POWER OF LOVE & ATTRACTION BY Basta Tlau

Ngaia
Site Admin
Posts: 25813
Joined: April 30th, 2016, 4:07 pm

Re: POWER OF LOVE & ATTRACTION BY Basta Tlau

Unread post by Ngaia » October 9th, 2016, 5:04 pm

Ka awm nghengin a rawn bei nghal thlawp a,a hmel ka en chuan fawh nawk nawk ka chak takzet.


Kei hian hmeichhia engmah hrelo a awm ka it a maw?hmeichhe muhil laiin min tiphur thei a ni tih ka hriat vawikhatna,ka Cara-i hi chu a lo danglam takzet a nih hi,engtiang pawn awm sela ka ngaihtuahna a tibuai thei vek a nih dawn hi.

A room chhungah pawm lutin khumah ka muttir a,ka hming a rawn lam chuan a harh emaw tiin a hmel ka en vat a,ka hming a rawn lam nawn leh chuan a tawngvai a ni tih ka hre nghal a.

Ehe nizan khan a khuasik kha nia,vawt ti takin a khur a,tunah hian a la dam thalo emaw ni le?a damlo laia hmangaihna ka chenpui avang khan a dam phah zawk tihna niang a.

Ka sleeping beuty hian a mumang lamah minlo hmu ve a ni ngei ang,ka nui sak a,puan sin that tirin a pang ka dep a,engmah khawsik a awm lo hlauh e,a chalah dimte a fawpin ka chhuahsan a.

Ka chhuahsan vat loh chuan a muhil lai pawh nise hmangaihna ka chenpui thei takngial dawn a ni.

Ka room lamah pheiin tui vawtah ka inchiah vang vang a.ka lu pawng pawh a zia deuh tawh,na lutuk lo mahse ka cara'in tlemte tala min ngaihsak ve ka duh avangin na awm ang taka ka la awm angai.

Week day a ni hlauh a,kan vanneih ngawt mai.ka Cara-i pa chu ka bia a,ka in lama kan awmthu leh a room-a a muthilh thu ka hrilh a,mr Carlos pawh hi tunah chuan engmah ka la hrilh thei rihlo,kan hotel pakhat sophia-i hminga ka pain a dah a ni tih hi,ka pain tul a tih hunah a hrilh ve mai ang,kei in ka lo hrilh thawt thawt a nih chuan buaina ka siam palh ang.

Kan inbiak zawh hnu chuan in vel khalh thain ka room lamah muthilh tumin ka lut leh nghal a.

Rangtaka chhuak in Ka Cara-i bulah ngei mai chuan amah kuahin ka muhil ve nghal a.

SOPHIA(POV)

Ka awm zawna min delh rittu a awm avang chuan ka mengchhuak riai riai a,ka bula Lucas-a tui taka a muhil ka hmuh chuan ka mengkawk a,makti zeta ka en chuan ka hnute zawnah tak a kutphah a lo dah reng a.

Kawr ka la ha thlap a ni tih ka hriat chuan ka thaw deuh hak a,a lu ka vuakna lai kha enge a an ang le?

A lu en tumin ka va bawk phei a,tlem chuan a zia deuh tawh,a khua tisik ngem aw?a chal ka dep a,a hmel ka en chuan a hmelthain a lang naupang lehzual hle in ka hria,a mitah chuan dimtein ka khawisak a,a hnar ngul nalh takah zutin a hmui sexy zet chu ka khawihsak niap niap a.

A hmui ka khawih lai tak chuan a ka rawn angin ka kuttang pahnih chu na vaklo hian a rawn seh thut a.

Ka phu nasa lutuk,engtik laiin nge a harh ang le?thawh tuma ka inbengkan lai tak chuan"ka lu na"zawi deuh taka a rawn tih avangin a bulah ka tawlhphei nghal vat a.

A maimichhing tlat bawk si a,ka vuakna avang khan a rilru buai emaw ni dawn le?chuvang ni ngei ang a room lamah mu lovin ka khuma a rawn mut ve.

Mangang zeta a dara sawi pahin"hey Lucas meng teh min hria em?rawn meng lawk teh"ka ti nghal a.

A rawn la meng chuang lo,a lu chu ka malchungah dahin a biangah na vak lovin ka beng thek thek a."harh teh,engtin nge i awm? Min hria em?ka ti chul a.

A rawn meng riai riai ka hmuh chuan ka thaw deuh hak a."Cara"zawitea rawn tipahin a maimichhing lehnghal a.
Min la hria,ka van lawm tak,mahse ngatinge a men that theih loh le?

"Ka ril a tam lutuk"a rawn tih chuan ka malchunga a lu chu dahthlaksak pahin"eitur kan siamsak ang che"ka ti a.

Ka thochhuak tur chu ka kawngah rawn chelh pahin"khawiah mah min kalsan suh"tipahin a bulah chuan min kuah thlu nghal a.

Ka hmuia duhthaw zeta a rawn fawh chuan ka mengkawk a,awi hepa tak hi chu aw,ka rilru a tibuai takzet a ni.

Ka hmuia fawp pahin ka chungah a rawn bawk a,a kut chuan ka taksa te chu a chul kual reng bawk a.

Aw khur deuh dar dar chungin"min thlah rawh"ka ti tham tiak a,ngatinge hepa lak atang hian talchhuah ahar em em le.

Ka tawng ngaipawimawh lo zeta min fawh zawm reng avang chuan rum hak pahin ka lo fawp let a,chutia ka chhanglet chiah chu a hma aia uar zawkin min rawn fawp bawrh bawrh a.

Ka kawr chhunga a kut dah lutin ka hnute chu a hrawm nawk nawk a,a lu kun hniama ka hnute a fawp chiah chu rum hawk pahin a sam ah ka lo tham nghal a,a ke pakhat hmangin ka kekawr haklai kawng chu ka mal lamah a tlawh thla a.

"Ka ta i ni,ka ta liau liau i ni sophia,tuman ka lak atang an lasawn thei lovang che"ti tham tiak pahin a kekawrhak chu a pawt thla nghal a,hmanhmawh hmel zetin ka chhungah a rawn lut nghal a.

Rum ham ham chunga chau zeta thlan nena,kan inkuah chial hnu reilote ah chuan ka ngaihtuahna pawh a rawn fim tan a.

Lucas-a ka sira rawn let thla paha min rawn kuah a tum chu lo tawlhsawn nghal vatin"i room lamah va phei tawh rawh"ka ti hmak a.

Ka dara rawn man betin"engatinge tianga i awm?"a ti hrawk a.

"Ka mimal nunah rawn inrawlh tum suh,keipawh i nundan leh awmdanah ka buai bik lo,va phei tawh rawh"ka ti leh ngat a.

Thinrim zeta ka khum atanga tho chhuak pahin"inhual lai kan ni tih hria la,khawiahmah kalbo tum suh ang che,phuar beh i duh loh chuan"tipahin kawngka chu a khar ri thuai a.

Khuma mu vang vang chungin ka inngaihtuah a,ngatinge hepa hian a nawmsip bawlna atana kei kher min thlan le.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:08 pm

POWER OF LOVE AND ATTRACTION-18


Postby Basta Tlau » Tue Oct 04, 2016 10:45 am
Lucas'an ka room atang min chhuahsan hnu minute sawm velah ka room kawngka rawn kik ri ka hriat rual chuan ka inperh tho nghal a.

"Ka rawn lut thei angem?"Lucas-a tawng ri ka hriat chuan ka thaw deuh hak a.

"Aw,lo lut rawh"khuma la thu reng chungin ka ti a,enge a rawn tih leh dawn le?ka puansin lai chuan ka inkhuh tha sauh sauh bawk a.

Inthlahrun hmel taka Lucas-a rawn lut ka hmuh rual chuan mak ka ti zawk,hetiang hian a la awm ngai si lo va.

"Barbera winery hmunah kal ang"a ti sap a.

Barbera-ah Wine siamna an nei tih ka hria."engthil nge kan va tih dawn a?"ka lo ti nghal a.hna chungchangah nge ni a,thildang vang zawk tih hriat ka duh vang a ni.

"Kan in date dawn"pangngai zetin a ti a.

Ka nuih a zat em avang chuan chhang mai lovin ka nui hak hak a,winery hmuna in date te chu a.

A hmel ka en chuan mitmeng zim san in inkuangkuah chunga makti hmel taka min lo en reng a.

"Kan inhual vek tawh hnua in date leh te chu a"nuisang chungin ka ti a.

"Nih kan lengkual mai mai angah i duh leh i ngai dawn nia,lo insiam rawh,darkar chanve hnuah kan chhuak dawn nia,zan kan riak nghal bawk ang"tipahin a chhuak nghal vut a.

Ka insiam lai chuan a phone a rawn ri a.ehe nizana ka chhuah atang khan ka ka chhungte tumah ka la be miah lo.

Phone ka lak rual chuan ka pa in"tunah inah rawn haw rawh,nangmahin taxi rawn hmang la,hmanhmawh ang che"tiin a dah zui hmak a.

Ngati teh thut nge le?ka chungah a lungawilo ni ngei ang,min rawn biak dan atang kha chuan a thinrim leh rim loh engmah a hriat bawk si loh va,a damtha lo maw ni dawn le?

Ka room atang chhuakin Lucas chu hmu turin a room ka kik a.

Lut tura min tihpahin kawngka min rawn hawnsak a.min hmuh rual chuan"ka rin ai i inpeih hma,i nalh lutuk"nui var varin a min en chungin a ti.

Min rawn kuah rual chuan"ka pa in, ina haw turin min ti a,Barbera lamah chuan ka rawn kal thei dawn lo"ka ti nghal a.

"A pawilo,nidangah kan la kal dun dawn nia,ka lo hruai haw ang che"a ti a.

"Keimahin ka va haw ang,min thlah duh suh,i lu kha a la na bawk si,awm hahdam zawk rawh,ka thlen ve leh ka rawn phone ang che"ka tih chuan a hnar tum datin"nangmahin khawiah mah i kal hauh lovang"tiin ka kutah a rawn chelh a.

Mangang zetin"ni lo,Lucas min hruai thei lovang,ka pain keimaha haw turin min ti a ni"ka ti nghal ruai a.

Ngaihdan ni loh hmel zetin min en vang vang a,"hreptak chuan engthil nge maw a hriat le"tiin a lamah min pawt hnai dawrh a,ka kawnga nghet zeta a kut pakhata kuahin ,a kut lehlam chuan ka luah a chelh a,ka hmuiah duhthaw zetin a rawn fawp nghal pawp a,thawchham lek lek a min thlah hnu chuan ka bianga dawm pahin"min kalsan theih tawh lohna turin ka la siam thuai ang che"a ti sap a.

A taksa nalh tak leh pa hrak mai ka hi engtiklai pawha chelh reng ka duh,a kianga awm ka thahlel a,mahsela ka nu boral dan ka ngaituah apiangin Lucas te pafa hi ka haw tak zet,apa in ka nu a tina a,a fapa lehzelin kei hi hmanrua atan leh nawmsip bawl nan mai min hmang a,natna bak an pafa in min thlen lovang tih ka hria.

Taxi a ka chuang tur chu Lucas chuan ka bianga fawp pahin"min rawn phone loh chuan zan inah ka rawn luhkhung ang che"thu tak zetin a ti a.

Kan in kawta motor pathum inhung ka hmuh rual chuan 'tute nge maw ni dawn le'ka ti rilru a.

Inchhung ka lut chiah chu makti zetin ka enkual hlawm a.ka chhungte leh monica-i te nufa hian engemaw an tih le?

Monica-i te nufa hian engtinge kan in awmna an hriat theih zawk.thinrim hmel em em in minlo la endun zui.

Ka pa in a hmaa lehkha inpharh chu kawk pahin"tah hian i hming lo sign rawh,i hna atang i bang nghal ang"a ti hmak a.

Ka pa bula va ding pahin"pa kan eizawnna leh nangma enkawl nan hna ka thawh angai lawm,ka bang ringawt thei lovang"ka ti a.

Ka pa chuan mitmeng dur khuk a min en pahin"thil tenawmtak i tih ai chuan thih pawh ka thlang zawk,tuna i hna hi i thawh chhunzawm a nih chuan ka fanu i nihna hi ka thai bo nghal ang"thinrim hmel takin a ti a.

Eng thil tenawm nge a sawi le?monica-i te lam ka va hawi chuan veronica'in"an pahnih pawhin kan hrilh tawh mahse engmah awmzia a awmlo"mitmeng verther zetin a rawn ti a.

Veronica-i en pahin"eng chungchang nge i sawi a,kan inah hian engmah tih tur in neilo"thinrim takin ka ti a.

Maria'in"sop,inbengdai rawh,Lucas nen in inhualna hi i tih tawp vat a ngai,miss Armani hian Lucas fa a pai a ni"a ti sap a.

Monica-i chu en pahin"tenawm leh lutuk,engvang..."ka tih rual chuan ka biang a rawn ri thuai a.

Ka biang dawm chungin makti zetin ka pa chu ka en a,kut min thlak a maw?chupawh Monica-i te nufa hmaah lehnghal,vawikhat mah kut thlakin min la hau ngai si lova.

Aw khur hlawk hlawk chungin "he lehkha ah hian i hming sign nghal rawh"a ti vin tuar a.

Veronica'in "chanchin kan inhrilh leh dawn nia"ka pa bula tipahin an nufa chuan an chhuak a.

Maria'in inbengdai tura ka pa thlem chuan "lo inrawlh suh,i duh duh danin i khawsa tawh hauh lovang,sign vat rawh"a ti hmak a.

Ka phone phawrh pahin"Lucas-a hnenah thil awmzia kan hrilh ve phawt ang"ka tih rual chuan ka biangah min rawn beng nawn leh a

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:08 pm

"A hming lamri tawh suh,biak pawh a ngai tawh lo,monica-i khan afa a pai tih hre reng chungin envanga a bula la awm nge i nih,hmeichhe khawlo tak i ni"a ti a.

Ka pa ngeiin kawlo min ti a maw!ka rilru a na takzet,ka bianga min benna ai pawhin ka thinlung hi a na zawk a ni.

"Ngatinge mr santoz hmu tura min tih,min tir lo ula chuan hetiang thil hi a thleng hauh lovang"aw khur dar darin ka ti a.

Ka pa chu sofa a thu thla hnawk pahin"ka lo tisual reng a ni,siamthat leh ngei ka tum bawk ang,insiam rawh Naples-ah i ni kiangah hun engemaw chen chu i awm rih dawn nia,mr santoz pawh i be tawh tur a ni lo"a ti a.

Engthil nge tisual anga a inngaih le? "Naples ah ka awm peih lo"ka ti hmak a.

Tom-a lah chuan"Pa,hmundangah kaltir tawh suh,kan awmho khat em hi"zawi sapin a rawn ti a.

Ka pain rum zeta melh pahin"a tana tha tur a nih chuan ka kalbo tir zel ang,margareti duhthusam thleng se ka duhpui avangin hetiang hian khawlo takin a awm a ni a,mahse la ka siamtha leh ngei tur a ni,Naples ah chuan i kal ngei ang"tipahin maria-i chu a melh a"a thawmhnaw lo va khung sak rawh,zaninah kan vaiin kan kal nghal ang,va insiam rawh u"nghet charhin a ti a.Tom leh maria-i chu room lamah an lut nghal a.

"Enge ka nu duhthusam chu ni a"ka pa en chungin ka ti a.

"Chutiang buaina tham a ni lo,Naples a kal tur chuan i rilru siam la,vawikhat mah Mr santoz pawh be tawh suh,i number thlak nghal ang che,a rawn zawngchhuak tur che ni lo"a ti hmak a.

"Engkim min hrilh rawh,Lucas pa leh ka nu kha a inngaizawng thin a ni tiraw"ka tisap a.

Maktih hmel taka min en in"engtin nge i hriat,tkin nge hrilh che"a ti a.

"Lucas pain an ina kan kalin minlo hre nghal a ni,ka nu kha amah avanga boral anih thu a sawi bawk"ka ti a.

Thaw hak pahin"nidangah Michael-a chu ka la be dawn nia,bawihi Lucas nen eng inkungkaihna pawh lo nei tawh mah ula,thlah turin ka duh che a ni.nangmah avangin fahrah an pung tur a nilo,bakah Armani chhungkua ho hian nasa takin an rawn bei zui zel ang che,Lucas i thlahtham hma loh chuan margareti anga rilru hah taka i hringnun hmang turin ka duhlo che a ni"nghet charhin a ti a.

"Mr michael vang a mi?"ka tih chuan a chhing sawk a,maria-i leh Tom-a an rawn chhuah avang chuan"kal chhuak phawt teh ang u"tiin ka banah a chelh nghal a.

Pawna motor lo inhungsa ka hmuhah chuan min nawr lut a.

Lucas'an min rawn phone chuan inthlahrung ru takin ka pa chu ka melh a.

Ka pa in"mr santoz a nih chuan la suh ang che"rum zetin a ti a.

Ka pa thu hi hnial ka hreh takzet,keimah avangin nikhaw hre lovin a awm tawh a,tinat leh ka duh tawhlo ani,he khawvela ka pa neih chhun a ni a,ka pa hi damtha tak leh hriselna tha tak neiin awm se,min dampui reng se tih hi ka duhthusam a ni.bakah ka pa thu hniala milan-a ka awmzui zel a nih chuan ka chungah engthil nge rawn thleng ang tih ka hrelo a ni.

Lucas vawi thum min rawn phone naah chuan hreawm ti tak chungin ka phone chu ka off nghal a.

Tukverh-ah chuan dakin ka rilru ipik tak mai chu thil thaw lenbo tir tumin ka thaw ham ham a.

Ngatinge a nawmsip bawl nan mai mai min hmang a ni tih ka hre chung pawhin ka ngaihtuah reng le.ka kuta zungbun min buntir chu ka tuai nauh nauh a.

Dawr pakhatah ka pa chu lutin sim card thar a va lei a"hei hi hmang rawh,i ta kha min lo pe la"a ti hmak a.

Naples kan thlen meuh chuan ka chau nghulh ni berin ka hria.ka ni Cynthia-i lah chu min hmuh avanga lawmin a te chul a.

"sop,chanchinbu leh Tv a ka hmuh che khan mak ka ti takzet,bakah michael-a fapa nen ber kher hian engtin nge in inhual theih a,khuanu remruat a ni ngei ang"min kuah chungin a ti chul a.

Ka pa in"ka u,tul lo pui puiin tawng lo teh,kan chau a nia,ni hnih kan cham anga,sophia-i chu engtik thleng nge a rawn cham dawn tih ka la sawi thei rihlo,hun engeti chhung chu lo enkawl ang che,mahse hun kal tawh hnu naupang bulah an sawi vak vak ngailo nia"a ti hmak a.

Ni Cynthia-i chuan hmui ner nak pahin"naupang pawh an nih tawh lnm hi"ka hriat tawk vel lekin a ti a.

Ni Cynthia hian huan thlai enkawl nuam a ti em em a,a pasalin kum nga kalta khan a boralsan a,vanduaithlak tak maiin fa an neilo a.a unaupa neih chhun fate hi min ngaihsak em em a.an in lian tak maiah chuan awmpui pahnih a neiin ama tawkah a tul ve em em a.

Mutna tur vel an siam fel chuan Tom-a nen room khatah mut tir a.

Ka inbualzo chu Tom'an a bula thu turin minlo hui a,"eng thil nge ni le ta"tipahin a khumah ka lawnkai nghal a.

A laptop chu ka lama rawn ti awn pahin"enteh hei darkar chanve liamta a,an upload kha nih hi"a ti chuan Tina-i leh Lucas-a inkaidun lai thalak hi a ni a,chupawh Porta Nouva hotel chhungah lehnghal.

Chu thalak ka hmuh rual chuan ka thinlung chhung hi a rawn tawt nghal up up a,Tom'an min biakna te pawh chu ka chhang thei heklo,ka hrawkah hnawhtu awm ang mai hian min phuar tlat a ni.

Tom'an"henu hi chu a thian mai mai a niang,inla inhual tho kha"a rawn tih chuan ka nghing lawih a,rangtakin ka kuta zungbun chu ka phelh a,chhuatah ka vawm nghal a.

Makti zeta min rawn en chungin"sop,i tha em?"a ti a

Ka thochhuak nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:09 pm

Ngatinge ka thin zawn hi a nat em em le!kei hi hmeichhe thlem sam leh tenawm tak ka ni in ka hria.

Ka pa thusawi kha a dik chiah,Lucas hnaiah ka awm loh hi ka tan a tha ber.

Naples pana kan tlan laia monica-i message min rawn thawn kha ka la hre reng.(Luc,hian hmanrua atan chauh a hmang che ni,keimah ang tho vin a tina ve ngei ang che,a kiangah awm duh tawh suh)a ti nih kha.

Lucas nen kan awmdan engkim mai kha mumang ang ni vekin ka hria,kan inhmuh atanga reiloteah kan inhual a,khawvela hmeichhe vanneih ber ni maiin ka hria,ka pa leh ka chhungte pawh sawisel tur awmlo khawpin a ngaihven a.khangte kha a lemchanna vek a ni maw!

Engthil chiah nge ka lakah hian duh aneih,diktaka sawi chuan designers hrang hrang te leh photographer thenkhatin min thawhpui an duh avangin lehkha leh internet atangin min umzui nasa em em a.

Tumkhat lunch kan ei laiin photographer douglas tih hmingpuin min thawhpui a duh tih ka hrilh chuan"keima vanga rawn sawm der mai mai che an nih kha,ngaihven buai duh suh"a ti hmak a.khata tang khan engmah ka ngaihven zui duh tawh lo a nih kha.

Naples a ka awmna pawh thla hnih a tling ve leh tep tawh,tleirawl panga mipa pahnih leh hmeichhia pathum hi tlai tin french,spanish leh Greek tawng ka ni Cynthia-i study room-ah ka zirtir thin a,a chang chuan min fiam ve leh zeuh thin,thla pawh min lakpui ngun khawp mai.

Chanchinbu,TV, phone leh internet lampang chu engmah ka ngaihvenin ka khawih duh lova,ka chhungte pawh kar khatah vawi hniah vel bak ka be duh lo.Lucas-a vanga ka rilru natna hi a nat belhchhah zual sauh ka hlau ni.

Lucas'an thinlung natna min thlen avanga hian ka taksa lang thei thlengin a hriat tawh.zunbun ka paih tak kha a tukah ka zawng hmu leh a,zantin ka kuttangah bunin ka mu thin a,a chang chuan Lucas'an min kuah ang te hian inngaihtuah chang ka nei fo a,ka muhil te hi ka mumang lama Lucas-a ka hmuh vangin than harh chang ka ngah mai.

Ka pa pawh dem lek lek chang ka nei fo,ngatinge Lucas hmu tura minlo kaltir kher le?Lucas pa vangin ka nu a boral tih a hre ve ngei awm si a.ka nu duhthusam chu engthil nge niang le?ka pa khan min hrilh a tum loh hmel ropui bawk si.

Tlai khat French tawng ka zirtir zo chu Ni Cynthia'in a huana Carrot hmun a pawh fai lai chuan a bulah ka va kal a.

Hnim pawh pui ka tum chuan ka kutah lo manin"lo pawt ve duh suh,i pawt phawi zo lovang,he i kut cher tak hian"tiin min en vang vang a"Bawihi,Lucas hi i vei thin em?"a ti sap a.

A hmel en lovin carrot chu ka melh a"vei lo"pangngai thei ang berin ka ti lui a.ngatinge a hming ka hriat ringawt pawha ka nat em em zel le,zan tin Lucas-a ngaituah reng rengin ka tlai tak takah ka muhil thei hram a,ka ni grep wine pawh a rukin zanah ka insak ziah a,Lucas-a ka ngaituah loh phah chuang si lo.
Ka ni in"darthlalang hmaah i ding ngai em?"lungawilo hmel taka a rawn tih chuan ka bu ngat a.

A kutkawr bunlai chu phelhin min kaitho a"lokal rawh verenda ah sawn i va thu dun teh ang,i taksa ruhkawl ang mai ka hmuh hian ka rilru a na ni,a hrim hrimin miss Armani rai vang a ni lawm ni,i pain Lucas santoz-a then tura a tih che"a ti hluai a.

Verenda thutna a thu thla pahin ka maimiching vang vang a"Ni khawngaihin tianglam chu sawidun lo teh ang"ka tisap a.

Ka kut phaha rawn humin"Ni lo,ka hriat angai,chanchinbu leh Tv lama Lucas-a hmel ka hmuh hian a hlimlo a ni tih ka hria,monica-i nen an inhual emaw inneih tih thawm reng reng engmah a awm bawk si lo"ati ngat a.

"Ni hmeichhe dang a nawmsip bawl nan a hmu leh tawh niang chu"ka ti hmak a.

"Nilo,chutiangin Michael-a fapa a awm lovang,a hrim hrimin i pa nen in inbe hnai em"a ti a.

"Hnai lo,engatinge an mahni in min rawn biak loh chuan biak dan tur pawh ka hre lo,nangman bia la"ka nuilui sak pahin ka ti a.

"Michael-a damloh thu hi i hre tawh em?"a tih chuan "aw hria e.kan inhmuh pawh khan a damlo tih ka hria lawm"ka ti nghal a.

"I hmu tawh amaw,engthu nge i bulah a sawi,i nu chungchang a sawi em?"makti hmel taka min en chungin a ti a.

"Amah avanga ka nu boral thu leh an inngaihzawn thin thu min hrilh a"ka tisap a.

Phawk zeta min en chungin"Enga,engthu maw a hrilh che?i nu kha amah avanga boral a ni reng renglo,motor break fail vang nih kha,michael chuan thudik a hriat ve vat a ngai ni,ngatinge carlos pawh hian engmah a hrilh lo emaw ni le"a ti hlar a.

Ni Cynthia-i thusawi chu mak ka ti takzet a ni.Lucas pain rilru nat hmel taka ka kut a vawnlai kha ka mit thla a.

Ngatinge ka pa khan engmah a sawi loh le!

Ka pa phone ka tumlai chuan maria'in min rawn phone a.

"Sop,i pa hian min kalsan takngial dawn a ni,khawngaihin lo haw rawh"tap tuau chungin a rawn ti nghal a.

Ka thutna atanga tho chhuak pahin"ngati teh thut nge,a va mak ve,tunah engtin chiah nge a awm,phili buai lovin,damdawi in lamah kalpui rawh"ka ti a.

A insut ri hraih a"damdawi inah kan awm mek,engmah hrilh lo tur che in min ti tlat a,Lucas pa Mr santoz nen an inhmu zo a rawn haw lam khan a chau thut a"a tih chuan ka nghing lawih a.
Phone chu dahin ka ni chu thil awmzia insiam pahin hrilh zung zung a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:09 pm

POWER OF LOVE AND ATTRACTION-19

Postby Basta Tlau » Wed Oct 05, 2016 4:12 pm
Ni Cynthia nen san carlo hospital lam panin hmanhmawh takin kan kal nghal a.

Ka pa hian ngatinge a damloh thu hi engmah min hriattir a phal loh le?a fanu angah min ngai tawhlo maw ni dawn le?ka thin a rim hlur a,mahse ka pa ka ngaihtuah tel tho bawk si a.

Ka pa awmna room chhung kan luh chiah chu maria'in min rawn kuah thlawp pahin"sop,ka mangang takzet a ni,a hriselna hian hma a sawn thei bawk si lo"a ti hliam hliam a.

Ka pain chau hmel zeta min rawn en hnu chuan a maimichhing leh nghal a,aban leh ke a vein chu an hmang nasat tawh avangin a chal ah venflon vuahin drip an khaisak a,hmuh theih khawpin a taksa chu a chhe chak khawp mai.

Maria-i hnenah chuan "ngatinge a tir in min rawn hriat tir loh"lungawilo leh beidawng zetin ka ti sap a.
Ni cynthia'in"doctorin engtin nge an tih"a ti sap a.
Maria'in"A cancer hi a intaidarh nasa tawh lutuk a,zai an huphurh bawk si nen"a ti a.

Ka pa chuan theih leh thei lovin ka hming a rawn lam chhuak tawk ri kan hriat chuan amah kan en nghal a,a bulah kunin a kut cher tiak maiah ka humsak nghala,"pa ngatinge tianga i awm a?"ka tisap a.

"Minnn ngaiii damm rawh awww"harsa ti takin a rawn ti chhuak a.

"Pa chutiang an sawi ngailo,i fanu ka nih hi,ka tana tha tur ang zelin alawm min enkawl,engmah sawiselna ka nei hleimmem"ka tisap a.

A lu chu thing pahin"vaaa hmuu rawh"ban chatin a ti a.

A awmdan hmuh hreawm ka tih em avang chuan"pa engmah sawi tawh suh,hahdam takin awm rawh"ka tih chuan ka kut chu a rawn hmer a.chumi hnu lawk chuan nasa takin a rawn thaw vak vak a,rangtakin nurse duty kohna bell chu Tom'an a hmet ri nghal a.

Ka pa min hmerna kut a zawi hnawk rual chuan makti zetin ka en a,aw ring taka ka koh chuan hria ang pawhin a awmlo,maria-i lah chu nikhaw hre lovin chhuatah a let bawk nen,engkim mai chu a buai nuai ni berin ka hria.

Nurse leh doctor ten ka nu leh pa an buaipui lai chuan Tom nen inkuah rialin ka dinga,engtinmah kan chesawn lova,an thil tih chu kan lo thlir mawl tawp ani.

Ni Cynthia'in kan pahniha min rawn kuah pahin"pawnah lo va chhuak ang u,nurse leh doctor ten engkim an tifel vek mai ang"mittui luang chunga tipahin min chhuahpui a.

Ka awih theilo zawk,engtlk hunah emaw chuan min la boralsan dawn a ni tih ka hria,mahse tun thut thut a min kalsan hi ka beisei lo.

Ka pa boralna pawh kar khat a lo ni ve ta reng mai.a boral atang khan kan awmdan a buai nuai ni berin ka hria.Ni cynthia-i pawn min hawsan tawh a,maria-i leh Tom-a te nen khawhartakin kan awm a.

Ka taksa a chau thei em em avangin inah ka tawm chawt a,a chang phei chuan ka lu a hai muai muai zel,ka luak te hi a chhuak thei em em mai lehnghal,ka thil eitlem vang a ni ngei ang,a remchan hunah ka la inentir ang.

Zana ka muthilh thei lawk thin loh avangin lehkhabu chhiar in khumah ka thu awn a.maria'in ka room kawngka a rawn kik chuan ka va hawnsak a,"engthil nge ni ta?lokal rawh"ka ti nghal a.

Ka khuma thu thla pahin"Sop,Lucas hi i hmangaih em?"ka mita chiang taka min en chungin a ti a.

Lucas-a hming ka beng hriata a rawn rik leh avang chuan ka mittui a rawn tling nghal piau a,"ka hmangaih leh hmangaih lohin awmzia a nei hleinem"ka tichhuak sap a.

Maria insut deuh hraih ri ka hriat chuan a hmel ka en vat a"ani khan ahmangaih che ani,sop,carlos leh kei hi min ngaidam hram rawh aw"mittui far chunga a rawn tih chuan ka thaw hak a.

"Ngaidam in ngaihna engmah a awmlo,va mu hahdam tawh rawh"a kuta chelhsak pahin ka ti a.

"Ni lo,ka muhil thei chuanglo,Carlos kha Michael nen an inhmuh zan atanga adamlo zual a ni.i chunga a awmdan avangin a inchhir em em a,a chanchin hrilhlo tur che a,min ngen avangin a awmdan engmah ka rawn hrilh ngam lo che ani,Sop,margareti duhthusam nia,carlos'an a sawi thin chu.Micheal a fapa Lucas leh nang hi inhmangaih tawn takin innei thei ula tih hi a ni"a ti sap a.

Makti zetin maria-i chu ka en hau a,"ka nu duhthusam chu a thleng ngai lovang,Lucas te chuan nupui dang a nei tawh ngei ang"ka tisap a.

Maria'in makti hmel taka min rawn thlek vang vang hnu chuan"Lucas'an nupui a nei reng renglo,Sop i chanchin leh i awmna min rawn zawt reng thin asin,kan in kawtah hian zan rei tak tak thleng a awm fo a ni,mahse i pa zual atang khan a reh hmak a,ngatinge a chhan ka hre biklo"a ti sap a.

A va mak ve"ngatinge engmah min rawn hrilh loh,hlim takin a awm ka ring asin"ka ti a.

"Ni e,kan tidiklo a ni,Monica'in nau a chhiat atang khan kan tidiklo chiang hle a ni tih ka hria,ahma pawhin Lucas khan Monica-i fa pai mek kha ama fa anilo tih a sawi a,mahsela monica-i berin khatianga thil a lo sawi avang khan rin mai harsa kan ti a"a ti zawi sap a.

Ka thu hriat zozai te hian min ti chau nghulh ni berin ka hria.Lucas pa bulah ngaidam ka dil ngei a ngai ni,amah avanga ka nu kha boral emaw tiin rilru na takin a awm a,keilahin a natna ka lo belhchhah leh zel si a.

Lucas-a hmuh ka chak rualin,ka huphurh tak zet ani.a chunga ka awmdan leh thil tih avang khan min ngaidam thei angem le?nge ngaidam tlakah min ngailo zawk angem?ka thaw hak ringawt a,tinge keimah leh keimah ka lo inhrem le

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » October 9th, 2016, 5:10 pm

Maria'in ka room atanga min chhuah san hnu chuan rilru ipik zetin Lucas-a zungbun min pek chu ka tuai neuh neuh a.internet lama a chuan a chanchin an ziahna enin ka chhiar a,zan tlai fe hnuah chuan ka muhil ve hram a.

Zinga ka thochhuak chu ka luna bur a,ka pum chu a ni nghul a,luak chhuak zetin bathroom ah ka tlan lut nghal a,ka luak zo chu ka chau nghulh ni berin ka hria.vawiin chu inentir ka ngai ni,ka pa kha cancer vangin a boral a,ka tan pawh cancer veina chance a tam tih ka hria.

Maria'in min hruai talh a tum avangin Qunto Romano hospitalah inentir turin kan kal a.

Inentir turin midangho te nen chuan kan thu thap a,banga an thil tar vel chu ka thlir mai mai a,kan bula mite thawmri hak ka hriat pawh chuan ka ngaihsak duh lem lova,maria'in ka naka min rawn nghawk zeuh avang chuan ka hawisawn nghal a.

Lucas chu vung zeta kan lama a rawn kal hi ka hmu a,a la mengrum em em zui,ka mitthla mai a nih ringin ka mit khap fak fakin ka nuai zauh a.

Ka hmazawnah tak a rawn ding rual chuan ka thin a rawn phu dup dup nghal a,zam zetin a hmel ka en chho a.

Hmel chang ula min lo melh chhuk kur pahin"engthil nge helaiah tih in rawn tum?"a ti hmak a.

Ka hrawk a tawt up up avang chuan ka chhang thei mai lo a.

Maria'in ka kuta rawn chelh pahin"sop,hi a damtha lova,kan inentir dawn alawm"a ti sap a.

Ka bana na zeta rawn phih tho dawrh pahin"dawt sawi hrat tak chhungkua in ni tih hrelo turin mi a ka ni lo"tiin min kalsawnpui dawr dawr nghal a.

Maria'in min rawn umzui pahin"thlah rawh,inentir tura kan luh a hun tep tawh nia"a ti hlak hlak a.

"Dawt hmangin nung tawhlo sela,a dam mai ang"Lucas'an a tih chuan ka thaw hak a,ka awmdan zawng zawng kha dawt niin a ngai amaw?ka awihtheilo zawk,he mihring hi engtin nge ka lo ngaihtuah reng theih le.ka lu lah chu a hai em em mai lehnghal a.

Ka bana a vawnna chu a hmer nghet em em a,kan kalpelh hote lah chuan min enzui nasa hlawm bawk nen.maria'in"khawiah nge hruai i tum?"a rawn ti vin hlar a.

Lucas-a ding chawt rual chuan ka mit a vai rum rum a,ka khaw hmuh a rawn thim nghal mup bawk a,kut tha chak zetin min pawmlai chu ka hre ruai ruai a.

Ka harhchhuah chuan khumah ka lo mu a,ka kuta minlo chelh tu awma ka hriat avangin ka en a,I.V Fluid min lo khaisak a,ka kut chu maria'in a lo vuan reng bawk a,ka mengchhuak a rawn hmuhrual chuan ka chalah a rawn khawiha,"ngatinge engmah i sawi loh,i ni hnenah tal sawi tal tur che alawm"a tih chuan ka hrethiamlo hle a.

"engtin nge ka awm a?"ka tichhuak sap a.

"Thla thum mi naute i pai alawm"rilru nat hmel takin a ti a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)