AGONY:Don't let me go by Remruati Bawitlung (Haylor) (Completed)

[Ngaia]

Chapter-20
.
"Pi Carrie fanuTrixie Kha maw!!" thil thlen dan hi mak ka ti takzet. Pu Thomas in a ka kal hian Pi Carrie rawn kal hman loh changin a rawn kal thin a mahse Pi Carrie fanu Trixie hi Stephen nen inzawmna an nei ang tih ka ring pha ngai lo. Hetiang teh nuai thil a thlen vang pawh hi ani mahna pi Carrie in chhan awm lo a hna a bansan na chhan mahse Stephen leh Trixie maw!!! Ka awih thei lo thil awmlo ber pawl ani ang. Veronica leh Stephen kha an inzui reng thin a mahse Trixie leh Stephen kher kher hi chu tumah in an awih bik ka ring lo.
.
Trixie chu Stephen pawh chuan a rawn zui chhuak ve vata, Stephen an min rawn hmuh chuan min en renga ngawi rengin a kal leh nghala. Tun ang dinhmun ah hi chuan lo va in rawlh buai ve chhen a tulna ka hrelo. Thil ngaihtuah neuh neuh pah chuan lecture room ah chuan ka lut a vawin chu midang pawh hi an ngui vek ni mai in ka hria. Reilo te ah Trixie pawh a rawn lut ve vata,
" Hi!! Norah " a mit bui in sen vek mahse engmah thleng lo ang maiin min la nuih sang thei nia mawle mahse a mitmeng erawh in dawt a sawi thei lo.
.
" Hi!! " ka lo ti sap a, ka bulah chuan a rawn thu ve nghala. Ka ngaihbel vang nge pawh ka hrelo Trixie pum chu a lian sawt riau in ka hria. A ngaite bawkin Veronica leh Stephen pawh an rawn inzui lut leh ta Trixie chu ka melh zeuh a ,a mittui chu a tling nghal pam a a rilru nat tur zia chu ka hrethiampui ngai lo ang. Kan piah lawkah Stephen leh Veronica te pawh chu an thu dun leh a,Stephen pawh chu engmah thleng lo ang maiin a awm a inhmelhriat ngai miah lo anga an awm thei hi mak ka ti takzet.
.
Theih nise an pahnih a an harsatna hi chinfel sak vek ka duh mahse tih theih ka nei bik si lo. Trixie sawi ang khan Stephen fa alo pai maih lo thei bawk mahse Stephen khan a fa ani tih a chiang em em mai bawk si. Class lak lai te chu ka ngaihsak mumal thei lo ka awm a nuam thei thlawt lo .Ka buai ve na tur awm der si lo hian tinge ka lo lungngaih ve em em ? Stephen pawh chu han nui ve thin mahse a thinlung erawh ana hle tih ka hre thei.
.
Professor a chhuah velah Trixie chu a chhuak nghala keipawh in ka zui chhuak ve nghal. Washroom ah lut in uak tuarh tuarh ri ka hriat chuan kawngka chu ka hawng vata
" Trixie i tha maw!! " mak tih hmel zet hian min lo en ha a
" Aw.. ka tha " a rawn ti sap a,zawhna ngah hle mah ila engthil mah ka zawh chhunzawm chuang lo.
" anih chuan tha deuhin inenkawl rawh aw "kal ka tum a ka hnung lam atangin min rawn kuah chawt a, a tap nghal hawm hawm a.
.
" Trixie.... " ka lo kuah vata,
" Norah, a hrehawm emai" ka hnuk a ulh leh tlat tawh, ka mittui chu alo tling nghal pam a, a chan hi ka chunga thleng tura ka ngaihtuah ringawt pawh hian ka rilru hi a na ngawih ngawih.
" tap tawh suh " ka han ti leh ringawt thin a mahse awmzia a nei lem lo. Washroom atangin Trixie nen chuan kan chhuak dun leh a, engmah min hrilh lo mahse Stephen nen an inkar hi siamthat ka duh takzet.
.
Corridor a kan kal phei lai chuan midang pawh an lo zi leh hut hut tawh a ,Raven leh Jazz kan tawk ta thut mai!! Raven chu biak tum in ka ang zuau hman a mahse vawi khat pawh min rawn melh eih lo chuan min kalpel anih chu!! ka thinlung hi vih zawk ah mai hian a na takzet. Ka hawi let vata ngatinge Raven kha tikhan a awm tak mai zingah kha chuan tha takin min la thlah si a.
" Norah ngatinge i din renga?"
" Ahh... engmah a nilo " Trixie chu za lo zet hian ka nuih suk a .
.
________________________________________
.
Library a ka kal zawh meuh chuan khua alo thim leh tep tawh, hmanhmawh zetin bus station lam panin ka kal nghal hlawk hlawk a. Bus pawh reilo te ah a rawn thleng nghal vat hmanhmawh zetin ka lut nghala.
" Oh!! Trixie nangpawh i va tlai ve tho ve " Trixie bulah chuan ka va thu vata.
" Nia class zawh velah hna ka thawk a " min lo nuih suk a.
" anih chu Pu Thomas inah pawh kan kal rual thei ang chu " ka tih chuan a nui tawp nghal hmak .
.
" Ahh... Englo ania Ka nu a thawk tawh lo a "
" mahse tlawh tur chuan ila rawn kal thin tho ang chu "
" Nia "
" Ohh!! ka chhuk a hun Trixie mangtha le "ban vai lauh lauh pahin station ah chuan ka chhuk nghala.
"Vawin chu ka tlai hle mai" ka nui suk a. Bike pakhat rawn tlan phei chuan ka mit a la nghal zar mai ka nui tawp nghal hmak,bike chu ka lo thlir renga hai rual loh in Raven ngei ani mahse tunge a hmeichhe phurh kha!!
.
Ka din na ngaiah chuan ka ding khawng renga," nilo.... engmah anih loh kha " ka phone chu la chhuak in Raven chu ka call vata ka rin ang ngeiin a la theilo.
"a thian tha tak pawh alo ni reng mai thei asin" ka inhnem nghal mawlh mawlh a mahse a ruk tak chuan ka thik a ka rilru a na hle bawk. Phur lo zetin Pu Thomas in lam pan chuan ka kal leh nghal hnak hnak a ,Vawina Raven awmdan leh min hriatloh der dan te chu ka ngaihtuah a ka ngaih chu a tha lo tulh tulh mai bawk si. Huizzz hepa hi chuan min ti a thei takngial dawn,thil hi a eng lam hawi zawngin ka thlir hram hram tur ani.
.
Engmah thleng lo ang mai chuan ka kal zela, inchhung ka luh chuan alo reh leh thap tawh mak ti tur pawh ka nilo hetiang te hi chu thil thleng fo ani alawm. Inchung ka chho tur chu thil rawn thlawk fua hi ka hmu thut a, ka kut in ka lo indang nghal vat, ka hriat zawng chu glass no tla keh chuai thawm chiah ani.Ka kut chu a rawn lum nghal ta pup pup mai ka kut chu ka en vata thisen hlir phawk fe hian ka meng nghal kawk a.
"Norah.... " Stephen chu rawn tlan thla in ka chal chu a kawr chuan a rawn hup nghal vata
.
" Ka tha "
" aih... i tha lo,kha thil kha lo vawm lo tawp tur ka ni asin " tih pahin couch ah chuan min thuttir vat a.
" Doctor min lo pui vat teh " Stephen chu a au nghal tuarh a
" engmah ani lo" zu rim a nam ham ham lehnghal. Doctor pawh chu a rawn tlan thla vata, min rawn buaipui nghal sawk sawk bawk.
" Norah i chal chu hmun hnih velah chilh angai anih hi" a ruk chuan na ka ti mahse ka thinlung hi ana daih zawk.
.
Doctor in ka chal kak a chilh zawh chuan a na a zual tulh tulh nimai hian ka hria.
" i vannei hle mai Thomas check up turin ka lo kal lai tak ani hlauh a"
" ka lawm takzet i lo awm chu " Stephen chuan inthiamloh hmel zetin ngawi reng hian min lo en reng a .
"fimkhur tawh la Stephen.... anih chuan ka kal nghal mai ang, mangtha ule" tih pahin doctor chu a kal nghala.
" Ka tihpalh "
" Stephen i thiamloh ani lo"
" ani alawm,kha no kha vawm lo ila chu hetiang thil hi a thleng lo tawp ang"

"i thinrim vang tiraw? " min chhang loin a kun lap a, a awmdan atang chuan a rui hle tawh tih a hriat theih
"zanin chu haw hma mai rawh, a pawilo "
"awle" ka lu alo na bawk nen haw a mut mai chu ka duh zawk. Stephen phone chu a rawn ri tlang tlang a, phone chu a en vung vung a vawileh khatah a paih leh ta pawp mai!!
" Enge maw i hriat le? " ka lo ti nghal tuarh a, a tho thut a Couch bula vase lian leh nalh zet mai chu a paih keh ta chuai mai.
.
A la duhtawk mai lo a au tuarh tuarh a, a bula thil awm apiang chu a paih ta hmiah hmiah mai, ka hlau lutuk chu beng hup chungin couch sirah chuan ka thu tawm tlat a,
" Stephen duhtawk rawh" ka au tuarh tuarh bawk a mahse awmzia a awm lo.Stephen chu ka bulah rawn kal in ka hma ah chuan a rawn thingthi hnawk a,min rawn khawih ka hlauh avang chuan ka lo tawlh hnung vat.
" Norah... " a lu chu ka kup ah ngatin a insut ri hraih hraih a.
.
A lu ah chuan duat takin ka lo chul sak heuh heuh a,
" Norah... ka.. thinlung hi a na " a awm chu a dawm vang vang a "hetiang hian animaw hmangaihte chan hi alo nat "sawi tur pawh ka hrelo min rawn kuah nghal thlawp a,a hnung ah chuan zaidam tak hian ka lo beng sak thak thak a.
"Trixie vang tiraw?" mak tih hmel takin min rawn en ha a, a lu a bu nghat a.
"a atthlak tiraw? hmangaih ka nei ang tih hi tun thleng pawh hian ka la ring thei lo "
.
" nilo... Stephen Trixie hi i hmangaih ani tih hi in pawm rawh"
" chu aia na zawk chu maw ka fa apai mahse tinge ka fa anih loh thu min hrilh si... nilo Trixie hi ka hrechiang lutuk ka fa ngei ani chuan Jason pawhin vawikhat pawh an mutdun loh thu a sawi ..Norah ka thinlung hi a puak keh mai dawn in ka hria "
Sawi tur pawh hrelo chuan ka thu ngawi renga Stephen pawh chu ka bulah rawn thu in a in dawm kun lap a.
" Ka la hre reng Trixie ka hmuh hmasak ber khan kum14 chauh ka la ni, ka vawikhat hmuhna ah hmeltha ka ti in ka rilru ah a awm nghal renga nangmah ang chiah in a nun a nem in mi a ring hma em em a,mahse chu chu hmeichhe tamtak neih ve loh ani tlat" a nui ri zui hak a.
.
" Chu chu remchangah la in Trixie chu ka zar buai ta renga, min duh ani tih ka hriat velah ka kalsan leh ta ani. Hmeichhe dang ka kawp san renga ani chu midang hma ah chuan hmelhriat ngai lo ang maiin ka kalsan thin.Keimah vangin miten chhaihnawm nah in an tiduh dah thin mahse hnem turin a kaingah ka awm ngai lo. Min hmangaihna leh a engkim min hlan zawng zawng te chu fiamthu thawh nan ka lo hman sak a mahse tunah chuan ka hrethiam tawh " A mittui chu a tling pam a, hetianga Stephen a awm ta mai hi ka ring thei lo.
.
"Jason nen an inkawp tih ka hriat khan engkim chu a danglam ta vek.Hmelhriat ngai loh ang maia ka lo kalpelh thin avanga a rilru lo nat tur zia te ,a hmangaihna ka lo hai der sak thin avanga a rilru nat tur zia te, ka tana a mittui a sen zozai te kha ..aw...ka lo mawl rei lutuk mah mah ani"
" mahse i thiamloh engmah a awmlo"
" nilo ka thiam lo vek ani, Norah i chungah pawh thilsual tamtak ka ti ani "
"tiang hian awm suh "
.
"i hria em keipawh mak ka tih khawpin Trixie nen in mizia a in ang a,i bula ka awm khan Trixie ka nei let leh ang hialin ka inhre thin asin chuvang chuan ka zar buai ta reng che a mahse tunah chuan ka a tawh bik lo Trixie hi ka nei let leh ngei tur ani".Stephen chuan Trixie nen an chungchang chu min hrilh ta veka mahse ka hriatthiam loh chu tinge Trixie hian a fa pai hi Stephen fa anilo a tih tlat chhan hi ani. Stephen mut hnu chuan a thil paih keh vel te chu ka thian faia ,ka haw dawn meuh chuan dar11 alo ri der tawh.
.
Driver in hostel thleng min thlah haw leh a, zanin chu nidang aiin ka chau.. ka lu lah chu a na em em lehnghal .Elevator a ka chuan lai te chuan ka lu ka dawm leh vang vang thin a, mut hahchawlh ka mamawh takzet. Kun lap in elevator atang chuan ka chhuak a,ka lu a hai em avang chuan muang changin corridor ah chuan ka kal phei chhat chhat a.
" Raven mangtha le" ka hawi chhuak rang kher mai , Room kawngka bula hmeichhe pakhat chhelo zet leh Raven te infawp lai ka hmuh chuan ka ding nghal chawt a, ka lu a hai bawk nen ka khawhmuh chu a fiah lo nghal riai riai a, ka hriat zawng chu chhuatah ka tlu tih ani, mahse ka che thei si lo a rawn thim nghal mup mup a, engmah ka hrezui tawh lo.

[Ngaia]

Chapter-21
.
"Damdawiin ah chuan kalpui a ngai lo tak tak ang maw? "
" Um...a rawn harh leh vat mai ang "
"engemaw a thlen chuan mawh ka phur dawn miah lo ania "
"engmah a thleng dawn lo i kal thei tawh ang " An thusawi chu chiang lo deuh hian ka hre ruai ruai a mahse meng tur chuan ka chau lutuk.Ka mittui chu a rawn luang ngiai ngiai a,ka rilru a na takzet. Ngatinge Raven hi hetianga a awm tak mai le ? Engmah hi ka hre thiam lo ka hriat zawng chu Raven hian hmeichhe dang a fawp tih chauh lo chu.
.
" Anih mangtha " tih paha kawngka inkhar ri thuai chu ka hre zui nghal a mahse ka meng duh chuang lo.
" i harh tih ka hria ania" Raven chuan zawi sap hian a rawn ti a mahse ka inhum ruh a ka awm dan ngai chuan ka awm lui tlat tho.
" Kha damdawi hi ei rawh chuan i lu na pawh a zia deuh ang " dawhkan ah chuan tui leh damdawi hi a rawn dah a, bathroom ah a lut zui nghala.Bathroom ah a lut tih ka hriat rual rual chuan ka han meng siar siar a, ka lu chu ka han dawm leh vang vang thin a.
.
Ka inrin loh lai takin Raven chu bathroom atang chuan a rawn chhuak ta thut mai mutthilh der na hman ani tawh lo towel chauh a veng lehnghal ,a abs leh a V-line pawh a lang chiang kher mai a chhelo takzet.A taksa a tattoo inchhu khat tuarh te pawh chu a inhmeh zo vek tawh. A che vel chu ka lo en kar a, a tshirt chu ha in khumah chuan a rawn thu a.
"i chal kha engtia i tih nat nge ?" chhang lo in lehlam ka hawi hmak, thinrim insum tih hriat takin thawk a han la kawk a.
.
" Min hrilh rawh heihi tu tih nge? " zaidam tak a tih pahin ka sam chu rawn chul a tum a mahse a kut ka lo paihthlak sak vata Raven zaidamna in a tlin leh ta lo.A ding thut a Dawhkana no chu a paih keh nghal chuai.
" A tha e...ka khawih lo ang che" a ti vin nghal thah a mahse ka awmdan ka ti danglam duh bik lo. Keimah zawk hi thinrim tur ka nih laiin amah zawk a thinrim amaw!! a ti mah mah ani.
" Norah... tikhan min awm khum reng reng suh, he thil i chunga ti tu hi ka hriatchhuah hunah chuan ka chhuah lo ang "
.
" Duhtawk rawh ,a tawk tawh " ka beng chu hup in ka au nghal tuarh tuarh a, Raven chu mangan hmel zet hian ka bulah a rawn thu leh a
" min rawn khawih hlek suh " ka lu na lutuk chu ka han dawm leh vang vang rih a.
" Hreptak chuan... "
" Raven i thin a rim amaw!! " ka nui lui hak a "ka mit ngeiin hmeichhe dang i fawp a tichung chuan ka chungah i thinrim amaw " a ngawi renga mahse chu chuan min ti na zawk . A fawh loh thu emaw chhuanlam enge maw tal a siam ka lo ring asin.
.
" ka mit hmuh ah rawn in lan leh tawh suh " ka mittui chu a rawn luang nghal zung zung a.Raven chu inthiam loh hmel takin a kun lap a, a tho thut a a jacket chu la in room chu a chhuahsan nghal hmak a. A hma aia ring chuan ka tap nghal hawm hawm a, insawifiah se chuan lawm takin ka pawm mai tur.Nilo, kan inkar hi tihtawp vek ka duh ...a tawpah a na zawk ka ni leh tho tho ang ,Raven hi ka haw ngawih ngawih.
.
Raven khumah ka mut avangin phur lo zet in ka room lam ah ka phei taih taih a engmah ti kawi loin khumah ka mu leh nghal.Ka mut lah a chhuak hek lo Ka inngaihtuah lungchhia a ka tap bang thei lo ani ber,
" Norah..... " Sarah aw ka hriat chuan ka tap chhuak leh nghal hawm hawm a .
" Engthil nge thleng hi " ka khumah rawn thu in min rawn kuah vata,ka inhnit nghal hlawp hlawp a engmah lah chu ka sawi thei bawk si lo.
.
Ka duhtawk ka tah hnu chuan ka han hawi chhuaka khua alo var der tawh.
" Norah thil thlen dan hi min hrilh vek rawh chuan tinge i chal hi ?" a ti nghal zung zung a, Raven nen kan intawn dan te leh engkim chu ka hrilh nghal veka ka zang huai in ka hria ,Sarah chuan mak tih hmel takin min en ha a.
" Raven chu chu chutiang chuan a awm amaw!!" a awm dan atang chuan ka thusawi chu a awih lo ani ber.Ka lu ka lo bu nghat a.
" Ka awih thei lo... ih...ih ka tih awmzia chu Raven hi hetianga a awm vawikhatna " a tih leh sap a. " Engkim a tha leh vat mai ang "
.
" Sarah....Theih nise room danga insawn ka chak takzet "
" nilo e.... min ring rawh engkim a tha leh vat ang " Sarah chuan a vest chu phelh in khumah chuan a theh thal tawp a
" Class i kal dawn em vawin? "
" Aih.... vawin chu ka awm a nuam lo a ka kal lo ang" Sarah hnunga tattoo inchhu chu ka en renga, mak ka tih zawk chu Raven nen an tattoo a inang chiah chiah, an hnungzangah Chinghnia lem a inchhu ve ve mahse hetiang te chu thil thleng thei chu ani alawm, mak ka ti lutuk tur pawh ani lo.
.
" Anih chuan kha ei rawh " Sandwich leh bawnghnute hi min rawn pe a,
" ka lawm e " ka tawngtai zawh chuan ka ril a tam tawh bawka ka ei nghal tawn tawn a Sarah chuan min lo thlir renga.
"Vawin chu ruah a tla lehnghal... Norah awmpui tur che in min duh em? "
" Angai lo... keimah pawn ka awmthei tho alawm min ngaihtuah suh movie ka en anga "
"awmpui chu i ngailo tak tak ang maw? ka ngaihtuah takzet che ruah a sur nasa bawk si "
"hei damlo kal thei lo pawh ka nih loh hi... class i tlai dawn a nia kal tawh rawh "
.
" anih chuan ka kal ania" balcony lam kawngka chu a khar nghal sawk sawk a " lo inenkawl tha ang che lo haw vat ka lo tum ang "
" awle " Sarah pawh chu a chhuak ve nghala. Breakfast te ka han ei te te a, ruah a sur vang te pawh ani mahna a vawt sur mai. A lum thei ang ber chuan ka inthuam a, khumah thu in movie en tur chu ka han zawng kual vela. Rei lo te ah kawngka chu an rawng kik ri karh karh a.
" Sarah chu min ngaihtuah lo tur khan ka ti si a " tho chhuakin kawngka hawng tur chuan ka kal nghala.
.
" Sarah min ngaihtuah suh.... " tih paha kawngka ka hawng chiah chu phawk fe hian ka meng nghal kawk a.
" Raven.... " ka ti chuai raih a, mak tih hmel takin ka en reng a,a huh veka kawngka bulah chuan alo ding khur hlak hlak bawk.
"enge hetah i rawn tih dawn... i rui lehnghal"
"tlemte chauh ka in... ka lo lut thei angem? "
" nilo...rawn lut suh kal leh zawk rawh " min chhang lo chuan a ding kun lap a, a inthiam lo hmel ka hmuh hian keimah zawk hi ka inthiam lo lek lek.
.
Chutia a din reng avang chuan ka nem leh nghal vek tawh mahse ka tilang tur ani lo.
" Rawn lut rawh " ka luh san daih a, khumah thu in movie chu ka en chhunzawm leh nghala.Ngawi rengin khum bulah chuan a ding khur hlak hlak a, a thawmhnaw a huh vek bawk si a chhuat pawh a ti huh vek tawh mahse ka be duh bik lo ngaihsak ang pawhin ka awm duh lo.
" Norah.... "
" umm.... "
"ka tihpalh "hria ang pawhin ka awmlo, ka awmdan ngai chuan ka awm renga.
.
" Ka thiam lo ani" tih pahin min rawn kawih a tum a .
" min rawn tawk hlek suh " ka lo indang nghal vata
" awle, movie chu ka lo en ve thei angem " inthlahrun hmel zet hian a ti sap a,a hmuh theih turin laptop chu ka kuaiher a, a huh nasat em avang chuan chhuatah chuan a thu ran a movie pawh a en mang lo keimah min en ani ber mahse ka hre lo der tlat tho. Tuna Raven awmdan hi ka hrethiam lo,nidang chu nise min vin leh vak vak tawh ang mahse tun ah tak hi chuan a ka ah pawh zen ila min seh lo ang .

A changin ka zuk melh leh zeuh thin a, min lo en reng thin avang chuan ka lai lek lek zel mahse a hma ang khan ka awm tawh tur ani lo, Raven hian hmeichhe dang a fawp tiin ka in hrilh nghal mawlh mawlh a, diktak chuan ka haw ngawih ngawih khati khawp khan kan inzui nasa a mahse hmeichhe dang a fawp tho si, ka khawngaih bik tur ani lo.Vawt a tih em avangin a hmui te chu a duk vek tawh a,mahse engmah a sawisel chuang lo, Lungawi hmel takin chhuatah chuan a thu ve tho.
"I thawmhnaw kha phelh la Sarah khumah khan mu rawh "
.
" aih ka duh lo i khumah lo chuan "
" Ngatinge ruah te i do reng reng a " khum atang chuan ka tho chhuaka towel chu la in a sam chu ka hruk hul sak mawlh mawlh a " Vawt i ti leh hle sia.... i room ah va kal la va mu lum rawh " ka tih chuan a hawisawn nghal hmak.
"tihian vawt ti deuh hian ka awm zawk mai ang "
" ngatinge i luhlul em em a, i damlo mai tur asin "
"min ngaihtuah si chuan ka biak che in min chang ta che "
.
"Raven.... hmeichhe dang ang ka ni lo, i bum kual mai mai theih ka nilo "
"chutiang chuan ka ngai ve lo "
"Chaklo taka awm ka duh tawh lo"ka khabe ah rawn dawm in ka mit ah tak min en kalh a
" Norah... ka inthiam lo ani tih hi i hria tiraw " a tih chuan ka lo bu nghata
" chuan ka tihpalh ani tih hi hre bawk ang che " ka hmuiah chuan a rawn fawp zeuh a
" anih ka ring thei che angem? "
"nilo...Norah... nilo... min ring suh ...engtikah mah min ring suh " Raven awmdan hi a mak takzet ngatinge ka rin hi a hlauh em em le?
.
" Engvangin maw ?"
" Ka hrilh thei lo che mahse min ring turin ka duh lo che chuan keimah vang hian i rilru i tih nat ka duh lo" a thusawi engmah hi ka hre thiam lo mahse ka zawh belh duh chuang lo.
" awle" ka ti ta ringawta.
" anih chuan tihian kan tha tiraw" min rawn nuih suk a.
" umm...va inthlak rawh"
" awle ....ka rawn let leh vat ang " tih pahin room atangin a chhuak nghala.
.
________________________________________
.
Nilengin Raven nen chuan movie kan en dun a a nuam takzet. Raven bula ka awm hi chuan ka thla a muang em em a tu dang mah ka ngai bik lo. Chutia movie kan en dun lai chuan Sarah chu a rawn lut thut a, Raven nen an inhmuh chuan an awmdan a danglam nghal vek.
" ahh.... ka rawn kal fuh chiah lo niin a lang "
" ni lo e.... movie ka lo en a, lo en ve nghal la "
" ahh... kalna tur ka nei a, ka kal zawk mai ang " Sarah chu a insiam sawk sawk a ,a chhuak leh nghala.
.
" Sarah awmdan kha a mak tiraw? "
" ahh... ka hrelo "
" Khatiang khan a awm ngai miah lo, a hma in in in hre lawk em? "
" Aih ... tinge?"
"mak deuh chu maw in tattoo a in ang chiah chiah a" Raven hmel chu a danglam leh nghal vek tawh .
" Ani maw!" za lo zet hian a nui suk a." Norah... a tlai tawh" a tih chuan sana ka en vata dar4 alo ri der tawh "i hna thawhna ah ka thlah ang che "
" aih nilo...min thlah thei lo ang"
" ngati maw ?"
" a theih loh.... ahhh... keimah in ka kal mai ang " tih pahin ka insiam sawk sawk a.
.
"ok... anih chuan hna i zawh ah ka rawn lam mai ang che "
" aih chu pawh chu i thei lo " ka che buai leh vek tawh Raven hian ka hnathawhna hi a hrechhuak anih vaih chuan buaina lian zawk a thleng ngei ang .
" awle... i tih tlat te chuan "
"bye" kal ka tum a mahse min lo pawt let leh nghal.
" i va hmanhmawh em em ve " ka hmuiah a rawn fawp nghal tawn tawn a,
" Ka hman hmawh ania" ka lo nam sawn vata
.
" aih vawikhat leh chiah " tih pahin min rawn fawp leh a, a na thei bak berin a hmuiah chu ka sehsak vaka.
" Hreptak chuan " a hmui chu khawih in min rawn vin leh tuarh tawh.
" min rawn fawh leh chuan a aia na in ka seh leh ang "
" awle " tih pahin min rawn fawp lui leh ngat a, mahse hepa hi chu ka hnar thei thlawt lo, a bula ka awm hi chuan dawl zawr in ka zawr ani ber.

[Ngaia]

Chapter-22
.
Pu Thomas room lam pan chuan ka kal chho chhat chhat a, engtianga rei nge Raven bulah hian ka zep ang a inah hna ka thawk tih hi hria se chuan a thin a rim anga ka kal a phal tawh lo ngei ang mahse he hna hi ka tan a pawimawh lutuk tlat.Pu Thomas bulah thu in thawk ka han la hak a ,biakin dar a rawn ri zui zat bawk.
"Ka pu... i fapa hi ka hmangaih ani thei mai angem? Diktak chuan Raven hi hnaih tawh lo ka duh mahse ka thei si lo " ka hmui chu ka pet fan fan a.
"Ngatinge ka nu khan Nun ni turin min lo tih kher kher le? " ka ti sap a,
.
Ngatinge hetianga ka awm tak mai ,Raven ka tawn hma kha chuan tumah hian ka nih tum hi min dal ngai lo mahse tunah chuan khang ka thutiam lo siam zawng zawng te kha theihnghilh hmak ka duh mahse ka thei si lo.
" Pu Thomas... ka rinna hian min ti na takzet " ka awm chu ka han dawm vang vang a, mahse heng thil zawng zawng hi Pathian remruat anih ka ring " ka rosary awrh lai chu en in ka mittui chu a rawn far fap a." Ka nu leh ka chhungte pawh ka lo theihnghilh hman thelh alawm " Raven ka tawn atang khan ka chhungte pawh ka be tawh ngai lo, .
.
"Pu Thomas rawn harh tawh rawh.....i chhungte hi i ngaihtuah lo em ni " a taksa hruk fai pah chuan ka be mawlh mawlh a ,Cambelo Chungkua hian thuruk tamtak mite hriat si loh hi an neih ka ring nghet tlat mahse hriat chhuah erawh ka tum lo,ka nu thlalak chu la chhuak in ka han en vang vang leh rih a.
" A chhungkua kehdarh vek tawh hi rawh hmuh a duh loh vang pawh ani mahna " Pu Christopher chu kawngka bulah dingin min lo en reng a.
" Enge awmzia? "
.
" I hria em Norah.... Thomas hetianga a awm atang hian vawikhat mah chhungkua in chaw kan ei ho leh tawh ngai lo... kha kha i nu ami? " a tih chuan ka lo bu nghata,mak tih hmel takin thlalak chu a rawn en vang vang a.
" i nu chu a hmeltha hle mai "
"kum14 mi chauh ka nih in min boralsan tawh a...car accident ah "
" pawi ka ti lutuk "
"ughh...ka ngai thei lutuk hi a chang chuan zui ve daih mai hi ka duh thin "
"Kan duh dan ang hian thil hi a thleng theih lo chu anih hi tiraw" a thaw hak a "Rosalind pawh kha la dam se chuan Raven pawh he inah hian a khawsa anga nun mumal tak nei in engkim kan ti ho ngei ang "
.
" Ughh...Rosalind awmlo mahse Raven tal ala dam alawm"
" nilo e... ugh...tunah chuan thil tih ho chu thuhran nilenga inhmuh miah loh chang te kan nei thin alawm... haha... ngaiah kan nei tawh hlawm chu anih hi maw"
" mahse i siam tha leh thei ang chu "
"hahaha.... ka lawm e chutiang beiseina i neih avangin mahse siamthat theih ani tawh lo ser thuk tak mai tuma tihdam theih loh a awm tlat tawh "
"i tum tal thei lo ami.... Raven pawh tha deuh a i sawipui chuan... "
" nilo... Norah nilo... " min lo pawt chat vata.
.
" Raven hi a rawn let leh chu ka duh meuh mai vawitam tak pawh ka ko tawh mahse rawn let leh se engthil nge thleng ang i hria em? " mak tih hmel takin ka lo en ha a "Raven hi a thi ang " ka meng phawk nghal kawk , Pu Christopher thusawi hi engmah ka hrethiam lo ,engvanga hetiang thil hi min hrilh nge ani tih hi ka hre thiam lo.
"engvangin ?"
" Norah.. ka hrilh thei lo che mahse nakinah engkim hi ila hrechhuak vek ang "
" mahse engvanga heng thil zawng zawng hi min hrilh nge i nih "
" a chhanchu inzawmna in neih vang ani "
.
Pu Christopher thusawi hi ka hrethiam lo tulh tulh mai heng buaina zozai ka hriat vek si loh nen hian engvanga inzawmna nei nge kan nih ?
" inzawmna kan nei maw!! "
"tunah chuan i la inpeih lo mahse i la hrechhuak vat ang... oh!! ka lo tibuai rei lutuk dawn che alawm chhunzawm leh tawh rawh" tih pahin room atang chuan a chhuak nghala.Ka thil tih lai pawh ka ti tui thei tawh lo,engvanga Cambelo chhungkua nen a inzawm daih nge kan nih tih hi ka hrethiam lo takzet.Room ka tihfai lai te chuan ka lo ngaihtuah leh veng veng thin a, ka awm a nuam thei thlawt lo.
.
Hna ka thawh zawh chuan a lo tlai leh ruih tawh ,ka bag chu ak in inhnuai lam chu ka pan nghala.
" Oho.... Pi Carrie hna i tan leh tawh ani maw!! " Pi Carrie chu phawk fe hian ka melh kalh a.
" aw...hei vawin atangin ka tan leh tawh, helai hmun hi chu ka chhuahsan thei thlawt lo "
"ka lo pui ang che" tih pahin a tray chawi lai chu ka laksak vata.
" A ngai lo Norah.... "
" Khawiah nge dah tur " ka lo ti vata
" Chhawng chung berah Pi Regina room ah aw "
.
Maw!! Pi Regina room ah maw!! mahse ka ti laklawh tawh si ,tray chu ka hum nghet sauh sauh a
" ka lo let leh vat ang " tih pahin inchung lamah ka chho nghala. Diktak chuan Pi Regina hi ka mi ngainat zawng ani lo chuan hmuh ka hreh hle bawk." Engmah tihsual ka nei lo " ka ti sap a,Pi Regina chungah Engmah tihsual ka nei lo chuvang chuan hetiang hian ka awm tur ani lo. Room atam bawka a khawi ber hi nge Pi Regina room chu? Room tin mai chu ka en phei zela ,Room tawp ber hi chu a ni tawh ngei ngei ang. Kawngka kik tumin ka kut chu ka han lek kang a
.
" Scarlet Alison Stowe chu ka dah bo hnu pawhin buaina ala siam tam hle mai " tih ri ka hriat chuan ka kut chu ka dah thla rang kher mai,mak ka tih zawk chu Pi Regina leh ka nu an inhria!! A aia chiang zawk chuan ka han ngaithla leh a.
" Ka pi... Scarlet Alison Stowe hian a chhungte identity zawng zawng a thih hma khan a thai reh veka tun thleng hian a chhungte awmna kan la hrechhuak thei lo "
" Zawng chhuak vat rawh u.... kha thil kha ka kut ah ngei hian dah ka duh ani,
i hlawhchham leh anih vaih chuan... "
.
Ka lungphu hi a rawn in thum rawn nghal zawt zawt nimai hian ka hria, ka hlauthawng lutuk chu ka khur nghal der der a ka thlan tui in min bual huh nghal vek bawk. Ka chil chu ka han leh lem khalh thin a, thawm zawi thei ang ber in inhnuai lamah ka chhuk thla leh nghala.
" Norah...heihi ngatinge i rawn chawi thlak leh "ka lo inngaihtuah muk em avang chuan ka phu zawk a.
" ih... ughh... englo Pi Regina room ka hmu zo lo a " tih pahin tray chu dawhkanah ka dah nghal thuai a
" Norah... i tha maw " Pi Carrie chuan chiang zet hian min en ran a,pangngai thei ang berin ka lo awm vata
" aw...ka kal mai ang " tih pahin ka tlan chhuak nghala.
.
Ka nu kha thah maw anih!! Chuan a that tu chu tudang nilo in Pi Regina maw!!
"Lalpa ngatinge hengtiang thil hi a thlen tak mai keimah chauh chuan engtin nge ka hmachhawn tak ang " kawngah chuan ka thu hnawk a,ka insum thei tawh lo ka tap chhuak nghal hawm hawm a. Tunah hian kei leh ka chhungte chu min zawng meka chuan min zawng tu ngei inah hna ka thawk bawk, engtin nge ka tih tak ang ka tlan chhiatsan dawn nge ka hmachhawn dawn? Hei vang hi ami khang buaina zozai nena inzawmna kan neih na chhan? Mahse ngatinge kei kher, hmeichhia a zawnga derdep leh chaklo hian engtin nge buaina hi ka tih reh tak ang?
.
Hostel lam pan in muang changin ka kal chhat chhat a ngaihtuahna mumal pawh ka pu thei tawh lo,Khua chuan ka lungngaih na min tawmpui ve niawm tak hian ruah chu a sur cherh cherh bawka, Ka nu khan engthil sual nge atih? Engtiang fakau a sual nge anih thah anih tak mai!!
" Lalpa min pui lul teh " ka ti sap a, ka mittui chu a rawn luang leh nghal zung zung a. Engpawh thleng se he thil hi zawnchhuah vek ka duh ,Bus stand ah chuan ka thu ran a,zan a rei tawh bawka bus pawh a khat pharh mai. Chutia ka thut mai mai lai te chuan ka tap leh rih thin, ka nu kha kan bulah la awm tur ani asin.
.
Ka phone a rawn rik avang chuan ka phawrh chhuak nghal vata,
" Raven maw!! " ka phone chu ka en vung vung a,pickup nachang pawh ka hrelo. Raven chuan a rawn call nawn tluk tluk a mahse ka pickup lo . Thil chi hrang hrang ka ngaihtuah chhuak zela, min zawn reng vang pawh hi ani mahna ka nu thih atangin Norah tia min koh tak ,a hma kha chuan Alison tih hlirin min ko thin mahse tunah chuan Ka pa in Alison tih hrim hrim hi tih rik a phal tawh ngai lo. Anih chuan heng thil thleng zawng zawng hi ka pa in a hria tihna ami?

Zawhna hlirin ka khata a chhanna erawh pi Regina bakin min pe thei lo "Norah.... " Ka hawi chho vata, ka piah lawkah Raven chuan mangang tih hriat tak hian min lo en renga .
" Ngatinge ka call i lak loh " ka bulah chuan a rawn thu vata, za lo zet hian ka lo nuih suk a mahse ka mittui erawh ka dang thei chuang lo.
" Raven engtin nge ka tih tak ang"min rawn kuah vata, ka tap lehnghal hawm hawm a.
" Shhh....i bulah ka awm tawh hi thlamuang deuh in awm rawh "ka inhnit hlawp hlawp a, ka sam ah chuan duat takin a rawn chul heuh heuh a ka dam sawng sawng in ka hria.
.
Rei fe ka tah hnu chuan ka mit te chu a bui zo vek tawh a, tah loh tum mah ila ka mittui a rawn tla zel bawk si.
"Raven biakin ah min hruai rawh "
" a tlai tawh si a, naktukah ka hruai zawk ang che umm... tunah chuan hahchawl phawt rawh " a tih chuan ka lo bu nghata, a vawt bawk nen Raven chuan a jacket chuan min rawn khuh nghala.
" lo kal rawh le haw ang "ka hmuiah chuan a rawn fawp vang vang a, hostel lam panin min kalpui nghala.
.
Hostel kan thlen chuan a tlai tawh bawka tumah hmuh tur pawh an awm tawh lo, ka thawmhnaw te chu a huhzawr vek tawh a vawt ka tih em avangin ka hmui te chu a duk vek tawh . Inkai chungin ngawi rengin elevator ah kan chuang cho a, ka mangan laia Raven ka kianga a awm hi ka lawm takzet mahse ka thinlung in hnaih lo turin min hrilh mawlh mawlh bawk. Corridor ah chuan min kai phei hnak hnak a, Jazz leh Brandon kan tawk thut mai, Raven chuan ka kut a thlah nghal hmak.
.
" Enge hetah in rawn tih? " Raven chuan a ti sap a.
" Naktukah kan inhmu dawn nia " tih pahin Jazz chuan ka samah rawn chul a tum a
" Khawih hlek suh " tih pahin Jazz chu a hnek thal thuai mai!! ka ka hup in ka te nghal thawt a, Jazz pawh tlawm mai a tum bik lo Raven hmaiah chuan a rawn hnek ve nghal sawk a, Brandon chuan alo thelh nghal vat bawk.
"Duhtawk rawh u... Jazz kal ang " Brandon chuan Jazz chu a kalpui nghal dawr dawr a
" Raven... fimkhur ang che " Jazz chuan elevator a luh pah chuan a rawn ti leh hram , Raven chu a kun lapa.
.
" I tha em? " ka lo ti vata,
"Zanin chu ka bulah i riak thei angem? "
" Ahh... "
" engtin mah ka ti dawn lo che ka bula mut ringawt ani mai "
" awle " Sarah a awm bawk si lo a, keimah chauhin mu pawh ni ila ka mutthilh theih dawn chuang loh avanga remti chauh ka ni. Raven chu room ah lut in ka zui ve nghala,A thawmhnaw a huh vek avang chuan a inthlak nghak mawlh mawlh a a che vel chu ka lo thlir renga.
.
" Kha heihi ha rawh " tih pahin Tshirt leh pajama hi a rawn theh phei a.
" ahh...mahse "
"i thawmhnaw kha hak ro thak i tum ami ?"
"ahh... nilo e, anih chuan lehlam hawi rawh " thawk lak hak pahin ka bulah a rawn kala.
" Norah.... hlauthawng suh engtinmah... "
" Engtinmah min ti dawn lo tih chu ka hria mahse ka inthlak lai min hmuh hi ka duhlo" ka lo pawtchat vata.

[Ngaia]

Chapter-23.
.
" Awle a tha e " vin hluk a tih pahin bar table lam chu a pan phei nghala,no ah Whiskey chu thli chhuakin vur tlang a thlak tel bawk, thawk lak hak pahin a han tlak nghal pawp a a awmdan chu ka thlir renga ka lam a rawn hawi phei tak loh avang chuan ka thawmhnaw chu phelh in a tshirt chu ka ha vata,
"i inhmeh hle mai " a rawn tih chuan ka in en vata a nui ri zui hak bawk. Pajama hak pawh a ngai lo Raven tshirt ringawt pawh hian ka khup a khuh tep alawm.
"min rawn en lo turin ka tih che kha "
" ka hria ka hria " ban phar pah chuan a inher lehnghala.
.
A nihna takah chuan Raven hian ka taksa khawilai pawh hi a hmu vek tawh tih ka hria mahse ka inthlak lai hi min hmu lo se ka duh a chhanchu a insum theih loh ka hlau ani. Pajama chu hak ngai ka tih loh avangin inthlep tha thlap chungin khumah chuan ka daha.
"Dinner i ei tawh em? "
"Aih... mahse ka ei chak lo "
"kha jacket hi ha rawh, dinner ei turin chhuak ang "
" nilo.... Raven ka ei chak lo "
" mahse ..."
" ka tha... min ngaihtuah suh mut ka duh zawk "
" awle" a ti chang fak a, min tih luih a tum tawh lem lo.
.
Assignment tih tur ka ngah deuh avangin ka ti nghal mawlh mawlh a, Raven chu Couch a mut pahin headphone chuan hla alo ngaithla bawk a a khat tawkin ka va melh leh zeuh thin a ka thil tih lai pawh ka rilru ah a lut tha thei lo.
" Norah i zo dawn tawh em? "
"vawi nga min zawhna ani tawh "
" Vawi nga chauh anih chu...hei a tlai tawh mu tawh ang "
"lo va mu rawh ka zo tep "
" Naaa.... ka duh bik lo, ka lo nghak zawk ang che " tih pahin hla chu a ngaihthlak chhunzawm leh nghala.
.
" Raven " rei vak lo hnuah chuan ka va ti leh a
" umm... i zo tawh ami?"tih pahin a rawn tho chhuak vata, ka bulah rawn thu in ka thil ziah lai chu a rawn en thuak thuak a.
" Ih... englo ania "
" Enge? " ka mit ah tak min rawn en kalh a, ka lo hawisawn vat
"ughh... i nu kha car accident vangin tiraw a thih?" mak tih hmel takin min melh nghal kawka, a ngawi vang vang a .
" ka tihpalh ,zawt tur che ka nilo asin "za lo zet chuan ka nui suk a .
.
"Norah chu chu engvangin nge min zawh?"
" anih i nu kha thah lo ni zawk ta se engtin nge i tih ang ?" ka tih chuan a tho thut a min chhang chuang lo.
"keichu ka nu kha thah ani tih ka hriat pawhin engmah ka thi thei si lo" ka mittui chu a rawn far fap a.
" Engmaw!! chu chu engtin nge i hriat?" Raven chuan min rawn pan hnai vata.
" Ka nu... ka nu khan engthil sual nge a tih ang le? nilo... nu tha tak leh midang te pawisawi hlau tak ani asin "
" engtin nge i hriat ka tih chu " a rawn ti tuarh a
"ka hrilh thei lo che " ka mittui chu a rawn luang nghal zung zung a, min rawn kuah vata.
.
" Engtin nge ka tih ang? mawh engtin nge ka tih tak ang? "
" Engmah ti suh theihnghilh tum zawk rawh "
" Maw!! " Raven chu ka nam sawn dawrh a.
"ka nu chu thah ani a chuan theihnghilh turin min duh amaw"
" Chu chu ka sawi tum ani lo " tih pahin min rawn khawih a tum a mahse ka lo hawi sawn hmak. Raven chu a tho thut a
" Norah i thil hriat zawng zawng hi theihnghilh tum rawh i tan a tha zawk " a rawn ti vin nghal thah a
.
" aih... ka nu an thah chhan hi ka zawng chhuak vek dawn "ka lo ti ve nghal thah bawk A rawn kun hniam a , a kut pahnih in ka khabe chu a rawn dawm a
" Hriatthiam tum rawh Norah.... luhlul suh i theihnghilh hian i tan a tha zawk " ha seh chilh ran chuan a rawn ti leh a.
" mahse... "
" ka thusawi tur hi ngun takin ngaithla rawh.... i thil hriat zawng zawng kha theihnghilh vek rawh hria ang pawhin awm suh ang che chuan mi in i hming an zawh che chuan Norah tih chauh in chhang thin ang che i hria em "
" Engvangin.... "
" ka thusawi hi i hrethiam em? " a rawn ti vin tuarh a, mak tih hmel taka en chungin ka lo bu nghata.
.
Zawhna tamtak ka rilru ah a rawn lang nghal zut zut,Engvanga theihnghilh turin min duh nge anih? Engvanga ka hming sawi lo tura min ti nge anih? Heng thil zawng zawng hi Raven hian a hria ani thei mai angem? anih loh pawhin Raven hian a trawh ang hi tuar ve turin min duh lo zawk? zawhna tamtak nei mah ila ka zawt thei si lo a chhanchu Raven hian engtik ah mah min hrilh dawn lo tih ka hria chuvang chuan ngawi rengin a phena thuruk awm zawng zawng hi keimah in ka zawng chhuak vek tur ani engthil pawh thleng dawn se ka nu hian rorelna dik a hmu ngei tur ani.
.
"theihnghilh suh ang che " tih pahin couch ah chuan a mu hmaka,engmah sawi chhunzawm ngam pawh ani tawh lo, ka nu chungchang ah hian Engvanga thinrim vak nge a nih tih hi ka hrethiam lo.Assignment ka tih zawh chuan ka mu ve nghala mahse ka mut a chhuak thlawt lo.
"Mu tawh rawh thil ngaihtuah vak vak suh " Raven chuan a rawn ti sap a.
"awle... "
"uhh... i bulah ka lo mu ve thei angem? "
"umm... " a rawn tho a ka bulah chuan a rawn inthawlh ve nghala.
www.storyfb.com mizo story thar nitin dah ziah a ni e
" Ka tihpalh vin vak lo tur che ka ni asin " ka hmuiah chuan a rawn fawp zeuh a
"
"engmah anih loh kha " ka tih chuan a nui ri zui hak a.
" Norah....tumah hi ring suh ang che "
" nangpawh tiamin tiraw?"
" umm.... nangmah chauh inring ang che, i bul vel ami te hi mi tha lo tak tak pawh an lo ni thei mahse i rilru ti na lo turin ka duh che "
" Mahse mi tha tak tak pawh an awm alawm, nangmah ang te "
" ka hrilh tawh che kha tumah hi ring suh , chuan i zirlai tih loh chu engmah hriat belh tum suh "
" awle " tih pahin a hmuiah chuan ka han fawp zeuh a, a lo nui vur vur lehnghal light dim tak hnuaiah pawh a hmeltha in a chhelo tho anih hi .
.
_______________________________________
Ka harh chuan khua alo var der tawh,ka bulah Raven a mu tih ka hriat chuan ka nui ver ver a,Raven nen chuan kan inhawi tawn ran a a hnar ngul sang vah te leh a hmui te chu ka en renga, a hmeltha thlawt hetiang em em a mipa hmeltha hi ka bulah min kuah chungin a mu ang tih hi ka mang lamah pawh ka la hmu ngai lo.A mithmul dum leh sei tak chu tihharh hlau em em in ka han khawih de de a, rawn nuih suk pahin a aia nghet chuan min rawn kuah thut a.Ka kawr chhungah a kut chu rawn zen lut in ka hnute a rawn tham chuan ka lo nghawk sawk a .
.
" A na i va chak reuh ve "
"i rawn tih leh chuan a aia na in ani mai "
"chuti maw " tih pahin ka kut pahnih chu a rawn man bet thut mai ,ka lo tang ve nghal vat.
" Anih chuan min rawn nghawk leh chhin teh " tih pahin ka hmui chu a rawn seh ne ne a,ka kut a man beh tlat avang chuan ka ke chu ka leng vak vak a.
" min thlah rawh" rum zeta ka lo melh avang chuan a nuih a za ngei mai,hepa hi chu a nghal ve ngawt mai ka hneh dawn lo tih pawh a hrereng ka huat zawng tak hian a awm lui ngat zel .
.
" min thlah rawh chuti lo chu "
" Engmaw chuti lo chu ..." tih pahin ka chungah chuan a rawn bawk a,ka kut a man bet tlat bawk si a che ngaihna pawh a awm lo.Ka mit ah tak min en kalh a, ka lai lek lek a thaw lum ham hum leh whiskey rim nam ram ram chu ka hrethei bawk. Duhthawh zet in min rawn fawp nghal tawn tawn a ,min man beh na chu thlah in ka hnute chu a rawn tham tawn tawn a ,a nghawngah kuah in ka theih ang tawk chuan ka lo fawp let ve tawn tawn bawk a.
.
Ka kawr leh ka kekawrte chu phelh in ka hnute leh ka khel vel chu a fawp thaa zel a, A kut tang a rawn zen luh meuh chuan ka lo rum leh ham ham a, rei lo te ka ke chu a rawn khur der der a ka zo chu ani leh der. Raven chuan ka chal ah rawn fawp in min kuah hle hle a.
"ka bulah hian i nihna ang taka i awm hi ka duh " Diktak chuan hmeichhe nungchang tha leh thianghlim ang takin lang mah ila mihring ve tho ka ni a midang mamawh ang hi ka mamawh ve tho ,Raven bulah hi chuan inthup buai ngai lo in ka nihna ang takin zalen takin ka awm thei a chuan ka nihna ang takin min pawh bawk hei vang pawh hi ani mahna Raven hi ka mamawh ngawih ngawih in ka hre thin .

College kal tur chuan ka insiam mawlh mawlh a, Raven chuan ka khumah games khelh pahin min lo nghak ran a.
Ka pawnfenfual eng lar zet leh kawr pink da tawh tak leh kawrkum uk hi ka ha a,darthlalangah chuan ka han in en vang vang a ka hmai te hi a mam sawt riau in ka hria.
" i hman tawh dawn em? " tih pahin a sana bun lai chu a en zeuh a.
"minute 5 chauh " ka tih chuan alo ner nanga ,a han thaw halh a.
" Norah... khang thil kha i ha lo thei thlawt lo ami? " tih pahin ka ke atang chuan min rawn en chho a
" Ughh... ih... pawnfen eng kha mawle "
.
" anih enge ka hak ang"
"Jeans ahh... shorts " tih pahin a nui suk a.
"chutiang chu ngaihtuah pawh ngaihtuah suh " nin hmel zetin ka mitmu chu ka lo tikual vela
"tlanchhiat te lo ngai ta thut se... khatiang pawnfen nen kha chuan.... ahh... i hrethiam zawk ang " Ni e.. ka hria alawn hmeichhe dang angin ka inchei sexy lo a chuan ka thawmhnaw lah a tha hek lo Raven pawh hian nalh a ti lo tih pawh ka hria, han sawi tawp a hreh si a pehhel takin a sawi ve a mahse ka hrethiam duh lo der tlat tho.
.
Raven chuan ka hnung lam atangin min rawn kuah a, ka nghawng chu a fawp zeuh a.
" ka sawi tawh kha ka bulah i nihna ang takin i lang thin a chu chu a tawk lutuk " a rawn ti sap a.
"kan tlai dawn kal tawh ang "
"Lalpa leh... hun hi ka hua "
" Engvangin maw!! "
" a kal chak mah mah "
" kal ang "
" anih vawikhat leh chiah " tih pahin min rawn fawp leh vang vang a.
.
_______________________________________
.
1 week later:
.
College kan thlen vel hian Raven nen chuan kan kal hrang nghal vat thin , College ah chuan inhmu pawh ni ila min hria angin a awm duh ngai lo mahse chu chuan min ti na takzet.Class ah pawh min be lo a min rawn melh hek lo mahse chhan tha tak a neih ka rin tlat avangin ka sawisel lemlo, zan tin khum khatah kan mu ziah a mahse a hma a kan awmdan aia thui ka kalpui ngai lo .Trixie nen pawh class ah kan thu dun ziah a mahse Stephen chungchang erawh kan sawi ngai lo. Pu Cambelo inah pawh kal ka thulh chuang lo mahse a hma angin phur takin ka kal tawh ngai lo.Stephen nen pawh kan inhmu zeuh zeuh chauh ani ,a zia a dang in a ngawi chawi em em a mahse Trixie vang ani tih ka hriat avangin ka zawt ngai lem lo.
.
" Trixie vawin chu library ah ka kal dawn a min lo va hawsan mai rawh"
" awle... mahse rei lo la mahni a haw chu a hlauhawm "
" Awle" class ka neih tawh loh avang chuan library lam panin ka phei hnak hnak a.
" Ohoo... ka lehkhabu Trixie in a keng daih!!!, vawin ah ka ti zawh ngei ngei angai" tih pahin ka tlan let lehnghala,Trixie chu ka zawng kual nghal ruai a vanneihthlak lutuk in ka hmu hlauh.
.
Hmanhmawh takin Trixie lam chu ka pan nghala mahse mipa pakhat a bula ding ka hmuh tel avang chuan ban phenah ka biru nghal vat.
" zaninah i tih tur chu ti zo vek ang che engmah buaina ka duhlo " Trixie chuan chupa bulah chuan a ti nghal tawn tawn a .
" Kan inhmuh khat em hi vawi khat tal chu min fawp ve la mawle "
"chimawm leh lutuk " tih pahin Trixie chuan chupa chu a fawp nghal tawn tawn a,an awmdan chu mak ka tih em avang chuan ka ding khawng renga,an awmdan chu ka lo thlir tawp ani.
"Norah chu tunah library ah a awm meka a haw tlai deuh ang chuvang chuan i that ngei ani tih hrechiang ang che " Trixie in a tih chuan ka meng phawk nghal kawk a.

[Ngaia]

Chapter-24
.
Ka thawm an hriat ka hlauh avangin ka ka ka hup vata, ka che ngam tawh lo hrim hrim ka hlauthawng lutuk chu awm ngaihna pawh ka hrelo ka lehkhabu keng lai te chu ka thlauh hman thelh ani, ka thinphu te hi a mumal tawh lo hial in ka hria.Trixie leh chupa chu an kal chiah tih chuan ka thu nghal hnawk a, Eng thil sual nge ka tih tak mai Trixie in min thah a tum tak.Trixie nen kan inhriat tirh atanga kan awmdan te chu ka ngaihtuah zel a engthil sual mah ka tih awm ka hre bawk si lo.Library ah pawh kal lo in ka thutna ngaiah chuan ka thu renga ka haw ngam tawh lo.
.
Raven chu ka call vata mahse phone a pickup thei lo,
" Raven la ta che " ka ti sap a, ka hnuk te chu a ulh tun tawh vawi10 lai ka call a mahse a la thei chuang lo, ka mangang lutuk chu Stephen ka call ta ringawt a vanneihthlak lutuk in a pickup hlauh Stephen chu min rawn hruai turin ka ti ta ringawt a rei lo te ah a rawn thleng vat bawk .
" Norah i tha maw? " tih pahin min rawn kuah thlawp a, ka hlauthawng bawk nen ka tap chhuak nghal hawm hawm a.
.
" Engthil nge thleng? "
" Stephen min hruai haw rawh "
" Awle "
Engtin nge Stephen hi ka hrilh tak ang nilo, ka hrilh tur ani lo ka hrilh anih vaih chuan Trixie lamah a tang ngei ang anih loh pawhin alo tang reng tawh maithei bawk.Stephen rual chuan ka kal hnak hnak a mahse a ruk tak chuan Stephen pawh hi ka ringhlel zo vek tawh .Raven thusawi kha alo dik chiah anih hi tumah hi rin loh tur. Trixie phei chu ka thiantha ber anga ka lo ngaih ani a Raven nen ka chungchang pawh ka hrilh zeuh zeuh thin,mahse min thah duhna rilru hi a pu ang tih erawh ka mang lamah pawh ka la mang ngai lo.
.
Stephen chuan car kawngka min hawn sak a mahse ka lut mai ngam lo,
" Stephen... Trixie hi i hmangaih tiraw? "
" Ngatinge chu chu min zawh "
" Ahh... eng nilo e, ka zawt mai mai che "
" a dik alawm ka hmangaih in ka inhre thin mahse tunah chuan ka chiang ta lo " a tih chuan ka thaw nghal huai a chhanchu lo la hmangaih se chuan Stephen rilru a na dawn lutuk tlat
"lut rawh " a tih chuan ka inhum ruh vata, duhthlan tur dang ka nei chuang lo Stephen hi ka rin mai angai, car ah chuan ka lut a Stephen pawh a rawn lut vata Hostel lam panin a khalh chhuak nghala.
.
Stephen chu ka melh leh zeuh thin a ngatinge maw ka rinhlelh tlat le? Stephen te chu mifel tak ani alawm tiin ka inhnem mawlh mawlh a mahse ka thla a muang thei chuang lo .
"Dinner ei phawt ila "
" aih" ka lo ti vata mak tih hmel takin min rawn en ha a.
" ughh... ala hma bawk a lungngai suh ka pe vek ang "
" nilo chutiang pawh ani lo "ka tih rual rual chuan car chu a ti ding a.
" lo kal rawh le tun tum chu min hnial thei tawh lo ang " tih pahin kawngka chu min rawn hawn sak nghala chhuanlam siam tur ka hriat tawh loh avang chuan phur lo zetin ka chhuk a.
.
Popeyes tih lo in tar va na ah chuan kan lut a mi an lo awm ve nak nak avang chuan tlemin ka awm a nuam deuh.
" Norah enge i ei duh?" a tih chuan ka ngawi vung vung a ka melh ngai ka lo melh leh ngawt ngawt thin.
" Norah Alison Stowe.... " a rawn tih chuan ka lo phu zawk a,
"khawngaih in Norah tih chauh in min ko rawh " ka lo ti vata.
" awle chuan enge i ei duh? ka pe vek ang ka tih tawh kha " a rawn ti leh ngat a, ka lo nuih suk a.

Ka ei mawlh mawlh lai chuan Stephen chuan min rawn en leh vung vung thin a mahse ka hre duh lo der tlat.
"Stephen i fa chu engtin nge i tih dawn tak? " ka tih thut avang chuan a thil ei lai chu a hak trep lehnghal .
" umm... ughh..... " a thusawi nghak chuan ka lo en kar a.
"ka... ka fa chu a thi tawh "
" Enge awmzia?" ka tih chuan a tho thut a,kan ei man chu pe in a chhuak nghal daih a a ngaihna pawh ka hrelo ka zui chhuak ve nghal vata.
.
Pawna ka chhuah chuan car chhungah min lo nghak ran a ,ngawi rengin car ah chuan ka lut ve nghala .
" Stephen " a lo thut kun lap avang chuan ka lo zawt kher kher kha ka inchhir leh hnuhnawh.
" ka tihpalh " ka ti sap a.
" nilo... engmah tihsual i nei lo.. ni e ,ka fa chu a thi tawh ,a ti tla ani chuan Trixie nen kan inkar ah engmah a awm tawh lo "
" Eng... enge awmzia ?"
" Sawi tawh lo ang " a tih chuan ka lo bu nghat a a awmdan atang hian a rilru a na hle tih a hriat mai.
.
" Anih Norah ka duh che tih hi i hria nge i hrelo der zawk " tih pahin ka kut chu a rawn vuan a mahse ka lo la sawn nghal hmak a nui ri zui hak bawk.
"Stephen min duh tak tak hleinem Trixie nen kan mizia a inang i tih vang mai mai alawm "
"haha... a za vai in a inang hleinem tamtak in a inang lo"
"ughh... anih ka ring "
" i hria em... min hmuh danah chuan mipa lerh tak hmeichhia duh duh mutpui thin leh midang chhaih kual reng angin min hre ngei ang " a tih chuan ka lo bu nghat a,thawk a han la kawk a.
.
" hreptak chuan.... a dik lo vek " tih pahin chak zetin a khalh chhuak nghala,
"Stephen engthil nge maw i tih le? " ka ti vin nghal tuarh a hria ang pawhin a awm lo hma lam chu a melh ngar ngar a engvanga thinrim thut nge ani tih hi ka hrethiam lo takzet. Hostel kawt kan thlen chuan a ti ding thut a seat belt hreng lo ila chu ka insawh na ngei ang.
" Norah ...Trixie kha chu ka duh ngei alawm ka hmangaih ni hial in ka hre thin mahse ka nun a ilo luh atang khan min thlak danglam vek ani. Party, hmeichhe mutpui leh intih hlim na a kal ai chuan i bula awm nuam ka ti zawk "
.
Phawk fe in Stephen chu ka melh kawk a mahse engmah ka sawi lo.
" vawitamtak ka infiah fo , nang ang hmeichhe mawlmang lutuk leh sexy lo zet hi tumah in an duh theih ka ring ngai lo mahse ..." a ti chuai raih a
"ka kal tawh ange mangtha" tih pahin chhuah ka tum a Stephen chuan min pawt let pawp a,min fawp ta tawn tawn mai rang lutuk in ka nam sawn dawrh a, car atang chuan ka tlan chhuak nghal a ,Lobby kan thlen chuan ka banah a rawn man chat a
" Norah min ngaithla teh "
" Stephen min thlah rawh " ka ti vin nghal tuarh a.
.
" Thlah rawh " rang lutuk in Stephen nen chuan kan hawiphei nghal vata, Kan piah ah chuan Raven, Brandon leh Jazz chu an lo ding ran a .Raven chu rawn kal hnai in boruak pawh a tang nghal at midang inrawlh na chi ani tawh lo Raven hmai vel chu a duk thluah a a mit ko leh a biang vel chu a thi phang bawk
"Thlah rawh ka tih chu "
"Tu chiah nge i nih a bialpa maw!! " ngeiawm zet chuan a nui zui hak a.Ka bialnu anih hi ti a a chhan ka lo rin nen engmah a sawi lo,a ngawi renga Jazz leh Brandon chuan an awmdan chu an enreng bawk.
.
" i engmah ani lo chuvang chuan lo inrawlh buai suh nge i lo duh ru reng zawk mahse i duh thu i hrilh thei bawk si lo khawngaihthlak awm lutuk " Raven chu a ngawi renga, engmah a sawi ve loh avang chuan ka thin a rim takzet.Stephen chuan a jacket nghawngah a tham saka"Norah hi hnaih tawh suh a hun i khawhral sak mai ani ,i hnaih a nih chuan engthil nge thleng dawn tih chu i hriatchian kha "tih pahin a nuih suk a,
" hmela " tih pahin Jazz chuan Stephen hmaiah tak a rawn hnek ta pawp mai.
" Stephen chuan engtin mah a ti let lo
" Uisa thiam khawi kawlh leh zalen na neilo mai mai in ni tih hi theihnghilh ngai suh u " nuih suk pahin min rawn fawp zeuh a" mangtha le Norah" tih pahin pawn lamah a chhuak nghala.

Tunah khan Stephen an min fawp a mahse Raven an engtinmah a ti lo, Raven awmdan hian min ti na takzet ka rilru na lutuk hi ka puak keh mai dawn in ka hria.
" Raven ngatinge engtin mah i tih loh ?" Jazz chuan mak tih hmel takin Raven chu a en ha a mahse a kawr nghawngah a lo tham sak pawp a
" ka unaupa hi vawikhat pawh kut thlak leh tawh suh ang che "
" mahse nawmnah takin a tih che kha "
" ka nau a nihna a danglam phah lo"
" Duhtawk rawh Raven... Jazz hi thlah rawh " Brandon chuan alo ti vata.
" i chhungte i venhim duh na lamah i tuar zel dawn chu anih hi... harh tawh rawh Stephen hi i hmelhma ani chu chu hre reng rawh " Brandon chuan fiah fai takin a sawi kalh kalh a,pawn lamah Jazz nen an chhuak nghala.
.
Raven chuan a lu dawm in a thaw leh hak thin a, an thusawi hi engmah ka hrethiam lo.Beidawn hmel takin min rawn en a mahse ka thin a ti rim zawk, ka room lam panin ka tlan chho nghala ka room ah tlan lut in khumah ka bawk thlawp , ka tap chhuak nghal hawm hawm a. Ngatinge ka lo mawl em em mai le ka thian tha bera ka ngaih in min thah a duh a chuan ka bialpa emaw ka tih in bialnu angin min lo en ve miah lo ani tih hi ngatinge ka lo hriatthiam miah loh. Ni e, Raven hian min duh thu vawikhat pawh ala sawi ngai lo
" Norah ..ngatinge maw mi hi i rin hma em em mai le " min duh ve tak tak lo tu ka hmangaih avang hian ka inhaw takzet,midang hmuh ah min lo biak duh miah lo nachhan pawh kha hetiang vang hi alo nih dawn hi .
.
Ka mittui ka hruhul sauh sauh a, ka inhum ruh a zah pawh dawn lo in Raven room kawngka chu ka hawng nghal thuai a .Light dim tak hnuaiah a khumah thu in a lo indawm kun lap lai hi ka va hmu a.
" Raven... i enge ka nih? " a hma ah tak ding in ka ti nghal tawn tawn a,hria ang pawhin a awm lo a awmdan ngaiin a awm reng tho.
"nangmah ti lawm tu hmeichhe pakhat ve mai maw!! " ka nui lui hak a mahse ka mittui erawh ka dang thei lo.
" I nuih a za ngawt ang tiraw.... nilo hnung lam atangin min lo nuih tet tet zawk" a ngawi renga mahse ka thin a rim tulh tulh mai bawk si.
.
" kan awmdan zawng zawng kha theihnghilh vek rawh, nilo...engkim kha ka theihnghilh vek ang tunah chuan mihrang kan ni tawh " ka tih chuan Raven chu a rawn ding thut a.
" Awle.... engkim kha theihnghil vek rawh "
" ka haw lutuk che " a hma ah ding in ka tap chhuak nghal hawm hawm a, ka awmdan tlawm lutuk hi hrehawm ka ti ngawih ngawih mahse Raven hmu lo hian engtin nge ka awm tak ang?
" Raven ka lo thi ani emaw thah ka lo ni anih pawhin i thiamlo a awmlo ania nilo... engthil nge maw ka sawi le "
.
" Engmaw!! "
"i tan a pawimawh lo "
" sawi chiang vat rawh, tu in maw that ang che " a ti vin nghal tuarh a,
"theihnghilh rawh"
" Kei....keimah vang ami " min rawn sawi nawk nawk a
" Duhtawk rawh Raven , min ngaihtuah angin awm tum suh " ka lo ti ve nghal thah a.
"sawi rawh ka tih chu "
" ni e... tunah hian min thah tumin ruahmanna an siam mek ani "
" tu in nge? " Raven chu a buai vek ni ber hian ka hria mahse min bum thei tawh lo ang .
.
"min ngaihtuah lo ani lawm ni.... ngatinge tunah min thattu chu hriat i duh leh si"
" Norah engmah hi i hrethiam dawn lo "
" Engchu maw ka hriatthiam loh ang ...Stephen khan a sawi dik chiah i bulah hian hun ka khawhral mai mai ani chuan hmeichhe dang tamtak pawh an riklu i lo tihnat sak tawh ngei ang"
" ni e... Stephen a sawi kha a dik vek tumah ka duh in ka hmangaih a thiang lo. Kei nena inzawmna nei chu an nun a derthawng a chuan kei hi uisa thiam kawlh tak leh zalenna neilo ka ni "

[Ngaia]

Chapter-25
.
"mahse engtin mah ka awm loh hi... min en ta che hetianga i awm hian min venghim reng reng lo min ti na daih zawk asin " ka tih chuan a ngawi renga, dawhkana first kit box chu a hawng a,lapua in a hmai leh a hmui thi te chu a hru mawlh mawlh a
"vawi tamtak ka rawn call che a mahse i pickup lo hrim hrim kha tih hun lai khan enge i tih mawh?" ka ti tawn tawn a mahse a awmdan a danglam eih lo.
"Hetiang em em hian a ni maw ka lo hnawk saka ,Stephen an min fawh lai te khan i rilru a na ve miah lo ami ? " ka ti tuarh a.
.
Raven pawh a insum thei tawh bik lo First kit box chu chhuatah a paih pawp a min hmachhawn zawng chuan a rawn ding a
"Ni e... Stephen an a fawh lai che khan ka na takzet, helai hi a puak keh mai dawn in ka hria " tih pahin a awm chu a dawm a "min en ta che ka hmai thi zozai te hi hei hi ka nun hman dan chu ani, nitin mai hian thihna kotlang ah ka ding reng a keipawh ka in venghim theih loh laiin nang venghim tur che hian ka inringtawk lo ani "
.
" eng lak atangin maw min venghim ang mawh? engkim min hrilh rawh "
" Norah... tunah pawh hian i hre hnem tawh mah mah zawk" ka hmai chu a kut pahnih chuan a rawn khawih a "i bul vela mi te hi tumah ring suh ka tih tawh che kha nilo... Stephen chauh ring ang che ani chuan a venghim ang che harsatna i tawh pawhin amah be hmasa ber zel ang che "
" Mahse Stephen ka duh hleinem " Raven thusawi awmze nei lo tak tak hi engtikah mah ka hrethiam ngai dawn lo anih hi.
"Min ngaihthla rawh.... "
.
" Aih... engmah sawi tawh suh " Raven chu ka fawp nghal tawn tawn a mahse a lo inla hrang nghal vat.
" Norah ka theilo" ka thinlung hi chhun pawp pawp ang maiin a na takzet, tap chhuak lo turin ka insum hram hram a mahse a harsa takzet. Ka hmangaih leh ka duh em em chuan a chhan pawh ka hriat loh avangin min hnawl anih chu... nilo let leh tur chuan ka kal thui tawh lutuk mahse engthil nge ka tih tak ang?..Bar table a whiskey chu no ah thli chhuak in a tlak nghal pawp a
.
No thum lai a tlak hman,A in hnem tawh em avang chuan a no chu ka laksak vata
"Norah.... engthil nge maw i tih le "
"Tiang hian awm tawh suh"ka tih chuan a nui suk a,ka tlawm lutuk hi ka in haw ngawih ngawih mahse Raven tan anih chuan ka pawisa lo.
" mangtha le " tih pahin a hmuiah chuan ka fawp zeuh a ,tunah chuan engmah a sawi dun theih loh... khua lo var se engkim hi a that leh ka ring tlat . Ka room lam pan chuan ka kal hnak hnak a, kawngka ka hawng tur chu Raven chuan ka kut a rawn man chat.
.
" Kal suh " tih pahin min rawn fawp nghal tawn tawn a keipawhin ka chhang rang kher mai.Infawp reng chungin khumah min pawm phei a,ka theih ang ang in Raven jacket leh a tshirt te chu ka lo phelh sak ve bawka, ka thawmhnaw vel chu a phelh nghal bawrh bawrh a min dim lo takzet mahse chu chuan min ti phur zawk.Ka hnute chu a tham tawn tawn bawka,a rum ham ham ri chuan kan inmamawh tawn zia hrilh nawn ngai lo in kan hria ani.
" Raven....ka mamawh che " ka ti sap a
.
"Norah tunah chuan ila in peih lo"
"nilo.... " thawk ka han la kawk kawk a, kan infawp lehnghal tawn tawn a
" Raven tunah ...." ani pawh a insum thei tawh bik lo
" awle ...mahse a nat chuan i sawi dawn nia "tih pahin drawer a rubber(condom) chu la chhuakin a vuah nghal mawlh mawlh a . Norah... harh rawh hetiang hian awm suh tiin ka inhrilh mawlh mawlh a mahse ka insum zo tawh lo. Zawi muangin ka taksa chhungah chuan a rawn lut riai riai a ,ka te chhuak nghal thawt ka mittui a tla nghal zung zung a mahse inchhirna ka nei lo.
.
" A tha leh mai ang " tih pahin ka chalah a rawn fawp zeuh a .Na ka tih em avangin Raven hnungzang leh a ban te chu ka tham tawn tawn a, ka vawikhatna ani tih a hriat avangin min dim ve hle tih ka hria ,a hmel chu ka en renga ka lungawi hliah hliah tichuan vantirhkoh te thlen ve phak lohna ram chu kan chen dun ta ani.
"ka tihpalh " tih pahin min rawn fawp leh a mahse ka chauh em avangin engmah ka sawi lo, a ban chu min kham tira ka kawngah min kuah bawk kan chau bawk aniang reilo te ah kan muhil nghal bawrh bawrh a.
.
Ka harh chuan khua alo var der tawh,ka taksa ka engkim mai chu a kham in a na thum em em vek mai , ka han hawi kual vela Raven chu ka bulah alo mu tawh hauh lo.Ka chauh em avangin tho chhuak lawk lo in ka han mu leh vang vang phawt a,ka lu te hi a na bur mai .A tlai tawh em avangin phur lo zetin ka han tho taih taih a, bedsheet var sara thisen lo kai niai ka hmuh chuan rang lutuk in bedsheet chu ka hlip vata.Raven chu a rawn lan vat ka ringa mahse a hmel reng reng hmuh tur a awm lo,Ka thawmhnaw te chu ha in bedsheet keng chung chuan ka room lamah ka phei chhat chhat a.
.
" Norah... nizanah khawiah nge i riah " Sarah in a tih chuan ka bedsheet ken la chu ka hnung lamah ka thuk ru chiang kher .Ka awmdan chu mak tih hmel takin min rawn en ha a
" umm... ughh... "ka lo ti bah nuai a, ngaihthat loh hmel zetin min rawn pan hnaia
" Nanghi Raven nen in riak dun tiraw "tih pahin ka bedsheet thuhruk chu a rawn pawt chhuak pawp a, thisen kai hniang a hmuh chuan phawk fe hian min melh nghal kawk a.
.
" Lalpa leh.... " Sarah chuan min endik nghal sawk sawk a,
" Sarah engthil nge maw i tih le ?"
" He thil hi enge? Raven nen in mu dun tih min hrilh miah suh " a tih chuan ka ngawi renga, Sarah awmdan hi a mak takzet.
" Shitt...Norah "bedsheet chu a paih pawp a
" Ni e... thil sual ka ti tih chu ka hria alawm mahse ka... ka inchhir lo " Bedsheet chu bawlhhlawh bawmah paih in a hal nghal mawlh mawlh a, Sarah awmdan hian ka ngaih a ti tha lo takzet ka thin te pawh a ti rim lek lek zawk.
.
" Sarah.... engthil nge i tih hi? "
" i tha tiraw.... chuan... chuan Raven nen in mu dun tih hi tumah in an hre tur ani lo " a awmdan atang chuan a mangang hle tih a hriat theih.
" Duhtawk rawh Sarah.... midang ang tho in mipa ka mutpui a ngatinge mi a ang maiin min biak a "
" He thil hi a dik lo ani.... Raven hi hlat vat rawh " a rawn ti nghal tuarh a, Sarah in a vawikhat nan tawngkam vin in min bia!!, mak ka tih em avang chuan ka ding khawng renga.
.
" Teuh lo... Raven hi ka hmangaih ani "
" maw!! "
"tawpsan tur chuan ka kal thui tawh lutuk... dan zawng zawng ka bawh chhia a siam that theih ani tawh lo " ka mittui chu a rawn tla zung zung a.
" Mahse... Norah "
" Aih... Raven hi engtik ah mah ka tawp san dawn lo "
Sarah chuan min lainat hmel tak hian min rawn en a, a mittui chu a khap per fap a.
"Ughh... Norah fimkhur turin ka duh mai che ani, engpawh thleng se i kiangah ka awm reng ang " tih pahin min rawn kuah nghal thlawp a.

"Aahh... Breakfast i ei tawh em?" Sarah chuan a ti vata.
" aih ei lo "
" anih chuan ei chhuak ila "
" mahse... "
" Weekend anih hi.... Norah in ti thawveng ve rawh " a tih chuan ka lo nui suk a.
" awle... kan inbual phawt ange " tih pahin bathroom ah ka lut nghala.Ka inbual lai te chuan nizana kan awmdan te chu ka ngaihtuah let a ka inthiam thei thlawt lo mahse ka inchhir lo. Ka pa, ka ni leh ka u te chu ka rilru ah an rawn lang nghal zut zut a.
.
" Pa min ngaidam rawh " ka ti sap a, chu ai mah chuan biakin a kal ka duh takzet Pathian leh mi zawng zawng ka bum tih ka hria mahse engtin nge ngaihdam ka dil tak ang ka rilru a buai takzet .Ka inbual zawh chuan ka inthlak sawk sawk a Sarah nen breakfast ei turin kan chhuak nghala.
Ka ei mawlh mawlh lai chuan ka phone chu a rawn ri tlang tlang .
" Pu Christopher maw! " tih pahin ka pickup nghala.
" Norah tunah rawn kal vat turin ka duh che "
" Eng... engthil nge thleng" ka ti hman chauh phone chu a dah daih a.
.
"Tunge? Engthil nge thleng? " Sarah chuan a lo ti vata.
" Pu Christopher ania... tunah ka kal vat angai " tih pahin ka bag chu ka ak nghal sawk sawk a
" awle... ka thlah ang che" tih pahin kan chhuak nghala. Sarah chuan Pu Christopher te in thleng chu min thlah hlauh a kan hmanhmawh bawka minute 10 lekah kan thleng der. Car atang chuan ka chhuk vata.
" Sarah khawngaihin ka rualin i rawn lut ve thei angem? " ka ti ta ringawt a, a chhanchu ka awm a nuam thei thlawt loh vang ani
.
" Mahse.... "
" Khawngaih in ka ngen a che "
" awle " tih pahin gate chhungah kan tlan lut nghala. Trixie lo hmu thut pawh ni ila Sarah awm lai chuan engtin mah min tih bik ka ring lo mahse ka hlauthawng ru takzet. Hmanhmawh zetin Pu Thomas room lamah kan tlan chho nghala, Pu Thomas room kan lut chiah chu Pu Christopher chuan min lo kuah thlawp a.
"A a rawn khap.... ka fapa hi a rawn khap " a ti bah nuai a, ka lawm lutuk chu au vak mai ka duh.
"i ti tak tak em?"
" umm... Norah i chungah hian ka lawm takzet "
" engthil mah ka ti hleinem "
" mahse ... engkim hi nangmah vang vek ani ka lawm e " a ti nghal mawlh mawlh a.
.
Sarah nen chuan pu Thomas bulah nilengin kan awm char char a hmasawn na a awm tawh chuang lo mahse doctor sawi dan kha chuan kan thusawi zawng zawng a hre vek thei tih a sawi a chuvang chuan a that leh vat ka beisei. Pu Cambelo an min sawm tlat avang chuan dinner te kan ei a mahse Stephen leh Pi Regina te erawh an awm ve lo, zan a rei deuh tawh avangin in atang chuan Sarah nen kan inzui chhuak hnak hnak a.
.
" Sarah... a that leh vat ka beisei "
" umm... nia "
" Mahse ka hlauthawng takzet alo tha chhuak lo anih chuan... "
" lungngai suh ... a tha leh vek mai ang zanin chu party na ah rawn kal ve la"
" maw!! party maw nilo... "
" nuam ilo ti phian maithei asin "
" haha... mahse zanin chu hahchawlh phawt ka duh "
" anih chuan naktuk zan ah ngei ngei in aw"
" awle... " ka nui suk a, Hostel lam panin kan kal nghala.
.
Hostel kawt kan thlen chuan a lo reh leh thap tawh, weekend ani bawka party na ah an kal zo vek pawh ani mahna.
" awi !!...Lalpa leh... "
" Enge Sarah? "
" thil kan lei lawk ange... lo va lut la i duh chuan lobby ah min lo nghak dawn nia "
" awle..." hlauthawng ru zet hian car atang chuan ka chhuk hna hna a, a chhanchu ka bulah mi tumah an awmloh chuan ka chungah engthil pawh thleng thei reng ani.
.
" Sarah... rawn let leh vat rawh aw "
" awle minute5 chiah" a khalh chhuak leh nghala ,hrehtak chungin lobby ah chuan ka lo nghak ran a, ri hlek a awm pawhin ka phu nghal zawk zawk a, a hrehawm takzet. Chutia thinphu dep dep chunga ka thut lai tak chuan Raven ka hmu thut mai, ka hahdam huai.Ka lo nuih sanga mahse min hmu ve lo, khawi ah emaw kal tur ni awm takin hmanhmawh takin a tlan nghal hlawk hlawk a, rinhlelh rual loh in thik diklo a awm tih ka hre nghal.
.
Pawnah ka tlan chhuak ve nghal vata , Raven tlanna niawm a ka rin na lam Hostel hnung lamah chuan ka tlan ve nghal a. Hostel hnung lampang hi tumah in an tlawh ngai lo, ramhnuai ang maiin thing a awm ruih a mahni chauha kalna chi pawh ani lo.Thinphu dep dep chungin Raven chu ka zawng phei zela mahse thawm engmah hriat tur a awmlo, hmun fianrial lampang chu ka pan zela a thim bawk si a kawng pawh ka hmu tha thei tawh lo. Ka kal thui telh telh a a reh tulh tulh nimai hian ka hria.
.
" Raven... " ka han ti leh ringawt thin a mahse tumah in min chhang lo. Nichin a ka mi hmuh kha Raven ani tih ka ringhlel rum rum tawh.
" Khawngaih in min chhuah rawh " mangang au thawm ka hriat avang chuan chumi thawm lo chhuahna lam chu ka pan vata ,thawm chu a hnai telh telh a ka thau ah hian min man tlat .Bang phen atang chuan ka han bih dek dek a Streetlight dim ruih hnuaia mipa pakhat mi pali velin an lo hual thap lai ka hmuh chuan ka meng phawk nghal kawk a ka hmuk thi te hi a ding su ng sung thei,ka au chhuak lo chauh ani ka ka ka han hup vata.
.
" Khawngngaihin min that suh " kutsuih chungin chupa chuan a ngen mawlh mawlh a, pakhat chuan a chal darah tak silai in a tin vang mai, ka hlauhthawngna ai mah chuan ka mak tihna a tam zawk a chhan chu Silai a tintu chu tudang nilo in Raven ngei ani. Mak ka ti lutuk chu ka thinphu te hi a inthum rawn nghal dawt dawt a, chet nachang pawh ka hre tawh lo,Raven chu ka en renga a hmelah lainatna leh khawngaihna hmel reng a awm lo .
" Khawngaihin min that suh fa pahnih leh nupui ka nei a, kei lo tumah neih an nei lo " ti a a ngen mawlh mawlh lai te chuan ka lainat lutuk chu ka muttui a tla hial, mahse tih theih dang ka nei si lo
.
" Ka pu...khaw...." a sawi zo hman lo ,Raven chuan a chal darah tak a kap nghal thuai mai ka insum hman tawh lo ka te chhuak nghal thawt a