I REMEMBER YOU BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

Re: I REMEMBER YOU BY Basta Tlau

Unread post by Ngaia » September 18th, 2016, 5:03 pm

Ka thu chhiar chuan min ti chau nghulh in ka hria.kan inhualna thu hi Jake Lawford-a ngeiin mipui hriatah a puangzar a maw!?chuvang a ni ngei ang.pawn lama chhuak lo tura mi tih ni.zahpuiawm leh lutuk mai.

Engmah ka sawi buai duh loh avangin hmeichhe chak lo leh a duh ang anga a tihkual theih toys ang leka min ngai a nih chuan a tisual ve khawp ang,a nupui hual angah kum hnih chhung tang dawn mah ila.ka pasal tur mipa dang ka zawn a ngai ve tho sin

Ashley in "i tha maw?tunah chuan nang hi chanchinbu leh reporters hoin an zawn rawn che i ni a.i fimkhur hle a ngai ang"a rawn ti a.

"Jake Lawford nen min hmudun a nih loh chuan tuman min hre hauh lovang"ka tisap a.

Ashleyi'n min kuah pahin"in inhualna hi nangma duhthu ngei a ni em?"a rawn ti sap a.

Nui lui sak chungin Ka lu ka lo bu nghat ringawt a.

'A nih chuan engtikah nge inneih in tum?a rawn ti a.

'Inhriat chian hmasak phawt kan duh a.kan inneih hun tur kan la sawi thei lo'ka ti zawi sap a.

Kan kawngkhar kik ri ah chuan kan hawirual vat a.Ashley in muangchanga a va hawn chuan a te deuh thawt a.

'Engthil nge'ti pahin a bula ka va kal chuan kan kawngkhar bulah parcel pawm tun chungin mi5 hi an lo ding a.

A hmasa bera ding chuan nui pahin "in thil chah chu a vaiin a rawn thleng nghal e" a ti a.

Ashley'in "in rawn tisual a ni ang,engthil mah kan chah lo"tipahin kawngka khar leh a tum a.

Kan address dik tak a rawn sawi chuan makti zetin kan en dun a.an rawn luhna turin kawngka kian paha,an thil rawn dah ho chuan kan apartment luah chu a tichep lehzual takzet in ka hria.kan kal leng tawk tawk a ni ber.min chhuahsan tura kan hrilh hnu chuan engthil te nge awm tih hriat tumin parcel ho chu kan hawng nghal a.

Ka phone a rawn rik chuan ka en vat a.'Jake Lawford' ka tisap a.
'Hello' ka tih chuan "ka thil rawn thawn che kha a rawn thleng tawh em"a ti nghal a.

"Ngatinge hetiang zozai i rawn thawn a,kan mamawhte chu kan lei ve thei tho alawm"ka ti nghal a.ka lwm lo ru khawp mai kutdawh ang mai in min chhuah tlat in ka hria.

"i duh leh mamawh zawng chu i lei thei tih ka hria mahse rawn thawn che ka duh alawm,i duh leh hnuchham inah i pe anga ni mai lawm"ti pahin phone a dah nghal a.

A rilru a van te thei tak,thinrim hma bawk si.

Ka phone a message rawn thleng chu ka en a.
"soup kha chu ei ngei ngei ang che,nithum chhungin dam that var i tum dawn nia"jake Lawforda'n a rawn ti a.

Ashleyi'n "Ehe hei Hotel Ritz ami ngat eitur pawh a rawn thawn a nih hi"ti pahin Parcel a rawn thawn zinga plate a eitur chu a phawrh chhuak nghal a.

Eitur rim chuan ka hnar a verh nghal zar mai.
'Ashley eitur ho chu i ei vat teh ang,ka riltam tawh lutuk,parcel dang ho hi chu nakin lamah kan la en dawn nia"ka lo ti vat a.

Ka khabe pawh a na tawhlo bawk a,tui ti zetin kan ei nghal bawrh bawrh a.

Ashley'in soup hawp pahin "hetiang thil tui lutuk hi ka la ei ngailo,Megan Jake hi nangmah ah a luangliam takzet a nih hi,hmeichhe vanneih ber i ni"a ti ham ham a.

Ka vanneih nge vanduai pawh ka inhrelo,ka hmangaih miah loh nen kum hnih ngawt inhualna der avangin kan inhmu fo dawn chu nia.kei ber kher hi engvanga inhualna min neihpui nge a nih,ka hrethiamlo takzet.ka lakah enge a duh le?

Ka mut dawn chuan ka banah leh ka khabe ah chuan damdawi ka hnawih a.Jake Lawford hi mipa thinchhe ve tak a ni ngei ang.ani nen hian tawngkam tluang tak pawn ka la inbe lo.

Kei hi hmeichhe harhvang leh thian kawma rual pawl ve tak ka ni a.ka thinchhe hle bawk,mahse ka rilru hi puthmang hi chu a chhe bik lo.
Party ri bur bur te,pud a kal te hi chu ka peih vak lo a.thian tha te nen weekend a hmun engemaw bika picnic a,park vela len mai mai te hi nuam ka ti zawk a.Ashley nen kan inhriat atang pawn kan lengho fo a,thian te bialpa hruaia an kal changin kei leh Ashley erawh chuan hruai tur kan nei ve ngai lo.Adam lah a luck hle e ti lovin,ngaizawng a buaipui bik vak si lo.single pathum kan inkawp a ni ringawt.

Tum khat chu Ashley in Library a kan awm laiin" Adama hian a ngaizawng deuh tlat che in ka hria.i duh ve em?ka lo sawipui dawn che a mi?"a tih chuan hnar tum datin 'min ngaizawng teuh lo mai'.Ashley in min rawn signal pawh chu ngaipawimawh lovin'keipawn a them pawhin Adam hi ka ngaizawng
lo hrim hrim'ka ti a.

Ka lu lehkhabu a rawn vuak chawrh in a chhunzawm a,thinrim zeta ka en chuan Adama'n "keipawn nangang hmeichhia hi duhna ka nei ngailo hrim hrim"tipahin kan bulah a rawn thu ve nghal a.

Intithei zetin Ashley ka van en chuan ei loh hmel zetin a lo ner nang a.
Kan pathum chuan kan zirlai lamah chauh rilru pek tum takin kan zir tlang a.khawi hmunah pawh kan inzui nasa hle ni.
Mahse tunah chuan duh angin Adam te nen kan lengho thei tawh dawnlo Jake Lawford mi rilru te leh thinchhe lutuk hian a remti tawh si lo.thinrim taka inngaituah chungin ka muhil ve hram a.

Ka insilzo room atanga ka chhuak chu ka mengphawk chiam a.thuthleng leh hmuntin maiah chuan kawr,pheikhawk,bag leh incheina hrang hrang hi a lo darh nuai a.
'Heng hi khawia mi nge'ka ti nghal a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2016, 5:04 pm

Chapter 8

Copyright © Basta Tlau
All rights reserved
www.storyfb.com

Ka thiannu "Ashley in phur zetin hei nizan lama parcel ho kha tukinah ka thawh veleh ka lo hawng a.enteh Megan tunah chuan Another Cinderella i ni ringawt"kawr fual purple inteh pahin a rawn ti a.

'Hetiang thil hi kan dawng ngawt thei lovang.tuam tha leh vek ang'tipahin kawr thenkhat ho chu ka pawm khawm a.

Ashley in"midang in duhsak taka an thil pek che hi engvang hnar nge i nih,kei hi nangpawn kawr emaw thildang engpawh minlo leisak ta ang la,kei in duhlo in midang hnenah pe ta ang ila,engtiang in nge i ngaih ang?thinrim zeta min ankhum in a rawn ti a.

'Mahse Jake Lawford-a min rawn pek dante hi chu a sum chuangliam mai mai alawm'ka lo ti leh hram a.

"Oh Megan he khawvelah hian engtianga hausa pawh in sum chuangliam an nei ngailo,pawisa ngah apiangin a hlutna an hre zawk"a ti vin hlar a.

Hmm ka tlawm ni mai rawh se.'chuti inrem fel vat ang,chawhnu lamah mi i duty dawn?ka ti nghal a.

"Um emergency a awm lem loh chuan ka rawn haw hma ang.i nula rei tawh dawn si lo a,zanin chu pud ah kal ve ila.kan kal ngailoh em hi,thil thar neih show pahin"a hmel nen siam pahin Ashley in a ti deuh chul a.

Nui hawk pahin 'nang hi chu min thlem thluk dan i thiam ve ngawt mai.kan kal dawn nia,mahse kan rualin midang tumah an kal tur a ni lo.chuan kei hi tunge ka ni tih i sawi tur a ni lovang'ka ti a.

A kawr thleh laia min rawn vawm pahin"hmm khatin min vau suh,jake Lawford-a nupui hual i ni tih hi ka zep sak tlat ang che"nui sak chungin a ti a.

Darkar hnih vel zet indah fel nan hun kan hman hnu chuan Ashley in damdawi in lamah min kalsan a.

Ka tai bawr vel a rawn na tawlh tawlh a.ka zunkawng lamah harsatna ka nei vak ngai si lova,ka pum vang maw ni le?tunhnaiah thil ka ei mumal loh vang hian pum lamah harsatna ka nei ni ngei ang.

'Oh my God' ka serh chhung atang a rawn lum pup a.shitt nilo nilo.ka van mawl ve kei hian engmah ngaihtuah nachang ka hrelo nia.ka menstrual period bi pawh ka boruak tawn avang nge ka lo chhinchhiah hauh lo.ka luak te chu a chhuak nghulh lehnghal.

Bathroom lamah theih tawpin kawng dawm chungin ka lut a.shitt stayfree leisa pawh a awmlo.kun ngawih ngawih chungin sitting room lamah ka phei leh tawng tawng a.engtin nge ka tih tak ang.nachhawkna damdawi eitur Ashleyi'n a dahna ka hre bawk si lo.
Ka tai na lutuk chu ka dangte a ro zo vekin ka hria.ka phone a rawn rik chuan ka en a,Jake bawk maw?ka van ning tak em.

'He he Hello'ka ti chuai raih a.
"I tha em Megan"a rawn ti chuan ka chhang thei tawh lo.ka hit mup in ka hria.

Ka harh chuan ka bulah Jake Lawford leh mipa pakhat lo ding hi ka hmu nghal a.thut tuma ka inbengkang chu Jake Lawforda'n ka darah a lo vuan vat a.

"I tha em?engtin nge i awm?i khawilai nge na?Jimmy buaipui vat ta che "a bula mipa ding en pahin a rawn ti zung zung a.
Ka mal lampang ka en vat a.'Awi leh engahnge thutphah a min mut tir a?chhuatah min mut tur che u alawm'ka ti nghal a,ding chungin cousion chu ka en vat a.hreptak chuan ka thi a lo tlang hman ni maw.

Jimmy chuan "i thla tin bi vang a mi hetia i awm?"a rawn tih chuan ka lo bu nghat a.

Jake Lawford ka va melh chuan mak tih hmel zetin a lo meng zim sun a.

"chhul chakna leh vitamim ei tha la",tipahin lehkha ah a ziak a, nachhawkna mum eitur min pe nghal a.

Jimmy'an "engmah i hreng lo a mi?"a tih chuan ka bu nghat a.

Jake a hnenah lehkha pe pahin "hei va lei lawk rawh"a tih chuan "nangman va lei zawk rawh,ka lo awmpui ang"a ti hmak a.

Jimmy an "buaipui ngai thut sela,i thei dawn a mi?"a ti a.
Lehkha lak pahin "Megan ka lo kir leh vat ang"tipahin ka chalah a rawn fawp zeuh a.a chhuah dawn thleng chuan engmah sawi lovin ka enzui ringawt a.

Jimmy chuan min chibai a"Nancy thianpa jimmy ka nia,ka hmu che chu ka lawm khawp mai.nachin lawka Jakey an min rawn phone kha chuan a rawn mangang khawp mai.nang hian a chungah engthil nge i tih a?nui var var pahin a rawn ti a.

"Min buaipui avangin ka lawm e,insilfai ka mamawh tawh si a.khawngaih in stayfree min leisak thei a ngem"a thil min zawh pawh chhang lovin ka duh ang ka sawi a.

"Jakey khan a rawn lei dawn alawm.engtin chiah nge hmeichhe thil leisak chu a nawm dan a hre ve mai ang"a ti nghal a.

Wow Jake chu engtin tak va awm ang maw?jimmy chu nui let pahin "kan intifai lawk a nge.ka zia deuh tawhin ka hria"tipahin cousion case ka thut tlangna lai chu ka hlip a.

Kawngka a thawm kan hriat chuan ka hawi vat a.ner nung chungin Jake Lawford chu a rawn lut a.Jimmy nen kan lo nuih tih a rawn hmuh chuan stayfree bawm pakhat in Jimmy chu a rawn vawm a.
"A tir khan sawitha ve mai ta che,hmanhmawh taka rawn let vat ka tum tehreng nen,dawr nghak tunu nen kan inhnial hrep avangin ka rawn thlen har phah" a ti bul bul a.

Jimmy lah chu a aia nasa in a nui hak hak a."Oh nupui hual i nei tawh a,hetiang thil te chu i tihfo a la ngai dawn alawm,tiraw Megan" tipahin min rawn en a.

Nui pahin Jake a bula ka va kal a,ka mawng cousion case in ka khuh a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2016, 5:04 pm

Paper bag chhunga a thil lei ka hmuh chuan ka thaw hak a. Stayfree bawm pakhat la chhuaka hmuiah ka fawp zeuh a,mak tih hmel taka min rawn en chuan ka lo nuihsak a.
"Ka pasal hual hi chuan min tisak fo dawn alawm"tipahin bathroom lamah ka luhsan nghal a.

Ka inbual zo room atanga ka chhuak chu eitur rim ka hre nghal a.choka lam a ka va kal chuan Jake Lawford chiah lo awm tawh a.dawhkanah eitur tui hmel zet zet zinc kekawr a mal phuar deuh tang leh t-shirt pawl ha a lo rem malh malh ka hmuh chuan ka nui sak a.

Min rawn hmuh chuan ka bulah rawn phei vatin ka darah a rawn kuah a.dawhkan lamah min hruai in,min thut tir nghal a.

"A va tam ve,hetiang em em te chu"ka tisap a.
"I taksa tihchak nan i eithat angai lawm,eitawh rawh le?muangchang in"zaidam zetin a rawn ti a.a chang hi chuan a nupui hual hmangaih tak ang in min sawngbawl tlat hian ka hre thin.

Dawhkan chunga ka kut dah chu a rawn hum vang vang a.makti zeta ka en chuan a hum nghet sauh a.

"Ka bulah rawn cheng rawh"thu tak zetin a rawn ti nghat a.

Ka kut a vawnna chu lasawn pahin 'Oh Jake a pawi ka ti khawp mai.i bialnu te nen in lo chengdun thin pawh a ni mahna.kei chu i bialnu pawh ka ni lo a.a lem a i nupui hual mai alawm ka nih'ka tisap a,a hmel ka en ngam thlawt lo.

"Ka bialnu te chu ka chenpui thin ngei alawm,ka nupui hual nen phei chuan kan chengdun ngei ngei tur a ni ringawt.ka nupui hual anga i awm dawn a nih chuan ka kiangah i rawn cheng ngei tur a ni"a ti hrawk a.

Ka thu hriat avang nge ka thil ei pawh a tui tawh lo.ka tho hmak a.tui dehna lamah ka kut sil tura ka kal chu ka banah a rawn chelh a."ngatinge i va ei tlem ve,tlem tal ei lui leh hram la"min ngaihtuah hmel zetin a rawn ti a.

Ka lu thing pahin"ka ei duh tawh lo,ka luak a chhuak deuh tlat"tipahin ka ban a chelhna chu laksawn ka tum a.

A lamah min pawt dawrh a,amah si chetin min kuah bet nghal a.ka darah a lu rawn nghatin"ngatinge engmah hi i hriatthiam loh,tuma hriat lovin,nikhaw hrelo in han awm leh ta ang la,tunge buaipui ang che.Megan nang hian min ti mangang tak zet a ni" a ti sap a.

Vawin ang kha chuan ka awm tawh lovang.ka period hi a chang chuan ka la na thei lutuk a.ka lo in ngaihthah palh vang a nih kha,a pawi ka ti lutuk, ka tih mangang che avangin min ngaidam dawn nia'ka ti sap a.

"Indangah insawn tal rawh,helai atang hi chuan damdawi in a hla bawk si."a ti leh a.

"Min ngaihtuah lutuk suh,doctor ka nih hi,ka thiannu pawh doctor tho nih hi"nui sakin ka ti a.

Ka hmuaiah chiang zetin a rawn fawp nawk nawk a.ka lo chhing ringawt a.thawk leh khatah min thlah thut a,a darah ka lo kuah hlauh avang chuan ka tluk loh phah ni berin ka hria,khur ru dar dar in ka ding ngil a.

"I duh duh anga awm tum suh ang che,kar leh lamah ka apartment ah insawn turin lo inbuatsai ang che,tharum hmanga tih kher ngai lovin,thuawih i tum dawn nia" ti hmak pahin min chhuahsan zui a.

Ka awih thei lo zawk hepa awmdan inthlak thut thut hi,amah vang hian lungthalo ka la nei thuai ang tih ka hlau.

Ashley rawn haw pawh chu ka be lum lam vel peih lo.ka awmdan avang chuan amah zawkin min rawn ngaihven vat a.

"Oh meg engatinge hetia i awm a?i chungah enge thleng?a rawn ti nghal a.

'A kianga cheng turin min ti a'ka ti chuai raih a.

Mak ti hmel takin 'Jakea'n maw!a rawn tih chuan ka lo bu nghat a.

"Chuti si i va lungngaih hmel ve.a ropui lutuk alawm Meg a kiangah chuan va cheng rawh"a ti nghal chul a.

'Ashley nupa pawh kan nih loh hi inkhata chendun te chu a chi loh,chubakah a bialnu hrang hrangte nena an lo chendun tawhna hmunah sawn ka cheng ve hauh lovang'ka ti vin hlar a.


"I hmanlai rilru kha dahbo vat rawh.tun ang laiah chuan tleirawl inngaizawngte pawh in an inluah tawm tawh a.nangni inhual lai lehnghal in chengdun mah ula enge pawi.a bialnu hmasa ho theihnghilh tir turin a chungah i che anga ni mai lawm"a rawn ti a.

Ka duh lo,a bul hnaiah awm reng ka duh lo.engvang nge a ni hnen atang ber kher hian ka nu leh pa khan sum an lo puk le?ka thinrim takzet a ni.

Ashley in "dar8 a ri tawh dawn nia. Pud ah chuan kan kal dawn em?"a rawn ti a.

Thawhchhuah pahin "kan kal dawn nia,insiam vat ang.ka period a ka mood a off tlat.in tiharh nan pawh ka duh alawm"ka ti nghal a.

Pud a kan kal chu music ri nen an lo thle bur bur hlawm hlawm a.kil khatah Ashley nen lamho thlir pahin whisky no kan dawm dun a.

"Hi Ladies, in bulah ka rawn thu ve thei angem?"chu tawng ri kan hriat chuan kan en vat a.

Mipa pakhat sangtha zet mai,sam buang thak,hmeltha tak mai hi kan kiangah a rawn ding reng a.ka rilru in Jake Lawford chu a la tluk lo ka lo ti hman a.

Kan bula a rawn thut hnu chuan min rawn en vang vang a."Megan" a rawn tih chuan makti zetin Ashley nen kan en rual a.

Hepa hi tunge maw ni le?engtin nge ka hming a hriat a?Jake Lawford a nupui hual lai ka ni tih a hrechhuak a mi le?mahse zungbun bun lovin,ka room drawer ah ka kalh hnan si a.
A kut rawn phar chhuakin "James wilson ka nia. Adama unaupa kan inah pawh vawikhat chu in rawn kal tawh"a ti a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2016, 5:07 pm

Ka ngaihtuah ngial pawn ka hrechhuak thei tawh mai lo.Ashley zawkin "E ka hre che alawm,engtin nge helai hmuanah daih ka hmuh che a"a ti a.

Nui hak pahin a rawn kun hniam a"chelsea football club ka zawm dawn a,"a tih chuan phawk zetin Ashley nen inen pahin "awi leh a ropui lutuk"kan ti rual a.

Ashley lah chuan ngaisang tih hriat zetin a la enreng zui.zahpuiawm thei nia.chelsea kan tan dun thei hle a,mahse live in an inkhel vawikhat mah kan la en lo. Tv atang chuan chelsea inkhel kan en hmaih ngailo thung.Adam pawh khan a hre ang.

"Adam chu a tha zel maw?a lungleng pawh a zia awm tawh niang.min rawn chat khat tawh em mai"ka tisap a.

Jamesa'n "megan ngaihzawng i nei tawh em?"a rawn ti deuh phut a.

Chhan dan tur ber pawh ka hre lo."ah ih ih engatinge a?"mak ti zetin ka ti let a.

Ka hre duh alawm"ngaihzawng i nei em?"a rawn ti leh ngat a.

Ashley ka va melh chuan engmah sawi tum lovin nui sawng chungin minlo la en zui.

"Ka nei lo"ka ti sap a.
Pasal hual lem ka nei ringawt alawm le,chupawh kum hnih chhung.mahse la ka thusawi zawh chiah avang chuan keimahah nuam tih lohna ka nei nghal tlat.

Jamesa'n "dinner min eipui thei angem?a rawn tih chuan ka mit chhing deuh sawk pahin ka lu ka thing nawk nawk a.
"Ka thei lovang,a pawi ka ti lutuk"ka tisap a.

A rawn nuiri hawk a."ka unaupa nen chuan min duhlo ve ve tihna ni maw?Megan ka unaupa in a lo ngaihven em em nachhan che hi ka hrethiam tlatin ka inhria"a rawn ti ngat a.

Ashley lah chu engmah sawi tum lo zetin whisky no dawm chungin min rawn melh dun leh ralh ralh thin a.
Dawhkan hnuai atang a ngalah ka va pet zeuh a,a la te ring em em zui.kan awmdan chu James'an a hriat ka hlau bawk si a.

James'an lampui a min rawn sawm chuan ka kut pe in ka lampui ve mai a.ka duh ai in min kuah fet mah mah,ka kawngah nghet zeta kuahin amah si deuh thawin min lampui a.ka ngawngah a la rawn thaw ham ham zui. A changin ka bengte a rawn liak in ka hria.ka luak a ti chhuak ru tlat. Hla pakhat an play chhung pawh a rei ka ti.

Ashley ka va en chuan ban phar meuhin a rawn vai lawp lawp a.ka phone a la rawn lek kang vu vu zui.chinawm thei bawk si a.hla pahnih an play zawh chuan ka chau hnawk thei in ka hria.

James a bulah "ka chau deuh tlat,kan hahchawl tawh dawn a mi niang"ka ti a.

Ka kawnga kuah chungin Ashley awmna lam kan pan nghal a.

Ka rui deuh tawh emaw ni le?engvanga Jake Lawford hi ka mitthla a rawn lang reng nge a nih?ka mit ka khap deuh fak fak a.

Ka bana na zeta min rawn pawh chuan ka te deuh that a.Jake Lawford a tak tak a ni ngei mai.ka kawngah Jamesa'n min vuanlo sela chuan chhuatlaiah ka thal thuai ngei ang.

Ashley ka va en chuan hreawm a tih hmel khawp mai.

James'an "tunge i nih a,khatiangin hmeichhe hmeltha tak an ti ngailo"a tih chuan Jake an rum zeta melh pahin "i kut kha lasawn nghal rawh,ka nupui hual i vawnna kha"a ti hmak a.

James'an min rawn en pahin "a pasal pawh i la ni hleinem,tiraw Megan" a rawn ti a. Min la kuah nghet sauh zui.

Kan bula mi thenkhat ho chuan an lam lai chawlhsan meuh in min lo la thlir zui.engmah sawi tur hre lovin mipa pahnih inkarah ka ding ngawi reng a.

Ashley in chhuak ang u tipahin Jake a bana a vuan a,a lo thingthla vat a.James'an min vawnna kut chu a paih thlaksak thuai a.rangzetin ka bana vuan chungin pud atang chuan min chhuahpui nghal a.

Motor chhungah min nawr lut nghal nawk nawk a.driver seat lamah thu lut ve nghalin chak zetin a tlanchhuak a.hetiang anga a kalh chuan kan accident ngei ngei ang.ka maimichhing ringawt a.

Motor a ding hrawk ah chuan ka mengchhuak vat a.khawi lai hmunah nge kan awm le?Jake Lawford a hmel ka va en chuan hmalam a lo en ngur a.a hmel chu a hlauhawm takzet a ni.

"Khapa kha tunge"?a rawn ti chhur chhur a.

Ka chhan mai loh avang chuan "zungbun te hial i lo phelh a maw?"a rawn ti leh hrawk a.

Engtin nge pud ah khan ka awm tih a hriat le.ani pawn Rachael tih pawh a hmu ve tho alawm.jamesa nen khan kan infawp pawh a ni lova,kan lamdun ringawt a ni si a.

"James wilson nih kha,zungbun te chu ka bun peih loh avangin ka phelh alawm,khawilai nge kan awmna lai hi"ka ti a.

"Ka penthouse nih hi lo chhuak rawh",tipahin motor atang a chhuak a.ka awmna lamah rawn kalin min kaichhuak ve nghal a.

Tunah hian a thinrim nge a lungawilo tih pawh ka hre lo.

Ashley in min ngaihtuah lutuk palh ang,kan apartment luah na ah ka va haw tawh ang e"ka tisap a.

Ka tawng ngai pawimawh lo zetin min kai lut hmawk hmawk a.

"Kan inhualna lehkha kha i bye heart a ngai dawn nih kha,mipa dang hmu lo tur a inziak kha i lo theihnghilh tawh a ni ngei ang,chuan zungbun pawh naktukah a dang kan pahnih ngeiin kan en ang"a ti hmak a.

"Hetiang inremna te chu mipahnih inlungrual taka siam dun tur alawm,nangma duhdan ang chauha i siam a nia,keima duhdan a ni ve hleinem"ka ti let ve a.

Makti zeta min rawn en chungin "a tha e,tunah hian kan pahnih duhdan ang takin kan ziak tha ngei ang"i lungawi tawh em?a rawn ti a.

A penthouse chhunga min hruai luh hnu chuan ka thaw hak a.a ropui lutuk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2016, 5:07 pm

I REMEMBER YOU-9
http://www.Storyfb.com
Jake Lawford a inchhung bungrua vel chu a changkang takzet furniture,ligt leh carpet te chuan mipa inluah a ni tih a hriat ngawih ngawih bawk.hetiang in zau lutuk ah amah in entinnge a awm theih le?
Ka bana min rawn phih dawrh avang chuan ka leng deuh lawp a.leather cousion dum chungah chuan min nem thu hnawk a.
Engmah sawi lovin room dangah a lut a,rangzetin paper eng nen a rawn chhuak a.ka malchunga rawn theh thla pahin"heta thu awm zawng zawng hi bye heart vek la,zawm tum ang che.i bye heart hma chu khawi hmunah mah i kalsawn tur a ni lo"a ti hmak a.
"A dang kan pahnih a duhdan kan ziak tha dawn lo a mi?"ka ti deuh ha a.
Za lo tih hriat zetin a nui lui hak a."i nihna hi in hrechiang rawh Megan Anderson ka laka inchhungkaw ba rul tur i ni a.ka khawngaih vang zawk che a,hetianga ti ka nih hi,engmah hi sawisel hlek suh,ka duhdan angin awm ang che,jail tan i duh lo chuan paper a thu inziak kha zawm la.i zawm lo a nih a,i tisual a nih chuan million khat zelin i ba hi a pung ang." ti hmak pahin min kalsan nghal a.
Mihring ngaituahna nei leh rilru na thei ka ni ve tho,engvanga khawl ang maia min control tum nge maw a nih le.?ka ngaihtuah buai peih lo he mihring nunrawng lutuk hnen atang hian engmah ka beisei tur a ni lo.
Paper ka chhiar chu mak ka ti ngei mai.ahma khan hetiang thu hi ka hmu miah lo.midang hmuhah inhmangaih tak leh inngeih taka awmdun,inkhata chendun.,tih te hi ka hming singna ngei paper a ni bawk si a.
Vawihnih vel bak ka chiar chhuak thei lo.pub a ka thil in vang kha niang.ka mut a chhuak takzet.intih harh ka tum pawn ka thei thlawt lo.
Ka dara rawn sawi chungin"hey zawhte i lo muhil hman alaw?"tih ri hi ka hre ruai ruai a.chutah ka kaihza ah leh ka nghawnga rawn kuahin min pawmkang lawp a.awmpharh tha tak ka ngheng te chu a nuam takzet hetianga awm reng hi ka chak.
Khuma min mut riai riai pahin a hmui nem tak maiin ka chalah a fawp zeuh a.puan min sin tir nghal a."ka zawhte duat,mangtha le"tisapin min chhuahsan nghal a.
Ka harh chuan ka hawikual a.ka hma zawna darthlalang lianzet awmah chuan ka mutna khum zawng zawng nen chiang zetin ka lang a.tuna ka mutna khuma ka puansin leh ka room chunga puansin leh phah ho hi a inang chiah chiah nia.,a van mak em em.
Ka mutna room ringawt pawh hi Ashley nena kan apartment luah pumpui anga zau a ni.ka hawikual a.
Banga sana inkhai ka hmuh chuan dar 8:30 ni reng mai!ka van mu rei ve.tho chhuak nghalin bathroom awmna lam
ka zawng vat a.umm engkim a awmsa vek nih hi.
Ka inbual a,ka kawrhak zawng zawng pawh ka su nghal vek a.ka tihro a ngai,heilo kawrdang ka keng silo.bathrobe hain,ka sam towel a tuam chungin room atanga ka chhuak a.
Sitting room lama Jake Lawford leh hmeichhe pakhat muk hmelzeta lo thudun ka hmuh chuan ka ding chawt a.hmeichhia zawk chuan min rawn en vat a.min la melh vang vang zui,a thutna atang rawn tho chhuakin ka bulah a rawn kal a"Hi good morning,Doris Moore ka nia,Jakey nu leh ka nu hi unau an nia.tun atang i kawr designer tur ka ni tawh dawn a"tipahin a kut rawn phar chhuakin kan inchibai a.
Doris moore maw!magazine ah bak a hmel ka la hmu ngailo.a takah pawh a hmeltha in a ngainatawm takzet a ni.
"choka lamah breakfast va ei rawh,Pi Grace'in a nghak reng che"jake Lawford an a tablet en pahin a rawn ti hmak a.
"keimah maw"?ka ti ve ngat a.
"Nangmah lo tunge ka tih ang"mitmeng zim san chunga min rawn en pahin a ti a.
"Ka kawr tihro na tur a awm em?kawrdang hak tur ka rawn keng lova,hetiang nena breakfast ei chu ka duh lo"ka ti sap a.
Doris Moore in ka dara rawn kuah pahin"a ho lutuk breakfast chu va ei phawt rawh,nakinah i kawrhak tur chu ka lo buaipui ang"nui var var pahin a rawn ti a.
Choka lama ka kal chu nu pakhat kum 60 bawr vel hian dawhkan ah eitur chi hrang hrang a lo chhawp mek a.min hmuh veleh chuan engmah sawi lovin a kutin min hui a,min la en char char zui.
Ka ei duhzawng tak chhangthawp leh jam pawh a awm hlauh e.chaira thu pahin chhangtawhah jam ka tat mawlh mawlh a.coffee khu vet vet ka hmaa rawn chhawp pahin "Jakey a thilduhzawng pawh hi a danglam hle tawh ni hi"min en a nui chungin a ti a.
Engmah sawi lovin ka lo nuih let ringawt a.
Chocolate pie hmetchhuakin chhangah ka tat leh a,ka keih leh nghal a.
"i danglam bik hle mai,Rachael-i chuan khatiang kha a ei ngam ve ngai miah hleinem"a rawn tih chuan phawk zetin ka en a.
Rachael-i maw ahmain hetah a cheng tawh maw ni le.chunu chu tunge a nih le?
"Rachael-i chu tunge a?"ka tisap a.
Pi Grace-i mitmenga inthiamlohna chu ka hmu nghal a."hmana Jakey thian hlui maw le,model leh zaithiam a nia,mahse amah ai i hmeltha daih zawk"a ti nghal a.
"Hetah a cheng tawh a mi?"dilchhut zetin ka ti nghal a.
A lu thing pahin"cheng nang,a cheng lul lo,a vawihnih vel chu zingkarah a eitur ka siamsak ringawt tawh alawm"a ti deuh hluai a.
Hmm ka thik tur a ni lo,ka thik phak pawh a ni lo.kei pawh Pi Grace-i ang thova,Jake Lawford a chhiahhlawh a lawm ka nih.engatan mah ka ngaitur a ni lo.
Ka thingpui inna no nen ka tho a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » September 18th, 2016, 5:07 pm

"I duh belh a mi"?Pi Grace'in a rawn tih chuan lu thing pahin "aih ka puar tawh, ka duh tawk tawh e"tipahin no chu ka sil ka tum a.

Hmanhmawh zeta ka bula rawn kal pahin "dah rawh,dah rawh,engah nge i lo khawih ve?i puar tawh chuan helai hmun atang hian kalsawn vat rawh"ka no kenlai min laksak pahin thinrim hmel takin a rawn ti a.

"Ka in na te chu ka sil thei alawm"ka tih chuan kan hnunglam atang "midang thil tihna ah inrawlh ve phet tum buai duh suh"tih ri ka hriat chuan ka hawi vat a.

Jake Lawford chu bang nghengin a lo ding kur a."lo chhuak phei vat rawh,Doris'in a nghak reng tawh che nia"tipahin a kalsawn lehnghal hmak a.

Pi Grace-i en pahin "engtin nge ka kawrsuk ho khi ka tih ro ang"ka ti a.

"Va chhuak vat rawh,nakinah i kawrsuk chu ka lo buaipui mai ang"a ti ve hmak a.

Doris'in "i kawr chu ka tiro tawh e,insiam la,mall ah kan kal dawn nia"min hmuh veleh a rawn ti nghal a.

Jake Lawford'an a motor in min hruai a,a office lamah a kal dawn emaw ka ti a. kan bulah engmah sawi lovin,a rawn kal ve zel a.
Ka tlanbo hlau niawm takin.

Mall chhunga kan lut chu hnathawk ho in chibai an rawn buk sap sap a.Doris'in room pakhatah min hruai lut nghal a.ka measure vel a lak hnu chuan hnathawk pathum vel chu rang zetin an chhuak nghal a.

"Jake kha a office lamah a kal tawh a mi?"Doris-i bula ka tisap a.

"Hmm nangni pahnih hi in inngai hma leh lutuk,Jakey lahin a hna thulh thakin a hruai che a.nang lahin reilote chhungin a hming i lam nghal a nia"nui sen sen pahin a ti a.

Kawr chi hrang hrang leh pheikhawk vel an rawn pawm luh chuan engmah sawi lovin,ka lo thlir tlawk tlawk a.

Kawr leh pheikhawk chi hrang hrang ka bun zo chu ka chau hnawkin ka hria,ka hak apiang mai chu ka inhmeh thu leh model tam tak ai pawh a ka nalh thu Doris in a lo sawi chiam zel a.Ashley pawhin ka nalh thu a sawi fo thin ngei alawm,mahse designer lar tak maiin hmaichhana min han fak chuan ka lawmru ve khawp mai.

Versace kut chhuak zinga mi kawrfual uk nalh zet mai min haktir hnu chuan ka hmaiah make up hnawihin ka sam tlema kawi deuh chu a half in min kilh sak a.pheikhawk uk a heel tlema sang deuh min buntir bawk a.

Room atang min chhuahpui pahin"Jakey chuan a chhuang ve khawp ang che"a tisap a.

Jake chu Phone in mi a lo be mawlh mawlh a,min rawn hmuh chuan mak ti hmel zetin min rawn en vang vang a.ka inngaihbel zawk nge pawh ka hre lo.a phone hmanlai dahin kan bulah a rawn kal vat a.ka lai deuh tlatin ka hria,hetiang anga thawmhnaw tha leh manto ka hak ngai loh vang a niang.

Doris in"Jakey show ka neih leh hunah Megan-i hi ka kawr design min hak chhuahsak turin ka duh nia"a ti sap a.

Mak ti zetin "Oh Doris a van zahthlak awm ve"ka lo ti nghal a.

A teuh lo mai,chutiang engmah sawi a ngai lo,Doris kan kalsan tawh ang che"tipahin ka banah a rawn vuan nghal a.

"Ka kawrhak lai ka theihnghilh nia"ka ti vat a.
"Lo ngaihtuah duh suh,nakinah inlamah kan rawn dah ang"Doris in a rawn tizui lang lang a.

Jake an motor a min luhpui hnu chuan "office lamah kan kal dawn lo a mi?"ka ti nghal a.dar sawm pahnih a ri tep tawh si a.

"Dawn lo,buckley jewellery dawrah zungbun kan endun anga,chumi hnuah Picadilly a Ritz hotel ah ka chhungte nen thingpui kan in dawn"a ti hmak a.

"Enga! ahma khan min hrilhlawk ve tur che alawm"ka ti deuh that a.ka awih theilo zawk,he mihring hian engang hmeichhia ah nge min ngaih le?

"Ka tih tur engmah lo sawi ve hlek suh,midang hmuhah inngaih tak anga lan tur tih kha vawng tlat ang che"a rawn ti hrawk a.

Lemchan thiam pawh ka ni miah si lo,ka mihring huat ber nen hian engtin nge inngaih tak anga kan lan theih teh lul ang.

Buckley jewellery dawra kan lut chu Jake Lawford an ka kawngah nghet zetin amah hnaih theih ang bera min kuah pahin a nui var var a.hnathawk pakhatin min rawn hmuh chuan hmanhmawh zetin kan bulah a rawn kal a.

"Ka nupui hual hi zungbun a tha ber phelh mai mai loh tur kha lo buntir rawh"ka kut lakang pahin ti nghal a.

Makti zeta min en pahin a nui var var a.Jake an zungbun chi hrang hrang sawm vel min buntir hnu chuan diamond nalh zet mai min bun nawntir leh pahin "hei hi atha,i phelh tawh tur a ni lo"a ti sap a.

"Mahse a hma mi kha"ka tih chuan "theihnghilh rawh"a rawn ti hrawk a.ka bengbulah rawn kun hniamin amah si chetin min kuah a "min fawp rawh"thupe aw zetin a rawn ti nghal a.

Engthu nge ka hriat hi,mi zingah lehnghal.ahmel ka en chuan cho zetin a hmui a lo dawh deuh ha a.

Ka kawngah awmze nei zetin a rawn hmet a."lawmthu sawi nan min fawh ngei a ngai nia,nge keiman ka fawp zawk dawn che"tipahin ka hmuiah a rawn fawp nghal a.

Kan bula mite chu an ri hak a,kut an lo la beng zui.ka van zak tak.Jake lah chuan min thlah mai lovin,ka hmui kawih nawn leh in duhthaw zetin min fawh zawm nghal a.ka maimichhing ringawt a.ka thaw chham takngial dawnin ka hria.

Nui var var paha min enchungin "i duhawm tak zet"a tisap a.dawr atang min hruai chhuak nghal a.

"Ka chhungten rei min ti lutuk palh ang'tipahin a motor kawngkhar min hawnsak nghal a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)