PERIK by Haylor(Remruati Bawitlung)

Moderator: Remruati (Haylor)

Remruati (Haylor)
Posts: 680
Joined: June 22nd, 2016, 9:24 pm

PERIK by Haylor(Remruati Bawitlung)

Unread post by Remruati (Haylor) » July 11th, 2016, 6:37 pm

PERIK
http://storyfb.com
IMG_20170127_161602_189.JPG
IMG_20170127_161602_189.JPG (73.16 KiB) Viewed 35737 times
.
( He story a chang tute hi atak vek an ni a, mahse a story hi chu ka phuah chawp ani,Perik a thlalak hi tih lan tel hram ka duh na in aman a rem tih loh avangin ka ti lang ta lo ani)
.
"Bangalore ah college i kal dawn "Ka nu in min hrilh lai chuan ka hnual nghal rawih a, a chhanchu ka thiante nen Dheradun ah College kal ho kan tum vang ani.
.
Ka hming chu Lalremruati ani a ka thian te chuan Remruat min ti mai thin.Unau pathum kan ni a,a lai ka ni,Mizo hmeichhia ah chuan te chhe lo tak ka ni a, hang tih ai chuan ngo tih ka hlawh mah zawka, sam dum hlap tawi lampang ka pu bawka , mahni tawka inring tawk ve tak ka ni , ka thu ka duhin ka khirh hle bawk,mahse ka zakzum leh em em si , ka nu leh pa te thu ka hnial ngai lo ani.
.
Phurlo tak chung chuan ka in pack a, a chhanchu zirtawpni ah hian Bangalore lam kan pan a ngaih tawh vang ani, calendar kan en thin a thawhlehni ani tawh si ka rilru a hah takzet ani .
.
" Nu kan kal hun chu sawn leh mai ila" ka nu bulah chuan lungawi lo zet chuan ka ti a.
" Bawihte i pa dil rawh, mahse a phal kher lo ang a chhan chu class in tan tawh si " a
" Nu.... ka plan a fail vek ka pa bulah min lo sawipui teh "
"i pa chu i hriat kha , a ngaihdan a sawhsawn ngai lo tih i hriat kha" thinrim tak chuan inchungah ka tlan cho a, ka room kawngka chu ka khar chawrh a,khum ah ka bawk thlawp a,Kevin chu ka call nghala.
.
" Bae friday ah Bangalore ah college kal turin ka chhuk dawn"
"ngatinge zir dun kan tum kha" Kevin chuan a lo ti vat a
"kei pawhin ka hre chiah alawm,lo kal ve mai rawh"
" Admission ka ti vek tawh alawm ...."
" Mahse engmah i sawi si lo a, min hrilh ve tur che nia"
.
"Duat ka tihpalh lutuk,mahse kan tum lawk dan kha a ni si a" a ti a,ka ngawi reng a,a sawi dik chiah ani.
"ka rawn kal ang lo awm rawh aw, ka inhmuh na thin ah khan"
" awle..." phone chu ka dah a, ka insiam nghala.
.
Kevin nen hian kum3 kan in kawp tawh a, school kan lut dun a tunah pawh hian college kal dun leh kan tum kha ani, ka nu leh pa te pawhin min hriatpui veka han inhau thin mah ila kan inthen thei lo ani.
.
Engkim ka tum dan anga a kal loh avang chuan ka thinrim renga,ka titau bawka ,chaw pawh ka ei duh lo a mahse ka pa chuan a rilru sawhsawn a tum chuang lo, naktuk mai hi ka kal hun ani tawh si , zanah pawh ka muhil thei lo, ka hreh takzet ani.
.
Duh lo mah ila ka tan a tha tura ka nu leh pate ruat a nih avangin Ka nu leh pa te nen chuan Kolkata lam pan in kan thlawk chhuak ta a, ka mittui chu a far fap a, ka in sut hraih hraih a,reilote ah chuan kan thleng vata, tlaiah chuan Kolkata atangin Bangalore lam chu kan pan leh nghal a.
.
Bangalore:
.

Hmelhriat kan neih loh avangin Hotel ah kan riak a, mahse ka nu leh pa in min kalpui avangin ka la kal ngai lohna ni mahse hlauhna ka nei hranpa lo .Room hran ah keimahin ka awm a, ka room bul chiah ahka nu leh pa te chu an awm bawk ani.
.
" Bawihte ,naktukah hostel ah i lut nghal dawn a chuvangin theihnghilh engmah nei lo turin lo in peih fel ang che" ka nu chu ka bulah a rawn thu a.
" Nu ka pa sawipui ila hetah hmelhriat awm lohna a awm ai chuan ka thiante bulah ka awm ve mai anga" ka nu chu tlawn pah chuan ka ti a.
"mahse helai chen hi kan thleng tawh si a"
.
" mahse nu tihdan a awm mai ang" ka pa chu a rawn lut a, ka tawng lai chu ka tawp chata

" Midang pawh an awm thei a, nangpawh i awm ve thei tur ani" ka pa chuan a ti hmuk a.
" Helai hmunah te chuan min ru bo daih anga sin" ka han ti leh a.
.
" Bawihte hostel ah i awm dawn alawm, i zirpui tur Kimkimi pawh ka biak tawh kha, ani chuan thil chinchang alo hre tawh zawka, a lo buaipui thei ang che"
"Pa a ninawm e, chunu ringawt kawm te chu"
" Thian dang tamtak pawh i chhar anga nuam i ti ve mai ang"
.
" Ni e, nang phei chu i vannei a, thian hriat sa Kimkimi pawh a awm alawm" ka nu chuan alo ti vata.
" Mahse hmuh pawh ka la hmu hleinem"
" Engmah sawi buai angai lo, mu la naktukah dar10 ah College thlen angai" ka pa chuan a ti hmuk a, min chhuahsan nghala.
" Mangtha bawihte" ka nu chuan ka chalah a fawp a, min chhuahsan ve nghala.
.
Ka thiante ka be kuala, zan rei tak thleng kan inbiak hnu chuan kan kalna velah ka chauh deuh avangin ka muhil vata.
.
Zingah chuan ka nu in min rawn kaitho a, chaw kan ei zawh chuan ka inbuala,rei zet ka insiam hnu chuan Hotel chu kan chhuahsan ta a.
Kan college tur kan thlen chuan a lo reh thapa, tumah hmuh tur an awm lo a,Mizo lo awmve ho chuan min lo buaipui sap sap a, ka zirpui ber tur Kimkim-i pawh chu a lo awm ve bawka. Office lam chu kan pan nghala, thil tih tur tul ang ka tih fel hnu chuan Hostel a lut nghal turin Hostel lam chu kan pan nghala.
.
" Nu , ka bag ka theihnghilh daih"
" khawiah nge i theihnghilh a?" ka nu chuan a lo ti vata.
" Office ah khan aniang ka va la leh lawk" ka tlan nghal hlawk hlawk a.
" i room tur kan lo va enkual ang" ka nu chu a rawn au lauh lauh a.
.
Office lam pan a ka kal lai chuan mipa pakhat hian min su thlu chawrh a.
"i va fimkhur lo tak" thinrim tak chuan ka ti a Mizo tawnga ka tih vang pawh ani mahna ,engmah a sawi lo a, min kaihthawh pawh a tum hek lo, vawikhat pawh min melh lo chuan min kalsan daih ani.
.
"tihpalh tih nachang pawh hrelo " thawh pah chuan ka phun mawlh mawlh a.
Ka bag chu ka la a, Hostel lam chu ka pan nghala, ka room tur ka thlen chuan ka khum vel chu an lo phah fel vek tawh ani.
" Bawihte ,hei Kimkimi nen hian room khatah in awm dawn a, i vannei hle mai" ka nu chu a lo nui sanga.
.
" Kimkim , Remruati chu vawikhatmah hmundangah min la awm san ngai lo a, a pangchang in a rilru a na hma maithei a i lo hre thiam hram thin dawn nia" ka pa chuan thutak deuh chuan a ti a.
" A awm rei anga a tlangnel ve mai ang, lo ngaihtuah suh u" Kimkimi chuan nuih pah chuan a lo ti vata.
.
Chutia rei tak kan tawng ho hnu chuan alo tlai ruih tawh a, ngatinge vawin ni hi a kal chak bik tlatin ka hria.
" Bawihte, lo inenkawl tha la tha deuhin lehkha zir ang che" ka nu chuan a ti a.
" Keini pawh naktukah kan haw nghal ang, thu awih takin i lo awm dawn nia" ka pa chuan a ti bawka.
Ka nu leh paten min hawsan daih tur chu ka lungngai hle a, tawng pawh ka tawng duh lo a, ka lung chu a leng nghal hle a
ni.
.
" bawihte, chaw te kha ei tha rawh aw, kan tawngtai sak reng thin che ania" ka nu in a tih chuan ka mittui chu a tla zung zung a.
" nu in rualin ka lo haw ve mai ang" , ka vawikhat awm hranna tur a nih avangin ka hreh takzet ani.
" Midang pawhin an theih chuan i thei ve tur ani ka tih tawh kha" ka pa chuan thutak ran chuan a ti hmuk a, ka pa hi ka hlauh em avangin tih thinrim ka duh lo nai, chhang lo chuan Hostel gate thleng chu ka zu thlah a.
.
Ka nu leh pa te an haw hnu chuan khumah puanin ka inkhuh a ka mittui chu a tla zung zung a, Kimkim in ka tap tih a hriat ka hlauh avangin a zawi thei ang ber chuan ka tap hlawp hlawp a.
" Rem, chaw rawn ei tawh rawh tap tawh suh" Kimkim in a rawn tih takah chuan ring takin ka tap chhuaka.
.
" Tap tawh suh, i awm rei nga nuam i ti ve mai ang" zaidam tak chuan a ti a.
" lo va ei ru, ka ei lo mai ang"
"tuna i ei loh chuan i ril a tam lutuk ang, room ah ka rawn pe ang che" a tih chuan ka lo bu nghata, nizan atang tawh in chaw ka ei mumal tawh lo a ka pum chu a rawn ri ruk ruk a, Kimkimi chuan chaw min rawn lak sak a ka ei nghal bawrh bawrh ani.
.
Zingah chuan hma takah ka tho a, tumah an la thawh ve loh avang chuan ka vei kual sek a, ka nu ka ngaih em avangin ka tap leh rih thin , ka thawmhnaw te chu ka thlep tha leh a, ka inbual zawh chuan Kimkimi pawh chu a lo tho tawh a.
"i mu thei lo ami? i va tho hma ve" Kimkimi chuan min lo nuih ver ver a.
" Mu thei e, ka muttui lutuk" ka lo nuih ve nghala.
.
" Breakfast kan ei zawh hunah class kan kal dawn nia, lo insiam lawk la, tlai a hlauhawm"
" Vawin ah class ka kal nghal dawn maw!!"
" Aw, thla khat velin i rawn lut tlaia, vawin atanga i tan loh chuan nakin ah i buai ang, ka va inbual lok" Kimkimi chu inbual turin bathroom ah chuan a lut nghala

.
Ka jeans pawl leh tank top chu hak turin ka la chhuaka, ka tih thin dan angin khumah chuan ka pharh diai a, ka hmai vel chu ka chei mawlh mawlh a
ni.
" Rem, hetiang hi a hak theih loh , jeans hi hak an phal lo" hlauhthawng hmel tak chuan a ti a
.
" Engvangin maw?"
" Hetah chuan kan Senior te an hlauhawm lutuk, junior te min rag thin a, ragging a nasa lutuk"
" Maw! chu chu a tir khan tinge i sawi loh, ka nu te kan be vat ange" ka phone chu ka la a.
" Nilo, i nu leh pa ten an ngaihtuah lutuk ang che, tih hlauhthawng i duh ami?"
Last edited by Remruati (Haylor) on August 14th, 2016, 11:48 pm, edited 1 time in total.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2016, 7:05 pm

Ka ngawi renga, a chhanchu ka hrilh chuan ka nu leh pa ten min ngaihtuah dawn si , ka sawi lo anih chuan hetah ka tuar reng thei bawk si lo mahse ka pa in min awmluih tir leh dawn tho tih ka hriat avangin hrilh loh chu ka thlang ta zawk ani.
" Anih eng nge ka hak tak ang? bakah fresher kan hmu tep tawh ang chu" ka han tih chuan Kimkimi chu a nui suka
.
" Hetah Fresher a awm ve lo, Junior i nih chhung chuan an rag ang che, mahse midang pawn an tuar chhuak thei alawm"
" chuan ihhh pawnfen fual i feng angai, i neih loh chuan ka ta i ha dawn mai nia" a tih chuan ka meng nghal kawk a,
" Pawnfen fual a!!!, feng lo ta ila"
" A nih chuan puan i bih angai,a nih loh pawn i kekawr an tan sak ang che i duh zawk zawk ani mai, puan nge pawnfen" tih pahin puan leh pawnfen chu a rawn khai chhuak va va a.
.
" Ahhh, nih pawnfen animai" tih pahin pawnfen zawk chu ka pawt thla pawt a.
" chuan makeup pawh hmang nasa suh, pheikhawk pum i bun dawn nia"
.
Ka insiam zo darthlalanga ka inen chu a te nghal tuarh a, Ani thei lo mahni lo maha inlak chhiatloh ve thin nak alaiin College a ka ni hmasa ber ah pawnfenfual leh Sneaker ka bun angai anih chu!!! engkim hi a fuh lo vel vek.
" Ka ti thei tur ani" ka thaw halh a, keimah leh keimah chu ka inhnem chawp a
ni.
.
Breakfast kan ei zawh chuan College chu kan pan nghala, kan college leh kan hostel hi minute10 vel kal lekin a in hlata, ke in hmanhmawh takin kan kal nghal hlawk hlawk ani.
.
Class a kan luh chuan mi thar ka ni bawka midang chuan min en duh hle a, Kan class ah hian Kimkimi nen chauh mizo kan awm avangin kan in zui chawt ani.A sir ah chuan ka thu a, midang ho chuan ka hming te min zawta an fel hlawm em avangin kan in kawm ho nghal bawrh bawrh a.
.
Class kan lak zawh chuan break kan nei a, pawnah chuan kan chhuak sap sap a,thlamuang taka ka thut dar dar lai chuan Vawileh khatah pawn a awm zawng zawng chu hmanhmawh lutuk in class lam pan chuan an rawn tlan let hum hum a, min rawn su nawk nawk lehnghal, ka hlauhthawng em avang chuan ka ding khawng reng ringawta.
.
" Kim, ngatinge?" hlauthawng tak chuan ka ti a
"kan senior te kan class ah an rawn kal dawn anih chu, hawh lut ve nghal vat ang min rawn hmu hman ang" min kai a, classroom lam pan chuan kan tlan ve nghal hlawk hlawka.
.
Class kan thlenga kan thu fel chiah tih ah chuan kan senior te chu an rawn lut nghala, class a mi zawng zawng chu ka ding nghal thapa.
" in senior te hi en pawh in en tur ani lo, hnuai lam en vek ru" pakhat chuan vin thah chuan a rawn ti a, ka vawikhat tawn na anih avangin ka thinphu ri chu ka hre thei hial ani,
.
A mal te te in kan hming chu min zawt kuala veka, midang ho chu an duh duh an tih tira, a then an lam tira, an zaitir bawka, thil nuihzatthlak tak tak te pawh an tih tir a, mahse kan nuih chu an phal leh hauh si lo, hnuailam chu ka en thap hlawm a.
Chutia thil chi hrang hrang min tih tir lai chuan pakhat chu ring takin a rawn au a, Hindi in a rawn sawi avang chuan engmah ka hre thiam lo a, ka lo en ha a,
.
" Ngatinge, avan hlauhthawng hmel em em?" Kimkimi chu ka zawt vata.
" Kan top most te an rawn kal dawn anih chu, an zingah mi pathum hotu bik an awm a, tu pawn an hlau" zawi sap chuan a rawn ti sa sa a.
.
Mipa khat hi a rawn luta,a rawn luh lai chuan Senior dang chu an lo ngawi thapa.
" tuna rawn lut saw Nathan ania, an thian ho zingah chuan a fel ber ang, chuan a ler ber bawk mahse keichuan chhelo ka ti ber" Kimkimi chuan zawi te chuan a rawn ti sapa, Nathan zawh chuan mipa khat hian a rawn zui lut leh a
.
" Chuan tuna rawn lut chiah hi Jason ania, Rag master an ti thin an thian zingah chuan a nui ngun bera chuan tumah nunrawng lo an awn lo"
A pathumna ah chuan mipa khat hi a rawn lut ve leh a, amah ka hmuh chuan ka en reng a,ka mit ala nghal zar mai, a mithmul dum kak te ,a khabe phir leh a sam tih phir te chu a inhmeh takzet, kekawr ipte zen chung chuan a rawn luta .Teacher te dawhkanah chuan a rawn thu vang a.A hmeltha takzet ani.
.
" Kim anih saw pa saw?" Kimkimi chu ka kheuh zeuh a.
" Perik Bagra anih saw, Kan college hmeichhia zawng zawng in an star rawn , mahse tumah a ngaihsak ngai lo ,a nunrawng in khawngaihna a neih loh em avangin kan college ah chuan a hotu ber ani mai. An thianho pathum hi Famous kan ti thin"
.
" Famous !! Ngatinge ?" ka lo ti hu a.
"A chhan chu midang an tiduh dah a, an lar in an luck bawk si a, Famous kan ti thin,an nu leh pa ten thil an tih theih bakah an hausak em avangin zirtirtu te pawn an tlawn thin" a tih chuan ka lo ner nanga.
"keichu tha ka tih chi ani lo" ka ti sar sar a.
.
" a mizia i hriat hunah chuan a zun ah i uai ang" min rawn nghawk zeuh a.
" A na" Kimkim in min rawn nghawk avang chuan ring deuh takin ka lo ti that a.
.
" Rem, saw Perik an a rawn kawk che ania" Kimkimi chuan hnuailam melh chung chuan a rawn ti a, ka hlauh em avangin ka khur nghal der der mai.
" Engtin nge ka tih dawn?" ka tap tep ani, hnuai lam chu ka bih tlata.
.
"Kan lam pan in a rawn kal" Kimkim in a sawi zawh rual chuan ka dawhkan chu a kut chuan a rawn ti ri keuh a, ding turin min ti nghala, ka ding vata.
Hindi in min rawn bia a mahse ka hriatthiam loh avangin ka ngawi reng a, ka hrethiam lo tih a hria ani ngei ang, English chuan min rawn be leh ta a.
.
" Tunge i hming?" A tawng zawi in a thum bawk si a ka hre thei tawk tawk ani.
" Remruati" ka ti vata.
" Khawi atangin? "
" Mizoram"
" Khatiang kha i senior te i biak dan tur ani mi? " rum zet chuan min melh a,Senior te biak dan tur bik a awm ani tih ka hriat loh avangin ka ngawi renga.
.
" Min chang rawh" dawhkan chu a rawn beng thuai a, ka phu chiang kher mai..
" Senior ...ani chu vawin atangin class a rawn tan chiah a" ka hnunga thu chuan a lo ti vata a.
" thu rawh" a tih chuan ka thu vata " I senior te hi zah tawh ang che hre reng rawh" tih pah chuan min rawn kawk a
,ka tah a chhuak takzet.
.
" awle senior" ka lo ti vata, ka hlauh em avang chuan ka tawng zawng te chuan ka khur der der a.A mittui chu a tling pam tawh ani.
.
Class atanga a chhuah velah chuan ka insum rei tawh em avangin ka mittui chu a rawn tla nghal zawih zawih a, ka tap ta hawm hawm a, midang chuan min en thap a.Ni e, ka hlau em ani , khatiang kha ka vawikhat tawn na a ni a, tu mahin khatiang khan min la vin ngai lo.
.
Vawin a khatiang thil a thlen avang khan College kal leh chu ka hreh em em a,ka rilru a na in ka thinrim takzet ani. Khatianga min tih theihna dan kha a nei lo hrim hrim, ka nu chu ka bia a ka tap bawka mahse thil thlen dan ka sawi pawhin la tuar hram hram tura min tih avangin phone chu ka off hmaka.
.
Zingah chuan zan a ka meng rei em avangin ka lo mu rei deuh a Kimkimi chuan min rawn kaitho a.
" Rem dar10 a kan thlen hman loh chuan enge maw kan tih ngei angai ang" Kimkim in a tih chuan sana ka en vat a dar9:30 a lo ri va tawh a.
.
.
"Nizanah ka mu tlem lutuka" ka sam chu ka tawn nghala sawk sawk a.
" Chuan i tap bawka, i mit chu bui tak ani" min lo nuih suk a.
.
Hmanhmawh takin ka inbual a, ka inbual zawh chuan a lo tlai ruih tawh mau Breakfast pawh ei lo in College lam chu kan pan nghal a.
Classroom kan luh chuan kan Senior te chu an lo awm tawh a nih chu!!.
"kan vannei lutuk, Famous ho an la rawn kal lo" Kimkim in a tih chuan ka thaw huai a, awlsam takin kan lut nghal mai a.Class kan lak dawn avangin senior te chu an chhuak leh vek ani .
.
.
1st period kan neih zawh chuan min hrilh angin class ah chuan kan awm thap hlawm a, rei tak kan awm hnu ah chuan hmeichhe pakhat in ha chhing zet hi a rawn lut a, a rawn luh velah kan lo ding leh thap a .
.
" saw nu saw ka ngei ania" Kimkimi chuan a rawn ti sar sar a.
"a va in ti thu?" ka lo ti vata a.
" A sual rapthlak, Meena anih saw hmeichhia min tiduhdah thei lutuk, bakah Famous ho bulah hian a awm reng zel, saw a rawn kal" a tih chuan Meena lam chu ka hawi phei vata.
" Nangnu kha min en ngam vel amaw?" tih pah chuan ding turin min rawn ti a.
.
.
" Ka en lo che" ka ti tlata.
" Ngaihdam min dil rawh" a tih chuan ka ngawi reng a, a chhanchu tihsual ka nei tlat lo.
" Tunge i hming?" a mit lian tak chuan min melh kuau lehnghal.
.
" Remruati" zawi te chuan ka ti a, midang ho chuan min lo en thap a.
" Eng maw? Rem...."
" Remruati" ka lo ti leh vata, ka hming a lam thiam loh avang chuan ka nui suk a.
.

" I la nui ngam e law? i zak lawm ni " Ka ngawi reng a, Perik chu a rawn lut a.
" Enteh, Perik he nu hi zilh angai ka hma ah a nui a, min zah lo hrim hrim senior te zah dan zirtir angai" Perik tlawn pah chuan a ti a, ka lo ner nang a.Perik an ka lam pana a rawn kal chuan ka lo khur leh der der tawh . Hepa hi hmu ula in khur ve tho ang a tum renga, a mit lian tak dum kak chuan min rawn melh kur lehnghal.
.
.
"Stayback ang che"tih ringawt a sawi a class atang chuan a chhuak nghal daih a, Meena chuan ngeiawm zetin min rawn nuih a, ani pawh a chhuak ve nghala.
" Ka duh thei lo Rem , tikhan Blacklist ah i awm ania" Kimkimi chuan hlauhthawng hmel tak chuan min rawn melh a.
" Chu chu enge awmzia?" ka lo ti vata.
.
"Junior reng reng ban a haw lo tura a tih chuan black list ah an awm tih na"
" Ho e, black list a awm mai mai te chu" ka lo ti sam et a
" i van hre thiam lo tak, tihduh dah rawn i ni tawh dawn,senior te chhiahhlawh ang i nih chu buaithlak ber chu stay back tura ti tu che kha Perik ani lehnghal ,hmeichhia leh mipa a thliar hrang ngai lo" Kimkim in a tih tak ah chuan ka hlau leh hnuhnawh a.
.
" Engtin nge ka tih tak ang, engmah tihsual ka nei si lo a" mangang tak chuan ka ti a.
" Blacklist ah hian mi tlemte chauh an la awm a, Meena hmelchhe nu vang vek kha" Kimkimi chuan a ti a
.
Class ban ah chuan ka hlauh em avangin Kimkimi phal lo chung ka haw lui ta hram a. Ka hmel an hre tawh chuang lo ang tih chu ka inhnem na awmchhun ani.

Zanah pawh chuan ka hlauhthawng em avangin ka mu thei lo a, engtin nge min tih ang? ka hmel an la hria angem? roomah chuan ka vei sek a,ka lung a leng zual a, a chang leh mut tum in ka han maimichhinga ka thei chuang lo, ka hlau takzet ani
.
Zingah chuan phurlo fahran in ka insiam a, ka thil ei pawh a tui thei tawh lo, pawnfen fual leh flat chu ka bun a, a ngai te bawk in College lam chu kan pan leh ta hna hna ani.
Classroom kan thlen chuan Zirtirtute dawhkan ah chuan Perik chu a lo thu ran mai, ka ding chawt a ka thin phu ri chu ka hre thei hial ani, ka khur der der a, luh kan dil chuan a lo phal ve mai a.
.
" Kim vawin chu a kil ah ka lo thu" Kimkimi chu ka dil tawp a, ani pawh chuan a min lo hrethiam nghal vata, a kil lam chu ka pan ta a.
" Nangkha " ka phu zawka, ka hawi phei chuan Perik an min rawn kawk tih ka hmuh chuan ka ding chawta.
.
" Tahkhan ding rawh" Kimkimi chu thu turin a kut chuan a vai a.
A thutna atang chuan a rawn tho in, kekawr ipte zen chung chuan ka lam pan chuan a rawn kal a, midang ho chuan min en thap a, ka thi mai dawn in ka hria.
.
"Sawlai dawhkan ah sawn va ding rawh" Zirtirtute dawhkan chu a kawk a, dawhkan lam chu muang changin ka pan hna hna a, dawhkan bulah chuan ka ring reng a.
" Dawhkan chungah ding rawh" vin zet chuan afawn ti a, ka phu zawk mai rang takin dawhkanah chuan ka lawn kang a, ka zak lutuk hi ka sen nghal tawn tawn in ka hria.Ka mittui chu a tling leh pam tawh a ni.
.
" Zai rawh" inkuang kuah pah chuan a ti a, Zai lo chuan hnuai lam ka melh renga,ka zak em ani.
" Niminah i lo haw a, i zak lawm ni Zai vat rawh" a mit meng atang chuan a thinrim tih ka hre nghal a.
.
Zawi tein Taylor Swift hla Mine chu ka sa a, ka sak zawih em avang chuan midang ho chuan an beng chu an rawn dawh ha hlawm a.
" Ring deuhin a bul atangin zai rawh, midang ho khan in hre thei em?" Jason chuan min nuih sawh pah chuan a ti a.
.
" Aih" an lo ti thap a, Vai ho tak hi chu aw an chak dawn lo nakinah ka la melh rum ang , ka inseh ruh a ka thin a rim bawk si ka zak bawk si tah mai te hi ka duh.
" Ohh.. Mizo hla sa mai rawh" Nathan chuan ngeiawm zet chuan a rawn ti a, kan senior dangte chu a lo au dar dar a.
.
Vai ho han bengchhen zia hi an hmelchhe si ka ngei ania. Ring zetin Dj-i hla Lungdumtu ka sa mai chu min nuih dur dur a.
" Lam pah rawh" Jason chuan a ti a.
" Engmaw?" ka lo ti vata.
" A sawi chu i hre lo amaw! i beng a chhet ami?Lam rawh " Perik chuan a tiang keng lai chuan min rawn kawka.
.
Zai pawh tih tawh nak laia, ka mawng takngial pawh ka tih sawi theih loh laiin lam turin min ti a nihchu !!! Ka ding reng a, ka kut chu hma lam ah ka suih a ka khur der der ani.
" I zak lawm ni, zai vat rawh" Meena chu a rawn inrawlh ve nghal zak a. Rum zet chuan ka melh a, a sam a keh te hi nia ka chak.Pawnfen fual ka fen laiin ani chu kawr chhing zet a ha a, Huizz Senior leh Junior te dinhmun chu lei leh van hi ani ringawt.
.
Zai pah chuan ka lam a, midang ho chu an lo nui hum hum a, ka thi mai dawn in ka hria
" a aia Ringin zai rawh" Nathan chuan a rawn ti leh a. A aia ring chuan kan han zai leh a ka lam bawka, ka zak takzet ani.
.
Black list a awm chu hrehawm tak ani, class kan lak zawh chuan zung turin toilet lam chu ka thiante nen chuan kan pan a, balcony ah chuan Famous ho chu an lo thu thap a, Perik chuan guitar hi a lo perh a, kal tlang ngei angai si ka kal loh chuan ka zun a chhuak bawk si .Huphurh tak chuan kan kal lui a.
.
" Lo ding teh" Perik an a ti chuan kan vai chuan kan ding thapa, midang ho chuan an lo wish sap sap a.
" Nangkha" a rawn kawk chat anih chu!!
" Keimah maw" Tanya chuan a lo ti vata
" Nilo nangmah" min rawn kawk chata " lo kal teh"
" midang kha kal ru" Nathan an a tih chuan toilet ah chuan min kalsan veka.
.
" Coffee va lei rawh"Perik chuan a ti a
"senior ni hnih chauh ka la awm a, coffee zawrhna ka hrelo" ka ti chuai raih a.Mak tih hmel tak chuan min en thap hlawm a
" Va zawng rawh" Perik an a tih chuan ka duh na lam lam chu ka pan tawpa, Coffee ka lei lo anih chuan engtin nge ka tih tak ang?
.
" i va hawikual nasa ve" ka hawi phei vata, mipa pakhat hian min lo nuih a.
" min hlau suh, Daya ka nia in class ami" a tih chuan ka thaw huai a.
" Remruati" tih pah chuan ka lo nuih sanga.
.
Daya hi ngo lampang sam kir ani a, mit meng lian tak mahse a lan danah chuan Northeast mi te pawh a ang lek lek a ni.
" khawiah nge i kal dawn?"
" Senior ten coffee lei turin min tir a"
" Ok, ka lo hruai ang che canteen ah a awm alawm" tih pah chuan a kal a, ka zui zela, min be bawrh bawrh a kei pawhin ka nel vat mai.Coffee ka lei zawh chuan hmanhmawh takin senior te awmna chu ka pan nghala.
.
Coffee chu ka pe a, mahse in lo in bawlhlawh bawmah Perika chuan a paih veka
.
" Ka tui in a hal zawk, tui min va lak teh" en pawh min en lo chuan a ti a, ka zun a chhuak tawh si hmanhmawh lutuk in canteen lam chu ka pan leh a, an awmna atangin a hla si a, ka kal hlawk hlawk a.Tui nen chuan ka let leh a, ka hah em avangin ka thaw hlawp hlawp a, ka thlan chuan min bual huh veka.
.
"hei chauh hi maw va lak belh rawh" a tih chuan midang chuan kut an lo beng dar dar a. Ka thin a rim in ka hah bawk si a, ka zun a chhuak bawk si ka tuar thei tawh lo

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 11th, 2016, 7:06 pm

" Duh tawk rawh" tih pah chuan toilet awmna lam ah chuan ka tlan hlawk hlawk a,zun chhuak hi chu insum a har ani.
Hostel ka thlen chuan khumah ka mu nghala, engvanga khatia ti kha nge maw ka nih le? keimah leh keimah chu ka in beng nawk nawk a.Engtin nge min tih leh ang ?
.
" Rem, ka lo nghak reng che a mahse min hawsan daiha" Kimkimi chu a rawn luta
"naktuk chu college ka kal peih lo" ka tih chuan mak tih hmel takin min rawn en a.Vawin a thil thleng zawng zawng kha ka hrilh veka, ka hrilh lai chuam mak ti takin min en a.
.
" Engtin nge kan tih tak ang"
" ka hrelo, college ka kal lo mai ang"
" mahse an zawng hrim hrim ang che"
" ka nu ka bia anga, ka haw vat theih ka ring" ka tih chuan min pawmpui ve mai a.A chhanchu black list a awm hi hrehawm tak ani .
.
Kar khat dawn lai chu College ah ka kal tawh lo a, nileng in hostel ah ka awm chawt a, Kimkim in kan tih tawh sa leh note te chu min hrilh mai zela , ka copy a ka lo zir ve tawp zela. Ka pa in ka haw a phal bawk si lo, Class ka thulh reng chuan ka attendance a chhe dawn bawk si hreh tak chung chuan class kal turin ka in siam a. Kimkimi chu thil dang tih tur a neih avangin a lo kal hmasa a.
.
.
College ka thlen chuan midang ho chuan min melh hrek hrek a mahse ka hre lo der tlata, thil dik lo chu a awm tih ka hriat avangin classroom lam pan chuan chak takin ka kal ta a.
.
.
Classroom ka thlen hma chuan ka hnung lamah min vawmtu an awm tih ka hriat chuan ka hawilet vata, tomato hian min lo vawm a, min vawmtu ber ka hriat loh avangin kal leh mai ka tum a, mahse kan senior te chu an rawn kal khawm a, eitur bal tak tak chuan min rawn vawm a, engmah ka sawi ngam si lo tah loh chu ka tum hram hram a. Chutianga rei fe min vawm rawn hnu chuan mi kawng kian ni awm tak hian an in then darh a, ka hawi chhuah chuan Famous ho chu ka hmu ta a.
.
.
"Lalpa min pui hram rawh" tiin ka phun sapa, Kan hma ah tak chuan an rawn ding tham a.
.
.
"I lo ropui hle mai, ka hnen atanga tlan bo theih i in ringa"Perika chuan ngei awm zet chuan a hmui a ti sawi a ,ka ngawi reng a
.
.
" Perik senior te zahna chang pawh a hrelo, zilh angai ani" Jason an a tih chuan Perik chu a lo nui suka.
.
.
"Tun atang chuan ka sawi apiang i ti tawh ang duh lo mah la i ti tho tho ang" tih pah chuan a coke in lai chu ka lu ah a rawn leih a.An kal hnu chuan midang pawh an kal darh nghal veka, ka mittui a tla zawih zawih a, classroom lam pan lo chuan Hostel lam pan chuan ka tlan nghala .
.
.
Ka khumah chuan ka mu a, puanin ka inkhuh tlata ring takin ka tap hawm hawm a. Ka nu ka ngai takzet ani ka biak chuan engmah danglamna a awm dawn loh avangin biak chu ka tum ta lo a.Rei vak lo ka tap amaw ka tih lai chuan zan a lo ni der tawh a.
.
.
" Rem, tap tawh suh" Kimkimi chu ka bulah a rawn thu a.
.
.
"A hrehawm e" ka mittui chu a tla zung zung a.
.
.
" Ngatinge i sam chu" ka haw khan khumah ka mu nghal kha ani a, ka sam chu min vawmna leh coke vel avang chuan a khawng veka.
.
.
"Perik an coke in min leih a" tah lo tur chuan ka insum hram hram a.
.
.
"Ngatinge an sual em em le? , intih duhdah hi a nuam viau ami le" Kimkim in a tih chuan ka tah a chhuak zuala, ka tap leh rih a, ka bulah chuan ngawi rengin a lo thu ve a.
.
.
Rei tak ka tah hnu ah chuan ka inbual a, vawin a an tih ho chu ka en kual a, copy ngai ka copy bawka .Ka phone chu a rawn ri ral ral a.
.
.
" Kevin maw!" phone chu ka la a.
.
.
" Hello"
.
.
" Min ngaidam rawh, admission kha lo tih loh tawp tur ania" Kevin chuan a ti nghal a.
.
.
" A ho lutuk, tikhan nuam ti deuhin awm rawh"
.
.
" ka thei lo, i tello chuan a hrehawm ka ti min rawn biak pawh i tum si lo a"
.
.
" Kevin ka buai lutuk a, ka tihpalh keipawhin ka ngai lutuk che"
.
.
"inenkawl tha rawh aw,Duat hei min rawn ko a ...ni leh aw"
.
.
"awle, nangpawh mangtha " ka phone chu ka dah a, ka thinrim sa tawh bawk nen ka mittui chu a tla nghal zung zung a.Kevin chu ka ngai takzet ani. Helai hmunah hian tap tura kal ka ni lo, chhel taka ka awm angai tiin ka in hnem mawlh mawlh a.
.
.
Zinga ka harh chuan dawhkanah bawkin ka lo muhil a, ka tho a lehkha tlem ka zir zawh chuan ka inbual a, muang changin ka insiama, ka huphurh takzet ani vawin ah engthil nge ka chungah an tih leh dawn ka hre si lo.
.
.
College lam chu muang changin ka pan ,dawrah chuan biscuit vel ka lei teuh bawka, a chhanchu zana lehkha ka zir rei deuh hian eitur ka duh thin vang ani. Senior te chu hmuh hlau em em in ka kal a mahse ka pumpelh thei lo chu anih hi.Corridor ah chuan Famous ho chu an lo thu a, Perika chu duhdah deuh hian a thu a a ke chu thuthleng pakhat ah chuan a hlang bawka, a hma ah chuan Junior pakhat hi a lo thingthi a a ban chu chung lamah a phar bawka, ka hmuh chuan ka thaw halh a.Ka kal tlang ngei angai si, Hmanhmawh tak chuan ka kala
.
.
" i va hmanhmawh ve" ka ding chawt a, ka hawilet vata, Perika chuan min lo en reng a.
.
.
" Ahh... homework submit tur ka neia" ka sawi tur hre lo chuan ka ti ta ringawta.
.
.
" Enteh u homework submit tur a nei anih chu" tih pah chuan an pathum chuan an nui vak vak a.
.
.
" Nui ve rawh" a hma a mipa thingthi lu ah chuan a beng a, chupa chuan a hlau si za lo tak chuan a nui lui ta a.
.
.
" Ka pheikhawk hi tifai rawh" Perik an a tih chuan mak tih hmel takin ka en a.
.
.
" hmanhmawh rawh" vin deuh a a tih chuan ka kut chuan a pheikhawk chu ka beng thuak thuaka.
.
.
" enge i ah?" ka kun lai tak chuan ka bag chu min laksaka, lak let tuma ka kut ka ban chuan an in pass zela, ka bag chu a hawng a, Perika chu a ner nanga.
.
.
" Biscuit maw!" mak tih hmel tak chuan a en a, a awm dan ngeiawm zet avang chuan ka zak lutuk chu ka sen nghal tawn tawn a, a vai chuan a bun chhuak veka. Lipstick pakhat hi a rawn tla tel bawka.
.
.
" Woww! lipstick" Jason chuan a lo ti a.
.
.
" Kha inhnawih rawh" Perik a chuan lipstick chu a rawn keng kanga.
.
.
" maw! ka inhnawih tawha" ka ti sapa.
.
.
" Helai hmun hi i in ah ngai la" a kut chu a phar a " i in chei thin dan angin ti rawh" a tih chuan ka ding renga.
.
.
" ka pi i hmanhmawh thei hram angem nilengin hun kan nei lo ania" ngeiawm zet chuan a ti a,a sana chu a en a ka tih leh tho tho angai tih ka hriat avangin ka han in chei der vela, ka khur der der bawka.
.
.
" i kal thei ang" tih pahin ka bag chu chhuatah a paiha min kalsan nghala.
.
.
Sana ka en chuan a lo tlai tawh hle a, chhuata biscuit vel an paih chu ka char sawk sawka ka bag ah ka khung a class lam chu ka pan ta a.
.
.
" morning" ka phu zawka ka en chuan Daya hi a lo ni a ka thaw huai a.
.
.
" min ti phu alawm" ka lo ti vata
.
.
" ka hmai ah thil kai a awm ami, tinge i phut a" fiamthu pah chuan a hmai chu a khawih a,min rawn nuih a.
.
.
" Chutiang pawh anilo, homework kha i ti zo tawh em?"
.
.
" Aw zo tawh e, i copy duh ami" a tih chuan inthlahrung tak chung chuan ka lo bu nghata.
.
.
Daya hi a felin min care em em a, kan innel hma reng bawk ani.A polite in harsatna ka neih apiangin min pui thin a, ka ngaina takzet ani.
.
.
Tlai kan bang tur ka lehkhabu vel ka dah fel lai chuan mipa pakhat hi a rawn lut a.
.
.
"tunge Remruati" a rawn tih chuan ka hawi nghal vata.
.
.
" Enge i duh" ka lo ti vata.
.
" Senior ten an classroom a kal turin an ti che".a tih chuan hlauhthawnna in ka khat nghala
.
.
"a awmna pawh ka hrelo" ka ti vata.
.
.
" hruai tur che in min ti a" a tih chuan a chhuak nghala.
.
.
" kimkim min lo va kalsan mai ru" tih pah chuan ka zui chhuak ve nghala.
.
.
Topmost ho classroom ka thlen chuan Famous ho leh mi tlemte an lo awm a, Perika ka hmuh chuan ka hlauthawng takzet ani.
.
.
" Hey! biscuit girl i va rei ve" a nui suk a, ka din na ngaiah chuan ka la ding renga.
.

"biscuit a ei anga, a tlai aniang" Nathan an a tih chuan an nui dar dar a, ka zak bawk si sawi tur pawh ka hrelo.
.
.
" Zai la min han awi teh" Jason an a tih chuan tlan chhiat mai te chu ka duha.Ngati nge zai tura min tih reng le vawinah ringawt pawh ka vawi nga zaina ani tawh.
.
.
"Hetah lo kal teh" Perik an a tih chuan a lam pan chuan ka kal hnak hnak a.
.

.
Ka kal phei lai chuan mipa pakhat hian a ke a lo dah a, a ke chu ka pal a Perika hma ah tak chuan ka tlu bawkkhup thlawrh a, kut an beng a an nui dur dur a. Ka ban ruh a nat em avang chuan ka tho mai thei ta lo a, ka mittui chu a far fap a.Ka tap chu ani nghal mai a
.
.
" Guys , ngawi lawk teh u"Perika chu ka bul ah chuan a rawn kun hniama, ka mittui chu a tla nghal zung zung a, ka tho thei lo ani tih a hriat chuan hlauhthawnna in a khat nghal a.
.
.
" i khawilai nge na" tih pah chuan min pawm tho lawpa.
.
.
" ka kut" ka lo ti hmuka.A vung nasat em avang chuan a phi buai nghal veka
.
.
" hman hmawhin nurse bulah hruai nghal ru" a tih chuan min rawn buaipui nghal sap sap a, nurse room lam chu min panpui nghala.
.
.
Nurse room ah chuan ka thu ran a, ka kut chu min tuam sak bawka, a nat em avang chuan ka tap hlawp hlawp a,rei lo te ah chuan Perik chu a rawn lut a.
.
.
" Eng nge a an?" nurse chu a rawn bia a, mahse Hindi a an in biak avangin ka hrethiam lo a, Perika chu a thaw leh halh thin a.
.
.
" Ala na em?" min rawn en a, ka lo bu nghata.
.
.
" i dam leh vat mai ang ruh pelh satliah anih kha" a tih chuan mak tih hmel takin ka en a, ka kut ruh a pelh maw!! chu thu ka hriat chuan ka kut chu a na zual sauh in ka hria, ka thinrim bawk nen ring tawkin ka tap vaka. Perika chuan ngawi rengin min lo en renga.
.
.
" Hey! tap tawh suh" a rawn ti leh ringawta, ka hnuk a ti ulh zuala, ka tap leh vaka, a tih ngaihna hre lo chuan min rawn kuah a, ka mur nghal chuai a.
.
.
"min chhuahsan rawh" ka tih chuan ngawi rengin min chhuahsan nghala.Mi sual tak chu a nih loh hi.
.
.
Ka kut a nat avang chuan kar hnih chhung dawn chu min tibuai tawh lo a, Jason leh Nathan chu ka hmu fo a mahse Perika hi hmuh tur a awm ngai lo, mahse nitin amah hmuh tumin ka enkual vel thin a.Enge maw ka hriat le, min ti duhdah tu leh ka chunga tha ngai reng reng lo tu chu hmuh ka chak amaw!!! ani thei lo ...Ka damlo ani ngei ang
.
.
College chu ka thlen hma em avangin tumah an la kal bawk si lo a, ka vei kual mai mai a.
.
.
"min hmu turin rawn kal tawh suh" Perika aw ka hriat chuan ka tlan vata mahse a hmuh theih loh turin ka biru nghala.
.
.
" Engpawh nise ka fapa i ni a, i pa hi min zah ve ta che" Pa pakhat ngo sang deuh mai suit to hmel tak ha hi Perika bulah chuan a lo ding a.
.
.
"min hruai tum buai suh hetah hian ka hlim i company kha va enkawl zawk rawh" Perika chu a thinrim tih ka hre nghala.
.
.
A hnu ah chuan Hindi leh tawng dang danga an inbiak avangin ka hrethiam ta lo a, ka awmna ngaiah chuan ka ding reng a, car tlan thawm ka hriat chuan ka thaw huaia a ruk thei ang ber chuan kal ka tum ta a,mahse ka phone chu a rawn ri tlat!!
.
.
" A va hun lo tak " ka phun sapa, ka phone chu hmanhmawh takin ka off nghal a, kal ka tum ka hawi chhuak chiah chu ka phu zawka.
.
.
" Kan inbiakna kha i lo ngaithla vek tiraw!" Perika chu ka hma ah tak a ding a, a mit dum kak chuan min melh ran a.
.
.
" Ai engmah ka hrelo" ka tih chuan bangah min nawr beta, ka ban ah chuan a hmer vaka a.Tal chhuah tumin ka tang a, mahse a chak em avangin min vawnna takngial pawh ka thlah tir thei lo
.
.
" A na ania"
.
.
" Sawi rawh, i lo ngaithla tiraw" a au tuarh a, ka phu zawk a ka hlau takzet ani.
.
.
"aw, ngaithla e enge tihsual ka neih ,min kalsan rawh" ka mittui chu a tla tep a.
.
.
" i tih sual chu maw" tih pahin ka chal ah chuan min nem sawka."midang nun ah lo in rawlh tawh suh" min rawn kal hnaih leh a
.
.
Ka mit ah tak chuan min en a, ka sam ah chuan a rawn chul a, a rawn kun hniam a ka lo maimichhing vata,
.
.
"fimkhur tawh ang che" ka beng bul ah chuan a rawn ti sap a, ka meng nghal kawk a, bang chu a hnek pawp a min kalsan nghal a.
.
.
Class kan lak lai pawh chuan Perika hlir chu ka rilru ah a awm a, a rim pa hrak te, a mitmeng dum kalh te chu ka ngaihtuah a ka lo nui leh ver ver thin a.
.
.
" Eng nge i hriata" Kimkimi chuan min rawn nghawk zeuh a.
.
.
" engmah " tih pah chuan ka lo nuih suk a.
.
.
College kal chu ka chak zek zek a, thla thum chauh la awm mah ila nuam ka ti em em a, nasa takin min rag thin mahse Perika ka hmuh theihna tur anih phawt chuan pawi ka ti lo mahse karkhat dawn lai chu ka hmu tawh lo ani.
.
.
Vawikhat chu Perika hi ka tawk thut mai a, nidang chu nise pehhel tumin ka tlanchhe ngei ang mahse biak chu ka chak tlata.
.
.
" Senior," ka au tih a hriat chuan a rawn hawi phei vata.
.
.
" Good morning" ka lo ti nghal vata, engmah sawi lo chuan a kal leh nghal daih a, chutatang chuan zing tin ka wish ziah a, mahse engmah sawi loin min kalsan daih zela. Nidanga min tihduhdah chak em em thin khan min tibuai ngai tawh lo a, min rag pawhin Nathan leh Jason bak hmuh tur an awm ngai lo a,a mizia a danglam tawh takzet ani.
.
.
Zingkhat chu ka tih thin dan ang bawkin Perika ka hmu veleh ka lo wish vata.A ngai te bawkin min kalsan a tum leh a
.
.
" Perik" ka kut in ka ka chu ka hup nghal vata, enge maw ka sawi le? Rum zet chuan min rawn melh a, min rawn pan hnai a
.
.
" Engmaw ?" Ka sam ah chuan a tham a
.
.
" ka tihpalh senior" a thamna chu a nat em avangin tal pawh ka tal eih lo
.
.
"vawikhat mah ka hmuh theih ah rawn in lan tawh suh ang che" min paih lawp a, min kalsan nghala.Min tih dan avang chuan pumpelh char char ka tum ta a, ka hmuh pawhin ka biru nghal vat thin ani.
.
.

Class banah chuan haw tumin ka insiam meka,midang chu an haw vek tawh avangin hmanhmawh takin ka in siam sawk sawk a, kawngka a ka chhuah dawn lai tak chuan tha chak tak hian classroom ah chuan min pawt lut a, ka en chuan Perika chuan min lo melh reng a.
.
.
" Senior" ka ti sapa.Mak tih hmel takin ka en a,ka mit ah tak chuan min rawn en ve bawka.Ka in rin hma chuan ka hmui ah chuan a rawn fawp ta thut a,ka meng phawk nghal kawk a mahse a inla hrang leh nghal vata.
.
.
" ka tihpalh" tih pah chuan min chhuahsan leh nghal daih a,a awmdan hi a mak takzet ani. ka awm na ngaiah chuan ka la ding reng a, ka thinphu ri chu ka hre thei hial a, ka hmui chu ka khawih a, Perik an tunah khan min fawp !!! ka awih thei lo...
.
.
Zanah pawh chuan ka muhil thei lo a, ka lehkha zir lah a tui hek lo, vawina thil thleng chu ka ngaihtuah nawn tluk tluk a, ka hrethiam lo ani ngatinge Perika khan min fawh ? Min duh ani thei mai angem? Nilo nilo... ka lu chu ka thing leh nawk nawk thin a.
.
.
A tukah chuan hmanhmawh zetin college lam chu ka pan a, Perika hmuh tumin ka hawikual chhen bawka a tawp a tawp ah ka hmu ta, mahse amah chauh in ani lo,hmeichhe pakhat nen hian inkai in insi rial hian an rawn kal dun a, a hmui ah chuan a fawp a,Perika chuan engthil mah thleng lo angin min kalpel anih chu! Vawikhat pawh min rawn melh lo.
.
.
Ka thin chu chemte a vih ang maiin a na a, ka awm chu ka dawm vang vang a ka mittui chu a rawn tla zung zung a. Engvangin nge hetiang hian ka awm tak!!? Ka hriatchian pawh nilo in hmeichhe dang akal pui a,a fawp bawka mahse thik na in ka khat ani.
.
.
" Rem " ka bulah chuan Daya chu a rawn thu a.
.
.
" min kalsan rawh ka mood a off ania"
.
.
" hetah ka thiannu a tap a, ka kalsan daih thei lo tih chu i hriat kha" ka mittui chu a rawn hru a.
.
.
" tianga min hmuh hi ka duh lo alawm"
.
.
" kha i hnap a tla dawn nia, i tah leh chuan a tla tawh hrim hrim ang" a thusawi avang chuan ka nui suk a.
.
.
" Kha khatiang khan nui reng tawh rawh, i tah chuan i hmelchhe lutuk ania" min rawn nuih a.
.
.
Daya nen chuan ka inzui ngawrh sawt em em a, thiantha tak kan ni a nasa takin min ti duhdah thin mahse min hnem a, a hlim reng a keipawh min ti hlim tel ani.Perika nen pawh inhmu thin mah ila hre lo ang maiin ka kalsan a, ka rilru a tih nat dawn ai chuan amah pumpelh chu ka thlang zawk ani.Kevina pawh ka hre chang tawh lo ani.
.
.
Class ah chuan Daya nen chuan games kan lo khel a, midang chu an chhuak veka.
.
.
" Rem coffee i duh em?." Daya chuan a ti a, ka lo bu nghata.
.
.
" Ka lo let leh vat ang" tih pah chuan a chhuak nghala.A hnu reilote ah chuan
Perika chu a rawn lut a, ka ban ah chuan a vuan a min pawt chhuak nghal dawr dawr a, classroom ruak ah chuan min pawt lut a.
.
.
" Enge i duh?" a kut chu ka thing thla vata.
.
.
A mit chu a sen veka, a kut chu a hum ruh a, ka awmna bul bang chu a rawn hnek chawrh a, ka phu zawk a.
.
. a tih chuan mak tih hmel takin ka en a, ka kut ruh a pelh maw!! chu thu ka hriat chuan ka kut chu a na zual sauh in ka hria, ka thinrim bawk nen ring tawkin ka tap vaka. Perika chuan ngawi rengin min lo en renga.
.
.

Link:
BBcode:
HTML:
Hide post links
Show post links

Jerome anu lib
Posts: 11
Joined: June 11th, 2016, 10:09 pm
Location: Aizawl

Unread post by Jerome anu lib » July 12th, 2016, 8:24 am

gaihnawm veeee :)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2016, 8:06 pm

" f**k!! Khapa kha i bialpa ami?" a tih chuan mak tih hmel takin ka en a.
.
.
" chu chu enga tan nge i tih, i hriat ve a tul lo" tih pah chuan chhuah ka tuma, min pawt let dawrh a,bangah chuan min nawr beta min rawn fawp nghal tawn tawn a, mahse ka lo nam sawn nghal vata.
.
.
" Duh tawk rawh,engvangin nge hetiang hi ka chungah i tih " tap aw deuh chuan ka ti a,kal sawn ka tum leh a
.
.
" A chhan chu kha pa kha i bula awm turin ka duh lo, a hlat ah awm rawh" ka mit ah tak chuan min rawn en a.
.
.
"i thik ami... mawh?" vin deuh chuan ka lo tilui ve saka.
.
.
" Aw, a chhanchu " a hawisawn daih a " ka duh che ani" zawi te in a ti sapa
.
.
" Engmaw!" mak ka tih em avang chuan ka lo ti vata.
.
.
" Ka hrethiam tawh bik lo ka awmdan hi mahse kha pa bulah khan awm tawh suh " tih pahin min chhuahsan leh nghal daih a,. Hepa awmdan hi ka hrethiam lo takzet, tunah khan min duhthu min hrilh a, mahse min chhuahsan leh daih si.
.
.
A tuk ah chuan ruah a sur avangin balh hlau tak chuan ka kal a, hnung lam atang chuan tu emawni hian min rawn rah per vaka, thinrim tak chuan ka hawi phei a.
.
.
" morning" Perika chu a lo nui vur vur a,ka en reng a..ka awih thei lo Perika a nui!!! ka mumang ami? Thla li chhung ka awm tawh a Perika nui ka vawikhat hmuh na, a biangsum chu a khuar kak a, avan hmeltha chiang tak.
.
.
" tinge min en reng a?" a tih chuan ka lo nuih sak a.
.
.
" ahh..." sawi tur pawh ka hre lo, ka bulah chuan a rawn kal a.
.
.
" Pawnfen fual leh sneaker nen pawh i sexy tho a nih hi" min rawn fiam a, heipawh thil mak a tling.Hepa hian min ti a thei takngial dawn.
.
.
"ka hak angai sia lawm" ka lo ti hmuka.
.
.
" kha" chocolate hi min rawn pe a.
.
.
" ka duh lo" ka lo ti vata.
.
.
" i lak loh chuan ka pheikhawk i tih fai leh angai dawn nia" a tih chuan ka lo ner nang a.Inbe tawh miah lo in College thleng chu kan kal dun a, mahse a kal hrang leh nghal vata.
.
.
Famous ho chuan thil ngeiawm tak tak min tih tir chhunzawm reng tho a, nitin min zai tira, min lam tir bawka, ngai ah ka nei thei thlawt lo. Ban ah chuan chak deuhin ka kal nghal hlawk hlawk a, a chhan chu ban ah senior ten min koh leh ka hlauh vang ani.
.
.
" lo ding teh" chu aw ka hriat chuan a aia chak leh zual chuan ka kal a
.
.
" ding rawh ka tih chu" thupe tak chuan a rawn ti leh a.
.
.
" Perik min kal san rawh" A hming a ka koh pawn a thinrim tawh miah lo a nui suk a.
.
.
" Engtin nge min chhan dawn?" a rawn ti ringawt a.
.
.
" Engchu maw ka chhan dawn che "ka lo ti hu a
.
.
"Ahh... ka duh thu ka hrilh che a, chuann..." ka lo nui suk a, min bem tihna ami?!!.
.
.
" i van zeilo tak" ka lo ti ringawt a.
.
.
" ahh... ka vawikhat na ania" a nui suka "ka nawr lui lo ang che, mahse naktukah chhanna ka duh" thupe tak chuan a ti a, hepa hi chuan thu min pe reng dawn anih hi.
.
.
Zan ah chuan nasa takin ka inngaihtuah a, chhang dawn ila Kevina a awm bawk si,han chhang lo ringawt dawn ila ka duh bawk si, khumah chuan ka let ka let a.A tawp a tawp ah chuan Kevin chu ka call ta a.
.
.
" Hello" hmeichhe pakhat hian a lo ti a, a thiante an nih ka ring avangin engah mah ka ngai duh lo a.
.
.
" Kevina ka lo bia" ka han ti leh a.
.
.
"tunge i nih?" vin deuh hian a rawn ti a.
.
.
" tunge i nih zawka?" ka lo ti ve vata.
.
.
" A bialnu ka nia, tunah chuan a muhil a, nakin ah ka lo hrilh mai ang" phone chu a dah hmaka.
.
.
Kevina chu ka thlang zawk ani a, mahse min phatsan amaw!! ka ring thei lo. Min tih der ani ngei ang tiin ka in fuih a,ka mittui chu a tla nghal zung zung a.
.
.
Kevin chu a insawi thiam ringin karkhat lai chu ka nghak tawh a mahse min rawn biak a tum lo a, ka message pawh a reply hek lo ka call ta ringawta,a lak duh loh avangin ka call nawn tluk tuk a a tawp a tawp ah chuan a la ta hram a.
.
.
"Hello" Kevin a aw ngei ani.
.
.
" Kevin i reh lutuka" ka lo ti vata.
.
.
" nia" tih ringawt in min chhang a.
.
.
"hmanni ka rawn call che a hmeichhe pakhat in a lo la a"
.
.
"nia, ka thiannu anih kha" a tih chuan ka thaw huai a, mahse phone atang chuan hmeichhe aw ka hre tlat .
.
.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 12th, 2016, 8:06 pm

" chu nu chu tinge a, ngatinge duat a tih che a" ka ti vata, Kevin chu a thaw halh a.
.
.
" Rem, kan inbe khat bawk si a kan awmna a inang bawk si lo a...." a tih chuan a sawi tum chu ka hre nghal veka.
.
.
" anih chuan min lo kawp amaw!!, Kevin tun atang chuan kan tawp tawh" tih pahin phone chu ka off nghal a, ka insum zo tawh lo ring takin ka tap chhuak hawm hawm a.Phatsan ka ni chu ka na takzet ani.
.
.
Perika chuan a khat tawkin hostel ah min thlah zeuh zeuh a, hmeichhia ti huam huam chi a nih loh avang hian ka chhanna chu min zawt ngai lo a chubakah chhanna ka pe thei chuang lo a chhan chu Kevina chu ka rilru a awm reng chungin engtin nge Perika chu ka ngaihzawn theih ang.
.
.
1 month Later:
.
.
Kimkimi nen chuan College lam pan chuan kan kala, kan inbiak mawlh mawlh lai chuan Perika chuan min rawn kai hrang a,Kimkimi chuan mak tih hmel takin min en ringawta
.
.
" chhanna chu?" a hmel atang chuan a hlauthawng tih ka hre nghala.
.
.
" ihh..k..ka lo ngaihtuah" ka sawi zawh hma chuan thawk ka la phawt a.
.
.
" min ti na suh ang che" ka ti a,mak tih hmel tak chuan min rawn en kawk a
.
.
" aw tih na ami?!!" ka lo bu nghata,Perika chu a nui suk a.Kevina avangin ka tap in ka hnual reng tur anilo hma ka sawn ve angai ani tiin ka in fuih char char a.
.
.
" eng nge awmzia ?" Kimkimi chu a rawn kal a, mak tih hmel tak chuan min en a.
.
.
" kan inhmu leh vat dawn nia" Perika chuan min kalsan nghala.
.
.
"ka awih thei lo,Perika kha a nui!! ..eng thil nge thleng hi?" Kimkimi chuan hriat chak deuh chuan min rawn melh a.
.
.
" Perika khan min duh thu min hrilh a chuan kan ni a" ka zak deuh avang chuan ka hmai chu a sen tawn tawn a.
.
.
" Rem" Kimkimi chuan min pawt ding a, a thaw halh a. " Enge" ka lo ti vata
.
.
"Hetah chuan hnamdang nen a inngaihzawn chu kan senior ten an ko a, an zilh thin a, an phal lo " Ka mit nghal sawlh a.
.
.
" mahse a tlai tawh lutuk" ka ti sapa
.
.
" engmah ala tlai lo, an hriat chuan an zilh che anga an thawn haw ang che"
.
.
Ka rilru a buai takzet ani, Mizo ti hming chhe tu nih ka duh bik si lo,thawn haw ni ta ila ka nu leh pa te zah tur zia ka ngaihtuah a lehlam ah Perika ka duh em em a, engkim ka kaltlang pui vek tawh bawk si ka rilru a buai takzet ani.A chang leh ngatinge mihring vek kan ni a kan inthliar tlat thin le tih te in ka ngaihtuah a, Perika then chu ka ngam thawlt loh avangin eng thil pawh ka tuar mai ang tiin ka rilru ka siam fel nghal a.
.
.
Classroom ah chuan kan senior ho chu an rawn kal tun tum chu tumah in zai turin min ti lo a, lam tur pawhin min ko chhuak hek lo .
.
.
"ka be duh che " Perika an a tih chuan Kimkimi chuan min lo melh rum ngang mai, classroom atang chuan ka zui chhuak nghala midang ho chuan mak tih hmel takin min en thap hlawm a.
.
.
" kha hei la rawh" eitur chi hrang hrang hi min rawn pe a.Ka lo nui suk a a chhan chu hetianga awm hi a inhmeh ve thlawt lo .
.
.
" angai lo" ka lo ti vata.
.
.
" aih tih chhanna hi ka duh miah lo a nia" min rawn pe lui a, hepa han luhlul zia hi chu aw.
.
.
Nitin in eitur chi hrang hrang min pe thin a, ti tawh lo tura ka tih pawhin min pe lui zel tho a,min ngaihsak em em a mahse ka hriatthiam theih lo chu vawi khat mah min duh thu hi a sawi leh tawh ngai lo.Midang hmuh ah chuan min hre ngai lo ang maiin a awm a, a chang chuan ka thinrim lek lek thin.Midang ho in min rag pawhin min en liam mai zel a chhan pawh min chhan ngai lo a ka lungawi lo takzet ani.
.
.
Class kan nei loh avangin pawn ah chuan hla ka ngaithla mai mai a, Perika chu ka va text ta a.
.
.
" tunah hmuh che ka duh" thupe tak chuan ka han ti a, ka nui leh ver ver thin a.
.
.
" tunah chuan class kan la meka" a rawn reply rang ngei mai
.
.
" tunah minute5 chhungin seminar hall ah min rawn hmu rawh" tih zawng chu ka thawn a,hla chu ka ngaithla zawm leh a.Seminar Hall ah chuan ka kal nghala
.
.
Sana chu ka lo en reng a minute5 pawh la tling lo ah chuan kawngka rawn in hawng ri chu ka hria a, nuih pah chuan ka hawi phei vata.Perika chu kawngka bulah chuan hah hmel tak hian a lo ding a, a thaw hlawp hlawp a.
.
.
" i tlai tep" ka lo ti vata.
.
.
" minute3 chhungin ka rawn thleng"
.
.
" engtin nge i rawn chhuah theih a"
.
.
" i tan te chuan"a nui suk a ka bul ah chuan a rawn thu a, tui ka lo pe vata.
.
.
" ngati teh thut nge min hmuh i duh a?" ka mit ah tak chuan a rawn en a, ka zam nghal der,ka hawisawn vata
.
.
" min en rawh" tih pah chuan ka hmuiah a rawn fawp a, ka lo chhang nghal vata, a aia nasa chuan min fawp leh a, ka hnute chu a tham tawn tawn a, ka kawr chu a hlim a, ka hnute ah chuan a fawp a, ka lo rum ham ham a.Ka pawnfen chu hlim a tum a, ka kut chuan ka lo dang vata.
.
.
" ka tilui lo ang che" a nui suk a, ka hmui ah chuan a rawn fawp leh a, class pawh kal lo chuan nilengin seminar hall ah chuan ka awm dun ta char char a.
.
.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)