu ka suangtuah dan aiin a ropui vek.
.
"tah hian ka lut dawn chu ani sia" ka nui var var a, ka hawikual nghal ruai bawk he university a lut ve niawm tak te chu an inkal pel suau suau a, a then chuan mak min tih hmel lehpek hle mahse ka ngaihven lo." min lo hrethiam lawk" hmeichhe pakhat bulah chuan ka va ti s, mahse min chgang lo in min kal san daih.
"a buai hle aniang,ka pu engzatin nge fare hi kan in tum sem ang "phone a mi a biak daih avang chuan min chhang lo, a bul ah chuan ka lo nghak ran a driver chuan min rawn mitmei leh zeuh zeuh thin a ,he putar hian min ngaizawng amawn le? tlangval pa bulah chuan ka tawlh hret hret a ,he putar hi ka ngaina lo a hausak hmel em em lehnghal suit nen taxi a khalh ania.
.
Ka duh aiin mi a be rei driver bulah chuan hreh tak chungin ka phei a.
"ka pu engzat nge chuan man "
"nula, hriatsual i nei in ka hria "
"engchu maw, a to viau ami!! "
"aahh.... "
"ka pu a tlawm thei ang berin min tih sak hram rawh aw"
"chuan man a ngai lo " driver nen chuan ka hawiphei rual thawt a, chu pa chuan min lo nuih sanga a lan dan chuan kei ai hian a upa awrh chauh ang ka chuanman min pek sak thei lo ang.
.
"ahh.... ka chuan man chu min tum sak thei lo sang, sawi la engzat nge ngai " a nui nghal hawk hawk a, hepa hian engemaw a hriat nge ka hmai ah thil a kai zawk ami? min en hian a nui leh vak zel.
"thil ei nan hmang zawk rawh" tih pahin a kalsawn daih a, ngaihtha lo zet chuan ka enzui vung vung a
"ahh... nula heihi Taxi ani lo a, private car ania chuan kha tlangval ta kha ani, keichu min chhawr mai chauh ani"chu putar chuan a rawn ti sa sa a, ka meng phawk nghal kawk.
"ihh... ihh... heihi Taxi ani lo maw!! ...a ...a... ca... car maw" ka ti bah nuai a, ka thlantui in min bual huh nghal vek hetiang em em hian ka la zak ngai lo.
.
" Taxi emaw ka tia, ka pu ka tihpalh lutuk "
"a pawilo, a lehpek ah chuan i hre tawh dawn nia ,a hrim hrim in ka rawn mitnei zeuh zeuh che kha hriatthiam tur ania"
"ka tihsual ani, pawi ka ti lutuk" ka va han zak tak em,ka inbeng nghal nawk nawk a car chu ka han en leh thin Taxi tih a inziak reng reng hleinem ngatinge ka bo em em mai le? A pawilo a awm ve tho ka vawikhat kalna ani miau alawm, tet te atangin thingtlangah ka awm char char a midang pawn an hre bik lo ang. Ka suitcase nawr na a chhiat avang chuan ka pawm chho hnak hnak a,midang ho in min en duh lutuk chu ka ngaih a tha lo lek lek, ngawi rengin ka chho a diktak chuan ka khawi lai ber hi nge diklo tih pawh ka hrelo hetiang em em a min enduh tak mai.
.
Tihtur tul ang ang chu ka tifel thei hram mahse buaina pakhat a awm tlat.
"ka pi, hostel ah room ruak pakhat mah a awm tawh lo maw" ka nguai nghal vek, engtin nge ka tih tak ang?
"aw... i rawn kal har deuh hlek ani, single leh double room engmah ruak a awm tawh lo"
"ka pi, awmna tur ka nei bawk si lo khawngaihin riahna tur min ngaihtuah sak rawh "
"ka sawi tawh kha Miss Stowe i tlai hret office khar a hun tawh a kawng min kian thei angem? "
"ka tihpalh " tih pahin a kalna tur kawng chu ka kian nghala.
.
Engtin nge ka tih tak ang hmelhriat tumah ka nei bawk si lo,khua lah chu a vawt vur lehnghal, hotel ah riak dawn ila a to lutuk. Ka suitcase pawm chung chuan kal na tur pawh hre lo in ka kal hnak hnak a, vawin nilengin engthil mah ka la ei lo a ka ril a tam takzet.Khua lah chu a thim der tawh bawk si khawiah nge ka riah tak ang. Ka neih in a tlin tawk chhangthawp leh tui ka lei a, hmun thim deuh hlek ah chuan ka thu ran a.
"eitur min pek avangin ka lawm e,engkim ah lawmthu ka sawi bawk e chuan chakna min pe hram rawh Amen" ka tawngtai zawh chuan Chhangthawp chu ka kaih nghal tawn tawn a ka riltam lutuk pawh kha a zia sawt.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 2nd, 2017, 2:46 pm

Chutia chhangthawp mai mai pawh ka rawp tak em avang chuan ka hnuk a ulh tlat a, ka mittui chu a rawn luang nghal zung zung , i hnit hraih hraih pahin ka eichhunzawm zel tho, eitur ka nei a ka lawm zawk tur ani. Ka chhungte hrilh ila min ngaihtuah dawn bawk si... nilo, ka hrilh thei lo ang zanin chu hetah riak phawt ila ,khua te lo var phawt se tih dan tur ka hre ve leh mai ang. Ka shoal chu la chhuakin ka intuam vata,ka suitcase chu kham in ka mu bam a, ka muhil thei lo ka thu chhuak vata ka pawisa neih ho chu ka han chhut leh rih thin.
.
Chutia ka inchhut lai tak chuan mipa pakhat hian min rawn nek nghal sawk , ka pawisa thir ken ho chu a per nghal chuai a.
"ka pawisa " tih pahin ka chharkhawm nghal ruai a, a thim em avang chupa hmel chu ka hmu thei lo mahse a jacket hak hnuai a nak a tattoo inchhu kalh erawh ka hmuhhmaih lo chhiang kher. Ka phone chu ti eng in ka hmuh ang ang chu ka chhar khawm nghal zung zung a chupa chu a din na ngaiah ala ding reng,
.
"pawisa nawi mai mai anih kha"a aw thum tak chuan ka thau ah min man nghal chuai,ka hmulthi chu a ding nghal suk suk in ka hria, hlauhna in ka khat nghala. A hma khan misual lampang ka lo ngaihtuah miah lo, helai chu kawpui ani a tupawh misual vek an ni, ka ni thusawi chu ka hrechhuak nghal uarh uarh a, chet nachang pawh ka hre tawh lo, ka hlau lutuk chu ka thaw dep dep tawh
"ka pu, min ti na lo hram rawh" ka ti sap a, a rawn nui ri hak a engmah sawi lo in thim lam pan chuan min kalsan nghala ka thaw nghal huai.
.
Helai hmun hi a him dawn lo tawp mai, mahse ka kalsawn thei si lo ka pawisa nawi ho kha ka hmuh kim vek angai chumi char tur chuan khaw var hun nghah a ngai engpawh nise Lalpan min awmpui tih ka hria. A hma aia tawm chuan ka thu a, ka rosary awrh lai chu ka khawih niap niap a, ka rilru in ka tawngtai bang chuang lo. Ka hlau em avang chuan zankhuain ka muhil lo ,mahse zing lampang a lo nih chuan ka lo chhing sek a.
.
Mipui zi nuk nuk thawm chuan min ti harh zawk a,ka mutna piaha ui (stray dog) pawh an lo zi nak nak hlawm tawh a sana ka han en chuan dar10 alo ri daih tawh ham bai bai pahin ka tho chhuak zawt a, Loyola university lam pan chuan ka kal lehnghal vat vat a.
Nimin a ka kalna tho office ah chuan ka lut leh a.
"ka lo lut thei angem?"
"room ruak a awm chuang lo" chunu chuan min hmuh velah chuan a lo ti nghal vata.
"anih engtik ah nge a awm theih ang "
.
"ka hre bik lo"
"khawiah nge ka awm tak ang?" beidawng tak chuan ka chhuak leh hna hna a, khawiah nge ka awm ang? tih chu ka rilru ah a lo lut hmasa ber.
"Miss Stowe lo ding lawk teh" rang lutuk in ka hawi let vata.
"Room chu a awm maithei"
"tak tak maw!! "
"double room ah i awm angai"
"a pawilo khawihmun pawh a pawilo"
"mahse i roommate tur hi mi mak tak ani a, tumah in an awmpui duh lo"
"pawi ka ti lo, awmna tur a awm phawt chuan "
"anih chuan room no. 519 na ah " min nuih sang pahin chahbi chu a rawn vawm phei a ka lo dawng chat a.
.
"ka lawm lutuk... ka pi ka lawm takzet "
"Ms Jakinson tiin min ko zawk rawh chuan he University a lut tur in ka lo lawm a che, hmeichhe tumruh leh huaisen tak i ni "
"Ms Jakinson ka lawm takzet" mittui tling pam chungin ka chhuak nghala, tunah chuan room ka nei ve dawn ta, khawlaiah ka riak tawh bik lo ang.
" Lalpa ka lawm e" tih pahin Hostel lam pan in hnathawk pakhat hian min hruai chho nghala.
.
Hostel pawh a building chhawng sang zet leh lian zet ani a, a kawt ah chuan mipa ho chuan basketball an lo khel sap sap a, mak tih hmel takin ka en ha a.
"ahh... hetah chuan mipa leh hmeichhe hostel a awm hrang lo, a then chu hmeichhia leh mipa room khat a awm dun pawh an awm nual mahse mak ti suh ngaiah i nei chho mai ang" a tih chuan ka bu nghat a,mipa leh hmeichhia kan awmkhawm vek dawn maw!! anih chuan ka roommate tur chu mipa nge a nih hmeichhia?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 2nd, 2017, 2:48 pm

Chapter-3
.
Hlauthawng ru tak si in chu pa chu ka zui zela, elevator a kan chuan lai te chuan ka ngaih a tha zan lo, ka room mate tur chu hmeichhia ni hram se tiin ka tawngtai nghal mawlh mawlh , ngatinge mipa hi ka ngainat loh em em le, ka ni leh ka pa in min enkawl dan pawh ani mahna. Jacob nen kan inngaihzawn lai khan kum14 chauh ka la ni a kan inthen atang khan mipa hian min hip na chhete an nei tawh lo ,ka nei theih dawn lo ani tih ka hriat vang pawh ani mahna.
.
Building a lian bawka Elevator ah minute riat zet kan chuan hnu chuan ka room tur lam pan chuan ka kal chhat chhat a,ka tawngtai tawp chuang lo ,inring ran in hum ruh chungin chupa chu ka zui zela
"ugh... ka pi tah hian min lo nghak lawk rawh,i drawer chahbi tur ka ken theihnghilh daih ka rawn let leh vat ang" tih pahin chupa chuan elevator ah min luhsan leh nghal daih a, min lo nghak rawh a tih avang chuan ka suitcase pawm chung chuan ka lo nghak ran a,ka hawikual hrek hrek a, a kal rei tawh takzet.Chutia ka ding kun lap lai chuan thil ri ka hre ta!!! Ka beng a verh nghal zawk a chhanchu piano ri ani music lo chhuahna lam chu ka pan phei them them a.
.
Ka han ngaihthlak chian nak chuan ka nu hla duh ber 'How great thou art' chu lo ni reng in, ka nu min ti hre chhuak zawka, ka nu min ti ngai lehzual.Room kawngka chu hawng tumin ka kut ka phar chho them them "nula .... kha room kha hnaih hlek suh" ka phu zawk ka hawiphei nghal vat a, min hruai tupa chuan hlauhthawng hmel takin min lo melh khai a.
"ahh....ka tihpalh "
"heihi i room tur chu" tih pahin kawngka a 519 tih inziak kalh chu ka melh zeuh a, " chu music lo chhuahna room chu ka room bul chiah hi ani tiraw?"
"umm...mahse fimkhur ang che, a lehpek ah chuan he room kawngkha hi hawng tum leh tawh suh "
.
Chupa hlauthawng hmel ka hmuh chuan ka ngaih a ti tha lo zual, helai hmun hi hlauhawm lo reng a awm dawn lo anih hi. Ka roommate lah tuman an awmpui peih lo a chutih rualin ka room bul chiah pawh hnaih lo turin min ti bawk engpawh nise room ka nei tawh a ka lawm hle tur ani.
"awle, ka hrerhiam e, chuan min hrilh avang in ka lawm takzet "
" i hriat tel bawk tur chu bengchheng siam phal ani lo a bik takin room 520 bul velah hian......chuan harsatna i nei anih chuan Ms Jakinson i be vat dawn nia" chahbi min pek zawh chuan elevator ah a lut leh nghala.
.
Ka room thar tur chu ka en vang vang a nuih suk pahin kawngka chu ka hawng chik rat a, room chhung chu a zau in a felfai hle, khum pahnih a awm a,parda var chu thli in a len siau siau a ,naute lem thui chawp a tam hle bawk. Khum ruak zawkah chuan ka suitcase chu ka nghat vata,ka thu vang vang a ka lung hi a awi hliah hliah. Room chhung chu ka enkual vela a changkangin khaw hawina pawh a nuam hle.Ka roommate a awm loh avang chuan engmah tih ngaihna pawh ka hrelo a chhanchu ka duh danin lo inrem ta ila a ngaihdan alo ni lo der thei bawk.
.
Ni hnih lai ka inbual tawh lo bawka phur zetin bathroom ah ka lut nghala, bathroom ringawt pawh hi hmuhnawm a tling,marble var chhah tha tak a in pah var sur bawka kan in nen chuan tehkhin chi pawh ani lo.Khawpui mi te chuan engkim an hnianghnar anih hi tui pawh lum chawp ngai lo in tap ah a rawn haw tawpa,kan chhungkua a awm luh nan pawh ka it takzet. Zai rat rat chungin tuilum chuan ka han inphuh tir sar sar a, ka nuam huai huai in ka hria.
.
Rei zet ka inbual hnu chuan bathroom atangin ka chhuak a.
"tunge i nih? " ka phu chiang kher ,khumah hmeichhe pakhat samsei zet kawr var vek ha hi a lo thu kun lapa, ka roommate tur chu mipa ni lo in hmeichhia ngei ani... ka thaw nghal huai
"umm...ka hmu che chu ka lawm hle mai, i roommate tur ka nia ka hnawk loh ngei ka beisei" ka ti sap a,mahse min chhang lo.
"Ka hming chu Norah Alison Stowe ania, East Hodge atangin... Norah tiin min ko dawn nia"ka han ti leh a
.
"Chhuak rawh" ka meng phawk nghal kawk , " ka room atang hian chhuak rawh ka tih chu" a rawn ti vin tuarh a, a nui ri nghal awr awr lehnghal. Hei vang hi ani ngei ang tumahin an awmpui duhloh mahse chhete pawn ka hlau ve lo.
"ka... ka tihpalh, buaina ka thlen miah lo ang che hetah tang hian ka chhuak thei lo a chhanchu kalna tur dang ka nei lo"hlauthawng ru tak si chuan ka ti a, thawmhnaw ka ha nghal mawlh mawlh bawka
"min hlau lo ami?"
.
"Hlauh tur a awm ami? "
"mi zawng zawng in min hlau asin, tuman ka bula awm an duh lo" kun lap pahin a inhnit hraih hraih a,muangchangin ka va pan hnai them them a, a dar ah chuan ka va vuan chat a a ruk chuan ka hlauthawng takzet.
"t.. tap suh" ka ti thawp sat a.
"nangmah chiah hi min hlaulo awmchhun i ni " a bulah ka thu hnai a, a sam chu dim te in ka chul heuh heuh a, a rawn tap chhuak hawm hawm a ka lo kuah vata.
.
"ka naute lem dah khawm te hi i rap lo ami?tlemte talin min hlau lo ami? " nautelem pakhat chu ka la thla a, uluk takin ka en renga.
"hengte hi kut thui ani em?" a rawn nui chhuak hak a.
"umm... ka thui anih hi,nalh lo mahse ka tan chuan ka thianneih chhun te an ni" mak tih hmel takin ka en ha a.
"ka nu kha phar natna avangin a boral a, tuman min kawm a hnekin biak pawh min be duh ngai lo a,natna hrik hlauhawm tak ka pai an rin avangin" a nui tawi tap a,a rawn hawi chhuak a a vun a dangin dark circle a nei kalh bawka,mahse hmeichhe hmeltha tak ani.
.
"a pawi ka ti lutuk i nu in a boral san che avangin" keipawh in ka nu ka chan tawh a a hrehawm tur zia leh a tawrh na chu ka hriatthiampui ani.
"naute lem thui dan hi ka nu in min zirtir thin a, thian kawm tur ka neih loh avangin school chawlh apiangin nileng in kan pahnih in kan thui dun thin"
"i thiam ka ti mahse tap tawh suh i nu in i tap lai a hmuh che chuan a rilru a na dawn asin,van atangin a lo thlir reng ang che ka nu ang chiah in "
"i nu chu pawi ka ti lutuk" ka ngawi renga
.
"umm... ka lo inhnelhriattir miah lo che a Sarah ka nia" a tho vata "hetah hian i thawmhnaw vel i dah dawn nia, chuan tah hian i lehkhabu " a tul ang ang chu min hrilh nghal sawk sawk a, miten an lo awmpui duh loh nachhan chu an hriatchian loh vang mai mai ani. Kei pawhin hlau in lo chhuahsan ve ta ila chu Sarah hi khawhar takin a awm leh phah dawn ani.Ka huphurh ang hu in Sarah chu alo fel em em a,tlemin helai hmun pawh a nuam sawt in ka hria,ka thawmhnaw neih tlemte chu ka thlep fel a, Sarah in min pui bawka reilo te ah khum siam thlengin ka zo hman vek ani.
.
"Norah class ka nei a ka kal mai ang,
anih loh pawhin vawin atang pawn i rawn zawm thei tho ania"
"ughh.... vawin chu library ah ka kal phawt ang lehkhabu thenkhat lei angai bawk si a"
"anih chuan ka tlai dawn ka kal mai ang " tih leh chhuah a rual a. A reh nghal duk in ka hria keipawh tihtur ka nei avang chuan ka pawnfen fual senduk inkhawmna chauha ka hak thin chu ka ha a, darthlalang ah kan han in en vang vang a nalh ka inti ve hle.
.
Room atang chuan thawm dim takin ka chhuak them them a,thawm neih ka hlau takzet a chhanchu kan room lehlam chiah ah mi hlauhawm tak a awm avangin, hla pawh a in play tawh lo a ke pen thawm ringawt pawh a ring em em mai lehnghal. Hostel leh university hi minute 10 vel lek kal ani a ke chuan ka kal hnak hnak a, ka ni hmasa ber tur ani bawka ka phur rual rual in ka zam tel bawk. University ka thlen chuan a ngai ang bawkin mite chuan min en duh hle a, a then in min nuih tet tet bawk.
.
"umm.... min lo hrethiam lawk, Library awmna min hrilh thei angem? "hmeichhe pakhat rawn kal bulah chuan ka lo ti vata.
"ah... chhawng chung berah a awm" ner suk pahin min kalsan leh nghal daih. Chhawng chung ber lam panin elevator ah ka chhuang chho vauh vauh a,chhawng chung ber ka thlen chuan library reng reng hmuh tur a awm lo, midang kal vel hmuh tur pawh an awmlo nnaktuk atangin class kal tan ka ngaih tawh avangin lehkha bu thenkhat hawh ngei ngei ka ngai chuvang chuan library awmna ka zawn hmuh ngei ngei angai.
.
Library awmna tura ka rin ah chuan ka kal zela, darkar 3 lai ka zawng kual tawh, midang han zawt dawn ila min chhang tha duh bawk si lo ,helai hmun ringawt pawh hi bona tham khawpa room tam leh kawngkawi tam ani bawk si.A tawp a tawp ah room pakhat ah hian ka lut hlawl a library anih loh avangin chhuah leh mai ka tum a ,mahse thawm ka hriat avang chuan ka ding chat!! hmeichhe authawm nimai in ka hria.Thawm lo chhuahna lam chu ka pan nghal vata,ri chu a hnai telh telh ,puan inzar pakhat chu ka pawtthla pawp a ka meng phawk chiang lutuk ka ka ka hup vata, lehlam ka hawi vata.
.
Ka thil hmuh hian min thawng takzet, mipa leh hmeichhia hi ruak vekin an lo awm a ka thawm hriat kha hmeichhe nuam ti thawm ani tih chu ka hai hauh lo mahse.... mahse ngatinge helai hmunah kher...
"Ka... ka tih palh.. " tih leh tlanchhuah ka rual a ka hlauthawng kher mai ka thinphu pawh a mumal thei tawh lo
" Lalpa, engthil nge ka hmuh kha, ka tum vang pawh ani lo" ka ti phei mawlh mawlh a,kal na tur lam pawh ka hrelo mipa phakhat hian min rawn kuai her lawp a,hnuai lam ka bih tlat a.
.
"ka tihpalh,ka tum reng vang ani lo" ka ti nghal mawlh mawlh a, ka thil hmuh kha rapthlak ka ti takzet hmuh nawn leh pawh ka duh tawh lo
"Hey!! min hre tawh lo ami?" phawk zetin ka hawi chho ha a.
"ang phuau suh" tih pahin ka khabe chu rawn nawr a, ka ka ka chip nghal hmak.
"ughh....nangmah maw!!" station atanga Loyola university thleng min phur tupa ngei kha ani.
.
"Haha... Stephen Cambelo ka nia chuang nangve? "a biangsum khuar kak chuan min rawn nuih suk a, ka hamhaih bawk nen hnungchhawn zawng chuan ka hawi thut a.
"min lo hrethiam rawh" tih leh tlan ka ruala, diktak chuan ka awm dan hi a dik zan lo, ka lo ngaihdan thin kha chuan inneih hnuah chauh an mu dun thin chupawh zahawm takin, mahse College kal lai anla nia an inneih hauh lo ang, engtin nge khatiang hmun ah khan ualau takin khatiang khan an awm theih zawk? Ka in nungchang mawi lo leh sualna hmun a lo tih thin kha min ti hrechhuak nghal zawk a ,hei ngei hi anih hi nawmchhen na hmun chu!!!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 2nd, 2017, 2:48 pm

Library ah ka kal dawn tih pawh ka hrechang tawh lo hostel lam panin ka tlan nghal hlawk hlawk a, ka che buai leh vek tawh corridor ah kawng pawh en mang lo in ka tlan phei hlawk hlawk a mipa pakhat lian leh sang zet hi ka su nghal chawrh, ka let nghal tawp a chupa chuan min rawn kaihthawh a hnekin a kal nghal nal nal a hmel chu ka hmu lo na in ,a leather jacket hak a dar hlai tak leh a pian vel te chu ka hmuh tawh hnu ang ka ti mahse khawi hmunah chiah nge ka hmuh tih erawh ka hrechhuak thei lo.
.
Ka tho vata ka ke ka sawh nat deuh avangin hmanhmawh takin ka bai phei aih aih a ,thaw hlawp hlawp chungin kawngka ka khar thuai a kawngka ngheng chung ka thu hnawk a,
"Norah " Sarah chuan mak tih hmel takin min lo en ha a,thawh mai ka tuma ka tho thei tlat lo.
"ka ke hi a na lutuk ....ka tho thei lo" mangang takin ka ti bah nuai a,Sarah chu ka bulah a rawn tlan phei vata .
"a thi anih hi " ka khup ka en chu a lo thi hnuang a, nichin khan ka tauh kak ani ngei ang.
.
"damdawi in ah kal vat ang thui te a lo ngaih takin "
"aih... damdawiin ah kal lo ang "
"a thi nasat em hi,a na lo ang ka awm hi "
"nilo...damdawiin a kal chuan pawisa hmanral na mai mai, anih loh pawhin tuilum leh lapua min laksak thei angem.? "
"awle" tih leh kal a rual a, tuilum leh lapua leh first kit box hi a rawn la a, ka bulah chuan alo thu ngawi renga.Ka khup chu ka hrufai mawlh mawlh a, damdawi hnawih in ka tuam vata,ka che vel chu min lo en kar a , bawng leh sakawr hliam ka lo enkawl fo tawh a hetiang pem mai mai hi chu enkawl dan ka bo lo hle.
.
Sarah chu a tho thut a, balcony lamah a kal daih a a awmdan mak tak avang chuan a bulah ka va bai phei ngal auh auh a.
"Sarah.... thil dik lo a awm ami?"
"engmah ani lo, hna ah ka tlai dawn" a mittui chu a hruhul zeuh a engmah thleng lo niawm tak chuan min rawn nuih sanga.Zawh luih erawh ka tum lo mahse a chungah hian ka hriattur a a duh si loh thil a thleng tih erawh ka chiang.
.
"heihi i dinner tur ania i ei dawn nia, " dawhkana thil inkhuh chu a hawng a "zanin chu ka rawn haw dawn lo a kawngka hi tha deuhin i kalh dawn nia"tih pahin a chhuak nghal daih a, ka thaw hawk a. Nichina ka thil hmuh khan ka awm a ti nuam thei lo inthiamloh na in ka khata thil sual tak ti ang mai hian ka awm.Ka khum bulah chuan ka thingthi sawk sawk a.
"Engthil nge ka tih hmasak tur pawh ka hrelo, helai hmunah hian mi thar ka ni a, thil thar tam tak ka hriatthiam loh tur pawh ka tawng zel ang khawngaih in min pui rawh ,Lalpa min pui hram rawh... Amen"
.
Ka thawveng nghal huai in ka hria, tih tur a awm lo bawka ka chhungte ka bia a an ni pawhin min lo ngai ve hle aniang tawng kan inchan lo ani ber mahse helai hmun hi nuam ka tih thu bak ka sawi ngai lo a chhanchu hrehawm ka tih zia hria se chuan min ngaihtuah leh dawn tih ka hria a an rilru tih hah ka duhlo ani. Dinner ka ei zawh meuh chuan alo tlai tawh hle a, ka chau bawka khum ah bawk in ka muhil chu ani nghal der.
.
Kawngka ri dawt dawt chuan min ti harh zawka, ka tho zawt a light ka on velah a reh leh daih sana ka en a dar3 chiah chiah ani, thawm chu ka han ngaichang leh vang vang a vawilehkhatah kawngka chu a rawn ri dawt a!!, ka phu chiang kher mai, ka thinphu chu a rawn in thum rawn nghal dawt dawt a kawngka ka kalh lo tih ka hriat chuan chil ka lem dak .Kawngka chu a rawn ri leh dawt thin a hmanhmawh zetin kawngka lamah ka bai phei nghal auh auh a buaina awmlo in ka kalh thei hlauh, ka thlan tui chuan min bual huh vek tawh , thil pakhat chu chiang takin ka hria room kawngka bulah mi an awm tih hi.
.
Ka ka chu hup in ka thaw hlawp hlawp a ka chiai ani ber mai , kawngka ngheng chuan ka ding ran a, ka rilru in ka tawngtai nghal mawlh mawlh .Mi an rawn luh ringin an rawn luh vela lo vuak nan tiin hmunphiah chu ka hum ran bawk a, ka hlauthawng lutuk chu ka khur der der tawh muang changin door viewer atang chuan ka bih dek dek a.Kawngka pawnah chuan palian pui pui hi an ding khup a, an insual ani tih erawh ka chiang hle.
.
"Raven...i rawn haw ngei angai" pa pakhat aw thum zetin a tih chu ka hre zui zat bawk, ka la bih renga an hmel erawh ka hmu chiang thei lo mahse pakhat chuan ka mit a la zar mai, a hmel ka hmu lo na a mahse a nak a dragon lem tattoo inchhu kalh chu ka hmu tawh tlatin ka hria.Chupa chuan leather jacket dum ha in a hnuaiah tshirt emaw vest pawh a ha lo, a lan dan chuan pa lian tak leh sang tak ani ani.
.
Min rawn tibuai dawn lo ani tih ka hriat chuan ka thaw nghal huai,khum lam panin ka bai phei leh auh auh a, tui ka han in leh khawlh khawlh phawt a ka hmunphiah ken lai chu in rin nan tiin khum bulah dah ran a, khumah chuan ka mu leh mahse ka muhil thei chuang lo

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)