RUDE BY Haylor (Remruati)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

Re: RUDE BY Haylor Fanfiction

Unread post by Ngaia » June 22nd, 2016, 11:19 pm

IMG_20170127_153520_598.JPG
IMG_20170127_153520_598.JPG (41.38 KiB) Viewed 13241 times
Chapter-9.
.
Violet's Pov~
.
Ka inbual zo bathroom atanga ka chhuak chu ka meng phawk nghal kawka, ka room ah chuan ka mamawh tur zawng zawng chu an lo dah hnur a.Hepa hi eng thil nge maw a hriat le,ka chungah engthil chiah nge tih a tum?, ka in ven that angai ani.Ni hnih kalta atang khan ka chungah a tha em em a , enge maw ruahman lawk chu a nei chiang alawm, a thangkam ah hian ka awk dawn lo hrim hrim.Nizanah min fawh avang khan ka mu thei tawh lo a, tunah lah ka mamawh tur zawng zawng min lei sak leh bawk si, min ti a thei tak ngial dawn.
.
Ka sam Harry misuala min tan sak tawi mat chu ka khuih hlarh hlarh a, thu a awih duh lo kher mai.Hepa hian min ti muhil thei lo a, min fawh kha a ti tak tak angem le, chuti chu Harry hian min duh tihna a mi le? Ani thei lo kei ang chhiahhlawh leh nghal Harry hian a duh dawn lo hrim hrim. Violet in ngaihtuah chiang rawh i tih tur chu heta tanga chhuah dan tur ngaihtuah chiah hi ani .
.
Harry a awm lo bawka tiin Palace bula pangpar huan vel ah chuan ka kal kual a, pangpar te chu an mawi in awmze nei takin a in rem thapa. Hetiang pangpar mawi lutuk hi hetiang tan in nen hian a in hmeh ve hlawl lo. He in lian tak ah hian Harry leh apa chuah an cheng a, chhiahhlawh tamtak nen, an khua te pawh a har ve lo ami le? .
.
" Violet" chu aw chu Liam aw ani. Min kohna lamah chuan ka hawi vata, Gate pawnah chuan Liam chuan ban a lo vai lauh lauh lai hi ka va hmu thut a ka phu chiang kher mai . Vengtu an awm nge awm lo ka enkual vata ka hlauthawng kher mai an hmu anih vaih chuan damin a chhuak dawn lo tih chu kei tluka hre chiang an awm lo ang.Vengtute ka hmuh mai loh avang chuan hmanhmawh tak chuan gate lianpui lam chu ka pan nghal vata
.
"Violet, i tha maw? na te i nei em? ngatinge i sam te chu?" ka hmaiah chuan a rawn khawih a, ka mittui chu a luang nghal zung zung a,ka ngai takzet ani. A ni gate pawnah kei gate chhungah ka awm a.
.
" Liam ka tha e , min ngaihtuah suh , engtin nge i rawn kal theih zawka, ka nu chu enge a an tawh? ka ngai takzet ani"
.

" i nu chu a rawn harh tawh a ,a tha e lo ngaihtuah tawh suh, hetah i awm tih ka hriat khan ka rawn zawng nghal che a, vengtu awm loh lai ka chang char char alawm ,Violet hawh tunah kal ang ka chhanchhuak ang che" liam chuan a ti a.
.
" Liam ka chhuak thei lo, gate hi a lian lutuk, min man chhuah chuan heng mite hian engpawh an ti thei , chuvang chuan ka nu kha lo enkawl tha la, ka rawn chhuak vat ang" Liam chuan min kuah vang vang a, ka tap ri faih faih a.
.
" Liam kal tawh rawh a hlauhawm ania " nam deuh pah chuan ka ti a.
.
" Violet , lo inenkawl tha ang che chuan i nu chu ka kutah dah rawh lo ngaihtuah reng reng suh" tih pah chuan hmanhmawh tak in a kal bo nghala.
.
Ka mittui chu ka hruhul a, inchhungah chuan hmanhmawh takin ka lut nghal vata, inchhung ka lut chiah chu ka ding nghal chawt a hlauhna in ka khat nghala, Harry chu ka hma ah tak chuan bawp khawkherh in a lo thu anih chu!!!, engmah thleng lo niawm tak chuan awm der hram hram ka tuma, ka hlawhchham chiang kher mai , ka khur leh nghal der der tawh a.Harry chu a rawn ding in min rawn pan hnai a,
.
" Master, hetah eng nge i tih , office ah awm tur i ni si a" mak tih hmel tak chuan ka en a.
.
" in Love story chu hetah hian in chhunzawm thei si lo a, a pawi ngawt mai" min tih el deuh pah chuan min rawn nuih saka, nui mahse a mitmeng atang chuan a thinrim a ni tih ka hre nghala.
" engmaw i sawi a!?" in ring tawk hmel tak chuan ka han ti a.
.
" Violet, hreptak chuan khatiang khan min en suh kha pa kha tunge?"thinrim tak chuan a au nghal tuarh a, ka phu chiang kher mai . Harry'n Liam nena kan inbiak lai kha min hmu amaw!?? Ani thei lo he misual hian Liam chhungah thil tha lo a ti duh ngei ang.
.
" k..ka hre lo reng reng" bah nuai chuan ka han ti a.

" f**k! Violet ka hmu vek che u, khapa khuah tu che kha tunge? i bialpa nge zantin a i tih lawm thin mipa zawk?" a tawngkam bawlhhlawh tak chuan min thawng kher mai. Ka meng nghal kawka.
.
" khatiang khan Liam chanchin sawi reng reng suh " inseh ruh teuh chung chuan ka han ti a.
" aw... ani maw " a kut chu a benga " helai hmunah hian in Love story chu in chhunzawm thei tawh lo ang, khapa kha i hmu leh anih chuan room thimah kalh khum i ni ang" tih pah chuan inchung lam chu a pan a, a rawn hawi let leh a.
.
" chuan Mr.White vengtu te kha ban vek ang che, a aia tam in khauh takin veng rawh se chuti lo chu helai hmun hi inngaizawng ten chance neih nan an hmang leh palh ang" tih pah chuan inchungah chuan a chho nghala.
.
Hepa hi chu a engkim hi ka haw vek ani, a ke ler atanga a sam hmawr thlengin . A tawngkam bawlhhlawh tak te leh a pa thleng hian ka haw vek ani. He in pawh hi ka kham takzet tawh, chhiahhlawh anga en reng te, hauh tawh reng te hi ka kham hluah hluah.Awmdan mawi hrelo min ti amaw!, amah zawk khan awmdan mawi a hrelo fe zawk.Vengtu hei aia an tama an khauh tawh phei chuan engtin nge ka tih tak ang.
.
" Violet i tha maw?" Maggie chuan a rawn ti a.
" aw ka tha e mahse kha Harry misuala kha a sam pawh kawlh vek ka duh" ka in hum ruh a, Maggie chu a nui sanga.
.
"nula zawng zawng ngaihzawn rawn anih hi , nang pawh hi i luangliam ve ange" min rawn fiam pah chuan a rawn ti a.
" a teuh lo mai , Harry Styles misuala hi ka hmangaih chuan ka hming hi Violet Anderson a ni lo ang" in ring tawk tak chuan ka han ti a.
.

" chutiang em em chuan maw i lo huat a, heihi lo thianfai la ka rawn let leh vat ang" tih pah chuan Maggie chu a tho a.
.
_________________________________________________
Harry room chu tihfai leh angaih anvangin hreh tak chung chuan ka han kal a, indo na hmun a kal tur ang maiin ka in ngai, room ah chuan ka lut a ,a lo awm lo hauh,a rawn haw hma in ka ti fai nghal char char a.Thlalak pakhat hi ka hmu nawlh mai a, thlalak ami chu Harry naupan lai ani tih ka hre nghala ka nui suk a, mahse a bula ding ve hi tunge ka hriat hnu a ang ka ti em em a mahse ka hre chhuak thei si lo a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 22nd, 2016, 11:19 pm

Liam's Pov~
.
Violet ka hmuh zawh chuan rang takin hospital ah ka kal nghal vata, Andria chu a lo harh tawh avangin ka va lut a.
" Vawinah Violet-i ka hmu a" nuih sang pah chuan ka ti a, mak tih hmel tak chuan min rawn melh nghal kawka.
" ka fanu chu khawiah nge a awm? a dam tha em?" a rawn ti vat a.
.
" aw, a dam tha lutuk a rawn chhuah theih tep thu a sawi a" ka tih chuan a thaw nghal huai a.
Chutia engkim ka hrilh takah chuan a mittui chu a tla nghal zawih zawih a , ka lo kuah vata ka hnem nghal mawlh mawlh a,
.
" Liam awm lo la chu kan nun hi a va hrehawm dawn em" tih pah chuan min rawn kuah a.
.
" Andria, chutiang sawi suh ka tih theih ve chhun anih hi" ka lo ti vata.
.
Hospital atanga ka haw chuan vawin a thil thleng zawng zawng avang khan ka chau hle a , ka mu nghal thlawpa ka bula chanchinbu chu la in ka han bih a , a kawmah chuan Harry Styles a thlalak chu a chuang vang bawka, Violet-i lei tu leh tang tir tu ani tih ka hriat chuan ka thin a rim nghal em em a,ka hua ani.
.
" Violet, lo la tuar hram hram rawh ka chhanchhuak ngei ngei ang che"ka ti sap keimah leh keimah chu ka in be mawlh mawlh a.
Laptop chu ka la nghal vata , Harry Styles tih chu ka zawng nghala.
.
Harry chanchin chu ka chhiar thla zela, a pa chu misual hotu hmingthang Lord Desmon Styles a nih thu te chu ka chhiar thla zela,Thlalak chi hrang hrang chu ka en thla zela a, thlalak pakhat chuan ka mit a la nghal zar mai.
.
" Pi Caro-i leh Lord Desmon Styles te an thawk ho a maw! " ka phun sapa.
.
Pi Caro-i te chu coffee shop neitu naran mai kha ani si a, engtin nge hetiang mi hlauhawm lutuk Lord Desmon Styles te nen an thawh ho theih.!! Violet-i a chik dan te , a chanchin a ngaihven dante , hna atang a ban thu ka sawi avanga a thawng miah lo dan te,Khami zan Violet-i a bo zana a awm khawtlai tir dan te, Violet nghah ka tuma a phal lo dan te chu ka ngaihtuah chhuaka . He thil ah hian a inhnam hnawih chiang ani. Violet-i hi a mantir ani thei mai angem??
Thil thlen dan hi ka hrethiam lo takzet ani.
.

Atukah chuan Andria chu damdawi in atangin a chhuah thei thu Doctor chuan min hrilh a, bill pek ka va tum a.
" ka pu bill hi pek vek tawh ani e" ka meng nghal kawk a
.
"Han en tha leh teh Andria Anderson tih kha" ka han ti leh a.
.
" ka pu tun lawk ah khan Andria Anderson bill chu pek tawh ani"
.
" anih tuin nge pe"? ka han ti leh ngata.
.
" hming a in tarlang lo, tunah khan phone in min rawn bia a, i bill chu pek ani tawh"a tih chuan ka zawt buai duh ta lo a, tuin nge bill chu lo pe ta ang? Ngaihtha lo tak chuan Andria awmna lam chu ka pan ta a.
.
Harry's Pov~
.
" Mr.White documents lo tifel rawh ka tih che kha i lo peihfel tawh em?"
.
" zo tawh e, Master"tih pahin File pahnih hi min rawn pe a,ka la nghal vata ka keu a ka chhiar nghala.
.
Liam payne :
.
"London, Cheshire a cheng ani a, anu leh pa in an boral san tawh a, Sheerwood University ah lut mek ani" ka nui suka a chhanchu ka pek ang hi Violet a pe ve thei dawn lo ani, a rethei mah mah.ka chhiar thla zela ka tawp chat" Violet Anderson nen tet te lai atanga in kawm an ni a, an inkawp thin ni a hriat ani bawk, mitam tak chuan an inneih ngei an ring bawk ani." File chu ka khup nghal hmak a, hetiang a hmangaihna inhlan dan vel chungchang ka chhiar peihlo, Violet hi hlat vat se ani mai . File pakhat zawk chu phur takin ka keu leh a
.
Violet Anderson.
.

"Anu hming chu Andria Anderson ani a, an fa neihchhun ani" ngatinge a pa hming an ziah lan ve
loh le ?" a pa in car accident ah a boral san a, an retheih em avangin college pawh a kal lo ani.Anu hi tunah Browin Hospital ah a awm mek a, Liam Payne nen...." file chu ka khup leh nghala
,Liam hming a lan tawh hi chuan ka tuilo vek zel .
.
" Mr.White Violet nu chu va zawng chhuak la , hospital bill zawng zawng va pek sak vek ang che , mahse ka hming i sawi lang tur anilo"

" chuan kha Liam Payne hmela kha a hna thawh na atangin ban nghal ang che, hna khawiah mah a hmu tawh tur ani lo" ka ti a, ngeiawm zet chuan ka nui suk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 22nd, 2016, 11:20 pm

Chapter- 10.
.
Mr.White a chhuah hnu chuan meeting nei turin ka kal a, meeting laklawh lai chuan Violet- i ka fawp tih chu ka hre chhuak zawka khatiang khan tumah ka la fawp ngai lo, Violet chu a danglam bika midang nena tehkhin chi pawh ani lo.Ka rilru ah a awm renga, hmeichhe dang chu nise ka ning nghal vat anga mahse Violet chu a ni telin ka rilru ah a awm a, hmuh ka chak ngawih ngawih a ni, ti nui thei lo mah ila a hlim chuan ka hlim ani.
.
Ka room a tihfai lai te , breakfast min siam sak lai te chuan a chet dan te chu ka lo thlir reng thin a .Ka duh tihna ani thei mai angem?. Nilo, Harry hmangaihna hi i pawm ve loh kha, i hmangaih thei lo hrim hrim mahse Violet in a kuah Liam kha!!
.

Meeting lai chuan ka tho thut a" Meeting hi vawin atan chuan tawk hrih rawh se " midang ho chu an ngawi thapa , ka awmdan chu mak an tih hmel hlawm hle mai a, ka chhuak nghala Mr.White chuan min rawn zui vata.
.
Kan Meeting reng lai pawhin thil dang daih ka ngaihtuah a , kan thurel laiah rilru dah ka tum pawh in Violet in a kuah Liam ringawt kha ka rilru ah a awm a, theih nise chu hnek hrep ka chak ani. Violet chu tunah hian eng nge a tih ang le?, nge lungngai in a lo tap leh reng tawh zawk?, mak tak maiin ka rilru ah a awm tlata.Hmeichhe dang ka fawh a ka mutpui reng lai pawh in a ni chu ka rilru ah a awm tlata, Henu hian eng tur nge maw a pai le? Hetiang em em a ka ngaihtuah nasat ,min dawi anih te pawh ka ring rum rum ani.
.
Violet- i ka rilru atangin paihchhuah ka tuma hmeichhe dang pawh inah ka hruai lut zeuh zeuh a, a hmuh laia ka fawh pawhin vawikhat pawh rilru na hmel a pu ngai lo, chu chuan min ti thinrim a , Zu ka in nasat phah a, ka hna thlengin a tawrh phah ani.Chutianga hun rei tak ka awm hnu chuan Henu hi ka intih buai tir dawn lo tiin ka rilru ka siam fel ta a.
.
Ka office bang Inchhung ka luh chuan dar 2 alo ri va tawh a, inchungah chuan ka chho nghala, ka room a ka lut tur chu ka ding chawt a, Violet room lam chu ka pan ta zawka, kawngka chu a lo in kalh lo a, room chhung ah chuan kik buai lo in ka lut ta a, Violet-i chu khum bul couch ah chuan a lo mu tal a, thawm dim tak chuan ka va pan hnaia, alo tap faih faih a.
.
" Violet, i tap ami?" a darah chuan ka zuk vuan a, a rawn tho nghal vata .
.
" Master hetah enge i rawn tih?" mak tih hmel tak chuan min en a, a mittui chu a hru mawlh mawlh a.Ka lo en reng a.
.
" ka tina leh tawh che ami?" ka han ti sap a, a lu chu a thing a.
" anih chuan ngatinge i tah?" a mittui chu ka kut chuan ka hruk saka, ka tum dan pawh anilo, he hmeichhe tap lai hi ka hmuh hian ka nem nghal vek ani.
.
" Khawngaih takin min chhuah tir rawh" tap faih faih pah chuan a ti a.

" Violet , ka thei lo ani i chhuak tih ka pa in a hriat chuan tupawhin an tuar dawn ani " ka thaw halh a , violet chuan min melh kar a " Contract a awma chu contract chu a zawh hma loh chuan i chhuak thei lo" ka tih chuan a mittui chu a tla nghal zung zung a.Tinge le he hmeichhia hi a tah hian thlem duhna rilru ka put tlat le?
.
" a nih chuan ka nu vawikhat chiah min hmuh tir rawh"

" awle ka hmuhtir ang che" chu thu chu eng vanga sawi nge maw ka ni le ? mahse a duh anga tih chu ka chak tlat bawk si.
.
" Mahse i rawn let leh ang tih min tiam rawh" ka han ti leh min rawn melh chhoh ha pah chuan " awle, Ka nu ka hmu duh takzet ani tunah hian min mamawh ani" a sawi zawng chuan a mittui chu a tla leh nghal zawih zawih a,ka lainat takzet ani.
.
Ka kal hnaih a , a khabe ah chuan ka khawiha dim tein ka kuaidaka a hmui sen hiam nem thep ah chuan ka fawp ta vang vang a , min rawn chhang let ve nghal a ka lo nui saka. A hma aia nasa leh duhthawh chuan ka fawp han leh a , a thaw lum ham ham chu ka hre thei ani.Bangah chuan ka nawr beta a nghawng ah chuan ka fawp a " Harry" thaw ham ham paha min rawn koh chuan min ti phur zuala.
.
Khumah chuan ka pawm phei a, kan hmui chu a la in si renga tho a . Khumah chuan dim takin ka mut a , a kutah chuan ka fawp zeuh a, a taksa nem thap chungah chuan ka kutin ka in nem khalh a,a nghawngah chuan ka fawp leh a. Ka sam ah chuan a rawn khawiha a rum ham ham a, a hmuiah chuan ka fawp leh nghal tawn tawn a, a kawr hak lai chu ka phelh saka, ka en vang vanga he hmeichhia hi a thianghlim in a nalh takzet ani. A hnute kawh lah ah chuan ka tham sak tawn tawn a ,a hmuiah chuan ka fawp pah reng bawka. A kekawr phelh sak ka tuma, a kut chuan min lo dang nghal vata.
.
" Harry hetiang hian ka awm thei lo" insum aw tak chuan a rawn ti a.A tho nghal vata.
.
" Awle, ka tilui lo ang che i duhthlanna ngei lo chuan i chungah engmah ka ti lo ang ka tihpalh" ka han ti a, min hnar avang chuan thinrim takin room atang chuan ka chhuak nghala. Henu hi chuan min hnawl reng mai dawn anih hi.
.
Min hnar ni atang khan ka awmdan ka ti danglam nghala,a lakah ka sual phah ta zawk ani, a thil tih engkim chu ka sawisel a mahse ngawi rengin a ti mai zela, chu chu ka haw leh zuala,min ti thinrim zual ani. Ka chungah hian thinrim ve se, min ning a ni tih te tilang se ka duh a mahse ka thu a awih zel bawk si a.
.
Office te chu ni dang ang lo takin hma tak tak ah ka haw a, ka thian te tan takngial pawh hun ka nei tawh meuh lo ani.Party, Zu , hmeichhe mutpui vel chu ka ti ngai tawh lo a.Mahse ka awm dan zawng zawng chu Violet bulah ka tilang ngai lo a, rinhlelh tur pawhin ka awm ngailo, a hriat ka hlau zawk mah ani achhan chu Violet-i hi ka duh ang tih ka hlau ani, chu mi chuan ka thin a ti chhe zuala, engtik laiin pawhin ka vin a, ka hau reng bawk ani.
.
Dinner chu Violet-i chuan a rawn siam sak mawlh mawlh a, engmah thleng lo niawm tak chuan a awm a, chutianga a awm chu ka hmu thei thlawt lo ani.Kei helai ah khami zana min hnar avanga ka mutthilh theih loh laiin.
.
" Chhiahhlawh nu" tih el deuh chuan ka han ti a.Hre lo ang maiin a thil tih lai chu chhunzawm mawlh mawlh a.
.
" Hey! Chhiahhlawh nu i beng a chhet ami?" a aia ring chuan ka han ti leh a, chhiahhlawh dang ho chuan min en thapa.
.
" Eng nge i duh ?" a thin a rim ani tih chu ka hre nghala.
"Ka bulah dinner ei ve rawh" ka han ti leh ringawta.
.
" Harry , i bula chaw ei hi ka chak love" tih pah chuan kalsan a tum a, min hnar reng avang chuan ka thin a rim em em a
ni.
" Violet Anderson " ring zet chuan ka han ti a, a rawn hawi phei nghal vata
.
" Ka hmuh theih turin vawikhat pawh rawn in lan tawh suh ang che" ka thu sawi avang khan a rilru ana tih ka hre thei nghala.
.
" Awle , Master" a ti sap a min kalsan nghala, ka thinrim insum zo lo chuan thleng chu ka paih keh chuai a, ka roomah chuan ka chho nghala.
**********
.
Office kal a hun tawh a mahse Violet in ka room a rawn tifai dawn ani tih ka hriat avangin ka lo la nghak deuh a,ka thusawi avang khan kar 1 chhung ka hmuh theihin a awm loa,ka hmu chak tawh takzet ani.A rawn kal thei reng reng lo mai a,a rawn kal har lutuk chu room ah chuan ka vei tawn seka
.
Office kal lo chuan ka lo nghak ran a, a tawp a tawp ah chuan ka room tifai tur chuan a rawn lut ta!! ,ka lo vei sek lai tak ani bawk nen, ka nghak ani tih a hriat ka hlau si , min rawn hmuh hma chuan hmanhmawh tak in bathroom ah ka tlan lut ringawta. Engvangin nge ka tlan luh ringawta? Harry Styles harh chhuak rawh. Engvanga hetianga awm nge i nih?Ka tlan luh dan vel ka ngaihtuah chuan ka thin a rim leh hnuhnawh a, bathroom atang chuan thinrim zetin ka chhuaka.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 22nd, 2016, 11:21 pm

Violet chuan ka khum chu a lo siam fel meka ka va chhuah chuan mak tih hmel takin min rawn en ha a.
" Master i la kal lo maw?"
"K..ka damlo a,office ka kal thei lo "bah nuai chuan ka ti a,awi loh hmel tak chuan a ner saka.
.
" dawt ka sawi i ring ami, hei ka damlo chiang alawm" ka ti nghal ringawta,ka chal vel chu ka han khawih kual vela.
" Engmah ka sawi loh kha" tih pah chuan a thil tih lai chu a chhunzawm leh nghal mawlh mawlh a,Ni e engmah min zawt tawp si lo a, keimah leh keimah ka in be mualpho mai mai ani. A khum siam fel lai ah tak chuan ka zuk mu thlawr a.
.
" Harry, tho teh.. kha i ti hnawk leh vek ania" nin hmel tak chuan a rawn ti a.
" Ka damloh hi min ngaihsak ta che , tikhan damlo an be ngai lo" tih pah chuan blanket chu ka sin nghal hmaka. Vawt ti ni awm tak chuan ka han khur der vela,min rawn ngaihsak phut deuh chuan ka melh hrek hrek a, mahse melh pawh min melh lo.
.
" vawt i ti bawka hei hi sin belh rawh" tih pahin puan chu min rawn sin belh tir a, room heater chu a on nghal bawka.Ka room vel chu a tifai leh nghal mawlh mawlh a, ka lo en renga, a tih fai lai tur te chu ka lo kawk kual vela,ka lo sawi zut zut bawka, darkar chanve hnu ah chuan a lum ta khawp mai , ka thlan dap tawh a, ka tho ngam tawh si lo a.
.
" Harry " Zayn chu room ah chuan a rawn luta Louis leh Niall te chuan an rawn zui luta,ka lawm ngei mai, ka mutna hi a lum tawh takzet ani.
" Harry i room chu ava lum ve, Ngatinge i mut a, i damlo ami?" Niall chuan a rawn ti vata, Violet chu a nuih pah zauh a, Violet chuan a lo nuih let ve bawka, ei loh hmel takin ka lo ner nanga.
.
" Office ah i awm si lo a, tennis khel turin rawn sawm che kan tuma" Louis chuan a ti a, khumah chuan a rawn thu a.
" Ka lo kal lo mai ang" ka ti a, khumah chuan ka mu thlan dup tawh a.
.
" Vawin chu Harry hi a damlo nasa lutuka" Violet chuan a lo ti vata.
" Anih chuan Violet Tennis khelh na ah lo kal ve la, Harry a rawn kal thei dawn si lo a" Niall chuan a ti a.
" Ni e,idea tha tak ani" Zayn chuan a lo ti vata
.
" a theihloh , chhiahhlawh kal ve na chi a ni lo"ka ti tuarh a,mak tih hmel takin min en thap a, "ka kal ang kan in siam ange" tih pah chuan khum atang chuan ka zuang tho vata ka insiam sawk sawk a kan kal nghala.
.
Violet's pov~
.
Hepa hi enge a hriat le,nichin lawkah ka dam lo a ti a, tunah a thian te rualin a chhuaka a phur berah ala tang lehnghal.
Khami zana min fawh avang khan ka muhil thei lo a , engtik lai pawh in hmuh ka chaka , a nui hmel hmu ngai lo mah ila ,misual tak chu a ni bik lo .Harry hian ngatinge min fawh? Min duh ve tihna ami le? Mahse Harry chuan hmeichhe chhelo leh hausa tak tak a rawn hruai lut leh tho a. Chuta tang chuan min duh ve lo ani tih chu ka hrechiang telh telh a. Hmeichhe dang a rawn hruai luh te chuan ka lo na thei em em a, chumi avang chuan zanah ka muhil thei lo a amah avanga tah chang te pawh ka ngah ani.
.
Harry hi ka chungah sualin min vin reng mahse a ni telin ka duhna a zuala Zana a rawn haw har te hian ka lo nghak reng thin a, mahse a hmuh theih turin ka awm ngailo ani.
Ka hnar atang khan ka chungah a sual zual em em a, khami zan khan ka nu chu hrechhuak lo ila Harry tilawm tu hmeichhe pakhat ve mai ka ni dawn a, min ti na tu mai ani dawn ani
.
Min hmuh duh loh thu a sawi te khan ka na ngawih ngawih a, mahse tih ve theih ka nei si lo. A duh ang ngei chuan pumpelh chu ka tum char char a, a hmuh theih a awm ka tum lo tawp ani.Min ti na lehzual tu chu min fawh avanga min duh amaw ka lo tih kha ani. Harry tan chuan chhiahhlawh satliah ve mai ka ni.
.
.
Palace pawna pangpar tui ka pek lai chuan,Liam aw chu ka hre thut a,
" Violet" min ko tu awm ni a ka hriat avangin ka hawi kuala in inhnung na bang lianpui atang chuan Liam chu a rawn chhuka,
" Violet "Liam chuan min rawn ko leh a. Hetah Liam maw! Bang sang leh lianpui chu a rawn lawn liam ani,engtin nge a theih zawk.
.
" Liam engtin nge i rawn kal theih?" mak ti tak chuan ka lo ti a. Min rawn kuah nghal thlawp a.Hmun biru lai deuh ah chuan ka hruai vata.
" Violet ka sawi tur hi chiang deuhin ngaithla rawh" ka darah chuan a vuana.
.
" Helai hmun hi a him lo , an hmuh che chuan damin an chhuah hauh lo ang che" hawi kual pah chuan ka han ti leh a.
" nangmah man tu te zingah hian pi Caro- i a in hnamhnawih in ka hria" mak ti tak chuan ka en nghal kawk a.
.
" A ni theilo, pi Caro-i te chu ka chungah a tha lutuk min duh sak bawka, i hresual aniang" awih loh hmel tak chuan ka lo ti a.
" Keipawh in ka awih thei lo, mahse Lord Desmon Styles te nen an thawh ho laia an thlalak ka hmu ani"
.
" anih chuan Liam min mantu te khan ka kum zat te, ka awmna leh ka hming pum thlengin an hria asin" ka tih chuan Liam chu a meng nghal kawka
" in thurual in an man che ani ngei ang " a tih chuan mak tihna in ka khata. Pi Caro-i ka rin leh ka ngaihsan thin em em chuan min man theihna turin ruahmanna an siam amaw! Ka ngaihtuah chhunzam ngam lo.
.
" Liam ka nu enge a an tawh?"
" a tha e, damdawi in atangin kan chhuak tawh a, a tha chho zel e"
" i chungah ka lawm takzet ani, awmlo la chu..." ka kuah a ka tap nghal hawm hawm a.
.
" Chutiang sawi suh, i thiantha ber ka nih hi , ka tih ve tur reng alawm, Harry Styles chuan engtin nge a tih leh tawh che" ka sama chul pah chuan a ti a.
" Harry chu a fel lutuk" Liam chu a meng nghal kawk a, min kuahna chu a phelh nghala a.
.
" Violet ...a fel a! He ramhuai pa hi a hlat ah awm tum rawh " a tih chuan sawi tur engmah pawh ka hrelo, ka mittui chu a tla ringawta.
" Violet, i duh tih min hrilh miah suh" hlauhthawng hmel tak chuan a ti leh a.
.
" Liam ka hrelo, ka awmdan hi ka hre tawh lo, kal tawh rawh an rawn hmu ang che"
.
Guard pakhat a rawn lan avang chuan hmanhmawh takin a chhuah leh na tur lam chu kan pan nghala.
" ka nu i enkawl avangin ka lawm takzet ani"
" Violet , lo inenkawl tha ang che" tih pah chuan ka hmuiah chuan a fawp zeuh a, "ka la rawn hruai chhuak em em ang che" a ti a , bang sang pui ah chuan a lawn liam ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 22nd, 2016, 11:23 pm

Chapter-11
.
Tennis kan khelh lai chuan Niall chuan nidanga kan tih thin dan ang bawkin nula pali chu a rawn hruai leh a, Zayn leh Louis te chu an lo nui leh var var tawh a.Nula lawm tih takah an lam pan chuan an kal vata.
An zinga pakhat chuan min rawn pan nghal chat a, ka awm velah te chuan a rawn zut a, a hnute chuan min nek zeuh zeuh bawka.A perfume rimtui tak te chu amah min hip tir tu ani a. Nidang chu nise ka chhuah hauh lo ang, mahse tun tum chu ka thei thlawt lo ani. Min rawn khawih chuan a hma a Violet in min khawih dan chu min hriat chhuah tira, min fawh a tum lai tak chuan ka nam sawn dawrh a.
.
" duh tawk rawh" thinrim hmel zeta ka tih avang chuan ka thiante chuan mak tih hmel zetin min en a. Ka kalsawn nghala.
Dressing room ah chuan ka lut a, ka thiante chuan min rawn zui lut nghala.
Ka lu ka dawm a, ka in ngaihtuah vang vang a.
.
" Harry eng nge awmzia, khatiang model chhelo lutuk kha engtin nge ti hnawl theih?" Zayn chuan mak tih hmel tak chuan a ti a.
" Ni e, tunlai hi i danglam takzet ani"
" Ka la danglam lo, mahse kha hmeichhia khan min hip thlawt lo ani" vin zet chuan ka lo ti a.
.
" Engtik lai atang khan nge nula te hian an lo hip tawh loh che a, hmeichhia tumah i ngaihven tawh lo a, i thiante tan pawh hun i nei tawh lo" Louis chuan thinrim tak chuan a rawn ti a.
"i danglam tawh ani Harry, nge kha chhiahhlawhnu avang khan i danglam zawk?"Niall chuan min tih el deuh chuan a rawn ti a,ka sa nghal zak a.
.
" Eng maw!" Zayn leh Louis chuan mak tih hmel takin an rawn ti rual thawta.

" a hming chu Violet a ni chhiahhlawh ani lo" ka lo ti vata.
" Chu! chhiahhlawh pawh ani ta lo ani maw! " Niall chuan a rawn ti leh a.Hetianga Niall in a tih chhan chu Harry hian Violet hi a duh a, mahse a duh tih hi a in pawm duh lo ani tih a hriat vang ani.
" Niall chu chu ka sawi tum ani lo, ani kha ka engmah ani lo" bathroom ah chuan inbual turin ka lut san nghal daih a,ka kham takzet ani Violet chanchin an sawi reng mai.
.
.
Club~
.
"Violet vanga danglam i ni tak tak em? " Zayn an a rawn tih chuan Violet vanga danglam nih chu ka duh loh bik hauh lo ,
" Thiana, ka la ngai reng vawin kha chu ka awm a nuam lo lutuk chu zawng chu"
" Hazza, Violet chu i thei ta em?" Louis chuan a rawn ti lawng lawng a,ka ngawi renga ka chhang loh avang chuan mak tih hmel takin ka thian te chuan min en ha hlawm a, a chhanchu hmeichhia hi ka duh duh ka mutpui theih thin vang ani.
.
" Thiana, i vawikhat tlawmna" Niall chuan a rawn ti a.
" Ka tlawm reng reng lo, hun ka la mamawh mai zawk ani" ka lo ti vata, ka thiante bulah hian tlawm ka tum lo hrim hrim..
"anih chuan in chawina chu kan la chhunzawm dawn tihna ami" Niall chuan a ti a.
.
" Tunge a tawp tawh ti, kan la tan reng reng hleinem" chapo tak chuan ka ti a,ka nui suk a.
" Harry Styles kha a lo let leh ta e" Louis chuan no chu a rawn keng kang a.
" Harry rawn let leh lawm nan"
"Chuan inchawi na a ,a hlawhtling theih nan" Zayn chuan rawn tih chhunzawm zat a,kan au dar dar a.
.
.
Styles Palace~
.
In a ka haw chuan , a lo reh leh thap tawh a , ka room lam pan chuan ka chho hnak hnak a, ka inbuala ka mu nghala. Mahse mangchhia chuan min rawn ti harh zawka, mut leh mai ka tuma, ka harh telh telh bawk si.Ka mutthilh theih mai loh avang chuan ka tho chhuaka , no ah chuan whisky chu ka thli chhuaka thil tam tak chu ka rilru ah chuan a rawn lang a, Violet vangin ka danglam tak tak ami le?Henu zet hi zawng a danglam em ani, Hmeichhe tamtakin min buaipui huai huai laiin ani chuan min hnar a, tupawhin ka thu an zawm laiin ani chuan min hnial ngama. Hetiang hmeichhia hi ka vawikhat tawn na ani.
.
Ka tho thut a , a room lam pan chuan ka va kala, a ngai te bawkin kawngka chu a kalh leh tawh lo , henu hi tinge kawngka kalh hi a thiam miah loh le , ka nui suka.Violet chu khuma mu lo in a khum bula couch ah chuan tui takin a lo muhil sak sak a.Ka va pan hnaia, a sam ah chuan ka zuk khawih a,a sam ka tan tir avang tawi mat te chu ka chul a ka inchhir leh hnuhnawh ani.A kut te reuh te chu ka vawn saka.A rawn harh nghala. Ka vawnna chu ka thlah nghal vata.
.
" Harry , hetah hian enge i rawn tih?" mak tih hmel tak chuan min rawn en ha a.
" ihhh... ka..ka muhil thei lo a"
" Mangchhia i nei leh tawh ami?" mak tih hmel tak chuan ka lo en a.
"Engtin nge mangchhia ka nei thin tih i hriat?"
.
"ka hriat na a rei tawh, Harry va mu tawh rawh ka mut a chhuak ania" mut chhuah hmel tak chuan a rawn ti a.
"Violet, zanin chu hetah ka mu thei angem?" inthlahrung tak chuan ka han ti a,a phal pawh ka ring chiah lo.
.
" um... khumah sawn va mu rawh" a puan sin lai chuan a inkhuh leh daih a,a bulah chuan ks ding renga.
" Aih i bulah alawm ka tih" rang takin a inkhuh na chu a rawn phelh a.
" Ka muhil thei lo a, Mangtha lo ka nei thin bawk sia" pangchang tak chuan ka han ti leh a.A in ngaihtuah vung vung a, ka lo nghak ran a.
.
" Awle, hetah lo mu rawh" tih pah chuan a tawlh phei a.
"khumah alawm ka duh, ka lian lutuk khatiangah ka leng ve lo" ka tih chuan thaw halh pah chuan a tho a, khumah chuan a lawna.
" Min rawn tawk hlek suh ang che" tih pah chuan lehlam chu a hawi daih a keipawh chu ka mu ve nghala.
.
Violet's Pov~
.
Ka kut khawih tu an awm avangin ka harh a ka han hawi chu Harry a lo ni a, ka bulah mut ve min dil a, ka lo phal sak ve mai a ni a chhan chu mangtha lo a nei thin tih ka hriat vang ani.
Harry chu ka bulah a mu meka, ka awih thei lo hial zawk, thinrim tur ka nih laiin ka hlim zawk ani. In hnung chhawn zawng chuan kan mu ve ve a, rei tak kan mut hnu pawhin ka muhil thei chuang lo .
.
" Violet" Min rawn koh avang chuan ka lo muhil der vat a.
" Violet i la muhil lo tih ka hria ania " a rawn tih chuan ka hawi let a, min lo en reng tawh mai a ka mitah tak chuan min rawn en a, ka zam chhe der mai. Hepa huhang ngah zet hian min ti a thei takngial dawn . Che lo chuan kan in en reng a, a rawn kun hniam a, ka hmuiah chuan min rawn fawp vang vang a. A rim pa hrak leh a hmuia whisky rim te chuan min hip em em a, ka kawngah chuan rawn vuanin min pawt hnai deuh a.A sam kir bab ah chuan ka lo tham a, a aia nasa chuan min rawn fawp leh a, kei pawhin ka thiam ang tawkin ka lo chhanglet ve ani.
.
A bulah chuan min pawt hnaia, a kut chu ka khama a kut leh lam chuan ka kut chu a khawih niap niap a, naktukah enge lo thleng dawn tih chu ka hrelo mahse tunah hian ka hlim takzet ani.Kan ngawi duh vang vang a...
.
" Violet i nu chu naktukah i hmu duh em?" ka hawi chho vata, min lo en reng a, min rawn nui var var anih chu!!. Harry a nui amaw! A nuih lai hi ka vawikhat hmuhna. A hmel tha takzet ani ,a biangsum chu a lang khuar kaka. Ka tuiral zo leh vek tawh ,tawng mai nachang pawh ka hrelo a,ka hmuiah chuan a rawn fawp leh zeuh a.Ka harh nghal zawka.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 22nd, 2016, 11:24 pm

" I ti tak tak em?" ka lo ti vata, khatia ka lo awm reng avang khan ka hmai chu a sen tawn tawn a.
" ti tak tak e, kha i hmai a sen ania" tih pah chuan ka biang ah chuan a rawn piai zeuh a, a aia nasa in ka lai lutuk avang chuan a rawn sen leh zuala.
.
" i zak ani maw?" a tih chuan rum zetin ka lo melh a, a nuih chu aza leh zual a ,a nui ri hak a.Nui tawh lo se ka duh a hma ang khan tum leh reng se chuti lo chu a nuih ringawt pawn min ti a zo thei tak ngial dawn
.
.
" Harry, i mumangah enge i hmuh thin a?" inthlahrung tak chuan ka zawta
" i hre duh kher lo ang"a hrawk thian kharh kharh pah chuan a ti a.
"min ring lo ami, tih theih ka nei maithei asin" a nui suka.Ka lu a rawn fawh zeuh pah chuan.
.
" Violet, ka nu kha a in thah lai khan ka awm asin, ka pa in ngaihzawng tamtak a nei a, inah hmeichhia a rawn hruai lut thin a, ka nu in then a tum lahin thah ah a vau zel bawk si, ka nu chu vawi tam tak in thah a tum tawh a mahse keimah vangin a tuar hram hram ani." a thaw halh a min rawn en chuan ka mittui chu a lo tling leh pam tawh a.
.
" Mother's day a ni a,Ka school bang chu ka haw hnak hnak a, ka nu pek turin milem ka ziaka,ka phur takzet ani, mahse room a ka choh chuan ka nu chu tukverh atangin a lo zuang thla chiah a, tih theih engmah ka nei si lo a.Ka nu in thah lai te, ka pa in a sawisak lai te chu ka mumang ah ka hmu thin a, tun thleng hian min la tibuai thin ani" min rawn en zeuh a.
.
" Violet tap suh" ka mittui chu a rawn hru hul a, hnem zawk tur ka nih laiin ka tap chu min thlem ta zawk ani,ka va han nep tak em.
" Harry, i tuar nasa takzet ani.Mahse i pa in tha takin a enkawl che a lawm" ka tih chuan a thaw halh a.
.
" Ka pa min enkawl dan chu a hahthlak takzet ani. Kum 12 mi chauh ka nih in tawng chi sarih thiam turin min duh a, ka thian te tih ang ka ti ve thei lo a, ka hun hman dan tur chu duan lawk sa thlap ani a, ka ei chak zawng pawh ka ei thei lo" .
" chuti chu thian i kawm ngai lo ami?" ka lo zawt deuh ha a.
.
" Zayn , Louis leh Niall te hi an ni mai . Mahse ka pa hian an mahni kawm nan hun min siam sak ngai lo. Khawi hmunah pawh kal ila body guard ka nei renga, a hahthlak takzet ani"
" Body Guard neih reng te chu a zaleng lo emai a hrehawm ngawt ang" hriatthiam hmel tak chuan ka lo ti a.
.
" Ni e, a hrehawm midang te anga school ke a kal a, thiante nena infiam te ,ka duh duh ei theih te ka chak em em thin a mahse ka pa avang hian tu mahin min hnaih ngam ngai lo , lunch te hi keimah chauh in ka ei thin a, ka pa min zirtir dan ah chuan ka duh chu pawisa a lei mai turin min ti thin ani"a ti chuai raiha rawn ham bai bai a.
.
" Harry, lungngai suh chung i thil tih chak zawng zawng te chu tunah hian tih na hun ala tlai hleinem" ka han ti leh a min chhang loh avang chuan ka han hawi chho a, a lo muhil der tawh .
.
Harry hi ka khawngaih tak zet ani, hausa in mi ten awt in engkim lei thei mahse a khua a har em em a, chak hmel leh rilru na ngai lo angin lang mahse a rilru a no em em a. Nunrawng takin che thin mahse mi rilru tha tak ni tih ka hria ani.
.
Harry muhil lai chu ka en vang vang a, hetianga hmeltha hi ka mutpui laiin muthilh daih chu ka ui ani.Nula tam tak in an ngaihzawn rawn chu ka bulah min kuah chungin thlamuang takin a muhil mek a ni a, ka nui ver ver a, kamuhil ve nghal vat a.
.
Zing ka thawh chuan Harry chu a lo la muhil barh barh a, a mit te , a hmui te, a hnar te chu ka en reng a, ka lo nui leh ver ver thin a,ka hlim takzet ani.
.
" Khatiang khan min en reng i tum ami?" la maimichhing reng chung chuan a rawn ti a, ka hawi sawn nghal vata ka sen leh nghal tawn tawn tawh.
" i harh na a rei tawh em?" zahzel ah ka lo ti vat a.
" rei lo e, tun mai ah khan" zing tho aw chher deuh chuan a rawn ti a, a biangsum lang kak chuan a rawn nui a,a van hmeltha tak.Ka chal ah chuan a fawp zeuh a.
.
" ka tho dawn, nangpawh Office kal tawh rawh" tih pah chuan thawh ka tuma ka tho kang a.Khuma min pawh let pah chuan ka chung ah chuan bawk in a kutin a in nem khalh a.
" Harry, thawh vat ka ngai hnathawh..."min rawn fawp thut a ka tawng lai chu min rawn pawt chat a,a aia uar chuan min rawn fawp leh tawn tawn a rei tak kan in fawh hnu chuan,phone a rawn ri ral ral a hrelo ang mai chuan min la fawp char char a, a rik reng avang chuan thinrim takin ka bulah chuan a rawn let tawpa, a hmai chu a nuai nawk nawk a, a tho thut a phone chu chhuat ah chuan a paih nghal pawpa.
.
" Harry! eng nge maw i tih le?" hlauhthawng hmel tak chuan ka te thawt a.
ka hmai ah chuan a kut pahnih in a rawn vuana " He zing nuam tak hi phone ri mai mai in a tihbuai ka phal hleinem" tih pah chuan min rawn fawp leh zeuh a.
.
A tho leh thut a, mak tih hmel tak chuan ka lo en a.
" Violet in siam rawh kan chhuah angai" a rawn ti thut a.
" Khawiah? eng nge kan tih dawn?" mak tih hmel tak chuan ka han zawt leh a.
.
" I hre tawh lo ami, i nu bulah ka hruai ang che ka tih kha, ka thu tiam tawh chu ka ti lo ngai lo" a tih chuan phawk lutukin ka lo en a.
" i ti tak tak em...K..ka nu ka hmu thei dawn amaw!"
" in siam vat rawh , ka rilru ka thlak leh mai ang " tih pah chuan room atang chuan min chhuah san nghala.
.
Ka inbuala phur tak chuan ka insiam nghal sawk sawk a ,ka nu in min hmuh huna a awm dan tur te ka ngaihtuah chuan ka hlim ani,Harry mi nunrawng tak chu a lo sual em em bik lo anih hi.
.

.London,Cheshire~
.
Rei vak lo kan tlan hnu chuan kan in chu kan thleng der mai a, mahse ka zam tlat ani, Harry chuan ka kut chu a rawn vuan a," i rawn let leh ang tih min tiam rawh"
.
" awle" ka ti chuai raih a.

Kawngka chu ka kik dat dat a.Ka nu in a rawn hawng dawn lo emaw ka tih tawh hnu ah chuan kawngka chu a rawn in hawng a, ka nu ngei ani a meng phawk nghal kawka.
.
" Violet!" a mittui chu a tla nghal zawih zawih a, ka lo kuah nghal a, rei tak in kuah chunga kan tah hnu chuan.
" Bawihte khawiah nge i awm? ka zawng nasa lutuk che asin ,i lo let leh chu ka lawm takzet ani ,engtin nge i lo haw a?"
.
" Harry hian min rawn hruaia, nu ka let leh vat angai ani" ka bulah ngawi renga lo ding Harry chu ka nu in a hmuh chuan a nui tawp nghal a.
" khawiah mah i kal bo tawh lo ang" ka kut ah chuan a rawn vuan a.
.
" ka fanu nen hian khawngaih takin min then hrang tawh suh ka ngen tak meuh che ani" Ka nu chuan kutsuih chungin Harry chu a ngen mawlh mawlh a.
" Ka nu" ka lo ti vata.
.
" Violet , min lo dang suh he thil hi ka tih ngei angai ani"
.
" Ka pi ka tihpalh lutuk ka thei lo ani" Harry chuan in thiam loh hmel tak chuan a ti a.Harry hi a in thiam lo amaw!, he tianga a awm hi ka vawikhat hmuh na ani, mak ti tak chuan ka lo melh ha a.
" Violet kan in biak angai" tih pahin ka nu chuan in chhungah chuan min hruai lut daih a, Harry chu a rawn luh ve hma chuan a khar khum daih a, min kai lut dawr dawr a.
.
" Ka nu, ngatinge hetianga i awm, Harry te chuan hetah min rawn hruai ringawt alawm engmah tih sual a nei lo"
" Khapa khan min then hrang thei tawh lo ang, khawi ah mah ka kal tir tawh lo ang che" ka nu chuan ka kut chu a vuan tlata.
.
" nu, ka let leh angai ani, contract a zawh hunah him takin ka rawn let leh dawn alawm.Nu ka let leh lo anih chuan nang leh kei hi Lord Desmon Styles an min that duh ngei ang" ka tih chuan ka nu chu a dang nghal veka.
.
"Lord Desmon Styles Maw! ka fanu khapa bulah khan i awm thei lo ang" ka nu mittui chu a tla nghal zawih zawih a.
" ka nu , i hria ami Harry pa hi " ka ti nghal vata.
" Aih ka hre lo, ka hrelo hrim hrim" a ti a, mahse enge maw dik lo chu a awm tih ka hre nghal a ni mahse ka zawh chhunzawm ta lo a.
.
" Nu ka let leh anga chuan him dam takin ka lo let leh ang chutah chauh chuan hlim takin kan awm thei tawh ang" ka tih chuan a bu nghata, mahse thil diklo chu a awm ani, Lord Desmon Styles hming a hriat a ka nu in let leh a phal thut dan hi ka hriatchhuah angai ani.Ka nu chuan room ah min luh san daih a
.
Pawnah chuan ka chhuaka, ruah chu a sur nasa hle a,khua chu a thim dawn tan dera,Harry chu huh vekin pawn ah chuan a lo awm a, lut turin ka ti vata.
"Zanin chu kan riak mai dawn ami?a pawi angem?" a phal pawh ring chuang lo chuan ka zawt a, towel chu ka pe nghala.
.
" Zanin chiah , mahse tlanbo kha tum reng reng suh ang che, ka pa in a hriat chuan hremhna kan pumpelh hauh lo ang,"
"awle zanin chiah ani mai"
.
Author notes~
.
He story hi story ziah tawh sa letling chawp ka ni lo a, keima ngaihdan leh duh dan anga ka ziah ngei ani

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)