POWER OF LOVE & ATTRACTION BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

Re: POWER OF LOVE & ATTRACTION BY Basta Tlau

Unread post by Ngaia » October 2nd, 2016, 1:20 pm

Ka kal dawn lo ti ta ila,ka pa rilru tih hah ka hlau si a,party-na hmunah kal ta ila,rilru natna bak ka tawng dawn silo,

"A tlai tawh e mai,kawrhak tur ka nei bawk silo,ka kal..."ka sawi zawh hma chuan Maria'in "chutiang chhuanlam a tlinglo,hei i hak tur pawh Mr santoz'an a rawn keng thlap alawm,lokal rawh ka lo insiampui ang che"tipahin ka room lamah min nawr lut nghal a.

Lucas hmel ka en chuan hmui chip hmakin sofa chungah chuan a thu thla a.

Ka intleuh sawk sawk a,maria'in min incheipui pahin"kan makpa tur nilo hi chu mipa dang rawn leng lut tawh suh se,i pa rilru hah taka awmtir tum suh,nangmah avanga rilru hah taka a awm hi hreawm ka ti tak zet a ni,a bulah hian hlim hmel takin awm lui ve hram hram rawh"a ti hlak hlak a.

Lemchan thiam pawh ka ni lo,bakah zanin hian engthil nge ka tawn ang tih ka hrelo ni,Lucas pa pawh a lokal ve a nih ngat phei chuan a hmel hmuh ka huphurh ru tak zet a ni.

Kawrfual sen ka khup khuh, nghawngzau lam lek lek ka ha a,pheikhawk dum leh sen inpawlh a kaih sang ka bun bawk a,ka sam chu maria'in ka tukkhumah min vial sak a,ka hmai pawh duh aiin a chei nasa mah mah ni.

Zam zetin sitting room-ah ka chhuak a,Tom'an"Sop lokal lawk teh,thla la dun ang,Polytechnic a ka thianten unau kan nih an ringlo a"a lo ti nghal a.

Tom nen kan lak zawk chuan kan chhungkuain kan la leh a, maria'in Mr santoz hi lakpui ve ta che nauva"a tih chuan kan pathumin kan la a,Lucas chu ka darah rawn kuahin arawn kun hniam a,duh aiin kan inhnaih mah mah ni,anilah chuan engmah a la ngaipawimawh loh hmel em em zui.

Cadilac car chhunga Lucas nen kan chhuang lut chiah chu boruak a tangru nghal a,"Monica-i a rawn kal ve dawn em?"ka ti sap a.

"Aw"a rawn ti ringawt a.biak zawm huphurh awm zetin motor kawng hmalam enin a hmui a chip hmak a.

"Engtinge i fa chu i tih dawn?monica-i nen in awmdun theihna chance tha tak a nih hi"hmalam en ngar ngar chungin ka ti a.engtinge min chhan ang le?thaw dep depin ka lo awm a.

"Nia,a dik alawm,ka la inngaihtuah mek nih hi,Monica-i hi chu ka thlahthlam thei vak bik si lova"a rawn ti sap a.

Ka nghing lawihin ka hria,ka thin lah chu a rawn tawt up up lehnghal,ka heh ka pet fan fan ringawt a.

LUCAS(POV)
Ka office kawngka a monica-i leh anu veronica-i rawn lut ka hmuh chuan mak ka ti hle a,helai hmunah hian thil tha a rawn kenglut dawn lo a ni tih chiang takin ka hria,veronica-i hi nu nasa ve tak a ni a,zahna a nei thlawtlo bawk,Armani company lam nen inremna kan nei ngei a,mahse la kan hotelah hian an duh angin an rawn lut chhuak thei ngawt bik lo,a bikin ka office ah lehnghal phei chuan Sophia-i vangin ka insum mai mai zawk a ni.

Monica'in ka fa a pai anga an rawn insawi phei chuan ka nuih a za letting hial zawk,ka sum avangin makpa atan min duh bawk a ni,monica-i nen sex chu kan hmangdun ngei mahse indanna ka hmang ziah,ka fa pai turin henu hi ka duhlo a ni.medical lehkha a rawn ken te chu a lem ngei ani ang tih ka hria,a unaupa an tih tir thei tlat.

Mahsela Sophia-i awmdan hi a dik tlat lo,hemite nufa hian an ti hlauthawng a ni ngei ang,hmeichhe huaisen tak ani tih ka hria,ka pa ngei pawh zam hauh lovin a hmachhawn ngam si a.ngatinge tuna a awmdan hi hmeichhe tihnat sam tak leh derthawng ang taka a awm tak mai le.ka duhlo hetiang hian a awm tur a ni lo,nawhchizuar anga veronica'in a rawn chuan ka thin a tirim hle mai,sophia hmel ka en chuan a kut sei zen thlar leh fai tak a lo humruh dan atang nasa takin a thinrim a ni tih ka hria,mahse hemite hmaah hian hmeichhe in control thei lo anga a awm ka duhpui lo a ni.

Ka lo dan avang chuan thinrim zetin zungbun chu ka kutah dahin a chhuak nghal daih a,veronica-i te nufa vang vek a ni.ka umzui tur chu monica'in min lo dan tumin"khatiang hmeichhia kha ngaiven tlak pawh a nilo"a rawn tih chuan thinrim zetin "nang anga hmeichhe tenawm a ni ve lo" ka ti hrawk a.intercome atang chuan security pakhat bia in Sophia-i chu lo ngaihvena amah umzui nghal turin ka ti a.

Phone ka hmang zo chu veronica'in"Luc khanu khan in inhualna a ti tawp si a,ka fanu hi zungbun dang buntir mai ta che"nuisanga a rawn tih chuan ka thin in a tuar tawh lo"i fanu fa pai hi ka fa a ni ngai lovang,min rawn puh hauh suh u,engtikahmah a kutah zungbun ka bun tir ngai lovang,in nufa a ka pawh sawm hma che u in helai hmun atang hian chhuak ula,vawikhat mah ka hmaah rawn inlan tawh suh ang che u"thinrim zetin ka ti vin hrawk a.

Monica'in ka bana rawn chelh pahin"Luc duhtak,kan pahniha fa ngei alawm,khawngaih takin min ring rawh"mittui nena a rawn tih chuan ka nem sawn dawrh a.
"Tikhan lo thu rawh u,nangni nen hian sawifel tur kan nei"tiin ka chhuahsan nghal a.

Suzy'in lift chhunga ka lut tur chu min rawn umzui pahin"Sir,Sophia-i kha i hmangaih em?a rawn tih chuan ka ding dawt a,chhan mai dan tur ka hrelo,"ka hrelo,mahse ka ngaihtuah takzet a ni"ka ti a.

Suzy'in"hmeichhia ka nihna angin ka hrilh ang che,sophia-i thinlung kha i tina a ni tih ka hria,amaha inngaihtuahna hun pe rawh"a tih chuan ka nghing dawt a,lift-ah ka lut nghal a,a thinlung ka tihna a maw!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:20 pm

POWER OF LOVE AND ATTRACTION-14

Postby Basta Tlau » Wed Sep 28, 2016 11:59 am
Lift atanga ka chhuak chu security pakhat hi ka bulah hmanhmawh zetin a rawn kal a,"sir,miss Sophia chu tunah khan Mr jamie nen an chhuak chiah a ni"a rawn ti a.

Engtin nge an chhuah dun theih zawk,Jamie nen an lo inbe lawk emaw ni dawn le?a ni thei lovang khawi atang mahin an inbe lawk thei lovang.

Thinrim taka kalsan pahin"i hna pawh i thawk tha thei lo a nih chuan bang nghal hmak rawh"ka ti a.

Ka hnuaia thawk dangten mak tih hmel taka min enzui pawh chu ka ngaihsak peih lo,hotel kawngkapui ah dingin ka an kalna tur lam chu ka zawng kual a,jamie car ka hmuh rual chuan chak zetin a lo tlanchhuak hman a.
Jamie-te ang hmeichhe hrang hrang fawr kualpui tur zawng reng reng a,khawsa hian a kut hmawr a ka sophia-i a lo tawk a nih vaih chuan ka tichhe vek ngei ang.

Sophia-i pawh in ngatinge lo hnar nachang a hriat loh le?ka thin a rim hlurin ka hria.

Ka office chhunga ka lut tur chu pawn kawngka bul atang Veronica-i tawngri ka hria a"lungngai suh,engmah a hrechhuak hauh lovang,khatiang in hlauthawng hmel pu vak suh"a ti a.

Monica'in zawi sapin"ani nen te chuan indanna kan hmang ziah alawm,mahse amah hi chan hlen ka duh lo a ni"a tih chuan zawi muangin ka lut a.

An ni dawt thu avangin tunah hian ka Cara-i chu Jamie nen an awmdun mek a,nuam takin helai hmun hi an chhuahsan bik hauh lovang.

Monica-i bana chelh chungin ka pawt tho lawp a"jail-a tan i duh mi?"rum zetin ka ti a.

Veronica'in ka bana rawn phelh tumin"thlah rawh,naupai lai khatin an ti vak ngailo"a rawn ti chul a.

"Dawt sawi tur ringawtin a mi helaiah in rawn kal?in thil sawi zawng zawng kha CCTV hmangin kan record vek a ni tih in hria em?Court-a kal in duh a nih phawt chuan kan kal em em ang"ka ti hrawk a.

Monica-in hlauhthawn hmel taka min melh chungin"Luc,khawngaih in nang nen thian tha kan nih thin kha,ka mualpho i duh lovang tiraw,Luc min tanpui hram rawh"a rawn ti ruai a.

"Nang hi ka thian tha i ni ngai lovang,chuvangin jail bang zut i duh loh chuan min chhuahsan ula,ka hmaah rawn in lan tawh suh ang che u"ka ti hmak a.

Veronica'in mitmeng thip zeta min rawn melh pahin"hlim takin in awm bik hauh lovang"tiin monica-i chu a chhuahpui nghal a.
CCTV ka room chhungah ka dah hauhlo mahse dawt an sawi ngei a ni tih ka hria,miin dawt chiangtak hmanga min bei a nih chuan dawt hmang vekin kan bei let ve tur a ni lawm ni.

Ka phone phawrhin Sophia-i number chu ka dial nghal a,a room lama a phone ri ka hriat chuan ka phei vat a,ngatinge a bag leh thildang zawng zawng kalsana Jamie bula a kal theih zawk le?

Jamie number chu ka dial leh a,mahse a lo reject hmak a,ka tih nawn leh chuan a switch off hmak bawk si.
sophia dawkan chunga thil awm zawng zawng chu thinrim takin chhuatah ka hnawl tla thuai a,ka thawm hria in Suzy chu a rawn lut vat a.sophia-i phone bang vawm nan ka hmang tur chiah chu min rawn dang pahin"Sir khawngaihin in control hram rawh,i ngaihtuahna fim kha hmang la,Sophia-i chuan i duh loh zawng engthil mah a ti hauh lovang tih ka hria"a rawn ti sap a.

Suzy hi ka pa secretary a ni lai atang tawhin ka ngaina em em a,thurawn pawh min pe fo thin a ni.a thurawn min pek hi a rintlak thei hle bawk.

"Jamie nen an chhuak dun asin,engvang in nge lo hnar nachang a hriat loh,a kut hmawra a khawih a nih chuan ka pawt sawm nghal vek ang"thinrim tak chungin ka ti a.

Suzy'in "an intawng fuh mai mai niang,ngai thu tak vak suh"a rawn ti a.

"Nilo,a ni thei lovang,phone a ken loh dan atang hian Jamie'an nasa takin ka Cara-i hi a ngaizawng tih ka hria,a rukin an lo inbia a niang"thinrim takin ka ti a.

Suzy-i chu rawn nui sak in"ka Cara te i han tih,Luc, sophia-i nen in inkara thil awm hi in pahnih a,in haichhuah a ngai ni,chuvangin Sophia-i hi engtin emaw talin a rilru hi fiah rawh,hmangaihna kawngah chuan chutiang tih tul changte chu a awm ve fo ania"dam dapin a ti a.

Suzy-i chu mit zim sana en pahin"mahse chutin ka ti ringawt thei lovang,Ka cara-i chan hlen ka duh lo"ka ti a.

Suzy'in dar san ak pahin"i tih dan dan ni mai"tisapin min kalsan a.

Ka engtihmah a tui tawh lo,sophia-i chu kan inah a kal lova,an mahni in lamah a haw bawk si lo,khawi hmunah nge Jamie hian a kalpui tak ang le?

Huphurh ru ang reng takin Nicolas chu ka phone tawp a,ani hian ka Cara-i a ngaihven tih ka hria,a awmna a lo hriat tak mialin zawh tumin a number chu dial a,Nicolas chuan maktih hmel takin"wow.. A va mak ve,engthil nge ni ta a"a rawn ti nghal a.

"Tunah hian khawnge Jamie awm i hria em?"ka ti vat a.

Rawn nui hak pahin"ngatinge ani chu i ngaihven tak a,kei ai pawn i ngaina lo in ka hre si a"a rawn tih chuan ka thaw hak a.

"A bulah ka Cara-i a awm ni,a awmna chin i hria em?a kut hmawr pawh a lo tawk a nih vaih chuan a chaklo khawp ang"ka ti nghal a.

Nicolas chu rawn thaw hakin"a va mak ve,a in luah tur kha chu ka buaipui turin min ngen si a"a rawn tih chuan ka beng a verh nghal zar a.

"Engmaw buaipui tura a ngen che"ka ti tuar a.

Nicolas chuan"i bulah awm a phei tawhlo niang,indang luah tur zawnpui turin min ngen a ni"a rawn tih chuan ka maimichhing vang vang a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:21 pm

Thinrim takin phone chu ka dah nghal a,sophia thutna chairah chuan ka thu thla hnawk a,ka hriatpuina tel miah lovin min chhuahsan a lo tum reng a maw?ka bula awm chu hreawm a ti viau emaw ni dawn le?

He hmeichhia awmdan hi ka hrethiam lo takzet a ni.in khata kan awmdun a ni tih ka hriat ringawt pawhin ka lungawi hliah hliah a,mahse a hmel ka hmuh a,a kianga ka awmte hian ka mipatna a khawng nghal thei thin a ni.

Hmeichhe dang lakah hetiang hian ka la awm ngailo hrim hrim,dawhkan atanga ka hnawl tlak an chhungkaw thalak chhuta tla chu chharin ka en a"chhungkaw hlim leh awh awm tak chu an ni,mahse Mr Carlos belluci hian a nupui hmasa Sophia-i nu,margareti kha a hmangaih ngailo emaw ni dawn le?ka pa in ka nu nilo hmangaih dang a nei tih ka hria,chunu chu Sophia-i nu a lo ni reng si a,amak teh nuai a ni.ka pa anga hmeichhe hmangaih miah loh neih ai chuan nupui nei lova len tar pawh ka thlang zawk.

Mahse, Sophia-i hi mipa dang nen an han awmdun tur ka ngaihtuah in,ka thinlung chhung hi engtin emaw a rawn tawt up up nghal zel si a,thikna nge,duhna nge,hmangaihna niang le?ka hrethiam bik lo ni.

Ka pa chu huphurh ru takin phone atang ka va bia a.a rik hnu fe ah chuan"engthil nge ni ta?"a rawn ti a.

"Sophia-i nu nen khan sex in hmang dun tawh em?"ka ti nghal a. Pehhel kual vel ka peih lo,ka hriat duh ang tak chu zawh tlang rawt mai ka duh ni.a ngawih vang vang avang chuan sex an lo hmangdun tawh ngei anih ka ring.

"Hmang dun lo,Margaret-i kha hmeichhe invawng tak leh luhlul tak ani a,keiin eng ang pawn thlem mah ila,pasal a neih hma loh chu sex hman a duhlo ni,bawiha Sophia-i khan a chhun hle in ka hria"a rawn ti sap a.

Ka thaw hawk a"i kut hmawr pawhin sophia-i hi lo khawih tum suh ang che,sophia-i nu avangin ka nu i hmangaih ngailo tih ka hria,engtin nge i hmangaih fanu chungah hian ka awm dawn tih ka inngaihtuah mek a ni"ka ti hrawk a.

Ka pa thaw ri hawk chu ka hria,min rawn chhan dan tur hre duh lovin phone chu ka dah zui a.

Ka phone a rawn rik chuan ka en vat a,Sophia-i nuhrawn,Maria-i a lo ni a ka pick up rual chuan"sop chu a rawn thleng deuh chiah ka chau a ti a,a room lamah a lut tlang nghal a"a rawn ti a.

"Tunge rawn thlah,amahin ami a rawn luh a?"ka ti vat a.

"Aw ni e,ngatinge nge a?"maria'in a rawn tih chuan "engmah a ni lo e,ka rawn kal vat ang"tiin kan inbiakna chu ka ti tawp nghal a.

Hotel room pakhat ka haw peih loh changa ka riahna thin,Sophia-i nen kan mut dunna room-ah chuan ka lut a,ka in pakhata sophia-i te chhung an rawn awm atang he room hi ka hmang ngai ta meuh lo,mahse engkim mai chu a indah fel sa thlap a ni,engemaw thut ah sophia-i inthlakna tur pawh ka dah tir bawk a.

Ka inbualzo chu ka unaunu Venessa'in min rawn bia a"zanin kha rawn kal ve ngei ngei ang che u,i nupui hual kha i rawn hruai tel turah ka ngai nia,ka fate pawhin an hmu chak a nia aw"nui hawr hawr chungin a rawn ti a.

Sophia-i te inah chuan dar ruk velah ka va thleng a,anuin kaihthawh a tum chuan"a la hma tho,a chau a nih dawn chu,han chawl hahdam sela,nakinah ka kaitho dawn nia,hei a kawrhak tur leh pheikhawk tur ka rawn keng"tiin maria-i kutah chuan ka pe nghal a.

Carlos chu melh pahin"reilote a falin ka be lawk thei che angem?"ka ti a.

Bu nghat pahin"a tha lawm,helamah inbia ila"tiin room hran deuhah chuan min hruai lut a.

"engthil nge i hriat duh a?"a rawn ti a.

Thaw hawk pahin"ka pa leh Sophia-i nu te inkar hi i hre ve thin em?"ka tisap a.

Mr Carlos chu maimichhing vang vangin"hria e,engkim atir atang ka hriatpui vek alawm,mahse Sophia-i nu in rilru na taka min rawn pan a,inneih pui tura min rawn sawm kha chu mak ka ti khawp mai,a chhan engmah zawt buai lovin ka lo remti ve nghal mai a"a ti zawi sap a.

Sitting room lama tawng thawm kan hriat chuan kan hawiphawk nghal a,Tom-a nilo mipa dang tawngri a ni tlat"ka nula hmeltha-i chu a hman tawh em?"tihri ka hriat chuan Jamie aw ni chiang lutuk,engmah sawi lovin Mr Carlos chu ka chhuahsan nghal a,Jamie-a ngampa taka a hawikual ka hmuh chuan ka thinrim lutuk chuan a kawr awmah ka va rek chawt a.

"Chhuak nghal rawh,helaiah tih tur i nei lo"rum taka melh chungin ka ti a.

"in neitu pawh i ni hleinem min hnawhchhuah theih ngawtna dan i nei biklo"a rawn tih chuan sophia-i pain"ka inchhungah buaina ka duhlo,buaina insiam dawn nih chuan chhuak ve ve rawh u"chiang kelh kawlha a rawn tih chuan ka thlah ve ta hram a.

Sofa chungah chuan inhmazawnin kan thu thla nghal a.

Sofia-i mit nuai chat chata a room atanga a rawn chhuak chu ka mit sirin ka hmu nghal a,engatinge sawtiang kawr ha chunga a rawn chhuah le?amal nalh zet leh a t-shirt lian zet hakte chuan a tilang duhawm hle a ni,chumai ni lovin,a sam tlema pheng deuhte chu a a tilang sexy hle a ni,khuma mutpui zawh hlim hrep ang mai a ni,ka ngaituahna chu duh lovin ka theih tawpin ka inthunun hram hram a.

Jamie'an sophia-i dara va kuah paha mutduh taka a sawi chu ka lungawiloru khawp mai.engthil nge vawiin khan an lo tih ang le?mut a duh hle a ni tih hi engtin nge a lo hriat ve hman zawk.
Ka sa chhuak nghal zak a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:21 pm

Sophia-i hi engtinnge party na hmunah jamie hian a hruai ngam zawk le?ka nupui hual a ni tih a hre ve ngei ang.

Sofia'in ka duhlo tia Jamie a hnialna tawngkam ka hriat chuan lawm rilru takin an kiangah ding chungin Jamie chu ka hau a.
Mr Carlos'an Sofia-i chu party na hmuna a kal ve dawn leh dawn loh a zawh chuan ka lo hlauthawng hman hle a.maria'in a room chhunga insiam tura a hruai luh chuan ka thaw hak a.

Sofia-i insiamzo rawn chhuak chu a lang nalh lutuk a,ka thin a phu dawt dawt nghalin ka hria,an chhungkaw thlalak chu awt ru takin ka en a,maria'in la ve tura min tih chuan rangtakin Sofia-i hnaih thei ang ber turin ka ding lui ngat a,a taksa ka tawk chiah chu a tek deuh chuai chuai in ka hria.

Engmah sawi zui lovin sofia-i nen chuan ka cadillac car chhungah kan thu lut a.

Sophia'in monica-i chungchang a hmui pet chunga rilru nat hmel tak a a rawn sawi chhuah chuan mak ka ti hle a,suzy khan a lo tidik chiah ni,mahsela engvang bera rilruna nge maw a nih dawn le?ka hriatchhuah vat a ngai.monica-i fa pai chu ka fa emaw ala ti zui.

Amah zawk hi nia,ka fa pai mai thei dinhmuna ding zawk chu. Engvanga rai lohna damdawite kha lo lei ngawt nge a nih,ka thaw hak a.

Engtinnge chet ka lak tak ang tih ka inngaituah lai taka zawhna min rawn zawh avang chuan ka inngaihtuah mek thuin ka lo chhang a.

Inngaihtuah buai fe lo ila chuan ka motor khalh hi tidingin motor chhungah hian a duhlo chung pawh nise sex ka hman luihpui tho ang.

Venessa-i te in kan thlen dawn hnaih chuan motor chu a rem laiah ka dintir a,ka kekawr ipte atang zungbun min pek kir bawk kha ka phawrh chhuak,a lo hnial buai hma in a kut chu rangtaka va man sakin ka bun tir leh nghal a"i kut a bungte a nih ngawt loh chuan he zungbun hi phelh hauh suh ang che"ka ti nghal a.

Ka ta dik tak a ni tih he khawvel a ni zawng zawngin an hre thar leh ngei ang.

Makti taka zungbun a en pawh chu ngaisak duh lovin,party-na hmun lam pan chuan motor chu ka khalh zawm lehnghal a.

SOFIA (POV)

Lucas unaunu venessa-i te party buatsaihna hmun Berna a an in zau leh nalh tak chu dar kua dawnah kan thleng a.

Engmah pawh phurna ka nei tawhlo,Lucas lah chuan chhete mahin min rawn ngaihsak si lo,engvanga min rawn hruai talh nge maw a nih le?zungbun ka pek let kha min buntir leh chuan mak ka ti hle a,Monica-i nen an inhual dawn lo maw ni le?

Lucas chuan motor kawngkhar chu min hawnsakin"lokal rawh,lemchan i thiam bawk a,zanin chu midangho hmaah in show leh ila ni mai lawm"ngeiawm zeta tipahin a kut a rawn phar chhuak a.

Ka na zawkin ka hria,Ka awmdan zawng zawng kha lemchan angah a lo ngai char char a maw!amah zawk hi a niang lemchang char char zawk.mipa in hmeichhia vawikhat sex an hmanpui a,a hnua hmeichhe chunga an thinrim emaw lungawi zo leh silo a nih chuan hmusit leh deusawh takin an awm khum thin a ni tih hi a dik hle in ka hria.

Lucas hmel ka en chhoh chuan lungawi hmel zetin ka kuta nghet taka chelh chungin a lo hawi vah mai a.

Partyna in an inchei nalh tak tak te,light an fit kual dan te,pangpar leh plant leh thil chi hrang hrang mai uluk taka an dahte chuan engmah phurna min pe lo a ni.

Tu vak mah hmelhriat ka neih loh avangin Lucas'an a biak apiang maite chu ka lo nuih sang a.

A nupui hual ka ni anga a la sawi lang zel mai chu ka thin a ti ur tlat,inhualna zungbun lang vah maiin ka kut a tilang tawh sa reng si a.

Room pakhata Lucas nu leh pa leh Monica-i te nufa lo awmho ka hmuh chuan mak ka tiru hle mai a.ka mit an la nghal zarin mai.

Lucas'an an lam pana min kalpui lai chuan ka taksa chhung chu a khur deuh dar dar a.engthil nge maw ka chungah hian tih an tum le?monica-i nu zawk Veronica'in mitmeng thip zeta min en pahin Monica-i banah chuan a nghawk zeuh a.

Lucas pa Michael chuan a mitmeng lasawn hauh lovin,chiang takin min lo en reng a.a hmel ka en chian chuan khawhar rukna liantak a nei a ni tih ka hre nghal a,Eng ang pawn hausa mahse a hlim tak tak lo a ni ngei ang.

Lucas nu in"Sophia,Luc i rawn kalpui thei chu ka lawm khawp mai" nui var varin a rawn ti a.

Monica'in tilui tih hriat zeta rawn nui sakin min rawn melh paha"a nupui hual anga a awm chhungte chuan,Luc bula a awm hrih angai alawm tiraw Sophia"a ti ngat a.

Mit zawng zawng chu ka chungah a fuh ni maiin ka hria.engtia chhan tur nge tih pawh ka hrethiam lo.Monica-i leh a nu lah chu an lo la nui sawng zui.Lucas hmel ka en chuan Monica-i ngawt mai chu a lo en char char a.

Kan hnung lama venessa-i hlim tih hriat zeta a rawn tawngri ka hriat chuan ka thaw hak a.min chhanchhuahna awka a ni ringawtin ka hria.

Ka hawi let chu Venessa'in nui sang chungin"Wow kan Model chhelo tak mai pawh a rawn kal thei alawm,nakinah ka fanu i chibai ve ngei a ngai ang"min chibai pahin a ti a.

Lucas lam chu hawi lehin monica-i te nufa thutna chu a mitsir zeuh a"hetiang hi chu ka ngaina lo nia"a tie awrh siam thatsak pahin a ti zawi sap a.

Venessa'in midang ho chibai a tum lai chuan Lucas'an "intur awmna lamah va kal teh ang"tiin min kalpui a tum a.

Lucas pain ka hminga min rawn koh chuan ka phu deuh zuk a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:21 pm

Lucas pa rawn tawng zawh rual chuan Lucas'an min vawnna lai a tinghet zauh chu ka hre nghal a.

Lucas chuan"ka pa,ka Cara-i hi a dang a ro vek tawh a,intur awmna lamah kan va kalpui zawk ange"tiin min kalsawn pui nghal a.

Venessa'in"awi leh ka Cara tiin a ko tawh nia,a va mak e"a tih hluai ri chu ka hria a.

Lucas-a en chho zauh pahin"ka lawm e"ka tisap a.

"Engvangin maw?"zawi sapa min en chhuk ran chunga a rawn tih chuan "engkim avang in,bakah an bulah khan awm chakna ka nei rih lo a"ka tisap a.

Lucas'an intur awmna lam min panpui lai chuan hmeichhe pakhat hi kan bulah rawn kal pahin"Oh Luc darling,kan inhmuh lohna a va rei ta ve,zanin chu kan pahnihin hun kan hmang dun thei ang tiraw"a hmui taka rawn fawp pahin a ti a.ka lo ip chawihin ka hria,Lucas-a bulah ka awm ve tih hrelo ang hmiahin a la awm zui.Eng hmeichhia nge maw a nih tehhrep le?

Ka intur thei tui lak pahin Lucas-a chhan let dan tur chu thaw dep dep chungin ka lo ngaichang a.

Lucas'an"tehreng mai,zaninte chu nuam takin kan hmang ang chu,i va han ngaihawm ve,khawi hmunah nge maw i awm bo char char le?"a tih ri ka hriat chuan ka zawi hnawkin ka hria,ka luak an tichhuak hluah hlauh bawk.

Hmeichhia chuan min rawn hmu thar thut niawm takin"helai nula hi i rawn kalpui a mi?"a tih chuan melh pawh ka melh peih lo.

Lucas'an "nia kan rawn kal dun alawm,sophia Belluci nih hi"ka lam rawn hawi pahin"Tina santiago,ka thian tha tak a nih hi"a tih rualin chunu lam chu a hawi lehnghal a"lokal rawh ka bulah lo thu rawh"tiin ngaihsak hmel zetin kan thutna bulah chuan a pawt thu nghal a.

Hlimdun hmel zetin eng engemw an sawi a,an bulah ka awm ve tih reng an hrelo,Venessa'in thil a rawn sawite chu mumal takin engmah ka hre lo.ka bula Lucas leh Tina awmdan chuan ka mit an tikham dun tlat.

Music a rawn rik rual chuan Tina'in "i lam dun ang hmiang,hmanlai thil te kha a ngaihawm alawm"tiin Lucas banah chuan a kai a.

A dera min rawn ve tal awm,a nupui hual ka nihna angin,mahse chutiang thil engmah a thleng si lo.

Lucas leh Tina inkai chunga lamna hmun an pan chu rilru hnual zetin ka melh zeuh ringawt a.intur buaipui tu hnenah chuan "intur dang minlo pek belh teh,tlema strong deuh kha"ka ti a.

A thil intur min rawn pek chu a tuilo tak zet ka vawikhat lemna ah ka ner nawk a,han chhak chhuah leh maina tur hmun a awm bawk silo.ka hawikual a Nicolas leh hmeichhe pakhat ka lam pana rawn kal hi ka hmu a,Nicolas chu a rawn nuisang nghal a.

Nicolas'an"Oh sophia hetah ni maw i lo awm,Luc chu Tina nen an in hmuh leh meuh chuan a hlim hmel hle mai"a rawn ti ham ham a.

Ka bula a kalpuinu nen an rawn thut rual chuan a rim atang a lem ve nual tawh a nih ka ring.

A kalpuinu lah chuan "Sophia ka hmu thei che chu ka van lawm,Luc hian rilru natna bak a thlen lovang che,rilru na tur atan chu i uihawm mah mah ni,mahse lungngai suh Luc nilo mipa dang an tam alawm"nui var var chungin a rawn ti a.

Nicolas'an "melani khatin midang chanchin an sawi vak ngailo,Sophia engatan mah ngai suh"tiin ka kutah a rawn vuan a.

Lucas leh Tina lamdun chu ka va melh zauh a engemaw sawia nuidun in an lo inkuah chial a,engmah ngaituah lovin ka thil ken lai chu ka in pawp a"ouch a va han tuilo"ka lem zawh chuan hmel ner nawngin ka ti a.ka lu a rawn hai nghal in ka hria.

Nicolas'an nui hawk hawk chungin"in rawh a ho lutuk,nakinah chuan ngaiah i nei mai ang"a ti a.a bula hmeichhia pawh chuan mak tih hmel taka min en pahin"i in ngai nange a,kha lemon tui hi lem tel rawh"tiin min rawn pe a.

Nicolas'an a bula hmeichhe thu chu en pahin"melani,Sophia-i hi kan lampui ve lawk ang nge aw,dam man a awm ve deuh ang chu"tipahin"sophia lokal rawh,i lamdun ang"tiin min kaitho nghal a.

"Hetiangah ka la lam ngailo sin"ka ti tawk tawk a.

Lam dangho zinga min dinpui pahin ka kawngah nghet zetin a rawn chelh nghal a,"ka insawi rualin lo insawi ve zel tawp mai rawh,enteh hawisawn lo la,tunah tak hian Lucas'an thinrim hmel takin min rawn en nia,Tina-i a lampui ve reng tho sia,engatan mah ngai miah suh"ka bengbulah a rawn ti sap a.

Min vir pui rual chuan Lucas te lam chu ka melh zauh a,mitmeng dur khukin hmel chang rutin minlo en kur tih ka hmu a.ka thin a phu dut dutin ka hria.

"Nakinah ka lampui ve duh a nia aw,nangmah chauha pumbilh tumlo la"Jamie aw ri ka hriat chuan ka en vat a.kan bul lawkah hmeichhe pakhat lampui pahin nui var var chungin a rawn siai zauh a.

Nicolas'an nui hak pahin"ka theih chhung chu ka pumbilh dawn,lo inthiar fihlim rih rawh"a tisap a.

Jamie chuan "a teuh lo,kan nula hmelthai lak atanga inthiar fihlim thak hi ka tum dawn lo hrim hrim"tipahin a lampuinu chu lungawi hmel takin a kuah lehnghal a.

Nicolas'an "jamie nen vawiin khan in awmdun a mi?"a rawn tih chuan mak ti takin ka melh a.engtin nge a lo hriat theih zawk.

"Min lo zui ru a ni maw?"lungawilo takin ka ti a.

Nui hak pahin"Luc'an min rawn hrilh a,chuan In luahtur i zawng thu leh in buaipui a nih ka rin thu ka lo sawi a,a pawi em"inthlahrun hmel takin a ti a.

"Oh i lo hrilh a maw,ngatinge a?"mak ti zetin ka ti a.
Ka thaw hak a

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 2nd, 2016, 1:21 pm

POWER OF LOVE AND ATTRACTION-15


Postby Basta Tlau » Thu Sep 29, 2016 6:44 pm
Lucas te lam dun lai chu ka va melh leh zeuh a,a hmel chang fak maite chuan ka tiril a ti khur thei hialin ka hria.

Nicolas chu ka bengbulah rawn kunin "Vawin khan Luc'an mangang hmel takin i awmna min rawn zawt a,Jamie lakah pawh a thinrim hmel khawp mai,a thinrimna Tina-i sawn a tihreh sak thei lo a nih hmel"a rawn ti a.

Ka lu a rawn hai deuh muai muai a,ka luak thei mai dawna ka hriat avangin Nicolas bulah chuan "inthiarna lamah ka va kal lawk ange"ka ti a.

Nicolas'an "i tha maw?ka lo kalpui ang che,sophia i hmel a buai vek ania"a tih chuan ka lu leh kut thing pahin kawngka awmna lam ka hmuh hmasak berah chuan hmanhmawh takin ka tlan chhuak nghal a.

Pawn lam mi awm vak lnhna lai a ni hlauh mai.
Mittui tling piau chungin ka hawikual vak vak a.ka bana na zeta minlo hmertu an awm avang chuan mangang takin ka en a.

Lucas chu mitmeng rum zet leh engmah pawisak neilo hmel takin min rawn en chhuk run a.

A hmel ka hmuh hian ka luak a tichhuak lehzualin ka hria.ka pum chhung atang chuan a rawn in pump zawt zawt a,ka kut a chelh lohna lam zawk chuan ka ka hup chhungin lehlam ka hawi nghal a.

"I tha em?tipahin a lamah hnehsawh takin min kuaiher a.

Uuaakkk,a suit hak ah tak mai chuan ka pik puat mai a.

Ka harh hawkin ka hria,Lucas hmel ka en chuan a hmui ner pahin thinrim hmel takin min lo melh chhuk kur a."Engvanga whisky in ve ngawt nge i nih a,chhaw leh lutuk mahni pawh inenkawl zo lo lehnghal"a rawn ti hrawk a.
Engvanga thinrim reng nge maw a nih le?ninawm lutuk.

"Lo buai duh suh,i duh leh va lam leh rawh"ka ti sap a.

Pawna waiter pakhat lokal chu au dingin tui bottle la turin a hrilh nghal a.

Hmanhmawh takin bottle chu an rawn la a.ka inphihfai puat puat a,tlem chuan ka harh deuhin ka hria.

Pen thawm ka hriat rual chuan ka hawichhuak a.kan lam pana Nicolas leh Tina-i rawn kal chu ka hmu nghal a.

Lucas hmel ka en chuan phun bul bul chungin a lo intuaifai ve a.

Nicolas'an"Sophia i tha em?kha hei hi in rawh"tiin a thil kenlai chu min rawn pe a.

Lucas chuan min lo lak khalh vatin"Nicolas,henu hi chuan tiang thil hi a awmzia a hre ve lo tih hre ta che"a ti hmak a.

Tina-i zawk chu rawn tawngin"Luc,i va inti huh nasa ve,ngatinge?"ner sawng chungin a ti a.

Inthiamlo ru takin hnuai lam ka lo melh daih a.

Lucas'an "henu vang vek hi alawm,ka hawsan rih phawt ang che u"tiin ka banah a rawn chelh a.

Ngatinge Tina sangtiago bulah hian a nupui hual anga min sawi a hreh tak em em le?chumai a la nilo,min hmusit zia leh min ngaihpawimawh loh zia ka hre chiang leh zual a ni.

Min vawnna chu ka thei tawpa lo thing thla pahin"i duh leh nangmahin va hawng rawh,min hruai haw ve kher tum suh"ka ti hmak a.

Nicolas lam hawi pahin"nakinah i rualin..."ka sawi zawh hma chuan Lucas'an hnehsawh zeta min pawm kan lawp avang chuan ka te that a.

Tina-i leh Nicolas'an mak ti zeta min lo en chu ngaipawimawh duh bik lovin,a samah ka theih ang angin ka kek bawrh bawrh a."min thlah rawh,mi tenawmpa hetiang tihluihna hmang hian a mi hmeichhe buan chak lo zawkte i thu hnuaiah i dah thin"thinrim takin ka ti hlak hlak a.

"Hmeichhia hi vawikhat mah ka la tilui ngailo,an duhna ngeiin min thlem zawk thin"a rawn ti hrawk a.

Motor kawng kan thlen taxi lo tlan chu min pawm reng chungin a au ding a.ngatinge le motor a keng ve reng si a?makti zeta ka en lai chuan motor seat-ah chuan min nghat thla chawrh a.

Rawn thu lut ve nghalin ka tlanchhuah hlau niawm takin a malin sek tha tak leh sei zet chuan ka mal a rawn khan nghal a.
A rawn chet danin min tih phu nasat lutuk avang chuan ka te that a.ka mur sung sung nghalin ka hria.

Driver chu kan kalna tur Address hrilh pahin a coat haklai chuan ning hmel zeta phelhin a thutna sirah chuan a dah thla a.

Chumai duhtawk lovin a kamiz haklai kawrkilh chu a phelh sawk sawk a.ka taksa zawng zawng mai chu a sa chhuak vekin ka hria.

Tukverh lam hawiin ka biang sa lutuk chu ka dawm a.

"i tha em?"aw thum zeta a rawn tih chuan amah pawh en lovin "aw"ka ti ringawt a.

"Thei tui chiah in ve mai tur che alawm"a rawn ti zawi sap a.

Chhang tura alam ka va hawi chuan a kamiz pawh chu a sirah dahin tawnzau var nen chauh a lo awm a,a awm pharh tha zet te,a dar hlai hlap mai ka hmuh chuan ka chil ka lem khawlh a,ka buai chhe leh nghal der.

A thil min zawh pawh ka hre hleithei tawh lo.a dul thep zaih mai chu ka en leh a,awi leh a mal inkara miin a kekawr haklai a rawn tawn chhoh ka hmuh chuan ka thluak a chawl vek ni berin,ka chil chu harsa ti zeta lem chungin Lucas mitmeng chu ka en a.

A pan lo phar duaiin ka awm zawn melh vang vang chungin a lo nui suk a.

Ka awm zawn a melh tih ka hriat ringawt chuan mak tak maiin ka hnute hmur chu a lo tang nghal zawt a.nilo,nilo,hetiangin ka awm tur a nilo.

Ka awmdan chu duhlo zetin hmalam hawi pahin ka lu ka thing nak nak a.

Lucas'an ka bengbula rawn thaw ham ham pahin"tanpui i ngai em?"ril zeta rawn tipahin a kut chuan ka dulah a rawn chul riak riak a.

Ka che sawn thei tawh hauhlo mai,hepa hian ka ngaihtuahna zawng zawngte nen lam min laksak a tum emaw ni le?

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)