RUDE BY Haylor (Remruati)

Moderator: Remruati (Haylor)

Ngaia
Site Admin
Posts: 25813
Joined: April 30th, 2016, 4:07 pm

Re: RUDE BY Haylor Fanfiction

Unread post by Ngaia » June 24th, 2016, 5:59 pm

"Kan inkar buaina ani, Violeti a tel ve lo, ani chu chhuah zalen rawh"
.
.
"A thlawn chuan ka chhuah tir ring suh,Engkim hi ka thu hnuaiah a awm" Chapo tak chuan a ti a.
.
.
"I tan ka thawk lo ang ka thih ni thlengin"
.
.
"I thawk ang tih ka hria,i in ring tawh mah mah ani ,i tana tha tur vek ani ka ngaihtuah"
.
.
"ka sawi tawh khan engmah min tih luih tir tum suh i thu angin ka awm dawn lo"
.
.
" Anih chuan Kha hmeichhia kha ka dah bo ang nge nupui chu i nei dawn" ngeiawm zet chuan min rawn nuih a
.
.
"Chutiang chu ka thlen tir hauh lo ang"
.
.
"Keiman ka thlentir thei alawm ka fapa, i duh chu thlang fel vat ang che, chu ti lo chu kha hmeichhia khan naktuk hi a hmu tawh lo ang"
.
.
"Engmah ka thlentir dawn lo" ka inseh ruh a
.
.
" Hun tlem i nei, Dinner chu min rawn zawm ngei ka beisei" tih pah chuan a nui suka , min chhuahsan nghala.
.
.
Ka thinrim lutuk chu ka bula pot awm chu ka paih keh chuai a, ka sam chu ka tuai a, ka thaw leh halh thin a, Ka pa in a thusawi chu a hlen ngei dawn tih ka hre chiang si a, Violeti hi tlan bo pui mahila ka pa lak atang chuan kan biru rei dan hauh si lo
.
.
Chair ah chuan ka thu a, inchhung lam chu ka melh vang vang a, ka rilru a buai takzet ani Violetin a tawrh ka phal si lo, nupui ka nei thei bawk si lo, ka thaw leh halh a, rei tak ka ingaihtuah hnuah chuan rang takin ka tho a, car ah chuan ka lut vata chak takin in lam chu ka pan nghala.
.
.
.
Styles Palace:
.
.
Inchhung ka thlen chuan Ka pa chuan min lo nuih a.
.
.
" I rawn kal hi ka lo ring reng asin, i pa lakah i chak thei ngai lo ang"
.
.
" ka la tlawm reng reng lo".
.
.
" anih chuan kha hmeichhe nunna chu i ngaipawimawh ta lo ani maw"
.
.
" I duh ang chuan nupui ka nei ang ,mahse thil pakhat min tihsak ve angai ang"
.
.
" I lo fing hle mai, a thlawn in ka duh angin i kal lo ang tih hi ka lo rin dan chiah ani"
.
.
" Violeti hi chhuah zalen rawh chuan tibuai leh tawh suh ang che chu chu min tiam rawh".
.
.
"Chu chu maw i duh chu hmangaihna dik tak ani, a tha hle mai" ngeiawm zet chuan a ti a.
.
.
"Chu thil chu i tih theih lo chuan kei pawh i duh dan angin ka awm thei lo ang, ka tel lo chuan company hi a tla chhe nghal bawk ang chu chu a hrechiang ber tu ini" ka lo nuih let ve saka.
.
.
" ka ti ang mahse thil pakhat pawh a kalsual anih chuan ka silai mu hi a pumpelh hauh lo ang"
.
.
" chutiang chu a thleng hauh lo ang" rum tak chuan ka melh a, ka roomah ka kalsan nghala.
.
.
.
Violet Pov~
.
.
Ka room ah chuan hlauthawng takin ka lo vei kual chhen a, chutih lai tak chuan Maggie chu a rawn lut a.
.
.
" Violet, Master in a hmu duh che" a rawn tih chuan ka thinphu ri chu ka hrethei hial a, ka khur nghal zawih zawih a.
.
.
"Maggie , eng nge min sawipui duh a neih ang le" hlauhthawng hmel tak chuan ka ti a.
.
.
" hlauthawng suh , a be duh mai che alawm" ka darah chuan a rawn vuana.
.
.
"Harry hi khawiah nge a awm?" ka lo ti vata.
.
.
"Harry chu ala rawn haw lo, engkim a fel vek mai ang" min hnem a, tui min pe a, ka lo in khawlh khawlh .
.
.
"Engtin nge ka tih tak ang , ka hlau takzet ani" ka mittui chu a tling pam a.
.
.
"Violet , inbeng dai rawh Master chuan a nghak reng tawh che ania"
.
.
" Maggie min kalpui thei angem?" a lo bu nghata, Lord Demon Styles a room lam pan chuan min hruai ta a, Room kawngka chu kan thleng der a
.
.
"Maggie khawngaihin min lo luhpui" ka khur der dera,ka hlauthawng takzet ani.
.
.
"Violet, ka theilo engtin mah a ti lo ang che hahdam rawh" a tih chuan ka thaw halh a room chhungah chuan ka lut ta a.
.
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2016, 11:04 pm

Lord Demon Styles an min hmuh chuan min rawn pan nghal vata.
.
.
"Ka fapa chuan alo enkawl tha hle mai che" ka sam ah chuan a rawn zut a, ka lo hawisawn vata.
.
.
"A tha hle mai hmeichhe huaisen tak ini, tunah chuan i zalen tawh e" a tih chuan ka meng nghal kawka.
.
.
"Tak tak ani em?"ka lo ti vata.
.
.
" naktukah i haw thei ang , mahse Cheshire atanga hla taka i awm angai ang" Min chhuah zalen tur chu ka hlim hle a Mahse Harry telo in engtin nge ka awm tak ang.
.
.
" Harry hlatah hian khawiah mah ka kal lo ang".
.
.
"Heipawh , i nu i chhun hle mai i nu chan i duh hauh lo ang tih ka hria"
.
.
" Ka nu chungah eng thil mah ti suh"
.
.
"engthil pawh ka ti ang, ipa chunga ka tih ang chiah khan" ka beng bulah chuan a rawn ti a
.
.
"I duh emaw duh lo emaw i hmangaih chuan nupui a nei dawn, i khawngaihthlak awm hle mai" a tih chuan min thawng hle a,ka mit nghal sawlh a.
.
.
" Chutiang chuan Harry an ka chungah a ti hauh lo ang" ka ti chuai raih a.
.
.
"A hmangaih lo che, a hmang mai mai che ani zanin ah a nupui tur chhungte nen Dinner ka ei dawn a Harry pawh a rawn kal ngei ang" min nuih suk a.
.
.
" Harry hi ka hrechiang a rawn kal hauh lo ang" inring tawk tak chuan ka ti a.
.
.
" Rinna tha tak ani, a ropui hle mai " a hmui chu a tisawi vela.
.
.
"Harry hian min kalsan lo ang tih ka hria"
.
.
" A Kalsan vat ang che ,chuvang chuan inu nen hlim takin awm ula Harry hlat thei ang berah awm ang che" thutak ran chuan a rawn ti a ka ngawi reng a
.
.
" I kal thei tawh ang" a tih chuan room atang chuan hman hmawh takin ka chhuak nghala.
.
.
Ka room ah chuan reitak ka tap a, Harry an nupui a neih chu ka ring thei lo ani, hetiang hian ka chungah a ti hauh lo ang , ka mittui chu ka hru hul a,Kitchen ah chuan midang pui turin ka chhuka midang chu an lo buai hle a, an lo vei suau suau a.
.
.
" Enge awmzia, in va buai hmel ve" nula pakhat chu ka lo zawta.
.
.
" Master in nupui a nei dawn a, a chhungte nen Dinner an rawn ei dawn a, a tha thei ang berin kan in buatsaih ani" hmanhmawh takin a kal leh nghala,

.
.
Mak ka tih em avangin ka din na ngaiah chuan ka ding reng a, Harry chuan nupui a nei tak tak dawn amaw, ani thei lo Harry ka atang ngei a ka hriat loh chuan ka awi tur ani lo tiin ka in hnem char char a.
.
.
" Violet , heihi dawhkanah sawn va dah rawh" chef chuan a rawn ti a, ka ngaihtuahna atang chuan ka harh zawka hreh tak chung chuan plate chu ka chawi a dinning table lam chu ka pan nghala.
.
.
Chutih lai tak chuan Harry leh hmeichhe chhelo zet chu an rawn lut a , chu nu chuan Harry kutah chuan a kuah bawka, an hlim hmel em em lehnghala, Harry an min rawn hmuh chuan a ding chawta ka lo en renga, ka tlan nghala Harry chuan min rawn um zui nghala.
.
.
.
" Violet ding rawh"ka banah chuan a rawn vuana.
.
.
" Min thlah rawh , Harry ka hrethiam lo che, ka hrethiam thei ngai dawn lo che anih hi"
.
.
" Ngaithla teh"
.
.
" Engmah sawi dun ka duh lo"
.
.
" He inneihna hi ka duh dan ani bik hleinem"
.
.
" Anih chuan ipa in a tilui che maw! Harry chu chu ka awih i ring ami "
.
.
" I awih ngei chu angai alawm he thil hi ka tih ngei angai ani"
.
.
"Hlim takin i awm dawn nia i nupui tur pawh a hmeltha khawp mai, mahse chhaih kual ve hauh suh ang che"a hmaizawn ah tak chuan ka kawk a
.
.
"Hriat thiam tum teh"
.
.
" engchu maw ka hriatthiam anga, Ka hmangaih berin nupui a nei tur chu nui chungin ka lo thlir anga maw!" ka au tuarh tuarh a, min rawn fawp nghala.
.
.
Rangtakin a hmai ah chuan ka beng nghal sawka.
.
.
" vawikhat pawh min rawn khawih suh ang che" tih pahin ka room lamah ka tlan chho nghala
.
.
By Haylor Fanfiction

Chapter-19
.
.
Harry pov~
.
.
Zinga ka thawh chuan Violeti room ah ka kal nghal a, mahse a lo awm tawh lo a, hna a thawk anih ka ring a, ka ngaihtuah zui duh lo a, mahse breakfast ei a lo hun a lo nih chuan Violeti hmel reng reng ka hmu lo a,breakfast siamtu nula bulah chuan ka zawt ta ringawta.
.
.
" Khawnge breakfast min siamsak thin tu kha" zaidam tak chuan ka ti a.
.
.
" Ani chu a bang tawh a Master in a ai awh turin min ruat ani" chibai min buk nan chuan a kun zeuh a.
.
.
" i kal thei tawh ang"
.
.
Breakfast pawh ei loin ka tho vata ka pa room lam chu ka pan ta nghala,
.
.
" Violeti chungah eng thil nge i tih?" ka thinrim nghal ringawta.
.
.
"Engpawh ka ti ang" ngeiawm tak chuan min rawn chhanglet ve nghala.
.
.
"A chungah engpawh i tih chuan" a kawr nghawng ah chuan ka tham a.
.
.
"I duh ang chuan a zalen tawh e, mahse i thutiam i hlen lo a nih chuan a ruang pawh i hmu lo ang" rum tak chuan min melh a.
.
.
Violeti a zalen tawh tih ka hriat chuan ka thaw huai a mahse engmah sawi lo in engtin nge min kalsan theih, rang takin ka sport car chu ka la chhuak a, Cheshire lam pan chuan ka kal nghala.
.

.
Violeti te in ka thlen chuan ka zam ngei mai mahse ka en chian chuan alo inkalh thapa, a bazar anga anih loh pawhin an chhuak anih ka rin avang chuan an kawngka bulah chuan ka thu reng a zan dar11 ah pawh ala rawn let loh avangin beidawng takin car lam chu ka pan a.
.
.
" Tlangval an insawn tawh i rawn tlai hret ani " pitar pakhat chuan a rawn ti a.
.
.
"ka pi khawiah nge an kal i hria em?" ka lo ti vata.
.
.
" ka hre miah lo mahse hla tak ah an kal ngei ang "
.
.
" ka pi an lo let leh takin min rawn be dawn nia" tih pahin ka card chu ka pe nghala, a meng phawk nghal kawka engmah sawi lo in rang takin inah min luhsan nghala.
.
.
Styles of World Company:.
.
.
" khawiah nge Violeti a awm?" ka pa office kawngka chu ka hawng thuai a.
.
.
" ka dah bo" tih zawngin min chhanga a thil tih lai chu a chhunzawm leh nghala.
.
.
" a awmna min hrilh vat rawh" tih pahin a dawhkan a file chu ka paih darh a ,a thutna atang chuan a rawn ding chhuaka
.
.
"i thutiam anga i awm loh a i zawng leh leh anih chuan a chhe ber pawh ka tithei ania" rum tak chuan min rawn en a.
.
.
"i duh ang chuan ka awm ang ti buai tawh suh ang che" chhuah ka tum a.
.
.
" inneih na pawh kar3 hnuah ani ang ,zanin ah in in hual bawk ang rawn tlai suh ang che" a ti a, hrelo ang mai chuan ka chhuahsan nghala.
.
.
.
Ka office ah chuan thinrim tak chuan ka luta Mr.White chu a rawn lut vata.
.
.
" Violeti awmna hriat ka duh ani, lo zawng chhuak ang che"
.
.
" awle master"
.
.
"a him ngei ani tih chian bawk ang che ka pa in he thu hi a hre tur ani lo"

.
.
" awle master" a lu chu a bu nghata.
.
.
" i chhuak thei tawh ang" ka tih chuan a chhuak nghala.
.
.
Chair ah chuan ka thu a chunglam chu ka en vang vang a, Violeti ka ngai takzet ani reilo te a hlat a awm pawh hrehawm ka ti a ,tunah a awmna ka hre bawk si lo engtin nge engmah sawi loin min kalsan theih min hmangaih ve tak tak lo aniang tiin ka ngaihtuah a ka vui hle a, ka thaw leh halh thin a.
.
.
" ka la zawng chhuak em em ang che " tiin ka phun sapa.
.
.
Kan inhualna party a kal turin ka inpeih fel tawh a, address min rawn thawnna lamah chuan kan kala , Violeti nilo hmeichhe dang chu nupui ah ka neih angai a chu pawh Violeti tan, ka pa kutah a awm avangin eng thil mah ka ti thei lo ani.
.
.
A hmun ka thlen chuan chanchinbu mi te chuan min zim buai hneh leh hle tawh a, hetiang nun thawveng lo lutuk hi ka ning hluah hluah , bodyguard te puihna in party na hmun chu ka thleng thei hrama .
.
.
" Harry hetah lo ka rawh" Natalie chuan ka banah min rawn kuah nghala ,min kuahna chu ka lo phelh vata.
.
.
"Heng mite hi conpany lian tak tak leh share tamtak nei te an ni a ka hmelhriat tir ang che" tih pah chuan min pawt dawr dawr a.
.
.
"Holam deuh in party in buatsaih dawn amaw ka ti a, hetiang te chu min rawn ve ta che u" ka vin lek lek a.
.
.
"Ka pasal neihna tur ah hian holam taka tih ka duh hleinem" pangchang tak chuan min rawn en a, ka lo hawisawn vata.
.
.
Natalie chuan mitam tak min in hmel hriat tira , Party na ah awm mah ila ka rilru ah chuan Violeti hlir a awma.Khawiah nge a awm ang? a dam tha angem? tih te chu ka ngaihtuaha

.
" Harry enge i ngaihtuah?" Ka harh zawka mipui chuan min en thapa.
.

.
" Zungbun hi min buntir dawn lo ami?" Natalie chuan min rawn en ha a.Violeti hlir ka lo ngaihtuah a zungbun buntir nachang pawh ka lo hre lo a.Tawng mai lo chuan ka inngaihtuah vang vang a,
.
.
"inhualna chu thulh ani e" ka ti a, ka chhuahsan nghala .
.
.
Rangtakin car chhungah ka luta Violeti te in lam chu ka pan nghala.Ka va thlen chuan a ngai angin a lo inkalh leh thap tawh a kawngka chu ka chhir chawrh a ka beng bawka.Kawngka bulah chuan rei tak chu ka thu a, Violeti te inbula pitar khan min lo en reng a.
.
.
"Tlangval nupui i neih tur thu kha chanchinbu ah ka lo hmu a, heta awm tur hi i ni lo asin" a ti a.
.
.
"Ka pi thudik lo anih kha" ka lo ti bul hmuka, ka bulah chuan a rawn ding hnaia.
.
.
" I pa kha he inah hian ka hmu thin asin i pa in a awmna a hre ngei ang"
.
.
" ka hria alawm mahse a awmna hi ka hria anih chuan ka pa in Violeti hi engtin nge a tih dawn pawh ka hre si lo a" ka in dawm kun a, pitar chuan ka sam ah a rawn chul a.
.
.
" Lungngai mah ta che Violeti chuan England a chhuahsan hauh lo ang"
.
.
" Engtin nge i hriat theih?" ka hawi chho vata.
.
.
"Andria hi a pasal khan rampawna zin thei lo turin a siam ani" a tih chuan ka tho thuta.
.
.
" ka pi ka lawm e" tih pah chuan ka nuih a car ah chuan ka luta, rang takin inlam ka pan nghala
.
.
" Mr.White Violeti chu England a chhuahsan lo ang fel fai takin engkim ti ang che" phone chu ka dah nghala, Violet in England a chhuahsan lo anih chuan zawn hmuh vat theih ka in ring tlat ani.Hlim tak chuan inlam ka pan nghala
.
.
Styles Palace:
.
.
Inchhung ka luh chuan ka pa leh Natalie nu leh pa leh Natalie te chuan min lo nghak thapa.
.
.
" Harry biak che ka duh" ka pa chu room lamah a kal , ka zui ve nghala.
.
.
"naktukah inhual na kha neih leh ani ang vawin ang kha a thleng leh anih chuan.."
.
.
" He thil hi Violeti tan chauha ti ka ni i tan ni lo in chuvang chuan kan inhual na chu thla hnih hnu ah neih ani ang anih loh chuan he company hi ka chhuahsan ang" thu pe tak chuan ka ti a.
.
.
Ka pa hi ka hre chiang a ,a business partner hi engtik ah mah hlauh a tum lo ang tih hi ka hrechiang ani
.
.
"i lo thu ta hle mai , thil pakhat pawh a kalsual anih vaih chuan" ka pa chuan a pistol pai lai chu a khawih a min kalsan nghala.
.
.
Ka pa hian company ka chhuahsan hi a hlau takzet ani , a chhanchu ka nu share zawng zawng kha ka hminga an dah vek vang ani ,chu chu remchang ah la in ka vau ve thei ta ani
.
.
Ka inbual zo mut ka tum lai tak chuan Natalie chu a rawn lut a, a chhelo takzet ani ,ka lo en reng a
.
.
" Harry, in hualna chu thla hnih nu ah i sawn tih ka lo hria a" ka awmah chuan a kut nem thep chuan min rawn zut a, ka ngawi renga.
.
.
" Min nei lo anih chuan i chan nasa hle dawn anih hi" ka mit ah tak chuan min en a, a hnute chuan min nek telh telh a .Ka hmuiah chuan rawn fawh a tuma ka nam sawn vata.
.
.
" Duh tawk rawh"
.
.
" Harry ka eng lai hi nge i duh loh a, sawi rawh ka in siam tha vek mai ang" a tap tep a. Hmeichhe ho tah belh zia hi an hlim leh an tapa an rilru a nat in an tap bawka
.
.
" i englai mah hi ka duh lo" khumah chuan ka thu a.
.
.
"min duh lo anih chuan ka inti hlum ang" bathroom lam chu a pana blade chuan inzai a tuma
.
.
" Natalie duhtawk rawh, Hmangaih ka nei ani" amah chu ka sawi nawk nawk a.
.
.
" tunge Harry!! chu hmeichhia chu!!?" mak tih hmel takin min rawn en a
.
.
" Chu hmeichhia chu a danglam takzet ani, a huaisena ,min hnial ngama, sum a um ve lo a a engkim kha ka hmangaih ani" ka thaw leh halh a
.
.
" Ka nei lo che anih chuan a thih phah dawn ani"ka ti leh a hriatthiam hmel tak chuan min rawn en a.
.
.
" mi te sawi ang em em chuan i nunrawng lo anih hi , i hmangaih tan engkim i huama he inneih na hi titawp turin theih tawp ka chhuah ang" min rawn nui saka
.
.
" Chu hmeichhia chu mi vannei tak ani,a chhanchu tuma neih theih loh Harry Styles a nei miau a" min rawn siai zeuh a min chhuahsan nghala
.

.
2 months later:
.
.

Ka thiante bulah pawh ka awm tlem hle a, mahse an ni chuan min hrethiam em em a,Violeti zawn pawh chu ka thulh chuang lo a.Violeti te inah pawh an rawn let leh ringin zantin deuh thaw ka kal ziah a.Hna ka thawk rim zualin Natalie nen pawh thian tha tak kan ni a mahse kan inhualna erawh kan ti tawp thei ta chuang lo a.
.
.
"Master in hnuai lamah an hmu duh che" Mr.White chuan a rawn ti a.
.
.
Vawin ni hi kan inhual ni ani a, phurlo tak chuan inhnuai lamah chuan ka chhuka , mipawimawh tak tak an rawn kal a
.
.
" Buaina siam hauh suh ang che" ka pa chuan thip zetin min rawn melh a.Engmah sawi lo in ka kalsan daih a
.
.
" i chhelo hle mai" Natalie chuan min rawn fiam zeuh a.
.
.
" ka ni na sa alawm" ka lo fiam let ve nghala.
.
.
" he inhualna hi tih tawp anih loh chuan ka inneih ngei angai ang"
.
.
" chu chu a thleng lo ang" ka lo ti hmuk a.
.
.
" ka hria ka hria heta tang hian tlan bo mai rawh"
.
.
" ka thei lo, ka pa kutah Violeti a awm a a chungah eng thil mah a thlen ka phal lo"
.
.
" i hmangaih takzet ani" min rawn melh a.
.
.
" Nasa takin " ka lo nuih suka
.
.
Kawngka chu a rawn in hawng ri thuai a, mipui chu an reh duka kawngka lam chu kan en thapa
.
.
"Mr. Lord Demon Styles man i ni e" midang chu an in en kuala an ri nghal mur mur a,
.
.
" Eng maw!" mak ti tak chuan ka melh a.
.
.
" Kum tamtak chhui ini tawh a, tual thah leh hmeichhe hmanga sumdawng ah puh i ni " ka pa lam chu an pana.
.
.
"Finfiahna in nei lo chuvang chuan min tih hming chhiat manah sum tamtak in chawi ang" in ring tawk tak in ka pa chuan a ti a.
.
.
"Finfiahna chu ka nei" Maggie chuan a rawn ti a,Maggie lam chu kan en thapa.Mak ka tih em avang chuan ka ngawi renga
.
.
"Devon Anderson chu i thata ,a share tamtak i neihsak anih kha" a rawn ti a
.
.
" Ka pa eng nge awmzia engkim sawi vek rawh" thinrim tak chuan ka ti a.
.
.
" Harry engmah tihsual ka nei lo,Heng mi te hian dawt an sawi ani" a hmel ah chuan zamna engmah a awm lo a.
.
.
"Engkim record vek ani, Devon Anderson i thah lai chu CCTv ah record vek ani, kha thil kha i paih bo amaw i ti a, a teuh lo heta hi a awm ani" CD chu a rawn lek va va a
.
.
Ka pa chuan a silai chu a rawn phawrh chhuaka Maggie chu a tin vang a,Police te chuan an bawh thlu nghala, mak ka tih em avang chuan sawi tur bik pawh hre lo in ka ding khawng renga.
.
.
" Kalpui rawh u" police pakhat chuan a ti a
.
.
" Lo ding lawk teh u" ka pa lam chu ka pan nghala.
.
.
"Tual i that a ,hmeichhe hmangin i sumdawng amaw ka ring thei lo , kal bo pui vat ru"
.
.
Ka pa chu pa tha tak ani lo tih chu ka hria a mahse tual that leh hmeichhe hmang a sumdawng tur chuan ka ring pha lo ani.
.
.
.
Kar hnih lai a liam leh tawh a, chanchinbu mite chuan min tibuai renga,ka pa chanchin chu mite sawi nasat ber ani.Stock pawh nasa takin a tla hniama ,Natalie pawhin min pui nasa hle a.
.
.
Mr.White chu a rawn lut a, a rawn nui sanga.
.
.
" Master, Violet Anderson chu a chenna hriat ani tawh e"
.
.
by Haylor Fanfiction

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2016, 11:05 pm

RUDE.... chapter -20( Last)

Edit
Delete post
Report this post
Warn user
Information
Quote

Postby Haylor FanfictionZ » Mon Jun 27, 2016 2:12 pm
RUDE
.
.
.
Chapter-20
.
.
Violet pov~
.
.
.
Ka nu a inzai dawn avangin ka hna atangin ka chawl hrih a , ka nu chu ka enkawl deuh chawt ani ,Liam pawhin min pui nasa hle a engtik lai pawhin ka bulah a awm a min ngaihtuah takzet ani.
.
.
Hospital:
.
.
" Violet Andria-i an zai laiin ka awm hman lo a pawi ka ti lutuk vawin chu tution ka pe rei deuh a" Liam chuan hah hmel takin a ti a.Ka bulah chuan a rawn thu nghala
.
.
"i rawn kal tho alawm" ka lo nuih a.
.
.
" A harh tep tawh angem?"
.
.
" Doctor te chuan a harh tep tawh ang an tia " ka nu kut ah chuan ka vuana,tui takin a muhil a, a dang veka ka lainat takzet ani
.
.
" I chau tawh emai lo va haw la i nu chu ka lo awmpui hrih ang" Liam chuan a ti a.
.
.
" A rawn harh hma loh chu ka kalsan duh lo"
.
.
" Violet i nu a rawn harh hunah khatiang kha chuan a hmu duh lo ang che" min rawn nuih a.
.
.
" Liam i chungah ka lawm takzet ani" ka chauh em avang chuan haw a inbual faia in tih harh chu ka duh a.
.
.
" Engpawh i tan ka ti zel ang" ka sam ah chuan a rawn chul a
.
.
" Reilo te ka va haw anga ka rawn let leh vat ang" tih pahin hmanhmawh takin ka chhuak nghala.
.
.
In ka thlen chuan ka ham bai bai a, ka chau takzet ani , karhnih kalta atang khan engmah ka ei thei lo a, khawsik te leh insawiselna ka nei zeuh zeuh thin a mahse kan nu bulah chuan ka zep tlat ani, a chhanchu min ngaihtuah em avangin ,a hriat chuan a mangang anga a phi buai leh chung dawna, Shower chuan ka inphuh tir sar sar a, tui lum chuan min ti zia sawng sawng a.
.
.
Ka inbual zawh chuan dawhkana chanchin bu chu ka en a.Rang lutukin ka la kanga
.
.
" Lord Demon Styles man ani maw!!!" mak ka ti lutuk chu chet nachang pawh ka hrelo a. Harry!!, Harry chu engtin nge a awm tak ang?. Ka chungah nunrawng hle mahse Harry chu ka ngai em em a, min phatsan avang khan ka muhil thei lo a, ka awm mai mai te hian ka tap leh tawp zela,chaw ka ei thei lo a, ka cher phah hle bawk ani, mahse Liam puihna azarah ngai ka awh leh thei chauh ani.Lord Demon Styles an min tih dan vel chu ka hre chhuak uai uai a

.
.
Flashback~
.
.
"Naktukah him takin thlah haw ini anga mahse heta tanga hla takah i awm tur ani"
.
.
"min thlah angai lo ang ka lawm e" ngeiawm zet chuan ka melh a.
.
.
" I awmna tur pawh ka tifel vek tawh , Harry zawn chhuah theih loh na turah i awm angai"
.
.
" Lungngai suh Harry hlat thei ang berah ka awm anga mahse kan awmna tur erawh chu i hriat ve kher ka duh lo" A ner saka.
.
.
Harry nupui nei tur chuan min thawng em em a, ka thin a rim bawka,ka rilru a na takzeta,a hlat theih ang bera awm ka duh ani.
.
.
" I fing hle mai, Harry hnaiha ka hmu leh che anih chuan Anderson chhungkua chu ka tichimit ang" fiah tak chuan min melh a.
.
.
" Chu chu ka thlen tir lo ang, ka nu nen a min tihbuai loh phawt chuan Ka rawn in lan leh tawh ngai lo ang" inring tawk tak chuan ka ti a.
.
.
"i thu ang chuan ni rawh se, ka khawngaih hle mai che i hmangaih ber chuan nupui a neih san dawn che a" ngeiawm zet chuan a ti a
.
.
"a nupui tur ka nilo chu ka lawm" ka lo ti let ve saka, Lord Demon Styles a lakah hian tlawm ka tum tawh lo bur ani..
.
.
"engkim felfai taka i tih ka duh ani ,fimkhur ang che"
.
.
" min rawn tihbuai zui dawn loh phawt chuan engkim a fel vek ang"
.
.
" I kal thei ang" a tih chuan ka kal nghala.
.
.
Lord Demon Styles bulah chuan hla taka awm turin ka intiama, a in leh ka awmna tura in min pek ah chuan awm duh lo in a hriat theih lohna turah chuan kka nu nen kan pem ta zawka.Liam pawhin min zui ve ani.
.
.

End of Flashback:
.
.
Damdawi in ah chuan hmanhmawh takin ka kal leh nghala, ka nu chu a lo harh tawh a , ka kuah nghala.
.
.
" ka tha alawm" a lo ti sapa.
.
.
" Nu i lo harh chhuak chu ka lawm takzet ani"
.
.
" Doctor te pawhin kar1 hnuah ah in chhuak thei ang min ti a."Liam chuan atia
.
.
"Liam i chungah ka lawm takzet ani"ka ti a,ka nu bulah chuan ka thu nghala ka nu chuan min lo nuih suka.
.
.
" I chau awm si a, va muhil la" Liam chuan a ti a.
.
.
" ka chau lo e, keiman ka lo awmpui tawh ang" ka lo ti vata
.
.
" Anih chuan kan pahnih in kan riahpui mai dawn ami" Liam chuan a ti a.
.
.
" Liam i buai lutuk ang bakah naktukah class kal i angai sia"
.
.
"A ho lutuk class pawh ka kal anga hetah pawh ka riak tho ang" a tih takah chuan ka hnial duh ta lo a.
.
.
Kar khat lai kan awm leh tawh a,Zinga ka thawh chuan ,ka nu pawh chu a la mu bam a, ka inphih fai zawh hnu chuan ka nu pawh a lo harh tawh a.Breakfast kan ei zawh hnu chuan Ka nu chu ka hru fai a, a mutna te ka tihfai zawh chuan a lo tlai ruih tawh a
.
.
" Andria i lo dam tawh em? Vawin ah i chhuak thei dawn a ka lawmpui a che" Liam chu nui sangin a rawn lut a.
.
.
" Ka dam tha tawh e, i ril te a tam em? vawin chu i va rawn bang hma ve" ka nu chuan a lo ti vata.
.
.
" damdawiin atanga i chhuah laiin hna ka lo thawk daih thei hleinem " Liam chuan min rawn nuih a, ka lo nuih let ve nghala
.

.
" nu i damdawi tur kan lei lawk ang aw, ka lo let leh vat ang, Liam lo awmpui lawk la" tih pah chuan damdawi in bula damdawi zawrhna lam chu ka pan nghala
.
.
Damdawi dawr ka thlen chuan mipui chu an lo zi mup mup a ngaihsak lem lo chuan damdawi chu ka lei nghala,
.
.
" Violet Anderson i biru reng thei tawh lo ang" Rang takin ka hawi leta Harry chu ka hnung lamah chuan a lo ding reng tawh mai a.
.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2016, 11:06 pm

Engmah sawi loin hmanhmawh thei ang berin damdawiin lam chu ka pan nghala, ka lu a hai em avang chuan ka ding chawta ka hriat zawng chu chhuatah ka tlu tih ani.
.
.
Ka harh chhuah leh chuan ka nu leh Liam chuan mangang hmel takin min lo en a,
.
.
" Eng thil nge thleng?" ka ti vata.Ka nu chu wheelchair ah a thu a,a mittui chu a tla zawih zawih a.
.
.
"ngatinge i tah thil awmzia min hrilh teh u" ka mangang hle a, ka nu chu room atang chuan a chhuak nghal a.
.
.
" Liam ka nu kha eng vangin nge a tah thil awmzia min hrilh rawh" ka tap lek lek a.Liam chu a thaw leh halh thin a.
.
.
" Violet , naute thla 3 mi i pai ani thil i ei tlem a bakah i chauh em avangin i tlu ta ani, Harry fa tiraw?" a ti chuai raih a.
.
.
Chu thil ka hriat chuan ka meng phawk nghal kawka ,Harry fa ka pai maw !! Ka lawm rual rual in ka na takzet ani a chhanchu pa nei lo a a piang tur chu ka ngaingam lo ani,Harry chuan nupui a nei tawh a engmah ka hrilh tur ani lo.Mahse he naute hi ka pai tlang ngei tur ani tiin ka in hrilh mawlh mawlh a
.
"Harry an a hre tawh em?" ka ti vata.
.
.
"aih ala hrelo helai hmunah hian a rawn hruai che a, mahse i rawn harh hma khan company lamin an rawn phone avangin a kal ta anih kha"
.
.
" Liam min tiam rawh Harry hian he thu hi a hre tur ani lo"
.
.
" mahse Violet"
.
.
" Ani chuan he naute hi a duh ve lo ang ,nupui a neih tawh a mi inkar tichhe tu nih ka duh lo" ka mittui chu a tling pam a
.
.
" Naute hi i ti tla nghal tur ani" ka nu chu a rawn luta
.
.
" Nu ka theilo ka pai tlang ang ,engpawh thleng dawn se ka tuar tlang mai ang"
.
.
" Violet i a ta ami, i pa thattu thisen kai fa chu i nei ang maw??, "
.
.
"aw, nu ka pa thattu fapa pawh nise ka hmangaih ani, nu min ngaidam rawh" ka nu chu ka kuaha, kan tap dun hawm hawm a.
.
.
Chutiang em em a serious ka nih loh avangin ka nu chhuah rual chuan ka chhuak ve nghala,in kan thlen chuan ka chauh deuh avangin ka nu ka muttir hnuah ka muhil ve nghala.
.
.
Ka harh chuan ka hma ah tak Harry chu a lo thu a min lo en reng hi alo ni a.
.
.
" Hetah eng nge i rawn tih?" ring takin ka ti a,ka tho vata, engtin nge ka chhenna hmun hi a hriat theih.
.
.
"Nangmah nei let leh turin" a nui suka.
.
.
"Helai hmun hi engtin nge i hriat" ka tawng ring deuh avang chuan ka ka a rawn hup a.
.
.
"sShH... i nu ala muhil ania i ti harh ang"
.
.
"Chuan heng thil zawng zawng hi enge awmzia?" a aia zawi chuan ka han ti a, kan in tereuh te a eitur chi hrang hrang lo awm khat vek chu ka enkuala.
.
.
" Nangmah leh i nu tan , tun atang chuan keiman ka buaipui vek tawh ang che u" in ring tawk tak chuan ati a
.
.
"chu chu angai lo ang, chhuak rawh" vin tak chuan ka han ti a, chutia ka tih velah chuan couch ah chuan a rawn mu nghala.
.
.
" Harry tho rawh, min chhuahsan rawh" pawh thawh chu ka tuma
.
.
" A teuh lo, ka rawn awm ve tawh dawn" a in a kuangkuah a, a mu lui tlata.
.
.
A luhlul zia ka hre chianga, a chhuak dawn lo tih ka hriat chuan ka room ah ka luhsan daih a, kawngka ka kalh nghala
.
.
Thil tamtak ka ngaihtuah a chutia nei tak ka in ngaihtuah hnu chuan room atang chuan ka chhuaka, Harry chu a lo muhil a, ka en reng a ka nui leh ver ver thin a,
.
.
" A chau ani ngei ang" ka ti sapa
.
.
.
Dinner ka peihfel hnu chuan ka nu chu ka kaitho a, a room atangin a rawn chhuak a Harry-a a hmuh chuan a meng phawk nghal ngawka.
.
.
" Violet, hepa hi engtin nge hetah a awm theih , chhuah tir nghal rawh" ka nu chuan a ti a
.
.
" Ka nu Violeti hi hlim takin ka dah ang khawngaihin min neih tir rawh" Harry chu ka nu hma ah chuan a rawn thingthi a ka nu chu a lo hawisawn hmaka
.
.
" Tho rawh , min chhuahsan la a tha zawk ang" ka nu chuan a lo ti hmaka.
.
.
" Violeti tel lo chuan khawiah mah ka chhuak dawn lo" tih pahin min rawn melh a.
.
.
" I fa ringawt pawh i buaipui thei lo ani a, engtin nge chhungkua i din theih ang" ka nu chuan chiang takin a sawi a.
.
.
" ka nu" ka nu kutah chuan ka vuan nghala.
.
.
" Violet engthil mah hi zep tawh suh , Harry tunah hian Violet in i fa apai a, chuvang chuan i nupui kha ngaihsak la keini chu min tibuai tawh suh ka ngen che ani" ka nu chu a mittui chu a tla zawih zawih a
.
.
.
" K..ka fa Violet in a pai amaw!!!" min rawn melh kawk a
.
.
" i fa anilo keima fa chauh ani" ka lo ti nghal vata.ka mittui chu ka dang hram hrama
.
.
" Violet chutiang ang thu lian tham lutuk chu engtin nge ka lakah i zep theih?" Harry chu thinrim na hlirin a khata
.
.
" Harry ka hlau ani, nang chuan nupui i nei tawh a ka fa hi min thah sak ka hlau ani" ka mittui chu a far fapa.
.
.
"Ka fa ka thisen ngei chu ka that ang maw!! Violet chutiang chuan engtin nge i ngaihtuah theih" Harry chu a thinrim em avangin a mit chu a sen vek a, min chhuahsan nghala.
.
.
Ka thingthi hnawka ka tap nghal zawih zawih a, ka nu pawh chu a rawn tap ve nghala.Ka rin dan chiah ani Harry chuan a fa chu a duh lo a, fahrah turin a hnutchhiah ani.
.
.
.
Ni thum vel chu Harry chu a reh hmaka,zantin ka tap thin a ka nu chuan a theih ang tawkin min hnem thin mahse ka hlim thei chuang lo.Ka hna chu ka thulh reng theih loh avangin ka chhunzawm lehnghala, ka tahna avangin ka mit te chu a bui veka ,ka luak a chhuakin ka lu te chu a na bur a.
.
.
" Violet, table no3 a order saw lo va ngaihven rawh" Kan Boss chuan a ti a, hmanhmawh takin ka kal nghala.
.
.
" ka pu enge i duh dawn le?" hawihhawm tak chuan ka han zawt a.
.
.
"heta awm zawng zawng hi" a aw ka hriat chuan a chanchinbu chhiar lai chu ka keu vata.
.
.
" Harry!!"
.
.
"Aw keimah i pasal Harry ngei ka ni e" min lo nuih sanga.
.
.
" Hetah rawn kal suh chhuak rawh, ka pasal pawh ini lo" ka ti vata.
.
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2016, 11:06 pm

*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WEBSITE ENKAWLNA TUR LEH WRITER TE HLAWH MIN TUMSAK ZEL TIH I HRE DAWN NIA, KAN LAWM E***



ENG A TI NGE FB AH DAH MAI LO A, WEBSITE-AH STORY KAL LAI A LAST EPISODE KAN DAH THIN?

Kan writer te hi an thuziah avanga hlawh siamsak kan duh si a, mimal pawisa chuan kan in chawm zo dawn si lo a, member ten website a story in chhiar a, fakna lam thil milem lo lang in hmeh ve zeuh khan website hnenah fakna ti tu company lam in pawisa min pe ve zel a, chung pawisa chu writer te an topup man atan te an lo hmang ve thin a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » June 27th, 2016, 11:08 pm

" i customer ka nih hi min ngaihsak ve ta che , a nih lo chuan min chhuahpui rawh" a ti leh a, lei ka lo chhuah khuma.
.
.
A tho thuta counter lamah chuan a kal nghala, Boss nen chuan an in bia a, ka va kal nghal vata.
.
.
"Violeti hi chhuahpui ka duh ani , in chan tur ang chu ka pe vek ang che u" tih pahin $1000 chu dawhkanah a dah a.
.
.
" Ka duh lo, hetah hna thawh ka duhzawk " ka lo ti vata,Boss chu a ngawi renga.Harry chuan $2000 a dah belh leh a.
.
.
" naktukah rawn tlai suh ang che" tih pahin pawisa chu ala a, a kalsawn nghala.
.
.
" mahse Boss" ka ti hman tawka.
.
.
" tunah chuan ka ta ini tawh, khawiah nge kal i duh "
.
.
" i bulah khawiah mah ka kal lo ang" tih pahin ka ner nanga, min lo nuih vur vur a.
.
.
" lo kal rawh le" tih pahin min kai chhuak dawr dawr a,car ah chuan min luh tira kan tlan chhuak nghala.
.
.
" Khawiah nge kan kal dawn?" ka ti vata.
.
.
" ka kidnap dawn che u in pahnihin" ka lo melh kawka.
.
.
" Nang leh ka fa " a nui suk a
.
.
" i fa ani ve lo , keima fa chauh ani" ka tih chuan a hmelah chuan a rilru a na tih ka hre nghala.
.
.
"Nangmah nena kan siam ania ka fa ani ve tho alawm" ngeiawm zet chuan min rawn melh a, a nui vur vur leh nghala.
.
.
.
" Kan thleng ta" a tih ri ka hriat chuan ka harh zawka, ka chauh em avangin ka lo muhil hman a.
.
.
"engvangin nge hetah kan kala" inchhung kan luh chuan raipuar tam tak chuan exercise an lo la a, rai laia eitur tha leh tih dan tha te chu an lo in hrilh mawlh mawlh a .Harry chuan ngun takin a ngaithla a ,naupang anu in thawnthu a hrilh ang mai hian ngun takin a ngaithla a ka lo en leh veng veng thin a,Harry hian a fa hi a duh ve tak tak anih hi.
.

.
Kan zawh hnu chuan hmun dangah kan kal leh nghala ,Hepa hian enge a hriat le, ka pasal ang maiin a awm a, pa tha tak angin a awm bawka thil tum a nei anih lo chuan hetiang hian a awm hauh lo ang.
.
.
" Harry helai hmun te chu a to lutuk" ka hawi kuala, tumah an awm bawk si lo a
.
.
" i duh duh i ei dawn nia" a lo ti vata.
.
.
" khawiah nge midang an awm veka?" ka hawi kual vela, hetiang restaurant lian leh changkang si a hian tumah a awmlo amaw!
.
.
" Vawin atan helai hmun hi ka book a ni, mipui tam lutuk na ah chuan i chau si a ,chubakah ka fa tan pawh a tha lo ang"
.
.
" mahse ka tan chuti zat zat sen angai ami"
.
.
" Kha le tawng tawng lo khan ei rawh le" kan thil order a lo thlen chuan a rim chu ka tithei tlat lo a, ka uak ta vak vak a.
.
.
" Violet i tha em?" ka bulah chuan a rawn kal vata
.
.
" 911 call vat ru" A buai veka, a au chul bawka.Hnathawh ho chu an rawn tlan khawm vata
.
.
" Harry, arsa rim hi ka ti thei lo mai alawm engmah ani lo"
.
.
" tunge a rim huat tur in lo siam" hnathawk ho chu a vin tuarh tuarh a,
.
.
" chutiang lam ani lo, ka rai no a hetiang huat te chu a awm ve thin alawm" ka nuih chu aza a mahse ka insum hram hrama.
.
.
" chupawh nise hetiang hi a thleng leh anih chuan ban vek in ni ang" thinrim tak chuan a ti a.
.
.
" Harry hmun danga kal ka duh zawk" ka ti a.
.
.
"awle" tih pah chuan chu lai hmun chu kan chhuahsan ta a
.
.
"Ding lawk teh , helai hmuna an thil siam hi ka eichak zawk" ka tih chuan a ner nanga.
.
.
" kawngsira thil siam hi maw!!?" motor chu a ti dinga
.
.
" aw, ni chiang e" tih pah chuan motor atang chuan ka chhuak nghala
.
.
" Violet , kawngsira thil siam hi ei lo turin ka hrilh tawh che kha, naute tan pawh a tha lo" tih pah chuan ka kalna lamah chuan min rawn zui ve zela
.
.
" anih lo va haw mai rawh" kangsir a mite chuan Harry chu an hria ani ngei ang an en thap hlawma.
.
.
Mak tih tur pawh ani reng ani Harry hi hetiang kawngsir a thil siam mai mai ei tur chuan a sang mah mah ani, chubakah chanchinbu a an hmuh bak chu hmuh turin a awm ngai lo a, helai hnun ah hian lower leh middle class bak hmuh tur an awm ngai lo ani.
.
.
"aih ka duh lo" a ti bul hmuka, a hmel ka hmuh chuan ka nuih aza lek lek a, a rukin ka lo nui leh ver ver thin a
.
.
" a tui lutuk, ei ve rawh" sa hem hmin chu ka ei a, a tui takzet ani
.
.
" khatiang tawp lutuk" ten hmel tak chuan a rawn en a, ka lo ner nanga. Ka ei lai chu ka ka khat vekin ka ei leh nghala,Harry chuan min lo en renga.
.
.
."ei ve la i hre mai ang" thil ei chung chuan ka ti a
.
.
" kha i hak ang tawng tawh suh" ka bulah chuan a kekawr ipte zen chungin a lo ding ran a.
.
.
" ei rawh, i ei loh chuan min duhlo tihna" barh ka tum lui a,a lo ang ve mai a.
.
.
A ei zawh chuan a uak tuarh tuar a, mak tih hmel takin ka lo en a, a thil ei lai chu a chhak leh nghala.
.
.
" i tha em?" tui chu ka pe a.
.
.
" kawngsir a eitur siam ei hi chu ngaiah ka nei thei dawn lo anih hi,a rimchge lutuk"
.
.
" ngatinge i ei si" ka lo vin a, a ngawi renga
.
.
" Harry , ngatinge hetiang hian i awm a,ka bulah kawngsir eitur zawrhna ah lehnghal, ka barh che a i ei bawka "
.
.

" nang leh ka fa lo piangtur tan chuan engpawh ka ti ang" ka pum chu a rawn khawih a.
.
.
"ka hmangaih che" a ti zeuh a
.
.
" Harry duh tawk rawh nupui i neih tawh kha" ka lo ti vata.
.
.
" Violet nupui ka la nei reng reng lo , engtik lai pawhin ka theihnghilh ngai lo che, ka zawng reng thin che a ka ngai takzet che ani"a mit atang chuan a thu tak ani tih ka hre thei a.
.
.
"mahse khatianga min kalsan hnuah...."
.
.
"engmah sawi angai tawh lo" ka hmuiah chuan a rawn fawpa, ka lo chhanglet ve nghala
.
.
" Mahse ka nu"
.
.
" Lungngai suh nizanah i nu chu ka be fel vek tawh ,a malsawmna pawh ka hmu tawh" min rawn nuih suka.
.
.
" Violet" ka hma ah chuan a thingthi a.
.
.
"eng thil pawh i chungah thleng se ka kalsan ngai lo ang che , ka veng him tlat che anga ka ti tap leh tawh ngai lo ang che, chuan ka fa lo piang tur pawh hi ka theihtawp chhuahin ka enkawl anga ka hmangaih reng bawk ang Ka hmangaih che chuan i pum chhunga naute nen hian "
.
.
Sawi tur pawh ka hrelo a, ka ding khawng renga ka mittui chu a tla zawih zawih a, zungbun hi a rawn phawrh chhuaka
.

.
.
" Violet Anderson min nei duh angem?"
.
.
Ka mittui chu a tla zawih zawih a,ring taka ka tap tur chu ka in dang hram hram a, midang chuan min en thapa.
.
.
Hepa hi ka hmangaih takzet ani, ka thinlung zawng zawngin ka hmangaih a a tel lo chuan he khawvel pawh hi engmah lo mai ani, ani chu ka lungphu a ni a, ka engkim ani engtik ah mah ka kalsan leh tawh ngai lo ang tiin ka in hrilh mawlh mawlh a.A hmui ah chuan duh thawh takin ka fawpa, lawm avangin ka tap bawk a
.
.
" awle ,ka nei ang che" mipui chuan kut an beng dur dur a, duhthawh tak chuan min rawn fawp leh a.
.
.
Mi nunrawng ,mi ngeng,khawngaihna neilo, mi thinchhia leh induh tawk tak Harry Styles chu kei Violet Andersoni mi rethei leh engmah thiam nei lo hian hian mi zaidam, nunnem,mi khawngaihna ngah takah ka thlak danglam ta ani.
.
.
.
The End

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)