LALPA,I LAM KA LO HAWI LEH E BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

Re: LALPA,I LAM KA LO HAWI LEH E

Unread post by Ngaia » October 16th, 2016, 4:04 pm

Ka ngawi deuh vang vang a.
Hardy chu rawng tawngin"tha takin presentation chu i pe ngei ang tih ka hria,chuvangin kan zinga zai tur chuan i rilru lo siam fel ang che,tunah chuan i inah kal ila,kan buaipui nghal dawn nia"a ti a.

Jenny'in"kan rawn kal ve duh,a tul a nih chuan kan riak ve nghal ang"phur hmel zetin a rawn ti a.

Zankhua deuh thawin ngawr takin kan bei a.jenny-i leh Deborah-i min mutthluk san lai pawhin Hardy chuan tih dan tur te leh thil hrang hrangte chu min hrilhfiah char char a.

Hardy-a min tanpuina azarah tha tak maiin presentation chu ka ti thei hram a,Sir Tiger-a pawhin mak a ti ve hle in ka hria.

Presentation ka neih hnu atang chuan midangin min en dan pawh a dang hle in ka hria.

Hardy te zinga ka zai tan ni hmasa ah chuan solo part lai sa turin min ti a,ka zam khawp mai.rilru tawngtaina nasa takin ka nei a.

Kan zai tan hma chuan Hardy'an ka kuta rawn chelh pahin "zam miah suh"a rawn ti a.

Mak tak maiin kan hla sak chu thinlung leh tih tak zetin ka sa a,zamna reng ka nei lo.worship service zawh meuh chuan min rawn chibai sap sap hlawm a.ka nu leh pate ka hrechhuak zawk a.tunah hian min lo hmu ve ngei ang tih ka hria,an fanu hian engtiang anga nasa in nge an lungngaihna ka lo thlen thin ang le?

Ka thiante pahnih chuan mit sen ram chungin min rawn kuah a"avan ropui ve,zai ka ngaihthlak tawh zawng zawngah chuan min la hneh ber" nui sang chungin jenny'in a ti a.

Kei ngei pawh tiang hun ka tawng leh thei hi mak ka ti a,ka hnuk a ulh hial reng a ni.

Hardy chu nui vur vur pahin kan bulah rawn tlan pheiin min pawm kang lawp a,min la vir kual pui zui."samkir hmeltha,i vanneih khawp mai.20th century Fox studios neitupa a rawn kal ve a,flim ani emaw i hla sak ngei hi an studios atang pek chhuah a duh ni"hlim hmel takin a ti a.

A dara bensak pahin"nilo,nilo chutiangah chuan ka zai thei lovang tih i hriat ve tho kha,Hardy min dahthla vat rawh,engthil nge i hriat le?"thinrim tak chungin ka ti a.

Maktih hmel taka min en chungin"Oh i duh lo tih ka hrelo a,i pawi ka sawi a nih chuan min ngaidam rawh aw"tipahin a kalsawn nal nal a.

Nuam lo ka ti khawp mai,mahse la,khatianga Hardy-a berin min rawn phur pui kha ka lungawi lo a ni.fox studios chuan ka zai pe chhuak ta sela sum tam tak leh he khawvel lama larna pawh ka nei ngei ang tih ka hria.mahse ka thlarau nunah hmasawnna min thlen belh dawnlo a ni tih chiang taka ka hriat vangin ka duh lo a ni.

Jenny'in "tinge tiang khan i tawngkhum vak kher a,a lungawi loh hmel em kha,i timak leh lutuk"vui pui zetin a ti a.

Chumi hnu atang chuan Hardy nen kan awmdan chu sawifiah thiam theih ni si lo hian a pik ru em em a.kan inbia anih pawhin a rul tawk lekin kan inchhang tawn thin a ni.

Deborah'in"nangni pahnih awmdan hi a mak e,ka hrethiam thei ngai dawnlo che u a nih hi"a tih chuan "keipawh in ka hrethiam bik lo"ka ti sap a.

Kum chanve zet kan luh hnu chuan nuam pawh ka ti ve ta khawp mai.mipa thenkhat min rawn beiseitu te chu mawi hnai takin Pathian tanpuina azarah ka hnar thei zel a.ka zirlai ah tih tak zeta rilru pek ka duh avangin engdang mah ka ngaihsak duh lo a ni.

Ka thiante pahnih pawhin kristian tlangval hmeltha tak ngaihzawng atan an nei tawh a,ahma ang em em in kan inzui ngun thei ta lo ani.

Ka class kal tur ka insiamlai chuan ka phone a rawn rik chuan ka en a,Jenny'in"vawinah kan team ten Basketball an khel dawn a,nidangah i la en ve ngailo,vawiin chu Hardy tekhel lai en ve ngei ngei ang che.chhuanlam dang engmah siam miah suh,i motor pawh rawn keng lo la.Deborah-i nen kan rawn lam ang che"thupe aw tak leh phur zet maiin a rawn ti a.

Basketball court chhung kan thleng chu midang ho an lo tam tawh khawp mai,Jenny'in a ban a vaina lampang ka en chuan Hardy nen kan mit a intawng sak a.pangngai taka nuih ka tum a,ka thei lo a ni.

Cheerleader nu in Hardy-a bianga fawp chunga inti neitu zeta a rawn kuahlai ka hmuh chuan ka mit sulh in ka hria.

Nilo,nilo,hetiang hian ka awm tur a nilo.ka tan chuan Hardy te ang mipa tha lutuk hi chu beisei phak an nilo a.vana thil rah lawh tum ang mai a ni.

Hardy-a lah chuan kan lam a rawn hawi reng avangin Deborah'in min rawn nghawk zauh a,a phone message a chhut chu min hmuh chuan ka meng bial kawk a.(Hardy- nen hian in inhmeh lutuk,a hmangaih che in ka hria,nangpawn i hmangaih a ni)tih a ziak a.


A naka nghawk sawk pahin"chutiang engmah buaipui ka duhlo"ka ti hmak a.

An inkhel lai chuan Hardy-a ngawr ngawr ka en a,mipui ho lah chuan uar zetin Hardy hming an lam vak vak a.ball control a thiam takzet a ni.

Hardy'an hun tawp dawn a,centre atanga a score chuan ka lawm lutuk chu ding chunga zuang vak vak ka au a.Hardy'an hlim tih hriat zeta kan thutna lama flying kiss a rawn pek te chuan ka lo hlimpui ngei mai.hmeichhia dang ho pawh mittui nen an au tuar tuar hlawm a.

Ka dem lo,keimah ang tho vin Hardy zunah an uai nih hi.

Jenny'in kut beng pahin"insum deuh rawh,screen lamah kan awmna lai an rawn focus mek nia"a tih lai tak chuan Hardy'an kan lama a kut arawn vai avangin ka kut pharin ka lo chhawn vat a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 16th, 2016, 4:04 pm

Kan thian thum chuan hlim takin kan inkuah chung chung a.Deborah'in"an bulah khuan zuk kal ve ang u"tipahin min kai thla dawr dawr a.midang hoin Hardy-a an chibai sup sup lai chuan kan lam rawn hawi pahin a mit a rawn siai deuh zuk a.Jenny'in"nang hi a duh che a ni tih hrelo ila chuan nasa takin ka zar buai ang maw le.mahse ka bialpa bulah sawi miah suh"nui sak pahin a ti a.

"Dawt thu mai mai sawi tawh suh,midang an tam e mai,haw tawh mai ang u,engtikah mah tiang ang chuan kan chibai ve thei lovang"tipahin ka inher nghal a.

Hmanhmawh takin basketball court chu ka chhuahsan a,ka car ka ken loh avangin haw maina tur ka hmu lo in ka hawi kual ruai a.

Ka hminga min rawn au lawm lawm ka hriat chuan ka hawi vat a,ka thiante pahnih chu hmanhmawh hmel zetin ka lam panin an rawn tlan phei chu makti deuh takin ka lo en reng ringawt a.

Jenny'in thaw hlawp hlawp chungin"zanin party na ah i rawn kal ve ngei ngei dawn nia,mathew te inah aw,chuan Hardy'an a rawn hruai ang che,gown kan ha dawn nia aw"phur zetin a ti a.

"Ka hman ve lovang,lehkha zir ka ngai a,bakah Los angeles country club-ah member te inhmuhkhawm tur a nia"tiin chhuanlam ka siam a.Deborah-i nu leh pa pawh member an ni tih ka hria,mahse dawt sawi mai lo chu tih theih ka neilo a ni

Zan tir deuh a,ka kawngkhar ri ka hriat chuan Apple keih pahin ka va hawng a,Hardy-a chu Tuxedo navy suit nen kawngka bula a lo ding ka hmuh chuan ka thaw a tawp dawn ni maiin ka hria,engmah sawi lovin,ka awm chu ka dawm vang vang ringawt a.

Hardy-a zawkin "i tha maw?"ka ban rawn chelh chunga a tih chuan a kut ka lo thin thlak sak vat a,min rawn tawh rual khan ka taksa zawng zawng chu mei sa in a kan ang maiin a sa chhuak vek a ni.

"Ka chunga i thinrimna hi engtik hunah nge a tawp ang le?"rilru nat hmel taka a tih chuan ka nghing deuh dawt a.

"I chungah ka thinrim ngai hleinem"ka ti sap a.

Ka dara rawn hmer chungin ka taksa chu a sawi nawk nawk a,"dawt sawi suh,ka lakah thinrimna i neih na chhan hi chiang takin min hrilh rawh,chuan insiam that ka tum ang,nang hian ka thinlung hi i tina tak zet a ni"seh chilh nawk nawkin a ti a.

Hnuai lam melh pahin"ka tihpalh,min tina a nia"ka ti sap a.

Min thlah nawk pahin"i tihpalh thu ka ngaithla duh lo ve,tuna i na ai khan kei hi ka na daih zawk tih hria ang che"a ti hmak a.

Ka mittui rawn hnam chu ka duhlo ngei mai."i hlata awm hi keipawn ka duh alawm,mahse hmun danga insawn leh chu a buaithlak bawk si a.tinat che hi ka duh biklo i unaunu angin min en tih ka hria,mualpho taka ka lo siam tawhna ah che khan min ngaidam hram rawh"ka mittui hru chungin ka ti a.

Hardy-a thaw deuh hak chu ka hria,engemaw chen a ngawih hnu chuan"Min hmangaih ve a ni tiraw"zam hmel zetin a rawn ti a.

A hmel ka en chuan chiang zetin min lo en reng a,unau inhmangaihna chungchang a sawi mi le?

"unau inhmangaihna ang ni loin,nula leh tlangval an inngaizawnna ang hian min hmangaih ve tiraw"a rawn ti leh a.

Chhan ngaihna reng ka hrelo.ka en reng ringawt hnuah chuan"engtin nge i hriat a?"ka ti ha a.

Nui hawk pahin a awmah min rawn kuah bet thlawp a,"ka rinna avangin ka hria lawm"tipahin ka khabe ah a dawm kang a,chiang zeta min melh vang vang hnu chuan "keipawhin nasa takin ka hmangaih che a ni tih hria ang che"a sawi zawh rual chuan ka hmuiah min rawn fawp vawng vawng a,duhthawh zetin ka lo chhang let ve nghal a.

Thaw chham dawn khawpa kan infawh hnu chuan Ka hmui hnuaia na lo te a,seh zauh pahin"ka ngaihtuahna i tibuai vek alawm"tipahin couch chungah chuan min thut thlakpui nghal a.

A kekawr kap zawn pawng deuh luah ka hmuh chuan "mipa ho tak hi chu aw"nui hak pahin ka ti a.

"nangma vang nih hi aw,min nuih hauh suh,tui vawt intur min va lak sak lawk teh,Deborah Tomilson"thu tak zeta a tih chuan "khatin nangpawn min ko suh"tipahin a tui intur chu ka va laksak a.

Hardy'an min hmangaih ve a maw?a mak hle mai.mahse midangin kan inhmangaih tawn tih lo hre ve ta sela,keimah avangin a mualpho mai lovang maw?

Hardy chuan min lo melh vang vang pahin"engatinge i rilru hah leh ta mi?"a lo ti nghal a.

"kan pahnih hian awmdun thei kan nilo,i mualpho nasa lutuk ang"ka tisap a.

A bula min pawt thu pahin"kan pahnih a awmdun tur hian nasa takin Pathian hnenah ka tawngtai thin a,nangmah avanga Mualphona chhan tur pakhatmah ka nei lo tih hria la,ka hmangaih che a,kan innei vat ang,chumi hnuah chuan engkim pathian chakna rinchhanin ka tuar dun zel ang"a ti a.

Inneih thu a sawi a maw!pasal nei tlak pawh ka ni hleinem.A hmel pawh en ngam lovin"i nupui ni tlak pawh ka ni lo,kei hi hmeichhe bawlhhlawh tak ka nia sin"ka ti a,hreawm ka ti takzet ani.

"Oh,i bawlhhlawh ni anga i inhriatna lai tak kha ani,i thianghlim zia leh inngaihtlawm zia lantirtu,isua krista thisenah chuan mi bawlhhlawh ber pawh kan thianghlim a ni tih i hria.ka tan pawh hmeichhe thianghlim tak i ni asin"min kuah hle hle pahin a rawn ti a.ka mittui chu duat takin min hruksak nghal a.

Choka dawhkana Ka phone dah a rawn rik avang chuan min kuahna atang kalsawnin ka va la a.Ka pick up pah chuan ka ner a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 16th, 2016, 4:05 pm

Jenny'in ring leng lawngin"i la rawn thleng dawn lo a mi?engthil nge i la tih a,kan nghak reng che u nia"a rawn tih chuan "ka hmanlo alawm"ka ti nghal a.

"Dawt sawi suh,a hrim hrim in Hardy kha a rawn kal em?"a ti a.

"Aw kal e,engatinge?"ka ti a.

Nui hak pahin"a rual khan rawn kal ang che,kawppui i neih loh chuan nuamlo i ti palh ang"tiin phone chu a dah nghal a.

Thaw halh pahin phone chu ka melh vang vang a."tunge a?"Hardy'an a rawn tih chuan ka phu deuh zuk a.

"jenny nia,party na hmuna kal turin min rawn ti a"ka tisap a.

Ka bianga rawn fawp zeuh pahin"i peih chuan insiam la,mahse i peih lo a nih chuan hmun dangah in date tal ang"a ti a.

"Kan chhuak dawn rau rau nih chuan party na hmunah kal ve ang,mahse min zahpui vaih chuan i chaklo ngawt ang"ka tih chuan "nang hian min zahpui a nih ngawt loh chuan engtikah mah ka zahpui lovang che,han insiam rawh,ka lo nghak ang che"min nawr pahin a ti a.

Gown pawl dal,italy lama mi chu ka ha a.ka sam chu ka chhipah sam zialna pawl dal tho in ka zial a.phei khawk kaih pawl dal tho la bun leh bawk a,make up nasa vak loin ka hmang a.

Hardy bula ka thleng chu mit lasawn loin min lo en reng ringawt avang chuan ka lai lek lek zawk.ka bengbula rawn kun pahin"i nalh lutuk tlat,ka thaw i tichham tep alawm,kan pahniha awm fal reng a tha lo,party na hmunah chuan i kal vat teh ang"tiin min chhuahpui nghal a.

Party na hmun mathew te in kan thleng chu boruak pawh a that hmel khawp mai.Hardy chuan amah si chetin ka kawngah a chelh bet tlat a.min hmu tute apiang chuan min en zui deuh vang vang hlawm a.ka zamru kher mai.

Mipa pakhatin Hardy chu rawn chibai pahin ngaihnep hmel zetin min rawn melh a"engtin nge hetiang hmeichhia mipa hrang hrang ina an mutpui hnu hi i duh theih zawk le,a tha lo nia,i nunah harsatna a thlen palh ang che"a rawn tih chuan ka zak kher mai.

Hardy'an ka kawnga chelh nghet sauh pahin"thianpa nangman harsatna i nei zawk a nih chu,kei leh ka bialnu hian kan nunhlui avangin engmah buaina ka neilo,nangmah zawk i buai a nih hmel,inenfiah ta che"a ti ngat a,a sawi zawh rual chuan ka hmuiah a rawn fawp zeuh a.

Hardy nena kan inkawp chu mitin mai chuan mak an tih hmel khawp mai.Jenny-i leh a thianpa chu kan bula rawn ding dunin a kuttang zungbun a bun chu min rawn hmuh a,phawk zeta lo en pahin"a van ropui ve,hlim taka awm reng turin duhsakna ka hlan a che u"Jenny-i kuah pahin ka ti a.

"Nangni pahnih pawh in hlim dun ngei ka beisei"a tisap a.

Hardy nena kan awmdun hnu chuan "keini pawh innei ve vat ang aw,ka nghak rei tawh lutuk che,i pasal duhzawng i ziah ang kha ka la hre vek a nia,khatiang ang khan ni ve lo mah ila,kha theih tawp ka chhuah ang"a ti sap a.

"I van sual tak,ka pasal duhzawng chu Hardy Tomilson a mizia leh hmel ang a ni"nui sak pahin ka ti a.

Min rawn kuah nghet sauh pahin"ka nupui duhzawng ka ziah kha i la hria em?Samkir hmeltha tih kha"a tih chuan ka bu nghat a."kha ka samkir hmeltha-i kha maw Deborah mitchell nakin lawka Mrs Tomilson la ni mai tur ka sawina nih kha"tipahin a kekawr ipte atang zungbun nalh zet mai hi a rawn phawr a.ka hmaa thingthi thla nghalin"Deborah mitchell i pasal ni turin kei Hardy Tomilson hi min nei duh angem?"aw khur deuh lek lekin a ti a.

Hetiang ang teh thut hi ka beisei miah lo sin,ka lawm lutuk chu ka mittui a rawn far zawih zawih a,ka tawngchhuah theih loh avangin Hardy chu ka kuah thlawt a.min lo kuah let pahin"khawngaihin aw ti hram rawh"a ti tham tiak a.

A mah enin ka lu ka bu nghat a,harsa ti zetin "aw ka nei ang che,kumkhua in nang hi ka hmangaih ang che"ka ti a.zungbun min buntir rual chuan duhthaw leh riltam hmel zetin min rawn fawp bawrh bawrh a.

Kan inthlah hnu chuan amah en pahin"kan innei hmain thisen test phawt ka duh"ka ti a.

"a ho lutuk,chutiang engmah ka ngaipawimawhlo,ka mithmuh ah chuan nang hi hmeichhe thianghlim ber i ni reng fo vang"a tisap a.

Ka hlim a ni,ka hlim tak zet,he khawvelah hlimna zawngin nasa takin ka bei a,mahse hlimna reng ka hmu silo.ka pasal duhtakin min lo tawngtai pui reng thin na chu a thlawn hauhlo a ni tih ka hre thar zel a.chumai a nilo,ka naupanlai atanga ka nu leh pain Pathian thu min hrilhte khan ka nun kawng zawhah nasa takin min tanpui a ni tih hi ka hre chiang hle bawk.


Hardy nena kan fa lo piang tur ka pum chhunga naute thla nga mi awm mek pawh hi Pathian thu zirtirin ka enkawl sei lian ve ang.

Kan Bible pawhin "Naupang chu a kalna awm kawngah chuan zirtir ula,a len hnuah a thlah lovang"tih min hrilh si a.

Beidawng taka ka awmlai khan"LALPA,I LAM KA LO HAWI LEH E"ti ta lo ila chuan chatuana in hremna hmun mei dilah ka awm tawh ngei ang.mahse chutiang ni lovin,Nitin nun tharin ka nung ta zawk a ni.

THE END

Note:He khawvelah hlimna leh hahchawlhna zawngin i tlan thin maw?.I mamawh leh duh apiang chhhang thei tu Isua krista pan mai rawh.I thil tih apiang Pathian bel tlat chunga i ti a nih loh chuan hlimna tak i nei lovang.Isua krista nen chuan hmun ralti leh khawharna hmun pawh hi a nuam vel vek a ni.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)