I REMEMBER YOU BY Basta Tlau

[Ngaia]

Anderson te chhungkua lawyer nen kan inhmu a.thla khat hnuah kan company lamah an ba chungchangah an fanu ngei in min rawn hmu turin ka chah a,thildang engemw pawh ka sawipui nual a,midang in an hrechhuak tur a ni lo,a tul a nih chuan sawichhuah hun pawh ka la nei mahna.

Thla khat a liam meuh chuan megani pawh in a nu leh pa vanga a tawrhna pawh a zia awm hram ka beisei.

Ka office lama megan-i lokal tura ka tih ni chuan hma takah office ka thleng a.ka secretary hnenah megan-i rawn luh hma loh chuan midang tumah rawn luhtir lo turin ka ti a.

Ka office tukverh motor kawng lan theihna laiah ka dingin motor veivak chu ka lo thlir reng a.a va han lokal har em em ve,a lokal lo a nih chuan keiman an inah ka kal chilh ngei ngei ang.taxi pakhat kan building kawt lo ding dat ka hmuh chuan ka en chiang nghal a.amah ni ngei mai.mahse tlemin a cher deuh in ka hria.
Security leh counter a duty te ka hrilh lawk tawh avangin buaina a tawh loh hram ka beisei.

A hnu deuh a,ka office kawngka kik ri ka hriat rual chuan phur ru zet insum tak si in,lut turin ka ti a.

Hmeichhe rawn lut ka hmuh chuan tukverh atanga a thla rawn lang chu ka lo en vang vang a.a hma ai khan a lo cher hle tawh nih hi,Doctor ve si inenkawl that ve tal awm.
Amah en chuang lovin thu turin ka hrilh a.
A tawngri ka hriat te chuan min tiphur ang reng khawp mai.megan enge ka tih theih lo en rawh.kum khat chhung hreawm nasa tak min tuar tir a,tunah chuan ka hun a thleng ve ta.
Chutiang thil ka lo ngaihtuah avang chuan a thil rawn sawi pawh hre chiang lovin,ka lo ngawi reng a.'lungngai suh ka rul leh em em ang che'a tih ri ka hriat chuan alam hawi in ka inher a.
A hmelah tak chuan chiang zetin ka en a,a mak ti hmel lutuk ka hmuh chuan ka lungawi veng veng in ka hria.

Chu ka lungawina chu thawk leh khatah 'mi tenawm'tia min rawn kohna avang chuan a reh nghal a.ka thinrim insum zo lovin athutna atang ka pawt tho lawp a.henu hian engvanga in control hman lova min siam fo nge a nih.

A hmel ka thir vang vang a.mitmeng hring nghalin min lo melh a.ka thinrimna pawh a reh nghal vekin ka hria.mahse thinrim angin ka langlui zel a.

A chhuak tur chu enge ka hriat ni,ka hnuaia a thawh theih tur thu ka hrilh a,a la duhlo em em zui.he hmeichhia hian engvanga min hnar nge a nih,hetiangin tumah ka piantirh ata ka bula hnathawk turin ka la sawm ngailo.ka hnuaiah a van thawk dawn chiang em.

Ka hnuaia thawk te chu ka tirkual vat a.London a hospital zawng zawngah tir kualin,megan-i thalak leh a hming hrilhin hna a rawn dil chuan lo hnar turin ka hriattir a.

Ka thupek chu an zawm ngei ka beisei.Megan-i lo ruaitu hospital chuan kan company atanga an khawl lak thin an chan a ni mai.

Ka unaunu Nancy office lama ka va kal chuan min hmuh veleh rum zetin hmui ner nangin min en a.
'Jakey engvanga he hmeichhia hi ngaihven em em nge i nih?ngatinge a nun tihchhiat i tum?a ti vin hlar a.

'Nancy ka pawisa an chhungkuain an ba a,engvangin nge ka ngaihven lovang,a nu leh pa boral avangin amah ngeiin min rul let tur alawm'thawveng zetin ka lo ti a.

'Jakey a nih chuan engvanga hospital hrang hrang a thawhtir lo tura ti nge i ni?'a rawn ti a.

'Opps unaunu ka hnuaiah thawk turin ka sawm a,a duh lo alawm,hmun dangah pawh a thawk thei chuang lovang'ka ti hmak a.

'I Kiangah awmtir rengla i lungawi thei chauh ang'a rawn tih chuan makti zetin Nancy chu ka en a.
'Enga engtin maw?'ka ti deuh ha a.

'Oh Jakey i unaunu ka nih hi,i awmdan ka hai hleinem i sawi hmeichhia hi i duh tih ka hria,kumkhat a liam hnu pawn ila buaipui reng a nih hi'ka dara a lu nghat pahin a tia.

Kar khat a dawnlai a ni tawh,khawi lamah nge hna a thawh ang le?an inah lah a awm tawh bawk si lo,an chhungkaw lawyer in megani'n a in 5million aia tlawm lovin hralh a duhthu a rawn sawi chuan 10million a lei ka duhthu ka hrilh a.mahse 5million a lei anga hrilh turin leh ka hming sawi lang lo turin ka ti nghal a.

A in 5million a a hralh chuan engtin nge 15 million dang a lakluh tak ang.doctor hna lam chu a hmuh mai ka ring bawk si lo.a taksa mipa hrang hrang hnena hlanin a ba hi min rulh a tum niang a.


Hreptak chuan kei hian enge ka tih tak chu le.office kal tura kan building hnuaiber ka kal lai chuan counter lama ka hmingpum ngeia min ko ri ka hriat chuan ka ding chawt a.hmeichhia kawrlum sen leh zinc kekawr ha hian enge a rawn tih dawn,engvanga ka hming pum sawi ri ngam nge a nih.

Ka lam a rawn hawi chuan zawhte tenawmnu maw! Mak ka ti khawp mai.
Ka hnuaia thawkte bulah 'tenawmpa'min rawn tih chuan midang in mak ti hmel taka min melh chu ka hmu nghal a.
A hmuiah ka hup a,ka ngala pet a rawn tum chuan min pet thlehin chhutah amah vangin ka hnathawkte hmaah kan thal thuai a.nidang chu nise ka thinrim leh viau ang.

Security pakhatin a bia tih ka hriat rual chuan ka hnuk nghal dawr dawr a.lift a midang awmlohna kan thlen chuan ka hahdam huaiin ka hria.henu hi engtia tih chi nge maw ni le.?engti tura rawn kal nge a nih le?

Thawhtur min rawn dil a maw?ka lungawi veng vengin ka hria

Ka office kawngkhar ka luh dawn chuan ka secretary in a lo ko ri ka hriatrual in a banah ka pawt nghal a.henu han derthawng zia hi chu awm,a tluk tep avang chuan ka lo chelh vat a.ka tum loh deuh maiin ka fawp a,chutia ka fawp chiah chu thirhip thei ang maiin,min hip bet tlatin ka hria.a hmui mai ka duhtawk thei lo,a taksa pengtin te hi fawh a,khawih ka duh ni.
A mawngah chulsak pahin ka dawhkan lamah ka pawmphei vat a.helai hmunah hian ani nena sex hmandun pawh pawi ka ti lo.

Ka inrin hmain a bengbula 'ka zawhte duat'ka ti sap a.a duhlo hle niang.a awmdan danglam in.fawh leh ka tum chuan a hawisawn vat a.in control tum takin ka thutna lamah ka thu hnawk a.ka ngaihtuahna tihfim tumin ka kun vang vang a.

Eng hna pawh a thawk thei tih a sawi maw?a tha e.ka dawhkan a ka lehkha siamsa chu ka pe vat a.makti zetin a en a.a awm ve reng.mahse a duh lo ang tih ka hlau hle mai.nilo a hnar tur a ni lo.ka kiangah a awm ngei tur a ni.

In ngaihtuahna hun a mamawh thu a rawn sawi chuan ka thaw hak a.amah mai chuan ka kaltir thei lovang.intihhlum te a lo tum palh ang.ka tho vat a,a kawngah ka va vawn chuan engtin mah min hnial hauh lo.thinrim deuh a,ka kut a paihthlak ka rin tehreng nen.

Ka hnathawk te chuan hmeichhia ka kuah avang chuan makti zetin min enzui a.ka hnathawkte hmuh laiin ka bialnu te hi ka la kuah ngai lova,mak an tih viau pawh a awm ve reng.ka dem hran lo.

Ka motor ah thuin an in awmna lam a sawiah chuan kan tlan nghal a.

Megan(POV)
Engatinge hetiang thil hi ka chungah a thlen tak mai le.ka mi hmangaih em em ka nu leh pain min boralsan a,ka hriatpui miah lovin ba ka tan a,tam tham zet an lo la nei zui.kan ba rulh nan kei hian ka zalenna ka hralh dawn chu ni si a.

Kan apartment kawt kan thlen rual chuan motor atang hmanhmawh zetin ka chhuak vat a.
Kawngka ka thlen dawn chuan ka hnungah Jake Lawforda'n min lo zui ve reng tih ka hre chauh a.lungawilo zetin amah pawh en lovin, haw rawh i rawn luh ka remti miahlo,ka ti nghal a,kawngka a lo inhawnsa avang chuan ka lut a,khar ka tum chu rangzetin kawngka zawnah tak a rawn ding a.

Kan thawm hria in Ashley chu rawn tawng in 'megan i va rawn haw hma ve,Jake Lawford chu i va hmu nange?a tih rualin kawngka bula jake ding a hmuh rualin'hepa hi tunge?ngatinge in rawn inzui haw?makti hmel zetin a ti nghal a.

'Ka rawn lut thei angem?miss'nui var var chungah Jakea'n a tih chuan ka lo haw ngei mai.

Lut tura a sawm rual chuan min rawn signal in 'tunge a?'a rawn ti a.

Chhan ka tum lai takin jakea'n 'megan i thiannu nen hian min in hmelhriat tir ve la'a rawn ti sap a.

Ashley bula jake Lawford a ni tih ka hrilh rual chuan a mengphar awn awn a.thutna tur kawhhmuh in a bulah a thu ve nghal a.
Engthil nge maw a hriat le?hetiang ang em em a Ashley ber han phur teh hawrna chu.a taka Jake Lawford a hmuh vang ni ngei ang.

Ashley'in 'Mr Lawford ka bulah megan-i hi thawhtir ve hram la'a ti a.

'Hna tha tak ka offer tawh a,inngaihtuah ka mamawh a ti tlat a,amah duhthu ngei a,a pawm hun ka nghak mek a lawm'tipain min rawn melh a.

Ashleyi'n dem hmel zeta min rawn en pahin'hna tha tak te chu pawm ve nghal ta che.inngaihtuah buai lovin'a rawn ti a.

Eng hna nge tih pawh min hriatpui tawp si lo.
'Mahse Ashley hetiang te chu'ka tih rualin 'Oh megan in ngaihtuah buai viau thin lo teh,hna chu i pawm ngei tur a ni.i pawm ang tih sawi rawh'a rawn ti hmak a.

Jake a hmel ka en chuan thutak zetin minlo la enkur zui.engtin nge he mi tenawmpa bulah kum hnih chhung ka khawsak thei ang.office lama kan awmdan te ka hrechhuak a,ka zak lutuk chu khukral vek ka chak.

Ashley lah chuan minlo tur ve sek bawk si a.
'Ka rawtna i pawm duh dawn chuan i duh leh i zir zawm dawn nia'jakea'n a rawn tih chuan makti zetin kan enrual nghal a.

Ka bulah Ashley chu rawn insawn vatin'Megan i pawm ngei tur a ni.zir zawm kha i duhthusam ber a nih kha.pawm hram rawh'a rawn ti sap a.

Ni e ka nu leh pa boral ta te pawn zir zawm turin min duh ngei alawm,mahse tunah an awm ve tawh si lo.

'Ka lo inngaihtuah ang'zawi sapa ka tih chuan ka darah Ashleyi'n na zeta min rawn beng pahin'harhchhuak tawh rawh,i pawm tih tunah sawi ve mai rawh'mittui tling pama a rawn tih chuan ka bu nghat a.

Ashley hian min ngaihtuah nasa hle tih ka hria,hetianga tìh tak zet a min kar tawh hi chuan ka lo pawm pui leh nge nge thin.

Kan piaha Jake Lawford a thu chu ka va melh kawk a.'i lungawi tawh em,min chhuahsan tawh rawh?mr jake lawford'ka ti hmak a.

'Jake tiin min ko ve mai la'a rawn ti nghal a.
'jake haw tawh rawh?min thlah avangin ka lawm e'ka ti leh hmak a.

Ashley chuan 'engemaw tal intur i duh angem?a tih chuan nui vur vur pahin 'a lawmawm hle ang,coffee a awm chuan a tawk'ngaihno bei zetin a ti nghal a.

'Lo inkawm rawh u,coffee kan va chhuang ang'ti pahin min kalsan a.

Kan pahniha kan awm chu ka zamthar riau mai lehnghal.ka duh aiin kan cousion thuthleng dah hi a inhnaih mah mah,zahzelah ka phone phawrhin ka en a.

Ka phone min rawn chhuhsak rual chuan ka au thawt a,laklet ka tum a.

[Ngaia]

Chapter 5
A link nen a share dan
viewtopic.php?f=2&t=917
A share dan tur nen lam a kan in kawh hmuh chunga pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Basta Tlau
All rights reserved


'Jake min pe let vat rawh,enge i hriat a,ka phone a nih kha' ti chungin ka phone min laksak chu lak let tumin ka ban nghal a,engetan mah ngailo hmel zetin ka phone chu a hmet zawt zawt a,ka hlawhchham chiang ngei mai.min rawn pek let pahin a nui vur vur a.ka phone min pek let chu ka en vat a.number pakhat ka hriat ngailoh a lo call a.

'Hey tu number nge i dial ringawt a,i van tenawm tak ka tih rualin,a ipte a phone rawn ri chu a en a.

'Keima number a nih kha' tipahin a reject nghal a.

Pangngai taka min dil ve mai awm,chimawm leh lutuk,min ti thinrim zawngin a che ve ziah.

A number chu Tenawmpa tiin ka save hmak a.

A phone screen ka lama a rawn lek chuan ka lo en a,ka number zawnah 'ka zawhte'tih inziak ka hmuh chuan ka ner nawk a.'zawhte ka nih loh hi khatiang khan min ko tawh suh.zawhte nupui hual atan i duh mi?'thinrim taka ka tih chuan za zetin a nui hawk hawk a.

Engemaw a hriat le?nuihzatthlak ka sawi tawp si lo.Ashley chu no pathum chawiin kan bulah a rawn thu ve.kan pahnih a min entawn hnu chuan 'engatinge a?a ti deuh hu a.ka lu ka lo thing ringawt a.

Jake a a thutna atanga a tho uaih chu mak ti zetin kan en a,'zaninah ka nupui hual hian zanriah min kilpui hman angem?'thutak zetin a rawn ti a.min la melh kur zui.

Ashley hmel ka en vat a.hriatthiam loh hmel zetin jake a nen min melh tawn sek a.ka chhanna nghak ni awm takin jake-a lah chu a dinna ngaiah a ding reng a.

'Ka peihlo mut hahdam ka duh'ka lo ti hmak a.

'A pawilo nih chuan naktuk kha lo inpeih hman i tum dawn nia'a rawn tih chuan 'engah maw?ka ti vin that a,a duh duh a min tikual a tum hi ka lungawilo takzet.

'ka ruala office kal turin,ka hnuaiah i thawk tawh dawn a,dar9 ah lo inpeih i tum dawn nia,ka lo lam ang che zawhte'tipahin rang zetin a chhuak nghal a.

Rangzetin ka umzui a,a motor bul a lo thleng der tawh nia,kawngkhar atanga au zui in,'tenawmpa,zawhte ka ni lo'ka zuk ti nghek a.

Motor kawngkhar hawng pahin min rawn la bye bye zui.

Thinrim zetin kawngka ka khar thuai a.
Ka hnungchiah a Ashley i lo ding reng ka hmuh chuan ka thaw hak a.ka room lah inthlak tumin ka kal pel vat a.

'In inhual tak tak a mi,Jake Lawford nen khan'a rawn ti a.

'Ashley khawngaihin engmah min zawt rih suh'ka ti chuan ka banah a rawn chelh a.

Chiang zeta min en pahin'Megan Anderson tunah hian ka zawt a che,Jake Lawford nen in inhual em'thu tak zetin a rawn ti a.

Engtin nge ka tih tak ang,ka thiannu hi thudik tak ka hrilh thei lovang.'Oh Ashley nangman inhualna pawm tura min ngen kha'ka ti sap a.

'Hna tha tak a offer che kha maw inhualna chu'mak tih hmel zetin a ti a.

'A hnuaia ka thawk dawn alawm'ka tih chuan a nui uar uar a,'chuan i zirzawm bawk anga?megan engthil tehhrep nge in pahnih inkarah hian thleng a.engemaw tak chu a awm chiang a ni' ngaihtuah muk hmel zetin a ti nghal a.

'Chawlh hahdam ka mamawh Ashley min hrethiam rawh'tipahin ka room lamah ka luhsan a.

Ka phone message rawn thleng ka en chuan Tenawmpa maw!'ka nupui hual i tha maw'tih min rawn thawn a.

'Tha lo,tenawmpa'tiin ka reply a.

A hnu reiloteah a rawn call a,ka la duh angem tih ka inngaihtuah hmasak zet hnu chuan ka pick up ve hram a.

'Hello sir'ka ti nghal a,a hnar tum dat ri ka hriat chuan ka khisak a.

'khatin min ko kher suh'a rawn ti hmak a.

'Opps sorry lutuk mahse i hnuaia thawk ka ni si a sir'ka ti leh ngat a.

A lungawilo hle niang,a thawk hawk danah.

'Hreptak che hian,tunah khan chhuak turin lo insiam nghal rawh ka rawn thleng vat ang'a tih rualin phone a dah nghal a.

A duh duh a,tihkual thei toys pawh ka nilo,ka van insiam awmlo,mu hmak ila,engtinmah min tibuai lo mai ang.

Ka room kawngka inhawng ri ka hriat rualin Ashleyi'n'hospital lamah emergency thil avanga duty tura a kal a ngai tih min rawn hrilh a.

'Pawn lamah minlo kalhkhum mai rawh'ka ti a.
Ka bulah rawn kalin 'tunang huna i kianga ka awmthei lo hi hreawm ka ti khawp mai,nidangah i duh chuan engkim min la hrilh dawn nia,i unaunu angin min ngai rawh'a ti sap a.

Ashley ka room atanga a chhuak chiah chu mipa tawngthawm ka hre nghal a.

'A damtha tih ka hria,khawilai ber hi nge a room? Jake Lawford-a awri ni chiang lutuk.ka inperh tho nghal a.

'Doctor ka ni a,a damlo ka tih chuan a damlo ni mai'Ashleyi'n a ti ve hmak a.wow engtin nge an inhmachhawn ang le,an hmel ka hmuchak ngawt mai.
Ka room kawngka rawng inhawng thuai ri ka hriat rualin ka kang zawt a,ka phuchiang lutuk chu kun chungin ka awm ka dawm nghal bawk a.

Ka hawichhuak chu maktih hmel zetin Jake Lawford chu ka bulah a lo ding reng tawh a.

'I tha em?engtin nge i awm?i awm a na mi?tipahin ka awm dawmna kut chu a rawn lasawn a.ka awm bawr chu a melh vang vang a.

Ashley in 'a damtha lo ka tih reng kha,i tihnat belh hmain kan in luah atang hian khawngaih takin Mr Lawford chhuak hram rawh'a ti hmak a.

Ka bana rawn chelh pahin 'ka nupui hual nen hian kan chhuak lawk dawn?lo ngaihtuah suh ang che?tun atanga chuan ka lo enkawl ve tawh ang'thu tak zetin a ti a.

Engmah sawi ve tur reng ka hrelo

[Ngaia]

Ka bana jake lawforda'n min chelhna chu ka thingthla sawk a.rum zeta melh pahin'helai hmun atang hian chhuak nghal rawh,i duh ang apiang tih rawn tum hlek suh'ka hrawk a.

'Lo insiam tura ka hrilh che kha,engvanga min tih thinrim tum kher nge i nih'tipahin zo zetin min pawmkang lawp a,ka room atang min chhuahpui a.ka ke leng vak vakin,a awmah ka theih tawpin ka chum a.'min thlah rawh tenawmpa'ka ti zui nghal a.

Engahmah ngai lovin,kan apartment atang min pawm chhuak a.Ashley lah chuan engmah tih tum lovin min en liam ringawt lehnghal.he mihring hian min dangchep takzet,ka chungah hetiang thil a thleng hi ka awihlo zawk.ka nu leh pa kha la dam se,hetiang dinhmunah hian ka dinglo tur.ka mittui chu dan rual lovin a rawn luang zawih zawih a.ka insut hraih a.

Motor a min dahluh pahin'mittui bawk maw!hrufai vat rawh'a rawn ti hrawk a.ka bulah a rawn thu lut ve nghal a.

A rawmawl var min rawn pek pahin 'kha inhrufai rawh,midangin ka kidnap che emaw an ti palh a nge'zawi sapin a ti a.

A aia nasain ka tap a.'ka nu leh pa rual khan lo boral ve daih ila,ka tan'ka sawi zawh hmain nghet zetin min rawn kuah a.

'khatiang thu kha vawikhatmah sawi leh tawh suh'tipahin ka nghawng bulah a rawn thaw ham ham a.

Min kuah nghet em avang chuan engmah reng ka sawi thei tawh lo.a awmdan chuan min ti hamhaih takzet a ni.

Ka bianga rawn chelhin amah enturin min dawm a.'Min tiam rawh'a rawn ti ringawt a.

'Eng,engaw!?mak ti rilru zetin ka ti a.

'Hmeichhe chaklo te angin mahni i intihlum lovang tih'thu tak zet leh hlauthawn hmel zetin a rawn ti a.

A awmdan avang chuan ka mittui kar atang ka nui ringawt a.

'Oh Megan khawngaihin Pathian hmingin min tiam lul teh'a rawn ti leh hrawk a.

He pa hian khawngaih tih tawngkam a hmang a maw!a inrem lo zawk.a hmel atang a tifiam bawk si lo.ka rilru a khawih tak zet.

'Ole ka intihlum ngai lovang'ka ti a.

Ka bianga la dawm reng chungin'Megan'mit meng si sapa min en pahin a rawn ti tham tiak a.

A awmdan avanga chuan ka diklo niang,ka khur deuh dar dar a.'umm enge'ka ti thei hram a.

'ka fawp thei che ngem'tipahin ka biangah a hmui a rawn nul thuak thuak a.

'Jake'a hming bak ka lam thei tawh lo.

Duhthaw zetin ka hmuiah a rawn fawp nghal a.rangzetin ka lo fawp ve nghal a.thawchham lek lek thleng a,kan infawh hnu chuan a malchungah min pawm kang a.ka kawrhaklai chhungah a kut dah lutin ka hnute a tham nghal bawrh bawrh a.ka hmuiah rawn fawp zeuhin ka bra chu a hlim cho a,a lu kunin ka hnute chu a fawp nghal a,awm ngaihna reng ka hrelo,ka lo thle tawn sek a,a samah ka lo tham sak a.

Jake oh jake ka lo ti sap sap a,ka awm ka sep dawr dawr a.a kut ka kekawr elastic awm chhungah a zen luh chuan ka thaw hak a.
Insiamrem tum chuan kan chawl a.

'Shitt megan hetianga awmpui che ka tum lo' tipahin a kekawr ipte chu a zen lut a.

Ka zak lutuk,keipawh hetianga awm ka duh bik hleinem.chhuah tumin motor kawngkhar ka vuan a.min lo pawt let pahin ka kutah a rawn chelh a.

Bawm tereuhte hi min rawn hmehbel a,'hawngla bun rawh,i tawk loh chuan naktukah a dang kan siamtir dawn nia,kan inhualna zungbun tur nih kha'a rawn ti a.

Bawng hawng pahin'inhualna lemah zungbun bun kher a ngai mi?'Oi leh a va nalh ve',zungbun a mit hring nghal mai ka hmuh rual chuan ka en vang vang a.muangchangin ka inthawlh nghal a,ka tawk chiah nia,a va mak ve.ka kut lek kangin ka thlek vang vang a.

'Tun atang chuan bun char char tawh ang che.kan inhual ngei a ni tih lantir nan'a rawn ti nghat a.

'A nalh hle mai,pasal tak tak ka neih dawnah hetiang ang chiah hi ka siam tir ve ngei ang'ka ti sap a.

'Megan'a rawn tih deuh hluk chuan amah ka va en vat a.'min tih tinrim hi nuam i ti viau em ni'a rawn ti leh hmak a,a la maimichhing zui.

'i thinrim tih ka hre hleinem,rilru te leh lutuk mai'ka ti let ve hmak a.

Rum zeta min rawn en ngur ngur chungin'ka rilru a te maw?a rawn ti hluk a.

'engmah thinrim na tur a awm loh kha,kan inhualna te chu a lem a nia,kum hnih bak a ngai dawn hleinem'ka ti sap a.

'A lem tih kha ka beng hriatah sawiri tawh suh'a ti hmak a.

Hepa hi enge a hriat le,a mizia hi ka tan chuan hriatthiam a har tak zet a ni.

Zungbun ka bunna kut chu rawn vuanin a hmui a sik tir zauh a.'han chho tawh rawh le,tui takin muhil la,mahse i mumang lam thleng kha chuan min hmu kher suh aw,naktuk lamah kan inhmu leh dawn nia'a ti sap a.

Motor atanga ka chhuak chiah chu chak zetin a tlan liam nghal a.

Kan apartment a security duty in nui vur vur chunga min en pahin' in hmang nuam bawk maw'a rawn ti lawng lawng a.

Nui let ve pahin ka lu ka thinsan ringawt a.kan apartmen chhung ka luh chuan Ashley chu a hna lamah a kal tawh tih ka hre nghal a.

Ka khumah mu lovin,cousion thutphah ah ka mu ringawt a, Ashley rawn hawn hun ka hretheilo palh ang,inchhung lamah kalh a ngai si a.

Dar8 velah ka harh a,breakfask ka siam nghal zung zung a.ka siam peih chiah tih in Ashley chu chauh hmel zetin a rawn hawng a.

Ka kut a zungbun a hmuh rual chuan hlim hmel zetin a rawn enchiang a.a nui ver ver a.

[Ngaia]

I REMEMBER YOU-6

Ashleyi'n 'Wow Meg a nalh lutuk,i vanneih takzet,a hausa bawk si,hmeltha bawk si'tipahin zungbun bawm chu a en leh a.

'Oh Buckley jewellery dawr a mi ngat ni lehnghal,megan engtin chiah nge a propose che?Jake hi hmana hospital charity fund party kan neih tum a a,swimming pool bula i lo awmpui kha amah ngei hi a ni tiraw?'a rawn ti chul a.

Thawhsan pahin'Oh Ashley vawikhatah zawhna tam tak min zawt ziah lo teh..ka insiam dawn ka hmanhmawh,tipahin ka room lamah ka luhsan nghal a.

Ka inbual zo chu ka kawrhak tur ber ka enkual chiam a,office lamah engtiang angin nge in dress ila tha ang.

Ka khup chen pawnfen sen leh kawrdum bantlawn ka ha a,pheikhawk flat dum ka bun a,ka sam ka tawn tawm bawk a.ka hmaiah make up tlem ka hmang a.

Ka room atanga ka chhuak chu Ashley i leh Jake Lawford sitting room thutthleng an lo thu chu ka hmu nghal a.

Ashley'in 'hmuh i nuam takzet,ka nau'nui ver ver pahin a rawn ti a.

'Ka lawm e,kan kalsan nghal mai ang che'nui let sak pahin ka ti a.

Jake a ka va en chuan rum zetin min lo melh kur a,thawh tumlo tih hriat zetin ngawi hmakin a la thu hmak zui,engemaw a hriat le.? 'Mr Law..ka sawi zawh hmain 'zungbun'a rawn ti hrawk a.

Awi leh ka inbual dawna ka hlih kha,ka lo bun theihnghilh leh daih ni maw?rangzetin ka room-ah letin dawhkana zungbun ka dah chu ka bun sawk sawk a,
Hmanhmawh takin sitting room lama chhuah pahin zungbun ka bunna kut chu ka lek kang va a.'i lawm em Mr Lawford'ka ti hmak a.

Ka kutah lo manin pawnah chak vung zetin min chhuahpui nghal a.a motor seat hnung kawngkhar hawngin min luhtir a,ka thu deuh chiah tihin rangzetin a rawn chuang lut ve a,driver hnenah hmanhmawh taka tlan turin thu a pe nghal a.

Kan thut that hnu chuan ka kutah a rawn vuan a,'engvanga zungbun kha bunlo nge i nih?i duhzawng a nilo mi?kan inhual tawh a,zungbun i bun ngei chu a ngai hrim hrim,a dang kan pahnihin kan endun dawn a mi?a rawn ti nghat a.

Ka lu thing pahin'Aih adang a ngailo,hei hi ka duh lutuk'ka tisap a.

'A nih engvanga bun lo nge i nih,bun reng turin ka hrilh chiang tawk hle si che a'a rawn ti khur khur a.

'Ka theihnghilh alawm'ka ti chuai raih a.

'Enga?takzet che hian engang mi nge maw i nih le zawhte'a rawn ti hluk a.

'khatin min ko suh,zungbun ka la bun ngai lo a,ka inbual dawn khan ka phelh a,ka theihnghilh a ni mai lawm'vin let hlar pahin ka ti a.

Engmah sawi lova min rawn en vang vang avang chuan pawn tukverh lam hawi pahin'khatin min en suh Mr Lawford'ka ti leh hmak a.

'Khatin min ko suh,ka nupui hual i ni tawh a,Jake tiin min ko tawh ang che'thupe zeta min rawn tih chuan 'Awle sir'ka lo ti leh hmak a.

Thinrim insum tum zetin a thaw hawk a.'nang nen hian vawikhat mah tawngkam pangngaiin kan la inbelo,engatinge maw ni tehrep le?a ti vang vang a.

Ka nui hak a,'kan inmil lo tihna ni mai lawm'awlsam zetin ka lo ti vat a.

Ka lamah rawn awn phei pahin 'kan inmil lo tih i chiang chiah maw?'cho zeta a rawn tih chuan ka lu bu pahin ka chil ka lem khal ringawt a.

Motor a ding chuan ka hawichhuak vat a,Jake Lawford-a office building kawt kan lo thleng der tawh a.

Motor atanga min kaichhuakin ka ding fel deuh chiah chu ka kawngah a rawn kuah nghal a,makti zeta ka melh chuan a lo nuisuk a.
A kut phelhsak ka tumna kut chu lo manbetin ka kawnga vawnna nen chuan hnehsawh zetin a hmehbel nghal a.a office building lian zet chhungah min kuah lut nghal a.

Min rawn hmu apiang chuan maktih hmel zetin min endun hlawm a,kan tawh apiangten chibai an rawn bukna chu a lu kun zauhin nui pahin a lo chhawn ve zel a.

Kan kalpelh tak te lah chuan min enzui vang vang zel a. Ka tan chuan a zahthlah mah mah.lift a chuang lovin,a office staff thawhna kal pel zawng ngatin min kalpui lehnghal.

Ka thinrim lutuk chu ka sa pup pupin ka hria.ka kawng a vawnna lah chu a changin a rawn hmet leh zeuh zel a.ka tan chuan hawichhuah ngamna chi pawh nilo.

'Good morning sir'A secretary aw ka hriat takin chuan ka hawichhuak a,Jake Lawford a office kan thleng ve ta hram tih ka hmu nghal a.

Ka sa deuh pup pup avang chuan zah pawh sawi lovin,dawhkana tui awm chu ka in nghal kawlh kawlh a.ka hahdam sawng sawngin ka hria.

Nui ri hak ka hriatna lam chu ka en vat a.Jake Lawforda'n minlo nuih tih ka hriat chuan rum zeta melh pahin' enge nuihzat tur awm,tenawmpa'ka ti tuar a.

A nui lai tawp hmakin ka bulah thlipui ang maia chakin a rawn thlengphei nghal a.ka banah na zeta hmerin a office chhung min pawt lut dawrh a.bangah min nawrbet pahin ka khabe ah ka kut a hmer lohna lamin a dawm bawk a.min kuaidak deuh pahin 'ka englai ber nge tenawm,min hrilh vat rawh'thinrim bek phiar tawn tawn pahin a rawn ti a.ka khabe a vawnna kut phelhsak ka tum pawh ka hlawhchham chiang ngei mai.

A na lutuk,engmah ka sawithei miah lo,ka ban ruh leh khabe ruh hi a tliak lo a nih chuan mi vanneih takah ka inngai ang.

Ka khabe sawi che datin'min hrilh vat rawh,ka englai hi nge tenawm i tih ber?'ha thial nawk nawkin a rawn ti leh a

[Ngaia]

Ka ban a hmerna nge na a?ka khabe a hmerna zawk tih pawh ka thliar hrang thiam tawh lo.

Ka mittui rawn luangchhuak pawh ka dangkir hman hek lo.ka biangah a luang thla zung zung a,Jake Lawford-a kutah a luang thlak chuan makti hmel taka min en pahin khawih thianglo ang maiin min thlah nghal vat a.

Min thlah chiah chu ka kutna lo lamin ka khabe na ut ut chu ka dawm vat a.ka mittui hruk tumin ka ban a hmerna lam lekkang ka tum chu a nat em avangin ka then tlawk tlawk a.chhuatah ka thu thla nghal hnawk a.

Hepa hma ah hian ka tap tur a nilo,ka bulah rangzeta rawn thu thla in ka ban amah ngeiin a hmerna lai ka kawr ban hlimin a en a,ka zuk en ve chuan a lo sen raih a.ka khabe en tuma ka kut laksawn a rawn tum chu ka lo thlesawn vat a.

A kekawr ipte atang rawmawl rawn phawrhin ka mittui chu dim zetin a rawn hru fai a.a hmel en duh lovin ka maimichhing tlat a.

Ka chala a rawn fawh chuan ka meng nghal a. Ding pahin 'ruhlam Doctor kan ko a nge?'a tisap a.

'A ngailo,ka tha'tipaha din ka tum chu min rawn pui vat a.ka dingthat hnu chuan amah hlat thei ang berin ka tawlh nghal a.

Ka hnunglam atang min rawn kuah pahin 'Megan min ngaidam lul rawh,khawngaihin'tah chhuak aw zetin a rawn ti nghal a.

Engatinge hepa lakah hian ka danglam ziah le?min rawn kuah chiah chu ka dam nghal sawng sawngin ka hria.mahse a ni hian a hre tur a ni lo.

Ka khabe a la dawm pahin'i lakah ba ka ngah em alawm,i duh duhin min sawisa thei ang'ka ti sap a.

Min kuahna lai chu a thlah a.'engber hi nge vawinah ka thawh dawn sir'ka ti nghal zat a.

Mak tih hmel zeta min rawn en pahin'engmah lo thawk rih suh'lo thu hahdam rawh.zaidam zetin a rawn ti a.

Ka hnial buai peih tawh lo,'ka intifai thei angem?'ka ti chuan rawn tho in toilet lamah chuan min hruai a.

Ka lut chiah chu ka inkalhkhum nghal a,darthlalang awmah chuan ka khabe ka en a,a sen hlar mai.tui vawtin ka theh thawt thawt a.a la zia vak chuang lo.

Bathroom kawngka rawn ri ka hriat chuan muanchangin ka hawng a.

Kawngkhar bulah mangang hmel zeta Jake leh a secretary lo ding ka hmuh nghal a.

Jake Lawford a secretary in 'ka lo ngaituah lutuk che a'tipahin min rawn kuah vat a.

Jake a lah chu chhuatah a lo vei tawn sek a.

A secretary in makti zetin ka khabe a rawn en chiang a,'engatinge i khabe hi? a na em?'a rawn ti nghal a.

Nui lui sak pahin 'na love,dawhkan ah ka intauh palh alawm'ka ti zaih a.

A secretary in min chhuahsan hnu chuan kan pahnih chauhin kan awmdun leh a,a tumah chu tawng pawh kan tum lo niang.a hnathawhna dawhkanah thu in paper eng engemaw a en a.

Single cousion thutphah an dahah chuan amah hnungchhawn zawngin ka thu a.ka maimiching vang vang a.

Ka harh chuan ka hawikual nghal a,ka bo emaw tiin ka hlau lek lek a.darzat ka en vat a,ehe ka van lo muhil rei ve.zan dar7 a lo ri der tawh.

Jake a tray rawn chawi chunga ka bula rawn kal ka hmuh chuan ka thaw hak a,ka hlauhna zawng zawng a bo vekin ka hria.

Amah en pahin'a lo van tlai tawh ve,min kaitho lo nih kha?ka tihpalh lutuk Jake ka inthiam loh takzet'ka tisap a.ka inthlahrung deuh duk a.hreawm ka ti takzet.

Ka biangah a rawn fawp zeuhin'ka lawm e aw megan'a rawn tih chuan makti zetin ka en ha a.

Hepa hian lawmthu min hrilh nia,chupawh ka hming lam chungin ka awih thei lo zawk.

Thingpui leh a hmeh tur a rawnlak chu ka ban nghal a,ka ang chiah chu ka khabe a na deuh zawk a.ka then nghal sawk a.

A no kenlai dahin ka bulah a rawn ding a.'a la na viau em?'inthlahrung deuh taka a rawn tih chuan ka nui hak a.

'Nithum hun velah chuan a pangngai ve leh mai ang.'ka tisap a.

A thaw deuh hawk a.

Ka phone a rawn rik chuan ka en vat a.ka nui hak a.Doctor ka tranning pui Harvard medical university Boston a specialist zir zawm ta Adam wilson tlangval fel tak leh hmeltha tak amah nena thian kan nih avanga kan collage hmeichhiaten min huat rawn laite kha,a lunglen thlak ngawt mai.

Ka phone chu pick up in ka tawng nghal a.

Adama'n 'Maggie ka lunglen lutuk,chawlh kan neih ve leh in bulah ka rawn riak dawn nia'a rawn ti nghal a.

Nui hak hak pahin'lutuk tlat,i rawn riah loh chuan ka thinrim khawp ang'ka ti ve a.

Adama'n 'Maggie tlem talin minlo ngai ve thin em?a rawn tih chuan fiamthu zetin

'Tam takin ka ngai che alawm Adam'ka ti a.

Ka fiamthu tih a hriat chuan'nangnu tak hi chu aw..pasal pawh i hmu zo lovang'a rawn tih a.

'Hmm Adam minlo zawnpui la,pasal ka hmuh zawh loh chuan nangmah i awm tho alawm'ka ti ve nghal a.

No tla keh ri ka hriat chuan ka en vat a.ka phone chu dahin Jake a bulah ka tlanphei nghal a.

A kekawra thingpui a intihbuak chu a,chhuatah lah no a kehdarh vek bawk nen.

'Engtin nge maw i intihbuak thei zawk le? Naupang chhia ang mai'tipahin a kekawr tuia tihfaisak tumin a kutah kai in toilet lamah ka hruai a.

Engmah sawi lovin min rawn zui ve mai a.

'Zir zawm i duh em?a rawn ti phut a.

Chhan dan tur hre lovin ka lu ka thing ringawt a.

'I duh lo maw?a rawn ti a.

'Duh lo,hetiang lam chu khawngaihin engmah sawi tawh lovang,ka ti sap a

[Ngaia]

Chapter 7

A link nen a share dan
viewtopic.php?f=2&t=917
A share dan tur nen lam a kan in kawh hmuh chunga pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Basta Tlau
All rights reserved
www.storyfb.com


Jake Lawford-a kekawr tifai zawm tuma ka kun leh chu a lo pen sawn daih a.

Mak ti takin a dawhkan lam pana a kal daih chu ka enzui ringawt a.engatinge a awmdan hi a inthlak thut zel le?a dawhkana paper eng chu lo lekchhuak pahin"hetah hian i hming sign rawh"a rawn ti hmak a.

Muangchangin ka pan a,ka pen phawrh chhuak paha sign na lai tur ka en lai in"kan inremna a thu zawm tur kha chhiar tha leh rawh.i theihnghilh a nge?"a kekawr ipte zen a,pawnlam melh chungin a rawn ti hram a.

'Nimin lamah khan ka chhiar chiang tawk viau tawh in ka hria,a ngai tawh lovang'ti pahin ka sign nghal a.

"Ngaihzawng i lo nei a nih pawhin tun minute chhung hian theihnghilh ang che,kan inremna ah khan ngaihzawng dang i nei thianglo tih i inhre bawk tur a ni"a rawn ti hmak a.

Ka chhang buai vel peih tawh lo,inhauhna a tam mai mai.

"Ka sawi chu i hria em"?a rawn tih deuh hrawk a.

'Ka hria e,kan haw thei tawh angem?ka tih chuan a coat hak siamtha pahin engmah sawi lovin min chhuahpui nghal a.

Lift a kan chuan lai chuan ka kuta rawn vuan pahin''ka hmelthat vangin maw! Tenawm min lo tih a?"hmalam melh chungin a ti nghat a.

'Engthil nge maw i sawi le?hmelthat vangin tunge tenawm thei anga'amah melh chho pahin ka ti hmak a.

"I mut thluk lai a i sawi kha"nuisuk paha a tih chuan ka mitmenga mak tihna leh hriatthiam lohna nen ka melh deuh ha a.

'Awih awm loh e.chutiang ka sawi lovang,dawt thu hi sawi ziah suh' ka ti a.

Ka hmazawnna rawn kun hniam pahin "min enchiang duh em?nui var var pahin a rawn ti leh sap a.

Hepa han chimawm thiam dan hi chu aw..ka van en awmlo chiang,ka maimiching daih a.

Ka khabe ah tak a rawn fawp zeuh a.ka meng chiah chu min rawn pawmkang nawlh a.lift atang min chhuahpui nghal a,ehe tun ang hunah pawh office lamah hian hna an la thawk reng a nih hi.phawk zetin min enzui hlawm a.

'Min thlah rawh,kalna turin ke ka nei ve tho'midang hriat hlau tak si in a bengbulah ka ti ngat a.

Ngaipawimawh lo zetin a nuisuk ringawt a,a motor seat hma lama min thuttir hmu chuan driver seat lama a rawn thu lut nghal a.

'Engatinge nangman i khal dawn a mi?ka lo ti vat a.

"Um don't worry,ka accident pui hauh lovang che"tipahin a tlan chhuak nghal a.

Ka phone a rawn ri ral ral a,ka en chuan Ashley lo ni a,minlo ngaihtuah leh hle tawh niang.ka pick up vat a,"Ashley kan rawn haw mek,minlo ngaihtuah suh"ka ti nghal a.

"Nilo,nilo chanchinthar tunah tunah"tawng buh nuai in a rawn ti nghal a.

'Oh Ashley kan rawn thleng tep.nakinah min hrilh dawn nia'tipahin phone ka dahzui daih a.

"Engthil nge maw ni dawn le?"ka tisap a.

Jake'an "nithum chhung chu inlamah awm hahdam rih la,hna lam chu engmah buaipui suh ang che"a rawn tisap a.

'ka lawm lutuk'ka ti zawh rualin 'vawin hi friday ni si a,weekend chhung chiah maw?ka ti leh nghal a.

"Khawiah mah lengchhuak suh ang che,nithum chhunga i la damtha lo a nih chuan tihdan dang ka lo ngaihtuah ang,chuan i thianpa Adam i tih pawh kha be tawh suh"a rawn ti hmak a.

'Adam a te chu ka thian a nia,engatinge ka biak loh vang,thiante chu mamawh chang kan nei fo alawm'lungawilo zetin ka ti a.

'Tun atang chuan kei hi i pasal hual leh thian tha angin min ngai la,thian kawm tur i mamawh chang apiangin kan inkawm tawh dawn nia"a rawn ti chuan a fiamthu emaw tiin ka en vat a,a la thu tak em em zui.

Kan apartment kawt a motor a ding chuan chhuah tumin kawngkhar ka vuan vat a.ka banah a rawn chelh ve nghal a,tawng a tum chiah chu a phone a rawn rik avangin min thlah leh a.min biak a duh niang ti rilru in a motor chhungah chuan ka la thu a.

Hmeichhe aw riin"jakey chanchinthar lama an puan hi thudik a ni em"a rawn ti talh talh a.

Jake'an "Ni e"a tih rualin leh lampanga hmeichhia chu a rawn insut faih faih a.

Jake Lawford-a thaw deuh hawk ri chu ka hrethei,hreawm a ti ve hle niang.

"Oh Rachael kan inhmu dawn nia,engkim kan sawifiah angai"mangang hmel zetin a ti a.phone a dah nghal a.

Inthlahrung deuh taka amah en chungin'I tha maw?ka va ti sap a.

"Ka tha i la chhuak nange?"rum zetin a rawn ti a.

Ka hnena sawiduh a neih ka rin vanga hetia la thu reng hi a ni sin le.
Thinrim zetin a motor atanga chhuakin kawngkhar chu ka theihtawpa na in ka khar nghek a.rum zeta amah ka melh chuan engahmah ngaih loh hmel zetin a motor stearing herin a tlan liam nghal a.

Ke per tawn tawn chungin kan apartment lamah ka kal hlawk hlawk a.tenawm lutuk mai,oh Rachael tih dei duai,Rachael engang hmeichhia nge niang le?hriatchian chakna thinlung ka pu nghal a.

Kawngkhar ka lut chiah chu Ashley in ka banah lo man nghal vatin min kai lut dawr dawr a.

'Engthil nge a?Enge ni?'ka tih rualin dawhkan chunga a laptop screen a lo lang chu ka hmu nghal a.engmah sawi tawh lovin ka chhiar vat a.

Lawford Industrial Corporation neitu Jake Lawford chuan nupui hual a neithu vawiin khan THE TELEGRAPH chanchinbu palaiin a kawmna ah a sawi.
He hmeichhe vanneih tak hi tunge le?