LALPA,I LAM KA LO HAWI LEH E BY Basta Tlau

Basta Tlau
Posts: 720
Joined: August 9th, 2016, 9:45 pm

LALPA,I LAM KA LO HAWI LEH E BY Basta Tlau

Unread post by Basta Tlau » October 1st, 2016, 1:36 pm

A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Basta Tlau
All rights reserved
www.storyfb.com



Keimah angin i nunah harsatna,beidawnna,lungngaihna chi hrang hrang tawkin intihhlum duhna hial i lo nei ve tawh em?kawng khat tala hlawkna i lo neih ve theihna turin ka chanchin tlem azawng ka han pho chhuak a nge.

Deborah mitchell ka ni a,ka pa David mitchell chu Toronto khaw chhuak ani a.Presbyterian hnuaiah Pastor hnathawkin a awm a.ka nu Miriam Mitchell hi New york khaw chhuak a ni thung a,nurse nimahsela keimah min buaipui a duh avangin nurse hna a chawlhsan ta ni,unau pianpui ka neih loh avangin khawhar rukna ka nei fo thin.mahsela ka nu leh pain hneh tak leh zo taka min enkawl avangin rual awt leh khawhar takin ka awm loh phah ni berin ka hria.

Ka pianphung lamah chuan han chhuan tur vak ka nei bikin ka hrelo.ka duh aiin ka cher mah mah a,intih thau deuh ka tum pawhin ka hlawhchham thak zel,mahse ka thian thenkhat te chuan model pian ang mai an ti thin.ka mitmu pawl pawh hi ka duh aiin a lian a,ka mit hmul hi hneawm khawpin a sei a ni.a chang chuan ka nu in i mit tan a thalo tiin min cut sak fo a.ka sam chu ka pa fa ngei ka ni tih hriat nan hneawm khawpin a kir chiat bawk a.

Kum17 ka nih in ka pa seilenna khua Toronto-ah,Petterson Presbyterian church ah kan insawn a.kan insawn kual deuh reng thin avang hian hmun hran hranah thian leh thenrual tha tak tak kan ngah tawh hle ni.

Toronto a kan Quater luah bul lawkah chuan kan kohhran mi tho Tomilson chhungkua an awm a.fa mipa pakhat an nei a,pa ber Galden Tomilson chu Toronto University ah professional hna a thawk a,a nupui christina Tomilson chuan Toronto High school-ah music Teacher hna a thawk thung a ni.an fapa Hardy chu kei aiin kum khatin a upa a.kan ina an rawn kal vawikhatna atang an chhungkua te nen chuan kan inpawh nghal em em a ni.

Hardy chu ka mipa hmuh tawh azawngah chuan ala hmeltha berin ka hria,a sangtha a,a chalsam chu tlemin a sam dang ai a zuah sei lek lek a,a awmdan cool lutuk te chu hmeichhe tam takin an atchilh ka ring.

Toronto high school-a chuan Pi christina-i leh Hardy te rualin ka kal thin a.motor seat hnungah ka keimahin ka thu ziah a,Pi christina'in min biak siam siam laiin,Hardy nen thung chuan kan inbe ngai meuh lo.ka luh atang kar khat hnuah chuan hmeichhe tam takin min kawm ngaih phet tumin min bawr huam huam a,thenkhat te chuan min thik lek lek zawkin ka hria.

Hardy-a chu Toronto high school-a basketball captain a ni a,chumai bakah a thiante nen band dinin,drummer a ni a.kan school a hmeichhe tinte chuan an star vek ni maiin ka hria,kei ngei pawhin a ruk in ka star a,mahse ka tilang tur a ni lo.ka nuin "i pasal tur chauh i ngaizawng tur a ni"tia in hrilh kha ka vawng tlat ang.Hardy chu Toronto high school lalfapa a ni ringawt in ka hria.

Music leh zai lampang hi ka naupan lai atang ka ngaina a, nuam ka ti hle bawk.ka luhna school apiangah zaipawlah ka tel ve ziah thin a ni.ka pa thusawi changte hian biak inah te leh kohhran thil tihna velah te pawh ka zai fo a,mi thenkhatin "aw mawi tak leh nalh tak i nei ani,i zai ngaihthlak a nuam lutuk"tiin min fak der ve fo thin.

Ontario-a high school hrang hrang ten zaipawl intihsiak kan neih dawn avangin Pi christina-i chuan ngawr takin hla min zir pui a.Live music a zai vek tur an tih avangin Hardy te band mipa hlir pali te chuan music an rem a,ka ngaihbel nge ka hrelo Hardy-a ka va en apiang mai chuan min lo en ve ziahin ka hria a,ka zam ru thei khawp mai.

Ka pa chu Glenview Presbyterian church ah sunday chawhnu a thusawi tura an sawm avangin zai turin min hruai ve a.chumi ni chuan Tomilson chhungkua te pawhin min rawn tawi awm ve bawk a

Ka zai dawn chiah chu current a awm lo thut a,kei lah mipui hmaah ka ding tawh bawk si a,ka nu te thutna lam ka melh chuan Hardy chu a rawn tho chhuak a,guitar awmna lam chu panin a va la a,ka bulah rawn ding pahin "eng hla nge i sak dawn?"a rawn ti sap a.

Kei lah chuan"isua neih ka duh zawk,rohlu ber aiin"ka lo ti nghal a.

Guitar nen a hangin kan zai a,Hardy chuan part minlo pek sak bawk a,mak tak maiin hla thuah ka chengin,nidanga ka sak thin aiin ka sa fuh hial zawk a ni.

Chumi ni atang chuan Hardy nen kan inpawh em em a,kan inbula thing hnuaia puan phah chungah thu dunin Pathian hla sain kan zai dun fo thin a.Hardy'an "kan band ah lo tel ve rawh"a tih chuan lu thing chungin "ka thei lo,kei nite chu hmun hran hranah kan insawn kual thut zel a,in zinga tel chi ka ni ve lo"ka ti sap a.

Unau neilo ve ve kan nih avangin kan thil tihna apiangah kan inpui tawna,a basketball khelhna jersey te hi kan inah rawn keng lutin kut ngeiin min suktir ve ziah a,"khawlah su ve mai ta che"ka tih chuan "khawl hmanga kawr suk ka duh lo,a chhe duh e mai,su mai mai rawh,samkir hmeichhe thenkhat in ka thawmhnaw suk chakin min dil ngawih ngawih zel a ni aw"nui chunga a tih chuan thinrim takin ka melh hrawk a.

"Samkir tia min ko leh a nih vaih chuan vawikhat mah i kawr ka su tawh lovang"tipahin a kawr ka nuai lai chu ka dah tau nghawng a.

"A nih leh ka tihpalh sam kir hmeltha"tipahin ka ngawngah chuan min ruah kuah hlu hlu a,a awmdan hi a mak thei e.



Link:
BBcode:
HTML:
Hide post links
Show post links

Basta Tlau
Posts: 720
Joined: August 9th, 2016, 9:45 pm

Unread post by Basta Tlau » October 1st, 2016, 3:40 pm

"Hey engthil nge i tih a?"hlauthawng zeta ka tih chuan rang takin min thlah nghal a.

A hmel ka en chuan a inthiamlo hmel khawp mai."minlo sukpui la chuan in inah hla kan zir dawn nia"ka tih chuan phur zetin min insukpui nghal a.

Hardy hian bialnu a neilo tih chiang takin ka hria,mahse a awmdan atang hian star ruk chu nei a ang thin khawp mai.

Zankhat ka room a lehkha kan zir dun a,kan class a inang avangin assignment te kan tilang thin a.
Ka thil ziah laklawh lai tak chuan"samkir hmeltha,ngaihzawng i nei tawh em?"a lehkhabu ken laia min rawn vawm pahin a ti a.

Engtiang pawhin hauin thinrim khum mah ila,samkir hmeltha tia min koh luih reng avangin kan school-ah pawh midangin samkir hmeltha tih hlirin min ko tawh a ni.

Thinrim taka lo melh let pahin"Nei lo,ka pasal tur chiah ka ngaizawng ang"ka lo ti hmak a.

"A nih tunge i pasal tur chu ni a"a kuta biang dawm vang chungin a rawn ti a.

"Ka hre bik lo,pa chauhlo chuan an hre lo ang,nang bialnu i nei ve tawh em?"ka tisap a.

Hardy chuan ngawi deuh vang vangin min rawn en a,"ka neih theih tep ka ring"a ti sap a.a bialnu chu a vanneih ngawt ang.

Lehkhabu min rawn vawmna chu kawk pahin"khatah khan i pasal tura i duh ang mipa chungchang han ziak teh"a tih chuan mak ti taka en pahin"awih awm loh lutuk chutianga inziah tir te chu a fair lo,bakah mihring hi tumah tha famkim kan awmlo"ka ti teh hluai a.

"Ka hria lawm,i pasal duh ang zawng hriat ve ka duh vang alawm,ziak ve mai la"ngenngawl takin a rawn ti a.

Ka note bu pakhata vawm pahin"kha nang pawn i nupui duh ang zawng ziak ve rawh"ka ti a.

Note bu kan inthleng chuan a thil ziah chu ka en vat a"SAMKIR HMELTHA" tih hi hawrawppui in lian zeta a lo inziak ka hmuh chuan thinrin taka melh pahin"i van phakar tak,darkar chanve chhung thil ziak ang deuhin i awm a,keiin ka ziah nasat tehreng nen khawi ka thil ziahna kha minlo pe let rawh ka ziak tha leh dawn"tia note bu laksak ka tum chu hmanhmawh zetin an inlam panin a tlan haw a,ka um ve zel a,a room chhunga a inkalh hnan tlat avangin thinrim taka phun hlak hlakin ka hawsan a.

A tuka kan inhmuh chuan biak pawh ka be duh lo.a awm lohna lam apiangah ka hawi daih zel a.

"Thinrim tawh lo teh,i thinrimna niin tlakpui suh se, tih bible ah pawh a inziah kha"min thlem tum zetin a ti a.

"Ka thinrim atang khan ni a la tla bawk lo"kalsan hlawk hlawkin ka ti a.

A bag chu a hawng a,"kha le i thinrim tawh dawn loh chuan la rawh,i duh leh ka note bu chawp khan i nei dawn nia"nui var var in a rawn ti a.

Lo ban ka tum chiah chu la sawn pahin"nui phawt la,samkir hmeltha"a tih chuan a awmdan a nuihzat thlak zawk em avangin ka tum loh deuhin ka nui hak hak a.

School pawh kum chanve lai kan lo lut tlang ta reng mai.kan school leh Don mills school ten basketball an intihsiak dawn avangin Hardy pawh chuan nasa takin school-ah leh in lamah basketball a practice a.

Kei pawh chu miss Tanya'in cheers group zinga min telh ve avangin phur zetin ka lam ka zir ve a,hmeichhe thenkhatin " Pastor fanu ve si,zak thei lo lutuk,ler hmel ropui si"min ti tawk an awm a.

Ngatinge le, an mahni ang thova hmeichhe pangngai ka ni tih an hrelo emaw ni le?ka pa pastor a nih avang maiin cheers group zingah ka tel theilo tihna mi?

Ka pain"khawvela mi leh sa kan ni a,khawvela kan awm chhung chuan pathian lama midang hruai khawm thei turin an zingah an tihdan angin kan indah lut tur a ni,mahse keimahnia thil tha lo leh kan nun vaw chhe thei thil a lo luh dawn chuan kan inkhar hnan tlat anga,bible chhiara,biakina inkhawmin kan tawngtai tlat tur a ni"tia min zilhna awka ka hriat nawn leh avangin midang min sawiselna pawh chu engvakah mah ka ngailo lui a.

Don mills leh kan school basketball an khel tur chu kan tang ngei mai.cheers kawr ban bul sen leh pawnfen sen,a tlanga a vara tial,kan khup chung deuh kan ha a,kan sam chu kan tawn kak vek bawk a.miss Tanya'in kan hmel hmai te chu min chei sak vek a.

Midang hote chuan mak ti deuh takin min en hrek hrek hlawm a,Lola-i chu ka bula rawn kalpahin"kan school-ah chuan i lo hmeltha ber a nih hi,chhuak ang u"a ti hluai a.Lola-i te nen hian Patterson biak inah kan inkhawm ho thin a ni,hmeichhe ngainatawm tak a ni bawk.

Basketball court chunga kan lut chiah chu"samkir hmeltha"tia au vak ri ka hriatna lampang chu ka va hawi a.

Awi leh engthil nge a hriat le?Hardy chu kan lam panin a rawn tlan phei a,a jersey sen hakte chu midang zawng aiin a inhmeh zualin ka hria.ka bul a rawn thlen chuan ka bengbulah rawn kunin"kan inkhelh chhung zawng ka taksa tina lo tur leh hliam tuar lo turin minlo tawngtaipui rawh aw"a ti sap a.chumipah chuan ka kut hum vang vangin min en a.

Ka mitmeng khap fak chungin"aw aw awle,tehreng mai"ka ti chhuak nghal a.

Kan school lam chu an chak a,Hardy pawh a chetha khawp mai,a taksa ah engmah a inhliamlo bawk a ni,Lalpa ka lawm e,ka tawngtaina i chhan avangin.

Kum tawp a hnaih ve tawh avangin kan school chuan kumtin a lo tih thin angin class tinte chu kan zin dawn a,keini class mi 80 rual te chu Vancouver hmunah zan hnih kan riak dawn a.

Link:
BBcode:
HTML:
Hide post links
Show post links

Basta Tlau
Posts: 720
Joined: August 9th, 2016, 9:45 pm

Unread post by Basta Tlau » October 1st, 2016, 8:43 pm

Ka nu leh pate tel lo in keimahin khawiah mah ka la riak chhuak ngai lova,mahse ka nu ten Hardy chu an rin em avangin Vancouver ah chuan ka kal min phalsak a.

Ka nuin Hardy bulah"engkimah lo buaipui tlat ang che,i awm chuan ka ngaituah lo a ni,amahin hmun hranah kaltir suh aw"thu tak zeta a tih chuan ner nawk chungin"nu kum17 ka nih ve tawh hi,nakumah chuan in hran ka luahsan daih ang che,naupang chhia angin min treat reng bik suh"ka ti hlak hlak a.

Hardy chuan ka scarf senno awrhlai chu min laksak pahin"Nu miriam lo ngaituah suh"tiin ka ban leh a ban chu a tawn dun a."tiang hian ka phuar bet tlat dawn alawm"nui var var pahin a ti a.

Ka pa pawh Los angle lama thusawi tura an sawm avangin Vancouver a kan kal hma ni chuan ka nu nen Los angle lam panin an inkhalh chhuak a.Hardy nen chuan Vancouver a,Granville island leh Stainley park hmuna kal kan chak tawh zia te sawiin sitting chhuat phahah chuan TV en chungin kan bawk dun a,ka nu lah chuan darkar tin min rawn biak a tum lehnghal ninawm hian.

Ka Phone a rawn rik chuan phur zetin ka la a,ka pa number a nih vangin, lehlam atang chuan "tunge aw?he phone number neitu hi i hriat mi a ni em?"a rawn tih chuan mak ti zet leh ringhlel zetin phone chu ka melh a.

Thinrim rilru deuh takin"tunge i nih zawk a?engatinge ka pa phone kha i hman a?"ka ti let a.

Hardy chuan Tv remote kengin a lo hmetsawn a,rangtaka Hardy-a a thut that rual chuan alam ka va hawi a,TV lam chu phawk taka a en avang chuan ka en va nghal a.

Breaking News Pearson in Airport a thlawhna chetsual avangin mi20 velin nunna an chan a,hliam tuar an awm nual bawk.ti a Toronto Local Television chanchinthara an rawn puang chu makti takin ka en ngawih ngawih a.ka nu leh pate puan duma an khuhlai tak chu ka han hmu nghal a.

Hardy chuan ka phone chu rang taka min rawn laksak in a biak chhunzawm a.

Ka ngaihtuahna zawng zawngte chu a chawmawlh vekin ka hria.Hardy'an ka dara rawn sawi nawk nawk pahin"lungngai suh,i tan ka awm reng a nia"a ti zawh chuan Hardy nu leh pate chu an rawn tlan lut ve nghal a.

Mr Galden-a chuan"Debby lokal rawh,motor-ah i chuang ang chu,i pate chanchin chiang zawkin va ngaihven ang u,tunah Regional Hospital lamah an phur mek"a ti a.

Hardy chuan min kuah chhuak nghal a,keimah mai chuan theihna leh thahrui engmah ka nei zo tawh lo.motor-a ka nu leh pate awmna lam kan panlai te chuan ka nu in hlim taka min lo hmuak tur ang tlatin ka ngaihtuah a,ka thin zawn lah chu ana vawng vawngin ka hria.

Regional hospital kan thlen chuan Reporter te,chanchinbu mite leh mipui hrang hrante chu an lo awm khawm a.

Hardy leh anu miriami chuan min kuah chungin hospitala Morgue room chhungah chuan min luhpui a,police te leh doctor lo awmte chuan ka chhungte an nih leh nih tifiah tura zawhna min zawh chuan ka nu leh pa ruang inkara dingin ka tap nghal hawm hawm a.

Ka mit sawlh a,engdang mah ka hre tawh lo.

Ka thil hriat leh hmasak ber chu khum ceiling var hnuaiah ka mu tih a ni.ka lu lah chu a na rum mai a,ka hawikual a,ka khum bawha Hardy muhil ka hmuh chuan makti zetin ka en a.

Hardy samah chuan ka va khawih a,rang zetin a rawn hawichhuak a."i tha em?"min ngaituah hmel zetin a rawn ti nghal a.

"khawiah nge ka awm?Hardy ka nu leh pa bulah khawngaihin min hruai rawh"mittui tla zawih zawih chungin ka ti a.

Hardy chuan ka dara min kuah pahin"debby hahdam takin awm la,chuan i nu leh pa bulah kan kal dawn nia"a ti a.

Khum atanga chhuk thla pahin"tunah ka nu leh pa bulah kal ka duh a ni"ka ti vin that a.

Ka nu leh pa vuina programme kan neih chhung zawng chuan ka bulah Hardy-a chu a awm ve zel a.

Engtin nge ka nu leh pa te tel lovin,he khawvel hi ka hmachhawn tak ang?ka pa lah chuan a sum zatve aia tlem min hnutchhiah a,a dang zawng chu orphanage home tan a lo dah vek mai si a.

Harsa tak leh khawhartak chungin high school chu ka pa unaunu te in atanga ka kal zawm a.ahma zawnga hlim tak leh rilru engthawl tak ni thin Deborah mitchell kha tunah chuan a awm tawh lo.

School ka kal loh chuan inchhungah ka inkhung chawt a,a chang chuan Pathian hi ka dem lek lek zel.engatinge a rawngbawl tura chhuak ka nu leh pa kha an nunna a laksak le?

School lamah pawh thian ka kawm peih lova,Hardy-a leh Lola-i ka bul hnaia a rawn kal pawhin"min kalsan rawh u,keimaha awm ka duh"tiin ka lo vin hrep zel a.

Hardy'an "Debby,lungngai lutuk suh,i kawng zawh tur chu Pathianin a tih fel sak mai ang che,amah chu ring la,aman engkim a tih sak zel ang che"a tih chuan thinrim taka melhin "ka ring reng alawm"ka ti hmak a.

Hardy'an"i tan ka lo tawngtai reng zel ang"a tih chuan engtinmah chhang lovin ka kalsan hmak a.

Sunday pawh ka inkhawm tha peih tawh lo,engkim mai chu ka nu leh pate sulhnu vek a ni a,an mahni ngaiin ka rum vawng vawng fo a,chutia a thinlungna taka awm reng ai chuan inkhawm loh ka thlang ta ni.

High school kum tawp result a chhuak chu ka ti tha lem lo khawp mai.

Ka nu leh pa damlai kha chuan Toronto christian university-ah ka zir zawm ang ka ti thin a,mahse tunah chuan ka rilru puthmang a danglam tawh ni

Link:
BBcode:
HTML:
Hide post links
Show post links

Basta Tlau
Posts: 720
Joined: August 9th, 2016, 9:45 pm

Unread post by Basta Tlau » October 1st, 2016, 10:16 pm

Tunah chuan kum18 ka tling ve tawh a,keimaha ka inenkawl ve a ngai ni.ka patea te hi ka tibuai reng thei tawh lo.

Ka nu seilenna New york lama kal ka rilruk a,ka patea te bula ka sawi chuan an lungawi zan lo tih ka hria,mahsela min dang zo lovang,an ni pawhin Toronto hmuna ka khaw harzia an hria alawm.

New york lama ka kal dawn zan chuan Hardy chuan min rawn hmu a,"debby hmun dangah kal suh,helaiah pawh i zir zawm thei tho alawm"rilru nat hmel taka a tih chuan "helai hmuna ka awm reng chuan rilru na takin ka thi thei takngial dawnin ka hria,Hardy keimaha inenkawl ve tawh angai ni"luhlul zetin ka ti a.

Ka kuta rawn chelh pahin"a nih i kalna tur hmunah chuan ka rawn kal ve ang,engkim kan ti dun leh thin dawn nia,i kiangah ka awm reng ang"a tih chuan makti zetin ka en a.

Vin zetin"i mawl a mi?nangte chuan nu leh pa i la nei alawm,nang nen chuan kan khawvel a dang tawh lutuk,kan awmdun thei tawh lo,chuvangin tunah pawh hian min kalsan nghal rawh"ka ti hmak a.

Ka mittui tla chu min rawn hruksak pahin"kan khawvel hi a danglo,mihring cheng ten kan thlir dan atang kan ngai danglam mai zawk a ni,debby khawngaihin a eng zawngin i nun hi hmang hram rawh"a ti sap a.

"Ka nuna hlawhtlinna ka chhar hunah engkim a pangngai leh vek mai ang"ka ti ngat a.

"He kawvel thil ringawt hi thlir suh,chatuan atana nun i neih theihna isua krista hi tlir la vuan tlat zawk rawh"a rawn ti chat a.

"Hardy inhnial tawhlo teh ang,he khawvela kan awm chhung chuan hlawhtlinna kawng engemaw talin kan zawng ve ngei ngei tur a ni.midang rinchhan lovin"nghet charhin ka ti a.

Hardy chu rawn thaw deuh hak pahin"i thil tih apiangah pathian hre reng ang che,chuan nitin i tan keipawh ka lo tawngtai ziah ang,nangpawn min lo tawngtaipui thin la"tiin min thlah a.

New york a ka kal chu ka nutei Estheri te inah kar khat vel ka chenchilh a,hotel pakhat a khualchhawn hna ka hmuh avangin ka thawhna hotel atanga hla vak lo ah,ka thawhpui Leona-i nen apartment lian vaklo kan inluah tawm a.

Leona-i hi khawvel mi tak a ni a,a nu leh paten kei ang tho in an boralsan tawh a,zan lamah te hian rawn haw loh chang a ngah thei khawp mai.zu nise kan fridge tereuhte ah a dahkhat reng bawk a,mipa hrang hrang hi a rawn hruai lut a,chutiang ang hunah chuan ka room lamah inkalh khumin ka inthiar fihlimsan fo thin.

Thla ruk vel zet chutiang anga kan awmdun hnu chuan zan khat chu Leona'in "inti thawveng ve rawh,ka rualin club-ah lokal ve rawh,zanin chu naktuk kan off ve ve bawk a"tipahin a kawrfual dum chhing zet ban bul chu min haktir nghal a.

Ka tan deuh fe hnu pawn min tur luih reng avang chuan phurlo zetin ka zui ve a.

Club chhung kan lut chiah chu thawm a ring ngei mai.music ri beng cheng tak rual chuan hmeichhia leh mipa ho te chu an su nghawng nghawng a.

Leona'in no an dah tlarna lam min panpui pahin thutna awlah chuan min thut tir a intur sem tupa hnenah chuan "ka thiannu hi rilru hah damdawi kha lo thlit sak rawh"tiin a hmuiah a va fawhsak zeuh a.

Chupa lah chuan duhthaw fahrana lo fawp let pahin an inthlah hnu chuan"tehreng mai,nang berin i sawite chuan,ka hnial ngam nang"tiin glass no ah chuan intur min rawn thlitsak a.

Hotel a ka thawh atang khan zu lampang lem ve zeuh zeuh ka ching a,mahse midang angin ka in hnem ngai lo.no3 vel zet ka in hnu chuan ka luhai tan a.

Mipa pakhat hian ka kawnga rawn kuah chungin"hi Jason ka nia,zanin chu min lampui ve thei angem?"tipahin min kuah tho a.

Midang lamna zingah chuan min kalpui in min lampui nghal a,ka kawngah nghet zeta rawn kuah pahin ka bengbulah te chuan a rawn thaw huam huam a,ui hur ang mai a ni."engtin nge ka koh dawn che hmeltha lalnu?"a rawn tih chuan "debby "ka ti ringawt a.

Rei fe jason nen kan lam dun hnu chuan Leona-i leh mipa pakhat thutna bulah chuan min hruai phei pahin an sirah chuan min thutpui a.

Leona'in mitmeng phi ruaia a mei zuk lai min rawn pek pahin"kha zu ve rawh"a rawn ti a.

Ka rui deuh tawh bawk nen engmah ngaituah lovin ka lo la ve mai a.
Mak tak maiin ka mei zuk atanga minute3 velah chuan Jason chu ka hmu tha tlat a,ka nghawnga a rawn kuahte chuan nuam ka ti em em bawk.

Jason'an min rawn fawh chuan uar takin ka lo chhanglet a.chumai duhtawk lovin a taksa pengtin mai te chu ka chul sak ruai a.

Leona'in "Debby i tha em?in control tum rawh,kan haw tawh dawn mi?mangang hmel taka a rawn tih chuan ka lu ka lo thinsan ringawt a.

Intur jason'an min laksak leh pawh chu rangtakin ka lo tlak nghal a,engmah ka hre zui tawh lo.

Ka harh leh chuan ka lu a na ngut ngut a,min delh rit tu an awm avang chuan ka en vat a,nilo ka duh thei lo,ruak vekin Jason nen khumah kan lo mudun reng mai,ka kap bawrte lah chu a la na thum zui.

Jason pawh chu rawn harhin a zi tuah tuah a,khum atanga thawhsawn ka tum chu a bulah min pawt mu pahin"bawite i nalh lutuk,nang ang renga min tihlim leh nuam taka min siamtu hi ka la tawng ngailo"tiin duhthaw zetin min rawn fawp a.

Lo nemsawn vatin"nilo tiangin ka awm thei lovang"tiin ka tho a,bathroom lamah chuan ruakin ka tlan lut nghal a.ngatinge tianga ka awm?

Link:
BBcode:
HTML:
Hide post links
Show post links

Basta Tlau
Posts: 720
Joined: August 9th, 2016, 9:45 pm

Unread post by Basta Tlau » October 4th, 2016, 10:30 pm

Bath tube a inchiah vang vang chungin ka in ngaihtuah a.ka serh atanga thi rawn chhuak te chu ka rap lek lek a,ka mal bawrte lah chu a na thum mai lehnghal a.

Ka nulat thianghlimna hi ka pasal tan chauh ka hlan ang ka ti fo thin,mahse la tunah engmah ka hriat loh laiin leh ka mipa hriatchian loh tak hnenah ka hlan ta zawk si a.ka inten ngawih ngawih a ni.ka rilru a buai takzet bawk a ni.

Bathroom atang chuan towel ka awma veng chungin ka chhuak a.jason chu khumah thatchhe zetin a lo thu awn duai a.min hmuh ve leh chuan"i tha em?"a rawn ti sap a.

Ka chhang peih thlawt lo,a hmel pawh ka en tha ngam thlawt lo,ka kawr chhuata tla chu ka chhar nghal a.

"Bawihte i tha em?i thinrim mi"ka bana rawn chelh pahin a ti a.

Ka ban thin thlak sawk pahin"engtin nang hian helai hmuna min hruai thei zawk"thinrim zetin ka ti a.ka mittui a tling nghal pam bawk a.

Ka bianga rawn dawm pahin"hahdam rawh,i thiannu khan hruai haw tur che in min ngen a"pangngai takin a ti a.

"chuti si ngatinge kan apartment ah min hruai lova,helaia min hruai min mutpui lehnghal"mittui tla zawih zawih chungin ka ti a.

A awma min kuah bet pahin"min ngaidam rawh,nizana i awmdan angah kha chuan mipa dang pawh an insum thei bik lovang,i vawikhatna a ni ang tih ngaihna reng ka hre lo,zu leh marijuana i tihpawlh avang khan i buai vek alawm"a ti a.

Mak ti zeta en pahin"marijuana ka zu maw?"ka ti ha a.

"i thiannu Leona'in a pek che kha,khata tang khan i pangngai lo a ni"thaw hak chungin ati a.

Leona-i chu a chaklo ngawt ang,amah vangin ka thianghlimna ka hlauh tih a hre ngei tur a ni.

Ka mittui hru pahin"ka haw dawn"ka ti a.

"Ka lo thlah ang che,minlo nghak lawk rawh"tipahin bathroom lam pan a tum a.

"Min thlah a ngailo,hmuh leh che ka duh tawh lo"tipahin ka inha sawk sawk a.

Kawtthlerah chuan rilruna zetin kein ka kal a,ka mal bawrte chu a na ut utin ka hria.Taxi lo tlanlai chu phar in ka chuang nghal a.Jason kha eng ang mi nge a nih ang le?natna thalo tak a vei ngem?a hmel kha hmuh leh pawh ka duh tawhlo.

Kan apartment luah ka tleng chu ka thaw hak a,inchhung ka lut chiah chu Leona-i leh nizana intur min pe tupa kha sofa chungah an lo infawp nghawng nghawng a,an bulah chuan whisky bur ruk leh atak la awm hi an inchhawp bawk a.

Leona'in min hmuh rualin"Oh nangmahin mi i lo haw,nizan chu a nuam em,club neitu sexy zet hun i hman pui thei bik a"nui var var chunga a rawn tih chuan rum zetin ka melh kawk a,ka kut chu ka humruh tang tang a.

Engtin mah chhang let lovin,ka room lamah ka luhsan hmakin,khumah ka bawk thlawp a.

Leona-i hi dem ngawt thei ka ni lo,keimah zawkin ka zir lohvang a ni.
Ka muthilh theih mai loh avangin sitting lamah va chhuakin"muthilh ka duh,khawi maw whisky ka lo in ve"tipahin no a an thlit sa chu ka in pawp pawp a.

Makti hmel taka min en pawh chu ngaihsak lovin,no dang ka inthlit belh a,ka luhai deuh takah chuan pai deuh pahin ka room lamah lutin ka mu nghal a.

Leona'in min rawn sawi harh avang chuan lungnilo zet leh phak deuh takin"enge ka la mu duh,min tibuai suh"ka ti vin hlar a.

"Lo tho teh,Jason ngei a rawn kal a nia,i vannei lutuk,a nupui nen an inthenlai lehnghal,chhuah hauh suh ang che"a ti a.

Jason hming a rawn sawi chuan ka harh kawk a,nupui nei tawh maw?a va mak ve,hetah enge a la rawn tih ngam zawk.ngaidam min rawn dil a tum a ni ngei ang.

"Ka tho peih lo,a hmel pawh hmuh ka duh lo"tipahin ka inkhuh tha a.

Ka puansin chu rawn hlim pahin"ka thianpa nen kan leng dawn ka chhuahsan dawn nia,i rawn chhuah tur thu ka hrilh dawn nia"tipahin a kalsawn nghal a.

Ka va han chhuak awmlo,rei zet ka mu lui ngat a,a awm tawhlo ringin muangchanga tho in ka inbual a,ka riltam avangin thil engemaw ei tumin bathrobe nen sitting room-a ka chhuak a.

Jason-a tuxedo navy suit nena sitting room thutthlenga lo thu ka hmuh chuan ka te deuh that a,a chhuak daih tawh emaw ka ti a.

Min rawn en chuan"min tiphu alawm,engvanga la chhuaklo nge i nih"thinrim takin ka ti a.

Ka chhip atanga ka ke ler thleng mai chuan thlek vang vang pahin"ka rilruah i awm reng a,bawihte nang anga nalh hi ka la tawng ngailo a ni"tipahin a rawn ding a.

"Chutiang thu engtin nge i sawi ngam zawk,i nupui bulah va kal rawh,mipa tenawm tak i ni,mahni nupui kalsana hmeichhe dang mutpui ching ho hi in tenawm,min hmuh tum tawh suh,haw nghal rawh"aw khur dar darin ka ti a.

A ipte zenin cheque a rawn phawrh a"min ngaidam turin ka phut lo che,mahse nizana hun nuam tak min hmanpui avanga lawmthu ka sawina angah min pawm sak dawn nia"tipahin a chhuak nghal a.

A cheque dah ka en chuan ka meng kawk a,a va han tam em em ve,hetiang zatte chu ka kumkhat hlawh ai pawn a tam zawk.ka la ngawt thei lovang.

Pek let tumin kawngkharah ka va umzui a,a motora a tlanchhuak lai ka hmuh hman chiah ringawt a.

Cheque chu ka en vang vang a,hetiang zat a tam pawisa hian ka nula thianghlimna min tih chhiatsak kha a siam tha leh thei angem?a thei lo,he kawvela sum zawng zawng pawhin a siamtha thei tawh lovang,ka rilru a tihnatna te nen phei chuan hei pawh hi a la tlem mah mah a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Basta Tlau
Posts: 720
Joined: August 9th, 2016, 9:45 pm

Unread post by Basta Tlau » October 10th, 2016, 12:35 pm

Hmeichhe tam tak pawhin an virginity an hlauh avangin an mangang vak ngai hleinem,enge ka buai bik ang?rai lohna damdawi ka ei anga,pangngai takin ka nung leh thei ngei ang.

Jason'an pawisa min pek chu uluk takin ka dahtha a,ka college fee tan ka la mamawh dawn chauh si a.

Ka nundan chu a inthlak hlawk a ni berin ka hria,hotel-a kan duty loh chuan Leona-i rualin ka chhuak ziah a,zu,marijuana leh sex mipa hrang hrang te nena kan hman pawh chu ngaiah ka nei tawh a ni ber.Bar-ah te,night club ah te leh kawtthler lamah te nuam tih hmel tak in leng thin mah ila,ka thinlung chhung rilah hian hlimna leh lungawina tak tak ka nei ngai chuang lo a.ka harhfim changin ka lungngaihna a zual zawk ni berin ka hria,chuvangin nasa takin ruih theih thilah ka tuan phah a ni.


Jason nen pawh sex kan hmang dun fo a,a ina riah chang lah ka ngah,ka kawr thenkhat pawh a inah a awm nual mai,pathlawi a ni tawh tih hre mah ila,ka bansan duh chuanglo,a nupui hlui in phone call leh message hmangin min rawn ankhum fo a,chungte pawh chu ka ngai pawimawh hek lo,nupa an nih lai khan inti lungawi tawn sela,an harsatna leh buaina te inhrilh sela an inthen lovang.mahse la,chutiang an ti loh vang aniang an inthen tak ni.

Keimah avanga inthen pawh a ni lova,an inthen hnuah Jason nen kan inkawp chauh a.hmangaih lo mah ila,min ti hlim a,sum leh pai lamah pawh nasa takin min tanpui tel bawk a.Anin min kaltir anih ngawt loh chuan ka kalsan na chhan tur ka hrelo.

Zinga Jason nen kan inbual zo darthlalang hmaa ka din laiin,Hotel a ka hna chu jason'an bansan tura min tih chuan thinrim takin"hna hmuh a harsat tehreng nen,engtin nge ka inchawm anga,ka bansan thei lovang"ka ti hmak a.

Min rawn kuah pahin"keiman ka chawm thei che alawm,mipa dang i awmpui hi nuam ka ti lo a"a ti sap a.

"Min lo zui ru thin a ni maw,ka nunah rawn inrawlh suh"kalsawn pahin ka ti hmak a.

Amah lo mipa dang pawh ka mutpui fo,pawisa ka neihna tur a nih phawt chuan putar,tlangval,naupang ka thliar hran lo.mahse la,engtik lai pawn condom ka pai reng thin a.chutiang hunah chuan condom kan hmang ngei ngei thin a ni.

Jason chuan ka kawnga rawn kuah pahin"thinrim suh,nang hi ka hmeichhe tawn tawh zingah chuan min tihlim thei tu awm chhun i ni a,i hlimna hi ka duh ber,nang hi chan che ka duhlo,i duh ang chuan nung rawh,mahse min kalsan miah suh aw bawihte"a tisap a.

Zan khat chu club atanga kan haw dawn chuan Jason'an "ride mai mai ang" a tih avangin helmet khum lovin a bike in kawlaiah kan inkhalh kual hrep a.

Kawng kawi kan tlan lai tak chuan truck motor nen kan intawk chiah a,jason chuan rang zetin kawng sir lamah a khalh phei nghal a.ka hlau lutuk chu ka te tuar nghal a.Jason'an piah deuh hleka min nam dawrh avang chuan kawnglaiah ka mu thlawrh mai a,ka ban lah chu a thip nghal vawng vawngin ka hria.

Jason lam ka va hawi chuan lu thi hnuangin a lo let reng a.a lamah chuan hmanhmawh takin ka va bawk phei nghal a.harsa tih hmel taka min rawn en pahin a kut a rawn phar chhuak a,rang takin ka lo chelh vat a.

Motor chhunga chuangten min rawn buaipui laite chuan engmah reng ka ngaihtuah tha thei lo.Jason-a kut chu ka chelh tlat a"tuar hram hram rawh aw,nanglo chu he khawvelah thian ka neilo a nia,min kalsan miah suh"a bianga dawm chungin ka ti hlap hlap a.

Harsa tih hmel takin"bawihte,ka hmangaih che,min kalsan suh aw,ka kalna tur hi a van rapthlak ve.min chelh tlat rawh bawihte,a van hreawm tak em,min tanpui hram rawh"mangang hmel takin a rawnti ruai a.
Nghet taka ka kut rawn chelh chungin a thaw hawk hawk a,a awm a insep lawp lawp a,chumi hnu lawk chuan a taksa a rawn zawi nghal vek a.

"Nilo,nilo,keimah mai chuan min kalsan suh"tiin Jason-a taksa chu ka sawi vak vak a,mahse chhan zai reng min rel si a.


Motor lian khalh tutena 911 an call a rawn thlen meuh chuan Jason chu a chatthla fel der tawh a,damdawi inlamah min phur a,Jason-a ruang pawh chu endik turin damdawi inah an la nghal a.

Ka ban an tuam fel hnu chuan Police lam chu an rawn thleng a, eng eng emaw min zawt nghal hrep a,an thu min zawhna te lah chu a ho hle in ka hria.

Jason-a sum pai duh vanga kawpah leh accident pawh hi ka remruatna ang hiala thleng ni awm a,police in a sawi chuan ka thinrim hlur a.

Thinrim taka melh chungin"i mumang thu mai mai rawn sawi chhuak tawh suh,engvanga a sum it viau tura min ngai ve ringawt nge i nih a,bakah keimah avangin accident hi thleng a ni lo"ka ti hmak a.

Jason-a nupui hlui leh jason-a chhungte an rawn thlen chuan thinrim hmel zetin min melh khuih khuih hlawm a.a nuamlo ka ti lutuk chu inthlahrung tak maiin damdawi in corridor a,thutna an dah a fal deuh hlekah chuan ka thu a.

Ka nu leh pain min boralsan ni kha ka hrechhuak zawk a.Hardy kha ka bulah awmlo sela chuan ka intihlum ve duh hialin ka ring.

Jason-a nupui hlui chu ka bulah rawn kalin ka biangah na zetin min rawn beng thuai a."nang hmeichhe lerh kawh lutuk avang hian ka pasal ka chan phah tih i hria em?engvangin nge sum leh pai hi i hminga dah tura i nawr a,a vaiin i nei bik hauh lovang"rum zetin a rawn ti a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)